الإستعداد


طبعا قبل ما بنطلع أى رحلة لازم نستعد لها نفسيا و بدنيا و عمليا
و رحلة الحياة زى أى رحلة
و لكنها أهم رحلة و أحق رحلة بالإستعداد السليم

و الإستعداد هنا هيكون :
1- إستعداد فكرى
2- إستعداد جسدى

الإستعداد الفكرى


فيه مثل بيقول
" اللى يخاف من العفريت يطلع له "
و فى دراسة أجريت مؤخرا تم التوصل إلى أن السيدات اللى بيخافوا من تقدم العمر و ما يصاحبه من تغيرات جسدية هن الأكثر عرضة للإكتئاب
و لذلك بنلاقى فى الغرب و كتير من بلاد شرق أسيا أن كلمة " سن اليأس " مالهاش وجود فى لغاتهم

و النصيحة هنا :
إقبلى التغيير و لكن ما تغيريش نفسك بنفسك

يعنى
بالنسبة للجاذبية , ما تقوليش لنفسك " أنا فقدت جاذبيتى " فتكرهى تبصى فى المرايا , و إن بصيتى فيها تكرهى شكلك ..
(و طبعا أنا إتكلمت قبل كدة على الجاذبية و لسة هتكلم عنها زيادة فى وقتها)

كمان بالنسبة للطاقة
طبعا معروف إن الطاقة بتقل مع تقدم العمر
و لكن ما تقوليش لنفسك : "أنا كنت زمان بأعمل و بأعمل , لكن دلوقتى .. "
الكلام دة بيترسب فى العقل الباطن و يخرج على شكل مزيد من الخمول فمزيد من الإكتئاب
و الصح إننا بنصبح محتاجين للراحة أكتر و فى فترات متقاربة أكتر
و سبحان الله ربنا خلق لكل مرحلة عمرية عمل , و لكل عمل الطاقة اللازمة له
فقولى : " بعد ما الولاد كبروا و ريتم الحياة إنتظم أصبح عندى الفرصة فى مزيد من الإسترخاء "

و هنا لازم أتكلم عن حاجة مهمة قوى , و هى :
الإرهاق و التعب :


كل عمل ونشاط إنساني بيحتاج إلى تشغيل عضلات الجسم وتحريكها .. والمجهود الجسدي بيحتاج إلى قوة .. القوة دى بيوفرها استهلاك محروقاتالجسم .. فإذا ما تخطى هذا العمل درجة معينة يبدأ الشعور بالتعب . و هذا النوع من التعب أطلق عليه الأطباء (التعب الجيد) لأنه يأتي كدعوة من الجسم إلى الراحة والاسترخاء لإعادة تكوين قواه.
أما (التعب السيئ) فهو الإرهاق
فالعمل مش مجهود عضلى فقط و لكنه مجهود فكرى أولا
فإذا كان العمل غير متوافق نفسيا بيضطر الجسم إلى استنزاف كل إمكانياته العضلية
و لما بنضغط على نفسنا بنصاب بإرهاق مستمر وتعب دائم، مما يسبب الضعف العام بالجسد.


و قد يتطور هذا الإرهاق ليصل إلى درجة تستوجب تدخل الطبيب.


و من أعراض الإرهاق :
- النوم السيئ
- الانحطاط الفكري والجسدي عندالاستيقاظ من النوم
- المزاج المتقلب
- توتر الأعصاب
- الشعور بآلام يصعب حصرها في نقطة معينة، ويصبح كل شيء يؤلم ويثير


و ممكن الإرهاق يؤدى لبعض الأمراض, زى :
- الأنفلوانزا
- إلتهاب الرئتين
- الأمراض القلبية
- الأمراض النفسية
........بإختصار: ما من مرض إلا ويسبقه أو يرافقه إرهاق شديد


طيب نعمل إيه علشان نتلافى كل دة ؟


1-
أول ما نشعر بإرهاق تام نعمل تحاليل علشان نعرف إن كانت نسبة الكالسيوم و البوتاسيوم و السكريات فى جسم طبيعية و لا حصل فيها نقص لأن نقصها بيسبب الإرهاق


2-
نتجنب شرب السوائل السكرية بكثرة , لأننا لما بندخل كمية كبيرة للسكر مرة واحدة فى الجسم , السكريات دى بتفضل في الدم لمدة ثلاث ساعات تقريبا ثم تبدأ بالانخفاض تدريجيا و دة بيسبب الشعور بالتعب خلال الفترة اللاحقة لتناول السكريات بكثرة.


3-
كمان فيه معلومة غلط عن القهوة إنها بتفوّق و تصحصح الواحد فينشط , و لكن الحقيقة إنها زى المشروبات الكحولية. بتخدر التعب و تلغى الإحساس به فقط .
ولكن في أول فرصة ، بينفجر التعب بحدة قد يصل بصاحبه إلى حافة الانهيارالعصبي التام. فالتعب عبارة عن إنذار للجسم بأنه فى حاجة للراحة . وكل تمويه لحقيقة الجسد بيخليه يظهر لاحقا وبعنف.



4-
الجسم بحاجة إلى النوم للقضاء على التعب , لكن أحيانا بننام كتير و لساعات طويلة متواصلة و نصحى تعبانين
و دة لأننا بنحمل همومنا و أحداثنا اليومية التى أرهقتنا طول النهار للسرير


طيب نعمل إيه ؟


1-
نهتم بالفطار و نراعى فيه المواد المغذية المقوية للجسم زى البيض و العسل و الزبدة و الجبنة ...


2-
ما ناخدش ملينات كتير علشان ما نفقدش الحوامض الأمينية و الفيتامينات .....


3-
نمتنع عن عمل رجيم بيحرم الجسم من أى عنصر من العناصر الغذائية


4-
التقليل جدا من القهوة و الشاى و المشروبات الغاذية


5-
المحافظة على المشي لأنه بيمد الجسم بالهواء و الأكسجين اللازم لنقائه .


6-
عدم إرهاق الجسم فوق طاقته العملية. و أخذ راحة بين فترة وأخرى


7-
و أهم من كل دة أول ما نحط راسنا على المخدة نسبح لله و نستغفره و نحمده لغاية ما نروح فى النوم

الإستعداد الصحى


الخالق الأعظم الأعلم بخلقه بيقول لنا فى كتابه الحكيم :
" كلوا من طيبات ما رزقناكم "
(الأعراف160)


جسمنا مخلوق من الأرض , و طعامنا برضو من الأرض , و بالتالى فجسمنا بيتكون مما نأكل .. فلازم نكون متأكدين أن ما نحصل عليه من طعام و تغذية طبيعية بيكون له تأثير على شكلنا و صحتنا على المدى الطويل

و عرفنا قبل كدة أهمية الإستروجين فى جسم , و ممكن يحصل لنا إيه لما بيقل إفرازه فى الجسم و ينقطع
لكن المسألة مش مخيفة للدرجة دى
فسبحان الله ربنا جعل فى بعض الأغذية مواد نظيرة لهرمون الأستروجين
و لما بينخفض إفراز الإستروجين الطبيعى المركبات دى بتحل محله
المواد دى بيكون بعضها فعال فى حال إستمرارية عمل المبايض
علشان كدة كل ما إهتمينا بأكلنا قبل ال40 كانت النتيجة أحسن
و دة بنلاقيه فى :


القمح
الشعير
الرز
الشوفان
الذرة
السمسم
الحبوب عموما بزيوتها ( زى مثلا زيت السمسم )
الطحينة
الحلاوة الطحينية
العدس
فول الصويا بمنتجاته
الفاصوليا الناشفة
التوت
التفاح
الخس
الينسون
الماريمية
و .......... القائمة طويلة جدا


أقول لكم ؟
تيجوا نشوف جسمنا محتاج إيه و ليه واحدة واحدة ؟

الغذاء و صحة


أنا حابة هنا إنى أكتب لكم بشكل مختصر عن إحتياجات الجسم من العناصر الغذائية , علشان نعرف ناكل إيه بالضبط علشان نحافظ على صحتنا النفسية و البدنية , و نعدى المرحلة الحرجة دى بسلام من غير دوا و لا آلام نفسية





الأحماض الأمينية :



هى اللى بتبنى الخلايا


و تصلح الانسجه


و تشكل مادة البناء الرئيسية للاجسام المضاده لمكافحة البكتريا والفيروسات


و بتشكل جزء أساسى من نظام الانزيمات و الهرمونات


فيه 8 أحماض أمينية أساسية و مهمة جدا ( الجسم البشرى ما يقدرش ينتجها بنفسه)


و الباقي مش أساسى (و ممكن الجسم ينتجها بنفسه بشرط التغذية السليمة)


و عموما الجسم لا يستطيع إختزان الأحماضالأمينية، لذلك يجب تموين الجسم بها باستمرار.


الجزء الأكبر من الاحماض الأمينية مصدره البروتين الغذائي





البروتين:


هو جزيئات مكونة من مجموعة من الأحماض الأمينية , بيكسّرها الجسم و يمتصها علشان يعيد بناء واصلاح الأنسجة.


و بنلاقى البروتينات في اللحوم ، مشتقات الحليب ، وبنلاقيها برضو لكن بمقادير أقل في الحبوب والخضار و بالتالى فالإعتماد عليهم ما يكفيش احتياج الإنسان من البروتين



المقدار اللازم لاحتياج الإنسان يوميا من البروتين الحيواني و النباتي بصورة وسطية هي غرام واحد لكل كيلو غرام من وزن الجسم على أن تكون كميةالبروتين الحيواني لا تقل عن ثلث مجموع الكمية من البروتين اللازم للجسم



و لو الجسم ما أخدش كفايته من البروتين بيتعرض للآتى :


1. فقدان الوزن بسرعة


2. التعب


3. القلق


4. انخفاض المقاومة للأمراض


5. وإذااستمر هذا النقص بيؤدي إلى أعراض مختلفة من إصابات فيالكبدو ا لأورام، وإلى اختلال هورموني وغير ذلك.


و فائدة البروتين بتتوقف على طريقة تجهيزه للأكل :


فالتحمير و القلى بيقلل من فايدته , و يجعل هضمه أصعب..


وكل ما كان الهضم تام كل ما استفاد الجسم من الأحماض الأمينيةالموجودة فيه.




الأملاح و المعادن:


جسم الإنسان بيتكوّن من عناصرمختلفة من المعادن وأشباه المعادن , الجسم ما بينتجهاش بنفسه و لكنه بيستمدها من الهواء و الماء و الغذاء و هو بحاجة مستمرة إلى تلك العناصر الضرورية

ليه؟



لأنها :


1- بتحافظ على كثافة الدم والإفرازات والسوائل


2- و بتنظيم التفاعلات الكيميائية في الجسم


3- و بتحافظ على محتويات القناة الهضمية


4- و بتساعد الجسم في بناء الأنسجة من عظام، و أسنان، و غضاريف , و عضلات


5- و تبكسب السوائل خاصية الإنتشار في الجسم والحفاظ على ضغطها


6- و بتكسب الدم خاصية التجلط عند اللزوم


7- و بتكسب الأنسجة مرونة


8- و بتكوّن الهيموجلوبين


9- العضلات والأعضاء المختلفة لا تؤديوظائفها على الوجه الأكمل، إلا في حال وجود مقادير معينة من هذه العناصر


10- حرمان الجسم منها حرمانا تاما لمدة شهر كامل، يجعلالوفاة حتمية حتى لو كان الجسم بيحصل على غذائه من جميع العناصر الأخرى.


11- أما لو قللنا منها فقد يتداركها الجسم ذاتيا , بمعنى إن : لو الجسم مثلا حرم من الكالسيوم ينتزعه من العظاموالأسنان


الأملاح:
أهمها:



1- الصوديوم


( الملح) و هو موجود في الطبيعة بمناجمه الخاصة، لكنه يوجد أيضا في اللحوم والأسماك،اللبن، الخضروات، وفي الخبز المحتوي على الملح بحسب صنعه


والإنسان يحتاجيوميا الى حوالي عشر غرامات أو أكثر لأن الجسم بيفقدهابالإفرازات العرقية خلال ثلاث ساعات أثناء بذل المجهود الشاق وتحتأشعة الشمس، لذلك يجب تناول كمية إضافيةحين التعرض للأعمال المجهدة والطقس الحار


2- البوتاسيوم


ضروري للأعصاب والقلبوالشرايين والعضلات


كما أن له شأنا كبيرا في تعديل الأحماض الضارة بالجسم


و هو موجود فى اللحوم و البيض و الحليب و الشعير و القمح و الطماطم و الكوسا و البقول


3- الحديد


بيدخل في تركيب الهيموجلوبين اللى بينقل الأكسوجين من الرئة الى أنسجة الجسم .


و الأكسوجين هو اللى بيحرق المواد الغذائية لتوليد الحرارة اللازمة للجسم.


كمان بيدخلالحديد في تركيب كافة خلايا الجسم


و بيلعب دور مهم في النمو و الإفرازات


ونقصه في الجسميسببفقر الدم.

يوجد فى : أكثر أنواع الخضروات و بالذات الورقية ، والبقول والفواكه و البذور و اللوز،و جوز الهند واللحوموصفار البيض وغيرها



ملحوظة :


1- الجسم يستطيع أن يستفيد من عنصرالحديد الموجود في البصل والموز بمعدل 90% بينما لا يستفيد من عنصر الحديد الموجودفي المواد الغذائية الأخرى بأكثر من 60%،


2- البرتقال يزيد من فعاليةامتصاص عنصر الحديد و الشاي يعاكس مفعولالبرتقال (أي يقلل من امتصاص الحديد)




4- الكالسيوم


بناء العظام والأسنان بيعتمد عليه


كمان هو ضروري لعملية التخثر في حالة النزف


و بيساعد الجسم على أداء وظائفه على الوجه الأكمل وبخاصةالجهاز الهضمي والجهاز الدوري


و له تأثير واضح على انقباض عضلات القلب.


و افتقار الجسم للكالسيوم بيسبب :


نخر الأسنان


وتقوس العظام


والكساح


وانحطاط في قوةالعضلات وتشنجها


وآلام عصبية


و المهم أنه يؤثر على الكبار كما يؤثر على الصغار تماما.. فبنلاقى إن الأطفال بيحتاجوا ل800 مللى جرام فى اليوم , و المراهقين و الحوامل بيحتاجوا ل1200 م ج فى اليوم أما فوق ال40 فبتحتاج ل1500م ج فى اليوم و تقللهم ل1200 لما توصل لل60


و بنلاقي الكالسيوم فى الألبان و منتجاته و السبانخ و البروكلى و الفول السودانى و البصل المطهو و عصير البرتقال و السردين المعلب و العيش بكل أنواعه


6-الفسفور


بيساعد على ترسب مادة الكالسيوم في العظام


ومغذي للمخ


و مقوي للذاكرة


ومنشط للأعصاب.

و بيلعب دورمهم في العمليات التي تستخلصالطاقة من العناصر الغذائية،



و بيدخل في تركيب الأنسجة المختلفة

أغنى مصادره الغذائية هي النخاع، البيض،النخالة، ثم الحليب والكبد والكلى والسمك.



7- الماجنيزيوم


أهميته في نمو الخلاياوتكاثرها


ويرتبطنشاطه بتركيز الكالسيوم الموجود في الخلايا

و بنلاقيه فى الأجزاء النباتيةالخضراء وفي البندق واللوز والمشمش والتمور.



8- اليود


منشط للقوى والقلب


بيساعد الجسم على طرح النفايات السامة التي تتولد من الموادالبروتينية اللى بتمتصها جدران الأمعاء وتسير مع الدم وتؤدي إلى تصلب الشرايين.


له دور مهم في مساعدة الجسم على المقاومة ضد الأمراض،


بيجلى الفكر


ويبعثعلى الراحة


ويكافح التوتر العصبي و الأرق

و بنلاقيه بصفةعامة في الأغذية البحرية، و الملح البحري و الهليون ( الإسباراجوس )، الجزر، الطماطم السبانخ.



9- الفلورين


بيدخل في تركيب الميناء الصلبة اللى بتغطي الأسنان و بيحافظ علىصحتها.


وكذلك بيدخل في تركيب عظام السلسلة الشوكية.


و بنلاقيه فيالخس و قشور الفواكه وصفار البيض والأسماك




الفيتامينات :


هى مواد عضويةكيماوية بتحافظ على حالة الجسم الصحية


و هى ضرورية للحياة


الفيتامينات بتنقسم إلى مجموعتين:


1. المجموعة الأولى تذوب في الدهون وتشتمل على الفيتامينات أ - د - ها - ك = A- D- K- E


2. المجموعة الثانية تذوب في الماء وتشتمل على فتامين ج و مجموعة ب = C - B complex


و بنلاقى الفيتامينات فى : النبات و لحوم الحيوانات التى تتغذى على النبات و كبد الحوت (لأنه يأكل العضويات البحرية النباتية اللى فى البحر)


و العلم الحديث صنع الفيتامينات على شكل دواء لعدم وجود بعض النباتات التي تحتوي عليها في بلاد عديدة و لكن بالنسبة لنا إحنا فالحمد لله بلادنا غنية بخيراتها و ربنا راحمنا من سموم الدواء




الدهون :


كلنا بنخاف منها و بنبتعد عنها خوفا من السمنة


و لكن الحقيقة هى بتعتبر أساسيةللحياة والصحة الجيدة.


فهى أكثر حاجة بتمد الجسم بالطاقة ( يليها البروتينات ثم الكربوهيدرات ) .


و الجسم بيستفيد منها مباشرة أويدخرها لحين الحاجة


و المهم هو إنها ما تزيدش عن الحاجة علشان ما تتراكمش فى الجسم من غير فايدة


ولا يمكنتحديد الكمية اللازمة للأشخاص بصورة صحيحة لأنه بيكون بحسب الطاقة اللى بيحرقها الجسم نتيجة الجهد


وبالنسبة للى بيكونوا في دور النقاهة والأطفال فيلزمهم استهلاك مواد دهنية زيادة عن غيرهم


و الدهون 3 أنواع من حيث تركيبها الكيماوي وهي:


1. دهون بسيطة


2. دهون مركبة


3. دهون مشتقة من البسيطة والمركبة


ولكل منها فوائده الخاصة به


لذلك فالدهن الحيواني لا يغني عن الدهن النباتي و لا النباتى يغنى عن الحيوانى


ملحوظة :


إذا سخنت الدهون ( سواء حيوانية أو نباتية ) لدرجة عالية من الحرارة , بيتغير تركيبها الكيماوي , و بتتحول إلىمركبات سامة ,


لذلك يستحسن عدم استعمالها للقلي وعلى الخصوص تكرار القلي بنفس الدهن فقد يكون عاملا لمرض تصلب الشرايينوالسرطان


و بنلاقى الدهون الحيوانية فى : اللحوم والحليب، الزبدة،وصفار البيض


و بنلاقى الدهون النباتية فى : الزيتون، الذرة، القطن،الفستق السوداني، السمسم، فول الصويا، دوار الشمس، الجوز، اللوز...الخ




الكاربوهيدرات :


هى اللى بتولّد الطاقة والتدفئة والنشاط بالقدر الذييحتاجه الجسم،


أما الزائد منها فبيتخزن في الكبد.


و فيه نوعين من الكاربوهيدرات:


1. النوع البسيط: موجود في السكر، العسل،وقطع الحلوى مثلاً


2. النوع المعقد: موجود في الخضار،البطاطا، الخبز، المعجنات والأرز.


و لما كنا بنعمل رجيم كنا بنمنع كل الحاجات دى


و لما إكتشفوا ضرر الإستغناء عنها أصبحت الآن بتدخل بشكل أساسى فى كل أنواع الرجيم هى و الدهون




السكريات:


كل ليتر من البلازما في جسد الإنسان يحتاج إلىغرام واحد من السكر فى اليوم .


ولا يجوز أن تزيد هذه النسبة أو تنقص،









دة معنى كدة إن جسمنا محتاج كل العناصر الغذائية اللى خلقها ربنا على الأرض علشان ما نتعرضش لمشاكل سن ال40 ,


طيب و الرشاقة ..


نعمل فيها إيه ؟




حاضر
هأقول لكم حالا إن شاء الله

ما معنى كلمة
رجيمregim



الرشاقة هى شغل الشاغل من لحظة ما بتوعى على أنوثتها لغاية آخر العمر





و لذلك الدنيا حوالينا إتملت أنواع لا حصر لها من ال " رجيم " regime





لكن





* هل الرجيم معناه إننا نستغنى عن بعض أنواع المأكولات علشان نخس و يبقى جسمنا رشيق ؟


طيب ما إحنا دلوقتى عرفنا ممكن يحصل لنا إيه و ممكن نعانى قد إيه لو إستغنينا عن أحد العناصر الغذائية فى أى مرحلة عمرية





*طيب هل معناه إننا نقلل السعرات الحرارية ؟


لأ , لأن النتيجة بتكون دايما عكسية ( و هتعرفوا - إزاى و ليه - من كلامى بعد شوية )





* طيب و الرجيم الكيماوى ؟


دة ألعن واحد لأنه بيعتمد على عنصر غذائى معيّن و بيحرم الجسم من عناصر أخرى كتير


فالجسم بيفقد فوائدهم من ناحية


و من الناحية التانية الإكثار من عنصر واحد لها نفس خطورة الإقلال منه





أومال نعمل إيه بالضبط ؟












الأول لازم نعرف إن كلمة رجيم هى كلمة فرنسية معناها = نظام





يبقى معنى إننا نعمل رجيم = هو إننا نعمل نظام لغذاءنا





لكن ننظمه إزاى ؟





علشان نعرف ننظمه إزاى لازم نعرف بعض الحقائق المهمة عن جسمنا , و كيف يعمل , علشان نعرف نتعامل معاه إزاى و ننظم له إحتياجاته إزاى بما يرضينا نفسيا عن أنفسنا ..