جنــــــــــــــون القدر للكاتبه ذبحني غلاها

الفصـــــــــــــــــل السابع والعشرون

فزت من نومهااا مفزوعه
وتهتف بأسمه رائد رائد
تلتفت يمين وشمال رائد
وانفجرت بالصيااااح والبكاء لمتى وهي على هالحاال
ضمت الدبدوب لصدرها وحضنته بقوه
هذا من ريحه رائد
كانت تبكي بقوووه رائد
آآآآآآآآآآآآآآآآآآه يارائد صار حبك لي عذااااااااااااااااااااب
صرت سبب تعاستي رائد
انت ارتحت ومت
وانا من بعد موتك ماشفت الراحه
ولاذقت الهنااااااااااااااا

************************

اخذت عباتها ونزلت تحت بعد ما قالت لشغاله تعطي السواق خبر
ان عندهاا مشوار
كانت تحاول تهدي نفسهااااااا
البست اقرب عبايه واخذت اقرب شنطه اخر شي كانت تفكر فيه
هوشكلها او اناقتها
وجلست ساعه قدام المرايه تحاول تسوي لثمه زي لثمه نوره وروز
لانها ماتبي احد يعرفهاا
انكسرت يدها وللحين ماضبطت اللثمه
يووه اتغطى احسن لي
كانت تحاول تسيطر على نفسها اكثر
قلبها يدق بجنون احساس الخوف كان مسيطر عليهاا
اركبت السياره وقالت لسايق يوصلها لمستشفى الــ0000
كانت سرحانه بعالم ثااني
نبهاا السايق انهم وصلوو للمستشفى
حطت الطرحه على وجهها وتغطت
نزلت وهي خايفه مرعوبه تحس انها رايحه للمجهول
رجعت لسياره وصكت الباب
السايق:ماما انت مافيه يبي روح
جود:لاروح وقف السياره وتعال معي
السايق:انا روح سواء انتي
جود:ايه ووجع انت ليه ماتفهم
انتظرك لاتاخر بسرعه
ونزلت من السياره ووصلت لريسبشن
جود:السلام عليكم
الموظف:وعليكم السلام
جود:لوسمحت ابي غرفه راكان000000000 الحمد
الموظف:غرفه 280 بقسم الجراحه
جود:استغربت من القسم وطنشت جاء السايق
وقالت له يمشي معها
جود(لفت على السايق):اوك وقف هنا واسمع انا بدخل الغرفه هذي اذا دقيت عليك
تعال بسرعه
طقت الباب بعد ماتاكدت ان هذي غرفته كانت يدها ترجف
دخلت وسلمت لقت واحد نايم ومعطيها ظهره
ووحده مبين عليها كبيره بالعمر معها المصحف وتقراء
سكرت المصحف وناظرت بجود
جود:هذي 00
احم احم كانت تعدل صوتها الي راح
هذي غرفه راكان
المراءه:ايه هذي غرفته انتي جود؟؟
جود (مانزلت الغطاء من وجهها ):ايه انا جود
لف راكان عليها(وقال بصوت كله تعب):جــــود
طلعت المراءه من الغرفه
جود كانت عيوني بعيونه احس انه يشكي لي وانا موفاهمه شي من عيونه
الي شفته غير راكان الي حبيته كان وجهه تعبان ومبين عليه التعب
وعيونه ذابله والسواد تحت عيونه
والمغذي موصل ليده
تجمدت عيوني بمكاان
شهقت غصب عني
طلعت مني الكلمه غصب :وين رجلك
كانو باترين رجله
راكان:هذي حوبتك ياجود انتي وشموخ
الله عاقبني واخذ حقكم مني
هذي حوبتكم انا استاهل
جود ماقدرت تحمل وطلعت بس وقفها صوت ركان وهو يناديها
جود
جـــــــود
رجعت له ومدلي ظرف
راكان:خوذي هذي كل صورك ووالله والله ماعندي غير هالنسخه
جود:انصدمت من حكيه ماتوقعت يكون عنده نسخه
راكان:والله هذي النسخه الوحيده الي عندي
جود اخذت الظرف وطلعت
تحس انها مخنوقه وانها موقادره تنفس
كانت تمشي بسرعه ومايهمها من صدمت ولامن طقت كتفه
ولاهتمت لناس الي تناظرها
المهم عندها انها تطلع من المستشفى وبس

************************

قالت لمها انها بتسافر مع اخوها اسبوع لشرقيه عند اختهاا
كانت محتاجه تغيرجوي شوي
الي شافته موهين
كفايه انها احضرت زواجه
واعتبرته صفحه من دفتر حياتها واقطعتهاا
كانت تبي تعلمه مين بنت الهاافي
وماقصرت علمته وعلمت ابوه ابوه بعد
بتسمت غصب عنهاا لما تذكرت
شكل العروس وهي طالعه من القاعه
خانتها دمعهتا ونزلت ومسحتها بسرعه بيدها
ماتبي تبكي عشاانه مايستاهل شي
مابقى شي على سفرتها لبريطانيااا
وللحين ماقالت للبنات عن موعد سفرتهاا
ماتبي تعيش لحظه الفراق
ولاهي ناويه تودعهم تبي لاوصلت تخبرهم بوصولهاا
عارفه انهم بيزعلون وياخذون على خاطرهم منها بس
اصعب شي عليها الفراق
تخلت عن حلمهاا سنين عشان شخص مايسوى
وجاء الوقت الي لازم تشوف نفسهاومستقبلها فيه
وتوها عمرها 20 الحياه قدامهااا
بتعتبر عادل كان مجرد درس اخطت فيه وصححته
وتعلمت من هالدرس كثير
نبهها صوت جوالها وقطع عليها سرحانها
لين:الوو
السلام عليكم
لين :وعليكم السلام
نعـــــم انجز ماني فاضيه لك
لاطال عمرك بس حبيت اقولك الطياره بكره الساعه 6 المغرب
لين:مافيه وقت اقرب من كذا؟؟
لاطال عمرك هذي اقرب رحله
لين :طيب وسكرت السماعه بوجهه كالعاده

************************

دق عليها مره وثلاث وخمس
وماردت استغرب من عدم ردها وتوقع انها زعلااانه
وراح للبيت عشان يبشرها ان حاله ابوها استقرت وانه صحى
دق الجرس مره وعشر بداء الخوف يدخل لقلبه
طق الباب مافيه اي استجابه
مافيه حل الا انه ينط من فوق الجدار
بس كيف ينط والناس الي بالشارع صعبه
راح للباب الخلفي للبيت
وتفاجاء انه مفتوح
دخل وطق الباب الداخلي عشره ومليون مره خااف على روز
دخل راشد البيت روز
روز
(بصراخ)رووووووز
سمع صوت ونين مايدري وين المصدر
روز وينك
راح للمطبخ لقى فايز اخو بدريه زوجه عمه
والدم يسيل من كتفه
وجالس يون
راشد فتح عيونه على الاخر وهو يشوف المنظر
راشد :فايز وش فيك وش صاير
روز وينها
قرب منه ودراء ان فايز موصاحي وانه يلعثم بكلمات غريبه
راشد:اياا الكلب وين روووووووز
وش سويت فيها يالحيوان وقام يضرب فيه بدون وعي
يالحقير
وطلع من المطبخ (بصراخ)رووووووووز
رووووووووووووووز
روووووووز
كان يركض بالبيت مثل المجنون يدور عليها
اول شي صعد فوق دورها ومالها اي اثر بالبيت الي فوق
راشد:روز
كان يفتح اي باب يلقااه قدامه
فتح باب الحمام مره وثلاث لما تاكد انه مقفل
سمع صرخه منها وهو يحاول يفتح الباب
راشد:روز
روز افتحي انا راشد
روز انا راشد راشد ياروز افتحي
ومافيه اي استجابه
ماكان قدامه حل الا انه يكسر الباب
راشد:روز بعدي عن الباب بعدي عن الباب ياروز
رجع وراء يبي يكسر الباب
وحاول مره وثنين موراضي ينكسر
وحس ان كتفه انشل من قو الصدمه
بس هذي روز
وحاول باقوى ماعنده
وانفتح الباب
كانت جالسه بزاويه الحمام ومتكوره على نفسها وترتجف
من البكي
راشد وقف مكانه لما شاف شكلها كانت تكسر الخاطر
كيف متكوره على نفسها وضامه نفسها
راشد(بصوت هادي وكأنه يطمنها):روز
روز
روز
روز(ماتحركت من مكانها ولاانطقت باي كلمه)
راشد يقرب منها شوي شوي
لما جلس بجمبها ماكان يدري وش المفروض يسوي ولايتعامل معها
ماكان قدامه الا انه يحسسها بالامان كانت يده ترتجف
وهو يحطها على شعرها ويمسح شعرها
روز(صرخت)
راشد:اشششششششششششششش انا راشد
راشد
ناظرته بعيون منفوخه من البكااء
وارتمت بحظنه كانت متمسكه فيه بكل قوتها
وكانها خايفه انه يضيع منها

*************************

اشرقت الشمس معلنه يوم جديد يوم الجمعه ابتداااء
الساعه 9 الصبح
حنين طق الباب على روز
مره وثلاث وخمس ومافيه اي استجابه
وافتحت الباب استغربت روز مو موجوده
ونزلت دورها تحت دورتها بكل البيت مالقتهاا
لقت خالهاافايز بالحديقه
حنين:صباح الخير خالي
فايز:هلاصباح النور
حنين:خال ماشفت روز
فايز:الشغاله؟؟
حنين:هههههههههههههه لاوش شغالته ياخال
هذي اختي روز
فايز:ومن متى عندك اخت غير ساره
حنين:خال انت شارب شي وش فيك
فايز:هاه لاموشارب شي
حنين:ايه واضح انك موشارب
فايز:ماقلتي لي منو هذي روز
حنين:اختي من ابوي
ومشت وتركته (بصراخ)رووووووووووز
بدريه(ام حنين)ووجعه ان شاء الله حنين
وش فيك صوتك طالع وواصل لجيران
حنين:يمه ماشفتي روز؟؟
بدريه:لاتلقينها نايمه بغرفتها ست الحسن والدلال
حتى مافكرت تروح لاابوهاا
نعنبو دارها ابوها بالمستشفى ولاتجيه قليله التربيه
بس شقول امها ماربتها
حنين:ياحول يايمه حرام عليك كل يوم نفس الموال
بدريه:ايه والله وانا الصادقه اجل ماتروح لابوها وهو بالمستشفى
حنين:طيب يمه هي مو بغرفتهاااا
بدريه :تلقينها منخمده باي غرفه ماني فاضيه لك انتي وروز
شفتي خالك فايز؟؟
حنين:ايه جالس بالحديقه

*********************

الفصل الثـــــــــــــــــــــــامن والعشروووووووون

بيت جـــــــود

اليوم الجمعه راح خالد الي يمشي عين مسكره وعين مفتوحه يبي يناام
مانام الا الساعه 5 الفجر
بس غصب عنه لازم يروح لصلاااه مع ابوه واخوه وليد
خالد وهوطالع من غرفته لقى نور غرفه جود مطفى
وغير طريقه لغرفه جود
خالد يهب عليها هالبنت للحين تكخر من النووم ثمانيه وعشرين ساعه نايمه
هذي مدري كيف تعيش حياتها كلها نوم وبس
بس والله لانغص عليها نومها اجل هي تنام
وانا بحياتي كلها ماتهنيت بنومتي
اوريك ياجود للحين نايمه هاه
خالد ويطق الباب بقووه جنونيه
جود جود جود
جود قامت مفزوعه على صراخ اخوها خالد
جود :وشو وش فيه وش صاير
خالد :جود الحقى
جود(بصراخ):وش فيه
خالد:ياجود بسرعه الحقى خلاص ماعدا فيه وقت
جود:وش فيك
خالد :الساعه 12 الاربع وللحين ماصحيتي
جود:حسبي الله عليك يالكلب
وماحس خالد الا المخده على وجهه
طلع من غرفتهاا وهو يضحك
من زمان ماسوى هالحركات مع جود

*********************

صحت شموخ على صوت عايشه
شموخ:خيرررررر ياعايشه
عايشه:ياستي شموخ جوالك عمال بيرن
من الصبح
شموخ:قفليه وتركيني انام لويحترق لاحد يصحيني
عايشه:الله دا ابوك عمال بيدق
شموخ:فزت وقامت تفرك عيونها ابوي داق علي
عايشه :ايووه اهوه دق مره ثانيه
شموخ:هلااابابا
لابس ماكان الجوال جمبي
لاوشو اروح
مايمديني
الساعه 2
لايابابا بس000000
وماكملت لانه صك السماعه بوجهها
رمت شموخ الجوال بالجدار باقوى ماعندها
عايشه فتحت عيونها على الاخر من حركه شموخ
شموخ:عايشه اتركيني لوحدي
عايشه شافت حاله شموخ وخافت وطلعت بسرعه
من طلعت عايشه
وشموخ ترمي نفسها على السرير وتبكي
داق عليها ابوها عشان يقول لها الساعه 2 تكونين بيت عمك ابو وليد
لانه عازمهم حتى ماقال لها الااليوم حتى لبس مايمديها تلبس
نشفت دوعها خلااص هي عارفه ان هذا طبع ابوها وماتبي مشاكل معه
اخذت لها شور سريع
الساعه 1 الاربع مايمديها تخلص لبس
جعدت شعرها بالجل ولبست ورده بيضاء
على جنب
واخذت فستان عشبي قصير ومره رايق
والبست عدسات خضراء
وحطت قلوس خفيف
ابتسمت بتسامه رضاء وهي تناظرالمرايه
واخذت شنطه بيضاء ونعال بيض
قالت لعايشه تخلي السواق يجهز
لما تشرب الكوفي حقها

الساعه 2ونص وصلت شموخ لبيت عمهاا
كان الجوو رايق مررره قرب دخول فصل الشتاء
شافت عمها ووليد بالخيمه الي بالحديقه راحت تسلم عليهم
نحرجت حيييييل لما شافت خالد
ولي زاد حرجها
كلااام عهما
ابووليد:حي الله عروستنا
شموخ وجهها صار قوس قسح من الالوان
وصارت طماطه تمنت الارض تنشق وتبلعها من الفشله
تحس ان وجهها حااااااار
وسلمت على ابوها وماصدقت على الله
طلعت
طلع وراها خالد
خالد:شموخ شموخ
شموخ:نـــــــعم
خالد:ممكن اتكلم معك شوي
شموخ:وانت شايف الوقت مناسب والمكان مناسب
خالد:شموخ ادري انك زعلانه علي
بس والله انتي فاهمه غلط
شموخ:انت عن شنو تحكى انا موفاهمه شي
ومشت وتركته
خالد:شموخ
لحظه
شموخ
شموخ طنشته ودخلت للفيلااا
واول ماوصلت طلعت عبايتها وجلست تعدل بنفسها
ولقت قدامها زوجه عمها ام وليد وسلمت عليها
ام وليد:اخبارك ياشموخ
شموخ:الحمد لله انتي كيفك؟؟
ام وليد:بخير
الا اخبار امك وليه ماجت معك
شموخ(ومايلت فمها):قطيعه
ام وليد:وشو
شموخ:لاسلامتك ماما مسافره تعرفين هي مشغوله
ام وليد:اها ومن متى مسافره
شموخ(احس اني بتحقيق وانا اصلاا مادري متى سافرت):قبل فتره
الاوين جود وريماس
ام وليد:جود فوق اصعدي لها بغرفتها
شموخ:طيب عن اذنك خالتي
ام وليد:اذنك معك
(قطيعه زي امها الله يعينك ياخالد على بلواك عوبه)
شموخ :اول ماوقف الاسنصيل نزلت ريماس
ريماس :هلااا شموخه
شموخ:اهلين ريماس عاش من شافك يالدوباا
ريماس:كيفك اخبارك
شموخ:الحمد لله تمام
انتي كيفك
ريماس:بخير
شموخ:يوه ريماس كنك سمنانه
ريماس:ههههههههه حتى انتي ملاحظه
شموخ: لايكون فيه بيبي بالطريق
ريماس:ههههههههه ومن قالك جود ماتمسك لسانه
شموخ:صج مبروك الف الف مبروك
ريماس:الله يبارك فيك وعقبال ماشوف اولادك
شموخ(ارسمت على وجهها ابتسامه باهته اخر شي تفكر فيه بالحياه انها تجيب عيال
الي شافته بالحياه يكفيها ماتبي تجيب اطفال وتعذبهم بوجودهم)
شموخ(تغيير الموضوع):الاوين جود؟؟
ريماس(استغربت ان وجه شموخ قلب بعد طاري السالفه وبين حيل على وجهها)
جود بغرفتها
شموخ:طيب عن اذنك بروح لهاا مشتاقه لها الدوباا
ريماس:هههههههه انتم ماتشبعون من بعض
الله لايفرقكم ان شاء الله اذنك معك حبيبتي
اصعدت شموخ لغرفه جود استغربت ان الانوار مطفيه
طقت الباب جودي جوجو
افتحت جود الباب هلااا شموخه
وضمتهااا
شموخ استغربت كيف جود متعلقه فيها وحست انها تبكي بس ماعلقت وحبت تخليها تاخذ راحتها
جود (مادري ليه بكيت وانا بحضن شموخ يمكن لاني حاسه اني غلطت بحقها بدون ماتدري
مسحت دموعي مابي شموخ تشوفني وانا ابكي)
هلاشموخه ادخلي حياك
شموخ:اعوذبالله ليه غرفتك مظلمه كذا وحطت شنطتها على الطاوله وافتحت الستاير
جود (غمضت عيونها من قوى الضوء)
شموخ:اخبارك جوجو يالدوباا وربي وحشتيني
جود(ببتسامه باهته حيييييييل)بخير الحمدلله
شموخ:جــــــــــود اكيد انك بخير
جود(بارتباك):ايه الحمدلله بخير بس تعرفين بطني يعورني وكذا
شموخ:اهاا قولي كذا من البدايه
اشربي شي حار يريحك وكولي بندول
جود:طيب ياماما
شموخ(ياربي هذولي بلاهم اليوم على طاري الاطفال)هههههههههه
اللحين هذا جزاتي اني اخاف عليك
جود:هههههههههه لاوربي بس مالي نفس
شموخ:جود وش ذا الظرف
جود:لالاتفتحينه
شموخ:ليه وش فيه
جود:لابس هذا اغراض بنت امنتني عليهم
شموخ(بعدم تصديق):اهااا
ريماس طق الباب
ممكن ادخل ولالا
جود:لاوش تبين جلستنا للأنسات بس
شموخ:ووجعه جود تعالي رموسه
ريماس :اصلااا انا مابيك ياجود انا جايه عشان بنت عمي شموخ
جود:هههههههههههههههههههه
جحدتيني ياريماس هاه
وراح الوقت على الضحك والسوالف
ريماس :يوه بنات تصدقون الساعه 4ونص وحنا ماحسينا بالوقت
جود:لاوش 4 اكيد ساعتك خربانه
شموخ:ايه والله الساعه 4ونص
ريماس:غريبه وين راح الغداء شكلهم غيرو رايهم وبيخلونه عشاء
شموخ:ههههههههههههههه عزالله مافيه بعد 4 غداء
ريماس :طيب عن اذنكم
جود وشموخ كملو سوالفهم عادي
جود:شموخ الساعه كم؟؟
شموخ:اممممم 5وعشر دقايق
جود:يوه موكأن ريماس تأخرت هذولا وش فيهم شكل والله مافيه غداء
انا نازله اشوفهم شوي واجي خوذي راحتك
شموخ(ببتسامه)طيب
شموخ(مليت من الانتظار صارت الساعه 6 وجود ماجت صراحه
خفت قلبي نغزني مومعقوله اي احد ينزل ماعاد يصعد
شفت مجله قلت اتسلى فيها وعشردقايق اذا ماجت جود بنزل اشوف وش فيهم)
طق الباب
فتحت عيوني لما شفت ابوي وعمي جايين للغرفه وبدون عقال
اشكالهم ماكانت طمن000000000000

****************************** ****

قصة مشوقة جدااا يعطيكى الف عافية

الله يعافيك نورتي يالغلااااااا

********************
الفصــــــــــل التااااااااااسع والعشرووووووووون

قالت لشغاله تنزل شناطها
مابقى شي على موعد الطياره واخها اقلقها كل شوي يدق
عليها عشان تلحقه للمطار
البست لين عباتها الضيقه المفتوحه على بنطلونها الجينز
واخذت شنطه صغيره رمادي
ونعال رماديه واطي
مالها خلق تدري انها بتتعب بالمطار مع انعالها
مالها خلق مكياج اكتفت بقلوس خفيف ومسكرا
نزلت على الدرج ركض اسرع من الاصنصيل بسرعه قبل الطياره لاتفوتها
طلعت براء عند الباب وتلاقايا ظمت نفسها بيدها
برررررررد الجو بداء يبرد بالرياض
لين :ووجعه وش تنتظر افتح الباب
:العذر طال عمرك مانتبهت
لين:وجعه ان شاء الله هذا الي فالحين فيه
ترززون على الفاضي
سكت وماقدر يتكلم لين مزودتها مع الكل
ناظرها بنظرات حقد مايقدر يتكلم بيدها رزقه
عطاه واحد نظره بمعنى اسكت
سكر الباب ونفسه يذبحها
لين:بسرعه المطار
دق عليها اخوها
زيد:مرحبا
يابنت وينك شكلك ناويه تنامين بالرياض اليوم
لين:ههههههههههههههه
لاوش انام هذا انا تو وصلت
زيد:طيب بسرعه تعالي للكافيه بنتظرك
لين:طيب
اعلنت ان الطياره بتاخر ساعه عن موعدها المحدد
لين:آآآآآآآآآآآآآآآآآف
وهذي سالفه الخطوط عندنا بالسعوديه
لازم فيه تأجيل بالرحلات ولاتشك انك بالسعوديه
آآآآآآآآآآآآآآف
زيد:اسم الله وش فيك كلها ساعه على بال مانطلب لنا شي
وش تاكلي
لين:جب لي قهوه تركيه
زيد:ماتبي تاكلي شي
لين:لامابي شي
زيد اشر لواحد من رجالهم يجي
نعم طال عمرك
زيد:انا رايح شوي قربو من طاوله لين
ين جالسين هناك
لين:زيد وين بتروح ؟؟
زيد:عندي مكالمه بس بطلع اكلم براء
لين:الله وش هالمكالمه الي تخليك تطلع
زيد:مكالمه شغل لاتشغلين بالك
لين:طيب انا بتمشي بالمحلات شوي
زيد:طيب بس خلي الرجال معك
لين:يووه يازيد لاتصير لي زي بابا
تدري ماطيقهم ولااحب احد يمشي وراي
ماقدر اخذ راحتي احس اني مراقبه
زيد:هههههههههه اووخص يالمراقبه
بس ماعليش حبيبتي تحمليهم شوي حنا بالمطار
وعارفين ان عندنا رحله
لين:عارفين مين الي عارفين؟؟؟
زيد(وباين عليه انه توتر)هاااه لاولا شي
خليهم معك وبس
يالله انا نص ساعه وارجع
لين:اووف وش هالمكالمه الي تاخذ نص ساعه
زيد:شغل يالين شغل
ومشى خطوتين ونادى لواحد من الرجال وجلس
يسولف معه
لين كانت تناظرهم من بعيد مو مو مرتاحه ابد
زيد اليوم غريب
طنشت وراحت للمحلات شدها محل ورود
شافت سلااات الورود وراحت لعالم ثاني
تذكرت هالمحل لما كانت تبي تسافر لمصر الصيف الي فات
شافت عادل هنا جاء يودعها
وعطاها ورده حمراء
سرحت وغرقت بماضيها ماضي كان عالم غير العالم الي فيه
عالم رمانسيه وحب عالم
كانت الاميره فيه
صحاها من الذكرى
جوالها
كان زيد يقول لها ان موعد الطياره جاء ولازم يصعدون لطياره

****************************

كانت جالسه وضامه ركبها لصدرها وتكتم شهقاتها
هذي حالتها من امس ومانامت وهي تبكي
استندت على الباب وجلس اتأملها سرح فيها وبجمالها
آآآآآآآآآآآآآآآآآه هالبنت خبلتنه وجننتنيه مايدري متى تحس فيني
جلس يمسح شعره بيده
ودق جواله وراح يشوفه
كان ((الوالد )) يتصل بك
ارتبك مايدري وش بيسوي ولالو يساله عن روز
وش يرد بيقوله عن الي صار
عشان ابوه يذبح فايز
ولايقوله انها معه بشقه صديقه الي مسافر
والله لايذبحه هو
احتار مايديري وش بيقول
واخذ نفس عميق لما وقف الجوال عن الدق
بس اذا مارد اللحين بيرد غصب بعدين
ولو اللحين اهل روز يدورونها وش بيصير
فز على دق الجوال كان ابوه
احم احم
يحاول يعدل صوته
راشد:هلا يبه
ابو راشد:السلام عليكم
راشد :وعليكم السلام
هلاوالله بابو راشد
ابوراشد:اقول راشد انت مودي روز لمكان دقت حنين تقول
مو بالبيت
راشد:ايه روز
روز عند صديقتها تقول تعبانه ودقت علي عشان اوديها
ابو راشد:اها اي زين خلها تغير جو وتشوف صديقاتها
مسكينه هالبنت
لاوصيك عليها شوي وجبها
راشد:ايه اكيد ان شاء الله
ابوراشد:وشوي وتعال للمستشفى شوف حاله عمك
هالدكاتره مايقولون لي شي وانا ابوك
لازم انك معي يقولون كلام افهم نصه ونصه لا
راشد:من عيوني يبه تامر امر
ابوراشد:يالله مع السلامه
راشد :مع السلامه
ااااااااااااف غمض عيونه واستند على الجدار
صار لازم يكلمها
بس كيف خايف من رده فعلها وبعدين كيف بيرجعها للبيت
عند هالكلب ااااااااااخ بس لوامسكه
والله لافقع وجهه الكلب الحقير
ببيت عمي ويشرب وجاي سكران ويتعداء على بنت عمي
الحمدلله ان الله ستر عليها ولاكان انفضحنا بس والله ماتركها له
الكلب والله لانسيه اسمه ولاخليه يتوب
ويكره الساعه الي جاء فيها لبيت عمي الحيوان
راشد (يوطي صوته وكأنه يبي يعطيها الامان):روز
روز
ويقرب لها شوي شوي
لقاها نايمه ودموعها على خدها
غطاها بالفراش وتركها نايمه كسرت خاطره
يبي يخليها تنام شوي من امس مانامت

*************************

ثاااني ايام العزاااااااااااااء
يوم الجمعه الساعه 8 صباحا بتوقيت الرياض
صحت شموخ وكانت تلتفت بمكان يطغى عليه اللون الابيض
وريحه المعقماات عرفت انها بالمستشفى
حطي يدها على راسها
وقامت تلفت كانها تدور شي
شموخ:ماما
ماما
جود(كانت نايمه على الكرسي وقامت مفزوعه من صراخ شموخ)
جود:بسم الله عليك شموخ
وش فيك
شموخ(تحاول انها تقوم)وين ماما ابي امي
وينهاا
جود:ضغطت على زر الاستدعاء
تبي احد يجي من الممرضات ويساعدها
جود تحاول تضم شموخ وتقراء عليها الي حافظته من الايات
شموخ:بعدي وين امي جود
امي وينها وين راحت
ابي امي جيبي لي امي الله يخليك جيبها لي
جت الممرضه تركض ومعها الابره
ومعها وحده ثانيه تحاول انها تمسك شموخ
شموخ:هدووني بعدووعني ابي امي
وكانت تقاومهم بكل قوتها فكوني
دخل خالد على صوت صراخه
شموخ:خالد خالد ابي امي
اشر خالد للمرضه تبعد وتتركها
لكن الممرضه ارفضت واصرت انها تعطيها الابره
تنومها شوي
ابي امي كانت اخر كلمه انطقتها شموخ
جودماقدرت تكتم شهقاتها اكثر بكت بصوت عاااااااااالي
كانها كانت مكبوته وتبي تطلع الي بداخلها
ركضت لخالد وطاحت بحضنه تبكي
خالد كانت عيونه على شموخ وجود
كان يحس انه مشلول ومابيده شي
الموت هو الشي الوحيد الي مالنا يد فيه
جلس يمسح على راس جود
وعيونه مابعدت عن شموخ

******************************

اول ماوصلت للمطار لقت عيال اختها
سلمان(عمره 25
عدنان(23
بستقبالها بالمطار
لين (بعد ماسلمت عليهم)
عدنان الدب وين كرشتك اوووووووخص ضعفان يالدب هههههههههههههه
عدنان:ايه افا عليك اطيح البنات انا بس تشوفيني لامشيت كسرت ارقابهن
لين:هههههههههههههههههههههههههه ههه
ضحكتي والله اقول يالاخ
سلمان:هلا لين
لين:لين بعينك انا خالتك يمال الوجعه
سلمان:اقول لايكثر هالطول تقول بزر وماكملت العشرين وتبيني اقول لها خاله
والله دنيا
لين:ايه خالتك يمال الوجع ان شاء الله
لاتقول لي لين كأني اصغر عيالك
ضحك سلمان على لين لانها عصبت
سلمان (ويبوسها على راسها )افاااااااا عليك ياخاله احلى خاله بالوجود والله
لين :ايه اشوى
عدنان اقوووووووووووول زيد
انت بعد ماتبيني اقولك ياخال
زيد:هههههههههههههههههه
لاابد سلامتك خلك على زيد احسن
سلمان:وش دعوه زيد الازيدوه ويخب بعد
زيد عطاه نظره سكته
لين من وصلت للمطار قفلت جوالها ورمته بالشنطه
كانت جايه تاخذ فتره نقاهه بعيده عن الناااااااااااس
محتاجه تنطوي على نفسها وترتب اوضاعها قبل السفر

********************

انت مجنون تبي شموخ تشوف امها
خالد اوووووووووووووووووووص
ااااااااااااااااااااااااايه ووطي صوتك
جود:لامستحيل ياماميت والله لاتجيها جلطه
والله لايوقف قلبها
خلها ودفنوها مولازم تشوفها
خالد:انتي مجنونه وش اخليها هذي امها
لازم اتشوفها
صحت من النوووووووووم
دموعها على وجهها

********************

ذوق والله مادري
طيب مايصير نسويها اللحين طيب
ياررررررررربي
اااااااااف
وش ذا قبل العرس بيوم وش بيصبرني
طيب نتاجيها مضمونه اكيد
يعني ماراح يشك فيني
نوره تجمدت بمكانها بعد ماسمعت هالحكي من ذوق

جت تبي تدخل بس وقفها صوت جوالها
كانت (جود) يتصل بك
استغربت وتنحت ساعه عند الاسم
ماحست بنفسها الامكالمه لم يرد عليها
ورجع دق الجوال
نوره هلااا جود
شنووووووووو
متى
طيب
باي مستشفى
ايه اكيد اللحين انا جايه
سكرت السماعه وهي مو مستوعبه شي
ام شموخ توفت بمرض السرطاااااااااان
جلست ساعه تستوعب الحكي
وتردد
ماتت
ماتت
ماتت
تكرررررررررررررررررره هالكلمه وماطيقها
تكره شي اسمه مووووووت وتمنى ياخذها معه
جلست على الارض
آآآآآآآآآآآآآآآآآآآآآآآآآآآآه( طلعت منها غصب
حنين طلعت من غرفتها
حنين:بسم الله نوره وش فيك
نوره على حالتها وماتحرك لها ساكن
حنين :نوره
نوره
نوره (بصراخ)
التفت لها نوره وارتمت بحضنها بدون ماتنطق ولاكلمه

********************

قامت مفزوعه وتخبي صدرها بيدها
وتصرخ بعد بعد
قامت تلتفت للي حولهاا
واحمدت ربها انها كانت تحلم
جاء راشد على صوت صراخها
راشد:وش فيك
روز(استحت منه ونزلت راسها):لامافيني شي
مافيني شي
راشد
راشد:آآآآآآآآآآآآآآآآمري
روز:ابي امي وقامت تبكي
راشد :انجن منها ومن تصرفاتها يحس انها بزر
ليه هي متى شافت امها عشان تبيها
راشد (بينه وبين نفسه)ياصبر ايوب على بلاوه ياربي
والله انها بزر عقلها عقل بزر
الله يعيني عليها
مايدري وش يسوي كسرت خاطره تبكي مثل الطفل
وخايف من رده فعلهااااااااااااا
قام يقرب لها شوي شوي
لما جلس جمبها
راشد:روز
روز ولاكانها تسمعه ومعلقه على كلمه ابي امي ابي امي
راشد كسرت خاطره مايدري وش يسوي معهاا
طرخ عليها يمكن تحس عليها
رفعت راسه وطالعته بعيون كلها دموع
ودني لبيتنااااااااا
ابي اروح لبيتنا
راشد:هيه انتي مجنونه مره تبين تروحين ومره تبين تجلسين تراني ماني سواق عندك
روز:طيب ياراشد
(وقامت اخذت عباتها وطلعت من الغرفه)
راشد:انتي يالمجنونه وين بتروحين
روز:بروح لبيتنا لاتوديني بالطقااااق مغرور مادري على شنو شايف نفسك
راشد:انتظري ويجرها مع يدها اللحين انا اوديك
روز:فكني لاتلمسني
راشد:يابنت تراك جننتيني بدريه زوجه ابوك رايحه مع اخوها
امها تعبانه وبالمستشفى وخواتك عندنا بالبيت
روز:كذااااااااااااااااااب
هدني لاوالله لاصرخ والم الناس عليك
راشد(انصدم من كلمتها)وماحس انه ضربها
روز(تجمدت بمكانهاااااااااااااااا خدها حار معناته ضربها وقفت دموعها غصب
كانت تناظره بعين قويه وهو يناظرها بس بعيون تعتذر
ومانطقت بولا كلمه لبست عبايتها وطلعت وهولحقها لسياره
روز ركبت وراء بدون ولاكلمه
تحس انها مقهووووووره منه ونفسها تقطعها بأسنانها تقطيع
راشد:روز
روز ماردت عليه واكتفت بانها عطته نظره لانه يشوفها مع المرايه
راشد:هذا بيتكم انزلي خوذي لك اغراض
بتطولون بيتنا يمكن يومين او00000000
راشد ماكمل كلامه لان روز انزلت وسكرت باب السياره باقوى ماعندها
راشد:وجعه كسرت باب سيارتي
اول مانزلت ووصلت البيت طلعت عبايتها عند المدخل
انصدمت من المنظر الي شافته قدام المرايه
خدها صاير ازرق
روز وتتحسس خدها باصابعها
حسبي الله عليك ياراشد يالعل يدك للكسر ان شاء الله
يالكلب انا ماعمر احد ضربني الله لايوفقك ياعل يدك للكسر
وش اقول لناس اللحين
يالعل يدك للكسر يالعلك لشلل ان شاء الله ياراشد
كان داخل يبي يساعدها على الصعود لدرج لان رجلها مجبسه
بس وقفه دعائها
وبعد جهد جهيد طعدت الدرج
انصدمت لما لقت 34 مكالمه لم يرد عليهااااا
كلهم من نوره
بلعت ريقها وهي عارفه ان فيه بلوه تنتظرها
دقت على نوره
مره وماردت بدت القلق والخوف يسيطر عليها اكثر
دقت عليها وبعد ثالث مكالمه ردت نوره
روز:الوووو
نوره وش صاير
نوره:روز انتي وينك من الصبح وانا ادق عليك
روز:نوره وش فيه وش صاير
نوره:ام شموخ
روز:وش فيها
نوره:ادعيلها بالرحمه
روز(شهقت)كيف من صجك
نوره:وفيه احد يمزح بهالمواضيع
روز:طيب متى وكيف وليش
نوره:امس توفت والعزاء كان امس واليوم يدفنونها
روز:طيب شموخ رحتي لها شفتيها
نوره:لااللحين انا طالعه بروح لها بالمستشفى
روز:مستشفى0000000؟؟؟؟؟؟؟؟
نورهكايه جود كلمتني تقول حالتهااااااا مو طيبه ابد
روز:ياحول الله اقوى طيب باي مستشفى
نوره:مستشفى الـ000
روز:طيب انا اللحين اجي
باااااااي
نوره مع السلامه

**************************

مشت معها جود وخالد وابوها وعمها ووليد
ماكانت حاسه من معها ولامن مو معها
كانت تجر رجلينها جر
دخلت الغرفه لقت سرير ابيض
عليه احد ومغطا
هذي امهااااااااا هذي اخر مره بتشوفها فيهاااااااا
كانت تحس انها من داخل ولاشي
الالم والحزن حطمهااااااااااااااااااا
خالد ويحط يده على كتف شموخ يبي يهديها
بعدت يده بقوه
بعد
وراحت عند امهااااااااا
شموخ:ماما
ماما
ماما اصحي
ماما انا شموخ بنتك ماما الله يخليك اصحي
عادي روحي سافري مولازم تجلسين هنا بس اصحي الله يخليك ماما
ماما قومي وتهز امها جود طلعت من الغرفه بسرعه ماقدرت تحمل الموقف
شموخ وتهز امها بكل قوتها خالد ويحاول يبعدها
شموخ:هدنننننننننننننني هدنننننننننننننني ابي امي
فكني(وتصرخ)
ماما
ماما
مالي غيرك اصحي
ماما
يمه علامك ردي الصوت تكفين
......................ردي علي الصوت لا تذبحيني
اصرخ وانادي واتبع الصوت صوتين
......................يمه ويمه لين باح الكنيني
قالوا علامك لاتخلي المصلين
.....................بوسط الجنايز مايجوز الونيني
امك خذوها من رجوه المصلين
......................شف دارها مابين رمل وطيني
خذاني الهاجس وانا بين نارين
.......................قبل آصله مابين شك ويقيني
استغفر الله ليه ياحظي الشين
......................حتى المنيه ماتبيها تجيني
يمه حياتي ارهنه بين كفين
......................كفينك اللي عطفها محتويني
يمه حياتي لو تساوي ملايين
.......................فدوه ..وفدوه مابقى من سنيني
يمه وداعك زود الهم همين
.......................هم يروح وهم بعده يجيني
يمه وداعك زود الهم همين
......................هم يروح وهم بعده يجيني!!

******************************
الروايه للكاااااااااتبه ذبحني غلاهاا

رائعة رائعة تستحقى التقدير

	#22
نفس الاحساس	رد: جنــــــــــــــون القدر للكاتبه ذبحني غلاها جنــــــــــــــون القدر للكاتبه ذبحني غلاها قصة مشوقة جدااا يعطيكى الف عافية

	#23
غلطتي ارخصت نفسي	رد: جنــــــــــــــون القدر للكاتبه ذبحني غلاها جنــــــــــــــون القدر للكاتبه ذبحني غلاها الله يعافيك نورتي يالغلااااااا