 |
  |
|
|
|
|
#11 |
|
|
رد: روآيه : مستحيل احبك مستحيل اعيش من دونك ..
عند عهود: نجود يالله عاد لازم نغزو بيت الجده نجود: والله لسه ماخلصت تجهيز لعرسك عهود: يلا عاد يمكن تكون اخر مرة نجتمع هالجمعه نجود: خلاص احنا بكرة بننزل عهود: اوكي اجل بروح اجهز لوازم السهرات نجود: يالله عهود ماصدق انك بتتزوجين وتتركيني عهود:ومن قال انت ناسيه اني شارطة عليه انه يخليني ازور بيت جدتي مثل ماكنت ازورها نجود: بس ماراح ننام ببيوت بعض عهود: لا نقدر لانه اذا نزلنا هنا راح انام بيت اهلي نجود: ولو هذا في البداية بعدين ماتقدرين تستقنين عنه عهود: هذا في الاحلام ويلا لاتذكريني بمأساتي وخلينا بتخطيطاتنا وجلسو يخططون كيف راح يجنون جدتهم "جدتهم طيبة وحنونها بس راعية مشاكل بتلميحاتها وبخيله بس مش بالفلوس تعطي بالهبل بس باغراض البيت مثل الاكل تتحسف ترمي شئ حتى لو انتهت صلاحيته ومن تعرف ان البنات راح يجون تروح تلبد كل حاجة بس البنات يطلعون عيونها لحد ميأخذون الي يبونه طبعا بمساعدة جدهم تجمعوا البنات عند جدتهم وجننوها وضحك وسوالف بعدها انقلبت بكي بسبب فراقهم لعهود الليلة ليلة الحنا وكانت في مزرعة جدها واكنت عهود لابسة جلابية زرقاء مرة فخمة مطرزة بذهبي مثل الجلابيات الي بالمسلسلات وتجمعو اهل امها وابوها والمسجل شاغال والرقص ام خالد: المفروض الحين كنتي لولد عمك بس رافعة خشتك على ايش مادري عهود: خلاص هذا موضوع انتهى انا على ذمة رجال وهالكلام مايغير شئ ام خالد : صحيح وانت الخسرانة عهود: لا مو خسرانة وانت تقولين هالكلام لان ولد الغالي وانت عارفه انه صايع ولاهو وجهه وجه زواج "عهود باعتها لانها اخر ليلة لها ببيت ابوها " قامت جدتها معصبة منها ولانها مترضى على زياد وحاولت تخلي ابوها يرد تركي بس محولاتها افشلت لانها عارفه ان زياد يحبها وماتبغى تكسر بخاطره الليلة موعد زواج تركي وعهود وكان في افخم الصالات عهود وصلت القاعة مع نجود لانها هي الي راحت المشغل معاها نجود كانت لابسه فستان احمر خمري لانه اللون المفضل لعهود وهي بعد وكان موديله فخم مطرز بالخرز والكريستال عند الصدر والخصر ونافش شوي وذيل طويل من ورى اما شعرها كانت تسريحتها تسريحة غجرية ومزينا بشرايط حمرا اما فروحة فستانها وردي ناعم مرة ومسوية تسريحة الكريزي لان شعرها قصير اما العروس كانت في قمة الحلا والجمال بفستانها الابيض كان موديل الصدرية مثل الفساتين الغجرية على شكل مشد واسكته الشرايط اما التنورة فكانت مموجة بالقماش ومطرزة بالخرز الاحمر وشعرها شانيون ولابسة تاج ملكي مح الطرحة ومكياجها ناعم وفخم بنفس الوقت حان موعد الزفة اول شئ انزف تركي مع اخوانه وجلسوا وارقصوا اشوي بعدها طلعوا ودخلوا بنات خالاتها الصغار بنتين وقفوا فوق الجسر وبنتين عند بداية الجسر الي فوق الجسر وحدة ماسكة مبخر على اليمين والثانية مرش عند اليسار اما الي عند بداية الجسر الاولى ماسكة المرش على اليمين والثانية المبخر على اليسار وكانوا يمشون على موسيقى كلاسيكية وبعدها دخلو الاولاد الصغار لابسين الشماغ والدقلة السودا وماسكين سيوف واقفين عند درج المسرح وبدت غنبة عبدالمجيد مرتاح ودخلوا خوال عهود وجدينها كان في المقدمة ابوها وابوه وبعده خالها الكبير سالم وابوه وبعده خالها بندر وخالها محمد وبعده خالها بسام واخوها عبدالله وكان المقصود من البنات الي يتبخر من اليمين ينرش من اليسار والعكس وبعدها بدت زفة عهود الي كانت اهداء من خالها واخوها وبعدها بدت اغنية راشد الماجد الحب خالد وقف تركي عند المسرح يستقبل عهود وصلت عهود ومسك تركي ايدها وحب جبينها ورحوا لعند الكوشة وجلسوا وبعدها بدى الرقص من خوالها واخواها وطلبوا من الطقاقة اغنية ادعي على بالموت وغنوها وقام بسام وعبدالله وراحو لعند عهود وقوموها ترقص معاهم بالبداية عهود عندت بس بالنهاية استسلمت ورقصت بس ماخذت راحتها بسبب الفستان كان ثقبل وجلست لما خلصت الغنية وبعدها طلع تركي ودخلوا نواف وراكان وماجد وارقصوا لحد ماتعبو وسحبو عهود معاهم وجى وقت الروحة وانزفت عهود مع اخوها وخالها بسام وهم الي واصلهم للفندق بعد ماسلمت على امها واهلها وراحت معها نجود وفروحة ومرت خالها بندر وصلوا الفندق وساعوها بفسخ العباية وهدو من بالها وطلعوا وجلست على الكنبة وقلبها يدق بسرعة من الخوف تركي عند الباب مع خالها واخوها الي اذبحوه توصيات على عهود وبعدها دخل وبسام وراه تركي: خير ان شاءالله بسام: بدخل بتعشى عندكم تركي : ومن عزمك بسام : عهوده صح عهود بارتباك: صح حياك خالي تركي تكتف : لا وشرايك تنام معانا بعد بسام: والله انا ماعندي مانع ونط عبدالله: وانا بعد بتعشى تركي: كملت عهود: حياك عبدالله وانت خالي دخلوا عبدالله وبسام حبوا يرفعون ظغط تركي: الله يحيك ودخلوا وجلسوا عبدالله: ماو\ك تضيفنا تروك تركي بينهبل منهم: نعم شقلت بسام بضحكه: شفيك يالحبيب انصمخت تركي: والله سمعي عال العال عبدالله : اجل ليه ماتضيفنا ياعريس تركي: انت قلتها عريس يعني قوموا عطوني مقفاكم بسام باستهبال: والله انا ماجلست علشانك جلست لبنت اختي صح عهودة عهود: صح تركي يطالعها بغيض :طلع لسانك الحين عهود ماعبرته:اقول خالي وش تشرب بسام: أي شئ والله ان ريقي ناشف عبدالله : وانا مش مضيفتني عهود: وانا اقدر تركي عصب : اقول توكلوا مادام النفس عليكم طيبة بسام وعبدالله:ههههههههههه ماعندك حتى مجملة على الاقل تركي مفور: فاضي لكم انتوا اذلفوا يلا بسام:بعديها لك لانك عريس وما بنشره عليك عبدالله: ههههههههه يلا نمشي عهود: خالي لا تروحون بسام : ودي بس رجلك اشوي وبيذبحني عهود: طيب بروح معاكم تركي راح لعندها ومسكها من ذراعها: نعم..وانت وياه "ياشر على بسام وعبدالله"برا بسام : حبيبتي وين تروحين خلاص انت الحين عند رجلك ومكانك معه يلا انا ماشي وماوصيك عليها ياتركي تركي وهو ياشر على عيونه: من عيوني لا توصي حريص عهود تحاول تفك ايده مش قادرةوبترجي: عبدالله لا تروح عبدالله راح لعندها وباسها على جيبينها: حبيبتي لا تزعليني منك وطلع بسام وعبدالله وسكر تركي الباب :مشكورين تعبناكم معانا عبدالله: ولو تعبكم راحة وراح تركي لحد ماعهود جالسةوجلس مقابلها: مبروك عهود ايش تتوقعون بيصير بين تركي وعهود؟ هل راح تتقبل عهود تركي ؟ وكيف بتكون حياتهم ؟ ((الجزء الخامس)) عهود:........... تركي: وين لسانك من شوي وين راح عهود منزلة راسها:..................... تركي : عهود كلميني "ورفع وجهها وانصدام لما شاف الدموع عهود وهي تقوم من مكانها : وخر لاتقرب مني تركي: عهود حبيبتي ليه هالدموع عهود: ابي امي ماابي اجلس هنا تركي " لاحول وش اسوي الحين ": قلبي امك بكرة انشاءلله بتشوفينها وراح لعهود ومسك ايدها : والحين خلاص انت الحين زوجتي ومثل ما قال خالك ومكانك معي يهون عليك تتركيني لحالي عهود وهي تبعد ايد تركي:ايه.. انا مابيك تركي" رجعنا للاسطوانة ": معليش انت الحين تعبانة ريحي وبكرة نتفاهم يلا روحي غسلي وجهك وبدلي ملابسك وتعالي تعشي عهودوهي تصيح: ماابي اتعشى تركي : مايصير اكيد ماذقت شئ طول اليوم عهود مثل البزر: ماابي تركي : طيب غيري ونروح ننام عهود وزاد صياحها : لا ماابييك تنام معاي بنام لحالي تركي"الله يطولك ياروح": اوكي بس انت هدي الحين ومايصير خاطرك الا طيب عهود هدت اشوي وراحت للغرفة ودخلت الحمام وغيرت واخذت لها شور سريع وطلعت كانت لابسه بيجامة اتفقت مع نجود تهرب لها كم بيجامة لان امها ماحطت لها غير قمصان النوم وهي مستحيل تلبسهم دخل تركي وتفجأوعقد حواجبه بس ماقال شئ هو ماصدق انها هدت وراح جلس على السرير ومسك ايد عهود وهي وخرت ايدها بسرعة تركي اكتفى بهز راسه: هديت الحين عهود:....... تركي : يلا ارتحي الحين بكرة وراك جلسة بدري عهود بصوت ****: اطلع طيب تركي"ياصبر ايوب" : ان شاءلله انا جيت عشان اطمن عليك وبطلع واخذ له مخدة وبطانية وطلع:تصبحين على خير عهود:........... لما طلع تركي على طول عهود قفلت الباب وراحت للفراش ونامت لان صار لها يومين ماذاقت النوم اما تركي جلس فترة يفكر كيف يخلي عهود تتقبله وتثق فيه وبعدها نام اليوم الثاني صحى تركي وطق على باب الغرفة يصحى عهود عهود من ورى الباب:نعم تركي وظهره متكسر من نومة الكنبة: بدخل الحمام بتوضأ عهود بعد تفكير افتحت الباب وراحت بسرعة للسرير تركي ببتسامة : صباح الخير عهود وماودها: صباح النور تركي : ان شاءالله احسن الحين عهود هزت راسها بالايجاب تركي دخل الحمام وطلع: يلا عهود دخلي توضي وصلي الفجر راحت علينا نومة وبعدها تعالي الصالة لاني طلبت لنا فطور عهود:بس انا ماابي "عهود كانت ميتة جوع بس ماتبي تجلس مع تركي تركي "عنيدة عارف انك ميتة جوع : معليش تعالي انت ويمكن اذا شفت الاكل تشتهينه عهود: بس انا قلت لك ماابي تركي : لا تبين جلسي معاي بس واوعدك ماراح اقرب منك ولا اجلس جنبك عهود بعد تفكير : طيب وصل الفطور وجلس تركي يأكل وعهود ماقربت الاكل تركي " مااعند راسك ": طيب شربي لك عصير مو زين تتمين كذا بتعبين اليوم عهود: مو مشتهية اذا رحت بيت اهلي وجعت باكل تركي تركها لان عارف ان راسها يابس وماراح يصير غير الي براسها وجلسوا طول الوقت ساكتين وتفرجوا على التلفزيون لحد ماذان الظهر صلو وبعدها راحت عهود الغرفة وجلس تركي بالصالة بعد صلاة المغرب وصل تركي عهود المشغل وكانت نجود تنتظرها هناك عهود قبل لاتنزل من السيارة تركي: عهود: نعم تركي مد ايده لعهود بفلوس عهود: شنو هذا تركي فلوس للمشغل عهود: عندي تركي : عارف بس خذيهم يمكن تحتاجين لهم عهود وهي تنزل من السيارة: مشكور عندي وراحت من غير ماتسمع رده ودخلت المشغل بسرعة تلاقت نجود وعهود بالاحضان وجلسوا سوالف وضحك والكوفيرة شايفة شغلها خلاصت عهود ودقت نجود على اخوها نواف يجي نجود: حبيبتي دقي على زوجك يجي عهود: ماابغى بروح معاك نجود: طيب عطيه خبر عهود: خليه يولي زين هذا الي باقى اخذ الاذن منه نجود: مايصير هالكلام ياقلبي هذا زوجك ولازم تخبرينه عهود: نجود لا تسوين لي سالفه ودق جوال نجود : هذا نواف يلا وصل عهود:يلا وطلعوا من المشغل وركبوا السيارة نواف: هلا وغلا ماصدق ياناس عهود في سيارتي عهود: هههههه لا صدق نواف : ورجلك وينه عهود: يعني اعتبرها طرده نواف: افا يذا العلم ماعاش من يطردك ياقلبي عهود: على بالى نواف : المهم شلونك ان شاءلله مبسوطة عهود: لحد الحين اوكي نواف: ماوصيك أي حاجة تضايقك من تركي ترانا موجودين عهود: تسلم لي وان شاءالله اوصي عيك زوجتك نواف : اخخخخخ متى بس متى عهود ونجود: هههههههههههههههههه نجود: اسس نفسك بعدين فكر بالزواج والله يعين المقرودة الي بتأخذك عهود: وليه عيوني مقرودة قولي امها داعية لها امها والا من قدها تحصل مثل نواف حبيبي نواف وهو يصفر : أي بعدي والله انت هذا الاخت مو انت نجود: مالت عليك وعليها وصلو بيت الجدة ونزلوا عهود ونجود واستقبلوها اهلها بالاحضان والزغاريد ومايخلى من البكى راحت عهود ودخلت غرفتهم المخصصة للبنات وفسخت عبايتها فروحة وهي تصفر : ياسلام على القمر لا مسكين تركي اكيد بالموت هدك كل هالجمال ويتركك اكيد خبل عهود عطتها طاف كانت لابسة فستان اخضر عشبي حرير علاق عند الرقبة ومطرز باخرز حولين الصدر والخصر من قدام قصير لعند الركب وذيل طويل من ورى ولابسة صندل ربط اما شعرها مسيح ومرول من تحت بس وحاطا كحل عربي مع شدو اخضر بتدرجاته ومدخل عليه اللون الاصفر والاسود والروج لونه احمر فاقع مبرز بياض عهود دخلت على الحريم وسلمت عليهم وجلست جنب مرت خالها بندر دانة: عههود سصار امس عهود: ولاشئ دانة : كذابة علينا عهود: والله دندون ماصار شئ ولاخليته يقرب مني دانة: شلون رضى وهدك عهود: ابد فكيت حلجي عليه وهو حاول يهديني وخلاني براحتي دانة : ولو.. انا فكيت حلجي لخالك بس مارحمني ماعن دموعي اربع اربع عهود: ههههههه انت الي عطيتيه مجال دانة : ضحكي اذا هدك امس ماراح يهدك اليوم عهود: يحلم يحلم ياقلبي وقطع كلامهم جوال عهود بنغمة شخص تافه يتصل بك دانة: هههههه منو ذا عهود: منغيره العله الي ربطتوني فيه دانة : عهيد من صجك انت هذا زوجك مهما كان مايصير هالكلام عهود: افففففف دانة : تأفئفي لبكرة الكلام الصحيح مايعجبك وبعدين تعالي وشو هالنغمة الي حاطتها له ماتخافين امك ولا احد من خوالك يتنبه لها عهود: دوين سكت عني دان : انزين ياحظي ردي عليه عهود:افففففففف ورفعت الجوال : الو تركي : سنة على ماترفعين عهود" الله يطولك ياروح": نعم تركي: يلا نزلي انتظرك تحت عهود وهي عاقدة حواجبها: وين تحت تركي : تحت المشغل بعد وين عهود: بس انا بيت اهلي تركي عصب: نععععم عهود" نعامة ترفسك ان شاءالله": اعصابك تركي وهو يحاول يمسك نفسه: انت ليه مادقيتي علي عشان امرك او على الاقل عطيتيني خبر مو تخليني مثل اللوح عهود"وهذي الحقيقة زين عارف": خلصت موالك تركي : صج طويلة لسان فوق انك غلطانة عهود: الحمدالله ماسويت شئ غلط تركي : ياسلام كل هذا ماسويتي شئ عهود: خلصنا زين شتبي داق تركي طلعت عيونه:عهود عهودببرود: نعم تركي وهو يصر باسنانة: نعم الله بحالك اقول ماينفع التفاهم بالتلفون تجهزي يلا بمرك الحين عهود: وانا ماابي اروح معاك تركي: ههاها ضحكتيني ياشيخة اخلصي انا في الطريق سلام وسكرت عهود وهي تحلطم دانة : شفيك عهود:ذا مع وجهه داق ويهزء دانة : انا لومكانه اسوي ازيد اجل تطلعين من غير ماتقولين له والله لو خالك كان خالني عند اهلي بس مادري ليه ساكت لك عهود: بسيطه ليه لانه لسه ماحلل فلوسه عشان كذا ساكت بس ياخذ الي يبيه يطلع على حقيقته لكن نجوم السما اقرب له من انه يلمسني او يقرب مني دانة اكتفت بهز راسها لانه عارفه عهود وعنادها قامت عهود وخبرت امها بان تركي يبغى يسلم عليها وراحت للمجلس ودخل تركي وسلم عليها ام عبدالله: شلونك تركي تركي: الحمدالله وانت شخبارك ياعمة ام عبدالله : الحمدالله بس البيت مو شئ من غير نوره تركي : ابو عبدالله والعيال فيهم البركة ام عبدالله : صادق ياولدي بس ياتركي ماوصيك على عهود ابيك تتحملها هي صحيح راسها يابس بس طيبة وحبوبة بس اصبر عليها تركي : ولا يهمك ياعمة عهود في عيوني ام عبدالله: ودي اكلمك بموضوع دام ان عهود لسه ماجات تركي: تفضلي ام عبدالله: اسمعني ياتركي عهود طيبه وحليوه ومافي اطيب من قلبها بس الي شافته من ابوها واهله مو اشوي وبطلع حرتها فيك لاني اعرفها بنتي وتفكيرها وبتشيب راسك بعنادها ولسانها الطويل بس كل الي ابيه منك انك تتحملها وتجيها بالين لانه ماراح تجيك بالقسوة ولا راح تكسبها تركي: عارف ياعمة بسام شرح لي كل شئ ام عبدالله بتنهيدة: عارفة هو قال لي ..بس في شئ لازم تعرفه تركي بفضول: الي هو ام عبدالله بتردد: تركي انت اكيد شفت الحرق الي بفخذ عهود تركي انصدم بس تلاحق نفسه عشان ماتعرف امها انه مادخل عليها:ايه وش السبب ام عبدالله:من ابوها تركي طلعت عيونه : شلوووووووون ام عبدالله : هدي ياتركي وخلني اكمل قبل لاتجي عهود تركي هدا نفسها :وليه سوى كذا ام عبدالله: لما كانت بالمتوسط قالت لها جدتها تجي وتجلس عند ولد عمها تركي يقاطعها : اكيد زياد ام عبدالله: ايه..المهم عهود ارفضت لانها تغطت عنه بسبب اسلوبه وتصرفه معاها وعهود ارفضت طلب جدتها وقالت لها شلون ترضى انها تخليها تجلس عنده وطبعا لانه حبيب قلبها وماترفض له طلب عصبت وقومت الدنيا لما جاى ابوها قالت له سالفه من عندها وان عهود طولت لسانها عليها ورفستها برجلها وبعدها ابوها عصب وراح لعندها وهي كانت تلعب عند التنور الي بالاستراحه ومسكها وضربها ضرب لحد ماهو تعب واخر ماتوصل له اخذ له صيخ من اسياخ الدجاج وحطه على فخذها تركي مفور: شلون ذا ماعنده رحمة يسوي ببنته كذا ام عبدالله: وهذا شئ بسيط من الي سوه فيها عشان كذ ياتركي ابيك تصبر عليها لان البنت ماتنلام بتصرفتها لانها شافت الويل على يدين ابوها وعمامها تركي من بين اسنانه:وليه ماوقفتيه عند حده ام عبدالله: ماحد قدر لان ابوها ومايمنعه احد واتمنى ياتركي انك انت الي بتمنعهم وماتخلي احد يأذيها تركي:لا تخافين ياعمتي طول ماراسي يشم الهوا ماحد يهينها او يمسها ام عبدالله براحة: وهذا الي ابيه منك ياتركي وقاطعهم دخول ام خالد قام تركي وسلم عليها وحب راسها ام خالد تناظر تركي من فوق لتحت : شلونك تركي تركي : الحمدالله |
|
|
#12 |
|
|
رد: روآيه : مستحيل احبك مستحيل اعيش من دونك ..
ودخلت عهود وهي لابسة عبايتها وخافت لما شافت جدتها موجوده وراحت وجلست لعند تركي خوفا من جدتها وتركي استغرب بالبداية بعدين عرف انها خايفة ام خالد: الله يعينك على ما بلاك ياتركي خذيت لك بزر عهود تنرفزت منها وكانت بترد بس تركي مسك ايدها يسكتها: حلو على قلبي هالبزر تنحط على الجرح ويبرى ام خالد وهي لاويه بوزها: هذا الحين وبعدين بتعرفها زين وتقول اصدقت ام خالد عهود: والله اشوفك كنت ميتة تبين تزوجيني ولد ولدك الغالي ماقلتي بزر ام خالد لويه بوزها : الحمدالله افتك منك وابتلى غيره فيك والله لدور له واحدة تقول للقمر قم وانا اجلس مكانك تركي " هذا بالله كلام جدة تقوله لحفيدتها في يوم صبحاتها": هذ من سابع المستحيلات لان من بعد عهود مافي قمر وقف تركي ومسك ايد عهود : يلا قلبي مشينا عهود براحة لانها ماتبي تجلس بمكان اهل ابوها فيه: يلا وسلم على ام عبدالله وحب راسها وكانت مبسوطة من تركي انه ماسكت ودافع عن عهود ولولا تقديره لها ولانها مرة كبيرة كان ماسلم عليها الي هي ام خالد وطلع وكبوا السيارة وطول الوقت عهود ساكته مقهورة من جدتها وتركي قدر موقفها وسكت لحد موصلو بيت اهله تركي : يلا عهود انزلي عهود وهي تشوف البيت وبخوف : وانت مش نازل تركي : بنزل بس بوقف السيارة وجاي وراك عهود: لا بستناك وندخل مع بعض تركي مبتسم: لاتخافين بس بوقف السيارة وجايك عهود: لا ماابي ماحب ادخل لحالي تركي: بس مكان السيارة بعيد عن البيت وكله رمل ماراح تعرفين تمشين عهود: قلت لك ماابي تركي " لا حول الله "والا يشوف ولد اخته ريان تركي: ريان تعال رايان : هلا بالمعرس شلونك خالي تركي نزل من السيارة وسلم على ريان وقال له يوقف السيارة بداله رايان : شعليك معرس لازم تدلل تركي: هههههههههه ماتجوز عن سوالفك ريان: اكيد وخر بس خلنا نسلم على مرتك ونط ريان راسه داخل السيارة: مساء الخير عهود منحرجة: مساء النور ريان: مبروك مرت خالو عهود: الله يبارك فيك وعقبالك رايان باللهجة المصرية: من بقك لباب السما الا اقول مرت خالو عهود: تفضل ريان : الله يعينك على خالي تراه غثيث بس مالك الا الصبر تركي وهو يسحبه: توكل اقول اشوفك طيحت المينة وهذا وانا واقف رايان:ههههههههه نمزح يالخال تركي : خل مزحك لك ويلا رح وقف السيارة ريان : ان شاءالله ونزلت عهود ودخلت مع تركي البيت واستقبلوه امه وخواته ام عبد الرحمن : يمه تركي ود مرتك جناحكم خلاها ترتاح اشوى وبعده تسلم على الحريم تركي : ان شاءالله وهو يكلم عهود: يلا عهود وراحت وراه ودخلوا لما جات عهود تفسخ العباية انحرجت اشوي لان لبيسها ماتعودت تجلس به قدام رجال وبعدتفكير قالت:اطلع بره شوي تركي عاقد حواجبه:ليه ان شاءالله عهود: بفصخ عباتي تركي: فسخيها حد ماسكك عهود منحرجة:انت تركي يستهبل: انا ..انا مامنعتك تبين اساعدك عهود قلب وجهها مية لون:لالالالالا تركي ماسك ضحكته:طيب خلاص فصخيها عهود: مااقدر وانت هنا تركي: ليه عهود منزلة راسها ومنحرجة: ماابيك تشوفني كذا تركي: وشلون كذا عهود مهي عارفة شتقول:مم فستاني عاري شوي ومابيك تشوفني تركي رافع حاجبه: ومادامه عاري ليه تلبسينه عهود: هو مو عاري عاري بس عمري مجلست فيه عند رجال غريب تركي راح لعندها : وانا زوجك عادي لو اشوفك بالفستان هذا "وحب يرفع ظغطها وينرفزه" واشوفك من غير شئ بعد مو حلالي عهود فورت: نعممممممم تركي ماسك ضحكته غصب:أي حلالي ماقلت شئ غلط ولا تظنين ان امس سلمتي اليوم بتسلمين عهود راحت فيها مهما كان هو رجال ماتعودت عليه ويقولها الكلام ذا اكيد بتستحي وبعدت عنه و افسخت العباية عشان تبين له انه عادي عندها لو يشوفها وتبين له انها مش منحرجه تركي رفع عيونه عليها على طول"لااله الا الله كل هالجمال لي انا قمر والله قمر بس ان شاءالله هذا الي بتطلع فيه عند الحريم: اقول عهود عهود وهي تحاول تبين له انها مش مستحيه: نعم تركي وهو متردد خايف انها تفهمه غلط:هذا الي بطلعين فيه عند الحريم م عهود ببرود: ايه ليه مو حلو تركي: الا حلو ويجنن بعد بس.... مو كان يكشف كثير عهود عاقدة حجاتها : لا مايكشف وبعدين هذا الموضة تركي : ماقلت شئ بس ياليت ماتلبسين كذا مرة ثانية عهود تخصرت ونست الحيا: وليه ان شاءالله والله هذا لبسي وحتى هلك يلبسون كذا ما اشوفك قلت لهم شئ تركي "شيفكني من لسانها الحين ": بس انت زوجتي ولازم يكون لي راى في لي تلبسينه عهود:"لا والله هذا الي ناقص بعد **** مثلك يتحكم فيني ":لا مش لازم واعتقد ان لبسي حرية شخصية تركي: هذا لما كنت بنت لكن لنت الحين متزوجة ولك زوج تشاركينه بكل حاجة عهود:توكل زين هذا الي باقي تركي قرب منها : شقلتي عهود خافت من نبرته بس طنشت: والله انا حرة والبس الي البس ومافي احد له دخل ولا تظن انك صرت زوجي بتتحكم فيني انا مستحيل اخلي رجال يتحكم فيني سامع تركي " ياصبر ايوب": ياعهود ياقلبي ليه تسمينه تحكم ليه ماتقولين زوجي يغار ومايحب احد يناظر فيك غيره ومايحب تلبسين هالملابس الا قدامه عهود"هاها كثر منها البس لك كذا": ياسلام تركي وهو يتعوذ من ابليس : المهم الحين ماينفع الكلام هنا اذا رحنا البيت نتفاهم على راحتنا عهود بتتكلم بس....... واندق الباب عليهم تركي: تفضل رغد: ممكن ادخل تركي : اكيد دخلت رغد: عهود تقولك جدتي يلا الحريم ينتظرون عهود: يلا .......توها بتقوم الا دار راسها وجلست تركي راح لها بسرعة:عهود فيك شئ عهود: لا بس دورة خفيفة تركي : لازم تجيك من امس ولا اكلتي شئ ويلف على رغد:رغد ولا عليك امر جيبي لي صحن فاكهه وعصير رغد: ان شاءالله ورحت رغد بسرعة ورجعت وحطت الصينية على الطاولة وطلعت على شان ياخذون راحتهم عهود: ماابي اخذ تركي تفاحة وقطعها : يلا عهود اتركي عنك العناد وكلي مو زين لك عهود من غير ماتتكلم اخذت تاكل التفاحة لانها كانت ميتة جوع ولا بتعانده وماهي مااكله وبعدها شربت العصير وقامت عشان تروح للحريم تركي : اذا تعبت دقي على ونمشى زين عهود هزت راسها بالايجاب ودخلت للحريم حطوا العشاء كلن جلس ماعدا عهود ام عبدالرحمن : يمه عهود قومي تعشي عهود: لا خالتي انا مااحب اللحم ام عبدالرحمن : طيب تبغين اطلب لك من المطعم ولا اخلي الخدامة تسوي لك شئ عهود: لا تسلمين خالتي انا الحين شبعانة لاني اكلت بيت اهلي ام عبد الرحمن : على راحتك طلعت عهود وراحت للبنات وجلست عند رغد: ليه ماتعشيت رغد: لا انا اسوي رجيم عهود: اها بس جسمك كويس رغد: خلينا نضعف ازيد احسن ..الا انت ليه ما تعشيتي عهود: مااحب اللحم رغد: طيب تبين اطلب لك حاجة عهود:لا احس اني مليانة اكل رغد ماحبت تتكلم لانها سمعت خالها لما قال انها مااكلت شئ من امس وقالت يمكن منحرجة ولسه ماتعودت على الجو دق جوال عهود بنغمة شخص تافه يتصل بك عهود"اففف هذا وقتك انت" رغد: ههههههه عهود من هذا عهود"ياربي شقول اقول خالك" : هذا النغمة مخليتها للارقام الغريبة رغد: فكرة حلوة والله عهود عن اذنك بروح اكلم خالك وقامت عهود عند الممر وردت : الو تركي : سنة لما ترفعين عهود: اففففففف منك تركي : لا تتأففين المهم يلا نمشي عهود: كيفك تركي : انت تبين ولا بعدين تقولين جالس اتحكم فيك عهود: لا تطمن ماراح اقول تركي: اجل يلا تجهزي سلام سكرت عهود الجوال من غير ماتقول شئ تركي " بصبر عليك ياعهود والله يقدرني على الصبر معاك " وراح سلم على امه وخواته بس لما دخل لاحظ ان وجه عهود احمراستغرب ليه وراح لاخته يسالها شفيها ام خلود ببتسمه:هذي خلود تسألها اذا دخلت عليها تركي انحراج: وش دخلها بنتك تسأل هالسؤال وش قلة الادب ذي ام خلود:هد خلود مالها دخل امي الي قالت لها تسال تركي: وليه تسأل امي ام خلود: سوالف حريم وتبي تطمن اذا كانت بكر تركي ماعجبه كلامها : وان شاءالله سألتوها اذا هي بكر ام خلود: تطمن تركي: شلون ام خلود: عارفنا انها بكر تركي: شلون يالعبقارة ام خلود: مايبيلها مادمك ساكت وفرحان اكيد بكر تركي عصب : وهي قالت لكم ايه ام خلود: لا والله انحرجت واسكتتي ياقلبي تركي ماسك نفسه: مرة ثانية لا عاد تتلقفون بالاسئلة هاذي فاهمين وراح لعهود ومشوا للفندق راحت عهود للغرفة وخذت لها دش سريع ولبست لها بيجامة حمرا حرير ومشطت شعرها ورفعته وبعدها دخل تركي الحمام وتروش وطلع شافها لابسة بيجامة الليلة بعد"لاحول الله وهذي ماكانها توها متزوجة انا خبري الملابس تكون من قمصان النوم مش بيجامات ولا تبط كبدي لرفعت شعرها ياالله حبيت الشعور من شعرها بس ماتخلي حد يتهنى جاهزو لغيري تستعرض بشعرها وجسمها وانا لا بس وين بتروحين ماردك لي " عهود" اشوفه مطول مو ناوي يعطيني مقفاه اففف كان الله بالني بواحد غثيث مثل ماقال ولد اخته ":انت مو ناوي تطلع تركي رفع حاجبه: على مااظن انا لي اسم وغير كذا الغرفة مو لك لحالك لي ولك يعني مثل مالك حق تنامين فيها انا لي الحق بعد عهود: والقصد من هالكلام تركي : ابد القصد اني بنام على السرير الليلة تكسر ظهري امس من نومة الكنب عهود: والله هذي مشكلتك كان حجزت غرفة بغرفتين نوم تركي : وليه احجز غرفتين نوم احنا مانحتاج الا واحدة لانا بنام مع بعض عهود تخصرت: نعععععععععم احلف ياشيخ تركي: والله عهود: احلم انت بس نجوم السما اقرب من انك تلمسني اذبح عمري ولا اخليك تقرب مني سامع تركي : ليه على ما انا خابر انك زوجتي ومادام انك زوجتي لي حقوقي عليك عهود: هذا لو كان الزواج برضاي تركي: وفي حد اغصبك عهود: لا بس انا مثل ماقلت لك مش مقتنعة بفكرة الزواج ولنا مابيك غصب هو تركي"ياربي رجعنا للموال شسوي لها عشان تفهم ذي"راح تركي مسك ايدها وسحبها معه للصالة وجلس وجلسها مقابلة له وكانت عهود بتقوم بس تركي ماخلها تركي: عهود سمعيني قبل بعدين سوي الي تبين عهود لفة وجهها عنه وتكتفت : اخلص فيني النوم تركي طيب ناظريني عشان اعرف اتكلم عهود لفة عليه: اففف اخلص تركي وهو ياخذ نفس: عهود احنا خلاص تزوجنا وصار واقع لازم انك تتقبليه عهود بتتكلم بس تركي حط ايده على فمها يسكتها: سمعيني لنهاية ووخر ايده وكمل : شوفي احنا نتم بزوجنا سنة وونخليها تجربة لي ولك اذا تقبلنا بعض وارتحنا مع بعض نكمل واذا مارتحنا نترك بعض عهود: حتى لو ظلينا سنة انا مستحيل احبك تركي : مو لازم تحبيني تتقبلين على الاقل عهود:وليه سنه ليه مو الحين تركي: لان الناس بتتكلم وعرفي انا مو ضارني شئ كل الكلام بصير عليك عهود: حتى لو مرت السنة نفس الحاجة تركي: مو قلنا نخليها تجربة لنا وسد لكلام الناس وراح يقولون مارتحوا مع بعض بس الحين بيقولون اكيد فيك شئ عهود:......... تركي : خلينا نجرب عهود: ماراح اتقبلك تركي: ويمكن تتقبليني عهود: مستحيل تركي بصبر : قلت نجرب والعبرة بالنهاية عهود بتفكير: وبالسنة هذي شراح يصير تركي : نعيش مثل كل زوجين وكل واحد ياخذ حقوقه بالكامل عهود: لا مابي تركي : بس هالكلام مايجوز تبين الملائكة تلعنك عهود وهي تهز راسها بالنفي تركي :خلاص اجل عهود بحزن : بشرطين تتوقعون ايش شروط عهود؟ وهل راح تستمر مع تركي ؟ وهل من الممكن تتقبله؟ وزياد بيكون له دور بالقصة ولا لا؟ |
|
|
#13 |
|
|
رد: روآيه : مستحيل احبك مستحيل اعيش من دونك ..
(( الجزء السادس )) عهود بحزن : بشرطين تركي : الي هم عهود: نخلي من السنة هذي ثلاث شهور نتعرف على بعض يعني ماتقرب مني ولا تلمسني بالثلاث شهور ننام مع بعض بنفس الغرفة بس انت بجها وانا بجها تركي: ليه ان شاءالله عهود: نتعرف على بعض انت عارف ان مامرينا بخطوبة مثل الناس تركي: ومن كان السبب عهود: ها اول شرط بتقبله زين مو قابله وجيتني بالغصب عمري ماراح اتقبلك تركي بنفاذ صبر:طيب والشرط الثاني عهود: وبعد الثلاث الشهور وصار بينا شئ ماابغى احمل تركي رافع حاجبه: وليه بعد عهود: مو انت تقول انا هالسنة تجربة يعني لو مامشى الحال ليه نربط نفسنا بالعيال وانا اقولك من الحين تركي:............... عهود: من الحين اقول لك ولا نتطلق من الحين لان هذي شروطي تركي: خلاص تم بس اذا حسينا انا ارتحنا لبعض قبل لا تخلص السنة نترك الشروط هذي عهود: لا تتأمل كثير ولا تصير طماع تركي : نشوف اخرتها معاك بس مثل مالك شروط انا لي شروط عهود: الي هي تركي: مو كثير هو شرط واحد الي هو تحترميني ولا تطولين لسانك واذا قلت لك حاجة لا تعتبرينه تحكم اعتبريه مجرد راى عهود: احاول مااوعدك تركي : وانا قابل ويلا ننام ورنا جلسة بكرة عهود: بس تركي : ايش بعد عهود: خلاص مافي شئ تركي : قولي الي تبين عهود: اممممممممم جوعانة تركي : ماتعشيت هناك عهود: لا لاني مااحب اللحم تركي :ولا يهمك الحين ادق على الروم سيرفس داق تركي عليهم وطلب لها ووصل واكلت عهود بعدها راحو للغرفة عهود جلست على جهة اليمين على حافة السرير اشوي وتطيح وتركي على اليسار تركي: بعد زحفي في مجال عهود: تتطنز حضرتك تركي : ماادري عنك اشوي وتطحين تراني مااكل لحوم البشر عهود: اذا كنت ماتبيني اطول لساني لا تستفزني تركي : حاضر عمتي وتصبحين على خير عهود: وانت من اهله تركي "تطور واخيرا عبرتنا " وطبعا تركي حط راسه هنا ونام من هنا اما عهود تمت نص ساعة لحد ماغفت عينها اليوم الثاني صحوا وافطرو وتغدوا وبعد صلاة المغرب راحو لاهليهم وتمو على هالحالة لمدة اسبوع اليوم بيمشون الدمام لان اجازة تركي بتخلص وهو جلس الاسبوع هذا عند اهلهم عشان عهود وراحت بيت جدتها وكان الكل متجمع حتى اهل ابوها عهود:نجود نجود: هلا عهود: ماودكم تطلبون اليوم زهقت من الرزوز نجود: حتى انا بنتفخ على هالحال عهود: ياسلام ويعني الوجبات الي نطلبها ماتنفخ نجود: الا بس الوجبات فيها لذة اكثر من الرز يعني ننتفخ من شئ يسوى عهود: خلصينا شوفي من يبي نجود: اوكي ورحت سألت من يبي يطلب معاهم وجمعت الطلبات وطلبو بس الطلب تأخر عهود: شوفيهم ذولي ليه ما جاو نجود : دقت على المطعم ..يقول الحين جاي بس زحمة عندهم اليوم وصل الطلب وراحو جلسو بغرفتهم وكل واحدة اخذت طلبها عهود:يالله ماحطوا كاتشب نجود: شوفي الكيس يمكن فيه عهود: شفته مافيه يو مااحب اكل السندويش من غيره نجود: شوفي الثلاجة يمكن فيه عهود:روان قلبي انت تعالي روان بنت خالتها :نئم "نعم" عهود: حبيبتي روحي سألي ميري اذا فيه كاتشب روان : وتئتين حلاوة عهود: واعطيك حلاوة يلا روحي روان " تيب راحت ورجعت : تدول مافيه حلاص الي بسام كله عهود: اففففففف وطلعت حلاوة وعطتها روان نجود: اكليه هالمرة من غير الكتاشب عهود: لا مالي الا نواف وطلعت جوالها ودقت عليه وقالت له يلاقيها بره وطلعت تنتظره وهي واقفه انتبهت لظل توقعته نواف : نواف تعال هنا لف عليها وانصدمت عهود وتوها بتروح الا مسكها من ايدها : على وين انا ماصدقت اشوفك عهود: زياد لو سمحت اترك ايدي زياد: واذا ماتركتها شبسوين عهود: اصرخ واجمع خوالي عليك زياد: خوفتيني انت ناسية انا ابوك هنا يعني لو سمع صوتك راح يلعب فيك زياد كان طول الوقت يطالع عهود من فوقها لتحتها وما ظل شئ الا وقزه : والله وحلويتي ياعمري عهود عصبت : احترم نفسك واتركني زياد وبنظرات خبيثه: ليه ياعهود تزوجتي الخايس عهود : بتترك ايدي ولا شلون زياد: لا عهود والدموع تجمعن بعيونها خايفه يطلع احد ويشوفهم : زياد اتركني الله يخليك لا حد يشوفنا زياد: خليهم انا ابيهم يشوفونا عشان تركي يطلقكك وتصيرين لي عهود بعصبيه: تحلم لو تنطبق السما بالارض مااخذتك زياد تنرفزوقربها له وصار وجه بوحه عهود: وليه انا وش ناقصني عن تركي عهود: تركي احسن منك بمليون مرة زياد: حبيتيه عهود تحاول تفك ايده:............... زياد يصرخ: جوبيني انت حبيتيه عهود: ان ماحبيته منو احب انت تخسى ...تركني يال**** زياد بيأس: لا ماراح اتركك انا احبك عهود ليه تزوجتيه عهود: لانه احسن منك يالصايع والحين اترك يدي لو سمحت زياد بخبث: ماراح اتركها الا بمزاجي وانت لي فاهمة ..وخصرها بيديه وحاول انه يبوسها عطته عهود كف باقوى ماعندها : وخر زين انت غبي حقير انا الحين على ذمة رجال زياد : عادي لما يشوفنا الحين مع بعض بقوله وبالواضيعيه هاذي بقول له انا احنا متوعداين عهود: حقيررررررررر....... وخر عني...... وماراح يصدق زياد بقوة عين: راح يصدق الي يشوفه بعيونه عهود: وانا ماراح اقوله راح اقول لخوالي هم الي راح يتفهامون معاك يالوا طي اما تركي الي سمع اتصالها على نواف ولما اسأله قال له اكيد تبغى شئ فقال له انه بيروح بداله وسمع كل الكلام الي صار في البدايه ظن انهم صدق متواعدين بعدها سمع كلام عهود وعرف حقيقة الوضع: اترك ايدها ياحقير زياد ترك ايد عهود وراحت ركض ورى تركي تتخبى زياد: اوه مين تركي"والابتسامةشاقه حلقه"... زين انك جيت وعرفت الحقيقة تركي والشرار يطلع من عيونه : واي حقيقة يااستاذ زياد زيادومازالت عينه على عهود:الحقيقه يااخ تركي ان انا وعهود نحب بعض واهلها اجبروها تتزوجك عهود وهي تصيح : كذاب والله كذاب زياد: ليه ياعمري تكذبيني لا تخافين ماراح يقدر يسوي لك شئ عهود وهي ورى تركي ومتمسكة بثوبه: تركي والله انه يكذب تركي مد ايده لورى ومسك ايد عهود يهديها: اسمع انت انا الين الحين محترمك لاني ضيف عند ناس غالين عندي ولا ابي اسوي أي فضايح فخذها من قاصرها وانقلع بره زياد وبتحدي: واذا ماطلعت تركي ومن بين اسنانه: تحمل الي يجيك ياخسيس زياد : خوفتيني ياشيخ...ياعني الحين تكذب عينك وتصدقها تركي: ايه اصدقها مو زوجتي زياد: طيب مافكرت يااستاذ تركي هي ليه جايه هنا هذا مايثبت لك انه حنا متواعدين تركي كان بيروح لحد عنده بس ماقدر عهود كانت متمسكة فيه : اقولك اطلع احسن لك زياد: اعلى مافي خيلك اركبه وطلعه ماني طالع تركي يصارخ: بتطلع غصبن عنك يال**** زياد: احترم نفسك وعلت اصواتهم واطلعو خوالها وابوها لما سمعوا صوت تركي بسام: تركي علامك تركي وصدره يعلى وينزل بسرعة من الغيض : الحقير الي واقف عندك ماسك عهود من ايدها ولو اني مالحقت الله العالم وش كان ناوي يسوس بسام وهو يصارخ: وبعدين معاك انت والنهاية زيادببرود: انا ماسويت شئ غلط تركي : احلف انت بس يعني الي سويته مو غلط وهذي بعد بنت عمك اجل الغرب شبتسوي لهم زياد: انت قلتها بنت عمي والمفروض تكون لي مو لك واسمعني زين طال الزمن ولا قصر عهود لي فاهم تركي وهو واصل حده : تبطي وسمع ابو عبدالله الاصوات وطلع مع اخوانه ولما شاف تركي وبسام مستلمين زياد لف عليه ابو زياد: ماهقيتها منك ياابو عبدالله ولدي يتهزاء وانت ساكت تدخل ابو عبدالله وهو بقمة العصبيه: عهيد ووجع ان شاءالله فشلتيني عند الرجال ياقليلة الحيا عهود من الخوف تمسكت بقوة بتركي وهي تصيح: ما..سويت... شئ... هو ابو عبدالله يقاطعها: اكلي تبن انت شلي مطلعك برة يال*****ة ها ماتقولين ياتبن تكلمي يعل الله يأخذك ويريحني من بلاك وانا قلت تزوجت وارتحت منك وراح لعنده يبي يضربها تركي يبعد بو عبدالله: الين هنا وحدك ياعمي انا مااسمح لاحد يهينها او يذلها طول ماانا عايش ولا جاي تضربها قدامي وهذا بدال ماتقول هالكلام لولد اخوك الخسيس ابو عبدالله : اكيد هو مو غلطان هي الي ليه طالعة وهي عارفة ان البيت مليان رجال تركي باندفاع: هي دقت على تلاقيني هنا وولد اخوك ماصدق خبر لما شافها ولا راعى انها مرة متزوجة على الاقل راعى حرمة انها بنت عمه اما زياد الي حط رجوله وطلع لانه عارف انه غلطان ولما شافهم كلهم ضده تركي سحب عهود الي كانت ميته صياح لعند صدره وحضنها وهي ماصدقت خبر وتمسكت فيه باقوى ماعندها : ولو سمحت ياعمي عهود ماتقرب منها ولا تهينها صحيح هي بنتك بس طول ماهي على ذمتي ماحد له عليها واذا هي غلطت انا الي احاسبها تركي وهو يمسح على ظهرها وبصوت ****: خلاص ياقلبي هدي عهود تشاهق :......... تركي بحنان:عهود قلبي تبين نمشي عهود هزت راسها بالايجاب تركي : طيب يلا روحي غسلي وجهك وجيبي اغراضك انتظرك هنا عهود تشاهق : مابي... اخاف..يجيني تركي وهو يرفع وجهها ويمسح دموعها وبكل حب وحنان : سمعيني كويس طول ماانا معاك ماتخافين من أي احدسامعه حتى لو كان ابوك عهودتعلقت زيادة بتركي وزاد صياحها:.................. تركي رفع وجهها مرة ثانيه : خلاص ياقلبي مايستاهل هالنذل وتنزل دموعك عشانه خلاص حبيبي عهود رجعت دفنت وجهها في حضن تركي : ماابي تركي وهو خايف ان يصير عليها شئ : بسام ولا عليك امر خل احد يجيب اغراضها بسام بضيق على حال عهود: ثواني سحب تركي عهود معه عند المغاسل ومسح وجهها بالماي وطول الوقت عهود متمسكة بايده وتتلفت خايفه ابوها يجي لها واخذها تركي وجلسها بالمجلس الثاني وطلب من البزران يجبون مويه:يلا سمي بالله وشربي عهودهزت راسها بلا تركي: شربي عشان يهدي من روعك عهود وجهها محمر من الصياح: ماابي تركي :عشان خاطري عهود: ............. تركي: افا مالي خاطر عندك شربت عهود شوي لانها ماحبت تكسر بخطره بعد الي سواه لها وبعدها بتردد: تركي تركي: عيونه عهود:امممم تركي وقرب وجه بوجهها: تكلمي لا تخافين عهود: والله العظيم انه يكذب والله انا مااحبه تركي وهو مبتسم على برائتها: عارف وعارف بعد عنه كل شئ وحتى لما تقدم لك وكان يبيك وانت رفضتيه خالك بسام قال لي كل شئ عنه وهو يمسح على شعرها وكانه يكلم بزر وحب يخفف عليها و :وبعدين صج انك عنيدة ولسانك طويل بس ماتكذبين صح عهودوهي تمسح وجهها: أي اندق الباب وراح تركي يشوف مين وشاف بسام جايب اغراض عهود مع وجبتها تركي: ايش ذا بسام: وجبتها.... كل هالسالفة صارت لانها تبغى كاتشب تركي باستغراب : كاتشب بسام: أي هي ماتحب تاكل السندويشات الا بكاتشب تركي : اها بس اجل اكلها انت احنا بنروح مطعم ونتعشى بسام: ماحد يقول لا لشئ مجانا تركي : هههههههه ودخل تركي وعطى عهود اغرضها ولبست عبايتها وراحت تسلم على اهلها وطلبت من تركي انه يروح معها ام عبدالله: تو الناس ياتركي تركي : والله ياعمة ورانا طريق وانت عارفة ام عبدالله: لاتاخذ في خاطرك على الي صار تركي : ولا يهمك ام عبدالله وهي حاضنة عهود: ماوصيك على بنتي تركي : لا توصين حريص عهود بعيوني ومسك تركي ايد عهود وطلعوا للسيارة ومشوا وطول الطريق عهود ساكته لحد ماشفته وقف عند المطعم : احنا مو رايحين الدمام تركي : الا بس نتعشى ونمشي عهود: بس انا كلت "شهيتها انسدت بعد الي صار" تركي : لا مااكلتي انا شفت وجبتك مااكلتيها عهود: بس مالي نفس تركي : الحين اذا طلبنا وشفت الاكل راح تنفتح شهيتك .. يلا نزلي عهود:طيب وانزلو المطعم وتركي ماتم حاجة ماطلبها بس عشان يعرف هي ايش تحب وايش ماتحبفي البدايه عهود ماكلت حاجه بس عشانها ميته جوع انفتحت شهيتها وكلو ا وسولفوا وضحكوا بعدها اطلعو وكملو طريقهم بعد ساعتين وصلو للشقة وقال لبواب العمارة يسبقهم ويرقي الاغراض وصعدوا الشقة تركي : تعبانة ولا افرجك على الشقة عهود ماحبت تكسر بخاطره بعد الي سواه: ممم ..يلا وفرحها على الشقة وعجبها ذوقه مرة وبعدها راحت خذتلها شور سريع وطاعت كانت لابسه بيجامة حرير بيضاء وكانت مخصرة على جسمها ومحليتها تركي تنح وهو يطالعها عهود انحرجت واستحت من نظراته: شفيك تطالعني كذ تركي ببتسامة: ولا شئ عهود: مو متروش تركي: الا ودخل بعدها تركي تروش وراحو بسابع نومة من التعب اليوم الثاني صحى تركي قبل عهود ودخل الحمام وبعدها طلع وجلس عند السرير يناظر في عهود "ملاك وربي ملاك ...الي يشوفك ياعهود وانت نايمة ما يصدق ان لك لسان يكنسني ويكنس ديرة ..اخ ياربي متى يحن قلبك علي"ومد ايده يمسح خدها ويتأمل وجهها كانت خدودها موردة وحاضنه مخدتها قرب تركي وباس جبينها وبعده طمع وقرب بيبوس فمها لانه جذبه عهود شهقت:انت شقعد تسوي تركي توهق : لا بس قلت اشوف صحتي ولا لا عهود تفرك عيونها: وتقدر تشوف وانت بعيد تركي يحمد ربه انها ماانتبهت للي كان بيسويه :مادماك صحيتي يلا قومي تجهزي عشان نطلع ونفطر ونتمشى عهود بعيون نعسانه: كم الساعه الحين تركي يناظر ساعته:تسع ونص عهود: تو الناس وانا فيني النوم تركي: قومي ياكسلانه عهود تلف البطانيه عليها وتغطي وجهها: تركي الله يخليك نص ساعة بس ماشبعت نوم تركي يشد البطانيه :يلا بلا كسل ورانا تمشيا اليوم ابي استغل الاسبوع ذا لان بعده بداوم عهود:طيب طيب روح انت واقوم تركي: مااضمنك قومي الحين قدمي عهود:مممم...ولفت على الجها الثانيه جات لتركي فكره عشان تقوم:اوكي حتى انا بنام معاك وانسدح على السرير ولف خصر عهود بيديه وقربها منه عهود فزت: شتسوي انت تركي يستعبط: بنام عهود: بتنام ليه تمسكي تركي: شفتك ضامه المخده قلت اسوي مثلك عهود: طيب ضميت المخده ليه تضمني انا تركي: جربت ماعجبتني قلت اجرب اضمك والصراحه عجبني الوضع "وياشر لها على السرير" يلا تعالي خليني انا شهويتيني على النوم عهود وطار النوم من عيونها : لا لا انا مافيني نوم قوم نطلع تركي ماسك نفسه لا يضحك : بس انا فيني النوم الحين عهود تنرفزت: الشغله عناد تركي: اما انت عجيبه يوم صار فيني لنوم قلت عناد عهود قامت وراحت الحمام: اوكي اذا فيك النوم نام وانا بروح الصاله دخلت عهود الحمام وقفلت الباب اكثر من مرة اما تركي انسدح على السرير وضحك على عهود وبعدها ما فطرو طلعو يقضون اغراض للشقة وراحو لاكثر من محل يقضون اغراض البيت وكانت عهود بالبداية خجلانة اشوي من انها تأخذ الي تبي واول محل ماخذت شئ وتركي يصر عليها انها تاخذ الي تبي لما راحو للمحل الثاني اخذت لها كذا نوع من الشيبسات ولما وصلوا لاسواق التميمي اخذو المثلجات من عنده لانه الاقرب للشقة وبعدها عهود خذت راحتها وشكلت لها من الكاكاوات والبيبسي تركي : الله كل ذا بتخذينه عهود: ليه فيها شئ تركي: لا بس مو كأنه كثير عهود: لا مو كثير واذا بخلان فعادي انا ادفع تركي: لا مو بخلان بس كل الي اقوله انه كثير عليك واخاف انك ماتلحقين تأكلينهم عهود وهي تمشي : لا تخاف انا غرامي الاشياء هاذي وباسبوع اقضي عليهم تركي: اوكي على راحتك بس لو تأخذين حاجات تفيدك احسن لك عهود: اففففف تركي: لا تتأففين وامشي قدمي وكملت عهود واخذت لها مؤنة تكفي لخمس اشخص وهي خذت السالفه عناد مع ان اكثر الي خذتهم مو لذيك الدرجه معاهم وبعدها راحواالشقة ودخل بواب العمارة الاغراض تركي : عهود رتبي الاغراض وانا بروح اريح شوي وبعد صلاة العشاء نطلع عهود تخصرت: لا والله انت ترتاح وانا الي اشتغل لحالي لاتظن انك انت بس الي تعبت تركي: بلل بلل كلتيني شوي شوي عهود: ماادري عنك تركي: المفروض المرة الي ترتب بيتها واغراضه عهود: هذاك اول الحين في شئ اسمه مساوة بين المرة و الرجال تركي : وكيف يعني عهود: نتساعد في امور البيت مو كل شئ على راسي وبعدين هذ مو عيب صح ولا لا تركي : صح.... يلا بروح اغير والحقك على المطبخ عهود: ولا تتأخر تركي : حاضر عمتي راح تركي وغير ملابسه ورجع لعهود وساعدها بترتيب الاغراض تركي : سمعي مو تجلسين تاكلين هالخرابيط واذا جا وقت الاكل قلت شبعانة ومالك نفس ماراح اشتريهم مرة ثانية عهود اكتفت انها تعطيه نظرة بعنى مو على كيفك بعد صلاة العشاء طلعوا وراحوا للمرينا مول وتمشوا فيه تركي : عهود ماودك تشترين لك فستان عهود باستغراب : ليه تركي : عشان زواج ولد اختي راشد عهود: ومتى زواجه تركي : بعد اسبوعين عهود: طيب ماحجزت مشغ ولا حاجة تركي : عادي روحي مع بنت اختي رغد عهود: يمكن مافي حجز لي وماترضى راعية المشغل تركي انت كلميها وشوفي ويلا نروح ندور لك على فستان وراحو ا ويدخلون محل ويطلعون منه وكل محل تدخله عهود تطلع منه مفورة تركي : يعني الحين ما في شئ دخل راسك عهود: والله اشياء كثيرة دخلت راسي بس حضرتك مدخل نفس ك في شئ مايخصك تركي : لا يامدام كل شئ يخصك يخصني وكل شئ يخصني يخصك عهود: اففففففف تركي : كما مرة قلت لك لا تتأففين عهود: مقهورة منك ياأخي لا هذا قصير هذا يكشف الظهر هذا عاري هذا شاله مو ساتر تركي وعاجبه تنرفز ها : هذا اختيراتك يعني لازم تخترينهم كذا وانا اكثر من مرة قلت لك ماحب تلبسين قدام الناس كذا عهود: بس الكل يلبس كذا تبيني احرم نفسي تركي : لا لبسي بس مو قدام الناس عهود: شايفني خبلة البس لنفسي بس تركي وهو ماسك الضحكة: ليه انت انانية لبسي لي مو لنفسك بس عهود فورت:تبطي تركي :ههههههه كيفك بس ماراح تلبسين لبس يفصل جسمك مثل فستان الصباحية لغيري جاهزة تستعرضين لهم بس لي لا عهود: يعني شلون تبي الناس يتكلمون فيني ويقولون شوفوا اللحجية تركي:هههههههه ليه طيب عهود: انت ماشفت المحلات كل الملابس كذا والي مو كذا لحوج لا الوان ولا موديل وهذي اكثر الفساتين الي وريتني ايها تركي: طيب تعالي معاي وانا اختر لك فستان لونه وموديله حلو ومو خالع عهود: وللله بعد الي شفت من اختيرك ما اتوقع تركي : جربي واذا ماعجبك خذي الي تبينة اتفقنا عهود: اتفقنا بس مو بعدين تقول لي لا تركي : ماراح اقول شئ اذا ماكان خالع مرة ومسك تركي ايده وادخلو اكثر من محل ولفت نظره فستان لونه احمر خمري وكان موديله ناعم وفخم بنفس الوقت ويناسب عهود لانها توها عروس عهود عجبها هي بعد تركي: ها .. شرايك الحين هذا موديله حلو وساتر وغير كذا شاله ثقيل عهود بابتسامة خبيثة لان فتحة الصدر مرة واسعة : خلاص ابيه تركي: مو قلت لك هذا الفستان المظبوط الحين ارتاح عهود تضحك بداخلها : أي بس مو كل مرة بتظبط معاك وحاسب تركي على الفستان وطلعوا من المحل تركي : يلا مشينا عهود: وين مشينا باقي الجزمة والاكسسورات تركي : انت يالحريم اغراضكم ماتخلص عهود: والله مو مثلكم انتوا يالرجال ماحد بيتكلم فيكم حتى لو لبستوا ثوب قديم بس احنا لا وغير كذا احنا مانحس بانوثتنا الا اذا صار كل شئ بيرفكت تركي : طيب يلا سرينا وراحو وطقمت عهود لها جزمة وخذت لها طقم اكسسوار مناسب للفستان وبعدها راحو لمطعم وتعشوا فيه لما خلصوا راحو للواجه البحرية وجلسو ا فيها لحد ماقرب اذان الفجر وهم سوالف هو خذ على عهود وتعود على اسلوبها بالكلام وهي بعد بدت تتعود عليه وتجرأت معه بالسوالف والضحك |
|
|
#14 |
|
|
رد: روآيه : مستحيل احبك مستحيل اعيش من دونك ..
وصلوا الشقة واذان الفجر راح تركي المسجد وصلى وعهود صلت ونامت لما رجع تركي توقعها جالسة بس شافها نايمة تركي قرب عندها ومسح على شعرها " هالبنت ملاك وهي نايمة ياناس بريئة مرة والله ياعهود لاعوضك عن كل دمعة نزلت منك وان ماخليتك تحبيني وتتعلقين فيني مثل ماحبتك وتعلقت فيك ماكون تركي " وغير ملابسه ولبس البيجامة ونام اليوم الثاني صحت عهود وهي تحس بالم فظيع ببطنها "يالله مو وقتك انت الحين " وقامت بشويش عشان مايحس تركي عليه وراحت المطبخ وخذت لها بنادول وعصيروجلست على الكرسي مع انها عارفة انه مايسوي لها شئ هي اذا جاتها تروح للمستشفى مع امها ويعطونها ابرة ومغذي"وينك يمة اخ يابطني ياربي شسوي الحين من اقوله الحين اففف ...ومستحيل اقول لتركي " وقامت وجلست بالصالة مرة تنسدح على الكنب ومرة تتمشى وبطنها كل ماله يزيد "ياربي شسوي بموت اه ه يايمه وينك " وجلست على الكنبة وتكورت فيها وقامت تصيح من الالم تقلبت ومو قادرة تثبت على جلسه من بطنها وهو كل ماله يزيد ونامت الساعة 2الظهر اخيرا و انتبه تركي وطالع الساعه"يوه فاتتني صلاة الظهر بالمسجد" والتفت على جهة عهود وما شافها "متى جلست هاذي وليه ماجلستني اصلي " راح الحمام وغسل وجهه وفرش اسنانه بعدها توضأ وطلع وصلى بعدها راح يدورها وشافها منسدحة على الكنب ومتكورة على نفسها استغرب تركي منها "شفيها نايمة هنا ....وليه متكورة على نفسها لايكون تعبانة" وراح لعندها : عهود عهود عهود: همممم تركي: ليه نايمة هنا عهود: اه ه تركي انفجع : عهود شبلاك فيك شئ تعبانة وحط ايده على جبينها وشاف حرارتها عادية عهود وهي خلاص مو قادرة وبدت تصيح: ............ تركي: عهود ليه تصيحين تكلمي في شئ يألمك عهود هزت راسها :............ تركي: طيب وش الي يألمك عهود زاد صياحها:............... تركي: عهود تكلمي عهود:.............. تركي : طيب اشر لي على المكان الي يألمك عهود حطت ايدها على بطنها :............ تركي: بطنك عهود هزت راسها:............ تركي: شفيه يالمك عهود هزت راسها بمعنى أي تركي : من ايش.... اكل امس اثر عليك عهود: لا "وبدت تصيح وتلوي على بطنها من الالم " تركي"ياربي شسوي" وتوه يستوعب الموضوع: عهود هي جاتك عهود: انحرجت:.............. ايش تتوقعون بيصير؟ وش بيكون موقف تركي لما يشوف الفستان؟ وش مخبية الايام لعهود وتركي؟ الجزء السابع تركي: عهود تكلمي لا تخجلين عهود:هزت راسها بمعنى أي تركي يبي يتأكد: الدورة عهودوهي موقادرة خلاص ومنحرجه من تركي : أي تركي: دقيقة وجاي قام بسرعة وجاب لها عصير وحبة بنادول وعطها عهود: لا ماابي تركي: خذيه بخف الالم معاه عهود: اخذت بس مافي فايدة تركي احتار : طيب انت من قبل اذا جاتك شتسوين عهود: اروح مع امي المستشفى ويعطوني ابرة ومغذي تركي على طول راح لبس واخذ مفاتيحه و جاب عباتها وساعدها تلبسها وراح ابها المستشفى ""في المستشفى" لما دخلو على الدكتورة قالت للممرضة تعطيها الابرة سوت عهود مناحة لانها تخاف من الابرة تركي استغرب منها بعدين تذكر انها تخاف من الابر: عهود تخافين من الابرة عهود وهي تصيح : ماابي خلاص خف الالم تركي وهو يهدي فيها : عهود قلبي مسك ليدي وسمي بالله وماراح تحسين فيها عشان ترتاحين عهود: ماابي ما عرف شيسوي معاها قام مسك ذرعها وثبتها وقال للممرضة تعطيها الابرة وعطتها الابرة بعد جهد جهيد لان عهود حاولت تفك ايد تركي منها بس ماقدرت وحقدت على الممرضه وهي مبسوطه على الوضه بعدين عطت الممرضه رفسة تبرد خاطرها وساعدها ان الممرضة واقفه قبالها وجات على بطنها الممرضة : أيييييي... اش هذا ليه سوي كدا تركي وهو ماسك ضحكته: معليش سوري هي تعبانة ومو عارفة وش سوت الممرضة تتميلح : اوكي كلاص بس اشان انته هصل كير عهود : بتضفين وجهك ولا تجيك واحدة ثانيه الممرضة: انتي واجد شيتانه ومافي كويس عهود: لاااا .. تعالي طقيني احسن تركي وهو مو قادر يمسك نفسه:هههههههههههههههههههه عهود: ايه اضحك مو فيك الابرة تركي: ههه بس قولي الصدق ماريحتك عهود لفت وجهها وطلعت من الغرفه ولاحقها تركي بسرعة وطلع تركي من المستشفى ولا قدرو يحطون المغذي لها وعطته الدكتورة فيتامينات بداله لانهم بالموت وعطوها الابرة ولما ركبو السيارة نامت عهود على طول من مفعول الابرة تركي طول الطريق وهو يطالع عهود نايمة" كل يوم اكتشف شئ جديد فيك ياعهود لهدرجة تخافين من الابرة انا لازم اعرف عنك كل شئ ياقلبي " وصلو للشقة وجلس عهود وساعدها لحد ماوصلو الشقة وفصخها العباية وسدحها على السرير ولحفها بالبطانية وطلع يجيب الادوية الي اكتبتهم الدكتورة ويجيب غدا لهم "في الشقة" على الساعة خمس انتبهت عهود وخف عنها الم بطنها دخلت الحمام وتروشت وجففت شعرها ولا طلعت من الغرفة لانها كانت مستحيةومنحرجة من تركي من بعد الموقف الي صار تركي دخلت اشوف صحت ولا الا واشوفها تنسدح وتتغطى باللحاف بسرعة ضحكت على برائتها وحياها وقربت عندها وجلست على طرف السرير :عهود ادري انك جالسة قومي يلا عهود مازالت مغطية راسها ولا رد تركي: يلا عهود هذا شئ طبيعي وماله داعي كل هالحيا .... يلا قومي نتغدا انا للحين مااكلت شئ انتظرك يلا انا شريت الغدا قومي تلقينه ثلج عهود من تحت اللحاف : انا مو جوعانة روح اكل انت تركي: مايصير انت هالوقت لازم تتغذين كويس.... ويلا عشان تاخذين الفيتامينات الي كتبتهم الدكتورة لك عهود: يااخي ماتفهم قلت لك مو جوعانة تركي: أي مو جوعانة من امس مااكلت شئ عهود:..................... وقام تركي وسحب اللحاف عنها وقومها من السرير وسحبها معه وراح للصالة وجلسها على طاولة الطعام وكان مجهزها وجلس عهود وجلس مقابلها واخذ صحنها وحط لها : يلا ابي اشوف الصحن فاضي عهود شهقت: كله تركي : كله عهود: لا باكل لحد ماشبع تركي ببتسامة: اوكي بس المهم تاكلين وخلصوا غداهم وقام تركي مع عهود وساعدها برفع الصحون وبعدها جلسوا يتفرجون على التلفزيون لحد مااذن المغرب وراحتركي المسجد وصلى ورجع الساعة وحدة بالليل وهو يتفرجون على التلفزيون وتركي طول الوقت يتثاوب تركي: يلا عهود عهود: وين تركي: ننام عهود: بس انا مافيني النوم تركي: وانا فيني يلا قومي عهود: ماحد ماسكك روح نام تركي: وانتي عهود: بجلس لحد مايجيني النوم واجي انام تركي: وانام لحالي عهود رفعت حاجبها : وليه دادا انت تبيني انومك ولا انام معاك تركي: لا مو دادا بس مااحب انام لحالي عهود: وانت من قبل مو تنام لحالك والا تركي: الا انام بس الحين تعودت انام معاك عهود: لاتاخذ على الوضع كثير لان بعد سنة بتنام لحالك الا اذا تزوجت تركي "لا حول الله وهاذي ماتنسى": اذا خلصت السنه يحلها الف حلاال .. ويلا قومي واصل حدي ابي انام عهود: وانا ماابي انام لا ترفزني وبعدين اذا طولت لساني تقولي ليه تطولينه تركي: الساعة وحده متى بتامين عهود: وانت شعليك متى انام خلاص روح تركي: جلسي سهري طول الليل ونامي النهار وفوتي عليك الصلاة عهود انحرجت وحمر وجهها :................ تركي استوعب الي قاله وحب يغير الموضوع: طيب اذا جلست الحين وش بتسوين مو تقولين ان الدش بايخ عهود: عادي بعد اشوي بيجي نور تركي: لا تشوفين المسلسل ذا عهود تخصرت: وليه ان شاءالله تركي: بس اغار عهود"الحمدالله والشكر": وليه تغار تركي: مااحب زوجتي تطالع غيري وبعدين هذا مهند ماينزل من هنا"وهو يأشر على بلعومه" عهود: مشكلتك تركي: المهم مافيتشوفينه عهود: مو على كيفيك وروح نام وفكني تركي: خير ان شاءالله شقلتي عهود: الي سمعته تركي اخذ الجهاز وحط على mbc4 وقفلها: يلا وريني شلون بتشوفينه عهود: تركي بلا حركات بزران وافتحها تركي: نو نو عهود: عادي ماهميتني اقدر اشوفه اذا رحت بيت اهلي تركي: أي بس بتفوتك حلقات الاسبوع كله عهود: لا يعيدون الحلقات كلها يوم الخميس تركي: زين انك قلتي لي عشان اقول لابوك يقفلها عهود: ياسلام ليه النذالة تركي: قلت لك مااحب زوجتي تناظر غيري عهود خذت لها المخدة وحضنتها:افففففففف تركي: افين بعد لفت عهود عليه: مو قلت بتنام روح والقناة وقفلتها شتبي بعد تركي: بجلس معاك طار النوم عهود: افففف وخذت الجهاز وقلبت بالقنوات وماعجبها شئ :اممم ..تركي تركي عين مغمضه وعين مفتحه:هلا عهود: عندك جهاز DVD تركي: أي عندي ليه عهود: ابي اشوف مسلسلاتي وافلامي تركي: من وينلك هالمسلسلات عهود: مسجلتهم تركي: لحظه وقام وجاب الجهاز وركبه في التلفزيون: وهذا DVD عهود: حلو لحظه اجيب السيديهات....... وراحت الغرفة وجابت شنطة السديهات وخذت لها مخدات وحطتهم على الارض وجلست تركي: ليه جلستي على الارض عهود: عشان اعرف اركز وانا اشوف قام تركي وجلس جنبها واخذ منها الشنطة يتفرج على السديهات : ايش ذا عهود: هذا مسلسلي المفضل تركي : الي هو عهود: BUFFY THE VAMPER SLYER تركي: وش نوعه عهود: رعب واكشن تركي: حلو احب النوع هذا والبطل ممثل معروف عهود: قصدك البطله أي معروفه اسمها سارة غلير تركي: امم طيب عطيني الموجز حقه عهود: هي بنت تحارب مصاصين الدماء وتحمي العالم وهذ اول مسلسل تابعته وكنت مع ربعي نتحمس واحنا نتابعه واذا رحنا المدرسه نجلس ونتكلم عن الاحداث وخاصة عن حبيبها "وهي تحط ايدها على قلبها"اخخخخخ ياقلبي عليه يجنن اخذ تركي مخده وخبطها فيها على وجهها عهود: وجع ليه تخبطني تركي: الحين يلي ماتستحين جالس جنبك وتتغزلين في غيري وهذا قدمي من وراي شلون عهود وهي تمسح على وجهها: لا تخاف من وراك ومن قدامك هذا كلامي وبعدين انت لما تشوفه بتعذرني تركي:نعم خير ان شاءلله وش الي اعذرك وبعدين هذا مو متزوجه كيفك بس الحين انت متزوجه وماتناظرين غيري عهود رفعت حاجبها: وليه يعني انت ماتشوف تركي يستهبل: لا مااشوف رجال عهود: اقصد بنات.......... البنات الي مالين فيديوهات الكليب تركي يتصنع البراءة : انا ..انا مااحب اشوفهم عهود: أي كثر منها تركي: تغارين عهود: لا اغار ولاشئ بس مثل ماانت تشوف انا اشوف تركي جلس يقلب بالسديهان:وهذا وشو عهود: مسلسل CHARMED تركي: وفيه واحد"يقلد عهود"يجنن بعد عهود: تطمن مافيه تركي: وش قصته عهود: مايعجبك تركي: طيب غيرهم وش تابعين عهود:مممم كثير الي اتابعهم الحين GHOST WISPER وalis ووغيرهم كثير تركي: ماتبعتي lost عهود: لا مو كثير تركي: انا عجبني المسلسل هذا كثير هو مع prison breke عهود: لا انا احب المسلسلات الرعب اكثر من الاكشن وخاصة اذا صارت البطوله للبنات تركي: اها ...طيب حطي ALISخلينا نتفرج عليه عهود: اوكي وحطت السيدي بالجهاز وراحت جابت الشيبسات والكاكاوات والبيبسي لزوم السهرة وجلسوا يتفرجون لحد مااذن الفجر وقام تركي وراح المسجد ولما رجع طفى كل شئ وقومها تنام عهود"اليوم موعد عرس ولد اخته والكل راح المشغل وانا من حسن حظي حصلت حجز مع رغد وخلصت بس لسه مالبست لاني مااحب البس بالمشاغل ودقيت على تركي وكانت اول مرة ادق عليه واكلمه كويس معاه من تزوجنا رد: هلا وغلا عهود" ياملقك ": اهلين ممكن تمر على انا خلصت تركي : اكيد وانا كم عهود عندي بس موبدري تروحين للصالة عهود: لا بروح البيت لاني للحين مالبست تركي : ليه عهود: لاني مااحب البس بالمشاغل تركي: اهم..خلاص دقايق وانا جاي سلام عهود: سلام تركي كان مبسوط لانه راح يشوفها قبل لاتروح ويشوف الفستان عليها ودقايق الا هو داق عليها ونزلت مع رغد ووصلو البيت وعلى طول راحت للغرفة تلبس الفستان بعدها خلصت ولبست الاكسسوار والجزمة كان شكلها خيال وشعرها المسيح ومرول على خفيف اما الميك اب خلته ناعم مرة وكانت تبي تلبس عبايتها بسرعه عشان مايشوف تركي الفستان عليها بس دخل تركي فجأة ولما شافها بلم وعهود قلب وجهها مهما كان تستحي تجلس قدامه كذا وانتبهت لتركي لما عقد حجاته وهو يقزها من تحت لفوق وثبت نظره لفتحة الصدر: عهود مو هذا الفستان الي شرينا عهودوهي كلش منحرجه : أي تركي: متأكده عهود وهي تروح تاخذ عبايتها: ايه متأكده ليه تركي راح لعندها وسحب العبايه منها: بس يوم شريناه ماكنت الفتحة كذا ولا عهود مستحيه من قرب تركي : الا لما شريناه كذا تركي ومازال يقز: طيب بتروحين به عهود: اجل ليه شريته عشان اتمنظر فيه تركي منهبل عليها وهي مستحيه وقرب اكثر منها:بس عهود تبعد عنه لحد مالصقت بالجدار :بس ايش تركي يحوطها ويحط ايده على الجدار : اممم... ماعندك غيره عهود تخصرت : نعععععععم تركي بصوت **** : نعم الله عليك....."وركز نظره للفتحه" انت شوفي شلون الفتحة واسعة كيف عهود قدرت تفك نفسها منه وخذت الشال وغطت نفسها : والله هذا اختيرك وتحمل تركي : امم اختياري وليه مانبهتيني عن الفتحه عهود: ظنيتك تدري تركي مضيق عيونه: اها ادري عهود بارتباك: انت ليه تطالعني كذا تركي يقرب منها: والله زوجتي وكيفي اطالعك مثل ماابي عهود: طيب عطني العبايه تركي يعض شفته: ليه عهود: بلبسها ولا تبيني اطلع كذا تركي: تبيني اذبحك تطلعين كذا عهود ارتبكت اكثر من نظراته : اجل عطني ايها تركي: طيب بس عطيني الشال شوي عهود اشوي وتصيح: ليه تركي: انتبه لخوفها وارتبكها راح لعندها وسحب الشال و حطه بطريقه تخفي وسع الفتحه:كذا اوكي عهود طاح قلبها ببطنها من الخوف: ............. تركي مسك ايدها وسحبها لعند التسريحه: شوفيه مظبوط ولا اسمع انك منزلته عهود وجسمها صاير حار من قرب تركي وهي معطته ظهرها ولاصقه بظهره: طيب وخر تركي ببتسمه خبيثه: واذا ماوخرت عهود: خير خير ان شاءالله تركي:ههههه ولا شئ عهود بعدت عنه: عطني العبايه تركي وهو يعطيها: حطي ببالك انه اخر مرة تلبسين كذا عهود: نعم تركي : الي سمعتي ولبس مثل هذا ماتلبسينه لغيري عهود: والله مالبسته لك هذا الي ناقص تركي متكتف: وليه هذا الي ناقص يعني للحريم الغرب اوكي وزوجك لا عهود تغير الموضوع : يلا مشينا تاخرنا على رغد تركي : ضيعي الموضوع بس ماانتهينا عهود: تركي لا تطول السالفه وهي قصيره تركي: يعني عاجبك الناس تشوفك كذا ويجلسون يطالعون مفاتنك عهود: عادي حريم قالو لك رجال هم يقزون مثلكم تركي: لوانهم رجال ماخليتك تروحين لاي عرس عهود: يلا يلا تأخرنا تركي : يلا لا اتهور الحين عهود سمعته قول كذا وطلعت طيران من الغرفه وتركي ضحك عليها وطلعو وراحوا الصالة وانبسطوا وعهود ماقصرت بالرقص ومبسوطة على الاخر مع رغد وانتهى العرس بسلام وراحت عهود مع تركي لبيت اهله وتروشت ولبست بيجامتها ونامو لانهم تعبوا تركي بتوجيبه للرجال وعهود بالرقص اليوم الثاني الكل مجتمعين وهم مجلسين مع اهل تركي يتقهوون ام عبدالرحمن : ههههههه أي والله مو مصدقين ام خلود: أي والله اقولهم متزوجة مو مصدقين تركي بلقافة: منهي الي متزوجه سعاد مرت اخوه الكبير : الله يسلمك خطاب جايين وبالهبل بعد تركي : حلو لمين للرغد ولا بدور وسمر ليلى "ام عادل"اخت تركي : لا مو للرغد ولابدور وسمر تركي : لمين اجل ام خلود وهي تضحك : لمرتك تركي وهو يشرق بالشاهي : نععععععععم ام خلود بضحكة : هههههه الي سمعته ام عبد الرحمن : اذبحوني لاحقيني وين ماروح نبي بنتكم نبيها نقول لهم متزوجة مو مصدقين ليلى : أي والله لحد اليوم يدقون نبي بنتكم الي لابسه احمر تركي معصب: وليه ماقلتوا لهم يتوكلون يعني هم ماحضروا عرسي عشان يعرفون انها زوجتي ام عبد الرحمن : هذولي من اهل مرت ولد اختك ماحضرو زواجك عهود مع رغد ميتين ضحك على تركي ولف عليهم: وانت مع وجهك مبسوطة عهود ماسكة ضحكتها : وانا ايش دخلني هم الي جاو تركي : وليه ماقلتي لهم انك متزوجة عهود: هم ماسألوني الي سالوني عنه اسمي وقلت لهم تركي: ويعني مالقوا الا مرتي قلوا البنات الي بالعرس سعاد: مرتك خبلت فيهم عليها رقص يطير العقل ولا حلاها طالعة بمكياجها كانها بنوتة تركي فور:خلاص مافي روحه للعروس عهود: ليه تركي : بتروحين تروحين متغتره رغد حبت تخبل فيه: وحتى يوم تغترت ياخالي اخوان العروس تخبلوا عليها كل واحد ياشر عليها ويكلم امه تركي: نعم انت " ياشر على عهود"عروس شيليها من بالك ولو رحتي بغطا زي امي عهود: كله منك يالسوسه رغد:ههههه والله ان خالي استخف شسويتي فيه عهيد ماكان كذا قبل عهود: انطمي بس سعاد:طيب ياتركي شنسوي بالخطاب اذا دقوا تركي : يمة اذا دقوا سكري السماعة بوجيهم مرتي وحاطين عينهم عليها وجع مابعد اتهنى فيها وحطين عيونهم عليها بخريها يمه عن العين بكرة تتحرول علي ام عبدالرحمن : وانت من صدقك اكيد احنا نصرفهم والا برايك نعطيهم اياها تركي: هئ هئ يحلمممممممممون الكل : ههههههههههههههههههههههههههههه رغد: من قدك ياعهود طيرت عقله وهذا هو الثقيل تركي لاف على عهود: وانت مرة ثانية مافي روحة للعروس مافي يعني مافي عهود عصبت: وليه مو ذنبي انهم يبوني تركي: احل ان كنت بتروحي ماتروحين الا عروس الاهل بس غيره مافي ورقص مافي سامعه " قالها وهو معصب" وقام وطلع ليلى: هههههههه تركيه عنك عهود: والله هو عنيد ليلى : تقدرين تقنعينه بطريقتك الخاصه" وتغمز لها " عهود انحرجت: وهذا الي بيصير سعاد: من صدقه تركي يعصب على كذا والله ماتوقعت ام خلود: والله منتي سهلة ياعهود علقتي الرجال عهود" وهذا الي مابيه مابيه يتعلق فيني لان اذا جا وقت الطلاق بيعند" واكتفت ببتسامة الكل ظن انه حيا ولانهم بيمشون اليوم دقت على تركي عشان يوديها بيت اهلها بس مارد عليها وبعد مادقت اربع مرت رد عليها: خير في خطاب بعد عهود: والله عقليتك عقلية مراهق وهذا انت وشوي تسك الخمسين تركي: من قال ياقلبي انا توني شباب عهود: ايه صدق المهم متى توديني بيت اهلي تركي: شقصدك قصدك اني شايب عهود: انت الي قلت مو انا وبعدين لاتضيع الموضوع تركي: يعني انا شايب ها عهود: بتمرني ولا ادق على اخوي تركي: لا تدقين ولا اني مارك مافي روحه عهود بضيق: ليه تركي: خلك تتأدبين قبل عهود: وانا ايش سويت تركي: لا سلامتك ماسويتي شئ ..ياماما عدلي اسلوبك وهالمره حرمتك اليوم مره ثانيه قلي ادبك شهر كامل ماتشوفينهم عهود: ماتقدر تركي: جربي وشوفي اقدر ولا لا عهود: طيب ابي اروح بيت اهلي حتى لو دقيقه تركي: قلت لا وجهزي بعد نص ساعة بنمشي الدمام عهود: افففففف تركي: لبكره يلا باي وسكر السماعة وبعد صلاة العشاء رجعوا الدمام |
|
|
#15 |
|
|
رد: روآيه : مستحيل احبك مستحيل اعيش من دونك ..
الجزء الثامن........................ . واليوم الثاني على المغرب جلس تركي على الكنبة مقابل عهود: عهود اممم عهود: في شئ تركي : لا بس بغيت اسأل انت تخافين تجلسين لحالك عهود عاقد حواجبها : ليه هالسؤال تركي: ابد بس انا اليوم معزوم على العشاء بمناسبة زواجي الربع مسوينها لي عهود: اها ... طيب بطول تركي: والله ماعرف عشان كذا انا سألتك اذا تخافين تجلسين لحالك عهود: اذا بطول الصراحة اخاف تركي : امممممم .. اوديك بيت خالك شرايك عهود بعد تفكير: لا ماابي انا بقول لنجود تجي عندي احسن تركي : براحتك بس تأكدي منها اذا كانت تقدر تجي عهود راحت جابت الجوال ودقت على تؤام روحي الرنة الرابعة ارفعت وهي تلهث: مالت عليك قال تؤام روحك قال شهر يالظلامة ماتدقين ولا ترسلين حتى عهود وهي تضحك: بسسسسسسسسسسس كلتيني خليني اتكلم نجود: وحشتيييييييييييييني عهود: وانت اكثر ياقلبي شلونك وشلون خالي وامك نجود: كلنا تمام وانت عهود: يمشي الحال المهم خلي السوالف اذا جيتي نجود باستغراب : وين اجي عهود: عندي نجود: من قال عهود: انا بس انت تخلين احد يتكلم بالعة مسجل نجود: والله الشراهة على اشتاق لوحدة مثلك خوانة بس شافت الرجل طار عقلها عهود: نجود اظنك تعرفين انه مستحيل يصير كذا نجود: امزح معاك عهود: خلينا من هالكلام تعالي عندي اليوم لانه معزوم عند ربعه واخاف اجلس لحالي نجود تستعبط: منهو المعزوم عهود: نجييد ووجع نجود: هههههههه لهدرجة اسمه ثقيل على لسانك اجل بالليل شتسوين عهود: نجيييييييد بتجين ولا لا نجود: موجود جنبك عهود: أي نجود: وانا اقول وين لسانك عهود: الزبدة روحي قولي لخالي ولا تقومين من عنده الا مخليته يوافق نجود: خالك مقدور عليه بس من بيوديني ويجيبني عهود: نواف نجود: انت قولي له عهود : خلاص روحي تجهزي وانا ادق عليه نجود: اوكي باي عهود: باي تركي : بتجي عهود: أي تركي : وكل هالهثرة بس عشان تقولين لها تعالي عهود عطته نظرة ودقت على نواف: هلا وغلا بالي نساني نواف : شلون انسى هواي الي اتنفسه قولي شلون عهود: اذا كنت هواك مااشوفك تدق ولا ترسل ياقلبي نواف : ودي بس انت ناسية انك متزوجة اخاف ازعجك ولاشئ بعدين وش يفكنا من تركي عهود: مالت عليك انت مافي شئ يزعجني منك واي وقت اشتقت وحبيت تسمع صوتي دق والوقت الي مارد عليك عذرك معاك تركي كان يطالع عهود بغيض وهي ولا معبرته"شف مع وجهها شلون تكلمه يس ولا اشتقت مادري ايش " عهود: عمري بطلب منك طلب نواف :انت تامرين موتطلبين عهود: تسلم حياتي انت تركي دز عهود وهو رافع حاجبه وياشر لها بايده عهود"شيبي ذا خير ان شاءلله" :نواف لحظة شوي وهي تلف على تركي: نعم شفيك تركي: مو نواف ذا عهود: عن العباطة يعني ماسمعتني اقول نواف تركي : ونواف ولد خالك صح عهود"الله يطولك ياروح والنهاية مع هالمليق":أي واخوي من الرضاعة بعد تركي :وانت متعودة تكلمينه كذا عهود: وشلون تبيني اكلمه بعد تركي: كلميه عادي مو لازم هالكلام وعلى مااظن الكلام هذا ينقال لزوجك وحبيبك عهود: هذا لو كنت اعتبرك زوجي وحبيبي كان ممكن بس انت مجرد اممم صيق لا اكثر ولا اقل تركي انجرح من ردها " اذبحها هذي يالله انك تصبرني ولا اقوم اكوفنها هنا لاني عارف ان هالتصرف بيزيد الطين بلة افففف وانا كل ماقول ان هالبنت بدت تتقبلني تجي وتسد الباب بوجهي اخخخخخخخخخ بس اخ":كملي بس كلمي الرجال الي على التلفون عهود وهي لوية بوزها:هلا قلببببببببي انت اسفه تأخرت عليك كانت متعمدة عشان تنرفز تركي ونجحت لانه قام وهد المكان ودخل الحجرة نواف: ولا يهمك بس ماقلتي ايش الطلب عهود: ابيك تجيب نجود عندي نواف:لا عهودة شيقول رجلك الحين انت ناسية انكم لسة عرسان جداد عهود: ماعليك منه هو بيطلع عنده عزومة وانا اخاف اجلس لحالي نواف : اذا كان كذا اوكي عهود: وانت الي بترجعها نواف: ان شاءالله أي اوامر ثانية عهود: وتأخر اذا جيت تأخذها لاني ولهانة عليها نواف: وانا عهود: وانت بعد وادخل اذا جبتها طيب نواف :بس مش متأخر لاني مواعد ربعي عهود: المهم اشوفك يلا لا تتأخر بسرعة تعالوا نواف: اوكي البوا باي عهود: باي وسكرت منه ودقت على نجود تتجهز وراحت هي تلبس تركي : بتجي عهود: أي هي ونواف تركي وهو مكتف ايديه: على ماأظن قلت بس النجود ماقلت نواف عهود: ياسلام يعني اقوله لاتجي تركي: لا مو كذا بس انت عارفه اني ماراح اكون موجود عهود: وهذا المطلوب تبي الصراحة مليت من مقابل وجهك تركي : عهيد عدلي لسانك عهود: وذا ماعدلته شبتسوي تركي: عهود ظبطي نفسك مادم النفس عليك طيبة عهود وهي متخصرة : اكيد بتصير طيبة لانك ماخذت الي تبيه لازم تسايريني لحد ماتوصل وبعدين تطلع على حقيقتك تركي وصل حده وهو يصر على اسنان: والي هو عهود: اظنك عارف تركي : لا مو عارف عهود: السبب الي يخلي الرجال يتزوجون هو في غيره تركي: ويعني تعتقدين هذا بس الي يخلي الرجال يتزوج عهود بثقه: أي نعم تركي : اسمحي لي اني اقولك انك غبية وعقلك عقل بزر عهود وعيونها طلعت : انت الغبي وانا مو بزر تركي راح لعندها وعيونه حمر من الغيض ومسكها من زندها: سمعيني مو لاني ساكت لك تقولين اني رخمة وبقول الي ابي لا يامدام اصحي انا ساكت لاني ماأخذك على قد عقلك سامعة بس انت الين ماينفع معاك ويبلي استخدم اسلوب ثاني عهود وهي تحاول تبعد ايده : وخر عني تركي: واذا ماوخرت عهود: قلت لك وخخخخخخخخخر تركي دفها عنه: سمعيني عدل سكت عنك وقلت يمكن تتعدل بس مافيك فايدة اليوم لما ارجع حقوقي كاملة ابيها سامعة عهود وهي فيها الصيحة: لا انت قايل بعد ثلاث شهور هذا اتفقنا تركي : واتفقنا كان لماتظبطين لسانك الي ينقط عسل بس مادمك مو ظابطته انا مش منفذ الي اتفقنا عليه وانت قايلة هذا السبب الي مخليني اتزوجك فتحملي وخلك جاهزة الليلة لانها بتكون بداية زوجنا صج عهود: مو كيفك ماابي تركي : حقوقي بأخذها بأخذها بالطيب ولا بالغصب وخليها بالطيب احسن لك وطلع تركي من الشقة وعهود على طول رمت نفسها على الفراش تصيح بعدها هدت نفسها" والله ياتركي مااكون عهود اذا خليتك تلمسني وانا اوريك يالحقير كل الرجال مثل بعض يعني بتقص علي بتمثليتك هذي بس على مين " وعلى طول دقت على نجود وطلبت منها تجيب لها غرض من الصيدلية وقامت وتجهزت ولبست لها بدي بيج مع تنوررة قصيرة لعند الركبة وكانت كروهات بني وبيج ولبست بوت بني طويل معها وحزام عند الخصر بني وفتحت شعرها وحطتلها كحل وغلوس لانها ماتحب المكياج كثير وهي مندمجة : وبتقعدين جنب نواف كذا عهود لفت متروعة : انت موطلعت تركي راح يجيب العشاء مع شوية حلا ورجع: أي ورجعت اشوف حضرتك شنو بتلبسين ويلاروحي غيري عهود انحرجت : ماراح اغير مو كيفك تركي من بين اسنانه: عهود لا تعاندين وروحي غيري عهود: والله لبسي وانا حرة وانا متعودة البس كذا جنبه يوم كنت بيت اهلي وبعدين بلبس جاكيت والبوت طويل تركي : يوم كنتي والحين انتي عندي وانا مية مرة قلت لك هالبس ماتلبسينهالالي عهود: تبببببببببطي البسه لك تركي : كيفك ماتبين تلبسينه لي بس ما تلبسينه لغيري حتى لو كانوا حريم عهود: والله هذي حرية شخصية البس الي ابيه فاهم تركي: الحين انت بتغيرين ولا شلون عهو وهي متخصرة: لالالالالالالالالا تركي : طيب وتوجه للدولاب عهود: شتسوي انت تركي : ان ماغيرت انا الي راح اغير لك عهود: توكل زين تغير لي تركي : لا تتحديني عهود خافت منه وهو معصب وعارفة انه بيسويها : اطلع برة عشان اغير تركي مسك ذراعها: طلبي بادب عهود وهي تحاول تفك ايده: ممكن تطلع تركي : شنو كان بيضرك لو طلبت بادب من البداية وطلع من الغرفة وراحت عهود وغيرت ولبست بنطلون جينز بني مع دي بيج طويل يغطي الاردافوداخله بلوزة بنيه بكم حيران وطلعت : وقول غيري ماراح اغير سامع تركي طالعها من فوق لتحت : اممم.... الحين تمام بس شعرك عهود:"الله ياخذك" :وشفيه بعد تركي : رفعيه عهود: وليه تركي : مادامك ترفعينه عندي ترفعينه لغيري وانا مااحب انا مرتي تطلع حلاها لغيري عهود: ذبحتني مرتي ومرتي مصدق نفسك انت تركي بنظرة قلبت وجه عهود: ان شاءالله الليله اصدق نفسي عهود: ماراح ارفعه واذا جبرتني والله لاقصه وراتح تركي وهو يقزها قز: جربي انت وشوفي عهود ماعجبته نظراته لها: وبعدين انت لا تطالعني كذا تركي يستعبط: وشلون تبيني اطلعك عهود: انت عارف الي اقصده تركي : والله مرتي واطالعك مثل ماابي وهذا حقي لانك بكبرك حقي زملكي واسوي الي ابي فيك عهود: حممممممممار تركي ببتسامه نرفزتها : انا بخليك الحين بس اذا رجعت لي تفاهم ثاني معاك ولاتحاولين تخلين نفسك نايمة لان مابيردني عنك احد عهود: حمممممار وحححححححقييييييير تركي وهو يضحك : باي ياحلو الليلة الوعد اوكي والله لاطلع كل حرتي منك طلع من الشقة وعهود تسب فيه" تحلم ياتركي تحلم" بعدها بدقايق رجع : نسيت حاجة عهود بعدت عنه وراحت الصالة وهو دخل وقفل دولاب ملابسها عشان ماتغيير اذا طلع وراح لصالة وهو ياشر لها على المفتاح وقرب منها وهي تبعد لحد مامسك وجهها بيدينه وطبع على وجهها بوسة على خدها : هذا شئ يصبرني لليله ياحلو عهود وهي تمسح وجهها وماقالت شئ خايفة يكشف شنوية عليه وطلع وصلت نجود ونواف وبعد السلام فرجتهم على الشقة وبعدين جلسوا بالصالة وتمو يسولفون وبعدها طلع نواف عهود: جبت الي وصيتك عليه نجود: أي بس ماقلتي لي ليه عهود: انا اقولك الشيخ ناوي على الليلة وانا بوقفه عند حده نجود:هههههههههه عهيد من صدقك عهود : اجل من كذبي نجود: وطول هالمدة مالمسك عهود: لا لان كنا متفقين نظل ثلاث شهور نتعرف على بعض نجود: وهو وافق عهود: أي بس شرط على اني امسك لساني نجود: وطبعا ماقدرتي عهود: أي وقال الليلة بياخذ حقه نجود: ههههههههههه عهود: ضحكي انت بس لحظة اخذ الحبوب كم حبة اخذ نجود: انت باقي لها اسبوع على موعدها يعني حبتين عهود: ومتى توصل نجود: بعد ساعتين بالظبط عهود: حلو.... وخذت الحبوب وجلست تسوالف مع نجود نجود:من صدقك انت معصب على كذا عهود: ههههه ولا يقول لي لا تروحين اعراس ال وانت متغتره نجود:ههههههههه عهود: والله تخلف في هالادمي نجود:بس رجلك مخفة عهود: توك تدرين نجود :طيب ميته جوع ماراح تعشينا عهود: الا قومي معاي المطبخ نجود: ان شاءالله بتطبخين وععععععع ياليتني متعشية ببيتنا عهود: مالت عليك يحصلك طبخي بس لا تحلمين ماراح اتكرم عليك واطبخ هو شاري العشا بس نصخنه نجود: اذا كذا اوكي وراحو صخنو العشاء وجلسوا ياكلون فيه والبيبسي والحلا وسوالف وضحك عهود: اه ه ه ه نجود: شفيك عهود: بطني شكلها وصلت خليني اروح اتأكد وقامت عهو د ورجعت معا انها تتألم بس مبسوطة نجود: ارتحت الحين عهود: المها يهون ولا انه يطول الي في باله نجود: بس تدرين ان الملائكة راح تلعنك عهود: .............................. .................... ...... نجود: كيفك بس شراح تسوين انت لازم لك ابرة ومغذي عهود: اذا جا اخليه يوديني لانه وداني من قبل نجود: ههههههه ودي اشوف وجهه عهود: لا تخافين بتجيك الاخبار وهذا درس له ان مافي حد يغصبني على شئ ماابيه نجود: بتتحملين الين يرجع عهود: ماادري اه ه ه ه نجود: تبيني ادق على نواف يجي عهود وهي ميته الم : أي نجود:طيب دقي عليه وقولي له عهود: خليه يولي دقي على نواف نجود: طيب ...........ودقت على نواف وجاهم بسرعة ونزلو له |
