رد: جايب هالقساوة منين ؟ منين يا طيب كاملة
جايب هالقساوة منين ؟ منين يا طيب كاملة
في المطعم//
تدخل ساره بفستانها الجذاب المفتح ومن غير جاكيت(اهلها رفضوا قالوا ياخذون عنا فكره) وبشعرها الكثيف المجعد وبمكياج صارخ الكل يناظر لها واولهم ثامر الي جن وهو يشوفها
جن من الشوق من الحب
ثامر قرب لساره مد يده يصافحها ساره صافحته مع انه مو طبعها الا ان علشان ماتفشله
ثامر ابتسم:البيت من غيرج مايسوى
ساره:تسلم والله
ثامر:متى بتسافرون
ساره:بكره
ثامر تأف وبانت بملامحه الضجر والقلق:تفضلي ادخلي
جالسين الكل ليال وراشد بجنب بعض وساره مقابل ثامر وابوساره وامها وابو ثامر وامه جالسين مع بعض والكل يسولف
ومستانس الا ثامر يناظر ساره وساره منزله راسها استحت منه وراشد وليال يعلقون عليهم بصوت غير مسموع
تدخل وحده مطفوقه وبسرعه تركض لثامر وتبوسه بقوه قدامهم
كارولين: اشتقت لك حبيبي
الكل ضحك على حركاتها الا ساره وجهها تلون احمر من مزيج القهر والغيره
حتى ثامر يناظر لساره بنظرات اعتذار
كارولين تضرب راسها:هو , نسيت اقولكم مرحبا
ابوثامر يشوف الغيره بملامح ساره ويبي يقهرها لانه يكرهها دايم تفشلهم اذا شربوا واذا اكلوا:هههه متى ناوي تتزوجها ياثامر
ثامر ارتبك:هاه شنو قلت يبه
ابوثامر:متى بتزوج كارولين
ثامر ابتسم مايبي يبين:والله مادري
ابو ساره:يعني بتزوجها
ثامر:هههههههههههه هي تحبني
راشد حس ان صديقه في مأزق:الا ماقلت لي ياثامر ماتريد تغني بمناسبة هالجمعه الحلوه
ثامر ابتسم:افا عليك واحلى اغاني بعد
ساره الشراره بتطلع من عيونها وهي تشوف نظرات كارولين للثامر وتمنى ساره انها تذبحها
وصل الكارسون معه عصيرات ومن ضمنه ويسكي
ساره تشوف ومقهوره
ثامر اخذ المايك وضبط الموسيقى على الاغنيه الي يبيها اشتغلت الموسيقى
ساره قامت من عند اهلها لان ريحة الويسكي تزعجها
ثامر قرب لساره الواقفه عند عامود ضخم
وقرب ثامر:اشوف الزين ناوي عالسفر عسى ربي يحفضه...
عسى مايطول الغيبه شهر ويتركني على نار السعير
راعك الله يانور البصر تجي وتروح حبك في الضمير
غيابك يوم يالغالي دهر غيابك ياسعي الخاطر كثير
اخاف شاغلك غيري بشر وتنسى من بحبك يستجير
وانا على العهد باقي مستمر محال القلب يرضى بحب غير
مليك ياروح ياعالي القدر انا لك في الهواء دايم اسير
ابي تذكر حبيبن ينتظر تعود علقلب خير
ساره استحت كثير بس خرب حياها البنت الى تبكي وتضم حبيبهها وتلومه انه مايهتم فيها تتكلم نص روسي ونص انجلش علشان تفهم ساره
كارولين تبكي مقهوره وهي تشوف وتراقب الاغنيه الي يهدي حبيبها لغيرها رغم انها مافهمت شئ الا انها حست
الكل انتبه ويناظر ردة فعل ساره
ساره انقهرت واخذت المايك منه ومن غير صوت موسيقى تغني وهي تناظر لكارولين وثامر تغني بصوتها الحلو الي فيه بحه عجيبه ومميزه:
ارجوك تناسني وانا اوعدك بنساك وانسى بأني في حياتك حبيبه
مادام غيري عايش بحب وياك ماريد اكون بوسط قلبك حبيبه(( يتغير صوتها للعبر اخنقتها العبره وتنزل دموعها تنفجر بالصياح تركض للدورات المياه وهي تبكي منهاره
ثامر عجبه صوتها جن عليه بس خاف عليها: وش صار لها
فيه ناس استغربوا ويتمنون يفهمون اللغه علشان يعرفون وش صاير بس لغة العيون كفت
ثامر يشوف كارولين وهي تبتسم تحولت دموعها لابتسامه ويبعدها بقوه عنه ويروح
يقرب من دورات المياه وسمع مصدر صياح بس مو بالتواليت ورا من جهة الزرع جلسه ارضيه
ثامر يشوف الملاك تبكي يقرب لها يحط يدها على راسها:شفيج
ساره تبكي بقوه وبصراخ:ابعد عني لاتلمسني
ثامر وقف:خلاص بس هدئ اعصابج ومايصير خاطرج الا طيب لاتخافين انتي بس
ساره تبكي ولا رفعت راسهها:قول لاهلي ابي اروح للبيت
ثامر بصوت عالي:لا وش البيت مالكم ساعه هنى
ساره تقوم وبصوت عالي:ابعد عني انا مو ناقصتك انت يالثاني
تروح ساره لاهلها تقولهم واول مره يوافقون بسرعه يمكن علشان يرتاحون قبل السفر
ثامر انقهر من تصرفها:ذي مين تظن نفسها وحده حقيره مثلها بجد انا عطيتها ويه كثير
ساره ماقدر تنام من جفاف اسلوبها وتصرفها الاخرق الغبي مع ثامر:ايه انا مالي الا اكلمه واتأسف منه يارب يرضى
ساره بتردد:يارب سامحني هذا اول ولد واخر ولد اكلمه بقصد يارب سامحني ماقدر ماقدر لازم يارب اكلمه ولا بموت(تكلم وترد كان فيه احد يسألها وهي تجاوبه
ثامر وصوته كله نوم:هلو
ساره بتردد:الو و
ثامر: عفوا مين انت
ساره:ثامر
ثامر يقوم واقف صوت مو غريب عليه صوت وصل قلبه لا وصل وقطع شرايينه ذا الصوت بس صوت منو:منو معي
ساره بتردد:انا اسفه
ثامر شك انها ليال او اي وحده من صديقات قبل:ليال
ساره بخوف:لا أنا ساره
ثامر انفزع طاح جواله بالارض شاله بسرعه ياربي وش اقولها اغلقه بويها لا امبيه مستحيل اكلمها اشوف:هلا ساره اخبارج
ساره:اسفه انا ماقدرت انام سامحني
ارتاح ثامر:انا مازعلت منج بس خفت عليج
ساره:لاتخاف بس انا اسفه والله يجزاك كل خير انت ماقصرت معي ابدا وانا ارد المعروف بالنكران
ثامر ابتسم:وش دعوى مابينا هالرسميات ياسارونه
ساره بسرعة بديهه:لاتدلع
ثامر:ههههههههههههههههههههههههه ههههههههه الا بدلعج شعندج بعد
ساره ابتسمت:ان شاء الله دوم
ثامر:شنو الي دوم
ساره:الضحكه هههههههه
ثامر:يسلمج ربي والله بجد مادري كيف بيصير كاريليا من دونج
ساره:احلى اقليم واحلى ناس تعرفت عليهم بجد انا انا(سكت
ثامر يجرها بالكلام:انتي شنو تحجي
ساره:انا انا انا بروح انام تصبح على خير
ثامر بتحطيم:وانتي من اهله
|