ازياء, فساتين سهرة


العودة   ازياء - فساتين سهرة و مكياج و طبخ > أقسام عامة > قصص و روايات > روايات طويلة
تسريحات 2013 ذيل الحصان موضة و ازياءازياء فكتوريا بيكهام 2013متاجر ازياء فلانتينو في باريسمكياج العين ماكياج دخاني makeup
روايات طويلة مو أنا السندريلا و قلبي يستاهل أمير يوجد هنا مو أنا السندريلا و قلبي يستاهل أمير روايات سعودية افضل روايات طويله long novels رويات بنات للجوال و روايات حب رومانسية TXT

فساتين العيد


 
قديم   #21

حكايةإحساس


رد: مو أنا السندريلا و قلبي يستاهل أمير


مو أنا السندريلا و قلبي يستاهل أمير


جلسوا كلهم يسولفون و خصوصا غزل و سارة حبوا بعض كثيييير ..
و صاروا مثل الصديقات و كأنهم يعرفوا بعض من فترة طويلة ..
أما سعاد فهي كانت حامل في انتظار اول مولود لها و حدها كيوت ..
و رنا مخطوبة لولد خالها ..
أما ايمان لا هذا و لا هذا تدرس في الكلية ..
اما في صالة الرجال هناك خال رائد و رجل خالته ..
و اولادهم علي و عبد الرحمن ..
و بعد السوالف يوم جه العصر الجو الدافيء داخل الفيلا خلا نص الموجودين في البيت نايمين ما عدآ غزل و سارة و رنا اللي جالسين في غرفة غزل و الشياب ..
رنا : انا اول مرة اسمع عنك كل مرة نزور بنات عمي ما يتكلمون عنك ..
غزل ما درت شتقول و شترقع بس : انا ما كنت موجودة ..
رنا باستغراب ك ما فهمت عليك ..
فهالحظة طق الباب : طق طق طق ..
غزل تنهدت بارتياح ..
و فتحت الباب بعد ما تغطوا البنات و كان أبو رائد هو اللي طاق الباب ..
أبو رائد : بنات بأخذ شوي معي غزل أبوها يباها في موضوع مهم ..
سارة : خذ راحتك ..
طلعت غزل تمشي مع عمها و قلبها قابضنها ..
عمها حط كفه بكفها و كان يريحها و يطمنها ..
وصلوا عند الباب و غزل وقفت مو راضية تدخل ..
أبو رائد : يلا يا غزل توكلي على الله و ادخلي ..
دخلت غزل و كانت طرحتها على رأسها ..
و تفاجأت لما شافت رائد هناك و اضطربت " لا يكون قال لهم عن ليلة أمس " ..
دخلت و هي تناظر الارض ..
جاس ابو رائد جنب أبو غزل ..
و غزل جنب رائد مقابل ابوتهم بس في مسافة بينهم ..
رائد بطفش : ها يبة وش بغيت فيني ابي اطلع ..
غزل في قلبها " هالقد مو قادر يستحمل وجودي معاه بنفس الغرفة " ..
تكلم ابو غزل : أنا مسامحك يا غـ ...
غزل رفعت راسها و الابتسامة شاقة وجهها : صحيح يبة و هي واقفة ..
أبو غزل : لحين ما كملت كلامي اجلسي مكانك ..
جلست و غزل و هي تقول في بالها (( الله يستر )) ..
أبو غزل واصل كلامه : بشرط انك تتزوجين ..
رائد يقول ف نفسه : و انا وش يخصني موضوع بينه و بين بنته و ش لي جالس هنا ..
قام بيطلع قال ابو رائد : اجلس مكانك يا رائد ..
أبو غزل : بشرط انك تتزوجين رائد ولد اخوي ..
رائد انصدم : نعععععععععم وش قلت عيد ما سمعت ..
أبو رائد عصب : احترم عمك يا ولد ..
رائد : و انا وش لي دخل هالموضوع بينه و بين بنته ..
غزل ما استحملت و شفاها ترتجف علامة انها بتصيح ..
و جلست تطالع ابوها و في عيونها كلام كثير ..
رائد تذكر امس الموقف و كأنه بغير رأيه : كلامي قلته انا مو موافق يعني مو موافق مو انتوا تغلطون و تبلشوني بأخطائكم ..
و طلع بعد ما رقع الباب تحت عيون شخص و سمعه ..
يا ترى من هالشخص ؟؟؟؟؟؟؟!
ابو غزل كمل كلامه : اذا ما تزوجتي رائد فأنا مو مسامحك لا دنيا و لا آآخرة ..
و مشى بعد ما ترك غزل منهارة و محتارة ..
من كلام رائد و كلام ابوها ..
يا ترى وش هالسواة ..
الكل راح غرفته و اولهم رائد اللي صفق بالباب بقوة و رمى بجسده على السرير ..
جلس يفكر و يفكر بس مو عارف وش يسوي عشان يتخلص من هالمشكلة ..
في غرفة أبو و أم رائد ..
أبو رائد جلس جنب ام رائد : ابو غزل يبي يسامح بنته بس بشرط ..
تهلل وجه ام رائد : أي شي اهم شي يسامحها ..
ابو رائد : طلب انه تتزوج ولدك رائد بس لا غزل و لا رائد متقبلين الفكرة و رافضينها من الاساس ..
استغربت ام رائد : هالقد الشي كبير اكيد فيه شي مخبيينه علي قول لي يمكن اقدر اساعدكم ..؟
أبو رائد (( احساسك عمره ما خاب )) : ما اقدر ابو غزل محلفني ما اقول ..
أم رائد : تبي رائد يوافق قول لي كل شي ..
ابو رائد بعد ما تنهد قال لها كل حكي أبو غزل و السالفة من 8 سنين ..
أم رائد : استغفر الله العظيم لا حول و لا قوة الا بالله ..
أبو رائد : و الحل ؟؟؟
أم رائد : انته تعتقد غزل سوت اللي قالوا انه سوته ؟؟
أبو رائد : ما ادري و الله محتار ..
أم رائد : معقولة طفلة عمرها 8 سنين بيطلع منها كل هذا مستحيييييل ..
أبو رائد : فارس شافهم بعينه و هو كان كبير يعني هو مستحيل يكذب وش مصلحته ..
أم رائد : و انته الصادق بس فيه شي ناقص في هالقصة ما علينه يمكن البنت تابت اذا الله يسامح ليه احنا ما نسامح خل نضرب عصفورين بحجر ابو غزل يسامح بنته و تشوف عيوني رائد متزوج و بين عياله و بحاول اقنعه خل كل الامور علي ..
أبو رائد مستانس : يعني انتي موافقة ..
أم رائد : موافقة و غزل ما شفت منها الا كل الخير في هالايام لازم نشوف الحاضر و ننسى الماضي و هي اللي بتسعد ولدي رائد حتى لو هو ما اكتشف هالشي بيكتشفه مع الايام ..
ابو رائد باس ام رائد على جبينها و كأنه يقدر هالمرة على عقلها و تفهمها للأمور ..
غرفة رائد ..~
كان راد نايم و اندق الباب طق طق طق ..
قام من مكانه و فتح الباب : هلا يمة تفضلي ..
دخلت أمه و جلست على الكنبة و جلس رائد جنبها ..
أم رائد : ابي اكلمك بموضوع ..
رائد : قولي ..
أم رائد : ابوي قال لي عن موضوعك انته و غزل ..
رائد عصب حيييييل بس سكت لانه ما يبي يرفع صوته على أحن انسانة في الوجود ..
رائد : انا ما ابيها ..
أم رائد : ليه ما تبيها ؟؟؟
رائد : ليه ابوها يزوجها بهالسن هي صغيرة ما تفهم في هالامور ..
أم رائد ضحكت : انت علمها ..
انحرج رائد : مو قصدي كذآ قصدي أكيد انها سوت شي مو زين خله أبوها يتصرف هالتصرف ..
أم رائد : انزين و اذا انا اللي طلبت منك انت انك تتقدم لها ببتعصيني ..
رائد : يمه انا ما ابيها يمكن أحب وحدة و أبيك تتقدمين لها ..
أم رائد : لا تقص علي يا ولد امك انا طول عمري اعرفك و اعرف اسرارك أنا عارفة انك مو متقبل انك تتزوج بهالطريقة ..
بس أنا احب غزل و اعزها و اعرف انها بتسعدك و بتكونين ثنائي رائع ..
رائد جلس يفكر في كلام أمه ..
و الام تطالعه : انا ما ابي اغصبك و اقولك اني مو راضية عليك و افرض عليك انك تتزوجها بس تذكر انك اذا تزوجتها عمك بيسامحها و بترجع تتكون عائلة من جديد فلازم تفكر بمصلحة غيرك مو بس مصلحتك ..
رائد وضع راسه على صدر امه و هي جلست تلعب بشعره ..
رائد : و اذا وافقت ما اوعدك احبها لانها ما تناسبني ..
ام رائد تبتسم : بنشوف مع الايآم ,,,
و الحين جه وقت وصف الشخصيات لكم ..
غزل : 16بنت كيوت ملامحها حلوة حيل و مرسومة بيضاء و شعرها اشقر بس مو مرة بس يناسبها و عينها عسلية خجولة بس يمكن في نقطة تتحول لجريئة و هالشي بنشوفه في البارتات الجاية ..
هند : 18بنت عسل مملوحة بشرتها قمحية و شعرها لرقبتها لونه أسود و عيونها كبار و يجذب الناظر لها ..
أنغام :19 طويلة و جسمها حلو بيضاء و عيونها سود و شعرها لنص ظهرها اسود
لها جاذبية ..
رائد :23 شعره اسود و طويل وسيم و جذاب حيل له لحية خفيفة مرتبة عليه و عيونه سود أبيض بس مو مرة جسمه حلو و عنده عضلات بس مو كثير ..
اولاد خال رائد ( عبد الرحمن –سارة – سعاد )
سعاد : 24حامل مثل ما قلنا و زوجها مسآفر فهي جالسة ويه بيتهم .
عبد الرحمن : 23طويل و نحيف مملوح ..
سارة : 16 جميلة شعرها كيرلي و بني فاتح طويل لخصرها و عيونها بنية ..
اولاد خالة رائد ( ايمان – رنا - علي)
رنا : 20 بنوتة مخطوبة لولد خالها عبد الرحمن ..
ايمان : 19 شعرها بني لكتفها و عيونها بنية و بيضة تحب رائد بس ما قالت لأحد بهالشي ..
علي :18 جسمه مليان و يموت بسارة ..


**********************
ا
نهاية البارت العاشر


أسئلة البارت :
- تتوقعون شنو اللي دفع غزل انها تضم رائد ؟؟؟! و وش رايكم بحركتها ؟؟ و هل تتوقعونها نادمة على حركتها ؟
- وش رأيكم بخطبة ناصر لنورة تتوقعون نورة توافق او لا ..؟
- وش رايكم باقناع ام رائد لرائد بالموافقة على خطبة غزل ؟؟
- وش رأيكم باللي صار بين شجن و ياسر ؟؟؟ هل بتشوف بنتها او لا ؟؟ هل بيحن قلب ياسر عليها ؟؟ هل هو صدق يكرهها و ما يحبها ؟
- ملاحظاتكم حول رائد , غزل , ابو غزل , ام رائد ...

 
قديم   #22

حكايةإحساس


رد: مو أنا السندريلا و قلبي يستاهل أمير


مو أنا السندريلا و قلبي يستاهل أمير

البارت الجاي نفس اليوم الاربعاء

 
قديم   #23

حكايةإحساس


رد: مو أنا السندريلا و قلبي يستاهل أمير


مو أنا السندريلا و قلبي يستاهل أمير

وبلللليييييز مانبي متابعه بصمت ابي ردود ولابوقف تنزيل روايات

 
قديم   #24

أَشْتــَـآقُـ إِليكـَ


رد: مو أنا السندريلا و قلبي يستاهل أمير


مو أنا السندريلا و قلبي يستاهل أمير

قصدك انا بنتظر للاربعا ء بدكم ياني جن ههههههههههههههههههههههههههههه


حرام عليكم ارحموا حالي ترا انا ضيعفه ههههههههههههههههههههههههه يالله ننتظرك ياعسل واحلي تقيييم لعيونك

 
قديم   #25

حكايةإحساس


رد: مو أنا السندريلا و قلبي يستاهل أمير


مو أنا السندريلا و قلبي يستاهل أمير

ياقلبي انتي سوري مضطرين ننتظر للاربعاء

فديتكم والله

 

أدوات الموضوع



الساعة الآن توقيت السعودية الرياض و الدمام و القصيم و جدة 03:43 PM.


 
Powered by vBulletin® Copyright ©2000 - 2024,
vBulletin Optimisation provided by vB Optimise (Pro) - vBulletin Mods & Addons Copyright © 2024 DragonByte Technologies Ltd.

Search Engine Optimization by vBSEO 3.6.0