 |
  |
|
|
|
|
#16 |
|
|
رد: أجمل سنوات عمر .. بعد ال40
أولا هضم الطعام من المعروف بأن الغاية من الغذاء هو تزويد الجسم بالمواد اللازمة لإمداده بالطاقةالكافيةحتى يتمكن من أداء وظائفه بالشكل المطلوب، و وظيفة الجهاز الهضمي إنها تعمل تغيرات كيماوية في الأغذية علشان يمتصه الجسم و الهضم بيبدأ من الفم فيعجن الطعام باللعاب الذي يحول المواد النشوية إلى مواد سكرية ثم يندفع الطعام إلى المعدة و مافيش داعى نكمل رحلة الطعام فى الجسم المهم اللى عاوزين نعرفه هنا : 1- هو أن الطعام الصلب بيفضل في المعدة مدة تتراوح من ساعتين إلى أربع ساعات أو أكثر (حسب نوعيةالطعام وكميته) بعكس السوائل التي تمر بسهولة وسرعة 2- و أن العوامل النفسية لها تأثير فعال بتحسين عملية الهضم وعدمه. و هنا بالذات يكمن السر في الاستفادة من الطعام على الوجه الأكمل فالانشراح والقابلية للطعام والابتعاد عن المؤثرات المزعجة هم الأساس فى الاستفادة من الطعام وسرعة هضمه على الوجه الصحيح و بالتالى الإستفادة منه من غير ما نبقى بنخزن فى الجسم حاجات مالهاش لازمة . .و لذلك بنلاقى أن من أصول الطعام ( الإتيكيت ) أننا ناكل : و إحنا قاعدين على السفرة و ننسق الطعام على السفرة بشكل جميل و ننسق الطعام فى طبقنا برضو بشكل جميل و نحط ورد و شموع و مفرش شيك و نكون مع ناس بنحبهم ( ما ناكلش وحدنا ) و يكون كلامنا مرح و خالى من أى حدث مزعج و ياحبذا لو فيه موسيقى هادية .... |
|
|
#17 |
|
|
رد: أجمل سنوات عمر .. بعد ال40
ثانيا ما هو المعنى الحقيقى لكلمة الرشاقة الرشاقة حلم كل انثى من لحظة ما تعى أنوثتها لآخر العمر لكن هل حد مرة سأل نفسه : يعنى إيه رشاقة ؟ و هل الرشاقة يعنى النحافة ؟ الجسم البشرى له 3 أشكال : - بنية نحيفة - بنية مستديرة - بنية رياضية فممكن نلاقى إمرأة صاحبة بنية نحيلة و تبدو ضئيلة , و لكنها فى الحقيقة سمينة لأن جسمها يحتوى على نسبة دهون عالية و فى نفس الوقت قد تبدو إمرأة صاحبة بنية رياضية أكثر بدانة منها مع إن جسمها خالى من الدهون الزائدة , و لكن كثافة عظامها و ثقل عضلاتها تعطيها شكل أضخم و وزن أثقل إذا العبرة لا بالميزان و لا بالماقييس أوما ل تبقى الرشاقة معناها إيه بالضبط ؟ الرشاقة هى : - تناسق الجسم و إنسجام خطوطه مع بعضها - لدانة الجسد و مرونة حركاته - الحيوية و النشاط - جمال الخطوة و لازم نعرف إن كما للبدانة تأثيرات سلبية على الصحة كمان النحافة لها نفس الخطورة فإحنا لما بنسعى لتقليل وزننا , فدة بيكون لإكتساب الصحة , مش سعيا وراء النحافة ( و هأحكيلكم حكاية هنا : كنت أنتظر يوما فى سيارتى أمام مستشفى شفت إمرأة من ظهرها بتخرج حاجات من شنطة عربيتها , جسمها فى منتهى الجمال و ما فيهوش غلطة ملابسها فى منتهى الأناقة و تبرز جمال خطوطه شعرها ثقيل و أصفر و ناعم و منسدل .... المهم الشارع كله وقف مثلى يتفرج على الجمال دة و بعد ما خلصت إتدوّرت فبدى لنا وجه شاحب , مجعد , و هالات سوداء حول العين .. وآثار المرض و الضعف و الإرهاق و الحزن تملاءه الشارع كله قال فى وقت واحد ياااااااااااه ) عرفت ساعتها إن الجمال لا يكمن فى مكان بعينه , و لكن هو الهيئة كلها على بعضها فما ينفعش نتمتع بجسم نحيف على حسب خطوط الموضة و يكون ذلك على حساب الصحة و الجمال و بعدين المثل بيقول " لولا إختلاف الأذواق لبارت السلع " دى مش دعوة للبدانة أبدا و لكن دى مقدمة لباقى حديثى عن الرشاقة فللحديث بقية استنوا |
|
|
#18 |
|
|
رد: أجمل سنوات عمر .. بعد ال40
نكمل كلامنا عن الرشاقة و الرجيم بس الأول : مافيش حد سأل نفسه : ليه الناس اللى عندهم مجاعة , و بنشوفهم فى التليفزين هياكل عظمية , عايشين لغاية دلوقتى ؟ دة لأن ربنا من كرمه و رحمته بعباده خلق الإنسان بداخل قالب ( الجسد ) كالحصن : يقدر يدافع و يحمى نفسه بنفسه تلقائيا كل إنسان فينا عنده دخل و له إحتياجات و لذلك كلنا بنعمل ميزانية علشان نوازن بينهم فبنوزع الدخل على الإحتياجات طبقا للأولويات فلو زاد الدخل عن الإحتياجات , بندخر الزيادة و لو زادت الإحتياجات بتطالب بزيادة الدخل و لو قل الدخل بنبدأ نعيد الحسابات بسرعة أول حاجة هنقلل المصروفات و نحدد الأولويات بحيث نتمسك بالأسسيات اللى تضمن الأمان , و نستغنى عن الباقى جسمنا بيعمل كدة بالضبط : فمنذ مولدنا بيبدأ يبرمج نفسه على ميزانية معينة , كأنه بيقول : الإنسان اللى جوايا بياكل فى أوقات كذا..... بيدخل لى سعرات حرارية كذا........ بيطالبنى بمجهود كذا ..... يبقى أطلع للجهد كذا ... و أوزع لبناء الجسم كذا و أخزن كذا .........إلخ و بيستقر معاه الحال على كدة لو جينا فجأة و منعنا عنه الدخل اللى هو متعود عليه ( سواء نقلل فى السعرات أو نستغنى عن بعض العناصر الغذائية ) , هيتصرف زى أى إنسان لما بيتعرض لأزمة مالية : - أول حاجة هيحتفظ بالدهون لأنها هى أساس الحياة و الطاقة و يبدأ بالإستغناء عن الماء .. و دة سبب إن وزننا بيقل بسرعة على الميزان فى أول كام يوم من بداية الرجيم - تانى حاجة هيبدأ الجسم ياخد من العضلات .. و دة سبب إننا بنشعر بالضعف و بيبدو علينا الهزال - تالت حاجة هيطلع سعرات حرارية أقل .. يعنى لو الشخص متعود يمشى كل يوم و يحرق 100 سعر , هيحرق 75 فقط أو أقل لنفس المسافة و نفس المجهود .. و دة سبب إن الوزن على الميزان بيثبت و ما بيرضاش ينزل بعد كدة لنفرض إن الإنسان لم ييأس و إستمر على الرجيم ؟ بيضطر ساعتها الجسم إنه ياخد من الدهون , و لكن ببخل شديد جدا لنفرض بقى دلوقتى إننا واصلنا الرجيم للنهاية و وصلنا للوزن اللى إحنا عاوزينه .. و ما رجعناش لنفس الكمية و الأكلات السابقة قبل عمل الرجيم , لكن خففنا شوية من حرصنا فى الطعام .. يا ترى بيحصل إيه ؟ الخلايا الدهنية بتفضل متربصة لكل لقمة زيادة ممكن تدخل الجسم علشان تجرى و تاخدها و تخزنها خوفا من التعرض لأزمة فى الدخل مرة أخرى و فى نفس الوقت بيكون الجسم برمج نفسه على إستهلاك طاقة أقل ( دة غير إن الطاقة طبيعى بتقل مع الكبر يوم بعد يوم ) و دة السبب فى إننا كل ما نعمل رجيم نرجع أطخن مما كنا , و بسرعة .. طيب نعمل إيه ؟ نضحك على جسمنا و ندخل له اللى إحنا عاوزينه من غير ما يشعر إزاى ؟ 1 الرسول بيقول لنا إننا قوم لا نأكل إلا إذا جعنا , و إذا أكلنا لا نشبع و دة اللى إكتشفه العلم الحديث : الجوع و العطش هما ترمومتر ربنا حاطه فى جسمنا علشان ينبهنا إننا محتاجين لغذاء و ماء ( زى مؤشر البنزين فى السيارة ) و ساعتها هيدخل الأكل و المعدة جاهزة للهضم و بالنسبة للشعور بالشبع فهو بيوصل للمخ بعد ثلث ساعة من إكتفاء الجسم الحقيقى و لذلك لما بنقوم بمجرد أن سدينا جوعنا لكن ما شعرناش بالشبع الكامل بنكون فى الأصل قد حصلنا على حاجتنا الفعلية من الغذاء و بنشعر بالشبع التام بعد ثلث ساعة أما لو فضلنا نملا بطننا بالأكل حتى الشعور التام بالشبع فبعد ثلث ساعة هنشعر بثقل و تخمة ( و دة اللى إحنا طبعا بنعمله ) 2 نراعى طريقة الطهى يعنى بدل القلى نستعمل الفرن و بدل الزيت الغزير نستعمل بخاخ نرش به الزيت على الطعام قبل دخوله الفرن و هكذا 3 نمدغ الأكل كويس لأن اللعاب بيسهل عملية الهضم و بيطوّل مدة الأكل فنشعر بالشبع بسرعة قبل ما نكون أكلنا كتير 4 ما نمنعش أى عنصر غذائى و لكن نراعى الكميات بالنسبة لكل عنصر فمثلا الدهون ناخد منها كل يوم , لكن نقل من الكمية بقدر المستطاع , كأن نضع ملعقة زيت على السلطة , أو نضع ملعقة صغيرة من الزبدة أو السمن على الطبيخ بعد ما يستوى و السكر برضو كل ما قللنا منه كل ما كان أحسن لكن لازم يدخل جسمنا كل يوم و هكذا 5 نعمل زى الرسول ما كان بيعمل يعنى نبدأ بالفاكهة لأن دة بيخللى الجسم يسفيد بها أكتر و بيجهز المعدة للهضم و الألياف اللى فيها بتساعد على الرشاقة لأنها : بتملا المعدة فبتعطى شعور بالشبع و بتنشط الجهاز الهضمى و بتحرك الطعام فما تفضلش حاجة من الأكل فى المعدة علشان تتخزن فى الخلايا الدهنية و بتجلب الماء لتليين البراز فتسهل عملية الإخراج و بتساعد على إمتصاص الكوليسترول و بتقلل إمتصاص السكر و لازم نفرق هنا بين الحلو و الفاكهة فالحلو المقصود به الحلويات اللى مصنوعة من السكر ( جاتوه , آيس كريم ... ألخ ) فإن كنا هناكل حلويات يبقى بعد الأكل مش قبله لأن الحلويات قبل الطعام بتزيد الإحساس بالجوع و الأفضل ناخده الصبح بعد الفطار لأنه بيمدنا بالطاقة خلال النهار 6 إقسمى طبقك لنصفين النصف الأول ضعى فيه خضار مطبوخ و نيى و النصف التانى إقسميه لجزئين الجزء الأول للنشاويات و الجزء التانى للبروتينات و كل كام أسبوع غيرى طبقك و كلى فى طبق أصغر و كدة تبقى بتصغرى معدتك و بتعوديها على كمية قليلة من الطعام تدريجيا و من غير أدنى معاناة - يتبع - |
|
|
#19 |
|
|
رد: أجمل سنوات عمر .. بعد ال40
7 فيه ناس بتتهم المياه بأنها هى المسئولة عن الكرش و البطن المترهلة و السبب إن فى الأسبوع اللى بيسبق نزول الدورة الشهرية , بعض الهرمونات الأنثوية بتتسبب فى إحتجاز الماء و الأملاح فبتتنفخ بعض أجزاء الجسم و لكن دى مش بدانة و لكنها إنتفاخ مؤقت بيزول بعد الدورة و الماء برئ من كل التهم دى بل بالعكس كثرة شرب الماء بتساعد على الرشاقة لأنه بيساعد فى عملية إحتراق الدهون المختزنة فى الجسم و بيساعد على ليونة عضلات الجسم و بالتالى سلاسة الحركة و فيه إعتقاد خاطئ بأن المياه الساخنة بتذيب الدهون و الحقيقة هى العكس لأن أى أكل أو شرب بيدخل جسمنا , الجسم بيعدل حرارته ل37 درجة , و بالتالى لما يدخل جسمنا طعام أو شراب بارد ( لكن مش مثلج) بيبزل الجسم كمية من الحرارة علشان يرفع درجته ل37 و هكذا بيفقد سعرات حرارية يعنى كوب من الماء البارد بيخلصنا من 4,5 سعر حرارى تقريبا و طبعا الماء الساخن مش هيحتاج للمجهود دة 8 من المعروف إن معدل حرق السعرات الحرارية أثناء النوم بيكون فى أقل حالاته و لذلك ففترات النوم الطويلة بتزود الجسم بسعرات حرارية , بيحولها الجسم بعد كدة لدهون متخزنة لكن ثبت علميا إن قلة النوم بتزيد هرمون الجريلين و هو الهرمون اللى بيؤدى إلى الشعور بالجوع .. و بيقلل هرمون اللبتين المسئول عن الإحساس بالشبع و الخلل فى التوازن بينهم بيفتح الشهية أكتر و أكتر و بالتالى لازم تحرصى على أن تنالى المدة الكافية من النوم لا زيادة و لا أقل 9 الناس كلها بتقعد تجمع و تطرح فى السعرات الحرارية الموجودة فى كل لقمة قبل ما تاكلها علشان تحافظ على رشاقتها و الغالبية العظمة بيعرفوا إن المشروب دة فيه كذا سعر , و الأكلة دى فيها كذا سعر .... لكن مافيش حد بيحسب الأكلة دى بتحتاج لطاقة قد إيه علشان تتهضم بمعنى : لو قلنا مثلا إن البرتقالة فيها سعرين و التفاحة فيها سعر واحد الناس كلها هتفضل تاكل التفاح عن البرتقال لكن لو عرفنا إن التفاحة علشان تتهضم بتكلف الجسم نصف سعر فى حين إن البرتقالة بتكلف الجسم 3 سعرات علشان تتهضم يبقى أى واحدة فيهم تساعد على الرشاقة أكتر ؟ هى دى الفكرة على العموم من الأكلات اللى بتحتاج سعرات كتير فى هضمها : الكرفس سواء نيى أو مطبوخ 10 كمان فيه أنواع طعام بتبطل مفعول بعضها زى مثلا البقدونس ( و الخضراوات الورقية عموما ) بتحارب الدهون فلو بتاكلى مثلا سندوتش لانشون أو سوسيس أو كفتة ... إلخ إمليه بقدونس و جرجير و خس و كل الزرع اللى يقع تحت إيدك و الجزر برضو بيحارب النشا فلو بتعملى رز ( مكرونة , بطاطس ) إبشرى عليه جزرة و سويهم مع بعض . دة حتى كمان مع الدقيق و الكيك ( و على فكرة كيكة الجزر طعمها لذيذ جدا ) 11 كمان القرفة بتعمل تعادل للسكر فى الدم فلو حسيتى إنك أخدتى سكر كتير فى يوم إشربى قرفة أو رشيها على أى أكل أو حلويات و إنتى بتاكليها 12 و فيه مجموعة أكلات لما بتجمعيهم سوا بيتخانقوا مع بعض فى الجسم فبيحرقوا الدهون و أشهرهم : الفلفل الرومى مع البصل و الطماطم و الكرفس ال4 دول بيتعمل بيهم شوربة فى مستشفى القلب فى لندن علشان يخسسوا بسرعة مرضى القلب السمان اللى ما يقدروش يتحركوا و محتاجين عمليات فورية بيعملوا لهم الشوربة دى إلى جانب رجيم فيه كل العناصر الغذائية + شرب مياه بغزارة و بالتالى ممكن أى حد فينا يعمل الشوربة دى و يضيف ليها اللى يحبه : بطاطس/ كوسة / جزر / فراخ / لحمة / مكرونة ( منيسترونى ) / شعرية ....... اللى يخليكم تستسيغوا طعمها أو لو تقدروا عليها يبقى خير و بركة و كل ما شربتوا منها أكتر كل ما خسيتوا أكتر و لكن بشرط .............. شرب مياه بغزارة و تناول أنواع أخرى من الغذاء يا إما داخلها أو بجانبها لأن فيه تحذير شديد من تناولها وحدها 13 إتكلمنا عن المياه و الأكل و إزاى نحافظ بيهم على الرشاقة لكن فيه حاجة كمان بتساعدنا على الرشاقة الهوا سيدنا محمدبيقول : " ما ملأ ابن آدم وعاء شر من بطنه , بحسب ابن آدم لقيمات يقمن صلبه , فإن كان لا محالة فاعل : فثلث لطعامه و ثلث لشرابه و ثلث لنفسه " فالأكسجين اللى بيدخل جسمنا بيساعد فى عملية الإحتراق الداخلى للغذاء , فيحمله الدم لجميع الخلايا لتتغذى به بدل ما يتكوم فى الخلايا الدهنية و كلما زادت نسبة الأكسجين فى الدم كلما إتحسنت الدورة الدموية و بالتالى يزيد نشاط الجسم فحاولى على قد طاقتك تملأى رئتك بالهواء النقى إنفخى بطنك ثم رئتك و إنتى بتاخدى الشهيق و إحبسيه شوية و طلعيه بالراحة حتى يخرج تماما من الرئة و تشعرى إن رئتك و بطنك لزقوا فى ظهرك و للتنفس الصحيح تمارين عديدة و أشهر المدربات ( أو الوحيدة فى الشرق الأوسط ) هى أستاذتى الحبيبة منال الديب 14 طبعا كلنا نعرف إن الرياضة هى أهم حاجة للمحافظة على الرشاقة و اللياقة و الحيوية و ........... دة صحيح لكن مش شرط إننا نهلك نفسنا و زى ما قلت لكم لازم نخدع جسمنا و ناخده بالتدريج لإننا لو عرضناه فجأة لجهد أو معاناة أو ألم هيرفضها و يقاومها بشدة و تكون النتيجة عكسية و لذلك لازم نعرف إن الرياضة مش إرهاق و لا ألم إعملى من التمرين العدد اللى تقدرى عليه و إوصلى فى الحركة للقدر اللى تقدرى عليه و ما توصليش نفسك لإرهاق أو إنك تنهجى و ثقى إنك هتحصلى فى النهاية لنفس النتيجة من غير أزمة قلبية و أهم رياضة المشى و لو بخطوتك العادية و بكدة نبقى خلصنا الكلام عن المحافظة على الرشاقة و نتنقل فى رحلتنا للمحافظة على الشباب |
|
|
#20 |
|
|
رد: أجمل سنوات عمر .. بعد ال40
الشباب و الجاذبية إتفقنا قبل كدة إن لكل إمرأة جاذبيتها الخاصة اللى بتميزها عن غيرها لكن الشباب مش بيدوم مين قال كدة ؟ ممكن تحتفظ بشبابها لأخر لحظة فى عمرها إزاى ؟ أول حاجة لازم نعرفها: إن الشباب مش مظهر .. و لكنه سلوك فالسلوك اللى بيغلب عليه طابع الشباب بيعطيكى مظهر شاب لكن خدى بالك تصرفى بشباب و حيوية من غير ما تنسى وقار السن و إلا بدل ما نبدو شباب هنبدو متخلفين عقليا فالحكاية مش السلوك فقط و لكن المعرفة و الخبرة فى نفس الوقت تانى حاجة بقى نتكلم عن حاجات كتير ممكن تساعدنا على الحفاظ على مظهر الشباب لآخر العمر 1 المياة ** بتحافظ على حالة العضلات الجيدة ** بتغسل الشوائب اللى فى الدم و تخرجها مع البول ** بتمنع حدوث الإمساك ** بتخللى السوائل اللى فى الجسم تتوزع بشكل سليم فما يبقاش فيه تورمات فى أماكن متفرقة فيه ** بتمنع ترهل الجلد و ظهور التجاعيد ** و لما بنعمل رجيم و يبدأ الجسم يكسر دهونه الزائدة , المياه وحدها هى اللى بتخرج هذه الدهون من الجسم .. و إلا نبقى ما عملناش حاجة و لذلك: ** لازم نشرب فى اليوم على الأقل 3 لتر مياه ** و كل مازاد الحر كل ما زودنا الكمية ** و ما نشربش مرة واحدة , لكن نشرب شوية شوية زى الرسول عليه الصلاة و السلام ما كان بيعمل ** و ما نستناش أبدا لما نعطش ** و يا حبذا لو نشرب المياه على الريق ( لتر مثلا ) قبل ما نفطر .. بتصلح كتيييييييييير جدا من مشاكل الصحة 2 الحموم كمان مهم جدا كل الكريمات و الأعشاب اللى فى الدنيا مالهاش تأثير قد تأثير المياه على الجلد و ربنا أمرنا بالوضؤ 5 مرات فى اليوم بغض النظر عن الحر و البرد "...ليتمم نعمته عليكم لعلكم تشكرون " (المائدة6) فالخلايا بتموت .. و فرك الجلد تحت الماء بيخليها تقع و يعطى فرصة لخلايا جديدة تطلع مكانها كما أن الماء بيساعد على ترطيب الجلد طول الوقت ( بصوا على تربة جافة شكلها بيبقى إزاى , و إسقوها بشوية مياه و شوفوا شكلها بيصبح إزاى ... هو دة اللى بيحصل مع جلدنا ) 3 الهوا التنفس الغير عميق هو السبب فى شحوب الجلد و ضعف الرؤية و تقوس الكتفين و التهاب الأعصاب و فقدان الشعر و الأسنان و زيادة التجاعيد و ضيق الصدر و ضعف الذاكرة و الإمساك و الخمول ..... فكل ما زادت نسبة الأكسجين فى الدم كل ما تحسنت الدورة الدموية و وصل الغذاء لكل خلايا الجسم و نشط الجسد و بقت حركتنا كلها حيوية و عنينا لمعت و بالتالى فصحة أنسجة الجسم و نشاطه و قوة الذاكرة و الذكاء ..... كل دة متوقف على كمية الأكسجين اللى داخل الدم معلومة : المخ بيتغذى على الأكسجين و الماء و السكر 4 الرياضة هى الإكسير السحرى للحياة مش مهم نوع التمرين ( يوجا - سويدى - أيروبيك..... ) المهم الحركة و اسمحولى أقول لكم على والدى ربنا يعطيه الصحة : كان كثير الحركة و سريع الحركة يصحى من 6 صباحا فى منتهى النشاط .. يشتغل و يقضى مشاوير كتير ويعمل زيارات سريعة و يمشى لساعات طويلة و يفسحنا و يلعب معانا - و مع أولادنا بعد كدة - طوووووووووووول النهارحركة سريعة و نشاط مستمر لغاية ما وصل 70 سنة ........ و لما المرض و السن أضعفوه أصبح بيقوم كل ساعة أو 2 بالكتير يتمشى ببطء شديد فى الصالة رايح جاى على قد طاقته و قبل ما يشعر بالتعب > يقعد و قبل ما يسترخى تماما و يكسل > يقوم و هكذا طول النهار فالمثل بيقول قليل دائم خير من كثير زائل فلا داعى للإرهاق و الضغط على النفس و الجسم لكن ما نستسلمش أبدا للكسل لا بحجة طخن و لا مرض و لا سن و العلم أثبت أن ما فيش لا غذاء و لا دواء بيحافظ على سلامة العظام قد الحركة و أفضل رياضة هى المشى و لو فى الصالة بتاعتك و لو بخطوتك العادية و لو لنص ساعة فقط خصوصا لو كانت مع شهيق و زفير منتظم ( على أن يكون الزفير أطول من الشهيق ) 5 الموز بيحسن الحالة المزاجية و بيحافظ على نضارة الوجه و بيمنع إحتباس السوائل فى الجسم و بيعالج إلتهاب المفاصل و الروماتيزم و بيعطى إحساس بالشبع و سعراته قليلة و بيصعب علىّ إنه متهم بإنه بيؤدى للبدانة 6 و طبعا إتكلمنا قبل كدة عن إن الجسم محتاج لكل العناصر الغذائية و لكن أحب أنبه تانى إن اللى بيزيد عن حده بينقلب لضده "و كلوا و اشربوا و لا تسرفوا .. إنه لا يحب المسرفين " (الأعراف31) 7 الكعب العالى على قد ما بيعطى مظهر أنيق و خطوة أنثوية إلا إن تأثيره سيئ على الظهر و جمال القدمين فخللى الكعب العالى للمناسبات الخاصة اللى مش هيكون فيها حركة كتير أو وقوف لفترة طويلة كمان منع الكعب تماما له مضاره على الركبة و خير الأمور الوسط و سبحان الله راحة القدمين بتبان على الوجه ** فدلكى قدميكى بيديكى كل يوم ** و إمشى حافية كل يوم برضو لمدة 10 دقائق على سجادة أو رمل أو حشائش أو أى أرض ممهدة ** و ياريت لو تضعى كتاب أو أى ثقل على رأسك و تجتهدى إنه ما يقعش أثناء السير , و وحدة وحدة هتلاقى خطوتك بقت كلها أنوثة , حتى لو مش لابسة كعب 8 الضحك ** بيدلك الأعضاء الداخلية ** بيقوى عضلات البطن و الكتفين و الصدر و الوجه ** بيطلق هرمون الإندروفين و هو هرمون مسكن لآلام المخ ** بيغيّر سرعة تدفق الدم فتتغير درجة حرارته فتتحسن الحالة المزاجية ** بيزيد طاقة الجسم و بالتالى بيزداد نشاطه 9 الإهتمام بالإيجابيات كأن تكملى تعليمك أو تتعلمى حاجة جديدة تنمى مهاراتك تعملى مشروع و لو صغير جدا تشتركى فى مسابقة ثقافية أو فنية أو رياضية فالسعى وراء أى مكسب جديد ( مع ترك النتيجة على الله ) بيعيد الحيوية و الشباب 10 عيد ميلادك مش لازم تتجاهليه أبدا بل إحتفلى به بأى شكل من الأشكال لأنه بيشعرنا بحب الآخرين و إهتمامهم بينا و إفخرى بسنك و إشكرى ربنا إنك بتكبرى و عندك فرصة زيادة لطاعته و تصورى معايا نظرة الناس لبنت عمرها 20 سنة شايلة الهم و مكتئبة.. و لإمرأة عندها 50 سنة مبتسمة للحياة و متفائلة و تعالوا معايا نتنقل لنقطة تانية |
