 |
  |
|
|
|
|
#6 |
|
|
رد: أجمل سنوات عمر .. بعد ال40
علشان رحلتنا تبقى سهلة , محتاجين ل3 حاجات : 1- معرفة الذات 2- إحترام الذات 3- الثقة بالنفس تعالوا نشوفهم بالتفصيل |
|
|
#7 |
|
|
رد: أجمل سنوات عمر .. بعد ال40
1-معرفة الذات ذاتك هى شخصيتك اللى جواكى و شخصيتك عاملة زى لعبة ال "بازل " puzzle ( تجميع القطع ) الناس بتقدمها لك متفرقة .. و بشكل رتبوه هم بما تراءى لهم أو بما أرادوه لك و عليكى دلوقتى إنك تعيدى الترتيب و تحطى كل قطعة فى مكانها الصحيح , علشان تبان لك صورتك واضحة و تعرفى نفسك على حقيقتها و مهما كانت شخصيتك جميلة أو بسيطة هتحبيها لأنها أصبحت بالنسبة لك مفهومة و واضحة و صريحة و لما هتحبيها هتبقى سعيدة و لما بنبقى سعداء و مرتاحين بنقدر نؤدى دورنا فى الحياة على أكمل وجه و هو دة السبيل الوحيد لإثبات الشخصية و دة تمرين علشان تعرفى ذاتك : إجلسى بهدؤ و معاكى ورقة و قلم .. و إكتبى : - الميلاد - الحالة الاجتماعية - الصداقات السابقة - الصداقات الحالية - ذكريات الطفولة - ذكريات المراهقة - ذكريات الشباب - ذكريات العيلة - الدراسة - الثقافة - العمل - الأمومة - محل الإقامة - السيارة - الهوايات - السن - الملبس - المظهر العام - شكلك اللى فى خيالك طبعا و انتى بتكتبى لازم تلتزمى بالصراحة التامة لأن نتيجة التمرين دة هتتوقف على مدى أمانتك مع نفسك ******** دلوقتى إقرأى اللى كتبتيه و كأنه لإمرأة أخرى ******** إكتبى تانى : - إيه الصورة اللى إتكونت فى خيالك عن هذه ( اللى هى انتى طبعا ) ؟ - إيه أكتر حاجة لفتت نظرك فيها ؟ - إيه الإحساس اللى جالك و انتى شايفاها قدامك ؟ - إيه اللى ناقص فى الصورة دى من حقيقتها و هى أغفلته و ما كتبتهوش ؟ ******** دلوقتى هتسيبى القلم ******** إقرأى كل اللى كتبتيه من الأول للآخر ******** لو لقيتى إنك مش عاجبة نفسك , فإنتى دلوقتى عرفتى إيه اللى مخليكى مش راضية عن نفسك بالضبط و لازم يتغيّر فمثلا : ممكن تكتشفى إنك أصبحتى أقل أناقة لأنك متمسكة بموديلات كنتى بتلبسيها فى سن أصغر ( مقاومةً منك لتقدم السن .. أو مجرد تعود ... ) دلوقتى لما شفتى نفسك على حقيقتها هتغيرى لبسك و انتى راضية و متقبلة نفسك تمام الرضا |
|
|
#8 |
|
|
رد: أجمل سنوات عمر .. بعد ال40
2- احترام الذات المجتمع حوالينا دايما بيطلق علينا العبارات السلبية قاوميها : ابنى بينك و بينها سد منيع علشان ما تدخلش من ودنك لعقلك الباطن , فتخرج منه على شكل أفعال إنتى بريئة منها و مش راضية عنها إزاى ؟ - بالدعابة أولا - و بتقبلك لذاتك ثانيا لكن إزاى تقدر الواحدة فينا تقبل ذاتها إن كانت مش راضية عنها ؟ بأن تحترم ذاتها .. و احترامك لنفسك انتى اللى بتبنيه بنفسك و عليكى أن تبنيه من 4 نواحى : 1- الناحية الشكلية 2- الناحية الإجتماعية 3- الناحية العاطفية 4- الناحية الفكرية ############################## 1) الناحية الشكلية : إذا كان شكلك الخارجى فيه حاجة تستحق التغيير فابدئى بتغيرها فورا أما إن كانت غير قابلة للتغيير : فكل اللى عليكى إنك تهتمى بأفضل ما لديكى و تسلطى الضؤ عليه بس فى الأول عاوزة أنبهك لحقيقتين ثابتين ( مش عارفة ليه دايما بتغيب عننا ؟ ) الأولى إن اللى إحنا بنشوفه عيب فى نفسنا قد يراه الآخرون ميزة و التانية إن الناس ما بتشوفش مننا إلا اللى بنظنه إحنا فى نفسنا فإحنا دايما اللى بنلفت النظر لعيوبنا عملا بالمثل القائل ( اللى على راسه بطحة دايما يحسس عليها ) و بالتالى فإن أرّقك عيب مش قادرة تغيريه , فكل اللى عليكى تعمليه إنك تغضى البصر عنه تماما و لا تعيريه أدنى إهتمام بل ممكن إنك تحوليه لميزة بقليل من الحمد لله فمثلا : لو كنتى قصيرة إحمدى ربنا إنه أتاح لك الفرصة تلبسى كعب عالى لتزيد خطوتك أنوثة و لو كنتى طويلة إحمدى ربنا إنه عفاكى من الكعب العالى و مشاكله الصحية و الألم اللى بيسببه و ياريت نحتذى بجدتنا كليوباترة اللى كانت مشهورة بكبر أنفها , فكان قولها " لو كانت أنفى أصغر لتغير وجه التاريخ " و كانت النتيجة أن التاريخ صنّفها " أجمل الجميلات " جنبا إلى جنب جدتنا نفرتيتى التى تؤخذ من ملامحها مقاييس الجمال إلى يومنا هذا ############################## 2- الناحية الإجتماعية : ليكن شعارك : ( رأيك فىّ لا يدل علىّ ) فمش مهم رأى الناس فيكى إيه ما دمتى دايما بتسعى لأن ترضى ربنا عنك فلو كان رأي الناس فيكى جيد فإطلبى من ربنا أن يجعلك أخيّر مما يظنون و إن كان رأيهم فيكى سيئ فدى مشكلتهم هم مش مشكلتك إنتى لأنه من المهم أن تعلمى إن الناس عمرها ما بترضى , لسبب بسيط جدا : إن العين بتكره اللى أحسن منها و كان زمان فيه قول مأثور بأتخذه مثلا لحياتى كان مريحنى قوى بيقول " يشيرون إلى بالأيدى و قولهم : ألا خاب هذا .. و المشيرون أخيب " لأن الواقع إن مافيش إنسان كامل فاللى بيشير على عيب أخيه بيكون معيوب أكتر منه و بالتالى فأسلم طريق لإحترام الذات إجتماعيا إننا ما نقيدش نفسنا برأى الآخرين فى أنفسنا ############################# 3- الناحية العاطفية : طول ما انتى شاعرة بالذنب أو القلق أو الغضب عمرك ما هترضى عن نفسك أبدا لذلك: - حاسبى نفسك أولا بأول و ارجعى عن أخطاءك و توبى لذنوبك بمنتهى القوة و الشجاعة - تجنبى الغضب بالتسامح : اتعلمى من الإساءة علشان ما تتعرضيلهاش تانى .. لكن المسئ انسيه بإنك تسامحيه .. لأن طول ما انتى غضبانة عليه هيفضل جواكى , و طول ما هو جواكى هيفضل يشعل النار فيكى .. و بكدة فهو مازال بيؤذيكى , و لكن مش بيده هو و لكن بيدك أنتى .. فإغلبيه بإنك تسامحيه - و أهم من كل دة إنك تثقى بالله بجد .. مش مجرد كلام زى ما بنعمل .. لأن هو دة السبيل الوحيد لأن نحمى أنفسنا من القلق .. فلازم نعى كويس قوى معنى أن أمرنا فى يد الله وحده و أنه لن يصيبنا إلا ما كتبه الله لنا .. و بما أنه هو الرؤوف الرحيم , اللطيف بعباده , فلن يأتينا إلا الخير و فى ميعاده الأنسب لينا ############################## 4- الناحية الفكرية : الإنسان بيظن فى نفسه ما وضعه فيه والديه .. ثم معلموه فى المدرسة .. ثم الأهل و الأصحاب .. ثم شريك الحياة .. فمثلا ممكن يكون طفل موهوب فنيا , و لكن برمجته فى طفولته : إنه فاشل رياضيا .. فأعيدى إكتشاف نفسك مش مهم الناس عاوزة منك إيه المهم انتى تقدرى تقدمى إيه ربنا ما خلقش إنسان إلا و وضع فيه موهبة تفيده و تفيد مجتمعه من حوله إبحثى عن الحتت دى لإنها هى دى نقط القوة فيكى , اللى هتخليكى تحترمى نفسك و تحبيها و إبعدى تماما عن التفكير السلبى لأن اللى بتفكرى فيه بيكمن فى عقلك الباطن و اللى فى العقل الباطن بيخرج على شكل أفعال فلو رجعنا لمثال الطفل اللى خدناه من شوية لو إنه خد دايما بكلام من حوله , و فضل يفكر نفسه كل شوية بإنه طفل فاشل فى الرياضة , هيتصرف كإنسان فاشل , حتى يفشل فى الفن اللى هو أصلا موهوب و بارع فيه فيتدمر فلازم دايما تذكرى نفسك بنقط القوة اللى وهبها لك الخالق و يكون كلامك لنفسك دايما إيجابى طيب و الناس المُحبطين اللى حوالينا نعمل فيهم إيه ؟ مش هأقولك لا تعيريهم أدنى إهتمام و لكن هأفكرك بحقيقة علمية ثابتة و هى أن الناس بتتكون فكرتهم عنك من خلال فكرتك إنتى عن نفسك فلو رجعنا للمرة التالتة لمثل الطفل و قلنا إنه ما خلاش فشله فى الرياضة يمنعه من إظهار مواهبه الفنية , هنلاقى إن والديه نسيوا الرياضة و راحوا يتباهوا بعبقريته الفنية الفذة ############################## يعنى المفتاح فى إيدك إنتى مهما ظنيتى إنك واقعة تحت سيطرة حد تانى |
|
|
#9 |
|
|
رد: أجمل سنوات عمر .. بعد ال40
3- استعادة الثقة بالنفس الثقة بالنفس هى أهم حاجة ممكن تخليكى تقدرى تسيطرى على حياتك لأنها بتعطيكى قدرة مطلقة على عمل أى شئ فى أى وقت و دة تمرين علشان تقيسى مدى ثقتك بنفسك : إجلسى بهدؤ و معاكى ورقة و قلم .. واكتبى : - الإنجازات - الصفات الشخصية - مدى الإستقلالية - النجاح فى الأسرة - النجاح فى العمل - النجاح فى العلاقات الإنسانية - النجاح فى أعمال المنزل - النجاح مع الأهل - النجاح مع الأصدقاء - ممارسة الرياضة و الأنشطة البدنية - ممارسة الأنشطة الثقافية - ممارسة الأنشطة الفنية - ممارسة الأعمال الخدمية (الخيرية) - نوع الثقافة - مدى الثقافة - القدرات و المهارات الخاصة و طبعا مش هأفكرك بإن نجاح التمرين دة بيتوقف على مدى صراحتك و وضوحك مع نفسك و نصيحة : تجنبى التواضع هنا تماما ******** إقرأى اللى كتبتيه شايفة نفسك ماهرة و ناجحة جدا فى إيه ؟ على الأقل أنتى ناجحة نجاح باهر و لو فى حاجة واحدة .. رائع ******** دلوقتى بقى دعّمى ثقتك بنفسك إزاى ؟ - بأن تذكرى نفسك بها من آن إلى آخر - و إستخدمى دايما صيغة المفرد المتكلم " أنا " - و إستخدمى دايما صيغة المضارع " أنا أم ناجحة .. أنا نظيفة فى بيتى .. أنا شاطرة فى تخصصى ..... الخ " - و هيكون التأثير أقوى لو كلمتى نفسك قدام المرايا أو لو سجلتى الكلام دة على شريط و تسمعيه كل شوية و دلوقتى بقى نقدر نقول إننا حطينا رجلينا على أول الطريق و نقدر نكمل المشوار بأمان و هدوء |
|
|
#10 |
|
|
رد: أجمل سنوات عمر .. بعد ال40
جسم فى سن ال40 حبيباتى فى الله المعرفة هى أول طريق النجاة فلازم قبل أى حاجة نعرف إيه اللى بيحصل فى جسمنا بالضبط فيه هرمون إسمه " الإستروجن " الهرمون دة هو اللى بينمى الصفات الأنثوية فى الإنسان و الحيوان .. و هو اللى بيؤثر فى الدورة التكاثرية عند الأنثى و الهرمون دة بيفزه المبيّض بكميات متزايدة فى دم الأنثى فى بداية المراهقة الأولى و يحوّل جسمها من جسم طفل إلى جسم أنثى : فينمو الصدر و الأرداف تستدير و الأعضاء التناسلية تتسع و تنضج و تبدأ تنزل الدورة الشهرية و مع تقدم العمر يفضل مستوى الإستروجين ينخفض فى الدم إلى أن تنقطع الدورة الشهرية و هنا نبقى وصلنا للمراهقة التانية ( أو ما يسمى خطأ : سن اليأس ) و زى ما جسم إتغير فى المراهقة الأولى , بيتغير فى المراهقة التانية فالتغيير سمة من سمات الحياة المفروض إن الدورة الشهرية تنقطع ما بين سن ال45 و ال55 و نادرا ما تنقطع قبل ال40 و دة بيكون راجع لأسباب وراثية أعراض إنقطاع الدورة الشهرية : إحمرار البشرة تهيج البشرة جفاف البشرة العرق خلال الليل هشاشة العظام ضعف الشعر زيادة الوزن آلام فى الصدر تهدل الصدر آلام فى المفاصل تهيج فى المهبل قد تزيد الرغبة الجنسية أو تقل المزاج السيئ عدم القدرة على ضبط النفس الشعور بالإحباط الإرهاق النسيان طبعا الأعراض دى ما بتجيش كلها مع بعض مرة واحدة كتير من السيدات بيتناولوا هرمون الأستروجين ( دواء ) لمنع فقد الكالسيوم من العظام , و للمحافظة على غشاء مهبلى صحيح للعملية الجنسية .. و لكن إن لم يكن تعاطى هذا الدواء تحت إشراف الطبيب فهو بيكون خطر جدا لأن الجرعات المتزايدة منه قد تؤدى إلى الإصابة بأمراض خطيرة زى سرطان الرحم الشئ المبشّر هنا وجد أن هذه الأعراض بتختلف من إمرأة لأخرى , و دة بيرجع لإختلاف : الثقافة الحالة الصحية الحالة النفسية اللياقة البدنية المخزون من الهرمونات فى جسمها أسلوب الحياة ( منظم , ضغط عمل ... إلخ) يعنى كللللللللللللل الكلام دة فى إيدينا و نقدر نتغلب على الأعراض دى من غير لا دوا و لا يأس إزاى ؟ دة اللى هأشرحه بالتفصيل فأرجو أن تصبروا علىّ على ما أرتب أوراقى و تستنونى أنا جايالكم حالا - يتبع - |
