 |
  |
|
|
|
|
#46 |
|
|
رد: طلع الغالي ولد خالي للكاتبه خآرج نطآق التغطيه
الجــــــــــزء الثلآلآلآلآلآلآلآلآثووون والاخيييييييير الفصل الثالث والاخير خالد قالهم السالفه والكل منصصصدم !! معقوله !! ايش قاعد يقول خالد ؟؟؟ مشعل : انت وش تقول تخربط علينا ؟ فيصل : من جد خالد تكلم قول الصراحه خالد : الصراحه اللي قلت لكم جدكم الله يرحمه كان متزوج على جدتي يوم توفت الله يرحمها ورغد هي بنته يعني خالتنا كلنا سعود : لا حول الله هي تجي من جدي ولا من عبدالمحسن خالد : بس ليه ما قلتوا لي عن جدي ؟ ليه مخليني ولا اعرف ايش فيه جدي ؟ مات وانا من زمان ماشفته فارس : مانبي نشغلك عن الجامعه سهام : خالد حنا ماكنا نبي نضايقك وهذي اخر سنه ولازم تشد حيلك احد يسحب بلوزه خالد بخفيف : عمي خلودي جبت لي هديه هذي كانت سمر طالع فيها حس بمعنى الطفوله حس بانها موب عارفه شاللي يصير بها تمنى بـ اللحظه هذي يرجع صغير مايدري عن اللي يصير حوله وماهمه الا الهديه والالعاب اللي تجاب له خالد ابتسم غصب عنه : بالشنطه حبيبتي اللحين روحي نامي اذا قمتي بكره بدري بجيب لك هديه سمر اعطت خالد بوسه على خده : طيب مع السلامه راحت سمر لغرفتها تركت خالد متحسر على اللي صاير معه سعود : ي الله ان ترحمنا برحمتك سحر جت من الغرفه اللي منومه فيها رغد سحر : مين هذي ؟؟؟ فيصل يطالعها : خالتك تخلخلت عظامك سعود : فييصل ! فيصل : هههه امززح سحر : خااالتي !!!!!!!!! عزوز : ايه شفتي كيف كل من جاء صار يقربلنا فارس طالعه بغضب : ايش تقصد ؟؟ عزوز كان يستهبل وحس ان فارس عصب : ايش فيك عصبت ؟؟ فارس سكت وقام رايح لغرفته خالد : شفيه بعد سعود : خير ي عزوز م يصلح كذا مهما كان هذي اخته وتذكر قبل كل ذا اختك !! مشعل : من جد مالك داعي فيصل : ريم مو اي احد طيب !! عزوز : يومه منكم اكلتووني والله امزح سعود : ذا الامور ماينمزح فيها !! خالد مثل الاطرش بالزفه : وش تقوولون ؟؟؟ فهموني ترى والله بس اسمع ولا ادري وش السالفه مشعل : ههههههههه ي قدمك طلع في حركات جديده فيصل : ههههه اي والله طلع عندي اخت وه ي زينها سحر : تراها موب اختك لحالك فيصل : تلايطي خالد : ايشش ؟؟ من وين جت ؟؟ استاذن سعود وعزوز وراحوا يرقدون مشعل : من بطن امي الله يرحمها خالد : تستهبل ؟؟ لا جد اكلمك ؟؟ سحر : انت ايش فيك فارس وفيصل لقوا ابوهم وطلع عندهم اخت خالد : قولوا كذا طيب احنا وش دخلنا ي بهايم هي اختهم فيصل : ي حوول ي الغبي خالد : هي اخووك الكبير انا مشعل : توني ادري فيصل : هههههه قامت سحر تعلمه السالفه والعيال يتسهبلون عليه رآح الوقت والكل راح يرقد ********* في الصباح في مدرسه ريمو ريمو : وهذي السالفه كلها بيان : ايششش ؟؟؟ معقووله ؟؟؟ شوق : الله طلع عندك اخواان ثانين ريمو : ههه وربي اخواني عسل شوق : قابلتيهم ؟ ريمو : لا بس اثنين اللي هم اخواني من ابوي وامي بيان : هههههه حلوه طيب حلووين ؟؟ ريمو : خووقااااااااقيييين بيان : حلففت علييك لي واحد لاترديييني ريمو : عطيييتك ولا ييغلى علييك هدييه مني لك فاارس شوق : هههههههههههههههههههه اهم شييء وانا وش لي ريمو : ولد اخووي اذا جابت حرمته ولد شوق : مالت الا مالت بيان : اخصص تعرفين كل شيء عن العايله ريمو : يب يب عشان سحر كانت صديقتي شوق : متى بتقابلين اخوانك كلهم ؟ ريمو : والله مادري بس اكيد اذا عرفت مامتي واخواني ********** قامت من النوم مفزوعه تحلمت بحلم يروع تذكرت كل شيء صار بالامس قعدت بحزن وياس كل شيء مقلوب ضدها ماعمر الفرحه دامت لها حست بضيق من الدنيا فاجئها دخول احد على غرفتها : هلا قمتي حبيبتي كانت هذي هنادي جايبه الفطور لرغد رغد تطالعها بهدوء هنادي : هذا فطوورك لازم تاكلينه كله رغد بنفس الهدوء : مابي هنادي : ماعندنا مابي بناكلينه كله رغد استسلمت لـ الحاح هنادي وقامت تاكل وهنادي تسولف عليها حست بطيبه هذي الانسانه *********** رجعوآ الكل لبيوتهم من المدارس والاعمال خالد تووضف بالشرركه وبدا يداوم فيها ********** في بيت سسحر الكل مجتمع للغدا ماعدا الصغار رغد تحاول تتعود عليهم بس ماقدرت لان بينهم حبيبها بينهم خالد سعود : خالد خالد : سم سعود : سم الله عدووك خالد : وعدوك سعود : ماشاء الله عليك هذا انت كبرت تخرجت وتوضفت والحمدلله ما نااقصك شيء ليه ماتستقر وتتزوج ؟ صاعقه على الاثنين خالد ورغد التفتوا لبعض عيونهم تعلقت ببعض عزوز : اي بالله ي خاالد تزوج والله اني ناوي اتزوج بس ابيك تتزوج قبلي سحر : ههههههههه اخصصص بعد انت ناوي تتزوج ؟؟ عزوز : اييييوالله فيصل : مين سعيده الحظ مشعل : الا قل تعيسه الحظ عزوز : هاهاها مره مضحكين فارس : ايه وانتم تزوجوا عشان الحقكم هنادي : ماشاء الله كلكم ما يبقى الا فيصل ومشعل مشعل : انا مابي اتزوج الا اذا دخلت الاربعين سحر : ههههههههههههههههههههه مين بتقبل بشايب ؟ مشعل : عادي مو مهم فيصل : اخصصص اخواني الثلاثه خلوا زواجكم واحد عزوز : لا ابي زواجي غير شكل ولحالي سحر : بالله مين اللي ناوي عليها عزوز : تبوني اقوول هنادي : لك مني اخطبها لو اليوم عزوز تحمس : صدق ؟؟؟؟؟ سحر : هههههههههههههههههههههههههههه شكلك تحبها من قلب عزوز : لوعندي قلبين حبيتها بكلهم فيصل : الله الله قمت تعطي حكم ومواعظ فارس : هههه صدق الحب وما يفعل سعود : اول خل خالد يتزوج ثم نبدا بك سحر : يالله قوول ي ملا اللي موب قايله عزوز بحب ورومانسيه : ابي اتزوووج الكل ينتضر والحمااس بعيونه عزوز : رناا سحر : رنا مين ؟؟ عزوز بستحقار : رنا مين يعني بنت خالي صدمه لفارس معقوله عزوز يحب رنا اخووه يحب حبيبته ؟؟!!! بس كيف ايش بسوي ؟؟؟ كانت افكار متلخبطه بعقل فارس ليه مافكر الا برنا ؟؟ سعود : والله ونعم الاختيار فيصل : هههههههههه ي حركاات لو درى عنك طلال ذبحك عزوز : هههه سحر : والله انك ذوويق عزوز : تووك تدرين فارس قام من السفره سعود : وين فارس ما اكلت شيء ؟ فارس وهو معطيهم ظهره : شبعت الحمدلله وراح لغرفته ضاق صدره مايدري ايش يسوي ماحس بنفسه الا وهو يدق على ريم نرجع للسفره سحر : هاه خاالد مين تبي تتزوج رغد كانت ساكته تبي تنتضر جوابه تنتضر باحر من الجمر سعود : لا يكون ماتبي تتزوج ؟؟ عزوز : يرحم امك تزوج وفكني فيصل : ههههههههه حرام علييك شكل صبر عليك لحد تفل العافيه خالد ببرود : عادي اللي تشوفون بس عندي شرط الكل : ايش ؟ خالد يطالع رغد ويحاول يبتسم : ابي خالتي الجديده هي تختار لي رغد الكل يطالعها حست انها تبي تموت ليه كذا ي خالد ليه ؟ قامت من السفره قبل لايشوفون دموعها راحت لغرفه الضيوف اللي صارت غرفتها مؤقت قفلت على نفسها وقعدت تبكي تبكي وتبكي بحرقه معقوله يبيني اختار زوجته يبيني اختار وحده ما تمنيتها الا تكون اناا ؟؟ *********** في بيت ابووفارس قاعدين يتغدوون دق جوال ريمو طالعت الشاشه ( العاقل ) ارتبكت على طول قامت من الطاوله وراحت غرفتها ام ريان : شعندها ؟ ابوفارس : لا ماعليك حركات بنات ريمو راحت لغرفتها بسرعه وردت ريمو : هلآلآلآ فرووس فارس : هلا فيك ريمو : كيفك علووومك ؟؟؟ فارس : ماشي حالي وانتي ريمو حست ان فارس فيه شيء : فرووسي حبيبي فيك شيء ؟؟ تكلم قول ؟؟ فارس يحس من سمع صوتها ارتاح : لا مافيني الا العافيه ريمو : موب علينا ذا الحركات يالله قول تكلم فارس مايدري ايش يقولها : ابد والله ماصار شيء ريمو : همم طيب ليه داق ؟ فارس : اتطمن علييك ي الدووبه ولا ماتبيني ادق ريمو : ههههههههههه لا بس استغرب وقتك مره حلو فارس :ههههههههههه شكلك كنتي مششغوله وازعجتك ريمو : اي والله كنت اكل فارس انفقع ضضحك قعدت شوي تكلمه : رييييييييييييييييم ميييييييييين تكلمممممممين ؟؟؟؟؟؟؟؟ ريمو من الخوف رمت الجوال رفعت راسها لـ ربى ربى : ريم مين هذاا ؟؟؟ مين فروس ؟؟ ريمو : كنتي تتسمعين ؟ ربى : جااوبيني مين فروس ؟؟ ريمو : ماالك دخخل ربى : ريييمووه تكلمي وربي مو من صالحك ريمو قامت تاخذ الجوال لقت باقي الخط مفتوح تفشلت وش تقول لفارس ربى : ريييييييم ريمو : وجع مالك دخخخل وباي حق تتسمعين علي ؟ ربى : شفت شكلك مو طبيعي يوم دق الجوال ريمو : وش علييييك اطلعي برى لو سمحتي ربى : طيب طيب ي ريمو حسابك عندي طلعت وسكرت الباب بقوه ريمو عظت لسانها من الفشله ردت : فارس موجود ؟ فارس : ريومتي لايكون سببت لك مشكله ؟ ريمو بفشله : هاه لا انت سمعت شيء ؟ فارس : ابد سمعت وحده تصارخ ريمو : عادي ماعليك لاتهتم فارس : طيب خلاص انا بس حبيت اتطمن ريمو : طيب فارس : مع السلامه انتبهي لنفسك ي اختي الحلوه ريمو : ههه ان شاء الله باي سكرت ريمو من فارس وماتعبت نفسها تفكر باللي صار حدها تعبانه راحت نامت طوالي *********** مر الاسبوع بدون احداث تذكر رغد انسجمت مع عايلتها الجديده عاملوها كانها اختهم موب خالتهم وفي الويكند **** عايله ابوفارس ابوفارس عازمهم على عشا في احد المطاعم الكل مستانس وسوالف وضحك ابوفارس : لوسمحتم ابي الكل يسمعني الكل طالعه بانصات ابوفارس : بس دقيقه طلع شوي ثم رجع دخل وقعد بمحله ابوفارس : تدرون اني احبكم كلكم ربى : ههههه بابا شعندك ؟ ابوفارس قام يقولهم السالفه الكل منصدم خاصه ام ريان ابوفارس : شفتم ريم الكل التفت لها ابوفارس كمل : ماهي بنتك ي ام ريان ام ريان : ايش ؟؟؟؟ ابوفارس كمل لهم السالفه صدمه 3 دقائق ابوفارس : اددخلوو دخل فارس وفييصل والابتسامه شاقه حلقهم ريمو قامت سلمت عليهم الكل متعجب وساكت ابوفارس : هذولا اخوانكم قوموا سلموا عليهم هذولا فارس وفيصل ربى : هذا اللي كنتي تكلمينه ؟؟؟؟ ريمو : ايوه لييييه كنتي تششكين فيني ابوفارس بصوت منخفض لام ريان ابوفارس : اسف ي الغاليه ماقدرت اقولك ماعرفت اتصرف اعذريني واعتبري عيالي عيالك لاتهون عليك العشره الكل ساكت خمس دقايق مرت بصعوبه فارس حس انهم موب مرغوب فيهم وفيصل مره متوتر : حياكم الله ي عيالي ايوه كانت هذي كلمه ام ريان لفارس وفيصل جو حبوها على راسها وبعدين قاموا يسلمون على بقيه اخوانهم قعدوآ وتبادلوا السوالف وتعشوا واستانسو ثم رجعوآ لبيتهم ***** عند رغد بغرفه خالد رغد : لييه سويت كذا خالد : اذا مو انتي زوجتي فـ ابيك تختارين زوجتي رغد : ماقدر اختارلك خالد يطالع كيف هي تطالعه بنفس نضرات الحب الاوله رغد : ابي ارجع كندا خالد : ما فيه رغد : مابي اقعد هنا خالد : مستحيل نخليك تسافرين رغد : طيب ابي امي خالد سكت مايمديه يرفض خالد : طيب برسل احد يجيبها رغد : طيب طلعت من غرفه خالد كيف بتختار له زوجه والكل بالبيت مزعجها يبون يفرحون بخالد وهي ماتقدر تختار له غيرها زوجه ***** انتثر خبر فارس وفييصل عند الناس الكل متحمس يبي يعرفهم ! وعند عايله سحر مسوين عزيمه كبيره عشان ريمو ورغد الكل يتجهز ومتحمس مره ** عنــد عاايله ابوفارس ريمو : يومه قلبي يدق دقن مبرحا ربى : هههه شفييك ريمو : خايفه ربى : لا ماعليه عادي ربمو : ي حماره ليه ماتجين معاي ربى : لالا مالي دخل ريمو : تكفين تعاالي ام ريان : ريم ماخلصتي للحين ؟؟ ريمو : يومه خايفه ام ريان تمسح على شعرها : لا ماعليه موب ماكلينك ضربتها على راسها بشويش : ويالله اخلصي علينا ريمو : ههههه طيب خالصه ماباقي لي الا العبايه ** عايله ابوطلال رنا : احسها مزيونه ام طلال : هههه ي بنيتي علامك ماغير تفكرين بها ؟ رنا : متحمسه ودي اشوفها من اول وانا متحمسه يوم انها صديقه سسحر عاد اللحين زاد الحماس طلال : هاه عساكم خلصتوآ ؟ رنا : وبنخطبها لطلال ام طلال : هههه روحي البسي عباتك الله يهديك بس طلال : افا تخطبون لي وانا مادري ؟؟ مين سعيده الحظ رنا : هههه اهم شيء واثق سعيده الحظ ام طلال : ماعليك منها ذي يالله حنا جاهزين ** عاايله سحر مشعل يستفسر من فيصل مشعل : وطولها فيصل : هههههه وججع خلاص تجي وتشوفها مشعل : احسها بتستحقرني فيصل : لا حبيبه خالد ( يوه وش اقولها كيف اقولها .. شكلي بعد العزيمه بقول لها الله يعين ) مشعل : خوويلد مو متحمس تشوف اختك ؟ خالد : هاه ؟ فيصل : مفهي مو معنا سيف : ايش يعني مفهي ؟ محمد : ايه صح وش يعني ؟ خالد : يعني متنح مشعل : لآآآآآآآآآآآآآآآآ سيف : ايش يعني متنح ؟ محمد : ايه صح يعني ايش ؟ فيصل : لاتعطيهم وجه سيف : وش يعني لاتعطيهم وجه محمد : ايه صح يعني ايش ؟ خالد : هههههه الله يششفيكم سيف : ايش يعني الله يشفيكم محمد : ايه صح يعني ايشش ؟ قام مشعل وسحب سيف ومحمد مع بلآيزهم وطلعهم برى الصاله تركي دخل : السلام عليكم الكل : وعليكم السلام خالد : هلا وينك وين غاط به ؟ فيصل : بعض الاحيان احسك متوحد ؟ مشعل : من جد تركي طالعهم باستحقار وقعد سحر جاايه ترركض ورى يوسف اللي معااه العطر اللي جابه خالد لها سحر بكامل زينتها طالعه تهبل وتركض وراه وهي تلعنه : ي كللللللللللب وققققققف دخلت الصاله ومانتبهت لتركي سحر : خاالد تكككفى قله يوقف فيصل : سلآمآت ترى تركي موجود لفت لتركي اللي مفهي على جمالها صدمه ثم انحاشت لغرفتها تركي على طول قام وراح للمجلس تركي : ي الله ي سحر قد ايش انتي حلوه بس لو تحبيني اخ بس *** في غرفه سحر سحر : الله ياخذ اخوووك عهد : ههههه اي اخو ؟ سحر : ترركي عهد : بل وراه ؟ سحر : كان بالصاله عهد : تستهبلين سحر : كنت الحق يوسف الحمار ودخلت الصاله وشافني قعدت تتحلطم وعهد تضحك عليها *** حاان الووقت الحريم مجتمعين في المجلس حق الحريم والرجال في مجلس الرجال سمر : رييم جت ريم جت ريمو تمسك عبايه امها : يمه خلنا نرجع ام ريان : اقول بلا حركات دلع امشي ريمو مره متوتره دخلوا مجلس الحريم بعد مافصخوا العبايات عند المدخل الكل قام يسسلم هنادي : هلا والله هلا والله بالزين ي هلا بالريم ريمو : هلا فيك سهام : ماشاء الله علييك تبارك الله ريمو سلمت وهي ترجف سحر : هلا هلا بالدوووبه ريمو : هلا ام طلال : ي هلا ي مشاء الله الله يحفظك وش ذا الجمال وينك توك تطلعين لنا لا لزوم نخطبك لولدنا سحر انقهرت بس طنشت ريمو بحيا : هلا فيك الكل قام يسلم قعدوآ سحر : ريمو اعرفك عليهم كلهم ريمو تطالعها ببتسامه : يالله سحر تاشر على هنادي : هذي امي زوجه اخوك سعود عندها انا ويوسف وسيف وسمر وهي حامل مثل ماتعرفين ريمو : هههه ايوه سحر : وهذي عمتي سهام اختك وعندها عهد وتركي ومحمد وفهد -تاشر على عهد- وهذي هي عهد ريمو اكتفت بالابتسامه سحر اشرت على ام طلال : وهذي خالتي ام طلال عندها طلال ورنا اللي جنبها ريمو من سمعت طلال وهي حست بتوتر سحر : وبسس ريمو : هلا والله تشرفت قعدوا يسولفون يتعرفون على ريمو دق جوال سهام : الو هلا .. ايه .. ايه طيب .. ابشر .. مع السلامه سهام ببتسامه لـ ريمو : ريم حبيبتي اخوانك يبون يشوفونك ريمو التفتت على امها بسرعه : هاه سحر : ههههههه شفيك ريمو : اخواني يعني كم ؟ عهد : يعني -قامت تحسب- سته مع عيال اخوانك يصيرون عشره ريمو : هاه ؟ وشو ؟ ي كثرهم !! رنا : هههههه قولي ماشاء الله ريمو بفشله : ماشاء الله ماشاء الله قامت ريمو مع سحر بتوتر ريمو : سحر يومه كثير مابي اسلم سحر : وربي حبووبين يالله ادخلي ريمو : بس عشره كثير علي سحر : ايه صح حسابك معي بعد شوي ريمو : هاه ؟ وراه ؟ سحر : شكلك ناويه تسرقين زوجي ريمو : هههههههههه ي اختي وش اسوي داامني حلوه لهالدرجه سحر : ارحمينا ريمو : ههههههه سحر : يالله ادخلي ريمو : ادخلي معي سحر : في تركي ماقدر ادخل ادخلي لحالك باي وراحت ريمو تجرئت وفتحت الباب الكل عيونه تعلقت على ريمو اللي تقدم لها فيصل وسلم عليها فيصل : هلا بالطش والرش والبيض اللي تفقش ريمو : ههه هلا فيصل سحبها : سلمي على اخوانك طبعا اكييد انك خاايفه وتقوولين مين هذولا الوحوش اللي قداامي ماايششبهون فصوول الجمييل بس ماعليه بتتعودين صدقيني ريمو : ههههههههههه اهم شيء مشعل : ي زيينك ساكت فيصل : هاهاها رفع يده : هذا اخوووك الكبييير سعووود ريمو مستحيه ماتدري تسلم ولالا ؟ ابوفارس : هههه ريم شفييك سلمي عليه ريمو : هاه ؟ ايه ايه طيب قامت سلمت عليه وهي متوتره وحبته على راسه سعود : هلا ب اختي الغاليه ريمو : هلا فيك سحبها فيصل : باقي باقي وهذا اخووك خاالد اللي رحنا لكنداا عشانه ريمو تفشششلت بقووه تذكرت موقفهاا معه يوم بكندا كيف صكت فيه خالد : هههه ما يحتاج تششرح تعالي سلمي علي ي اختي الصغنوونه ريمو ابتسمت وسلمت عليه فيصل : وذا اخوك عبدالعزيز دايم هو الرجل المهم ومن ذا الحركات بس ماعليك منه عزوز : اقوول اننطم لاتشووه صورتي ريمو : هههه فصوول اعررفه يمزح قامت سلمت علليه وهوو ضمهاا ماتت حيا فيصل طالع مشعل ورجع لف لريمو : آعوذ بالله ريمو : ليه فيصل : وصلنا لفقره ماحبها ريمو : وش تقول فيصل اشر على مشعل : هذا اخووك من الرضاعه وي ليته مارضع مع امي نششبه لاتموونين معه ابوفارس بحززم : فييييصل ؟؟؟؟؟؟؟!!! وش تقوووول ؟؟ عيب عليك ريمو تطالعه : حرام حتى لو صدق كذا بس مايصير تقول قدامه ! مشعل : هههههههههههههههههههههههههههههه مااعلييكم متعوود ذا الحمار يسسبني بسس خلني ابعد عنه دقيقه يموت ريمو : ههههههه يعني يقالي فيصل : لاوالله مالت عليك ههههه ريمو سلمت على مشعل ثم فيصل عرفها على البقيه وسلمت على الكل ريمو : وين فارس ؟ فيصل : عند طلال ريمو ارتبكت فيصل : ايه ترى طلال يصير ولد خالك حبييب وبس مسرح ريمو : اهاا ريمو قعدت شوي معهم ثم راحت للحريم اول مارجعت شافت شخص غريب ماكان موجود من اول هنادي : هاه شرايك باخوانك ؟! ريمو : يجننووون سحر : هههه شكلك مابغتي تجين ريمو : هههههههه سهام : ريومه سلمي على خاالتك ريمو تطالع رغد اللي سرحانه ومو معهم ريمو راحت لعندها وسلمت ريمو : هلاوالله رغد : هلافيك وقعدت ريمو استغربت وضعها بس رجعت محلها وسكتت تعشوآ وبعد العشى البنات في غرفه سحر ريمو : ههههههههههههههههه حلوه سحر : اي والله هذي خبله ماعليك منها رنا : ي ويلي الله يعلم مين الخبل ريمو : ابسالكم ؟! الكل : هلآ ؟ ريمو : الحين هذيك خالتي مادري ايش وش سالفتها ؟؟ عهد : فيها من سالفتك ريمو : سالفتي ؟؟؟ سحر : همم يب اسسمعي انا اقوولك السالفه من طقطق لـ السلام عليكم ريمو : كلي اذانن صااغيه رنا : ههههه شعندها ريمو : هههه مادري سحر قالت السالفه لريمو ريمو : يوه ي حرام طيب امها وين ؟ سحر : خلودي ارسل ااحد يجيبها ريمو : اهاا كوويس اجل دقت الباب الخدامه سحر : آدخل الخدامه : سحر مدام تحت قول انزل سحر : طيب انزلوآ البنات ام ريان : يالله ريم مشينا البسي عباتتس ريمو : بدري سهام : خليها تقعد اليوم هنا ! سحر : ايوه عممه تكفيين خلييها تناام عندنا ام ريان : قولوا لابوها ريمو :لالا مابي اقعد سحر تجرها على جنب : ي حماره اهججدي مافيه روحه ريمو : هههههههههههههه وش ذا العنف اقوولك ماجبت ملابسي وانا احسني بموت من اللي لابسسته وبعدين توني اصبري علي سحر : لالا مافي دولآبي هو دولآبك حتى مقااسي نفس مقاسك خلآص عاد رجعت تترجى ام فارس ام ريان : ههه طيب وين ريم ريمو : هلا ام ريان : تبين تقعدين ؟؟ سحر تطالع ريمو بتهديد ريمو وهي تطالع سحر : عادي ام ريان : طيب كلمي ابوتس وقوليله ريمو : طيب مسكت جوالها ودقت وسحر عند السماعه خخ ريمو : الووو بابي ابوفارس : هلا ريم طلعتو ريمو : بابا انا بقعد اليوم هنا ابوفارس : وش له ريمو اعجبتها سالفه قعدتها عشان تبي تمون اكثر على اخوانها فـ قامت تحن وتزن لحد وافق ابوها رآح ابوفارس وام ريان للبيت وتركوا ريم فبيت امها المرحومه عند اخوانها ريمو : مادري احس شكلي غلط بدق على ابوي سحر : اقول بلآ حركات بزران وانثبري ريمو : ههههههههه مو كاني عممتها رنا : هههههههه ممن جججد عهد : ههه تموون سهام : ي بنات البسوا عباياتكم بيدخلون الرجال ريمو : نفس اللي سلمت عليهم سحر : لا ي حبيبتي مفكره ماراح تتغطين وتخلينا حنا نتعب ونتخطى في اخوو رنا طللال يعني غصب تتغطين ريمو : ههههههههههههه ي حوول طيب خلاص لبسسوآ الكل عبااياتهم ودخلوآ الرجال قعدوآ ويسوولفون وضحك وناسه طلال بس يطالع ريم واثنين يطالعون طلال فارس بنفسه : طلال من اول وهو يطالع ريم اصلا من اول باين ان في شيء !! سحر بنفسها : طلال ليه يطالع ريمو ؟؟؟ يمكن معجبته ولا يحبها ؟؟ لالا مستحيل سحر وش تفكرين فيه ههههه صدق الغيره وماتفعل ريمو كل مارفعت عينها لطلال شافت يطالع فيها تستحي وتنزل عيونها وهو مو راضي يشيل عيونه خالد يطالع رغد اللي كل شوي ترفع عيونها له وتركي تضراته كلها لسحر اللي باين انها تطالع بـ طلال عزوز ماغير يطالع برنا ويكلمها وفارس نضراته بين طلال ورنا وعزوز سعود : ريم كم اخوانك اللي ببيتكم ؟؟ ريمو : حناا خمسسه اربع بناات وولد عزوز : ماشاء الله غيرك ؟ ريمو : ههه لا معي سهام : كم عمر اختك الكبيره ؟ ريمو : هممم والله مادري الكل : هههههههههه ريمو تفشلت فيصل : ههههه ريمو تستهبلين ربى ربى ربى -يتذكر- عمرها 20 سنه عزوز : ماشاء الله مشعل : هههه عزوز علامك ماغير تقول مااشاء الله عزوز : وانت وش عليك ي النشبه ريمو : هههههه يوه حرام عليكم ليه كلكم تقولون عنه نشبه مشعل يسوي نفسه يكسر الخاطر : شفتي كيف وانا اخوك محد يحبني ريمو : افا افا واختك ريم ويين رااحت فارس : ههههههه مشعل : والله هذولا الخوات السنعات مو مثل بعض الناس مشعل يطالع هنادي وسهام ريمو : ههههه كلشش ولا اختتي سهوومه رنا : اخصص وتدللع مين ققدك ي ام تركي سهام :هههه استاذنوا عايله ابو طلآل ورآحو لبيتهم ريمو شالت عباايتهاا ولبست بجامه من بجامات سحر ريمو قعدت تسوولف ومره اندمججت مععهم اكثر شيء فيصل ومشعل لانهم هم القريبين من شخصيتها بس لاحظت كذا شخص بالعايله موب على بعضه رغد .. خالد .. تركي تحس في شيء مشغل تفكيرهم واللقافه اشتغلت فيها نطت على تركي ريمو : هلا وانت علامك ساكت تركي طالعها شوي ثم ابتسم : ماعندي شيء اقوله ريمو بصوت شوي عالي : فييصل هذا دايم كذا ؟ فيصل : ايه ايه ماعليك منه ريمو : وانت كل الناس مااعلي منهم فيصل : يب يب بس انا ريمو : ههههههههههههههههه سحر : ريمو لاتكلمين والله تقعدين لبكره ماراح يسولف ذا المعقد ريمو استغربت سحر علامها حاقده : وانت وش فيك عليه ؟ تركي قام وراح لغرفه فيصل ريمو : ليه تكلمينه كذا ؟ سحر : عادي ريمو : حرام ماايصلح كذا سحر : تراه متعود كذا اسلوبي ريمو : لا مو كذا تلعبين علي ؟ سحر : لا بس معه مادري ليه كذا بس ماعليك ريمو : الا علي شوفيه اللحين زعل سحر توها تنتبه انها قاعده تجرح مشااعر طول السنين اللي تمر تحس ريمو فتحت عينها وريمو مكمله كلام وتووبيخ ببنت اخووها سحر قامت ريمو تلحق تركي لغرفه فيصل ريمو تدق الباب : ممكن ادخل ؟ تركي : ايه عادي ريمو : ماعليك لاتزعل تراني غسلت شراعها بس هي ليه تكلمك كذا ؟ تركي : عادي اذا ناس اهتموا بناس لازم يتغيرون ريمو حستها مساله حساابيه بس اللي فهمته شيء واحد : تركي تركي : هلا ؟ ريمو : انت تحبها صدمه لتركي كيف ريمو عرفت وسحر بنفسها وطول السنين ماعرفت ؟ تركي بغباء : مين ؟ ريمو : ترى باين عليك تركي : لا ماحبها ! ريمو : تلعب علي تركي : لا ريمو : اسمع ي تركي ترى انا لاني موب معكم ولاول مره اجلس معكم واعرفكم انا اشووف اشياء انتم نفسسكم مااتشووفونها لاني ماتعودت عليكم الكل بيعتبر حركاتك طبيعيه بس هي لا تركي يطالع بريم يحس براحه يحس ذي البنت جت عشان تصلح امور من زمان ماتصلحت يبي يقولها بس خايف ريمو طالعت تركي وعينها على عينه : تركي انت تحبها ؟ تركي قعد يطالع بعيون ريمو شوي لف عيونه يحسها بتفضحه : لا ريمو : طيب موب لازم تعترف بس اول ماحبيت تعترف تراني موجوده بس اذا انت تحبها وتبيها حاول تحسسها بحبك ترى سحر ماعمرها فكرت فيك غير اخ فبين لها طلعت من الغرفه وخلت تركي لوحده قاعد يفكر بكلامها هل هو صح ولالا يبي يعترف لها بس يحس شي يمنعه |
|
|
#47 |
|
|
رد: طلع الغالي ولد خالي للكاتبه خآرج نطآق التغطيه
ريمو طلعت من الغرفه وشافت نور خافت طالع من غرفه خالد دقت الباب خالد : تفضل فتحت الباب بشويش وطلت عليه من ورى الباب ريمو : ممكن اددخل طالعها ببتسامه : ايوه تفضلي ي اختي الحلوه ريمو دخلت وسكرت الباب ريمو : اخبارك ؟ خالد : بخير الحمدلله وانتي كيفك وهااه عسى ارتحتي معنا ؟ ريمو : يب يب الحمدلله خالد : اذا في احد ضايقك ولا شيء تراني موجود ريمو : فدييتك لا كلكم عسسل دق الباب خالد : ادخل فتح الباب ودخلت رغد بس تفاجئت لما شافت ريم جوى ريمو ببتسامه : تعاالي خاالتي رغدبرتباك : لا خلاص ريمو : وش خلاص تعالي ادخخلي قامت سحبتها وجلستها خالد متوتر : هلا رغد بغيتي شيء ؟ ريمو : وش تبي يعني اكيد تبي تقعد مع ولد اختها كلمه ترن في اذنهم ي ريم اللي بينهم اكبر اكبر رغد : متى تجي امي ؟ خالد انلجم مايدري ايش يقول طول السكوت ريمو تحرك يدها قدام خالد : الوو معنا على الخط خالد طالع ريم وغصب عليه ابتسم ريمو : تسالك وين امها رغد ابتسمت على حركات ريمو وحست ان ذي البنت ما طلعت الا لشيء خالد : ريوومتي ريمو : هلا خالد : معليش تخيليني انا وخالتو شوي ؟ ريمو تطالع رغد ثم رجعت تطالع خالد : طيب خلاص بطلع خالد : بسس خمسس دقاايق وتعاالي ابي اسوولف معك ي الحلوه ريمو باسته على خده : ابششر قامت طلعت من الغرفه رغد خافت وتووترت ايش فيه ليه يبيها لحالها وليه يوم سالت ماجاوب ؟ خالد يطالع رغد : رغد رغد بقلق : هلا شفيه خالد : رغد ترى حنا اهلك وعزوتك وناسك رغد : ايش فيه خالد تكلم ؟ خالد : انتي وحده مسلمه تدرين ان حياتنا ومووتنا مكتوبه عند رب العالمين رغد سكتت وش يقول خالد تبي تفهم رغد بهدوء : وين امي ؟ خالد لف وجهه : ماتت الله يرحمها لها ثلاث ايام رغد بصدمه : ايشش ؟؟؟؟؟؟ ابششش اقوول ي خاالد قوول انك تككذب بالله قوول انك تكذب ؟؟ خالد : رغد استهدي بالله رغد دموعها غرقت وجهها تضرب نفسسها : لييييه كذااا ليييه اي شيء ابييه يرووح منيي لييييييييييه ليييييه ؟؟؟ طاحت بالارضض وتبكي بحرقه خالد يقومها : رغد قوومي رغد حرام اللي تسووينه والله حرام انتي تعتررضين على قضاء الله وقدره قومي تووضي وقآم يوديها لدوره المياه عشان تغسل وجهها -وانتم بكرامه- **** عنـــد عاااااييييله ابوومآآآآجد قاعده على سريرها ماسكه كتابها وتكتب اللي يصير من حولها ايوه هذي كانت طيف صارت مره كئيبه الابتسامه ماتجي في وجهها تحسها جثه ولكن تتحرك كتبت وكتبت حتى نشف القلم ومل الورق اغلقت الورقه ربطتها بشريطه وكتبت عليها ( الى الغالي .. الى من تهمه حياتي .. الى مآجد ) فقد مللت من حياتها ابتعدت عن ربها امسكت بالسكين وقطعت شريانها قطعت شريان حياتها نعم لقد انتحرت انتحرت والعياذ بالله سقطت ونزف دمها مختلط بدمعها نزفت ساعه كامله الى ان يدق باب الغرفه : طييف افتحي وقت علآجك طيف ماتت من سيرد عليها !! : طييف بسسرعه يووه راحت تجيب المفتاح فتحت الباب ووجدت الصدمه : طييييييييييييييييييييييييييييي يييييف !!!!!!!!!!!!!!!!!!!!!!!!! اسرعت لها تضربها على خدها : طيييف اصصحي طيييف وش سووويتي طييييف ليييييييييييه كذذذذذذذا ؟؟؟؟؟؟؟ قامت اسماء مسرعه والدمع ينهل من عينها الى ابوها وعمتها اخبرتهم الامر كانت الصاعقه ودوها للمستشفى لكن قد فات الاون ذهبت طيف من دون توديع ذهبت منتحره والعياذ بالله قنطت من رحمه الله ارادت ان ترتاح من عذاب الدنيا لكن عذاب الاخره اشد وابقى !! ***** عنــــد بيت ابو طلآلآلآلآلآلآلآل طلال يحقق مع رنا ورنا تستلعن عليه طلال : رناا يالله عااد رنا : حرام اوصصفهاا طلال : انا ماقلت اوصفيها قلت تغيرت عن اول ولالا رنا : هههه انا ماشفتها اول طلال : مالت علييك دخلت ام طلال امطلال : هلا بولادي طلال ورنا :هلافيك طللال : تفضضلي يمه اخذتهم السوالف ام طلال : مره اعجبتني ريم رنا تطالع طلال وتغمز له : ايه مرره طلال يبي يذبحها : هههه عاد اعجبت ام طلال مااحد يعجب ام طلال الا الزين ام طلال : هههه ي مشاء الله ادب وجمال الله يخليها لهلها رنا بستلكاع : واللي يحبونها ام طلال : انا باذن الله ناويه عليها طلال استانس : كيف يعني ؟ ام طلال : بخطبها لك طلال يحسه مو مصدق معقوله حب عمره ريم امه بتخطبها له بتجي على صحن من ذهب رنا : شبلآك سكت ولا استحيت ههههههههههههههههههههه طلال : انططمي انتي رنا : بس يمه يمكن مايخطبون بدري يعني تقاليدهم وكذا طلال خلاص يبي يذبحها : لا عادي وش فيها ام طلال : يعني انت مواااافق ؟؟؟ طلال : ههه ايه رنا تززغرررط رنا : ي معيرريسس عين الله ترعااك والقمر والنجووم تممشي ورااك طلال ضرب رنا مع ضهرها بشويش رنا : ههههههههههههههههه اخيرا بستاانس باخوي ام طلال : هههه بس اعقلي عن اخوك طلال استئذن وراح لغرفته مبسووط وكبسها نوومه ورنا وام طلال قعدوا شوي ثم نامو ************* الكل نام في بيت الام سحر ماعدا ريم وفيصل ريم مره تعلقت بفييصل وقاموا يسوولفون ثم راحوا يناامون وريم نست تروح لخالد وكان هذا من حسن حظه لان تعب وراح ينام ******** الكل ناايم ماعدا ابوماجد يضرب الجدار : حسبي الله علييك ي ماااجد حسسبي الله قام يبكي لاول مره يبكي فارق بنته من لحمه ودمه ام سلطان تهديه واسماء منهااره بكي وغدير منصدمه كيف تموت طيف ليه تذبح نفسسها ******* في الصباح جاء ابوفارس واخذ ريمو ورجعها لبيتهم * الكل عررف عن وفاه طيف منتحره والكل استغرب ولماذا ؟ ***** عايله الام سحر سعود : هذا وااجب علينا كلكم بتروحون ماايبقى احد الكل سمع كلمه الاخ الاكبر حتى رغد اللي صارت جثه تمشي على الارض شملها العموم كلهم في بيت ابوماجد وطلال وقف مع ابوماجد كانه ولده واكثر ساعده في ازمه دخلوا الرجال وعزوا ** عند الحرريم الكل يعزي اسماء دموعها غصب تطييح تمسحها ترجع تطيح رغد قامت تطالع باسما تحس بالطيبه في وجهها راحت جنبها تهديها رغد : لاتنسين ادعي لها اسماء تطالع رغد تحس الالم بعيونها : ان شاء الله رغد : تدرين انا امي ماتت قبل ثلاث ايام وامس دريت تصدقين ولالا اسماء تطالع رغد اللي مكمله : انا حبيت لي واحد يطلع ولد اختي تصدقين ولالا اسماء حست بحزنها قامت تهديها رغد انفجرت بكي رغد : والله انا كرهت حياتي والله كرهتها اسماء سحبت رغد لغرفتها وقامت تهديها رغد حست براحه لاسماء رغد فاجئه اسماء : تتزوجين خالد تتزوجين حبيبي ؟ اسماء ساكته تطالع فيها رغد تكمل : ماراح يلقى مثلك والله ماراح يلقى مثلك دق الباب وكانت ام سلطان اللي نادت رغد اللي اهلها مشو راحت رغد مخليها اسماء محتاره محتاره حالت ذا البنت الصعبه وصدق شوف مصائب ناس اصعب منك تهوون علييك مصيبتك ****** في غرفه خالد خالد : اسماء ؟؟ رغد : ايوه خالد بحزن : متاكد انها بتسعدني دامك اخترتيها لي طلعوا برى الغرفه لـ الصاله اللي الكل مجتمع فيها خالد : ابخطب اسماء بنت ابو ماجد صدمه للكل الكل يطالع رغد اختارت اسماء لتكون زوجه لحبيبها سعود : ونعم الاختيار يكفي انها بنت اجوودي خلاص اصبر كم شهر ونروح نخطب لك ****** مررره 4 شهور على وفااه طيف مافي احدااث تذكر ولكن على السريع ريمو مرره قوت علاقتها مع اخوواننها واكثر شيء فيصل ربى خطبهاا سلمان رغد اعتادت الوضع وصارت تبتسم واقتنعت بان خالد موب لها ابوماجد يحاول يعيد البسسمه على وجيه بناته بعد وفاه اختهم رضوا بقضاء ربهم فارس صارح طلال وقاله انت اذا كنت تبي اختي تعال اخطبها وطلال قال لفارس يصبر لحد تتعدل الضروف فارس قرر ينسى رنا ويخليها لاخوه والباقي مشت زي الطبيعيه ****** في بيت ابوماجد سعود وهنادي وسهام ورغد وخالد خطبوآ اسماء لخالد وطلبوا مده لتفكر ** وبعد اسبوع وصلت موافقه اسماء والكل يستعد للزواج اللي قرروا يخلونه عاائلي بختيار كل الطرفين وبيكون في عطله مابين الفصصلين ** قبل الزواج بيوم في بيت سحر تحديدا في غرفه خالد رغد ببتسامه : مبرووووك خالد : الله يبارك فييك رغد : ممكن طلب خالد : عيوني رغد : تسلم عيونك بس ابي اول بنت تسميها باسمي خالد : من غير ماتقولين رغد طلعت من غرفه خالد مبسوطه خلاص خالد صار مثل عيال اخوانها مايفرق ريمو : ررررغوووووووووووووود ريمو كاانت ترركض وتركي يلحققها رغد : ههه تركككي خلهاا تركي وقف يلتقط انفااسه : والله لا اوريييك بس تععالي عندي والله ما اقوولك شيء مره ثانيه ريمو طاحت على الارض من الضضحك ريمو : هههههههههههههههههههههههههههههه ههههههه امززززح والله ما اققوول شيء فيصل : وشش تقوولين ؟؟؟؟؟؟؟؟؟؟؟؟؟ تركي : لالا وش ددددخللك مشعل : قوولي مااعليك منه ريمو : هههههههه لا حراام عهد جت لريمو تسحبها مع شووشتها : ي حماااره تعاالي ريمو ابعدت يد عهد وقامت تطالع العيال : بالله تحسووني خاله ولا عمه ؟؟ الكل : لا ريمو رجعت يد عهد لششعرها : يالله كملي اسحبيني الكل : هههههههههههههههههههههههههههههه ههههههههههه فيصل : تعاالي ريم ابييك ريم راحت معه لغرفته : هااه وش تبي ؟ فيصل : ابد سلآمتك ابيك ترتبين غرفتي ريمو : هاه ؟ فيصل : ابيك ترتبين غرفتي ريمو : مكتوب على جبهتي خدامه فيصل : هههههههههههه لا مابي الخدامه ترتبها بتضيع الاشياء وكذا فنرتبها انا وانتي ريمو وافقت وقاموا يرتبون غررفته ريمو : فصصوول احسسسك بس خببل فيصل : وشوو ؟؟ ريمو : ههههههه لالا يعني ماانت جدي وكذا فيصل : يب يب وش ابي بالجديه يالله نضضفي وانتي ساكته ريمو : ههههه مالت دخل فارس : وش عندهم ؟ ريمو : ابد نرتب فارس قعد على السرير ويسوولف وفيصل وريمو يرتبون الغرفه ** عزوز وسهام بالغرفه عزوز : وهذا هوو خلدلد تزووج يالله اخططبوا لي سهام : هههه اركد علامك مستعجل عزوز : ي حوول اذا ماتزوجننا تكلمتوا ليه ماتتزوج وش ناقصك و و و واذا بغينا نتزوج بعد !! سهام : خلاص بكره بالعرس بخطبها لك وش تبي اكثر عزوز يحب راس سهام : كفوو والله طلع من الغرفه مبسسوط ***** جاء الوقت المنتضر زواج خالد واسماء قلوب متعذبه تحاول اسعاد بعضها البعض زواج كان من اروع مما يكون مع انه فقط عاائلي لكنه كان فوق الوصف انتهى الزواج والكل يدعي لهم ويتمنى لهم السعاده الدائمه اشخاص صنعوا البسمه فلهم الحق ان يعيشوها ***** في بيت ابوفاارس ابوفارس مع ريمو في مكتبه ريمو : هلا بابي شبغيت ابوفارس ببتسامه : تعرفين ان ربى كبرت وخلاص بتتزوج ريمو بحزن : ايوالله بشتاق لها ابوفارس : طيب انتي بعد بتتزوجين ريمو : مابي اتزوج ابقعد على تسسبدك هههههههه ابوفارس : طيب لو قلتلك جاك واحد وخطبك ؟! ريمو صدمه ابوفارس : طلآل ولد خالك خطبك شقلتي ؟ ريمو متوووتره ووجهاا قب الواان : بس ابوفارس يقاطعها : شوفي حبيبتي الزواج اكيد موب اللحين بس هذي خطبه والولد شااريك هاه وش رايك ؟ ريمو بحياء : اللي تشووفه وقامت مسسرعه دقت على سسحر على طوول ونسست ان اللي بتتكلم فيه حبيب سحر ريمو : سسسسسسحررررررر سحر : هههههه هلا ششفيك ؟؟؟؟؟؟؟ ريمو : طلال خطببني تصدددقيييييين ؟؟ طلالال حبيبي خطططبني سحر بصدمه : طلال ميين ريمو تذكرت خبطت جبهتها وسكتت سحر : الو رريم ريمو : الو سحر : طلال مين ولد خاالك ؟؟ ريمو بهدووء وصوت منخفض : ايه سحر بوناسه : مبروووووووووووووك ححححبيبتي ي عمتوو الحلوه تستااهلين ريمو انصدمت بس استاانست انه عادي عندها بعد ماسكرت من ريم سحر قامت تبكي سحر : بسس ي سححر طلال مو من ننصيبك طلال لرييم -تذكرت سوالف ريم عن طلال اللي تحبه عرفت انها هي وعمتها كانوا يحبوا نفس الشخص- فدآك ي عمتي طلال ملكك مسحت دمووعها وقررت تنسسى طلعت للصاله لقت فيها تركي تركي اول ماشافها حس انها مو طبيعيه تركي : سحر فيك شيء سحر تغير اسلوبها مع تركي من ذاك المره سحر : لا ابد سلامتك تركي : الا باين عليك سحر تكلمي تراك تهميني ( تهميني ) كلمه هزت سحر طالعت بعيون تركي باين عليه مهتم حست قلبها يدق سحر ( تركي انت ايش سويت فيني توني نسيت حبي تكفى اصبر علي شوي ) كانت كلمات سحر في نفسها سحر : مافيني شيء لا ينشغل بالك تركي : ان شاء الله دووم سحر قعدت تسوولف مع تركي الي حسته شخص ثااني هي كانت مشوهته في نظرها تحسنت صورته في عينها واستاانست معه وعلى سوالفه ونست طلال وابوه ********* مررره السسنه بصصرعه وجت الاجاازه اللي صاارت فيها اححلى موااقف الايام مرت بصصرعه بحلآوتهاا وحززنهاا اسماء وخالد نمت بينهم مشاعر الحب والتقدير تزووج عبدالعزيز من رناا وتزووجت ربى من سلمان قلوب محبه ترتبط وقلوب يقدر لها الانفصال رغد جاها خطاب لكن كلهم تردهم خاائبين ********* في بيت الجد الكل مجججتمع ام طلال بس تمدح بريم اللي رااحت فيها ام طلال : فاارس وانت متى نااوي تخطب فارس : ماادري مااا لقييت العروس المنااسبه وبعدين ابي اختي ريم تختاار لي -طالع خالد- هههه ما اقلد احد خالد : هههههههه على تبن سحر : اخخص اخخص ي رييمو بتختاارين لاخووك ريمو : ههههه انا عنندي بنت فيي رااسي ان شاء الله ماتتزوج غيرها فارس : ابد اششري وانا بتزوج اللكل : هههههههههه ريمو : خلاص بكرره انرووح نخخطب لك سحر : ههههه مستعجله فيصل : اخخص الكل يبي يتزووج وتخلووني سهام : مححد مسك مشعل : الا اناا ماراح اتززوج الا بالاربعين هنادي : انت قصصتك قصه سعود : هاه ي ريم مين بتختاارين ؟؟؟ الكل يبي يسسمع مين بتختاار ريم زووج لاخووها فارس ريمو : بياان صديقتي مشعل : حركات صدييقتي ومااصديقتي سعود : انت قل لابوك يخطب لك واكيد ماراح يصير الا كل خيير تفررقوا فارس وفيصل وريم راحوا لبيت ابوهم قعدوا ووناسه وسوالف فارس : يبه ابوفارس : هلا فارس : ابي اتزوج ام ريان : على البرركه ميين ؟ فارس : مادري ام ريان : تبييني اختاار لك ي وليدي ؟ ريمو : يووووومه اناا لقيييت له حررمه سسنعه ابوفارس : ههههههه مين عسى بيان ؟ ريمو : يومه شدراك ابوفارس : هههه توقعت ام ريان : والله بياان ونعم البنت جمال ومال واخلاق ماراح تلقى مثلها فارس : خلاص اللي تشووفونه ريمو : وناااااااااسسسه بياان بتصصير عندي اربع وعشرين ساعه فيصل : ههههه وهذا اللي تبينه ريمو : ههههه يب من بكره خطبوآ بياان لفاارس واخذوا وقت ليسالو وتقرر وبعده باربعه اياام وصلهم المواافقه وقرروا يكوون زواج ريم وطلال مع زواج فارس وبيان في ثالث ايام العيد **** فيصل : ريييييييييييييم بسسرعه ترى بروووح ريمو : لالالا خلالآص والله اللحين جااايه طلعوا راكبين السياره بالليل الشوارع فااضيه الناس ناايمه فيصل راح يودي ريم لبيت ابوفارس لانها كانت بتسهر عندهم ريمو : يووه تعبت بكره لازم اروح للسسوق فيصل : يب يب مين ققده طلال بيتزوج ست الحسسن والجماال ريمو بحياء : فييصل اسسسكت فيصل : ههههههه اسستحت ريمو : مالت عليييك وقف عند محططه فيصل : تبين شيء ؟ ريمو : اييه كااديه فيصل : طيب نززل ومششى للمحطه وريمو تطالعه وهو ياششر لها حركات تضضحك وهي تضضحك شوي الا فييصل طااير في الجوو شاحنه صدمت فيصل فيصل بالجو سقط سقط قدآم عيووون ريمو ماتحملللت المنظظر اغمى عليهاا ** : فيييييييييييييييييصصصصصصصصصصصل الكل جنبهاا قاام ريمو ودموعها تنزل : ويييييين فببصل وين اخوووي ؟؟؟ ابوفارس يمسح على راس بنته والدموع بعينه : ريمو اهدي ريمو تبكي بحرقه : وييين فييصل ابي فييصل ابي فيصصل طرآآآخ هذا فارس اعطى ريم كف فارس : خلالاص ريم فيصل ماااات ماااات خلالاص ماافيه فييصل تعررفين شمعنى ماافيه فييصل دمعت عيينه وطلع برى الغرفه ريمو تطالع ابوها وعينها تدمع وتهز راسها يمين ويسار : مستحيل تكذبوون تكذذبون ***** ريمو تعبت نفسسيتها بعد الحاادث طاحت غيبووبه شههر بعد ماطلعت راحت ريمو الاولى جت ريمو جديده ماتبتسم ماتتكلم وماتاكل صعبه تفقدين اخ وكيف لو كان قرريب لك واقرب اخوانكك !! وتشووفينه قدآمك يموت كل دقيقه تتذكر شكله وكيف مات لزق بمخها الموقف الباقي تعودآ ورضوآ بقضاء الله وقدره قرروا يقربون الزوآج فحطوه نهايه الشهر *** الزوآآآآج كآن مششترك طلآل & ريم فآرس & بيان الكوفيرآ تضبط ريمو اللي وجهها ما يحمل اي تعابير تزينت وتضبطت طلعت قمر قامو يسلمون عليها ويسمون ونفس الوضع عند بيان *** عند الرجاال يسلمون على طلال وفارس اللي مبسووطين تقدم رجل من الرجال طلال منصصدم !! ضم طلال : مبروك طلال مبروك ي اخوي هذا كان ماجد طلال انلجم طاحت دمعه من عينه ورجع ضمه بس باقوى : وييييينك وييين رحححت ليه تركتنا ماجد : كنت مجتاج ابعد انا بس جيت ابارك لك بزواجك وبروح طلال : وين ترووحح ؟؟؟؟ ماجد : المكان اللي جيتك منه طلال : لا مافي ماجد : طلال اتركني انا مكاني مو هنا مكاني مو هنا مع السلآمه ي ابو ماجد راح بعد ما سلم على فارس *** خلصص الزوآآج والكل مبسسوط لربط قلووب المحبين طلآل عهد نفسه انه يرجع البسمه لشفاه ريمو وفارس وعد نفسه انه يسعد بيان *** في الصبآح في الفندق ريمو قامت مالقت طلال استغربت شافت ورده صفرآ مسكتها وشافت كرت اللي جنبها مكتوب فوق ( الورده صفرا عشانك اتحاديه ) ابتسمت غصب عنها فتحت الكرت بعدها تحولت البسمه لضحكه !! كان كاتب جوى الكرت نكته ضم ريمو من ورى وقال : دوم هـ الضحكه تحيـــــــاتي > > > > > > دمـــــتــــم |
|
|
#48 |
|
|
رد طلع الغالي ولد خالي للكاتبه خآرج نطآق التغطيه
واااااااااااااااو رواية تجنن من جد لكن النهاية كانت وايد قصيرة أتمنا تكملين جزء ثاني
 |
|
|
#49 |
|
|
رد: طلع الغالي ولد خالي للكاتبه خآرج نطآق التغطيه
هلااا والله منوره حبيبتي
ودي بس للاسف الشديد الاشد موو انا الي كاتبتها |
|
|
#50 |
|
|
رد: طلع الغالي ولد خالي للكاتبه خآرج نطآق التغطيه
رووووووووووعه
|
