أسمهان وعبدالرحمن قصة أسرية هادفة بكل اجزاءها متتابعة روآية سعودية

مرت الأيام واسمهان على حالها معلقة الجوال كأنه حلق بإذنها وأبوها ملاحظ ومطنش!! وبدأت المدرسة وبدأ الترم الثاني والتقوا الشلة أول يوم بالأحضان وبعد التحايا والسلام والسؤال عن الأحوال....دار الحوار..
اسمهان:ياالله..كيف مرت العطلة بسرعة البرق ماحسيت فيها!
أفنان:يحق لك ياعروس!أيامك عامرة بالأحداث الحلوة!
اسمهان:ههههه..يلا كل وحدة فيكم تقول شلون قضت عطلتها؟؟
نجلاء:عقب ملكتك يااسمهان بيومين سافرنا لأجدادي واستانسنا..
مرام:أما أنا انهلكت بالمشغل زباين رايحين وزباين جايين وأوقات تتأخر وحدة من الكوافيرات وأضطر أمسك شغلها بدالها بالصبغات أو السشوار أو لف الشعر..يعني كانت بالنسبة لي اجازة مرهقة!!!!
رانية:أنا مثل ماتدرون كل يوم بعرس وكل عرس أحلى من الثاني..ليتكم معاي بس...
نجلاء:تستعرضين رقصاتك؟؟ولاتدورين عرسان؟والله يارانية على كثر حرصك على حضور الأعراس!إلا اني أحس إنك آخر وحدة بتتزوجين فينا!!!
أفنان:ماشاء الله عليك مدري كيف تنبسطين في الأعراس؟...أنا طول الاجازة ماطلعت إلا مرتين أمي اللي تطلع بس ولاتاخذنا و دايماً تقول البنت العاقلة مكانها المناسب بالبيت..ونصيبها يجيها لين حدها!!!!
رانية:أي بيت؟ياأم نصيب؟؟أنا مدري شلون مايجيك اكتئاب وضغط وسكري من لبدتك في البيت؟أمك تسلي نفسها وتسوي لك دعايات محمسة تحببك في حبسة البيت!!!
أفنان:بس عادي أنا تعودت على جلسة البيت فيها راحة وهدوء..أحسن من الطلعات والزيارات...
رانية:كلن بــــ رشده يعيش!!!
نجلاء:إلا عبير وش صار بسالفتها؟
اسمهان:لا حد يسألني!أنا أتعمد ماأسأل سماح إن قالت شي بكيفها سمعته..وإن ماقالت ماأتعب نفسي وأسأل.. لكن آخر شي عرفته انها معجبة العريس وينتظرون نتيجة التحاليل..
ودق الجرس وبدأ اليوم الأول لعب بلعب لأنه الدراسة عادة ماتبدأ من أول يوم طول الوقت كان الجميع يتبادلون أخبار الاجازة..واسمهان تحكي لهم عن مواقفها الكوميدية,,,
واستمر الأسبوع الدراسي الأول واسمهان بس تكلم عبدالرحمن أغلب الوقت لدرجة انها تكلمه حتى في الصباح قبل ماتروح المدرسة!!!
لما انتبه أبوها تركها لين يوم الثلاثاء وعصب مرة عليها وسحب الجوال منها وقال:شايفك طول الاجازة وانتي تثرثرين على الجوال ومخليك!بس توصل انه حتى أيام الدراسة يتصل فيك بأي وقت ويشغلك عن دراستك؟ هذا اللي ماأبيه لذا بآخذ جوالك عندي لين يتأدب خطيبك ويتعلم الأوقات المناسبة اللي يكلمك فيها!!!!!!!!
ومر الثلاثاء والأربعاء والخميس والجمعة وعبدالرحمن قلقان على اسمهان كل مايتصل فيها يلقى جوالها مغلق!!
في الجانب الآخر كانت سماح يوم الخميس ببيت أهلها مع أمها وأختها هند وخالتها وتركي جاهم ومعاه نتيجة التحاليل..
وقال: تصدقون إن عبير طلع فيها السكري؟!!!!!!
وتفاجأوا كلهم..قالت أم تركي:الله يشفيها ياولدي
هند:ياحرام ..يمكن مسكينة ماتدري ان السكري عندها!!!
خالة تركي وكانت متزوجة واحد من أقارب عبير قالت:شلون ماتدري وأنا أتذكرها من يوم هي صغيرة تطق إبر؟!!!!!!!
التفتوا كلهم لها وقال تركي:انتي من صدقك ياخالة؟؟؟؟؟
الخالة:ايه وليش بأكذب عليكم؟
أم تركي:الله يسامحهم وليش ماصارحونا؟حِنا من البداية قلنا لهم إن تركي عنده نقرس!وأوقات تهيج عليه رجوله!
هند:أكيد يمه خافوا يصارحونا ونرفضهم!
التفت تركي لسماح وقال:اش رايك ياسماح؟ماسمعت لك راي؟؟
سماح:الصراحة أنا أشوف المرض ابتلاء ومو بيد الواحد وماهي حلوة بحق الناس نرفضهم عشان بنتهم مسكينة مريضة سكري..هذا انت مريض نقرس ورضوا فيك!!!!
هند:يعني اللي خلقها ماخلق غيرها؟؟بنات الحلال واجد..وبعدين مايخفى عليكم مضاعفات السكر..ممكن يؤثر على الانجاب والنظر والكلى ويجيب الغرغرينا والعياذ بالله لو مااهتم الانسان بجروحه!!
سماح:لاتكبرون الموضوع عاد..البنت ماشاء الله رشيقة يعني واضح انها مهتمة بنفسها ومو بعيدة انها تتبع حمية معينة يعني تأثير المرض بيكون بسيط ومو ملحوظ عليها...
تركي:الحقيقة أنا بعد تعلقت فيها من يوم الشوفة بس مقهور من أهلها وعدم صراحتهم معانا!
أم تركي:ياولدي لاتسيء الظن..يمكن فكروا انه لو ماصار بيننا نصيب انه مو حلوة بحق بنتهم ينتشر عنها انها مريضة....أنا أقول توكل على الله وعساها من نصيبك..
تركي:بإذن الله والله يكتب اللي فيه الخير..
واليوم الثاني كان الجمعة غداء العائلة كتمت سماح الموضوع عن الكل...(أهل زوج محمد)
وجاء السبت وعبدالرحمن قلقان على اسمهان اللي قافلة جوالها طول الوقت..
وفجأة وبوقت الفسحة جت أم سالم الفراشة ونادت اسمهان وقالت لها:أبلة جوهرة تبغاك بمكتبها!!!
راحت اسمهان لأبلة جوهرة اللي قالت لها:شلون أهلك يااسمهان؟؟
اسمهان:بخير...
جوهرة:خذي الجوال فيه اتصال ضروري لك!
اسمهان(برعب):خير أهلي فيهم شي؟؟
جوهرة:ردي وانتي تعرفين!!!
سحبت اسمهان الجوال وحطته على إذنها وهي بقمة الخوف وصاحت:آلو!!
عبدالرحمن:صباح الخير سمهونتي!!!
اسمهان:هذا إنت؟؟؟؟؟
عبدالرحمن:إيه..ليش ماودك تسمعين صوتي؟؟
صارت اسمهان تناظر أبلة جوهرة اللي فهمت قصدها وخرجت من المكتب!!!
اسمهان:لا...ماقلت شي بس السالفة انه أبوي ماخذ جوالي..وحكت له السالفة...
عبدالرحمن:معذور أبوك شكلنا مصخناها بالمكالمات المفروض يكون عندنا تنظيم للوقت ونتصل ببعض بأوقات مناسبة ومعقولة..
أنا أشوف إنك لازم تعتذرين من أبوك وتوعدينه إنك ماتكلميني يومياً!!!
وبعد الأخذ والعطاء انتهت المكالمة...
ودخلت أبله جوهرة المكتب وقالت:اسمهان انتي تدرين لو يدري أحد إني خليتك تكلمين خطيبك من جوالي أثناء الدوام الرسمي راح أتعرض للمسائلة والمشاكل؟؟؟؟؟
اسمهان:إيه..بس انتي اللي ناديتيني!!!
أبلة جوهرة:خلاص انسي الموضوع ولاتعلمين أحد من ربعك..اتفقنا؟؟؟
اسمهان:اتفقنا!

سافرت ابتسام ورجعت بيتها...
و من كثر مااسمهان ميتة على مكالمات عبدالرحمن راحت لأمها بنفس اليوم اللي رجعت فيه من المدرسة وقالت:يمه تكفين...طلبتك لاترديني!!
الأم:خير؟؟وش تبين؟؟
اسمهان:أبي جوالي!
الأم:تبين الجوال؟؟ولا تبين تسمعين صوت اللي جاب لك الجوال؟؟؟
اسمهان:الصراحة...الاثنين!!
الأم:يابنتي أبوك يبي مصلحتك..ماهي حلوة هالخفة بحقك...بكرة لاتزوجتوا وأخذتوا على بعض مع الوقت بيتجرأ عليك عبدالرحمن ويعيرك بخفة عقلك!!
اسمهان:انتوا اشفيكم علي؟؟كأني قاعدة أطارد وراه طول الليل والنهار!ماكأنه هو اللي بيستخف عشان يسمع صوتي ويراسلني!!!!
الأم:ولو يابنتي...بس بالرغم من هذا كله أوعدك أكلم أبوك في الموضوع.....
وبالفعل بعد الغداء كلمت أمها الأب في الموضوع وبعد جدال ناداها وقال:اسمعي يااسمهان جوالك بيبقى عندي من السبت للثلاثاء وأعطيك اياه بس بعطلة نهاية الأسبوع!!وترجعين تعطيني اياه وتاخذينه بعطلة نهاية الأسبوع اللي بعده وهكذا..وتفهمين خطيبك هالحكي.عشان مايقعد يأذينا بمكالماته كل يوم!!!!!
اسمهان:ان شاء الله يبه أوعدك!!
الأب:خلاص..اليوم سبت يعني باقي 3 أيام ويجي الأربعاء...يومها تعالي خذي الجوال!!!
اسمهان(بخيبة أمل):ان شاء الله...
_________
في بيت عبدالرحمن كان عبدالمجيد يتحاور مع أمه عن رغبته بالزواج وخاصة انه نقل بشكل رسمي لجدة...وفرحت الأم وقالت:أبركها من ساعة..بأعطيك وحدة من الشقق اللي فوق..ويصير زواجك بنفس الليلة اللي بيتزوج فيها عبدالرحمن...!
بس ينقصنا العروسة المناسبة..وبدأت رحلة البحث..
ونهاية الأسبوع رجع الجوال لاسمهان اللي كانت طايرة من الفرح بعد ماانحرمت من صوت العريس 3أيام وراحت تتصل عليه ولكنه مارد عليها!!حاولت مرة ومرتين وثلاث ولامن مجيب وكان الوقت بعد العشاء!!
رجعت أرسلت رسالة عتب تقول فيها:
هذي جزات اللي زف لك بشرى
تبادله بـصــــــد وهــجر وحرمان؟
تحلم أرد ولو تتـــــصل إلى بكرة
خلك تشوف وِشهي قيمةاسمهان
ومردقايق ثم ربع ساعة واتصل عبدالرحمن ومن فرحتها نسيت رسالة العتب حقتها وردت بسرعة!!
اسمهان:آلو..هلا!!!!!!
عبدالرحمن:مو انتي اللي تقولين ماراح تردين لو أتصل إلى بكرة؟؟؟
اسمهان:ماأنلام..قهرتني بتطنيشك!ماتجيبك إلا المسجات!!
عبدالرحمن:ولاتطنيش ولاشي أنا اليوم عندي دوام مسائي بدأ من بعد الظهر إلى الليل وقبل شوي كان عندنا اجتماع وممنوع دخول الجوالات..فحطيت جوالي على الصامت وحضرت الاجتماع وتوني طالع شيكت على الجوال ولقيتك زعلانة وقلت لازم أوضح لك الموضوع!!
اسمهان:ومتى بتطلع من عملك؟؟
عبدالرحمن:بعد ساعتين..
اسمهان:خلاص إذن ماأعطلك..إذا فضيت كلمني...
وانتهت المكالمة..ونزلت اسمهان للصالة..لقيت أمها مستعدة للخروج.
اسمهان:على وين يمه؟؟؟
الأم:رايحة المستشفى ولدت بنت صاحبتي عواطف ورايحة أبارك..ودك تجين معي؟؟؟
اسمهان:لا...مالي نفس بأنثبر في البيت..بس بكرة لازم تطلعوني وتعوضوني عن قعدة اليوم!!!!
الأم:ان شاء الله ..أي طلبات ثانية ياأميرة؟؟
اسمهان:لا شكراً..رافقتكم السلامة!!!!!!
وخرجوا أبوها وأمها..وظلت هي بالبيت...
شوي واتصلت أفنان...وبعد السلام والكلام...قالت أفنان:غريبة اليوم أربعاء وقاعدة بالبيت يااسمهان؟؟؟؟؟
اسمهان:واش الغريب؟؟تحسبيني رانية؟؟
أفنان:لا بس أخيراً لقيت أحد مثلي جالس بالبيت...
اسمهان:صحيح...انتي ليه دايماً قاعدة بالبيت؟مع إن أهلك يطلعون؟
أفنان:وأختي من يجلس معاها؟؟
اسمهان:وليش ماتاخذونها معاكم؟
أفنان:كيف ناخذها يااسمهان أختي سندس معاقة!!!!!!!!!!!
اسمهان:معقوووووووله..كل هالسنين وعمرك ماكلمتيني عنها؟
أفنان:تكسر خاطري دايماً لاجبت طاريها..ماأحب أتكلم عنها كثير..
اسمهان:وكم عمرها؟؟
أفنان:عمرها13 سنة!!!!!!!!!
اسمهان:ياقلبي عليها واش مرضها بالضبط؟؟
أفنان:عندها ضمور في الدماغ ومشلولة كلياً..وكفيفة..وماعندها أي وسيلة تتواصل فيها معانا إلا اللمس!!
اسمهان:طيب تتكلم؟؟
أفنان:لا..عندها ضمور كلي وتخلف كامل..بس أحس إنها تعرفني وتفرح فيني لاكلمتها وكنت قريب منها..لأنها معتمدة علي بكل شي حتى بتغيير غيارها الداخلي الله يكرمك!!!
تبللت عيون اسمهان بالدموع وقالت:هي بالغة؟ومثلها مثلنا تتعرض للـ....؟ الشهرية؟؟؟؟
أفنان:ايه..وأنا المسئولة عن تنظيفها والتغيير لها...
وانفجرت أفنان بالبكاء..لدرجة انه اسمهان ماعرفت كيف تسكتها..
أفنان:نفسي أعيش حالي حال البنات..بس من أتذكر أختي ومعاناتها ينكسر خاطري وأموت من الحزن وأقول الله يسخرني لخدمتها طول العمر...
اسمهان والعبرة خانقتها:الله لايحرمكم من بعض..ويشفيها يارب
أفنان:لهذا السبب أمي حالفة ماتزوجنا لأحد من الأقارب..لأنه أبوي يصير ولد عم أمي..وسبق إنه كان عندي أخ يعاني من نفس المرض لكنه توفى بعمر5سنوات..
وواحد من أولاد عمي يعاني من نفس المرض...إلى الان..
اسمهان:الدنيا هذه ابتلاء ياأفنان ومن شاف بلاوي الناس هانت عليه بلاويه الحمدلله ان ربي خلى ابتلائنا بأنفسنا..غيرنا ابتلاهم بالحروب والفقر والخوف والجوع..وثقي تماماً إن ربي بيجازيك على صبرك خير..وهذا توفيق من الله لإختك انه سخرلها أخت تحبها وترعاها...
أفنان:الله يسعدك يااسمهان ماتصدقين اش كثر كلامك خفف عني بعد ماالهم ضَيَّقْ صدري..والحين عن إذنك صار وقت نومها ولازم تنام...مع السلامة
اسمهان:مع السلامة..
وحطت اسمهان السماعة وراحت تبكي...وشافتها شغالتهم كاتيا وقالت:ليه مدام اسمهان انتي فيه يبكي؟؟مستر أبدورهمان(يعني عبدالرحمن)سوى مشكله؟؟؟؟؟؟
اسمهان:بعيد الشر عني ان شاء الله روحي اعصري لي جلاس أورينج يبرد على قلبي..
وراحت كاتيا وظلت اسمهان حزينة تفكر:ياترى اشفيها الدنيا كذا؟محد مرتاح؟كلن يشكي همه ويعاني من بلاوي..وأنا إن حصل لي موقف بسيط مع عبدالرحمن اسودت الدنيا بوجهي؟؟؟؟؟؟!!!!صدق اني سخيفة!!وعايشة بنعمة ومو حاسة!!!
وقعدت تطقطق على النت وقرأت عن استشارات خرافة الأزلي ويوميات مها وفيصل وجدتي شعيبية وقالت بنفسها:ياحليلها العضوة رماح ردينية دايم توسع صدري بسواليفها وموضوعاتها!!!!!(هههه يقطع أبوالثقة!!!)
إلا اتصل عبدالرحمن وكان عمله انتهى وقد رجع البيت...وبعد السلام..وشوية كلام لاحظ انه اسمهان مهمومة شوي وسألها عن السبب وحكت له عن سندس أخت أفنان.....
عبدالرحمن:طبيعي يااسمهان إنك تلاقين من حولك أنواع الابتلاءات الله ذكرها في كتابه الكريم من قرون وقال(أحسب الناس أن يتركوا أن يقولو آمنا وهم لايفتنون)...دائما على قدر إيمان الشخص ربي يبتليه ويمحص قدرته على الصبر والتحمل..لكن بأقول لك خبر يمكن يفرفشك شوي!!!
اسمهان:قول..قول
عبدالرحمن:أخوي عبدالمجيد نوى يخطب...وبإذن الله بيكون زواجه بيوم زواجنا..
اسمهان:الله يسامحك..مافرحتني!
عبدالرحمن:أعوذبالله ليش تقولين هالكلام؟ماودك أخوي يتزوج؟؟
اسمهان:لا..وإنت الصادق ماودي يكون زواجه بيوم زواجنا!!!!
عبدالرحمن:يالطيف يارب وش هالحسد؟؟؟؟
اسمهان:ولا حسد ولا شي..
المفروض بيوم زواجي محد يخطف الأضواء غيري..وانت تبي تجيب عروس ثانية تنزف معي؟؟؟عشان تخرب طلعتي؟؟؟
عبدالرحمن:انتي وين والنضج وين؟صدق إني ماعندي عقل ولامنطق يوم إني خطبت بنية صغيرة!!
اسمهان:ايشششش؟لك الشرف ياابن الثلاثين!بعد ماشاب ودوه الكُتَّاب!!!!!!
عبدالرحمن:يابنت الحلال خذي الموضوع من منظور ثاني..انتي بتتزوجين وتلاقين لك جارة بنفس العمارة تونسينها وتونسك!لاتزوجتي ومعاك عروس ثانية ثقي إني بأحجز أفخم وأغلى قاعة لأن التكاليف راح تكون بيني وبين أخوي بالنص..مو مثل لو تزوجتي لحالك بتكون التكاليف كبيرة علي وأضطر آخذ قاعة عادية!!!
اسمهان:آآآآآهاااا...يعني بخلك بيجي على قفاتي؟؟زواج منفرد بيكون خربوطي؟؟وزواج الشراكة بيكون خقاقي!!
عبدالرحمن:وش هالألفاظ؟من وين تجيبينها؟خربوطي وخقاقي؟أتوب إليك يارب من فعايلها!!!!
اسمهان:تدري؟ ماأبي أتزوج!
عبدالرحمن:الله يهديك بس..أساساً عقد الزواج معاي وانتي بنظر الشرع زوجتي يعني لو أسحبك من شوشتك لبيتي محد يقدر يكلمني!لكن إحنا ناس نؤمن بضرورة الإشهار وإقامة عرس مرتب يشاركنا الكل فيه بالفرحة....ولاتحسبينه بيكون عادي بنحاول نظهر بعرسنا بأحسن صورة..
اسمهان:تسحبني من شوشتي؟
ليش أنا خروفة؟؟؟؟
عبدالرحمن:الله يصلحك بس!الحين تركتي الهرج كله؟ومسكتي علي هالكلمة؟؟وبعدين فيه حيوان في الدنيا اسمه خروفة؟؟؟؟؟؟؟
اسمهان:إيه..زوجة الخروف خروفة
عبدالرحمن:والله أنا اللي صدق خروف يوم إني جيت أشاورك!!مع السلامة!!!!!!!
اسمهان(وتبي تستفزه):ماااااااء مع السلامة!!!!!!!!!!!!!
الجزء الثالث والثلاثون
مرت الأيام بسرعة واسمهان وعبدالرحمن هذا حالهم...يتناقرون ويتصالحون..ويعوضها عبدالرحمن بزيارات وهدايا...وكان عبدالرحمن يفضل الهدايا اللي لها قيمة معنوية..بس اسمهانوه كانت عكسه كل ماكنت الهدية أغلى كل ماكانت أحلى!!!!(نظريات بنات)
ومرة في إحدى زياراته لها عطاها كرت وقال لها:تفضلي...
فتحته بشغف ولقته فاضي!!وقالت:اش هذا؟؟
قال عبدالرحمن:لو قلت لك ترجمي أحاسيسك بسطرين..في هذا الكرت الفاضي..ياترى اش راح يخط لي قلمك من كلمات؟!!!
قالت اسمهان:جايب لي كرت فاضي يادحوم؟؟ليش؟؟؟ قلة حبر بهالديرة؟!!!
عبدالرحمن:يابنت الحلال ودي أقرأ أفكارك..ودي أراقب أسلوبك..ودي أفهمك أكثر..صدقيني لي نظرة ماتتوقعينها !من خطك أقدر أقرأ نفسيتك!!
اسمهان:أما صحيح إنك واحد فاضي!وليش ياقلبي تتعب نفسك وتقراني شايفني كتاب؟؟ببساطة اسألني عن نفسيتي وأنا أجاوبك!! وبعدين انت جاي تزور خطيبتك ولا تشتغل عليها طبيب نفسي؟؟
عبدالرحمن:يارحمة الله..بسرعة تثورين!!
اسمهان:وش قصدك؟ ثورة؟؟
عبدالرحمن:وش ثورة هذي بعد؟؟ لايكون تقولي لي زوجة الثور؟؟
اسمهان:بالضبط!!
عبدالرحمن:يعني ماصدقنا نخلص من سيرة الخرفان طلعتي لي بسيرة الثيران؟!!!زوجة الثور بقرة يامثقفة!!!!!!!
اسمهان:تطمن أنا لاثورة ولابقرة إنت اللي ثورة!
عبدالرحمن:اسمهان؟؟؟عيب عليك!!!
اسمهان:إنت ماتقول إنك ثورة قلم؟!!!
عبدالرحمن:هههههه..فهمت غلط راح مخي بعيد!هيا وريني ثورة قلمك وش بينتج عنها!!
ومسكت اسمهان القلم وبكل سذاجة سألت:انت اش تبيني أكتب بالضبط؟؟؟
عبدالرحمن:اللي يخطر ببالك ياعمري حطيه الخيار مفتوح أمامك!
وقامت اسمهان تكتب وقالت بشرط انت تكتب في الكرت كلماتك عشان أحتفظ فيه وأنا أكتب بورقة!!!
عبدالرحمن:موافق!
وبدأت تكتب وتغطي الورقة عن عبدالرحمن ماتبيه يشوفها لين ماتنتهي!!!
وأخيراً ناولته الورقة وكان بينه وبين نفسه يتمنى يلقى عبارات مماثلة لــ تختلج في نفسي مشاعر كثيرة يصعب علي الافصاح عنها ويأبى القلم إلا أن يبوح بها!!
أو..أنت فيضٌ من طهارة قد حكتها مقلتيك يعجز الطرف التغاضي عن جمالٍ ساحرٍ بل آسرٍ..كامناً في شفتيكِ!!!!
لأنه العبارات السابقة كتبها لها في الكرت..
لكنه لقي هذه الكلمات:
فرن كهرباء.....غسالة أتوماتيك....قدرضغط...
مدخل لونه بيج...أبجورات راقية...دعاسات!!!!
عبدالرحمن وهو مصدوم:اش هذا؟؟؟الحين لك ساعة تكتبين وبعدها هذا اللي طلع معك؟؟؟؟؟
اسمهان:انت قلت لي اكتبي اللي يخطر ببالك!!
عبدالرحمن:مضبوط..قلت اكتبي اللي يخطر ببالك ماقلت لك وش تبين من البقالة؟!!!!!!!!
اسمهان(بضجر):انت وش يعجبك بس علمني؟؟تبين أكتب لك التمنطق حول اللامنطق؟!
ولا السعي الحثيث لكبح الغزو الفكري؟؟؟؟
عبدالرحمن(بفرح):ماشاء الله هذي عناوين لآخر مقالاتي! انتي تتابعينها؟؟؟؟
اسمهان:إيه,,وأبشرك مافهمت منها شي!!!
عبدالرحمن:في هذي أنا مصدقك!أنتي لو فهمتي وحدة منها أحلق شنبي!!!
إلا دخل أبواسمهان عليهم وجلس وكانت نظراته كافية توضح لعبدالرحمن انه غير مرغوب بوجوده فاضطرعبدالرحمن ينسحب بهدوء!!!
وحط بيدها كيس وهو ساكت ومشى وكان فيه علبة لساعة ماركة وغالية!!نست عقبها الزعل كله!!!!!
ومع الوقت لاحظ الأب انه اسمهان ماالتزمت ببنود المعاهدة اللي تنص على الاتصال بعريس الغفلة نهاية الأسبوع وبس!وعلى ضرورة تباعد أوقات الزيارات وتكون لضرورة بس كمشاورتها في شي معين!!!!!فأعلن الثورة فجأة وصاح:اسمعي يابنت يااسمهان اللي مثلك ماتنعطى وجه وانتي تماديتي مع ولد الناس هذا لذا أنا مافي قدامي غير حل واحد وغصب عنكم راح يصير..
مسكته أم اسمهان تهديه...
وصارت اسمهان تصرخ بأعلى صوت:لاتقولها يبه لاتقولها..خذ جوالي وامنع الزيارات بس لاتفصلني من مدرستي!!!!وقامت تبكي
الأب:وش هالكلام يالثولة؟؟مين قال اني بأفصلك من المدرسة..انتي لو تصيرين تحبين على أربع ماني مطلعك من المدرسة!!أهم شي الشهادة!القرار اللي اتخذته وبيصير سيف على رقابكم هو
إن الزواج لازم يتم بأسرع وقت!يعني بإجازة الصيف ومابقى عليها إلا شهرين!!!!!وغير هالهرج ماعندي!!!!!
اسمهان نشفت دموعها وقالت بداخلها:ينصر دينك يايبه!!!!
هههههههههههه
راحت اسمهان تركض على الجوال بسرعة واتصلت على عبدالرحمن..
وقالت بفجعة وطفاسة غير طبيعية!!:عبدالرحمن بارك لي بأتزوج قريب!!!
عبدالرحمن:ايششش؟؟بتتزوجين مين؟؟
اسمهان:الله يقطع ابليسك بأتزوجك إنت اشفيك فقدت الذاكرة؟؟؟
عبدالرحمن:وانتي اشفيك طايرة؟؟ومين قال إننا بنتزوج قريب؟؟
اسمهان:أبوي قال إن الزواج بعد شهرين!!
عبدالرحمن:ماشاء الله..أبوك يخطط والعريس آخر من يعلم!!لهاالدرجة انتي ذابلتن كبده وموب طايق قعدتك ببيته؟؟؟
اسمهان:إخس عليك يادحوم!!وأنا اللي قلت إنك بتطير من الفرحة!!!
عبدالرحمن:إلا بأطير من القهر والتهريج اللي قاعد أسمعه!انتوا من صدقكم؟؟أنا لسه ماجهزت البيت ولااتخذت أي ترتيبات..على أساس إنه الزواج باقي عليه سنة كاملة وزيادة!!
اسمهان:المفروض أنا اللي أقلق أكثر منك لأن وراي تجهيزات كثيرة...وبالرغم من هذا تحمست..
إلا عبدالرحمن جاله خط ثاني على جواله وقال لاسمهان:يلا عن إذنك هذا أبوك يتصل فيني!
قفلت اسمهان الخط وندمت أشد الندم على طفاقتها وخفتها!!!!قالت بنفسها هالحين بينظر لي إني مرجوجة ومو مصدقة إني بأتزوجه!!ليتني تعقلت ومااتصلت!!!!!
وكلم أبواسمهان عبدالرحمن مكالمة مختصرة مفادها إنه قابلني في بيت ولدي محمد وعطاه العنوان وتقابلوا هناك..(لأنه بيني وبينكم الأب مايبي عبدالرحمن يجي بيته ويضطر يخلي اسمهان تقابله!!!!!!!!)
ولما تقابلوا الثلاثة الأب والأخ والخطيب حاول الأب يجبر عبدالرحمن على تقديم موعد الزواج لأنه مو راضي بالوضع اللي قاعد يسيرمن مكالمات وزيارات..أو يقبل بالحل الثاني وهو قطع المكالمات والزيارات بينه وبين اسمهان لمدة سنة كاملة ومايشوفها الا يوم العرس السنة القادمة!!!
عبدالرحمن:أكذب عليك لو قلت لك إني أقدر أبعد عن خطيبتي لمدة سنة كاملة!!لكن عطنا فرصة 4شهور نرتب وضعنا فيها...
الأب بكل عصبية قدامك شهرين ماغيرهم وهذا آخر كلام عندي!
عبدالرحمن:بس انت بالطريقة هذي بتخرب على أخوي عبدالمجيد..لأنه مخطط يتزوج معاي بنفس الليلة وهو للحين ماخطب!!!
الأب:يمديه يخطب في يومين لو يبي...وبنات الناس ماليين البيوت!!!
وبعد شد وجذب وافق عبدالرحمن وقال لهم:بآخذ راي الوالدة وأخوي وعساهم يوافقون...
ورجع عبدالرحمن لبيته وكلم أمه بهالموضوع وتفاجأ بحماسها للموضوع وفرحتها!!
عبدالرحمن:غريبة منك يمه!أكثر شي كنت شايل همه إنك ماتوافقين!
الأم:بالعكس هذي الساعة المباركة..العمر يجري وبعدنا مافرحنا فيك إنت وأخوك..
عبدالرحمن:بس عبدالمجيد لسه ماخطبتي له وتدرين وضعه صعب يمكن مو بسهولة بتلقين له عروس!!!
الأم:مثل ماربي يسرها ولقينا لك عروس..بنلقى له ان شاء الله..أهم شي إنت ابدأ من هالحين بتأثيث شقتك..
وبعد ماانتهى الحوار خرج عبدالرحمن وخطر على بال أم عبدالرحمن وحدة من بنات معارفها فكرت تخطبها وبعد ماكلمت أهلها تفاجأت بإنه البنت محجوزة لواحد من أقاربها!!!
وقعدت بينها وبين نفسها تتذكر آخر مناسبات حضرتها ومين قد لفت انتباهها من البنات!! ولقت إنه آخر مناسبة حضرتها كانت ملكة اسمهان وعبدالرحمن وانه محد أثار انتباهها إلا لابسات الوردي!!
واتصلت بأختها جوهرة فوراً وبعد السلام قالت أم عبدالرحمن:جوهرة تتذكرين لابسات الوردي بملكة ولدي اللي تقولين انهم بمدرستكم؟؟؟
جوهرة:ايه..اشفيهم؟؟
أم عبدالرحمن:فيه وحدة منهم عاجبتني حيل بس نفسي أعرف اسمها واسم عيلتها...
جوهرة:ياحليلك..تبيني أتذكر؟؟كلهم كانوا لابسين نفس اللبس وحاطين نفس الميك آب ومسويين نفس التسريحات..!!!
أم عبدالرحمن:أدري..بس هالبنت اللي قعدت صورتها براسي كانت ثاني وحدة من البنات اللي طلعوا يزفون اسمهان بالسوري!!
جوهرة:الصراحة ماأتذكر مين فيهم طلعت ثاني وحدة..لكن اش تبين فيها؟؟لايكون ودك تخطبينها لعبدالرحيم؟؟؟
أم عبدالرحمن:وليش فكرتي بعبدالرحيم اللي هو أصغرهم؟وماقلتي عبدالمجيد؟؟؟؟؟
جوهرة:يعني لاتآخذيني ياأختي..بس عبدالمجيد انتي أدرى بوضعه..ماأتوقع إنه أي وحدة بترضى فيه!!!!!!!!!
أم عبدالرحمن:ليه؟؟مكسح؟ولا ينقصه إيد ولا رجل؟؟الحمدلله ولدي من خيرة الشباب وألف مين يتمناه!!!!
جوهرة:الله يوفقه يارب..بس أنا قلت اللي عندي ومو متذكرتها!!!!
واتصلت أم عبدالرحمن على أم اسمهان وكلمتها ثم طلبت اسمهان..وبعد السلام قالت:اسمهان حبيبتي بغيتك بسالفة!
اسمهان:خير ياخالة؟تفضلي!
أم عبدالرحمن:بما إنكم قدمتوا موعد العرس صار لازم إني أستعجل وأخطب لولدي عبدالمجيد بأسرع وقت!وبصراحة معجبتني وحدة من صاحباتك لابسات الوردي وموعارفة اسمها!!!
اسمهان(بفرحة):أي وحدة منهم؟؟
أم عبدالرحمن:الصراحة كلهم كانوا متشابهات بس اللي أذكره زين إنها ثاني وحدة طلعت على المسيرة تزفك بالسوري!!!
اسمهان:آآآآآآهآآآآآآ....تقصدين نجلاء!
أم عبدالرحمن:ماشاء الله اسمها نجلاء؟؟الله يحفظها حلوة واسمها حلو مثلها..بس هي مين بنته؟واش يشتغل أبوها؟؟
وماقصرت اسمهان عطتها بعض التفاصيل ورقم أهل البنت...
وبسرعة راحت اسمهان بصرقعتها المعهودة واتصلت بنجلاء وردت أختها وقالت اسمهان:عطيني نجلاء لو سمحتي!!
نجلاء:أهلين...
اسمهان:نجول نجول مبروك ياعمري أنا وانتي عن قريب بيجمعنا بيت واحد!!!!!!
نجلاء:أخاف مضيعة يالحبيبة!ترى أنا نجلاء موب عبدالرحمن!!!!!!!!
اسمهان:دارية يالخبلة بس السالفة ومافيها إنه أم خطيبي نوت تخطبك لأخوه!يعني بنصير سلايف ونسكن بعمارة وحدة وبعد شهرين بعد!!!
نجلاء:الله يبشرك بالخير..بس انتي خيالك واسع حيل!!يعني حطيتي إنه أهلي بيرحبون وبيوافقون وبيزوجوني بعد شهرين؟؟؟؟؟؟؟
اسمهان:وليش هالتشاؤم؟؟أنا ماتوقعت إنه بيجي اليوم اللي يقبلون أهلي يزوجوني فيه وأنا بعدي ماتخرجت من الجامعة مثل خواتي!!!
نجلاء:الله...ياليت يااسمهان يكون الواقع سهل مثل الكلام..بس عطيني معلومات عنه..
اسمهان:تصدقين إني ماقد جبت طاريه مع عبدالرحمن؟!!!!بس كل اللي أعرفه إنه راعي أخلاق ودين...

بيوم من الأيام تفاجأت اسمهان بأنه أمها تلقت دعوة لحضور ملكة عبير!!
وكانت الداعية سماح وكان اليوم جمعة وقت اجتماع العائلة على الغداء.....
اسمهان(وهي مو عاجبها الكلام!!):مبروك ياسماح! وياترى متى الملكة؟؟؟
سماح:الأسبوع الجاي يوم الخميس..
اسمهان:سبحان الله كانت تستهزيء فيني إني بأتزوج وهذي هي ماصدقت يجيها عريس ووافقت على طول!!!
سماح:يحق لها...هو أخوي تركي في مثله بهالأيام؟؟؟؟عموماً ننتظر حضورك يوم الملكة!!
اسمهان:ولايطرالي أحضر!!
سماح:وليش؟؟ ياكافي!
اسمهان:ماهو من حبي فيها!!
سماح:يالطيف يارب..ماخبرتك بهالحقد؟!وبعدين هي اش مسوية لك..عشان تكرهينها لهذي الدرجة؟؟؟؟؟؟
سكتت اسمهان وماحبت تفتح مواضيع..لكن بداخلها سرحت بأحداث قديمة حصلت لها ولشلتها مع عبير من أيام المتوسط!!مثلاً خبَّت عبير سلسلتها الذهب بشنطة رانية واتهمت رانية بسرقتها!!وكانت تشق دفاتر البنات المتفوقات وتشخبط فيها..كنوع من الغيرة!!وطبعاً الفتنة عند المدرسات ونقل الكلام اللي يدور بالصف طبعها هذا غير الاتهامات اللي تحب ترميها على شلة اسمهان...يعني باختصار كانت عبير بنفسية معقدة حاقدة ماتحب تحس إنه في شخص أحسن منها!!!!!
ودارت حوارات بين اسماء وسماح والأم واسمهان...ومحمد وأبوه كانوا قاعدين في ركن الصالة يتبادلون أحاديث خاصة!!
سألت اسماء:هااه؟؟يامدام اسمهان..أخيراً بيتحقق مرادك..وتنفذين بجلدك لبيت عريسك؟؟؟
اسمهان:ايه..وأفتك منكم كلكم وأول وحدة انتي!!
اسماء:إيه بس أحب أنبهك ياأم لسانين ترى حِنا لأنا أهلك نتحمل لسانك الطويل بس ولد الناس مابيرضيه الحال!!هذا إن ماردك لنا من أول شهر!
اسمهان:عجيــــــــــــــــب!!أ شوفك لك فوق ست سنين مع زوجك ولسه مارجعتي لنا؟!!!!
الأم:أقول اقصروا الشر..خلوا بينكم ذكرى حلوة تتذكرون فيها بعض لاابتعدتوا الأيام الجاية!!
اسمهان:هههههه وانتم عاد الله يهديكم تحسبوني آخذ على كلام اسماء أدري انها تعشق تناقرني وأموت على مناقرتها!وأكثر وحدة بتوحشني سواليفها منكم اسماء!!!!
سماح:طيب يااسمهان محمد يقول لي إن زواج أخو عبدالرحمن بيكون معاكم بنفس اليوم..صحيح؟؟؟؟؟
اسمهان:صحيح..والأروع إنه زوجته بإذن الله راح تكون وحدة من أعز صاحباتي!!!
سماح:ماشاء الله...مين فيهم؟؟
اسمهان:نجلاء..دقت علي أم عبدالرحمن قبل كم يوم وقالت انها تبيها لولدها..
سماح:والله ماشاء الله عليها أم عبدالرحمن قاعدة تكافح العنوسة في شلتك!!عقبال بقية الشلة!!!
اسمهان:لا من جد أحس إنها أحسنت الاختيار يوم اختارت نجلاء!!!
سماح:فعلاً أنا لاحظت إنه أحلى وحدة بشلتك وأحسنهم شخصية وبشاشة نجلاء..
أما رانية صحيح فرفوشة وراعية فزعات لكن بعض حركاتها لك عليها!!!!!
اسمهان:ههههه..قصدك عربجية حبتين؟!!صح؟
سماح:صح!!ومرام جذابة مرة بس واضح إنها اتيكيت ومو أي أحد يدخل مزاجها!
اسمهان:والله ماشاء الله عليك ياسموحة اشتغلتي عليهم تحليل على بالك فوزية الدريع!!!!
سماح:ههههه..الصراحة شكلهم وحركاتهم كانت ملفتة يوم الملكة..خلتني ماأشيل نظري عنهم لحظة!!وفيه وحدة منهم عجبتني بهداوتها ورقتها بس شكلها مو اجتماعية ومو متعودة على الأجواء الصاخبة!راعية الشال اللي على كتفها.
اسمهان:أكيد تقصدين أفنان!
سماح:تصدقين أمي اللي نبهتني لها وقالت لو عندي ولد ثاني كان خطبتها له؟!
اسمهان:حتى لو عندكم ولد ثاني ماأعتقد أبداً إنها توافق تتزوج..بسبب خدمتها لأختها...وانطلقت اسمهان تحكي لهم عن قصة سندس أخت أفنان!!
الأم:الله يشفي أختها يارب ويرفع عنها..ويعطيها الأجر على صبرها...
اسماء:الحمدلله على كل نعمة...أكثر شي أفكر فيه طول حملي هذا الجنين عسى ربي يبارك لي فيه ويكون سليم لأنه الصراحة الأمراض كثرت بشكل مخيف وأغلبها مالها علاج!!!
الأم:صدقتي..يابنتي..هذاك اليوم لما زرت بنت صاحبتي عواطف قالولي انه المولود عنده ثقب بالقلب واحتمال يسوون له عمليه!!الله يشفي جميع مرضى المسلمين...
_______________
وطبعاً في الجانب المقابل أم عبدالرحمن كلمت أهل نجلاء بالتيليفون وبعدين راحت زارتهم لحالها..لأن أحلام سافرت..أما أبو نجلاء كان في رحلة عمل بصفته رجل أعمال لذا ماقابل عبدالمجيد...
ووعدتها أم نجلاء إنه لما يجي أبونجلاء من السفر نكلمكم تجون ويتعرف أبوها على المعرس!
ومرت الأيام وصارت ملكة عبير.. واسمهان رفضت تحضرأمها راحت بس..لمدة ساعة فقط ورجعت!!!
واستغربت اسمهان!! وقالت:يمه..تو الناس وشفيك رجعتي؟؟؟؟
الأم:ضاق صدري يابنتي من اللي شفته!جايبين مطربة تغني وجماعة الترديد رِجال واقفين برة ورا الستارة والأدوات الموسيقية مالية المسرح لاوفوق هذا كله المطربة جايبة معاها وحدة لابسة بدلة رقص نصها عاري ياالله لاتبلانا وترقص رقص ماصخ!!غير الدي جي اللي يطنطن فوق رووسنا بالديسكو وقلة الحيا والناس يالطيف عليهم يارب لاحشمة ولاذوق ولاستر ويقولون الناس وشفيه المطر ماينزل بهالديرة؟!!!!
اسمهان:طيب وكيف القاعة والتجهيزات؟؟؟
الأم:الله يرضى علينا يابنتي بملكتنا..على الأقل حِنا سوينا أشياء حلوة بس بعقل..لكن أهل عبير واضح إنهم تكلفوا تكلف غير طبيعي بكل شي!!وفوق هذا كله خرجْت من عندهم وأنا مو راضية صدق الرسول يوم قال من أرضى الناس في سخط الله سخط الله عليه وأسخط الناس عليه!!
اسمهان:الله يبارك لها..وليتها تستاهل!!أنا ماأحبها ولاحبيت أمها من ذاك اليوم اللي قابلناها فيه عند سماح!!
الأم:تصدقين يابنتي؟؟إن أم تركي تقول إنهم طلبوا مهرغالي مرة والأدهى منه إنهم طلبوا مؤخر كبييير؟!!!!والأم اشترطت لنفسها كسوة كبيرة!!هذا غير الأشياء اللي طلبوها في الملكة من شبكة وخلافه!تقول أم تركي انها كلفتهم كثير!مدري ليش حسيت إنهم ناس طماعين!مع إن ربي رازقهم وأبوهم ماشاء الله مركزه عالي!!
اسمهان:يعني عبير مستمدة قوتها من مين؟؟إقلب القدر على فمها تطلع البنت لأمها!!!!!
_____________
ومرت الأيام وعبدالرحمن مجتهد في التجهيزات وحجز القاعة وكانت كبيرة وغالية يعني كل الميزانية اللي كان بيصرفها على عرسه لحاله حطها في هالعرس المشترك وأخوه بيضيف قدها!!وبدأ بكل الترتيبات من عشاء للقاعتين وكل ماتخبرونه من استعدادات للزواج وتأثيث البيت وكان مشغول دايماً لدرجة انه اتصالاته مع اسمهان مختصرة جداً ومتباعدة!!
وبقي شهر واسبوعين على الزواج وأبونجلاء مارجع من السفر!!!وأم عبدالرحمن بدأت تقلق لأنه عبدالرحمن عربن في كل شي بمبالغ كبيرة ويظهر انه سالفة عبدالمجيد بتطول!!!وكلمت أم العروسة وشرحت لها الظروف وإنه لازم يستعجلون بالرد عشان يلحق الولد يرتب أوضاعه وتلحق بنتهم تجهز نفسها لكن أم نجلاء وعدتها انه الأب راجع بعد يومين!!وبالفعل رجع الأب وقابل عبدالمجيد.....
ومن يومها واسمهان تبي تعرف اش اللي صار لكن نجلاء تغيرت 180 درجة مع اسمهان!!!!! ولاتبي تكلمها لافي التلفون ولافي المدرسة!!!
حست اسمهان إنه في شي مزعل نجلاء وحاولت تسألها لكن نجلاء مو راضية تتجاوب ومقلوبة على الآخر!!!!
يوم ضاقت السبل باسمهان اتصلت على عبدالرحمن وسألته:انتوا رحتوا للجماعة خطبتوا لعبدالمجيد؟؟؟؟
عبدالرحمن:إيه خطبنا من أسبوع!
اسمهان:وش قالوا لكم؟؟؟
عبدالرحمن:وعدونا يسألون عن العريس وبعدين يردون بس إلى الان ماردوا ولاعطونا خبر!!!!!!!!!!
استغربت اسمهان من قصة نجلاء اللي زعلانة منها ومو راضية توضح السبب وقررت تواجهها!!!!
قررت اسمهان مواجهة نجلاء خاصة انها حاولت تسأل الشلة عن سبب تغير نجلاء ومحد عطاها
جواب شافي...
وفي المدرسة وكانوا الشلة متجهين للكافتيريا..سحبت اسمهان صديقتها نجلاء ووقفت
قدامها وجهاً لوجه...
اسمهان:الحين اش سالفتك انتي؟أكلمك ماتردين!أتصل على البيت وأهلك يصرفوني!أنا اش مسوية لك بالضبط؟؟؟
نجلاء:ياشين الاستهبال!بكل بساطة انتي انسانة أنانية!!!
اسمهان:أنا أنانية؟؟ليش؟وأنا اللي فرحانة إنك بتصيرين وحدة منا وفينا.. وأحبك أكثر منهم كلهم تقومين تتهميني بالأنانية؟؟؟؟؟
نجلاء:انتي لو تحبيني صحيح..كان حبيتي لي كل خير! مثل اللي تتمنينه لنفسك تتمنينه لغيرك!لكن للأسف غشيتيني يااسمهان!!
رانية:انتوا اش سالفتكم ياحلوات؟مقلب جديد قاعدين تسوونه فينا؟؟تراه ماصخ وبايخ!!
اسمهان:نجلاء حرام عليك تتركيني ضايعة كذا!لازم تصارحيني وشفيك؟؟
نجلاء:أسألك بالله العريس اللي أرسلتيه لنا عريس يناسبني؟؟؟؟
رانية:آآآه يالخاينة يااسمهانوه وأنا اللي عادتك صديقتي..آثاريك توزعين عرسان على البنات ومخليتني!!يلا صارحيني مين بعد من الشلة دزيتي لها عريس وخليتيني؟؟؟؟؟؟؟
اسمهان(وهي مو مهتمة لكلام رانية):وشفيه العريس؟أظن ماتقدرين تتكلمين بشي عن أخلاقه!!وبعدين اللي يسمع لهجتك يحس كأني دليتكم على عريس من الشارع!ماكأنه أخ لخطيبي وشريك حياتي!!!
نجلاء:واللي يحب أحد ياست اسمهان ويتمنى له الخير يدله على عريس أصم وأخرس؟!!!!
رانية:وشهو؟؟عريس أطرم؟الله
لايجعل نصيبي على إيديك يااسمهانوه!!!!
اسمهان(وهي متفاجئة):وش تقصدين؟وضحي لي؟؟؟
نجلاء:اش يبي لها من توضيح؟العريس اللي جانا كان أصم وأخرس ويتكلم بلغة الإشارة وبحسب ماعرفنا من خطيبك المصون إنه أخوه مخلوق بهذه العاهة!!أظن بتسوين نفسك ماتعرفين شي؟!!!
اسمهان(وعيونها مليانة دموع):صدقيني يانجلاء أنا ماعندي أي فكرة عن الموضوع..أنا اللي انغشيت موب إنتي!!!غريبة عبدالرحمن وأمه ماوضحوا لي هالنقطة!يمين ماكان أدله على بابكم!!
نجلاء:أم زوجك كل اللي قالته لنا من أول زيارة إن ولدها لسانه ثقيل وبس!لكن ماقالت إنه أخرس وأصم!وبعدين هي شايفتني انسانة طبيعية وبعدي صغيرة وشلون كانت تتوقع مني اني بأوافق بسهولة وأنا لسه قدامي بدل الفرصة ألف؟!!!!!!!
اسمهان:حبيبتي نجلاء أنا متفاجئة فعلاً من الكلام اللي تقولينه وصدقيني ماراح أخلي هالسالفة تعدي على خير ولايكون بخاطرك هم!!
نجلاء:ماعليك من زعلي..اللي زعلوا من جد أمي وأبوي..قالولي هذي صديقتك اللي تحبينها؟شوفي وش جابت لك!!!
اعتذرت اسمهان ورقعت السالفة ولاتركت نجلاء إلا وهي راضية..
واتجهت فوراً لمكتب أبلة جوهرة ودخلت عليها...
ناظرت فيها أبلة جوهرة وقالت:خير يااسمهان؟؟
اسمهان:عندي سؤال واحد وبأسألك إياه..وضروري تجاوبين!
أبلة جوهرة:اجلسي بالأول,,وشهو سؤالك؟؟؟؟
اسمهان:عبدالمجيد..أصم وأخرس؟
أبلة جوهرة:إيه من يوم ما انولد
.ليش تسألين؟خايفة يكون المرض وراثي؟؟؟
انفجرت اسمهان بالبكاء وقالت كل السالفة لأبلة جوهرة..
أبلة جوهرة:اسمهان حبيبتي انتي ماغلطتي بشي كل السالفة إنه أم عبدالرحمن اتصلت وأخذت رقم نجلاء منك..يعني انتي لارشحتي لها عروس ولاكان عندك علم بسالفة عبدالمجيد صح؟؟؟
اسمهان:صح!
أبلة جوهرة:أجل ليش زعلانة؟؟
اسمهان:أنا زعلانة من عبدالرحمن وخالتي ليش مامهدوا للناس؟
ليش مافكروا أصلاً يخطبون لعبدالمجيد وحدة مثله؟؟؟؟
أبلة جوهرة:تدرين عاد إنه لي سنين أناقش أختي في الموضوع ومو راضية تقتنع؟!!لأنه حالة عبدالمجيد هي الحالة الوحيدة بالعائلة اللي تعاني من صمم وخرس يعني مثل الطفرة الجينية بالضبط!وأختي عندها اعتقاد شديد إنه إذا عبدالمجيد تزوج وحدة تحمل نفس عاهته راح ينتقل المرض لعيالهم الجايين ويصير وراثي!!غير انها تفكر انه لو حصل وجاهم عيال طبيعين من وين بيتعلمون النطق والتواصل مع المجتمع وأبوهم وأمهم خُرس؟؟
بصراحة مرات أحس في كلام أختي بعض الصواب وبالأخص انه عبدالمجيد من صغره وهو يدرس بمدارس الصم والبكم ويقدر يعتمد على نفسه بكل شي ووظيفته كويسة وراتبه زين يعني مافي شي قاصره إلا بنت الحلال اللي يكون عندها القدرة على الصبر وكسب أجره!!بس أنا معاك في إن أختي من البداية وقبل ماتحرج نفسها المفروض قالت للناس بالتليفون عن حالة ولدها وشافت مدى ترحيبهم!!
اسمهان:حالته صعبة كسر خاطري..ولو مالقت له عروس ترضى فيه خلاص تتركه من غير زواج؟؟والا بترجع تستسلم وتزوجه انسانة مثله؟؟؟؟
أبلة جوهرة:مدري..بس أنا من زمان قايلة لها انه ولدها وضعه صعب..لكن عندها تفاؤل كبير بأنها تزوجه انسانة سليمة!الدنيا هذي كلها مصاعب ومحد مرتاح وأنا أول الناس!!
حست اسمهان انه أبلة جوهرة متضايقة وودها تفضفض وصارت تسحبها بالكلام لكن أبلة جوهرة قالت:اسمهان الفسحة انتهت من دقايق ماوراك حصص؟؟
اسمهان:علينا أبلة هويدا مدرسة الإنجلش بس غايبة!
أبلة جوهرة:يمكن عندك فكرة يااسمهان عن وضع زوجي؟!صح؟
اسمهان:يعني كلام على الطاير من عبدالرحمن!!
أبلة جوهرة:وياترى هل قال لك عبدالرحمن إني ماعندي عيال؟؟
اسمهان:شلون؟؟أنا اللي أعرفه إنه عندك ثلاث!!!
أبله جوهرة:هههه هذول مو عيالي عيال زوجي الله يحفظهم وأمهم الله يرحمها كانت صاحبتي بالجامعة ومتزوجة من زمان وأكبر مني بس تعرضت لسرطان وكنت أزورها بأيامها الأخيرة وعيالها كانوا يحبوني وكانت دايماً تكلم زوجها عني وانها تتمنى لو ماتت ان ربي يسخر لزوجها وحدة مثلي ترعى العيال..وبالفعل تفاجئت بعد وفاتها بمدة إنه أهل زوجها جايين يخطبوني ووافقت بعد تردد عشان العيال مساكين..لكن مالحقت أتهنى بعد زواجي بسنتين بس صار الحادث إياه لزوجي وانشل شلل نصفي وصرت مثل مايقولون نصف زوجة!!!مع زوج ماعنده أي احساس بنصف جسده وصار ماعنده قدرة نهائياً على الانجاب!!!
وقامت اسمهان بقلبها الرهيف تبكي وقالت:وانتي سعيدة؟؟؟
أبلة جوهرة:يمكن بتستغربين لو قلت لك انه برغم المعاناة اللي أعيشها مع زوجي وعصبيته ونفسيته المنهارة بسبب وضعه الصعب وانعزاله عن المجتمع وحرماني من كل حقوقي الزوجية إلا إني أحس بسعادة كبيرة لما أتذكر أجر الانسان الصابر والمحتسب!!يمكن لو نقوم بالعبادات طول حياتنا ماقدرنا ندخل الجنة بأعمالنا..لكن بالصبر والاحتساب يمكن نقدر نقترب خطوات للجنة...
بعد حديث مع ابلة جوهرة استأذنت اسمهان ورجعت لفصلها وهي تتعجب من الصبر هذا وتقول بنفسها:سبحان الله كل يوم يمر علي يعلمني إنه الحياة هذي مو عبث والانسان لازم يحيا وقدامه هدف والسعيد من اتعظ بغيره واستفاد حتى من أخطاء الناس!!

طبعاً اسمهان اتصلت بعبدالرحمن وعاتبته على اللي صار....
عبدالرحمن:لاتسيئين الظن فيني يااسمهان أقسم لك قسم إني ماتعمدت بيوم من الأيام أخفي عنك حقيقة عبدالمجيد بدليل إني من الأساس ماقد جبت لك طاري أخواني لاعبدالمجيد ولاعبدالرحيم حتى!!
اسمهان:ياعالم كمان عبدالرحيم اش عنده!!!
عبدالرحمن:لاحول ولاقوة إلا بالله.. اتقي الله وتخيلي لو إن محمد أخوك عنده نفس المشكلة ماكنتي بتتمنين له الخيروإنه ياخذ أحلى عروس؟؟؟
اسمهان:بس أمك ماكان المفروض تسكت كان لازم تخبر الناس!!
عبدالرحمن:يكون بعلمك أمي قالت لأم البنت من أول زيارة لكن الأم خبت الموضوع عن بنتها!عشان لاتكسر خاطرها وقالت لارجع أبونجلاء نكلمه بالموضوع والبنت مادرت إلا من أبوها عن وضع أخوي!!!وإحنا أصرينا نقابل الأب قلنا يمكن لاشاف عبدالمجيد وشخصيته يُعجب فيه!لكن كان واضح إنه مو عاجبه الموضوع!!!
اسمهان:أنا آسفة..يظهر إنه نجلاء هي اللي ماتدري عن شي..على العموم العروس رافضة ومابقى على العرس إلا شهر وأيام وانتوا مادبرتوا له عروس..يعني مين بيقط معاك بالزواج وانت حطيت اللي وراك وقدامك فيه ومحد بيرجع لك فلوسك؟؟؟؟؟؟
عبدالرحمن:مو هذي هي الوهقة!ربطت نفسي بعبدالمجيد وهذا هو مسكين ماله نصيب!!!
__________
مرت الأيام واسمهان يومياً بالسوق من السبت للجمعة تجهز للزواج تجي من المدرسة تتغدى وتنام لين آذان العصر وبعدين تصحى تصلي وتلبس عباتها وركض على السوق ترجع صلاة المغرب وعقب الصلاة تذاكر لين بعد العشاء وماتجي الساعة 11 الليل إلا وهي مرهقة وتبي تنام!!!!!
وكانت كل مالقت شي مناسب لخطيبها اشترته وغلفته وأخذته المدرسة!!!بتقولون ليش؟ عشان تحط الهدية بمكتب أبلة جوهرة اللي تاخذها معاها وبعدين يمر عبدالرحمن بعد العمل وياخذ هديته من بيت خالته!!شفتوا شلون التعقيدات؟؟لأن أبواسمهان لما أمر بتقديم العرس اشترط عدم الزيارات إلى يوم الزواج!!!!!
وكان عبدالرحمن مايقصر أحياناً يشتري الهدية ويعطيها لخالته في بيتها وتاخذها ثاني يوم للمدرسة وتسلمها للعروس!!!!!!
وبيوم من الأيام راقبت اسمهان الوضع ودخلت مكتب أبلة جوهرة وكان فاضي وحطت الهدية على المكتب وراحت تتسحب تبي تطلع من غير ماينتبه لها أحد!!لكن أبلة جوهرة مسكتها من كتفها وقالت:ماشاء الله عليك ياقمر..يظهر إنه مكتبي صار متعدد الاستخدامات!قولي لنفسك ولعريسك المحترم إنه هذا مكتب مراقبة الثانوي مو عش الغرام!!!!!عاد أشوفكم مرة مآخذين وجه..بسكم عاد!كلها كم أسبوع والزواج جاي!
اسمهان:اش أسوي؟ و كل ممنوع مرغوب!!
________
في الجانب الآخر كانت زيارات تركي لعبير مستمرة وأبوها مشغول على طول ولاله دور بالبيت لأنه أم عبير شخصيتها جداً قوية..
وكانت قبل كل زيارة تمسك بنتها وتقول:الله..الله بالدلع ياعبير..أبيه ينسى الكون كله ومايفكر إلا فيك!!ومايجي يوم العرس إلا وهو طايح عندك!
عبير:خلاص يمه حفظتها هالأسطوانة!!!
أم عبير:يالهبلة أنا لمصلحتك أقول هالحكي!أخاف إن درى عن سالفتك بكرة..يقطك بالشارع!!!!
عبير:تركي طيب يايمه..يكفي إنه لما درى إنه عندي مرض السكري ماغير رأيه فيني!!!
أم عبير:ماهو كل مرة تسلم الجرة ياروح أمك!لو درى عن سالفتك الثانية إحنا اللي بنروح فيها!!!
___________
ومرت الأيام وبقي على الزواج شهر بالتمام وعلى انتهاء الدراسة اسبوعين!!اتصلت اسمهان على عبدالرحمن....
وبعد المقدمات الروتينية..
اسمهان:دحومي عندي طلب وودي أطلبك إياه؟؟
عبدالرحمن:آمري وتدللي..وأنا لك رهن الإشارة!
اسمهان:من بكرة بيبدأ أول يوم من الشهر اللي بنتزوج عقبه..وبيوافق بعد أول يوم في الامتحانات اللي بتستمر أسبوعين..صح؟؟؟
عبدالرحمن:صح!
اسمهان:خلاص..اسمحي لي أقول لك ومن غير أسف لاعاد تتصل فيني وهذا الرقم أبيك تنساه!!
عبدالرحمن:ليش؟ماذا اقترفت وماذا جنيت؟أخبريني ياأميرتي!هل بدر مني مايضر؟؟
اسمهان:كلا..تربت يداك!ولكن الامتحانات تحاصرني من كل اتجاه..ثم إني أريد أن أبث الشوق في نفسك للقائي..لكي تشتاق لصوتي أشد اشتياق!!!
عبدالرحمن:وهل تتوقعين انني سأحتمل ذلك؟؟
اسمهان:ولما لا؟إذا كنت أنا سأحتمل!
عبدالرحمن:ولكن كما تعلمين ياسمهونتي إنني في خِضَم التجهيزللزفاف وأجد نفسي كثيراً في وسط المعمعة!برأيك لو احتجت لاستشارتك في أمر ما فما هو السبيل إلى ذلك؟؟؟
اسمهان:هُناك اختراعٌ اسمه الهاتف الجوال وبه خدمة تُسمى خدمة الرسائل..ابعث إلي بواحدة وأنا سأجيبك بلمح البصر!
عبدالرحمن:هههههههه..لافض فوك أخية!!ماشاء الله عليك قاعد أجرجرك بالحكي وأقول يمكن تغلط الحين ولا بعد شوي لكن طلعتي شطورة!!اللي يسمعك مايقول إنك تسمين زوجة الثور ثورة وزوجة الخروف خروفة!!!!ههههه
هيا جاوبيني عن هذي..زوج الحية(يعني الأفعى) اش اسمه؟
اسمهان وبكل نباهة قالت:حي!!
عبدالرحمن:أقول صكي السماعة يالحبيبة!وراك بكرة امتحان وشكلك بديتي تخرفين!!!
________
راحت اسمهان المدرسة وصار موقف غريب وهي طالعة من قاعة الامتحان بعد ماسلمت ورقتها كانت عبير قد خرجت قبلها وواضح عليها آثار السهر والمذاكرة وماأكلت شي فكان السكر منخفض عندها مرة لدرجة انها كانت دايخة وتمشي وتتمسك بالجدران...واسمهان تتابعها بنظراتها وفجأة عبير رجولها ماشالتها وصار لها اغماءة وراحت اسمهان تركض وشالتها ونادت الفرَاشة تساعدها وودوها لمكتب أبلة جوهرة..
وسدحوها على الكنبة!
صاحت أبلة جوهرة في اسمهان:اسمهان بسرعة افتحي السحَّاب الخلفي لمريول عبير وفكي حمالة الصدر حقتها أخاف البنت مختنقة او مكتومة وأنا بأروح بسرعة أنادي المشرفة الصحية!!
وخرجت أبلة جوهرة تركض واسمهان فكت سحَّاب عبير وحمالتها وصاحت من هول المنظر وانصعقت من اللي شافته!!!!!
كان ظهر عبير محروق بالكامل من الأعلى للأسفل بشكل بشع!!!!خافت اسمهان وقامت تبكي..وشوي ودخلت أبلة جوهرة ومعاها المشرفة الصحية...اللي حطت السماعة على صدر عبير..
طالعت أبلة جوهرة باسمهان وشافتها تبكي وقالت لها:اسمهان..اذكري الله...ان شاء الله عبير مافيها إلا العافية..تلاقينها مع الاختبارات نسيت تفطر!!!
صاحت المشرفة الصحية وكان اسمها سلوى وهي مصرية:يالهوي!بصوا البنت دي محروئة خالص!!دا حتى جزء من السِدر(الصدر)عندها دايب خالص وحاطة حشوة في الحمالة!ياخرابي دا ظهرها محروء بشكل بشع جِداً!!
أبلة جوهرة:يعني الحروق هذي جديدة؟؟؟
سلوى:لأ دي باين عليها إنها أديمة أوي!!
أبلة جوهرة:إذن هذا مو شغلنا قيسي ضغط البنت وسكرها!
وبالفعل بعد أخذ الضغط وقياس السكر بواسطة الجهاز اكتشفوا انه عندها هبوط وجابوا لها شوكولا وعصير..وحاولوا يفوقونها وأكلت وتحسنت شوي وقامت..وصارت تطالع بوجوههم كلهم وحست انه سحابها مفتوح وقامت تعدل نفسها ..
أبلة جوهرة:اشلونك ياعبير؟ان شاء الله أحسن؟
عبير بعصبية:أنا مافيني إلا العافية..
وخرجت من الغرفة من غير ماتشكر أحد!!!
ومسكت أبلة جوهرة اسمهان وقالت:من ستر مسلماً في الدنيا ستره الله في الآخرة يااسمهان..مفهوم؟؟؟؟
اسمهان:مفهوم.....وخرجت اسمهان تكفكف دمعها من هول المنظر ولقيت عبير تنتظرها بره
عبير:انتي اللي فتحتي لي السحَّاب؟؟
اسمهان:إيه..
عبير:شوفي يااسمهانوه لو فتحتي فمك بكلمة لأحد..صدقيني لأخلي الشكل اللي بجسمي يصير نفسه على وجهك!!!!!
وراحت عبير واسمهان تقول بنفسها:سبحان الله من هالبنت لايمكن تترك فرصة لأحد يتعاطف معاها أو يغير من نظرته لها!!!
وظلت اسمهان قلقانة وتفكر معقول تركي وأهله يدرون بالتشويه الفظيع اللي فيها!!!ياترى كيف لازم أتصرف؟!!!!
__________وبنفس اليوم في الليل اجتمع عبدالرحمن مع صديقه ناصر ومع تركي!!!بتقولون شلون؟لأن ناصر صاحب عبدالرحمن يصير ولد عم تركي وكانت علاقة عبدالرحمن
بتركي أيام الجامعة..وبعد كذا صارت على خفيف في المناسبات والاجتماعات.....
وقام عبدالرحمن يبارك لتركي على خطوبته ويسأله:متى الزواج؟؟
تركي:الود ودي الليلة!
عبدالرحمن:وايش تنتظر توكل على الله!
تركي:كل مافتحت الموضوع مع خطيبتي وأمها ألاحظهم يماطلون!!إلا انت متى زواجك؟؟
عبدالرحمن:بعد شهر بالضبط!
تركي:ياحظك ياشيخ!
عبدالرحمن:أي حظ ياحسرة؟؟وأنا ورطان لشوشتي..كنت معتمد أتزوج بنفس اليوم مع أخوي ويشيل نص التكاليف عني لكنه مالقى عروس..وأنا حطيت كل اللي معاي في الزواج ماتوقعت انه الدنيا غلا بهالشكل...
وبعد أخذ وعطا اقترح تركي على عبدالرحمن انه يشاركه بالزواج ويتزوج معه بنفس الليلة!!!!
عبدالرحمن:ياشيخ أحب راسك أنا..تكون كسبت فيني أجر لو سويتها!!
تركي:بس هالقرار متوقف على أم خطيبتي لأنها حرمة موب هينة!! شوف بأحاول أزورهم بكرة وأفاتحهم بالموضوع وأرد لك!!!
وياعيني كل هالسوالف واسمهان مو دارية عن الطبخة!!!!
ظلت اسمهان تصارع نفسها تسكت أو تتكلم عن اللي شافته من عبير!وكلمات أبلة جوهرة ترن في إذنها(من ستر مسلماً في الدنيا ستره الله في الآخرة)..لكن استقرت أخيراً إنها تكلم سماح زوجة أخوها بالموضوع وتبريء ذمتها!لأنها حست إنها مخنوقة وتركي شاب طيب ويستاهل..
اتصلت اسمهان بسماح وماكان في أحد بالبيت أمها وأبوها راحوا مشوار...وبعد السلام والسؤال عن الأحوال...
سماح:غريبة ياسمهونة هادة مذاكرتك ومتصلة!مليتي؟؟ولاتبين تسأليني عن محلات معينة أو أسواق؟؟؟؟
اسمهان:سماح أنا أبي أكلمك في موضوع مهم ولازم تعرفينه!
سماح:بخصوص؟؟
اسمهان:بخصوص عبير!
سماح حست إنه لهجة اسمهان ماتطمن فقالت بأسلوب جاف شوي:خير ان شاء الله؟وشفيها عبير؟؟؟؟
اسمهان:اليوم كانت خارجة من القاعة وداخت علينا بسبب انخفاض السكر...و
قاطعتها سماح بجفاف :خلاص..خلاص لاتكملين أنا عارفة الباقي!!
اسمهان:يعني تدرون إن عبيرمو طبيعية و...
سماح وهي تقاطع:إيه ندري وراضيين! ولو سمحتي لاتقولين مو طبيعية!هذا ابتلاء ومالها دخل فيه!الله يشفيها وبعدين انتي ليه شاغلتك عبير؟؟؟دعي الخلق للخالق..واهتمي بمذاكرتك أصرف لك!!!وهالكلام لايطلع لمخلوق!!
اسمهان:أنا آسفة إني اتصلت..لكن ودي أقول لكم انتم ناس غريبين!!!
سماح:قصدك أصيلين!! مع السلامة..
اسمهان:مع السلامة..
صكت اسمهان السماعة وتبللت عيونها بالدموع وصارت تسأل نفسها:فعلاً أهل سماح ناس غريبين عبير مافيها أي ميزات تخلي الواحد يتمسك فيها وبالرغم من ذلك عاجبتهم؟!طيب تركي شلون راح يتحمل منظرها؟واش اللي مخليهم يتمسكون فيها وهم يدرون إن أمها قوية؟
لكن بنفس الوقت حست اسمهان براحة إنها أبرت ذمتها وقالت الصراحة وهم بكيفهم!!
وطبعاً السالفة ومافيها إنه سماح بسبب مقاطعتها لاسمهان في الكلام ماسمعت الموضوع للنهاية!كانت سماح تظن انه اسمهان متصلة عشان تقول لها عن مرض عبير بالسكر لكن اسمهان كانت متصلة عشان تتكلم عن الحروق الفظيعة!!!
وبناءً على ذلك محد عنده علم بالمسألة هذي إلا اسمهان!!!!!!
___________
وكملت اسمهان مذاكرتها وتعشت وراحت تنام وأخذت نظرة على الجوال وكان المتصل عبدالرحمن اللي كان يبي يقول لها عن العرض اللي عرضه عليه تركي بالمشاركة في الزواج!
لكن اسمهان رمت الجوال بعصبية وقالت بنفسها:أف..توي مكلمتك أمس ياعبدالرحمن ومنبهة عليك إنك ماتكلمني ولاتسمع صوتي إلا يوم العرس!!وبالرغم من ذلك ضرب بكلامي عرض الجدار ويتصل!!طيييييييب يمين ماأرد!وقفلت جوالها ونامت!
وراح تركي ثاني يوم بعد المغرب لبيت عبيرمن غير موعد وفتحت أمها الباب وسأل عن أبو عبير وقالت أمها:كالعادة مسافر!!!
تركي :وعبير وينها ياخالتي؟؟؟
أم عبير:عبير عندها امتحانات وقاعدة تذاكر..خير؟؟
تركي:أنا كنت جاي أكلمكم بموضوع..وحكى تركي لهم عن فكرته بمشاركة عبدالرحمن في العرس!
أم عبير:بس إنت تدري إني ماأبي بنتي تتزوج الحين!
تركي:وش المانع ياخالة؟..بيتي وموجود..وانتم ساكنين بنفس البلد وقريبين منها يعني بنتكم ماراح تبعد عن عيونكم..والدراسة أنا حريص إنها تكملها وبأدعمها بكل اللي تبيه!
أم عبير:وماقال لك صاحبك بأي قصر بيسوي الزواج؟؟
تركي:إلا..بقاعة ليلتي..
أم عبير يوم سمعت اسم القاعة استخفت وقالت:ليلتي ماغيرها؟؟
تركي:إيه هي ماغيرها..اللي كبار الشخصيات بس يسوون أعراسهم فيها!!!
أم عبير:بس هذي تكاليفها غالية عليك مرة!!
تركي:مو هذي هي ميزة الشراكة بالزواج..كل الدراهم اللي معي وكنت مخطط أحطها بعرسي اللي بيكون مستواه متوسط..بآخذها وأحطها مع صاحبي وهو يدفع قدهم ونسوي ليلة ولا ألف ليلة وليلة!!!!
أم عبير:ومنهو صاحبك هذا حِنا نعرفه؟؟
تركي:إيه..اللي ماخذ أخت زوج سماح إختي!
أم عبير:إيه نعرفهم حضرنا ملكتهم وحضروا ملكتنا شكلهم ناس راهيين ومابيرضون لبنتهم بأي مستوى!تدري؟؟؟على بركة الله!
تركي:طيب وأبوعبير متى بأقابله؟وأناقشه بالموضوع؟ترى مابقى على العرس إلا28 يوم بس!!!!!!
أم عبير:أبوعبير خله علي أنا ولاتحمل هم..لايمكن يرفض لي طلب..بس انت ابدأ في تجهيز بيتك وترتيبات العرس!!
وأنهى تركي حواره مع أم زوجته وخرج...
ودخلت عبير على أمها وقالت:وش يبي تركي يمه؟؟؟
ام عبير:جاء يحدد موعد العرس..وبإذن الله بيكون بعد 28 يوم!!!!!!!!!!
عبير:شلـــــــــــــــون؟؟انتي وش تقولين؟؟مو على أساس إنه السنة الجاية؟؟مو انتي اللي كنتي توصيني ليل نهار إني أعلِّق تركي فيني وماتجي السنة الجاية إلا وهو يبي يتزوجني بأي طريقة وعقبها حتى لو درى بمشكلتي بيتغاضى عنها؟؟؟
أم عبير:وانتي يالهبلة تدرين وين بيسوي العرس؟؟بيسويه في أفخم قاعة بالبلد!اللي لو يفحط طول عمره ماقدر يجيب قيمتها!لكن الزواج هذا بيشارك فيه صاحبه وبتخف عليه التكاليف..هذا الزواج لازم يتم الحين وبأخلي كل أهلي اللي كانوا يقولون عبير محد بياخذها يشوفون عبير وين بتتزوج!!واش بيندفع لها!
عبير:يمه حرام عليك ماقدامنا وقت!الامتحانات باقي عليها أسبوعين متى يمديني أجهز نفسي؟
أم عبير:السوق ماهو بطاير!والدراهم وزاهبة!والسواق تحت يدي!انتي بس خلك في مذاكرتك وأنا عهدٍ علي لاأجيب لك جهازالكل يحكي ويتحاكى فيه!!!
عبير:بس يمه أنا مو راضية أستوعب شلون الأمور انقلبت بهالسرعة!طيب أنا إش أسوي لو درى تركي بــ علتي؟؟
أم عبير:واللي يسمعك ياروح أمك ..يقول إننا لو أجلنا الزواج سنة ثانية بنلقى حل!!مو الحال هو هو درى الحين ولابعدين مايختلف الوضع!! الشطارة بيدك انتي شلون تكسبينه وبعدها صدقيني لاألقى لك حل من تحت الأرض!
عبير:ومين بيشاركه بالعرس؟واحد من أقاربه؟؟
أم عبير:لا عبدالرحمن اللي مآخذ اسمهان..
عبير:وشهـــــــــو؟؟وانتم على كيفكم تخططون؟والله لو مايبقى غيرها بين الخلايق ماأتزوج معاها بليلة وحدة!!!!!
أم عبير:وليش يابعدي؟؟جربانة البنت؟ولا جاية من الشارع؟؟هذولا ناس لهم مكانتهم وسمعتهم مين بس مايتشرف انه يكون معاهم بليلة وحدة؟؟
خلك من أفكارك التافهة..والزواج بيتم يعني بيتم رضيتي ولا انرضيتي!!!!!
وخرجت الأم من الغرفة..وعرفت عبير إنه بعد كلمة أمها مافي كلمة ثانية!! واستسلمت!
________
طبعاً تركي من فرحته اتصل بعبدالرحمن وبشره بالخبر ثم راح لأمه وقال لها السالفة..ورحبت بالموضوع...
واتصل بسماح وقال لها وفرحت وقالت:يافرحة محمد ياتركي!!بأوفر عليه قيمة فستانين!وأفصل فستان واحد!
تركي:يبه سووا اللي تبونه أنا الدنيا موب شايلتني من الفرحة أخيراً بيصير لي بيت وأستقر!!!
سماح:آآآآآه ياتركي لو تدري وش كثر مشتهية أشوف وجه اسمهان لاوصلها الخبر!!
تركي:ليش بتفرح واجد؟؟؟
سماح:بتفرح؟؟؟!صحيح إنك مسكين! إلا بتطق من القهر!!
تركي:ياحليلها...أخاف لسه تبيني!!!
سماح:لا تطمن..إلا بتستخف على عبدالرحمن بس المسألة ومافيها غيرة نسوان!!!!!
واتصل عبدالرحمن وكلم أبواسمهان وبدأ يناقشه في مسألة الكروت والمدعوين واسمهان لسه ماتدري عن شي وقافلة جوالها وحاطة حيلها بالامتحانات!!
الجزء السادس والثلاثون
ثالث يوم بالامتحانات اتصلت سماح تسولف مع أم محمد...وبعد السؤال عن الأحوال...
سماح:طبعاً أكيد وصلتكم الأخبار إنه ليلتنا بتصير وحدة ان شاء الله وفرحنا واحد...؟؟؟
أم محمد:ايه وصلتنا وأبركها من ساعة يابنتي..اسمهان آخر وحدة بتتزوج عندي وتركي آخر واحد من عندكم وودنا نفرح فيهم...وأنا أكثر شي أسعدني إنه هالشراكة فيها توفير على العريسين واختصار للتكاليف شوي..قولي آمين عسى الله يوفقهم كلهم..
سماح:آمين يارب..طيب شلون عروستكم مع الامتحانات؟؟؟
أم محمد:رابطة راسها وشادة حيلها وحاطة حرتها بهاالكتب..الله يكتب لها النجاح بأعلى درجات يارب...كاسرة خاطري حتى الأكل ماتذوقه مع هالامتحانات!!
سماح:لاتشيلين همها..عقب الزواج بتجيك منتفخة كأنها برميل من زود الراحة النفسية!!!
أم محمد:طيب شلون بتسوون يابنتي؟ بدأتوا تجهزون شقة تركي؟؟
سماح:إيه الحمدلله...هند وأمي مو مقصرين ماشاء الله حاطين حيلهم معاه بالسوق..أما أنا كنت اليوم رايحة أستلم فستاني اللي كنت مفصلته لزواج اسمهان وقلت أمر بالمرة أكمل النواقص من اكسسوار وجزمة وخلافه..فحبيت أقول لك بالمرة تجين معاي وإذا لك أغراض ناقصة تاخذينها....
أم محمد:الله يرضى عليك..كلمتيني بالوقت المناسب لي كم يوم أكلم أبومحمد على السوق لكنه مشغول..واسمهان لاهية بمذاكرتها وكل ماكلمت أحد يزورني يتعذر بالامتحانات!!زين متى تمروني؟؟
سماح:بعد ربع ساعة..
وتجهزت الأم ومروا محمد وسماح وأخذوها معاهم للسوق وعجبها بعض الأغراض لاسمهان واشترتهم وساعدتها سماح بذوقها في بعض الأغراض واشترى محمد عشاء ونزلوا البيت يتعشون سوى...
وقامت أم محمد تنادي بنتها اسمهان تتعشى معاهم وتتفرج على الأغراض...
سلمت اسمهان على الجميع والارهاق واضح عليها....
محمد:وشفيك سمهونة؟؟تعبانة؟
أم محمد:إلا ذابحة عمرها بالمذاكرة..تقولون بتتخرج ذي السنة؟؟
اسمهان:طبعاً لازم أذبح عمري مذاكرة!طول حياتي وأنا متفوقة..تبوني هالحين أكحلها ويفضحني أبوي ويقول المعرس سرق عقلك؟؟؟
سماح:يلا هانت..إلا وش تعليقك على الشراكة بيوم الزواج؟
اسمهان:ياحليلك شكل الأخبار عندك بايتة!!مو نجلاء الله يسلمك رفضت عبدالمجيد!وقرر إنه يدور غيرها على راحته..وعلى كذا زواجي بيكون لحالي....
سماح:وشفيكم ياجماعة الخير؟؟محد علمها بالسالفة؟؟؟؟
أم محمد:لاماعلمتها وأنا مادريت إلا أمس!
محمد:أقول ياحلوة مو أخبار سماح اللي بايتة إنتي اللي أخبارك مخمجة وفايحة ريحتها!!ترى تركي بيتزوج معاكم بنفس الليلة؟؟
اسمهان بانفعال:يعني عبير بتتزوج معي؟؟
سماح:لا..بيخليها في البيت ويتزوج لحاله!!طبعاً معاك ياقمر!ليش عندك مانع؟؟؟؟؟؟
اسمهان:ومين قال لكم إني موافقة؟؟خلصت القاعات يوم تجي تزاحمني بزواجي؟؟؟
محمد:بسم الله الرحمن الرحيم..ليه؟ماهي مخلوقة وحالها حالك وودها تفرح؟؟
اسمهان:جعلها ماتتهنى ولاتتوفق!!
سماح:بسِك عاد!!وانتي كل ماجاء طاريها يركبك ستين عفريت!!اذكري الله!
اسمهان:أنا قلت اللي عندي والعرس عرسي..ومحد مشاركني فيه..وإذا أصريتوا بأبطل
أم محمد:وش هالراس اليابس يابنتي؟ بدل ماتقولين هذا عين العقل..وجا من يخفف التكاليف عن خطيبي.. وفرحتنا بتصير وحدة حِنا وأهل سماح تقولين كلام يفشل؟؟؟؟؟؟
اسمهان وهي تقطر عيونها:مالي شغل أنا رافضة يعني رافضة!!
محمد:إلا غريبة عبدالرحمن مابلغك بهالكلام بنفسه؟؟؟؟؟؟
اسمهان:لأني قافلة جوالي من بداية الامتحانات!
وطلعت اسمهان وفتحت جوالها ووصلتها رسايل واتصالات من عبدالرحمن يخبرها فيها عن الموضوع!!
ولما رجع أبو اسمهان من برة لقيهم مجتمعين ويتناقشون واسمهان زعلانة وتبكي ورافضة الشراكة!!
صاح عليها أبوها كم صيحة أخذت عقلها وانطمت!!!!
وسماح تقول:أنا متأكدة إنه عبير مو مثلك...أكيد استانست بالخبر وفرحت!!!!!!!!
راحت اسمهان تنام ودمعتها على خدها لأنه خلاص حكم القاضي!!!!!!!ههههه
________________
وثاني يوم بالمدرسة كان الزعل واضح عليها!وبعد الامتحان..تقابلوا الشلة....
أفنان:سوسو واشفيك حبيبتي؟؟لايكون ماحليتي زين بالامتحان؟؟
مرام: لا..أنا ملاحظة عليها إنها من يوم ماجت الصبح وهي زعلانة!!!
قامت اسمهان وحكت لهم عن السالفة!
رانية:أفا ياالعلم!!!هذي عين وصابتك يابنت الناس!!أو إنك نحيسة نحاسة مابعدها!!لو إنك يانجلاء موافقة على أخو عبدالرحمن ماكنتي بتكسبين أجرها وتفكينها من أم شرين هذي؟؟؟؟
نجلاء:اسكتي يارانية..أصلاً خطيبك من الأساس المفروض ماخلى واحد غريب يشاركه!!!
اسمهان:الصداقة بينهم قوية!وش تبيني أسوي؟
رانية:الله يعين..يعني أنا كنت بأموت من الفرح إني بأحضر زواجك وأرقص فيه..وآثاري الزواج بيكون مع عبير؟!!!وععععع يعني كأني قاعدة أرقص لها هي مالت عليها!!!!
نجلاء:وعاد الله يكون بعونك..بتبدأ حركاتها النص كم وبيبدأ التنافس يوم الزواج وكأنكم بحلبة سباق...هذا إن مالقيتها مرتزة عند نفس كوافيرتك!!!!!
مرام:وشفيكم على البنت؟كذا تشحنونها أكثر!خلاص مدام الأمر انحكم فيه وماصار لها منه مناص إذن ماله داعي النقاش!!!!!
أفنان:ياجماعة انتم مكبرين السالفة مرة!وشفيها لاتزوجت معاها عروس ثانية؟؟انتي بتنزفين قبلها يااسمهان صحيح؟؟؟
اسمهان:صحيح..
أفنان:وطول العرس بتكونين في غرفتك تتصورين..ووقت الزفة بتنزفين وتقعدين لك شوي على المنصة وبعدين بياخذك العريس وتروحون صح؟؟
اسمهان:صح!
أفنان:يعني فيه احتمال كبير إنكم ماتتقابلون أساساً وأكيد طبعاً مابتجلسون مع بعض..فليش الزعل والحركات اللي مالها داعي؟ صفوا النيات والله يبارك!!
رانية:أفنانوه؟قولي آمين!
أفنان:آمين
رانية:عساك تتزوجين بزواج جماعي من اللي يسوونها الجمعيات الخيرية ويكون معاك 777 عروس بليلة وحدة!!!!!!
مرت الأيام واسمهان زعلانة من خطيبها وموراضية ترد على مكالماته وقافلة جوالها لدرجة إنه اضطر يتصل على محمد يتوسط له عندها!!!!
ويوم الجمعة اجتمع محمد واسماء على الغداء في بيت أبوهم كالعادة..واسمهان كانت ترتب الأطباق على طاولة الطعام ومحمد جالس على واحد من الكراسي وقام يغني:
يابنت السلطان
ياحلوةيااسمهان
حني على عبدالرحمن
دا مسكين غلبان

اسمهان:ليش أحن عليه؟؟أنا وش سويت له؟
محمد:قافلة جوالك وماتردين عليه!
اسمهان:بعذري...عندي امتحانات!
محمد:الله أكبر..أمس الخميس وقبله الأربعاء وطلعتي ورحتي أسواق يعني ماقلتي عندي امتحانات!!!!!!!!
اسمهان:إنت وش تبي بالضبط؟؟؟
محمد:ولد الناس يبي يستشيرك ببعض تجهيزات العرس!!
اسمهان:يروح يستشير تركي أحسن له!!ماهو شريكه في العرس؟؟أكيد رأيه أهم!!!!
محمد:آآآآهااا.السالفة فيها ريحة زعل؟؟ماعليه عشان خاطري اتصلي وشوفي وش يبي!!
وراحت اسمهان وفتحت جوالها وعلى الحظ لقيت عبدالرحمن يتصل وردت عليه...
عبدالرحمن:مرحبتين بسمهونتي..وش ذا يابنت الحلال مابغينا نسمع صوتك؟؟؟
اسمهان:خير؟؟وش تبي؟؟
عبدالرحمن:يالطيف يارب..هذا أسلوب تكلميني فيه وأنا لي أسبوع ماكلمتك؟؟؟؟
اسمهان:الزبدة لو سمحت!

عبدالرحمن:سمهونتي هاللهجة ماحبيتها منك أبد!
اسمهان:إنت بأي حق ياآدمي إنت تخلي زواج تركي معانا بنفس الليلة؟؟
عبدالرحمن:آآآهااا...إذا عُرِف السبب بطل العجب!ووين المشكلة مو كان عبدالمجيد اللي بيتزوج معانا وماعارضتي لذيك الدرجة هالحين اش اللي اختلف؟؟؟
اسمهان:اللي كان خاطبها عبدالمجيد يامحترم أعز صديقاتي يعني أنا وهي واحد..لكن هالسوسة اللي بياخذها تركي ماهي كفو أحد يفرح معاها بنفس الليلة!!!
عبدالرحمن:لا يااسمهان أنا أعتبرك أعقل من كذا وهذا الكلام المفروض مايصدر من انسانة راشدة مثلك..هذا زواج.. يعني فرح..يعني انبساط وسعادة..موننكد على بعض ونملا قلوبنا أحقاد وأحساد..وبعدين لازم تكونين أنضج وأوعى من كذا سواليف المدرسة خلها بالمدرسة لاتنقلينها لحياتك وتزعلين نفسك...وماشاء الله تركي يقول إنه يوم فاتح أهل العروس رحبوا بالشراكة على طول!!اشمعنى انتي اللي مكبرة السالفة؟؟أنا أقول راجعي حساباتك!محد معترض على الموضوع إلا انتي وبس!!!!!
اسمهان(بصوت متهدج):ياربي عليكم محد منكم فاهمني !!باقي تشوفون بعيونكم اش بتسوي عبير النسرة وأمها يوم الزواج عندي إحساس مايخيب!!!!
حاول عبدالرحمن يهدي الوضع واستسلمت اسمهان لأنه الجميع مو بصفها!!
_________
مرت الأيام وبدأت عبير تتغلى على تركي وتتشرط
وتبالغ في شروطها وتحاول إنها تتميز بحركات في الزواج..هي من جهة وأمها من جهة!!!
لدرجة إنه تركي تذمر من الوضع وراح يشكي لأمه وكانوا سماح وهند موجودين ببيت أمهم وقال:تصدقون؟؟قد ماحسبت تكاليف الزواج ماتوقعت إنها بتطلع بالغلا هذا!!!وفوق هذا كله خطيبتي وأمها مو راحميني من كثر طلباتهم كل يوم يطلعون لي بمشروع جديد!!
هند:حسبي الله على أباليسهم!من يوم ماخطبت بنتهم وهم مستنزفينك في المهروالكسوة وأغراض الملكة غير الهدايا وطلبات العروس اللي ماتخلص وبعد يتشرطون بالزواج؟!!!وين أبوهم عنهم؟أنا أتوقع إنه بخيل ومقصر معاهم عشان كذا حاطين حرتهم فيك!!!!
تركي:بالعكس.. أبوهم لايحل ولايربط وأغلب وقته مسافر لأشغاله ومو موجود..ومو مقصر عليهم بشي وانتم شفتم شلون تكلفوا بالملكة!
سماح:طيب هم اش طلبوا منك شي زيادة؟؟
تركي:بعد مارحت مع عبدالرحمن وحجزنا كوشة مرتبة وسعرها معقول...قالت أم عبير لا..مانبيها روح احجز الكوشة اللي اخترناها من المحل الفلاني..ورحت وياليتني مارحت!!لقيت الكوشة اللي اختاروها ماتستاهل قيمتها بـ7آلاف وكلها كم قطعة قماش وكم كريستالة!!!!
لاويبون مطربة غير اللي بيجيبها عبدالرحمن وسعرها غالي!أبي أفهم شلون نجيب طقاقتين بيوم واحد؟؟؟؟
أم تركي:ترى ماألومها بعض مرات ياوليدي.هذي وحيدتها ومريضة سكر وبتروح وتفارق أمها بعد الزواج وهي فرحتها الوحيدة وودها تحط كل اللي وراها وقدامها عشان تحس إنها حققت لها اللي تتمناه أي عروس...وانت شفت شلون كانت ملكتهم فأكيد مايبون مستوى الزواج يكون أقل!!
هند:بس هم مو حاطين شي من جيوبهم يايمه!كله من قفا تركي حتى ملكتهم ماأستبعد إن نصها مسوينه من مهر عبير!!!!
سماح:إن جيتوا للحق طالما هم سووا اللي يبونه بملكتهم فالمفروض إنهم مايتدخلون بطريقتنا في الزواج ويرضون باللي نسويه..لكن واضح ياتركي إنك ماتعرف تاخذ وتعطي معاهم!!!
تركي:أقول ياحظ عبدالرحمن بس!تصدقون أهل خطيبته مااشترطوا عليه بكلمة غير انهم مايبون موسيقى بالزواج؟؟؟؟؟؟؟؟؟
أم تركي:الله يرضى عليهم..ملكتهم ماكان فيه أحسن منها إن شاء الله حتى الزواج يكون بنفس المستوى!
سماح:إلا بيطلع الزواج أروع من مستوى الملكة يكفي فخامة القاعة يايمه..الصراحة عبدالرحمن وأمه عرفوا يختارون...
هند:تركي الله يصلحك أحس إنك ماتعرف تتصرف!ياخي أي شي يطلبونه منك قول لهم حاضر ولاتنفذ لهم شي..بالعكس نفذ الشي اللي براسك وبس وحطهم قدام الأمر الواقع!!يعني اللي يسمعهم يقول حِنا ماعندنا ذوق!!!هذا زواج أخونا الوحيد وأكيد نبيه من أروع مايكون!
ودار حوار طويل بينهم.......
___________
طبعاً عبير كانت حايسة بالاختبارات وكانت تلاحظ شغلة غريبة إنها مرات تسمع شغالتهم سيريس تكلم أمها بموضوع والأم ترد عليها بكلمات مثل:مو وقته ياسيريس! ان شاء الله الوضع بيكون أحسن ومابنضطر لهاالفكرة!!!!
وأوقات تسمع أمها تقول لسيريس:خلها تتزوج بالأول وإذا انسدت كل الطرق بوجوهنا هذا اللي بنسويه!!!!!!!!
وحاولت عبير تستفسر أكثر من مرة عن هالحوارات الغريبة لكن أمها كانت تصدها وتقول لها خلك بامتحاناتك!!!
وانتهت الامتحانات يوم الثلاثاء وبدأت عبير تنزل السوق مع أمها يومياً من أول النهار لآخر الليل وكانت عبير تلاحظ إنه أمها تكثر بالأغراض والهدوم فقالت لها:يمه حرام نضيع هالفلوس في شوية ملابس وأنا راجعة لك من أول أسبوع!!! وقمصان النوم مالها داعي بالمرة أنا لايمكن ألبسها!!!
أم عبير:فاولي خير يالهبلة!طول قعدتك مع زوجك بتعتمد على شطارتك وإن حصل ومابغاك فأنا عندي حل ثاني بأسويه بعدين وماأظن إنه يفشل بس مابأضطر له إلا لو تركي ماتقبلك!!!
ورجعوا عبير وأمها البيت وقعدوا ينبشون في صور عبير القديمة لأنهم كانوا مخططين يسوون سينما تعرض جميع صور عبير من صغرها لكن المفاجأة إنه عبير لقيت صورة لخالها وأخذتها وشقتها وتفلت عليها!!!!!
أم عبير:الله لايرحمك ياسلطان!!لاتقهرين نفسك يابنت جزاته وبياخذها من ربه!!!!
عبير:أصلاً إنتي ليه محتفظة بصورته؟ماكفاك اللي سواه فيني؟عاجبك حالي يعني ؟وكل البنات لاقرب العرس يفرحون ويستانسون إلا أنا!!أداري فضيحتي بالكذب والغش؟؟؟وقامت تبكي...بمرارة
أم عبير:ماعاش من بكاك..ورب البيت لاأخليك أحسن عروس ولاأشوف هالدموع على خدك..ولاأخلي كل اللي كانوا يقولون من أهلنا عبير محد ياخذها يندمون!!!!!وبعدين نسيتي إني مفهمة الكل إن عمليات التجميل اللي سويتيها زمان ناجحة وإن مافيك إلا العافية!!!!
عبير:واش الفايدة يمه؟مصيره يجي يوم والكل يعرف هالكذبة!يعني أنا بأقعد طول عمري كاتمة نفسي بالملابس الطويلة والمقفلة؟!!!!!!
أم عبير:ياشيخة اسكتي!الكل يحسبونك تحبين الحشمة وأكثر شي يمدحونه فيك ملابسك المحتشمة!!خذيها ميزة..مو تاخذينها عيب!!!
وبدأت الأم وعبير يسترجعون ذكريات الحادث الأليم اللي صار قبل أكثر من 8سنوات..كان لعبير خال اسمه سلطان يصير أخو أمها وكان مدمن مخدرات ومروج وسكير عربيد مابقلبه خوف من الله أبداً!!!وكانواعبير وأهلها ساكنين بقرية بعيدة بحكم عمل أبوها وسفره الدائم وقاعدين ببيت جدتها أم أمها لأنها انسانة كبيرة بالسن ومشلولة وتحتاج من يرعاها وكان خالها كل يوم يجي البيت ويسرق فلوس من أمها وجدتها وأغراض من البيت ويبيعها عشان يقدر يشتري بضاعة مخدرات يبيع منها ويتعاطاها..ووقفت له أم عبير بالمرصاد كثير من المرات وبلغت عنه وحبسوه وحكموا عليه بالاعدام لأنه من المفسدين في الأرض ومعروف ببلادنا إنه مروج المخدرات حكمه الاعدام وحاول بالسجن قبل تنفيذ الحكم إنه يسوي بنفسه جروح خطيرة عشان يضطرون ينقلونه للمستشفى ولما وصل المستشفى هرب وراح للبيت عشان ينتقم من أم عبير لكن يوم راح البيت مالقاها لقي عبير قاعدة بحضن جدتها وتلعب معاها..فصار يصيح بأعلى صوته :وينها وينها النذلة اللي هدمت حياتي؟؟؟
أم سلطان:محد هدم حياتك إلا البلاوي اللي تتعاطاها عسى الله ياخذك وينتقم منك بكل مصيبة وفضيحة سويتها لنا!!روح وقلبي غضبان عليك إلى يوم الدين!!!
سلطان:اتركي عبير يمه والله لأنتقم من أختي في بنتها وأخليها تنحرم منها مثل ماهي بتحرمني من الحياة!!!!!
الجدة حضنت عبير بقوة عبير تصيح وتبكي وعمرها 9سنوات...
أم سلطان:والله ماتاخذ عبير ولو على قص ارقبتي!!!!
سلطان:مادام مابتفكينها فتحملوا اللي يجيكم!!وصب حولهم قاز وولع فيهم الثنتين وشرد!!!الجدة بما إنها مشلولة ظلت بفراشها واحترقت لين ماتت! لكن عبير حاولت تهرب ورفعت راسها وظل جسمها يحترق من نص الساق إلى الصدر!
وواحد من أخوالها كان راجع من برة ولحق عليها ونقلها المستشفى!
وظلت بغيبوبة لمدة من الوقت وظنوا الأطباء إنها ماراح تعيش!واستمرت منومة بالأشهر في المستشفى وعدة عمليات تجميل صارت لها لكن نظراً لأنها مريضة سكر كانت تتعرض بعد كل عملية لمضاعفات خطيرة خلت أهلها يصرفون نظر عن العمليات اللي مافادتها بالعكس كانت تضرها لأن الدكاترة يشقون جلد من الأجزاء السليمة ويرقعون الأجزاء المشوهة!!!وكانت النزيف اللي تتعرض له بعد كل عملية ماتلتئم جروحها عقبه بسهولة بسبب السكر!!

طبعاً بعد الحادثة الأليمة اللي تعرضت لها عبير وهي بعمر9سنوات ووفاة جدتها قبضت الشرطة على خالها الجاني وأودعته السجن وأخذ جزاته بالاعدام بتهمة الترويج للمخدرات والشروع في جريمة قتل..ولكن أخوال عبير الباقيين عشان ماينفضحون بين الجماعة فهموا الناس إنه سبب وفاة أمهم العجوز وحروق عبير بسبب حادثة حريق صارت بالبيت!!وعرضوا بيتهم الشعبي اللي بالقرية للبيع...وأبوعبير اضطرينقل عمله لمدينة جدة للبعد عن ذكريات الحادث ولوجود المستشفيات اللي تتابع علاج عبير..وسافروا للخارج عدة مرات ولكن عمليات التجميل ماكان لها أثر يذكر لأن الجلد كان ذايب ومشدود جداً والعمليات كانت تسبب تمزق!!!
ولكن الأدهى والأمر إنه عبير لما صارت بسن البلوغ وصارت العمليات تتعبها جداً وتسوي لها مضاعفات توقفوا الأهل عن اجراء أي عمليات وكانت عبير محافظة على لبس أي لبس يغطي جسمها بالكامل بلايزطويلة وبناطيل أو تنانير أوفساتين بجاكيتات عشان مايظهر للناس شي!!
وأم عبير كانت تخبي عن الناس كلهم إنه بنتها مشوهة عشان مايأثر على مستقبلها لدرجة إنه أبوها اللي عايش معاها بنفس البيت كان يظن إنه جسم بنته تحسن كثير عن زمان!!بل وصل من تدليس أم عبير وغشها إنها أقنعت أبو عبير بأنها صارحت أم تركي بحرق عبير وتقبلوا الوضع عشان كذا أبوعبير كان متطمن جداً لهذا الزواج وباستمرار مسافر لأشغاله.....
وعبير هي البنت الكبيرة بعائلتها وعندها أخ اسمه سعد والثاني اسمه سامي أصغر منها...
________
يوم الأربعاء كان استلام النتايج وأصر محمد إنهم يحتفلون بنجاح اسمهان في مطعم مكسيكي!!وبالفعل راح محمد وسماح وأولادهم وأم اسمهان واسمهان ومروا على أسماء وأخذوها معاهم..واحتفلوا بنجاح اسمهان بعد ماتناولوا وجبة العشاء طلب محمد من المطعم تورتة كبيرة ولما جابوها الجرسونات الفليبنين على الطاولة قاموا يغنون للناجحة بلهجة انجليزية ومعاهم بالونات والأطفال داخلين جو ويصفقون....
وبعد ماراحوا الجرسونات كشفوا الحريم وجوههم لأنهم جالسين بجلسة عائلية فيها خصوصية وحاجز ساتر.....
الجميع:مبروك سمهونة..
اسمهان (بفرح):الله يبارك فيكم كلكم...
محمد:شوفي ياسوسو ترى هذي الحفلة سويتها لك بمناسبتين الأولى نجاحك والثانية توديع للعزوبية!كلها أسبوعين وتدخلين القفص الذهبي عاد انتي وشطارتك بتخلين القفص الذهبي يلق ويبرق طول العمر والا بتحولينه للقفص الأسود وتبلشين ولد الناس معك!!!!
الأم:قول خير ياحمود..عساها يارب تتوفق بكل حياتها وعسى الله يسخر عبدالرحمن لها..
اسماء:وعساها دوم ترفع راسنا قدام أهل زوجها ولاتفشلنا برفالتها..يمه حرام ترى مابقى غير اسبوعين اشتغلي عليها زين فيها وخليها تطبخ وتعجن كل يوم من الليل للنهارعساها تطلع بنتيجة بس!!
اسمهان:هذا اللي ناقص ياست اسماء!أدخل المطبخ وأسوي بنفسي عاهات وحروق قبل العرس!!الله يخلي رابحة وبديعة وأمل الجهيمي ومنال العالم!!!!
اسماء:ومين هم هذول؟؟اللي بيرسلون لك غداك وعشاك عقب الزواج؟؟
الأم:أختك ماقصرت حطت حرتها بالمكتبة وشرت كتب طبخ كبيرة كلفتنا حول ال800 ريال عسى بس تطلع منها بنتيجة!
وظلت العيلة تدردش بالمطعم لين مارجعوا لبيوتهم وهم مستانسين..
وعاد اسمهان ماقصرت بالروحات للصالون راحت لمشغل أخت صاحبتها مرام وصبغوا لها شعرها وسووا لها تنظيف بشرة وماسكات وحمامات زيت لشعرها..وبالبيت كانت تسوي لنفسها حمام مغربي وطايحة بعمرها تنتيف ..وكملت كل مقاضيها من السوق وقبل الزواج بأيام وصلت أختهم ابتسام وبدأوا الأقارب يجتمعون والكل يقدم الهدايا لاسمهان ويبارك..
وببيت عبير نفس الشي أقاربهم كانوا يجون يباركون وأما أهل أبوها ماكان بينها وبينهم ود بسبب علاقتهم المتوترة مع أمها لأنها انسانة قوية وماتقصر بزرع المشاكل بينهم!!!!
أما تركي مسكين طلعت له أم عبير بمشروع واشترطت عليه إنه بنتها ماتسكن في الملحق اللي فوق بيت أمه وقالت :لازم تشوف لبنتي بيت مستقل ويكون كبير!
وبعد شد وجذب وافق واستأجر شقة كبيرة وكان أجارها عالي وصاحب العمارة شخص راعي مشاكل وأصر انه تركي يدفع له أجار سنة مقدماً!!!!!
وكان تركي متضايق جداً من الضغوطات المادية اللي عليه لدرجة انه اشتكى لأمه الحال..
تركي:تصدقين يمه إني بديت أتحسف على كل ريال صرفته بهالزواج؟!!كل اللي اجتهدت وجمعته بهالسنين راح بغمضة عين في تجهيزات العرس والبيت والأثاث...ومو بس كذا أنا اضطريت أمد يدي على ورث الوالد وأتصرف بجزء منه!!!!
أم تركي:يفداك ياولدي يفداك...أساساً إحنا ليش كنا نجمع الفلوس؟؟مو عشان تفيدنا بوقت الشدايد؟؟؟
تركي:بس يمه اللي قاعدة عبير تسويه فيني هي وأمها اسراف زايد هم موب حاجته بس مدري ليش يبالغون بكل شي؟على بالهم أنا صاحب ملايين؟!!!!حتى شهر العسل قعدوا يتشرطون ويقولون لازم نسافر هنا وهناك!!من وين ياحسرة؟؟وأنا حطيت اللي وراي وقدامي بهالعرس!!!!
أم تركي:سافروا بس داخل المملكة..ترى السفر للخارج بيكلفك واجد..الله يهديهم بس..البنت هذي محد مخربها إلا نصايح أمها بس عقب ماإنت تتزوجها عودها على طبعك..
______
وفي الجانب الآخر كانت اسمهان رافضة ترد على عبدالرحمن صار كل مابغاها بسالفة يراسلها مسجات وتراسله فقط!!!
اتصل ناصر صاحب عبدالرحمن وولد عم تركي وعزمهم بمناسبة قرب موعد زواجهم اللي بقى عليه 3أيام بس في مطعم وقبلوا الدعوة ونادى بعض الأصحاب....
ولما وصلوا المطعم جلسوا وبدأوا جميع المدعوين يتبادلون الأحاديث....
فهد:يلا ياناصر شد حيلك..كلنا فتحنا بيوت ودخلنا القفص الذهبي ماعدا إنت ليلك نهار ونهارك ليل..متى بتعقل وتسوي مثلنا؟!!!!!
ناصر:أنا طير وأحب الحرية ماني مجنون مثلكم أحبس نفسي في قفص!!!
مشاري:بالعكس على إنه الزواج فيه مسئوليات كثيرة بس تراه رائع بـحلوه ومره مو مثل منت فاهم!
ناصر:ماأتخيل نفسي مربوط بالبيت وعندي فرقة بزران أركض وراهم بالأسواق!!
عبدالرحمن:ماعليكم منه بكرة لاشافنا شلون مستانسين عقب الزواج بيغار ويقلدنا!
تركي مال على عبدالرحمن وقال بإذنه:تصدق ياحظه ياليتني مكانه!!!!
عبدالرحمن:وشفيك غيرت أقوالك ماكنت تعد الأيام عشان تتزوج؟؟؟
تركي:مدري!مرات أحس إني أسأت الاختيار!
عبدالرحمن:تعوذ من إبليس...هذا قلق طبيعي بسبب قرب موعد الزواج..بكرة تنبسط وتنسى هواجسك!!!!!
وتمت السهرة بين الأصحاب وكان عددهم خمس وبعد ماتعشوا راح كلن لحال سبيله وبقى تركي وناصر وعبدالرحمن....
عبدالرحمن:مشكور من القلب ياأبوالنصر على السهرة الحلوة هذي...
تركي:هااه؟؟مو عقب مانتزوج تنسانا وتغط!!
ناصر:انتم أصلاً مابتفضون لي وباقي أذكِّركم بيجيكم من يشغلكم!عشان كذا جمعتكم اليوم تودعون عزوبيتكم!!وعندي هدية حلوة لكم!
تركي:هات ماعندك....
ناصر:فيه صالون كشخة أعرفه وفيه قسم خاص لتجهيز العرسان وبما إنكم أغلى أصحابي وماني ساخي فيكم ريال واحد أهديكم اياه يوم الزواج!قلت إذن خل هديتكم تكون عبارة عن تجهيز بالكامل على حسابي!!!!
عبدالرحمن:جزاك الله خير..انت كريم وحِنا نستاهل..
تركي:طيب وش يشمل تجهيز العرسان؟؟
ناصر:حمام ساونا+تدليك+حلاقة شعر وتضبيط اللحية والشنب+تنظيف الوجه والمسامات+أقنعة منشطة للوجه...
تركي:الله يرضى عليك..أجل وش رايك ياعبدالرحمن نبدأ من بكرة؟؟الزواج مابقى له إلا يومين!
عبدالرحمن:على بركة الله..بس عطنا العنوان..
وتوادعوا الأصحاب...
وثاني يوم من الظهر توجهوا العريسين للصالون ولقيوا استقبال حلو بعد ماعرف الرجال اللي بالاستقبال إنهم من طرف ناصر....
وطبعاً العريسين سووا كل العروض السابقة وماخلصوا إلا قرب المغرب!! وآخر شي بقي حلاقة الشعروتضبيط الشوارب واللحى اللي كانت عوارض...
ومسك الحلاق الهندي شعر تركي وكان تركي حاط ماسك على وجهه وقطنتين على عيونه ومسترخي ومسَّلم راسه للحلاق...
والحلاق الثاني قام يحلق شنب عبدالرحمن وحلقه من الجهتين ونقز عبدالرحمن من كرسيه وطالع بالمراية ولقي نص شنبه محلوق!!!!!!كأنه هتلر!
ومسك الحلاق وكفخه..
عبدالرحمن:لابارك الله فيك من حلاق هذا وجه أقابل فيه الناس؟؟
تركي وكان مسترخي على الآخر والقناع الطيني على وجهه والقطن على عيونه قال:وشفيك ياعبدالرحمن تصارخ عسى ماشر؟
عبدالرحمن:حلق شنبي الله يخزيه!!
وفجأة دقق عبدالرحمن النظر في تركي وصاح:تركي قوم وإنت منشكح وموب داري عن الخرايط اللي براسك!
فز تركي وشال القطن من عيونه وناظر المراية ولقي الحلاق لاعب في حسبته ومسوي خط عريض بنص راسه وحالقه بالماكينة على الصفر!!!
تركي:اش ذا يالمجنون؟مسوي لي طريق زراعي بنص راسي؟؟هات راسك يمين ماأخليك لين ماألعب راسك مثل مالعبت براسي..
وراح عبدالرحمن ينادي المسئول عن الصالون وكان شامي وجاء وقال:شو فيه مسيو عبدالرحمن؟خدماتنا مش عاجبتك؟
عبدالرحمن بانفعال:طالع بوجهي هالأثول شايل نص شنبي وش اسوي أنا الحين وعرسي عقب بكرة؟؟؟
قام الشامي يخاصم الحلاق الهندي قام الهندي وقال:أنا سويت كذا بناءً على طلبات مستر ناصر!!
قال تركي:آهااا قولوا كذا من الصبح!سواها ناصر فينا ياعبدالرحمن!
قام عبدالرحمن ويصيح في الموظفين ماني طالع من هنا إلا ان لقيتوا لي حل!!
المسئول قال:بدك ماتواخزني يامسيو عبدالرحمن ماإلك حل إلا تحلق النص التاني من شنبك وبـ هيك تكون زبطت المسائل!
عبدالرحمن:إييييييش؟أحلق شنبي؟؟؟
تركي:بيني وبينك ماقدامك إلا هالحل!والا ودك تروح العرس بنص شنب وتصير نكتة بين الرجاجيل؟؟؟
المسئول عن الصالون:وإنت يامسيو تركي بدك تحلق شعراتك كلياتها عالزيرو!
تركي:طبعاً وأنا مجنون أترك راسي وكله حفريات ومخططات؟
عبدالرحمن:شوفوا ولافلس أحمر بتشوفونه مننا جزاتن لكم!
المسئول:ولو مسيو عبدالرحمن...المسيو ناصر دافع كل إشي!
عبدالرحمن:حسابه عندي هالناصر خلني أشوفه بس!!
وحلق عبدالرحمن المسكين شنبه وانصدم من منظره النهائي وطالع بتركي وقال:اش رايك؟؟
تركي:ماشاءالله حالق الشنب ومخلي اللحية؟؟
عبدالرحمن:يمين انك صادق صار شكلي شيفة جهة فاضية وجهة مليانة من وجهي حتى اللحية بأحلقها وحسبي الله على من كان السبب!
وأما تركي حلق شعره على الزيرو وقال لعبدالرحمن:هااه؟اش رايك؟
عبدالرحمن:ياخي تحمد ربك ماغير انت بتلبس شماغ لكن أنا شلون بأقابل الناس بهالوجه الأصمع؟؟ألبس برقع؟؟؟
وطلعوا من الصالون وهم متضايقين وتركي يتوعد في ناصر ويقول:وش رايك نطب عليه ونحلق حواجبه؟؟
عبدالرحمن:ياشيخ طنشه لاتفتح علينا سوالف!ناصر هذا واحد فاضي ومخه طاقق خليه..بكرة يكبر ويعقل..ولو إن مصيبتي أكبر من مصيبتك يافشلتي قدام الرجاجيل لالحية ولاشنب.
إلا ناصر متصل ومسوي نفسه بريء ويسأل:هاه وشلون خدمات الصالون عجبتكم؟؟
عبدالرحمن:روعة حتى شنبي ولحيتي دللوها و شالوها مرة!
ناصر:التجديد مطلوب نسيت إنك عريس؟!
عبدالرحمن:لامانسيت بس علمني شلون بأقابل الأشناب ولحيتي وشنبي استقالوا من وجهي؟؟
ناصر:ياخي غيرِّ الجنسية!!
ههههههههههههههههههههههههه
وسحب تركي السماعة من عبدالرحمن وقال:وأنا يالخسيس..تبيني أقابل العروسة براس يلمع؟؟؟
ناصر:ياخي قول لها إنك راجع من الحج!
كاااااااااااااااااااااااااك
رجع عبدالرحمن البيت وأول مادخل البيت استقبلته أخته أحلام اللي كانت واصلة من السفر قبل يومين استعداداً للزفاف..بضحك على منظره وسمعتها أمها وجت تستطلع الوضع وأول ماشافته أمه قالت:طيَّح الله حظك على هالوجه!!وين الشنب واللحية؟؟
عبدالرحمن:جاهم ترحيل من البلدية!!!
أحلام:ترى يبيعون بمحلات الألعاب نظارة ومشبوك فيها خشم وشنبات لو تلبسها بيطلع شكلك أحلى من كذا...ههههههه
أم عبدالرحمن:لايكون هذي طلبات اسمهان؟؟صدق إن ماعندها عقل!
عبدالرحمن:ماطلبت شي يايمه..هذي نهاية الصُحبة الصالحة!!
وراح يحكي لهم عن قصته مع تركي في الصالون...
أحلام:خير؟هي المقالب موضة دارجة هالأيام؟تتذكر يوم زواجي قبل كم سنة لما أصحاب زوجي أصروا يزفونه لين القاعة وركب معاهم السيارة وفروا به جدة كلها وأخروه عن العرس وزعل أبوي وأبوه؟؟؟؟؟
عبدالرحمن:طبعاً أذكر ويكون بعلمك صاحب هالمقلب كان ناصر بعد!!
أم عبدالرحمن:ياليتكم مريتوا عليه ونتفتوا شُعرانه كلها!!
__________
أما تركي راح لناصر البيت وسحبه من عند الباب وحلق له سكسوكته بالموس!!
وبعدها رجع تركي البيت وقابلته أمه وسماح وأولادها وقال سعيد:ياخالي إنت راس البطيخة!
سماح:الله يسامحك ياتركي على هالشكل! بحياتك كلها ماقد حلقت راسك حتى يوم جاك صيبان وأكل فروتك زمان رفضت تحلق راسك!
تقوم تجي وتكحلها قبل الزواج بـ ليلة؟؟؟؟؟
أم تركي:مين ضحك عليك وقال لك كذا أحلى؟؟؟
تركي:يوووووه عاد لاتزيدون قهري
وحكى لهم السالفة...واش سوى لناصر...
سماح:وحلقت له سكسوكته بس؟ليتك حالق حواجبه أحسن!وعبدالرحمن ياحليله رحمته شلون بيقابل اسمهان؟؟
تركي:صراحة شكله صار فضيحة لو يتلثم أستر له!
________________
وتم توزيع كروت الدعوة وبدأت ساعة الصفر تقترب......وليلة العرس اسمهان كانت مع كل صلاة تدعي ربي يوفقها مع خطيبها..
أما عبير حارقة نفسها من التفكير والتوتر وتدعي على اسمهان إنها ماتتوفق!!!!
جاء يوم الزواج اللي الكل منتظرينه وراحوا أهل اسمهان الصالون من الظهر وبدأوا بالتسريحات وبعدين الماكياج وانتهوا المغرب ورجعت اسماء البيت تلبس وتلبس ولدها وابتسام رجعت تتجهز وتجهز بناتها والأم راحت البيت وتركوا اسمهان في الصالون مع كاتيا الشغالة عشان تنتظرها وتساعدها لو احتاجت شي..الفستان كانت ناوية تلبسه في غرفتها بالقاعة..
تسريحة آسمهآن

فستآنهآ:

وفي صالون ثاني كانت عبير وأمها وخالاتها وبناتهم وزوجات أخوالها يتضبطون بعد ماانتهى الجميع راح كلن يستعد ببيته وبقيت مروة بنت خال عبير معاها بالصالون..وأمها تدخلت في كل شي بالتسريحة والماكياج وأصرت إنه ماكياج عبير يكون ثقيل جداً!!عشان تسير مميزة عن اسمهان!!!!
تسريحة عبير

فستان عبيييييييييييييييييييير

وكانت عبير متوترة جداً لدرجة إنه الكوافيرات بالصالون لاحظوا ذلك من عصبيتها الزايدة وفضاضتها في التعامل معاهم..ولما انتهت الكوافير أخيراً من ماكياج عبير قالت لها:أبَلِش بأساس الجسم ياعروس؟؟
عبير:إيه...
وأول مابدأت الكوافير تحط الأساس على رقبة عبير ووصلت للجزء اللي أعلى الصدر دفتها عبير بقوة وحطت يدها على صدرها!!لأنها خافت لاتشوف الكوافيرة الحروق والعيب اللي بصدرها
الكوافيرة:شو فيه مدام؟أنا غلِطت بإشي لاسمح الله؟؟
عبير:مالك شغل!!
وطلعت من الغرفة واتصلت بأهلها يجون ياخذونها...
_____________
طبعاً أول من وصل القصر أم عبدالرحمن وأخته أحلام وخالته جوهرة وبعدهم أم تركي وبناتها ووقفوا عند البوابة الداخلية للقاعة يستقبلون المعازيم والمغطرفات جنبهم يستقبلون الناس بالزغاريد والكل كان في قمة الذوق والشياكة..

وبدأت الوفود تتجمهر وتقبل وبعدها بوقت حضروا أهل اسمهان وطلعوا بنتهم لغرفتها فوق ولبسوها فستانها وبعدها بشوي جت المصورة تصورها ونزلوا هم تحت.....
وبعدين جت أم عبير اللي منظرها صدم الجميع!!مسوية تسريحة مبالغ فيها ماتناسب سنها أبداً وفستان شبه فاضح لوحدة في عمرها ولاحول ولاقوة إلا بالله!وماكياج صارخ جداً..حتى أم تركي ماهضمت شكلها!!!!
_وأخذت بنتها وطلعت فوق لغرفتها وماعجبتها الغرفة كثير لأنها أصغر من غرفة اسمهان!! وبدأ التوتر والقلق اللي سوته أم عبير طول الزواج يزيد..راحت لغرفة اسمهان وشافتها وبعدين نادت أم تركي وقالت:ليش تعطون بنتي الغرفة الأصغر؟؟
أم تركي:اذكري الله ياشيخة..مافي اختلاف كبير بحجم الغرفتين بعدين أهل اسمهان عندهم أطفال لو احتاج أحد منهم يرتاح أو شي يحطونه في الغرفة!
ورجعت أم عبير لبنتها وكانت المصورة تصورها...عبير:يمه شلون شكل اسمهان؟؟؟؟؟
أم عبير:لاتهتمين..انتي أحلى منها بمية مرة مكياجها وتسريحتهاولبسها عادي مرة...بتتميزين الليلة عنها بكثير!
تطمنت عبير يوم سمعت هالكلام!
ونزلت أم عبير للقاعة وجمعت اخواتها وبناتهم وبنات أخوانها وخلتهم يجلسون على المنصة!!!!!!وحجزوا المنصة على حسابهم هم بس اللي يرقصون!!
نادتها أم عبدالرحمن وقالت:ياحبيبتي مايصير تخلين ضيوفك يقعدون فوق!إحنا اللي اسمنا أمهات العرسان ماطَّلعنا قرايبنا فوق!والمنصة من حق الكل يطلعون ويشاركون ويرقصون عليها!!
وكملت أم عبير رقصها مع أهلها وبعدين نزلت معاهم وجلسوا على طاولة..
________
طبعاً مدخل القاعة كل وحدة من العرايس تفننت على طريقتها في تزيين الطاولة الخاصة فيها..
عبير كانت حاطة صورة كبيرة لها من صور الملكة ودفتر توقيعات الزوار مزين بالفصوص وشوية تحف وورد مرتبة كلها على مفرش فخم...
أما اسمهان وأهلها كانوا ضد وضع صورة في مدخل القاعة لأنه غير مضمون اللي بيصير!!يعني مثلاً سهل جداً يجي أحد ويصوربجواله الصورة المعروضة!أو عاملين البوفيه من الرِجال ممكن وهم داخلين يجهزون العشا يشوفونها!!
فكانت طاولة اسمهان كالتالي:
عليها مفرش مطرز..وعروس كبيرة فستانها عبارة عن وردات وورق شجر كل ورقة شجر عبارة عن بطاقة يكتب فيها الزوار مباركتهم للعروسة+نافورة العود+شجرة ذهبية معلق عليها حبات شوكولا+تحف كريستال مليانة أحجار ملونة+سلة أنيقة فيها توزيعات دعوية أشرطة وكتيبات ومطويات مغلفة بشكل مبتكر.....
_________
طبعاً اجتمعوا الحضور وبدأت القاعة تمتليء وكان عدد الحضور450 مدعوة! ومن بينهم شلة الصاعقة اللي حضروا مع أهاليهم لكن جلسوا بطاولة بروحهم..ونجلاء كانت من الناس اللي مترددين في الحضور بسبب رفض أهلها لأنه أم عبدالرحمن سبق وخطبتها!!لكن بعد ماأم اسمهان عزمتها رسمي وأم عبدالرحمن أيضاً وأصرت على حضورهم مالقيوا مفر من قبول الدعةوة!!
_______
كان كل شي طبيعي ورائع ولكن أم عبير هي الوحيدة اللي مو مرتاحة وكل شوي مخترعة مشكلة وهالكة نفسها بالمقارنات!مثلاً:تبي بنتها تنزف أول!!
تبي موسيقى ودي جي!!تبي تركي ينزف مع زوجته قدام النسوان!!
بس ماكان أحد مطاوعها في طلباتها مما خلاها تشعلل طول الزواج!!
كانوا سماح وهند جالسين عند البوابة يستقبلون باقي المعازيم وتفاجئوا بدخول مطربة ومعاها أورج وطبول و زير وداخلة من البوابة على القاعة مباشرة مسكتها سماح وقالت:خير ان شاء الله؟مين حضرتك؟؟
المطربة:أنا المطربة اللي حجزتوني لمناسبتكم!!!!
سماح:حبيبتي اللي حجزناها شوفيها فوق المنصة تغني من أول الليل!!
المطربة:اش قصدكم بالحركة دي؟تضحكوا عليا؟؟
هند:طيب مين اللي حجزك انتي وكيف؟
المطربة:وحدة اتصلت عليا وقالت إنها أم تركي وحددت لي موعد الفرح وأرسلت لي عربون مع سواقها!!
هند:حبيبتي أمي ماعندها سواق من زمان!!!أكيد هذي السوسة أم العروس!
المطربة:ايوه هي قالت لي غني تلاته أغاني بإسم عبير!
سماح:حبيبتي هذي أم العروسة ضحكت عليك..وإحنا مالنا شغل حسابك معاها بعدين!
المطربة:ياسلااام يعني ايه؟؟ضاع عليا اليوم ببلاش؟؟أنا كنسلت حجوزات كتير عشانكم وآخرتها ماتبغوني؟؟؟والله لآخود حقي من عيونكم!!!
هند:حبيبتي حقك تاخذينه من أم العروس ورجاءً بلاش فضايح لاتخربين علينا ليلتنا ولا بننادي موظفات الأمن لك!!!!
ولما شافت المطربة إنه المسألة فيها أمن وما أمن انسحبت وهي تشتم وتسب وراحت هند ونادت أم عبير وقالت لها عن السالفة وسألتها:كيف تحجزين مطربة وإحنا جايبين فرقة طقاقات بدفوف وطيران ومن غير الآت؟؟؟؟؟؟
أم عبير:اش قصدكم تتبلون علي؟أنا ماناديت أحد! لابدها أم اسمهان اللي سوت كذا!!!!!!
طبعاً سماح وهند عرفوا إنها كذابة وتبي تتهم غيرها وبس..ولا أم اسمهان لاتبغى الطرب ولاعندها سواق!!!!!!!!
________________
وكانت عبير قاعدة تغلي في غرفتها ودها لو تشوف اسمهان وبالفعل راحت لغرفة اسمهان ودخلت ولقيت سماح جالسة معاها....
سماح:هلا عبير محتاجة شي؟؟؟
عبير(بـ دهاء):وحشتني سمهونة وجيت أسلم وأبارك...
وسلمت على اسمهان وباركت..
واسمهان مستغربة الذوق اللي نزل فجأة!!
سماح:طيب أنا أستأذن بأنزل أشوف المعازيم...
قربت عبير بكل حقد من اسمهان وقالت بكل غيرة:مالقيتي أحسن من الكوافيرة اللي رحتي لها؟؟
اسمهان:لا مالقيت..والحمدلله شغلها أكثر من رائع والنتيجة أروع مما تصورت!!!
عبير:شكلك على الطبيعة أحسن!ياترى إنتي وش بتسوين في الزفة؟؟؟
اسمهان:سوات أي عروس!!
عبير:أقصد كيف بتزفين؟
اسمهان:لاجات زفتي بتعرفين!!
عبير:ماألومك!الغيرة ذابحتك!!
وطقت اسمهان بتشميقة وطلعت من الغرفة!
اسمهان(بتعجب)وتحاكي روحها:والله مدري من اللي يغير من الثاني!!!
____________________
طبعاً شلة اسمهان جالسين يسولفون وكانوا مبسوطين بهالمناسبة الكشخة..وفجأة طالعت رانية في وحدة من المعازيم ترقص وقالت:شوفوا شوفوا راعية الأحمر!
التفتوا الشلة وقالوا:شفناها!!!
رانية:واي واي..خقيت على فستانها!ودي أشلحه من فوقها وألبسه!!
مرام:وبيدخل فيك عاد ياالدبة؟!!!
نجلاء:جداً عادي..بس رشاقتها محليته مرة...
وشوي مرت أم عبير من جنبهم..
رانية:أعوذ بكلمات الله التامات من شر ماخلق!
الشلة:ههههههههههه
رانية:والله مصدقة نفسها هالعنز!على بالها صبوحة الشحرورة!!
مرام:حرااااااام طاحت بيد كوافيرة لعَّابة!لو جات مشغلنا كان ضبطناها!
نجلاء:إذا الأم كذا؟أجل الله يخلف على عبير وش سوت بنفسها!
أفنان:وش رايكم نطلع نسلم على اسمهان؟؟
الشلة:يلا!!!!
وطلعوا فاجئوا اسمهان بجيتهم وسلموا عليها....
اسمهان:غريييييبة وين التطقيم اليوم؟؟ أشوف كل وحدة لابسة على كيفها!!
رانية:عاد حلاوة هي؟؟قصوا ظهري ذاك اليوم وأنا أفتر بالمولات أدور فساتين وردي!!!
اسمهان:آآآهااا...يعني كان عندكم خبر مسبق بأني راح ألبس وردي وماقلتوا؟!!!!!
نجلاء:حِنا مالنا شغل!هذي المحقق كونان اتصلت على بيتكم وسألت بنت أختك!!!!
قامت اسمهان تناظر برانيةبنص عين وقالت:وليش مااتصلتي هالمرة بعد وسألتي وش بألبس؟؟؟
رانية:بعد هذي مايبي لها سؤال!العروس وش بتلبس يعني غير الأبيض؟؟وعاد ماأحلانا مطقمين معاك أبيض تقولون كفن!..حشا ماكأننا بنروح عرس إلا كأننا بننزف على المقبرة!!
الجميع:ههههههههههه
اسمهان:الله يستر هالمرة وشلون بتزفوني..المرة اللي راحت وسويتوا لي دبكة سورية هالمرة أخاف ترقصوني عراقي!!!
أفنان:حِنا لو نطاوع رانية تخلينا نرقص دقني ومعلاية!!بس الحمدلله باقي في راسنا عقول!
رانية:وهي أم عبير خلت أحد يرقص من أول العرس؟مسنترة في المنصة هي وقرايبها تقولون مطلعين عليها رخصة لولا أم زوجك نزلتهم بالذوق!!!!
اسمهان:ماشاء الله بيسوون نفسهم نجوم الحفل بالغصب!تخيلوا عبير جات غرفتي قال إيش بتبارك؟وهي خارجة تقول لي ماألومك الغيرة ذابحتك!!!!
رانية:يقطع أبو الثقة ياشيخة!!وأقص إيدي من هنا لو ماكانت مسوية لوحة تشكيلية على وجهها مثل أمها!ماأقول غير الحمدلله إنه ممنوع اصطحاب الأطفال والا كان حضروا فيلم رعب اليوم!
الشلة:ههههههه...
اسمهان:الناس أذواق!بس ماقلتوا اش رايكم فيني؟؟
رانية:بسم الله عليك تهبلين..
نجلاء:ماشاء الله تبارك الله حلوة دايماً ياقمر...
مرام:مايحتاج نقول رأينا..أهم شي رأي العريس!!
أفنان:حصِّني نفسك ياعسل..
العين حق...
ودردشوا شوي مع اسمهان بعدين قدموا لها صندوق مغلف تغليفة كشخة وكان هدية بمناسبة زواجها والهدايا اللي بداخله قطة بينهم...وخرجوا من عندها...

رانية:اش رايكم نمر على عبير نسلم عليها؟؟
أفنان:إن كان سلامكم عليها بغرض الشماتة والتريقة بس..فأنا أول وحدة بأعترض وماني رايحة معاكم!
نجلاء:ياشيخة ندخل نبارك لها مادام وصلنا لها...
مرام:بيني وبينكم مو حلوة نبارك لاسمهان ونطنشها!تعالوا نسلم عليها وننزل...
ودخلوا كلهم على عبير..وتفاجئت وقالت:نعم؟؟
مرام:الله ينعم بحالك..جينا نسلم ونبارك..
ودخلوا وسلموا وهي مو متطمنة لهم تناظر فيهم باستغراب...
قاموا استأذنوا وخرجوا من الغرفة
وأم عبير دايرة بالصالة تسوي مقارنات ومشاكل ناظرت بالصالة ولقيت أغلب المعازيم من طرف أم اسمهان وصاحت بأم تركي:اشفيكم ماعطيتوني كروت كثيرة مثل أم اسمهان؟؟حبايبها معبيين القاعة وأنا كأني يتيمة!!!!
أم تركي:نفس عدد الكروت اللي أخذتيهم..أخذتهم أم اسمهان..لكن فيه معارف كثير مشتركين بيني وبينها وأنا اللي عازمتهم وهي تعرفهم عشان كذا تلاقينها معاهم!
وراحت أم عبير..
هند:أعوذ بالله هالحرمة كل دقيقة تسوي لنا قلق!أول راسلة مطربة وتبي تورطنا فيها..ورجعت تقول ليش غرفة بنتي أصغر..وبعدين حطت أقاربها فوق المنصة يجلسون ويرقصون هم بس!ومعترضة ان زفة اسمهان بتكون قبل!وتبي تركي يطلع!والحين تقول الكروت وماالكروت!اللي هذا أوله ينعاف تاليه!
أم تركي:الله يرضى على أم اسمهان ياشيخة...
_________
بعد شوي طلبت اسمهان من أمها انها تنادي أبوها ومحمد والعريس يطلعون يتصورون معاها...
ودخلوا الغرفة وطاحت عين اسمهان على عبدالرحمن وانذهلت من منظره..وتصورت كم صورة جماعية مع أخوها وأبوها وزوجها...وبعدها خرجوا كلهم من الغرفة وبقي اسمهان وعبدالرحمن والمصورة واقفة بعيد تضبط أغراضها...
عبدالرحمن(وهو يطالع باسمهان):ماشاء الله تبارك الله..سبحان من خلق وأبدع...
واسمهان ساكتة ومتنحة!!!
عبدالرحمن:سمهونتي اشفيك ماكلة فول؟؟؟
اسمهان:إلا ماكلة تراب وساكتة!وش هالشيفة؟لابارك الله في ابليس!مالقيت تكشخ وتتفنن إلا بيوم العرس؟؟؟؟؟
عبدالرحمن:ليه؟ثوبي وشماغي وبشتي من أغلى محلات شاريهم ولا هي معجبتك؟؟؟
اسمهان:أنا أقصد شنبك ولحيتك يافصيح!
عبدالرحمن(وقصده يستفزها):التغيير مرغوب يوم العرس!!
اسمهان:مضبوط!بس التغيير للأفضل مو للأقبح!طالع بنفسك حرام عليك..المسافة اللي بين خشمك وفمك ملعب كورة قدم!!
عبدالرحمن:لاتزيديني غبن قالوها أعمامي قبلك بس مو ملعب كورة لأنهم مايشجعون أي فريق!!بس قالوا ساحة قتال!!
اسمهان وهي تكلم المصورة:مدام دينا بليز العريس مايبي تصوير صوريني لحالي بس!!!
عبدالرحمن:ليش؟مين قال؟أنا جاي مخصوص أتصور معاك!!
اسمهان:معليش خلك بعيد..الصور هذي بيشوفونها أحبابي وأصحابي بعدين..موب ناقصة فشايل وضيف على كذا إني دافعة عليها مبلغ كبير فـحرام جداً إنك تخربها علي بوجهك الصافي هذا!!!!
عبدالرحمن:صدقيني أنا زعلان أكثر منك بس هذا اللي صار نتيجة مقالب نويصر صاحبي!!
اسمهان:مو هذا النذل اللي كنت دايماً تحكي لي عنه!وش تبي فيه وياكثر هزله ومقالبه؟!!!
عبدالرحمن:نفس اللي تبينه من شلة الصاعقة على كثر هزلهم ومقالبهم!!!!!!
ساعتها تفشلت اسمهان وانطمت وتصورت مع عريسها وهي ساكتة!!!
طبعاً طلبت عبير.. تركي وأبوها وأخوانها يطلعون يتصورون معاها وقامت أمها بما إنه عندها حب ظهور تناقز بكل صورة..وتتصور
وتستخف دمها بحركات بنوتية بحته!!
حتى تركي نقد عليها وقال بنفسه:الله يرضى على أمي عقل وثقل!!!!!!!
وخرجوا الجميع وبقت عبير مع تركي بس ماانتبهت لقرعته لأنه مغطيها بالشماغ زين..لكن بينها وبين نفسها قالت:شكله مخفف شعره من الجوانب!!
عبير(بدلع متصنع):يعني ماقلت رايك بمظهري؟؟؟
تركي:مرة شكلك اختلف علي!مو كأنك كثرتي من هالألوان؟؟
عبير:اسمه ميك آب!والموضة هي اللي ماشية السنة هذي كذا!!!!!
تركي(في داخله)قال:الله يسترلو شافت الموضة اللي براسي وش بتقول؟!!!!!!
_____________
وبصالة العرس الشلة ماقصروا مشتعلين رقص وغطاريف لدرجة انهم طلعوا على المنصة وطلبوا بالمايكرفون أمهات المعاريس يطلعون..ولما طلعت أم عبدالرحمن وأم تركي على المنصة أخذتهم رانية من أياديهم ورقصتهم والبنات يغطرفون!!!
ومسكوا أم اسمهان وأخواتها ورقصوهم كلهم..وقامت سماح وقالت لرانية:رانية تكفين سوي لنا جو مثل يوم ملكة اسمهان وغني لنا شوي...
رانية:ابشري..بس ببلاش
..ولابفلوس؟؟
سماح:هونت! لاتغنين!
ضحكت رانية ومسكت المايك والطقاقات يطقون وقالت:
كل......؟؟؟......... كلهم
لافرق الله شمـــــلهم
عبدالرحمن وتركي خيَّالة
عليهم....... رزةالــــــراية
الخ.......
والعالم ترقص وتهز وبغى يجي زلزال ولما نزلوا البنات من المنصة وجلسوا..أم عبير طقها القهر يوم ام اسمهان وأمهات العرسان رقصوا وهي محد عبرها قامت جمعت حريم أخوانها وطلعت معاهم على المنصة ترقص ودعست بكعبها على فستان وحدة وزلقت وانكشفت سيقانها وصارت بموقف لاتحسد عليه!!!!
قامت رانية تتريق وتقول للشلة:
آآه واويلاه يوم هــــــب الهوى
طيَّر الفستان والشلحة سوى
بانت السيقان والقلب انكوى!!
الشلة:هههههه..اسكتي لو تسمعك ترتكب فيك جريمة!!!!
_وشوي أعلنوا عن الزفة...وكانت زفة اسمهان...
_______________
انطفت جميع الأنوار وتوجهت الاضاءة للبوابة وبدأ ينتشر الدخان وكان عاملات القاعة يدفون مجسم ذهبي لقلعة واشتغل بعض المؤثرات الصوتية الطبيعية وانفتح باب القلعة وخرجت اسمهان واشتغلت مرشات الفقاقيع والورد
وطلعت على المسيرة وشريط الشعر يشتغل ووقفت عاملتين قدامها وحدة شايلة حمامتين والثانية شايلة قفص ذهبي ومدت اسمهان يدها للحمامة الأولى ودخلتها القفص الذهبي وبعدين الحمامة الثانية ودخلتها القفص وقفلت عليهم..وأخذت المفتاح ولبسته كعقد!!فتعالت صفقات الحضور وتصفير الشلة وبدأت القصيدة تتكلم عن اسمهان وعبدالرحمن...وقامت المنشدة تغني شيخة الزين..والأطفال كان لهم دور ولد محمد ماسك بنت ابتسام..والولد الثاني ماسك البنت الثانية من يدها وماشيين جنب اسمهان..وبيدهم بالونات على شكل قلب..تناولت اسمهان من باقتها مثل العصا الطويلة اللي طرفها حاد وفقعت البالونة الأولى وخرج منها بالونات صغيرة كثيرة على شكل قلوب ملونة تناثرت على الحضور..وهكذا لين مافقت الرابعة وامتلاء الممر بالقلوب ولما وصلت عند الكوشة كانوا اسماء وابتسام واقفين قدامها وأم عبدالرحمن وأمها واقفين وراهم وبيد أسماء مخدة أنيقة عليها تاج أخذته اسمهان ولبسته أمها وباست راسها..وابتسام معاها كمان مخدة حلوة عليها تاج أخذته اسمهان ولبسته أم عبدالرحمن وسلمت عليها وبدأت الطقاقة في الطقطقة...والكل يرقص..
...بعدين أكمل الزواج بس الله أعلم اليوم أو بكرة!!!
وهم بالطريق قال عبدالرحمن وهو يسوق:حسبي الله على هالغلطة!!!
اسمهان:اشفيه؟؟؟؟؟؟
عبدالرحمن:بدال ماأمشي من الطريق المختصر رحت للطريق الأطول!!!
اسمهان:يوووووه خسارة!!
عبدالرحمن:ليش خسارة؟مستعجلة؟؟؟
اسمهان بارتباك:طالع قدامك وانت تسوق!!!
_________________________
وجاء وقت زفة عبيربس قبلها انعرضت سينما فيها صور عبير في جميع مراحل عمرها لحد يوم الملكة...وكان يرافق السينما أغاني مختلفة لدرجة إنه بعض الحضور اللي تضايقوا من الوضع خرجوا لمدخل القاعة إلى ان انتهى العرض السينمائي..
وفجأة انطفت أنوار القاعة وسمع الحضور صوت أبواق وصوت ينادي:تعلن المراسم الملكية عن وصول الأميرة عبير إلى موقع الحفل مع تمنياتنا لها بقضاء وقت سعيد!!
ودخلوا 4فليبنيات عبارة عن فرقة حجزتهم أم عبير للزفة وشايلين هودج مزين بالورد وعبير جالسة بداخله وقدامها ثنتين لابسين كلهم مثل ملابس علاء الدين البناطيل المنفوخة ومناديل شيفون على الوجه ورقصوا قدامها كأنهم جواري والعاملات شايلين عبير وماشيين على المسيرة وأغنية ألف ليلة وليلة تشتغل ولما قربت عبير من الكوشة نزلت من الهودج ووقفوا 4 من بنات الفرقة عن يمينها وشمالها وشايلين مراوح من الريش يهوون عليها وهي تمشي من تحتهم ولما وصلت للكوشة جوا البنتين الثانيات ومعاهم صندوق خشب محفور ومشغول وخارج من قلادات ومجوهرات من الأحجار الملونة مثل صناديق الكنز بالحكايات فتحت عبير الصندوق وخرجت منه قلادة ذهب ولبستها أم تركي وسط تصفيق الحضور!!
الشلة:واو زفتها حلوة!!
رانية:لو تتكلمون من هنا لين بكرة ماراح أتأثرأبد.. محد داخل مزاجي هالليلة إلا سمهونة عسى الله يحفظها!!!
وامتلأت المنصة بأقارب عبير واشتغل الدي جي بأغاني..مما أثار غضب الحضور لأنه الوقت متأخر بالليل ..
وقالت أم اسمهان:ياأم عبير الله يهديك هذي ساعات ينزل فيها الرحمن ويغفر للمستغفر ويستجيب للداعي وانتم تغضبون الله بالرقص على الأغاني؟؟؟؟؟
أم عبير:أشوف يوم زفيتي بنتك ماقلتي هالكلام؟؟والا حلال عليكم حرام علينا؟؟؟؟؟
ام اسمهان:الحمدلله ماشغلنا موسيقى..واتقينا الله قدر استطاعتنا...
أم عبير ضربت بكلامها عرض الحايط وراحت ترقص مع أهلها...
أما أم عبدالرحمن شافت الوقت تأخر ونادت أم تركي وقالت لها:الليل سرى والناس ماتعشوا والبوفيه جاهز وش رايك ندخلهم على العشا الحين؟؟؟؟
أم تركي:على بركة الله...
وبدأوا ينادون الناس على العشا..وزعلت أم عبير وقالت:أنذال!!حركة مقصودة عشان يخربون على بنتي!!يزفون بنتهم بدري وتجي على راسنا إحنا!!!
ودخلوا الناس قاعة العشا وكان عشا فاخر
هذي صالة العشاء بقاعة ليلتي

وأكلوا وشربوا وخرج الجميع على بيوتهم...إلا أم عبير راحت لأم تركي وقالت:اشفيه ولدك يلعب علينا؟؟
أم تركي:أعوذ بالله..شلون لعب عليكم؟؟
أم عبير:أنا شارطة عليه يكون البوفيه مأكولات بحرية وأسماك..ووينها ماجابها؟؟
أم تركي:انتي شايفة بعينك الحاضرات عددهم 450 حاضرة..والمأكولات البحرية غالية جداً مين وين بتكفيهم؟؟
راحت أم عبير..لبنتها اللي تركي ناداها عشان تروح معاه..ولما جاء ياخذ عروسته قعدت أمه تدعي له بالتوفيق..أما أم عبير لحقته وقربت من أذنه وقالت:ترى عبير عندها عذر شرعي!!
وطبعاً عبير ماعندها عذر ولاشي..بس عشان مايكتشف تركي اللعبة بسرعة!!!
ومسكت عبير على جنب وقالت:حاولي تقنعينه انه العذر الشرعي يطول عندك لين 9 او عشر أيام ولاتخلينه يمس منك شعرة!مفهوم؟؟؟
عبير:ابشري يمه!
وراحت عبير مع عريسها وقلبها يرجف!!!

وصل تركي للفندق ودخلوا غرفتهم وراح تركي للبلكونة يفتحها ويطل منها على المنظر...
تركي:الله يجزاك خير ياعبدالرحمن..منظر المسبح والبحر البعيد يفتح النفس!
عبير:وعبدالرحمن اش دخله بالموضوع؟؟
تركي:أنا وكلت له أمر حجز الفندق..وحجز لي وحجز لنفسه الغرفة اللي بجنبنا!!
عبير:ليه؟ خلصت الفنادق؟هالاسمهان ورايا ورايا؟؟؟؟
تركي:ليش وشفيها اسمهان؟
عبير:إنت ماشفتها هي وأمها شلون كانوا غيرانين مني أنا وأمي وكانوا ناويين يخربون العرس علينا بس ربي ستر!!!!!
تركي بينه وبين نفسه صار يقول:بس الكلام اللي وصلني من أهلي يقول غير كذا!!!!!
وكانت مفاجأة الفندق عشاء عروسين فاخر..دخلت عبير للحمام وبدلت هدومها وخرجت وبدل تركي هدومه وجلس على طاولة العشاء وتفاجأ من ملابس عبير الثقيلة!!!!!
وعبير تفاجأت من منظر راسه الأصلع فسبقته بالكلام وقالت:تركي وش هذا؟؟وين راح شعرك؟؟
تركي:ذهبَ مع الريح!
عبير:أكلمك من جد!
تركي:إذن بأعدلها وأقول ذهبَ بيد الحلاَّق!
عبير:وليش تحلقه؟؟
تركي:ماحلقته بهواي كله من نصور النذل!!!
عبير:لأ..معليش أنا ماأتحمل هذا المنظر خذ لك شي وحطه على راسك أزين لك!!
قام تركي يستخف دمه وسحب طرحتها البيضاء حقت العرس من فوق الكنبة ولبسها وقعد يغطرف!!!
ماتحملت عبير مزحه وقالت:سخيــــــــــف!!
_____________
في الغرفة المجاورة كانوا عبدالرحمن واسمهان يتبادلون أحلى المواقف اللي مرت بهم في العرس وظل عبدالرحمن يحكي لها عن الاحراجات اللي واجهها مع أقاربه لما شافوه حليق الذقن والشنب!
عبدالرحمن:اللي يقول لي منهم يادكتور مدحت!واللي يقول لي ياباش مهندس حمدي!والا أعمامي اللي يهاوشوني ويقولون وش هالشكل؟ماسويته في مراهقتك!!
اسمهان:هههههه...يحق لهم شكلك صدمة!
وظلوا ياكلون هُم بعد ويتسامرون واسمهان تحكي له عن بعض المواقف الطريفة اللي مرت بها مع صاحباتها والمعازيم..وكانت الفرحة غامرتها......
وانتهوا من عشاهم وقال عبدالرحمن:اسمهان قومي توضي خل نصلي ركعتين عسى ربي يجعل حياتنا خير وصلاح من أولها..
وراحت تتوضأ ولما جت مسك عبدالرحمن جبهتها وقال:اللهم إني أسألك خيرها وخير ماجبلت عليه وأعوذ بك من شرها وشر ماجبلت عليه...
وصلوا الركعتين واتجهوا للنوم.....
________________
أما عبير كان التوتر ذابحها والتفكير مايفارقها...
خايفة تنكشف!وتركي لاحظ إنها مو معاه ومو معطيته وجه....
حاول يلاطفها ويلاينها بس لقي منها كل الصد وتذكر كلام أمها لما قالت:عنها عذر شرعي!
فخمن إنه هذا هو السبب فتركها على راحتها وغلبه النعاس ونام!!
أما هي ظلت تصارع النوم خايفة جسمها ينكشف لاشعوريا وهي نايمة!

صحوا العروسين عبدالرحمن واسمهان على صلاة الظهر بعد ليلة مرهقة...
ولقي عبدالرحمن رسالة في جواله من أمه كاتبة فيها(إذا صحيت ياعريس اتصل فيني!)...
اتصل على أمه وبعد السلام والسؤال عن الحال طلبت تكلم اسمهان وكلمتها وباركت لها وبعدين طلبت عبدالرحمن وقالت:اليوم ياولدي إحنا بانتظارك على العشاء إنت وعروستك..
عبدالرحمن:لسه بدري على الارتباطات يايمه!!
أم عبدالرحمن:تطمن.. مابنربطكم إلا اليوم بس..فرصة إن أقاربنا يتعرفون على عروستك وأهلها عن قرب...
عبدالرحمن:ماشاء الله عزمتوا أهل اسمهان بعد؟
أم عبدالرحمن:إيه عزمناهم..والود ودي أعزم أهل تركي بعد..بس الحقيقة أم عروسته اللهم ياكافي ..فرجعت هونت عن عزيمتهم!!
عبدالرحمن:زين ماسويتي..أقاربنا لحالهم شعب ماشاء الله..بس شلون بيكفيهم البيت؟؟؟
أم عبدالرحمن:ماعليك عبدالمجيد وعبدالرحيم من الصبح يفترون واستأجروا زل بنحطه بالحوش الأمامي لعشاء الرِجال..وكراسي وطاولات في الحوش الخلفي عشان بوفيه الحريم....ومجالسنا وسيعة الحمدلله...
عبدالرحمن:الله يعطيكم العافية..بس بتكلفون على نفسكم...
أم عبدالرحمن:ولاكلفة ولاشي إنت ولدنا واسمهان بنتنا وكلكم عينين في راس..وإن حبيتوا تتأخرون في الحضور خذوا راحتكم....
وتكلم شوي عبدالرحمن معاها وانتهت المكالمة وقال لها بالسالفة.....
اسمهان:أجل..الله يعينك بأطلب منك طلب!
عبدالرحمن:تدللي..
اسمهان:لازم توديني الكوافيرة اليوم مادام السالفة فيها عزيمة رسمي وعالم و ناس!!!
عبدالرحمن:الله يعين..ضاعت فلوسك ياصابر!!!
وسحبت اسمهان جوالها وغيرت الوضع من صامت إلى عام وتفاجأت بعدد الاتصالات والرسايل...وكانت أغلبها من صديقاتها في المدرسة اللي ماحضر يبارك... واللي حضر يدز تعليقات محرجة واسمهان تقرأ ووجهها يحمر ويصفر !!
واتصلوا أبوها وأمها يتطمنون على وضعها وطمنتهم.......
وعقبها قال عبدالرحمن:اش رايك ننزل نتغدى بالمطعم؟؟الوقت ظهر وحِنا مافتحنا الريق.
ووافقت اسمهان..ونزلوا المطعم....
____________
في الغرفة الثانية كانت آثار الارهاق واضحة على وجه عبير اللي ماذاقت طعم النوم وكانت تتعامل مع تركي بعصبية نتيجة للسهر والارهاق وتركي صحى من الصبح وفطر وهي كانت رافضة تاكل..ولما جاء وقت الظهرخرج تركي يصلي وعبير بسرعة صلَّت قبل مايرجع ويكتشفها ويعرف إنه ماعندها عذر!!!
ولما رجع قال:عبورتي؟اش نطلب غداء؟
عبير:أنا مليت من القعدة بالغرفة..خل ننزل ناكل تحت بالمطعم..
وبالفعل نزلوا المطعم وجلسوا على طاولة وانتبه تركي إنه عبدالرحمن جالس بنفس المطعم بالجهة المقابلة وقام..
عبير:وين رايح؟؟
تركي:بأروح أسلم على عبدالرحمن...
عبير:وش عليك منه؟خليه بحاله!
تركي:وانتي ليش قاهرة عمرك؟المفروض حتى انتي تقومين تسلمين على زوجته!
عبير:هذا اللي ناقص بعد!!روح لحالك!
وراح تركي يسلم على عبدالرحمن ويسأله عن الأخبار وقال له عبدالرحمن إنه معزوم على العشاء عند أهله...
وفكر تركي لو ياخذ عبير ويروح هو لأهله بعد لكنها رفضت اقتراحه!
ولاحظ تركي إنه عبير متوترة وماتتجاوب معاه وصار يحس بضيق من تصرفاتها غير المبررة,,وكل شوي تجي عينه على عبدالرحمن واسمهان اللي كانوا مبسوطين ويضحكون أغلب الوقت....
تركي بداخله:الله يهنيكم..ومحد ياخذ أكثر من نصيبه!!
اتصلت أم عبير على بنتها تسألها عن الأحوال وطمنتها عبير بعدين قالت:أعطيني زوجك أكلمه!
وكلمت تركي بس ماارتاحت لصوته!! وطلبت عبيروهزأتها!!وقالت:اشفيه تركي؟؟لايكون درى عن شي؟؟؟
صارت عبير منحرجة وتتكلم بالرموز:لا..
أمها:كلمتيه عن السفر للخارج؟؟
عبير:لسه!
أمها:وش تنتظرين؟؟اشغليه بالخرجات والطلعات ولايكون لسانك طول الوقت بحلقك!تكلمي معه واضحكي وخليه يتعلق فيكِ..فاهمة؟؟؟؟
عبير:إيه فهمت!
وقفلت الجوال وصار تركي يطالع فيها بنظرات غريبة!
_________________
أما اسمهان راحت للكوافيرة من العصروتضبطت وانتهت بعد المغرب وأخذها عبدالرحمن ووداها لبيتها لأنه ملابس السهرة كانت في شقتهم مو في الفندق.....
عبدالرحمن:ماشاء الله تبارك الله..كل يوم وانتي عروس!
اسمهان:وكل عام وانت زوجي ان شاء الله!!
عبدالرحمن:هههه..قولي ان شاء الله أخاف عقب سنتين آخذ الثانية!!
اسمهان:تكون رقبتك بإيدي قبل ماتسويها!!
وجلست تلبس ملابسها وذهبها وصلت صلاة العشاء وبعدين نزلت......
وكانوا المعازيم قد حضروا قبلها واستقبلتها أم عبدالرحمن وأبلة جوهرة وأحلام بالغطاريف وزفوها وجلسوها بكنبة منفردة بوسط المجلس..
وكانت السعادة غامرتها وبالأخص لما حضروا أهلها ودخلوا يسلمون..اسماء وابتسام وسماح وأمها......
وكان المجلس عامر بالحريم زوجات خال عبدالرحمن وعماته وزوجات أعمامه وبناتهم وغيرهم وأهل اسمهان وكان عدد الحضور يقارب ال35 .
جلسوا أهلها جنبها وقاموا يسولفون معاها...
سماح:ماشاء الله ياسمهونة عروسة بحق وحقيقي.....
أسماء:ماشاء الله شكلك اليوم أروع من أمس..
ابتسام:الحلو حلو من يومه..بس يوم بعدت عنكم صرتوا تشوفونها حلوة!!!!!!
أسماء:ههههههه..صح!خلك بعيد حبك يزيد!!
وبدأوا يسألونها عن أحداث أمس واليوم..
أم عبدالرحمن بصوت عالي:الله يحييكم جميع على عزيمتنا الليلة وترى ماجمعنا إلا العرسان الله يحفظهم ويوفقهم..وعسانا مجتمعين على الفرح دوم.....
الحضور:آمين...الله يجزاك خير....
أم عبدالرحمن:وحيا الله أم محمد(يعني أم اسمهان) وحيا الله كل هالوجوه الطيبة..
أم اسمهان:الله يحييك ويسلم غاليك...
وبدأوا الحضور يشربون القهوة ودارت عليهم الصحون الفاخرة المعباة بأجود أنواع التمور والحلويات والشوكليت..
وبعد السواليف بدأوا الكبيرات في السن من الحضور يتنافسون في قول القصايد في العروس وأهلها والعريس وأهله والباقي مابين من يطق الدف ومابين من يرقص..
وكان فيه وحدة من الحضور تناظر باسمهان بفضول عجيب وكانت زوجة عم عبدالرحمن واسمها أم بدر.....
أم بدر:آثاريك منتي بـ هينة ياأم عبدالرحمن!فتشتي عن بنات خلق الله بكل محل لين مااخترتي أجملهم..لو إني صايدتها قبلك كان خطبتها لولدي بدر!!!!!
أم عبدالرحمن:الحمدلله هذا توفيق من الله....
أم بدر:تصدقين البارح طول العرس وأنا أقول يمكنها عادية والمكياج محليها..خبرك ماقد شفت عروس مو حلوة!!!بس اليوم يوم تمقلت فيها عن قرب بان لي جمالها والأحلى من ذا كله بشاشتها فديتها شوفي شلون الضحكة ماتفارق وجهها!!!!!
أم عبدالرحمن:وأنا هذا اللي عجبني فيها طالعة لأمها الله يحميها...
أم بدر:هي مالها أخت أصغر منها وبحلاتها؟؟
أم عبدالرحمن:لا....
انقبض صدر أم عبدالرحمن من كلام الحرمة وقامت تشوف أمور العشاء!!
وبعد شوي نادت أم عبدالرحمن المعازيم للبوفيه في الحديقة الخلفية من الفيلا...وبدأوا الناس يغرفون الأكل بالصحون ويجلسون على الطاولات إلا اسمهان حست بتخمة وحرقان بمعدتها ورفضت تاكل!!!
بدأت تحس نفسها مو تمام فاتصلت على عبدالرحمن وقالت له:عبدالرحمن تكفى..أبي أرجع الفندق!!
وجاء عبدالرحمن وأخذها بسرعة وبعدها بشوي أهلها رجعوا بيتهم أما اسمهان راحت الفندق وهم بالسيارة..
قال عبدالرحمن:شكلك زهقتي مثلي!ماألومك أمس مناسبة واليوم مناسبة!
لكن اسمهان كانت ماتبي تتكلم كل همها ترجع الفندق بأسرع وقت!
وأول ماوصلوا للفندق راحت اسمهان تجري بسرعة على الأصانصير واستغرب عبدالرحمن وقام يلحقها وركب وراها
وقال:وشفيك يابنت الحلال؟؟فشلتينا وراك تركضين بسرعة؟؟
اسمهان:مو قادرة ياعبدالرحمن أبي أوصل للغرفة بسرعة!!
وأول مادخلت الغرفة راحت تجري على الحمام ودخلت واستفرغت....وخرجت من الحمام و رمت
نفسها على الكنبة بكل تعب..
عبدالرحمن:اسمهان؟انتي تعبانة؟
اسمهان:مدري اشفيني..حسيت فجأة بخنقة ودوخة وحرقان بصدري وحسيت إن ودي أبكي قدام الناس!!
عبدالرحمن(وهو يستهبل):لاتكونين حامل؟؟
اسمهان:يصير؟؟؟؟؟؟؟؟؟؟؟؟؟
عبدالرحمن:بسم الله الرحمن الرحيم أمس اللي تزوجنا وتقولين لي يصير؟؟قومي قومي وغيري هدومك...
وقامت اسمهان تغير هدومها بس حست بدوخة وقامت تستفرغ في الحمام.......
عبدالرحمن:اسمهان وضعك مايطمن!أخاف حايشك تسمم وانتي ماتدرين؟
اسمهان(بكل تعب):بس أنا ماأكلت شي نهائياً غير قطعة شوكليت وشربت فنجال قهوة..
عبدالرحمن:أنا ضروري أتصل بأمي وأسألها أخاف ماكلة شي في البوفيه ويكون متسمم لاسمح الله.....
واتصل بأمه وحكى لها إنه اسمهان تعبانة وسألها عن الأكل إن كان فيه أحد من المعازيم تضرر؟
أم عبدالرحمن:هذا هم أهل أبوك كلهم عندي أكلوا وشبعوا ومحد اشتكى من شي!ليش طمنِّي اشفيها اسمهان؟؟؟
قال لها عبدالرحمن بالسالفة وحست أم عبدالرحمن إنه البنت صايبها عين من أم بدر!اللي بس كانت تسأل عنها...
أم عبدالرحمن:بس..بس..كأني عرفت اشفيها زوجتك..شوي واتصل فيك!!
في الجزء السابق لما قفلت أم عبدالرحمن السماعة نادت أختها جوهرة وبنتها أحلام وقالت لهم بسالفة تعب اسمهان المفاجيء وانها شاكة بأم بدر وإنها السبب بإصابة اسمهان بالعين...
جوهرة:وإحنا اش ننتظر؟لازم نآخذ من وضوء الحرمة هذي!أنا سمعتها وهي تسألك عن اسمهان وماارتحت للهجتها أبد.....
أم عبدالرحمن:وليش ناخذ من وضوئها؟الحرمة ضيفة ببيتي وبتزعل علي وأنا ماأبي مشاكل!أنا أقول ناخذ من أثرها يعني فناجيل القهوة والشاي اللي قاعدة تشرب فيها الحين ونغسلها بموية ونرسل الموية لعبدالرحمن!!
جوهرة:أي فناجيل وأي خرابيط؟الحديث اللي ورد عن الرسول بالنص الصريح إنه إذا انعرف العاين يؤخذ من وضوءه ومايجوز له يرفض!أما أخذ الأثر فهي مسألة اجتهاد وتضبط مع ناس وتفشل مع غيرهم!
أحلام:طيب انتوا متأكدين انه الأخذ من وضوء العاين بيفيد المريض؟؟
جوهرة:طبعاً ياحبيبتي..انتي مامر عليكِ حديث الصحابي سهل بن حنيف؟كان جلده أبيض وجالس يتوضأ وواحد من أصحابه اندهش من بياضه وقال إنه ماقد رأى جلد مخبأة بهذا البياض ووقع الصحابي مثل المشلول من وقتها ولما حكوا قصته للرسول سألهم إن كانوا يشكون بأحد؟فقالوا نعم عامر بن ربيعة وطلب الرسول وضوءه وصبوه من خلف سهل بن حنيف فقام وكأنه ماصار له أي شيء!!وبعدها الرسول نصح الصحابة بذكر الله والبركة اذا شافوا شي يعجبهم
أحلام:ومنكم نستفيد......
أم عبدالرحمن:مازلت أقول ناخذ من أثرها أحسن!أنا مال بالمشاكل ووجع الراس!
جوهرة:أي مشاكل يابنت الحلال؟الشخص العيان اللي مايذكر الله لاعجبه شي هو اللي يجيب المشاكل لنفسه ويستاهل مايجيه!وبعدين حطي نفسك مكان اسمهان..كنتي بترضين على نفسك المرض والعذاب مقابل إنك ماتحرجين مين عانك؟؟و لا كنتي بتسوين المستحيل عشان تتشافين بكل وسيلة؟؟
أم عبدالرحمن:لاحول ولاقوة إلا بالله...وش تبيني أسوي؟؟؟؟
جوهرة:لاتسوين ولا شي أنا اللي بأسوي!!
وكان كل هالحوار داير بالمطبخ..توجهت أبلة جوهرة لدولاب وأخذت طاسة(زبدية) وملتها موية ودخلت مجلس الحريم!!!!!!
أم عبدالرحمن ناظرت بأحلام وقالت:الله يستر من خالتك وش بتسوي!!!!
ودخلت جوهرة على الحضور وبيدها الطاسة وقالت:ياجماعة الخير أنا أقول لو نختم المجلس هذا بذكر الله وقراءة جزء من القرآن يكون أفضل اش رايكم؟؟
الحضور:جزاك الله خير..أفضل شي تسوينه..
جوهرة:وانتوا أكيد تدرون انه الملايكة تتنزل في مجالس الذكر..عشان كذا لو نكون كلنا على طهارة بيكون أفضل..وأنا أول وحدة بتتوضأ فيكم.
وأخذت الطاسة وتوضت قدامهم...
وجوا يقومون للحمام يتوضون...
بس جوهرة قالت:حلفت عليكم ماتقومون!انتم ضيوفنا ومخدومين محشومين...قومي ياأحلام جيبي لهم زبديات وموية!!!!!!
ووزعت عليهم زبديات فيها موية وكل وحدة منهم قامت تتوضأ وكلهم كانوا كبار في السن عمات وزوجات أعمام عبدالرحمن...
وقرأت جوهرة آيات من القرآن وسوت لهم محاضرة قصيرة عن أهمية ذكر الله في جميع الأحوال وضرورة الدعاء بالبركة على كل شي ينال اعجابنا....
وتوضأ الجميع وأخذت أم عبدالرحمن الزبديات كلها وفرغت الموية في جالون وقالت لجوهرة وهم واقفين بالمطبخ:بيض الله وجهك...
واتصلت على عبدالرحمن...لكنه في هذي اللحظة كان بالمستشفى مع اسمهان ومارد عليها!!
نرجع لعبدالرحمن اللي لما شاف تعب اسمهان يزيد وداها المستشفى وهم خارجين من الفندق قابلوا تركي وعبير راجعين من برة..واستغرب تركي من منظر عبدالرحمن اللي ماسك اسمهان من يدها وهي تمشي بصعوبة وماحب يحرجه بس لما وصل تركي لغرفته اتصل على عبدالرحمن وسأله...
تركي:عسى ماشر ياعبدالرحمن؟ شفتك طالع بالأهل وشكلكم ماكان يطمن!!
عبدالرحمن:إيه الحقيقة رجعنا من العزيمة وزوجتي تعبانة يظهر حالة تسمم!!
تركي:سلامات..سلامات..قدامها العافية ان شاء الله وطمننا على أخباركم لارجعتوا...
عبدالرحمن:ان شاء الله...في أمان الله..
قفل تركي السماعة وقال لعبير بسالفة اسمهان..
عبير:أقول ياشين السرج على البقر!
تركي(بانفعال):انتي اشفيك على البنية؟من يوم يجي طاريها يركبك ابليس والعياذ بالله!!
عبير:لأنك ماتعرفها مثلي!هذي وحدة حسودة حقودة ونفسها شينة وماتحب إلا نفسها!
تركي:اتقي الله..تراهم ناس نعرفهم من زمان ومانعرف عنهم إلا كل خير..وبعدين كان واضح عليها التعب يوم شفت عبدالرحمن ماسكها وخارج!المفروض تدعين لها بالشفا..
عبير:ياشيخ روح زين!أقص إيدي إن طلع فيها شي..هذا كيد نسوان تلاقي أمها محرشتها!!
تركي:تراك مرة مصختيها وماأسمح لك تقولين كلمة عنها!انتي تدرين انها كانت بتكون محلك بيوم من الأيام؟!!!
عبير:شنهو؟وش تقصد؟
تركي:يعني بالعربي الفصيح ياست عبير كنت حاط عيني عليها من سنين بسبة مدح أهلي فيها ومنتظرها تتخرج من الثانوي..بس غيري سبقني لها!!!!!
عبير:وأنا أقول وشفيك طاق معاه صحبة!آثاري باقي لك نفس فيها!ومو بعيدة إنها حاطة عينها عليك لهذه اللحظة!!!!
تركي:احترمي نفسك! لاتخليني أغلط وأمد يدي عليك!!!!!!
عبير:سويها لو رجَّال!!!!
تركي(بعصبية):استغفرك يارب وأتوب إليك...
وخرج من الغرفة وصفق الباب وراه...
ومسكت عبير جوالها واتصلت بأمها وقالت:يمه الحقيني!ذاب الثلج وبان المرج!
أم عبير:الله يسود وجهك!كشفك تركي؟؟؟
عبير:لا يمه لايروح مخك بعيد..آثاري زوجي المحترم كان حاط عينه على ست الحسن والجمال اسمهانوه قبل لايخطبني!!
أم عبير:وانتي وش دراك؟
حكت عبير لأمها السالفة......
أم عبير:الله لايربحه قليل الحيا ويقولها قدامك؟!تلاقينه شافها بمكان وحن قلبه لها!اسمعي يابنت بس يرجع لك افتحي معاه موضوع السفر للخارج وقولي له سالفتك هذي بأكبرها وأقولها لأهلي خليه يخاف ويطيح قلبه..على باله انتي شوية؟؟مين تكون اسمهان هذي؟
عبير:بس خليه يرجع لأوريه مين تكون عبير!
====================
وصل عبدالرحمن المستشفى وجواله يرن بس مارد لأنه منشغل باسمهان وكانت المتصلة أمه اللي أخذها القلق!
وبعد الكشف الروتيني في قسم الطواريء من قياس للضغط والحرارة وغيره..
طمنهم الدكتور وقال انه مافي شيء يدعو للقلق ومافي أعراض للتسمم .
الدكتور:بئالكم قد ايه متجوزين؟
عبدالرحمن:هذا ثاني يوم...
الدكتور:ياسيدي..بكرة تكبر وتنسى!دي حالة عادية اسمها دلع عرايس!!
عبدالرحمن:فيه مرض في الدنيا اسمه دلع عرايس؟؟
الدكتور:آه وحاجة طبيعية كمان.. شوية ارتباك على خوف على حبتين قلق!ومش بعيدة إنك كنت جاف معاها ياأخي!!بالراحة عليها شوية!
عبدالرحمن:بالعكس كانت طبيعية جداً وبعدين اضطربت حالتها..بعد مارجعنا من عزيمة عشاء.
الدكتور:أكلتي ايه بالزبط يامدام؟؟
اسمهان:آخر أكل أكلته كان بالعصر..وفي الليل شربت فنجال قهوة وقطعة شوكليت بس!!
الدكتور(يكلم عبدالرحمن بانفعال):ماشاء الله ياسي السيد!مجوع العروسة من تاني يوم جواز؟؟أمال بعد سنة حتعمل ايه؟ تنيمها في الشارع؟؟
عبدالرحمن:ياابن الحلال محد جوعها النعمة موجودة..هي اللي نفسها مسدودة شوي!
الدكتور:ياساتر يارب..وايه اللي سادد نفسك يامدام؟يكنش السي سيد عامل لك فيها فُتُوَة؟!
عبدالرحمن:ياخي إنت لاتدخِل عصك بشي مايخصك!شوف شغلك وخلصنا!
الدكتور:ياأخي روح انت وشوف لها مطعم تاكل فيه فول وطعمية وكرشة وممبار تلم عضمها بدل منته جاي تفاول عليها بتسمم!!
عبدالرحمن:ياخي اللي خلاك دكتور الله ينتقم منه!
الدكتور:أعمل لك ايه بس انت قُلي؟!وحدة معدتها فاضية وواكله شوكلاطه وشاربة أهوة عربي فيها حبهان(هيل) متنيل بستين نيلة عامل ليها حرئان أعمل لها ايه؟؟يابني أنا بأوفر عليك الفلوس اللي عايز تصرفها عندنا! روح بيها مطعم ووكل مراتك!
اسمهان:يادكتور أنا حاسة بخنقة وكتمة وضيق بصدري!
الدكتور:بـ عزرك ياشبه!عريسك حيموتك من الجوع! بس إن كنت عايز..أنا ممكن أخليها تاخد شفطة هوا ترد فيها الروح!
عبدالرحمن:ايش اللي شفطة هوا؟قاعدين بغرزة مصرقعين؟؟
الدكتور(وهو رافع يده للسماء):ربنا يسامحك يا آبا ماكنت عايز أبئى معاك في البلد!بس انت اللي جبرتني أخش كلية الطب!!يابني فتَّح مخك أنا بأئصد إنها تاخود أكسجين عشان تئدر تتنفس قلتوا ايه؟؟؟؟؟؟
عبدالرحمن(وهو مرتفع ضغطه):استعنَّا على الشقا بـ الله!!!
وبالفعل أخذت اسمهان جلسة أكسجين وجوال عبدالرحمن يرن...
وكانت المتصلة أمه....
عبدالرحمن:هلا يمه..
أم عبدالرحمن:هلا..وشفيك ياولدي ماترد علي من أول؟ أقلقتني وقمت أهوجس!وشلونها اسمهان هالحين؟؟؟
عبدالرحمن:هذا احنا في المستشفى..والدكتور يقول مافيها شي....بس مازالت تعبانة..
أم عبدالرحمن:خلك من المستشفى ومروني البيت دواها عندي بإذن الله...
عبدالرحمن:يايمه البنت تعبانة وودها ترجع الفندق ترتاح ماله داعي نمر عليك...
أم عبدالرحمن:ياخي لاتخليها تنزل انزل انت بس عندي.. بأعطيك شي وروح الفندق...
===========
وبالفعل انتهت اسمهان من المستشفى وراحوا لبيت أم عبدالرحمن ونزل عبدالرحمن لحاله وكانوا الضيوف كلهم قد راحوا بيوتهم قامت أمه أعطته جالون الموية...
وقال عبدالرحمن:يمه اش هذا؟؟؟
قامت أم عبدالرحمن تلف السالفة عشان لاتثير مشاكل وقالت:هذي موية مقروء عليها صب منها في كاس وخل زوجتك تشرب منها..وبعدين تعال من وراها وصب عليها الجالون دفعة وحدة!
عبدالرحمن:تشرب الموية ومافيها شي...بس شلون أصبها فوقها وليش؟تبين بنت الناس تزعل؟بأعطيها اياها وأقول لها تغسلي فيها!
أم عبدالرحمن:استحلفك تسوي اللي قلت لك عليه..انت ماتبي زوجتك تتعافى؟؟؟
عبدالرحمن:إلا يمه..رحلتنا بكرة في الليل على دبي وأنا خايف التعب يشغلنا عن السفر وتروح اجازتي على الفاضي!
أم عبدالرحمن:إذن سوي اللي قلت لك عليه وبإذن الله بتشوف العافية...
وشكر عبدالرحمن أمه وراح للسيارة وسألته اسمهان عن الجالون...
وقال:هذي أمي جزاها الله خير أعطتني موية مقروء عليها عشان تشربينها...
ولما وصلوا الفندق سوى اللي قالته أمه بالضبط وصاحت اسمهان بخوف يوم كب عليها الموية على غفلة!!!
اسمهان:إنت ماتستحي!!شايفني تعبانة وقاعد تنكت؟؟؟
عبدالرحمن:هذي وصايا أمي وأنا قاعد أطبق!
اسمهان:لاااا ياشيخ؟؟ليه ماتذبح لي قطوة عند رجولي بعد؟؟؟؟
عبدالرحمن:استغفري ربك..تبيني أشرك بالله؟؟
اسمهان:أجل اش معناته كلام أمك؟تحسبني قاعدة أتدلع والموية بتصحصحني؟؟
وحست اسمهان برغبة في الاستفراغ ودخلت الحمام واستفرغت وتشطفت وغيرت ملابسها وخرجت من الحمام...
عبدالرحمن:هااه؟؟بشري شلونك الحين؟؟
اسمهان:تصدق؟نفسي أكل تفاحة!
ناولها عبدالرحمن صحن الفواكه وأكلت تفاحة وراحت فرشت أسنانها..ورجعت قعدت على السرير وقالت:طلبتك!
عبدالرحمن:جاك...
اسمهان:لاتصحيني أبد..ودي أنام..
عبدالرحمن:نامي..نوم الهنا ان شاء الله..
وحطت راسها على المخدة ونامت بعمق ظل عبدالرحمن صاحي بعدها بساعة واتصلت أمه وسألته عن حالها...وقال لها انها نايمة...
قالت أمه:نام إنت بعد ومين أصبح أفلح...
وحط عبدالرحمن راسه ونام هو بعد بعمق....