رد: رواية مخ عربجي للكاتبة غرامها ساحر كااملة
رواية مخ عربجي للكاتبة غرامها ساحر كااملة
البارت الـ 11
آمـۈت [ فـدآآڪ ] يـآاخ ــۈي ؛ ۈآشـۈفـڪ بـس مـتـع ــآفـي .. الجزء الاول والاخير
يـآاخُ ــوي مـن بَـع ــدِك آنـآ صَـآآبِــنِـي هَـــمّ ..
أَرجُ ــوكْ تِــرْجَ ــع يَـآعَ ــسَـى ع ــمْـرك طـويـل ,,
الـ بُـع ــدِ خَ ــلَّى اَلـجِ ــسـمِ نَـآقْـص مـنْ الــدَم ..,
عَ ـــوِّد تَــرى يـآاخُ ــوي مـشــتــآآق لـك ح ــيـل ..
الساعه 12 الظهر
بيت أم تركي
نزلت تاره وهي تتمغط بكسسسل
دخلت الصاله وكانت أمها جالسه تكلم تليفوون و تولين تتفرج Tv
طالعت تولين بحده و تولين بادلتها نفس النظرات ضحكت تاره وهي تتحمد الله على نعمة العقل
وجلست جنب أمها
تاره : يمه
ام تركي بيدها تقول لحظه وتكلم تليفون: ايه يعني كلمتيها متى
تاره : يمه
ام تركي فرصعت عيونها وتحرك شفايفها بدون ماتتكلم "" لحظه ""
تاره : يمه
ام تركي صرخت : خلاااااص قلت لك لحظه بزر انتي
ضحكت تاره
وتولين ضحكت بس بسرعه سوت نفسها تتفرج
ام تركي قفلت السماعه و إلتفتت على تاره : خير
تاره بعبط : ولاشي بس كنت بسألك مين تكلمين
ام تركي إنقهرت من عبط تاره : كنت أكلم خالتك ام سليمان
تاره وهي تنسدح وتسند راسها على رجول أمها : وش عندها خالتي
ام تركي ابتسم على حركة تاره وهي تمسح على شعرها بحنيه : أمس مكلمه ام نواف وخطبت غزل لسليمان بس هاه ترا غزل للحين ماتدري ياويلك لو عرفت انك انتي اللي قايلتلها
تاره فزت و قالت بصدمه : خالتي أم سليمان خطبت غزل لسلووم وغزول ماتدري
ام تركي : ايه
تاره بعصبيه : وليش ماقلتوا لها
ام تركي بأستغراب من حركات تاره : وانتي وش عليك هذا كلام حريم بس يعني خالتك أم سليمان حاجزه غزل لسليمان لمن يخلص جامعه و ام نواف ما عارضت
تولين : يعني ما راح يقولون لها
ام تركي : مدري عنهم يمكن موب الحين يقولون
تاره بعصبيه : لا والله ويعني البنت مخطوبه وهي يمكن موب موافقه عليه ليش ما أخذوا رأيها
تولين بتفكييييير وعبط ماله داعي : يمه أرجوك إذا في أحد خاطبني قوليلي من الحين ما ابغا بعدين تجون وتقولون تراك مخطوبه
ام تركي : انتي ماتستحين وش هالكلام
تاره بسخريه : يمكن حتى انا بعد مخطوبه وانا مدري
ام تركي بأبتسامه هاديه لانها تعرف انهم مستغربين ليش غزل مخطوبه بدون ماتدري عشان كيذا يكلمونها بهالاسلوب: شوفوا احنا مالنا دخل بالناس هم حرين باللي يسونه وكيفهم ولا تحسبون اني راضيه على هالشي بس يمكن هم بالنسبه لهم عادي بما انهم يعرفون سليمان و يقربلهم عشان كيذا وافقوا
تولين : وانتي بتسوين مثلهم
ام تركي ضحكت وهي تقوم : لا
راحت ام تركي وتاره تطالع التليفون بتردد
تولين طالعت تاره وقالت بحده : مالنا دخل لا تقولين لها
تاره وهي ناسيه هواشها مع تولين قالت بتوتر : بس هي ماتبي سليمان
تولين بنفس الحده وهي تقول الكلمات ببطء : احنا .... مالنا ... دخل
تاره زفرت بضيقه : وش ذا التخلف اللي عندهم يعني ليش ما ياخذون رأيها
تولين ببرود : هم حرين باللي يسونه
تاره حست بضيقه سرحت وهي تفكر بردت فعل غزل لو عرفت بالسالفه
<><><><><><><><><><><><>
بيت الجده
سفانه وهي بتموت من الطفش : وحشنيييييييييييييييييييييييييي يييييييييييييييييييي يييييييييييييييييييييييييييييي
ام فيصل بأستغراب : نعم مين اللي وحشك
سفانه بضيقه : زيود
ام فيصل ابتسمت : والله ما عرفنالكم يومه هنا قلتوا طفشنا من كثر مايهاوشكم ويوم يسافر قلتوا وحشنا صدق غريبين
دخلت سلافه وهي تقول بدون نفس وعيونها مفقعه لانها توها قايمه من النووم : سلام
الجده بسخريه : صبااح الخير تو الناس كان كملتي نومتك
سلافه بقهر : في أحد يقدر ينام زي الناس وعنده سفانه كل خمس دقايق ناقزه فوق السرير وتصارخ قومي قومي طفش وما اعرف ايش مدري وش قالولها عني مهرج < وش دخل
سفانه ضحكت : أحسن
سلافه سفهت سفانه وجلست جنب امها : يمه بطلع مع تولين بنروح السوق
سفانه داخله عرض : ايه يروح زيود و تركي منها و انتوا تسرحون مناك
سلافه طالعتها بغيض : انتي مين كلمك اوووووف
ام فيصل : خلاص روحي مع تولين اذا بتفكينا من شرك
سلافه ابتسمت وهي تبوس امها بقووه على خدها : فديتتتتتتتتتتتتك
سفانه بقهر : مالت عليك و تاره رايحه معكم ولا لا
سلافه تلعب بحواجبها : لا احسسسسسسن عشان أفتك منك شوي
سفانه انقهرت ورمت عليها المخده : طسسسسسسسسسسسي
ضحكت سلافه من قلب لانها تدري ان سفاانوه ميته من الطفش وماتدري وش تسوي
<><><><><><><><><><><><><><><> <>
بيت ابو محمد
دلال عندهم و محمد وبدر و ابو محمد بالصاله يسولفون عن الشركه وبدر جالس غصب وهو مقهوور انه جالس معهم وهو يبغا يطلع
ودلال عند ريموه
دلال : ريموه ملل عندكم
ريموه : يعني وش تبيني أسوي عشان أبسطك أرقصلك مثلاَ
ضحكت دلال : ياليت
ريموه طالعتها بغيض : وانا بعد زهقانه من راح فهد و بدر حابسني في البيت لا هو راضي يوديني المكان اللي ابغاه ولا هو موافق أروح مع السواق عمى عقلية بزر والله
ضحكت دلال من قلب وقالت بتريقه : الله يعينك على ما أبتلاك
دق باب الغرفه
ريموه بصراخ : نعم خير مين
محمد فتح الباب وطالعها بأستغراب : خير تصارخين
ريموه بقهر من الملل : وانت وش عليك ولو سمحت خذ زوجتك وتقلع جابتيلي الهم
دلال بصدمه : انا
ريموه : ايه انتي من يوم ماجلستي ملل ياربيه طفش كنت مبسوطه باللي انا فيه ولمن جلستي تقولي هالكلام قرفتيني بعيشتي
ضحكت دلال
محمد بعصبيه : ريموه وش هالكلام
ريموه : انا ما قلت شي غلط ولا تسوي فيها المعصب
محمد بغيض : هذا وانا جاي أقول إلبسي عشان أطلعك من البيت بس والله جزاء للي قلتيه مافي طلعه
ريموه صرخت : لآآآآآآآآآآآآآآآآآآآآآآآآآآآآآ آآآ الله يخليك أبغا أطلع أسوي اللي تبغاه بس طلعني من البيت تكفى يا أخوي ترا بموت من الطفش تكفى
محمد : انا حلفت " طالع دلال وإبتسم " يلا طالعين
دلال طالعت الريم بحزن : لو ما تكلمتي " قامت " يلا
وطلعوا تاركين ريموه
شوي وتجيها جلطه من الطفش والقهر من محمد
<><><><><><><><><><><><><><><> <><><>
بيت أم نواف
ام نواف : لا
نواف : ليييييييييييييييييييييييييش
ام نواف : هو ليش تصارخ قلت كلم أبوك بنفسك وقله تبي سياره انا ما راح اكلمه
النوري بضحكه : نوافوه خلاص روح كلمه بنفسك ليش يعني تخاف يصطرك كف
نواف : يمه شوفيها لا أقوم الحين و أتوطاها
النوري بعربجيه مقتبسه من غزل : إذا في
أهلك خير مد يدك عشان أكسرها
غزل دخلت الصاله : وجع وش فيكم تصارخون
النوري : اووووف جات النكد " وقامت "
نواف طالع غزل بحقد : وانا بعد بروح الجو صار زفت فجئه " وراح "
ضحكت غزل لانها مهاوشتهم أمس لانهم أخذوا أفلامها بدون إستئذان عشان كيذا حاقدين
غزل وهي تجلس : يمه ابغا أطلع ترا طفشت
ام نواف : عندك أبوك قوليله و إذا وافق روحي
غزل : وينه أبوي ماعاده ينشاف
ام نواف : بمكتبه
غزل قامت وتوجهت لمكتب أبوها تستأذن منه
><><><><><><><><><><><><><><>< ><><><><><><><><
بيت أم رائد
لورا : رئود بليييييييييييييز بروح معهم
رائد : لا طلعه لوحدكم مافي
فارس بصدق : وش فيها يعني
رائد طالعه بحده بعدها قال بحزم : قلت لك إذا الهنوف راحت معكم ما عندي مانع
لورا طالعت الهنوف اللي جالسه تكلم تليفون : ما راح تجي لان الست تاره موب رايحه
رائد زفر بضيق : خلاص تراك صدعتي راسي قلت لك اللي عندي وماراح أغير رأيي
لورا وقف وقالت بقهر : طول عمركم معقدين اووووووف " وراحت "
فارس طالع رائد وكان بيتكلم
رائد : ترا من جد من جد راسي يوجعني ما أبغا أسمع ولا كلمه
الهنوف : فروووس
فارس وقف وطلع بسسسسسسسسسرعه لأنها ماتقول فروس الا إذا تبغا تطلع ولا تبغا تطلب منه أي شي
ضحك رائد وقام ورا فارس لانه ماله خلق زن الهنوف
الهنوف إستغربت : وش فيهم
<><><><><><><><><><><><><><><> <><><>
طلعت تولين مع سلافه للسوق
من العصر والبنات كلهم طفشانين لأبعد حد
<><><><><><><><><><><><><><> <>
على المغرب
تاره كانت بغرفتها إستغربت الصراخ اللي تسمعه
نزلت ركض ودخلت الصاله بس بسرعه رجعت على ورا لمن شافت فيصل جالس مع أمها اللي متقطعه صياح
قلبها نغزها حست ان شي صاير
توتر لمن سمعت إسم تركي
~ لالالالالالالالالا ياربي لايكون صارله شي لا الا تركي يارب مايكون صارله شي ~
ماعرفت وش تسوي ودها تدخل الغرفه وتصارخ وش فيه تركي بس ماقدرت لسببين اول واحد خايفه من اللي راح يقولونه و ثاني شي ماتقدر بسبب وجود فيصل
سمعت صوت باب الشارع دنقت براسها شافت امها وفيصل موب موجود
ركضت لعندها
تاره بخوف : يمه وش صاير تركي فيه شي
ام تركي بصياح يعور القلب : آآآآآآآآآآآآآآآآآآآآآآآآآآآآآآ آآه ياتركي آآآآآآآآآآآآه
تاره صرخت بخوف : وش فيه تركي
سمعت خطوات أحد طالع الدرج ركضت بسرعه
شافت أبوها يطلع الدرج بسرعه
تاره راحت وراه وهي تقول بخوف : أبويه وش فيه تركي
ابو تركي ما رد عليها ودخل غرفته وهي وراه
جلست على الأرض رجولها ماتقدر تشيلها من الخوف قالت وهي تصارخ بخوف : بتقولون وش صاير لتركي ولا لا
ابو تركي إلتفت عليها ونزل لمستواها وقال وعيونها تلمع بخوف : إذكري الله و إدعيله انا ما بكذب عليك تراه مسوي حادث والله العالم بحاله انا الحين بروح الشرقيه و بشـ
تاره بسرعه والدموع متجمعه بعيونها : خذني معك الله يخليك
ابو تركي بحنيه و هو ميت خوف على ولده الوحيد : ما ينفع " ابتسم يطمنها " تاره ما أوصيك انتي الوحيده اللي أقدر أعتمد عليها أدري انك انتي اللي تقدرين تهدين أمك و وعد مني راح أتصل عليك و أطمنك
تاره مسحت دموعها وهي تقول بصوت متهدج : ط..يب
ابو تركي وقف وراح يغير ثوبه عشان يروح للمطار
تاره نزلت الصاله عند أمها وهي اللي تبغا مين يهديها
<><><><><><><><><><><><>
بيت الجده سفانه كانت طالعه من غرفت جدتها شافت امها تنزل ركض من الدرج ومعها عبايتها
سفانه : يمه وين رايحه
ام فيصل بخوف واضح بعيونها : بروح بيت خالتك ام تركي
تركي مسوي حادث و توهم يدرون
سفانه شهقت بقوه : حادث
ام فيصل وهي تلبس عبايتها : جدتك لاتدري فاهمه
سفانه بسرعه : بروح معك
ام فيصل : لا
سفانه بتصميم : يمه الله يخليك بروح عند تاره
ام فيصل : زين بسرعه
ركضت سفانه لفوق ولبست عبايتها ونزلت ركض وطلعت مع أمها وكان فيصل يستناهم برا
ركبوا وبسرعه راح لبيت ام تركي
وصلوا وسفانه شافت الشباب أغلبهم مجتمعين بالحوش و أشكالهم تجيب الهم
بدر جالس تحت الشجره الكبيره اللي بالحوش و وجهه أسود
و سليمان حاط الشماغ على كتفه و يدور
شافت فهد معهم
عرفت انه هو اللي جا وقالهم على اللي صار
كان شكله يحزن لابعد درجه عيونه الحمرا
و وجه المغيم بحزن واقف جنب سليمان
ينتطر ابو تركي ينزل
عشان يروحون الشرقيه
نزلت من السياره مع امها وقلبها يدق بسرعه ماتدري تاره وش صارلها
هي عارفه انها مرررره قريبه من تركي و لمن ينجرح على خفيف تسوي مناحه كيف إذا عرفت انه مسوي حادث أكيد بتقلب البيت فوق تحت
دخلوا لمن فتحت لهم الشغاله
توجهوا للصاله
أم فيصل ركضت لأختها تواسيها
و سفانه جلست جنب تاره اللي جالسه بهدوء جنب أمها وتهديها وتطمنها
<><><><><><><><><><><>
تولين وسلافه كانوا راجعين من السوق
راجعين لبيت ام تركي بعد ماحلفت تولين على سلافه تجي و تجلس معها شوي لانها طفشانه وتبغا أحد يسليها
وصلوا
سلافه نزلت من السياره و إستغربت تجمع الشباب في الحوش وكانت أشكالهم تدل أن صااير شي نغزها قلبها و إلتفتت على تولين اللي تطالعهم بأستغراب
تولين بخوف : وش صاير
سلافه بأستغراب : والله مدري
تولين ركض ودقت الباب
فتحت لها الشغاله المتقطعه صياح
تولين بخوف : وش صاير
الشغاله بصياح : بابا توركي في موت
تولين وكأن أحد صاطرها كف : نعم
سلافه شهقت
تولين طاحت على الأرض و مشاعرها متضاربه : مات تركي مات يعني ماراح أشوفه مرره ثانيه
سلافه جلست على الارض وهي تقول بصوت خانقته العبره : إذكري الله
تولين إستوعبت كلام الشغاله إنفجرت صيااح و صراخ وهي موب مهتمه لوجود الشباب اللي يطالعونها بحزن
ركض فيصل لعندها بسرعه وخوف لمن شافها منهاره وجالسه تصيح بصوت عآآلي
بس تراجع ماله حق راح يكلمها بأي صفه
زفر بضيقه
وجالس يطالعها بحزن و وده يروح يخفف عنها بس مايقدر يسوي لها أي
شي
وقفت تولين وركضت للصال لمن سمعت صياح أمها
دخلت وشافت أمها متقطعه صيااح وخالتها ام فيصل تصيح معها
جلست على الارض وحطت يدها على إذنها و هي تصيح بشكل يكسر الخاآآآطر : لآآآآآآآآآآآآآآآآآآآآآآآآآآآآ الله يخليكم أبغا أشوف تركي لآآآتقولون ماات هو ما مات " صرخت بأعلى صوتها " تـــــــــــــــركـــــــــــي مــــــــــا مـــــــــــــــــــــات
تاره فزت وراحت لعندها وحطنتها وهي تقول بصوت مخنوق : إدعيله هو ما مات بس يحتاج دعانا لانه مسوي حادث لاتصيحين ما بيصيرله شي انشاءالله
تولين دفنت راسها بحظن تاره و جلست تصيح وسلافه واقفه وتصيح من أشكالهم
بعد فتره
هدا الوضع شوي
وجلسوا ينتظرون إتصال أبوهم
تاره طلعت من الصاله وسفانه لحقتها
دخلت تاره غرفتها وقفلت الباب وراها
سفانه تنهدت وجات بتنزل بس تاره فتحت الباب وسحبت سفانه ودخلتها الغرفه
جلست سفانه على السرير و ما أستغربت لمن تاره رمت نفسها عليها و إنفجرت صيااح
تعرفها زي ماتعرف نفسها تدري انها كانت جالسه تهديهم و تطمنهم وهي أكثر وحده كانت محتاجه أحد يواسيها
سفانه وهي تمسح على ظهر تاره قالت بحزم ودموعها سيل كانت تصيح من صياح تاره : تاروه وش اللي انتي جالسه تسوينه توك تقولين لهم الصياح ما منه فايده إدعيله يا تاره
تاره وهي دافنه و جهها بحظن سفانه قالت وهي تشاهق : تركي يا سفانه آآآآآآآآآآآه تركي يمكن ما يعيش يمكن يموت يعني ما راح
أشوفه بعد اليوم وش أسوي إذا مات " وهي تشاهق " ماقد قلت له اني أحبه والله أحبه مقدر أتخيل حياتي بدونه
" صرخت بحسره نابعه من قلب " أخوي الوحيد مالي غيره والله ما أقدر أعيش لو صارله شي
سفانه ما قدرت تستحمل صياح تاره وجلست حاظنتها وتصيح من كلام تاره
يآخۈي يآ عزۈتي [ يآضحڪتي ۈبڪآي ]
يآمــن علے فزعــتي يميـنه فـي يمنـــآي
من لي سۈآڪ آللي علے أڪتآفه أرتڪي
أنت آلعضيد آللي أشد فيڪ آلظهر- { يآاخۈي
بعد مرور وقت طوووووويل
كانت الأجواء كئيبه لابعد حد
تجمعوا الكل في بيت أم تركي
وسلافه رجعت البيت لان الجده لوحدها هناك
طبعا امها اللي غاصبتها تروح و جلست تحذرها ساعه ما توصل السالفه للجده
تاره كانوا جالسين معهم بالصاله
تاره مسنده راسها على كتف سفانه
وجالسه بصمت خلالاص ماتقدر تهدي امها ولا تولين
مافيها طاقه لاي شي
تولين حاظنه أم فيصل وجالسه تصيح و أم رائد جالسه تهدي أم تركي
والبنات كلهم ساكتين
رن التليفون
الكل طالعه بخوف لمن عرفوا انه رقم ابو تركي
خلاص الحين بيوصلهم الخبر
و وش صار على تركي
تاره نقزت أول وحده على التليفون بقلب يخفق من الخوف
ردت بهدوء وهي ميته خوف من الكلام اللي راح يقوله أبوها : الوو
ابو تركي : هلا مين تاره
تاره بهدوء وعيونها معلقه على أمها و تولين : ايه هاه ابويه وش صار
ابو تركي بهدوء و إبتسامه : مافيه الا العافيه سوا العمليه و الحمدلله ما صارله شي جامد بس كسر بالرجل و
تاره صاحت وبصراخ : والله
ابو تركي ابتسم : والله و إذا موب مصدقتني كلميه بنفسك
كلهم كانوا يطالعون تاره ومحد عنده الجرئه انه يسألها لانهم لمن شافوها تصيح على بالهم خبر موب حلو
ابو تركي ناول تركي الجوال وهو يقول بأبتسامه : خذ كلم أختك وطمنها
تركي أخذ الجوال ورد بتعب : الوو
تاره جلست على اللارض وهي تصيح وتصارخ بفرحه نابعه من قلب: االله ياخذ إبليسك يالحقيييييييييييييييييييييير يالنذل بغيت تسببلي إنهيار عصبي جعل ربي ياخذ عدوينك قول آآمين قوول
تركي ضحك بتعب : آمين " وبحنيه " خلاص عاد لاتصيحين " بأستهبال " وتسوين فيها الرقيقه والدلوعه
تاره وهي تصيح : و الله موب بيدي مقدر أوقف
ضحك تركي من قلب : آما عاد ماتقدرين توقفين صياح
تاره وهي تصيح : كله منك
ام تركي بلهفه : تاره وش صاير
تاره بنذاله وهي تصيح : مات
تولين وهي تشاهق : مات
تاره ضحكت : ايه مات
غزل بهمس لريموه : ياويل حالي تاروه إنهبلت تركي مات وهي تضحك وتبكي بنفس الوقت
ريموه وهي فاهمه حركت تاره : يالخبله ما مات
غزل بدلاخه : هاه
تاره رمت السماعه على أمها : خذي كلمي تركي
ام تركي جلست تكلم تركي وهي متقطعه صياح
بعدها كلمته تولين اللي كان لها النصيب الأكبر بالصياح و الصراخ وهي جالسه تهاوش تركي لانه من جد خوفهم
الجو تغير عندهم من كئابه لفرحه
رجعوا البنات لبيوتهم وسفانه نامت عند تاره اليوم
اليوم الثاني بعد ما عرفت الجده باللي صار
هاوشتهم ليش يخبون عليها شي زي كيذا
طبعا ام فيصل شرحتلها ليش وانهم كانوا خايفين عليها وهم موب متأكدين وش صارله بالضبط
تركي و ابو تركي و زياد وفهد بعد بكرا راجعين من الشرقيه أول مايطلع تركي من المستشفى
؟؟؟؟؟؟؟؟؟؟
البنات إتفقوا يجتمعون في بيت الجده اليوم
بما ان الشباب ما راح يكونون موجودين يعني راح ياخذون راحتهم على الاخر
في غرفة سفانه
تاره بملل : ايه خلاص بلا تناحه
سفانه بصدمه : غزل مخطوبه لسليمان
تاره وهي متنرفزه : ايه قلت لك بطلي تناحه و إسكتي البنت الحين تسمعك تجيها سكته
رواية ...(((مخ عربجي)))...رواية هبل واستهبال..
سفانه طالعت غزل اللي جالسه تكفخ البندري : هذي وجه زواج بالله عليكي
تاره ضحكت وهي تهز راسها بـ لا
سفانه ترمي نفسها على السرير وبدون أي مقدمات : ابغا أتزوج
تاره ضحكت : عاد صراحه مايركب عليك متزوجه هههههههههههههههههههههههههههههه هههههههاي
البندري صرخت بقهر وهي تدف غزل : ابعدي يالمتخلفه وش ذا العنف
غزل ضحكت : عشان ثاني مرره تحرمين تقولين علي ثوره
ريموه : ابعدي عن بندورتي ترا ما أرضا عليها
البندري بقهر : كلي تبن لي ساعه أقول إفزعيلي ويوم بعدتها عني تكلمتي
ريموه ضحكت من قلب : مالي دخل انا بنوته ما أحب العنف
البندري طلعت من الغرفه : كلي تبن قد راسك قال ماتحبين العنف والله العنف كله فيك
ضحكوا البنات على البندري
و إندمجوا بالسوالف
ثواني ودخلت البندري و وجهها مايبشر بخير
تاره بخوف : وش فيك
ريموه بملل : ترا ذي اليومين صايره ثقيلة دم بقووه يلا قولي بسرعه مين مات
البندري قالت بخووف : سعود ضايع مدري وينه قصدي مايدرون وينه
تاره بتناحه : هاه
البندري بخوف : والله وتحت قالبين الدنيا
نقزوا البنات وريموه تقول وربي حاسه ان اليوم هذا ما راح يعدي على خير
شافوا ام سليمان لابسه عبايتها وتطلع من البيت
والكل خايف
تاره وسفانه بحماس مال امه داعي ركضوا ولبسوا عباياتهم ومعهم البندري وصاروا يدورن عليه بالشارع والشباب منتشرين
في جميع أنحاء العالم < برآآآآآآآآآآآآآآآ
المهم وقفت سياره في شاب مايتجاوز عمره 20
الشاب : ياخاله في شي ضايع لكم
ام سليمان وهي تصيح : ولدي ضايع مدري وينه
الشاب : طيب هو وش لابس
ام سليمان بصراخ : مدري نسيت مدري وش لابس
تاره إبتسمت للشاب
وسفانه ضربها بقوه على رجلها : خير توزعين إبتسامات
تاره بنرفزه : مشكلة التفكير المنحرف انا كنت قاصده يعني لا تشرهه عليها هي موب صاحيه لان ولدها مخطوف قصدي مفقود << هذا كله كانت تقصده بأبتسامتها خخخخخخخخخخ
سفانه : زين إنطمي
البندري وهي تتنفس بسرعه : ياويل حالي على أخوي وينه ذا الجني
شافوا النوري تركض بحماااس لعندهم بعبايتها ومتحجبه لمن قربت توصلهم تعنقلت وطاحت طيحه هبله على ورا مدري كيف وهي تركض على قدام
ضحكت تاره بصوت عالي لدرجه لا تصدق
النوري وقفت وهي تجمع كابقي من كرامتها وتمشي لعندهم براس مرفوع
بعدها ركضت لعندهم بنفس الحماس وهي تصارخ : إرجعوا لقيناه
البندري براحه : والله
ام سليمان ركضت للبيت
والبنات لحقوها
شافوه واقف يتمغط وعيونه مفقعه الأخ توه قايم من النوم
ام سليمان حظنته
تاره : وين كان فيه
تولين بضحكه : كان نايم بدولاب جدتيط
سفانه : لعنه مالقى ينام غير في الدولاب
البندري ركضت لعنده وهي فرحانه و أول ما حظنته بعدته وطاحت فيه ضرب و سب وشتم و أنواع الدعاوي وهو موب فاهم السالفه
ويقول وين رايحه خذيني معك " لانه شافها لابسه العبايه هع "
البندري بعصبيه : آخذك معي لجهنم يالحقير
ضحكوا البنات و أم سليمان بعدت المتهوره عن ولدها لاتجيب أجله
بعد يوم مليء بالأحداث
رجعوا بيوتهم
فيصل راح لعند أمه و كانت الجده نايمه
جلس يسولف معها
ام فيصل بحينه : ومتى إنشاءالله ناوي تتزوج
فيصل إبتسم
وسكت بعدها قال وهو مستحي من أمه : مدري انا في بالي وحده بس والله موب متأكد يعني إلى الأن ماقررت
ام فيصل بفرحه : من هي ؟؟
فيصل سكت بعدها قال بسرحان : تولين
ام فيصل قطبت حواجبها بأستغراب : تولين بس فهد ولد خالك قال انه بيخطبها
فيصل قال بصدمه : فهد قال انه بيخطب تولين " عصب " ومن متى هالكلام
ام فيصل : وش فيك هو أبو محمد قالي من فتره انه بياخذ تولين لفهد بس لسا ما قال لفهد
فيصل بغيض : يمه بس انا أبيها
وفهد ما قال انه يبغا يخطبها
ام فيصل تنهدت : والله مدري وش أقولك
فيصل وقف وهو معصب : يمه قلت لك فهد ما قال انه يبغا تولين لو إنه يبغاها كان قالي على الأقل ولا قال لتركي
وطلع من البيت و أخلاقه قافله مستحيل تولين تاخذ فهد
انتهى البارت و انشاءالله يكون
عجبكم يلا انتظروني مثل موعدنا الاربعاء مو هذا اللي بعدوا
تتابعون في البارت الــ 12 من رواية " مخ عربجي"
ڪڷ هآاڷڪـۈטּ يفــدآإه جعڷ ربـي يحفظــہ ذآڪ آڷڛعـۈدي الجزء الأول
قالت بأبتسامه : خلاص ملكة تولين ما بقالها شي
*:::*:::*:::**:::*:::*:::**::: *:::*:::*
إنصدمت من وقاحت هذا الشخص اللي واقف قدامها كيف واقف ويطالعها كيذا مدت يدها وصفعته كف وقالت وهي تصر على أسنانها : انت أعمى ولا تستهبل
*:::*:::*:::**:::*:::*:::**::: *:::*:::*
قالت بحالميه مرجوجه : فديته رجل الإطفاء اللي جا اليوم المدرسه لبى قلبه الخقه خخخخخخخخ
*:::*:::*:::**:::*:::*:::**::: *:::*:::*
قالت وهي ترقص بحماس : إجاااااااااااااااااااااااااااا اااازه لبى كل الاجآآزات خلاص بنسافر وااااااااااااااااااااااااو
*:::*:::*:::**:::*:::*:::**::: *:::*:::*
ضحك بسخريه : خفة الدم على المغرب شينه
*:::*:::*:::**:::*:::*:::**::: *:::*:::*
حس بقهر من فهد لمن شافه يكلم تولين ويضحك معها
*:::*:::*:::**:::*:::*:::**::: *:::*:::*
قالت بضحكه : اليوم تسني صاحيه و تسني نايمه على قولت المثل ماني بحلو لكني ماني بشين
مع تحياتي غرامها ساحر
|