ازياء, فساتين سهرة


العودة   ازياء - فساتين سهرة و مكياج و طبخ > أقسام عامة > قصص و روايات > روايات مكتملة
تسريحات 2013 ذيل الحصان موضة و ازياءازياء فكتوريا بيكهام 2013متاجر ازياء فلانتينو في باريسمكياج العين ماكياج دخاني makeup
روايات مكتملة روآية : مستحيل احبك مستحيل اعيش من دونك .. يوجد هنا روآية : مستحيل احبك مستحيل اعيش من دونك .. هنا تنقل الروايات المكتملة فقط

فساتين العيد


 
قديم   #16

الحياة حلوة


رد: روآيه : مستحيل احبك مستحيل اعيش من دونك ..


روآية : مستحيل احبك مستحيل اعيش من دونك ..

الجزء التاسع.......................
نواف: وين تركي

عهود" ياربي شقول له اني مادقيت عليه بيعطيني محاضرة وانا مالي خلق":

دقيت عليه جواله مسكر يمكن مافيه ابراج

نواف : اها

وبسرعة ودها المستشفى ودخلت على دكتورة عامة وطبعا سوت لها مناحة على الابرة

والمغذي بس نجود تعرف لها وكيف تهديها وبعدها طلعوا ووصلها الشقة

نواف: شفيك

عهود: الظاهر تسمم من الاكل الي اكلته

نواف : لا حول الله وانت يانجود سليمة

نجود: أي الظاهر التلوث كان من وجبتها بس

نواف : قولي لتركي لا عاد يأخذ من هالمطعم

عهود: طيب

وصلها لباب شقتها ولما دخلت راح عهود كانت هلكانة وتبي الفراش

بس انصدمت من تركي بوجهها وعلى طول مسك زندها بقوة وعيونه حمرا من
التعصيب :وين كنت

عهود: وخر عني ومالي خلق لك

تركي وهو يصرخ عليها : وين كنت لاوريك شغلك الحين تكلمي

عهود ماتت من الخوف اول مرة تشوف تركي معصب كذا : كنت كنت

تركي : ويييييين

عهود وماقدرت تمسك دموعها: بالمستشفى

تركي ومازال على حاله: وليه رايحة للمستشفى

عهود تصيح وحاطة ايدها على وجهها:.....................

تركي من بين اسنانه: تكلمي

عهود: ايييييييييي ايدي اتركها
تركي ومسكها من ايدها الثانية: بتنطقين ولا شلون ليه رحت المستشفى ومع مين

عهود: لاني تعبت

تركي : وشلون تعبت انا تركك صاحية تلعبين على انت

عهود: والله العظيم تعبت ووداني نواف المستشفى وان بغيت سأله

تركي : ويوم انك تعبانة ليه ماقلتي لي قبل لاطلع اوديك

عهود: طيب اتركني انت تألمني

تركي ترك عهود بس مازال قريب منها

عهود وهي تفرك ايدينها الي حمرت وبعدها داخت بس تركي مسكها : عهود

وجلسها على الكنبة: عهود شفيك تكلمي

عهود وهي تشاهق وماسكة بطنها:................

تركي لانت ملامحه : عهود تكلمي

عهود: ماابي اخاف

تركي "ياربي هذا الي ماابيه يصير وصار ": عهود قلبي لا تخافين ماراح اسوي لك
شئ

عهودوهي تبعد عنه : كلام انت تقول كذا عشان اسكت

تركي : صدقيني عمري ماراح اذيك بس انت قهرتيني يعني اجي ولا اشوفك تطلعين من
غير ماتقولين لي

عهود: انا كنت تعبانة ونواف وداني يعني مارحت العب

تركي : طيب ليه مادقيتي على وقلت لي

عهود وهي تكذب : دقيت بس جوالك مقفل

تركي: انا ماقفلته

عهود: ماادري يمكن مافيه ابراج

تركي : وليه مااخذت الجوال معاك

عهود: نسيته انا حالتي حالة وتبيني اذكر الجوال

تركي تذكر شئ: وبعدين تعالي شهالنغمة الي حاطتها لي انت ماتستحين

عهودوهي تبلع ريقها" يوه شقول له انا لازم اغيرها اليوم " : أي نغمة

تركي : اتركي عنك الاستهبال نغمة شخص تافه

عهود: انا حاطتها للارقام الغريبة

تركي : يعني انت مو حافظة رقمي بالجوال

عهود: لا

تركي: شلون وانا الي حافظه

عهود: وانا مسحته

تركي"شسوي انا بهالبنت اذبحها ياربي ":وشلون دقيتي على وانت ماتعرفين رقمي

عهود"ياذا الورطة أي لقيتها ": من جوال نواف هو حافظ رقمك

تركي: طيب ياقلبي مرة ثانية لاتروحين قبل لاتاخذين الاذن او على الاقل خبرني

عهود:..........

تركي : حبيبتي لاتخافين وانت عارفه أي مااقدر على زعلك واذا صرخت عليك

لاني كنت خايف عليك واي شئ تبينه قوليه وانا انفذه

عهود بتردد: أي شئ

تركي : أي شئ

عهود: وحتى الي طلبته اليوم

تركي : ايش

عهود: الي قلت انك تبيه الليلة

تركي : اها لا هذا الشئ بيصير بيصير والليلة

عهود رجعت تصيح: بس انت قلت

تركي : أي شئ تبينه الا هذا وحقي مااتنزل عنه انا سكت عنك كثير

عهود:بس..بس

تركي : بس ايش

عهود: انا .انا

تركي :عهود انت ايش

عهودبسرعة وهي رايحة للحجرة: محرمة عليك

تركي مااستوعب شقالت ولحقها للحجرة: وشلون يعني محرمة

عهود بحرج: انت عارف

تركي وهو يستوعب: لا تكذبين

عهود: والله مااكذب

تركي وهو عاقد حجاته : وهذا موعدها

عهود: انا مالها موع محدد لانها مو منتظمة

تركي بنرفزة : وانت مبسوطة صح

عهو ببتسامة خفبة :......

تركي وهو متكتف: ومتى تخلصين حضرتك

عهود: ماادري

تركي : وشلون ماتدرين في واحدة ماتعرف كم يوم تجيها

عهود: قلت لك انا مش منتظمة

تركي من القهر : قومي قومي ارتحي بس وين بتروحين ياعهود ماردك لي

عهود" الايام بيننا ياتركي " وراحت تنام ببتسامة نصر وفرح

اليوم الثاني دقت علىنجود وقالت لها على كل شئ وبكرة تركي يداوم لان

اجازته خلصت صحى تركي الساعة 7 الصباح وتروش ولبس وطلع و

عهود في سابع نومة تركي" اه ياقلبي الناس يزوجون عشان يرتاحون

بحياتهم وحريمهم يدلعونهم يفطرونهم قبل لا يروحون دوامهم وانا لي

الله"


الساعة 2الظهر صحت عهود على صوت التلفون "اف اف من ثقيل الطينة

الي يدق هالوقت "ورفعت السماعة : نعم

تركي: وانت ماعندك اسلوب في الكلام

عهود: افففففف شتبي

تركي: عهيد ووجع

عهود: الي يوجعك وياخذك ويريحني منك
تركي : لا انت الظاهر يبيلك تربية من جد وجديد

عهود نفسها بخشمها: تخسى الا انت قال يربيني

تركي : خليني ارجع ياعهود لا ورايك شغلك

عهود: اعلى مافي خيلك اركبه

تركي : شوفي انا كنت داق اسالك شلي تبينه على الغدا لكن انت منتي كفو

فلما ارجع اشوف الغدا جاهز ويويلك ان ماطبختي

عهود: توكل زين مقومني من عز نومي عشان غدا روح خفف

شوف كرشتك اشوي وتاخذ لها حيز لحالها

تركي : عهيد

عهود وهي تقلد صوته":عهيد يمه خوفتني يلا توكل

وسكرت السماعة بوجهه تركي"شف ال*****ة انل ذابح هالبنت ذابحها"

وخلص تركي دوامه على الساعة اربع العصر ورجع الشقة لما دخل

كان هدوء دورها بالصالة وماشافها والمطبخ "لا يكون طالعة والله لاورايك

ياعهود منهو تركي زمن الطيبة راح"وطلع جواله ودق عليها وسمع

صوت الجوال جاي من الحجرة ودخل وشافها نايمة"وجع كل ذا نوم ان

شاءالله هذي نومتها من امس"

وراح لجهتها :عهود ..عهود

عهود وهي توخر اللحاف عنها: خير الواحد مايعرف ينام هنا

تركي : وانت من امس وهذي نومتك

عهود: خير ان شاءالله بتحسبني على نومي

تركي : لا خمدي على كيفك بس لما تخلصين من واجباتك

عهود: وليه احنا بمدرسة

تركي :تتريقين انت ووجهك خلصي حطي لي الغدا

عهود: يالله منكم يالرجال عاجزين قوم واخذ لك صحن وحطلك مو انت
شاري خلاص اخدم نفسك

تركي رافع حاجب: ماطبختي
عهود: نعم

تركي : مو قلتلك جهزي الغدا يامدام

عهود: وانا قلت لك احلم اخدمك

تركي سحبها من ايدها من الفراش وعلى طول راح بها للمطبخ :سمعيني

عدل كلمتي ماعيدها نص ساعة واشوف الغدا جاهز سامعة"وهو يصرخ"

عهود خافت منه بس مابينت له :لا ماني سامعة

تركي قرب منها وصار وجهها بوجهه ومسكه بيدينه عشان ماتلفه: شوفي

ياعهود انت مو قدي لاتشوفيني ساكت عنك يعني رخمة وماعرف ادبك

انا اعرف اادبك واعلمك السنع بطريقتي

عهود: شبتسوي بتضربني

تركي : انا عمري مامديت ايدي على حرمة بس مثل ماقلت بطريقتي

واولها ان ماجهز الغدا بنص ساعة نزلة لاهلك هالاسبوع مافي

عهود: مو على كيفك

تركي : الا بكيفي انت زوجتي وانا حر فيك وماحد يقدر يقولي شئ

عهود: اكرهك اكرهك

تركي تركها وهوطالع من المطبخ:نص ساعة

عهود: انا ماعرف اطبخ

تركي واقف عند الباب : تصرفي

عهود:اكرههههههههههههك


وراح الغرفة وغير ملابسه وطلع الصالة وجلس يتفرج على التلفزيون

اما عهود مازلت بالمطبخ" اوريك ياتركي" وطلعت بيض من الثلاجة

وكسرته وحطته بالمقلة وحطت الطماط من غير ما تقصصه ولبصل بس شالت قشوره

وحطت ملح كثير وحطته بصحن وودته له : يلا قم اطفح

تركي : وبعدين وياك"وهويصرخ"

عهود بلعت لسانها لانها خافت وقام تركي لحد الطاولةوانصدم من الي شافه
تركي: شنو هذا

عهود: الغدا

تركي : طيب ايش هالغدا العجيب

عهود: ماعرف حطيت كل الي بوجهي وانا قلت لك من البداية مااعرف اطبخ

تركي بنص عين: الي مايعرف يتعلم وهذا انت طبختي

عهود لويه برطمها : ..................

جلس تركي ومد ايده لاول لقمة وقص فيها لما حطها بفمه وعلى طول راح

المطبخ يشرب ماي ورجع:انت بتذبحيني

عهود تمثل البراءة:شفيك

تركي وهو مفور: حاطه كل الملح الي بالبيت

عهود بارتباك: قلت لك مااعرف اطبخ تحمل الي يجيك

تركي : بيض ماتعرفين تسوينه يالظالمة

عهود: أي لاني مااحب البيض ولاعمري سويته

تركي : وليه ماسويتي غيره

عهود: مااعرف

تركي : وقبل من كان يسوي لخالك

عهود بلمت:ها

تركي:خالك بسام مو كنت تطبخين له

عهود: لا لاني ببساطة اخلي الخدامة تقلي له الهبرجر وانا اسوي له السندويش

تركي : وليه ماسويتي هبرجر ارحم من ذا

عهود: ماجا على بالي وانا سويت الي على ونزله بننزل لانك قلت اذا طبخت

تركي : وبالله هذا طبخ

عهود: مالي خص

تركي : اوكي ياعهود بس حطي ببالك طول هالاسبوع بتطبخين الغدا والعشا

عهود: ياسلام قلتلك مااعرف

تركي: وانا قلتلك تتعلمين

عهود: أي عشان كل مرة تصرخ على

تركي : ماراح اصرخ وبصبر لحد ماتتعلمين

عهود: افففففففف

تركي: افين يلا انا بروح اتغدى برة

عهود: بلبس عباتي اصبر

تركي : وين

عهود: بروح معاك

تركي : ومن قال لك تعالي

عهود: ابي اتغدى

تركي ياشر على الاكل الي سوته: هذا غداك اكليه واذا ماتبينه روحي سوي لك

عهود: ماابيه بروح اتغدا معاك

تركي : مافيه وهذ طباخك يالرفله اكليه........ وطلع وتركها


مر الاسبوع عليهم وعهود تطبخ الغد والعشا كل يوم وطبعا حث ولا حرج على الاكلات

الي تسويها كانت ماتنوكل بس تركي يغصب نفسه ولما يطلع ياكل له أي حاجه

اليوم الاربعاء عهود جالسة تجهز شنطتها لما دخل عليها تركي : عهود

عهود" جا ثقيل الطينه ": نعم

تركي: حطي ملابسي معاك بالشنطة

عهود: وليه ماتحطهم بشنطة ثانية

تركي : بس كثرة شنط احنا يومين وراجعين

عهود: واذا احتجت لملابسك بتجي تاخذهم من بيت اهلي

تركي: وليه من بيت اهلك

عهود: انت ناسي شرطي انا اذا نزلنا اروح عند اهلي

تركي راح عن باله شرطها : اوففففففف نسيت والله ...طيب جهزي لي شنطة

عهود: ليه فوق راسك ريشة عشان ماتجهزها لنفسك
تركي: أي

عهود: والله انا مو خدامتك وعندك ايدينك تقدر تسوي فيهم شغلك

تركي: وانا ليش متزوجك عشان اناظروجهك ولا عشان تخدميني ومو عيب

اذا المرة جهزت اغراض زوجها

عهود بتتكلم وقاطعها :وكلمه زيادة مافي روحة

عهود برطمت وراحت جهزت شنطته وعلى صلاة المغرب حركوا وطول الطريق

تركي يكلمها وهي معطته طاف ولا كانها تسمعه لحد مامل وسكت ووصلوا

بيت اهلها وقبل لاتنزل مسكتركي ايدها وعطها فلوس

عهود: شكرا مو محتاجه واذا بغيت امي موجودة

تركي: بلا كثرة حكي وخذي وانا الي ملزوم فيك مو امك شنو تقول بعدين

بخيل مااصرف على بنتها

عهود: بس ماابي منك شئ

تركي اخذ شنطتها وحط الفلوس فيها وتو عهود بتتكلم اشر لها بايده بمعنى

سكتي وقال: بكرة المغرب خلك جاهزة بمرك عشان جمعة اهلي

عهود: طيب


ونزلت من غير ماتقول شئ ونزل تركي معها نزل شنطتها ودخل يسلم على

امها وابوها وبعدها راح بيت اهله وعهود بعد ماسلمت على امها وسولفت

راحت تريح لحد مايجي وقت روحتهم لبيت جدتها على الساعة تسع صحتها امها على

شان تجهز جلست عهود وتروشت ولبست تنورة حمرة قصيرة لحد الركبة

وبلوزة بيضاء وعند الخصر ورود حمراء وبوت ابيض وسوت شعرها خيال وحطت

لها شدو احمر مع كحل عربي وروج احمر ولبست عبايتها ونزلت بعدها وصلهم

اخوها عبدالله لبيت جدتها ودخلت وبدى السلام والتحضن من الخلات والبكى

وبعدها جلست وياهم اشوي


ايش توقعتكم ايش راح يصير?

 
قديم   #17

الحياة حلوة


رد: روآيه : مستحيل احبك مستحيل اعيش من دونك ..


روآية : مستحيل احبك مستحيل اعيش من دونك ..

الجزء العاشر ))

"بيت اهل تركي"

كانت ام عبدالرحمن تقهوي ابو عبد الرحمن : اقول

ام عبدالرحمن : سم

ابو عبدالرحمن : الا وين تركي

ام عبدالرحمن: نايم

ابو عبدالرحمن : ومرته

ابو عبدالرحمن : بيت اهلها

ابو عبدالرحمن : والبنات وينهم

ام عبدالرحمن : طرفة مابعد تجي والباقي داخل مادرو انك جيت لحظة اناديهم

وقامت تناديهم وبعدها جات ووراها البنات سلمو على ابوهم وجلسوا

هند: جدتي وين خالي تركي ومرته ماجاو من الدمام

ام عبدالرحمن : الا جاو خالك نايم ومرته بيت اهلها

ام ريان: ليه ماجات هنا بعد

رغد: انت ناسية انها شارطة اذا جات هنا تجلس عند اهلها

ام ريان: عشتوا

سعاد: خلف الله علينا يوم اقول لعبدالرحمن بنام بيت اهلي يقول لي اذا رحت

لا ترجعين
ام عادل: أي بس يدلعها الحين عشانها توها عروس وبعدين هي الي ماراح ترضى

تتركه
رغد: مااظن يمه لانها متعلقة باهلها كثير

ام عادل: طبيعي بس شوي شوي وبعدين يخف تعلقها فهم

مها : بروح اجلس خالي بسه نوم

ام عبدالرحمن : خلي الولد تعبان من الطريق

رغد: الله والتعب كلها ساعة ونص

تركي: والله لو انك طالعة من الدوام ولا ريحتي اكيد بيصير تعب

مها: يمة منين طلعت انت

تركي : من المصباح السحري

راح لابوه وسلم عليه وحب راسه وسلم على خواته وجلس يتقهوى

امريان:شلونك ياتركي مع العروس مبسوط

تركي : الحمدالله

رغد:ليه ماجبتها معاك ولهانة عليها

تركي: مالت عليك انا خالك وما ولهت على

رغد: انت قديم ياخالي وزهقنا من خشتك

تركي: لا عاد انا الي ميت عليك

رغد:هههههه امزح معاك ياخالي

تركي : أي ضحكي على

ام عادل : اتركها عنك بس الا بتجي عهود بكرة

تركي: ان شاءالله

الا بدخلت ام خلود عليهم مع بناتها سمر وبدور اما خلود ماجات لان رجلها مارضى

تجى اليوم وبكرة وسلمو عليهم وجلسوا

سمر بصوت ****:الا وينها

مها : مين

سمر: مين يعني مرت خالك

مها : بيت اهلها

سمر: والله هالبنت مو سهلة بسرعة خلت خالي خاتم بايدها

مها:شتقولين انت

سمر: اجل في رجل يخلي مرته عند اهلها ثلاث ايام بيت اهله وهوتوه متزوج

مها : خالي راضي شدخلنا حنا

تركي: شعندكم انتوا

سمر:ابد ولاشئ بس اقول لها مو ناوين تروحون المزرعة مشتهين نسبح

ام خلود: أي والله من زمان مارحنا شرايك يبه نروح بكرة

ابو عبد الرحمن : انا ماعندي مانع ولا شرايك ياام عبدالرحمن

ام عبدالرحمن: وانا بعد ماعندي مانع

تركي: اجل توكلنا على الله بكرة جهزو انفسكم من الظهر نبي نتغدا ونتعشى

رغد: ياي وناسة

تركي: بس هالله هالله بالطبخات نبي شئ عدل

بدور: احنا عادي بس بشرط مرتك تجيب طبخة بعد

تركي:نعم شقلتي

بدور: أي بس احنا نطبخ ومرتك تجي تاكل من غير ماتسوي أي شئ

تركي: ماعليك من مرتي وانا الي بجيب أي حاجة من برة ولا اخلي مرتي تلمس شئ
ام خلود: ليه فوق راسها ريشة

تركي : اكيد دامها مرت تركي وانتوا ماتستحون"يوجه كلامه لبنات اخته "مرتي توها

ماكملت شهرين وتبونها تخدمكم

مها: عادي هذي مرت اخوي راشد تطبخ معان وهي توها عروس

تركي: هذي مرت اخوك اما مرتي لا

سعاد: والله وخلتك خاتم بايدها ياتركي

تركي حب يقهرها :حلالها

سعاد: ماقلنا شئ بس مو ترخى الحبل لها بعدين تندم

تركي: اقول مرت اخوي اكرمينا بسكوتك

سعاد انحرجت منه ولا ردت عليه

تركي مايحب حريم اخوانه لانهم رواعي مشاكل

رغد: خالي متى بتجيب عهود

تركي : بكرة الظهر

رغد: اجل خلني اروح اكلمها ونتفق على الروحة

تركي : مو الحين الين اخبرها

رغد: متى

تركي: اذا قلت لها قلتلك ويلا انا طالع تبون شئ
ام عبدالرحمن :سلامتك

وطلع تركي من البيت وراح لربعه ودق على بسام يلاقيه هناك عند الربع بالاستراحة

سعاد: والله وطلعت هالعهود مو سهلة بهالسرعة خلت تركي خاتم ولا من يصدق

هذا تركي
ام خلود: وانت صادقة

سعاد:ماطحت بايد عبدالرحمن وجاسم الي من اول يوم مخلينا نطبخ وننظف

ام ريان: عاد انتوا وقتكم غير ووقتها غير ولا تنسين انها توها صغيرة

سعاد: أي صغيرة انت بعد

ام عادل: أي صغيرة هي اصغر من رغد بعد ورغد تعتبر اصغر البنات هنا

سعاد: ولو خلاص هي خذت لها اكثر من شهر مو زين الدلال كذا

ام ريان : هو ومرته حرين اهم حاجة انه مرتاح وذا المهم

سعاد: على راحته

رغد: وين سمر

مها : مادري توها كانت هنا

رغد: بروح ادورها

بدور: لا لا

رغد: يمة شفيك خرعتيني

بدور: لا بس انا بروح اناديها

رغد:روحي يلا

قامت بدور وراحت لسمر الي كانت جالسة بالمطبخ

سمر:حياتي والله ماقدر اطلع معاك

خالد: ليه مو انت تقولين تحبيني

سمر: اموت فيك مو بس احبك

خالد: طيب ليه ماتطلعين معاي ولا تنسين انا احنا راح نتزوج


سمر: متى

خالد: قريب ان شاءالله بقول لهلي بس لنت تدرين مثل ماقلت لك ابوي الحين

تعبان ومااقدر افاتحه بالموضوع لحد ممايطيب

سمر: خلاص اجل انتظر

خالد: واهون عليك ياعمري اجلس طول هالمدة مااشوفك واملي عيني منك

سمر:بس انت عندك صوري

خالد: وانا شبي بالصور مادام معاي الاصل

بدور: سمر خلصي الحين يجي احد ويسمعك

سمر : وجع خوفتيني

بدور: يلا طيب رغد تسال عنك

سمر: افف منها شتبي ذي

بدور : مادري عنها خلصي بس

سمر :طيب..طيب

بدور: قولي له يسلم على زياد

سمر: توك خلصي خلصي والحين سلمي على زياد

بدور: قلت سلمي مو دقي سالفة

سمر: زين ..قلبي

خالد: هلا

سمر:اكلمك بعدين

خالد: لا لازم قبل ماتسكرين توعديني انا راح نتقابل

سمر : اوكي حياتي بس يلا

خالد: وعد

سمر: وعد

خالد: باي ياعمري وانتبهي لنفسك

سمر : وانت بعد باي

وسكرت منه ورجعوا للصالة وكملو سوالف واتفقوا كل واحة شراح تجيب للسهرة بكرة


"بيت جدة عهود"


اما عند عهود كانت مبسوطة على الاخر مع فروحة ونجود

فروحة: أي صح سجلت لك كل حلقات نور هالشهر

عهود: تسلمين البوا

نجود: ليه مو راضي تشوفينه

عهود:أي يقول الاخ يغار

فروحة:هههههه من منو

عهود: مهند

نجود: من صدقك

عهود: والله يقول مايحب ان مرته تتفرج على رجال غيره

فروحة : والله ان رجلك تحفة

عهود دق جوالها وشافت الرقم : ول هذا طريناه ونط

فروحة: منهو لايكون رجلك

عهود: أي صبري اشوف شيبي

تركي: هلا عهود

عهود: اهلين

تركي : الله شزينك وانت مؤدبة

عهود: ماراح ارد عليك لان مزاجي رايق

تركي : غريبة

عهود: مادام اني جالسة مع الي احبهم اكيد بصير مروقا

تركي حزت في نفسه كلمة عهود: المهم نسيتيني شنو بقول


عهود:وشو

تركي: بكرة الساعة 11الظهر خلك جاهزة

عهود: ليه
تركي: بكرة بنروح المزرعة مع الاهل

عهود: طيب يلا باي

تركي: وين شفيك انت مستعجله

عهود: مو قلت الي تبيه

تركي : لهدرجة تبين الفكه مني

عهود ماعرفت شتقول لان فرح ونجود جنبها:.............

تركي: طيب انا اخليك توصين على شئ

عهود: لا

تركي : يلا سلام

عهود: سلام

وسكرت منه ورجعت لسوالفها مع البنات وبعدها جاو عفاف وسارة
عفاف: شلونك عهود

عهود: تمام

سارة: الا عهود ليه ماسفرتي

عهود: هذا شئ راجع لي ومااظن انه يخصك وعشان ارضي فضولك انا

مابغيت قلت لحد مااتعود عليه ساعتها نسافر

فروحة بصوت **** لنجود: بعدي والله عرفت تسكتها

نجود: سكت لا تطلع حرتها فيك

عفاف: ماراح تعزمينا بشقتك ياعهود

عهود: شقتي مفتوحة للي يجي متى ماحبيتي تجين حياك الله

عفاف: الله يحيك الانجود انت رحتي لها

نجود: اكيد

سارة: شعليك صارت قريبة منك انتوا اول وبعاد ماتفاقون بعض اجل شلون

وانتوا قراب

عهود: بتحسدينا انتي

عفاف: قالوا لك عين اختي حارة
عهود: ابد ابد

فروحة تضيع الموضوع: عهود قومي نتفرج على المسلسل

عهود: يكون افضل

وقامت عهود ونجود للغرفة المخصصة لهم وجلسوايتفرجون على نور طول الوقت وطلبوا

لهم من المطعم وكملوا سهرتهم لحد الساعة 3الفجر بعدها كلن راح لبيته


اليوم الثاني الساعة عشر الصباح انتبهت عهود على جوالها الي يرن

عهود:الو

تركي: وانتي كلا نوم

عهود: تركي شتبي مانمت الا الفجر تدري كم الساعة الحين

تركي : ادري يلا قومي تجهزي بمرك بعد نص ساعة

عهود: مو قلت بتجي الساعة11

تركي : الا بس بنروح نشتري اشياء للمزرعة

عهود:طيب روح لحالك

تركي : مايصير لازم تجين تخترين معاي الاكلات والحلا والا تبين اتي تطبخينهم

عهود: فزت من مكانها : طبخ لا خلاص بعد نص ساعة بجهز

تركي : اوكي باي

عهود:باي


وسكرت عهود وراحت الحمام وغسلت وجهها وفرشت اسنانها وطلعت


وماتروشت لانها الفجر قبل لاتنام تروشت ولبست لها بنطلون جينز اسود مموج بالابيض

مع تيشرت ابيض فوقه بلوزة حمرا سبورت من وراها قبعة وحطت جل على شعرها

وجعدته ورفعته بطريقه مهملة وخلت خصل تنزل منه وحطت كحل وغلوس

وبعدها نزلت لان تركي وصل


عهود لما ركبت : السلام عليكم

تركي: وعليكم السلا م
عهود: وين بنروح الحين

تركي : بنروح العثيم

عهود: حلو


وصلو العثيم ونزلوا اول مانزل تركي من السيارة عهود بلمت لانها اول مرة تشوف تركي

لابس بنطلون جينز كحولي مع تيشرت ابيض وجكيت سبورت اسود وكان شكله خطير

مع النظرات ولما نزل فسخ الجكيت وخله بالسيارة وبعدها دخلوا وهو ماسك ايدها

راحو لعند المخبز واخذو معجنات وحلا وشرت عهود شيبسات وبيبسي لزوم القعده

وكاكاوات منوعة وبعدها طلعوا ومرو على ستار بكس وفطروا وبعدها مرو على

المطعم لان تركي موصي على كم اكله عشان العزومة وعلى الساعة 12ونص

وصلو المزرعة ودخل هو وعهود وفرجها عليها كان لسه مابعد حد يوصل

وبعدها بدو يوصلون وسلمو على بعض وجلسوا بالجلسة الي برا

 
قديم   #18

رشة عود


رد: روآيه : مستحيل احبك مستحيل اعيش من دونك ..


روآية : مستحيل احبك مستحيل اعيش من دونك ..

مشكوووووووووووره جداجداجدا

 
قديم   #19

الحياة حلوة


رد: روآيه : مستحيل احبك مستحيل اعيش من دونك ..


روآية : مستحيل احبك مستحيل اعيش من دونك ..

يسلمووووووووو على المرور والمتابعه

 
قديم   #20

اسيرة الماضي


رد: روآيه : مستحيل احبك مستحيل اعيش من دونك ..


روآية : مستحيل احبك مستحيل اعيش من دونك ..

يسلملي هالاختيار الرائع
بس حبيبتي نزليها بسرعة والله ما أقدر أصبر عالنهاية

 

أدوات الموضوع



الساعة الآن توقيت السعودية الرياض و الدمام و القصيم و جدة 02:32 PM.


 
Powered by vBulletin® Copyright ©2000 - 2024,
vBulletin Optimisation provided by vB Optimise (Pro) - vBulletin Mods & Addons Copyright © 2024 DragonByte Technologies Ltd.

Search Engine Optimization by vBSEO 3.6.0