رد: عوده جديده لرواية عشاق من احفاد الشيطان كامله
عوده جديده لرواية عشاق من احفاد الشيطان كامله
ريان صحى من النوم وناظر حوله : يالله وش هالنوم الي نمته ..
تروش وبدل وعلى بيت منى على طول ...
منى: هلا حبيبي هلا بحياتي وقلبي وعمري انت لحمد لله على السلامه...
ريان ماله خلقها جد لكن ابتسم : هلا بالغلا كله وحشتيني
منى: وانا اكثر .. الحمدلله على السلامه جعل الي سجنك مايذوق طعم الراحه تقصد شموخ -
ريان: آآمين ..
منى : اطلع حبيبي ارتاح و
ريان: لا وش ارتاح وراي شغل بالشركه .. بس مريت اسلم عليك وحشتيني ..موت
منى : تيلم لي ...
طلع ريان بعد مارتاح من وجه منى (( مسكينه تموت فيني هههه ))
وصل لعن المستشفى وهو ناوي الشينه لشموخ .. كان يمشي بالمرات لحد غرفتها وهو يتنفس بصعوبه من القهر نفسه يقتلها ..
توقع انه يشوف امه الي ماهتمت فيه وركضت لحبيبتها شموخ ..مستغرب من عيالها هم والا هي ...
فتح الباب شاف شموخ معطته ظهرها وهي متمده وامه ماهي بموجوده ..
مشى وناوي عليها الشينه وقف قبالها .. شافها نايمه بهدوء وجهها تعبان شوي بغير العاده يمكن لان مافيه مكياج
قلبه خانه وارتفعت دقاته حس انه متوتر وهو يشوفها .. مشاعر كير اختلطت بداخله ...
ضرب فخذه بقوه (( الله يلعنك ياقلب من شفتها نسيت كل شي ))
وقف ثواني يضبط اعصابه الغبيه (( ها الي بقتلها وبذبحها وبوريها نجوم اليل بالظهر ... وين وين كل هذا يا ريان والا بس كحلت عيونك بشوفتها ماقدرت ))
طلع سيجاره من جيبه وشغلها كان متوتر مره .. ناظر النافذه لفتره
شموخ حست باحد يفتح الباب لانها مابعد تنام وكانت متاكده انه ريان من صوت خطواته وعطره المقرف غمضت عيونها تشوف وش بيسوي ... حست فيه يوقف قرب منها ويسكت ..انتظرته يسوي شي ماسوى .... بعدها شمت ريحة السجاير وحست انه يبعد انتظرت شوي وبعد ماطول السكوت فتحت عيونها شافته بشماغه الاحمر يناظر النافذه (( ياشينك ياشيخ )): خير ..
ريان لف لصوت كانت صاحيه يعني ابتسم بخبث : مافي الحمدلله على السلامه ..ولد عمك طالع من السجن ...بعد ليله وحده بس وكان مفروض يجلس لحد ماتحني عليه
شموخ : تدري ياريان الهم لما اشوفك وش احس .. احس بقرف ونفسي اطلع كل الي اكلته ..
جرحه كلامه ليه من متى يهتم فيها والا فالي تقوله ... ضغط على اسنانه : لا انا الي اطير من الفرحه اذا شفتك ..
شموخ : محد قالك انك واحد مريض ومتخلف
ريان بلمح البصر كان عندها وماسك فكها بقوه .. وشموخ تضرب ايده : ابعد ياغبي ...
ريان ضغط على فكها اكثر : شايفه لسانك هذا بقطعه لك ..
شموخ ضربته اكثر : متخلف .. اتركني ..لو انك رجال ماطلعت قوتك على مراءه ..
ريان حس ان فكها بيتكسر بين ايده : حطي بالك اذا رجعتي للبيت الي هو بيتنا بيت عمك مراح يكون لك اي كلمه فيه سمعتي ..لانه بيتي انا باسمي انا ..
تركها بقسوه
شموخ : ههه لاتستعجل على رزقك مابعد مات عمي علشان يصير بيتك انت وبعدين مايكفيك بيت منى ..ههههههههه
ناظرها مصدوم : انت من وين تعرفي منى ..؟
شموخ : وهل يخفى القمر زوجة اخوي اوه سوري ولد عمي وماعرفها..
ريان : ومن يعرف غيرك قلتي لامي .. لابوي ..
شموخ : لحد هالحين لا ..لاني مشغوله بالاختبارات ومو فاضيه لك ,..
ريان : ولا راح تقولي او تفتحي فمك سعتي .. والا والله ماتلومي الا نفسك
شموخ برود وهي تناظره : مو انا الي اتهدد وانت عارف هالشي ..
ريان رمى السيجاره على الارض: لا بتاكلي تبن وتسكتي ..- صرخ سمعتيني لا والله يا بنت عمي اطلع شياطيني كلها فيك ..
شموخ بنفس البرود : شكلي بجرب علشان اشوف شياطينك ..
ريان : اذا ك
قاطعه الباب الي انفتح
ام ريان : تعالي دخلي الشنطه ..- سكت وفتحت عيونها - ريان ..؟؟؟؟
ريان برود : هلا ..
ام ريان ناظرت شموخ بخوف وراحت عندها بسرعه تطمن عليها : ريان عملك شي ..
ريان صفق : لا بصراحه ام مثاليه بالمره .. تاركه عيالك وماتسالي عنهم علشان هذي .. يمه بصراحه تستاهلي وسام لتربيت اليتيم ..
شموخ ماكانت تبغى تعرف امها انها درت علشان ماتغير معاملتها معها لكن ريان الكلب قهرها لما قال
ام ريان تغير وجهها وناظرت ريان بعتاب : وش جالس تخربط انت ..
شموخ مسكت ايد امها بهدوء كانت ترتجف ماهي مستعده للمواجه : ماما انا عرفت ..
ريان حس برجفتها .. رجف مع رجفتها الكلمه اثرت فيها كثير تمنى انه مانطقها ..
ام ريان : عرفتي ...؟ وش الي عرفتيه ..؟
شموخ لفت على ريان بحقد : اطلع بره اطلع من هنا اكررهك اكرهك ..
ريان ناظرها برود ولا كان حد يحاكيه
ام ريان وقفت : ريان يمه اطلع بره شوي اختك تعبانه ..
ريان اكتفى بالي سوا مشى برود لكن قبل لايطلع لف عليها : ولسى ماشفتي شي .. مراح ارتاح الا وانتي طالعه من حياتنا ...
طلع وسكر الباب
ام ريان لفت على شموخ وهي متوهقه وش الي تعرفه شموخ ..
شموخ غرقة عيونها ونزلت : ماما انا ماعندي ام غيرك ولا اب غير عمي فارس .. انا عرفت كل شي قالي اياها ريان ..وحلف انه يطلعني من البيت مثل ماسمعتي .. انا عارفه انك ماتبغيني اعرف علشان ماتغير عليكم لكن لاتخافي ماما رفعت راسها ناظرت ا م ريان انا ماعندي ام غيرك ومحد بيسلمني لزوجي غيرك انتي ...
**سامي : خلاص يانجلاء لاتبكي كذا انا رايح هالحين للمستشفى اتفاهم معهم
نجلاء : سامي انا ابغى اجلس بالمستشفى ماتخيل نفسي بدون المستشفى تقصد احمد
سامي: لا مالك رجعه الله يستر وش بيعملون بعد بس بسالك تعرفي من ورى هالسالفه
نجلاء بحقد : مرضه منال الحقيره انا عارفتها حكيها كثير ..
سامي : خلاص انا اخلص الموضوع بحنان - انتي لاتضايقي نفسه ... قومي اغسلي وجهك وبدلي هالحين بتوصل شيمو من المستشفى ..
نجلاء: صحيح كيفها هالحين ..؟
سامي: كويسه وهذا هي بتطلع اليوم علشان بكره عندها اختبار ..- وقف خلاص بقدم استغالتك اتوكل على الله ..
نجلاء تنهدت : ايوه
طلع سامي ناظرت وهو يروح ضيعة سنين عمرها بالدراسه والشهادات الكير وش بينفعها كل هذا ..؟ وين هالشهادات والتكريم وين راح قدام اول مشكله .. هملت نفسها علشان الدراسه .. نست نفسها علشان شهاده تتعلق بالجدار ..
**هواجس نزلت من الطياره
.... وتحس دقات قلبها سريعه وهي تناظر الجو كيف مختلف عن السعوديه والون كان غير ..حست بانتعاش وسعاده خفيه ..قرت تعيش احلى ايامها بروما ومايهمها بو ماهر ..
بو ماهر اشر على سياره فخمه
: تفضلي
عطته ظهرها ومشت لسياره ...
فتحوا لها الباب دخلت وهي تحس نفسها اميرة زمانها ابتسمت له ..دخلت ..
طول الطريق من المطار للفندق وهي تتفرج ومبهوره من ايطاليا صدق من قال عنها مدينه العشاق تنفع لاي كناري اثنين متزوجين وبشهر العسل واغلب الناس الي تتمشى كانت عاشقه وباين بعيونها ... = بصراحه انصحكم بايطاليا جنان احلى مكان صيفت فيه بحياتي وان شاء الله زوجي يسفرني شهر العسل خخخ .. نصيحه صيفوا هناك ..
بو ماهر : هواجث ليه معصبه
هواجس من غير لاتناظره مالها خلقه : اقولك لاتنام اخاف لوحدي وانت ماصدقت اني نمت تنام
بو ماهر : غلبني النوم ...
طنشته و ناظرت بالساحه الكبيره وهي تتنهد وتناظر محلات تبيع انتيكا واثاث قديم ..
بو ماهر قراء .. افكارها وكانه مرشد سياحي : هذي اثمها ثاحة نافونا المشهوره
هواجس عيونها معلقه على المكان وراء النافذه : نوفا انا الي اعرفه بس نوفا بنت الجيران هههههه .. والله اسمها مصخره ..
بو ماهر ناظرها ماتقدر السياحه والاماكن المشهوره .. ضحكتها حلوه : هههه.. اثمها نافونا مب نوفا ..
هواجس بلامبالاه حركت ايدها : الي هي ...
وقفت السياره
بو مهار ابتسم لها : وثلنا ... فندق رافاي
هواجس كررت وراه : رافاي ...
تبغى تحفظ الاسم علشان تسولف لبنات عمتها واختها عن الفندق الي يبهر والراقي ...
بو ماهر نزل ومد ايده يساعدها تنزل طنشته ونزلت وهي ماسكه عبايتها ..
مدخل الفندق فخم ومميز صالة الاستقبال تحتوي على كثير من التحف النادرة والمفروشات الكلاسيكية
ماكان مع هواجس اي شنطه لانها ماجهزت وقال ابوماهر ان كل شي جاهز بايطاليا ...
طلعوا لغرفة
دخلت هواجس وشهقت من جمالها ماتخيلت بيوم تعيش بمثل هالمكان : واو
بو ماهر كان وراها : وش رايك
هواجس ناظرت بالغرفه الكلاسيكيه: يجنن يا ... ((سكت هو وش اسمه حتى اسمه ماتعرفه وقغت ولا تدري الي تعرف انه ابو ماهر )) يا بو ماهر ...
جلست على السرير وبعدها على الكنبات والتسريحه وكل مكان بالغرفه كانت تتفرج عليه ..
بو ماهر جلس بتعب على السرير نفسه ينام تعبان ...
هواجس ركضت للبلكونه وفتحتها ناظرت منظر خيال نفس ساحة نوفا على قولتها يطل عليها الفندق .. وبنافورتها المميزه الي تخليك تنسى نفسك و انت تناظرها : واو تعال بسرعه ساحة نوفا هنا ...
بو ماهر بكسل وراح لعندها: نافونا ..
هواجس مثل الطفل المبسوط بشي .. كانت تحس انها بحلم المكان فخم ولا احلى : واو واو عن جد خيال ..
بو ماهر : حبيبتي لاحقين نتفرج هالحين خلينا ننام ...
هواجس بفزع : ننام .. ليه مراح نطلع نتفرج ..وبعدين انا جوعانه ..
بو ماهر ابتسم بحنان : حتى انا جوعان انا بكلم ال
هواجس: لا ماتكلم احد نتروش ونبدل وتطلعني لمطعم كويس وبعدها نتفرج واول شي ابغى اروحه هذي الساحه
تنهد بو ماهر بتعب: لكن الرحله كانت طويله وتعبان م
هواجس تكتفت : مايكفي انك تركتني ونمت بالطياره بعد هالحين بتحبسني بالغرفه
بو ماهر ابتسم : خلاث حياتي انا بتروش على ماتختاري لك ملابث ..
هواجس تحسه غبي: كيف وانا مامعي اي ملابس ..
بو ماهر ابتسم ولمعت عيونه بحنان : لاتخافي ... انا اخذت مقاثاتك وارثلتهم ل " ايلي ماثون ".. مصممه ايطاليا من اصول عربيه لبنانيه وجهزت لك كل الملابس بالدولاب
هواجس (( اكيد اسمها ايلي ماسون لكن الاخ الاسنان عنده معدومه هههه )) : ياحياتي والله بس هذا مو معناته اني مانزل اشتري بنفسي ...
بو ماهر: هههه لا اكيد انتي بايطاليا مدينة الذوق والجمال
هواجس (( ياشين ضحكتك ياشيخ ..)) : اوكيه ..
دخل بوماهر يتروش وهواجس ركضت لدولاب حابه تعيش العز لحضه بلحضه .. طلت ملابس سريعه لابو ماهر بنطلوب اسود وبلوزه سوداء علشان يحترم نفسه ومايلبس شي يفشلها ...
وبالاخير فتحت دولابها تنهدت وهي تشوف الملابس الكثيره والجزم والشنط شي ماتخيلته وكل هذا لها : ولت ايام الفقر ياهواجس هههههه ..
طلعت بدله وماعجبتها رمتها على الارض ...طلعت الثانيه ورمتها طلعت كل الدولاب كلله ولا قطعه داخله علة الارض وجلست على الارض تختار كل قطعه احلى من الثانيه .. احتارت ايهم تختار نفسها تجربهم كلهم ..
طلع بو ماهر وشهق من منظر الغرفه كلها ملابس وعلب جزم وشنط .. وهواجس بين هالزحمه : ايش هذا
هواجس ((والله لاعيش مثل الملكه وعلى ايدك يا بو ماهر )): حبيبي جهزت لك البدله على السرير ..
بو ماهر شد الروب الابيض على جسمه : وش هذا ليه مطلعتهم كذا ...
هواجس : اختار رفعت قطعتين حياتي ايهم البس
بو ماهر حسها طفله جد وتعاطف معها اكثر : والله كل شي عليك حلو..
طنشته وكملت بحث عن القطعه المناسبه ..
بو ماهر اخذ ملابسه بيبدل ..
هواجس: ايش هذا بتبدل هنا ..؟
بو ماهر : ايوه
هواجس: لا استحي والله غطت عيونها بدل بالحمام حبيبي ..
بو ماهر : لكن الحمام مب مكان لتبديل الملابس
هواجس وهي تشد على الكلام ولحد هالحين مغمضه عيونها : استتحي
بوماهر : طيب طيب (( ياربي عطني الصبر مع هالبنت .. صغيره مره )) ...
هواجس اول مادخل الحمام طاحت على ظهرها من الضحك ... وغمضت عيونها واختارت بدله بالمره ناعمه قرت تلبسها ...
وقفت عند المرايه والتسريحه الكبيره الفخمه .. عطورات من ماركات عالميه واجددها وافخمها ..
فتحت الدروج وكان فيه علب مكياج من كل شكل ونوع ولون .. وكلها بين ديور وقوتشي وقفنشي وايف سان لوران ...ابتسم : هذا العز والله وينك يا حصيص مبسوطه بمكياجي و بمدري شنهو .. شوفي العز ...
طلع بو ماهر وهو لابس البطله ...
هواجس شافت شكله كانت بتطرش الي اكلته ياشين الملابس عليه خسارة جورج ارماني على جسمه : واو حبيبي جنان طالع كشخه
بو ماهر استغرب محد يمدحه بالعاده بس هذا فايدة الزواج من البنات الصغار تحس انك شباب مثلهم : حلو ...؟؟!
هواجس: ايش حلو جنان وكانك نجم بهوليود ... قالت بدلع انتبه والله اغار عليك
بو ماهر حلقه تشقق من زود الابتسام : عيونك الحلوه ..
هواجس: انا هالحين بدخل اتروش انت شوف التلفزيون على ماجهز ..
بو ماهر : طيب
هواجس (( ياحليله مطيع هههه دوم مو يوم ... يارب ))
بو ماهر جلس بالقسم الثاني من الغرفه الفخمه كانت للاشخص vpi..
دخلت هواجس للحما وكان ساحر وماكانه حمام فيه مجلات وكراسي بعيد عن البانيو واسع : ههه هذا بحجم شقتنا العفنه ...
قبل لاتروش تذكرت وطلعت من الحمام وقالت لابو ماهر : حبيبي ابغى كاميرا ..
بو ماهر لف عليها وهو متمد على الكنبه : كاميرا .. فيديو والا ت
قاطعته هواجس وهي ترجع للحما : الثنتين ابغى اصور .. علشان نتذكرها دايم ...
سكرت الباب من غير لاتسمع رده هي متاكده انه راح يدبر لها حتى لو يسرق: هه هههه يسرق هذا على قلبه فلوس مايحتاج لسرق ... مسكين مبسوط بكلمة حبيبي مادرى اني ماعرف اسمه هههه ..
جلست بالحمام وتستخدم منظفات الجسم بروايحهم الجنان والشامبو ... وكل شي كانت حابه تتنظف من جديد وكانها تنظف نفسها من ايام الفقر ..
تنظفت وتعطرت ولبست الروب ........ ماتدري كم من الوقت صار وهي بالحمام لكن انبسطت وكانها اول مره تتروش ..
طلعت من الحمام شافت الجو تغير بدء الوقت بنور يعني دخل فجر اليوم الثاني الوقت كان طويل وهي مانامت مفروض تنام .. لكن وين وفيها كل هالحماس ...
فتحت الشنطه القديمه والصغيره الي جاءت فيها بس .. ناظرت التقويم الي عطتها امها علشان اوقات الصلاه شافت ان الفجر مفروض اذن من زمان ... لبست ملامبسها لانها سمعت صوت بو ماهر وهو نايم ..
واخذت غطاءها وعبايتها الي جئت فيهم صلت ..الفجر ومعه السنه ودعت ربها تحب ابو ماهر وماتقرف منه وتعود عليه لان باين عليه حنون .. وشكرت ربها على النعمه بعد ماقالت امس كل كلمات الاعتراض والجزع ..
خلصت صلاه وصحت بو ماهر : بو ماهر بوماهر
بو ماهر : جهزتي ..؟
هواجس ارتعش جسمها اشمئزاز منه ماهي قادره تتقبله : لا صل واكون جاهزه ..
بو ماهر ناظر الساعه : يالله ثاعتين من نمت ..
هواجس كتمت حكتها (( صار لي ساعتين بالحمام ههههه )): ايوه انا جاهزه بس بحط مكياج ونطلع نفطر بدل العشاء هههه
بو ماهر: حياء الله صباحن نصبح فيه على هالوجه الثموح ..
هواجس ((وع طالع اسنانك وجهك قبل لاتغزل)) : يله عاد حبيب انا جوعانه ..
بو ماهر : طيب ..
وبو ماهر يصلي ناظرت هواجس نفسها بالمرايه ماعرفت نفسها من هالكشخه الانيقه الحلوه .. لا مو هي ... الون العشبي مع الوردي الرايق بقطع القماش الكاتان الثقيل عطاها جمال وكانها سيدة مجتمع راقي ضحكت على شكلها بالمرايه : هههه اجنن ..
مشطت شعرها وتردد ترفعه والا لا.. بما انها مو ناويه تلبس عبايه او غطاء بترفعه بطرقهراقيه مثل ماتشوف الفنانات الغربيات يسون بس قبل لازم تستشور شعرها ..
طلعت الاستشوار
بو ماهر : ايوه جففيه برد بره ...والمطعم الي بنروح له مكشوف ...
هواجس يعني عارف اني مراح البس غطاء حلو مالي خلق غيرة غبيه : ايوه عارفه ..
استشورت شعرها على سريع وحطت قلوس وماسكرا .. وبلاشر .. بس مع ان ودها تحط شدو وايلاينر وتعبي وجها من هالمكياج الكشخه .. بس لان بو ماهر جلس على السرير يتامله وضايقه لكن سكت ماقالت شي ..
مو شفقه عليه لانه تعبان وفيه النوم لا لانها رايقه وماتبغى تخرب صبحيتها ..
اعطاها بو ماهر الكاميرا مثل ماطلبت
هواجس: مشكور حياتي والله انك .. ماني عارفه وش اقولك ...
بو ماهر : هههه بحنان قولي انك مبسوطه ..
هواجس حست انها بدت تميل لابو ماهر لكن مش زوج او حبيب لا مثل ابوها كان نفسها بابو يدللها ويناظرها مثل نظرات بو ماهر ..
طلعوا للمطع وكان على سطح الفندق يطل على الفاتيكان....... الجو كان جد لطيفا رقيق .. جو رايق ...
وطوال الوقت كانت هواجس تصور بالكامرا العاديه ومعطيه بو ماهر كاميرت الفيديو علشان يصورها مع المكان .. وهي كانت تصور المباني والناس الا بو ماهر تخاف يحترق الفلم ههه
وصل الفطور ..
وكان من احلى ماكلته هواجس بحياتها : اقسم بالله ان هالاكل يذبح لذيذ ....
بو ماهر : هههه بالعافيه ... لازم يكون حلو لانه من ايد الطباخ الفرنسي (الشيف) جان فرانسوا داريدون معروف عالميا بأسلوبه المبتكر واكله الذيذ ..
هواجس ناظرت بو ماهر وتوها تنتبه بطريقه اكله الراقيه ومسكته لشوكه والسكين واضح انه متعود على السفر وعلى ايطاليا
توها مابعد تخلص افكارها الا وتخترب الصوره الي رسمتها عنه لانه يطلع صوت بالاكل مسكين ماعنده اسنان ..
تلفت هواجس (( الحمدلله ان مافي احد الصباح والاكان فشلتنا انت وخشتك ))
بو ماهر ابتسم : ليه تناظريني كذا ..؟
هواجس: ها ولا شي بس ...- مدت له الكاميرا الصغيره خذلي كم صوره وانا اكل ...
هواجس ابتسمت وهي ....تسمع اللغه الايطاليه وكانها موسيقه عذبه غريبه ...
**شموخ ناظرت البيت افتقدته ..كثير ..
كل شي بالبيت المتوسط فقدته
المسبح ..والمجلس والصاله ..
ام ريان : بسم الله عليك ماتشوفي شر ..
شموخ : الله يسلمك ماما ...
ام ريان : والله البيت منور بوجودك ..
شموخ : ماما ابغى اطلع غرفتي تعبانه ...
طلعت نجلاء ومالها خلق شموخ ودلعها : الحمد لله على السلامه ..
شموخ : لا هالحين الحمد لله على السلامه بالغلط تعالي وريني .. حتى اهل الرياض جاءوا علشاني وانتي .. اطلع ارتاح احسن
طلعت شموخ وراها روز بالشنطه الصغيره
ام ريان : نجلاء يمه بسم الله عليك وش فيه وجهك
نجلاء (( لا تو الناس هالحين عرفتيني بعد بنتك شموخ )) : مافيه شي ..؟
ام ريان قربت منها : لا فيك شي وجهك اصفر ..
نجلاء: تركت المستشفى
شهقت ام ريان : ليه ..؟
نجلاء: قصه طويله سامي يحكيها لك
ام ريان سحبتها من ايدها وجلستها عند المسبح : لا انتي بتقولي ..لي ..
|