 |
  |
|
|
|
|
#26 |
|
|
رد: آه من قلبٍ غدى حبه جنوني كاملة
بارت ال 23 فطوم : حمداني حمدان : ..... فطوم بدلع : حبيبي حمدان فج عيونه من الخاطر وانصدم : فطوم ,, لوا عليها من الخاطر وهيه عاد قفطت لانه طاحت عليه فطوم : حمدان خوز عن حد يشوفنا .. حمدان : مابا اخوز خليني كيفي ولهان عليج موت فديت روحج والله .. جان يشوف ويها ,, ضعفتي وايد حرام عليج شو مسويه فطوم : فديتك والله ,, حمدان : الحمدالله ع السلامه يا قلبي ولهت عليج والله ,, عنيه افدا هالويه محلاه ,, فطوم : ههههههههههههههه ,, الله يسلمج فديت روحك ,, يلا قوم اتغسل ابا ايلس وياك لين فليل حمدان : ان شاء الله فديتج طلعت فطوم من الغرفه و سرت غرفة محمد وكان امهدل من الخاطر ,, الوزار طايح و اللحاف امبهدل ضحكت عليه من الخاطر ,, استوت نذله جان تي و تصرخ ب القو فطوم : حمو دي و تعفد ع الشبريه محمد عاد قفز من الخاطر : وابويه بسم بالله ,, منوانتي !! استوعت .. فطوم الله يغربلج حد جيه يوعي ,, توه يستوعب عدل فطوم انتي يتي ,, حبيبتي والله فطوم : مالت عليك توه تسبنيه ,, جان تلوي عليه من الخاطر محمد : فديتج والله الحمدالله ع السلامه ,, فطوم : الله يسلمك غناتي ,, يلا بسرعه بسرعه قوم بنسولف محمد : بتسبح و بنزل تحت اما عن ام حمدان كان بوحمدان يالس و يتأمل فويها ,, و باس خدها كمن بوسه لين ما استوعبت انه حد يبوسها ام حمدان : حمود بو حمدان :يا عيونه ام حمدان لوت عليه : فديتك ولهت عليك حيل بو حمدان : فديتج انا اللي ولهت عليج و ع حظنج الدافي ,, بس احس انه الجو شويه ممطر ,, عصب : آآآآآآآه من قلب آآه من قلب : خير كملو كملو خلوني اصور بو حمدان : يلا يلا انجلعي برع وايد يعني مستانسه آآه من قلب : ماعليه ان ماخبرت فطوم انه اليوم ملجتها جان تتطلع و تسكر الباب بو حمدان : لا الله يغربلج صوب البنات فطوم دخلت ع ساره جان تشوف مريوم و عليوه عندها فجت الليت جان تزعج و تقول فطوم : منو الحلو اللي وله عليه ؟؟ الكل فز من مكانه : فطوم مريوم : حبيبي ركيض سارو صوبها عليا : فديتج والله الحمدالله ع السلامه مريوم : فديتج نورتي البيت والله ساره : يا ألبي انا ,, لج وحشه من الخاطر فطوم : فديتكن والله ,, الله لايرحمنا من بعض ,, يلا سيرو تغسلو و انا اترياكم تحت وعقب نص ساعه الكل كان موجود تحت الا عبدالرحمن كان راقد و فطوم شاده حليلها فالسوالف تقولهم يوم كانو ف Dream Word و يوم ركبو لعبة السباحه اللي تمشي ع الماي و بو حمدان اتخيس اكثر شي ,, و ماخلت شي ماقالت ام حمدان : ههههههه ,, فديتج والله ساره : فطوم بنسير اليوم الصالون بنتحنا بتين فطوم :هيه اكيد اموت فالحنا .. ام حمدان : ترا باجر بنت ربيعتيه بتملج فبنسيرلهم ,, فطوم : هيه زين ساره : انا حاجزه ساعه 4 بي عن الزحمه فطوم : خلاص ماعليه ,, جان تصاصر مريوم ,, بسوي اللي بالي بالج ,, مريوم : هههههههه كلنا اصلا فطوم : حشى بنعرس خخخخ وعقب مر الوكت بسرعه و فطوم يلست ويا حمدان يسولفون ويا بعض و البنات موجودين ,, وعقب ام حمدان خذت بو حمدان و راوته الحجره و عيبته وايد ,, و قامو صلو و تغدو و عقب فطوم قالت حق البنات بترقد لين العصر لانه تعبانه سارت الغرفتها شافتها مقفوله ,, وعقب سارت الصاله اللي فوق و تشوفهم فطوم : منو قافل غرفتيه مريوم كانت بترمس جان ام حمدان تقطع رمستها : فديتج انا عشان عبدالرحمن ما يخريبها ,, سيري ارقدي في غرفة ساروه حتى المكيف خربان ,, فطوم الغبيه عاد صدقت : انزين عيل برقد وياهم فليل ,, وعقب سارت فطوم ترقدها ساعتين ,, و بعدين لبست تنوره سودا و قميص كت عشان الحنا و البنات بعد وتجحلت و الدريول وصلهم الصالون .. وعقب سو اللي بالي بالهم لول سوالف بنات انتو تعرفونهم " الكلام موجه للبنات " و البنات حنو ع فطوم تحني ايدها كلها .. فطوم : ايه جني انا اللي بملج مابا ايدي كلها مريوم : عشان حمدان يلا عاد فطوم : انزين انزين ويا هالويه ,, ترمس الحرمه : فديتج متروس مريوم : حتى انا سويلي متروس .. عليا : كلنا انزين ,, المهم بدو يحنونهم واكثر وحده عانت فطوم لانه الحنا كان يحرقها لنه مسام بشرت ايدها كانو مفتوحات لانه سوت ***** فطوم : الله يغربل شوركم زين جيه الحين يحرق والله مريوم : هههه استحملي حتى نحنا والله ,, و يوم خلصتو حنا النبات ما حنو ضفورهم لانهم مايحبون ,, و عقب 3 ساعات نزلو ايد عبيهم و عليا حجزت حق فطوم تسويلها حمام مغربي + اوكسجين الجسم كله " لول ماعاد الايد " فطوم : انتو بلاكم عليكم !! ياخي مابا جنيه انا اللي بعرس مريوم دورتلها خرطه : يا اميه انا بقولج شو السالفه مره كنا نلعب جرئه و صراحه جان عليوه تقولي خلي فطوم تسوي حمام مغربي وبس فطوم : جي السالفه عيل , زين زين وعقب سارو البيت ,, و صلو ع الساعه 7 ,, حمدان او ماشاف فطوم تم يلعوزها و ينغزها وهيه صدق متلعوزه فطوم : حمدان بسك حمدان : كيفي كيفي ,, وايه فديتج تعالي بوسج فطوم فاجه عينها : حمدان حمدان : تعالي تعالي فطوم : حمود شوف ولد عمك حمود : عادي اعطيك تصريح انا حمدان : هاهاها ماحد يروم يقول شي هالايام فديتج تعالي فطوم : جب اوص كل خراك جلب مريوم : حليلج والله حمود يا ورا ساره جان يشلها و يدورها وهيه تصارخ : حمود نزلني ماتستحي الكل : هههههههه بو حمدان شاف هالقطه : ياسلام ع الاجواء الرومانسيه شو مستوي هنيه نحنا فامريكا وانا مادري !! الكل : هههههههههه .. وعقب تمو يسولفون و فطوم خذت الشله و سارت صوب الكراتين اللي فيها اغراضهم .. عاد هيه كاتبه كل كرتون حق منوه فطوم : اول شي حمداني ,, ها مالك ,, و مريوم ها مالج و عليا هاكي اظن مالج ,, ساروه صوب الباب مالج و حمود ها مالك و بدت اللقافه ع الكل سيده فجو الكراتين و وصخو الدنيا و كلهم اعفدو ع فطوم لانه ماخلت شي ماخذته حقهم و صدق صق كانو مستانسين ,, وتمو يسولفون وعقب حمدان و محمد تعبو لانه قايمين من وكت ف سارو يرقدون و حتى البنات ,, مستحيل أنساك هذا مستحيل مستحيل أنساك والله للأَبدْ من يعاشِرْ شخص مثلك ما يميل لا ولا ينوي على غيرك أحَدْ اليوم : الخميس .. 5/7 .. ساعه 11:ونص صباحاً طبعا البيت كان مرتب من الخاطر ,, و الميلس محد دخله امره ,, بقولكم شو مسوين طبعا كوشه هب كبيره وايد ,, و عليها ورد الروز الحمر و البيض و اوراق الخضر يعني جو رومانسي صدق ,, ترتيب ولا اجمل ,, بيبون بوفيه ,, و بيحطون الاكل برع فالحوي ,, اما ع الحلو الخدم بيسونه ,, برع طبعا ليتات ع كل البيت بس هب فاجينهم لول .. و الحوظ في بلالين و بيبون فرقة المزيود الحربيه ,, وها ترتيبات اليوم ,, اما عند حمدان صدق صدق مستانس من الخاطر سار اتسبح و لبس جلابيه و نزل تحت و شاف الكل موجود ,, حمدان : السلام عليكم الكل : وعليكم السلام و الرحمه حمدان ايلس عدال فطوم وهيه مستغربه : شحالج يا قلبي فطوم زاغت فخاطرها شوفيه ها : الحمدالله حمدان ايود ايدها و يشوف حناها : فديت هالحنا و يتروحه و باس ايدها الكل : ههههههههههههههههه فطوم احمرت و خوزت ايدها بسرعه : عيب حمدان حمدان : كيفي خطيبتيه .. مريوم وتصاصر عليا : ياربيه فخاطريه اعرف شو بتسوي فطوم فليل عليا : هههه جب والله حرام .. اليوم يوم عيد ميلاد + ملجة فطوم ,, و طبعا فطوم ماتعرف ف سالفه الملجه ولا العيد ميلاد بو حمدان و ام حمدان موافقين ع الملجه و حتى محمد ,, الكل فرحان ,, والبنات فيهم دوده يبون يعرفون شو بيستوي و كيف بيكون حال فطوم يوم بتعرف انه اليوم الملجه .. مر الوكت بسرعه ,, و تغدو و سارو البنات يتسبحن وعقب سارو الصالون عشان تسو فطوم حمام مغربي و تشقر جسمها ,, و يوم خلصو ردو البيت و عقب يلسو لين ما يت الحرمتين ,, مال المكياج و الشعر ,, دخلو البنات غرفة ام حمدان .. الحرمه مكيجة ام حمدان و ام مريم ,, و مكياجهم كان خفيف وايد ,, و عقب مكيجت مريوم و عليا و ساره ,, واللي خصلو ,, الحرمه سوتلهم شعرهم و عقب فطوم مكيجوها و ام حمدان كانت تشوف المكياج واذا شي هب حلو تقولها وجيه البنات سارو يلبسون فستانهم ,, مريوم كان فستانها بني ع برتقالي و بيج ,, بس البني هب وايد و عليه حركات بالفولك و التكسيرت و كان في ذيل من ورا و كان الفستان هب كت ايده قصيره وايد يعني شويه و بيصير كت ,, و عليا كان فستانها خفيف وردي هادي و عليه فولك بالبنفسجي شرات فستان مريوم بس اللون غير ,, اما ساره كان فستانه ذهبي فاتحه وايد ,, كله كله فولك و شجّ و كان صدق وايد وايد حلو عليها ,, و كان فستانسها كت وياي ع جسمها ,, فطوم قلتلكم فستانها عنابي ,, كت ,, محدد ع جسمها .. وايد شغل فيه من فولك و وياي طر من اول ريلها لين تحت ,, تور شفاف ,, اما ام حمدان و ام مريم كانو ماخذين جلابيات من النوع الراقي ,, لبسو البنات فستانهم و تعطرو و ادخلون و لبسو ذهب وعقب يابو فستان فطوم ,, و يوم شافو فطوم .. كانت مخلصه سولها التسريحه وكل شي و بس باجي الحرمه تحطلها الروج مريوم : فديت هالويه محلاه ساره : اخافهم يخطبونج ,, تخبلين والله فطوم ام حمدان : بقرا عليج عن يحسدونج مريوم : عيونيه هب حاره الحمدالله الكل : ههههههههههههههه الحرمه : أأ خلصنا ,, أمر أمر ماشالله عليكي فطوم تشوف عمرها فالمنظره : حلو المكياج وايد ,, تسلم ايدج وهيه شاقه الحلج مريوم : اندوج فستانج فطوم : تسلمين ,, و عقب سارت الصوب الثاني عدال الحمام في غرفة ام حمدان فيه غرفه صغيره ل تبديل الملابس .. لبست فطوم فستانها ,, و يوم يتهم الكل : ماشالله ام مريم : تبارك الرحمن ,, فديت هالويه ,, ماشالله عليج تخبلين فديتج فطوم : هههه اخافهم يخطبتونيه ,, خالوه قوليلهم محجوزه ل ولد عمها الكل : هههههههههههه ومر الوكت بسرعه و ام حمد و بو حمد و ام خالد يو ,, سارو فوق يسلمون ع اهلهم بو حمد : ياويل حاليه ,, فديت هالويه انا ,, صوبنا يا الغزال فذميته غاويه ماشالله عليج ,, الله يحفظج من كل عين فديتج فطوم : فديتك يديه ,, شحالك شخبارك بو حمد : يسرج الحال فديتج ساره : هلا يديه فديت خشمك انا بو حمد : هلا فديتج ,, شحالج يا بنتيه ساره : يسرك الحال ام خالد : فديتكم والله الله يحفظكم ام حمد : وان شاء الله نشوفكم معرسين و تارسين البيت عيال ساره : هههههههههههه انا بعدين صغيره الكل : هههههههههههههه و عقب محمد سار فوق وقف عدال باب يتريا يده يطلع " تريا عند الدري قبل لا حد يدش طابق اللي فوق في باب " و يا اليد و جان ينزل ويا و سار الميلس عند المطوع عشان يملجون اما فوق ,, ام مريم و عليا و مريم ظهرو عشان يلسمون ع ام حمد و ام خالد ام خالد : فديتكن والله ,, الله يحفظكم من الشر عليا : فديتج والله يدتيه ام حمدان يلست عدال فطيم : غناتي فطيم ,, لو كان اليوم ملج انتي بدال ربيعة ساره شو بتسوين ؟ فطوم : آآخ يا قلبي لاتخليني اتحلم وايد .. ام حمد : ان شاء الله تعرسين وترسين البيت عيال فطوم : ههههه حشى هب فطوم حيوان الكل : ههههههههه جان يتصل بو حمدان ع ام حمدان و قالها خل فطوم توقع وجيه و هيه قالتله تريا بقولها وجيه .. و انفجت ليتات اللي ع البيت ,, ام حمدان : فطيم حبيت اقولج شي فطوم : آمري فديتج ام حمدان : حياتي فطيم ,, انتي الحين ماشالله عليج كبرتي و الكل يتمناج ,, و نبا نفرح فيج ,, عاد نحنا نبا نشوف عيالج ,, فطوم : خالوه شو السالفه ام حمدان : فديتج ولد عمج طلب ايدج .. ف شو رايج غناتيه ,, ,, ماعليه كلام ريال و نعم فيه ويقربلج و القريب اهون من الغريب .. جان تسير ام حمدان وتيب الدفتر عشان توقع فطوم ,, سارو مريوم وعليا ايلسون عدال فطيم ام حمدان حطت الدفتر فحظن فطوم وهيه هب مستوعه السالفه ام حمدان : شو قلتي غناتيه فطوم : كيف جيه !! خطو ودبرتو وبدون ماتقولولي حتى .. و ملجة البنيه !! عليا : فديتج نحنا قلنالج جيه ,, عشان نسويلج ياها مفاجأه ام حمد : فديتج حمدان يحبج و ميت فيج ومايقدر يستحمل اكثر من جيه حرام تكسرين خاطره فطوم : ودراستيه !! و الكليه ؟؟ ام حمدان : ماعليج من الكليه غناتيه بس الحين ملجه فطوم بدا قلبها يدق و فخاطرها اتصيح ساره يت جدام فطوم : حياتي موافقه حمدان يكون لج ؟ فطوم شويه و بتصيح : اكيد مريوم : لالالالا لاتصيحين بتخربين كشختج ام حمدان : عيل وقعي اهنيه غناتيه فطوم بكبرها ترتجف و مسكت القلم وهيه ترتجف عليا : بسم الله عليج شو ياج جان توقع فطيم و مريوم شلت الدفتر وخلته ع الطاوله و باركت حق فطوم و عاد ام مريوم و ام حمد و ام خالد يزغرطون و بو حمدان اول ما سمع فرح من الخاطر عليا + مريوم : الف مبروك غناتيه و ان شاء الله نشوفج ع الكوشه فطوم الدموع فعينها : الله يبارك فيكم ,, عقبالكم حبايبي ام حمدان : مبروك فديتج فطوم : الله يبارك فيج و عقب ام حمد و ام خالد نشو يسلمون ع فطوم و سارت ساره تيب مسكة فطوم صوب الربشه و الجو ولا اروع و اليولات و الفرح فعيون الكل ,, كان حمدان طاير من الفرح و ايول من خاطره و محمد وكان عزوز نفس الشي و عبدالرحمن و راشد فرحانين و ايولون ويا الفرقه بو حمدان وبو مريوم كانو ايبسون ويا فرقة دبي الحربيه كانو يغنون غنيه " انا المغرم " دق و ربشه من الخاطر ,, فطوم سمعت صوت طقات رصاص وفطوم والبنات مستانسين مريوم و عليا يوايجون و يشوفون عزوز و عمر و ساره تشوف محمد مريوم : ياويلي ع عزوز ساره : شوفو حمود فديته فطامي : شوفو ريليه وايه فديته اكوه سار يرمس عميه تحت بو حمدان : مستعيل !! حمدان : وايد دخيلك ابويه يلا عاد خالد : ههههه نسيت عمرك محمد بو حمدان يستهبل : ها الكل : هههههههههه عزوز : حليله ,, مبروك فديتك حمدان : الله يبارك فيك عمر : مبروك و عقبالنا حمدان : الله يبارك فيك ,, و يغمزله .. اللي بالي بالكم عزوز + عمر : هههههههههه بو حمدان اتصل ع فطوم و قالها حمدان يبا يشوفج وهيه عاد تقوله لا لا ومادري شو ,, المهم سارو البنات لبسو عبيهم ,, و دخلو فطوم الميلس و المسكة الورد فاديها ,, و المصوره تصورها ,, و البنات يتصورون وياها ,, و بعد ام حمدان و ام مريم و ام خالد و ام حمد ,, و ام حمدان وصت الخدم يطلعون هالي بيحطون ع باب غرفة فطوم ,, تحت بو حمدان و بو حمد و محمد دخلو حمدان ,, هوه عاد كان صدق مستانس وذايب ذايب من فستان فطوم .. تقرب الكوشه و سار صوب فطوم وهيه شويه و بتموت ,, من شافها بغا يموت هب مصدق اللي يشوفه ,, اول مره يشوفها جيه و هيه متكشخه و بدون شيله ,, تقرب منها زياده .. حمدان مسك ويها و بكل حنان ومن كل قلبه : مبروك فديتج فطوم محمره : زينه حمدان : هههههههههه ,, شو زينه ! فطوم قفطة : ايه عاد ,, الله يبارك فيك .. باس راسها و قرب ويهه و باس خدها من الخاطر عاد المصوره ماتقصر ع كل لقطه اتصور وفطوم قفطت يوم باسها حمدان : فطامي فطوم : لبيه يا عمري حمدان : لبيتي حايه غناتي ,, تحبيني ؟ فطوم تشوف عيونه وهوه ذايب : اذا ما احبك عيل اموت فيك حمدان : فدّيتج ياربيه >> شد ع ال (د) ام حمد : الف الصلاة و السلام يا حبيب الله محمد ام حمدان + ام مريم + ام خالد + ام حمدان : كولولولولويش >>> يضحكن لول حمدان : فديت ويهج انا فطوم : ........... محمد : ساروه يا حبيبة قلبي ساره شرده فظن ابوها محمد : ليش تشردين ,, عميه مايستوي جان خليتونيه املج ع ساروه بعد بو حمدان : بعدين ساره : هههههههههه ام حمدان يابت الطقم عشان حمدان يلبسها ,, جان يلبسها والمصوره اتصورهم ,, و حمدان مستانس ,, وحتى فطيم ,, وعقب كل واحد يتم يتصور ويا فطوم و حمدان ,, و كانو صدق طالعين روعه ف الصور .. و عقب الكل ساير يسلم عليهم و يباركلهم ,, وبعدين النبات طلعو برع يشوفون اليويله كانو هب متغشيات لانه بعيد عن الفرقه ,, نزلو من الدري ,, و تمو يشوفون عزوز و عمر و عاد هم استهبلو ,, تمو ايولون و رفرو السلاح فوق و متعمدين يطيحون السلاح صوب مريوم و عليا مريوم : واعليه ,, عزوز شوي شوي عزوز استغرب : هههههههه من عيوني عمر : ها ارتاح حمدان عليا : آآخ هيه والله اترياح و و ارتاح قلبه ,, هب نحنا ,,, " وتسوي حركة مالت " صوب ويها : مالت عزوز يغمز ل مريوم : ياي دوركم لاتستعيلون مريوم + عليا : هههههههههههههههههههه ساره من بعيد ,, مريوم مريوم : لبيه ساره : تعالو بسرعه مريوم : اوكيه ,, عن اذنكم عزوز + عمر : الله وياكم ,, ويوم دشو داخل البيت عزوز : عيل اسمها مريوم آآه يا قلبي عمر : والثانيه علايه ,, ياوليلتاه عزوز : ههههههههههههه ,, عقب عزوز اتصل ع محمد و قاله انهم بيروحون و محمد تلوم منه ,, و عزوز عادي تيك ات ايزي قاله سلم ع حمدان و شوي شوي ع الحرمه ضحك محمد و عقب عزوز و عمر روحو داخل البيت صوب الحبايب ,, ام حمدان : يلا حمدان حمدان : شوه !! ام حمدان : شو شوه !! ,, حمدان عاد استوعب ,, جان يقول حق فطيم تسير الصاله مسوين لها مفاجأه ,, عاد الخدم بسرعه بسرعه حطو الطاوله و حطو الشموع ال "19" وحطو المسجلات الكبار و زهبو لحن Happy Birthdays و سكرو الليات و لبقو الشموع و المصوره صورت الكيكه ,, حمدان طلع برع و سكر الباب ,, وزقر فطوم ... حمدان : حياتي فطوم : لبيه حمدان : لبيتي حايه تعالي غناتي ,, فطوم : حمدان شو السالفه حمدان : الحين بتعرفين ,, اول شي غمضي عينج و فذمتج اذا كنتي تحبيني ماتفجينها الا يوم بنقولج فطوم : شو اذا كنتي تحبيني بعد ,, احبك منزمان ,, حمدان : فديتج والله يلا غمضي فطوم غمضت عينها : بسم الله ,, حمدان مسكها من خصرها و سكر الباب و هوه يمشيها فطوم : حمدان اخاف ادعم حمدان : ماعليج فديتج ,, حمدان خلا فطوم مجابله الكيكه و هوه وراها لاصق فيها لول ,, ع جهة اليمين مريوم و عليا و ساره و ام حمدان و مريوم ,, و الصوب الثاني بو حمدان و بو خالد و ام حمد و ام خالد و بو مريم و محمد ,, كان في ريموت ف ايد ام حمدان هوست ع Play و بدا لحن وحمدان همس لفطوم وقاها فجي عينج ومن شافت الكيكه بغت تموت ,, كانت الكيكه عوده ,, وعليها صورتها و صورت حمدان و وكانت صدق كيوت الكيكه و الكل عاد يغني ويا الحلن حتى عبدالرحمن و رشود و فطوم تشوفهم وهيه مستانسه .. |
|
|
#27 |
|
|
رد: آه من قلبٍ غدى حبه جنوني كاملة
Happy Birthday 2 you Happy Birthday 2 you Happy Birthday Happy Birthdays Happy Birthday 2 you الكل صفقها وهيه هب مصدقه اللي يستوي حمدان : السجينه وين ,, عادي اقصها وياج فطوم : اكيد عادي ,, يت المصوره عدال حمدان و فطوم وصورتهم يوم قصو الكيكه و عقب فجو الليات و البنات يالسين ينفخون ف ها مال الحفله الصوايه مادري شو اسمها لول و محمد و بو حمدان ينقعون هالي شرات الشلق ,, بس اللي يطلع منه اوراق ,, ينقعونه عند حمدان و فطوم حمدان مسك فطوم من خصرها و قربها صوبه : كل عام وانتي الحب فطوم مستحيه امرره و هب مصدقه اللي يستوي : وانته بخير يا حب ام حمد : فديتج كل عام وانتي بخير و عسى العمر كله و تحبها وسارو الكل يسلمون عليها و صدق كانو مستانسين وخاصه فطوم و حمدان ,, وعقب ام حمدان بدت تقصص الكيكه و حمدان و فطوم يضاربون فطوم : خالوه عطيني صوره حمدان حمدان : انا ابا صورت فطوم بليز اميه ام حمدان : حشرتونيه ,, انزين حمدان و فطوم يشوفون بعض و يضحكون ,, وعقب ام حمدان عطت كل واحد قطعه صغيره لانه مايتسوي تقص من النص كل واحد يبا صورة الثانيه لول ,, و جان ايلسون عدال بعض و ياكلون بعض و الرحمه تصورهم ,, و يوم خلصو ام حمدان : يلا ياحلوين خلو الحبايب ايلسون بروحهم حمدان : هيه يلا مانبا ازعاج برع يلا بررع الكل : هههههههههههههه وعقب طلعو برع الكل و الفرقه سارت الصوب الثاني عشان الحريم و كانو صدق مرتبشين محمد ايول وايبس ويا يده و عمه و بو مريم ,, و البنات يرقصون جدام الحريم اما عند الحبايب كان فطوم واقفه ما يلست من طلعو ,, حمدان يلس ع الكرسي جان ادق الباب الحرمه عشان اتصور حمدان و فطوم ,, يالله يا حمدان كل مايسوي حركه فطوم تستوي طماط من الخاطر ,, فطوم قافطه : لا لا حمدان شوه عيب جدام الحرمه ,, حمدان : عشان خاطري فطوم محمره : اف انزين ,, لول الحبيب كان جدامها محطي ايده ع ظهرها و مقرب ويهه صوب ويه فطوم وهم الثنين حايسين راسهم لول و مسكرين عينهم شويه .. الحرمه : ياسلام صوره رومانسيه وايد فطوم ميوده عمرها .. جان اتصور الحرمه كمن صوره من قريب و بعيد حمدان : بتخبرج خلي هالصوره طويله .. و الصغار حولها الحرمه : ان شاء الله ,, حمدان : وخلي من كل صور اللي صورتيهم ,, صوره حق برواز .. الحرمه : على عيني .. و يوم خلصو تصوير تمت فطوم واقفه و حمدان يالس ,, حمدان : تعالي فديتج فطوم سارت بتيلس عداله بس ماخلاها : عيل وين ؟ حمدان : فحظنيه فطوم : يلا جب حمدان : يلا عاد فطامي فطوم يالله يالله يلست فحظنه جان تمر ريدلها ع الكرسي و اساندت ع المكان اللي يحطون كوعهم فيه حمدان : تعبانه ؟ فطوم : هيه متكسره حمدان : شو رايج فاليوم ؟ فطوم : والله خبال ,, فرحت من الخاطر حمدان قرب عدال ويها : انا اللي خطت ودبرت فطوم : ههههه فديت روحك والله حمدان : فديتج بسألج سوال جاوبيني بصراحه فطوم : آمر فديتك حمدان : انتي صدق كنتي ناويه توافقين ولا حد اصّر عليج فطوم : حياتي انا ماحد يمشيني ع كيفه ,, وكيف ما اوافق وانته تدري اني احبك حمدان : فديتج والله ,, عقب باسها ,, حمدان : طلبتج لاترديني فطوم : تم الساع حمدان : عطيني بوسه فطوم قفطت : ها حمدان : بوسه ,, جان يقرب ويهه فطوم مترده ف خاطرها اعطي لا ما اعطي لا لا بعطي : اممواح حمدان تعذب : ياويل حالي انا ,, بعد الله يخليج فطوم مسكت ويهه و باسته وطولت عاد ,, و جان يدش حمود ويخرب عليهم من شاف المنظر تم يضحك فطوم : اممواح انتبهت انه محمد موجود حمدان يسوي عمره مودخ : وايه انا فديت ..... عذاب والله عذاب فطوم عرفت شو قصده : هههههههههههههه حمدان شاف محمد .. : يا الخايس اطلع بررع انا نسيت اقفل الباب ,, برع يلا محمد : تايم فنش حمدان : فخشمك يا الخمام ,, برع يلا ,, محمد : مابا ,, حمدان : احلف انك قد هالرمسه ماعليه بتشوف ,, محمد : ههههههه ,, انزين بنشوف ,, جان يطلع حمدان : سيري يبي عباتج فطوم : ليش ؟ حمدان : بشرد وياج فطوم : لا بيعصبون حمدان : خلاص فديتج انا الحين ريلج و انتي ف ذمتيه بس ابا اقهر محمد شويه ,, فطوم : هههه انزين ثواني ,, |
|
|
#28 |
|
|
رد: آه من قلبٍ غدى حبه جنوني كاملة
-------------------------------------------------------------------------------- البارت 24 .. سارت فطوم و قالت حق البشكاره تيبلها عباتها و شيلتها و لبستهم وحمدان يودها من ايدها و طلعها من الباب اللي ورا ,, و هم شرات الحراميه و فطوم هب داله المكان ,, اول مره تي ,, المهم تمو يمشون لين ما وصلو صوب سياته ,, و عقب فطوم ركبت و حمدان ركب ,, و اتصل ع جسوم وقاله يفج الباب وعقب حرك السياره و طلع صوت تخميس لول و الكل استغرب منو ها !! و شافو سيارة حمدان ,, بو حمدان : خيبه خطفها !! محمد : يلعن شكله سواها خالد : شو سوا .. محمد : ههههههه " وقاله السالفه " الكل : هههههههههههه بو حمد : يا ريال خلهم ,, ياما سوينا اخس من جيه مريوم : ههههه حيهم الشباب >> تقصد بو حمد الكل : ههههههههههههههههه ف السياره .. عند القلبين ,, كانت خايفه فطوم صدق ,, لانه حمدان خلاص ريلها يسوي اللي بيسويه عادي ,, طول الوكت ساكته و منزله راسها و حمدان كل دقيقه يشوفها و يبتسم ابتسامه ماكره و فطوم حاسه انه بيسوي شي ,, جان يطلع موبايله و يغلقه .. وبعدين حمدان حط ايده ع ريل فطوم من فوق هيه عاد اتيبست تغار وايد : حمدان خوز ايدك اغار >> تصارخ حمدان ناقع من الضحك : هههههههههههههههههههههههههه ,, الله يعينج عيل ,, ماعليه بدربج من الحين عشان مابتلش فيج يوم العرس فطوم قفطت وتناقز وهيه يالسه بس عشان يخوز ايده وهيه تخوز هوه يردها لول : الله يخليك حمدان خوز حمدان : مابا فطوم : ايه حمدان : بي >> B فطوم : هههه حلوه ,, حمدان حبيبي انته .. خوز ايدك حمدان : من عيوني خلاص ,, فطوم : ابا باسكن بليز حمدان : تامرين امر فديتج ,, وعقب مر باسكن روبنز و نزل و سار خدا كرتين كبار انا احيد الكرتين ب 20 ,, مادري جان الحين غيروه المهم طلب ,,Pralines 'n + Strawberry .. ويا موز و سوس فوقه Strawberry + Nuts وعقب سار بسرعه صوبها ودخل السياره وعطاها و هيه اتشوف الجيس تشوفه واحد ! استغربت فطوم : بل حمدان وايد عود .. جيه واحد ؟ انته ماتبا ؟ حمدان : احم ,, باكل وياج ماخذ عود من جيه فطوم : هيه انزين ,, بنسير البيت حمدان : جب يلا ماشي ,, بنسير صوب البحر فطوم : غناتيه بس مابنزل حمدان : منو قال ,, فطوم : انا قال ,, حمدانوه فستاني بيخيس !! حمدان : عادي ,, بوديه الدراي كلين فطوم : حمدانوه حمدان : يلا جب فطوم : انزين و النعال ريليه بتنكسر حمدان : اندوج هالنعال ,, >> حمدان كان عنده نعال احتياطي ف السياره ,, جان يخلي فطوم تلبسه فطوم : وايد كبير حمدان : عيل سيري البسي كعبج ها فطوم : ها لا لا مابا بتكسر ,, عند بيت بوحمدان ,, الكل فيه دوده يبون يعرفون وين فطوم و حمدان ,, طبعا بو حمد و ام حمد و ام خالد كانو وخالد ردو دارهم ,, و حتى بو مريم و ام مريم ردو بيتهم ,, اما ف البيت ,, الكل كان ف الصاله اللي فوق و حمود 24 يترحطم متى بعرس متى بعرس ,, بو حمدان : يابوي فكنا من الصدعه الكل : هههههههه محمد : يا عمي تعبان ,, حستو فيني بو حمدان : ماعليه كمن شهر و بتاخذها ساره قافطه و النبات و ام حمدان يضحكون عليهم ,, مريوم : ياربي هايل ماردو ياحيج يا فطوم محمد : مستخفين مايستحون طاعو الساعه كم !! 1ونص بو حمدان : حليلك يا حمدان متعذب اكيد ساره : حليلهم والله ,, الله يسعدهم الكل : آآآآآآآمين بو حمدان : انا بسير ارقد يلا ام حمدان محمد يمسك ام حمدان : لا خلها اباها بو حمدان يدزه و يضحك عليه : ههههههه يلا مناك بتبرد غيضك ع حرمتيه فديتها والله ,, تعالي ويايه الغرفه ساره : ها وهيه تغمز ل ام حمدان محمد : ها شو بتسون عيب عليكم الكل : هههههههه ام حمدان تمسك ايد ريلها : سوالف كبار ههههه ,, تصبحون ع خير البنات + محمد : وانتو من اهله وعقب تمو يشوفون التيلفزيون و يتحرطمون ع فطوم و حمدان و سارو رقدو ,, صوب الحبايب ,, سار صوب راس الاخضر و كان الجو خبال ,, و يوم و صلو حمدان سار فج باب فطوم و مسك ايدها و نزلها و سارو صوب البحر ,, وكانت مستحيه موت ,, كان محطي اديه عند خصرها و يمشيها ,, و الباسكن فايد فطوم ,, ويلسو صوب الرمل و البحر كان قريب من عدالهم صوب الشير ,, حمدان كان يالسه و فطوم مسانه عليه و تاكل الاسكريم وهوه بعد ياكل ,, فطوم يوم خذت بالخاشوقه خذت قطعه كبيره بس جيه كلت نصها جان حمدان ياخذ الخاشوقه و ياكل الباجي حمدان : عسل فطوم مستحيه : هالمره الثانيه و هيه حاطه راسها صدره وتشوفه ورافعه راسها حمدان تم يشوفها 5 دقايق بنظرات حب وهيه نفس الشي : الله لايحرمني من هالعيون فطوم : ولا يحرمني منك غناتي حمدان يا باس راسها و يوم خلصو الاسكريم سار عقا الجيس فالزباله ,, حمدان : فديتج بيب شي من السياره تري اهنيه فطوم زاغته و تمسك ريوله : لا دخيلك خذني وياك بموت ظلام حمدان : فديتج في نور والله مابتاخر بركض فطوم : بسرعه انزين سار حمدان ركيض صوب السياره خدا جيس متوسط " هديه " و سار صوب فطوم ,, وخلا الجيس ورا ,, جان ايلس و فطوم اساندت عليه حمدان : تاخرت ؟ فطوم بدلع : لا حمدان : جابليني و غمضي عينج فطوم : انزين ,, جابلت حمدان و غمضت عينها و حمدان فج الجيس و طلعت الهديه اللي هيه ساعه بكبرها الماس نعوميه وايد ,, فج البوكس و خلاه صوب ويه فطوم حمدان : فجي عينج فطوم اندهشت : الاه حلوه حمدان : بس احلى يوم بتكون ع ايدج .. شل الساعه و لبسها فطوم : فديتج والله الحين احلى فطوم بدون ماتحس : فديتك حمداني مشكور ,, ومسكت ويهه و باسته من الخاطر ,, حمدان : ياربيه كم بعيش انا ,, فطوم وخت راسها وهيه مستحيه ,, حمدان قام و يود ايد فطوم : قومي فطوم : وين ؟؟ حمدان : صوب الحصا عند البحر فطوم : ها لا لا اخاف حمدان : بمسكج يلا فديتج ,, قامت فطوم و رفعت عباتها و و فستانها و سارت ويا حمدان صوب الحصا هوه يساعدها عشان تركب ,, وخايفه موت ,, تخاف اطيح و هيه كل دقيقه اتصارخ ,, و عقب سارو عند آآآخر حصاه ,, يلس حمدان و يلس فطوم فحظنه و هيه مستحيه من الخاطر ,, حمدان : مرتاحه ويايه فطوم : هيه فديتك حمدان : فديتج والله فطوم بدلع و بصوت اليهال و امبوزه : تب انا.. انا .. انا زلعانه عليك حمدان بشوف البوز : ياويلي ع البوز انا ,, ليش غناتي ؟ فطوم : وين هديتيه ؟؟ حمدان : هههههه فديتج والله ,, شفتي غرفتج ؟ فطوم : لا ماخلوني ادشها المكيف خربان و عن عبدالرحمن يخربها حمدان : يوم بنسير البيت بتعرفين كل شي فطوم وهيه تفكر : همم اوكيه حمدان : يلا فديتج بنسير قصر الامارات فطوم : ليش ؟ حمدان : بنتعشا فطوم : طاع الساعه كم 2 حمدان : ان شاء الله لو 5 يلا قومي وعقب قوم فطوم و مسكها عشان ما اطيح و سارو مكانهم خذا جيس الهديه و سارو عقب " قصر الامارات" يوم وصلو ,, كان الجو ولا اروع ,, دخلو قصر الامارات ,, و تمو يمشون و يدورون مطعم راقي و حلو ,, كشخه والله ياليتني بدال فطوم لول ,, وعقب اختارو مكان مسكر و يا الريال و فطوم كانت متغشيه ,, حمدان : اختاري انتي فديتج انا باخذ شراتج فطوم وهيه مستحيه : همم ماعرف والله ,, انته اختار حمدان : ابغي اكل من ذوقج غناتيه فطوم مستحيه : خلاص خلي ايب ها ,, وعقب حمدان رمسه و يوم روح ماصدق سيده يلس عدال فطوم و يتلصق فيها و هيه ذايبه و ويها مستوي طماط وساكته و حمدان يضحك عليها |
|
|
#29 |
|
|
رد: آه من قلبٍ غدى حبه جنوني كاملة
حمدان : هههههههه ,, بلاج جيه ,, احيدج قبل خريش ومادري شو فطوم : همم فديتنيه مؤدبه الحين انا حمدان قرب صوب خدها و باسها : احبج فطوم طبعا لا تعليق و حمرت زياده و لا قالت شي ,, وعقب ربع ساعه وصل الاكل و حمدان ياكل فطوم و هيه تاكله كان الجو صدق Romance .. وحمدان كان مرتاح لانه تحقق حلمه وخلاص فطوم صارت ملكه ,, و يوم خلصو طلعو برع .. يلسو مره ثانيه ع البحر و كانت الساعه 3:30. كان الجو شويه بارد ,, كانت فطوم واقفه و حمدان وراها لاوي عليها .. فطوم : حمداني حمدان : لبيه غناتي فطوم : لبية حايه يا روحي ,, بتحب وحده ثانيه ؟ حمدان يا جدامها و مسك ويها : حياتي لو شو ما استوا ما احب عقبج مستحيل ,, انتي الاولى و الاخيره ,, انتي حياتي كلها ,, روحي اذا غبتي بم... فطوم حطت ايدها ع شفايفه عشان مايكمل و بحنان : لاتقول ,, عسا عمرك طويل حمدان : حبيبي فطوم : عيوني حمدان شّل شله من كل قلبه : انتي وانا ماهمنا غدر للازمان ترى الوفا اللي داخلك من طباعي اذا زعلتي لو رضا كل زعلان ماحس قلبي بالرضا فيه داعي مدام عينك راضيه هان ماكان لو تزعل الدنيا لها مابراعي يا صابره والصبر للناس ميزان لي خان صبري ثبتيلي شراعي يا اعز واغلى ماخلق ربي انسان لو غط جفني خافقي فيك واعي لاجلك ذراعي صارعت كل ثعبان واقطع عصبها لو تقصر ذراعي ياخوض بحر يرسل الموج طوفان لاجلك تزايد في المحيط اندفاعي ولا سكنت بلجت البحر شطآن يعجبني اوفي في مسارك صراعي وانتي معي يبقى الزمان كله احسان للعز يدعيني من الوقت داعي وان غاب زولك يا عسى مابشر بان القى زمان يلقى وجود الضياعي وانتي معي مابشتكي غدر الازمان الصبر طبعك والوفا من طباعي حمدان قبل لايخلص الشّله .. فطوم كانت تشوفه بحنان وحب ودمعت عينها و يوم خلص لوت عليه بالقو فطوم وهيه لاويه عليه و الدموع فعينها : حبيبي دخيلك لاتخلني ولا ثانيه ,, و تلوي عليه بالقو حمدان مصدوم ليش فطوم اتصيح : حياتي ليش اتصيحين ,, فذمتيه ما ابتعد عنج غناتي مستحيل فطوم وهيه تهدي عمرها وهوه يمسح دموعها : احبك حمدان : اموت فيج فطوم : حبيبي شوف الساعه 4وربع ,, خلنا نرد البيت حمدان : ان شاءالله ,, بس اهم شي استانستي ؟ فطوم : فذمتيه انها احلى ليله حمدان باس راسها و شلاها شرات اليهال وهيه قافطه ,, فطوم : ايه عيب جدام الناس حمدان : هههه محد ,, وعقب سار صوب السياره و ركب فطوم السياره ,, و شغل غنيه آآه من قلب ,, وهم الثنين يغنون وكانو مرتاحين ومستانسين ,, ويوم و صلو ,, دخلو البيت و حمدان طبعا شلاها ماخلاها ف حالها ,, و يوم وصلو فوق سيده وداها غرفتها فطوم : الله حمدان : عادي ادخل وياج ؟ فطوم : هيه فديتك حمدان : اول شي غمضي عينج فطوم : ههه اوكي حمدان فج الباب و كانت الغرفه بارده و سكر الباب و مسكها من خصرها حمدان : فجي عنونج فديت عيونج والله فطوم اندهشت من الغرفه كانت خبال من الخاطر ,, كل شي غير الزوليه غير و الستاير غير و الليتات و اللحاف و الشبريه كانت احلى بوايد من قبل و الاثاث كان خبال ,, تمت تتحوط و جان اتشوف الهدايا و الدبوب الكبير فطوم صرخت : الله خبال حمدان : فديتج والله ,, وعقب قالها كل بوكس منو يايبلها ياه : وها انا يايبنه لج فطوم : وايه فديتك والله و حبته و لوت عليه ب القو : مشكور حبيبي حمدان : فديتج والله ,, عيل اخليج انا فطوم : لحظه حبيبي فج فستاني من ورا حمدان استانس : من عيوني ,, سار و فجالها ياه و هيه قابضتنه عشان ماينفج عدل .. حمدان فخاطره : دبه لاتيودين الفستان : انزين حياتي انا بسير تصبحين ع خير فطوم : وانته من اهله حبيبي ,, جان اتبوسه و هوه باسها ,, وخلاف ظهر من الغرفه ,, فطوم سارت عقت فستانسها و طقمها و فجت التسرحه و سارت الحمام يلست فالماي الحار ربع ساعه لانه كانت تعبانه وايد ,, و عقب اتسبحت وتيدت و طلعت من الحمام ,, لبست ثيابها و صلت ركعتين شكر و قرت قران ,, و يوم خلصت ,, سارت صوب الهدايا ,, اول شي شافت هديه " ام حمدان .. بو مريم .. ام مريم " :- يايبلها ,, ساعه من الماس ,, و 5 عطور ماركات ,, و بومريم يايبلها طقم و كاتب عليه اسمه انه منه ,, والحريم يابولها قمصان و تناير و بناطلين و جاكيتات من النوع اللي تحبه ,, نعال كعب وايد حلو ,, و شنطه + بوك ماركه ,, و شيله و عباه ,, وكل ها داخل بوكس و مزين بالورد الاصطناعيه بطريقه حلوه وايد ,, و في كرت آخر شي مكوب عليه .. " كل عام وانتي بخير الغلا و عقبال مليون سنه ,, و مبروك عليج حمدان " فطوم : ههههههههه فديته والله هديه " ساره .. محمد " :- يايبيلها ,, طقم لحاف ويا فوده و نعال حق البيت ,, و قمصان نوم ,, و دهن عود سيوفي ,, و عطرين ,, نظارتين ماركه ,, و ماخذه ساره بذوقها و بذوب محمد اكسسوارات وايد داخل بوكس صغير ,, ومكياج ,, و تيشيرتات و بناطلين و بوت ,, وكرت مكتوب عليه " الف الف مبروك غناتي فطوم ,, و ان شاء الله نشوفج ب الفستان الابيض (( وعقبالنا انا و ساروه هههه )) وكل عام وانتي بخير ,, " فطوم : هههههههههه حليلك يا اخويه هديه " مريوم .. عليا " :- يا لبيه ماخلو شي الصراحه ,, يايبيلها ساعه ,, عطرين ,, و تنانير جنز و بناطلين جميع الانواع ,, وجاكيت اللي تحبه لين الصدر ,, تنانير قصار للبنطو ,, و شموع روعه ,, و 3 شيل ,, و شنطتين ,, ,, ودبدوب .. واكسسوار ومكياج ,, وفي بوكس متوسط داخل فجته فطوم جان تشوف بطاقه مكتوب فيها " الف مبروك فديتج والله يسعدكم ,, و كل عام وانتي بخير ,, و لو كنتي تعزينا البسي هالقمصان النوم جدام حمدان يوم بتعرسين لول " طبعا فطوم ماشافت القمصان النوم ,, كانو 3 ,, خذت اول واحد و شافته وتمت تضحك ,, كان لونه وردي شفاف كت و عليه ريش " عند الكت " شفاف قصير وايد .. و الثاني لونه احمر و عليه اسود بالخفيف بعد شفاف قصير وايد .. وثالث قميص ماكان قميص كان برموده شويه قصير وردي فاتح و عليه ورد ب الفوشي والقميص نفس الشي حرير كت فطوم : هههههههههههههههههههه الله يغربلكم .. وكرت مكتوب عليه " فديتج والله فطيم ,, كبرتي و صرتي عروس و خذتي الي تحبينه الف مبروك الغلا و الله يسعدكم ان شاء الله ,, وكل عام وانتي بخير الغلا ,, و ان شاء الله ايامج افراح × افراح .. فطوم : فديتكم والله ,, وان شاء الله انتو تعرسون اللي تحبونهم ,, هديه " حمدان " :- اكبر هديه كانت .. صندوق كبير وثجيل كان .. متروس لين عينه ,, ماشالله حمدان ماخلا شي ماخذالها ياه ,, خذالها 3 بجامات .. و تنانير و قمصان بمساعدة ام حمدان ,, وبناطلين ,, ( ماشالله وايد استوا عندها بناطلين لول ) و 3 بجامات .. اول بجامه .. سماويه و وردي هادي كت "هب العريض اللي اي ضعيف " وكله ورود و ثاني بجامه .. بنطلون اسود و كله بوسات حمرا حرير + ماي و سيع ضيج .. وقميص احمر بعد كت "هب العريض اللي اي ضعيف " و عليه بوسه كبيره ف النص + وياه نعال مال البيت اسود كبير فرو و ف النص بوسه ناطع حمرا لول كشخه .. والبجامه الثالث .. كانت برموده ,, عنابي ساده و قميص بيج كت و عليه بنوته اضحك .. و شورت لول .. لونه ليموني ياي ع لمعه و عليه رمسات وايد باللون الوردي وقميص وردي حرير كت "هب العريض اللي اي ضعيف " و عليه رمسه كبيره فالنص ,, و دبدوب وايد كبير ابيض و عليه قلب ف النص ,, و خذالها شموع و اغلاض من لايف استايل ,, دفاتر و قلامه و شنطين ماركه ,, و 4 نظارات ماركه بعد ,, و ابجوره وايد حلوه ,, و اكسسوارات الحمام ,, و ماخذلها لحاف طقم ,, و اكسسوارات ,, و عدال الصندوق العود في بوكس صغير ,, يوم فجته شافته عطر حق الفراش و5 عطور حقها و دهن عود و دخون ريحة خبال و مخلطات ,, و بطاقه كبيره شويه مكتوب عليها .. ياعيد قلبي .. صاحبي عيد ميلادك .. "العمركله" لك .. فرحه وشرحه .. عساني حي .. وأحضر كل أعيادك .. واهديك وردات الغلا فوق صرحه .. ازداد عمرك .. صح!.. لكنه ازدادك .. في خافقي لك بالغلا ألف صفحه .. :: غناتي :: اليوم عيد ميلاد حبيبي اليوم عيد ميلاد حياتي اليوم عيد ميلاد حرمتي عي مي حبيبي فطامي لاد كل عام و أنتي بخير و صه و سعاده غناتي ,, و عسى عامج سعادة و حب .. :: حبيبتي :: ان شاء الله تعيبج الهديه ,, و السموحه ع القصور ,, لو الود ودي كان خذت الدنيا و مافيها .. و الله لايحرمني منج فديتج .. ريلج ,, :: حمدان :: فطوم : فديتك والله حمداني ,, الله يخليك لي ,, وعقب سارت ع الشبريه و كان فيه دبدوب وردي وعليه بطاقه مكتوب عليها " من حمدان " وبعديت تلحفت و لوت ع الدبدوب بالثو و تمت تفكر ف حمدان و ماياها رقاد ,, .. صوب حمدان .. كان توه طالع من الحمام وعقب الشاور المنعش لول ,, كان حاله رقيص من الخاطر ,, و لبس ثيابه و نط ع الشبريه و طاح ع ظهره و تم يفكر ف فطوم و يحاول يرقد بس ماقدر و يوم استوت الساعه "5" .. نش بو حمدان عشان يصلي ,, سار الحمام و تغسل و تيد و وعّا ام حمدان ,, عشان تقوم اتصلي ,, و سار صوب حمدان و دق الباب حمدان : تعالو بو حمدان استغرب : صباح الخير حمدان : هلا هلا والله ابويه ,, صباح النور وقام حبه ع راسه بو حمدان : حمدان !! غريبه ناش حمدان تلخبط : ها هههه لا بس بو حمدان : ها شو استوا وين خطفت فطوم !! .. اصلا متى رديتو !! حمدان : تقريبا 4 بو حمدان : هههههههههه طالع ع ابوك ,, شو عاد استانست حمدان : آآخ يا قلبي ,, هيه فديتها ,, بو حمدان يطبطب ع جتفه : الله يخليكم ل بعض .. قوم سير بدل ثيابك عشان نسير المسيد حمدان : ان شاء الله .. طلع بو حمدان و سار غرفة محمد ,, تم يدق يدق الباب لين ما نش محمد ,, بو حمدان : توه الناس جان ماكملت رقادك محمد : صبحك الله بالخير و هوه يتثاوب بو حمدان : وابويه عليك ,, و يدز جتفه فالخفيف : بسك رقاد ,, يلا قوم تغسل و تلبس عشان نسير ماباجي شي ,, محمد : ان شاء الله وعقب سار بو حمدان الصاله اللي فوق ,, تم يالس و يتريا حمدان و محمد يون ,, اما عند ام حمدان ,, يلست ويا بو حمدان ,, قالت بتوعي البنات يوم بيظهرون الشباب ,, و عقب 5 دقايق يا حمدان الصاله و سلم ع امه و هوه شاق الحلج ,, ام حمدان : بسم الله بلاك شو نازل عليك ؟ حمدان مرتاح و شاق الحلج : آآه ماشي والله ليش ,, بابتسامت نذاله ام حمدان : تعال متى رديتو ؟ بو حمدان : المستخفين ساعه 4 الله يستر ها اول يوم الله يعين عقب الكل : ههههههههههههه حمدان : فذمتك ماسويت شي ف اميه بو حمدان تلبك : ها لا لا ما ما ما سويت حمدان : علينا هالرمسه ابويه انا اعرفك الكل : ههههههههههه ام حمدان : عسا استانست ؟ حمدان : فديتها والله هيه ,, ودش ع رض ,, محمد : مرحبا كيفكو الكل : مرحبتين ,, ام حمدان : مناح محمد : هههههه بو حمدان : يلا شباب حمدان + محمد : ان شاء الله وهم ينزلون من الدري ,, محمد : ها المستخف متى راد ؟ حمدان : احم سوالف معرسين محمد : ايه عن المنكر متى ؟ حمدان : 4 بعين العدو ,, و جان ينزل بسرعه من الدري محمد : آآخ يا الهرم حظك وعقب سارو المسيد .. اما ف البيت بتحديد غرفة ساره ,, ام حمدان كانت عندها عشان توعيها ساره : يا اميه والله بطنيه يعورني بنش بعدين ام حمدان فهمت عليها : استوا ولا ؟ ساره : لاء ام حمدان : انزين فديتج بيبلج بروفين وخذيه ساره : تسوين خير ,, طلعت ام حمدان و يابتلها بروفين و ماي و سارت غرفتة ساره و عطتها و عقب سارت توعي مريوم و عليا ,, ام حمدان : يلا حبايبي قومو صلو و ردو رقدو مريوم بتعب وهيه تتمد : وايه ,, ان شاء الله ,, ايه عليوه قومي نشي عليا : همم مريوم : وريل قومي نشي ام حمدان : ههههههههههههههههههه جان تطلع و تسير عند فطوم دقت الباب وجان تدخل فطوم : هلا بطش و الرش ام حمدان : هههه بسم الله وين طلعتي انتي فطوم : ههههههه ام حمدان : شحالج فديتج ؟ فطوم : زينه من الخاطر ام حمدان وهيه تغمزلها : ان شاء الله مرتاحه فطوم جان اطيح ع ظهرها : الا مرتاحه موت ,, هيه صح ثانكس ع الهديه الخبال ام حمدان : عسى دوم ,, العفو الغلا ,, يلا قومي صلي ,, فطوم : ان شاء الله ,, طلعت ام حمدان و عقب سارت اتصلي و سيده رقدت لانها كانت تعبانه ,, اما عند مريوم و عليا ,, صلو و عقب سارو عند فطوم شافوها توها مخلصه من الصلاه مريوم : ها العروس فطوم : ههههههههه عليا : متى راده ؟ فطوم : 4 احم مريوم + عليا : بل فطوم : جب ويا هالويوه مريوم : انزين قوليلنا شو استوا فطوم : جب جب سوالف كبار ,, عليا : يالله علينا يلا قولي فطوم : باجر بقولكم هب الحين وعقب بقول حق ساروه ماروم اعيد السالفه مريوم وهيه اموزه : انزين عليا : يلا بنسير نحنا نكمل رقادنا فطوم : اوكيه ,, وعقب طلعو مريوم وعليا ,, و سارو يرقدون ,,, اما عند فطوم ماياها رقاد امرره تمت طايحه و اتفكر ,, و عقب 5 دقايق الشباب يو و بو حمدان سارت غرفته يكمل رقاده ,, و محمد بعد سار غرفته و حمدان سارت غرفته و بدل ثيابه وتم يفكر ,, وفخاطره يسير عند فطوم جان يقوم ,, و عند فطوم نفس الشي تبا تسيرله ,, صوب حمدان ,, طلع برع و سار صوب غرفة فطوم و تم واقف و فطوم كانت سايره صوب باب غرفتها " يعني هيه ف غرفتها ماطلعت " فطوم فخاطرها : اسير ولا ,, ومن ورا الباب حمدان فخاطره : ادق ولا وعقب ثواني ,, حمدان بيدق الباب ,, جان فطوم تفتح الباب قفطو هم الثنين فطوم : بلاك واقف عند باب غرفتيه ؟ |
|
|
#30 |
|
|
رد: آه من قلبٍ غدى حبه جنوني كاملة
البارت 25 .. ومن ورا الباب حمدان فخاطره : ادق ولا وعقب ثواني ,, حمدان بيدق الباب ,, جان فطوم تفتح الباب قفطو هم الثنين فطوم : بلاك واقف عند باب غرفتيه ؟ حمدان : ها لا ماشي بس حبيت اطمئن عليج ,, وهوه يشوفها من فوق لي تحت لانها كانت لابسه برموده سودا و قميص كت اسود و عليه قطوه فالنص لون الفوشي فطوم توها تستوعب جان تحمر : اها حمدان : وانتي ليش فاجه الباب فطوم : الصراحه و لا بنت عمه ؟ >> تستهبل اصلا ولد عمه لول حمدان : شو ابابها بنت عمه هههه ,, فطوم : ههههه كنت يايه عندك حمدان : القلوب عند بعضها ,, فديتج والله مسك ويها و خلاها ترد ريوس لول ,, و دخل الغرفه وياها و سكر الباب ,, جان يخليها تساند ع الايدار و هيه خايفه عاد وهوه كان لاصق فيها ,, فطوم بخوف : حمدان خوز حمدان بصوت خفيف وكله حنان : ليش ؟ فطوم شويه و بتصيح : حمدان دخيلك روح عند حد يشوفنا حمدن و النذاله فعينه : انا ريلج و عادي اسويلج اي شي ,, و يلصق فيها زياده وهيه قلبها يدق بسرعه فطوم الدموع فعينها : دخيلك حمدان ,, دخيلك لاتسوي شي ,, وهيه تنزل تحت وهيه مسانده ع الايدار .. حمدان نزل وهوه مصدوم : فديتج شوفيج ؟؟ فطوم تصيح : خايفه حمدان : من شو فديتج ؟ فطوم : منك ,, حمدان : جيه قالولج جني ؟ فطوم : لا بس أأ .. حمدان : بس شو فطوم : ............ حمدان : خايفه لايصير شي مثلا ؟ فطوم ميته من الصياح : الله يخليك اطلع برع حمدان : ههه مابا ,, عطيني بوسه اول فطوم تتقرب من خده وباسته حمدان : آآخ ,, بعد فطوم عطته بوستين زياده : يلا اطلع حمدان : اوكيه بس ع شرطين فطوم : شو هم ؟ حمدان : ماتصيحين و الثاني شرط ,, تحطين راسج ع ريلي وانا بيلس ع الشبريه و بلعب فشعرج فطوم : الشرط الاول اوكيه سهل ,, بس الثاني لاء حمدان مقهوم : افا ليش ؟ فطوم : انا اعرفك عدل ماتيود عمرك حمدان : لالا تحاتين افا عليج انتي بس فطوم : ما اظن حمدان : يلا عاد فطوم : جذاب ,, اجذب ع هندي هب عليه انا ,, حمدان : اويه ماشي ثقه !! وانا احيدج جريئه فطوم : لالا خوافه موت ,, هاكي تحيد ف الماضي حمدان : مبني ع الفتح ولا السكون فطوم : هع لا ع الضم حمدان : هاهاي فطوم : هههههههههه حمدان : انزين والله ازعل اذا ماسويتيلي الشرط الثاني ( وحمدان بنظرات الزعل ) فطوم : اوكيه بس هب صوب الشبريه حمدان وهوه فاج عيونه : عيل وين ف الحمام ؟ فطوم ضربته ع جتفه بالقو : شوه فالحمام قلن الاماكن !! حمدان نقع من الضحك : ههههههههههههه فطوم : حمار ,, صوب الكرسي الطويل الي يتحرك اللي فالبلكونه حمدان : ليش تبغين جو رومانسي بس كل حد بيشوفنا فطوم : لا عادي عشان خاطريه حمدان : كم فطوم عندنا الا وحده فديتها والله وراحو صوب البلكونه و سلس ع الكرسي حمدان وهيه طاحت و خلت راسها ع ريل حمدان وهوه يلعب بشعرها و يشوف ويها الطفولي لين ما رقدت ,, بعدين شلاها و ودها ع الشبريه و لحفها و سار يرقد و كانت الساعه 6 ,, "" يوم الجمعه ساعه 10 "" ام حمدان و بو حمدان كانو يترقون فالصاله اللي تحت و عبدالرحمن كان ناش و يصيح ومحد سمعه و صوته شال الطابقه الثاني و حمدان سمع صوته و مارام يرقد نش و سار صوبه و شافه متيبس من الصياح ,, حمدان خاف : بسم الله عليك شوفيك ؟؟ عبدالرحمن يصيح من الخاطر : واوا حمدان : حبيبي وين الواوا ؟ عبدالرحمن : راسي يأورني حمدان : فديتك عنه فيني و لا فيك ,, وعقب حمدان تم لاوي عليه وشله و وداه غرفته .. و سار اتسبح بسرعه وعقب سار صوبه و رقدو مع بعض وحمدان كان لاوي عليه ,, والمكيف فويه حمدان ,, مريوم و عليوه نشو ,, جان يسيرون يوعون ساروه و عقب نزلو تحت يسلمون ع اللي موجود ,, مريوم : قبل شويه كنت اسمع صوت حمانوه يصيح عليا : حتى انا سمعته لكن مادري تحسبته حلم ,, يوم نشينا قمت اشوفه بس ماحصلته موجود تحسبته عندكم !! ام حمدان : واعليه ع ولدي لايكون طلع !! وجان تركض فوق و بو حمدان وراها ,, ويوم وصلو غرفته ماحصلوه بو حمدان شهق : وينه !! ام حمدان الدموع فعينها : ماعرف !! بو حمدان : يمكن عند حمدان ,, وعقب سارو صوب غرفة حمدان وشافوه راقد ويا حمدان جان يرتاح قلبهم و نزلو تحت يقولون حق الباجين وعقب نزل محمد وراح ياكله شي وعقب يلسو يسولفون ,, محمد : آآخ يا ألبي ساره بدلع : شو به ألبك محمد : متعذب من ناس باردين الكل : ههههههههه محمد : ابا اعرس اف بو حمدان : اكوه الدرب محمد : تستهبل ولا تسعبط ولا شوه ؟ الكل :ههههههههههه بو حمدان : هرم !! ,, يلا قوم سير اتسبح من الحين لاتعذبنا محمد : بعدها الساعه ساره : ساعه 11 محمد قفط : لا لا بعده مريوم : ههه حليله قفط محمد : جب لا افلعج بالتكيه مريوم : تروم انته بس محمد : جب جب .. وحمدانوه وعوه ام حمدان : كله حمدان ,, ياربيه غيور الكل : هههههههههه محمد : ههههه عيل بسير انا برب مريوم وعليا و ساره : تيت ساره : فطوم بلاها مانشت احديها تنش من وكت مريوم : اسكتي امس الجنيه تامه لين 6 ساره : قفعه !! عليا : هههه راده الحبيبه مع ريلها ساعه 4 ساره : ياحظهم ,, مريوم : آآآه ابا اعرس ام حمدان : هههههههه بو حمدان : ماعليه برمس ابوج يدورلج ع حد ياخذج مريوم بصوت خفيف : ابا عزوز ام حمدان زختها : نعم منوه تبغين مريوم عدلت عمرها : ها لا ماحد ماحد الكل : ههههههههههه بو حمدان : عيل انا بسير اتسبح ,, يوم سار بو حمدان مريوم يلست عدال ام حمدان و عليوه من صوب ثاني ,, يعني ام حمدان امبين مريوم و عليا وساره يالسه مجابلتنها ع الطاوله الصغيره ,, ام حمدان : بسم الله ,, شوفيكم !! مريوم : أأأ خالوه بسالج ,, وهيه تلعب فاديها ام حمدان : اسالي مريوم : أأأ تحيدين ربع حمدان و حمود ام حمدان : همم عبدالعزيز و عمر ؟ عليا : هيه هيه هم ام حمدان : بلاهم .. و تغمزلهم مريوم : أأ ها لا ماشي ,, عندهم خوات ؟ ام حمدان : لا بس هم اثنين عليا : همم من اي جبيله ؟ ام حمدان : همم ال****** مريوم : اهاه ام حمدان تطالع مريوم بنص عين : ها ,, ليش تسألين لايكون مريوم فاجه عينها : ها لا ماشي ,, شورايج تعزمينهم عليا : هيه اعزميهم ويا امهم و ابوهم ام حمدان : همم ابوهم متوفي عليا + مريوم : أأأ الله يرحمه ام حمدان : ,, صدق انكن ماتستحون لايكون حاطين عينكم عليهم ,, ( تبا تقهرهم ) استريحو تراهم خاطبين البنات الثلاث انصدمو من الخاطر ,, خاصه مريوم و عليا مريوم بغصه : صدق ؟ ام حمدان : هيه مريوم هدت ايد ام حمدان و جان تلوي ع التكيه و تشوف الدريشه ( برع ) وسرحت ام حمدان : ماما مريومه شوفيج ؟ مريوم شويه و بتصيح : ها لا ماشي ,, انا بسير فوق بتسبح تعالي عليوه ,, وعقب يوم سارو عليوه و مريوم فوق تمت تضحك ام حمدان ساره : بلاج؟ ام حمدان : حليلهم متعذبات ,, اسولف وياهم لاخاطبين ولا شي ساره : حرام عليج والله ,, ويا هالويه ام حمدان : فذمتج ماتقوليلهم ابا اشوف شو ردت فعلهم ساره : هههه انزين ,, بسير اوعي حمدان ام حمدان : انزين ,, ام حمدان تمت تشوف التيلفزيون و ساره سارت فوق صوب غرفة حمدان .. كانت سوسي توها طالعه من غرفة حمدان شافت حمانوه ناش ساره : وي فديت هالويه محلاه عبدالرحمن امبوز ساره : شوفيك ليش جيه محمر ,, اتيسته و حسبته حار : وي فديته فيه حما,, سوسي بسرعه وديه تحت عند مدام قوليها فيه حما سوسي : Okay Miss نزلت سوسي مع عبدالرحمن و و دته عند امه وقالتها انه فيه حما ,, ام حمدان خذت حمانوه : وي فديتك بسم الله عليك ,, سوسي سيري يبي البوكس مال ادويت عبدالرحمن .. و سويله حليب سوسي : Okay mam وعقب سارت سوسي و يابت البوكس اللي فيه ادويت حمانوه ويابتله حليب ,, وعقب ام حمدان حطت الدوا فالحليب و خلت حمانوه فحظنها و هوه يشرب حليب ,, اما فوق عند ساره ,, تمت توعي حمدان بس هب طايع ينش خافت عليه ,, ساره صرخت : حمدان حمدان خاف : ها ها بلاج ؟ ساره : قوم نش حشى حمدان : انزين ,, ساره : بلاك ؟ حمدان : ماشي راسي يعورني ساره : انزين يلا بسرعه عشان بيسيرون ,, الحين ساعه 11 ونص حمدان : ان شاء الله ,, وعقب طلع و دخل الحمام ,, و ساره كانت يالسه فالصاله اللي فوق ,, تشوف التيلفزيون ,, ودقايق ايون محمد و حمدان ,, محمد : وينه حمدان ؟ ساره : الحين بي بو حمدان : فديتج تعالي دخنيني .. ساره : ان شاء الله ,, جان تاخذ المدخن من الخدامه يوم خلص جان ي محمد .. و بو حمدان نزل تحت محمد : احم ساره : صحه ع قلبي محمد : جب لا اشوتج بالمدخن ساره : ادري ما اهون عليك محمد : الله يغربلج ساره فاجه عيونها : يغربل ويهك انجلع من ويهي !!! محمد : هههههههههههههه حمدان طلع من غرفته ,, و سار صوب ساره و الباجين ,, حمدان : مرحبا ساره + محمد : مرحبتين حمدان وهوه يفصم عمره : ها شو تسون ,, ساره : ههههههههه ادخن الغالي ,, ها أأ قصدي ولد عميه محمد : آآخ حمدان : ههههههههه ,, يلا بسك تعالي دخنيني ساره : اشتغل عنك !!! خل حرمتك تدخنك حمدان : فديتها وينها ؟ ساره : راقده حمدان : حليلها ,, يلا ساروه ساره : انزين ,, ويوم خلصو نزلو حمدان و محمد صوب بو حمدان و بعدين سارو يصلون ,, و سارت ساره عند البنات يوم دخلت عليهم اتشوفهم يالسين ع النت و امبوزات ساره : شوفيكن ؟ مريوم + عليا من دون نفس : ماشي ساره : انزين خلاص قالتلكم امايه انهم خاطبين غصب عصب مريوم : جاب ,, ابا اشوفه دخيلج ساره : انا شلي !! عليا : سيري رممسي امج ساره : هههه انزين ,, وعقب طلعت و شافت فطوم طالعه من غرفتها ,, ساره : ها العروس ,, صباح الخير توه الناس كملي رقادج فطوم وهيه تثاوب : صباح النور ,, ههه لا لا بسني ,, عيل وين مريوم و عليوه ؟ ساره : ههههههههه اسكتي عنهم العاشقات فطوم : ليش ؟ ساره قالتلها سالفة عزوز و عمر فطوم : ههههههههههههههههههههههههه ,, واعليه ساره : والحين بسير عند امايه بقولها فطوم : هههه بسير عندهم ,, ساره : انزين وسارت ساره تحت ,, و فطوم سارت عند البنات .. ف الصاله ساره : امايه ام حمدان : هلا فديتج ساره : اتصلي حق ام عزوز و عمور ام حمدان : هههه ليش ساره : ها لا ماشي بس اعزميهم عندنا .. و ام مريوم خليها تي بيتنا هيه وعميه ام حمدان غمزلتها : هههه انزين ,, وجان تتصل ع رفيعه ,, ( ام عبدالعزيز و عمر ) ام حمدان : السلام عليكم رفيعه : وعليكم السلام !! ام حمدان : شحالج الغاليه ؟ رفيعه : بخير ربي يعافيج ,, شيخه ؟ ام حمدان : هيه نعم شيخه رفيعه : حي الله بالشيوخ ,, شحالج الغلا ,, ولهنا عليج والله ام حمدان : يسرج الحال الغاليه ,, والله نحنا بعد ,, شخبارج شو مسويه ؟ رفيعه : والله ماشي الحال فديتج ام حمدان : شحال عبدالعزيز و عمر ,, ان شاء الله بخير رفيعه : كلهم بخير ,, ومن صوبكم ,, هيه مبروك عليكم ملجة حمدان ام حمدان : الله يبارك فيج الغلا ,, وعقبال مانشوف عيالج معرسين و تارسين البيت عيال رفيعه : ههههه آمين ام حمدان : فديتج اليوم مشغوله ؟ رفيعه : لا الغلا ام حمدان : عيل اقربي عندنا ,, انتي و عيالج رفيعه : خلاص فديتج ومايصير خاطرج الا طيب ,, عقب الصلاه بنيكم ,, ام حمدان : خلاص عيل فديتج ,, بخليج عيل انا ,, رفيعه : الله وياج ,, ام حمدان : فداعة الله ,, رفيعه : الرب الحافظ ,, مع السلامه ,, ساره وهيه مستانسه : ها شو قالت !! ام حمدان : سيري خبري مريوم و عليوه يتكشخون هههه ساره : صدق بيون ,, ونطت من الفرحه ,, بسير صوبهم ,, ام حمدان : وانا بتصل ل ام مريوم وبسرعه ركضت سارت صوب مريوم و عليا دشت بسرعه كلهم زاغو اولتهم فطوم ,, فطوم : وايه طيحتي قلبيه الله ياخذج بلاج جنه ثور يركض وراج !! ساره : خالوه رفيعه بتي عندنا مريوم + عليا + فطوم : منوه خالتج رفيعه ؟ ساره تغمزل ل مريوم و عليا : ام عزوز و عمور مريوم + عليا : احلفي !!!! و ينطون صوبها ساره : خيبه خيبه جتلتوني ,, والله بتي يلا بوسو ايدي مريوم دزتها : مالت عليج ,, يلا كلكم برع خلونا نتكشخ برع ساره وفطوم يشوفون بعض ,, فطوم : نعم !! عليا تاشر ع الباب وتصرخ : ouuuuuuuuuut فطوم : مالت عليكم يا الحمير ,, و تاخذ ساروه و يطلعون برع ,, عليا : هههههههههه ,, بيدعون علينا مريوم : ههههه ,, اتسبحتي ؟ عليا : هيه وحالج نسيتي مريوم : اوه صح انزين ,, شو بتلبسين ؟ عليا : همم ,, انطقم ؟ مريوم : هيه هيه عليا : انزين ,, سارو هم الثنين صوب الكبت الكبير ,, وتمو يدورون شي حلو و يديد ,, مريوم : ايه هاي حلوه موت متى خذناها ؟ عليا : ههههه غبيه يوم سرنا ناخذ هديه حق فطوم .. مريوم : انزين قومي خلينا نلبس .. سارو سشورو شعرهم ,, وصلو ,, و لبسو .. تنوره بيبي بلو ,, و قميص اصفر وايد كيوت طالع عليهم ,, البسو اكسسوار ,, ورفعو شعرهم ب توكه هالورد ,, اسود ,, و رسمو عيونهم و حطو قلوز ,, و تعطرو و اتدخنو وكان اشكالهم وايد وايد كيوت ,, جان يطلعون و يسيرون غرفة فطوم ,, دق دق دق فطوم : منوه ؟ مريوم : انا مريوم فطوم سارت تفج الباب : نعم شو تبغين ,, قبل شويه طاردتنا انتي و اختج مريوم : ههههه فديتج والله ,, كنا نسولف ,, عليا : احم ,, شو رايج فينا ,, فطوم : والله تخبلون ,, لاتخلوني اغطي عليكم مريوم : جب ,, عليا : انزين خلينا اندش فطوم : اتفضلو حبايبي ,, |
