رد: عوده جديده لرواية عشاق من احفاد الشيطان كامله
عوده جديده لرواية عشاق من احفاد الشيطان كامله
ريان سكر جهازه بسرعه وسحب مفتاح السياره ومشى للكراج ..
: اوكيه منى حياتي ثواني وانا عندك ..
منى : انتظرك حبيبي ...
ريان (( ياشينها من فمك احس بالقرف )) / اوكيه باي
سكر الجوال وركب سيارته وهو ماشي على 40 .. مشى باقل من مهلله يتمنى الزمن يوقف ولا يروح لها يكررها ويكره بشرتها المجعده ..
لف على الدوار اكثر من مره ودخل البيت يتحج بالاشارات ..والزحمه
دخل بسيارته القصر الفخم ..واستقبلته العجوز الغبيه عند المدخل بالاحضان : حبيبي وحشتني ..
ريان : وانا اكثر وينك اليوم جيت لك ماشفتك ..
منى : قالت لي ليته بس ليه ماتغديت حبيبي
ريان ناظر بعيونها الصغيره الي ملتها التجاعيد : تغديت مع اهلي المهم حياتي ماقلتيلي وين كنتي ..؟
منى وهي تمر اصابعها المرتجفه بحكم السن على شعره : كنت اجهز أوراق الشركه لزوجي وحبيبي ريان ..
ريان بابتسامه هاديه : مشكوره حياتي انا بدونك اضيع
منى : لا حياتي انا الي اضيع ويله تعال معي توقع على اوراق بسيطه ..
...
ناظر ريان الاوراق بتامل وقراهم سطر سطر مايثق في ابوه كيف يثق فيها .. ارتاح لما شافها موكلته على شركتها يعني 9 شهور معها جابت له هالفيلا وسيارات مايحلم فيها وهالحين شركه لو العمر كله وش بيصير عنده ..
منى باستغرب : ريوني حبيبي ليه ماتوقع
ناظرها بتردد مصطنع وهو يتامل قسمات وجهها الكريه : لاحبيبتي اسف ماقدر اوقع
منى : ليه ..؟ في شرط ماعجبك في شي مو
قاطعها ريان وهو يرمي القلم على الطاوله : لا بالعكس كل شي ولا حلمت فيه بيوم بس انا اسف مراح اوقع
منى عقدت حواجبها وهي تناظر وجهه تبغى تعرف زعلان والا فرحان : اجل وش فيه ..؟
ريان مسك ايدها : قلبي احس اني نذل وماستاهل حنانك هذا وانا ماتزوجتك علشان شركات انتي عارفه ليه تزوجتك
منى ابتسمت براحه وعندها رضى ريان بالدنيا كلها : لاحبيبي مافي فرق بيننا
ريان رفع الورق وقطعها : اذا كذا خلاص مايحتاج ورق اشتغل بالشركه لك وعلشانك مو لتنازل ومابيننا ورق ..
منى شهقت : لا ليه ..؟ - لمست خده بحنان وهو تمنى يطرش الي اكله بوجهها من لمستها المقزه - حبيبي ...
الدنيا هذي حياه وموت وانت لازم تثبت حقك ودامك بتعب في الشركه لازم يكون لك اثبات ..
ريان ابتسم : خلاص الورقه وتقطعت ومن بكره راح اداوم يعني الموضوع منتهي ..مايحتاج اوراق
منى : لا مانتهى ومن بكره تروح للمحاي معتز وتوقع عنده الاوراق
ريان تثاوب بكسل وهو يسند راسه لورى يبغى يبعد عن وجهها المقز : يصير خير ..
منى بتهديد : لا بتروح سمعت
ريان : منى حياتي وش رايك تتركين براحتى انا مستحيل اوافق على تنازلك هذا - وبنظره برياءه على وسامة وجهه الجذاب تفكري اني ماتضايق اذا اخذت منك شي او يحز بنفسي ان ابوي بخيل ومانع عني فلوسه انا احس يامنى ..
منى بسرعه : لا ياريان انت زوجي وفلوسي فلوسك ولا عاد اسمع منك مثل هذا الحكي ..
ريان : اوكيه هالحين اتركيني من هالخرابيط وقولي كيفه قلبي مرتاح ها ..
منى ضحكت وكانها بنت العشرين والي يشوفهم يقول جده جالسه مع حفيده : هههه الحمدلله انا بخير ...
ريان : منونه انا بنام لي ساعه لاتنسي تصحيني الساعه 11 موعد العشاء مع ابوي ...
منى : اوكيه حياتي ماتبغى تاكل شي
ريان وقف : لا الحمدلله متغدي .. تصبحين على خير
منى بخيبة امل كانت تتمناه يجلس معها اكثر بس شكله تعبان عذرته : وانت من اهله ..
ريان حس بخيبت الامل بعيونها بس طنش هو مبسو وماله خلق لوعت كبد .. مشى لعند الاصنصيل وعلى وجهه ابتسامه شيطانيه وماكتفى بكذا لف عليه قبل لايدخل الاصنصيل : حبيبتي منمن عندك طلعه اليوم
منى ناظرته بسرعه وكانها ماصدقت يكلمها : ايوه حفله بيت وحده من صديقات بنتي ..
ريان : ومن هذي الوحده ..؟
منى : ليه تسال .. اسالتك كثيره اليوم
ريان ضحك بستهزاء من الكلام الي بيقوله : هه ههه اغار دخيل الله انا اغار وحاب اعرف
منى ابتسمت بثقه : وحده اسمعها ام عبدالله الجياد
ريان علت ضحكته نفس المكان الي بتروح له امه وجنب بيتهم : هههههههه
منى : وش فيك ..؟
ريان (( هناك ام زوجك ياحياتي )) : سلامتك لكن اتخيل الحريم المقورات من كشختك وزرت وانتي داخله ..
منى وثقتها بنفسها زادت من كلام ريان : اكيد من يومي كشخه .. انا منى
ريان تنهد بشوق : وانا ماذبحني الا هالمنى .. يالبيه قلبي عليك اعشقك ..
منى ضحكت مبسوطه من حكيه هذا الي تحتاجه المراء بال 65 من عمرها .. ترجع كانها مراهقه محتاجه لحنان ولعطف اكثر من اي وقت مر وهذا الي عارفه وتاكد منه ريان : هههه..هههه
ريان دخل الاصنصيل وطلع لفوق لغرفتهم الواسعه و هو متاكد بعد الي قاله لها بتلحقه عارف انها تموت بهواءه وتمنى رضاه ..
نجلاء دقت الباب
ام ريان : مين ..؟
نجلاء : انا ماما
ام ريان : ادخلي ..
نجلاء فتحت الباب بهدوء ودخلت : .. ماما بتطلعي ..؟
ام ريان : ايوه
نجلاء بنرفزه : بس انتي امس طالعه ..
ام ريان : وانتي ليه معصبه عادي عندي عزيمه
نجلاء : انا مادري كيف تتحملي تطلعي كل يوم ماتملي
ام ريان بانفعال : نجلاء وش فيك حاسدتني على كم مشوار .. بهدوء - ويله بدلي ملابسك وخذي من بينك كم طعه مرتبه علشان تطلعي معنا
نجلاء وكان شي قارصها : لا اطلع واخذ من بينك بعد هذا الي ناقص ..
ام ريان : وش فيها اذا اخذتي من اختك انتي ماعندك ملابس لطلعات ..
نجلاء : لا لو اموت ماخذ من انسه مشاكل هذي مصدقه نفسها من غير شي بعد اخذ من عندها .. المهم ماما انا جايه اخبرك اني بنام بيت جدتي كم يوم ..
ام ريان وهي تلبس الاسواره الالماس : والله محد مخربك الا بيت جدك وخالاتك القروين ..
نجلاء وهي تساعد امها تسكر الاسواره : ماما ابنام عندهم كم يوم ..وبعدين هم خواتك ..؟
ام ريان : والمستشفى ..؟ وشغلك ..؟ وحنا ..؟ وابوك ..؟
نجلاء : استاذنت منه وافق
دخلت شموخ بفستانها الفوشي الملفوف على جسمها وكانه حاضنها .. ومبرز خصرها كان ضيق مره ومفصل جسمها تفصيل .. ويجر وراه ذيل طويل شوي وبوسطه شريطه ورديه باهته وعاري الاكمام والصدر .. وعلى شعرها الكستنائي الامع شريطه ساتان بنفس لون الفستان الفوشي وحلق وردي كبير يزين اذنها .. ومكياجها الصارخ الي زاد من جمالها وغطى على براءت ملامحها وصارت انثى بكل ماتحمله الكلمه من معنى ..
رمشت بعيونها الرماديه الوسيعه : يله ماما جهزتي ..
ام ريان ناظرتها باعجاب : بسم الله عليك قمر الله يحفضك
شموخ ابتسمت بثقه : عارفه .. يله مشينا ..
ام ريان : انا جاهزه بس اختك تلبسني الاكسسوارات ..
مشت شموخ لعند امها ودزت نجلاء مع كتفها : ابعدي انتي انا البس ماما انتي وش عرفك ..
نجلاء : انتي كيف بتروحي بهذي الملابس وكانك رقاصه بمرقص ..
شموخ : دكتوره قرويه الغيره ماكله قلبك من جمالي واناقتي
نجلاء وهي تطلع من الغرفه وكلام شموخ صحيح تحس نفسها تخربط شعر شموخ الي يلفت الانتباه بلونه ولمعته او تنتف رموشها الكثيفه الي ماتحتاج لمسكرا كثير ..: انتبهي على جمالك اجل هههه مصخره كانك مهرج
طلعت وسكرت الباب
ام ريان : ماعليك منها غيرانه شوي منك ..
شموخ : شوي بس هههه الا بتموت من الغيره هههه
ام ريان يله حبيبتي بنتاخر على الشماته ..
شموخ : ماما لاترحميها تذكري حكيها عن مروج وعني ..
ام ريان هزت راسها بتاكيد : ومن قالك اني نسيت حركتها بعزاء مروج والله لامسح بكرامتها الارض
*دخلت شموخ بخطوات واثقه وغجريه تبعد خصل شعرها عن كتفها بدلع مشت وكانها عارضه ازياء في الفشن .. كانت تصرخ بالانوثه والدلال ..كانت اسم على مسمى شموخ الارض كله في خطواتها
كل الانظار توجهت لجهتها وانبهروا بجمالها ..وبدون مبالغه الفوضى والسواليف والاصوات المرتفعه الي كانت موجوده بدخولها سكت .. وعم الهدوء المكان ..
ام ريان كانت بداخلها تقراء على شموخ من عيون الموجودين ..
ام ريوف ماتوقعت حضور شموخ بعد الي سوته لا ومن وقاحتها جايه مع امها : اهلا يام ريان تفضلي ..
ام شموخ بابتسامه لها الف معنى : الله يحيك ..
شموخ جلست بمكان بعيد عن امها وكان بصدارت المجلس وهي متاكده انها شاغله عيون الكل .. جلست من غير لاتسلم على احد وانفها مرفوع لفوق بغرور ..
منى كانت جالسه على جنب بيت بنتها وناظرت البنت الي خذت عقول الكل ...: ساره من هالبنت هذي ..
ساره حفيدة منى قالت بغيره : هذي بنت جيراننا بنت فارس الخيال ..
منى عقدت حواجبها : الخيال ..؟ اخت ريان الخيال ...
ساره : ايوه جده عندها اخوان توم ياخذوا العقل خيال بس مايشبوا لها ابدا
منى : توم .. من ..؟
ساره : ام ريان وسامي ..
منى : توم لريان ..
ساره : ايوه اسمه سامي .. ماعرفتيه سامي الخيال لاعب كرة السله هو ضابط بس بعد يلعب مادري كيف ساكتين له ... وهذا يموت بالبنات وسمعته لك عليها اما ريان ثقيل مايعطي البنات وجه
منى بعصبيه : وانت وش لك فيه مايعطي البنات وجه
ساره باحراج : لا جده ماقصد بس ..- وقفت - انا بشوف ريوف ..
منى ناظرت شموخ بتامل (( اجل انتي اخت ريان والله ماتوقعت ان اخته بهالجمال والكشخه صحيح انك مزيون ياريان بس هذي شموخ غير ورافعه خشمها بعكسك ..... وعندك توم بعد وش مخبي علي ياريان بعد ...)) : سارونه خذيني معك ....
طلعت مع حفيدتها ...و راحت لصالون الي برى البيت تقريبا ...
دقت على ريان ..
رد عليها : هلا والله حياتي
منى : حبيبي صحيت
ريان :ا يوه من شوي وهالحين طالع بطريق الحبيل للخبر .. وانتي كيف العزيمه عندك ..؟
وبعد السماعه عن اذنها من نشاز صوتها
منى : عادي ممله بس علشان خاطر بنتي
ريان : معك حق بنتك لها حقوق ... حبيبي اترك تكملي عزيمتك
ندى بخيبة امل ثانيه : اوكيه وانتبه على نفسك بالسواقه ..باي
.............................. ....
اما ساره تجهت لغرفة ريوف ..,و فتحت الباب بقوه ..التفت لها ريوف وهي تبكي مقهوره من ضرب عبدالله لها ..
ساره : الحقي الحقيره تحت
ريوف ناظرته بقهر : اطلعي مالي خلقك ..
ساره : يالغبيه بينك شموخ تحت عندنا
ريوف بصدمه : شموخ ..؟
ساره بقهر : وبكل وقاحه جايه تصوري وكاشخه ولا كانها عملت شي ..
ريوف بكت اكثر : ياويلي اكيد وراها مصيبه مايجي من وراها الا المصايب ..
ساره : ماعليك منها لاتخافي ...وانزلي بعد واكسري عينها
ريوف بخوف : لا مهبوله انا هذي حقيره وتعمل اي شي انتي ماتعرفيها مثلي ....
احساس ريوف ماكذب ...
ام ريوف : شموخ اطلعي للبنات فوق ..
ام ريان بصوت مرتفع : لا بينك اجلسي انا محب بنتي تختلط مع مين من كان استغفر الله العظيم ..
شموخ : ايوه انا ماجلس مع بنتك ريوف بعد الي صار لها اليوم
وحده من الحريم : وش فيك تحكون بالالغاز وش صاير ..؟
ام ريان : و لا الغاز ولا شي سمعنا ومنتشر بالكليه ان ريوف ماتحضر الكليه وتطلع بعد مايوصلها اخوها للمجعات والمطاعم استغفر الله ...وين تروح هذا الي ماندري عنه ..
الحريم صاروا يتساسرون وهمس بكل مكان ...ام ريوف انربط لسانها ماتوقعت يكونوا بهذي الوقحاه يجوا لبيتهم ويفضحوا بنتهم ..
وقفت شموخ وهي تنفض فستانها بخفه : قبل لاتهمي بنات الناس يام عبدالله ناظري بناتك ومروج مامات مثل ماقلتي خافي ربك وهذا الزمن دار وبنتك هي الي طلعت مثل ماقلتي عن مروج الله يسامحك ويستر على بناتك هههه
ام ريوف : يالكذابه انتي معها بنتي مافيها شي من الي تقولونه هذا فيك وبنتك وهي الي ودت بنتي
ام ريان بثقه ان بنتها برياءه : الي بيته من قزاز لايحذف الناس بحجر ..
طلعوا ام ريان وشموخ ونشوة ال ماخذتهم بفخر : هههههههه ......
ومايحتاج اقولكم عن حال ام ريوف والحريم الي صدقوهم لان سكو ت ام ريوف اكد حكيهم ...
دخلوا للبيت وهم يضحكوا
شموخ : ياماما شفتي وجهها ههههه
ام ريان : لا ولحد هالحين مصره تتبلى عليك ..
شموخ : ماعليك منها من القهر هههههه
ام ريان بتانيب ضمير : مسكينه كسرت خاطري .. والله تنرحم
شموخ (( بدينا آآآف )) : ماما انبسطي ماعليك لازم نحتفل بهالمناسبه
بصوت بارد : اي مناسبه ..؟
شموخ : آآآآآآف ..
ام ريان : هلا والله ريان حبيبي متى جيت ..؟
ريان وهو يناظر شموخ من فوق لتحت مبهور وكانها بنت ثانيه غير البسيطه والبنوته بالبيجامه هذي جمالها اخاذ وانثويه لاخر درجه حاول يبعد عيونها عنها ماقدر كل الي باله شموخ ماهي بختي شموخ ماهي باختي .. ياكثر مايكرها وده ياخذها ويرميها باقرب بانيو تمسح جمالها المصطنع .. كان متاكد انها من دون مكياج اجمل بس هذي المره له سحر خاص ومعطيها هاله من الانوثه ..
ام ريان :ريان احاكيك متى جئيت ..؟
ريان التفت لها : من دقايق
شموخ وهي تناظر بالمرايه الي بطولها وترتب خصل شعرها ولا كان حد موجود
ام ريان ..: ريان ريان
ريان ماكان معها كان مع الدلع الي قباله وهي تتجاهل بكره متعمد ... يكره دلعها وحركاتها تنرفزه بس في شي بداخله يقول هذي مو اختك يعني يتيمه مالها ظهر ابتسم على افكاره ...
ام ريان : وش فيه هذا ...؟ شموخ ..
شموخ حطت ايدها على خصرها وهي تميل جسمها يمين ويسار قبال المرايه : ماما ....؟
ام ريان : نسيت .. بينك تعالي معي
انتبه ريان : وين ..؟ اقصد يمه مافيه عشاء اليوم ..؟
شموخ تتعمد تطنشه لكرهها له : آف . لبسنا على ثواني
ام ريان وهي تدخل لغرفتها : بينك يله بدلي وانا بدل بعد ساعتين العشاء
شموخ بكسل : اوكيه ..
ام ريان بدلت وقرت تنام على مايوصل زواجها (( يارب سامحني على الي سويته بس حبيت ارد كرامة هاليتامه .. يارب سامحني )) ..ونامت ..
ريان بعد مادخلت امه جلس على الكنبه باسترخاء وهي يخفي وراء نظراته البارد مكر الدنيا كله : هالحين انتي طالعه لناس بهالمنظر ..
شموخ ومتوقعه منه هالحكي لان مستحيل بالسعوديه واحد يناظر اخته انها حلوه حتى لو كانت ملكة جمال ..: والله اطلع باي شكل يعجبني انت وش دخلك ..؟
ريان : روحي بس بدلي هالمصخره واغسلي وجهك الي يشوفك يقول مهرج
شموخ : سبحان الله انت ودكتوره قرويه تستخدموا نفس المصطلحات لانكم تغاروا مني
ريان ناظرها سطحيه لابعد حد ...نزل لعقليتها : نغار منك وليه ..؟ على ايش ..؟
شموخ : على ايش ..- شدت ظهرها بفخر واشرت على نفسها من فوق لتحت - على هذا على جمالي ...
ريان بتوتر : هههههههه جد بزر
شموخ شغلت الاستريو الكبير الي بجنب التلفزيون على اغنية .. وحده وحده لمحمد حماقي
(( (( (( الا باء الخبطه دي ليه ...
يالي خاطفني ياليت توالي ))
شغلتها وجلست ترقص عليها .. تتمايل بخصرها مع دقت الموسيقى ولاكان ريان موجود ..
هي متعوده ترقص بوجوده وكانت ترقص معها على ايام توامها مروج فكان عندها الموضوع ايزي
لكن
عند ريان كان غير هذي اول مره ترقص وهو عارف انها مو اخته ومتاكد بعد ... ابتسم وعيونه تميل مع ميلت جسمها ..
شموخ تناظره وهي عارفه انه ينقهر من دلعها وابتسامته المستهزاءه ماكده ضنونها .. زادة دلع قهر له .. وماهي بعارفه عواقب حركاتها ...
دق جواله يصحيه من لحضات السكر بجمالها ودلعها
ناظر الرقم "منى " داقه عليه (( اف شتبغى هذي هذا وقتها ..)) وحصلها فرصه ينكد على شموخ : انتي هيه ..
شموخ لفت وعطته ظهرها وهي ترقص يعني ماشوفك
ريان صرخ من صوت المسجل المرتفع : انسه مشاكل سكريه ..
شموخ تشوفه بالمرايه كملت رقصها ولا كانه يحاكيها
ريان قام وقطع السلك وهو بارد لانه مايبغاها توقف رقص ...: ابحكي تلفون
شموخ : اطلع بره ادخل غرفتك انا ابغى ارقص
ريان : ارقصي بره بغرفتك انا ابغى احكي منتظر تلفون مهم
شموخ رجعت السلك بالفيش : بتحكي اطلع بره
ريان عطاها نظرة تهديد : اقولك بحكي هنا ...
شموخ : وانا برقص هنا ..
ريان قطع السلك مره ثانيه : لا بحكي وانتي بتجلسي ماكله تبن ...
شموخ : باحلامك
مشت بترجع السلك ..مسكها ريان من ايدها : اقصري الشر وخليني احكي وبعدين اعملي الي تبغي ..
شموخ هزت راسها بياس : سوري ماقدر ابرقص هالحين
ريان : وريني كيف بترجعي السلك ..
رماها على الكنبه بقوه ..
شموخ عصبت من هو علشان يضربها : انت مين علشان تمد ايدك علي ..
ريان دق على منى وحكى معها برود : هلا هلا وغلا بحبيبتي
شموخ ضغطت على ايدها بعصبيه : غبي انا اوريك ..
وتوها بتمشي تركب السلك الا دخل ابوها : السلام عليكم
ريان وشموخ : وعليكم السلام ..
ريان قبل لايحكي كلمتين مع منى سكر الخط واعتذر بطريقه لبقه ..
شموخ ناظرت ريان مقهوره راحت عليها الرقصه ابوها رجع
بو ريان : مشاء الله شموخ وين كنتي بعرس
شموخ : لا بابا بيت ام عبدالله عاملين عزيمه
بو ريان : اها .. يا شيخه ياشيخه (( ينادي ام ريان .)) .= كل هالكشخه واسمها شيخه خخخ
شموخ : روز روز نادي ماما شيخه ...
كلوا عشائهم بصمت وشموخ بفستانها ماتبغى تبدله مانبسطت فيه ولازم تحلله ...ونجلاء هذي المره ماكانت موجوده بيت جدتها مثل العاده ..
خلصوا من العشاء وكالعاده الكل توجه لغرفته ونام ...
*بو نواف : وين وعود تتعشى معنا
الجده : ماعندنا عشة حمام ياوليدي حمد رميناها من زمان
بو نواف بصراخ : يمه اقول تتعشى معنا اقصد وعود
الجده : العود ان شاء الله وقفت ..
ام نواف : عمتي وين بتروحين ..؟
الجده : بجيب العود لولدي حمد يتبخر فيه ..
الكل : ههههههههههههه
ام نواف : ياعمتي يقول وعود وعود بنت ولدك
الجده : اها وعود وش هالاسم الله يهداكم لو انكم مسمينها حصه مو احسن
نواف : وع ههه
ندى : ههه ههه
بو نواف : انت معها احترموا جدتكم ..
ام حمد الجده جلست وكملت اكلها المهروس لقلة اسنانها ..
بونواف : وين وعود ..؟
وقفت الجده من جديد : تبغي العود
الكل : هههههه
نواف : امي حصه مصممه على العود خخخخ
بو نواف يرفع صوته : لا يمه ارتاحي نواف بيجيبه
الجده : من الي جيبه مقطوع ..
الكل : ههه هههه
ندى : لاحول ولاقوة الا بالله هههه
بو نواف بهمس لف على ندى : وين اختك ..؟
ندى بنفس الهمس : نايمه ..
بو نواف : وش عندها بدري
ندى ارتبكت : انت عارف يبه المدرسه لازم ..
بو نواف هز راسه بتفهم : اها ..
الجده رفعت راسها من الاكل ومسحت فمها بملفعها مسكينه مراءه كبيره ماتعرف ..: ندى روحي افرشيلي بدخل انام
ندى : آآف الواحد مايعرف ياكل لقمه عدله بهالبيت ..
بو نواف عطاها نظره خلتها تفز من مكانها ..
*شموخ كانت تتقلب بفراشها تفكر بكلام امها واختها تروح ولا لا ..
لازم تروح علشان تكسر عيونهم .. بس ماتقدر تخاف
نامت وهي تفكر ومابعد قرت كويس :05:
|