ازياء, فساتين سهرة
ازياء مول

العودة   ازياء - فساتين سهرة و مكياج و طبخ > أقسام عامة > قصص و روايات > روايات مكتملة
تسريحات 2013 ذيل الحصان موضة و ازياءازياء فكتوريا بيكهام 2013متاجر ازياء فلانتينو في باريسمكياج العين ماكياج دخاني makeup
روايات مكتملة احتاجلك اذا ضيق الوقت صدري.. اتمنى من الكل يدخل.. يوجد هنا احتاجلك اذا ضيق الوقت صدري.. اتمنى من الكل يدخل.. هنا تنقل الروايات المكتملة فقط


الكلمات الدلالية (Tags)
احتاجلك, احتاجلك يوتيوب, احتاجلك احلام, اذاعة القران الكريم, اذان, اذان صبح, ضيق التنفس, ضيق النفس, ضيقة, الوقت في السعودية, الوقت الان, الوقت الان في السعودية, صدري صغير, صدريات, صدري يوجعني, اتمنى اشوفك, اتمنى روحي تصير, اتمنى, من و تو, منال العالم, الكلاسيكو, الكلية التقنية, الكلية التقنية بالرياض, يدخل القبور في الليل, يدخلون الجنة بغير حساب, يدخل عليكم رجل

 
قديم 09-12-2009, 03:48 AM   #11

emanromance


رد: احتاجلك اذا ضيق الوقت صدري.. اتمنى من الكل يدخ


احتاجلك اذا ضيق الوقت صدري.. اتمنى من الكل يدخل..

يلا بقى كمليها والنبى انا مستنيه الباقى والنهايه على احر من الجمر ربنا يوفقك ياغاليه وتسلمى على مجهودك الرااااااااااااااائع

 
قديم 09-12-2009, 03:57 AM   #12

صعبة المنال


رد: احتاجلك اذا ضيق الوقت صدري.. اتمنى من الكل يدخ


احتاجلك اذا ضيق الوقت صدري.. اتمنى من الكل يدخل..

مشكـــــــــــــــــــــــوره يالغلا
كمليها لخاطري وخاطر البنات
الله يعطيك العافيه
حبيبتي emanromanceمايجوز الحلف بالنبي
أتمنى تقبلي نصيحتي

 
قديم 09-12-2009, 04:57 PM   #13

قمرهم كلهم..


رد: احتاجلك اذا ضيق الوقت صدري.. اتمنى من الكل يدخ


احتاجلك اذا ضيق الوقت صدري.. اتمنى من الكل يدخل..

اوكي تبوني اكملها؟؟

 
قديم 09-12-2009, 04:59 PM   #14

قمرهم كلهم..


Smile رد: احتاجلك اذا ضيق الوقت صدري.. اتمنى من الكل يدخ


احتاجلك اذا ضيق الوقت صدري.. اتمنى من الكل يدخل..

البارت السابع
يوم الخميس الساعه 4 العصر
في بيت ميرا
ام ميرا: ميرا حبيبتي ابغاكي اليوم تكوني مررره متكشخه ورايقه وبلآش من الرجه وخليكي هادئه
ميرا مستغربه:ليش ماما خاله رنا وخالة رانيا مو اول مره يجو بيتنا

ام ميرا ماقالت لميرا انهم جايين يخطبوها

ام ميرا: لا بس عشان من زمان ما جونا يعني
ميرا: واذا يعني ..مازلنا نعرفهم
ام ميرا: انتي سوي الي اقولك عليه وبس
ميرا بتعجب: اوكي

في بيت ابو سعود: سعود في غرفته يطالع من الشبآك

{كتمت الحب في صدري
وداريته مع جراحي
تنام الليل ماتدري
عن اللي في هواك صاحي}

سعود يقول في نفسه:وجآ اليوم الي اتمنيه ياميرا
جااليوم الي الي يجمعني فيكي
بتوافقي ياميرا ولا بترفضيني؟؟؟ مافي غيرك سكن قلبي ودخل عالمي
آآخ بس لو تحسي فيني كل يوم اعد الثواني عشان يجي هذا اليوم
وكل ثانيه وثانيه اتألم اكثر في بعدك عني وخوفي انك ما توافقي
وافقي ياميرا وافقي وافقي وتعالي املي عليا حياتي
مااتمنى غيرك تكون ام لعيالي

تدخل عليه ريم

ريم: تتهنى ميرا بعقلك
سعود: هآآ
ريم: اقول تتهنى ميرا بعقلك .. موانت سرحآن فيهآ
سعود كان بيتكلم وقاطعته ريم
ريم: لا تقول لآ وتتهرب انا ريم وادري في ايش تفكر سعود صدقني حتوافق ميرا
سعود:انتي ليش واثقه لهالدرجه؟
ريم: لا بس يعني .. مين بيرفضك؟
سعود: مدري بس حاسس بخوف
ريم: روووق وريح بالك انت عريس اليوم
سعود يبتسم: لسه بدري على العريس
ريم تبتسم: قريب انشاء الله

المغرب في بيت ميرآ
ام ميرا يلا ميرا روحي البسي
ميرا : طيب
ام ميرا: ترى خرجت لك الطقم الي راح تلبسيه ولا تغيريه هوا الي راح تلبسيه
ميرا مستغربه من تصرفات امها: طيب
دخلت ميرا غرفتها ولبست واتمكيجت
لبست ميرآتنوره جينزفوق الركبه
وكعب جلد لين الركبه ولونه اصفر
ولآبسه بدي اصفر ومنقط بالأبيض ولبست اكسسوآر لؤلؤ وسشورت شعرها
ورفعت نصه على فوق ونصه تركته مفتوح ونزلت خصل على وجهها

في بيت رولآ
في غرفتها
رولآ لبست بنطلون برمودآ جينز وبلوزه موف مكتوب عليها بالفضي نآيس قيرل ومن الظهر مفتوحه ومرسوم صوره بنت
ولبست شوز فضي واكسسوار فضي وشنطه فضيه
وحطت روح بنكي فاتح وشدو موف خفيف

يدخل مآهر:رولآ يلا ترا سعود قال بعد ساعه بيروحو
مآهر يصفر: الله الله والله متكشخه على الآخر
رولآ: هآ كيف حلو
مآهر: حلووو
رولآ خلآص خلصت خليك انت مع البنات واروح انا مع مهرآن
مآهر بليييز ما تتركهم امانه عندك
ماهر: ما توصيني على اخواتي يارولآ
رولآ: يعني اتطمن؟؟
مآهر: اطمني,, يلا اتوكلي
رولآ: يلا مهرآن

في بيت ابو مآزن في غرفه نوف
نوف لبست شورت بيج وتحته بنطلون تركوآزي استرتش للركبه
وبلوزه تركوآزي بدون اكمام لين الصدر بس
ولبست شوز تركوآزي واكسسوار تركوازي
وروجها كان بني فاتح بلمعه
ام نوف: نوف ماما يلا لا تأخرينا بنروح لبيت خالتك اول بعدين نمشي سوى
نوف: جايه جايه

في بيت ابو سعود
في غرفه ريم
ريم لبست تنورآ استرتش رمادي فوق الركبه
وبدي وردي وعند الصدر ترتر فضي
ولبست كعب وردي بحبال لين اخر الساق واكسسوار ورودي وشنطه ورديه
والروج فوشي

في غرفه سعود
سعود قدآم المرآيا يصلح غترته ويقول في نفسه وهو مبتسم: الله ياسعود مافي احد حاسس بفرحتك ولا انت قادر تووصفها لأحد
من كبر فرحتي حاسس اني مو على الأرض وحاس اني نسيت اسمي وكل شي عني

يدخل عليه ابوه

ابو سعود: سعود ياولدي
سعود يبوس راس ابوه :هلا ابويا
ابو سعود: اجلس ابغى اكلمك
سعود: خير انشاء الله
ابو سعود: طبعا انت فكرت قبل لا تتخذ هذا القرار وعارف ايش يعني زواج
كل الي ابغاه منك تحط عقلك في راسك واذا الله كاتب لك فيها نصيب بتكون لك
لازم تقتنع بالي كاتبه ربك ذا لو تبغى تعيش سعيد
سعود: ومين فينا ما يبغى يعيش سعيد
ابو سعود: الله يوفقكم وتكونو لبعض
سعود: آمين محتاج دعواتك
ابو سعود: انشاء الله تكون من نصيبك

ام سعود: خير ايش عندكم؟
سعود يبتسم
ابو سعود: كلآم رجآل
ام سعود: اعتبرها طرده
سعود: لآ امي مو طرده ابويا مايقدر يطردك
ابو سعود: شفت امك كيف تفكر
ام سعود: صرت عجوزه شفتو كيف
سعود: لا ومين قال انتي لسه بعز شبابك
ام سعود: تتريق
سعود يبتسم : لا والله
سعود يبوس راس امه
ابوسعود: ها مو خلاص؟؟
ام سعود: مدري عنهم ليش ما جو

يرن الجرس
وتروح ريم تفتح الباب
ريم: لولو آخيرا جيتي اتفضلي
رولآ: فين خاله ؟
ريم: دحين جايه انتي اجلسي على ما اناديها ونمشي

يرن الجرس
ريم: يوووه لولو افتحي الباب خليني انا دي ماما عشان اتأخرنا
رولآ: اوكي

رولآ تفتح الباب

اول مانفتح الباب وطاحت عيونهم على بعض كل واحد صار قلبه يرجف
مآزن ينزل راسه: معليش
رولآ: آنا الي آسفه
مآزن: طيب رولآ قولي لخاله رآنيا احنا بالسيارا نستناها اوكي
رولآ: يلا احنا ورآك
ريم: مين؟
رولآ تنتفض ماتدري ليش: مآزن يقول هما بالسيارة يستنو
مازن يستوعب ويرجع السياره
ام سعود: يلا يلا
ابوسعود: يلا مشينا
سعود كان مرتبك
ريم: شوفو شوف سعود وكنه عروسه يوم زواجها
الكل يضحك
ام ريم: خلآآص ويلا ع السيارة
ريم: طيب

في بيت ميرا
ميرا نازله من الدرج
وكان بدر ومروان والأم في الصاله
الكل يلتفت على ميرا
ميرا متعجبه من حركاتهم
ام ميرا:ميرا حبيبتي خليكي بغرفتك ماتنزلي الا اذا انا قلت لك
ميرا بدلع:لآآآآآآآآآآآآآآ ماما ليييييش؟؟
بدر: ميرا اسمعي كلام امي وماتنزلي الا اذا قلنالك ياويلك تنزلي
ميرا طلعت لغرفتها زعلانه
مروان :والله زعلت
بدر:شويه وبتكون اسعد انسانه
ام ميرا تبتسم: الله يحفظكم واشوفكم عيالكم
بدر ومروآن : آمين
في غرفه ميرا ميرا تكلم نفسها:هذوله ايش فيهم متغيرين ليش يعاملوني كذا
ايش عندهم وليش ماما مو راضيه تخليني استقبلهم خساره كانت فرصه اشوف فيها سعود ............... يووه موقادره اصبر ايش فييييييهم

يرن الجرس
وقلب ميرا يدق بسرعه
ميرا تكلم نفسها: ليش خفت ايش يصير وليش قلبي يدق بسرعه
في الصاله
ام ميرا:بدر افتح
يفتح بدر البآب
ابو سعود: السلآم عليكم
بدر: وعليكم السلام هلا والله اتفضلو
سعود: السلام عليكم
بدر :وعليكم السلام هلا والله
مروآن: وعليكم السلام

في غرفه ميرا
ميرا كانت فاتحه نص الباب تبغى تعرف ايش بيصير وقلبها يدق بسرعه
في مجلس الحريم
ام ميرا:ياهلا ياهلا اتفضلو
ام ريم وام نوف:هلا فيكي
نوف وريم ورولآ: السلآم عليكم
ام ميرا: وعليكم السلآم هلا بالحلوين ..اتفضلو اتفضلو انا شويه وجايه
ام ميرا رايحه على المطبخ
ميرا من عند الدرج: ماما ماما
ام مير ا: اقول اسكتي واطلعي غرفتك وسكري الباب
ميرآ بعصبيه:يوووووووووووه
ام ميرتدخل المجلس:ياهلا نورتونا
ام مازن وام سعود: النور نورك
رولآ تقول لريم بصوت واطي:شوفي الحريم كيف يتغازلو
ريم تدق رولا:اقول اسكتي
ام سعود: زيارتنا اليوم مو زياره عاديه
جايين اليوم وطالبين يد بنتك ميرا لولدي سعود
ام ميرآ: يشرفني وطبعا ماراح القى زي سعود يحافظ على بنتي ولا راح القى في شهامته واصله
ام سعود:تسلمي ولآراح القى انسانه تسعد سعود زي ميرا وراح القى ام لعياله غير ميرا
ام ميرآ: تسلمي الله يخليكي
ام مازن: فين ميرا ماراح نشوفها؟؟
ام ميرآ دحين اناديها لكم
تروح الأم تنادي ميرآ

في مجلس الحريم
ريم: ماما شفتي سعود كيف حالته وربي كإنه عروسه ليله زواجها
الكل يضحك
ام سعود: بس يابنت لا تتكلمي على اخوكي كذآ

ام ميرا من عند الدرج: ميرا ميرا حبيبتي تعالي
ميرآ بعصبيه: نعم
ام ميرآ: فديت المعصبه
تعالي ادخلي المطبخ وجيبي العصير وقدميه لهم
ميرا تنزل من الدرج: طيب اسلم اول
ام ميرآ تسحبها قبل لا تدخل المجلس: فين رايحه لالا روحي قدمي العصير بعدين سلمي يلا روحي
ميرا وهيا رايحه على المطيخ وتكلم نفسها: هذوله ايش فيهم تصرفاتهم غريبه
ميرا في المطبخ تشيل العصير وتروح لمجلس الحريم
تدخل وهيا مبسكه وكان قلبها يدق بسرعه ماتدري ليش
ميرآ: السلآم عليكم
الكل :وعليكم السلآم
ميرا قدمت لهم العصير وجلست جمب امها
ميرا لاحظت من نظرآتهم انو في شي
ام ميرآ: ميرا حبيبتي الليله مو آي ليله ولا ليله عاديه
الليله جآ سعود واهله عشان يخطبوكي وطبعا سعود واهله اهلنا هآ ايش قلتي؟؟
ميرا وقفت مصدومه: ايييييييييييييييييش؟؟
الكل يطالع فيها بإستغرآب
ام ميرآ :ميرا ايش فيكي؟
ميرآ مازالت مصدومه وواقفه
ريم تمسك يد ميرا: ميرا تعالي غرفتك
تدخل ريم الغرفه وتدخل ميرا وتسكر الباب وتبكي
ريم: ميرا حبيبتي ايش فيكي؟
ميرا تحضن ريم: مو متخيله ياريم حاسه اني احلم
حاسه اني احلم وخايفه اقوم من حلمي
ريم تبتسم: لا لا مو حلم هذا حقيقه كان حلم وتحقق
مو هذي كانت امنيه حياتك
ميرآ: مو مصدقه اني انا وسعود بننجمع ونكون شي واحد ياريم انتي مو حاسه فيني
لو اطول اصرخ واجري في البيت
ريم تضحك: ميرا حبيبتي هذي فرصه عمرك ..ايش قلتي؟؟
ميرا: انتي عارفه ايش بقول ياريم مستحيل اكمل حياتي بدون سعود
ريم تحضن ميرا: طيب تنزلي دحين وتقوليلهم رايك
ميرا: بس فشله ايش بيقولو عني مستعجليه عطتنا رايها بسرعه
ريم: بالعكس احنا نبغى الخطوبه تصير بسرعه وسعود بيلبسك الدبله اليوم
ميرآ: معقول كل شي اتمنيته بصير في لحظه
ريم: يلا بسرعه موقادرة اصبر ابغاهم يفرحو
ميرا: اول مره اشوفك فرحانه لهالدرجه
ريم: كيف ماتبغيني افرح وانا جامعه عشاقين جامعه قلبين ياميرا
ميرآ: الله لا يحرمني منك
ريم: راح نطول هنا يلا ننزل
ميرآ :يلا

في مجلس الحريم

ميرآ تروح تجلس جمب امها
ام ميرآ: ميرا حبيبتي سعود واهله معروفين ومو اغرباء هذول اهلنا
ايش قلتي؟
ميرآ ساكته ومنزله راسها
ام سعود: ميرا حبيبتي الراي الأول والأخير رايك واحنا راضيين بكل الحالتين سواء رفضتي او قبلتي
ميرآ: لالالا مورافضه"حست بفشله ونزلت راسها"....انا موافقه بس طبعا اذا اهلي وافقو اول شي
ام ميرا تحضن ميرآ: اتمنيت سعود يكون لك ياميرا سعود ما ينرفض

ريم ورولآ ونوف : مبرووووك
ريم: يلا يلا خلي سعود يلبسك الدبله
الكل يطالع في ريم
ريم انحرجت: مستعجله صح
الكل يضحك
ام ميرآ : خلاص بخلي سعود يشوف ميرا وبعدها انشاء الله يلبسها دقايق بس

ام ميرا عند مجلس الرجال: بدر بدر
سعود حس ان قلبه بيوقف
بدر: نعم امي
ام ميرآ: تعال
بدر يوقف عند الباب يكلم امه: ها ايش قالت؟
ام ميرآ: انت ايش قلت؟
بدر: امي انتي عارفه مين يكون سعود ومين اهله ومن غير ما تسأليني ماراح نلقى لميرا احسن من سعود
ام ميرآ: وميرا وافقت
بدر يبتسم بفرح: حلومبروك عليها
ام ميرآ: بس يقولو يشوفها دحين ويلبسها
بدر: الله مستعجلين
ام ميرا تبتسم: والله ماشاء الله عليها ريم تبغى تفرح فيهم
بدر: خلاص انا اكلمهم ويصير خير
ام ميرآ: خلاص

في مجلس الرجال
بدر: شوف ياسعود الزواج قسمة ونصيب واذا لك نصيب بتاخذها
سعود خاف من كلام بدر وحس ان ميرا ماوافقت
سعود: وانا مؤمن بالقدر
بدر: طيب.. البنت وافقت
سعود ماصدق الي سمعو
سعود مو مستوعب شي: نعم
بدر: اقول البنت وافقت
سعود وقف: من جد
بدر يبتسم: يعني بمزح عليك
وتتفضل معايا دحين عشان الشوفه
سعود شعوره ما ينوصف في هذي اللحظه ومو مصدق ان ميرا وافقت

بدر يدخل سعود المجلس التاني: دقايق وتكون عندك
ام ميرآ من عند البآب: بدر
بدر يروح ويفتح الباب : نعم امي
ام ميرآ: ادخل ميرآ
بدر: ايوا
يروح بدر يجلس جمب سعود
يدق الباب
ومع دقه الباب سعود يحس ان روحه طلعت

أبيك تعرف ان لك صاحب بكل مافيه "يغليك"..
بكل ماعطاه ربي من أحاسيس يحتويك ..~
روـح ـه ح ـياته
ح ـتى ـج ـروحه تفديك
لاتظن انه في يوم يقدر ينتسيك
يبيك تذكره لاصارت الليالي
تجتفيك..
وتدعيله
عسى الله له يخليك"

بدر: ادخلي ميرا
ميرآ تدخل وهيا شايله العصير ومنزله راسها وترتجف وبصوت ناعم: السلام عليكم
بدر وسعود: وعليكم السلآم
سعود يوقف ويطالع فيها بإعجاب
ميرا تقدم العصير لسعود وهي منزله راسها
ياخد سعود العصير ويحطه ع الطاوله
ولأن ميرا منزله راسها وسعود مو شايف غير شعرها
يرفع سعود راسها وهو مبتسم
وجات عيونه في عيونها
لحظه صمت

يًحِلمٍَوٍنٍ .. يًحِلمٍَوٍنٍ آلليً َفٍيًك يًَفٍكگرٍوٍنٍ يًآخٍذِوٍنٍك آنٍتِ مٍَنٍيً وٍآللهُ لوٍ يًتِجَنٍوٍنٍ !
يًآخٍذِوٍن َقٍِلبُك مٍَكآنٍيً
آوٍ يًنٍسِوٍنٍك حِنٍآنٍيً }
َقٍِل لهُمٍَ هُآذِيً آمٍَآنٍيً
وٍلآ هُمٍَ مٍَآ يًَقٍِدُرٍوٍنٍ

بدر يطآلع فيهم ويقول في نفسه:احم احم ماكني مو جود معاهم
سعود حس بفشله
بدر آشربو العصير
ميرا وسعود نسو ان بدر جالس معاهم
يجلس سعود وتجلس ميرا
سعود يمسك الدبله
ميرا وميرا تبتسم ابتسامه خجل
بدر يبتسم
سعود يطالع في بدر
بدر: لبسها
سعود يمسك يد ميرآ ويلبسها الدبل
بدر يقوم ويسلم على سعود: الف مبروك
سعود: الله يبارك فيك
بدر يسلم على اخته: الف مبروك
ميرآ : الله يبارك فيك

بدر: يلا اتفضل معايا
بدر وسعود يروحو مجلس الرجال
وتدخل ام ميرا وام مازن وام سعود والبنآت
ام ميرآ : ها ايش صار؟
ميرا ترفع يدها عشان يشوفو الدبله
ريم تجري تحضن ميرا: الف الف الف الف مبروك
رولآ ونوف: الف مبروك
ميرآ: الله يبارك فيكم
ام سعود تسلم على ميرآ : مبروك
ام ميرا تحضن ميرآ: الله يبارك لك في حياتك ويوفقك ويسعدك ياميرا
ام ميرآ: الله لا يحرمني منك يا احلى ام بالدنيا
ام مازن تسلم على ميرآ: مبروك حبيبتي
ميرآ: الله يبارك فيك

انتهت الليله بحفله صغيره لآكن الفرح آكبر

في بيت ابو سعود
في غرفه سعود

"احــــــــــــبك
ماهي كلمه انادايم ارددها
احبـــــــــك
كلمه لا قلتها انا اقصد معانيها
صحيح ان الحروف قليله إذا ودك تعددها
ولكن المعاني ماهقيت انك بتحصيها
وفا واخلاص وظروف تعاندني واعاندها
مشاعر صادقه والود ساكن في معانيها"

سعود يكلم نفسه ويطالع في يده الي فيها الدبله: آآآه ياميرا اول ما سمعت اسمك اخذتي وقلبتي كياني وصرتي حياتي كلها وعمري وروحي وكل شي
واليوم لما شفتك نسيتيني اسمي
نسيت انا مين وانا فين وماصرت اشوف شي غيرك حتى بالي ماقد انشغل ولا فكر بغيرك
لدحين مو مصدق انك بتكوني شريكه حياتي وتكوني معايا طول حياتي
انا اليوم ارتحت واتأكدت انك بتكوني ليا وضمنت انك بتعيشي معايا

انت قلبي وقلب قلبي ونبض قلبي والجنون")م "(

في بيت ميرآ في غرفه ميرآ

}حبيبي الذوق
يبخرني بانفاسه
يغرقني باحساسه
يقيدني بحبل الشوق
حبيبي الذوق
احبه بكل ضلع كسره البرد
من دونه
{مااعشق جنون الحب

ميرآ مشغله على موسيقآ رآيق وهي منسدحه على السرير تكلم نفسها
آآآآه ياسعود اخيرا صرت ليا اخيرا بتشاركني حياتي
قولي اني مابحلم وان الي صار اليوم حقيقه معقول كل الي اتمنيته يصير بلحظه
اتمنيتك جمبي مايفرقنا شي اتمنيتك تكون اب لعيالي
تشاركني حياتي اتمنيت لمسه ايدك
وعيني تجي بعينك معقول كل شي تحقق
ياريت مايكون حلم ولو كان حلم ياريت مااقوم منه

تابع





تبوني اكملها ولا لا؟؟؟؟؟:frashagirls:

 
قديم 09-13-2009, 05:25 PM   #15

قمرهم كلهم..


رد: احتاجلك اذا ضيق الوقت صدري.. اتمنى من الكل يدخ


احتاجلك اذا ضيق الوقت صدري.. اتمنى من الكل يدخل..

وش فيكم محد يرد عالتكمله؟؟

 

أدوات الموضوع


احتاجلك اذا ضيق الوقت صدري.. اتمنى من الكل يدخل..


الساعة الآن توقيت السعودية الرياض و الدمام و القصيم و جدة 08:01 PM.

 

Powered by vBulletin® Copyright ©2000 - 2014,
يمنع انتهاك أي حقوق فكرية علماً أن جميع مايكتب هنا يمثل كاتبه وباسماء مستعارة ولمراسلة الإدارة يمكنكم استخدام الإتصال بنا
Search Engine Optimization by vBSEO 3.6.0