رد: احتاجلك اذا ضيق الوقت صدري.. اتمنى من الكل يدخ
احتاجلك اذا ضيق الوقت صدري.. اتمنى من الكل يدخل..
تابع
//
في بيت لمار
لمار وخالدين وتالا لبسو واتجهزو
لمار تروح عند قتيبه:ترا سعود موجاي واحنا راح نروح مع السواق
قتيبه:احسن
لمار: قتيبه ليش تقول كذا؟
قتيبه يضحك
تروح توقف في الصاله الي فوق:بنااات ماخلصتو
تطلع تالا من غرفتها وتطلع خالدين من غرفتها
تالا وخالدين:خلاص
خالين تطالع في تالا:لابسة زي شوزي
لمار تطالع في خالدين:وانتي كمان لابسة زي شوزي
البنات يطالعو في رجول بعض
لمار وخالدين وتالا:ههههههههههه
تالا:معقول صدفه كلنا نلبس زي بعض
خالدين:اشكالنا اراقوزات
لمار:ههههههههه وربي تحفه
قتيبه يطلع من غرفته ويطالع في البنات بغرور
لمار:موعاجبينك
قتيبه بغرور يهز راسه ويأشر بيده:لأ
ويروح ينزل تحت
خالدين:يقهر
تالا:مغرور
لمار:مره
قتيبه من تحت:ترا سمعتكم
البنات:ههههههههههههه
في بيت ابو مازن
في غرفة نوف
نوف ماسكه الجوال:ها حبيبي ترا طولت مره
بدر:حبيبتي امي موراضيه ترجع جده تبغى تجلس في لندن وانا موقادر اتركها هيا ومروان لوحدهم
نوف:طيب يعني
بدر:قريب انشاء الله بس اطمن عليهم اكثر وبرجع
نوف زعلت:بكيفك..انا طالعه دحين ردسي اكلمك بعدين
نوف سكرت الخط
بدر: شكلها زعلت
لازم ارجع جده فعلا طولت هنا
نوف تدق على ريم
ريم:الو
نوف:ريم قلبو مازن موفاضيلي بودي رولا المستشفى تعالي انتي خذيني
ريم:خلاص انشاء الله
في ردسي
يتقابلو البنات عند البوابه ويسلمو على بعض
يدق جوال ريم على نغمة
اوعدني عني ماتغيب
ريم تبعد شويه عن البنات وتتلفت حولها تشوف رجوان:ها جوني فينك؟
رجوان:انا عند البوابه تعالي ادخلي معايا
ريم:ايش اقول للبنات
رجوان:مادري والله
ريم خلاص خلاص انا بتصرف ..انت معاك احد
رجوان:ايوا واحد من اصحابي
ريم:اها طيب يلا
رجوان:اوكي
ريم:بنات انتو ادخلو وانا نسيت شي في السياره بروح اجيبه
لمار:نستناكي
ريم:لالا ادخلو
نوف:طيب بجي معاكي
ريم تغمز لنوف:لا روحي معاهم
يدخلو البنات
ريم تلتفت تشوف رجوان فينه
رجوان يجي من ورا ريم ويفجعها
ريم تصرخ
رجوان يضحك
ريم تضرب رجوان على صدره:رجواااان فجعتني
رجوان ياروح رجوان انتي
صاحب رجوان:احم احم
ريم استحت
رجوان :وي نسيت
ريم ورجوان وصاحب رجوان :ههههههههه
ريم تطالع في رجوان
ورجوان يطالع في ريم
صاحب رجوان:يابو الشباب اعفيني
رجوان:لا حوول انت قلق ماتخلي الواحد ياخذ راحته
ريم تضحك
صاحب رجوان:ضحكتها عليا
رجوان:احسن
صاحب رجوان:من لقى احبابه نسى اصحابه
ريم ورجوان وصاحب رجوان:هههههههههه
رجوان يمسك يد ريم :وحشتيني
ريم بخجل:وانت اكثر
رجوان وريم يطالعو في بعض ويبتسمو
صاحب رجوان:لاحووووول تراكم في الشارع قدام الناس موز لوحدكم
ريم استحت وسحبت يدها ونزلت راسها
رجوان انبسط على شكلها والتفت عل صاحبه:انت علّه
صاحب رجوان يبتسم
ريم:يلا
رجوان يمسك يد ريم ويمشو
صاحب رجوان:وانا؟؟
رجوان يكلم ريم:تعرفيه
ريم:لأ
صاحب رجوان:ام النذاله
ريم ورجوان وصاحب رجوان:هههههههههه
يدخلو وكان البنات مستنيها عند البوابه بس كانو معطينها ظهرهم ويكلمو
انتبهتلها نوف بس سوت انها ماشافتها
ريم:يلا جوني البنات هناك يلا باي
رجوان:لحظه وانتي طالعه قوليلي اوك بشوفك
ريم تبتسم:اوكي
ريم تروح عند البنات:هاي قيرلز
البنات:هايات
اسرار:كل هذا تجيبي شي من السياره
ريم:سوري طولت صح
البنات:مره
ريم:يلا يلا مشينا
ريم تلتفت وراها وتبتسم لرجوان
رجوان يأشر لها
صاحب رجوان:ياشيخ ارحمني يلا نمشي
رجوان يطالع في صاحبه: بالله مو ملاك
صاحب رجوان جاي بيتكلم بس رجوان يقطع كلامه
رجوان:حدودك ياويلك تقول كلمه عليها مااسمح لك
صاحب رجوان يطالع في رجوان بإستغرب
رجوان وصاحبه:هههههههههه
اتسوقو البنات واشترو ولفلفو وانتهو
ريم تبعد عن البنات شويه وتكلم رجوان
ريم:يلا جوني انا طالعه
رجوان:اوك من نفس البوابه
ريم:اوكي
لمار:بنات انا عازمتكم على تشيليز موافقين
البنات:اوكي
عند البوابه
ريم والبنات طلعو ووراهم كان رجوان
ريم تلتفت وتبتسم
رجوان يبتسم
كانت سياره ريم بعيده شويه عن سيارة البنات
ريم ونوف يروحو سيارتهم والبنات يروحو سيارتهم
لمار تلمح رجوان
لمار بدهشه:رجواااان رجوااان
ريم تسمع لمار تنادي رجوان وانصدمت انها تعرفو
لمار تروح عند رجوان ورجوان كان قريب من ريم
وريم شافته بس رجوان ماانتبه ان ريم شافته مع لمار
لمار تحضن رجوان
لمار:وحشتني
لمار تنادي البنات:خالدين تالا تعالو شوفو رجوان
ريم تطالع في نوف بحزن
نوف:معقول
ريم:لأ رجوان لأ مومعقول
ريم طلعت السياره وهيا تبكي
نوف:ريم اهدي ياريم
ريم:ماني متخيله
نوف:ريم اهدي حبيبتي
نوف تحضن ريم:خلاص حياتي
لمار والبنات يطلعو السياره ويحركو على تشيليز
ريم تنزل من السياره وتروح عند رجوان
صاحب رجوان طلع سيارته ومشي
رجوان وهوا جا بيركب سيارته
رجوان يبتسم:ريم
ريم تطالع فيه بقهر
رجوان:حياتي ايش فيكي؟
ريم:مااتوقعت كذا يارجوان
ليش سويت فيني كذا؟
رجوان مستغرب:ايش سويت؟
ريم بعصبيه:وتسألني كمان
رجوان:ياحياتي قوليلي ايش صار؟
ريم:انا شايفتك وانت تحضنها
رجوان:مين هيا؟
ريم:لمار
رجوان يطالع في ريم بتعجب
ريم:معقول يارجوان
رجوان بعصبيه:ريم اهدي
ريم:تبغاني اهدي
رجوان يمسك يد ريم من دراعها ويقطع كلامها
رجوان: لمار دي اختي وتالا وخالدين اخواتي
ريم انصدمت
رجوان يدف يد ريم بعصبيه
ريم:معقول ..هذول اخواتك
وليش ماقلت لي
رجوان:هوا انتي خليتيني اتكلم على طول دخلتي عليا
ريم متعجبه:انا مو قادره استوعب
رجوان:مااتوقعت انك تشكي فيا ياريم ابدا مااتوقعت
ريم:رجوان سوري بس ماكنت ادري انت ماكلمتنى عن اخواتك ولا قللتي
رجوان يعطي ريم ظهره
ريم انقهرت:من الإحترام والذوق انك تطالع فيني وانا اتكلم معاك
رجوان يلتفت
ريم زعلت من رجوان لأنو طنشها
ريم صارت تبكي وراحت السياره
رجوان:ريم ريم
رجوان يضرب بيده على السياره
في السياره
نوف:ايش صار؟
ريم تبكي: تخيلي يانوف طلعو اخواته
نوف تضحك
ريم بعصبيه:لا تضحكي
نوف تسكت:طيب ليش تبكي دحين
ريم:قهرني يانوف نرفزني
نوف:ايش صار؟
ريم:اكلمه ويعطيني ظهره
انا مره اكره هدي الحركه
تركته وجيت
ليش يسوي كذا؟
نوف:معليش حياتي بس انتي كمان شكيتي فيه
ريم:موذنبي لو ماقد كلمني عن اخواته وقالي مين اخواته موذنبي
نوف تحضن ريم:معليش حبيبتي
ريم تدق على لمار:لمار حياتي معليش ماراح اقدر اجي تشيليز خليها مره تانيه
لمار:لااا رييمو
ريم:معليش ماما لسه متصله فيني وتبغاني
لمار:يوووه خسارا
ريم:معليش
لمار:يلا مره تانيه انشاء الله
ريم:يلا باي
لمار:باي
ريم:نوف معليش بروح البيت انا وبخلي السواق يوديكي بعدي
نوف:خلاص عادي حبيبتي
ريم:يلا باي
نوف:باي
ريم تنزل
نوف:الله يعينك ياريم ويهون عليكي
ريم تدخل البيت وسعود يستقبلها
ريم تطالع في سعود
سعود:ليش اتأخرتي
ريم بعصبيه:سعود مو ناقصتك
ريم تدف سعود وتطلع غرفتها
ام سعود تطالع في سعود
ريم تطلع غرفتها وتنزل عبايتها وتنسدح على السرير تبكي
ريم:ليش حظي زفت ليش ليش ياربي؟؟
ليش كل شي صاير ضدي؟؟
ليش كل مااحس بفرح ينقلب نكد
كل ماافرح يصير شي يبعد فرحتي عني لييش
خلاص طفشت طفشت ياربي
في بيت رجوان
رجوان كان مره معصب
رجوان في غرفته:اووف اوووف
ليش كذا؟؟
مااتوقعت انها بتشك فيني مره
بس لازم اعذرها ماكانت تدري
انا برضو ماقلتلها ولا كنت ادري انها تعرفهم
اوووف ايش البلوا دي ياربي
وربي لبشه
ايش بيصير بين ريم ورجوان بعد الي صار؟؟
وكيف راح يرجعو يتصالحو؟؟
وسعود ايش بيسوي في ريم؟؟
وماهر ايش بيسوي ويخلي ريم تتزوجه؟؟
وهل سعود راح يوافق يزوج ريم لماهر؟؟
ولو وافق هل راح يتزوجو؟؟
|