 |
  |
|
|
|
|
#66 |
|
|
رد: روآيه : مستحيل احبك مستحيل اعيش من دونك ..
صحيت اليوم وانا احس اني نشيطة قمت للمطبخ ابي اشرب ماي بس شفتها فاضية "اف يعني لازم اعبيها"اخذت علبة الماي الثقيلة وحاولت ارفعها الين قدرت مع ان المفروض ماشيل اشياء ثقيلة ماعرف ليه حسيت اني شريرة لما خلصت من التعبية ليه ماخفت البرادة ليه ماخفت على الي بطني معقولة اني ابيه يطيح أي ابيه يطيح انا مابيه وصرت اتعمد ارفع الاشياء الثقيلة مر الاسبوع بسرعة وكانت فجر تجي كل يوم تجي عندنا وصرت صحبه معها احسها عوضتني عن نجود وصرت اكلمها كل يوم اليوم الاربعاء دخل تركي علينا المطبخ كنت جالسة اتفرج عليهم وهم يطبخون :السلام عليكم الكل : وعليكم السلام عهود فرحت لما جى: تركي بنزل اليوم الحسا تركي: لا ماراح نزل عهود: ليه ابي اشوف اهلي تركي : مايصلح لك طريق الحين وبعدين لا يكون مليتي من البنات عهود حزنت : لا ما مليت منهم بس اشتقت لاهلي تركي : المراجعة الجاية نسال الدكتورة اذا يصير لك تنزلين عهود برطمت وقمت للغرفة بديت اكره الي بطني وماحس فيه تعبت منه وهو لسى ماشرف طول الوقت دايخه وماقدر اكل شئ والحين ماقدر اروح لاهلي اف لاحقني تركي : لاتزعلين عهود: بس واله اشتقت لهم تركي : تحملي كلها اسبوع وبتشوفينهم عهود: صار لي اسبوعين ماشفتهم تركي : لو انك تبين كان انتبهت لاكلك وعلاجك عهود بوزت : .............ز تركي : يلا حطوا الغدا عهود: مو مشتهية تركي: احنا شقلنا اذا ماكلتي ماراح تصحين مد تركي ايده لي ومسكتها ورحنا نتغدا بعدها راح يريح وجلست مع البنات نتفرج على التلفزيون رون جوالي ورفعته:هلا دانة :اهلين وش اخبارك عهود: الحمداله وانت شخبارك واخبار خالي دانة: تمام يسلم عليك عهود: الله يسلمك ويسلمه وش اخبار قلبي دانة: بخير بس اكيد بيطيح كرته الحين عهود: ليه دانة : مو بجيبين لك واحد الحين وبتنسين حمودي عهود: ياشيخة لا تذكريني بهمي بس وبعدين مستحيل انسى حمودي دانة: نشوف بس طمنيني شلون الحمل معك عهود: متعبني مو كفايه همه زيادة عليه تعب دانة : صدقيني ياعهود بعد ماتحملينه بيديك بتنسين كل التعب وبتحسفين انك قلت الكلام ذا عنه عهود: صدقيني اتمنى بس مو قادرة احس فيه او احبه دانة: بدري عشان تحسين فيه عهود: ماعلينا دانة: ليه صوتك كذا ملانه عهود: مرة طفشانة دانة: طيب قولي لتركي يطلعك عهود: مو راضي يقول مو زين لي الحركةالكثيرة بالشهور الاولى دانة:طيب تفرجي على افلامك عهود: ماقدر دانة : ليه عهود وانا اتمسخر : مو راضي اني اتفرج على رجال دانة: شلون عهود: يقول المفروض ماطلع رجال غيره يغار حضرته دانة: ههههههههه يابختك ياشيخة حد يحصل له عهود: مو كذا عاد مسوي لي حضر على المسلسلات والافلام الي فيها مزاين دانة : ليه عهود: مرة وانا اتفرج على فلم تغزلت بالبطل خذ السيدي وكسره وخرم على اتفرج على الافلام دانة: ههههههه ماحد قالك تغزلي ولا جنبه بعد عهود: الي قاهرني ليه يسوي كذا لو اني ابداله الحب كان عذرته دانة: ولانك ماتحبينه هو يتصرف كذا عهود: مافهمت دانة : انا افهمك شوفي الرجال الي يعرف ان مرته تموت عليه وماتستغني عنه مايهمه اذا تغزلت برجال غيره او يهمه بس مو لدرجة يسوي لها حضر زيك بس الرجال الي يعرف ان مرته ماتحبه او تتقبله والي هو تركي بيحس بقهر لو سويتي كذا لانه يبي هالشئ له وانت مو معطته اهتمامك وحبك وتعطين اهتمامك ومدحك لغيره وهو احق منهم فطبيعي الي يسويه ويخاف انك تحبين غيره فهمت الحين عهود باصرار : ولو مايعطيه الحق انه يحرمني دانة : عهودة بسكر الحين حمودي صحي وجوعان عهود: اوكي حبيه لي وسكرت منها ورجعت للبنات ودقيت على فجر وقلت لها تجي وبعد ساعة جات وجلسنا وانبسطت معها كثير حطينا على قناة txtوجات غنية عبد المجيد ياحظ عينك وقمت مع فجر ورقصت كاني من سنين مارقصت وكل ماتجي غنية سواء حلوة ولا لا رقصت عليها "يمكن اتعب وينزل الي بطني وارتاح " مها: عهود مايصير كذا مو زين للي بطنك عهود: مها الله يخليك لا تزنين على راسي خليني انبسط فجر : عهود انتي حامل عهود انقهرت لانهم ذكروني بشئ ابي انساه: ايه فجر:مبروك كم لك الحين عهود: شهرين فجر : الله يتم لك بخير عهود" الله لا يقول ": الله يسلمك رحت المطبخ بسوي لي كوفي ولبنات بعد شفت صناديق البيبسي على الطاولة فقمت اشيلهم وانزلهم على الارض وفجأة حسيت بالم مو طبيعي بظهري بس تنسيته ورحت المجلس وانبسطنا بس الي قهرني ان فجر دائما تدافع عن تركي ماكأني انا صاحبتها مرة دق تركي وكان مالي خلق ارد عليه وطلبت منها ترد فجر: لا عهود استحي عهود: واله مالي خلق له وماراخ يسكر لحد مارد بس اذا رديتي وقلتي له مشغولة بيحس على دمه فجر: عهود حرام عليك شكله خايف عليك ويبي يتطمن عليك عهود: خليه يولي زين هالشايب فجر : ليه كم عمره عهود: 34سنه فجر: لا مو شايب بالعكس هذا احسن سن تتزوجين منه عهود: طيب ريحيني منه وردي بعدين نكمل فجر : طيب عطيني تركي: اخيرا رفعتي فجر: احم اهلين تركي انا فجر صاحبة عهود تركي ارتبك : اهلين وين عهود فجر : واله هي تعبانة ونامت تبي اقولها شئ تركي: لا مشكور بس جنبك واحدة من البنات فجر : لا واله كلهم نايمين تركي باستغراب : وتاركينك لحالك فجر: عادي متعودة عليهم وبعدين عهود بس مريحة جنبي تركي : عذريني بتعبك معي بس ولا عليك امر خلي عهود تأخذ علاجها فجر : ولا يهمك وتعبك راحة تركي حس بشعور غريب اول مر تكلمه بنت كذا وباسلوب يتمنى عهود تكلمه فيه :مشكور ة فجر: ولو مابين الاهل شكر تركي : طيب مع السلامة واعتذر مرة ثانية فجر بدلع : لا كذا تزعلني منك ياتركي مو قلنا احنا اهل تركي ذاب من صوتها : تسلمين فجر: الله يسلمك وسكرت عهود: شفتي انه غثيث فجر : حرام عليك شكله حبوب عهود: لانك ماعشرتيه مر علي شهر ودخلت الشهر الثالث ومازرت اهلي واما بدور وسمر ارجعوا بيتهم ومها ورغد ظلوا معي وفجر طول الوقت عندي وتروح وتجي معنا وصارت تهتم بتركي كثير بس ماعطيت الامر اهمية وكنت اخليها دايما ترد على تركي اذا كانت موجودة وتركي نبهني اني ماخليها ترد عليه بس ولا كاني اسمعه وكنا جالسين بالصالة وتركي يتقهوى :م تركي تركي: هلا عهود:م فكرت بالي قلته لك تركي: ايش عهود: انك تتزوج تركي ترك الي بايده : عهود ماتملين انتي في مرة صاحية تقول لزوجها روح تزوج عهود: واله احسن لك عشان ترتاح تركي: ومن قال لك اني مو مرتاح عهود: يعني انت عاجبك الحال انا الي اعرفه ان الرجال لما يتزوج يبي زوجته تريحة وتعتني فيه تركي: ايه عهود: طيب عشان كذا اقولك تزوج عشان تلقى الي تعتني فيك وتحبك تركي بحزن: وانتي عهود: انت عارف اني ماقدر اعطيك الي تبيه تركي : ليه عهود حزنت لما شفت عيونها تترجاني بس ماقدر :يعني لازم اعيد واكر تركي بقهر قام : رجاء هالوضوع لاعاد تتكلمين فيه وراح الغرفة ينام "ليه ياربي ليه مايفهم اني مش ممكن اكون له الزوجة الي يتمناها ليه مايريحني ويريح حاله "دقيت على امي بس رد علي عمر ومافهمت منه شئ خفت ان امي صاير لها شئ دقيت على اخوي عبداله جواله مقفل "لا اكيد امي فيها شئ "ورحت لتركي وانا اصيح :تركي تركي :عهود خليني انام عهود وانا صوتي كله صياح:تركي تركي انفجع وقام : شفيك عهود:...................ز تركي وهويجلسني على السرير : عهود قلبي اهدي وقولي لي فيك شئ عهود هزيت له راسي بالنفي :................ز تركي: طيب شفيك تبكين عهود: امي تركي : شفيها عهود: صار لها شئ تركي :من قال لك عهود: ماحد بس دقيت عليها ورد عمر ومافهمت منه شئ اقوله وين امي يقول مايدري وهو يصيح دقيت على عبداله وجواله مقفل"وزاد صياحي " تركي يهدي فيني : لاتخافين حبيبي ان شاءاله مافيها الا العافيه عهود وانا اشاهق من البكي: ابي امي ابي اكلم..ه.ا تركي : الحين اخليك تكلمينها بس اهدي واخذ جواله ودق على عبداله: هلا شخبارك............. اسف ازعجتك بالوقت هذا ..............بس عهود دقت ورد عمر عليها ومافهمت شئ الوالدة فيها شئ .................لا الله يقومها بالسلامة ان شاءاله ........ والحين شخبارها ...............بتروحون البيت ................. سلم عليه اجل يلا مع السلامة تركي: شفتي فجعت نفسك على الفاضي امك مافيها الا العافيه عهود: طيب ليه عمر يصيح تركي : لان عمر اول مرة يشوفها تتالم كذا وراحو ودوها جلسة الغسيل والحين هي الحمداله ونامت عهود: يعني امي بخير تركي: ايه بخير يلا تعوذي من ابليس ونامي سدحني على السرير وغطاني وتوه بيروح للكنب :تركي تركي: عيونه عهود: لاتروح تركي فرح: تبيني انام جنبك عهود هزيت راسي بمعنى ايه :...... جاى ونام جنبي وعلى طول رحت بحضنه وبديت اصيح وهو على طول حضني ويهدي فيني حسيت بالامان وانا بحضنه ونمت مرتاحة اليوم الثاني صحيت وظهري يالمني مرة وجاتني فجر وقالت تبي تشوف بيجامات كنت توني شريتهم وكان ظهري مرة يالمني قلت لها بعدين وانه وقت جية تركي بس هي اصرت قلت لها روحي شوفيهم بالغرفة وهم مازالوا بالاكياس وماكذبت خبر وقالت لي انها بتروح لحالها مو لازم اجي معها واستغربت على اصرارها بس ماهتميت لان ظهري ذابحني الم فجأة حسيت بشئ نزلت نظري "ياربي انا انزف "خذت جوالي وانا ميتة الم:تركي الحق على تركي :عهود ..عهود رميت الجوال وتكورت على نفسي من الالم وبسرعة تركي وصل بس انفجع بالي واقفة جنبه كانت فجر لابسة واحدة من بيجاماتي وكانت عبارة عن شورت قصير مع بدي علاق تركي وقف منصدم وفجأة دخل واحد يسب ويلعن وعلى طول فجر تعلقت بتركي :يبه لا مو الي تظنه ابو فجر : ايش خليتي عشان مش الي اظنه يافاجرة وانا اقول ليه مطيحة عنده تركي الي انتبه للوضع : ياعمي مو الي بالك الله يهداك ابو فجر: وخر انا مالي كلام معك كلامي مع هالتبن فجر: تركي الله يخليك بعده غني بيذبحني تركي :ليه يذبحك انتي ماسويت شئ ابو فجر :وكل هذا ماسويتوا شئ وهالملابس الي ماتستر شئ بجسمها وماصار شئ تركي :اله يهداك ماصار شئ ابو فجر وهو يصرخ : اسمع انا مايرضيني الا واحد من اثنين ياذبحك واذبحها معك او انك تصلح غلطتك وتزوجها تركي انفجع : انت شتقول ابو فجر: الي سمعته تركي تذكر ليه جاي : شوف الحين ماينفع الكلام زوجتي تعبانة لازم اروح واشوفها ابو فجر : توك تذكر زوجتك ليه ماتذكرتها وانت تلعب باعراض الناس تركي : خلني اشوفها الحين وبعدين نتفاهم ابو فجر : مافي تفاهم فجر: تركي لا تتركني معه بيذبحني تركي يحاول يفكها عنه : ماراح اقول شئ الحين اول اشوف زوجتي وراح تركي ركض للغرفة ماشافها وراح الحمام ولما راح الصالة انصدام كنت متكورة على نفسي وانزف ومغمى على راح ركض جاب عبايتي ولافها على وشالني ابو فجر: وين رايح قبل ماتصلح غلطتك تركي يصرخ : بعد عني موقتك ابو فجر يسد الطريق : ماراح ابعد لما تصلح غلطتك لا الم عليك العمارة وافضحك تركي : خلاص اذا رجعت نتفاهم ابو فجر : بتزوجها تركي والشرار يطلع من عيونه: ماتفهم انت اقولك بعد لا ارتكب فيك جريمة بعد ابو فجر : بعد بس عند ك ساعتين بالظبط ان ماجيت تملك عليها بروح للشرطة ورني ايش بتسوي ساعتها تركي : اودي زوجتي المستشفى واتطمن عليها ويصير خير " ويلف على مها ورغد"يلا عجلوا وطلعوا بسرعة للمستشفى بعد ساعة :دكتورة شصار الدكتورة : المدام جاها نزيف حاد بس الحمداله قدرنا نوقفوا تركي : الحين هي بخير الدكتورة: دلوقتي ماقدرش اقول حاجة لما تعدي 24 ساعة اقدر اتكلم تركي يجلس على الكرسي ويحط وجهه بين يديه : والطفل الدكتورة : لسة بدري لحد مانعرف احنا لحقنا عليه بس ربنا يسهل تركي : اقدر اشوفها الدكتورة : لما نخرجها من العناية واحمد ربنا انك لحقت عليها لو تاخرتو كمان شوية كنا ماقدرنش نسعفها تركي :ليه صار النزيف الدكتورة: اسبابه كثيره منها انها بتشيل حاجات تقيلة والحالة النفسية واهم حاجة انوا جسمها ونفسيتها رافضين الحمل دا تركي : دكتورة طمنيني لاتخبين على الجنين بعيش الدكتورة : كل بعلم ربنا احنا نستنى لحد 24 ساعة ماتمر وبعدها هنعرف على العموم انتوا ملكوش داعي تعقودا هنا رواحو وبكرة الصبح تعالوا لانكم مش هتقدروا تشوفها طلع تركي من عند الدكتورة واخذ البنات وهموم الدنيا فوق راسه قلبه معي وعقله بالمصيبة الي طاحت على راسه راح لابو فجر وحاول انه يفهمه انه ماصار شئ بينهم بس رفض يصدق ومارضى الا من بعد ماملك على بنته |
|
|
#67 |
|
|
رد: روآيه : مستحيل احبك مستحيل اعيش من دونك ..
شكلهآ حلوة
ينقل للروايت الطويلة وان شاء الله أقرأهآ يسلمو حوبي |
|
|
#68 |
|
|
رد: روآيه : مستحيل احبك مستحيل اعيش من دونك ..
الرواية روعة واكثر من روعة جلست اقرأها من الساعة وحدة باليل الى الساعة تسعة الصبح
خخخخخخخخخخ تسلم ايد الي كتبتها .. |
|
|
#69 |
|
|
رد: روآيه : مستحيل احبك مستحيل اعيش من دونك ..
قرأتها مره حلوه
بس وين التكمله ..؟؟ الله يسعدك نزلي لو بارت نتظر التكمله ..!! حتى لاينقل |
|
|
#70 |
|
|
رد: روآيه : مستحيل احبك مستحيل اعيش من دونك ..
تسلمي علي هذه القصة رائعة .
|
