أسمهان وعبدالرحمن قصة أسرية هادفة بكل اجزاءها متتابعة روآية سعودية

نجي لقصتنا أذن الفجر وصحى عبدالرحمن وقام يتوضأ وبدل ملابسه عشان يلحق الصلاة بمسجد الفندق وهو رايح صحَّى اسمهان للصلاة وراح.
صلَّت اسمهان وحست بنشاط وفتحت الستاير وجلست قدام شباك البلكونة تتأمل روعة منظر البحر من بعيد وطيور النورس اللي تطير بنشاط.. وموية المسبح اللي تلمع من صفاها..
وبدلت هدوم النوم بهدوم حلوة جذابة وجلست تنتظر عبدالرحمن اللي جلس يقرأ قرآن ويدعي لاسمهان بالشفا..
وتفاجأ إنه تركي قاعد وراه...وسأله تركي عن أخبار اسمهان وطمنَّه عبدالرحمن وظلوا يتبادلون الكلام والسوالف..
وقال عبدالرحمن:إذا أمورنا طيبة الليلة بنسافر في الليل لدبي..تخاوينا انت وزوجتك؟؟
تركي:من وين ياحسرة؟أنا طفران وجيوبي تشتكي من فضاوتها!!
عبدالرحمن:أسلفك!
تركي:الله يعطيك العافية ويبارك لك بمالك كافي علي ديون لين هالحين..حتى ورث الوالد تصرفت فيه لعيون العروس!!واش استفدت؟؟ولا شي للأسف!!!!
عبدالرحمن:نبرة صوتك تقول لي إنك مو مرتاح!
تركي:انسى كلامي هذا..أنا صبور وأتحمل..
ودار بينهم حوار وماحسوا إلا ونور الصباح طالع عليهم فاستأذن عبدالرحمن وراح لاسمهان..
ولما دخل الغرفة لقي اسمهان بأحلى صورة والنور داخل للغرفة وهي جالسة بكل براءة تراقب منظر البحر...
عبدالرحمن:صباح الخير لأحلى عروس..
اسمهان:صباح النور..وليش التأخير؟؟
عبدالرحمن:خذتنا السوالف أنا وتركي..المهم انتي شلونك وشلون صحتك؟؟ان شاء الله أحسن؟
اسمهان:ماراح تصدق لو قلت لك وش كثر أنا مرتاحة!!ومو بس كذا حاسة بجوع رهيييييب لو تجيب لي مندي دجاج صدقني لآكله كله بهاالصباح!!!!
عبدالرحمن:اللهم لك الحمد والشكر..أجل ننزل للمطعم وش رايك؟؟
اسمهان(بكل حماس):يلا....
ولبست عباتها ونزلت للمطعم اللي على المسبح وكان هواء البحر منعش والجو صافي ومنظر ولاأروع..
واتصلت أم عبدالرحمن وتطمنت على الأخبار وانبسطت يوم درت عن حال اسمهان وطلبت تكلمها...
أم عبدالرحمن:يابنتي يااسمهان بأوصيك وصية وخلك ذاكرتها طول حياتك..أذكار الصباح والمساء وأذكار مابعد الصلاة لاتفرطين فيها أبد واحفظيها مثل اسمك...واحفظي الله يحفظك..الانسان منَّا ضعيف ويحتاج للتحصين وبالذات لاجا طالع من البيت والعين حق يابنتي كم من ناس ماتوا والسبه العين وكم من ناس طايحين بالفراش بسبة العين..الله يشفيهم ولايبتلينا..الصحة كنز والله....
اسمهان:سبحان الله..كلامك مثل كلام أمي بالضبط!بس كثير أحيان أنسى..لدرجة انه أمي اشترت لي كتاب الأذكار قبل ماأتزوج وقالت لي حافظي عليه واقرأيه دايماً..
أم عبدالرحمن:جزاها الله كل خير..ولانسيتي عندك عبدالرحمن يذكرك.
إلى نهاية المكالمة وجلس العروسين مثل طيور الحب يفطرون ويتبادلون أحلى الأحاديث...
وبهالوقت كان تركي زهقان..عبير مثل العادة نايمة ماتصحى إلا الظهر وهو قاعد لحاله فخرج وجلس بالبلكونة وطاحت عينه على العروسين السعيدين وقال بنفسه:الله لايضركم..يارب عوضني واكتب لي اللي فيه الخير مع عبير!!
طبعاً بنفس اليوم أهل اسمهان اتصلوا عليها وعلى عبدالرحمن وعزموهم على الغداء لأنهم ودهم يودعونها قبل ماتسافر بالليل...
سلَّم عبدالرحمن الغرفة وأخذ اسمهان على البيت وبدلت هدومها وتضبطت ومرت على أم عبدالرحمن سلمت عليها وبعدين راحت هي وزوجها لأهلها...
وكان الغداء عائلي..ابتسام وأسماء وسماح وأزواجهم كلهم مجتمعين...ودخلت اسمهان واستلموها تعليقات وحكت لهم كل الأحداث اللي صارت معاها والتعب المفاجيء اللي صار معاها وعن عبدالرحمن اللي فاجأها بـ كب المويه عليها بناءً على طلب أمه!!!
اسمهان:بصراحة استغربت من أم عبدالرحمن يوم توصي ولدها يكب المويه علي!!مدري وش تقصد بهالحركة؟!!!!
أم اسمهان:يعني كل اللي صار لك ولاعرفتي ليش سوى عبدالرحمن معاك كذا؟!!!
اسمهان:الصراحة..لا!
أم اسمهان:لأنه واضح إنه اللي كان فيك عين!وطريقة صب الماء على الشخص المعيون تكون بصب الماء من خلفه..بس واضح إنه المويه اللي أرسلتها أم عبدالرحمن كانت وضوء لوحدة طاقتك بعين!!!!!
اسمهان:أعوذ بالله...وانتي اش عرفك يمه؟؟
أم اسمهان:لأنك شفتي العافية بعد مااستخدمتي المويه..
اسمهان:حسبي الله على من طقتني بعينها بغيت أموت من سبايبها!
أم اسمهان:لا يابنتي لاتدعين على الحرمة..الله أعلم بالنيات..العين أحياناً تصدر من الشخص مو بقصد الحسد..بل بقصد الاعجاب مع نسيان لذكر الله وتخترق عينه جسم الشخص وتهلكه!!وهذا درس لك عشان تتعلمين من وصاياي دايماً أنصحك تحافظين على الأذكار والتحصينات لأنها بإرادة الله تحميك من كل شر...بس كعادتك مامن مجيب..
سماح:بس زين ماسوَّت أم زوجك يوم ماعلمتكم إنها شاكة بأحد معين..حتى مايسير مشاكل وزعل
ابتسام:إلا ماقلتي لنا انتوا وين مسافرين بالضبط؟
اسمهان:بنروح دبي 5أيام ومنها لماليزيا لمدة أسبوع ولما نرجع بإذن الله ناويين ناخذ عمرة..
ودارت بينهم سواليف..وكالعادة جاء محمد وحاول يسوي أجواء مرحة ويعطي اسمهان نصيبها من التعليقات..
محمد:ماشاء الله على زوجك يااسمهان..الصراحة..شكله حمسني آخذ وحدة صغيرة وأستعيد نشاطي ماتعرفين لي وحدة من مدرستكم تليق بي؟!!
سماح:أقول لايكثر هرجك!مِن أسمع سوالفك هذي يجيني غثيان وانفلونزا وكبد وبائي!!!
أم اسمهان:أقول احمد ربك مابتلقى أحسن من سماح!
واستمرت سوالفهم ونكتهم...
===============
أما تركي كلَّم عبير وقال لها:خلاص جهزي أغراضك بنرجع بيتنا!
عبير:ليه؟
تركي:أنا مليت من الفندق..وجيبي فاضي..وبعدين بيتنا واسع وأزين لنا من هالغرفة!
عبير:وعبدالرحمن واسمهان وينهم؟؟
تركي:بيسافرون اليوم دبي..
عبير:ياسلام شوف الناس موب إنت!
تركي:رجاءً ماأبغى مقارنات..عبدالرحمن ولد عز..وطاح بناس عفيفين نفس..لااستغلوه ولاسحبوا اللي وراه واللي قدامه!!!
عبير:وش تقصد؟يعني حِنا اللي دنيئين نفس؟؟تراك مزودها معاي..زين مني رضيت فيك! ترى أبوي مو شوي والكل كان يطلب رضاه ولو انتظرت شوي كنت باخذ أحسن واحد بالديرة!!!
وحاول تركي يراضيها ولكن مافي فايدة..رتبوا أغراضهم ورجعوا البيت وبالليل كانوا أهل تركي عازمينهم على العشا,,
أما عبدالرحمن واسمهان توجهوا للمطار بالليل وداهم محمد.....
لاحظوا أهل تركي إنه ولدهم مو مرتاح مع عبير وحاولوا يعلقون عليه لكنه مايتجاوب معاهم!!!
أما عبير ماصدقت انه سماح وهند ياخذونها على جنب ويسألونها عن الأحوال فقامت تتشكى من تركي!!!!
عبير:الصراحة مدري اشفيه تركي؟كل ماقلت له شي يقول دفعت كل اللي معي في الزواج! اللي يسمعه يقول محد دفع غيره!كل المعاريس لازم يدفعون ويخسرون!حتى السفر لبره مو راضي عليه..فيه بخل عجيب!!
هند(بانفعال):إلا تركي ماينقال عنه بخيل!هذا أخوي وأعرفه زين حتى حِنا خواته المتزوجات على اننا مكتفين ومرتاحين مادياً لكنه مايقصر معانا بهداياه وأعطياته!!
سماح:وترى هو المسئول عن مصاريف البيت ومصاريف أمي وعمره ماقصر معاها بشي..لكن المفروض تصبرين عليه شوي توه طالع من زواج وماوده يدخل بـ ديون...
عبير:بس السفر للخارج شي ضروري ومهم بهالأيام..
هند(وكانت مو طايقة أسلوب عبير):حبيبتي اللي مايلقى الحب والتفاهم مع الطرف الثاني بديرته فمن المؤكد إنه مابيلقاه بره!!!
عبير:مافهمت؟!!!!!!!
هند:يعني السفر للخارج ماهو سنة ولافرض واجب علينا عشان نطبقه ونحرص عليه..أهم شي نكون سعيدين مع بعض بأي مكان طالما إننا نحرص على التفاهم والمودة....
ودارت سوالف بين سماح وهند وعبير...وماعجب عبير كلامهم وقالت بنفسها:يظهر إنه مو من السهل السيطرة عليهم!!
__________
طبعاً تركي وعبير كانوا ببيتهم واليوم الخامس من الزواج كانت عبير تتروش وكان الوقت صلاة عصر..فسخ تركي بجامته ولبس ثوب وتوضأ واستعد للصلاة ودق الباب عليها وهي بالحمام وقال:عبير أنا رايح للمسجد..وبعد ماأرجع من الصلاة خليك جاهزة عشان نطلع نتمشى..
عبير:طيب...
وبعد مانزل تركي من العمارة ووصل لسيارته بالمواقف عشان يروح للمسجد..لأنه المسجد مو مرة قريب يحتاج يروح له بالسيارة..تذكر انه نسي مفاتيح السيارة ورجع للبيت وفتح الشقة وجاء داخل لغرفة النوم عشان ياخذ مفاتيحه بنفس اللحظة هذي كانت عبير قد خرجت من الحمام وهي متطمنة انه تركي بره البيت ورمت منشفتها على السرير وبدأت تلبس!!!
لما شافها تركي شهق من الصدمة!وصااااااح:عبـــــــــــ ــــير!!
عبير من الخرعة رمت ملابسها من يدها والتفتت لتركي بجسمها كله ومن هول الموقف نسيت تستر نفسها وحست كأنها انشلت مكانها!!!
صار تركي يتأملها بفزع ويقول:اش هذا؟اش اللي قاعد أشوفه؟فهميـــــــــــــــني؟؟؟ ؟؟؟؟؟؟؟
عبير:هذي حروق تعرضت لها وأنا صغيرة ..
وعيونها مبللة بالدموع..
تركي:حسبي الله عليكم...أعوذ بالله من هذا المنظر أعوذ بالله..انتي جسمك مختفية معالمه جلدك ذايب على بعضه حتى جزء من صدرك متآكل..وفوق هذا كله تذلوني ليل ونهار انتي وأمك؟!!شلون رضيتي على نفسك تغشيني؟شلون؟
عبير:أنا...أنا...
تركي:استري نفسك وتغطي...الله لايسامحكم كيف استغليتوا طيبي معكم؟يكفي انكم غشيتونا وماصارحتونا بمرض السكري وتحملنا.. لكن توصل الدرجة إنه أهلك يغشوني ويزوجوني مسخ؟طيب ليش ماصارحتيني أيام الخطوبة؟
عبير:خفت أصارحك وماتقبل فيني!
تركي:وإن ماقبلت فيك بالطيب تخليني أتزوجك غصب؟؟؟؟صدقيني ماراح أسكت لكم على هالشيء..ولاأسامح أهلك ليوم الدين..غشوني ببنت لاصحة ولاأخلاق!!
عبير:أبوي ماله شغل كان يظن انه عمليات التجميل جابت معاي نتيجة!!
تركي:قلبي حاس إنه أمك هي ساس البلا..لابارك الله فيكم...وانتي شلون صرتي بهالشكل شلون؟؟
عبير كذبت وماتبي تصارحه بالحقيقة المرة وقالت:انفجرت فيني أنبوبة الغاز!!
تركي:الله ينتقم لي منكم..كل السبب منك انتي!وأحمِّلك كل المسئولية..تكملين كذبة أمك علي؟؟ على طول لسانك وجرائتك ماقدرتي تصارحيني بحقيقتك؟؟؟طيب أنا اش سويت لك حتى تغشيني؟؟
مين يدري يمكن لو صارحتيني من البداية كان تعاطفت معك وحاولت ألقى لك حل!

طبعاً مثل ماشفتوا قبل ..الموقف الصعب اللي حصل بين تركي وعبير...نكمل...
تركي:معقوله ياعبير؟معقوله؟..لي فترة وأنا مخدوع فيك؟شلون حبيتك وصدقتك؟شلون؟؟
عبير:وأنا بعد حبيتك وماأبيك تزعل!!!!
تركي:أي حب هذا اللي تتكلمين عنه؟اللي يحب أحد يغشه؟؟اللي يحب أحد يكذب عليه؟؟اللي يحب أحد يستغله معنوياً ومادياً؟؟؟للأسف خاب ظني فيك!!
عبير وهي تبكي:أنا أقول تعال نصلي يمكن تهدأ نفسيتك شوي ونوصل لحل...
تركي:خبري ماعليك صلاة!والا حتى هذي كذبتي فيها؟!!!!!ة
عبير(بانفعال):ايه كذبت وماأنكر إني كذبت عليك كثير..بس ماهو ذنبي..أنا من حقي أعيش حالي حال غيري..مو ذنبي اني عايشة بعاهة وتشويه!!
تركي:ومو ذنبي أنا ألقى من يضحك علي!مو ذنبي أتزوج وحدة ماهي بالمواصفات اللي أبيها!وموب بمجبور أنا أعيش مع وحدة كذابة وخاينة!إذا هذي بدايتك معي أجل وش بتسوين فيني الأيام الجاية؟؟اسمعي ياعبير..انتي مالك مكان ببيتي فاهــــــــــــــــــــــمة؟؟؟ ؟؟؟
عبير:مو من حقك تطردني!!
تركي:نفسي عافتك وعافت خداعك..وماني مسئول عن اللي جرى لك..إذا الله ابتلاك كان المفروض تدعينه يوفقك..ويسخر لك ولد الحلال اللي يناسبك واللي تصارحينه بالحقيقة مو تخبين الموضوع وتفرضين نفسك على الغير!!موانتي الانسانة اللي أرضاها تكون شريكة حياتي!!انتي انسانة حسودة وحقودة وماتحبين الخير إلا لنفسك.الكم يوم هذي اللي قضيتها معك علمتني شلون قلبك أسود...وهالحين ماعندي كلمة أقولها لك إلا جهزي أغراضك لأنه مالك مكان ببيتي وكلها ساعة وراجع لك وألقاك بعباتك!انتي فاهمة؟؟؟؟؟؟؟؟؟؟
قامت عبير تلم أغراضها وتبكي لأنها ماتوقعت يكشفها بهذي السهولة من خامس يوم!
أما تركي راح يصلي وخرج من المسجد على بيت أهل عبير..دق الجرس فتحت له سيريس الشغالة الباب وقال لها:وين أبو سعد؟؟
سيريس:مافي..مدام موجود بس!
إلا أم عبير جاية وترحب:هلا هلا ياعريس وين عبير ماأشوفها معك ؟؟؟؟وحشتني!
تركي:تطمني..بأجيبها لك وتقعد بوجهك طول العمر!!وين أبو سعد؟ أبيه بسرعة!
أم عبير(وبدت تتوتر):سافر اليوم الفجر للخارج ومو راجع إلا عقب أسبوعين..خير؟؟وش تبي فيه؟؟
تركي:جاي أشتكيه على حفلة الغش اللي دبرتيها لي انتي وبنتك..جاي أقول له عن كل الذهب اللي خليتيني أجيبه لك انتي وبنتك بالمبالغ المهولة!!جاي أحكي له عن شروطك واستنزافاتك مقابل بنته المحروقة!!حسبي الله عليكم
أم عبير:هيه انت احترم نفسك تراك ببيتي!ومو من حقك ترفع صوتك علي..وبنتي المحروقة اللي تتكلم عنها تراها تاج على راسك وعلى راس أهلك!عسى لسانك بالقطع قبل ماتجيب طاريها بكلمة!!!!
تركي:صدق لاقالوا اقلب الجرة على فمها تطلع البنت لأمها!أنا الغلطان اللي طاح حظي بناس مثلكم ولاصحيت...لكن هي كلمة وبأقولها لك بنتك مالها مكان ببيتي!ومن بدأ حياته بغش يستاهل ينهيها بفضيحة!!!وورقة طلاقها بتوصلها عقب أيام!!
وجاء طالع من البيت..
ولحقته أم عبير وقالت:لاتنسى ان المؤخر اللي كتبناه عليك مبلغ وموب هين.. عندك فرصة يومين تدبر المبلغ وتجيبه!!
لكن تركي كان نازل بعصبية ورايح للسيارة,,بطريقه للبيت عشان ياخذ عبير ويوديها لأهلها.....
اتصلت أم عبير على جوال بنتها وقالت:عبير اسمعي تركي جاي ياخذك..أهم شي تجيبين شنطة الذهب حقتك معاكي ..والأهم تجيبين هدوم كان تركي لابسها وريحته فيها!!!!!
عبير وهي تبكي بمرارة:ليش يايمه وش تبين فيها؟؟
أم عبير:مالك شغل!سوي اللي أقول لك عليه..والا منتي بداخله البيت!!
وقفلت الخط بوجه بنتها..وطاحت عين عبير على البيجاما اللي فسخها تركي قبل مايروح للصلاة وأخذتها بسرعة وحطتها بشنطتها!!!
وشوي إلا وتركي جاء وقال:عفشك الباقي بيوصلك خلال يومين...
وشال شنطتها ووداها للسيارة..وكان يسوق بعصبية وصمت..ووصله مسج على الجوال وكان من عبدالرحمن مكتوب فيه(لايفوتك ياتركي دبي فيها مهرجانات ولاأروع..والفنادق مسوية عروض خاصة للعرسان!!!)
قال تركي بصوت مسموع:ياحليلك ياعبدالرحمن تحسب كل الناس مبسوطين مثلك!!!
ساعتها حست عبير بالغيظ وقامت تبكي..
ووصلوا لبيت أهلها ونزَّل شنطتها وراح وخلاها من غير مايودعها!!!

أم عبير:هلا يالخفيفة ماصار لك 5 أيام من تزوجتي..وعلى طول سلمتيه نفسك بالساهل؟!!
عبير:يمه أنا ماسلمته نفسي ولاشي..هو اللي شافني بعد ماطلعت من الحمام..
أم عبير:حسبي الله عليك..خربتي كل شي..
عبير(بغضب):يمه خلك واقعية!لين متى بنكذب عليه؟شي مثل هذا لايمكن يتخبى!الشمس مايغطيها غربال!!
وانفجرت عبير تبكي......
أم عبير:احنا لازم نسوي شي قبل مايفضحنا هالتركي بكل محل..
عبير:يمه تصرفي بأي طريقة أنا ماأتحمل بعاده عني لحظة وحدة...
أم عبير:جبتي ملابس لتركي؟؟
عبير:ايه..
وفتحت شنطتها وطلعت بيجامة تركي وناولتها أمها...
عبير:يمه انتي اش تبين بملابسه؟
أم عبير:حبيبتي لازم نسوي له شي يحببه فيك ويربطه جنبك!انتي مو تقولين ماتتحملين بعاده؟؟خلاص بعد اللي بنسويه بيلزق جنبك على طول!!!!!
وقامت أم عبير تنادي سيريس..ولما جت سيريس قالت أم عبير:خذي ملابس تركي وحطيهم بكيس واعطيها زوجك يوديها بسرعة ذحين حسب الاتفاق!!!
وطبعاً سواق أم عبير كان هو زوج الشغالة سيريس واسمه محفوظ..
وأخذت سيريس الملابس وراحت لمحفوظ عشان يوديها لواحد ساحر ساكن في الأحياء الشعبية المتهالكة المشبوهة..البعيدة عن عيون القانون!!
عبير(بدهشة):يمه..انتي بتسوين سحر لتركي؟؟؟
أم عبير:ليش؟عندك حل ثاني؟؟
عبير:لا...بس هالشي مابيضره؟؟
أم عبير:لا مايضره تطمني!إحنا بنسوي له سحر عطف مو صرف!!
عبير:وش يعني؟ مافهمت؟؟
أم عبير:يعني السحر هذا بسيط بس يحببه فيك ويحن عليك ويعطف عليك..لكن الصرف هو اللي بيصرفه عن محبة أهله وناسه ويتغير عليهم وحِنا مابنسويه....
عبير(بغيظ):يمه سوي اللي تسوينه..أهم شي يرجع لي بأسرع وقت..ماأبي الناس يتشمتون ويقولون اسمهان توفقت وعبير لا!!
وكان السواق خارج من البيت وصارت أم عبير تصيح عليه من الشباك: بسرعة يامحفوظ بسرعة قبل مايتصرف تركي.....
وخرج السواق وركب السيارة وصار يسوق بأقوى ماعنده......لين ماقطع مسافة من الطريق وهو سايق بسرعة وقاطع الاشارة وكان فيه ولد صغير عمره مايتجاوز الست سنوات وراجع من البقالة مع أبوه ويمشي صدمه السواق وجاء شارد انتبهوا السيارات انه السواق شارد قاموا سدوا عليه الطريق فرجع بسيارته للخلف واندعس هالطفل مرة ثانية وتوفى على طول..قاموا الناس تجمهروا حول السيارة وجاء أبو الولد وفتح باب السيارة وخَرَّج السواق وجلس يضرب السواق وهو في قمة الانهيار من منظر ولده اللي مات قدام عينه ...
وبلغوا الناس عن الحادث وجاء الاسعاف..ومسكت الشرطة السواق وحققوا معاه واكتشفوا انه اقامته منتهية من شهرين وماتجددت!!
فصارت المسئولية كاملة على أبوعبير لأنه هو الكفيل..وراحوا الشرطة للبيت وسووا استدعاء لأبوعبير..لكن أم عبير قالت لهم انه مسافر ومابيرجع إلا بعد مدة..وطلبوا الشرطة رقم جواله وعطتهم أم عبيررقم جواله الأساسي اللي يستخدمه بالسعودية بس!!وانصرفوا الشرطة...
وكان من عادة أبوعبير لما يسافرللخارج ماياخذ جواله الأساسي ويقفله..ويستخدم جوال برقم ثاني مايعرفه إلا ناس معينين...
طبعاً الشغالة لما عرفت باللي صار لزوجها محفوظ انهبلت وصارت تصيح على أم عبير وتلومها ليش انها ماعطت الشرطة رقم أبوعبير الثاني؟!!!
أم عبير:انتي مجنونة؟تبين أبوعبير يرجع بسرعة ويشوف المصيبة اللي بنته فيها؟؟كل ماتأخر أفضل له ولنا!!
الشغالة:أنا في خوف يمكن شرطة فيه يقتل مهفوز!
أم عبير:وش هالهبل اللي انتي فيه؟بيطلبون منه كفالة وأبوعبير بيدفعها!بس المصيبة لو أهل الولد طلبوا دية كبيرة!!
عبير:ليش؟؟أبوي مبسوط مادياً وأكيد بيدفعها!
الشغالة سيريس:بس مهفوز مافي اقامة دهين!هادا مشكلة كبير..
وقامت تبكي...
أم عبير(بكل قسوة):روحي لابارك الله فيك..كأني ناقصة أحد ينكد علي!المصيبة لو زوجك فتح فمه وقال للشرطة سبب سرعته والسحر وماالسحر!ليتني ماطاوعتك ياوجه البلا!!
عبير(بعصبية):هالحين وش بنسوي في سالفتي مع تركي؟؟
أم عبير:حريقة تحرقك انتي وتركي!يمديه قد قال لأهله عن كل شي!وملابسه وراحت بالسيارة!والساحر ومحد يعرفه إلا محفوظ!يعني مابيدنا شي إلا ان كان حصل معجزة!!
ودخلت أم عبير غرفتها وقفلت الباب...
وقعدت عبير تبكي من القهر..
=========================
وفي دبي كانت الأوضاع مختلفة اسمهان وعبدالرحمن يتنقلون من مهرجان لمهرجان حتى الحديقة المائية راحتها اسمهان وقالت:ياليتني أقدر ألعب في كل هالألعاب!!
عبدالرحمن:شلون بتلعبين بالله؟؟ماتشوفين هالأجانب لابسين ملابس البحر ويطامرون ويتسبحون في الموية!!الحمدلله انا مسلمين وديننا أمرنا بالستر..
وخرجوا وصاروا رايحين جايين بين المولات والمطاعم والقرية التراثية حتى مدينة مدهش راحت اسمهان ورسمت رسومات على وجهها!!واشترت بالونات وايس كريم!
وشافت مدهش وبغت تطير وتحلف الا تتصور جنبه!!ووافق عبدالرحمن بعد مافشلته وخلاها تتصور وقال:حشا..ماشي مع بنتي أنا مو مع زوجتي!!!
طبعاً تركي بعد كل ماجرى له مع عبير وأمها حس نفسه ضايع وماخبر أهله بشي ولاراح لهم رجع بيته وحاول يسترخي بس ماقدر!كل ركن بالبيت يذكره بعبير!وبكلامها وتصرفاتها..ففكر انه يركب سيارته ويروح أي مكان يحاول ينسى فيه اللي صار..وصار يقول بنفسه لو أروح أجلس مع أصحابي بيقولون توك عريس وهديت العروس وجيت!!!
صار راكب سيارته ويفتر من مكان لمكان لين ماأذن العشا..ودخل صلى بمسجد..وجلس بعد الصلاة يقرأ قرآن..بعدين فكر لو يستفتي الشيخ في حكاية المؤخر!
وبالفعل أخذ الامام على جانب من المسجد وحكى قصته للشيخ..
الشيخ:يعني انت تبي تعرف هل يحق لك اسقاط المؤخر؟؟
تركي:ايه ياشيخ..ماتصدق قد ايش هالموضوع معذبني..المؤخر كبير جداً وأنا جيبي فاضي!
الشيخ:إذا كان كلامك صحيح في انهم غشوك بمرض بنتهم ثم التشويه اللي فيها والمبالغ والعطايا اللي أخذوها منك من يوم خطبت بنتهم إلى الان..فما يحق لهم يطالبونك بأي شي..ومن حقك تطلقها وماتعطيها المؤخر..لأنك انسان تعرضت للخداع..وهم استغلوك وماحاولوا يوضحون لك عيوبها..
تركي:الله يبشرك بالخير..
ورجع بيته وهو متطمن وقرر انه ينتظر رجوع أبوعبير من السفر ثم يطلق بنته.....
============
أما أم عبير انقلبت على شغالتها اللي جلست منكَدة طول اليوم على زوجها المحبوس ومضربة عن الشغل في البيت!
أم عبير:أنا موب ناقصتك ياسيريس قومي سوي شغلك أحسن لك..
سيريس:انتي لازم كلم أبوأبير عشان يجي بسرئة من سفر!
أم عبير:وش رايك لو قلت لك اني موب مكلمته..وأعلى مافـ خيلك اركبيه!!
سيريس:هرام مهفوز يقئد في سجن هرام..لازم يخرج!
أم عبير:يستاهل ماجاه!حِنا قلنا له يودي الملابس للساحر..مو يدعس الولد بطريقه!!..وشوفي لو أدري انه فتح فمه بكلمة للشرطة عن سالفة السحر..بأطردك من بيتي شر طردة مفهوم؟!!
سيريس:انتي مافي خوف من الله!
أم عبير:لاعاد!!انتي اللي تخافين ربك ياصديقة السحرة..كلمة ثانية وأقص لسانك بإيدي!!
عبير:يمه وش السوات بموضوعي؟
أم عبير:انتي باقي تتسائلين؟ماخلاص الفاس وقع بالراس..وسالفتك صارت على كل لسان!!!
عبير:صدقيني لو انتشر الموضوع ماعاد بأطب المدرسة!!
أم عبير:بالله لاتزيدين همي..خل يرجع أبوك ونشوف وش بنسوي بهالورطة....
==========
قعدت الشغالة طول الليل وهي تفكر بطريقة تورط فيها أم عبير لأنها بدت تنقلب عليها وماتبي تكلم أبوعبير يطلع زوجها من السجن..وفي الصباح خرجت سيريس من البيت وعبير وأمها نايمين ماحسوا بها وركبت ليموزين وراحت لبيت تركي لأنها كانت حافظته أيام ماكانت تروح وترتب عفش عبير.....وقررت تقول له عن نية أم عبير بإنها تسحره!!
ودقت الجرس كذا مرة وفتح تركي الباب لها وهو لابس بيجاما ويتثاوب..
تركي:نعم..وش جايبك من الصبح؟تبين عفش عبير أنا بأجيبه لكم كله بعد كم يوم!
سيريس:لا.. مستر فيه موضوع ضروري إنت يئرف!
تركي:خير؟
سيريس:أم عبير كانت تبغى...
إلا صاحب العمارة (وكان شخص أقشر ويحب المشاكل) طالع من الدرجة ولما شاف تركي واقف قدام الباب ببجامته ويتكلم مع الشغالة بصوت منخفض أخذته الوساوس وصار يناظر بتركي بنظرات شينة!!
قام تركي وحس ان صاحب العمارة شاك فيه فقال تركي للشغالة:خزني رقمي عندك وكلميني بعدين ..ولاتجين هنا!!
وراحت الشغالة...
صاحب العمارة:ماشاء الله أمس عروستك نازلة بشنطتها من العمارة واليوم جايب لنفسك شغالة بدالها تسليك!!!!
تركي:عيب عليك الكلام اللي تقوله هذا قذف بشرفي..
صاحب العمارة:أجل وشهو المنظر اللي شفته قدامي؟؟
تركي:أي منظر؟؟
صاحب العمارة:لابس بجامتك وواقف مع هالآسيوية والله أعلم هي خارجة من عندك ولا كانت داخلة وأنا خربت عليكم!!!
تركي:عاد احترم نفسك زين..الكل يدري عن أخلاقي..وانت قاعد تطول لسانك علي وأنا ساكت لك!
صاحب العمارة:هي كلمة ومابأثنيها خذ عفشك وبره عمارتي أنا ماأتشرف بأمثالك يسكنون عندي!!
تركي:أساساً أنا طالع طالع بس موب قبل ماترد لي قيمة ايجار سنة اللي دفعته لك مقدماً!
صاحب العمارة:منت شايف منه قرش!ترقم الشغالة قدامي ياللي ماتستحي وبعد تبيني أرد فلوسك؟؟اطلع والا أفضحك عند الشرطة!!
تركي:ماعاش من يفضحني أنا رايح للشرطة برجليني أشتكيك عندهم!
صاحب العمارة:درب يسد مايرد!
وراح تركي وبدل هدومه وتوجه للشرطة وحكى لهم عن موضوعه مع صاحب العمارة اللي قذفه بشرفه ورفض يرد له فلوسه...
الشرطي:وهالشغالة وش علاقتك فيها؟؟
تركي:تشتغل عند أرحامي!
الشرطي:وش تبي منك؟
تركي:الصراحة علمي علمك..مامداني أكلمها كلمتين الا وصاحب العمارة طالع ويناظرني بطريقة مو زينة فخليتها تروح...
واستدعوا الشرطة صاحب العمارة وحققوا معاه..
صاحب العمارة:اسأله ليش أعطى رقمه للشغالة؟؟
الشرطي:وليش عطيتها رقمك؟
تركي:عشان تكلمني في الموضوع اللي جات عشانه بدل ماتجي مرة ثانية وتوقف قدام شقتي!
الشرطي:وليش ماتكلم انت أرحامك بدل ماتكلم الشغالة؟؟
تركي:بيننا مشاكل!
صاحب العمارة:ترى ياحضرة الضابط ماصار له من يوم تزوج 6 أيام وزوجته شفتها بشنطتها أمس طالعة من العمارة..يمكنها درت عن سوالفه البطالية و هجت!!
الشرطي:الحقيقة السالفة كلها موب داخلة مزاجي..أنا راح أستدعي الشغالة ونشوف إن كانت فعلاً شغالة أرحامك ونعرف علاقتك فيها بالضبط!!!!!
عطاهم تركي العنوان وأرسلوا شرطي يطلبها وكانت الشغالة خايفة..
بس أم عبير قالت:يمكن زوجك المقرود يبي يشوفك..وبلغيه يمسك لسانه عن السالفة اياها والا بتروحون انتم الاثنين بـ عثايرها!!
لما راحت سيريس للشرطة دخلت للضابط وأخذ معلومات عنها وعن المكان اللي تشتغل فيه..وبعدها سألها:تعرفين هالشخص؟؟
وأشر لها على تركي...
سيريس:ايوه..هادا جوز مدام أبير اللي أنا أشتغل أند أمها..
الشرطي:ليش رحتي لبيته اليوم؟
سكتت سيريس مو عارفة اش تقول بس لما شد عليها الضابط اعترفت بالقصة كاملة والحادث اللي سواه زوجها عشان يودي ملابس تركي..
تفاجأ تركي وانصدم ولاتكلم بكلمة!
والشرطي اتصل على القسم الثاني وتأكد من الحادث وسألهم عن السيارة وقالوا انهم متحفظين عليها وطلب منهم يفتشونها ويجيبون الملابس اللي فيها ولما جابوا الملابس وعرضوها على تركي...
تركي:هذي ملابسي فعلاً اللي كنت لابسها قبل ماأروح للمسجد أمس!!
الشرطي:يعني كلام الشغالة صحيح زوجتك أخذتها عشان تسحرك فيها!
ولما استكمل الشرطي حواره مع الشغالة اكتشف انها من العمالة الوافدة اللي يدخلون للمملكة عن طريق الحج أو العمرة وبعدين يهربون لجدة وهم مايمتلكون اقامة ويشتغلون بالبيوت..وبعض العوائل تتستر عليهم ولايبلغون عنهم!!(ومعلوم للكل الجرايم والمصايب اللي تجي من ورا البعض منهم!!!)
فحجزوها الشرطة وصار على أبوعبير بدل القضية قضيتين..أرسلوا الشرطة لشغل عبير شرطي يحقق مع الموظفين وياخذ رقم أبوعبير بالخارج لين ماوصلوا لرقمه واستدعوه عشان يحل القضايا اللي عليه!!
.الشرطة استدعت عبير وأمها عشان يتأكدون من الموضوع واتهمهم الضابط بتهمة التستر على أشخاص ماعندهم اقامة+تواطؤهم مع الشغالة والسواق في جريمة السحر!!
أم عبير:شغالتنا انسانة حاقدة..عشان كذا تبي تورطنا معاها!احنا ماندري عن أي شي؟؟؟
ومسك الضابط ملابس تركي وعرضها على عبير وأمها وقال:وهالملابس اشلون طلعت من بيت تركي لبيتكم ثم سيارتكم؟؟؟؟؟
سكتت أم عبير وماعرفت اش تقول!!
وضغط الشرطي على عبير واعترفت انه أمها اللي طلبتها منها...
الضابط موجه كلامه لأم عبير:أنا مقدر انه زوجك شخصية كبيرة في البلد وله سمعته وماراح أتخذ بحقكم أي خطوة إلا إذا شفته..وإذا وافق زوج بنتكم إنه يُسقط حقه!!
تركي تنازل عن كل شيء وقال:ماأقول غير الله يوريني فيهم..وهو أقدر إنه ياخذلي حقي منهم!
========
اليوم الثاني وصل أبوعبير من السفر وراح مباشرة للشرطة وعرف بالقصة كاملة..
ودرى عن:اتهامه بايواء أشخاص من غير اقامة!
وعن سالفة حادث السواق!
وعن سجن الشغالة!
وعن التحقيق مع زوجته وبنته بتهمة التواطؤ على السحر!
وعن سالفة تركي بالتفصيل ونيته بتطليق عبير!
وعن الدية الضخمة اللي طالبينها أهل الولد المتوفى!
وبحكم واسطات أبوعبير تم اتخاذ حل وسط في حل القضايا...
ولقي أبوعبير انه أمامه التزامات مادية تجاه كفالة السواق والغرامات اللي لازم يدفعها والدية وتعويض تركي بمبلغ محترم!!
ورجع للبيت وهو مشحون جداً وأول مادخل كانت أم عبيرتشرب الشاي في الصالة..وعبير تتفرج على التلفزيون!
دخل ومن غير سلام وسحب عبير من ملابسها وكانت لابسة فستان طويل بحبال وفوقه جاكيت وفسخ لها الجاكيت وانكشف ظهرها وانرعب أبوها من الحروق اللي فيها!!!
وصاح:تغشوني ياأنذال؟؟تغشوني وأنا معاكم بنفس البيت؟؟هذي هي العمليات اللي نجحت؟؟أنا تفضحوني بين خلق الله؟؟
ليش؟وش سويت لكم؟صرفت عليكم دم قلبي!تعبت وشقيت وسافرت عشان مين؟؟موب عشانكم؟ وتاليتها تحطون راسي بالتراب وتحقق معاكم الشرطة بقضية سحر؟؟؟؟؟؟
لاخوف من الله؟لا أمانة؟لاإخلاص؟هي هذي محافظتك على البيت بغيابي ياأم عبير؟؟
وولد الناس اللي يقولون طلبتيه ذهب لك ولبنتك ودفع كل ماوراه وقدامه عشان بنتك تكافئونه بعدها بالسحر؟؟؟؟؟؟
بتظلين طول عمرك جوعانة ياأم عبير أنا اللي لقطتك من حياة الفقر اللي كنتي عايشتها مع أهلك بقرية وبيت شعبي وعزيتك ورزيتك وخليت لك قيمة ولكن للأسف ماصنتي هالشي من يوم ماخذيتك وانتي تحاولين تفرقين بيني وبين أخواني وأنا أتحمل...لكن توصل انك تنقلين غشك وكذبك لبنتك وتخلينها نسخة منك؟؟هذا اللي لايمكن أرضاه!!!
يكون بعلمك كل قطعة ذهب جابها ولد الناس لك ولبنتك بأردها له..وقام أبوعبير وغصب زوجته تعطيه بطاقة الصرَّاف حقتها لأنه كان عندها مبلغ راهي بالبنك عقاباً لها ودفعه لأهل الولد اللي توفى...
والذهب اللي كان عندها من أول من هدايا أبوعبير لها سحبه منها وعطاه لتركي كتعويض عن المهر اللي دفعه لعبير وهو مغشوش فيها ورد له كل الذهب اللي شراه لعبير وأمها...
وصاحب العمارة اعتذر لتركي عن القذف بشرفه وسمعته ورد له ايجار سنة كاملة...
وبدأ تركي ترجع له أنفاسه عقب ماعوض جزء من الخساير الكبيرة...
ولما انتهى أبوعبير من المشاكل والقضايا وتطلقت عبير أخيراً..قرر أبوعبير انه يطلق زوجته لأنها خانته بكل شي وغشته ونزلت راسه بين الناس!وخلاها تروح لبيت أخوانها بالرياض!وعبير رفضت تجلس عند أبوها وأصرت تروح مع أمها...وراحت!
أما اخوانها سعد وسامي جلسوا مع أبوهم بنفس البيت...والشغالة والسواق قررت الشرطة ترحلهم لبلادهم.....
طبعاً في الطرف الآخر من القصة أثناء الأحداث اللي صارت لتركي كان العروسين اسمهان وعبدالرحمن مبسوطين بالفعاليات الرائعة في دبي الله يحفظ أهلها..وبعد أسبوع من جلوسهم فيها قرروا يروحون لماليزيا وكانت اجازة رائعة بمعنى الكلمة الجُزُر والفنادق والمنتجعات والطبيعة شي يفوق الوصف!
اسمهان:واااااي وناسةنفسي أعيش هنا على طول ماودي أرجع!!
عبدالرحمن:صحيح ان الأجواء حلوة بس بصراحة ياشين الغربة حنيت للأهل وتراب الوطن!!
اسمهان:أي تراب؟بكرة بتشبع من تراب وغبار ديرتك وتقول ياليتني مارجعت!!!
عبدالرحمن:صدق إنك بياعة! من يوم ماسافرنا ماشفتك اتصلتي بأهلك إلا مرتين!!
اسمهان:أحسن!خلهم يشتاقون لي شوي!!قعدت بوجيههم 17 سنة تحسبهم ماملوا مني؟!!!
وشوي شافت اسمهان أطفال في منتزه بماليزيا يلعبون كورة وراحت تركض وراهم وتلعب بالكورة معاهم..طالع فيها عبدالرحمن وقال بنفسه:ماتنلام ياعبدالرحمن إنت اللي صممت تتزوج وحدة صغيرة!!!
=============
في الجانب الآخر أهل تركي لما دروا بكل الأحداث اللي صارت انصدموا صدمة كبيرة...وتركي نقل كل أثاثه الجديد من شقته الأولى إلى ملحق أهله اللي بالدور العلوي....
أم تركي:حسبي الله عليهم!مين كان يتوقع إنه كل هذا بيطلع منهم؟!!!
سماح:مع إن اللي يشوف البنت يحس فيها لمحة براءة!غريبة طلعت تطاوع أمها بكل شي!
هند:تبون الصدق؟؟أنا لاعجبتني الأم ولاالبنت من يوم ماشفتهم!حسيتهم مو مريحين أبد...
أم تركي:من حظك ياولدي إنه ربي أنقذك من فعايلهم قبل ماتتوهق!بس معقول أم عبير وهي وحدة من جماعتنا وماقد سمعنا عنها شي شين..تطلع من أهل السحر؟؟؟يالطيف يارب!
هند:الحقد ومايسوي يايمه!والا في أم بالدنيا ترضى تقط بنتها بحلق ولد الناس غصب؟!!صحيح ماعندها كرامة!!
سماح:أنا أكثر وحدة مصدومة فيكم!ياما تكلمت عنها اسمهان وانتقدتها قدامي وكنت أعتقد انها غيرانة منها!لكن للأسف نظرة اسمهان لعبير طلعت بمحلها!!
هند:وأنا أقول ليش كل المرات اللي شفناها فيها كانت تغطي جسمها كله!آثاريها ماتبي تنكشف!
أم تركي:وأمها مسكتني يوم الزواج وقالت لي ان بنتها عندها عذر شرعي آثاريها ماتبيك تدخل عليها وتكشفها!!حسبي الله ونعم الوكيل فيهم!
تركي:خلاص لاعاد تذكروني بسيرتهم..اللي فات مات...
سماح:اسمع ياتركي أهم شي بالموضوع إنك ماتخلي هالتجربة الفاشلة تأثر عليك!إنت أقوى من كذا وأكيد ربي بيعوضك خير..
أم تركي:أنا أقول مادام زوجتك طلقتها و الملحق فوق جاهز ..ودراهم ورجعت لك من أبوعبير وصاحب العمارة والذهب لو نبيعه بيجيب لك مبلغ كبير أجل ليه ماتتوكل على بركة الله ونخطب لك غيرها!
تركي:مرة ثانية يمه؟؟مستحيل!تبون بعد اللي ذقته أفكر بالزواج مرة ثانية؟؟؟؟؟
هند:وإنت اللي يسمعك يقول كل وحدة بتتزوجها بيطلع فيها عيب!هالمرة بنحسن الاختيار ومابنخطب لك أي وحدة!!
تركي(بانفعال):أصلاً لو أفكر أتزوج مرة ثانية أول شرط بأشرطه على أهل العروس يطلعونها لي يوم الشوفة بـ شلحة عشان أتأكد إن مافيها عيوب!!
الجميع:هههههههههههههههه
الله يقطع سوالفك ياتركي..
==================
أما عبدالمجيد فأحواله ماكانت عاجبة أمه خاصةً انه اللي رفضوه كثير بسبب اصابته بالصمم والخرَس!
وأحلام سافرت بعد زواج عبدالرحمن بأيام ورجعت لأمريكا..
وبعد انقضاء أسبوعين من سفر اسمهان وعبدالرحمن رجعوا لأرض الوطن سالمين...
وراحوا لبيتهم وطلعت اسمهان تتروش وتبدل هدومها بعدين تنزل تسلم على أم عبدالرحمن...
أما عبدالرحمن انطلق لأمه ولقيها قاعدة بروحها تقرأ كتاب...
وفاجئها بحضوره..
أم عبدالرحمن:عبدالرحمن؟؟هلا هلا يمه..الحمدلله على سلامتك..
عبدالرحمن:الله يسلمك..انتي شلونك؟؟وليش قاعدة بروحك؟؟
أم عبدالرحمن:أنا بخير..وقاعدة بروحي لأن عبدالمجيد بدوامه وعبدالرحيم سافرلشغله وأحلام رجعت مع زوجها لأمريكا..انت شلونك وشلون اسمهان؟؟
عبدالرحمن:بأتم حال ولله الحمد..واسمهان طلعت تبدل هدومها ونازلة بعد شوي..
وجلس عبدالرحمن يتكلم مع أمه عن الرحلة الممتعة اللي قضاها بره ويفرجها على صور الرحلة والطبيعة الخلاَّبة..
ونزلت اسمهان وسلمت على أم زوجها وتبادلوا السوالف المختلفة..
عبدالرحمن:يمه إحنا نفكر بكرة نروح لمكة نعتمر ونجلس 3 أيام فيها..وش رايك ترافقينا؟؟
أم عبدالرحمن:رافقتكم السلامة ان شاء الله..أنا رجولي من يوم الزواج وهي تاعبتني وماأقدر أروح معاكم..بس انتم اش معجلكم؟؟ارتاحوا يومين بعد هالرحلة اللي سويتوها وبعدين روحوا مكة!
عبدالرحمن:سبحان الله!يعني يوم سافرنا للخارج نتمشى ونفرفش كان فينا حيل!ويوم بنجي للعبادة وزيارة الحرم..تقولين اش معجلكم؟ ارتاحوا؟!!!!
أم عبدالرحمن:ماقصدت ياولدي!بس القصد ان اجازتك طويلة وباقي قدامك وقت ليش متعجل تروح مكة الحين؟
عبدالرحمن:أي طويلة يايمه؟أنا أخذت أسبوع قبل العرس وقضيت أسبوعين في السفر ومابقالي الا هالأسبوع ويبدأ الشغل..
أم عبدالرحمن:بترجع لدوامك؟ياحليلك يااسمهان انتي اجازتك طويلة باقي شهرين يمكن لين ماتفتح المدارس!!
اسمهان(وهي تنكت):مايهم ياخالتي بآخذك ونقضي شهر بماليزيا والشهر الثاني نقضيه بأمريكا عند أحلام!!هههههه
أم عبدالرحمن:هههههه..الا على طاري أحلام عندي لكم خبر ان شاء الله يفرحكم..
عبدالرحمن:وشهو ياترى؟
أم عبدالرحمن:انتهت رسالة زوجها مال الماجستير اللي كان يحضرها وباقي له شهر ويرجع..وبيجون يسكنون بجدة!!
عبدالرحمن:أبركها من ساعة..
ياشين الغربة والله..وبالذات في أمريكا كل ماكنا نسمع بأحداث تصير للجاليات كنا نحط أيادينا على قلوبنا ونكلم أحلام نتطمن عليها!
أم عبدالرحمن:والله يجزاها خير ماسافرت من هنا إلا وهي مصممة تاخذ تقارير زوج خالتك جوهرة وتعرضها على بروفيسور متخصص يشوف حالته..ومامر 10 أيام من أخذتها إلا وهي متصلة فيني البارح تبشرني إن الدكتور قال لها فيه نسبة أمل إن زوج خالتك يتحسن بنسبة 60%!!!
وخالتك وزوجها طايرين من الفرحة وبإذن الله بيسافرون خلال هالأسبوع..
عبدالرحمن:ماشاء الله تبارك الله كل هالأحداث صارت بغيابنا؟الله يوفقهم ويشفي زوج خالتي..
اسمهان:ياحليلها أبلة جوهرة تستاهل كل خير,,
أم عبدالرحمن:أبلة جوهرة هناك بالمدرسة!في البيت اسمها خالة جوهرة!ههههه
اسمهان وعبدالرحمن:ههههههه!
طبعاً بعد مااسمهان وعبدالرحمن تغدوا عند أم عبدالرحمن...طلعوا شقتهم يرتاحون..إلا أهل اسمهان اتصلوا فيها ولما عرفوا انها رجعت بالسلامة عزموها هي وزوجها على العشا...
وفي الليل قامت اسمهان تتكشخ وتتضبط وراحت لأهلها واستقبلوها بالترحيب..
أم اسمهان:أسفرت وأنورت واستهلت وأمطرت..ياهلا بالقاطعة اللي مارفعت علينا السماعة بالأسبوعين إلا مرتين!!!
أسماء:توفر على العريس الفواتير يمه!
اسمهان:إلا امتحن غلاتي عندكم وأشوف اش كثر مشتاقين لي..
وجلسوا...
ابتسام:ماشاء الله كل اللي غبتيه أسبوعين بس دبدبتي!شكلك أقل شي زايدة كيلوين ثلاث!
أسماء:وافشيلتاه!!يعني يوم كنتي ببيت أبوك يالسمهونة كنتي محافظة على رشاقتك! وبس رحتي عند زوجك قمتي تلغين من كل شي هالحين الرجَّال وش بيقول عنك؟ماشافت خير؟؟
اسمهان:تصدقون عاد إني فعلاً لاحظت زيادة وزني بالملابس!بس اش أسوي كل ماشفت محل آيس كريم هفني الشوق ورحت وشريت!!
ابتسام:يعني استانستوا بهاالسفرة؟؟
اسمهان:بالحيــــــــــــل.. تصدقون ماكان ودي أرجع مهرجانات وفعاليات تجنن..ولا الطبيعة بماليزيا شي ولافي الأحلام!جُزُر خيالية وخضار يشرح القلب..
أم اسمهان:ماشاء الله.. الله يهنيكم..صدق إن الدنيا حظوظ..انتم مبسوطين ومرتاحين وتركي الله يخلف عليه ويعوضه خير!!
اسمهان(بفضول):ليش اشفيه تركي؟عبدالرحمن اتصل فيه كذا مرة بس إنه مايرد عليه مدري اش سالفته؟!!!
قاموا أهل اسمهان وحكوا لها كل قصة عبير مع تركي...
وتأثرت اسمهان...وقالت:اش هذا أنا مو مصدقة اللي قاعدة أسمعه!كل هالبلاوي صارت بأسبوعين بس؟؟
أسماء:الصراحة ماندري من اللي لازم ينلام بهالقصة!نلوم الأهل يوم ماأحسنوا الاختيار؟..ولا نلوم تركي يوم انه عطاهم وجه من البداية لين مانهبوه؟ولا نلوم هالأم اللي ماتعرف تربي نفسها وتربي بنتها؟ولا نلوم البنت اللي ماتعرف مصلحتها؟الحمدلله اللي فكه منهم بس!!
اسمهان:عشان تصدقوني !أنا من بداية هالخطبة وأنا مو مرتاحة..وقلتها من البداية عبير ماتستحق تركي..بس مدري اش كان مطيح سماح وأهلها عندهم أخاف مسحورين هم بعد؟؟
ابتسام:برَّد قلبي أبوعبير فيهم أخذ كل اللي وراهم وقدامهم وخرجوا من البيت بشناط الهدوم بس وراحوا لخوالهم بالرياض!قليعة!
اسمهان:الله يبشرك بالخير!يعني عبير مابتدرس معانا ثالث ثانوي!فكه منها!!!
أم اسمهان:يابناتي حِنا مانتكلم بهالقصة عشان نتشمت بالناس!استغفروا الله بس..أنا موب كاسر خاطري إلا تركي اللي انغش فيهم وحتى أم تركي كانت تحكي لي القصة وهي تبكي مو مصدقة ان ولدها ماطاله السحر!سبحان الله كيف بهاالدنيا ناس ممكن ننغش بظاهرهم..وباطنهم يخبي المصايب...
اسمهان:بس أنا في شغلة موب داخلة مزاجي!أنا قد شفت جسم عبير المحروق واتصلت أقول لسماح وهي صدتني وقالت انهم عارفين وراضيين!!معقول هم كانوا يدرون ومخبيين على تركي؟؟في هالحالة هم اللي غشوا ولدهم بصراحة!!
قاموا الجميع يقولون لاسمهان مافهمناك..وحكت لهم اسمهان قصة عبير أيام الاختبارات...الخ
أسماء:فعلاً شي غريب ومحير!!
ودق الجرس..
قالت أم اسمهان:هذيل أكيد محمد وسماح الله يرضى عليكم لاأحد يفتح الموضوع قدام سماح أكيد بتتضايق..إن فتحت هي الموضوع من نفسها بكيفها.. بس انتوا لاتسبقونها بالسؤال!!!
ودخل محمد يسلم على عبدالرحمن وبعدين جاء يسلم على اسمهان...
محمد:هلا وغلا بسمهونتنا هلا وغلا والله..واشفيك يابنت انفقعتي انتي وعريسك؟!السعودية مافيها أكل يعني؟؟تقولون سافروا عشان يحشون كروشهم ورجعوا؟؟؟
سماح:هذي الراحة النفسية وماأدراك وش هي الراحة النفسية!!!
محمد:عاد من الضغوط اللي كانت تشوفها عندنا!!طول الوقت نوم... وأكل ومرعى وقلة صنعه!!
سماح:بسم الله عليك واضح انك مبسوطة..كيف السفر حلو؟؟
اسمهان:يهبل!
محمد:تصدقون؟قعدت أحلف على سماح ليل ونهار نسافر ونستانس وهي مصرة ماتقضي الاجازة إلا بخرخير!!!وجه فقر وش تقولون بس؟
ابتسام:وخرخير هذي وين موقعها بالخارطة؟؟
محمد: مدري بس ان كان عرفتي علميني
الجميع:ههههههههههه
سماح:الله أكبر ياالبكش مكة جنب إذني وماأروح لها إلا بالسنة مرة
اسمهان:على طاري مكة أنا رايحة أعتمر بكرة وبنجلس هناك 3 أيام تخاووني؟؟؟
أسماء:عاد عروس وتقول خاووني؟هذي كثري منها!!!!
أم اسمهان:تروحون وترجعون بالسلامة يابنتي..وعسى الله يتقبل منكم ان شاء الله..
ودخل أبواسمهان وسلم على بنته وقعد ينكت معاها ويضحك..
اسمهان(وبكل سذاجة):وشفيك يبه صرت تحبني مرة؟؟عشاني طلعت من البيت؟
ابتسام:أول كنتي لابده على قلبه !وهالحين صرتي ضيفة!يعني وضعك اختلف!!
أبواسمهان:هههه..وش هالهرج يابنت..إن كنت أحبك صاع فالحين أحبك صاعين!!إنتي آخر العنقود ومايثمن قيمتك إلا من فقدك!!بس شلون عريسك معك ان شاء الله مبسوطة؟؟؟
اسمهان:تصدقون إن العيشة معاه أحسن من عيشتي معاكم بمية مرة؟؟؟؟؟
أسماء:أتمنى إنك ماتتراجعين عن كلامك عقب خمس سنين!!!!
أبواسمهان:ههههه..منتي صاحية ياذي البنت!مثل القطاوى تاكلين وتنكرين!!
رجع محمد وأبوه للجلوس بمجلس الرجال مع أزواج البنات(اسمهان وأسماء وابتسام)....
وكملوا الحريم سوالفهم....
اسمهان:اش هذا ياأسماء؟
تصدقين كنت متوقعة يوم أرجع من السفر ألقاك ولدتي؟!
اسماء:الود ودي أولد اليوم قبل بكرة من التعب اللي فيني..بس لسه قدامي كم أسبوع!
في هذي الأثناء دق جوال سماح وردت:هلا تركي..
تركي:هلا فيك..وينك صار لي ساعة واقف قدام بابكم أدق الجرس وماتفتحون؟؟
سماح:أنا معزومة للعشاء عند أهل زوجي..بغيت شي ضروري؟؟
تركي:أبد كنت زهقان مرة قلت أجي أزورك وأدردش معك..وكنت شاري لأولادك ألعاب بغيتهم يستانسون عليها!
سماح:ماأنحرم منك ياأخوي..تعال بكرة..
تركي:لا تعالي انتي خل نتقابل عند الوالدة..
سماح:على خير ان شاء الله..
تركي:في أمان الله..
وصكت الجوال...
قامت اسمهان تطالع بسماح..
سماح:هذا تركي فديته كان زهقان ومر علي ومالقاني!
اسمهان(باستهبال):ليش؟وين زوجته؟مامداه يزهق!!
سماح:ليش؟مادريتي إنه طلقها؟
اسمهان(بحركة تمثيلية طقت يدها على صدرها)وقالت:أعوذ بالله!مامداهم يتهنون ببعض!اش اللي صار بس؟
سماح:من يوم ماسافرتوا صارت أحداث كثيرة..
وحكت سماح السالفة كاملة لاسمهان أما ابتسام وأسماء كانوا مع أمهم بالمطبخ يسوون السلطات..
اسمهان:أنا بصراحة مو فاهمتكم شلون متفاجئين من التشويه اللي بعبير مع إني اتصلت مخصوص عشان أنبهك وانتي قلتي لي انكم عارفين وراضيين؟؟
سماح:متى اتصلتي؟
وظلت اسمهان تذكرها بالسالفة لين ماقالت سماح:ايه تذكرت بس قسماً إني ماكنت أدري انك تقصدين الحرق كنت أحسبك متصلة تكلميني عن مرضها بالسكري وقلت لك اننا عارفين!!!
ياشين العجلة اللي فيني ليتني سمعتك للنهاية كان اللي صار ماصار!!!!
اسمهان:لاتتندمين على مافات..هذا نصيبه معاها وبعدين الحمدلله انه لحق نفسه وماطاح بمكيدتهم..وبكرة ان شاء الله ربي يعوضه باللي أحسن منها!!
سماح:ليته بس يوافق يتزوج..كان أخطب له اليوم قبل بكرة..بس مو راضي.....
المهم مرت الليلة على خير وكانت كلها ضحك ووناسة...وبعدها رجعت اسمهان لبيتها وحكت لعبدالرحمن عن كل اللي صار....
عبدالرحمن:يالطيف يارب..وش اللي قاعد أسمعه؟كل هذا يصير لتركي وأنا موب داري؟؟وأنا أقول اشفيه كل مااتصلت فيه مايرد علي!!!!!
اسمهان:كنت أقول لك دايماً عبير ماهي زينة وماأحبها وتتضايق مني!شوف تاليتها وش سوت مع ولد الناس؟!!!!!!
عبدالرحمن:تصدقين اني كنت ملاحظ عليه واحنا بالفندق انه مو مرتاح؟كسر خاطري حيل..بكرة لازم أكلمه وأقابله بمكان..
وناموا العروسين....
وثاني يوم كانت الخالة جوهرة رايحة للمطار ومرت على أم عبدالرحمن وودعتها هي واسمهان وعبدالرحمن...
واتصل عبدالرحمن على تركي وعزمه بمطعم وجلسوا يتبادلون السوالف...وحكى تركي قصته بالمختصر لعبدالرحمن...
عبدالرحمن:وياترى اش استفدت من هذه التجربة؟
تركي:استفدت اني ماأثق بمخلوق حتى بنفسي!!
عبدالرحمن:لا ماعجبني منك هالتشاؤم!إنت انسان مؤمن وحظك أحسن من غيرك..غيرك السحر أهلكه ودمر حياته..لكن انت برحمة..وبالعكس التجارب الفاشلة تعطينا دَفعة معنوية قوية لتطوير ذاتنا وخوض التجربة مرة ثانية بروح معنوية عالية وفيها نوع من المغامرة والحماس مع طموح للوصول للأفضل...وبحسب مافهمت من كلامك إنه أم زوجتك كانت السبب بكل شي يعني الذنب الواقع عليها أبسط من الذنب الواقع على أمها..والتربية الفاشلة اللي ماخلت هذي البنت تتقبل نفسها بالأول هي السبب اللي خلاها تخاف وتكذب على المجتمع لأنها تتوقع انه مابيتقبلها..
تركي:لاتحاول تأثر علي ياعبدالرحمن حتى لو اني تغاضيت عن عيوبها وضغطت على نفسي وتقبلتها تتوقع انه أمها بتتركنا في حالنا؟؟؟مستحيل!بعدين الحياة اللي تبدأ بكذب وغش ونصب من وين ينكتب لها النجاح والسعادة؟؟
عبدالرحمن:أنا كل اللي أبي أوصله لك..إنك لازم تكون أقوى..صحيح انك تعرضت للخيانة بس صدقني فيه ناس كثير من حولنا تجرعوا مرارة الخيانة بصور ثانية الله يجيرك منها بس هذا مامنعهم انهم يواصلون حياتهم بكل اصرار وتفاؤل...وأنا عندي ثقة بإنك بتكون أقوى من كل الظروف وتحاول تعيد التجربة بس بنظرة أعمق.ويمر عليك بكرة وانت تتذكر هذي الأحداث مثل سحابة غايمة و مرت!! وبإذن الله ربي مابيخيب لك رجا....
تركي:الله يسعدك ياعبدالرحمن..ماتتوقع وش كثر كلامك ريحني..وأنا من يوم ماصار اللي صار ماأسمع إلا دعاوي أهلي على أهل زوجتي..بس ماحسيت إنه في أحد حاول فعلاً انه يسهل الموضوع بعيني مثلك!
ودار بينهم حوار انتهى باستئذان عبدالرحمن من تركي لأنه قبل المغرب ناوي يروح للعمرة مع اسمهان.....
تركي:الله يوفقكم ويتقبل أعمالكم وعباداتكم..تدري لو عندك أخت؟كنت بأخطبها منك من غير تردد!!
عبدالرحمن:هههه..بنات الحلال واجد بس إنت توكل على الله وإعزم أمرك...
وتوادعوا الصديقين...ورجع عبدالرحمن لبيته....
=============
راحوا اسمهان وعبدالرحمن للعمرة وهم بالطواف اسمهان طقها الحماس وضاعت من عبدالرحمن وسط الزحمة وقعدت تبكي مثل البزران!!لين ماقابلت شرطي حول الكعبة وقالت:وديني لزوجي الله يخليك!!
الشرطي:ومنهو زوجك؟؟
اسمهان:زوجي عبدالرحمن..
الشرطي:ماشاء الله لهاالدرجة هو مشهور؟؟أقصد كيف شكله؟وش لابس؟؟
اسمهان(وهي معصبة):يعني شلون بيكون شكله؟رجَّال وبشنبات!!وش بيلبس؟؟واحد معتمر وش تتوقع منه بيلبس؟عباة؟؟لابس ملابس الاحرام؟؟
الشرطي:لاحول ولاقوة إلا بالله ووين ضيعتيه؟؟
اسمهان:حول الكعبة وحِنا نطوف!
الشرطي:ياأختي هذي الكعبة وزوجك مداه جالس يطوف..أنا أقول بدل ماتضيعين وقتك وانتي واقفة كملي طوافك ولاانتهيتي بتلاقينه واقف ينتظرك ان شاء الله!
اسمهان(وهي تبكي):تهقى؟؟
الشرطي:استغفر الله!!أروح أكمل شغلي أحسن!
وكملت اسمهان طوافها وهي تدعي ان عبدالرحمن يرجع لها!!!
وبعد ماانتهت من الطواف لقيت عبدالرحمن واقف عند صحن الكعبة ينتظرها ويوم لقاها صاحت فيه:وينك إنت؟ليش ضعت مني؟؟
عبدالرحمن:آسف ياماما!!الحين من اللي ضيع الثاني؟؟أنا مو وصيتك تمسكين يدي؟!
اسمهان:وش أسوي ؟الحرمة الدبة اللي وراي دفتني على شلة هنود صكوا راسي بريحتهم!ماعدت أدري من وين أروح ولاوين أجي!!
عبدالرحمن:استغفرك يارب..امشي بس نروح نسعى ولاتسبين في خلق الله وحِنا ببيته!
وراحت اسمهان تسعى وكل مامشت شوي وقفت تشرب موية وتجلس دقايق ثم تقوم تكمل!!
عبدالرحمن:اشفيك الله يهديك؟بطريقتك هذي ماراح نكمل عمرتنا إلا بكرة!!
اسمهان:رجولي توجعني مافيني حيل أمشي!
عبدالرحمن:معليش..تحملي هالثلاث أشواط وبعدها نرجع الفندق وارتاحي مثل ماتبين!!
بس أختنا في الله مامداها تكمل شوط إلا وتصيح بذاك الصوت!!
عبدالرحمن:الله يصلحك فشلتينا اسكتي!وشفيك؟؟
اسمهان(وهي تتألم):آآآآآي يارجلي!ساقي فيها شد عضلي مو قادرة موقادرة أمشي ردني الفندق!!!
عبدالرحمن:ماشاء الله عليك!على بالك المسألة لعبة قدامنا شوطين لسه وماانتهينا!شلون نرجع الفندق؟؟
اسمهان:مو مشكلة..بكرة نرجع ونكمل الشوطين اللي بقت!!!!!
عبدالرحمن:استغفر الله..أشك إنك قد اعتمرتي بحياتك!!!
اسمهان:حرام عليك ياما اعتمرت مع أهلي بس إني كنت أحط توقيت بين الطواف والسعي..وبعد كل شوط أجلس شوي وأشرب قهوة وموية وبعدين أكمل!!!!
عبدالرحمن:زين اقعدي هنا ولاتتحركين وأنا بآخذ شوط وأرجع لك يمكن تتحسن رجلك شوي وتقومين تكملين عمرتك!
وكان منظر اسمهان يضحك قاعدة على الجلسات اللي في المسعى ومادة ساقها ولافة عليه العباية!
وجلست جنبها وحدة أندونيسية جاية تعتمر وقامت تدردش معاها وسألتها عن رِجلها وقالت اسمهان:مرة تإلمني ومو قادرة أمشي عليها!
الأندونيسية:مدام أنا في سوي مساج ممتاز..تبقى انتي مساج؟!
اسمهان:ايه أبقى!أقصد أبغى!
ومدت اسمهان ساقها وجلست الاندونيسية عند رجولها ودخلت يدينها من تحت العبات وقامت تمسج اسمهان واسمهان تتألم وتسوي حركات بيدها من الألم..الا عبدالرحمن انتبه للمنظر وهو يسعى وصار يتلفت حوله من الفشلة!!!!
وجاء عند اسمهان وبعصبية قال:وش هالمسخرة؟ تخلين الحرمة تدلكك قدام الناس لاحيا ولامستحى؟؟؟
والتفت للأندونيسية وقال:يلا حجة قومي..وشكراً مانبي مساج!
الأندونيسية:هات فلوس أول!!!
عبدالرحمن:بعد؟؟؟!!السالفة مو لوجه الله!!وكم تبين؟؟
الأندونيسية:واهد رِجل 50 ريال!اتنين رِجِل 100 ريال!!
عبدالرحمن:لا ياشيخة! ماعندك تخفيضات؟احنا بوسط الحرم!
الأندونيسية:مافي تخفيض!التسئيرة هنا وبره كله سوى سوى!!
اسمهان:هيا عاد لاتغشينا!ماسويتي لي إلا رجل وحدة..خذي خمسين وتوكلي!!
وعطاها عبدالرحمن حسابها وقال:هاه؟شلون ساقك بعد المساج؟؟
اسمهان:الله ياخذها هالحرمة زادت رجلي على مابها من وجع وسدت خشومي بريحة الفيكس!
عبدالرحمن:يعني الخمسين راحت بلاش؟!!الله يعوض عليك ياعبدالرحمن!اسمعي مالك إلا تكملين الشوطين على كرسي متحرك!
اسمهان:ياسلاااام؟والناس اش يقولون علي؟جدتك؟؟
عبدالرحمن:تكفين ياشيخة؟؟
الناس ماعندهم سالفة بالحرم إلا اسمهان!!!وليش ماخفتي على بريستيجك يخرب وانتي مادة السيقان تدهنهم هالأندونيسية!!!
وركبت اسمهان على الكرسي المتحرك ودفها عبدالرحمن..لين ماانتهوا..
وعقبها سألها:هاه؟بشري؟شلونك الحين؟؟؟
اسمهان:ياااااي وناسة تخيلت نفسي راكبة بالملاهي!!
عبدالرحمن:استغفرك وأتوب إليك يارب..أنا أشهد إن هاالعمرة يبي لها إعادة!!!!!
وطبعاً بعد هالعمرة التاريخية راحوا عبدالرحمن واسمهان يقصون شعورهم..وقصت اسمهان أطراف شعرها...
عبدالرحمن:اسمعي بأوديك الفندق وبأروح للحلاق أحلق شعري..
اسمهان:ياويلك تخلي راسك أصمع!وجهك من غير لحية وشنب ويالله تقبلته!تبيني أتحمل راسك من غير شعر؟!!هذا اللي ناقص!
عبدالرحمن:وأحد قايل لك اني بأحلقه على الصفر؟!
ووصلها الفندق وراح يحلق راسه..
ودخلت الفندق وكان فخم جداً ودخلت لدورة المياه واستحمت..بس رجلها آلمتها بزيادة وانشدت عضلاتها أكثر من أول وصارت ماسكة رجلها وتبكي!!
لما رجع عبدالرحمن لقيها متمددة على الكنبة والدموع أربع أربع!!
عبدالرحمن:خير ان شاء الله؟؟أحد من أهلك صاير له شي؟؟
اسمهان:لا...
عبدالرحمن:متضايقة؟ودك نرجع؟
اسمهان:لا..
عبدالرحمن:أجل اشفيك؟علميني؟
اسمهان(وهي تبكي):ساقي توجعني!!!!!
عبدالرحمن:خرعتيني!سلامات ماتشوفين شر ان شاء الله!أخاف فيكس الأندونيسية ذاك فيه بلا وزاد الطين بله!!!
ودخل عبدالرحمن يتحمم...
ولما خرج مازالت اسمهان قاعدة على حالها تدمع!
عبدالرحمن:ماجعتي؟؟أنا عن نفسي ميت من الجوع!
اسمهان(تبكي)!!!
عبدالرحمن:لااااااا شكلنا مابنتعشى اليوم!تبيني أوديك المستشفى؟؟
اسمهان:إيه ..وقامت تهز راسها..!
عبدالرحمن:أمرنا لله..
ولبس ثوبه ونزَّل اسمهان معاه وفقعت مرارته لين ماخرجت من الفندق تمشي خطوه خطوه!!!
ركبوا السيارة وقعدوا يفترون بسيارتهم لين لقوا مستشفى وأول مادخلوا المستشفى كانت الأجواء باردة جداً من التكييف المركزي!!
ودخلت اسمهان على الدكتورة وبعد مافحصتها عطتها إبرة مسكنة ووصفت لهادواء ومرهم للعضلات ومشد تلبسه على الساق..
لما رجعوا الفندق..بدت بوادر المرض تظهر على عبدالرحمن بما إنه استحم وخرج مباشرة للمستشفى اللي مكيفها بارد!!
يعطس وظهره يألمه!
طلبوا عشاء من الفندق وتعشوا وناموا من التعب..
وبوسط الليل صحي عبدالرحمن يشتكي من ظهره!وقامت اسمهان تشوفه وانشدت ساقها!!
وصاروا الاثنين على قولة القايل ماأخس من زيد إلا عبيد!!
وعلى صلاة الفجر..صحي عبدالرحمن وقال:ماني قادر أروح أصلي بالحرم تعبان ظهري حيل شلون بأركع وأسجد؟!
اسمهان(على نياتها قالت):صلي وانت نايم!
عبدالرحمن:بالله لاتفتين!ثقافتك الدينية خرطي!ويبي لك اعادة تأهيل!!بأحاول أصلي وأنا جالس!
وقامت تصلي ماقدرت فـ صلت مع عبدالرحمن وهي جالسه!!
بعد ماانتهوا من الصلاة التفت عبدالرحمن لها وقال:تخيلي لو عشنا لـ سن الشيخوخة وصار هذا حالنا؟!
اسمهان:تكلم عن نفسك ياحبيبي إنت شيخوخ!!أنا بأظل بشيبوبتي لآخر يوم بعمري!!!
عبدالرحمن:واش شيخوخ هذي بعد؟؟؟أخت شيبوب؟؟
اسمهان:لا يافصيح!شيخوخ يعني شايب كبير..وشيبوبة يعني بأظل شابة على طول!!
عبدالرحمن:لاحول ولاقوة الابالله!أما انتي عليك ثقافة يغار منها العدو ياشيخة !أنا من يوم ماقريت موضوعاتك عن الأباط والأكواع والركب السوداء وأنا غاسل إيدي منك!!!!
اسمهان:الثقافة خليناها لك ياأبو تقوقع وتمحور وبوتقة!قال ثورة قلم قال!!
عبدالرحمن:فديت الزعل واللي يزعلون!تراني أحب ألعب بأعصابك شوي!وعاجبتني مثل ماإنتي..ماأتمنى يجي يوم وتتثقفين فيه!!خلك على طبيعتك أحلى!!!
اسمهان:طيب يادحوم!بكرة أتخرج من الثانوي وأحط الشهادة بعينك!!
عبدالرحمن:ههههه لو العلم بالشهادات كان أنا أحسن الناس!مافي دورة ولادبلوم بالبلد إلا وأخذته...
وجلسوا العريسين يتمازحون ويتضاحكون لين ماجاء موعد الفطور اتصل عبدالرحمن على المطعم وطلب منهم الفطور
وقالوا له:عفواً بأي غرفة حضرتك؟؟
عبدالرحمن:بغرفة المكسحين!!

فطروا العرسان وطقوها نومة لين الظهر....
صحت اسمهان وحست نفسها بخير..بس عبدالرحمن مازال ظهره ثاير عليه!
وقامت اسمهان تقلب بالكتيب الخاص بالفندق ولقيت انه النادي الصحي الملحق بالفندق يوفر جلسات مساج وتدليك..
اسمهان:أنا أقترح عليك تروح للنادي الصحي الخاص بالفندق ترى مع التدليك أتوقع إنك بتتحسن
عبدالرحمن:مافيني حيل أتحرك.
وشلون تبيني أطلع من الغرفة على نقَّالة؟؟؟
اسمهان:طيب نروح الحرم نصلي الظهر؟
عبدالرحمن:ياليت بس شلون؟مو قادر أقوم؟
اسمهان:عادي الدنيا سلف و دين أمس دفيتني على الكرسي المتحرك واليوم أنا بأدفك عليه!!
عبدالرحمن:للأسف شكلي بأصلي في الفندق!
اسمهان:ياسلام!الحرم جنب إذني و ساحته أشوفها من هنا وإنت تبيني أصلي في الفندق!!
عبدالرحمن: وانتي يوم شفتي بنفسك عافية قمتي تتكبرين علي؟؟طيب والحل؟
ماتشوفيني شلون مو قادر أركع ولاأسجد وظهري متصلب؟
اسمهان:الحل إني أروح لحالي وأصلي بالحرم!
عبدالرحمن:الله يقويك!بس بتعرفين تتصرفين لحالك؟؟
اسمهان:وليش لا؟أنا قدها وقدود!
وراحت اسمهان تتجهز وتتوضأ وأخذت مفتاح الغرفة وخرجت!
ودخلت للحرم لين وقفت في ساحة الكعبة وصلَّت..وبعد ماانتهت قامت تمشي شوي وطلعت ونزلت ونزلت وطلعت تدور الباب اللي دخلت منه!ووصلت للمسعى وقامت تحوس تدور باب!
وكل ماشافت مجموعة حريم مشت وراهم لعل وعسى يكونون طالعين من الحرم وتلحقهم!لكن ناس كانوا متوجهين للمسعى يكملون عمرتهم وناس رايحين فوق للسطح!وناس رايحين لدورات المياه!
رجعت جلست في المكان اللي صلَّت فيه قدام الكعبة وقعدت تبكي!(ماودها تتصل بعبدالرحمن وتتفشل!+انه متكسر وطايح مابيقدر يجيها!!)
وسمعتها أخت ملتزمة وهي تبكي وتنتفض من الخوف..
الأخت الملتزمة:جديدة عهد بـ توبة؟
ناظرتها اسمهان ولاردت عليها!
الأخت الملتزمة:من نعم الرحمن عليك أن كتب لك عمر جديد تُكَفِرِين به عن ذنوبك الماضية!
اسمهان:بس أنا ماأذنبت!
الأخت الملتزمة:هذا حال الانسان يذنب الذنب ويغالط نفسه وهذا من تلبيس ابليس!مادمتي في بيت الله فاستغلي هذي الفرصة وتوبي إليه فلربما قبل توبتك!
اسمهان(وهي تبكي):أتوب من إيش خليني بحالي!
الأخت الملتزمة:أسمع في صوتك نبرة الندم ومادام رجعتي لله بالندم على مافات فبإذن الله مايخيب لك ظن..ولكن الزمي الاستغفار والدعاء..
اسمهان:حرام عليك أنا مضيعة الباب!!
الأخت الملتزمة:باب التوبة مفتوح مالم تغرغري!
اسمهان(وهي مو فاهمة):أوعدك ماأغرغر!بس باب التوبة من أي صوب؟!
الأخت الملتزمة:انضمي
لمجموعتنا وانتي راح تفهمين كل ماأشكل عليك..وبإذن الله بتلاقين في كلامنا جواب لكل سؤال يجي ببالك رعاكِ الله....
وقامت اسمهان معاها وراحت تمشي وخرجوا من عند الكعبة ودخلوا بالداخل ولقيت اسمهان مجموعة حريم جالسين ويقرأون قرآن..
مسكت الأخت الملتزمة اسمهان من يدها وقالت للأخوات الثانيات تعرفهم بها:هذي تائبة جديدة إدعوا لها بالثبات!!
الأخوات:نسأل الله أن يثبتك على طريق الحق ..
وجلست الأخت الملتزمة وفتحت كتاب وقالت:الدرس الخامس!
اسمهان:حسبي الله..أقول لك مضيعة الباب تجين تعطيني درس؟أنا صدق هبلة!بس مو لدرجة إنك تشرحين لي درس عن موقع الباب!تدرين؟بأروح أكتشف الموقع بنفسي!!قبل لايخانقني زوجي ويقول ليش تأخرتي!!!
الأخت الملتزمة قامت تضحك لأنها توها تستوعب الموضوع!!!!
الأخوات:خير ان شاء الله؟؟
الأخت الملتزمة:انسوا الموضوع شكلي أنا اللي مضيعة!!
==========
خرجت اسمهان أخيراً للساحة الخارجية وتعبت من الحر والشمس!الفنادق متشابهة وماعرفت لأي فندق تروح قامت تدور وكان فيه عجوز جالسة وحاطة قهوتها وتشرب ولاحظت إن اسمهان ضايعة..فنادتها..وقالت لها:اجلسي معي..
ومن التعب جلست!
صبت لها قهوة وقدمت لها تمر وقعدت تاكل...
قالت العجوز وكانت ملقوفة شوي:شكلك مضيعة أهلك يابنية!
اسمهان:لا أنا ماجيت مع هلي!
العجوز:أجل من جيتي معه؟
اسمهان:مع زوجي!
العجوز:وينه زوجك؟ضيعتيه؟
اسمهان:لا ماجاء معي!منسدح بالفندق!
العجوز:مالت عليه من رجال يرسل زوجته تصلي وهو يتقلب تحت المكيفات!!
اسمهان:اش أسوي فيه؟تعبان ومايقدر يقوم!
العجوز:ياوجه الله!!مشلول؟؟
اسمهان:لاااا يوووه بسم الله على زوجي!بس تعبان شوي!
العجوز:ووين بزرانك؟
اسمهان:ماخلفت بعد!
العجوز:وماأعرس عليك بعد؟؟
اسمهان:يووووه الله لايقَدِّر!!
العجوز:وش يبي فيك؟عصلة مصلة وماتجيبين عيال؟!!!
اسمهان:خذي قهوتك ماأبيها..إلا أنا وش اللي أبيه فيك عشان أقعد معاك؟!!!!
وطبعاً عبدالرحمن يبي يتصل فيها ومو قادر الجوال بعيد وظهره يآلمه بشدة..
قامت اسمهان تمشي عند الفنادق اللي مطلة على الحرم ودخلت في واحد منها واكتشفت انه مجمع تجاري وفيه أسواق وانشكحت من الفرحة وقالت بنفسها:واااااااو كشخة يااسمهان أول مرة في حياتك بتروحين السوق لحالك من غير مايغثك أحد!
وصارت تتمشى ومحفظتها عامرة وش عليها؟وشافت محل أطفال ودخلت وجابت هدايا للمولود الجاي اللي ببطن أسماء وهدايا لبنات وعيال أخواتها وأخوها...
ومرت من جنب محل يبيع بخور وعودة واشترت لأبوها صندوق فيه تولات عودة وبخور ومسبحة ولأمها
صندوق فيه بخور ومستكة ومبخرة ومصحف..
واشترت لسماح وابتسام عطورات وماكياج من محل ثاني..
وهي مارة من جنب محل جلابيات قالت لنفسها:ليش ماآخذ لأم عبدالرحمن وحدة؟؟
بس رجعت قالت لنفسها:أم عبدالرحمن مودرن شوي..يمكن مابتلبسها!!خل آخذ لها شوية أغراض للمطبخ!!
واشترت لعبدالرحمن أشرطة محاضرات من محل التسجيلات..
ويوم بغت تطلع من المول ماقدرت من كثر الأكياس وثقلها!!
شافها حمَّال آسيوي وعرض خدماته وعطته الأكياس كلها وشالها وقال لها:فين روح ماما؟؟
اسمهان:فندق.....
الحمَّال:آه يئني فوق!
وراح للأصانصير..واسمهان تقول بنفسها(آثاري هذا المول تابع للفندق وأنا مدري)!!!
وهي طالعة بالأصانصير أذن العصر!
ووصلت لغرفتها بالسلامة..
وخلت الحمَّال يحط الأغراض كلها وقال ايش بتعطيه أجرة فتحت محفظتها مالقيت إلا 100 ريال خذتها بكل بساطة وعطتها اياه!!!
وعبدالرحمن يراقبها من فوق السرير!!
عبدالرحمن:مية ريال ياالظالمة لواحد شال لك الأغراض من فوق لتحت؟؟أجل لو راكبة معاه ليموزين لجدة كم بتدفعين؟؟
اسمهان:ياشين البخل شيناه!مامعاي غيرهم وش تبيني أعطيه؟بومبة؟؟
عبدالرحمن:وبالله توك جاية؟؟لك أكثر من ثلاث ساعات طالعة!كان رقدتي في الحرم أحسن!!ولا كان عدتي عمرة أمس أبرك!!
اسمهان:عادي ليش معصب رحت وسعت صدري شوي ورجعت!!
عبدالرحمن:أقص إيدي إن كنتي مابكيتي لين قلتي بس!وأكيد ضعتي وجمعتي عليك شرطة الحرم؟!!
اسمهان:لااا مو لهاالدرجة جمعت حولي سواليف أحكي لك عنها بعدين!وترى بطني عصافيره تصوصو واش رايك نروح المطعم؟
عبدالرحمن:وشلون ياحسرة؟
اسمهان:وناسة!إذن بأروح المطعم لحالي!!
عبدالرحمن:أشوفك أخذتيها لعبة تبين تروحين وتردين على كيفك؟؟أقول اجلسي مكانك ولا قومي صلي العصر أحسن!!
في مدينة الرياض كانت عبير وأمها في بيت خالهم الكبير اللي عنده 3 أولاد متزوجين و4 بنات في البيت ..ثنتين بالجامعة ووحدة بسن عبير والصغيرة بالمتوسط..صحيح عبير كانت متأثرة وزعلانة من كل الأحداث السيئة اللي واجهتها بس بنفس الوقت لقيت ونس مع بنات خالها..
وبيوم دار هالحوار بين عبير وأمها...
عبير:يمه أنا أحس إني مبسوطة ببيت خالي بس ماتحسين إن جلستنا عندهم مخليتنا مثل العالة على صدورهم؟؟؟
أم عبير:أكيد حِنا عالة وعلة على قلوبهم..بس كل هذا من أبوك حسبي الله عليه سحب اللي ورانا وقدامنا!لاذهب ولافلوس!
عبير:ماعليك يمه..هذا لأنه زعلان مرة..كلها وقت ويهدى ويصير يصرف علينا..هذا أبوي وأعرفه كريم وقلبه طيب!
أم عبير:ياليت يكون كلامك صحيح أخاف يتزوج وحدة وتلهف اللي وراه وقدامه!!
======================
وجاء يوم السبت وراح عبدالرحمن لأول يوم بالدوام وكان شفت العمل مسائي بهذاك الأسبوع يبدأ من الظهر لين الساعة 11 بالليل...
قامت اسمهان تنظف المطبخ وكانت أول مرة تطبخ فيها من يوم ماتزوجت والغداء كان عبارة عنبطاطس مجمد وقلته اسمهان بالزيت!
نجت دجاج بالبقسماط وقلته اسمهان بالزيت!
وكاتشاب طبعاً ماطبخته بس تعبت حالها شوي وحطته بصحن!!+صحن فواكه طبعاً مو هي اللي طابختهم بس غسلتهم وحطتهم بالصحن!!)
وقبل مايروح عبدالرحمن الشغل وهم لسه يتغدون قالت اسمهان:اش رايك في طبخي؟عاد إنت اليوم محد قدك اسمهان طابخة لك بيدينها!!!
عبدالرحمن:كل هالمقدمة على صحنين مقالي جاهزة؟؟أجل لو طابخة مفطَّح بتذلينا؟؟
اسمهان:لا ياحبيبي...بس الكل يدري إن اسمهان مو حقت مطابخ!!
عبدالرحمن:الله يعين!عموماً تسلم الأيادي!ولو إني أول مرة أشوف أحد يتغدى نجت وبطاطس!بس مع اسمهان كل شي جايز!!!
...وقام يتشطف ويتجهز للعمل...واسمهان ترفع السفرة وتنظف المطبخ......
عبدالرحمن وهو رايح قال:ترى بأرجع الساعة 11 يعني عندك وقت طويل تقدرين تستغلينه وتكملين كل أشغالك..والعشا خليه ساندويتشات خفيفة!لأني بأروح العمل أتغدى مع الشباب!!
اسمهان:ليش؟توك متغدي!
عبدالرحمن:ههههه ليش الله يصلحك!تسمين هذا غداء؟؟هذا اسمه نقنقة مجبور!!
وراح عمله..وقعدت اسمهان تفكر اش تسوي بغيابه..راحت تقلب في قنوات التلفزيون ومالقت شي يستاهل المتابعة!
اتجهت للنت ولقيت مرام قاعدة على الماسنجر وتبادلوا السواليف المختلفة وقالت لها مرام:اتفقنا كلنا نزورك هذا الاثنين!
ورحبت اسمهان بالفكرة ورجعت لمنتداها المفضل اللي تكتب فيه وغيرت قسمها وقالت لنفسها:ليش ماأدخل قسم الحياة الزوجية؟!!
ويوم دخلت وتقلبت بين المواضيع خرجت وهي تقول بنفسها:توووووووووووووووبة!!إن زدت طبيت بهالقسم!!
وش هالغثا اللي في النسوان؟مايكفي زوج الوحدة منهم كريه وغثيث معاها بالبيت...بعد تجي بالمنتديات وتسوي له دعايات؟!!!!!!!!!
وفكرت لو تكتب موضوع تخاطب فيه عقلية النسوان اللي يحبون يكتبون عن يومياتهم اللي تبط الكبد مع أزواجهم!!وليتها ماكتبت!صلخوها النسوان بألسنتهم!!!
طبعاً هالسمهونة تبي تسوي فيها ناصحة ومثقفة واستعانت ببعض الألفاظ اللي يستخدمها عبدالرحمن وكتبت الموضوع التالي بعنوان:
(الشاردات إلى المنتديات!)
الموضوع:إلى كل عضوة تمحورت حياتها حول نفسها وزوجها!ثم تقوقعت على نفسها لتنفجر لنا بعد دهر وتعلن لنا خروجها من البوتقة إلى عالم المنتديات لـ تفش غلها فينا! تكتبين لنا عن زوجك لماذا؟؟لـ تعلين قلوبنا به مثل ماعل قلبك؟؟
أم لـ تخربين علينا أجواءنا الرومانسية مع أزواجنا؟؟
أم لأنك لاتمتلكين موضوع مفيد فاتجهتي إلى زوجك لتجعليه قضية الموسم؟؟
أم هي محاولة لتقليد الأخريات اللواتي يشتمون المجتمع ويسبونه كله ماعدا أنفسهم!فهم جميلات بشهادة الجميع! وقائمات بجميع حقوقهن الزوجية! ولايقصرون حتى مع أهالي أزواجهن! وبالرغم من ذلك تلاقي الصد والنفور من زوجها!
عزيزتي( إذا أردتي الشردة من الواقع إلى الخيال فاشردي إلى أبعد بقعة في الخريطة!!فيومياتك الكئيبة مكانها ليس بالمنتديات!بالعربي إحنا عالم ندخل النت للفرفشة والوناسة وتحصيل الفايدة مو لضيقة الصدر وفقع المرارة!!)
الحقيقة قطعتم قلبي بقصصكن أيتها العضوات مع تمنياتي في القريب العاجل أنا أرى منتديات ذكورية جديدة تمتلأ بشكاوي الأزواج من زوجاتهم!!!!
وانتهت اسمهان من موضوعها وراحت أعزكم الله إلى دورة المياه..ودقايق ورجعت ولقيت عدد مشاهدات الموضوع 34 والردود 7!!
اخترعت وقالت:صدق إنكم فاضيات!!
وقرأت الرد الأول للعضوة(تطور بـ تهور):أي تمحور وتقوقع وبوتقة؟؟انتي حلي التشابك اللي عندك بعدين انصحينا!!
الرد الثاني للعضوة(مصرقعة بس هادية):مين سمح لك أساساً تقرأين موضوعاتنا؟؟إذا مو عاجبك اطلعي برة المنتدى!
الرد الثالث للعضوة(الدلع كله):مدام إنك تقدسين الرجال..ورى ماتفارقينا وتفتحين منتدى ذكوري وتحطين نفسك الزعيمة عليهم؟؟خل نشوف وش بتسطرون من ابداعات!!!!!!!
الرد الرابع للعضوة(هبنقة ببندقة!!):إيه كلنا جميلات!انتي وش حارق رُزك؟؟ومانقصر مع أزواجنا بشي الله ياخذهم حتى أهالي أزواجنا اللي مايساوون بصلة حاطينهم على راسنا وخادمينهم بعيوننا الله يقلعهم
يحق لنا نفضفض لبعض الوحدة فينا قمة في الرقة وقمة في الذوق والنعومة لكن زوجها مغمض عيونه عنها عسى عيونه البط!!!!
قالت اسمهان بنفسها:وأنا أشهد إن فيك ذوق ونعومة ورقة تهز الصخر!!!!!!!!يكفي إن اسمك شاعري حيل!!!
الرد الخامس للعضوة(رداة الحظ من حظي):أقص إيدي لو ماانتي رجَّال!!!ياعضوات تراها رجَّال متخفي بإسم حرمة!يامشرفات الغوا عضويتها!
الرد السادس للعضوة(قاهرتهم برواقتي):ياأختي قاهرة نفسك ليه؟؟بكرة حتتجوزي وتعرفي الكلام اللي بنقولو اش معناتو!!
الرد السابع للعضوة(دبدوبة النحيلة):وينك بس؟لو أشوفك لأبرك فوقك لين ماأقطع عنك الهواء!ياعدوة المرأة ونصيرة الرجل..مالك إلا القاز!!!!!!!!
طبعاً اسمهان صار راسها يغلي من اللي قاعدة تقراه..وارتفع ضغطها وقالت:والله لو ماانتم غثيثات وكريهات ماكان أزواجكم يعاملونكم كذا!!إلا بالعكس رحمت أزواجكم الضعايف شلون متحملينكم!!يمين لو إني رجَّال كان صحت فيكم بعالي الصوت(كلــــــــــــكم طــــالق!)

وقعدت اسمهان على هالحال من رد في رد وهي ترد على العضوات وهم يردون عليها لين ماوصل عدد الردود 51 رد ودخلت عضوة وقالت:شو قلة الأدب هاي؟ وينن أزواجكن عنكن؟سوء الخضار مابيصير فيه هيك حكي!!
وجات العضوة اللي بعدها وقالت:أنا رأيي من رأي الأخت اللي فوق موضوع خسيس وردود أخس الحمدلله والشكر..بالله فضوها سيرة وكل وحدة منكم ترجع تتضارب مع زوجها أبرك!!!
ردت اسمهان:تكفين لاتحشينهم على أزواجهم هذيل مهابيل ويسوونها!!بيروحون يتطاققون عشان يرجعون لنا بعد كم ساعة بمواضيع جديدة عن هوشاتهم!!
دخلت مشرفة من مشرفات الموقع على الموضوع وقالت:نظراً لكثرة الردود الخارجة عن حدود الذوق سيتم حذف الموضوع!!
زعلت اسمهان وقالت بنفسها:سبحان الله كلمة الحق صايرة تزَعِل هاالأيام!!!!
قفلت النت وجلست تلعب بالألعاب اللي مخزنتها على اللاب توب...إلا وتليفون البيت يرن..
اسمهان:آلو...مرحبا.
شخص غريب:مرحبتين!
اسمهان:مين تبي؟؟
الشخص:أبيك انتي!
اسمهان:آها أكيد انت حمود؟صح؟
الشخص:فديت الذكاء!شلون عرفتيني؟؟
اسمهان:أنا اسمهان والأجر على الله !ماتطوفني ألاعيبك مهما غيرت من صوتك!!
الشخص:وياترى اش قاعدة تسوين؟؟
اسمهان:أبد كنت قاعدة على النت بس زهقت!وعبدالرحمن اليوم مداوم!!
الشخص:وش رايك أمر عليك وتطلعين معي؟؟
اسمهان(وهي على نياتها):واااي وناسة تكون كسبت فيني أجر يامحمد!!
الشخص:زين عطيني العنوان!!
اسمهان:هاااااه؟؟؟
الشخص:أقول عطيني العنوان يابعد عمري ماودك نطلع ونتونس مع بعض؟!!
عاد اسمهان ذيك الساع استوعبت إنه واحد مغزلجي ومتصل يلعب!!
وقفلت السماعة بوجهه..وجلست ندمانة على تسرعها في الرد عليه وقلبها يخبط ويرقع!!
وصار التليفون يرن ويرن وكل شوي يرن....
فجأة دق جوال اسمهان وراحت ترد إلا طلعت رانية..
اسمهان:هلا رانية..
رانية:هلا سوسو..أقول وش رايك تكسبين فيني أجر وتوفرين علي وتعطيني رقم الثابت أفضل؟؟؟
عطتها اسمهان رقم التليفون الثابت..وأول ماصكت اسمهان الجوال إلا والتليفون يرن...
راحت اسمهان تركض على بالها رانية إلا طلع الشخص المغازل!
الشخص:هااه يااسمهان؟عبدالرحمن رجع ولا لا؟
اسمهان:الله يصيبك ياشيخ قفل السماعة والا بيصير لك شي مايسرك!!!
الشخص:يمه خرعتيني وأنا بعدي صغير!!!!خلاص ولايهمك ياحلوة بأقفل الخط بس أبيك تجاوبيني عن سؤال صغير ووعد أنسى رقمك طول العمر!!
اسمهان:خير؟
الشخص:انتي باقي تغنين مع أخوك فريد الأطرش ولا اعتزلتي؟ لأني من زمان مو سامع لكم شي جديد!!
كاااااااااااااااااااااااك وجنبه أصوات شباب يضحكون!!
قفلت اسمهان الخط وقعدت تبكي!
إلا رانية داقة على جوالها..ردت اسمهان...
رانية:وشفيك يالهبلة تقولين لي اتصلي وتشغلين الخط؟؟
اسمهان(قامت تبكي):رنو الحقيني!!!!
رانية:خير؟عبدالرحمن كفَّخك؟؟
اسمهان:لاااااااا
رانية:طيب وش صاير؟لاتقولين طلَّقك؟حرام عليك مابقى دخلنا بيتك وشفناه!وتطلقتي بسرعة؟؟
اسمهان:وجع بعينك ان شاء الله!هذا كلام تقولينه؟لا تكفخت ولاتطلقت!بس فيه واحد نشبة بلاني باتصالاته على التليفون وأنا خايفة حيل!!!!
رانية:وش منه خايفة؟بينط عليك من السماعة؟؟
اسمهان:لااااا..بس قلت له إن اسمي اسمهان وزوجي عبدالرحمن!!
رانية:طاح حظك ياالثولة طاح حظك!!وليش تعلمينه؟
اسمهان:أنا قلت له من غير قصد!على بالي إنه أخوي محمد!
رانية:وأخوك محمد مايعرف اسمك واسم زوجك يوم تروحين وتعلمينه؟ وش هالثوارة والبقارة اللي انتي فيها يبيلك شوية حشيش وعلف وترعين فيها!!!!
اسمهان:لاتزيدين ناري الله يخليك!
رانية:أقول انثبري جنب التليفون وبأحاول اتصل فيك لين مايمسك الخط..رقمي وتعرفينه ردي عليه..وإن دق هالمطفوق إياني وإياك تردين عليه..فاهمة؟؟
اسمهان:فاهمة!
واتصلت رانية وردت عليها اسمهان
ودخلوا في سوالف من هنا وهناك..وبعدها......
رانية:خلاص اتفقنا نجيك كلنا يوم الاثنين..مو تقولين دوام زوجك مسائي؟؟؟؟
اسمهان:إلا..الله يحييكم
رانية:بس ترى نجلاء أهلها وافقوا بعد جهد جهيد إنها تجي تزورك! على قولتهم انه موقفها حساس شوي بما انه أم عبدالرحمن خطبتها لولدها قبل!!
اسمهان:غريبة وافقوا؟؟
رانية:لأنها ياحلوة أقنعتهم انك ساكنة ببيت لحالك بعيد عن أم زوجك يعني مابتقابلها!!ولارجعت تصارحهم بالموضوع!!بس انتي بيجيك أحد غيرنا؟؟
اسمهان:لا طبعاً مستحيل أنادي أحد!نبي نقعد ونتونس وننبسط لحالنا وبس!
رانية:أشوى!!أنا قلت عسى ماتخبصينها وتسوينها جَمْعَة حريم وبزارين!!عاد أنا ياكرهي في سواليف النسوان كلها حمل وولادة وسب في الأزواج وأهاليهم!تقولين قاعدين في حراج!!!
اسمهان:لا أعوذ بالله...هالطقة ماشفتها إلا بمنتديات النسوان!الله يكفينا شرهم على أرض الواقع!!
=======
المهم انتهت المكالمة واستلموا باقي الشلة اسمهان كل شوي وحدة متصلة...آخر وحدة أفنان..وبعد المقدمات الروتينية من سلام وأخبار...الخ
أفنان:تصدقين يااسمهان؟بعد محاولات مستميتة أمي وافقت لي أزورك؟؟؟
اسمهان:ليش عاد؟عبدالمجيد خطبك انتي الثانية وأنا ماأدري؟؟؟
أفنان:لااااا بس خبرك بأمي مستحيل تخليني أروح مكان إلا بمرافقتها..وأنا بصراحة قلت لها ان هالجمعة جمعة بنات وبس وأهل اسمهان مو جايين فلا تجين معاي ياأمي بس مارضت!!وبعد المحاولات وافقت بس بشرط إنه خالتي مشاعل تجي معاي!!!
اسمهان:مين خالتك مشاعل؟؟
تقصدين اللي قعدت معانا على نفس الطاولةيوم زواج خالك اللي طاحت فيه رانية؟؟؟؟
أفنان:بالضبط....ماشاء الله عليك ياسوسو مانسيتي؟؟
اسمهان:وشلون أنساها؟إلا يازينها ويازين جلستها وكلامها.الله يحييكم كلكم وأنا بانتظاركم..
=============
وبعد ماانتهت اسمهان من مكالماتها الطويلة جاء عبدالرحمن من العمل وهو مرهق وسلم على اسمهان....
عبدالرحمن:اش سويتي على العشا؟؟
اسمهان:يووووووووووه نسيت!
عبدالرحمن:ماشاء الله بدايات مبشرة بالخير فعلاً!!خلني أغير هدومي!
دخل عبدالرحمن الغرفة يبدل وتفاجأ من منظر الغرفة!!
عبدالرحمن:اسمهان..اللحاف ماتتطبق من يوم مارحت؟؟؟
اسمهان:نسيته!كنت مشغولة!
عبدالرحمن:لي 8 ساعات بره البيت مامداك تسوين عشا ولاتطبقين لحاف؟زين اتصلتي على أمي سلمتي عليها؟؟
اسمهان:لا...ماجاء في بالي!!
عبدالرحمن:أحلفِك..وش سويتي بهالثمانية ساعات؟؟؟
قعدت اسمهان تحكي له عن سالفة المنتدى والموضوع اللي كتبته وردود العضوات..
عبدالرحمن:لهذي الدرجة موضوعك سوى ضجة؟؟أخاف كاتبة موضوع سياسي؟!!!
اسمهان:لا ياشيخ..موضوع عن الحياة الزوجية..بس مدري اشفيهم النسوان استخفوا!قلبوا الموضوع حلبة مصارعة!ومباراة ملاكمة!لين ماحذفته المشرفة وريحتني!!
عبدالرحمن:الحمدلله إني ماقريته أخاف إنه من طقة مواضيعك السابقة!!!
جاء اليوم الثاني وقامت اسمهان تطبخ ينقال بتسوي كبسة! وطلع الدجاج نص استواء والرز لاصق بقاع القدر ولاطعم ولازغم!! وشامز شمازة!
اسمهان(قبل ماتذوق الأكل):
هاه؟وش رايك اليوم بالطبخة؟
عبدالرحمن:الحقيقة يابنت الناس ماعرفت قيمة أمي الا بعد ماأخذتك!!هههه وبعدين أول مرة بحياتي أشوف أحد يقدم الرز بالقدر حقه!!!الناس تغرف الرز بصحن كبير مو تجيب القدر على السفرة!!!
اسمهان:وش أشوي الرز لاصق بقاع القدر؟قلت أجيبه وانت كد و كِل!
عبدالرحمن:تدرين ان أخطر شي على صحة الانسان هو أكل اللحوم وهي نص استواء؟؟لأنها تصيب الواحد بعدة أمراض أهمها فيروس القطط!!
اسمهان:وش دخل كلامك بأكلنا؟وبعدين فيروس القطط يجي من أكل القطط والحمدلله حِنا ماناكل قطط!!
عبدالرحمن:ياعيني على الثقافة ياعيني!!حبيبتي بالله لاجيتي تقعدين على النت بغيابي بدل ماتكتبين موضوعات تشحنين فيها النسوان ويتلسنون عليك!أنا أقترح إنك تبحثين عن معلومات تفيدك بحياتك العامة وتثري ثقافتك!
وقام عبدالرحمن يغسل يديه..
اسمهان:مسرع!لسه ماأكلت غداك..وشفيك قمت؟؟
عبدالرحمن(وهو يجامل): من حلاته..خفت أستسلم وأخلصه عليك!!
قامت اسمهان تذوق طباخها وبغت تستفرغ من طعم الحرق اللي فيه والشمازة!!
بدَّل عبدالرحمن هدومه وراح العمل..
واتصلت أمها تتطمن عليها...وبعدها اتصلت أم عبدالرحمن وقالت لها:أنا بأروح اليوم عند أم حامد جارتنا اللي بالشارع المقابل تجين معاي؟؟
اسمهان:لا ياخالتي عندي شغل بالبيت...
وقامت ترتب البيت وتغسل الملابس وبالغلط كانت لابسة اسمهان على شعرها منديل أحمر وطاح بالغسالة وهي تحط ثياب عبدالرحمن!!وعلى أساس بتشيله ورن التليفون وراحت تركض تبي ترد و نست المنديل بالغسالة!!!
إلا هي أختها أسماء وقعدت اسمهان معاها ساعة...
ويوم راحت تخرج الغسيل إلا وهو في خبر كان بمبي ضارب في أحمر!!
دخلت المنتدى ولقيت عضوة حاطة صور لملابسها وتاخذ رأي العضوات فيها!!والملابس كانت مو حلوة...والعضوات كاتبين واااو تهبل! واللي تقول ذوقك روعة!واللي تقول تقطعينها بالعافية! واللي تقول مرة نايس!!
احترَّت اسمهان وقالت بنفسها:وعععععععع اشبه الذوق اختَّل عند الناس؟؟
وألحَت اللقافة عليها ترد وكتبت: ياأختي قولي لي من وين تشترين ملابسك وأقول لك مين انتي؟؟
حبيبتي حتى أبوعشرة تطور وصار اسمه توب تِن ويجيب صيدات!بس انتي ليش مغمضة؟؟والحلوات اللي يقولون يهبل ونايس..ليش تضحكون على بنت الناس؟؟تبونها تصير مسخرة!حبيبتي إذا انتي متزوجة قطيهم بالزبالة!وإذا بعدك بنية بعد قطيهم بالزبالة لأن نصيبك بيوقف لو أحد شافهم عليك!!!!
ودخلت صاحبة الموضوع وردت:انتي وشفيك؟موب صاحية؟
كل هذا غيرة؟؟قولي بسم الله ماشاء الله!كله حسد تبين تعرفين من وين شريتهم؟بس حريمتك موب قايلة لك!!!
قالت اسمهان:قليعة في ذول النسوان وش هالثقة؟من وين يجيبونها؟يازين مجتمع البنات وأقسامهم بالمنتديات كلها خفة دم وفرفشة مو صراعات دموية!!أما الحريم شوية وتطلع لي الوحدة من الشاشة بساطور!!
========
قعدت تفتش في أغراض عبدالرحمن ولقت دفتر كله أشعار وجلست تتسلى وتقراه...
أخذت كلمات القصيدة وكتبتها على الكومبيوتر وقامت تسوي لها خلفيات وحركات بخبرتها المتواضعة بالفوتوشوب.......
وكانت كلماتها:
استفاق الكون من صرخة فؤادي
بعد ماالكتمان فيه أضرم فتايل
ماقوى عالبوح يهتــف أو ينادي
صارت الأسرار هم وشغل شاغل
الهوى فاضح لو انه يكون بادي
وإن بقى بالقلب يفعل به فعايل
....الخ(انقطع الالهام ماعرفت أكملها!!
المهم مر اليوم كئيب رتيب...لين ماجاء عبدالرحمن من العمل ودخل سلَّم على زوجته المصونة وشاف البيت مرتب وانبسط وشاف الغسيل منشور بغرفة الغسيل بالمطبخ وبغى ينجلط!!!
عبدالرحمن:اسمهان اشفيها ثيابي حمراء؟؟لايكون غسلتيها مع قمصان نومك؟؟
اسمهان:لا البندانة اللي على راسي طاحت بالغلط مع ثيابك!!
عبدالرحمن:حرااام عليك هالثياب كلها جديدة مفصلهم قبل العرس ومكلفتني الشيء الفلاني!راحت كذا بغمضة عين؟!!
اسمهان:ياخي لو تلبسهم مع شماغ أحمر بتطلع بمنتهى الذوق وتصير أحسن من العضوة الهبلة اللي ناشرة ملابسها عالنت تقول خروق سيارات!!!
عبدالرحمن:آآآآه من النت ليتك بس تتعلمين من العضوات بعض السناعة!!
صحيت اسمهان يوم الاثنين قبل صلاة الظهر واتصلت على جوال أختها ابتسام...
ابتسام:هلا سمهونة هلا..الله الله عالاجتهاد!أشوفك صاحية بدري مو العادة!!!!
اسمهان:اسمعي يابسومة اليوم بيزوروني صاحباتي وطالبتك طلب!
ابتسام:من عيوني..أكيد تبيني أجيك وأساعدك عشان الضيوف!صح؟؟
اسمهان:لا..مو صح!بغيتك تسوين لي صينيتين حلى من ايدينك الحلوة وترسلينها لي مع زوجك!
ابتسام:يعني..أنا وأمي مو معزومين؟؟
اسمهان:للأسف الشديد لا!ودي أقعد مع صاحباتي بـروحنا!!
ابتسام:مين قدك؟شايفتنا مطعم وفاتحين طلبات توصيل؟عجيب أمرك!!
اسمهان:عاد لاترديني...تكفين طلبتك!أنا لو أدري إن أسماء ماهي ملسونة وبتسمعني كلام يبط الكبد كان اتصلت عليها ووصيتها هي بعد تفزع لي بصوانيها!!
ابتسام:لا حرام عليك كله ولاأسماء!لاتتعبينها ماعندها شغالة وهي على وشك ولادةمو فاضيتلك أبد!
اسمهان:طيب أعتمد عليك في الحلى؟
ابتسام:اعتمدي!وبأسوي لك أحلى كيكة توفي وصينية حلا طبقات الشوكليت ..حلو؟؟
اسمهان:حلو ياحلو..وأنا عندي تمر وشوكولاتات ومعمول وغيره تكفي وزيادة..
إلى نهاية المكالمة....
واتصلت اسمهان على سماح وبعد السلام...
اسمهان:تكفين سموحَة..
صاحباتي بيزوروني اليوم وبغيت كم صنف مالح من ايدينك الحلوة؟وش قلتي؟
سماح:غالية والطلب رخيص..بس زين إنك كلمتيني من بدري لأني رايحة لأختي هند اليوم عندها جمعة حريم..
اسمهان:خلاص ومتى بترسلين لي الأصناف؟؟
سماح:خليها مع طلعتي من البيت مرة وحدة..بعد المغرب!
اسمهان:وهو كذلك...
وشوي واتصل عبدالرحمن...
عبدالرحمن:صباح الظهر ياسمهونتي!غريبة صاحية بهاالحزة؟؟
اسمهان:مو قلت لك من أمس إن صاحباتي جايين؟؟
عبدالرحمن:طيب تبيني أجيب معاي شي تقدمينه لضيوفك؟؟
اسمهان:لا الله يعطيك العافية مايحتاج...ابتسام وسماح مابيقصرون...
عبدالرحمن:ماشاء الله..أهلك بعد جايين؟؟
اسمهان:لاياشيخ..ماعزمتهم أصلاً بس دقيت على ابتسام وسماح يسوون لي أصناف ويرسلونها!!!!!
عبدالرحمن:الله يصلحك يااسمهان بالله هذا كلام؟؟ليش بيتنا فاضي مافيه أكل يوم تروحين تشحذين من أهلك؟؟ولا شايفتنا عاجزين نجيب شي لضيوفنا؟؟
اسمهان(بدلع):يوووه دحومي!لاتكبرها عاد وهي صغيرة!المسألة فزعة لي!أول مرة بأستقبل ضيوف وماودي أخبص بالمطبخ!!
عبدالرحمن:بس ماهي حلوة منك تطلبينهم أطباق ولاتنادينهم لبيتك؟الله يهديك بس!على العموم وش طابخة على الغداء ان شاء الله؟؟
اسمهان:ياسلاااااام أقول لك بيجيني ضيوف..تقول لي وش بتطبخين على الغداء؟؟
عبدالرحمن:وش دخَّل هذي بذيك؟الضيوف بيجونك بالليل صح؟
اسمهان:ايه..بس أنا ماأبي أقربع المطبخ بأروح ذحين وأرتب البيت وأغسل الحمامات وأضبط الغرف كلها..تدري أول مرة بيدخلون بيتي لازم أفرجهم عليه وهو قمة في الترتيب!
عبدالرحمن:ماشاء الله ياليتني ضيف!!
اسمهان:وش تقصد؟؟
عبدالرحمن:لا ولاشي!! بأرجع عقب صلاة الظهر ومعاي غداء من بره!مع السلامة..
وبدأت اسمهان تطبق الغسيل المنشور من أمس وترتب وتنظف وبعد الصلاة بـ وقت جاء عبدالرحمن ومعاه الغداء وشوي أغراض..
فتحت اسمهان الأكياس لقيت عبدالرحمن شاري صحن كبير ورق عنب+صحن كبير بقلاوة..
اسمهان:ليش جايب ورق عنب وبقلاوة دحومتي؟؟
عبدالرحمن:عشان تقدمينهم لضيوفك مع باقي الأكل..
اسمهان:شكرااااا..
وحطت الغداء وكان عبارة عن مشاوي على الفحم +رز وسلطة..بعد الغداء..استعد عبدالرحمن للروحة إلى العمل...
وودعته اسمهان وهي طايرة من الفرح لأنها بتستقبل صاحباتها بعد عدة ساعات!!
نزل عبدالرحمن يسلم على أمه وقال لها:اش رايك يمه تطلعين لاسمهان اليوم؟بيجيها ضيوف!
أم عبدالرحمن:الله يرضى عليك ياولدي كأنك داري عن زهقي ومللي من قعدة البيت!خلاص بأطلع لها بعد المغرب ان شاء الله.
وبالفعل استكملت سمهونة شغلها وفي العصر أخذت دش..وبدأت تجهز أغراض القهوة والشاي من مكسرات وشوكولاتات وخلافه....
وقبل المغرب بدأت تتزبرق وتتحومر وتتصوفر!(لغير الناطقات بالعربيةيعني تحط أحمر وأصفر وكل ألوان الطيف!!)وتضبط الشعر...
وأذن المغرب وراحت تصلي إلا ودق الجرس وكانت كاتيا شغالة أهل اسمهان على الباب ومعاها صواني الحلا أخذتها اسمهان وشكرتها وراحت الشغالة...
وكانت الأصناف اللي سوتها ابتسام(سينابون+خلية النحل+حلى طبقات الشوكليت+كيكة التوفي) قالت اسمهان بقلبها :الله يسعدك يابسومتي على تعبك...
ودق الجرس مرة ثانية..قالت اسمهان بنفسها:حسبي الله عليكم من ضيوف باقي مابخرت البيت!!لايكون هذي رانية المطفوقة؟!!!!!!
ويوم فتحت الباب تفاجئت بشوفة أم عبدالرحمن!!!
اسمهان(بدهشة):خـــــــالتي؟؟؟
أم عبدالرحمن:ايه..ممكن أدخل ولا وقفتي بتطول عند الباب؟؟
اسمهان:حياك حياك..تفضلي!
أم عبدالرحمن:الصراحة بتكسبون فيني أجر اليوم الزهق كان ماخذني..لولا إن عبدالرحمن جاء بالوقت المناسب وعزمني وقال انه عندك ضيوف!!
اسمهان بداخلها قالت:أما هالعبدالرحمن يبيله زنط!!هلي وهم هلي ماعزمتهم عشان أستفرد بضيوفي!تقوم تنادي لي أمك؟؟عَز الله خربت!!
وراحت اسمهان تبخر بيتها..وشوي ودق الجرس..إلا طلعت رانية جاية بطيرانها!!
فتحت لها اسمهان وقامت رانية تحضنها بقوة... وتقول:واحشتني حيـــــــــل ياالسوسة!
اسمهان:مايوحشك غالي ياقلبي.
فسخت رانية عباتها ومشطت شعرها قدام مراية المدخل..وجايبة معاها تورتة كبييرة بالفانيلا والفراولة....
ومسكت الطيران وقامت تطق وتغني: ونحمد الله يوم لقانا تم
و انزاح عن قلبي وقلبك الهم
اسمهان:اسكتي يالهبلة اسكتي..أم زوجي داخل..
رانية:وش جابها؟تبيني أشق الطار فوق راسك؟ وتكذبين علي وتقولين مابأنادي أحد إحنا وبس! أخاف منادية جوهرة بعد؟؟
اسمهان:ارخي صوتك..ماناديت أحد حتى أنا تفاجئت بجيتها بس كله من عبدالرحمن هو اللي عزمها!!
دخلت رانية تسلم على أم عبدالرحمن..وجلست معاها..
وجلست اسمهان وتكلموا شوي وعرَّفت اسمهان أم زوجها بصاحبتها رانية...وشوي ودق الباب إلا هي أفنان وخالتها مشاعل(وجايبة أفنان معاها هدية عبارة عن مصحف كبير وحامل خشب محفور) وسلموا على اسمهان ودخلوا المجلس عند رانية وأم عبدالرحمن...
وثواني وجات مرام ومعاها باقة ورد كبيرة وبعد ماحطت عباتها ومشطت شعرها دخلت وسلمت على الحضور ووراها على طول جات نجلاء ومعاها سلة فيها تحف وشمعدانات ومغلفة بطريقة أنيقة..ودخلت المجلس...دارت عليهم اسمهان بالعصير..
وبدأت أم عبدالرحمن تتعرف على الضيوف وقالت:مانسيتكم انتم لابسات الوردي صح؟؟
الشلة:صح!!
واستغربت أم عبدالرحمن إن مشاعل خالة أفنان هي الوحيدة الكبيرة بينهم وكان عمرها 26 سنة!
فقالت لأفنان ومشاعل:ماشاء الله إنتم خوات؟؟
أفنان:لا..هذي خالتي أخت أمي..
أم عبدالرحمن:انتي متخرجة يابنتي؟؟
مشاعل:ايه من 4سنوات تقريباً..
أم عبدالرحمن:موظفة؟
مشاعل:ايه أشتغل بمعهد الأمل.
أم عبدالرحمن:تقصدين معهد الأمل الخاص بالصم والبكم؟؟
مشاعل:ايه تعرفينه؟؟
أم عبدالرحمن:ايه ولدي وهو صغير كان يدرس فيه...
مشاعل:الله يشفيه يارب...اصابته وراثية؟؟
أم عبدالرحمن:لا ياحبيبتي..مافي أحد بعيلتنا كلها أصم وأخرس غيره..بس بعيد عن السامعين أول ماولدته تعرض لالتهاب بالأذن الوسطى وسوى له مضاعفات مع الوقت لين مافقد حاسة السمع بالتدريج..وبالتالي ماصار عنده قدرة على النطق لأنه مايسمع..
مشاعل:طيب كم عمره هالحين؟
أم عبدالرحمن:28 سنة..
مشاعل:وشلون تتواصلون معاه؟
أم عبدالرحمن:من يوم هو صغير دخلناه معهد الصم والبكم وكنا نرسل أخوانه معاه عشان يتعلمون لغة الاشارة..ولما كانوا يرجعون البيت يعلموني اللي تعلموه وصرت أفهم عليه..وهو ماشاء الله عليه ذكي يقرأ كلام الشفاه..وتعابير الوجه...
مشاعل:طيب وهل تحسين اعاقته السمعية سبب في تعطيل فرص اندماجه بالمجتمع؟؟
أم عبدالرحمن:لا بالعكس..بسم الله عليه من يوم وهو صغير وهو اجتماعي ويحب الأطفال ويوم كبر توظف بمركز خاص بالاعاقات السمعية ومشاكل النطق وعنده صداقات كثيرة أغلب الوقت وهو بره..
مشاعل:ماشاء الله أنا لاحظت عندنا بالمركز إنه أغلب الأشخاص اللي يكون عندهم اعاقة يكون بنفس الوقت عندهم جانب ابداعي وموهبة بمختلف المجالات وهذا شيء رائع يخليهم يثبتون وجودهم بالمجتمع...
أم عبدالرحمن:صادقة يابنتي..هو يعشق الرسم كثير لو أطاوعه ماسلم منه جدار في البيت!خليته بس يرسم على جدار غرفته..وعلى جدار واحد من مجلس الرجال..
اسمهان:بالله ياخالتي الرسمة اللي على جدار مجلس الرجال رسم يده؟؟؟رووووعة ماشاء الله عليه فناااااان!!
مشاعل:طيب ياخالة هل تفهمين كل اللي يبيه بلغة الاشارة؟؟
أم عبدالرحمن:الصراحة لما يكون معصب وعنده كلام كثير أحس اني ماأفهم عليه كثير..عشان كذا من يوم وهو صغير وأنا حاطة بالصالة سبورة فلوماستر على حامل كل ماعجزت أفهم منه شي أقول له اكتب اللي بداخلك ويكتب لي مسيكين..
اسمهان:تصدقين ياخالة انتبهت لهاالسبورة واستغربت وجودها وبعدين عبدالرحمن قال لي:انه عبدالمجيد يكتب عليها أحياناً اللي يبيه من أمي...
مشاعل:اعذريني ياخالة على كثر أسئلتي بس حالياً أنا مشغولة بتحضير بحث عن فئة الصم والبكم وأول مرة تمر علي حالة بعمر ولدك لأن أغلب الحالات اللي عندنا بالمعهد دون سن العشرين..
أم عبدالرحمن:لايابنتي ماضايقتيني ولاشي..إلا خليتيني أفضفض..عن صدري..يكسر خاطري لاشفته..كل اللي بعمره تزوجوا إلا هو مالقى من ترضى به!
مشاعل:ان شاء الله يلقى بنت الحلال اللي تناسبه..كثير مر علي حالات مثله وتزوجوا وعاشوا حياتهم..أنا زميلتي طبيعية ومتزوجة واحد أخرس وعايشة أحسن حياة..
في هذه اللحظة تضايقت نجلاء من الكلام وقامت!!!
وشوي ودق الجرس وكانت سماح على الباب..سلمت وجايبة معاها سلة الرحلات ومعبيتها فطاير ومعجنات وفتوش وكفتة بطاطس!
شكرتها اسمهان من القلب...
سماح:أفا يالعلم!كل همك بالسلة وبس؟مابتقولين لي تفضلي؟؟
اسمهان:الله يحييك..مادام أم عبدالرحمن عندنا فالدعوة صايرة بحري!!تفضلي..
دخلت سماح وهي مستغربة من هبال اسمهان!!!
وكانت نجلاء واقفة بالمطبخ قالت نجلاء:اش رايك يااسمهان مادام الأكل عندك كثير مرة ليه ماتسوينه على هيئة بوفيه واللي يبي شي يغرف؟؟
اسمهان:والله فكرة بس شلون؟
نجلاء:طاولة السفرة اللي برة نشيل التحف اللي عليها ونرتب عليها كل الصحون الحالي والمالح ونحط القهوة والشاي على جنب وكل وحدة تاخذ اللي تبيه!
وبالفعل اشتغلوا الثنتين يرتبون ويجهزون السفرة...
وجهزوا نجلاء واسمهان السفرة ونادوا الجماعة وجلسوا ياكلون وأم عبدالرحمن وسماح يتبادلون السواليف..
أم عبدالرحمن:مرة زعلت على اللي صار لتركي ياسماح شلونه هو الحين؟؟
سماح:ماشي حاله..
أم عبدالرحمن:الله يعوض عليه..اللي صار له مو شي بسيط
سماح:ماعليك الرِجال ينسون جروحهم بسرعة مو مثلنا حِناالحريم!!
وساد الصمت على طاولة السفرة وصارت رانية تناظر اسمهان وتغمز!(يعني اش السالفة!!)
دق جوال سماح إلا طلع محمد يستعجلها تنزل عشان يوديها لبيت أختها هند وكانت سماح جالسة من الأول بعبايتها..واستأذنت الضيوف وراحت.....
أم عبدالرحمن:ماشاء الله بملكة اسمهان كانت تسريحاتكم ومكياجكم مرة حلوة وين تضبطتوا؟
مرام:بصالون أختي ماجدة...
أم عبدالرحمن:ماشاء الله عندها صالون؟طيب اش اسمه؟ووين موقعه؟؟
مرام:اسمه..؟..(ماأبغى أقول اسمه أخاف تفشلوني وتروح ألف وحدة منكم وتقول أنا من طرف رماح ردينية ويصلحونكم على حسابي!!)وموقعه بحي الخالدية...
أم عبدالرحمن:خلاص أنا وجوهرة بنتقاول معاكم بدل مانروح لمشاغل يأخرونا ويصبغون وجوهنا أشكال وألوان!!
مرام:المشغل وصاحباته تحت أمرك خالتي...
أم عبدالرحمن:يسلم لي ذوقك يالغالية..وهالحين استأذنكم ودي أرجع لبيتي..أكمل أموري..
اسمهان:لسه بدري ياخالتي!!
أم عبدالرحمن:بدري من عمرك حبيبتي..والله يعطيك العافية ويكثر خيركم ان شاء الله..ماشاء الله عليك فنانة وسفرتك حلوة ماعليها قصور!تسلم أياديك..
اسمهان(بخجل):الله يسلمك ياخالتي!.
وقامت أم عبدالرحمن بتطلع وطيبتها اسمهان بتولة عود حاطتها على المدخل..
أم عبدالرحمن:طاب طيبك..وعاش حبيبك!!
وخرجت من البيت...وصكت الباب وراها...
إلا رانية قامت تطق على الطاولة وتغني:شيلوها شيلة..والليلة ليلة!
نجلاء(وهي تتريق وتقلد صوت أم عبدالرحمن):ماشاء الله عليك فنانة وسفرتك حلوة ماعليها قصور!تسلم الأيادي!
قامت مرام ترد عليها(وهي تقلد اسمهان):الله يسلمك ياخالتي!
مشاعل والشلة:هههههههه
نجلاء:يقطع أبو البكش ياشيخة!ماكأني ساعدتك في ترتيب السفرة وشفت سماح داخلة بأكلها وباقي الصحون يا مغلفه بنايلون يا مغلفة بقصدير..يعني من عند أهلك أكيد!!!
أفنان:أفاااااا..معونات خارجية؟!يامال الفلس!!
اسمهان:بسكم عاد..أهم شي إن الأكل لذيذ واستانستوا عليه!
رانية:من ناحية لذيذ..فهو لذيذ...ماتشوفيني منطمة وساكتة؟ من كثر مامليت فمي!
بس بصراحة ياحظك بأم عبدالرحمن!حرمة كشخة وذوق اللي يشوفها مايقول كبيرة!حسرة على عجايزنا الوحدة قَشْرة من برة ومن جوه!!!!!
اسمهان:ترى خالتي موب كبيرة عمرها مايتجاوز ال46 سنة..بس تزوجت وهي صغيرة..
مرام:بسرررررررعة جيبي صور الزواج!
وراحت اسمهان تجيبها وتفرجوا عليها...وبس شافوا عبدالرحمن من غير شنب ولحية فقعوها ضحك!
الشلة وهم متجمعين على الألبوم:كااااااااااااااااااااا اااااااك..
نجلاء:تضحكين علينا وتقولين متزوجة سعودي؟؟أقول طلَّع الجنسية ولا بعد؟؟؟ههههه
رانية:ماشاء الله وجهه يبرق!مايندرى مين اسمهان من عبدالرحمن!!!!هههههه
مشاعل:حرام عليكم أكيد شايف نفسه كشخة!حطمتوا اسمهان!!
مرام:اسمهان صديقتي وأعرفها زين..لابدها حلفت عليه يخرب شكله عشان لاتصيده عين!!هههه
اسمهان:بلا يبلاكم !هذا صديقه لعب عليه واتفق مع الحلاق يحوسه!!
رانية:والله فلَّة زوجك..طلع حتى هو عنده أصحاب راعيين مقالب؟!عسى مو مسميين نفسهم شلة الصاعقة بعد؟!!ههههه
نجلاء:لحظة ياجماعة مالاحظتوا كلام أم عبدالرحمن مع سماح؟؟
الشلة:ايه لاحظنا!
رانية:ايه صحيح يااسمهان اش السالفة؟؟ماأسمع إلا كلمة الله يعوض عليه!!!لايكون عبير ماتت؟؟
اسمهان:لا الشر بره وبعيد..بس تطلقت!!
شهقوا الشلة بصوت جماعي!!
اسمهان:بسم الله عليكم!يعني اللي يشوفكم..يقول مساكين ماوصلتكم الأخبار!!
الشلة:فعلاً ماوصلتنا ولاندري!!
قامت اسمهان تحكي لهم بالتفصيل سالفة الحرق والسحر والسلب والنهب واستغلال تركي!
أفنان:يالطيف يارب..ياويلهم من الله وش ذنبه ولد الناس يلعبون عليه؟؟
مشاعل:أشك إني قاعدة أسمع رواية لفجر السعيد!!!
رانية:هي صدق إن البنت ذي متشربة الخباثة لدرجة الثمالة!بس ماتوقعتها تطورت لهالدرجة الإبليسية!!!
اسمهان:وشفيك تتكلمين مثل العضوات اللي يبون يسوون نفسهم مثقفات بالغصب؟!!
نجلاء:ضيقتي صدري بسيرتها!خلاص لاتجيبون طاريها..أهم شي افتكينا منها ومابنشوفها السنة الجاية!!
مرام:حكينا ياسمهونة عن شهر العسل ورحلتك لدبي وماليزيا!!
وقامت اسمهان تحكي لهم عن كل شي ومواقفها الطريفة حتى بـ مكة!
الشلة:ههههههههههه
رانية:الله يقطع ابليسك ياسوسو تدلكين رجيلاتك بوسط الحرم؟صدق ماتستحين؟!!
نجلاء:أقول زين طاح حظك بأندونيسية تمسج..مو ايرانية كان دهنت سيقانك بـ تفالها!!
وطاحوا بسمهونة تريقة ومزح...
وقالت مرام:ها ياعسل بتفرجينا على بيتك ولا نسوي هجوم ورحلة استكشافية؟؟
اسمهان:لاتفضلوا أنا مخططة أفرجكم...
دخلوا مكتب عبدالرحمن..وقامت رانية تفتش بالكتب وقالت:شوف وجه العنز وإحلب لبن!!طالعوا أسماء الكتب بس ترفع الضغط وتلوع الكبد!!
ثورة في اكتشافات نووية!
ارهاصات تاريخية..مع وقفة مشرفة!
تاريخ الأدب من زبدة الحقب!
فتش عن الشخصية المغناطيسية
النظام على الطريقة الأفلاطونية
اسمهان:فعلاً توجهات عبدالرحمن في القراءة والكتابة جايبت لي الضغط!
نجلاء:رجَّال وبيتجاوز الثلاثين..وش تبينه يكتب عن آخر صيحات الفساتين والمكياج؟ولا عن خلطات التبييض والتفتيح؟؟
ودخلوا غرفة النوم وراحت رانية الملقوفة تركض على دولاب اسمهان وفتحته..وقالت:إلى الباحثات عن الكشخة!طبوا وتخيروا!!
نجلاء:ياواد يااسمهان ياحركات!اش هالترتيب والتنظيم كله؟؟
رانية:بنات تعالوا نشم ريحة ملابسها أخاف معلقتهم ومو غاسلتهم!!
اسمهان:ياشين اللقافة ياناس!وخري أشوف!
فتحت رانية دولاب عبدالرحمن ولقيت الثياب الحمراء اللي خربتهم اسمهان معلقة!!
رانية:ياويلي ويلاه الرَجَّال انهبل!حلق شواربه ولحيته وصار يلبس أحمر!!
الشلة:هههههههههههههه
المهم كان انطباع الجميع عن البيت والأثاث زين..طبعاً كل شي كان كشخة وذوق..
بعد ماانتهوا الشلة من جولتهم في بيت اسمهان دعوا لها بالبركة وعجبهم الأثاث والتنسيق..
مشاعل:بيتك مرتب وحلو يااسمهان ماشاء الله ..الله يهنيك فيه..
رانية:يسمونه القفص الذهبي مدري ليش!مع انه مافيه شيٍ يبرق!!
مرام:ويقولون عش الزوجية وماني شايفة بيض!!واسمهان ماتطير!
نجلاء:ههههه..أقول تعالوا نرفع الأكل من طاولة السفرة...
رانية:شمروا أكمامكم يابنيات وخربوا كشختكم شوي وخل نساعد اسمهان بغسل الصحون وتنظيف المطبخ!
اسمهان:والله ماتمسكون شي!خالتي واعدتني ترسل شغالتها ترَّفع معاي...
وثواني ودق الجرس إلا هي شغالة أم عبدالرحمن ودخلت المطبخ وبدأت التنظيف..
اجتمعوا الشلة بالصالة وقامت رانية توزع الطيران وعددها 3 دفوف عطت واحد لاسمهان وواحد لمرام والثالث قالت رانية لمشاعل:مشاعل تعرفين تطقين؟
مشاعل:أفا عليك..أعرف أطق وأكفخ بعد!!
رانية:يالله طقوا..حانَ وقت الفلَّة ياأظرف شِلة!!!
وقاموا يطقون وسحبت رانية نجلاء وقامت ترقص معاها وحطت رانية شيلة على راسها وقامت تغطرف وترقص وماخلت رقصة مارقصتها!جمعت كل ثقافات الشعوب برقصها رقص عراقي على عماني على سامري على فرعوني!!على سامبا وفلامينجو!!حتى باليه نطنطت لهم شوي وقامت ترقص باليه على طق الدفوف!!!!ههههه
وسط ضحكات الشلة!!
التفتت مشاعل خالة أفنان وقالت لأفنان:أما شلتك هذي يافنون شي ماحصل!!!
وسحبوا أفنان ترقص معاهم ورجعوا سحبوا اسمهان ودبكوا ورقصوا ورانية عاد تخبرونها كل مادبكت برجلها على الأرض سوت زلزال بالعمارة!!
وأم عبدالرحمن قاعدة بصالتها تحت تتابع برنامج وكل شوي تطالع للسقف وتقول:ياساتر يارب وش هاالرفيس؟؟؟
وشغالة أم عبدالرحمن واقفة بالمطبخ تشتغل وتتابعهم من بعيد وتقول بنفسها:مدام اسمهان وهادا ديوف واجد مجنون!!!!!!!!!
ولبسوا رانية ونجلاء على رووسهم طِرَح وقاموا يسوون نفسهم عجايز ومسكوا اسمهان بيديها وقامت رانية تقول:لاأوصيك يابنتي يااسمهان لاصفقك زوجك على خد عطيه خدك الثاني!!
نجلاء:ايه فديتك ولا ضربك زوجك بـ يد اضربيه بإيدك الثانية!
رانية:وأن مد لسانه عليك شبر..مدي لسانك شبرين!!
نجلاء:وإن قال لك يمين قولي يسار وإن قال لك فوق قولي تحت!
رانية:وخلك نشمية وشاطرة إن قمتي لاتقعدين وإن قعدتي لاتقومين!!
أفنان:ياحليلكم ياعجايز الجن!بتخربون بيت البنت!
اسمهان:هههه..كأني عاد بأسمع شي من كلام هالمهابيل الله يخلي أمي وخالتي نوال نصايحهم من ذهب...
وقضوا الزيارة بتنكيت ووناسة..وشوي وراحت أفنان وخالتها..وبعدهم راحت نجلاء..وبعدها راحت رانية..وآخر وحدة خرجت كانت مرام ونازلة من الدرج وماغطت وجهها لسه وسواقها وشغالتها ينتظرون برة بهالوقت كان عبدالرحيم أخو عبدالرحمن توه واصل من السفر ومسوي مفاجأة لأمه وماخبرها..ويوم شاف السيارة اللي فيها سواق وشغالة ظن إن أمه عندها ضيوف فقام يلف بالحوش بانتظار يخرجون الضيوف من عند أمه..وهو واقف كانت مرام نازلة من الدرج وماهي منتبهة له أما هو تسمرت عينه عليها وفجأة جات عينها بعينه فارتبكت البنت وغطت وجهها وراحت للبوابة بسرعة وركبت سيارتها!!!أما هو من الاحراج لف وجهه بسرعة وراح يدق الباب الرئيسي وفتحت له أمه...
أم عبدالرحمن:هلا عبدالرحيم..ياحيا الله من جانا!!ادخل ادخل..وقامت تسلم عليه..
أم عبدالرحمن:وش هالمفاجأة الحلوة؟لاخبرتني بحضورك ولاشي!
عبدالرحيم:ماصدقت انهم عطوني اجازة قلت إلا أجي وأقضيها معاكم..وجايب لك أخبار حلوة معي!!
أم عبدالرحمن:بشرني..هات!!
عبدالرحيم:أخيراً وافقوا بالعمل على طلب النقل اللي صار لي سنين مقدم عليه..وبينقلوني من محطة أرامكو اللي بأبقيق..هنا عندكم بجدة!!
أم عبدالرحمن:صحيح؟؟؟؟الله يسعد أيامك ويبشرك بالخير ياولدي قول آمين!!
وقامت أم عبدالرحمن تدمع عيونها
عبدالرحيم:وش فيك يمه؟ظنيت هالخبر بيسعدك مو يخليك تبكين!
أم عبدالرحمن:أبكي من فرحي!ماتتخيل ياولدي كم صار لي أدعي إنكم تتجمعون حولي وماتفارقوني أبد..وهذا أخوك عبدالمجيد صار له مدة من يوم نقل جدة وصار ساكن معي..وأختك أحلام كلها شهر بالكثير وبتسكن مع زوجها بجدة!وعبدالرحمن الله يحفظه هو الوحيد اللي ماابتعد عني منكم الحمدلله على كل نعمة..عسانا مجتمعين على الخير دايماً..
عبدالرحيم:يمه بغيت أسألك سؤال؟
أم عبدالرحمن:اسأل!
عبدالرحيم:شفت سيارة واقفة بره فيها سواق وشغالة..منهي سيارته؟؟
أم عبدالرحمن:أكيد سيارة وحدة من ضيوف اسمهان زوجة أخوك..
عبدالرحيم:أهلها كانوا عندها؟؟
أم عبدالرحمن:لا..هذول صاحباتها بالمدرسة..يازينهم ويازين جلستهم كلامهم يونس..كنت عندهم فوق بس حسيت انهم يبون ياخذون راحتهم بالسوالف فاستأذنت ونزلت...
عبدالرحيم:طيب يمه ماتدرين سيارة مين فيهم هذي اللي كانت بره؟؟
أم عبدالرحمن:لا مدري..بس انت وشفيك تسألني من أول؟عسى ماشر؟؟
عبدالرحيم:بصراحة؟انتي تعرفيني ماأحب ألِف وأدور..أنا ظنيت الضيوف عندك وبيطلعون استحيت ورحت للحوش الخلفي بانتظار يخرجون من عندك وبعدين أدخل أنا!بس تفاجئت إن فيه وحدة نازلة من فوق في الدرج وناظرتها من غير قصد..وكانت حلوة يمه..حلوة مرة!!!!
أم عبدالرحمن:يوووووه الله يلعن ابليس!عسى شافتك وانت تناظرها؟الحين وش يقولون عنَّا الناس؟عيال أم عبدالرحمن عيونهم زايغة؟؟؟
عبدالرحيم:يمه الله يهديك لاتفهميني غلط أنا ناظرت بدافع الفضول لأني أسمع صوت بالدرج بس عيوني تسمرت عليها والنظرة الأولى لي..وبعدين غضيت بصري!بس يمين ماقصدت آآذي بنت الناس وأتمقل فيها!!والصراحة هي حياوية أول ماشافتني غطت وجهها وراحت تركض بسرعة للباب
أم عبدالرحمن:الله يغفر لك ان شاء الله...
عبدالرحيم:يمه ماتدرين ان كانت متزوجة أو مخطوبة؟؟
أم عبدالرحمن:أقول؟أشوفك كثرت أسئلة حول بنت الناس؟لايكون معجبتك؟؟
عبدالرحيم:حيــــــــــــــــل يمه!أقول لك حلوة حلوة وحشيمة!!!!
قالت أم عبدالرحمن بنفسها:فشيلة لاتكون نجلاء وينصدم إنا مابنقدر نخطبها له لأننا سبق وخطبناها لعبدالمجيد!!!!
قامت أم عبدالرحمن واتصلت على اسمهان وبعد السلام:اسمهان حبيبتي الشغالة انتهت؟ ولا لسه؟
اسمهان:ايه خلاص انتهت بس واقفة تكنس مجلس الحريم..تبينها الحين خالتي؟؟
أم عبدالرحمن:لا بس أول ماتنتهي خليها تنزل لأن عبدالرحيم توه واصل من السفر وأبيها تجهز لنا العشا..ماشاء الله ضيوفك راحوا؟؟
اسمهان:ايه راحوا من أول..آخر وحدة خرجت من عندي قبل شوي كانت مرام..تأخر عليها السواق..بس أشوى ماجاء عبدالرحمن وهي موجودة كان انحرجت مسكينة..
أم عبدالرحمن:ياحليلهم صاحباتك انتي أول وحدة تزوجتي فيهم وأشوفهم فرحانين فيك.. بس مافيه وحدة منهم زواجها قريب؟؟
اسمهان:لاااا..ولاوحدة مخطوبة منهم أصلاً!!!
أم عبدالرحمن:يلا الله يكتب لهم اللي فيه الخير..
===========
قامت اسمهان وعبت صحنين كبيرة من كل الأشكال والأصناف الحالية والمالحة اللي عندها وعطتهم الشغالة تنزلهم لأم عبدالرحمن على العشا..وراحت الشغالة وقامت اسمهان تغير هدومها وتستعد لحضور عبدالرحمن من العمل..ورتبت الأكل على طاولة السفرة وحطت معاه كاستين عصير وجابت الشمعدانات الجديدة اللي أهدتها اياها نجلاء وولعت الشموع اللي فيها وجابت باقة الورد اللي جابتها مرام وحطتها بعد على طاولة السفرة وطفت الأنوار وجلست على ضوء الشموع تنتظر عبدالرحمن..
وآثاري عبدالرحمن يوم جاء شاف سيارة عبدالرحيم واقفة عندالباب وفرح ودخل على أمه وسلم على أخوه وعبدالمجيد وكانوا جالسين يتعشون وقعد يتعشى معاهم..!
وبعد وقت درى من أمه ان ضيوف اسمهان راحوا!!!!واستأذن وطلع لزوجته اللي زهقت من الانتظار وحطت راسها على الطاولة و غفت!!!!
وفتح الباب ولقي الدنيا مظلمة!ومافي نور إلا نور الشموع واسمهان رايحة فيها وحاطة راسها على الطاولة ونايمة!!!!
وراح عبدالرحمن يتسحب لغرفة النوم وغير هدومه وجاء سحب كرسي وجلس قدام اسمهان..وهي مو حاسة فيه!
وقام يغني:
سمهونتي خبريني
سمهونتي خبريني
بـ......................
وفزت اسمهان من الخرعة وقالت:بسم الله!!!!!
وطاح الشمعدان وولعت الشمعة بمفرش الطاولة وقام عبدالرحمن يركض يبي يطفي النار اللي شبت واسمهان تصرخ!!
وطفى النار وولع اللمبة وقام يهَّديها!!
اسمهان:حسبي الله على ابليسك!ليش ماطقيت الباب قبل لاتدخل؟ومتى مداك تغير هدومك؟
عبدالرحمن:وش أسوي لك؟قلت أبي أفاجئك بحضوري لقيتك حاطة راسك على الطاولة وتشخرين!!
اسمهان:زين إقعد نتعشى!
عبدالرحمن:لا..الحمدلله تعشيت تحت مع أمي وأخواني!
اسمهان:ياشينك! وأنا اللي ماحطيت بفمي لقمة مع الضيوف قلت أنتظرك وناكل سوى!!
عبدالرحمن:مايخالف..تعشي انتي بالعافية..أنا ظنيت ان ضيوفك لسه عندك!!
وقامت اسمهان توريه هداياهم اللي جابوها,,,
عبدالرحمن:جزاهم الله خير ماقصروا..مو هم نفسهم اللي جابوا لك الصندوق الوردي الكبييير اللي معبى هدايا بيوم عرسنا؟؟
اسمهان:ايه..هُم..
عبدالرحمن:ماكان له داعي يكلفون على أنفسهم اليوم بعد ويجيبون شي ثاني..الله يعوض عليهم ان شاء الله..
وشوي قال عبدالرحمن:يووووه تذكرت!!
ونزل للسيارة وجايب معاه باقة ورد كبيرة وكيس!
استغربت اسمهان وقالت:وش هذا؟
عبدالرحمن:اليوم الزملاء في القسم احتفلوا فيني احتفال صغير بمناسبة الزواج وجابوا جاتوه وعصيرات وباقة الورد هذي..
اسمهان:حلوة ألوان الورد مرة...
وأخذتها وحطتها على الطاولة..
وقام عبدالرحمن ناولها الكيس وقال:هذي هدية بسيطة مني ان شاء الله تعجبك!
فتحت اسمهان الكيس وطلعت منه علبة كبيرة مربعة وفتحتها لقيت بداخلها دفتر كبير سماوي وصفحاته فيها رسومات ورد شفافة!!
وقالت:اش هذا دحومي؟؟جايب لي أوتوجراف؟؟
عبدالرحمن:هو صحيح شكله أوتوجراف..بس أنا جايبه لك تستخدمينه استخدام ثاني!!
اسمهان:شلون يعني؟
عبدالرحمن:الصراحة قلت بنفسي بدل مايمر عليك اليوم بغيابي وتقضينه على النت في هواشات ومناقر مع العضوات وماتثمنون كلامكم ولاتحسون إنكم محاسبين على كل كلمة تلفظونها..أجيب لك هالدفتر وتخلينه مُذكرة للفوائد!
اسمهان:أكذب عليك لو قلت لك إني فاهمة شي!!
عبدالرحمن:يعني كل يوم من باب اثراء حصيلتك اللغوية والمعرفية قبل ماأروح العمل بآخذ هالدفتر وأكتب لك فيه كلمات وانتي عليك تدورين معانيها في النت وتسجلينها بخطك في الدفتر!
اسمهان:وليش عاد فرة الراس هذي؟ بأطبعهم لك بورق وأعطيك اياهم!!
عبدالرحمن:ياحياتي أنا عارف معانيهم ومو محتاج لهم!أنا متعمد أطلب منك تكتبينها بخط يدك بهذي المذكرة عشان تثبت المعلومة بذهنك وتسير هذي المذكرة مرجع لك بعدين وبتلاقين إنك بفترة بسيطة اكتسبتي عدد كبير من المعلومات بطريقة سهلة بالإضافة إلى إنها وسيلة مفيدة لشَغل وقت الفراغ وتثقيف نفسك دينياً ودينيوياً!!!!
اسمهان:بس إنت كأنك تحسسني إني ماأعرف شي!
عبدالرحمن:مو بس انتي اللي ماتعرفين كل البشر مهما تعلموا يظل هناك فيه أشياء مايعرفونها..الله قالها بكتابه(وماأوتيتم من العلم إلا قليلا)..والشافعي اللي كان من علماء المسلمين وفقهائهم قال:
كلما ازددت علماً...ازددت علماً بجهلي!!
وراحوا العروسين غرفة نومهم يتسامرون إلى أن غلبهم النعاس!
=============
نجي لسماح اللي لما خرجت من بيت اسمهان راحت لبيت أختها هند وكان عند هند عدد كبير من الضيوف وأمها(أم تركي)...وبعد ماراحوا ضيوف هند بقي عندها سماح وأم تركي بس..فقاموا يسولفون....
أم تركي:شلون اسمهان ياسماح يوم شفتيها؟عساها مبسوطة؟؟
سماح:ايه ماشاء الله..مبسوطة..
هند:ومين كان عندها؟أهلها؟
سماح:لا ..أم زوجها وصاحباتها..بس تتذكرين يمه البنت اللي كانت لابسة وردي بملكة اسمهان وحاطة شال على كتفها؟
أم تركي:لا نسيت!وشفيها؟؟
سماح:يمه لاتقولين نسيتيها..انتي بنفسك قلتي لي:لو عندي ولد ثاني غير تركي كان خطبتها له!صح؟؟؟؟
أم تركي:ايه ايه ذكرتها..
هند:أكيد ياسماح تقصدين انك تبين نخطبها لتركي صح؟؟
سماح:ايه والله ياليت.. عجبني هدوئها..مافيها جراءة عبير..وأهلها حسب ماأعرف من اسمهان انهم ناس ملتزمين يعني بيخافون الله في تركي موب مثل أم عبير الله يصلحها..
هند:ياليت تركي يوافق كان أخطبها له الليلة!!
أم تركي:أنا أقول العجلة مالها داعي!مشكلته مع عبير ماصار لها شهر..خليه يرتاح شوي وعقبها يصير خير!

صحيت اسمهان ثاني يوم من النوم على آذان الظهر ومالقت عبدالرحمن جنبها وفتشت عنه ولقيته قاعد بغرفة المكتب ومقابل اللاب توب طالعت بالشاشة وقرأت عنوان الموضوع اللي جالس يكتب فيه وكان بعنوان(تاريخنا الإسلامي والتأرجح بين الضعف والقوة!!)
عبدالرحمن:بسم الله الرحمن الرحيم!!لا إحم ولادستور؟؟
اسمهان:قاعدة أطالع وش كاتب!بالله اش دَخَّل المراجيح بالتاريخ الإسلامي؟
عبدالرحمن:أقول يازين المطبخ!روحي اطبخي لنا غداء لذيذ من يدينك الحلوة!
خرجت اسمهان من المكتب وهي تفكر بنفسها:متعب نفسه عبدالرحمن مدري هل هو يفهم اللي يكتبه والا يكتب اللي يفهمه؟
وطبخت اسمهان ايدام خضار+رز أبيض..ومعاها سلطة..
وقعدوا يتغدون..صار عبدالرحمن يطالع باستغراب في الإيدام..
اسمهان:خير؟أول مرة تشوف ايدام؟؟
عبدالرحمن:الصراحة خليتيني بـ حيرة!هذا ايدام ولا مرق لحم؟؟
اسمهان:لا إيدام!
عبدالرحمن:ايه.. بس ياقلبي أنا شايف ماي مخلوط معاه صلصة والخضار قاعدة تسبح!!
اسمهان:ياخي ماتعرف تمدح؟
عبدالرحمن:و ربي لو قدامي شي يستاهل المدح كان مدحته!يعني أقدر أقول لك السلطة طعمها حلو!
اسمهان(باستهزاء):ههههههه
وانتهوا من غداهم وراح عبدالرحمن يتجهز للعمل واسمهان تنظف المطبخ...
عبدالرحمن:إذا شفتي نفسك زهقانة من البيت انزلي عند أمي تقهوي معاها..
اسمهان:ان شاء الله..بس تصدق إني مليت من القعدة بالبيت؟؟
عبدالرحمن:مايخالف..مدام بكرة الأربعاء بآخذك معاي وأنا رايح للعمل وأوديك عند أهلك وأنا راجع أمر آخذك...
اسمهان(بحماس):خوش فكرة!
وبعد ماراح عبدالرحمن للعمل دخلت اسمهان تنظف غرفة النوم ولقيت الدفتر السماوي على التسريحة ومكتوب بأول صفحة..
زوجتي العزيزة...مامعنى المصطلحات الآتية:الإحصار-الترجيع-الإضطباع-العج والثج؟؟؟
قالت اسمهان:يمه!وش هالكلمات الغريبة أول مرة تمر علي!أخاف أبحث عنها بالنت وتطلع لي مواقع للجن وأروح فيها!!!
وبعد ماانتهت من شغل البيت قعدت على النت وبحثت عن معاني هالكلمات وكانت الإجابة:
الإحصار:هو عدم التمكن من أداء أو إتمام مناسك الحج أو العمرة بسبب مرض ونحوه...
الترجيع:أن يقول المرء الشهادتين سراً في نفسه ثم يقولها جهراً..
الاضطباع:هو طريقة لبس المحرم للرداء...بأن يلبسه تحت منكبه الأيمن ويلقيه على عاتقه الأيسر ويبقي كتفه الأيمن مكشوف..
العج:هو رفع الصوت بالتلبية باعتدال..
الثج:هو إسالة دماء الهدي(الذبح)
=======
وعن طريق البحث في معاني الكلمات السابقة اكتشفت اسمهان انها قابلت كلمات كثيرة أول مرة تعرف معانيها..
بعد المغرب اتصلت أم اسمهان عليها وبعد السلام..
الأم:انتي ببيتك يااسمهان؟؟
اسمهان:ايه يمه..
الأم:وش قاعدة تسوين؟؟
اسمهان:أبد ..رتبت البيت..وقرأت مواضيع بالنت وهالحين دخلت المطبخ أسوي شاي وأجلس أشربه على رواق!
الأم:طيب اش رايك لو نمر أنا وابتسام عليك؟..من العصر وحِنا بالسوق..وتونا خلصنا وشفنا نفسنا قريبين منك قلنا نمر عليك شوي!
اسمهان:ياهلا ويامرحبا..تعالوا أنتظركم!
الأم:خلاص ربع ساعة ونكون عندك..
وقامت اسمهان تبخر البيت وتسوي القهوة وتجهز الأكل والحلى اللي بقى من أمس...
وغيرت ملابسها..وشوي ودق الجرس عليها...
رحبت بأمها وابتسام وبناتها الصغار
اللي من يوم مادخلوا قاموا يستكشفون البيت ويعيثون في الدنيا فساداً...
واسمهان قاعدة مع أختها وأمها وقلبها على بيتها اللي قاعد ينعفس!
وبعدالسواليف..قالت ابتسام:ماباركتي لي ياسوسو؟؟
اسمهان:مبروك..بس على إيش؟بتشترون بيت تمليك؟؟
ابتسام:لا..أنا حامل!
اسمهان:مبررررررررروك...
ابتسام:ادعولي بس أجيب ولد وأفتك من لسان أم زوجي!!
أم اسمهان:يابنتي البنت والولد صاروا مثل بعض بهاالزمن أهم شي الصحة والعافية..والله يامحبة ولدي محمد ماتتخير عن محبتي لكم..
وشوي وسمعوا صوت تكسير!قامت اسمهان تركض ولقيت بنات ابتسام دخلوا غرفتها وكسروا لها لمبة الأبجورة اللي على الكومادينة!!!
مسكتهم فرصت أذانيهم وطلعتهم من الغرفة!!
ورجعت لابتسام وأمها تصب لهم القهوة إلا بنات ابتسام سحبوا كل الشوكولاتة اللي بالسَبَت وأكلوها!وناولت اسمهان أختها ابتسام فنجال القهوة اللي صبته بس بنات ابتسام كانوا يدورون بالغرفة فكبوا الفنجال على المفرش وتوسخ!وطاح الفنجال وانكسر...
خاصمتهم اسمهان..
هيفاء:مالك شغل!نبغى نلعب!
سارة:أنا أقول لبابا إنك قرصتي إذني قبل شوية!!
اسمهان:وتبين تخلفين ياابتسام! اللي عنده عيال من هالشاكلة المفروض يسوي عملية ربط!!!
ابتسام وأمها:ههههههه
ابتسام:حرام عليك ياالظالمة والله هالعصفورتين هم نور البيت!!
ودارت شوية سواليف وجاء زوج ابتسام وأخذهم ورجعوا البيت وقعدت اسمهان ترفع البيت من جديد...عقب بنات ابتسام مارموا الخداديات على الأرض ونزلوا التحف من أماكنها..وحالة!!
قالت اسمهان بنفسها:مرة ثانية بأعلق لوحة على الباب مكتوب فيها(ممنوع اصطحاب الأطفال!)
ومرت عدة ساعات وجاء عبدالرحمن من العمل وظل يتناقش مع اسمهان بمعاني المصطلحات اللي جمعتها...
=====
اليوم الثاني وعبدالرحمن رايح للعمل في الظهر أخذ اسمهان معاه ووداها لأهلها وكانوا ينتظرونها تتغدى معاهم..أما عبدالرحمن تغدى في العمل..
وفي العصر جات أسماء واستمرت الجلسة بالسواليف إلى الساعة 11 بالليل وحكت لهم اسمهان يومياتها وعن فشلها في الطبخ..
الأم:وعلى ايش خليتينا نخسر ونشتري لك كتب بذيك الحسبة؟؟
ابتسام:صادقة أمي..لو تطبقين الوصفات بحذافيرها تنجح الطبخة معك..
أسماء:تستاهلين بقوووووووة!!ياما ترجيتك تدخلين المطبخ وتتعلمين لك شي مفيد وترفضين..البلا لو بكرة فكر زوجك يعزم أمه وأخوانه عندك كيف بتكون سواتك؟؟
اسمهان:تصدقون مافكرت فيها؟؟
ابتسام:وترى الرجَّال بيجاملك بأول شهرين وممكن يجيب من مطاعم بس عقبها بيمل وبيعطيك من النقد والخصام على راسك..بصراحة الواحد يحق له هو ماتزوج عشان يقعد ياكل من مطاعم ياعالم شلون نظافة أكلهم!!!
أسماء:زيدي على كذا إنه أكل المطاعم مو بلذة أكل البيت أبداً..ببيتك تقدرين تتفننين بأحلى وصفات حلى وموالح..مو مثل الأكلات الجاهزة الخيارات محدودة وماهي بذاك الزود...
الخ........
وبعد نهاية عمل عبدالرحمن أخذ اسمهان للبيت..
وقبل ماينامون قال عبدالرحمن:
اش رايك بكرة الخميس نعزم أبوك وأخوك محمد وأزواج أخواتك وأهلي وأهلك عندنا..إلى الآن أبوك مادخل بيتنا!
اسمهان:فكرة حلوة..بس أنا نفسي أطلع أتمشى.!!!
عبدالرحمن:ملحوقة الخرجة ان شاء الله..نطلع الجمعة..وبكرة خلينا نسوي عزيمة بالمرة يفرح عبدالرحيم بمناسبة نقل عمله لجدة...اتفقنا؟؟
اسمهان:اتفقنا...

جاء يوم الخميس واسمهان من أول اليوم وهي تفتح كتب الطبخ وتحوس بين الوصفات عشان تسوي حلى مع القهوة!!
جاء عبدالرحمن وقال:كلمت الجميع وعزمتهم وبإذن الله بيجون بعد المغرب..وعلى فكرة أمي عرضت علي ترسل الشغالة لك عشان تساعدك في الشغل..
اسمهان:إيه تكفى أنا بحاجتها..حتى أمي كلمتني وقالت لو تبين كاتيا؟ نرسلها لك...بس انحرجت وقلت لها:شكراً الله يعطيك العافية....
عبدالرحمن:أهم شي عندنا بن وهيل وتمر ولوازم الشاي من سكر ونعناع وغيره؟؟
اسمهان:إيه..بس الورطة واش أطبخ على العشاء؟ماشاء الله أهلي وأهلك قبيلة!!!
عبدالرحمن:ايش..ايش؟؟ماسمعت!انت ي من صدقك بتطبخين لهم العشا؟؟...حبيبتي هذول أهلنا وعزوتنا حرام نخليهم فيران تجارب لطباخك!!!أنا هالحين رايح أحجز كوزي فاخر في أحسن مطبخ ذبايح..
اسمهان:أشوى!الله يطمن قلبك!كنت شايلة هم من الليل..وماعرفت أنام زين!!إذن بأسوي كم صنف حلى مع القهوة وأقدم معاها سبتات الشوكولاته اللي عندنا...والتمر..
خرج عبدالرحمن..وجات (سيري) شغالة أم عبدالرحمن تساعد اسمهان..وكانت واقفة تغسل مواعين بالمطبخ وتنظف..وكانت الشغالة تراقب اسمهان وهي تسوي حلى وتخبص خبيص!!
سيري:مدام اسمهان أنا يئرِف يسوي هلى كويس مرة!!
اسمهان:صحيح؟مثل إيش؟
سيري:ماما أم أبدورهمان لما في إيجي ديوف أنا أسوي كله هلى..أنا يئرف سوي(تشيزكيك-هلى كيري-هلى كورن فليكس-قوالب بسكوت بالتوفي-بسبوسة-كنافة).....
اسمهان:الله أكبر عليك!كل هذا تعرفين تسوينه ومخليتني أحوس من أول؟!!!زين افتحي دولاب المعلبات وسوي الحلى اللي تبينه ومقاديره متوفرة..
وبدأت الشغالة تسوي أكلات ودق تليفون اسمهان وراحت ترد..إلا طلعت المتصلة ابتسام...
ابتسام:هلا سمهونة..شلونك؟
اسمهان:ماشي الحال...
ابتسام:طبعاً من غير ماأسألك..أكيد حايسة؟؟
اسمهان:نوعاً ما...
ابتسام:طيب بغيت أقول لك..اش تحتاجين مساعدة؟؟تبين أسوي لك حلى؟؟
اسمهان:لاتسلمين..دبرت نفسي
ابتسام:زين..جهزتي السلطات؟؟
اسمهان:يووووه تصدقين ماخطر في بالي؟!!
ابتسام:زين إني ذكرتك!بس انتي سوي على قد الخضار الموجودة عندك وأنا بأسوي نوعين سلطة وأجيبهم معاي..وعلى فكرة أسماء كلمتني بتجيب معاها ترمس قهوة وسماح بعد بتجيب..انتي سوي واحد بس...
اسمهان:الله يسعدكم..تسلمون..
وبعد ماانتهت المكالمة راحت اسمهان بالخضار المتوفرة عندها سوت 3 أنواع سلطة..
================
في بيت أبوعبير كان الأخوين سعد(بأول ثانوي) وسامي(بثاني متوسط) جالسين وهم بقمة الزهق والملل..ينتظرون أبوهم..
ولما رجع من عمله...
سعد:أبوي نبي نتكلم معاك..
أبوسعد:تفضلوا اش عندكم؟؟
سعد:الصراحة يبه..إحنا مو مرتاحين لهذي الحياة في البيت!
أبوسعد:و ليش؟؟
سعد:يبه كل يوم نتغدى ونتعشى من مطاعم وملابسنا نغسلهم ونكويهم برة..وانت طول اليوم برة البيت أو مسافر..ومافي أحد يراعي أمورنا!!!
أبوسعد:والمطلوب؟؟
سامي:إنت أدرى يبه!!!
أبوسعد:مو أمكم لو فيها خير كان صانت بيتها وحافظت عليه وماوصلتنا لهاالمواصيل!!!
سامي:يبه اللي صار صار..إحنا نفكر باليوم...
سعد:يبه..احنا قررنا إننا نروح الرياض ونعيش مع أمي وعبير!!!
أبوسعد:ايـــــــش؟؟انتم ماتستحون؟أمكم وأختكم قاعدين ببيت خالكم عثمان..وخالكم عثمان عنده فرقة بنات!ناقصينه انتوا؟؟
سعد:يبه..إنت ربي فاتحها عليك وتقدر تجيب لنا أحسن بيت في الرياض!
أبوسعد قام يطالع بـ سامي وقال:وإنت؟اش رايك بكلام أخوك؟
سامي:يبه..أنا رايي من رايه!إنت سفرياتك كثيرة ومافي أحد يداري أمورنا ويراعيها..ومومتفرغ لنا مثل أمي..يكفي إنها من يوم ماطلقتها ماوديتنا نزورها ولامرة!!!!
أبوسعد:خلاص أفكر بالموضوع والله يعين!!
ودخل أبوسعد ينام لكن الموضوع ظل شاغل باله..وقرر إنه يحزم الأمر ويكلم عثمان الأخ الأكبر لأم عبير!
وبالفعل اتصل عليه وسلم...
أبوسعد:الحقيقة ياعثمان أنا بغيتك بموضوع..
عثمان:تفضل ياأبوسعد..
أبوسعد:عمارتك اللي انت ساكن فيها..هل متوفر فيها شقة فاضية؟
عثمان:حالياً لا..بس عقب أسبوعين فيه شقة بيطلعون المستأجرين منها..بس إنت ليش تسأل؟؟
أبوسعد:الحقيقة أنا مقدر ان وضع أختك وبنتي عبير عندك بالبيت صعب!
عثمان:أفا عليك وش هالكلام..أم عبير أختي ومن لحمي ودمي وعبير مثل بناتي بالضبط!
أبوسعد:بس أنا محتاج الشقة عشان أولادي بعد يبون يعيشون مع أمهم..ومو معقول بأخليهم يشاركونكم بنفس البيت!وأجار الشقة بتاخذه مني مثلي مثل أي مستأجر يجيك!!
وبعد أخذ وعطا وافق الخال عثمان على هالاقتراح ووعد أبوسعد إنه إذا طلعوا المستأجرين يكلمه عشان يجي يستأجر ويجيب الأثاث
وراح الخال عثمان وفاتح أخته أم عبيربفكرة أبوسعد..
أم عبير:وسعد وسامي اش اللي يجيبهم يعيشون بالرياض؟؟أكيد هالخبيث سواها وراح خطب ووده يطردهم عشان يخلى له الجو!!!
عثمان:اتقي الله ياشيخة..هالفكرة أصلاً مو فكرته!الأولاد هم اللي أصروا يجون هنا وبالذات إن أبوسعد سفراته كثيرة والأولاد لاتنسين انهم مراهقين ويبي لهم من يهتم بأمورهم!!!
أم عبير:وهالأنذال توهم يعرفون قيمتي؟؟وأنا من يوم تطلقت وجيت الرياض ماواحد منهم رفع علي سماعة!!خلهم ينطقون ببيت أبوهم!أنا ماأبيهم!!!
عثمان:لاحول ولاقوة إلابالله..الظفر عمره مايطلع من اللحم!وهذا بدل ماتفرحين إن شملكم بـيلتم مع عيالك؟؟
عبير:يمه...هذي فكرة زينة..وبيسير لنا بيت بروحنا وأبوي بيتكفل بكل شي من ايجار وأثاث واش تبين أحسن من كذا؟؟
أم عبير بداخلها صارت تفكر وتقول:شلون مافكرت فيها هذي؟فرصة أرجع كل قرش سحبه مني!!!!
=========
بدأت عزيمة اسمهان بحضور الضيوف أخواتها+سماح+أم زوجها+أم تركي وهند
والرجال أبوها وأخوها وأزواج أخواتها وأخوان زوجها وتركي...
وأهلها كانوا جايين ومحملين بالهدايا لبيتها...
ولما دخلوا بنات ابتسام مسكتهم اسمهان على جنب وأعطتهم كاتيا وقالت:هذول الثنتين تربطينهم جنبك ولو خربوا لي شي بالبيت انتي اللي بتتسطرين بدالهم!!!
كاتيا:ههههه..أوكيه مدام..
أما سماح جات هي وهند من غير عيالهم لأنهم خلوهم بالبيت نايمين ومعاهم الشغالة...
اسمهان:ليه ماجبتي أولادك ياسماح؟؟بنات ابتسام هنا خل يكمل الطقم مرة وحدة!!!
سماح:لاياحبيبتي!أنا أدري إن العرايس يتضايقون دايماً من الأطفال الصغار!!
وكانت الجلسة حلوة والكل يسولف وشافوا أهل اسمهان أنواع الحلى مزينة الصحون واستغربوا!!
أما أم عبدالرحمن عرفت انه شغل خادمتها سيري!!
أسماء وهي تهمس لاسمهان بوسط المجلس:بِس بِس!
اسمهان:خير؟؟
أسماء(بصوت منخفض):هالحلى شغل مين؟؟
اسمهان:شغل إيدي طبعاً!
أسماء:الله أكبر!والله لو تفحطين ماسويتي مثله!!
اسمهان:عبدالرحمن سوَّاه!!
أسماء:ياشيخة؟؟الرِجال حطيهم عند الشوي..وش فهمهم بالحلى؟
اسمهان:يختي شغالة خالتي سوت الحلى..ارتحتي؟؟
أسماء:آه يالخايبة!تعزمين خالتك أول مرة على أكل شغالتها؟؟
اسمهان:أوووف!!!
وقامت تباشر على الضيوف..
وقبل العشاء راحت تعبي صحون الفاكهة وتغرف السلطات..وتجهز السُفر..
وانحطت تباسي الكوزي الفاخرة على السفرة وهي مزينة باللحم والمكرونة والمكسرات والبيض المسلوق والخضار..بالإضافة للسمبوسة..وصحون ايدام بامية وايدام رجلة من المطعم...والسلطات والفاكهة وقوارير موية الصحة والمشروبات الغازية...
أم تركي:الله يعطيك العافية يابنتي..ماشاء الله بنات هالزمن مرتاحين بعزايمهم..مو مثلنا قبل كان أبوتركي يذبح الذبيحة في البيت ويصلخها ويعطيني اياها أطبخها!!
أم عبدالرحمن:لاالحمدلله ماقد طبخت ذبايح بس أبوعبدالرحمن الله يرحمه زمان كان يطبخها بنفسه ومع الوقت صرنا مانجيبها إلا من برة..بيني وبينكم ألذ وأريح..الواحد وده يقابل ضيوفه لازاروه..مو يقضي ليله بالمطبخ!
أم تركي:صدقتي ياوخيتي..أصلاً الناس اختلفوا وظروف الحياة ماهي بمثل أول..الناس تدور على الشي السريع والراحة..أنا لو يصير ببيتي عزيمة هالحين ماعرفت أتصرف من دون بناتي!ولاكأني ذيك اللي كنت أحط وأشيل من قبل!!
أم اسمهان:ومين سمعك!بعد كل زواج أو ملكة لأحد من عيالي رجولي تظل تآلمني أسبوع..الصحة صايرة يارب لك الحمد..يالله حسن الختام بس!
أم عبدالرحمن:صراحة مافي أزين من القعدة بشمس الصباح وشمس العصر...تنعش القلب وتشد العظم..والهوا الرباني أحسن من هواء المكيفات اللي يدخِل علينا غبار..
أم اسمهان:ماشاء الله تبارك الله ياأم عبدالرحمن إنتي أحسن مني ومن أم تركي!أنا حاطة حيلي بالأكل عشان كذا منتفخة!وأم تركي حارمة نفسها لين ماصارت مثل العود!
أم تركي:أنا هذي طبيعتي أكلي قليل وجسمي ضعيف..ماتشوفين عيالي كلهم طلعوا لي..
وقاموا يتناقشون عن الأجسام والأكلات ولما انتهوا من الأكل وقاموا يرفعون السفرة جت سماح تساعد اسمهان في رفع تبسي الرز بس صاحت فيها هند:سمـــاح!لاتشيلين شي ثقيل حرام عليك!خلي الشغالات يشيلون!
سماح:يوووه نسيت!
اسمهان:خير؟اش السالفة؟
سماح:أنـــــــا...عقبال عندك حامل بشهرين..
اسمهان:مبروووك..اش سالفتك انتي وابتسام تتنافسون؟؟
سماح:لا تنافس ولاشي..السالفة جت كذا من غير تخطيط!وبيني وبين ابتسام أسابيع بس أناسابقتها..
اسمهان:يالله ان شاء الله ربي يرزقكم بنية حلوة مثلي!!
سماح:هههه لو تدرين ياسمهونة عن أخوك محمد..أول ماعرف إني حامل قال ان كانت بنت بأسميها اسمهان!وإن ولد بأسميه عبدالرحمن!!!
اسمهان:فدييييييته هالحمود كله ذوق..
ورجعت اسمهان خلت شغالة أهلها وشغالة أم عبدالرحمن يرتبون المطبخ وجلست مع ضيوفها!!
وناداها عبدالرحمن....
اسمهان:نعم؟
عبدالرحمن:وين الشاي الله يهديك؟صار لنا ربع ساعة من يوم قمنا من فوق العشا!!
اسمهان:ماسويت!!بس اش تبون؟شاي أخضر ولا أحمر؟؟
عبدالرحمن:الله يصلحك يااسمهان المفروض مويةالشاي تكون على النار من قبل العشا وعلى نار هادية ومواعين الشاي زاهبة بالصينية!!هيا بسرعة عجلي علينا!
ودخلت تسوي الشاي للرجال والحريم ونست تحط سكر!
وصب عبدالرحمن الشاي لضيوفه ويوم جاء يشرب لقي الشاي مُر!
ودق على اسمهان وطلب سكرية!
ومرت العزيمة على خير الأمهات الثلاث يسولفون سوى وهند وأسماء سوى واسمهان وسماح وابتسام سوى!!
أما في مجلس الرجال كان الحوار يدور عن أشياء مختلفة منها...
أبواسمهان:ياولدي ياتركي الشباب هالحين صاروا يتأخرون عن الزواج بسبب الظروف الاقتصادية والمعيشية الصعبة..بس انت ماشاء الله عليك مو قاصرك شي..ليش قاعد تِضيعْ الأيام؟؟خل أمك تفرح بعيالك على الأقل!!
تركي:كل مافكرت بالموضوع تراجعت عنه..ان شاء الله الأيام الجاية بتتيسر!
عبدالرحمن:مدري ليه عندي احساس إنه لاجانا بنت وكبرت بنلاقيك جاي تخطب!أخاف صدق يجي ذاك اليوم وإنت ماتزوجت!
محمد:خله يصف جنب ناصر ولد عمه!مضرب عن الزواج ويبيله ضرب على أفكاره المتشائمة عن الحياة الزوجية!!
الجميع:ههههههه
محمد:إلا صدق وش أخباره ناصر ياتركي؟؟سوى جريمته بأشكالكم ولازدنا شفناه!!
تركي:إلا جاء زواجنا بس كان متلثم!
محمد:ليييييييش؟
تركي:لأني حلقت شنبه وسكسوكته!!
الجميع:هههههههه
===========
وخرجوا كل الضيوف وهم يدعون لاسمهان وعبدالرحمن بالبركة..
اسمهان:ها اش رايك في العزيمة يادحومتي؟؟
عبدالرحمن:حلوة..بس الشاي اللي جبتيه ماعرفنا الأخضر فيهم من الأحمر!كلهم نفس اللون!!

كانت أم تركي حزينة على أم ناصر وتتذكرها وتتذكر أيامها بس الشغالة كانت متأثرة أكثر لأنها خدمت أم ناصر قرابة الـ8 سنوات والبكاء ذابحها..وفجأة تذكرت الشغالة إنه أم ناصر قبل مايغمى عليها في البيت وصتها تبلغ ناصر إن جرى لها شي..إنه يفتح الدرج المقفول اللي بغرفتها..
أم تركي:وأي دُرج مقفول كانت تقصد؟؟؟
الشغالة:أنا مافي معلوم..
أم تركي:ان شاء الله أبلغ ناصر..
وبالسيارة في طريق العودة للبيت كان تركي وناصر جالسين والحزن لاجم ألسنتهم...
ناصر:توي اكتشفت وش كثر أنا أناني وقلبي قاسي؟؟
تركي:ليش هالكلام اللي ماله داعي؟؟
ناصر:لأني مقهور من نفسي كانت أمي تلح علي من يوم ماتخرجت من الجامعة إني أتزوج وأجيب معاي زوجتي تونسها وودها تفرح بعيالي..وبالرغم من أمانيها كنت أفتخر بعزوبيتي وأتطنز بأصحابي اللي يبون يتزوجون وأشوف إنه ماعندهم سالفة..ضارب بكلام أمي عرض الحايط!!!
تركي:لاتندم على شي فات..الإنسان تتغير أفكاره مع الوقت..
ورجعوا تركي وناصر من
المستشفى في الليل بعد يوم حافل بالأحداث وبعد ماانتهوا من بعض الاجراءات...
أم تركي:عظَّم الله أجرك ياناصر..
ناصر:جزاك الله خير..
أم تركي:متى الصلاة عليها والدفن؟
ناصر:بإذن الله بعد صلاة الفجر..
قامت أم تركي حكت له عن موضوع الشغالة والدُرج المقفول..
ناصر:إذن لازم أرجع البيت الحين وأشوف وش سالفة الدُرج!
تركي:أقول إقعد تعش معنا.. ونام والصباح رباح..
ناصر:تعشوا انتم بالعافية..أنا مالي نفس..تصبحون على خير..
وخرج من بيتهم وراح لبيته...
ودخل غرفة أمه وحس بـ غصة والدموع ترقرقت بعينه وقام يتأمل جدران الغرفة وأثاثها..الغرفة بكل تفاصيلها تذَكره فيها..
وجلس على السرير ودفن وجهه بين كفوفه وقام يبكي...
وتذكر كلمات تركي له وهو بالمستشفى يهزه ويقول له:وحِد الله ياناصر..البكاء مابيردها لك..كل ماتذكرتها ادعي لها..
وقال ناصر:الله يغفر لك ويجعل مسكنك الجنَّة...
وقام يفتح الأدراج وكانت كلها مفتوحة ماعدا دُرج واحد حاول تركي يفتحه وماقدر..دَوَر مفاتيح ومالقى واضطر يستخدم آلة حادة وانفتح معاه الدُرج..ولقى بداخله صندوق قديم..فتحه وانبهر من الذهب اللي بداخله!!
ذهب أمه القدييييم..(الأساور العريضة اللي يسمونها كاسات ولها مصك+رشرش+حزام+6بناجر+قلايد)وتذ كر نفسه زمان يوم كان يقول لها:يايمه وش هالـ تَنَك اللي صاكتن عليه؟؟هاتيه أبيعه وأشري لك أرض؟!!!
وكانت ترد عليه وتقول:يانويصر هالذهب مخليته لأيامن سودا مقبلة!!!
وغرقت عيونه بالدموع وهو يقول بنفسه:الله يرحمك يايمه..كنتي حاسبة حساب يوم بيجي وأصير فيه بروحي!
============
ثاني يوم بعد الانتهاء من الدفن والصلاة على الميتة وبعد ماشاع الخبر كان الاتفاق بين تركي وناصر إن عزاء الرِجال يكون قدام مسجد الحي اللي فيه بيت ناصر والحريم ببيت أم تركي...
وبعد صلاة العصر بدأت وفود المعزين تقبل ومنهم الجيران والأهل والأقارب وأخوان ناصر والجماعة وزملاؤه بالعمل....
وراحت اسمهان وأهلها وأم عبدالرحمن يعزون...ودار كلام كثير بينهم وبين أم تركي...من ضمنه:
أم تركي:والله محد كاسرن خاطري بعد ناصر..إلا الشغالة..تبكي عليها بكاء موب طبيعي..
أم اسمهان:ياحليلها صاينة العِشرة..تستهونين بـ 8سنوات مرت عليها وهي ساكنة معاها..يمكن أهلها ماتعلقت فيهم كثر ماتعلقت بأم ناصر..
أم تركي:صادقة ياوخيتي..وأم ناصر الله يرحمها ماكانت تقصر معاها أبد عادتها مثل بنتها..تكرمها وتعاملها أحسن معاملة...
هند:مسكينة أكثر شي تفكر فيه الحين والسؤال اللي تسألنا اياه طول الوقت!أنا وين أروح؟؟لأنها تدري إننا كلنا عندنا شغالات ومانحتاجها..
ابتسام:ليش؟هي مالها أهل؟؟
أم تركي:لا..هي يتيمة..وتعودت على الحياة ببلادنا..ببلدها عايشة بقرية فقيرة جداً وجماعتها حتى هم كل واحد بديرة يشتغل ويسترزق..
أسماء:ياليت ياخالتي لو تكلمون ناصر يتنازل لي عنها وينقل كفالتها لنا والله لآخذها وأخليها تشتغل عندي..
أم اسمهان:ايه والله إنها فكرة وهذا انتم شايفين اسماء على وشك ولادة وتحتاج شغالة مخلصة مثل هذي تقوم فيها...
أم تركي:ياليت تكونون كسبتوا فيها أجر..بإذن الله أكلم ناصر وأرد لكم خبر...
===========
مرت الأيام وانتقلت الشغالة لبيت أسماء...وبعد أيام ولدت أسماء وجابت بنوتة حلوة...

ملحوظة:لمعرفة كيفية الصلاة على الميت..يرجى الاطلاع على هذا الرابط للاستفادة:
https://www.el3b.com/islam/islamic_school/FIQH/f3-1.html

فديييييييتكم من أولكم لآخركم على الاطمئنان والسؤال..وهذا من طيب أصلكم..
=========
بتقولون شلون ولدت أسماء؟؟
السالفة ومافيها إنها حست ببوادر ولادة وراحت المستشفى ومعاها ولدها والشغالة وبعدالفحص تبين انه الرحم مفتوح بمقدار بسيط ونصحتها الدكتورة تمشي وبعدين ترجع لها..
وبالسيارة دار الحوار التالي:
أسماء:أقول أحمد اش رايك توديني لبيت أهلي؟نحط الولد والشغالة وبالمرة أمشي في حوش أهلي..بدل ماأرجع للشقة وماألقى مكان أمشي فيه...
أحمد:فكرة!وأنا بأروح أكمل أشغالي..ولو حسيتي بشي اتصلي فيني..
ونزلت أسماء بيت أهلها ولقيت أمها وأختها ابتسام يشربون قهوة العصرية..وحكت لهم قصتها...
الأم:ماني تاركتك تمشين بس!إلا بأسوي لك قرفة وزنجبيل اشربيهم وقومي امشي!!
ابتسام:ولاتنسين العسل الأصلي يمه.. خليها تاكل منه..أبي أفرح بولادتها قبل ماأرجع بيتي!
أسماء:ليش؟بتسافرين؟؟
ابتسام:أبشرك..عجوزنا أم زوجي الود ودها تذبحني!مقهورة من جلستي كل هالمدة ببيت أهلي تبيني أرجع عشان تجي عندنا وترابط على قلوبنا!!قال إيش؟ليه ماحضرتي زواج أختك ورجعتي بيتك بسرعة؟؟لك شهر ونص عند أهلك!!الله أكبر عليها كيف تعد الأيام علي عد!!
أسماء:موب على كيفها!اقعدي هنا لين ماأطلع من الأربعين!!
الأم:يعني لازم من التحريش؟ الحرمة ومشتاقة لولدها وحفيداتها ليش زعلانين انتوا؟؟
ابتسام:أي مشتاقة يايمه؟لو مشتاقة كان قالت له تعال!لكن اتصلت فيني وهزأتني على بالها جارية أنا عندها!!وبعدين اشفيك واقفة بصفها؟؟أخاف يمه متمللة من وجودي عندكم؟؟
الأم:لااا حرام عليك..إلا عوضتيني عن غياب اسمهان عننا..والله مدري وش بأسوي لاسافرتي وتركتيني..
أسماء:لاتشيلين هم يايمه أنا ناوية أقعد فترة الأربعين كلها عندك!!.
الأم:الله يحييك...
ابتسام:وتقعدين بعيدة عن زوجك كل هالمدة؟؟
أسماء:وخير ياطير؟؟بيموت من الجوع؟والا بيطق من الزهق؟؟خليه يفتك مني وأفتك منه شوي!وبعدين بيت أهلي مفتوح وقت مايحب يزورني ماحد بـ يرده!!
الأم:ههههه..خلها تجدد شهر العسل..
ابتسام:عاد يازينها بترجع له عروس وبيدها نونو يصيح فوق راسه ليل ونهار!!وكل شوي تعلق النونو بصدرها ترضعه!!
أسماء:الله يخلي الشغالة لي..ماشاء الله عليها حليله مع ولدي..الصراحة جت بالوقت المناسب...
وطلعوا الجميع للحوش يمشون وأسماء مجتهدة تاكل تمر بالعسل وتشرب قرفة بالزنجبيل وتمشي بسرعة...
وأمها تضحك وتقول لابتسام:ياحليلها مستعجلة على الولادة!!
أسماء:مو من زين الولادة حتى أستعجل عليها..إلا من زود الزهق والتعب اللي فيني من الحمل ودي أفك هالبقشة وأصير خفيفة مثل أول!!!
========
بعد المغرب والعائلة جالسة بالصالة بدأت أسماء تحس بالآلآم الطلق!!وأبوها ملاحظ إنها متغيرة شوي...
الأب:أسماء؟عسى ماشر؟
أسماء:لا مغص بسيط ويروح!
ابتسام:إلا هالنعايم اللي سففتيها يظهر إنها جابت نتيجة !
وأول ماقال العشاء الله أكبر...
إلا موية الراس طقت!!وقامت أسماء تصيح:يمه شكلي بأولد عندكم بالبيت!!
الأم:لا لا تكفين...خل أبوك ياخذك على طريقه وبأروح معك..
أسماء:لابأتصل على أحمد زوجي ياخذني..
الأم:يمكنه بآخر الدنيا هالحين ولين مايجيك تكونين ولدتي بمحلك!!أقول خلك من الدلع وأنا وأبوك بناخذك معانا...
وبالفعل خلت ولدها وشغالتها عند ابتسام وراحت مع أمها وأبوها وحالتها صعبة وصلت للمستشفى وهي مو قادرة تمشي موية الراس بدت تتصفى!!!
وعلى طول قعدت على الكرسي المتحرك ومن باب الطواريء ودوها لغرفة الولادة رأساً لما خبرتهم بأمر خروج الموية وكانت ولادتها متيسرة في خلال ربع ساعة تم كل شي!!! لأنها راحت على اللحظات الأخيرة...
وأمها معاها تدعي لها وأبوها واقف بره وقلقان..
وشوي وطلعت أمها من الغرفة وبشرت أبوها إن أسماء جابت بنوتة...
وسجد أبوها سجدة شكر من فرحته بسلامتها وسهولة ولادتها
وقال:هالحين لازم نتصل على زوجها ونبشره بولادتها..
واتصل الأب....
الأب:السلام عليكم..شلونك ياأحمد؟؟
أحمد:الحمدلله بخير..
الأب:مبروك مبروك..
أحمد:وش عليه؟؟مالسه بدري؟
الأب:بدري من عمرك ياولدي..
زوجتك ولدت قبل شوي...
أحمد:ههههه..ياحليلك ياعمي قاعد تنكت؟؟؟
الأب:وهذا وقت نكت؟إنت ووجهك؟
أسماء ولدت..ودك تشوفها تعال!ومع السلامة!
طاااخ قفل الخط بوجه زوج اسماء
الأم:وشفيك عليه؟يحق له الرجال مو مصدق!قبل كم ساعة ومرته عندنا وهي بعافية..مين يصدق إنها خلال كم ساعة ولدت؟؟
الأب:أنا ماودي هالحين إلا أشوف الصغيرة..
إلا والممرضة خارجة فيها وحاطتها بحضَّانة..وقام الأب يطالعها بفرحة..
أما أسماء بعد الخياطة حست بإرهاق ونامت شوي وظلت تحت الملاحظة وبعدين نقلوها لغرفة خاصة...
ودقايق إلا زوجها واصل ومتصل على أبوها يسأله عنها..وقال أبوها:اطلع إحنا بغرفة 225 قسم الولادة...
ويوم طلع سلم عليها وهو مو مصدق!!
أحمد:الله يهديكم..كان دقيتوا علي أوديها المستشفى بنفسي!
الأب:إلا رحمة إنَّا مادقينا عليك..والا كان مداها ولدت بالبيت!
أحمد:يمين إنك صادق..أنا كنت بمنطقة بعيدة حيل..بس ماتوقعت إن هالأحداث مرت بسرعة..طيب وش جبتي؟؟
أسماء:جبت بنوتة..يعني توقعات الدكتورة بمحلها...
أحمد:الحمدلله خير وبركة..ومبروك سلامتك ومبروك سلامة البنية..خليني أروح أشوفها بالحضانة...
واتصلت الأم وقامت تبشر الجميع واقترحت عليهم ماحد يزور أسماء الا بكرة لأن الدنيا ليل وأسماء مرهقة....وظلت أمها مرافقة معاها....
اليوم الثاني زاروها أهلها من قبل العصر...
سماح ومحمد واسمهان وابتسام..
اسمهان مسكت البنت وحضنتها وقالت:اش سميتوها ياأسومة؟؟
أسماء:لسه ماسميناها..
ابتسام:ياشينكم..اش تنتظرون؟
أسماء:أنا حاسة إنه في طبخة تنطبخ من وراي..من يوم ماأخوانه عزموه عندهم اليوم على الغدا!!
الأم:ياشين سوء الظن يابنتي!عزموه لأنهم دروا إنه عزوبي وانتي والد..
أسماء:أدري..بس مو بعيدة إنهم بيسوون له غسيل مخ ويقنعونه يسميها على اسم أمهم الله يرحمها بماإنه أخوهم الكبير!!!
سماح:ليش؟أمهم الله يرحمها وش كان اسمها؟؟
أسماء:فايقة!!
محمد:عاد بتسير فايقة بنت المتضايقة!!
الجميع:ههههههههه
أسماء:ياويلكم من ربي..أنا ترى موب عصبية..بس الحمل كان مسوي فيني البطيط!!
اسمهان:إلا انتي قَشْره من يومك!
ابتسام:سميها اسمهان ياأسماء..
أسماء:هذا اللي ناقص؟!!(وتغمز بعينها)
محمد:لا ماأسمح لك..هذا اسم بنتي اللي جاية ان شاء الله..
ودخل أبو اسمهان وكانت الجلسة كلها سوالف وضحك...

وبعد ماجلسوا العائلة يتبادلون الأحاديث المختلفة مع أسماء..
جاء زوج أسماء(أحمد) ودق باب الغرفة فانتقلوا الجميع للجهة الثانية من الغرفة وهي جهة مخصصة للزوار..أما الجزء الآخر من الغرفة كان فيه سرير المريضة..
وجلس يتناقش معاها عن اختيار اسم للمولودة وانه هذا صار ثاني يوم لها ولسه ماصار لها اسم..
أسماء:اش رايك بــ وسن؟؟
أحمد:واش معناه؟
أسماء:بداية النعاس!!
أحمد:ماشاء الله..تبين بنتنا تقعد نايمة24 ساعة..أحد يسمي بنته نعسانة؟؟!!!
أسماء:طيب بلاش..وش رايك نسميها رواسن ؟أشوفه لايق مع اسم أخوها أنس!
أحمد:طيب اش معناه؟
أسماء:له عدة معاني منهاالحبل المرتخي!
أحمد:أنا بنتي أسميها الحبل المرتخي؟ليش عشان تطلع بنت مفتلتة؟وشفيك ياأسماء ماتسمعين لقالوا كل انسان له من اسمه نصيب؟؟
أسماء:خلاص بأحِط لساني بحلقي وأنطم!!وإنت سمي على كيفك!
أحمد:الصراحة أنا خاطري أسمي أفنان معناه الغصون ومذكور بعد في القرآن ويبدأ بحرف الألف مثل أنس...
أسماء:ولو إنه مو داخل مزاجي كثير.. بس يلا أحسن من غيره...
وخرج أحمد من الغرفة ورجعوا أهلها قعدوا معاها(أمها وسماح وابتسام واسمهان)
أسماء:أبشركم يقول يبي يسمي البنت أفنان!
اسمهان:ونعم الاختيار!لو تطلع حلوة بعد وخلوقة مثل صاحبتي أفنان يكون ياحظك فيها..
وقامت اسمهان وأرسلت رسالة لرانية بخبر ولادة أسماء وتسميتها لبنتها بإسم أفنان..
وطبعاً رانية أرسلت البشارة بسرعة البرق لباقي الشلة..ز
وبدأوا يتصلون على اسمهان ويكلمون أسماء يباركون لها..
اتصلت أفنان تبارك لاسمهان..وبعد السلام والسؤال عن الأحوال..
أفنان:مبروك على ولادة أسماء..
اسمهان:الله يبارك فيك..
أفنان:صحيح إنها سمَّت بنتها أفنان؟
اسمهان:ايه يالغالية صحيح وأنا أيدتها في الاختيار وياليتها تطلع مثلك...
أفنان:هذا من ذوقك ياسوسو..ومادام الموضوع كذا إذن وجبت زيارتها..
اسمهان:صدق؟؟بتجين تزورينها بالمستشفى؟؟
أفنان:ايه إذا مايضايقكم بأجي أنا وأمي نبارك لها ..
اسمهان:ليش يضايقنا؟إلا هذي الساعة المباركة..الله يحييكم..
ودق باب الغرفة وكانوا الحاضرين أم تركي وهند بنتها أخت سماح وشوي وبدأوا أهل زوج أسماء يجون يباركون..وناس تروح وناس تجي...
وبعد ساعة حضرت أفنان وأمها ودخلوا بهداياهم معاهم..وسلموا على الحاضرين..
أم أفنان:مبروك المولودة..والله يجعلها من البارَّات الحافظات لكتاب الله...
أسماء:اللهم آمين..
أم اسمهان:جزاك الله خير..
ودار حديث بين جميع الحضور أما هند وأم تركي جلسوا يناظرون طول الوقت بأفنان ويتهامسون!!
أم تركي:ماشاء الله تبارك الله..البنت وهي على طبيعتها ومن غير أي مكياج وياحلاتها أجل شلون لاتزبرقت..
هند:طالعي يمه بهدوئها وثقلها ماهي أحسن من عبير المغرورة؟!
أم تركي:شوفي عباتها وعباة أمها حشمة وستر ماشاء الله..
أما أفنان واسمهان جلسوا يتكلمون مع بعضهم وياخذون الأخبار والعلوم..
ولما قاموا أفنان وأمها بيروحون قالت أم أفنان:ياجميع الحاضرات الله يجزاكم الخير اللي تحب تفيد وتستفيد وتكسب أجر تزورني ببيتي كل يوم اثنين ما بين صلاة المغرب والعشاء..كل مرة أسوي محاضرة أو أستضيف بعض الداعيات وتلقي محاضرة...ولي ولكم الأجر ان شاء الله..وعنوان بيتي تلاقونه عند اسمهان..
الجميع:الله يكتب لكم الأجر وجزاكم الله خير...
ولما خرجت قالت سماح بهمس لأمها وأختها:واشفيكم تناظرون البنت كذا؟أكلتوها بعيونكم!!
أم تركي:ماشاء الله عليها..مناسبة لأخوك مرة..بس هو يرضى؟؟
سماح:ماعليك منه مصيره بيرضى!
وشوي إلا دق الباب وقامت ابتسام تفتح إلا دخلت وحدة مليانة ومغطية وجهها وجايبة هدية كبيييرة وبس وطتها في الأرض كشفت وجهها...
اسمهان(وهي متفاجئة):رانية الدبة؟؟؟؟
وحضنوا بعض..وقام الجميع يسلمون..
جلست رانية....
رانية:عاد أنا قلت هذي الغالية أخت الغالية ولدت ضروري أجي أبارك وأهني بنفسي..
أسماء:جزاك الله خير..مشكورة حبيبتي..
أم اسمهان:وشلونها أمك يارانية؟
رانية:مبسوطة ماعليها..هذا أنا صحيت البارح مالقيتها اتصلت فيها لقيتها سافرت هي وأبوي مكة يحضرون زواج ولد خالي!وبغى يجيني سكتة ليش إنهم ماخذوني معاهم..بس الله ستر!!
الجميع:هههههه
اسمهان:بلاكم ماتدرون الأخت رانية مافي عرس بالديرة ينعتق منها توَّجِبْ القاصي والداني!!
سماح:ياحليلك والله إنك سويتي أجواء مو طبيعية بملكة اسمهان..الله يهنيك بـسعة صدرك
رانية:آمين..يازين الوناسة والفرفشة ومشاركة الناس أفراحهم..وش نبي بالغثا وضيقة الصدر..خلي القلب شباب على طول..
وقامت رانية تهذر على الحاضرين وتحكي لهم عن مواقفها والكل ميتين ضحك عليها وعلى خفة دمها..
اسمهان:يازينك يارنو..مدري ليه ماأتخيلك بتصيرين عجوز!
رانية:إن كنت بأصير عجوز مثل عجايزنا الملَّقفْ..فعساني أموت الليلة!!
أم اسمهان:يوه اسم الله عليك..
رانية:لأنك ماتدرين ياخالتي عندنا نماذج للعجايز بجماعتنا يخرعون الجِن!!كل ماكبرت الوحدة بعمرها طال لسانها وزادت لقافتها وتدخلاتها ويعشقون النكد مثل عيونهم!!الوحدة منهم ناقصها عصا تقعد عليها وتطير بها مثل الساحرات!!!
أسماء:ههههه..حرام عليك من يوم دخلتي وأنا أضحك وكل ماضحكت تنشد خياطتي..
رانية:بالعكس هذا وأنا قاعدة أعطيكم جرعات مخففة مراعاة لكبار السن اللي معانا!!
قامت أم تركي تضحك وقالت:قولي آمين يابنتي!
رانية:ماني بقايلة لين أسمع وش بتدعين!أخاف بتدعين علي؟!!
أم تركي:هههه وش دعوى وانتي وسعتي صدري الله يسعدك..عسى الله يحفظك لأهلك ويرزقك كل ماتتمنين..
رانية:آمين..
اسمهان:بالله ادعي لها ياخالتي ربي يرزقها عريس..ترى هي ماتناقز في الأعراس من شوي!!
رانية:وادعو لاسمهان ربي يرزقها بطفل وتصير أم وتعقل شوي وتفكنا من التهيبل والاستهبال...
ومرت الجلسة بنكت وضحكات..إلى أن استأذنت رانية تمشي...
ابتسام:باقي بدري اجلسي ونستينا والله...
ر انية:خلني أرجع بيتي قبل ماتنفتق خياطة أختك!!!
==============
ولما رجعت أم تركي وبناتها للبيت قاموا يسولفون عن ماحدث ودار بالمستشفى...
أم تركي:تصدقون يابنات؟أنا عزمت أمري أخطب أفنان لتركي..أحسهم لايقين على بعض حيل..وعساه يوافق ومايردني..
سماح:يارب ياكريم...
هند:ورانية يايمه؟؟
أم تركي:اشفيها رانية؟تقصدين نخطبها لتركي؟؟لا لا ماتصلح له! تركي ثقيل شوي ورانية راعية ضحك وتهريج ماتناسبه أبد!!!!
هند:ايه هي ماتصلح لتركي أبد..بس يايمه تناسب ناصر مرررة!
سماح:ايه والله شلون غابت هذي عن بالي؟؟فعلاً لايقين على بعض..ناصر من يومه راعي مقالب ودجة..طبعه مثل رانية..بس تهقون أهلها بيوافقون؟؟
أم تركي:ان شاء الله يوافقون..بس قولوا ناصر أساساً بيرضى يتزوج؟
=========
اليوم التالي من زيارة أسماء خرجت لبيت أهلها وراحت اسمهان تزورها...
اسمهان:اش أخبار فنونة؟؟
أسماء:أي فنونة الله يهديك؟خلاص غيرنا اسمها!
اسمهان:وش سميتوها؟
أسماء:لينة..
اسمهان:الله يقلع ابليسك..بعد ماقلت لأفنان انك مسمية بنتك عليها وجات مسكينة وأهدت فيها تغيرين اسمها..كأننا تعمدنا هالحركة عشان نشحت من الناس هدية!!!
اسماء:ياحليلك أساساً ماسميناها أفنان على صاحبتك! وهي صاحبتك مابتجي تبارك إلا لادرت ان المولود بإسمها؟؟
===========
مرت الأيام واسمهان كل يوم ببيت أهلها مقابلة أخواتها والنونو وأم عبدالرحمن قد راحت معاها وباركت...
لما قربت المدارس تفتح كان قد مر على زواج اسمهان تقريباً 3شهور..
اشتاقت شوق كبير إنها تحمل!!
وبيوم وهي ببيت أهلها وكانت قاعدة مهمومة وحزينة...
أم اسمهان:اشفيك ياسمهونة متضايقة؟موب عوايدك يعني!
أسماء:يمكن متهاوشة مع دحوم يمه!
اسمهان:لا متهاوشة ولاشي إلا مبسوطين الحمدلله..ومو مكدر خاطري إلا شي واحد!
أم اسمهان:خير يابنتي؟
اسمهان:يمه صار لي 3شهور مِن تزوجت ولسه ماحملت!!
أم اسمهان:بسم الله الرحمن الرحيم..تو الناس..وش عليه مستعجلة؟؟
أسماء:لايكون غرتي مني ومن ابتسام وسماح؟؟
اسمهان:ماني غيرانة بس اشتقت يكون عندي طفل يشغل وقتي!
أم اسمهان:ماعليك بتجيك الدراسة وتشغل وقتك..وبعدين حِنا مانبيك تحملين هالحين وراك تخرج من صف ثالث ثانوي..الحمل بعد الشهادة ان شاء الله..
أسماء:ياحليلك ياسمهونة صدق إنه ماعندك صبر..نسيتي إني ماحملت إلا عقب زواجي بثلاث سنوات ونص؟!!وبغوا ياكلوني الناس بألسنتهم وأولهم خوات زوجي وسلايفي كل مرة يدقوني بالكلام!!بس أنا قوية أسمع من إذن وأطلع من الثانية!!
أم اسمهان:أي قوية؟نسيتي ياأسوم يوم كنتي كل ماجيتيني تقطرين عيونك دموع وتقولين يمه ساعديني..لين ماوديتك عند أم جابر الممرخة ومرخت ظهرك وقالت عندك مشكلة مويات بالرحم وعطتك أعشاب وقعدت تمرخك فترة..لين ماحملتي؟؟؟؟
اسمهان:يمه تكفين وينها أم جابر؟دليني عليها!
أم اسمهان:أقول اركدي!باقي بدري عليك..لايكون زوجك وأمه ودهم تحملين؟؟
اسمهان:لا حرام ماجابوا خبر بس أنا أحس عبدالرحمن كبير..تصدقين بعض زملاه اللي بعمره هالسنة سجلوا عيالهم بالصف الأول؟؟
أم اسمهان:طبيعي..هو تزوج متأخر...وإذا هو كبير فإنتي بعدك صغيرة...
اسمهان:إلا اش أخبار ابتسام؟ من يوم ماسافرت ماسمعنا لها حس
أسماء:سجلت بناتها التوأم بالمدرسة!
اسمهان:ياااااااااه عقبال ماأجيب عيال أنا بعد وأسجلهم بالمدرسة!
اسماء:انتي تخرجي من المدرسة أول يالفالحة..بزرة وتبي تجيب بزران!الحمدلله والشكر!
بقي أيام قليلة على بداية الدراسة واسمهان مستغلة الاجازة بالطول والعرض...
ضحك ووناسة وجري بالحوش مع عبدالرحمن وشَوِي وزيارات وروحات وجيات...
واستعدادها للسنة الدراسية الجديدة كان غير!فصلت مراييل كشخة وشنطة ولوازم مدرسية من أحسن الأنواع!!وجزم غالية!
عبدالرحمن:سمهونتي انتي رايحة تدرسين ولا تستعرضين؟؟
اسمهان:حبيبي هذي السنة غير!أنا صرت بنظر الكِل مدام!يعني لازم يبان علي أثر النعمة!!!
عبدالرحمن:ههه..وش هالفلسفة؟يعني ببيت أهلك كان باين عليك أثر الجوع؟؟؟
اسمهان:لا طبعاً بس أنا بعدي عروس فالمفروض آثار الكشخة تكون واضحة علي!!
عبدالرحمن:ولله في خلقه شئون!
============
وأول يوم بالدراسة راحت السمهونة والكل جاء يسلم ويبارك وتفاجئت اسمهان إنه أبلة جوهرة كانت موجودة...
اسمهان:هلا أبلة جوهرة..الحمدلله على السلامة..
جوهرة:الله يسلمك..كيف حالكم كلكم؟؟
اسمهان:تمام..بس متى رجعتوا من السفر؟ مادرينا؟؟
جوهرة:لنا يومين بس..وبإذن الله ودي أزورك نهاية الأسبوع أبارك لك في بيتك..
اسمهان:الله يحييك...
============
وشلة الصاعقة فرحانين باسمهان
نجلاء:تصدقين ياسوسو؟كنت حاطة يدي على قلبي!لاتتزوجين وتحملين بسرعة وتتركين الدراسة!
مرام:فاولي خير ياشيخة..ان شاء الله مايبعدها عننا شي!
أفنان:صعب الأحلام تتحقق!أحياناً أحلم أحلام اليقظة وأتخيل يابنات إننا ساكنين بعمارة وحدة!
اسمهان:ههههه هذي من المعجزات السبع!!
رانية:ولامعجزة ولا شي!أنا بس أتخرج من الثانوي بأسير سيدة أعمال وأشتري عمارة وأسكنكم كلكم فيها معاي!!
نجلاء:واش أفلام الكرتون هذي يارانية؟؟قال سيدة أعمال!!سيدة أعمال بمرتبة طَقَّاقة!!!
مرام:هههه يازينك يارنو..
ماتتحلمين إنك تطيرين بعد؟؟
رانية:إلا أتحلم إني أطير بطيارتي الخاصة..وكل شوي تنزل بي في بلد أتسوق وأرجع..وأنزل مرة ثانية ببلد ثاني وأتغدى وهكذا!!!!!
أفنان:لاتضحكون علي أنا مرات أتحلم إني ساكنة بكوخ وأقطف الفواكه من الأشجار وآكل!!
رانية:أقول ياشين أحلام الفقارى!ماتتحلمين بعد إنك ترعين غنم مع بيتر وتزحلقين من فوق الجبال مع هايدي؟
الجميع:هههههههههه
اسمهان:ياااي ذكرتوني بالطفولة..كنت أتحلم يكون عندي قصر مصنوع من الآيس كريم والحلويات وأتزوج أمير يهديني عصا سحرية!!
رانية:يعني ماابتعد حلمك عن الواقع كثير!!هذا انتي تزوجتي الأمير عبدالرحمن وعساه يهديك عصا حقيقية تهفك على قفاتك إن مافلحتي بشغلك!!!
اسمهان:حرام عليك!مايستجري يمد إيده علي!!
نجلاء:أما أنا أحلم أكون أخصائية نفسية..
رانية:عشان تتعقدين من بلاوي الناس وينبت لك قرون؟أقول انثبري وتزوجي ماجد وقري في بيتك!!
اسمهان:أفاااا مخطوبة يانجول ولاتعلمينا؟؟؟
نجلاء:لسه كلام ماصار شي..خطبني ماجد ولد خالتي..بس لسه الزواج يمكن بعد سنتين!!
الجميع:مبرررررروك..
مرام:أما أنا نفسي أتزوج وأفتح صالون خاص فيني!ويكونون زبايني من نخبة المجتمع!!
رانية:وأنا أول زبونة من هالنخبة بتجي صالونك!
مرام:زين إنك قلتي لي!كاشو بطلت أفتح صالون!!
الجميع:ههههههههه
اسمهان:من غير زعل يارنو مرات أتخيل إنك بتتزوجين شايب علة!!ينشب لك بحلقك ويربطك في البيت غصب عنك!ومو بس كذا يمكن بعد تشتغلين له ممرضة!!
رانية:مالت عليك وعلى أحلامك وعلى نفسك الخايسة اللي تتمنى الزين لنفسها والشين لغيرها!!أنا حلمي إني أتزوج واحد فلاَّوي راعي فرفشة ودردشة ونعنشة..يغديني ضحك ويعشيني وناسة!!!
نجلاء:و نسيتي تقولين يمشيك في قصور الأفراح وكل يوم يرميك بعرس لين ماالجنانوة اللي براسك يهمدون!!
الشلة:هههههههههههه
وكملوا سوالفهم عن الأحلام والآمال وضحك بضحك..
=================
ومرت أيام الأسبوع بسرعة وكان عبدالمجيد تتأثر نفسيته لما يشوف اسمهان رايحة مع عبدالرحمن للمدرسة وحاطين أياديهم بأيادي بعض ويسولفون ويضحكون,,ويفتح لها باب السيارة
ويتمنى اللحظة اللي تجي وزوجته بيده يمازحها وتمازحه!!!
وبيوم من الأيام بعد ماراح لعمله دخلت أمه غرفته هي وشغالتها ينظفونها...
ولقت أم عبدالرحمن على مكتب عبدالمجيد ظرف وفيه ورقة...
فتحتها ولقيت بداخلها هذي السطور بخط عبدالمجيد:
إلى مجلتي الرائعة(...؟...)
أحببت أن أنقل إليكم أحاسيسي عبر سطور متوجة بالدموع..أنا شخص مصاب بإعاقة سمعية منعتني من النطق ولاحول لي فيها ولاقوة!حيث إني أتيت لهذه الدنيا كشخصٍ طبيعي ولكن علةً ألمت بجهازي السمعي ففقدت إثرها السمع وبالتالي القدرة على النطق...
ماذنبي أنا؟عندما ينظرون إلي الناس بأني شخص مختلف!!!
ماذنبي أنا؟إذا اتجهت للخطبة وأواجَه بالرفض دائماً؟
ماذنبي أنا؟ وأنا أمتلك كل مقومات الإنسان الطبيعي ولدي قدرة على التواصل مع من حولي بلغة الإشارة وقراءة الشفاه والكتابة وبالرغم من ذلك أجد من يعتبرني شخص ناقص؟؟
أنا شخص مبتلى..ولكن من الذي سيقدرني؟إلى متى سيظل المجتمع يرفضني كزوجٍ صالح له حق الحياة مع انسانة طبيعية؟؟
أخط لكم سطوري والعبرات تترقرق بمقلتي باحثةً عمن يمسحها!!
المخلص:ضحية الصمت!!
قامت أم عبدالرحمن تبكي بصوتها وجلست على الكرسي من انهيارها!!ومسكتها الشغالة تهَدِيها
ولكنها صارت تقول:الله يرزقك ياولدي باللي تتمناه وأزود..الله يعجل بنصيبك ويسخر لك من يحبك ويخاف الله فيك...
وهي تبكي بمرارة....
================
وبنفس اليوم جاء المغرب وقعد عبدالرحيم الولد الأصغر يتقهوى مع أمه...
وقال:يمه..بغيت أفاتحك بموضوع!
أم عبدالرحمن:هات ماعندك..
عبدالرحيم:يمه..أنا صرت أفكر جدياً بالزواج..
أم عبدالرحمن:أجِل هذا الموضوع شوي الله يخليك!!
عبدالرحيم:ليش يمه؟عمري صار 26 سنة..وعندي كل مايأهلني للزواج والحمدلله....
أم عبدالرحمن:أنا بإذن الله ناوية أزوجك إنت وعبدالمجيد بليلة وحدة
عبدالرحيم:ومنهي هذي اللي بترضى فيه؟؟
أم عبدالرحمن:اتفل من فمك!هذا كلام تقوله عن أخوك ياللي ماتستحي؟؟؟
عبدالرحيم:بالهداوة يمه واشفيك معصبة؟أنا قصدت إنه ياما خطب والناس يردونه بسبب الصمم والخرس اللي فيه..أجل شلون بتلقين له عروس بكل سهولة؟؟
أم عبدالرحمن:الله يسخِّر له إن شاء الله مثل ماسخَّر لغيره..
========
ونهاية الأسبوع جات جوهرة تزور اسمهان ببيتها وزوجها هو اللي جابها وتفاجأ عبدالرحمن واخوانه بأن زوج خالتهم جوهرة رجع يمشي على عكازين بدل الكرسي المتحرك ونفسيته متحسنة!!!
واجتمعت أحلام وأم عبدالرحمن وجوهرة ببيت اسمهان... وكانت أحلام استقرت بـجدة مع زوجها وأطفالها..
أحلام:ماشاء الله يااسمهان..أحس الدنيا اضحكت لي فجأة طول عمري وأنا عايشة وحيدة بين أولاد وأتمنى يكون لي أخت..وأخيراً ربي رزقني بإخت مثلك..صدق المثل اللي يقول(رُب أخٍ لك..لم تلده أمك)
اسمهان:تسلمين يالغالية على كلامك الحلو..عساني أكون عند حسن ظنك بس...
جوهرة:ماشاء الله يااسمهان إن كان هاالحلى انتي مسويته فأنا أشهد إنك شاطرة بالمطبخ!
اسمهان:هي تجارب..مرات تصيب ومرات تخيب!ومازلت أتعلم!
أحلام:هههه ذكرتيني بنفسي..كنت البنت الوحيدة والدلوعة بين أخواني وخذاني زوجي عقب الزواج وعلى أمريكا طيران..لاتعلمت ولاغيره..ومخالطتي للأمريكيات زادتني خيبة..كل أكلهم مجمدات ومثلجات يقلونها بالزيت أو يحطونها بالميكرويف أو يشرونها من مطاعم التوصيل..وزوجي صبووور..بس النت ماخلى الوحدة تغفل عن شي..كنت أقعد ليل ونهار أتعلم وأبهر جاراتي الأجنبيات لدرجة إنهم قالولي ليش ماتفتحين مطعم؟؟؟
جوهرة:ايه الخواجات هذولي كل شي جديد يبهرهم..
أم عبدالرحمن:وكيف كانت رحلتكم لأمريكا ياجوهرة؟؟
جوهرة:الحمدلله من أفضل مايكون سووا لزوجي كم عملية جراحية وبعد النقاهة بدأ مرحلة العلاج الطبيعي وتحسن كثير..ماتخيلت إنه بيرجع يوقف على رجليه..
اسمهان:ماشاء الله يوقف على رجليه؟؟
جوهرة:بمساعدة العكازات طبعاً..بس على الأقل ارتاحت نفسيته وصار يسوق السيارة ويدخل دورة المياه بنفسه..وصرت أحسن بكثير من أول ممكن أطلع براحتي مو مثل قبل مربوطة فيه.
وقضوا الجميع سهرة ممتعة...
دخلت أم عبدالرحمن المطبخ مع اسمهان وهي تجهز العشا..
وقالت لها:اسمهان ودي أفاتحك بموضوع بس طلبتك خليه بيني وبينك!
اسمهان(باندهاش):خير ياخالتي؟
أم عبدالرحمن:ودي أخطب لعبدالمجيد وأبيك تساعديني!
اسمهان:من عيوني لو قدرت مابأقصر..
أم عبدالرحمن:صديقتك مشاعل!
اسمهان:تقصدين خالة أفنان؟؟
أم عبدالرحمن:ايه..تهقين ترفض؟؟
اسمهان:لا هذي بالذات ماأتوقع ترفض أبد!!!
أم عبدالرحمن:وانتي اش دراك؟
اسمهان:لأنه أفنان حكت لي قبل مدة إنه تقدم لخالتها مشاعل رجَّال أعمى وكانت بتوافق عليه بس أخوانها(أخوال أفنان)رفضوه!!
أم عبدالرحمن:الله يبشرك بالخير..بس كلامك مايطمن مثل مارفضوا الأعمى بيرفضون ولدي!
اسمهان:ماأظن ياخالتي ..أنا متفائلة بالموضوع ولاتنسين بعد إنها تشتغل سنين بمعهد الأمل وتتقن لغة الصم والبكم.يعني مابتواجه أي مشاكل...
المهم انتي لاتقلقين أنا بأتصل بكرة عليها وأجس نبضها لو لقيت بوادر موافقة بأعطيك خبر..
أم عبدالرحمن:الله يوفقك يابنتي ويجعل الخير دربك..بس لاتقولين لها إن العريس ولدي بس لمحي لها انه لو تقدم لها عريس بنفس مواصفات ولدي واش بيكون ردها
اسمهان:ان شاء الله ابشري..
في الرياض كان أبوعبير عند وعده واستأجر لعبيروأخوانها وأمها شقة في عمارة خالها...وأمورهم ماشية...وبدأت الدراسة ...
أم عبير:المفروض تكلمين أبوك يرسل لك مبلغ ونسجلك بمدرسة خاصة...!!!
عبير:وليش المدرسة الخاصة يايمه؟بأدخل المدرسة الحكومي اللي قريبة من البيت مع بنات خالي..
أم عبير:طول عمرك وجه فقر!إنتي بنت أبوسعد يعني مو شوية!لازم نكون أحسن من قرايبنا ونكشخ!
عبير:يايمه أي كشخة وأي كلام؟الوضع اللي إحنا فيه مايسمح لنا نشوف نفسنا على أحد!!
أم عبير:وش قصدك يابنت؟؟
عبير:يعني أنا مطلقة وانتي مطلقة والكل عارف السبب!!وزين انه باقي لنا وجه نقابل أحد!
أم عبير:استحي على وجهك ولاعد أسمع منك هالكلام!ماكأن اللي إحنا فيه كله من تحت راسك!!!
عبير:وأنا اللي قلت لك ياأمي اضحكي على ولد الناس واسحبي فلوسه وكثري طلباتك؟؟كل اللي إحنا فيه منك انتي!
انتي اللي حسستيني من يوم وأنا صغيرة إني انسانة مشوهة ولازم أخبي حروقي عن الناس وإن الناس لو شافوا حقيقتي بيكرهوني وينفرون مني!!لين ماصار قلبي أسود!أحقد على كل انسانة أحسن مني!!
أم عبير:انتي فعلاً حقودة..من يوم إن هذا كلامك..بعد كل اللي سويته عشانك تقابلين فعايلي بالنكران؟؟شبيهة أبوك ماتنلامين!ناكر فضلي وجاحد!!
عبير:يايمه لاتغالطين نفسك..انتي اش سويتي عشاني؟كل اللي كنتي تسوينه عشان نفسك!بالعكس انتي فضحتينا بين الناس وجماعتك ووصلت الفضيحة للشرطة ورميتينا بدرب السحر لولا إن الله ستر ولطف!!!
مدت أم عبير يدها ولطشت عبير كف على وجهها...
بكت عبير بمرارة وخرجت من الغرفة!!
==============
طبعاً مرت الأيام واسمهان لاهية بدراستها وبيوم طلبت من أفنان في المدرسة رقم جوال خالتها
مشاعل....
أفنان:اش تبين فيها؟؟
اسمهان:أبداً..أعرف وحدة تبي تستفسر عن معهد الأمل..وفكرت أتصل بخالتك أسألها شوية أسئلة!!(وطبعاً اسمهان كان تخطيطها تجس نبض مشاعل من غير علم أفنان!عشان إن ماكان فيه نصيب ماتتأثر علاقتهم ببعض!!)
وأعطتها أفنان الرقم...
اتصلت اسمهان بعد المغرب بمشاعل...
مشاعل:هلا..
اسمهان:هلا مشاعل أنا اسمهان.
مشاعل:مين اسمهان؟صاحبة أفنان؟؟
اسمهان:ايه مضبوط..
مشاعل:ياهلا ويامرحبا شلونك ياقمر؟؟
اسمهان:تمام وأنشد عن أحوالك..
مشاعل:أنا بخير وماعندي جديد من المعهد للبيت ومن البيت للمعهد..وقاعدة أفكر حالياً أحضر رسالة ماجستير..
اسمهان:مبروك..مبروك مقدماً..وعن ايش بتكون رسالتك ياترى؟؟
مشاعل:من صميم تخصصي أكيد!عن نظرة المجتمع لذوي الاحتياجات الخاصة!!
فرحت اسمهان وقالت بداخلها(الحمدلله اختصرت مشاعل علي نص الطريق!!!)
اسمهان:وياترى تشوفين مجتمعنا واقف بصف الشخص المعاق؟؟
مشاعل:أولاً أرفض اطلاق اسم معاق على الشخص المبتلى..
ثانياً:مجتمعنا مازال بحاجة إلى اعادة نظر في تعامله مع ذوي الاحتياجات الخاصة في توظيفهم وتزويجهم واعتبارههم أشخاص لهم دور وموب عالة وعبء على المجتمع...
اسمهان:وتعتقدين لو تقدم لك شخص منهم
بيكون سهل عليك توافقين؟؟؟؟
مشاعل:وليش لا؟أنا شخصياً تقدم لي قبل مدة شخص أعمى وكنت موافقة بس اخواني رفضوا..بس مو عشانه فاقد نعمة البصر! لأنه كان متزوج وعنده عيال!!وقالوا لسه في فرص قدامك ويجيك أحسن منه....
اسمهان:طيب لو فرضاً خطبك شخص أصم وأخرس هل بتوافقين عليه؟؟
مشاعل:طبعاً..ذنبه يعني انه يعاني من علة بالسمع؟؟بالعكس ماتصدقين قدر ايش حبي لكل الحالات اللي أدرسها بالمعهد..سبحان الله فيهم براءة وطيب أخلاق أحسن منَّا إحنا الطبيعين...وربي مايحرم الانسان من شي إلا ويعوضه باللي أحسن منه....المهم أحس إني طولت بكلامي عليك..اش سر اتصالك ياترى؟؟؟؟؟؟
اسمهان:هاه؟؟ لا بس كنت بأسألك عن موقع المركز ورقم هاتفهم وحدة أعرفها تبيه....
مشاعل:الرقم....؟....الموقع.... .؟..
وأنهت اسمهان المكالمة..واتصلت بأم عبدالرحمن وقالت:مساء الخير خالتي..وش رايك تطلعين تتقهوين معي؟؟
أم عبدالرحمن:مساء النور..انزلي انتي يابنتي أنا قهوتي زاهبة وودي أقعد بالحوش أشربها الجو حلو اليوم..والأولاد مو موجودين..
اسمهان:خلاص بأنزل لك..أنا زهقانة وعبدالرحمن مداوم موب راجع إلا 11 بالليل..
نزلت اسمهان وتبادلت بعض السواليف هي وأم زوجها وحكت لها عن مكالمتها مع مشاعل..
أم عبدالرحمن:الله يبشرك بالخير قولي آمين..كنت حاطة يدي على قلبي..عبدالرحيم بعد وده يتزوج وماودي أدور له عروس وأخلي عبدالمجيد..ان شاء الله أهلها يطلعون متفاهمين مثلها ويرضون
اسمهان:ان شاء الله..انتي توكلي على الله وعساه تطلع من نصيبه
أم عبدالرحمن(بخجل):أقول يابنتي؟
اسمهان:تفضلي ياخالتي..
أم عبدالرحمن:فيه وحدة تعرفينها وودي أخطبها لعبدالرحيم..
اسمهان:مين؟لاتقولين رانية؟ترى بتجيب أجله من أول أسبوع!هذا أنا قلت لك!!!
أم عبدالرحمن:لا وش رانية؟أنا عيالي مثلي يحبون المرة الهادية الرزينة..ورانية الله يحفظها لأهلها!
اللي أقصدها زميلتك مرام!!
اسمهان:ايــــــــش؟مــــــرام؟ ؟؟
أم عبدالرحمن:ايه اشفيها؟لايكون البنت فيها شي؟؟
اسمهان:لا بالعكس..بس مرام أحس ذوقها صعب شوي!!
أم عبدالرحمن:ياسلام!وأنا اشفيه ولدي عاد؟ حسب ونسب ومتوظف بأحسن وظيفة وراتبه زين وأخلاقه الكل يشهد له فيها..وعمره مناسب لعمرها..والبيت جاهز بس يبي له تأثيث.....
اسمهان:ماشاء الله عليه أنا ماقلت شي..بس ماودي تتقدمين ياخالتي لهم ويردونك..أخاف مرام تقعد تتشرط ولا شي!!
أم عبدالرحمن:انتي ماعليك..هاتي رقمهم وأنا بأتصل على أمها وأكلمها وأشوف بيرحبون فينا ولا لا؟؟
وأعطت اسمهان رقم أهل مرام لأم عبدالرحمن ورقم أهل مشاعل ..
========
ولما جاء عبدالرحمن من العمل خبرته اسمهان بالسالفة ونزل لأمه..وبعد ماسلم عليها بدأ يعاتبها
عبدالرحمن:يايمه..واشفيك تخطبين من صاحبات اسمهان؟قلة بنات بهالديرة؟؟
أم عبدالرحمن:لقيت غيرهم وقلت لا؟؟
عبدالرحمن:اللي بيفتش بيلقى!
أم عبدالرحمن:وهذا أنا فتشت ولقيت..واللي نعرفه أحسن من اللي مانعرفه!يكفي اني لقيت بنت موافقة مبدئياً على علة عبدالمجيد..فإشهو المانع عندك؟؟
عبدالرحمن:يمه انتي تتذكرين الناس اللي خطبنا لعبدالمجيد عندهم وبنتهم صاحبة اسمهان رفضهم يسبب توتر بالعلاقات..وأخاف بكرة تطلع وحدة من البنات فيها عيوب وتحطين السبب على زوجتي!!!!!
أم عبدالرحمن:تطمن ياحبيبي..زوجتك بأحطها على راسي ومالها علاقة أكثر من إنها وسيط..هالبنات أنا اللي اخترتهم بنفسي ماحد جبرني عليهم..ان صار نصيب فخير وبركة وإن ماحصل فالله كريم يعوضنا باللي أحسن منهم...وبعدين لاتكون أناني!
عبدالرحمن:حرام عليك..أنا أناني؟
أم عبدالرحمن:طبعاً تصرفك يقول كذا..تطمنت على مستقبلك وهالحين قاعد تتدخل بمستقبل اخوانك؟؟
عبدالرحمن:آسف حقك علي!بس كنت أبي أوضح لك نقطة وغلبتيني في الرد.!!!
=================
مرت الأيام ورجعت اسماء لبيتها بعد انتهاء الأربعين وأم عبدالرحمن تعرفت بأهل مشاعل ولما شافت منهم بوادر موافقة جابت أولادها وأعمامهم يتقدمون رسمي,,
وخطبت مرام وراحت لهم هي وبنتها أحلام واسمهان ووافقوا مبدئياً بشرط انه مايصير شي إلا عقب التخرج من الثانوي!!!!
==============
وبالمدرسة....
مرام:هلا بسلفتي سمهونة..
آثاريك حاطة عينك علي وتبيني أصير سلفتك؟؟
اسمهان:لا لاتفرحين مرة!ترى خالتي هي اللي اختارتك..
مرام:طلبتك لاترديني!
اسمهان:جاك!
مرام:ودي أشوف صورته!
اسمهان:صدق إنك خفيفة!النظرة الشرعية عقب أسبوعين مافيك صبر؟!!!
مرام:الفضول ذابحني حيل!
اسمهان:خلاص بكرة بأسرق لك وحدة من مكتب عبدالرحمن وأجيبها لك..بس بشرط؟!!
مرام:اشرطي مثل ماتبين..
اسمهان:أنا معزومة نهاية الأسبوع على زواج بنت عمة عبدالرحمن وأبي أجي مشغلكم بس تضبطوني بلاش!!!
مرام:إخس يالمصالح!ابشري تم!
بس عقب ماأتزوج أخو زوجك بأطلع الفلوس من قفاتك!!!!
=======
اليوم الثاني جابت اسمهان الصورة للمدرسة..وورتها مرام..
مرام(وهي متفاجئة):واااااي هذا أعرفه!!!!!!!
اسمهان:أفا ياللعينة!طلعتي تعرفين شباب؟؟
مرام:واخزيااااه!وش هالهرج..؟
أقصد شايفته من قبل!
اسمهان:وين؟علميني؟
مرام:يوم جيتك ببيتك زمان..بس كنت أحسبه أخو زوجك الأبكم ماهقيت إنه عبدالرحيم!!
اسمهان:وهو شافك؟؟
مرام:كان مبقق عيونه وشافني من راسي لرجولي!أشوى إني لابسة عباتي وجهي بس اللي كان مو مغطى!
اسمهان:آهااااا آثاري المسألة مخطط لها!عجبتيه يوم شافك عشان كذا خطبك!!أجل ماله داعي الشوفة من الأساس!أنا رافضتها!
مرام:وانتي اش دخلك يالنسرة؟هو تمقل فيني ذاك اليوم هالحين دوري أتمقل فيه!!وبعدين الغرض مو بس نشوف بعض!إلا عشان نختبر مدى الارتياح اللي بيننا ونشوف فيه نصيب ولا لا!
اسمهان:طيب ياخالتي!هالحين فهمت ليش اتصلت فيني عقب مارحتي ذاك اليوم!آثاري عشان تبي تعرف مين هي اللي عجبت ولدها..!!
مرام:عاد تكفين لايدرون باقي الشلة عن سالفة الخطبة خليها بيني وبينك..
اسمهان:وليش عاد؟هذا هم يدرون بخطبة عبدالمجيد لمشاعل وماصار شي إلا فرحوا لها..
مرام:الصراحة...أخاف من العين!!
اسمهان:ماااااالت عليك بقوة!هذا أنا تزوجت عبدالرحمن عين السيح وماحد طقني بعين إلا فرحتوا معاي وماقصرتوا..بيجون هالحين يعينونك انتي؟؟أقول اذكري الله
والله يعينني عليك شكلك بتكونين سلفة غثيثة على قلبي!!!
حسبي الله عليك ياعبدالرحيم ماتعرف تختار!!!!

اتصلت سماح على أمها وبلغتها بمجريات الأحداث في بيت أم عبدالرحمن وانها خطبت لأولادها الاثنين
أم تركي:حسرة على تركي وناصر اللي ذبحهم السهر لأنصاص الليالي والنوم والكسل طول النهار!!كل يوم وتركي يزور ناصر ويسهر عنده أو ناصر يجينا ويسهر عند تركي..وان طلعوا راحوا دواماتهم..وغير كذا مافي..
سماح:يايمه الحق عليك تاركتهم براحتهم..
أم تركي:وش تبيني أسوي يابنتي؟أتوطى في بطونهم؟خلاص هم رجال بشنبات وأدرى بمصلحتهم!
سماح:إلا مثل البزران الصغار اللي تعلمينهم على الحمام لازم كل شوي تذكرينه بموعد الحمام والا سووا لك البحر طحين!!
أم تركي:ههههه..صادقة يابنتي بأكلمهم لعل وعسى أحد يسمع..
=====وشوي وحضروا ناصر وتركي من العمل يتغدون..
دخلت عليهم أم ناصر المجلس وهي متلثمة...وسلمت..
أم تركي:هلا بمعازيب العيلة!
تركي:هاه؟أشم بكلامك ريحة موب زينة
أم تركي:ايه..قولوا آمين..
تركي وناصر:آمين
أم تركي:الله يقطع العزوبية من كل بيت!
ناصر:وش دعوى ياأم تركي؟أشوف كأنك متملله مني!
أم تركي:إلا متملله منكم ثنيناتكم!
تركي:أفاااا ليش يالغالية؟؟
أم تركي:لأني لو غالية كان أرضيتوني مرة بالعمر!اللي مثلكم عياله يلعبون بحضنه وانتم الواحد قاعد يضيع عمره قدامه وهو فاغر فمه!!!
تركي:يايمه انصدت نفسي عن الزواج
أم تركي:وانت الزواج اللي تزوجته تسميه زواج؟؟كلها 5 أيام بين أربع جدران ورديت البنت لأهلها!!أنا أكلمك عن اليوم لابد تتزوج البنت اللي تصونك وتحبك..
تركي:موب كل مرة تسلم الجرة!
أم تركي:مو صحيح كلامك إلا إن كنت نحيس!!
وإنت يانصور أمك قبل لاتموت وصتني عليك وقالت:اللي تتمنينه وتحبينه لتركي حبيه لولدي ناصر..وهذا أنا أتمنى لك كل خير وإنك تصير رجال ينشد فيك الظهر وتفتح لك بيت..طالعوا بعبدالرحمن وأخوانه نعم التربية والله تزوج عبدالرحمن والاثنين الباقيين في الطريق!!
تركي وناصر:صـــــــــــــدق؟؟؟
أم تركي:ايه صدق..على بالكم ماحد صاحي بهالديرة الا انتوا؟تخسون!
وخرجت من الغرفة تحضِّر الغداء..
تركي:ياحليلها أمي مافي شي شاغلها بهالدنيا إلا هالسيرة!!!
ناصر:صحيح إن قلوبنا قاسية وما نحس!
أمي لآخر لحظة بحياتها كانت تتمنى لو اني تزوجت..وكانت وصيتها اني أتزوج وهذا أنا بمكاني لاتقدمت خطوة ولاشي!!ياليت أمي عايشة وأرضيها..
تركي:أشوف كأن كلام أمي أثر عليك؟؟
ناصر:والله الوحدة ذابحتني بالبيت كل يوم وأنا عايش لحالي لو أموت ماحد درى عني كأني يتيم لاأهل ولاجيران وتلومني لابديت أفكر بجد بالزواج؟؟
دخلت أم تركي وحطت الغدا..
ناصر:ياعمة لو بغيت أخطب..ألاقي عندك عروس؟؟
أم تركي:عرايسكم موجودات انتوا بس قولوا توكلنا على الله...
ناصر:توكلت على الله....
أم تركي:ماودك ياتركي تتنازل انت بعد وتتزوج مع ولد عمك بليلة وحدة؟؟
تركي:يايمه انتي...
قاطعته أمه وقالت:عاد لاتكون أثول وتتغلى!حِنا يوم نبيك تتزوج فترى إنت اللي بتفرح أكثر منَّا تلاقي زوجة تآنسك وتلاطفك وتخاف عليك وتجيب منها عيال لا مِت بكرة يظلون يدعون لك وتكسب من وراهم أجر!
دمعت عيون ناصر..وتذكر أمه..
أم تركي تكلم تركي: قطيعة تقطعك !ورى قلبك مو رهيف مثل ولد عمك؟؟

تركي:أنا بأتوكل على الله وأخطب بنت الناس اللي كلمتوني عنها!ولكن إن طلع فيها عيب فلا تلومون إلا نفسكم توقعوا إني بأسوي أي شيء!!!
سماح:تفاءل بالخير..الله يسامحك إشفيك صرت معقد من تجربة وحدة؟؟
هند:وبعدين أنا متأكدة إنك لو تشوفها بتعجبك مرة..أخلاقها وهدوئها أحلى شي فيها..
تركي:مدري أحس الحماس مقتول فيني!
أم تركي:ناصر اللي هو ناصر..تغير رايه وصار وده يخطب اليوم قبل بكرة..وإنت باقي راسك يابس مدري اش تنتظر!!
تركي:زين من هي بنته؟؟وكم عمرها؟
أم تركي:عمرها 18 سنة وتدرس بالثانوية العامة وأزيدك من الشعر بيت صاحبة اسمهان..وهي بنت فلان بن فلان الفلاني!!
تركي:ايــــــــــــــش؟؟أبوها يشتغل بوزارة الحج والأوقاف؟؟
أم تركي:ايه صحيح..وإنت اش دراك؟؟
تركي:يمه..هذا الرَّجال اللي حجيت معاه قبل سنتين!
سماح:يامحاسن الصدف!هذا إنتوا طلعتوا تعرفون بعض..يعني متسهلة المسائل ان شاء الله...
تركي:الصراحة كان نعم الرجال كان كل يوم بالمخيم يسوي لنا محاضرة..وقبل لانفترق عطاني كرته عشان كذا مازلت ذاكر اسمه وشغله...سبحان الله من يصدق إنه بيجي يوم وأخطب فيه بنته؟!
هند:يعني نتوكل على الله ثم نكلم الجماعة ونتفق معاهم على موعد؟؟
تركي:على بركة الله....
أم تركي:أجل خلاص بأكلمهم..وإن عطونا موعد قريب رحنا لهم أول بعدين نكلم أهل البنت اللي بنخطبها لناصر..
تركي:إلا هي وش اسمها؟؟
سماح وهند:أفنـــــــــــــان
تركي:ياســــــــــــلام!!
===============
وبالفعل تم الاتصال على أهل أفنان ورحبوا بأم تركي....وراحوا يتقدمون رسمي وراح تركي واستقبله أبو أفنان بالأحضان بعد ماتذكره مباشرة...
عند الحريم أم تركي كانت صريحة من البداية وحكت لأم أفنان قصة تركي مع عبير..
أم أفنان:لاحول ولاقوة إلا بالله يارب..بعض الناس صارت ذممهم واسعة..بس توصل الدرجة للسحر؟هذا اللي مو معقول بناس مسلمين..الله يهديهم ويغفر لهم والحمدلله اللي نجى ولدك من كيدهم..
أم تركي:الحمدلله..
أم أفنان:أما انتم والنعم فيكم يكفي انكم مناسبين أم اسمهان الله يحفظها ناس راعيين دين وأخلاق ومحبوبين من الناس ماشاء الله...
سماح:جزاك الله خير...
أم أفنان:مدري إن كان عندكم فكرة عن بنتي سندس؟
سماح:ايه سبق وكلمتنا اسمهان عنها الله يشفيها ويعافيها..
أم أفنان:تدرون السبب في أمراض ضمور الدماغ راجع في معظم الأحيان بعد ارادة الله لزواج الأقارب..عشان كذا أنا ضد إني أزوج أفنان لأحد من القرايب..وربي يكتب لها اللي فيه الخير.
واستمروا سماح وهند وأم أفنان وأم تركي في سواليفهم المختلفة وأفنان جالسة بصمت تصب القهوة والشاي..
=======
وفي مجلس الرِجال كان تركي وأبوأفنان واخوانها جالسين..
يسولفون في مختلف الكلام..ومن ضمنه...
أبوأفنان:والله والنعم فيك ياتركي..عاشرتك 6أيام بالحج وكنت فيها نعم الرجل..لكن ودي أقول لك إن الزواج قسمة ونصيب إحنا بنشاور البنت ونخليها تستخير وعقبها يصير خير ان شاء الله...
تركي:وأنا لو أدور الدنيا وأدور عن عائلة فاضلة وشخص مثلك بأخلاقك وسماحتك فما ظنتي بألقى!!
أبوأفنان:هههه وش دعوى ياتركي؟لو تدور بتلقى اللي أحسن مني..أنا ماني أحسن الناس أبد...
تركي:والله هذا من تواضعك بس
====وتمت الزيارة والوعود بالتفكير ثم الرد في أقرب فرصة..
=================
وراحت أفنان ثاني يوم المدرسة وهي بتطير من الفرحة!! وبشرت الكل بخطبتها البارح...
الكل:مبرررررررروك
مرام:أجل جاء دوري أصارحكم!ترى عن قريب ان شاء الله بأصير سلفة اسمهان!!
الكل:لاااااااااااااا م معقول...
اسمهان:إلا صحيح..مشاعل لعبدالمجيد ومرام لعبدالرحيم..
وأفنان لتركي ان شاء الله....
نجلاء:وشوفتك صارت يامرام؟؟
مرام:لا بإذن الله نهاية هالأسبوع..ادعوا لي!!
أفنان:عاد اسمهان بتسوي فيها حركات وتجي تزوركم على إنها زوجة الكبير!!
اسمهان:طبعاً زوجة الكبير دايماً أحسن من زوجة الصغير في كل عيلة!!!
الشلة:هههههههههه
أما رانية انسحبت من الشلة وراحت للحمام وعيونها مبتلة دموع!
وقامت تتساءل بينها وبين نفسها:ياترى بإيش قصرت مع اسمهان؟فكَرَت بمستقبل كل الشلة إلا أنا!!!معقولة تشوفني شينة لهذي الدرجة؟؟ولا يعني عشان وزني زايد شوي؟؟
وقررت رانية إنها تبدأ بنظام حمية قاسي!!(بيني وبينكم البنت ودها تلحق على عمرها!!!!)
==============
ورجعت اسمهان من المدرسة للبيت وكانت كالعادة لما يكون دوام عبدالرحمن صباحي لازم تروح يومياً لأختها اسماء وتزورها لمدة نص ساعة إلى ساعة مخصوص عشان تشيل النونو الصغيرة لينا!!
كان عندها تعلق غير طبيعي بهذي البنت وبدأت تتعلق بكل طفل تشوفه!لأنها من وجهة نظرها متأخرة بالحمل!!
ومرة من المرات....
اسمهان:عبدالرحمن بأسألك سؤال وأبيك تجاوبني بصراحة؟؟
عبدالرحمن:تفضلي...
اسمهان:وش أكثر شي يعجبك فيني؟؟
عبدالرحمن:
يعجبني فيك إنت الدلع
حنون وفيك رقــــة طبع
وأحلى شي يمـــيزك
طبيعي ومنته مصطنع!
اسمهان(بحزن):أنا أكلمك بجد ياعبدالرحمن..ماقلت لك اكتب فيني قصيدة..
عبدالرحمن:ياحياتي أوقات الشعر يكون أبلغ من الكلام..عموماً تعجبيني بكل شي فيك من راسك لرجولك!والطباع حتى الشين منها أحبه لأنه منك انتي!!
اسمهان:يعني انت مو متضايق إني أنقص من غيري؟؟
عبدالرحمن:وشهو؟أنقص من غيرك؟ ماعاش من يقول هالحكي!ليش ياعيوني تقولين إنك ناقصة؟أنا زوجتي أحب إنها تكون انسانة عندها ثقة بنفسها وقدراتها وماتصدق هالحكي عن نفسها أبد!!!!!!!
اسمهان_(بصوت باكي):بس أنا إلا الآن ماحملت!اللي بسنك عندهم أطفال بالمدارس بس انت محروم لسه وش ذنبك؟؟
عبدالرحمن:ردينا على نفس الموضوع ياسمهونة؟يابنت الحلال أنا اللي غلطان إني ماتزوجت بدري وجبت عيال!انتي ليش زعلانة؟وبعدين إحنا ماصار لنا إلا 6 شهور متزوجين.تبين على طول يصير عندنا عيال؟؟وين صارت هذي؟؟
اسمهان:طيب اش تبيني أسوي أنا مليت مليت!
عبدالرحمن:ليش مليتي وانتي أساساً ماعندك وقت تمِلين فيه؟كل يوم أجيبك من المدرسة الساعة 2 الظهر وأروح دوامي الساعة 3 الظهر وماأجي البيت إلا الساعة11 بالليل وألقاك بسابع نومة!!!ويومك كله ضايع بين النوم أو شغل البيت أو المذاكرة أو التليفونات والنت!
اسمهان:بس أنا أحس إن عندي مشكلة وماني مثل غيري!كل اللي أعرفهم تزوجوا بنفس الفترة اللي أنا تزوجت فيها حملوا إلا أنا!!
عبدالرحمن:اسمهان كل شي مقدَّر ومكتوب وبيصير في وقته..بس انتي لاتشغلين بالك وفكري بدراستك وبس..وعقب التخرج من الثانوي يحلها حلاَّل!
===============
وكانت رانية قاعدة مع أمها بالبيت
رانية:يمه..أنا لازم أسوي موعد عند أخصائية تغذية!!
أم رانية:ليش؟خير؟
رانية:يمه وزني زايد ولازم أشوف لي حل!
أم رانية:مبررررررروك..بس صح النوم!لي سنين وأنا أتحايل عليك وأقول لك استحي على وجهك مرة وارحمي نفسك من الأكل وماكنتي تسمعين!هالحين اش اللي استجد؟؟؟
رانية:اعتبريها صحوة ضمير!
آسفة يآحلوآت هذآ اللي قدرت عليـه اليوم بكرة بعد العشآء إن شآء الله نكمـل..

رائعة جدااا

يعطيك العافية على المجهود الاكثر من ائع

	#30
●∫ ۈدع’َـتڪْ !..	رد: أسمهان وعبدالرحمن قصة أسرية هادفة بكل اجزاءها متتابعة روآية سعودية أسمهان وعبدالرحمن قصة أسرية هادفة بكل اجزاءها متتابعة روآية سعودية رائعة جدااا يعطيك العافية على المجهود الاكثر من ائع