ازياء, فساتين سهرة


العودة   ازياء - فساتين سهرة و مكياج و طبخ > أقسام عامة > قصص و روايات > روايات طويلة
تسريحات 2013 ذيل الحصان موضة و ازياءازياء فكتوريا بيكهام 2013متاجر ازياء فلانتينو في باريسمكياج العين ماكياج دخاني makeup
روايات طويلة قطار الحب يوجد هنا قطار الحب روايات سعودية افضل روايات طويله long novels رويات بنات للجوال و روايات حب رومانسية TXT

فساتين العيد


 
قديم 02-26-2013, 09:51 PM   #1

سبرينج روز

:: كاتبة نشيطة ::

الملف الشخصي
رقم العضوية: 159504
تاريخ التسجيـل: Mar 2011
مجموع المشاركات: 102 
رصيد النقاط : 0

صورة متحركة وجه بنت قطار الحب


قطار الحب

قطار الحب
Part 1
الرواية عبارة عن حياة بنت اسمها بيلسان شافت الاحزان والمآسي والفرح والسعادة مشيت على مثل الحياة حلوة ومرة
راح نبدأ
الصباح الساعة تسعة ام بيلسان:يلا اصحي يا بيلسان اليوم نتائج الجامعة عسى ربي يوفقك
بيلسان:طيب يا ماما دقيقة وراح اصحى اطلعي انتي وانا جاية وراك
بيلسان صحيت ولبست واتصلت على صحبتها صالحة وعيشة عشان هم مع بعض في نفس الكلية وعدت عليهم وراحوا سوا الكلية وكانوا مررررررررررررررة متوترات وهم داخلين شافوا صاحيتهم اللي معاهم فى الدفعة اللي تبكي واللي تضحك وفجأة راحوا عشان يستلموا النتيجة من المديرة وراحو فقالت المديرة:بيلسان مبروك طلعتي الاولى وبالنسبة لصالحة وعيشة فمبروك كمان انتوا جبتوا جيد جدا مرتفع وايوة يا بيلسان الوزارة قررت تطلع الاوائل على كليات ادارة الاعمال وتدخلهم اختبار والخمسة الاوئل على في هذا الختبار راح يتوظفوا في شركات عالمية وانتي طلع اسمك من ضمن المشتركات واتمنى انك تشاركي وتفوزي والاختبار بعد شهر فقالت بيلسان وهي فرحانة :اكيد هذا عرض مغري وبعد ما طلعت بيلسان وصالحة وعيشة من الجامعة قالت عيشة :الف مبروك حبيبتي بيلس مرة فرحتلك
صالحة:الله يوفقك ان شاءالله بس لاتنسينا في الحلاوة
بيلسان : اكيد حبيبتي بس يابنات تعالوا نخرج مكان نحتفل بنجاحنا
صالحة:ايوة صح عندك حق
عيشة:يا بنات انا اعرف مكان مررة يجنن تعالوا نتغدى فيه
بيلسان:نتغدى ودحين
عيشة:ايوة الساعة دحين 11:30 وعبال ما نوصل راح تكون السة 12:00
وبعدين بعد ماراحوا جلسوا وطلبوا الاكل ودار بينهم الحوار التالي
عيشة:انتهت مهمة ادراسة صارت مهمة البحث عن عريس
صالحة:ههههههههههههههههه
بيلسان:بالنبة لكم ام بالنسبة لي مستحيل اصلا ابغى اسوي دراسات عليا في ادارة الاعمال بس ادعولي يابنات
صالحة:تعرفي يا بيلس لو نجحتي في هذاك الاختبار اللي قالت عليه المديرة والله راح يضمنلك مستقبلك ان شاء الله تتوفقي
عيشة:طيب خلصتوا اكل يلا نطلب عصير وناخذوا معنا ونطلع
بيلسان:طيب حبايبي اطلبولي عصير فراولة عبال ما اروح الحمام
صالحة:لاتتاخري بس
عيشة :اخيرا رجعتي يا بيلس
بيلسان:ايوة بس وين العصير لاتكونوا شربتوه
صالح: لايا غبي ماشربناه يلا شوفي الجرسون جابو
وفجأة وهم طالعين صدمت بيلسان بواحد ودار بينهم الحوار التالي
بيلسان: انا اسفة جدا ما كنت قاصدة ايم سوري
الرجل:انتي ايش سويتي (بنبرة غاضبة جدا)
بيلسان:انا اسفة ما كنت قاصدة
الرجل:من اي بنك اصرفلك اسفة هذي
بيلسان:استغفر الله العلي العظيم
عيشة:بيلسان يلا تعالي بجد هذي ناس ما تفهم يلا
وبعد ماركبوا السيارة
صالحة:مبروك النجاح(بنبرة تريقة)
بيلسان:قفلي فمك بجد عصبني هذا الرجل ما يفهم عربي
عيشة:حسيت من لكنته انو مو من هنا بس تصدقي وسيم مرررررررررررررة
بيلسان:ايوة وانا اقول وانا جالسة اتخانق مع الرجل ايش بها متنحة هذي البنت بس طلعت عيونك على شئ ثاني وهذا كل الي هامك والله مافي غير صالحة حبيبة قلبي
صالحة:بس والله الحق ينقال هو مرررررررررررررررة يجنن
بيلسان:ايوة والله بجد هو وسيم يعني ما اختلفنا
وبعد مرور اسبوعين الحال يبقى على ماهو كل وحدة في بيتها بيلسان تحضر للماجيستير وصالحة سافرت يومين دبي واما عن عيشة صالرلها شئ ما كاناحد يتوقعوا تابعونا في part2 لتعرفوا ايش اللي صار

الصور المرفقة

 


التعديل الأخير تم بواسطة ڒوعۂۄفٱٲڪ ; 04-02-2013 الساعة 05:47 PM. سبب آخر: الموضوع ليس في مكانه الصحيح وينقل للقسم الصحيح (نقل من 81 إلى 89)
 
قديم 02-28-2013, 03:17 PM   #2

جود ي الحلوه


رد: قطار الحب


قطار الحب

يعطيييك العاافيه ياقلبي


ننتظر البارت الثاني لكن عندي سؤال هذي قصه أو روااايه


جووودي

 
قديم 03-03-2013, 08:27 PM   #3

سبرينج روز


رد: قطار الحب


قطار الحب

قطار الحب
Part2

اكيد الجميع بأنتظار اللي صار لعيشة خلونا نرجع لورا شوية او قبل اللي صاربيوم
صالحة تتصل على عيش ويدور بينهم الحوار التالي
صالحة:عيوشي كيفك
عيشة:كيفك انتي وحشتيني كل هذي الفترة وما تتصلي تراكي نذلة
صالحة:والله لو تعرفي المشاغل اللي انا فيها لتعذريني حبييتي
عيشة:احكيلي يلا بس تعرفي لو موسبب مقنع تعرفين اكيد ايش راح اسوي فيك
صالحة:طبعا انا جالي عقد عمل في لبنان وكل هذي الفترة وانا اقنع اهلي والمصيبة الاكبر اتقدملي واحد محتارة يعني ولو وافقت راح يضيع عقد العمل وراح يضيع مستقبلي
عيشة:طيب صلوح فكرتي في هذي الحكاية
صالحة:لسه والله محتاجة رأيك وانتي بيلس مررررررررررة اشتقلها
عيشة:اي والله ايش رأيك نتصل عليها ونخرج سوا ونفكر بحكايتك
صالحة:بس يمكن تكون مشغولة هي عندها اختبار بعد اسبوعين وراح نشغلها
عيشة:لالا عادي تعرفينها هي تحبنا وتحب تخرج معانا يلا باي راح اتصل عليها
صالحة: يلا باي حبيبتي
واتصلت عيش على بيلسان
عيشة:هلا بالحلوين اللي ما يتصلوا
بيلسان:عيوشي والله اشتقتلك حبيبتي سامحيني 24 ساعة اذاكر
عيشة:عارفة حبيبي وعذرتكي شوفي اتفقت انا وصلوح انو احنا الثلاثة نخرج سوا بكرة
بيلسان:ماشاء الله قررتوا خلاص بالله قوليلي ايش البس
عيشة :افضل ملابس فضفاضة ههههههههههههه
بيلسان:لايا شيخة صدقتي نفسك هههههههههههه
عيشة:خلاص جهزي نفسك بكرة الساعة ستة الصباح
بيلسان:خير ستة مين هذا اللي فاتح الساعة ستة
عيشة:اجهزي بس ومالك صلاح خلاص ثيلا باي
بيلسان:امري لله باي
واتصلت عيشة على صالحة عشات تبلغها بالموعد وماكان في احد يعرف وين رايحين الا عيشة
وعدت عيشة على صالحة وبيلسان وركبوا السيارة ودار بينهم الحوار التالي
بيلسان:لوين اخذتينا عيوشي
عيشة:مفاجآة
صالحة:تراكي عاد زودتيها يلا قوليلنا
عيشة:صدعتوني صدعتوني خلاص راح اقولكم رايحين رحلة برية
(بيلسان وصالحة يطالعون في عيشة باستغراب وحقد)
بيلسان:انتي يا بنت مطلعتني من البيت الساعة 6 ومقيمتني عشان اروح البر انتي اكيد مجنونة
صالحة:الله يقطع ابليسك حرقتي دمي
عيشة:انا الغلطان ابغاكم ترفهوا عن نفسكم شوية عشان كيذا استئجرت ثلاثة دبابات
بيلسان:انتبهي وصلتي لنقطة ضعفي تعرفين انو انا اموت في الدبابات عشان كيذا راح اسكتلك بس ثاني مرة ماراح اسكتلك
ووصلوا البنات البر وركبوا الدبابات ووصلت اللحظة المشئومة
صالحة:عيوش لاتبعدي
عيشة:لاعادي متعودة
بيلسان:يا عيشة خايفين عليكي لاتبعدي وتعالي هنا
عيشة(وهي تكلمهم من بعيد):يابنات انا طالعة هذا الجبل يلا تعالوا وراي
ولما عيشة طلعت على اول ثلث من الجبل تحولت ضحكاتها لصراخ لانو بنزين الدباب خلص وبدأ الدباب يرجع لورا وماكانت قادرة تسيطر عليه وطاحت عيشة بس عبال ماراحولها بيلسان وصالحة كانت فراقت الحياة وكان صعب على صالحة وبيلسان يتخطوا اللي صار والمصيبة انو صار كل هذا قدامهم لكن ما باليد حيلة عشان كيذا اهل صالحة اخذوها يومين دبي عشان تنسى واما بيلسان فكانت تحاول تنسى وخضعت بيلسان للاختبار ونجحت وطلعت بالمرتبة الثالثة وكان كل عيلتها واصدقائها حوليها حتى صالحة ما تركتها بس كان نقصها شئ وشئ كبير كمان بس كان لازم بيلسان تسافر امريكا لانو جالها عقد عمل هناك في شركة عربية امريكية وكان صعب على بيلسان فراق صالحة بس ما كان قدامها شئ وسافرت بيلسان امريكا واستقبلوها في المطار مجموعة من موظفي الشركة وعلى طول راحت على الشركة علشان تتفق مع رئيس مجلس الادارة (مالك الشركة) على عقد العمل وتفاجآت بيلسان اول ما شافتو ودخلت بيلسان وقالتلو:كأني قد مرة شفتك فرد عليها:انتي يمكن مانك مذكرة بس انا مرة مذكرك تمام ومذكر عصير الفراولة اللي لمن دحين ما طلع من القميص
طالعتلو بيلسان بأستغراب ومفجوعة وقالت:اغرب صدفة في حياتي انت اصلا ايش جايبك هنا يا هذا فرد عليها:
اول شئ هذي مو صدفة هذي قصد لاني اول ما خيروني بين الخمسة الاوائل اخترتك انتي بالذات ثاني شئ انا اللي جايبني هنا انو انا مديرك ثالث واخر شئ انو انا مو اسمي هذا انا اسمي زياد
فطالعتلوا بيلسان بأستغراب من اسمه
فقال زياد:لاتستغربي من اسمي لانو انا عربي مسلم وكل اللي في الشركة عربيين مسلمين
فراح زياد نادى على موظفة وقالها انها تدل بيلسان على مكتبها وودتها فقالت الموظفة لبيلسان:مرحبا انا اسمي ليلى وراح اكون مساعدتك وانتي راح تكون مساعدة المدير الشخصية يعني اعتاق الشركة كلها عليكي
بيلسان:الله يقدرني بس عليها
ليلى:هذي كل ملفات الشركة ومفاتيح السيارة وبيتك وعنوانه وتقدري دحين تروحي وراح تلاقي شنطك سبقتكي بس لازم تسوي دراسة على هذي الملفات وتجيبي بكرة تقرير مفصل وتعطي لاستاذ زياد
بيلسان:طيب في شئ ثاني
ليلى:لا بس روحي بس لازم بكرة تيجي الساعة 8 الصباح
ولما راحت بيلسان بيتها لقيت اغرب شئ ممكن تشوفوا في حياتها لتعرفوا ايش صار استنونا في part3

 
قديم 03-06-2013, 08:44 PM   #4

سبرينج روز


رد: قطار الحب


قطار الحب

قطار الحب
Part3
وبعد مادخلت بيلس البيت لقيت ملف فيه جميع معلوماتها بس لقيت شئ غريب انو اسم امها مو نفسو المهم وحتى اسم ابوها قالت يمكن غالطنين وراح اسئلهم بكرة عن هذا الخطأ وبدأت تجهز الملفات وجا اليوم الثاني وصحيت من النوم لبست وسوت الفطور وفطرت وطلعت وركبت سيارتها ووصلت الشركة ولمن وصلت مكتبها راحت لليلى وقالتلها:
بيلسان:هذي الملفات اللي سويت عليها دراسة
ليلى:اعطيني اشوف (بعد ما شفتها ليلى) باين عليكي شاطرة وبكيذا تكوني عديتي الااختبار الاول
بيلسان:ماني فاهمة ايش هو يعني؟
ليلى:شوفي يا بيلسان احنا اي واحد يتقدم لهذي الوظيفة نعطيله هذي الملفات علشان يسوي عليها دراسة بس انتي الوحيدة اللي نجحتي خلاص عرفتي في اي سؤال ثاني
بيلسان:امس يوم ما شفت ملفي لقيت معلومات غلط
ليلى:يمكن احنا ملخبطين خلاص جيبي ملفك وانا راح اضبطلك اياه
بيلسان:طيب
وبعد ماراحت بيلسان مكتبها دخل عليها زياد
زياد:خذي هذي الملفات رتبيها وعدليها ترى هذي الملفات مصيرية يعني تزودي صفر تنقصيه مجموعةالشركات راح تروح في داهية
بيلسان:يا فرحتي اول يوم و 15 ملف اجل بكرة كم ان شاء الله
زياد:شوفي انتي اللي اتقدمتي للوظيفة يعني انتي متحملة مسوؤلية نفسك
بيلسان:ايش راح اقول
زياد: وياريت تسرعي ماني فاضيلك
وطلع زياد وصقع باب مكتبها بقوة
بيلسان(بصوت واطي)روحة بلا رجعة
وبعد ما خلصت الملفات كانت الساعة1بالليل وراحت بيلسان لمكتب زياد
زياد:اخيرًا من اول استنى
بيلسان:والله لو مستعجل قلل ملفاتك
زياد:تعرفين من يوم اجيتي لاحظت عليكي شئ
بيلسان:ايش ان شاءالله
زياد:كلامك اكثر من افعالك
بيلسان: (بنبرة غضب) آآآآآآآآآآآآآآآآآآآآآآآه في شئ ثاني حضرتك
زياد:لآ خلاص روحي بس ها بكرة تعالي بدري
بيلسان طلعت من مكتبه من غير حتى ماترد عليه وركبت سيارتها وراحت ولمن وصلت بيتها غيرت ملابسها وبدأت تشتغل في ملفات الشركة وفضلت تشتغل لمن الساعة 9 الصباح وراحت عملها مواصلة ولمن دخلت الشركة طلعت على طول على مكتب زياد بس لقيت واحدة جالسة على المكتب بدال زياد
بيلسان:آآآآآآآآآه استاذ زياد موهنا
فردت عليها:لا انا هنا بداله بس اليوم آه انا اسمي شهد اخت زياد
بيلسان:اه انتي اختو اكيد انتي اخته الصغيرة صح ولاانا غلطانة
شهد:شوفي انا اخته نص نص
بيلسان:ها كيف
شهد:يعني انا اختو بس من امه
بيلسان:آها طيب هذي الملفات اللي انا اشتغلت عليها
شهد:ممكن اشوفها
بيلسان:طبعا اتفضلي
شهد: (بعد ماشافت الملفات) غريبة
بيلسان:ايش الغريبة
شهد:بالعادة اخوية زياد ما يعيطي هذي الملفات لاحد هو يسويها بنفسو وحتى لو احد سواها يعني مو احد
بيلسان:يعني هذا شئ حلو ولالآ
شهد:لاطبعا كويس
بيلسان:طيب انا راح اروح حضرتك تأمري بشئ ثاني
شهد:لاحبيبتي شكرًا
ولما بيلسان جات تطلع من المكتب صدمت في والد صغير
بيلسان:آآآآآآآآآآآآه يا ولد انتبه لنفسك
الولد:اسفة والله ماكنت اقصد
شهد:عمر حبيبي تعال هنا
بيلسان:هذا ولد يا شهد
شهد:ايوة
بيلسان:بس غريبة انتي صغيرة على حسب ما اعرف انتي عمرك22
شهد:لا هذا ولدي بالتبني
بيلسان:بس غريبة فيكم شبه من بعض
شهد:والله مادري يمكن ابني وانا ماني دارية ههههههههههههههه
وخرجت بيلسان من المكتب وقابلها موظف اسمو وسام
وسام:اهلا اكيد انتي بيلسان
بيلسان:ايوة
وسام:انا اللي راح اساعدك في عملك لاني انا خبرة اكيد عنك
بيلسان:(قالت بصوت واطي) خبرة عشنا وشوفنا
وسام:حضرتك تقولي شئ
بيلسان:لاولاشئ
وسام:طيب تعالي نروح المكتب عشان نكمل شغل
بيلسان:طيب
وبعد ماوصلوا المكتب
وسام:اكيد راح تسافري
بيلسان:كيف ماني فاهم ولوين اسافر
وسام:انا قصدي طالما زياد ماجا اليوم اكيد بكرة عنو سفر مع جروبو وانتي طالما مساعدتو الشخصية فراح تسافري معاه
بيلسان:وانت ايش دراك
وسام:آآآآآه صح نسيت اقولك انا اكون صديقه اعزيز ويكون لي ربع هذي الشركة
بيلسان:قلي يا استاذ وسام يا تري كن في احد قبلي في هذي الوظيفة ولو كان في ليش راح
وسام: ايوة طبعا بس كلهم استقالوا الا خمسة 2ماتوا و3 في مستشفى المجانين
بيلسان:ايش
وسام:لالالاامزح لا تتعصبي كيذا وتسوي الثمانية والثمانين حقك بس كلهم استقالوا لانهم ما اتحملوا العمل
بيلسان:طيب يلا نكمل
لتعرفوا ايش صار في اليوم الثاني استنونا في part4 يوم الاربعاة

 
قديم 03-13-2013, 06:39 PM   #5

سبرينج روز


رد: قطار الحب


قطار الحب

قطار الحب
PART4
ولما راحت بيلسان البيت اشتغلت وخلصت شغلها وراحت تنام صحيت بيلسان متأخرة لانها من كثرة الشغل ما ضبطت المنبه ونامت على نفسها ولبست بسرعة وما فطرت وراحت الشركة على واول مادخلت راحت عشان توقع على ملف حضورها عند الاستقبال فقالتلها الموظفة:استاذة بيلسان استاذ زياد يبغاكي مررة ضروري في مكتبه وشكله مررة معصب
بيلسان:يالله بس ماتدري ليش معصب
الموظفة:تعرفين ان مساعدة المدير لازم تيجي قبله يعني تيجي اول واحدة في الشركة
وراحت بيلسان وهي مرررررة خايفة ليعصب عليها زياد ولما دخلت مكتبو
زياد:بدري مرررررة بدري بالله ثاني مرررة خفي علينا من حضورك المبكر هذا
بيلسان:حضرتك انا مرة اس(راح زياد مقاطع كلامها)
زياد:قوليلي اذا من البداية وانت كيذا اجل بعد يومين كيف
بيلسان: (وراحت بيلسان تكلمو بصوت مررة عالي وهي معصبة) هذي ما صارت وظيفة يعني ماانت منتا حاسس بحالتي امس ما تبجي وكل شغل الشركة على اكتافي والمفروض مني اروح الفجر واجي اول واحدة والله عامل النظافة وما يتعب في هذي الشركة زيي
زياد:صار عذر اقبح من ذنب
بيلسان:انت اللي كلامك مو واضح لو شايف اني مقصرة ولو بشئ واحد تعال حاسبني بس انا ماني مقصرة ولو اتكلمنا عن التقصير فكا واحد يطالع لنفسه
راح داخل عليهم وسام:خير يازياد اصواتكم واصلة لمن اخر الشركة ما بقيتوا احد الا وسمعتوه
زياد: خلاص مافي شئ بس المفروض انو نخف شوية العمل على انسة بيلسان
بيلسان:انا ماقلت اني تعبانة والله قلت اني ابغى العمل تخففو علي
وسام:خلاص بطلوا طفشوتوني بجد انا اللي راح يعلى صوتي مو انتوا اطفال صرتوا
بيلسان:اتفضل استاذ زياد هذي ملفات الشركة اي اوامر ثانية
زياد:لا اتفضلي
وسام:دقيقة بيلسان ابغى اقولك شئ ياريت تسنيني بره
بيلسان:طيب
وسام:ايش هذا اللي سويتو لمتى على هذي الحلة لمتى
زياد:مو كل شوية يا وسام تقولي هذا الكلام خلاص حفظتو
وسام:والله اللي يكلم معاك يجن انا طالع للادمية اللي تركتها بره وانتي ثاني مرة اوزن كلامك قبل ما تقولو لانو كلمك مرة جارحة
وسام:انا مرة اسف على الكلام اللي قالو لكي زياد معليش امسحيها في هذي المرة
بيلسان:وانت ايش ذنبك اصلا شكلو انو مالي حظ اني اكمل في هذي الوظيفة
وسام:لالاعاد تقوليها انا من يوم ماشفتك وشفت فيكي البنت اللي ممكن تقوم حال الشركة من حال الى حال من فضلك تروحي دحين مكتبك وتكملي شغل
بيلسان:شكرا وسام مادري من دونك ايش كنت راح اسوي
وبعدين راح كل واحد فيهم مكتبه وجات الساعة 11بالليل فراح زياد لمكتب بيلسان
زياد:بيلسان احجزي ثلاثة كراسي في اول طيارة رايحة على دبي
بيلسان:طيب بس باسماء مين
زياد:باسمي واسم وسام واسمك وكل معلوماتي انا ووسام راح تلاقيها في هذا الملف
بيلسان:بس متى تبغاها
زياد:بعد ثلاثة ساعات عندنا صفقة مهمة هناك ولازم نروح بدري يلا احجزي وروحي بيتك جهزي ملابسك وراح نمر عليكي انا ووسام
بيلسان:طيب """"""""""""""""""""""خلصت بيلسان الحجز وراحت البيت وجهزت شنطتها ودق عليها زياد
زياد:الو بيلسان خلاص جهزتي
بيلسان:ايوة خلصت
زياد:طيب يلا اطلعي لانو انا ووسام بره
ولمن طلعت
وسام:كيفك ايش اخبار الاعصاب احسن من الصباح
بيلسان:هههههه يلا ماشي حالها
زياد:يلا خلصوني راح نتأخر
وسام:جيبي شنطتك واجلسي ورا
ولما جات بيلسان تركب داخت فمسكت في السيارة
وسام:بيلسان ايش بك
بيلسان:يمكن دخت شوية
وسام:انتي متأكدة انو ما فيكي شئ
بيلسان:ايوة متأكدة
زياد:لو تبي راح نوديكي للدكتور
بيلسان:لاشكرا يلا الطيارة ما بقيلها الا ساعتين
ولمن وصلوا المطار
زياد:خلونا نستنى في قاعة الانتظار
وسام:بيلسان انتي ايش بك تراكي مانتي طبيعية اليوم
بيلسان:مررررة دايخة
وسام:زياد خذ بيلسان عشان تجلس عبال ما اجبلها شئ تاكله
زياد:طيب تعالي بيلسان خلينا نجلس هناك
وراحوا جلسوا
زياد: بيلسان"""""""""""""""""""بيلسا ن انا لما جلست مع نفسي وفكرت باللي صار اليوم يعني شوفت اني زودت الموضوع شويتين
بيلسان:شويتين آه اجل لو زودتها مرة ايش كان صار
زياد:لا يعني لو زودتها مرة كان زمانك في الانعاش هههههه
بيلسان:هههههههههه لاقوية هذي المرة ههههههههه
وسام:سبحان الله اللهم سكنهم في مساكنهم تراني رحت دقيقة رجعت لقيتكم تحولتوا من حال الى حال المهم خذي كلي عشان دحين طالعين الطيارة
بيلسان:خلاص خلصت
زياد:يلا خلصي كل اكلك ما فينا نستقبل حالات اغماء
بيلسان:والله خلصت
وسام:يلا ينادوا على رحلتنا
وطلعوا الطيارة
بيلسان:تذكرتي معاك
وسام:ايوة
بيلسان:طيب شوفلي وين مكاني
وسام:انتي في النص وانا عند الشباك وزياد على الطرف
وجلسوا على كراسيهم وربطوا الاحزمة وبدأت الطيارة بالاقلاع
بيلسان:يالله ما لقيوا الا في النص ويحطوني
زياد:ليه كنتي تبي على الطرف لانك تدخلي الحمام كثير يعني ولا ايه
بيلسان:الله لم نفسك بس مو عشان كيذا بس انا ما احب الحشرة هذي بس والله يا جماعة حاسة اني ناسية شئ
وسام:اكره ماعندي هذا الاحساس والمصيبة ما يجيني الا بعد ما تطلع الطيارة بس ان شاء الله ما تكوني ناسية شئ
بيلسان:لا انا ناسية شئ متأكدة مو تحسون انو برد شوية
زياد:يمكن عشان احنا في الشتاء او المكي(راحت بيلسان مقاطعة كلامو)
بيلسان:يا الله نسيت الجاكيت حقي قي صالة الانتظار
وسام:يا فرحتي هلي هلي
زياد:مو مشكلة احنا راح ننزل ترانزيت الرياض اشتري من هناك
بيلسان:مو هذي المشكلة المشكلة انو في جيب الجاكيت في الاس اي ام حقتي اوف يالله ناقصة انا
وسام:خلاص انا اعرف واحد راح اخليه يرجعلك الارقام اللي على شريحتك لاي شريحة تانية
بيلسان:شكرا يا وسام بس الجو مرررررررة بارد
(راح زياد ووسام مفسخين الجاكيت حقهم عشان يعطوها اياه)
بيلسان:آآآآآآآآآآآآآآآآآه شكرا زياد خلاص را اخذ حق وسام
(كان في شوية غيرة في قلب زياد) عشان تعرفوا ايش صار في الترانزيت انتظرونا في part5 يوم الاربعاء القادم بحول الله وقوته

 

أدوات الموضوع



الساعة الآن توقيت السعودية الرياض و الدمام و القصيم و جدة 10:45 AM.


 
Powered by vBulletin® Copyright ©2000 - 2019,
vBulletin Optimisation provided by vB Optimise (Pro) - vBulletin Mods & Addons Copyright © 2019 DragonByte Technologies Ltd.

Search Engine Optimization by vBSEO 3.6.0