رد: كان قلبي لك مدينه ولاحظ اني قلت كان
كان قلبي لك مدينه ولاحظ اني قلت كان
~[ رجل ]~
ركبوا السيارة ثلاثتهم ..
متجهين لبيت أبو خالد ..
جهاد وأسرار وأم جهاد ..
ضحك ووناسة وهبل ..
أم جهاد: الله يطول بعمري وأشوفك عريس يا ولدي ..
الكل: آمـــــــــــين ..
جهاد: يمه .. الله يخليك .. لا تفتحين هالسيرة ..
أسرار: ليه يعني؟؟ جهاد لي متى بتعيش كذا؟؟
جهاد: لييين تطيب رجلي بإذن الله ..
أم جهاد: انت عارف انه مافيه أمل ..
أسرار: يمه لا تقولين كذا ..
أم جهاد: من حرقة قلبي يا بنتي ..
أسرار: لاء ..إن شاء الله بيمشي .. بس إعاقتك مو حاجز بينك وبين الزواج ..
جهاد: انتو تعرفون وش يعني ماااا أمشي غير بعكاز ؟؟
أسرار: جهااااد .. تراك طفشتني ..
أم جهاد: انت رجال ياولدي .. والرجال ما يعيبه الا جيبه ..
ولو كان حمار .. المهم انت الله عاطيك .. وتقدر تتزوج بدل الوحده بنتين ..
وتقدر تعيشهم أحلى عيشه .. يا ولدي أنا أقول هالكلام عشان مصلحتك .. انت ألف بنت تتمناك .. وتبيك حتى وانت كذا .. انت ياولدي الله مكملك لا إله إلا الله .. أنا ما أقول هالكلام لأنك ولدي .. لاء ..
انت ماشاء الله عليك .. رجال ومزيون هيهيهيهي .. وغني ..
وطيب وحبوب .. وحنون .. والأهم إنك أسمر .. خخخخ ..
جهاد:خليني أفكر بالموضوع يمه ..
أسرار: وش تفكر؟؟ خلاص يا بابا .. حنا قررنا نخطب لك ..
أم جهاد: وه .. مين ؟؟
أسرار: ماعليك يمه .. بفهمك بعدين ..
جهاد: أفاااا سر يعني؟؟
أسرار: ايه سر .. رزة الفيس من طبايع التـــــيس..
جهاد:ههههههههه طيب طيب .. أورييييك ..
واستمرت النقاشات حول زواج جهاد من البنت المناسبة ..
وجهاد تفكيره كله في العلاج ..
وفي فجــــر ..
~[ حب من طرف واحد .. ]~
زايد:بشروها وعلموها .. قولوا إني ناوي أخطبها من أبوها ..
فهموها وعلموها .. إني جيت بشوقي كلــه.. بلغوووهاااااآآآ ..
شهد:ههههه . مين سعيدة الحظ ..؟
زايد: هلاااا شهودة ..
شهد: هلا فيك .. مين هذي الي بتخطبها ؟؟
زايد: أول تعالي بالمجلس نتكلم .. ونادي أسيل ..
شهد: بس أسيل؟؟
زايد: ايه ..
شهد: بس رسل ورسيل .. هم الثلاث ما يفترقوووون ..
زايد: صرفيـــهم .. قولي خالد يبغاكم ..
شهد: أوكيــــــــه ..
راحت شهد للبنات ونادتهم ..
شهد: أسيل.. زايد يبيك .. رسل و رسيل .. كلموا خالد ..
رسل ورسيل: يوووووووه ..
أسيل: مابروح من غير وايت وفانيلا ..
رسل: وأنا ما أقدر أفارق شوكولاه بعد راسي ..
شهد:ههههه .. عاد أنا قلتلكم .. ما يخصني ..
راحت شهد عنهم .. أخذت جودي وسوفت وراحت للمجلس ..
ولحقتها أسيل ..
والبنات راحوا لخالد ..
دخلت أسيل حصلت زايد وشهد جالسين ..
جلست معاهم ..
أسيل: خير؟؟ شالسالفة؟؟
زايد: عجوز مخالفة هع هع ..
أسيل: هههههههههههه لالا بجد ..
زايد: أنا بخطب ..
البنات: كلووووووووووووووووووش .. كللللللللللللوش ..
زايد: أووووص .. اووووص بقر ..
شهد: هههههههههه .. مبسوطين عشانك ..
زايد: ههههههههه شكراً يختشي .. افرحي بصوت واطي ..
أسيل: مين مين مين ؟؟؟
زايد: محمد أميــــــن ..
أسيل: ههههههههههه يلا بجـــد ..
زايد: استعدوا ..
شهد: يلا ..
أسيل:1 ..
شهد: 2 ..
أسيل: 3 ..
زايد: فجر ..
أسيل شهقت..
وشهد اختفت ابتسامتها ..
زايد انفجع من أشكالهم >> خخخخخ ..
زايد: اشفيكم؟؟
شهد:...........
أسيل:.............
زايد: شهد .. أسيل .. اشفيكم ردوا ..
أسيل:بس .. بس فجر ..
شهد: أسيل ..
أسيل: لاء .. لازم يعرف ..
زايد: أعرف ايش؟؟ تكلموا ..
أسيل: فجر تحب ..
زايد عوره قلبه .. واسودت الدنيا بعينه ..
زايد بألم والكلمات بالقوة تطلع منه: تحب .. ميـ .. مين؟
شهد:...........
أسيل: جهاد .. وجهاد بعد يحبها ..
زايد نزلت منه دمعة مالاحظها أحد ..
وقام بسرعة مثل الذيب المجروح ..
طلع من البيت والبنات ينادونه .. بس ماكان يرد على أحد ..
قفل جواله .. وطلع بسيارته .. وراح للبحر ..
مايدري ليه يروح للبحر؟؟
بس يقولون إن البحر يشيل هموم ..
راح وهو مكتئــب .. حرام .. هو يحب فجر ..
بس فجر ماتحبك يا زايد ...
فجر .. تحب .. جهاد ..
خجل زايد من نفسه .. مايدري ليه ..
بس وجهه قلب ألوان وهو يفكر بفجر ..
راح بسرعة ورمى نفسه في البحر ..
وللمعلومية: زايد ماااايعرف يسبح ..
حاول يصارع الموج .. ماقدر .. مر شريط حياته قدام عيونه ..
تنفس آخر أنفاسه بالبحر ..
دخلت المويه بكل مكان بجسمه ..
وغرق .. كل هذا والناس الي ع البحر يناظرون بحزن ..
مافيه غير شلة شباب راحت تسبح تبغى تنقذه ..
وصلوا عنده .. وطلعوه من البحر ..
والي ع الشط انبسطوا مره ..
واحد من الشباب كان يسوي له إسعاف ..
وتنفس صناعي وحالتهم حالة ..
وبالأخير .. تنفس زايد .. وغص بمويه كانت بحلقه ..
قوموه الشباب .. زايد قام .. وحس إنه راجع من الموت ..
حس إنه مجنون لأنه طب بالبحر ..
هو بخير مافيه شي .. لأنه قاوم حتى وصلوا عنده ..
بس أكيد تعبان شوي ..
زايد بتعب: مشكورين .. ما قصرتوا ..
.....: ولا يهمك .. بس خير يابو الشباب؟؟ وش ذيك الطبه؟
زايد بابتسامة ألم: مجنون .. ما علي عتب ..
....: هههههه ع العموم .. الحمدلله على سلامتك ..
زايد: الله يسلمك .. يالطيب ..
....: اسمي حمد .. وهذولي ريان ومشاري .. وأخوي محمد ..
أكيد عرفتوا ريان ومشاري ..
ريان الي شاف فجر ومااغتصبها .. رئيس العصابة ..
ومشاري .. صديق أصايل وناصر ..
زايد: يا هلا والله .. ألف شكر ..
حمد: بس مافيه ألف شكر كذا .. لازم القصة ..
ريان: وحنا ما بنتركك تمشي من هنا إلا بالقصه..
|