 |
  |
|
|
|
|
#341 |
|
|
رد: قصه حسبتك عديم الاحساس وصرت لي كل احساسي رمانس
&&&&بعد العشا &&&&
مي:خلاص بكرا بمرك نروح السوق اوكي ورانا الف شغله وشغله ومها ترا بتروحين معاانا اوكي مها ببتسامه: اوكي استناكم بس قبل ما تمرون عطوني مس كول عشان البس مي: اوكي يله مع السلامه نوف: بااي &&&في بيت ابو متعب&&& عند باب الشارع نزلت مها.. مها : يمه ماراح تنزلين حصه : لا بروح مشوار وارجع مها بدون اهتمام لانه شي مو غريب على امها: طيب باي حصه: مع السلامه دخلت البيت كان يخوف فاضي ومظلم فتحت كل الانوار ومرت على غرف البيت تولع لمباتها دخلت الغرفه وماعاد شالتها رجلينها... *ايش اللي شافته مها؟ *وكيف راح يكون عرس نوف ومي؟ *وهل هذي النهايه لزياد وفي؟ كله بالجزء التاسع عشر... |
|
|
#342 |
|
|
رد: قصه حسبتك عديم الاحساس وصرت لي كل احساسي رمانس
$$الجـــــــــــــــــــــــــ ــــــــــــزء التاسع عشر$$$
سكرت وجلست تناظر حولها المطبخ مقلوب فوق تحت بس حبت تنتقم من سعد وخلت الغسيل كله وما غسلت شي يكفي انها طابخه وهذا انجاز يبيها بعد تغسل الصحون ..يحلم... غسلت يديها وجهزت الطاوله وراحت تصحيه.. دخلت الغرفه كانت ثلج .. والارض بارده.. طفت المكيف وراحت عن راسه.. مشاعل بصوت هادي: سعد سعد سعد كان يتقلب والنوم ذابحه بصوت كله نوم: نعم وشو مشاعل: يله اصحى الغدى جاهز وما ابيه يبرد لو سمحت سعد واهو ميت نعس: يله صاحي صاحي مشاعل بجديه: مو اروح وارجع القاك نايم ياويلك مني سعد قام من السرير: لا من جد صحيت صحيت مشاعل : طيب يله استناك غسل وصلي واستناك سعد واهو يفرك عيونه:طيب طلعت من هنا ورجع حط راسه مشاعل رجعت وصرخت: سسعععد سعد قام مرتاع: خلاص صحيت صحيت مشاعل مسكت نفسها ما تضحك كان شكله يضحك شعره منفوش وعيونه متفخه رحمته شكله من جد تعبان وفيه النوم... جلست على الطاوله تستناه خمس دقايق وجاها بعد ما تحمم طلع لها واهو يحرك خشمه .. سعد ببتسامه: والله الريحه تشجع ؟؟ مشاعل بفخر: افااا عليك عشان توثق فيني لما اقولك اني اني طباخه درجه اولى.. سعد واهو يجلس: ترا في فرق بين الريحه والطعم اذا مو عارفه مشاعل بستهبال: لا عارفه عارفه يله ذوق سعد اكل ملعقه وجلس شوي يفكر بعدين: والله لذيذ مدت له صحن الدجاج: ذوق هذااا وبعدها عطته من الفتوش: وهذااا وحطت في صحنه من سندويتشات تونه صغيره: وذوق هذي بعد.. سعد يناظر الاكل اللي كل شوي يزيد في صحنه حس راسه يلف: خلاص خلاص حبه حبه والله انتفخ اصير كوره عاد بعدين وش تبين فيني اصير متفوخ.. مشاعل:هههههههههههههه بالعافيه انا ابيك تصير كوره سعد جلس يطير حواجبه: ترا مو لمصلحتك بصراحه مشاعل طيرت عيونها: ها لا اجل لا تاكل سعد واهو ياكل: خلاص فات الاولان .. مشاعل كانت حاسه انها سوت انجاز عمرها ما فكرت تطبخ لأحد شي حتى لو لنفسها بس اليوم طبخت غدا كامل لسعد.. سعد كان ياكل ملعقه ورا ملعقه واهي تتفرج على شكله واهو ياكل.. سعد يحرك يده قدام وجهها: وين رحتي والا مو جواعانه يله كلي مشاعل: ها ايه باكل بس انت وين بتروح خلصت.. سعد: ايه الحمد لله مرره شبعت انتي كلي جالسه تتفرجين علي من الصبح مشاعل قررت تجرب طبخ يدها ذاق اول شي الرز وبعدين كشرت.. مشاعل: يالله وشلون اكله كله سكررر راحت ذاقت الدجااج وطلعته من فمها بسرعه: وهذااا مالح جربت الفتوش واستناست بس كان ملحه زايد شوي.. باقي سندوتشات التونه كلت وحده وكلت الثانيه: هذي مضبوطه عشا كذا اكل الخمسه كلهم للي حطيتهم عشان الباقي خرابيط ياويلك مني يا مهاوي تعلميني اطبخ غدا وما تعلميني الفرق بين السكر والملح كله مني انا الغبيه اللي رحت حطيتهم بعلب ولو انهم بأكياسهم كان عرفت.. قامت بسرعه تشوف وش يسوي.. مشاعل بخبث:ها وش رايك بطبخي سعد واهو يدخل اغراضه في الشنطه: لذيذ بصراحه.. مشاعل: طيب وش رايك تاكل من الدجاج مره ثانيه سعد واهو مرتاع:لااااااا مشاعل ماسكه نفسها:طيب اعصابك ماراح اعطيك .. سعد : انتي اكلتي ؟!@ مشاعل: ايه اكلت مرره خطير.. سعد قرب من عندها مسك يديها وهالحركه خلتها تستحي: يا شعوله يا شعوله لما تخلين اختك تعلمك تطبخين خليها تعلمك أي واحد السكر واي واحد الملح.. كمل كلامه ببتسامه: انا باكل كل مره تطبخين لو تحطين بدال السكر فلفل باكله وبعدين ما في احد متعلم انا من علمني غير رحيل شاف النظره على عيونها كيف تغيرت من يوم ما سمعت اسمها.. سعد بتوتر: انا اسفه يا مشاعل مو قصدي اضايقك .. مشاعل بنبره تخفي حزن: لا عادي اهي زوجتك ولازم في بينك وينها ذكريات واانا لازم اتقبل.. سعد بضيقه: انا اسف يا مشاعل.. حاولت تصرف الموضوع: ها خلصت شنطتك والا اساعدك.. سعد: لا خلاص خلصتها بس سكريها وحطي شنطتك عشان نمشي يمكن نلحق عليهم مشاعل بستغراب: على مين؟؟ سعد: على اهلي واهلك متجمعين في بيت ابو فهد عازهم على سلامه عمي ابو احمد وطلعه خالد من المستشفى وتو عبدالله متصل علي يقولي ارجع بدري.. مشاعل :اهاا بس ما اتوقع نلحق عليهم تأخرنا سعد: اذا لحقنا لحقنا ما لحقنا رحنا بيتنا وارتحنا وش رايك مشاعل ببتسامه: اللي تشووفه.. (((((((((((((((((((((((((((((( ((())))))))))))))))) )))))))))))))))))) |
|
|
#343 |
|
|
رد: قصه حسبتك عديم الاحساس وصرت لي كل احساسي رمانس
مشاعل ببتسامه: اللي تشووفه..
(((((((((((((((((((((((((((((( ((())))))))))))))))) )))))))))))))))))) كانت جالسه في غرفتها والجو كئيب اللمبات مطفيه.. والغرفه بارده.. واهي تعبت من كثر ما زعلت عليه وعلى فراقه في شي كان يأنبها انها ما عطته فرصه لما كلمها امس .. في" بس اذا كان يحبني من قلبه محاوله فاشله وحده ما تأثر فيه بس انا خلاص تعبت من كثر ما انضر منه وكل مره اقوى واقسى علي من المره اللي قبلها عمري ما كنت في الضعيفه طول عمري البنت القويه اللي ما يهزها شي وش تغير عشاني حبيت يخسى الحب اللي يسوي فيني كذاا وما في شي في هالدنيا يستاهل اني ازعل عليه.. كملت افكارها بصوت مخنوق" الا انت يا زياد " شالت هالافكار السوداء من راسها وكل شي كان يخرب حياتها وطلعت من غرفتها.. وصلت لغرفه مي ولقتها تسولف مع نواف وضحكتها واصله اخر البيت.. مي شافت ملامح في وقالت لنواف: نواف قلبي اكلمك بكرا ايه هههههههههههههه خلاص اوكي باااي .. سكرت جوالها ورجعت انتباها لفي .. مي: وش عندك طالعه من غرفتك مو من عادتك؟! في: بكرا قوميني بروح معاكم السوق وانا اللي بسوي لك انتي ونوف العرس وبتفق مع اخت صديقتي على التفاصيل يعني انا التصميم واهي التنفيذ موافقه؟ مي مو مصدقه: اخيراا اقتنعتي ايه موافقه اكيد .. في تركتها وقامت لغرفتها... مي راحت واتصلت على نوف.. نوف بسعاده ما توصف: هلا وغلا هلا بقلبي انتي مي وقف شعر راسها: وش صاير لك كل هذا عشان اخوي خطبك اجل يوم العرس وش بتسوين يا بتطبين علي والا ليش تطبين علي واخوي موجود نوف انقلب وجهها: يا قليله الادب وش تبين صدق ما ينفع معاك الاحترام والا الدلع انتي خشتك خشه وحده يبيلها كف.. مي بستهزاء: والله اشك انك تصلحين تتزوجين نوف بصراخ: لاوووووووووووللله يالكبيره يالعاقله مخلين العقل لك وش تبين اخلصي نكدتي علي الله ينكد على الشيطان.. مي : طيب بقول في وافقت تصمم لنا العرس نوف بغت تنط من مكانها: احلفي مي : ايه والله نوف : هي هي هي اجل عرسي بيصير فللللللللللللللللللللللللله مي بقهر: من قال انه عرسك لحالك والا ناسيتني انا الاساس نوف تتهزى: وانا وشو التقليد مي: اقول بس اعقلي روحي نامي بكرا ورانا دوران من صبح الله ويالله يمدينا نخلص كل اغراضنا نوف بثقه: انا عادي خلصت ما خلصت كل اغراضي مايهم احمد يبيني كذا من دون شي مي بعصبيه: والله انك تجيبين الهم يله باي نوف:هههههههههههههه باي امزح معاك لا تزعلين مي : ما زعلت بااي نوف:باااي |
|
|
#344 |
|
|
رد: قصه حسبتك عديم الاحساس وصرت لي كل احساسي رمانس
نوف:باااي
********************في بيت ابو سعد************** سعد ومشاعل توهم واصلين من السفر بعد ما تأخرو قررو انهم يروحون يرتاحون في البيت احسن وبعدين يسلمون على الكل.. سعد يفتح الباب بهدوء: شوي شوي ما نبي نصحي احد مشاعل تهمس: ان شاء الله.. دخلو الصاله وكانت ام سعد جالسه وشكلها سرحانه.. سعد ومشاعل: السلام عليكم ام سعد ببتسامه: هلا وغلا بالغالي ليش ما قلتي لي انك بترجع سعد حب راس امه: قلت اسويها لك مفاجاه وشلونك ام سعد تسوي نفسها زعلانه من دون نفس قالت: بخير سعد : اف اف الحلو زعلان ليش وش سويت انا!! ام سعد بدلع: يومين ما تكلمني .. وناظرت في مشاعل: والا لقيت اللي يشغلك عن امك سعد فهم قصدها ومشاعل فهمت قصدها وتضايقت.. سعد: افاا عليك بس لا لقيت احد يشغلني ولا شي وبعدين من اشغلني عنك بنتك مشاعل اشر لها بيده: مشاعل وش فيك واقفه تعالي سلمي على امي.. مشاعل بحيا حبت راس خالتها .. ام سعد كانت متضايقه منها وسحبت راسها بسرعه مشاعل تضايقت وحاولت ما تبين هالشي: وشلونك خالتي.. ام سعد من دون نفس: بخير وانتي اخبارك مشاعل ببتسامه: بخير دامك بخير سعد كان مبسوط من تعامل مشاعل اللي تغير 180 درجه مع الكل واولهم امه.. ام سعد تتكلم وتناظر مشاعل: انت قلت لي انكم بتوصلون على الوقت بس تاخرتو وما لحقتو عليهم كلهم متجمعين والا ايش اللي اخرك ؟ سعد بتوتر: كنت تعبان ونمت ما صحتني مشاعل الا متأخر ام سعد بعصبيه: وليش ما صحيتيه والا ما تبينه يتجمع مع اهله مشاعل خنقتها العبره تكلمت واهي ودها تصيح: والله ياخالتي اني ما دريت وبعدين اهو ما قالي شفته تعبان خليته يرتاح واهله اهم اهلي اذا ناسيه.. سعد عرف ان المشاكل بدت: خلاص شعوله روحي ارتاحي في الغرفه انا بجلس شويه مع الوالده وبلحقك.. ام سعد تحاول ما تصرخ على مشاعل اللي رافعه ضغطها واهي تمثل دور البريئه اللي مو راكب عليها مشاعل فضلت السكوت سحبت شنطتها وطلعت فوق.. ام سعد بعصبيه وصوتها عالي : هذي من اولها تبيك تلاحقها وين ما تروح تبيك وراها لا ياحبيبي رحيل الله يرحمها وانت تموت على الارض اللي تمشي عليها ما سوت كذا تجي هذي وتبي تمشينا على كيفها.. سعد مرتاع ما يدري كيف يسكت امه: يمه خلاص انتي ما تدرين مشاعل تغيرت مو مثل اول.. ام سعد بستهزاء: كل الدنيا تتغير الا هذي ما تتغير.. سعد: طيب جربي تحبينها مثل ما انا حبيتها عشاني بس ام سعد من دون نفس: عشانك بس بحاول ما اوعدك. سعد قام وحب راسها: تسلمين يالغاليه انا بطلع ارتاح تامرين على شي.. ام سعد: وين رايح توك واصل اجلس معاي شوي والا خايف منها سعد طفش من اسلوب امه عمره ما شافها تغار بهالطريقه او تعامل احد بهالطريقه.. تكلم بتمالك اعصاب: يمه انتي قلتيها توني واصل خليني ارتاح اليوم وبكرا بجلس معاك لحد ما تطفشين مني وش رايك ام سعد: تاخذني على قد عقلي خلاص روح روحلها لا تزعل عليك حبيبه القلب بعد ما بقى الا تدلعها قالتها بستهزاء: شعووله مالت عليها.. سعد سكت بعد ما ذكر ربه وطلع فوق.. طق الباب ودخل على طول.. تضايق لما شاف مشاعل تمسح دموعها راح وجلس جمبها على طرف السرير تكلم بصوته الدافي: ياشعوله ياقلبي ليش تبكين يتبع>> |
|
|
#345 |
|
|
رد: قصه حسبتك عديم الاحساس وصرت لي كل احساسي رمانس
اتابع>>>
تضايق لما شاف مشاعل تمسح دموعها راح وجلس جمبها على طرف السرير تكلم بصوته الدافي: ياشعوله ياقلبي ليش تبكين مشاعل مسحتها ورسمت على وجهها ابتسامه كذابه: ابد سلامتك بس مشتاقه لأهلي سعد تنهد: مع اني متاكد ان مو هذا هو السبب ما ودك تقولين لي .. مشاعل" وش اقولك اني سمعت كل كلام امك وانها كارهتني وما تبي وجودي يطول هنا بس انا ما الومها عمري ما عاملتها كأنسانه اكبر مني ودايم تعاملي معاها مو حلو اكيد بتكرهني وخاصه بعد ما اخذت ولدها منها" مشاعل قامت من مكانها:لا قلتلك ما فيني شي انا بدخل اتحمم وبنام لاني مره تعبانه.. سعد: وانا بعد هذا اللي بسويه.. مشاعل: طيب وش راايك قبل نتعشى سعد: طيب يله البسي عشان نطلع.. مشاعل: لا اليوم بنتعشى هنا ودي اخلي خالتي تاكل معانا .. سعد ابتسم ابتسامه صادقه عمره ما تخيل ان مشاعل العنيده ممكن تتغير بهالسرعه والاكثر من كذا انه حس ان حياته بدت ترجع طبيعيه وحمد ربه انه ما ابعدها من حياته مثل ما كان ناوي يسوي.. وتقبله لها وحنانه عليها بدت تطلع نتايجه عليها الحين.. سعد: اللي تشوفينه تعرفين المطبخ وينه.. مشاعل بمزح: بشوف بنفسي اذا طولت اعرف اني ضعت. سعد:هههههههههههه صدق بيتنا كبير بس مو لهالدرجه بس زين انك حذرتيني عشان انتبه اذا طولتي.. ^66^^^^^^^^^^^^^^^^^^^^^^^^^^^ ^^^^^^66 نزلت المطبخ بعد ما دارت البيت كله دخلت المطبخ واهي دايخه.. بدت تفتح الادراج وتطلع الاغراض اللي بتسوي فيها العشا قررت تصلح الاكله الوحيده اللي تعرف تسويها من نفسها من دون مساعده من مها اهي سندوتشات دجاج .. بدت تقطع وتصلح عصير وتجهز كل شي.. سمعت صوت غريب في المطبخ خافت ان في حرامي خذت معاها اقرب شي لقته عصا المكنسه ودخلت تتسحب للمطبخ.. شمت ريحه اكل حلوه .. ام سعد واهي تهمس: حرامي محترم يصلح عشانا بعد.. دخلت بسرعه وضربت مشاعل على يدها.. مشاعل صرخت صرخه : أي اح خالتي وش سويت تضربيني كذاا ام سعد خافت: اسفه والله حسبتك حرامي انتي وش جالسه تسوين في المطبخ انا احسبكم نمتو مشاعل واهي مكشره من الالم: نزلت اصلح لك ولسعد عشا ام سعد بستغراب: لي انا !! مشاعل ببتسامه: ايه لك انتي مو معقوله نتعشى لحالنا وانتي لا بس لا تكونين شبعانه هذي اول واخر طبخه اعرف اسويها لحد ما تعلميني انتي ان شاء الله.. ام سعد ما تدري ليش قالت: لاماتعشيت ان شاء الله اعلمك بعدين تبين مساعده.. مشاعل:تسلمين ياخالتي لا خلاص خلصت بس اذا تقدرين تنادين سعد على ما احط الاكل على الطاوله,, ام سعد مشت واهي مو مستوعه ان هذي مشاعل نفسها اهي مشاعل اللي تعرفها قبل ما تتزوج سعد.. طلعت ام سعد لغرفه سعد ومشاعل.. سعد واهو ينشف شعره: هلا يمه بغيتي شي.. ام سعد بهدوء: مشاعل تقول يله انزل العشا جهز.. سعد مستغرب : ان شاء الله يله نازل بلحقك.. ام سعد: لا تطول لا يبرد الاكل.. $$$$$$$$$$^^^^^^^^^^^^^^^^$$$$ $$$$$$ |
