 |
  |
|
|
|
|
#1 |
|
:: كاتبة فضيّـة :: |
رواية يا حظ عينك للمبدعه حنين الورد، كاملة
كيفكم يا بنوتات ازياء
انا اليوم جبت لكم روايه ثانيه للمبدعه حنين الورد اتمنى تعجبكم بعد ماتابعنا ورايتها قلت احبك قالت هه حب ولا انتقام قلت ليه الحب عندك انواع اتمنى تعجبكم تعريف بشخصيات القصة : أبو عبد الله : رجل أعمال كبير وصاحب شركات كبيره رجال يحترمه كل الناس وله هيبته بين الكل تزوج أم عبد الله زواج تقليدي بس بينهم أحترام كبير أم عبد الله : امرأة طيبه مع عيالها وتحترم أبو عبد الله جدا عبد الله : 32 سنه يشتغل مع أبوه في الشركة متزوج بنت خالته هبه عن حب وعنده ولد صغير اسموا سميرعمروا 4 سنوات فارس : 20 سنه تخرج هو ولد عمه من الجامعة بأمريكا كان يدرس أداره أعمال ويحب بنت عمه وجدان . أماني : 22 سنه أخر سنه بالجامعه تدرس أدارة أعمال واقتصاد معجبة بشخصية أحمد ولد خالتها بس مو معطيه الموضوع اهتمام حنين : في نهاية ال16 سنه رايحه ثانيه ثانوي بنت دلوعه مرره وحلوه جدا وكلامها مثقف وعندها شئ من الفلسفه تحب الكل ودايم تحسن الظن برغم انها دلوعة بشكل مو طبيعي غير أنو اخونها لو صارت معاهم مشكله يسألوها وياخذوا رأيها محبوبة عند كل العايله بس دايم تضايق من ولد عمها زياد لأنوا يتعمد يغيضها وابوها مدلعها وهيا وجدان بأغلى مدرسه بجده العائلة الثانية : أبو سعود : رجل أعمال وهو رجل طيب مع عياله وهو أخو أبو عبد الله وهم الاثين يجمعهم حب غير طبيعي فتح مستشفى كبيره لي ابنوا زياد وهو هناك دكتور مايبغى يكون المدير علشان مايكون الشغل كلوا فوق راصوا أم سعود : امرأه حازمه مع عيالها لاكنها حنونه وهي وأم عبد الله شبه أخوات وأصحاب ومايفترقون . سعود : 30 سنه يشتغل مع أبوه في الشركة متجوز بنت خالته هدى حبها بعد الجواز تقريبا متجوزين من سنه بس ماعندهم عيال محمد : 24 سنه شخص محترم ومؤدب يحب الضحك متخرج من الجامعه تخصص أدارة اعمال واقتصاد يبغى يرتاح شويه بعدين يشتغل عند عمه أبو عبد الله أو عند أبوه . زياد : 21سنه كان شخص متفوق بدراستوا درس بأمريكا وبحكم انو طالب شطور أختصر سنين الدراسه ودخل الجامعه من عمر 15 سنه تقريبا وتخرج منها وهو دكتور ناجح شخص طيوب وسيم أحلى شخص بالعايلة من الشباب وجدان : نفس عمر حنين بس هيا أكبر منها بشهرين ونفس المرحله الدراسيه وهم أكثر من أخوان واصحاب وبنات عم خالة حنين أبو أحمد : تاجر مشهور وحازم جدا مع عياله . أم أحمد : أمرأه مزاجيه متذبذبة لاكنها طيوبه وحنونة أخت أم عبد الله . أحمد : 23 سنه متخرج من الجامعه ويشتغل مع أبوه في إدارة مسؤلياته ويحب أماني بنت خالته هبه : 27 سنه طيوبه وتحب عبد الله زوجها هدى : 23 سنه متخرجه من الجامعه ومتزوجه سعود ومتفاهمين ندى : 16 سنه أولى ثانوي تكره حنين علشنها احلى منها بس ماتبين داه الشئ قدامهم بس مرات تطلع كلمات علشان تقهر حنين وأشخاص سوف نعرفهم من خلال القصة بسم الله الرحمن الرحيم أماني تطلع من غرفتها تقابل فارس : هاي فارس فارس هاي فين حنو أماني : بروح أشوفها اصحيها فارس : الله إلى الأن ماصحت بل خلصت النوم صارلها يومين نايمه أماني: انت ماتعرفها إذا خلصت اختبارات أسبوع ماتصحي فارس: حشى كانت بحرب مو أختبارات أماني : ههه شكلها يلا أروح أصحيها ماباقي شئ والناس توصل فارس : اه قلبي معهم وحشتني الغاليه هاذي الناس مو حنين نوم أماني : هههه قصدك وجدان فارس : وفي غيرها الغاليه أماني: اقول لاتموت علينا وخليني أروح الشوف اللي خمجت من النوم فارس : هههه أوكي باي أماني : باي تدخل أماني غرفت حنين اكلمكم عن غرفة حنين غرفه لونها فوشي وردي الجدران واحد فوشي و2 وردي واحد مرايه الغرفه ناعمه جدا وتغلبها التحف والدباديب والعرايس والباربي المهم وفيها بلكونه كلها ورد وفل المهم تدخل أماني غرفة حنين الغرفة سوداء وفي نور خفيف نور الابجورة وباردة أماني: حشى بتلاجة مو غرفه حنين حنوا حنوا اصحي يلا حنين : امم موني خليني نايمه تعبانه بليز أوت أماني: بليز أوت لا والله ايش الطرده اللي باحترام حنين : وصوتها كلوا نوم صوتها وهيا نايمه يذبح خيال حنين: ههه موني بس والله ابغى انام بليز أماني: حنوا صرلك يومين نايمه أصحي الناس بيوجون حنين : موني مابغى اطلع بنام أماني : الحين الناس جاين عشانك وتقولي مابغى اقوم قومي يلا البسي يرن جوال حنين بنغمة وجدان حنين : ياربي كلكم فايقين اف الو هلا جودي وجدان : نايمه يلا أصحي حنين : انتو ايش اللى مخليكم فايقيقن عليا اف وجدان : يلا قومي خدي شاور وصحصحي انا جالسه البس ايش هتلبسي حنين : اكيد وردي أو فوشي جودي البسي زي وجدان: ماقلتي شئ جديد انا متصله اسئلك حنين : مادرى انا بالسرير مافكرت استنى اقوم اصحصح اتروش واعمل شعري بعدين اقولك وجدان : لا والله وانا اجيكم بالبيجامه حنين : ههههه خلاص دقايق واقولك وجدان : لاء مافيه قومي ادخلي غرفة الملابس يلا حنين : اوف طيب طيب أماني تقاطعها: يلا انا اروح اشوف ماما ضمنت ان وجدان صحتك باي حنين : أوكي موني باي .........امم مني عارفه وجدان : يلا اختاري ابعمل الميك اب حنين : عرفت أيش رايك نلبس وجدان : شنو حنين : هه مو عارفه وجدان : وجع حنين : يوجعك طيب قولي تبغي شئ يكون ناعم ولا شئ يكون سبور وجدان : لاء نلبس ناعم علشان العزيمه علشانا انا وانتي وندى حنين : أوكي نلبس الفساتين الفوشي اللي من اكس أو وجدان : أوكي والاكسسوارات حنين: انا ابغى البس اكسسوار فضي عليه وجدان : أوكي يلا بسرعه خلصي سي يو حنين : أوكي سي يو دخلت حنين تاخذ شاور وتخلص اما في القصر تحت أماني : ماما تبغين أساعدك بشئ أم عبد الله : لا حبيبتي كل شئ جاهز بس حنين وين أماني : قاعدة اتخلص توها صحيت دخل فارس وعبد الله : السلام عليكم أم عبد الله + أماني : و عليكم السلام عبد الله : يمه بغيتيني ؟؟ امري أم عبد الله : ايه العشاء نبي الكوازي تجيبونها الساعه 12 عبد الله : على أمرك يالغاليه أم عبد الله : يلا انا بروح أشوف المطبخ ايش سو هذولي عبد الله : وين حنين أماني : توها صحت دوبها تخلص عمرها عبد الله : ياربي هاذي ماتشبع نوم فارس: احمد ربك صحت بعد الاختبارات بيومين بس عبد الله : ليه تبي شهر أماني : حنين ماتقول لاء على النوم عبد الله : الواحد طول الاختبارات مايشوفها ولا خلصت اختبارات نوم تدخل هبه : حرام انت مو عارفها طول الاختبارات ماتنام ولا تاكل عبد الله : هلا بحبيبتي والله خلاص مابي حنين أماني : أحم احم فارس : نحن هنا عبد الله : مو ذي المصيبه انكم هنا اتقلعوا هناك هبه خجلت ونزلت راسها أماني : والله احنا في بيتنا اتفضلوا روحوا غرفتكم صح فارس فارس : ايه نعم يطردنا من بيتنا عبد الله : والله انكم رجه الواحد مايعرف يكلم عمروا كلمتين في هذا الوقت يرن جرس الباب تفتح أماني مع انو عندها خادمات بس علشان هم عارفين انو اليوم اهلهم مجتمعين يعني كل اللي هيجي فلازم هم يستقبلوها وتجي معاها امها أم عبد الله : هلا هلا والله باختي أم أحمد : هلا فيك أم عبد الله : تو مانور البيت أم أحمد : منور باهله وسلموا على بعض أم عبد الله : وين أحمد ؟ أم أحمد : بيجي بعد شوي مع فارس وعبد الله في المجلس أم عبد الله : خير انشاء الله ....... كيفك ندى كيفك حبيبتي ؟؟ ندى : بخير أنت كيفك ياخاله أم عبد الله : الحمد لله بخير متى شهادتك حبيبتي؟؟ ندى: بعد يومين الربوع أم عبد الله : بالتوفيق انشاء الله أماني : ندوش تعالي نروح عند حنين لو انخليها ماتنزل غير بكره ندى : لا مابغى أم أحمد : ليه وينها لسى مي راضيه تصحي انا ندى من يوم خلصت اختبارات بس نامت ساعتين وعلى طول سوق أم عبد الله : استغفر الله هاذي ماقامت لين جننتنا يرن جرس الباب راحت أم عبد الله تستقبل أم عبد الله : ياهلا وغلا هلا والله بأم سعود أم سعود: هلا فيك حبيبتي كيفك أم عبد الله :بخير حياك تعالي أم احمد هنا أم سعود : ياهلا والله بأم أحمد وسلموا على بعض وجدان : أماني وين حنين أماني : بغرفتها مانزلت روحي عندها انتي وندى ندى : لا انا مابغى اروح وجدان : على راحتك وطلعت وجدان عند حنين فتحت الباب كانت حنين مشغله المسجل وقاعدة تتمكيج وجدان : هاي حنين : هاي كيفك وحشتيني وجدان: تمام وانتي اكثر يلا الكل تحت حنين: والله متى جو ؟ ماسمعت احد وجدان: حنا تونا جينا ولقينا خالتك أم أحمد حنين: طيب وين ندوش؟؟ ليه ماطلعت وجدان : تقول ماتبغى حنين : مادري هاذي البنت اشبها وجدان : ماعرف بس يلا خلصي بسرعه حنين : أوكي واما عند الحريم دخل أبو عبد الله وأبو سعود وأبو أحمد وفارس وعبد الله وزياد ومحمد وسعود وأحمد : السلام عليكم الكل : وعليكم السلام وكانت أم احمد متلثمه عن أبو عبد الله وأبو سعود أما أم عبد الله وأم سعود بس تتحجب والبنات بس يتحجبون عن عيال عمهم وعيال خالهم غير حنين وجدان مايتحجبوا على قولهم غير لمى يخلصوا ثاني ثانوي بعذر انهم صغار جلسوا الشياب عند الحريم ويسولفون بينما العيال جالسين ويمزحزن وينكتون فارس يدقه بيدة وبصوت واطي : بس بس اكلت البنت أحمد : احبها شوف رقتها عبد الله : علامكم تتسارون فارس : سلامتك أحمد : كيفك أماني أماني : ههههه بخير أحمد ثالث مره تسألني أحمد : والله هههه وانحرج والكل ضحك عليه فارس : زياد كيفك وش اخبارك ؟؟ زياد : بخير والله انت وشلونك وكيف شغلك ؟؟ فارس : الحمد لله والله تمام اما عن الشغل بيني وبينك بس الصبح اروح اسلم على ابوي واقوله عن اذنك عندي شغل اطلع من الشركه زياد : هههههههههههههههههه حركات انت بينما سعود هو هدى وعبد الله وهبه جالسين جم بعض ويتكلمون أبو سعود : وينها وردة الجلسه وين حنين والله وحشتني زياد وبنفسه : مو بس انت يا يبه هدى : ندى روحي ناديها ندى تخز هدي بعيونها مو عارفه ايش اتقول أماني : مو مشكله انا اتصل على جوالها فارس: شوف العجوزة اطلعي ناديها أماني : مابي كيفي أماني : تتصل على حنين ويرن جوال حنين وتكون هيا وجدان نازلين الدرج كانت لابسه فستان فوشي قصير لين تحت الركبه وشعرها ناعم طويل لين تحت ظهرها وجسمها حلو وهيا حنين ملامحها جنان قمر عيونها كبيرة وفمها مرسوم وعندها غرة وعيونها بني وشعرها اسود وبيظاء مهما وصفتها مو زي جمالها الحقيقي حنين وجدان : هاي قايز أبو عبد الله : الناس تسلم أبو سعود : ياهلا وتسلم حنين على الكل أبو سعود : هلا بوردة الجلسه تعالي جنبي حنين : هلا بعمي وحبيبي ( وتقوم تجلس جمب عمها ) أم احمد : كل هاذا نوم مايصير فارس : ذي دب قطبي حنين : فارس حرام عليك حنين : بابتسامه رائعه وبخجل من كلام فارس : لا والله بس تعبت من الاختبارت وكنت محتاجه ارتاح وجدان : تعبتي ؟؟ حرام عليكي انتي موتي مو بس تعبتي تصدقون نجي من المدرسه الساعه تسعه انا انام هاذي تاخذ شاور وتنام ساعه بتمام وتبداء من الساعه 11 الصبح لغاية ثاني يوم نروح المدرسه ولمى اكلمها تقولي قاعدة اذاكر واشرب نسكافيه حنين : جودي حرام عليك طيب ايش اسويلك انا ايام الاختبارات كده وجدان : لا وتقولي ذاكري لاتنامي لاحقه على النوم الحمد لله اني سمعت كلامك ودخلت نظام مطور حنين : احسن شئ ندوش نصيحه ادخلي مطور ندى : امم عارفه اكيد داخلتوا داخلتوا سعود : الا انتو الاثنين حنين وجدان متى شهاداتكم وجدان : السبت سعود : الله واكبر حنين : بس يمكن الربوع أو الخميس يرسلوها زياد حب يغيض حنين من زمان ماغاضها : وكيف يرسلوها انشاء الله تقولي السبت وتقولي يرسلوها حنين في خاطرها ياربي ارحمنى منوا اف : لا والله الشهادة استلامها السبت بس النسبه يرسلوها على المسن الايميل فهمت زياد انحرج : اها سعود : حركات والله واحنا ليش مايسون لنا كده زمان حنين : هههههه حرام عليك دي ميزة جديدة في المدارس سعود : هدى حبيبتي انتي كانت تجيك الرساله على الايميل؟؟ هدى : حبيبي ايش فيك دي ميزة جديدة من سنه طبقوها في المدارس الراقيه الكل يضحك على سعود :ههههههههههههههههههههههههههه الشياب استاذنوا يقعدون في المجلس الخارجي بينما البنات والاولاد والامهات جالسين حنين : ندوش رقمك اتصل عليه مقفل ؟؟ دايما ندى : ايوة غيرتوا عن الازعاج وقامت ندى قالت لي امها انها تبغى تروح بحجة انو بطنها يعورها وامها خافت عليها وقامت راحت بس هيا انقهرت من حنين ولبسها بس ابو احمد واحمد جلسوا وقالوا بيسهرون نذهب الى المطبخ هدى : ميري سوي قهوة ثانيه للمجلس برا وحدة عند البنات وحدة عند ماما ميري الخادمه : أوكي سعود: حبيبتي وينك سايبتني؟؟ هدى : حبيبي عيب بس خلاص اماني قالتلي اقولهم يسون القهوة سعود : وانا وحشتيني هدى : والله انا قدامك سعود : وانتي قدامي توحشيني هدى انحرجت من كلام سعود وخرجت عند البنات هبه : بنات ماتبغوا تروحوا السوق حنين : شور وجدان : أكيد هبه : خلاص بكره العصر نروح حنين : أوكي بس ابغى اقول لوحدة من البنات رويده تيجي هدى : أوكي بس نبغى نطلع من السوق نروح مطعم هبه : أوكي بس حنين قولي لرويدة من الان علشان تبلغ امها حنين : أوكي فارس : واحنا حنين : انت شنوا أماني : يمكن يبغي يبلغ اموا زي رويده البنات والاولاد من غير فارس : هههههههههههههههههههههههههههههه هههههه فارس يقلد أماني : يمكن يبغي يبلغ أمو اقول اسكتي بس حنا بعد نطلع سوا سعود : ايوة ونكون جمب الغالين هدى خلاص مو قادره تستحمل جرأءة سعود حنين : بس انتو راح تخلونا مقيدين ومانقدر نلف وتسوق محمد اخيرا نطق بس الموضوع في رويده لازم يتكلم : والله ماراح نقيدكم بسلاسل مدام حنين حنين : اههئ انا مدام حرام عليك وجدان : ياربي منكم بكل شئ معانا اف عبد الله : وعلى قلوبكم بعد زياد : شباب أي مطعم نروح ( يبغي يقهر حنين) حنين : لا والله الطلعه حقتنا وهم يختاروا المطعم هبه : ترى زوتوها عبد الله : خلاص حبيبتي ولا يهمك انتو اختاروا المطعم هبه: تسلم لي حبيبي حنين وجدان خلاص مقهورين : لا والله عبد الله برود : والله حنين : عبد الله كأنك متفضل علينا تقولها انتو اختاروا المطعم ترى الفكره والطلعه حقتنا عبد الله : تراني أخوك الكبير حنين : قول والله عبد الله عصب : حنينوه حنين : تعرف تقهرني ( وتركض على بره المجلس عند ابوها) ويجو الشباب والبنات عبد الله بعصبيه : هين اوريك أبو عبد الله : لا والله أبو سعود : تستاهلون سعود : ماتدرون ايش سوت أبو سعود : لاء ندري قالتلنا نعنبوكم لاصقيلهم حتى بطلعتهم البنات :هههههههههههههههههههههههههههه محمد : يعني ماتدرون هاذي حنين دلوعه العايله سعود : بس برضوا مايصير كل ذا دلع حنين عصبت : والله حبيبي انا مادلعوني الا علشان انا استاهل الدلع واتوقع دلعي مايضرك بشئ سيد سعود والدلع مو عيب وماني قاعدة اسوي فيه شئ غلط محمد يقاطعها : بدت الفيلسوفه حنين : ماتوقع قاعده اتفلسف عليك وماعاجبك لاتسمع وقامت حنين من عندهم وراحت عند المسبح أحمد : حرام عليكم تزعلونها واليوم فرحتها زياد عجبته حنين وهي تتكلم : والله بجد فيلسوفه أماني : روحو راضوها فارس : شباب أيش رايكم نرميها في المسبح أحمد : انت متأكد انك اخوها اماني ضكحت غصبن عنها : ههههه احمد لف لها : تسلم الضحكه أماني انحرجت من أحمد محمد : يلا نرميها المسبح بس هي تعرف تسبح سعود : ماعليك لو ماتعرف بس خليها تتبل بعدين نزل انطلعها عبد الله : لاتعرف تسبح أبو سعود سمعهم وشافهم وهم رايحين لحنين أبو سعود بصوت عالي : حنين اجري بيرمونك بالمسبح وسعود ومحمد يركضون عليها حنين تركض بعيد عنهم وهم وراها اخر شئ صاروا كل الشباب يجرون وراها حتى زياد قروا البنات من نظرات من حنين وجدان فهموها انهم يرموا الشباب بالمسبح أول وحده كانت هدى ركضت وراء سعود ورمتوا بالمسبح سعود يصارخ : ترى انا زوجك هدى تضحك : هههه عارفه بس هاذا دش عن الاحراج حق اليوم سعود يحرك راسوا عن المويه ويقولها : طيب ارجعها لك اليوم بالغرفه وغمز لها هدى دخلت جو القصر بينما في وقتها هبه تحاول ترمي عبد الله بس في الاخر قلها انا ماحرجتك قدام الكل زي سعود انا بس قدام فارس واماني وراحوا عند الشياب اما حنين رمت فارس في المسبح وقعدت تضحك عليه فارس : ماكنت ابغاها منك كنت ابغاها من ناس ثانيه وينظر بوجدان زياد كان يحاول يرمي حنين وهي تضحك على فارس بس وجدان نبهتها وركضت واماني رمت احمد في المسبح وقعدت تضحك عليه أحمد : اذا بسمع هاذي الضحكه كل يوم ارميني بالمسبح وقلها بهمس أحبك وجدان : قربت من محمد ودفعتوا بقوة محمد : يامعفنه حنين + وجدان : تستاهل حنين : تعرف انت وفارس وسعود هذا درس بسيط محمد : اوريكم وجدان : نشوف زياد كان يقول ليش ماتحاول ترميني ليش تكرهني اه ياحنين وجدان : حنو باقي زياد حنين : انتي حاولي انا مابغى حنين تكلم احمد وهو بالمسبح : احمد انت دافعت عني بس سوري مو انا اللي رميتك بالمسبح أحمد : لا عادي اللي رمتنى قبل ماترميني بالمسبح رمتنى بقلبها ( ينظر الى اماني ) حنين : هههههههههههههههههه زياد يقرب من حنين يبغى يرميها مواضيع ذات صلة |
|
|
#2 |
|
|
رد: رواية يا حظ عينك بقلمي ، كاملة
البارت الثاني زياد قرب من حنين بس حنين انتبهت كان جاء يجري عليها بيرميها بس هيا بعدت وهو اللى طاح بالمسبح والكل قعد يضحك عليه فارس : والله خوش طيحه خطيره حنين : ههههههههههه زياد يتأمل بحنين ونعومتها وصوت ضحكتها حنين : باي شباب ونعيما وجدان : انشاء الله تكونوا اتعلمتوا فارس : حنين جيبيلنا شئ نلبسه ملابسنا تبلت حنين : نعم ههههه انا اجبلك اه اوكي اقول للخدامه تجبلكم مناشف الشباب : مردودة وجدان : نشوف حنين راحت عند عمها سعود وشكرتوا حنين : مشكور عمي لولاك كان تشمتوا فيني كلهم ورموني بالمسبح أبو سعود : العفو حبيبتي ويستاهلون جلسوا الشياب يضحكون على العيال واشكالهم أما البنات كملوا سهرتهم جوا القصر بعد العشاء الكل راح ماعدا وجدان حنين طلبت من عمها وأم سعود يخلون وجدان تنام عندهم وافقوا بشرط انو حنين تجي تبات بيت عمها وافقوا اما هدى عند التسريحه تحط كريم سعود يناظر فيها: ترميني بالمسبح ها هدى : هههههههههه والله قلبك اسود نمزح سعود : ايه فوق ماتصورين اسود وابغى انتقم هدى : ايش تبي يعني سعود : ابى بوسه هدى : سعود سعود : والله لوريكي انا قلت ابغى انتقم هدى خلاص وجهها حمر : سعود انتقم بس مو كده أوكي ارميني بالمسبح سعود : ههههه ياقلبي على اللي يحمرون لسى ماشفتي شئ بينما عبد الله : وين سمير؟؟؟؟؟؟ هبه : نايم عبد الله : حلوا هبه : عبد الله شفيك اليوم عبد الله : احبك هبه : وانا اكثر عبد الله : حبيبتي ايش رايك نسافر ؟؟؟؟؟ هبه : ام فكره حلوة بس سمير عبد الله : نخليه هنا عند امي وحنين واماني هبه : حرام خالتي تتعب معاه واماني تدور شغل وحنين هههههههههههه لا ولدي مات عبد الله : اف هبه : خلاص نتمشى هنا عبد الله : المهم معاك الله لايحرمني منك هبه : ولا منك ****************************** ******************** ******************* محمد نايم على السرير ويفكر بكره هل هو يحترم رويده ولا يحبها ياربي طيب انا كيف افهمها البنت ماتقربلي بكره لازم افهمها صح واشوف تصرفاتها زياد يفكر بشكل حنين ويقول بنفسوا احبك ياحنين بس انتي شخصيتك يا الله عليك انا عمري ماشفت وحدة زيك يالله عقلها كبير اكبر من سنها كل يوم اكتشف فيك شئ جديد بس احسك تكرهيني ليه ونام وهو يفكر بالملاك للي شافو بينما ندى جالسه في غرفتها ومقهوره من حنين من شكلها ولبسها وحب العايله لها وهيا شكلها مقبول بس هيا اللي تتجنب اللي يقربولها وغامضه حاولت حنين تتقرب منها وتكلمها ويصيروا اصحاب بس هيا كانت تبتعد وتجنبها وجدان : حنوا حنين : عيونها وجدان : ماشفتي اليوم شئ غريب ق ق قصدي فارس حنين: اشبك متردده جودي حبيبتي فارس يحبك شفتي كيف وجدان تقاطع حنين : يوم رميتيه في المسبح شفتي ايش قال حنين : قال ونظر فيكي وجدان : مادري حنين : انتي تحبينوا ؟؟؟؟؟؟ وجدان : مادرى بس حنين : جودي حبيبتي شوفي الحب احساس مانعرفوا بس اول شئ يلفت انتباهك بعدين ترتاحيلوا يمكن تقولي مو حب بس صدقيني انتي ركزي على تصرفاتوا وعلى تصرفاتك شوفي هو داه اللى وجدان تبغاه وتمناه كا كريزما شكل اسلوب ثقافه احنا بسن نعرف نحدد صح سن مراهقه بس احنا فاهمين وعاقلين ايش نبغى مو مراهقه يعني ماعندنا عقل فهمتيني وجدان : والله فلسفتك حلوة فهمتك حنين : ههههههههههه يلا تعالي نزل نجيب بيبسي متلج من الفريزر وشيبس ونسهر وجدان : يلا وهم نازلين على الدرج صادفهم فارس فارس : هلا والله حنين وجدان : هلا فارس : انتو مانمتوا حنين : لاء وجدان : ايش رايك ؟؟ فارس : هههه بس قصدي يعني بتنامون حنين : نو بنسهر على فيلم فارس : حلو اسهر معاكم حنين : نعم نعم احنا بنسهر بغرفتي على tv غرفتي فارس : طيب عادى حنين :فارس نبغى ناخذ راحتنا فارسيلمح قدصوا وجدان : طيب ولوني كنت ابغى اجلس معاك وحشتيني حنين وحشتيني اموت عليك وجدان خلاص مو قادرة تستحمل استحت حنين : شوف الكذب توحشك بسه وجدان بصوت واطي مسموع : يوحشوا جني حنين : يامامي انا اخاف فارس : طيب طيب بس برضوا وحشتيني يا.... يا..............حنين (وطلع على الدرج) حنين : هههه اخويا انجن وجدان : يلا انزلي نجيب البيبسي اكيد اتفجر فارس من بعيد : والله انا اللي بنفجر من شوقي حنين : ياماما هههههههههههههههههههههههههههههه ههههه انت مارحت فارس : وين اروح والغالي بالبيت وجدان نزلت وسحبت حنين معاها وسهروا على التلفزيون لغاية الساعه 3ونص الفجر صباح يوم الاثنين عبد الله وهبه ساكنين في نفس البيت مع ابوهم وامهم في نفس القصر أم عبد الله صحت الصبح مالقت احد صاحي غير عبد الله وهبه أم عبد الله : وينهم لسى نايمين عبدالله : أي يمه نايمين هبه : حرام ساهرانين ماناموا عبد الله يغمز لهبه ويقولها : واحنا بعد سهرانين هبه لفت لي أم عبد الله وطنشتوا : خالتي اسويلك قهوة أم عبد الله : ايه يابنيتي عبد الله : يلا عن اذنكم انا بروح الشركه أم عبد الله : بحفظ الله هبه قامت مع عبد الله لعند الباب : انتبه على نفسك حبيبي عبد الله : من عيوني توصين شئ هبه : سلامتك عبد الله : الله يسلمك ****************************** ******************** ******************* أم سعود :تقوم الصبح وماتلقى احد صاحي أبو سعود : يلا انا اتاخرت على العمل مع السلامه أم سعود : بحفظ الله سعود وهدى : السلام عليكم أم سعود : وعليكم السلام أم سعود : اليوم متأخرين في النوم سعود : ينظر في هدى : ايه يما تاخرنا في النوم ( ويرفع صوته ويقول ) اتاخرنا في النوم بس النوم حلو هدى تتجاهلو: خالتي وين عمي أبو سعود أم سعود : راح العمل سعود : وانا بعد استأذن اتاخرت يلا سلام هدى : تستاهل يمكن يعاقبك سعود : مو مشكله (ويهمس بأذدنها )تستاهل ليليه امس هدى تضربوا بشويش على كتفه : سعود سعود : هههههههههههههههههههههههههههاي بس بجد ايش رايك بأنتقامي هدى خلاص مو قادره همست بأذنوا : انت عمري وروحي سعود : هدى هدى : نعم حبيبي سعود : ايش رايك اليوم بعد انتقم ونكنسل الشغل هدى عيونها طارت بسعود سعود : ههههههههههه امزح باي هدي :باي ****************************** ************** زياد صحى الساعه 8 ونص واخذ شاور ونزل مستعجل أم سعود : ياولدي اهدى افطر زياد : لا يمه اتاخرت على المستشفى زياد : مع السلامه أم سعود : بحفظ الله سوق على مهل الدنيا مو طايره زياد وهو طالع : انشاء الله اما محمد طبعا مقر يرتاح ماعنده شغل يبغى يرتاح بعدين يشتغل نايم ولا فكر يصحى ****************************** ******************** ***************** أم عبد الله وأم سعود يسولفون على التليفون مع بعض بينما هبه مع سمير وناسيه الدنيا توكل وتلبس وهدى رجعت نامت تعبانه مانامت زين من سعود هه ****************************** ******************** ****************** على الغداء بيت أبو عبد الله أبو عبد الله : وين حنين وجدان وأماني هبه : نايمين عمي حرام امس ساهرانين أبو عبد الله : بس نوم صحيهم أم عبد الله : حرام خليهم ينبسطون بأجازتهم فارس : وانا انا ويعني ( يبكي ) تصحوني ليش أم عبد الله : ليش انت كنت بالمدرسه وعندك اجازه الكل : ههههههههههههههههههههههههههه عبد الله : هبه متى بتروحون السوق ؟؟ هبه : العصر أبو عبد الله : ومتى بترجوعون ؟؟؟ هبه : والله مادري بس اكيد بنتأخر عبد الله : ليش تتأخرون؟ هبه : ههههه عبد الله اشفيك انت بتكون معانا ولا نسيت علشان مارميتك بالمسبح عبد الله ( يمسح على شعره ) : يوه نسيت الكل :ههههههههههههههههههههههههههههه ههههههههههههههههههه بعد الغداء الكل طلع غرفتوا يرتاح الساعه 4 العصر بغرفة حنين يرن جوال وجدان حنين : جودي امم جوالك وجدان : حنين عندك الجوال ردي حنين بصوت كلوا نوم صوتها وهيا نايمه يذبح حنين : الو المتصل :: .......... حنين : الو المتصل .......... حنين قفلت الخط وجدان : مين ؟؟؟ حنين : مادري وجدان : خلاص يلا قومي الساعه 4 العصر واحنا 5 بروح السوق يلا انا بدخل التواليت حنين ( لسى تبغى تنام ) اوكي انتي اسبقيني ويرن جوال وجدان وجدان : حنوا ردي حنين :ياربي ابغى انام اف أوكي حنين : الو المتصل : وجدان ؟؟؟ حنين بصوت كلوا نوم : لاء مين يبغاها المتصل : انتي مين ؟؟ حنين : انت اللي مين ؟؟؟ زياد : انا زياد حنين : زياد وجدان بالتواليت زياد : انتي مين ؟؟ حنين : ههه انا حنين زياد : ماعرفتك تعبانه ؟؟؟؟ حنين : لاء نايمه زياد : الله واكبر إلى الان حنين : ياربي ايوة زياد : أوكي قولي لوجدان بنمركم حنين : أوكي بس احنا بنروح مع فارس زياد حب يغيضها: والله احنا ماقرنا بتروحون مع من باي حنين : باي ورمت جوال وجدان على السرير جمبها وقامت من السرير وزياد ماسكر الخط وقالت :اف مايعرف الذوق حتى مايقول كيفك ولا هو مين علشان يقول ماقرنا الحمد لله والشكر وجدان خرجت من التواليت : ايش فيك من اللى اتصل زياد صح ؟ حنين : اف ايه هو (وقعدت تحكيها حنين ايش قالها وزياد سكر الخط) زياد في نفسه ياويلي من ها صوت تحطيم عذاب ملاك يتكلم انا بعد ايش هالحركات حتى السلام عليكم ماقلت يالله وقام اخذ شاور ولبس بينما حنين وجدان كل وحدة اخذت شاور ولبست وحطت ميك اب خفيف واخذوا عبيهم على يدينهم ونظاراتهم الشمسيه ونزلوا حنين + وجدان : صباح الخير فارس : ظهر الخير حنين : ههههه أم عبد الله تتريق : بدري لو نمتوا حنين تتكلم بجد : والله ماما كنت ابغى انام بس وجدان قومتنى علشان السوق أم عبد الله : لا والله اقول فين أماني وجدان : قاعدة تلبس فارس :بتروحون مع مين أي سياره ؟؟؟ وعلى فكره أماني ماتبي تروح وتقول عندها اوراق بتخلصها علشان الشغل حنين : أكيد معاك غريبه اماني تضيع عليها السوق وجدان : انا بروح مع زياد حنين : جودي تعالي معاي مع فروس فارس : أحم احم تعالي معانا وجدان : انتي تعالي معايه انا وزياد حنين ( دقت وجدان بيدها وبهمس ) انتي تبغيني اموت انا بطلع اتمشى مو اموت وجدان : أوكي خلاص بجي معاك أم عبد الله : هبه بتروح مع عبد الله بسيارته وجدان : طبعا متجوزين مايجون معنا قاطعها فارس: عقبالنا وجدان طنشت : مايدرون ان الطلعه معانا احسن منهم فارس يقاطعها : صادقه حنين تهمس لفارس : حرام فارس والله انك تحرجها فارس : حنوا احبها وجدان : كلمتى رويده؟؟ حنين : اهئ نسيت ياربي امها توافق واتصلت حنين على رويدة وكلمتها وفي هاذي الدقايق كان فارس يتأمل وجدان وجدان خلاص تبغى تموتموا حنين تقفل من رويده : الحمد لله قالتلي انها اساسا اليوم هتروح السوق بس المطعم هتحاول عشان الشباب معانا فارس : يلا وصلوا كلهم برا حنين : اوكي ولبسوا العبايات حنين وجدان كانت عبيهم محتشمه بس فخمه وكانت افخم الشنط شنطهم والنظارات ذوق حنين خطير حنين + وجدان : هاي كان زياد وفارس ومحمد بس اللي وصلوا زياد : هاي محمد : هلا زياد : كيفك حنين؟؟؟ حنين باستغراب : الحمد لله وانت كيفك ؟؟ زياد :بخير( زياد كان بتأمل حنين اللى النظاره الشمسيه عليها جنان ويقول نفسي اشوف عيونك ياشمس غيبي خليني اشوف القمر) وجدان : احم احم وانا زياد : ههه كيفك وجدان ؟؟ وجدان : طيب تمام محمد : وين سعود وهدى فارس : مادري حنين : اتأخروا اكيد يبغون يسون زي عبد الله وهبه وجدان : ماقلتيلي رويده ايت سوق هتروح حنين : تقول هيا في *********** السوق اللي هنروحوا هتجينا هناك محمد : أي مطعم هتيجي حنين : مارضيت تيجي مطعم تقول عشانكم ماهتاخذ راحتها وعيب بس هتسوق معانا محمد بنفسه والله اصيله اه يارويده فارس : يكلم سعود في الجوال هلا ........ تمام وانت .............. هههههههههههه ...............الحين صارلنا ساعه نستناك وتقول كذا .................... أوكي باي فارس : يقول السوق الله هنروحوا بيروح هو وهدى ويشوفنا بالمطعم حنين : قلتلكم وجدان : اف غبي اتاخرنا علشانوا فارس: خلاص مو لازم نروح بكم سياره نروج بالجيب الكزس يكفينا حنين في نفسها يعني السيد زياد معانا بنفس السياره جاتها فكره عشان تتهرب من زياد : طيب بعدين لمى نرجع نكون اكثر علشان هدى هترجع معانا نسهر محمد : لا خلاص انا بروح بسيارتي انا وزياد جينا بسيارتي الحين روحوا مع فارس وزياد وانتو معاه بالجيب محمد : وانا بسيارتي فارس : أوكي وجدان ( تهمس لحنين ) انتي ماتبي زياد وانا مابغى فارس وابتلشنا حنين : اف جاتني فكره ....... احم محمد محمد : هلا حنين : ايش رايك نروح معاك بسياره وخلي زياد وفارس ياخذون راحتهم محمد : أوكي فارس خاف انهم مايجوا معاه : لالالالالا عادي تعالوا معنا زياد يدارك الموقف : لالا عادي مره تعالوا معانا وجدان : بس احنا نبغى نسمع اغاني ونعلي الصوت حنين : ونبغي ناخذ ايس كريم وانتو ماراح تخلونا على راحتنا زياد بتسامه : وعد اخليك على راحتك حنين استغربت من زباد : نعم ؟؟ زياد ارتبك : قصدي اخليكم على راحتكم فارس: خلاص سوا اللي تبون معانا ماراح نمنعكم حنين + وجدان : اف أوكي وركبوا الجيب ومحمد وراهم بسيارته وجدان : حنوا حنين :عيونها زياد في نفسه ياربي ايش هالوجه ولا الجسم ولا الصوت والا الكلام اه اموت عليك متى ياحنين تقوليلي انا عيونها وجدان : معاكي سي دي حق الاغاني حنين : نو في غرفتي بس استني فارس عندو سي ديات كتير حنين : فارس فارس : عيونه ههههه حنين : والله انك حرامي عيني عينك هاذي كلمتي المهم اعطيني السيديات اللى عندك واختارت حنين سي دي تامر حسني كل اللي فات من عمري عده كأنوا ساعات اول ماشفت عنيك هقولها وخلاص بعشق عنيه وبحبوا يناس مهما عمل فيا داه اللي زيك انت يتشال على الراس وماينزلشي زياد يقول في نفسه : والله انو عدى كأنوا ثواني مو ساعات حنين : فارس وقف هنا في باسكن روبنز فارس: أوكي بس أأشر لي محمد يوقف (ونور السياره ومحمد فهم وقف ) فارس : ايش تبون وجدان : نبي نزل حنين : خلاص هم يجيبون لنا زياد : يلا عاد قولوا ايش تبون ترى اجيب على كيفكي (حب يغيض حنين ويبغي يعرف هي تنظر فيه بس مو عارف علشان النظاره اللي لابساتها هيا وجدان) وجدان : انا ابي فاروله حنين : انا ابغى امم فارس : يلا قولي حنين : اف انا احب بلاك اند وايت بس يجبلي بحلقي يعورني زياد : يمكن عندك حساسيه من الشكولاته حنين : لاء بس انا كده بعض الشوكولا اللى احبها تجبلي حرقان بحلقي فارس : يعني ايش اجلك حنين : جبلي بلاك اند وايت من زمان عنو زياد : وحلقك بعدين يجبلك الحرقان حنين : مشتهيتوا فارس وزياد : أوكي نزل فارس وزياد ومعاهم محمد فارس مسك حقوا وحق وجدان وزياد اخذ زي حنين ومعاه الاتنين ومحمد اخذ وراح سيارتوا فارس : تفضلي وجدان وجدان : شكرا فارس( ينظر بوجدان بمرايه السياره ويغمز لها ): عفوا زياد : تفضلي حنين حنين : ثانكس زياد : ولكم حاظرين للطيبن حنين : تسلم زياد : الله يسلمك وراحوا على سوق ال***** وطول الطريق اغاني ويتلذون بايس كريم لمى وصلوا هناك كان عبد الله وهبه بسوق يتسوقون وسعود مع هدى قاعدين بالكوفي وجدان : رويده فين ؟؟؟ حنين : جايه بالطريق فارس : يلا شباب الكوفي زياد : لا توك اكل ايس كريم ويغمز له خلينا مع الغالين فارس : معاك حق محمد : فين صحبتك اتاخرت؟؟؟ حنين فاهمه محمد : لاتخاف الحين بتجي محمد : حنين انا احس باحساس غريب مادري هو حب ولا لاء حنين : انا فاهمتك محمد نتكلم بالطعم محمد : أوكي جات رويده بس حنين ماشافتها حنين : تكلمها بالجوال: فينك رويده: لفي شوفي مين وراكي |
|
|
#3 |
|
|
رد: رواية يا حظ عينك بقلمي ، كاملة
البارت الثالث حنين : تلتفت تلاقي زياد وفارس وجدان ومحمد وحده جايه حنين ( تسلم بيدها عليها عيب م بمكان قدام الناس ) :هلا وحشتيني رويده : وانتي اكثر كيفك ؟؟ حنين : تمام هاذي جودي حياتي محمد يلاحظ رويده بكل حركه وهو معجب فيها حنين : يلا ندخل ****** (محل اكسوارات معروف وفي قسم للملابس) وجدان : يلا رويده : انتي تحبي المحل داه مرره حنين : امم اغراضوا خطيره دخلت حنين وجدان ورويده كانت حنين عند الاكسسوارات ورويده وجدان عند الملابس زياد يراقب حنين بكل حراكتها وطريقه اختيارها وذوقها ورقيها ومحمد عيونه تلاحق رويد اللى تتصرف بعفويه وفارس هيموت على وجدان حنين محتاره بين شنطه في منها لون وردي وشنطه تانيه بني : البني احلى حنين: ياماما زياد خوفتني سوري زياد: البني احلى حنين : هيا البني احلى بس الوردي يجذب حلو زياد فرح انو فتح حوار معاها : امم صح انتي ايش اخترتي اكسسوارات ؟؟؟ حنين : شوفها حطيتها بالسله زياد يشوف السله : امم ذوقك حلو حنين مستغربه من زياد وتعاملوا معاها من غير مايستفزها : تسلم هذا من ذوقك وراحت حنين عند رويده وجدان اللي عند الفساتين حايسين حنين : ايش فيكم؟؟؟؟؟؟؟؟ رويده : ايات احلى الازرق أو الاسود حنين لاحظت زياد اللي يراقبها وارتبكت حنين : امم شوفي الاسود ناعم ولونه حلو بس الازرق شوي قوي مو الازرق الهادي ولا الازرق اللى انا احبوا شويه قوي بالأخير انتي حره انتي الله هتلبسيه مو انا رويده : بس انا احب ذوقك حنين : أوكي تحبي ذوقي بس انتي اللي تحبيه وتحسيه اقربلك انتي اللي هتلبسي مو انا البس يعكس الشخصيه والذوق زياد اعجب زياده بحنين رويده : حنين هتبدئي تتفلسي انتي ايش اخترتي حنين : انا اخذت اكسسوارات وجدان : واو خطيره رويده : بس حنين : لاء اشتريت شنطتين وحده وردي التانيه بني رويده : واو صح ذوقك جنان حنين: بنات تعالوا نطلع فوق نروح (محل اكسسوارت لان حنين تموت عليها بس المحل مره فخم ومعروف ماركه ) رويده : يع ماحبوا وجدان : بلعكس اغراضوا حلوه رويده تقلد المصرين : مابحبوش حنين بابتسامتها الساحره : هههه أوكي انا وجدان هنروح وانتي رويده : انا هلف هنا محمد في نفسه هاذي فرصتي رويده تلف في المحلات ومحمد وراها ويشوف ذوقها ونعومتها اما فارس جاتوا مكالمه من ابوه عن الشغل وحنين وجدان دخلوا المحل مع زياد حنين : واو شوفي النظاره خطيره وجدان : حلوة بس كبيره حنين : بس خطيره وجدان : حنوا تعالي شوفي الشنط ؟؟ حنين : جودي انا ماحب شنط هذا المحل بس احب الأكسسري وجدان : بس فيه شنطه خطيره شوفي حنين : امم حلوة بس انا لاء وجدان : أوكي انتي حرره انا بشتريها حنين : ههه أوكي وطول الوقت وزياد معجب بذوق حنين ورقيها وتعاملها بس يبغى يعرف تفكيرها اسلوبها لفوا بالسوق لين الساعه 8 بعدين راحوا على المطعم اللى اختارتوا حنين فارس : والله المطعم حلو حنين بثقه : طبعا ذوقي زياد : واثقه ؟؟ حنين : طبعا انا حنين وجدان : وينهم تاخروا حنين : الحين يجون محمد : حنوا حنين : هلا محمد: مو قلتيلي نتكلم بالمطعم يلا تكلمي كلهم يعرفون القصه حنين : أوكي بس محمد : بس شنوا هيا مخطوبه ؟؟؟؟؟؟؟؟؟؟؟؟؟ حنين : محمد رويده مو مخطوبه بس انت اللى مو عارف تحدد مشاعرك لازم تفهم هل انت تحبها او معجب فيها هيا هاذي البنت اللي انت تتمناه هاذا اسلوبها هاذا شكلها طريقة تفكيرها وانت لازم تحدد مشاعرك اتجاهها ورويده بنت الكل يتمناها محمد يقاطعها : بس انا حاس اني احبها بس خايف لمى احبها تكون هيا حبتني حب مراهقه حنين بتسامه : محمد صح احنا بسن مراهقه لكن احنا فينا عقل ونعرف نحدد مشاعرنا ونفهم ونعرف احنا مو بهذا الغباء اللي نحب فنان او نحب حب مراهقه أوكي انا معاك سننا سن مراهقه بس كلمة مراهقه مو معناها الحب اللي كلام لأن مافي حب كلام يأما ابيض يأما اسود ورويده تعرف تحدد مشاعرها فارس : والله صادقين يوم قالوا عنك فيلسوفه زياد يهمس لمحمد : بس كلامها مقنع محمد : من جد وفي هذا الوقت دخل سعود وهدى وعبد الله وهبه عبد الله : حلوا المطعم هبه : ام مره حلو ذوق مين ؟؟؟ وجدان : ذوق حنوا هبه : خطير انتي تحبيه ؟؟ حنين : انا احسوا رومنسي بلجلسه والاضاءة هاديه وكمان يختار اغاني حلوه رومنسيه وكانوا مبسوطين كلهم بلجلسه وكان زياد يعجب بأسلوب حنين وتفكيرها بعد العشاء راحت وجدان بيتهم مع زياد ومحمد وحنين وفارس رجعوا البيت وعبد الله وهبه راحوا يتمشموا بسياره عبد الله : حياتي هبه : نعم حبيبي عبد الله : سمير نايم صح هبه : صح عبد الله : ايش رايك نروح فندق هبه : ماعندي مانع وراحوا فندق وانبسطوا اما سعود وهدى راحوا عند البحر سعود :هدهودتي هدى : امم سعود : تحبيني ؟؟؟ هدى : انا اتنفس هواك سعود : الله لايحرمني منك هدى : ولا منك بينما ا ا حنين كانت في غرفتها تفكر في تغير زياد معاها ونظراته ومعقوله يحبني وكانت تنظر إلى الى الاغراض الي اشترتها خصوصا الشنطه البني اما وجدان كانت تحاول تفسر حركات فارس معاها ونظراته لها اما زياد كان في نفسه معقوله حنين لدرجه هاذي حلوة وطيبه ودلوعه وتفكيرها واسلوبها جنان ياترى اقدر اخليها تحبني فارس كان يتخيل وجدان ويتذكرها ويقول والله ياوجدان احبك اه لو تدرين ايش كثر حبك بقلبي اما محمد كان يفكر بكلام حنين وبرويده يطبق عليها الكلام اللي قالتوا حنين هكذا مر اليوم على كل من الشباب والبنات صباح اليوم الثاني التلاثاء أم عبدالله جالسه بصاله أماني : صباح الخير أم عبد الله : هلا بنيتي غريبه صاحيه أماني : هههه ايوه ماما عشان الشغل أم عبد الله : العقبه لحنين والصحيان بدري أماني : حنين مستحيل دخل عبد الله وهبه : صباح الخير أماني باستغراب : صباح النور أم عبد الله : هلا خير فيكم شئ؟؟؟ أماني : هبه تعبانه ؟؟؟؟؟؟ عبد الله : لا بسم الله عليكم بس كنا بره نايمين بالفندق هبه خلاص استحت من أم عبد الله واماني أم عبد الله : الله يوفقكم أماني: اها طيب ترى سمير مع الشغاله بيموت من البكى هبه : انتي مو قلتي ماراح اروح السوق وانا قلتلك انتبهي على سمير أماني : انا قلت ماراح اروح السوق علشان كان عندي شغل بلبنك اللي هتوظف فيه مو حرمت نفسي من السوق يطلعلي ولد اربيه واموا نايمه في الفندق هبه انحرجت : اف خلاص بروح اشوفوا عبد الله : هههههههه حرام احرجتيها أماني: وانا ايش دخلني بولدكم ؟؟؟ عبد الله : عمتوا أماني : انت قلتها عمتوا مو اموا عبد الله : اقول انا بروح الشركه أماني : ماتبي تفطر؟؟؟؟؟؟؟ عبد الله غمز لها وقال : كنا بالفندق وافطرت أماني : أوكي باي عبد الله : باي الظهر بعد الغداء الكل جالس مع بعض غير حنين كانت نايمه تدخل أم أحمد وندى وأحمد : السلام عليكم الكل : وعليكم السلام وسلموا على بعض وجلسوا مع بعض أحمد : احم أماني؟ أماني : هلا أحمد : متى راح تستلمين شغلك ؟؟ أماني : بعد كم يوم امس انحرمت من طلعة السوق علشان اخلص الاوراق أحمد : ههه لو اعطيتيني انا اخلصها لكي أماني : لا مو مشكله مانبي نتعبك أحمد : تعبك راحه وكانو يتبادلون النظرات بينما ندى كانت مخطه على شئ ندى : خالتي أم عبد الله : هلا حبيبتي ندى : خالتي حنين وجدان ماكبروا علشان يغطون عن عيال عمها وعيال خالها أم عبد الله : لا حبيبتي كبرت بس حنين وجدان مايلبسون قصير او ضيق قدامهم وشعرها هي كانت ناويه تغطيه نهاية ثاني ثانوي ومايفرق الموضوع اذا نهاية ثانيه ثانوي او بدايتها أبو عبد الله : انا اليوم اكلمها بس انتي ياندى تغطين عن عيال عمك ( حب يحرجها هو فاهم قصدها) ندى بارتباك : هاه حتى انا هغطي عنهم ندى في نفسها تستاهلي ياحنين اليوم هتنقهرى ولا هتقدري تسوي شئ احسن اما حنين لمى ابوها قالها الموضوع ولا اهتمت وحست انو موضوع عادي ولا حست بتغير انو راح تصير تتحجب لانو بنسبه لها شئ عادى لانهم كلهم بالعايله يتحجبوا مايغطوا فما فرق معاها حتى وجدان ماعطت الموضوع اهميه بس استغربت منهم انهم طلبوا وقالت في نفسها احنا المرات اللي نشوف فيها عيال عمي بشعرنا بالعيد او مناسبه كبيره غريبه بس يلا عادى مايفرق اما عيال عمهم كان بنسبه لهم شئ عادى جدا سعود وعبدالله ومحمد اما فارس قال بنفسه ياربي انا المرات اللى اشوفها وتطلع لنا بالعيد او المناسبات يلا انشاء الله تكونين لي واشوفك ليل نهار ياعمري اما زياد كان يقول لمى جيت من امريكا هيا مرتين اللي شفتك ياحنين بشعرك على طول قروا انهم يخلوك تتحجبي بس انتي قمر وصورتك انحفرت بقلبي اه ياحنين ايش سويتي فيني في غرفة حنين الساعه 5 العصر تصحى من النوم وتصل بي رويده حنين : هاي رويده : هلا حنين : روري كيفك ؟ رويده : تمام انتي كيفك ؟ حنين : تمام تعالي اليوم عندنا وبتصل بوجدان وندى رويده : أوكي الساعه 7 اجيكم حنين : اوكي باي استناك رويده اوكي باي تتصل حنين على جوال وجدان وجدان : هلا حنين : هاي كيفك جودي وجدان : تمام انتي كيفك .؟ حنين : انا تمام يلا قومي تعالي رويده هتجينا وجدان : متى هتجى؟؟؟؟ حنين : الساعه 7 المغرب وجدان : أوكي اقوم اخذ شاور والبس واجيك حنين : اوكي يلا سي يو وجدان : سي يو قامت حنين واخذت شاور ولبست بنطلون جينز كحلي وبلوزة وردي وفتحت شعرها على ضهرها خلتوا ناعم وعملت ميك اب خفيف ونزلت تحت حنين : هاي فارس فارس : هاى حنو حنين : وين موني؟؟؟ فارس : راحت عندها شغل في البنك اتسوي اوراق توظيفها حنين : حرام تعبت المسكينه المهم انت وعبد الله بليز اوت فارس : تعجبني الطرده اللي باحترام لا والله مو على كيفك قولي السبب علشان اقبل الطرده حنين : ههههههه علشان رويده وجدان جايني وابغى رويده تاخذ راحتها فارس : وجدان ؟؟؟ طيب ابغى اشوفها واسلم عليها حنين : فارس بكره كل العايله هتجي سلم عليها على كيفك فارس : طيب تبغين اجبلك شئ؟؟؟؟ حنين : نو ثانكس كتبت الاغراض اللي ابغاها بورقه واعطيتها السواق باي فارس : اوكي باي اما عبد الله فرح انهم مطرودين من البيت واخذ هبه وسمير عبد الله : حياتي هبه : نعم حبيبي عبد الله : يلا قومي البسي انتي وسمير اليوم هنطلع طلعه عائليه هبه : ليش غريبه دايم تقولي خلي سمير عبد الله : حنين طاردتنا من البيت هبه : ههههههههه أوكي بتجهز عبد الله : اوكي استناك بسياره باي هبه : باي عبد الله وهبه وسمير طلعوا طلعه كانت يسودها الجو العائلي اما وجدان وصلها زياد يوم عرف انو وجدان بتروح بيت عمها او بالأخص عند حنين وجدان : شكرا زياد زياد : العفو نزلت وجدان من السياره وكان فارس طالع من البيت فارس : هلا وغلا وجدان كيفك وجدان في نفسها ياربي مايحرجني : الحمد لله بخير انت كيفك فارس : بخير بشوفتك وجدان دخلت بسرعه عند حنين قبل مايزودها فارس فارس : هلا زياد اخبارك زياد : تمام انت كيفك وين بتروح فارس : بخير انا الحمد لله مطرود زياد : ههههههههههههه مطرود من مين ؟؟؟ فارس : حنو طاردتني علشان رويده وجدان زياد : ههههههههههههههههههههههههه فارس : انت عندك شغل بالمستشفى زياد : لا دوامي كان شفت الصبح فارس : اجل مشينا عند الربع زياد : مشينا اما وجدان دخلت عند حنين وكانوا بغرفه حنين وكانوا يسمعوا اغاني ويحطوا مناكير ويمسحوا المناكير لغاية ماوصلت رويده أم عبد الله : هلا والله بنيتي رويده رويده : هلا فيك ياخاله كيفك أم عبد الله : الحمد لله انت شلونك؟؟ رويده : احمر اه الحمد الله أم عبد الله : ههه يازينك يارويده شوفي حنين وجدان بغرفتها رويده : عن اذنك ياخاله أم عبد الله : اذنك معك دخلت رويده غرفة حنين رويده : هايوا وجدان : هاي كيفك حنين : هاي شطوره ماتأخرتي رويده : هههه نزلت اغاني خطيره حنين : لمين؟؟؟ وجدان : سمعتوا اغنيه تامر حسني الجديده come back to me حنين : امم خطيره رويده:عندي وجدان : ارسليها بسرعه رويده : اوكي وسهروا البنات مع بعض اغاني ورقص لغاية الساعه 11 ونص بعدين وجدان راحت بيتهم ورويدة راحت بيتها وندى طبعا ماوافقت تيجي أم عبد الله : رويده طيبه حنين : مرره واخلاقها عاليه أماني : ياربي تعبت الحمد لله اليوم خلصت كل الاوراق ومن يوم السبت هبدا شغل حنين : مبروك والله يعينك على الصحيان بدري أماني : امين أبو عبد الله : العقبه لكي ونشوفك من الساعه 7 صاحيه حنين : اهئ لالالالالالالالالا اعوذ بالله انا اكره المدرسه عشان الصحيان بدري اجازة واصحى بدرى الكل : هههههههههههههههههههههههههههههه ههه حنين : بابي أبو عبد الله : نعم ياحبيبة ابوكي حنين : بابي وين هنسافر هاذي السنه ؟؟؟؟؟؟؟؟؟؟؟؟ أبو عبد الله : انتي وين تبين ؟؟ حنين : أمم فارس : نروح ماليزيا حنين : لاء نروح باريس أماني : لالالا نروح تركيا أم عبد الله : لا مانبي نروح بعيد نروح مصر أبو عبد الله : نروح السودان حنين : نو بابي السودان مستحيل مافيها شئ حلو أبو عبد الله : انتو بقى مكان في العالم ماقلتوه اجبلكم خريطة العالم تختارون الكل : هههههههههههههههههههههههه أبو عبد الله : هاذي السنه يمكن مانسافر عندي شغل مهم انا وعمك حنين : اف أماني : لالا عبد الله : ابوي يقولكم عندنا شغل ماتفهمون ؟؟؟؟؟؟؟؟؟؟؟ هبه : بس طفش هنا نبي نغير جو عبد الله : بس عندنا شغل واذا خلصنا شغلنا من عيوني أبو عبد الله : انشاء الله نقدر نخلص الشغل واوديكم وين ماتبون حنين : اوكي أماني : انشاء الله فارس : طيب بكره متى بيجي عمي وخالتي أبو عبد الله : بيتغدون عندنا وبنسهر حنين : بكره شهادة ندى صح ؟؟؟ هبه : صح حنين : ربي يساعدها انا خايفة من الشهاده هبه : امين بس لاتخافي انتي شطور حنين ابتسمت أبو عبد الله : وين سمير انا هنا دو ( جدو) أبو عبد الله : هلا والله تعال عندي تعال سمير حبيبي سمير راح يجلس بحظن جدو وكملوا السهره بجو عائلي يملاه الحب والدفء والحنان ****************************** ******************** يوم الربوع بعد الغداء كان الكل جالس في حديقة البيت الكبيره اللي كلها ورد واشجار كانوا جالسين قريب من المسبح حنين : ندوش مبروك ندى بعصبيه وكره : الله يبارك فيك حنين : كيف نسبتك ؟؟ ندى : مالك شغل حنين : عارفه بس اسئلك علشان اعرف تدخلك زي انا وجدان نظام مطور في الثانوي ا ولاء علشان لازم تكون نسبتك فوق التسعين أحمد : ندى حنين ماقالتلك شئ حنين : لاءعادي مو مشكله زياد اعجب برد حنين كان رد صائب بدون مايجرح اما ندى كانت خلاص محروقه وخصوصا انو نسبتها ماتقدر تدخل فيها بنظام مطور أم احمد : حنين مارسلولك النسبه ؟؟ حنين : لاء والله خلاص هنجن من التفكير وجدان : حتى انا أبو سعود : الله يوفقكم حنين + وجدان من قلب : امين زياد : حنين ايش اخترتي ادبي او علمي ؟؟ حنين : علمي انشاء الله فارس : وانتي وجدان وجدان : وانا بعد علمي انشاء الله أبو عبد الله : سعود سعود : هلا عمي ابو عبد الله : وين هدى؟؟؟؟ سعود : تعبانه قالت تحاول تيجي بالليل ابو عبد الله : سلامتها سعود: الله يسلمك هبه : حنين امسكي سمير عندك حنين بدلع : ياربي ايش الطفل الشقي هاذا عبد الله : انتي عمتوا لازم تستحمليه حنين : انا عمتوا حرام انا صغيره ولا اسم ولدك سمير من فين جايبين الاسم هاذا تقول ***** وجدان تتكلم مصري : تعال ياسمير تعال ياحبيبي اقعد هنا ماتتحركش الكل يضحك على وجدان : هههههههههههههههههههههههههههههه ههههههههه هبه : والله اسم ولدي يجنن حنين : صادقه خطير سمير خمير فطير الكل:ههههههههههههههههههههههههه ههههه عبد الله : مو كانك اخذتي ولدي تريقه حنين : لا لا حرام انا ماخذت ولدك تريقه انا اخذت اسم ولدك تريقه الكل :ههههههههههههههههههههههههههههه محمد : حنوا حنين : نعم محمد : سمعينا صوتك ؟؟؟ حنين فهمت قصد محمد : هاذا انا من اول اتكلم محمد : حنوا غني بليز حنين باحراج : لالا محمد ماقدر والله استحي زياد باعجاب : حنين اتغنين ؟؟ حنين : هاه لالالالا محمد : لا تغني وصوتها يجنن زياد حب ايغيضها علشان اتغني :اجل صوتك مو حلو لو حلو غنيتي حنين في نفسها هذا رجع لي الاستفزاز : ايه صوتي مو حلوا محمد : حنين بليز ابيك اتغنين حنين : محمد ابوي مايحب القيتار وانا ماعرف اغني بدون قيتار أبو عبد الله : انا ماواطن القيتار بس احب صوتك غني من دون القيتار حنين : من عيوني بس بعدين مو اللحين زياد باستغراب : انتي تعرفين تعزفين على القيتار؟؟؟ حنين : امم وجدان : لا وعزفها يجنن وتعرف للعود بعد حنين تتهرب : موني وين كنتي ؟؟؟؟ أماني : كنت اكلم هدى حنين : كيفها ؟؟ أماني : تقول عندها خبر حلو وبتجي بالليل فارس بهمس : حنوا حبيبتي حنين : عيونها فارس : قولي لبوي نبي نروح المزرعه كم يومم حنين : لالالالالالا انا ماحب المزرعه فارس : حنو حبيبتي والله هنا طفش حنين : لا نروح مطعم سوق بس المزرعه لا فارس : انتي ليه تكرهيها حنين : مو اكرهها بس هناك كل شئ حلو بس لمى نروح نتمشى في المزرعه من جوا احس بقرف من الطين والتراب فارس : وعد مانروح ندخل بالمزرعه من جوا بس في الاستراحات والمسبح والحديقه الجلسات وعند الخيل حنين : امم طيب أوكي قول لي بابا فارس : لو قلتلوا ماراح يوافق انتي قوليلوا حنين : اوكي وجدان : وناسه هناك حنين : امم واهم شئ ماراح ندخل جوا المزرعه حنين : بابي أبو عبد الله : هلا حبيبتي حنين : ابطلب منك طلب انت وعمي أبو سعود : قولي ولكي اللي تبين حنين : تسلمون بس ايش رايكم نروح المزرعه كم يوم ؟؟؟ أبو سعود : فكره حلوة ايش رايك يا ابو عبد الله ؟؟ ابو عبد الله : ماعندي مانع بس حنين : بس شنوا؟؟ أبو عبد الله : لو رحنا هناك كيف اعطيكي هدية نجاحك ماينفع حنين : مو مشكله لمى نرجع تعطيني هيا أماني : بابا شنوا الهديه أبو عبد الله : صاحبة الهديه ماسألت حنين : ايه شنو هيا أبو عبد الله : مفاجئة بس اقدر اقولك انو شئ وردي وانتي تحبيه حنين : واو وردي محمد : انا عمري ماشفت احد يحب الوردي زيك حنين : انا اعشق الوردي والفوشي و رويده تحب الموف محمد : هاه هههههه وجدان : حنين تعشق الوردي غرفتها والاب توب حقها وجوالها وملابسها وردي والايبوند عبد الله : ماتملين منو؟؟ حنين : شور نت فارس : وانتي ايش لونك المفضل ؟ وجدان : الاحمر فارس : ياقلبي بموت ابغى رايكم بالروايه ؟؟؟؟؟؟ بليز لاتحطموني امم صدقوني الروايه هتصير فيها مواقف رومنسيه عذاب واحداث خطيره من اكثر شخصيه حبيتوها ؟؟؟ شنو توقعاتكم لشخصيات ؟؟؟؟؟ شكرا |
|
|
#4 |
|
|
رد: رواية يا حظ عينك للمبدعه حنين الورد، كاملة
بنوتات اذا لقيت تفاعل راح اكمل ولا اذا مافيه تفاعل
نوقف لين تنتهي روايه قلت احبك قالت هه حب ولا انتقام |
|
|
#5 |
|
|
رد: رواية يا حظ عينك للمبدعه حنين الورد، كاملة
يعني نوقف لين تنتهي الروايه الاولى
|
