آه من قلبٍ غدى حبه جنوني كاملة

جان يدخلون و تسكر عليا الباب ,,
مريوم : شفتي حمدان
فطوم : همم لاء
عليا : ليش متضاربين
فطوم فلعتها بالتكيه : لا .. الله يغربلج فال الله ولا فالج
مريوم + عليا : ههههههههه
عليا : انزين شو بتلبسين ؟
فطوم : هالتنوره السودا ,, و هالقميص الابيض ,,
مريوم : والله وايد حلو القميص خبال
فطوم : احم حمدان يايبلي ياه ,, الهديه
عليا : هيه ,, حليله الحبيب
فطوم : جب مالج خص فيه ..

جان تاخذ ثيابها و تسير الحمام لبست بسرعه و جان تطلع ,, ويلست ع الكرسي " تتكشخ " جان تي مريوم و تلعب فشعرها
فطوم : بتسون خير لو تلفونه ,,
عليا : ما طلبتي والله ,,
لفو شعرها ب توكه سودا " ورد " و حطولها فرشات هالصغار جدام ع قذلتها ,, و فطوم ترسم عيونها و تحطلها روج عنابي ,, طالعه خبال ,, و لون الروج وايد حلو طالع عليها ,, و لبست اكسسوار ,, وعقب دقايق يت ساروه و هيه كاشخه لابسه .. تنوره سودا ,, و قميص وردي حلو طالع عليها ,,
ساره : اييه ترا خالو رفيعه تحت ويا خالوه نوره
مريوم : والله يت ام عزوز و عمور
عليا : و عمور و عزوز يو ؟؟
ساره : هيه انا شفت حمدان ,, سأل عن فطوم
فطوم وهيه متفاجأه : يا ألبي والله ,, ابا اشوفه وينه هوه !!
ساره : انتي غبيه انتي غبيه !! عند ربعه الحين ,, و ابويه و عميه علي بعد هناكي
فطوم : اهاه ,, انزين نحنا شو نسوي اهنيه دام انه نحنا مخلصات قومو نزل
مريوم : ها لا لا اخاف
ساره : من شوه !!
فطوم : يلا يلا عن المنكر ,, طوفو جدامي ,,
عليا : انزين بس بشرط انتي تكونين اول وحده اتدشين الميل
فطوم : اوهوه ,, انزين انزين ,,

خذت فطوم موبايلها و حطته فجيبها وعقب نزلو الرباعي المرح ,, وجان يوصلون عند باب الميلس شافوه فجوج يعني اذا خطفو من عداله اللي داخل بيشوفونهم ,, فطوم متردده تدش ولا لا ,,
ساره بصوت خفيف : يلا دشي
فطوم : اوش ,, جب انزين بدش

فطوم ادش و هيه قافطه : احم ,, السلام عليكم
البنات ال 3 : السلام عليكم ,,

ام حمدان + ام مريم : وعليكم السلام ,,
رفيعه : وعليكم السلام ,, يا هلا والله
فطوم تتقرب من رفيعه : شحالج خالوه ربج ربخير ؟
رفيعه : بخير ربي يعافيج ,, اشحالج انتي ,, ان شاء الله بخير ..
فطوم : يسرج الحال ,, وتسير صوب ام مريوم و تسلم عليها و جان تيلس و عقب سلمو البنات الباجين ع رفيعه و ام مريم و يلسو عدال فطوم ,, فطوم فالنص و مريوم ع اليمين و عليوه ع اليساره و ساره الصوب الثاني فالكرسي بروحها ,,
رفيعه : انتي فاطمه صح ؟
فطوم : هيه فديتج
رفيعه : مبروك الغلا ,,
فطوم : الله يبارك فيج فديتج
رفيعه : ساره شحالج الغاليه شو مسويه ؟
ساره : بخير ربي يعافيج ,, خالو ,, هايل مريوم و عليا ,, عيال خالوه نوره
رفيعه : هيه ماشالله عليهم ,, شحالكم عنيه افداكم
مريوم + عليا : يسرج الحال خالوه ..
ام حمدان : بسير اقولهم يحظرون الغدا ,, تعالي نوره ويايه
ام مريم : من عيونيه ,,

مريوم ف خاطرها : احسن ظهرتو خلوني اخذ راحتي شويه بتخبل : همم انزين خالوه بعد شحالج شخبارج شو مسويه ؟
فطوم : بل بل شوي شوي عليها !!
رفيعه : ههههه ,, لا افا عليكم خذو راحتكم , , بخير ربي يعافيج ..
جان تي ام حمدان تاخذ موبايلها نسته ,, و يوم دشت جان تسمع عليا تسال رفيعه سؤال ..
عليا : خالوه بسألج سؤال ؟
رفيعه : آمري فديتج
عليا : مايامر عليج عدو ,, عيالج متى بيملجون ؟
ساره قفطت من الخاطر و جان تصد ويها الصوب الثاني و بصوت واطي : الله يغربلج فشلتينا
ام حمدان : هههههههههههههههههههههههههههههه هههه
مريوم + عليا : بلاج !
ام حمدان : ايه انتو فضحتونا ,, انتو عاد صدقتو السالفه !!
رفيعه : اي سالفه ,, شو مستوي
ام حمدان : هههه لا ماشي فديتج .. يسولفون وياج
مريوم جان تسير صوب ام حمدان و ترمسها بصوت واطي : احلفي انتي بس كنتي تقصين علينا
ام حمدان بدلع : هاهاي ,,, هيه كيفي ,, جان تروح عنهم بسرعه
مريوم شهقت : طاعو انتو ,, عليوه صرنا مال مقصه ,, ساروه كنتي تعرفين شو السالفه صح
ساره : هههههههههههه
فطوم : حتى انا !!
رفيعه : شوبلاكم ,, قولولي شو مستوي جني الاطرش ف الزفه ,,
فطوم : لا محشومه خالوه ,, جان تسير صوبها ,, مافي شي
ام مريم : يلا الغدا جاهز ,,

جان تقوم رفيعه تغسل ايدها بس ساره تريتها تخوز سارت صوب عليا وضربتها ضرب : ايه انتي شو قلتي حيوانه لسانج يباله قص
عليا : انتي جب مسودة الويه ,, جيه زين خليتيني اقفط جدامها ,, مالت عليج جلبه
من صوب ثاني ,, ام حمدان : يلا يا بنات تعالو
فطوم : ها ياين ياين ,, غربلاتكن طوفو يلا ,,

صوب ميلس الريايل ,,

كانو حطيين الاكل قبل الحريم ,, ف كانو مخلصين ,, و الشباب ف صوب يسولفون ,, و بو حمدان و بو مريم ف صوب يسولفون ,, اما عند الشباب ,,

عزوز : أأ اخبركم ,, شحالهم ؟
حمدان : منوه ؟
عزوز : أأ هايل هايل
محمد : ارمس عدل الله يخليك
عزوز : ربع اختك
محمد : بلاهم بعد ؟
عمر : شحالهم
حمدان : هههههه الحمدالله بخير
محمد يطلعهم بنص عين ,, ضحكو عليه

و بعدين تمو يسولفون ,, صوب البنات ,, كانو مخلصين اول شي ,, غسلو ايدهم .. وسارو يلبسون شيله سودا كانو بيظهرون برع ,, يلعبون ف المريحانه ,, ( بعدهم ف الروضه لول ) .. فكرة مريوم هاي ,, يوم طلعو و صولو ,, مريوم و عليوه كانو يالسين و ساره تدز عليوه وفطوم اتدز مريوم ,, اول شي شوي شوي و عقب فطوم نط عرج النذاله فيها و حركتها بالقو .. و صوتهم طار الدنيا ,, صوب ميلس الريايل ,,

حمدان : تعالو نسير برع الجو حلو ,,
عزوز + عمر + محمد : يلا عيل ,,

من فجو الباب و طلعو و سمعو الصريخ زاغو ,,
حمدان : بسم الله شو مستوي ,,

من صوب ثاني
مريوم تصارخ : فطوم يا الدبه بس
البنات : هههههههههههههههه

صوب الاولاد
حمدان شهق : بلاها حرمتيه !!
وكضت صوب الصوت و محمد و عزوز وعمور و راهم ,, من شاو انه فطوم تدز مريوم ومن جيه تصارخ تمو ناقعين من الضحك ,, مره وحده البنات سيده صدو صوبهم ,, افتشلو ,, فطوم سيده هدت مريوم و خطفت عدال الحوض عشان تسير وره جان تشوف جيس في بلالين خذته و سارت ورا البيت ,, و ساره نفس الشي ,, و اما عليا دحت بريك و ركيض صوبهم وباجي مريوم عاد ماتحب هالمواقف ,, جان تي و تنط زين ما اندبغت ع ويها و سيده صوب فطوم تمت تضربها ضرب ,,

فطوم بصوت عالي : حمدان يضربونيه
مريوم : ايه جب عن ياكلني والله مافينا

صول الثاني ,,
حمدان : سوبر مان قادم
الاولاد : هههههههههههه

يوم سار صوبهم ماشافهم موجودين قال يمكن دخلو داخل البيت المهم كانو محطين كراسي جدام الدري ,, يلسو و تمو يسولفون ,, اما عند البنات وين كانو سايرين فوق البيت ,, هاي فكرة فطوم ,, وكانو يراقبون الاولاد من تحت
مريوم عينها ع عزوز ,,
مريوم : ياربيه ما اشوفه عدل
فطوم : حتى انا
ساره : اكوه تلسكوب مال ابويه شوفو منهه ما اول ,,
مريوم : يا ألبي والله كيوت
عليا تشل التلسكوب : خليني اشوف .. ياويل حالي ..
فطوم : ايه ايه بسكم بقولكم شي ,,
البنا ال3 : ها شو ؟؟
فطوم : شوفو هالبلالين بنترسمهم ماي وبنفرههم صوبهم
مريوم : خخخخخخخ ,, فشله
فطوم : جب لاه يلا طوفو ,, مايدرون انه فوق نحنا
عليا : خخخخ انزين يلا ,,

جان يسيرون صوب الماي ,, و يترسون كمن بلونه ,, و هم ميتات من الضحك .. و يوم خلصو ,, بس ترسو 6 بلونات ,,
جان يقربونهم صوب الحد ,, فطوم وايجت اول شي شافتهم يضحكون ومادري شو..
فطوم : هههه اضحكو شو وراكم الحين بتنقهرون ,,
ساره : ثجيله ؟؟
فطوم وهيه مستعده : هههه لا لا ماعليج ,,

صييو طاخ

الشباب مره وحده قامو من كراسيهم
عمر : ولعنه !!
محمد : خيبه من وين يت هاي !!

البارت 26

صييو طاخ

الشباب مره وحده قامو من كراسيهم
عمر : ولعنه !!
محمد : خيبه من وين يت هاي !!
عزوز : الله يغربل من كان السبب خست
حمدان يشوف فوق .. ولا جيه يت بلونه محترمه ع صدره
عمر : هههههههههههههه
عزوز : خخخخخخخ حليلك
ولا دقايق كل وحده تحاول تفر البلونه ع واحد .. طعبا نجحو لول .. ال 4 خاسو ..
حمدان اتنرفز من الخاطر بصوت عالي : منوه ها الحيوان اللي يسوي جيه !!
فطوم بصوت عالي .. وهيه مطلعه راسها : تعيشو و تاكلو غيرها هههههه
حمدان شهق : فطوم !!! الله يغربلج ماعليه براويج ,, طوفو خلونا نغير ثيابنا
عمر + عزوز : ونحنا ؟؟
محمد : نحنا بنعطيكم
حمدان : ولا اقولكم تعالو

فوق ..
فطوم : أميه ,, شو سوينا
ساره : مامي ,, كله منج يا السباله تعالي نزل
عليا : ايه انا بنزل اول شي و يوم بكون ف نص الدري تعالو انتو ..

قوم حمدان تمو يتحرطمون و قبل لايبدلون ثيابهم .. البنات تحسبو انه الاودلا دخلو داخل .. وجان ينخشون الاولاد الصوب الثاني ويوم طلعو البنات .. كان صوتهم صوت عالي ..
فطوم توايج : أأ محد تعالو بسرعه
اذا بيسيرون البيت لازم يخطفون عدال الحوض و يوم خطفو الاولاد بسرعه طلعو و كان اول واحد حمدان .. يا مجابل فطوم و خلاها ع طرف الحوض " هوه صح الحوض مسكر .. بس هالزجاج يرتفع ع فوق وهم كانو " .. و مسك ايدها بالقو و خلاها مايله .. و ظهرها يايه صوب الحوض .. ( حمدان يخوفها انه بيفرها فالحوض ) .. و هيه تصارخ وحمدان ماسكنها و شويه و بتطيح ,,
حمدان معصب : قد هالحركه !!
فطوم : والله كنا نسولف
حمدان معصب و يصارخ فويها : ما تستحين وبعد جدام ربعي ,, ليش لاعبين وياج يوم كانو صغار ,, >> ماسكنها بالقو وشويه و بتطيح ..
فطوم : حمدان لا تتهور !!
مريوم : حمدان هدها مايسوا عليها
حمدان يصارخ : انتي جاب !! .. و يشوف فطوم ..
فطوم بصوت عالي : خليه مريوم .. يتحسباني بترجاه عشان ما يدزي ,, تبا تدزني اكوه الدرب
حمدان : مافكرتي شو بيقولون ربعي عنكم !! لو انا و حمود ماعليه بس جدام ربعي ليش ,, فكرتي بس ف وناستكم !!
ساره : حمدان بس عاد !! انا اللي قالتها جيه !!
حمدان معصب من الخاطر : انتي انجعمي ,, لاتجذبين ,,
فطوم تشوفه بنظرات تقهر : ...............
حمدان يّرها .. وخلا ويها جدام ويهه : اتسوين عمرج قويه اونه و ماتخافين !!
فطوم : قويه و غصبن عن الكل انزين .. و جيه شو تتحراني من البنات اللي يترجون واحد !! لا عيوني لو شو ما اترجا حد حتى لو ريلي !! ..
حمدان : مادري منوه اللي يترجاني عشان اطلع من المستشفى ..
فطوم : والله هاكي قبل .. و يوم ترجيتك .. هاكي الشي لمصلحتي انا .. لو اقدر اظهر جان ماترجيتك ..
حمدان : جب انزين .. لو سويتيها مره ثانيه بيكون آخر يوم ف حياتج ,, و بالقو عقاها ف الحوض ,, و روح و الاولاد وراه ,, دخلو البيت .. اما البنات هب مصدقين اللي استوا ..
مريوم : فطوم حبيبتي والله ,,
عليا وخت تحت : عطيني ايدج غناتيه
ساره وهيه تساعد فطوم عشان تقومها : امييه اول مره جيه يعصب !!
فطوم : منعش ههههه .. خلوني انا بروحي بطلع .. حيوان والله براويه ..
الكل فج عيونه : !!!
ساره : وي تحسبتج بتصيحين !!
فطوم : ينجرح قلب ولكن ترتفع هامة والله إني أموت ولا اصيح جدامه .. و روحت ..
مريوم : ههههه عاشت القويه ..

غرفة حمدان
عزوز : انته ماتخاف ف ربك !! حرمتك ماكملت اسبوع وياك تسويلها جيه
حمدان : ماعليه بتنسى و بترد شرات قبل
عمر : شكلها وايد خقاقه ,,
محمد : انجبو انزين وايد خذيتو راحتكم .. بس حمدان ,, والله !! ماهقيتها منك .. عمور تعال ويايه بعطيك كندوره ..
عمر : ان شاء الله ,, و جان يسير ويا حمود

ف الميلس ..
دخلو ال 3 ماعادا فطوم ,, ومحد سأل وعقب دقايق ..
رفيعه : جيه وين فطامي ؟
ساره : ها .. فوق اظن .. وتسوي حركات حق امها انه تبا ترمسها و جان تسير صوب الحمام ( هب داخله لول ,, وين المغاسل ) و ثواني .. تي ام حمدان ..
ام حمدان : شو السالفه !!
ساره : بقولج بس لاتعصبين
ام حمدان : سارونه ,, انا اتفاهم و ماحب اعصب ..
ساره : ادري حبيبتي .. انزين الله يسلمج ( و قالتها السالفه )
ام حمدان تشهق : ويه !!! حمدان سوا جيه !! صدق انه مايستحي ..
ساره : جدام عزوز و عمر بعد
ام حمدان : وابويه ,, ها تخبل ولا شوه ..

ف الميلس الريايل
بدلو ثيابهم محمد و عمو ,, وعقب نزلو تحت ,, و دخلو الميلس و قالو السالفه حق بو حمدان و بو مريم
بو حمدان شهق : صدص انهم مايستحون ,,
بو مريم : و حتى بناتي !!
حمود : ب اربعتهن
بو حمدان + بو مريم " جدام عبدالعزيز و عمر !!
حمود : هيه
بو حمدان : شوه !!! و جان يروح و هوه مفول من الخاطر .. و يصارخ : شيخه !! شيخه
ام حمدان تفج الباب و تسير صوبه : ها شو فيك !!
بو حمدان : وين فطوم !!
ام حمدان : ها .. محد ..
بو حمدان بدون مايقول شي .. سيده سار فوق وهوه معصب و لحقته ام حمدان و فطوم كانت توها طاعه من الحمام
بس لافه الفوده عليها ,, و يوم وصل بو حمدان دق الباب بالقو
طاخ طاخ طاخ
فطوم : امييه بسم الله منوه ؟؟؟
بو حمدان وهوه يصارخ : فجي الباب
فطوم : انزين بلبس ثيابي ,, بس لابسه فوده
بوحمدان : اقولج فجي الباب لا اكسره الحين
فطوم فجت الباب وهيه تتحرطم : شو بلاك .. جيه حد يزعج !!
بو حمدان : اوص ولا كلمه ,, مسودة الويه
فطوم : انزين مايسوا عليك تعصب جيه !!
ام حمدان : لاتهزبها هيه بس ,, حتى البنات
بو حمدان : هيه ساس البلا
ام حمدان : انزين حبيبي هدي اعصابك ..
بو حمدان بنظرات نخوف : البسي و تعالي بسرعه !! .. وجان يروح و ينزل تحت .. و عقب دقايق عزوز نزل وسار الميلس
فطوم تأشر عليه : ها شفيه !!
ام حمدان : ماعليه فديتج ,, البسي بسرعه و انزلي عن يعصب زياده .. وسارت
فطوم : ان شاء الله ,,
جان يطلع حمدان .. و خطف عدال غرفة فطوم .. و كانت فطوم ميوده الباب ,, يعني ينعرف انها لابسه فوده بس
من شافها حمدان بغا يذوب .. تم يشوفها
حمدان فخاطره : ياويل حالي انا
فطوم تشوفه من فوق لي تحت : عيونك عن اتطيح !! و سكرت الباب بالقو ,,
حمدان : بل ف الويه ,, وعقب نزل ..

فطوم : شوفي شموخي ترا غالي معي ذاتي قلبي شموخه يساوي الف من ذاته .. عاشو عاشو .. انزين امم .. سارت صوب الكبت فجته و تمت تشوف شو تلبس ..
فطوم : شو ألبس همم .. هيه بلبس هالبنطلون الابيض و الجاكيت "القصير" الابيض .. و القميص .. همم ,, تمت ادور و حصلتها قميص + تنوره ابيض و كله مخط ب بيبي بلو .. و تنوره كلها فيها كسرات .. و عقب سارت تجفف شعرها بالاستشوار .. و يوم خلصت تلبست .. وتجحلت و حطت قلوز .. و لفت شعرها ب التوكه .. و تشوف عمرها ..
فطوم : ياويل حالي انا ,, فديتج والله قمر قمر .. هههههههه خبله ,, انزين في شي ناقص ,, تمت تفكر .. اويه الاكسسوار
و عثي سارت صوب طاولت الاكسسوار ,, و دورت خاتمها " الذهب الابيض " و عليه حجر ف النص ازرق .. لبسته و دورتلها حزام ابيض .. و لبست ساعتها البيضا ,, وايد حلوه و سارت صوب نعلها و الجواتي .. دورتلها بوت ابيض كعب ,, هالظعيف لول .. تدلغت و لبست البوت وخلت البنطلون داخل .. و لفت شيلتها و نزلت تحت .. بس قبل لاتنزل سارت صوب اليهال ..

ف ميلس الحريم ..
رفيعه : عيل انا اترخص
ام حمدان : وين ؟؟ يالسين ..
رفيعه : ماعليه الغلا مره ثانيه
ساره : ارمس محمد عشان يزقر عيالج ؟
رفيعه : لا ماعليه عيالي هب سايرين ويايه .. هههه مطولين شكلهم .. الدريول برع ..
مريوم بصوت واطي : احسن ..
ام حمدان شافتها و ضحكت و مريوم احمرت لول .. و عقب سلمو ع بعض و روحت رفيعه ..

صوب فطوم ..
فطوم : حبايبي .. وتفج ايدها
عبدالرحمن + رشود يتراكضون : انا اول
فطوم : حبايبي والله ,, عطوني بوثه
و هم الثنين عطوها فطوم : فديتكم و الله جان تبوسهم .. شو اتثوفون ؟؟
رشود : تمون و بومبا
عبدالرحمن : و نلأب سيارات " تعلب سيارات "
فطوم : فديتكم حبايبي يلا سيرو كملو انا بنزل تحت ..

ف الصاله ..
بو حمدان كان يالس يهدي عمره و طلعو البنات ويا الحريم من شافو تيبسو ..
ساره : وابوكم
مريوم تكفخ ساروه : جب بسج
مريوم : الله يستر

بو حمدان معصب : ساره سيري ازقري فطوم بسرعه عنبو تلبس ثوب الفرح هيه !! و عقب تعالو الميلس ..
ساره : ها هيه انزين ان شاء الله .. ان شاء الله ,,
وسارت صوب الدري توها بتركب جان تشوفها توها تنزل : بسرعه يا العنز معصب الشيبه
فطوم بصوت عالي : إإإف ماتخلون الواحد ياخذ راحته ( يوم قالت إف .. ماقالت اوف ,, خلت الياء ع تحت لول اونها مال دلع ) ..
ساره : ايه بسج والله بيصفعج
فطوم : ها وينه ؟
ساره : سار الميلس يبانا !!
مريوم : الله يغربلنا نحنا شو سوينا !!
فطوم : جب يلا جب .. اونه شو سوينا ,, ماسوينا شي ,, تشوف عليوه ,, سوينا شي لا ماسوينا خخخخ .. حجيات ادعولنا
عليا : ماما ... الله يغرب شورج ..
ام حمدان + ام مريم : ههههههه من منكركم الزايد .. احسن تستاهلون
فطوم : جب والله اللي بيجذب بقص لسانه ,, بستهبل عليهم ,, عادي ..
مريوم : ايه يلا طوفو "وهيه ادزهم" عن ياكلنا بعد ..
سارو صوب باب الميلس
عليا تبا تدز فطوم : يلا طوفي
فطوم : اوص الله يغربلج شو اتدزين ,, ساروه تعالي عدالي و مريوم الصوب الثاني و عليوه سيري عدال مريوم .. يوم سو جيه
فطوم : بسم الله .. دق دق دق

بو حمدان بصوت عالي : ادخلن
فطوم ت فج الباب : احم ..
لول اشكالهن ماتنوصف .. الكل منزل راسه الا فطوم لول ال Boss .. مريوم و عليوه قفطو يوم شافو عزوز و عمور بعد اهنيه .. جان يسيرون ف النص مجابلين الكل .. وعاد فطوم تبا تستهبل
فطوم : بونسوار ..
بو حمدان يستهبل : بونسوارين ,,
فطوم : كومون سافا
الكل صخ .. و بو حمدان متنرفز و حمدان ع اعصابه ..
عزوز : تريبيان
بو حمدان و هوه ياشر ع فطوم و عزوز : انتو اي اي ,, وين يالسين .. ف فرنسا وانا مادري
فطوم : ياربيه عميه ريلاكس شويه عيوني ... والله مايسوا علينا
بو حمدان : وانتو ليش منزلين راسكم .. ارفعوهم .. صارخ لول عاد البنات اتيبسو جان يرفعون ..
فطوم بجديه : عميه لو سحمت هم ماسو شي ,, صح انهم فرو ويايه بس انا اكثر شي .. لومني انا !!
بو حمدان : ولج عين ترمسين بعد !!
فطوم : والله عميه ماحيد انا ذبحنا حد .. الا لعب
بو مريم : تلعبون جيه ماتستحون
فطوم تشوف حمدان من طرف عينها
بو حمدان : يلا بسرعه اتاسفو
فطوم تتقرب من بو حمدان و يلست عداله و باسته ع راسه : جو سوي ديزوليه je suie desole .. و سارت عند بو مريوم و سوت نفس الشي و محمد بعد وحمدان طاف .. تغير ويهه 180 درجه.. سارت صوب عزوز و عمر : جو سوي ديزوليه je suie desole
عزوز وعمر : ههه لا عادي ..
حمدان انقهر من الخاطر .. احسن تتأدب لول .. و سارو البنات نفس الشي و كل حد سوا طاف حد حمدان .. و مريوم و عليوه يوم يو يتأسفون ل عزوز و عمر .. كانو حمدان و محمد صوب بو حمدان و بو مريم مغطين .. و عزوز شويه و بيوقف و هوه يشوف مريوم .. و عمور نفس الشي ل عليوه
مريوم + عليا : آسفين
عزوز + عمر : لا عادي حياكم اي وقت
و شرده صوب فطوم و ساره ,, و قبل لا يطلعون ..
مريوم : ع فكره امكم روحت
وطلعت بسرعه

البنات : ههههههههههههه
ام حمدان : بلاكن ..
مريوم : خخخ ماشي ..

و عقب جان يأذن و قامو الشباب يصلون .. و الحريم نفس الشي .. و يوم خلصو البنات جان يسرن غرفة ساره

مريوم : شفتي حمدان كيف كان يطالعج ؟
فطوم : يولي ,, طاف .. قومو خلونا نطلع
ساره : وين
فطوم : هع دبي
البنات ال 3 : نعم !!
فطوم : اشوه
ساره : يعني ابا اعرف عقب اللي سوينها بيطيعون ؟؟
عليا : الاولاد بيعصبون
فطوم قمت و تصارخ : انا شعليه من الاولاد .. اسمعو .. برمس خالوه ,, طاعت برمس عميه ,, ما طاعو بسير المرينا ,, بشل اللاب و بدش من هناكي النت و بندخل السينما ,, تبون تون حياكم ,, ماتبون ,, كيفكن ,, و جان تروح ,, و هيه نازله من الدري كانت تغني

حسبي على عشقن تمناك ياشوق .. عمري عذاب وفرحتي به ثواني
بعت الامل ياشوق خلاص ياشوق .. انسى وتناسى ود مايعود ثاني
مني نسيتك واتحداك ياشوق .. واوعدك ما أذكرك لحظه واعاني
والحين روح بعيد لبعيد يا شوق .. يعلك سعيد وطول عمرك تهاني يا شوق

يوم وصلت الصاله كانت واقفه جدام الكل ,, و قوم حمدان كانو فالميلس .. و بو حمدان و ام حمدان ,, و بو مريم و ام مريم ,, كانو ف الصاله.. يوم كانت تشوفهم ,, تشوفهم بنظرات بريئه اللي يشوفها يقول هاي ماتسوي اللي سوته قبل شويه
بو حمدان : ها الشيخه فطيم ,, شو بغيتي ؟
فطوم مشت و سارت صوب ام حمدان و تشوفها بنظرات بريئه : خالوتي طلبتج
ام حمدان : تم الغلا ..
بو حمدان : شو تم انتي الثانيه شوفيها اول شي شو تبا !!
فطوم : هيهيهيههي ,, انتي قلت تم ,, يعني خلاص موافقه ,,
بو مريم : ايه ايه ,, ع شو ناويه
فطوم : بنروح DXB
بو حمدان : شوه !! و يا منوه ان شاء الله !!
فطوم تسير صوب عمها : ابويه ,, باباتي ,, دادي ,, الله يخليك
ام حمدان : خلهم يسيرون الغالي ,, ويا الدريوليه اليديده
بو حمدان يشوف بو مريم و يشوف فطوم
فطوم : Pleeeeeez
بو حمدان بشوف بو مريم : موافق ؟
بو مريم : والله مادري ,, خلاص خلهم يسيرون
فطوم : ياويل حالي ,, فديتكم ياربيه ,, سارت باست كل واحد لول جان تروح قبل ما تركب الدري
بو حمدان : بس AL Body Guard وياكم
فطوم دحت بريك : اف .. لازم يعني ,, همم هيه عشان يعرفون انه نحنا خقاقات انزين ,, جان تسير صوبهم
فطوم : طلبتكم الله يخليكم

الكل : تم
فطوم : لاتخبرون الاولاد والله بيخربون علينا
ام حمدان : لاتحاتين محد بيخبر يلا سيري ..
فطوم : wooooooooooow وتناقز لول ,, وجان تسير فوق

بو حمدان : ولا جنه معرسه هههه
الكل : هههههه
ام حمدان : حليلها

عند البنات
دشت فطوم بدفاشه من الخاطر : بنسير بنسير و تناقز و حالتها حاله
البنات مره وحده : حلفي
فطوم : والله ,, يلا بسرعه ماشي وقت سيرو البسو شراتي بسرعه
من الفرحه الكل سار غرفته ,, و لبسو نفس الشي ,, " البنطلون الابيض و الجاكيت "القصير" الابيض .. و القميص
قميص + تنوره ابيض و كله مخط ب بيبي بلو .. و تنوره كلها فيها كسرات " و لبسو نفس البوت و الاكسسوار ,, كانو خبال
احلى شي يوم الواحد يطقم ويا ربعه و يوم تلبسو .. سارو كلهم عند فطوم ,,
مريوم : بتحطيتن شي ف عيونج ..
فطوم : ههه طبعاً
عليا : والله لو شافج حمدان بياكلج !!
ساره : يمدحون الباب اللي ورا ,, يلا قولي شو بتسوين ؟
فطوم : طبعا برسم عيوني و بحط شدو خفيف بيبي بلو و اسود هب وايد يعني .. ومسكره و شدو البيش عند الحياي
مريوم : انزين سوي انتي عشان حطيلنا عقب ,,
فطوم : خادمتكم ,, ارسمو عيونكم و عقب بحطلكم الشدو ..

و كل وحده جدام منظره ,, الا وحده ف الحمام و الثانيه عند منظره الكبت لول اشكالهم الضحك ,, يوم خلصت فطوم و تعدلت سارت صوب البنات
فطوم : ها شراكم ؟
مريوم : ياويل حالي خبال الله يغربلج دوم تكسرينا
ساره : تف تف تف عن حد يحسدج
فطوم : خيستينا ,, تعالي ساروه بسويلج اول شي ,,

وعقب قبضت ساره و يوم خلصت يت مريوم و عقب عليوه ,, الحين كلهم نفس الشي ب اللبس و الاكسسوار و البوت و المكياج .. كانو كشخه الصراحه ..
مريوم : اي شنطه ؟
فطوم : الشنطه البيضا .. الماركه
مريوم : بسير ايب مالي و بالج عليوه ..
ساره : عيل انا بعد بسير ايب ..
فطوم : يبو نظارت Doir تدرجات بيبي بلو
البنات : انزين ..

و يوم يابو شنطهم و النظاره اللي نفس الشي ,, حطو فيها موبايلاتهم وابواكهم و الاغراض اللي يبونهم ,, و عقب لبسو عبيهم ساده و الشيله فيها شغل وايد
مريم : يالله ريحت العباه حلوه
ساره : انا خليت البشكاره تدخل الكبتات
فطوم : حتى انا .. يلا خلونا نسير بنأخر ..

وبعدين فطوم خذت لاب مالها و جان يطلعون واتصلون تحت ع ام حمدان من تيلفون البيت ..
ام حمدان : مرحبا الساع ..
ساره : هلاع .. اميه ,, طرشولنا فلوس ,, بخلي البشكاره تي ,, بس فطوم عندها ..
ام حمدان : ها اللي يهمكم .. ههههههههه .. انزين ,, بتصل انا حق الدريوليه ..
ساره : اميه اميه .. سياره النيسان الله يخليج ..
ام حمدان : ان شاء الله ..
ساره : و AL Body Guard بالهمر
ام حمدان : هههه .. ياويلي ع الحقه ,, يلا اكيه يت البشكاره .. وسكرت
بو حمدان : اكيد فلوس .. جان يطلع بوكه ويعطي 1000 .. و بو مريم 2000 >> حق مريوم و عليا ..
وعقب ام حمدان اتصلت ع الدريوليه انها تطلع سياره النيسان .. و اتصلت ع جسوم و وليد AL Body Guards يطلعون الهمر و يمشون ورا قوم فطوم و وصتهم عدل عليهم ..

يوم وصلت البشكاره فوق ,, خذو البنات الفلوس و نزلو بسرعه و لا خطفو ع الصاله سيده سارو ورا البيت و عقب دخلو النيسان بسرعه عشان محد يشوفهم .. و 5 دقايق جان يسيرون ,, و ال AL Body Guards وراهم ..

ف الميلس ..

كانو الشباب يلعبون ب XBoX .. و يوم خلصو لعب ..
محمد : خلونا نسير الصاله الصراحه مليت ..
عزوز + عمر : ونحنا !!
حمدان : عادي مافيها شي .. انتو منا و فينا .. يلا طوفو ..
وعقب دشو الصاله سلمو وجان ايلسون .. و البيت كان هادي .. والشباب استغربو ..
محمد : عيل وين البنات ؟
ام حمدان تبا ترقع السالفه : طالعات
حمدان : و فطوم وياهم ؟
ام حمدان : هيه
حمدان : و شحقه ماتقول ؟
بو حمدان : خلاص قالتلي انا !!
حمدان انقهر من حركة فطوم : انزين وين سارو ..
ام حمدان : ها .. أأأ بوظبي مول
حمدان : اهاه .. بوظبي مول .. والله زين زين ..
محمد : شو رايكم نطلع .. بنسير المرينا
ام حمدان فخاطرها : احسن ..
حمدان : انزين ,,
محمد : يلا شباب ..
حمدان : عادي ناخذ اليهال ؟
بو حمدان + بو مريم : هيه عادي
ام حمدان : بس ياويلك يا حمدان ان سويت شرات هايج المره
حمدان : هههههههه .. لا ماعليج

وعقب سارو فوق .. غيرو ثيابهم كانو متجسفين .. ولبسو نفس الشي كندور بيضا + عصامه حمرا .. و لبسو اليهال بعد نفس الشي .. كيوت طالعين ,, فديتهم والله ,, وعقب تعطرو و حطو دهن عود لول و عقب سارو المرينا مول

ف الطريج عند البنات
مريوم : عاشو يابس .. شاغل الخط خلي و شاغلني
عليا : هههه عاشت فطوم
ساره : ايه ايه اسكتو حمود ع الخط لول ..
فطوم : تينا بندي المسجل ..
ساره : الو
محمد : الو
ساره : هلا والله ..
فطوم من صوب بصوت عالي تقلد حامد زيد :
انا ما العب على الحبلين وقت الطيش و سنينه
تبيني الحين يوم اني كبرت العب على الحبلين
ترى عند البدو بالذات عيب اللي تسوينه
حلاتك لا عشقتيني .. تعشقيني ليوم الدين ..
ساره : فطوم اسكتي خليني اسمع شو يقول
فطوم : واي
محمد : استخفت هاي !! انزين انتو وين ؟
ساره : ها .. سايرين ناخذ شي من بيت ربيعتي ,, حمود اكيه ويايه ع الخط يلا باي >> و سكرت " جذبت عليه لول "
عليا : ههههههههه مال مقصه
ساره : ايه مادري شو اقوله وين سايرين .. ويه في مسج ..
" سارونه حبيبي . . قلت حق حمدان انكم ف بوظبي مول . . لاتدرون عليهم اذا اتصلو .. و هم سايرين المرينا "
فطوم : زين انها طرشت مسج ,, تينا شغلي المسجل ..

الصراحه .. الجو ربشه عند البنات اما عند الاولاد حمدان مقهور و يحاتي .. و عقب دقايق وصلو الاولاد .. والمول كان زحمه شويه .. تمو يتحوطون وشافو بنتين خطفو جان يشوفون حمانوه و رشود ..
(****) 1 : يا ألبي كيوت .. تي صوبه و تلوي ع حمانوه ..
(****) 2 : فديتك والله كتكوت .. و تي الصوب رشود و تشله
حمانو ه + رشود مره وحده كف محترم : حمارا !!!!! و يتمون يتحركون بس عشان ينزلون جان يهدونهم .. و كل واحد انخش عند الشباب .. لول عاد الشباب ميتين من الضحك
حمدان : فديتك والله ,, طالع ع اخوك خشمك
ويتخاشمون ,, : ها رشود زين سويت فيها ,, تعال خشمك .. لول و يتخاشمون
(****) 1 : مالت عليه الوغد
محمد : كل(ن) يرا الناس بعين طبعه
الشباب : هههههههههههه
وجان يروحون البنات و هم مقهورين .. وعقب سارو الشباب يلعبون اليهال .. و يوم خلصو دشو فلم يضحك حق كبار و صغار ..

صوب مول الامارات ,,
توهم واصلين البنات وكانت الساعه 6 ونص .. نزلو البنات وفطوم خذت اللاب و عطته تينا .. و تينا " فلبينيه " فري وايد ويا قوم فطوم استوت .. كانو يمشون جيه .. تينا .. مريوم .. فطوم .. عليا .. ساره .. و AL Body Guards
كانو اشكل البنات كشخه من الخاطر مطقمات ب كل شي .. و لابسات نظاره .. من دشو المول شلوها و حطوها ف الشنطه
و هم كل دقيقه يدشون محل .. فطوم طبعا كل ما دشت محل اتشوف شي عندها من الهديه لول .. بس في اشيا منزلينها New ..
تينا : fa6oom see this is very Nice
فطوم : yaaaaaaaaaaa cute

جسوم : ايه وين يالسه .. قصري حسج
فطوم : هيهيهي .. مريوم تعالي شوفي هالتيشيرت خبال
مريوم : yaaaaaay .. حلو وايد ..
فطوم : if you want it take it
تينا : hhhhh ,, okay thanx

وعقب البنات خذو القميص .. و كل دقيقه يدشون محل و ياخذون اللي يبونه و يطلعون .. و يوم كانو يتحوطون
ساره : جسوم .. سير شوف شو من الافلام موجوده ؟؟
مريوم : هيه و وليد سير و دي الاغراض السياره
جسوم : وانتو ؟
فطوم : ماعلينا شر .. تينا ويانا ..
جسوم : انزين بس تحملو ع عماركم
فطوم : ان شاء الله من عيونا ..

وسار جسوم صوب السينما .. و وليد سار يودي الاغراض .. و البنات سارو The Coffee Bean .. ويوم طلبو
تينا اول مره تي هالكوفي .. جان يعطونهم شرات شي طويل .. و يطلع صوت و تينا ماتعرف شو ها ..
تينا : what this ?
ساره : wait a moment and you will know what is that
وكانو قوم فطوم ميلسين عند الكراسي اللي ساير و الراد يشوفوهم ..
فطوم كانت داشه النت و مريوم و ساره عدالها و عليا تسولف ويا تينا .. و هيه تسالها شو ها قوليلي و قوليلي و عليوه هب طايعه .. جان يدشون شلة شباب الكوفي و هم يشوفوه البنات .. و عقب دقايق جان يطلع صوت و تينا كانت تتعبث ف الجهاز من طلع صوت تينا صرخت صوت عالي و فطوم صرخت لانها قفزت
الكل : ههههههه
فطوم : omg ههههههههههه الله يغربلج خوفتيني
ساره : وايه وايه بطنيه , هههههههه
مريوم : خخخخخ الله يغربلج فطوم اونج ماتعرفينه
فطوم ميته من الضحك : هههههههه لالا انا قفزت من صرختها
عليا : هههههههه go go and bring it
تينا : hhhhh okay ..

و عقب تمو يشربون و في واحد مجابل فطوم و مريوم .. و هم ع اعصابهم .. و دقايق اي جسوم بسرعه
جسوم : فطيم .. فلم رومانسي ربيعي يمدحه بسرعه وايدين فيه خذلتكم حقكم و حقنا وعقب 5 دقايق بيبدا
البنات مره وحده : اشوه ..
فطوم اتبهدلت : سيري سكي اللااب .. و تينا تساعد اللاب و تسكره وعقب دقايق يا وليد ,, ويمشون بسرعه صوب السينما و عقب خذو كولا + ناجوز البنات و ال AL Body Guards .. وكان مكانهم وايد زين ف النص .. و AL Body Guards ع الينب بس هب عدال البنات جدام اما ف النص البنات .. اول كرسين فاضين و عقب تينا و عقب مريوم و عقب فطوم و عليا وبعدين ساره ..
فطوم : ياربيه ان شاء الله يكون الفلم حلو ..
مريوم : ايه متى عاد يخلص
فطوم : عاد انا مالي خص .. بشوفه كله
ساره : ههه انزين انزين يلا اسكتي بدأ ..
فطوم شافت موبايلها شافت 3 مس كول من حمدان و 2 من محمد و اكبر طاف سوت لول .. و عقب تمو يشوفون و فطوم انمجت من الخاطر و اللي وراها حشره من الخاطر
فطوم بصوت واطي : هايل مابيسكتون !!
عليا : انا وانتي مره وحده بنقول بسكم عاد !!
فطوم : ههه انزين .. يلا 1 2 3
فطوم + عليا : بسكم عاد !!
فطوم : بتسولفون اطلعو برع !!
(****) : بسم الله انزين خلاص ..
النبات ردو اندمجو ياكلون و يشوفون .. و عقب يت لقطه رومانسيه وايد .. و الاولاد مايقصرون يصفرون و يصفقون و البنات يضحكون عليهم .. مر الوكت وبسرعه و استوت ساعه 11 ونص .. بادي الفلم 8 ونص .. و طلعو 11 ونص .. وعقب سارو يتعشون و طبعا الاولاد كل ما سو حركات AL Body Guards يهزبونهم لول .. و عقب ما تعشو سارو ياخذون من باسكن .. و عقب طلعو هم وايد مستانسات .. و دقايق بو حمدان يتصل ل جاسم
جاسم : هلا طال عمرك .. ها هيه الحين طالعين من المول ,, خلاص افا عليك لاتوصي حريص .. ان شاء الله ان شاء الله من عيوني فمان الله ..
جاسم : يلا بسرعه نبا نرد بوظبي بسرعه
البنات : اوكيه خلاص ..

وعقب ركبو السياره و سارو طريج بوظبي ..

في بوظبي .. بتحديد الصالف اللي فوق .. " محمد + حمدان .. بو حمدان + ام حمدان " و عبدالرحمن كان راقد ..
محمد : هب جنه البنات مصخوها !!
بو حمدان : اتصلت حق جاسم توهم طالعين من مول ..
حمدان : ابويه .. مره ثانيه مايطلعن فليل .. يوم بيطلعن يطلعن الصبح او الظهر هب العصر ويردن فليل
بو حمدان : خلاص ماعليه ..
حمدان : هاي بلاها كل ما اتصلبها ما ترد عليه !!
ام حمدان : منوه ؟
حمدان : فطوم !!
ام حمدان :أأ يمكن ما انتبهت ..
محمد : حتى انا يوم ادقلها ماترد ..
ام حمدان : انزين يمكن حاطين ع السايلينت .. انا بسير ارقد .. تصبحون ع خير ..
بو حمدان : وين سايره خذيني وياج .. فديت خشمج انا ..
حمدان : آآخ يا قلبي ابا اغازل حد
ام حمدان : عندك فطوم !!
حمدان : فطوم !! .. خليها ع الله
ام حمدان : ماعليه .. تصبحون ع خير
محمد + حمدان : وانته من اهله ..

وعقب مر الوكت بسرعه و استوت الساعه 12 ونص .. و وصلو البنات و عقب سارو داخل .. وخذو الاغراض من عند
AL Body Guards .. و عقب سارو فوق و جان يشوفون قوم حمدان لول ماكانو يدرون ..
فطوم تفج الباب : اقولكم يوم نزلت من السياره ارتفعت تنورتي خخخخخ هاكي اليوم هوا قوي .. الحمدالله ماحد كان جدامي غير مريوم و عليوه تذكرون !!
البنات : ...........
فطوم تشوفهم " هيه ماكانت تشوف الاولاد " : بلاكم !! .. جان تشوف الاولاد : oPs !!
البنات : السلام عليكم .. و كل واحد سارت غرفها وهيه تركض وحليلها فطوم كانت آخر وحده .. ركض حمدان و يودها من ايدها و لفها صوبه
حمدان : وين كنتو سايرين .. وتعالو شو هالي فويهج !!
فطوم وهيه محطيه صبعها ع شفايفها : ها !!
حمدان عصب : اقولج .. لايكون انتي ناسيه انج معرسه !!
فطوم : لا هب معرسه !!
حمدان : وعيل ها شو اللي فويهج
فطوم : مايبنان
حمدان : اشوفج واحد ماخذه راحتج !!
فطوم : اقول .. سير ارقد .. تصبح ع خير .. و شرده صوب غرفتها و سكت الباب

حمدان : سخيفه !! حماره والله براويها ,,
محمد : خلها تولي ماتستحي ,, ماعليه بقول حق عميه باجر ..
حمدان : والله لا اسيرلها !! بس عقب دقيقتين
محمد : برايك انا بسير ارقد تعبان .. تصبح ع خير
حمدان : وانته من اهله ..

ف غرفة فطوم ..
سيده فصخت العباه و الجوتي و الدلاغ و خلت الاجياس داخل الكتب .. و فصخت جاكيتها ( كان قميص اللي تحت كت ) و الغبيه نست انه الباب هب مقفول .. و هيه تفصخ القميص يوم فصخته دش حمدان !!
فطوم قفطت حطت القميص عليها " مالبسته " وحطت يدها لول عشان تستر ع عمرها ..
فطوم : ايه ,, اطلع برع
حمدان قفل الباب : مابا اطلع برمسج
فطوم : انزين ماعليه بس بلبس القميص !!
حمدان : انزين انا ريلج
فطوم : مابا

البارت ال 27

ف غرفة فطوم ..
سيده فصخت العباه و الجوتي و الدلاغ و خلت الاجياس داخل الكتب .. و فصخت جاكيتها ( كان قميص اللي تحت كت ) و الغبيه نست انه الباب هب مقفول .. و هيه تفصخ القميص يوم فصخته دش حمدان !!
فطوم قفطت حطت القميص عليها " مالبسته " وحطت يدها لول عشان تستر ع عمرها ..
فطوم : ايه ,, اطلع برع
حمدان قفل الباب : مابا اطلع برمسج
فطوم : انزين ماعليه بس بلبس القميص !!
حمدان : انزين انا ريلج
فطوم : مابا
حمدان سار صوبها و حط ايده ع حلجها ودزاها ع الكرسي وجان ايلس ع الارض : والله ان سمعتج اتصارخين بصفعج
فطوم فجت ايدها و جان ادز حمدان : يا حمار اطلع برع بدل ثيابي
حمدان : ياويل حاليه
فطوم : ياربيه بذبحك !! و جان تركض و تسير صوب الثاني تبا تاخذ فوده بس حمدان ماخلاها
حمدان : انتي بلاج جيه !! انا ريلج انزين
فطوم : انزين خلصني شو تبا ؟؟ >> كانت متسانده ع الايدار و ع اعصابها جان حمدان يتقرب
فطوم : لا لا لاء .. خلك مكان والله برفسك
حمدان : انزين عنبوه .. ليش ماتأسفو لي !!
فطوم : أغسل يدك أني أتأسفك لو شبت .. معروف عني دام صديت صديت
حمدان : لا والله .. ليش كل هالغرور !! تقهرين !!
فطوم : هههه .. ذبحهم غروري
حمدان : و تعالي شو هاللبس اللي لبسيه يوم يتي الميلس
فطوم : ايه ايه لاتصارخ " وهيه تاشر بايدها " شدراني انهم موجودين
حمدان : انزين .. سوري ع اللي استوا اليوم ..
فطوم : ههههه عقب شوه !! خليتني ما استوا جدام ربعك !!
حمدان : لاتنسين اللي سويتيه !!
فطوم : انزين ماعليه ,, دزني بس هب جدام ربعك !! ..
حمدان : انزين ماعليه انسي اللي استوا .. تعالو انتو وين سايرين ؟
فطوم بكل غرور : دبي دار الحي
حمدان : نعم !! سرتوا دبي
فطوم : هيه بلاك انته ؟
حمدان بدا يتنرفز : وليش قالو انكم سايرين بوظبي مول !!
فطوم : نحنا قلناهم
حمدان : شو تبيني اسويلج .. والله خاطري اضربج ضرب !! فطوم عن حركات اليهال !!! خلاص اعقلي افهمي انه عندج ريل الحين ..
فطوم : انزين اعرف
حمدان : والله يا فطوم ان طلعتي بدون شوري لاتلومين الا نفسج
فطوم تحيس بوزها : انزين
حمدان : و لاتحيسينه ولا .. جان يتقرب زياده
فطوم : لاء سير ورا
حمدان حط ايده ع حلجها : قلتلج لاتصاريخ .. احم برقد وياج اليوم
فطوم : نعم !!
حمدان : هيه برقد وياج
فطوم : تخسي يلا برع
حمدان : هب ع كيفج
فطوم : حمدان
حمدان : جب الله يغربلج !!
فطوم : ايه عاد اطلع بررع ..
حمدان : مالي خص برقد برقد و عدالج بعد
فطوم : لا الصراحه انته استخفيت
حمدان بغمزلها : اشوفج جيه و ماتبيني استخف
فطوم احمرت : اييه الله يغربلك طفس و دزته وجان يطيح لول
حمدان : خيبه ..
وجان تشرد توها بدش قسم تبديل الملابس بتسك الباب .. جان يمسكها من حوضها و ايرها صوبه ..
حمدان : وين بتسيرين ابا اعرف .. اليوم بطلعلج قرون
فطوم : والله برفسك حمدانوه هدنيه انزين بدل ثيابيه و بيك
حمدان : بدلي جدامي
فطوم تزعج : ياربيه طفس .. اطلع بررع !!
حمدان : تعالي تعالي بختارلج شو تلبسين .. تعالي و يمسكها من خصرها و هيه عاد محمره و وايد تغار ..و سارت صوب وتتحرقص وكفخته و هوه يضحك عليها .. و سارو صوب الكبت اللي في ثياب مال نوم .. كان الكبت حق تعليق الثياب بس هب كله نصه و الباجي كله سدات .. فجت حمدان جان يشوف ثياب معلقه التيشيرتات اللي ايون لين الركبه + القميصين الوردي و الاسود و الاحمر اللي يابوه مريوم و عليوه .. وجان يشل الوردي
حمدان : يا ويل حالي ,, و يشله
فطوم مربعه ايدها و محمره
حمدان : البسي ها !!
فطوم عصبت : حمدان عيب رده بسرعه
حمدان : ياويل حاليه والله كشخه
فطوم قرصته ف ورجه لول ((( اميه انا دوم تقرصني اهنيه يعور )))
حمدان : آآآآآآآآآخ ,, الله يغربلج انزين برده !! .. تم يدور يدور جان يحلص البجامه مال البوسات لول اللي هوه يايبها ياه : اندوج ها البسيه
فطوم : بلبس قميص ثاني
حمدان : عن المنكر يلا البسي جدامي
فطوم تخسي و تهبي ... انزين ,, جان تاخذ ملابس داخليه و اتدش الحمام و قفتله لول ..
حمدان : بتعذبني هاي والله .. فديتها ياربيه ,,
جان يطلع بسرعه و يسير غرفته ايبله وزاره لول و فانيلته و جلابيه مال النوم و الفلم اللي ماخذنه اليوم " رومانسي " و بسرعه اي الغرفه و يسك الباب و شاف فطوم بعدها ماطلعت .. هوه عاد جهز الفلم و سكر الليتات و يتريا بنت الحسن و جمال تطلع
و عقب دقايق استغرب انها طولت .. سار صوب الحمام و يسك الليت و يدق الباب بالقو .. عاد هيه كانت توها بتفج الباب
فطوم فجت الباب و سيده لوت ع حمدان : اميه .. يوم استوعبت ,, كفخته : الله يغربلك يا حمار يا كلب
حمدان ناقع من الضحك : ههههههههههه فديتج والله ..
فطوم : ماشالله اشوفك بدلت ثيابك وايد ماخذ راحتك يعني ..
حمدان : هههه شي طبيعي اصلاً
فطوم : ويا هالويه
حمدان : ع فكره خبال البجامه طلعت عليج
فطوم : هههه ميغسي بوكو .. جان يشوفها سايره صوب الباب وركض سيده صوب الباب و ماخلاها تطلع
حمدان : وين وين يا بطه ؟
فطوم : ابا كيك !!
حمدان : هيه .. انزين سيري حطيلي وياج ..
فطوم : انزين يلا فارج .. يوم يت بتطلع جان يضربها عند تحت ظهرها خخخخ افهموها عاد
فطوم احمرت : الله يغربلك .. ورفسته
حمدان : هههههههههههههههههه .. عنبوه حمار هب بنيه
فطوم : جب ولا كلمه .. وجان تسير

وسارت المطبخ بسرعه .. و فجت كيتها مال عيد ميلادها و و جافها انه صورتها و صورت حمدان موجودات و يعني تقدر تقص اي جزء من الويه .. جان تقص مكان شفايفها و اللي تحت .. و قصت عند صورت حمدان نفس الشي و صبت عصير و سارت الغرفه ..
حمدان : اقفليه
فطوم : انزين ويا هالويه .. حطت الصينيه ع الطاوله و سارت قفلت الباب وخذت الصينيه و ودها ع الشبريه ..
حمدان : ياويل حالليه .. انا ابا ها >> ياشر ع صحن اللي فيه شفايف فطوم
فطوم : جب يلا ويهي ها
حمدان : عن المنكر والله بيب الكيكه و بحطها ع ويهج
فطوم : لا لا انزين خذها
حمدان : ياليت صدق
فطوم تشوفه باستغراب : نعم !!
حمدان : لا ماشي
فطوم اصلا سمعته تمت تضحك : ههههه
حمدان : ههه بلاج ؟
فطوم : استهبل عليك
حمدان : انزين يلا فلم رومانسي يديد حلو وايد
فطوم : اليوم شفنا فلم عذاب يا حمدان من الخاطر
حمدان : ها احلى منه و بتشوفين ..
فطوم : اتريا لاتحطه بخلص اول شي الكيكه
حمدان : انزين ..

حمدان خلص اول شي لانه اصلا القطعه صغيره هب عوده وايد و يوم شاف فطوم خلصت الكيكه كان في كريما عداله شفايفها وهو يطالعها جان يتقرب و يبوسها و يوم باسها لحس الكريما فطوم احمرت و كفخته
فطوم : وصخ وصخخخخخ .. قول انه في شي خايس هب انته بروحك تمشه
حمدان : عسل والله
فطوم نزلت الصينيه و يت تلحفت شافت حمدان يتلحف وياها
فطوم : ايه ايه .. يلا مناك
حمدان : جب لاه .. وجان يتلحف و يحط الفلم ..
كانت فطوم لاويه ع الدبدوب و طايحه ع ينب بس ويها مجابل حمدان .. و حمدان نفس الشي .. و عاد فطوم يوم تكون مندمجه في شي ساعات اتم تلعب ف شفايفها و تقطعهم .. وحمدان كل دقيقه يشوفها و مره وحده
حمدان : ايه بسج بيطلع الدم بعدين
فطوم : هههههه انزين .. برد حمدان بند او سكر المكيف
حمدان تقرب من فطوم .. وخلا راسها عن جتفه ولوا عليها .. و عاد هيه طبعاً مابتقول شي لانه عيزت من كثر ما اتقول .. و يوم يت لقطه رومانسيه فطوم حطت ايدها ع عيون حمدان ..
فطوم : عيب لا تشوف انته under age
حمدان شل ايدها و تم يشوفها و يهه وايد قريب من ويهه فطوم : لاتخليني اسوي اللي فبالي
فطوم : وي وي وي جب والله برفسك رفسه بخليك تسير غرفتك .. وجان تسير بعيد
حمدان : ههه يا خبله تعالي مابسوي ..
فطوم : انزين ..
حمدان : قربي
فطوم : قربت
حمدان : بعد بعد بعد
فطوم : ها جيه اوكيه
حمدان : آآآآآه فديتج والله كم بعيش انا
فطوم : هههههه

وفي نص الفلم ..

فطوم : حمداني
حمدان : عيونه
فطوم : احبك
حمدان : شوه ماسمعت
فطوم : احبك موت
حمدان : ياويل حاليه .. والله ربي يعرف شكثر احبج و اعشقج يافطيم
فطوم : الله لايحرمني من هالعيون ياربيه ..
حمدان : ولا يحرمني من هالويه .. و باسها ع راسها

وعقب ردو يشوفون الفلم .. و في نص الفلم .. فطوم تمت تشوف ويه حمدان و هوه يشوف الفلم ولا مره وحده قربت ويها و باسته من الخاطر ..
حمدان : ياويل حاليه
فطوم بدلع : ههههه .. فديتك والله
حمدان باسه هب بوسه وحده 600 بوسه : هههههه حبيبي عاد بس .. حمدان .. بسك !! شو خليت حق العرس ههههههه
حمدان يغمزلها : هههههه خليت بلاوي خليني ساكت احسن
فطوم : ههههه جب جب ويا هالراس .. حبيبي تعبانه ابا ارقد
حمدان : ها اكوه خلص الفلم .. شو رايج فيه .. عذاب ها ؟
فطوم : آآآ الا هب عذاب ,, ههههههههههه .. يلا قوم ع فراشك ..
حمدان : ايه عاد انا برقد اهنيه مالي خص
فطوم : انته غبي انته غبي !! شو ترقد اهنيه ..
حمدان : ياحبيبتي انا ريلج عادي لاتخليني اضربج الحين ..
فطوم : انزين ماعليه ..
حمدان : صدق ؟
فطوم : لا يا عيوني .. يلا عاد عقب بتمل يوم بنعرس
حمدان : اوكيه .. تصبحين ع خير .. باسها ع راسها
فطوم : وانته من اهله الخير فديتك
حمدان : احبج

فطوم : اموت فيك ..
وعقب روح غرفته و رقد ..

صباح يوم السبت .. ساعه 10:00 ..
تريق بو حمدان وسار الشغل .. يخطف ع الشركات و بيرد .. و يوم طلع .. تمت ام حمدان اتشوف التيلفزيون ف الطابق الثاني .. و دقايق جان اتنش فطوم .. تغسلت و صلت و لفت شيلة الصلاه عليها " لانها لابسه قميص كت " و سارت الصاله ..
فطوم : صباح الفل يا فل
ام حمدان : هلا والله بالغلا .. صباح النور يا نور .. شحالج ؟
فطوم : آآه ياخالوه شو اقولج .. حالي رقيص
ام حمدان : ها شو استوا
فطوم : اخاف اقول وتعصبين
ام حمدان : انا ماحب اسمع كلمة تعصبين هاي اف ماحبها مول
فطوم : الله يسلمج ........................ وبس الحين هوه فغرفته
ام حمدان شهقت : ويه ... عمج كان يرقدني يغفل بعدين هههه وعقب بسير غرفته حليله ,, شو رايج تعرسون هالخميس
فطوم : نعم .. خوش خوش .. ومتى ان شاء الله بخلص كل سوالف العرس ..
ام حمدان : ههههه .. انزين مرتاحه و ياه ؟
فطوم : هيه فديته .. غربلات عدو دش عليه وانا اغير ثيابيه و ...................... و عقب دشيت الحمام ههههه
ام حمدان : ههههه سبحان الله ,, شرات حركات محمد ..

وعقب تمو يسولفون ,, ليين ما نشو الكل .. و يوم سارت ساره المطبخ جان محمد يسير وراها وهيه ماتدري و يهمس باذنها ..
محمد : احبج موت
ساره : امييه بسم الله
محمد : ههههه
ساره : حمار
محمد : تحبيني ؟
ساره : همم هيه
محمد : شو هيه ؟
ساره بدلع : احبك
محمد : فديت روحج ياربيه اليوم بخطبج من عميه
ساره : ايه مابا
محمد : مالي خص .. ماعليه منج =( .. وسار عنها

وع ساعه 2 يوم تغدو و خلصو ,, ف الصاله ..
محمد : عميه طلبتك ؟
بو حمدان : آآمر عنيه افداك
محمد : ابا بنتك .. والله تذل الواحد
الكل : ههههههههه
وساره قافطه والبنات يسولها حركات و يضحكون عليها ..
محمد : بلاكن تضحكن !! .. عميه صدق والله شو قلت ؟
بو حمدان : والله انا ماعندي مانع .. قول حق العروس ..
حمدان : ياويل حاليه ,, ابا اعرس ..
فطوم كفخته من الخاطر : تخسي و تهبي عشان اجتلك
حمدان : فديتج والله ,, انتي الاولى و الاخيره ههههه
محمد : جب انزين .. يلا عميه شو قلت
ام حمدان : قالك ترا قول حق العروس ..
بو حمدان : ها سارونه شو رايج
ساره : ها .. شوه ,, هيه ماعرف انزين بخليكم تعالو >> تأشر ع البنات .. لول جان تسير الميلس ..

ف الميلس
مريوم : انتي بلاج ؟
ساره : ايه خايفه ماعرف شو اقول
فطوم : هههه عشان تحسون فيني
ساره : هيه والله حسيت .. قولولي شو اسوي !!
فطوم يودت جتفها : حبيبي ,, حمودي ريال و نعم فيه ,, صح انه عليه حركات بس والله يحبج
ساره : انا بعد والله احبه ,, بس خايفه
عليا : فديتج انتي اليوم قبل لا ترقدين صلي صلاة الاستخاره و ان شاء الله خير
مريوم : هيه .. والله يوفقج

مر الوكت بسرعه و ع ساعه 11 .. كانت ساره ف الممر جان يشوفها محمد ..
محمد : سارونه
ساره : عيوني
محمد : فديتج يعيونج .. تحبيني ؟
ساره تنزلت ويها : اموت فيك
محمد : دخيلج لاتكسرين قلبيه
ساره بدون ماتحس : الله لايقول .. مستحيل اصلاًَ
محمد : انزين عيل انا بخليج بسير عند حمدان ضايجه الدنيا عليه
ساره بحزن : فديتك لاتسوي جيه ف عمرك
محمد : الله كريم ؟؟
و روح عنها و سارت سيده غرفة فطوم تصيح
فطوم : بسم الله عليج بلاج !!
ساره : خايفه خايفه
فطوم : حبيبي .. سيري اتسبحي .. و ارتاحي شويه و صلي صلاة الاستخاره و اقري قران و ارقدي وان شاء الله خير
ساره : بصلي و يوم بخلص برقد وياج .. الله يخليج
فطوم : لا تقولين هالرمسه ,, يلا اترياج انا ..

وعقب سارت ساره تسبح و اتصلي صلاة الاستخاره وهيه اتصيح " لول مايسوا عليها " وقرت قران و سارت صوب فطوم .. و هيه تخف عليها لين مارقدت وجان فطوم ترقد ..

و ع ساعه 12 دش حمدان الغرفه جان يشوفهم راقدات و سكر الباب و ساير يرقد .. و ع الساعه 5 الفير ساره نشت ع صوت المأذن .. و قامت تيدت و وعت فطوم
فطوم : هلا فديتج صباح الخير ..
ساره مبتسمه : صباح النور حياتي ..
فطوم : كيف حالج ؟
ساره : مرتاحه
فطوم شقت الحلج : اقول مبروك
ساره وهيه مستحيه : جب الله يغربلج
فطوم : فديتج والله ,, سيري وعي محمد و فرحيه
ساره : ايه استحي ..
فطوم : ههههه ماعليه سيري خليه ينش وهوه مرتاح
ساره : انزين

سارت عقب صوب غرفة محمد .. ودقت الباب و دشت ..

اما عند فطوم ,,, سارت الحمام .. و يوم خلصت سارت توعي البنات و عمها و خالتها ,, حمدان ..

دق دق دق .. دشت
فطوم : حمدانيه
حمدان نش مره وحده : هلا فديتج
فطوم : يلا غناتيه قوم الصلاه
حمدان : ان شاء الله ,,

غرفة محمد ..
ساره متردده توعيه ولا لا وعقب قالت مافيها شي ,, : حمودي
محمد : ......
ساره : حمودي
محمد : همم
ساره : حمودي قوم نش الصلاه
محمد فج عينه وجان يشوفها سيده فز من مكانه : ها فديتج آمري ..
ساره : الصلاه فديتك . .
محمد : ان شاء الله ,,
ساره : همم محمد ماعرف شو اقولك
محمد : لاتقولين انه !!
ساره : انا .. انا ..
محمد فاج عيونه : ها ها قولي
ساره : موافقه
محمد : حلفي .. آآآخ يا قلبي و لوا عليها بالقو و هيه قفطت ..
ساره : ايه بس
محمد : فديتج والله ..
ساره : يلا غناتيه سير الحمام
محمد : من عيوني والله

وعقب قام سار الحمام و هوه مرتبش .. و ساره طلعت من غرفته و شافها ابوها
بو حمدان يلعوزها : ها ليش داخل ؟
ساره : ابويه جب هههه
بو حمدان : شو الحين فديتج ؟
ساره موخيه راسها : موافقه
بو حمدان : فديتج والله .. مبروك الغلا ..
ام حمدان : موافقه !! .. فديت روحج والله ,, واخيراً بتعرسين و بنشوف عيالج
ساره : ايه بس ..
حمدان : كلولولوليش .. مبروك يا قلبي
فطوم يسمعت حد يزغرط جان تطلع : منوه ها
بو حمدان : ريلج استخف !!
فطوم : ههههههه فديته والله .. مبروك فديتج ,,
بو حمدان : يلا وينه ريلج خلص ؟
ساره : ها .. توه ناش
فطوم : ماعليك عميه الحين بيخلص بسرعه دام انه سمع هالخبر الحلو ..
وعقب دقيقتين طلع محمد وهوه فرحان و يغني متفيج ماكان يدري انه حد فالممر :
احبك لو بعيد الدار عنك .. جداك حن قلبي ل الرجوعي
ولو عني الليالي ابعدنك .. غلاك بخافقي تحت الظلوعي

فطوم : ياويل حالي ,, ههههه متعذب الاخ
محمد وهوه يتفصم : احم .. شحالكم
الكل : بخير .. ومن صوبك ؟
محمد : آآه ياحالي .. والله حالي بعض الناس يدروبه
الكل : هههههههه ..
بو حمدان : يلا يلا طوفو خلونا نسير ..

و يوم روحو طلعو مريوم و عليا ..
مريوم توايج : حد اهنيه ؟
فطوم : لاتعالي ...
مريوم + عليا ايون : هلا والله ..
الكل : اهلين
عليا : بلاج ساره محمره فيج حمى !!
ام حمدان : هههههه يتها حمى شكلها يوم .....
ساره قبل لا تكمل امها : امييه بسج عاد ومحمره عاد هيه
عليا : لايكون !!
فطوم تلوي ع ساره : هيه
مريوم + عليا : الف الف مبروك فديتج ..
ساره : الله يبارك فيكم .. وعقبالكم
ام حمدان : ان شاء الله ويا اللي فبالهم و تغمزلهم .. انا بسير اصلي و ارقد شويه ..
البنات : اوكيه .. و روحت ام حمدان ..
فطوم : صليتو ؟؟
مريوم + عليا : هيه ..
فطوم : عيل ايلسو ف الصاله .. و انا و ساره الحين بني ..
مريوم : اخليهم يسون اكل .. يوعانه انا ..
فطوم : هيه خليهم يحطون لبنه و زيتون و خبز و عصير فرش برتقال
مريوم : اوكيه خلاص ..

جان يسيرون مريوم و عليا .. المطبخ .. و يقولوهم يحطون الريوق .. و فطوم وساره سارو يصلون .. و يوم خلصو .. قروا قرآن و يوم خلصو طلعو برع .. و يشوفون عليوه تتحرطم ع التيلفزيون ..
فطوم : ايه شو بلاج ؟
ساره : شوي شوي ع الريموت ..
عليا : مافي شي !!
فطوم : يعني الحين ف ذمتج بيحطون شي من الصبح .. اقولج ساروه سيري يبي من حجرة حمانوه Dalmatians 102
ساره : وي مال اول
فطوم : ههههه كشخه سيري هاتيه
ساره : اوكيه ..

وعقب سارت ساروه ادور الشريط و يوم حصلته حطتلهم ياه .. و يلسو يتريقون وعقب دقايق .. جان ايون الاولاد .. و بو حمدان سيده سار الغرفه .. وحمدان يا من ورا فطوم كانت يالسه .. لوا عليها " يعني حط ايده ع رقبها مادري كيف اقول لول " و باسها ع خدها ..
فطوم : هلا فديتك .. تقبل الله ..
حمدان جان يلف و يلس عدالها : منا و منكم فديتج .. ههههه طاع اليهال شو يشوفون
مريوم : ههههه مافي شي ف التيلفزيون شو نسوي يعني
حمدان : اهاه .. حياتي سويلي سندويج يوعان ..
فطوم : من عيوني فديتك
محمد كان واقف جان اي صوب ساره و ايلس عدالها .. شاف عصيرها جان اي و يشرب شويه
ساره كفخته : وصخ وصخ وصخ شو ها ..
محمد : عادي انا ريلج
فطوم : هههههههههه ,, بعدكم انزين .. يود فديتك >> تعطي حمدان السندويج
عليوه : صخو انزين .. خلونا نشوف
محمد : ويا هالويه ..

تمو يشوفون .. و حمود كل دقيقه يشوف ساره و السندويج اللي تاكله يوم كلت جان تخلي السندويج صوب حلج محمد وهوه عاد ما صدق لول سيده كل .. و ع هالحال .. و في نص الفلم ..
حمود صوت عالي : يقولون عزوز و عمور غيرو رقم موبايلهم ..
مريوم و عليوه كانو يشربون العصير .. جان يشرقون وكل وحده تكحكح
مريوم : كح كح كح ..
فطوم تدحهم بالخفيف ع ظهورهم : صحه فديتكم ..
حمدان باستغراب : لاء .. متى ؟
حمود يشوف مريوم و عليا : اليوم شفت مسج منهم .. حليلهم .. شو رايك نسير بيتهم اليوم ..
عليا : هيه سيرو عشان نحنا بعد نسير نسلم ع خالوه رفيعه
حمود : متأكده .. متاكده بتسيرين تسلمين ع خالوتج رفيعه
مريوم : هيه افا عليك .. و بعد بنسلم ع عرب عندهم حبة خاله ع خده خفيفه
الكل : هههههههههههه
حمدان : والله لا اخبره
مريوم : ايه حمود عن المنكر الزايد .. اسولف تراني
عليا : وانا بسلم ع العرب الثانيين
حمدان : هههههه استخفو و يلسو ..
عليا : ايه ايه لاتنسى عمرك انزين
حمدان يبا يقهر محمد : فديتها والله اللي عدالي .. بعض الناس يتمنون يبوسون حد ولا شو رايك محمد ؟
حمود : جب يا السبال .. >> فخاطره يموت من القهر ..
حمدان : حمود شوف .. جان ايود فج فطوم و يبوسها كل دقيقه .. هههه وعاد فطوم تضحك و البنات بعد و حمود مقهور ..
حمود : احلف ما اروم !!
البنات " ماعادا ساره " + حمدان : هيه هيه ما اتروم
ساره : لا لا تروم
حمود قام و باسها ب القو ع خدها جان يشرد و يسير غرفته
حمدان ناقع من الضحك : ههههههههههههه يا الطفس حمار ماتصدق عاد انته
محمد من بعيد : عادي حرمتيه ..
الكل : هههههههه ..
فطوم : آآخ يا ظهريه
ساره : يمدحون مساج حمدان ..
فطوم : صدق ؟
ساره : ههههه هيه دومه يسوي حق اميه ..
فطوم : عيل تعال الغرفه والله ظهري متكسر
حمدان : تامرين امر انتي ..

وعقب خلو البنات ف الصاله يكملون الفلم .. و سارو الغرفه ,, و يابت فطوم هالكرسي الابيض يطيحون عليه ما المكياج..
هيه كانت لابسه بجامه كان البنطلون ابيض .. و القميص اسود .. سارت غيرت القميص ولبست قميص كت و بعدين طاحت ع هالمال المكياج ع بطنها ..
حمدان : صبري بيب هالفكس الدوا حار وايد تراه
فطوم : يب اللي تبا ..
جان يسير حمدان غير ثيابه و ياب اللي يباه و عقب دخل الغرفه و قفل الباب ..
فطوم تزعج : ليش تقفله
حمدان : جب انتي .. يلا رفعي القميص عند ظهرج
فطوم تشوفه : ليش بعد
حمدان : بالله عليج ها انا وين بصبه .. يلا رفعي ..
فطوم : ما روم .. انته سو كل شي ..
حمدان : انزين .. رفع القميص و حط هالدوا وكان بارد
فطوم : وايه الله يغربل العدو بارد
حمدان : خلاص الحين بيدفا فديتج .. تم يمسح و يمسح و فطوم ساكته
فطوم : الله كشخه تعرف تهمز عدل
حمدان : افا عليج .. اسوي مساج كامل حتى
فطوم : هيهيهيهي الله يخليك .. كمل كمل ..
حمدان : ياويلي ع الاحمر ..
فطوم : شو احمر ..
حمدان : ها ها .. وهوه يأشر
فطوم : طفس !!
حمدان : حد يلبس بنطلون ابيض !
فطوم : جب كمل مالك خص ..

عقب دقايق رقدت فطيم .. وهوه يمسح و يوم خلص سار غسل ايده و عقب يوم شافها .. شافها راقده .. نزل القميص و شلاها و وداها صوب الشبريه .. تم يلعب ف شعرها .. وعقب يوم ياه الرقاد سار رقد فغرفته ..

استوت ساعه 10 و البنات ما رقدو .. حتى محمد .. تم يسولف وياهم و يلعوزها .. وكانو بو حمدان و ام حمدان ناشين .. و عقب نش حمانوه جان البشكاره تسويله حليب و عادو الشريط عشان يشوفه ..
حمانوه : هيهي آآو آآآو
محمد : مادري خالوه يايبه جلب وانا مادري
بو حمدان : جلب محد غيرك هرم .. تعال فديتك
حمانوه : هيه آآو آآو
عليا : فديتك والله ..
حمانوه يوم خلص عطاها المرضعه : آتي آتي .. خذيه خذيه
عليا : من عيوني
حمود : اقول خالوه بتين ويانا بيت قوم عزوز ؟
ام حمدان : بتسيرون اليوم .. افا عليكم برمس ام مريوم عشان تي ويايه
مريوم : حتى نحنا بنسير
ام حمدان تغزملها : انتو اول شي اصلا
حمود : ههههه حركات بنات .. هيه صح خالوه متى الملجه
بو حمدان : هالخميس
ساره : شوه .. لا لا مابا
حمود : خلاص هالخميس .. عن الحركات ..
ساره : خلاص ع راحتك ..
حمود : عيل بسير اقول حق عمور و عزوز انه بنيهم العصر
مريوم بصوت خفيف : سلم ما وصيك
عليا : حتى انا وصل سلامي
حمود : هههههههههههه يوصل ..

وعقب سار محمد الغرفه يتصل حق عمور تم يرن كمن مره وعقب رد عليه ,,
عمر بتعب : كح .. الو
حمود : اهلين .. شو راقد ؟
عمور : هيه ,, وعيتني الله يغربلك
حمود : جب جب الحين بقولك شي و بخليك تصحصح من الخاطر
عمور : دومك جيه
حمود : انزين لو اقولك انه بعض الناس يبون يشوفونك و يسلمون عليك !!
عمور كان طايح جان ايلس مره وحده : اشوه !! منوه لايكون علايه ؟

عمور كان طايح جان ايلس مره وحده : اشوه !! منوه لايكون علايه ؟
حمود : هيه عليك نور
عمور : فديتها ياربيه .. الله يسلمها .. رد السلام ..
عزوز من صوب توه ناش : منو تتفدا ع الصبح
عمور : الحب
عزوز : ماحد قالي شي ؟
عمور : لا ماحد هههههه
عزوز ياخذ التيلفون بسرعه : الله يخسك .. الوه
حمود : هلا والله بو الشباب
عزوز : هلا فيك .. ها ماحد قالي شي
حمود : هههههه اسميه شو .. ماخلو شي
عزوز بالاستعجاب : لا لا !! احلف انته بس ..
حمود : هيه .. يوم قلت بنسير بيتكم .. ناسكم .. قالت هيه حتى انا ابا اسلم ع خالوتي رفيعه جان اقولها متأكده جان تقولي بعد بنسلم ع عرب عندهم حبة خاله ع خده خفيفه ..
عزوز : ياويل حالليه احلف قالو جيه ؟
حمود : هههه والله
عزوز : يابوي حياك لو تبون تون الحين لين 1 فليل حياكم البيت بيتكم
حمود : هههه مالت عليك كل ها حق الحب
عزوز : ههههههههه فديتهم والله
حمود : هيه بعد يسلمون عليك
عزوز : آآآخ يا قلبي .. الله يسلمهم من الشر .. رد السلام .. تعالو عيل تغدو عندنا اليوم ..
حمود : خلاص ماعليه .. برمس خالو ,, احم هيه باركليه
عزوز : مبروك .. بس ع شوه ؟
حمود : احم بنملج يوم الخميس ,, انا و اخت حمدان
عزوز : لا والله !! هههههههههه .. مبروك الف مبروك .. عيل باجي نحنا .. خلاص ماعليه Soon ,, Soon ان شاء الله
حمود : ههههههههه .. ويا هالويه ,, عيل انا الحين بسكر انزين
عزوز : خلاص ماعليه وانا بسير الحمام و بخبر اميه انكم بتون
حمود : خلاص تم .. فداعة الله
عزوز: فمان الله

و قامو التوأم راحو الحمام "حمامين ف الغرفه لول عن حد يضارب " و يوم خلصو راحو عند امهم ..

رفيعه : هلا فديتكم
عزوز + عمر : هلا فيج .. >> باسو راسها و سلمو عليها و تريقو ..
عمر : اميه .. احم شخبار بنات عميه علي ..
رفيعه : ههههههه ,, فديتهم والله ,, الصراحه و النعم فيهم وماعليهم كلام غاويات ..
عزوز : عيل شو تترين .. الله يخليج والله ابا مريوم !! تخبلت فيها !!
رفيعه : بسم الله عليك شو ياك ؟
عمر : ايه هب الحين عزوز .. هيه امايه ترا اخت حمدان بتملج يوم الخميس
رفيعه : ساره .. وايه فديتها ,, محمد اكيد ؟
عزوز : ههههه هيه .. يالله عقبالنا .. هيه تراني عازمنهم اليوم ع الغدا ..
رفيعه : وييه عيل بسير انا بخلي الخدم يسون هاك الاكل الزين .. بس منوه بي ؟؟
عزوز : والله مادري .. انا بسير العب تعال ويايه عمور ..

بيت بو حمدان ..
ف الصاله ,, ام حمدان كانت ترمس ام مريوم ..
ام حمدان : هيه اخبرج .. بنسير اليوم بيت رفيعه .. بنمر عليج انزين ؟
ام مريم : خلاص ماعليه .. بس ساعه كم ..
ام حمدان : وحده ..
ام مريم : خلاص تم ,, شيخه بنتج لازم تاخذ فستان من الحين !! مابيوحيلها تخلص بعدين ,,
ام حمدان وهيه تشوف ساره : خلاص ماعليه بنسير اليوم ..
ام مريم : عيل بخليج انا بسير اخبر علي ..
ام حمدان : خلاص ماعليه ..
بو حمدان : شواخي فديتج .. خلي علي اي اليوم .. برمسه عن الشغل ..
ام حمدان : ان شاء الله .. اخبرج نواري خبري علي اي اليوم ..
ام مريم : خلاص عيل الحين بني ,, يوصلني مره وحده عندكم ..
ام حمدان : خلاص تم ..
ام مريم : مع السلامه ..

ف الصاله ..
بو حمدان : بلاها فطيم مانشت .. شواخي فديتج .. سيري وعيها ..
ام حمدان : ان شاء الله ,,
جان تسير صوب غرفتها و دق الباب .. قامت فطوم من الشبريه ,, و فجت الباب ..
فطوم وهيه تتثاوب : هلاع
ام حمدان : ها منوه راقد هناكي
فطوم : هههه محد هاللحاف
ام حمدان : ههههههه انزين ماعليه .. سيري وعي ريلج
فطوم : خلاص ان شاء الله ,,
سكرت الباب .. و سارت الحمام و تغسل ويوم خلصت طلعت و سارت صوب غرفة حمدان ..
فطوم : حمداني
حمدان : ........
فطوم : حبيبي
حمدان : همم .. يفج عيونه : هلا فديتج
فطوم : يلا قوم نش ..
حمدان : احبج
فطوم : وانا اموت فيج .. يلا انا بسير الصاله تعال
حمدان : انزين ساعه كم الحين ..
فطوم : همم 12 ..
حمدان : اوكي ..

وعقب قام حمدان دخل الحمام .. و فطوم سارت الصاله .. شافت البنات ..
مريوم : بسرعه تعالي بقولج شي ايلسي عدالي
فطوم سيده سارت صوبها : ها شو ؟
مريوم : الله يسلمج .................. و الحين نحنا بنسير وياهم
فطوم : ههههه خبله ,,
مريوم بصوت واطي : الله يخليج كشخينا
عليا : هيه بليز ..
فطوم : خلاص ماعليه هههه ..
ام حمدان : بساعدج فطوم
مريوم : أأأ ههيهيهي سمعتينا زين والله ..
ام حمدان : عيل البسو من الحين ..

عليوه و مريوم يقومون فطوم و ساوره : يلا بسرعه تعالو غرفتنا
ام حمدان : ههههه حليلهم والله ..

وعقب سارو غرفة مريوم و عليا .. و تمو يدورولهم لبس يلبسونه ..
مريوم : بنلبس بنطلون
فطوم : انزين ماعليه همم وين بنطلوكم الجنز السماوي و الجاكيت القصير ماله ؟؟
عليوه سارت ادوره و يابته ,, و مريوم نفس الشي ..
ساره : انزين و القميص فطوم ؟
فطوم : همم .. عندكم قميص اصفر فيه تنوره ؟؟
مريوم : هيه بس التنوره هب طويله وايد ..
فطوم : اوكيه .. هاتيه اشوفه ..
مريوم دورت القميص جان تحصله .. كان اصفر و عليه ورود كبار الابيض وايد كان كيوت ..
فطوم : حلو ولا ؟؟
عليا + مريوم : هيه وايد ..
مريوم : عيل خلينا نلبس عليوه .. وبنيج فطوم الغرفه ..
ساره : هههه مسكين حالكم ..
فطوم : هههه يلا عيل لا تتأخرون ..

وعقب طلعو و جان يزقرون ام حمدان عشان تي غرفة فطوم .. و يوم خلصو عليوه و مريوم .. سيده غرفة فطوم ..
ام حمدان : اوب اوب .. مانروم
عليا : ههههههه .. اول شي انا الله يخليج مريوم
مريوم : اوكيه ..

وعقب ام حمدان رسمت عيون عليا ..وحطتلها شدو اسود وسماوي + مسكره + قلوز.. و طلعت خبال و عقب فطوم خلتها تلبسها اكسسوار و عقب ام حمدان سوت حق مريوم شرات عليا .. و بعد فطوم خذتها و لبستها اكسسوار .. مال البنطلون و المريه و مادري شو طلعو جنان .. وعقب طلعو و سارت فطوم ادورلها شي تلبسه .. حصلتها تنوره مخمل سودا و خذت الجاكيت القصير المخمل .. و لبست تحته قميص كت هاي نك برتقالي .. لبست و صلت .. و سارت رسمت عيونها .. وحطت شدو برتقالي فاتح و حطت مسكره .. و لبست اكسسوار و ساعتها + دبلتها .. و طلعت عباتها و شيلتها .. و حطت اغراضها داخل شنطتها و طلعت سارت الصاله اما عند ساره كنت لابسه تنوره بنفسجيه فاتح جنز .. و عليها خرز من تحت .. و قميص بنفسجي ايده طويله شفاف و غامج كله ورود صغار ياي شيفون .. و عقب طلعو .. البنات ال4 كاشخات و حالتهم حاله .. يلسو ف الصاله يتريون الشباب بيخلصون .. سلمو ع ام مريوم و تمو يسولفون جان ايون الشباب ..
حمدان يلس عدال فطوم و يصاصرها : يوم بتطلعين و بتسيرين المول اتغشي
فطوم تشوفه بحنان : ان شاء الله ..
ام حمدان : ها الكل جاهز
الكل : هيه ..
ام حمدان : يالله عيل خلونا نسير ..

وعقب طلعو .. و ام حمدان و ام مريوم و اليهال ويا الدريوليه .. اما البنات و الشباب ف سيارة محمد " البورش " و عقب حمدان اتصل حق عزوز و قالهم انهم الحين ف الطريج .. و عزوز خبر امه و كل شي ترتوب .. و مره وحده ..
فطوم تزعج و تقلد حامد زيد :

انا ما العب على الحبلين وقت الطيش و سنينه
تبيني الحين يوم اني كبرت العب على الحبلين
ترى عند البدو بالذات عيب اللي تسوينه
حلاتك لا عشقتيني .. تعشقيني ليوم الدين ..

الكل : ههههههه
حمدان : هههههه شو ياج ؟
فطوم : هيهيهيهي ماشي مل ..

وعقب 10 دقايق جان يوصلون بيت رفيعه .. بيت راقي وايد .. حوي كبير .. و في مكان حق لعب " كورة السله + كورة القدم " و بيت عود .. نزلو من السياره و اتصل حمدان حق عزوز و قالهم انه وصلو .. و جان يطلعون عزوز و عمر برع .. و مريوم و عليوه كانو لابسين نظاره تدرج الازرق .. ومن فجو الباب قوم عزوز سيده شلوهم و شافوهم و ابتسمو
مريوم + عليا بصوت واطي : آآخ ياويل حاليه
فطوم : ههههههههههههه ,, الله يعينكم

عزوز : هلا والله .. توه نور البيت .. >> يسلم ع ام حمدان و ام مريم
ام حمدان : فديتك والله .. بوجودك الغالي ..
عمر : هلا خالوه
ام حمدان : هلا فيك ..
وعقب سارو يسلمون ع ام مريوم .. و يسلمون ع الشباب .. وعزوز يرمس حمدان وكل دقيقه عينه تي ع عيون مريوم و يضحك
حمدان : ههههه عينك الله يخليك
عمر + عزوز : تذبحني النظرة من عيونك السود ويلي على ذيج العيون الجميله
الكل : ههههههههههههههههه
مريوم بصوت واطي : عيني تمنى شوفك لوني جتيل سيوفك ... قلبي ترجى روفك لا لاتكسر فنه
عزوز : عنيه افداج
مريوم استحت موت .. و سيده دخلت داخل .. و البنات و الشباب يضحكون و عقب كل واحد دش ميلس الريايل و ميلس الحريم .. و تمو يسولفون .. وعقب .. حطو الخدم الاكل .. حتى عند الشباب ,, و يلسو يتغدون .. " صحتين لول " و يوم خلصو
ام مريم : اكرمكم الله
رفيعه : بالعافيه فديتكم ..
و عقب تحلو و تمو يسولفون جان فطوم تسير تيلس عدال ام حمدان
فطوم : خالوه اقولج
ام حمدان : آمري فديتج
فطوم : همم متى بتاخذون فستان حق ساروه ؟
ام حمدان : مادري والله يمكن اليوم ..
فطوم : انزين شو رايج انتي و ساره و ام مريوم و رفيعه تسيرون عند المحل .. وانا وحمود و البنات و حمدان و الشباب اذا يبون يسيرون .. نسير ناخذ طقم حق ساروه .. بس لاتقوليلها
ام حمدان : همم .. خلاص ماعليه .. سيري رمسي حمدان .. وانا بخبرهم
فطوم : خلاص ماعليه .. تشوف البنات : مريوم و عليوه تعالو ويايه
ساره : جيه وانا !!
فطوم : هههه خالوه بتقولج شي ..
مريوم + عليا : انزين ..
وجان يروحون ..
ساره : امايه شو السالفه ..
ام حمدان : شو رايج رفيعه نسير المحل عشان نتنقا فستان حق سارونه حق الملجه ..
رفيعه : انا اعرف محل عنده فساتين خبال ..
ام مريم : عيل بنسيرله العصر ..
ساره محمره : الله يستر ..

اما عند فطوم ..
سارو الميلس و دقو الباب وماحصلو حد .. جان يطلعون برع .. و سيده من طلعو عزوز عينه ع مريوم .. و عمور عيونه عند عليوه .. جان ينزلون من الدري ..
فطوم بتصوت عالي : حمدان
حمدان : هلا فديتج .. ويت شباب .. جان يسير صوبها .. آآمري عنيه افداج ..
فطوم : حبيبي ودنا المول .. عشان نختار طقم حق سارونه ..
حمدان : خلاص من عيوني ..
مريوم : هيه و الحريم بيسيرون ويا ساره يشوفولها فستان ..
عليا : منو بيسير ويانا ؟
حمدان : حمود وانا و التوام
مريوم بصوت واطي : ياويل حاليه
حمدان رفع حيايه : لالالا غيرت رايه مابيسيرون
مريوم بصوت عالي: جاب غصبن عنك اول ناس بيركبون السياره و اتطلع لسانه
حمدان : ههههه بشوه افلعج حماره .. يلا داخل ..
البنات : ههههههههههه ..
دخلو البنات داخل .. وجان حمدان يسير صوب الشباب ..
عزوز : ليش تزعج شو قلتلها ؟؟؟!!
حمدان : قالهم السالفه انه بيسيرون المول العصر و ........
عزوز : ههههه لا بسير هب كيفك هيهيهيهي ..
عمور : اقول بسير ايبلي فريز .. تبون ؟
الكل : هيه ..
جان يسير داخل ..

ف الميلس ..
عليا : خالوه عادي اسير المطبخ اخذلي ماي ؟
رفيعه : اكيد فديتج البيت بيتج غناتي ..
عليا : تسلمين ..

جان تسير المطبخ .. و اتم ادور ماي و هب محصله وتتحرطم .. وعمر دش المطبخ و شاف وحده هب لابسه عباه و الشيله ع جتفها .. و يسمعها شو تقول ..
عليا : ياربيه وين الماي .. اف الله ياخذ العدو ابا بارد .. وهيه ادور : مابا عصيير ولا فريز ابا ماي ..
وتمت ادور لين ما حصلت دبت ماي بارده .. و صبتلها بالكاس الزجاج .. و شربته : آآخ ياويل حاليه منعش
عمر : صحتين يا روحي
عليا فجت عيونه و سيده هدت الماي و لبست الشيله و صرخت : وايه
عمر : تحملي .. ريولج !! .. عاد هيه بسرعه خوزت ريلها ..و كان في ماي و يوم خوزت اتزحلقت و طاحت و يلست ..
عليا شويه و بتصيح : اهيء اهيء يعور
عمر يود ايدها و قومها وكان ويها مجابل ويهه بالضبط : تحملي مره ثانيه فديتج
عليا هب مستوعبه اللي يستوي اتم تشوف عيونه العذاب وهيه هب حاسه بعمرها و فخاطرها تتفداه ..
سار و صبالها ماي .. و شربها " الله ع الدلع لول " وهيه قافطه .. ويوم خلصت
عمر : بالعافيه فديتج
عليا : الله يعافيك بصوت واطي حياتي ..
عمر : احم سمعت هههه ..
عليا : هيهيهي انسى .. وجان تروح و تسير سيده صوب البنات تقولهم السالفه ..
مريوم : ياويل حاليه فديتك يا عزوز احبه فطوم و الله احبه
فطوم : هههههه حليلج والله ..

وجان يأذن ..
ام حمدان : يلا بنات سيرو صلو عشان ساعه 5 نطلع ..
البنات : ان شاء الله ..
رفيعه : هناكي وقي الصلاه ..

وعقب كل واحد سار يصلي .. حتى الشباب سارو المسيد .. و يوم خلصو من الصلاه .. و استوت الساعه 5 .. ام حمدان و ام مريم و رفيعه و ساره سارو ويا الدريوليه المحل اللي تقول عنه رفيعه .. و البنات و محمد و حمدان فسيارة محمد .. التوام سارو بروحهم .. وجان يسيرون بوظبي مول .. و يوم وصلو و نزلو ..
حمدان : فديتج تغشي مابا حد يشوفج
فطوم : هههه فديتك والله ,, من عيوني ,, جان تتغشى ,,
و عقب التوام و صلو و بركنو و جان يدشون المول .. وكان شويه شويه زحمه .. و عقب سارو داماس يشوفون حق ساره طقم ..
فطوم : حمودي شو رايك ف ها ؟؟
حمود : غاوي ماشالله ..
مريوم : هيه حلو والله ,,
فطوم طلعت الدبله و لبسته وطلع اوكيه عليها ,, لانه هيه شرات ساروه فالخواتم ..
مريوم : فديتج فطامي انا و علايه بنسير المحل اللي هناكي مابنطول ..
فطوم : اوكيه فديتكم ,, و عقب تمت ترمس الريال عن الطقم وجيه و عزوز و عمر شافو مريوم و عليا طلعو من المحل .. وهم يراقبونهم من بعيد .. و البنات وهم يمشون خطفو ولدين .. و واحد منهم يا جدام مريوم جان يتقرب منها و باسها ع خدها
مريوم فاجه عيونها : .................. ,, عليا نفس الشي !!
عزو زشاف الموقف و عصب من الخاطر قام و ركض صوبه و عطاه كف محترم من الخاطر
الولد : انته ايه ايه ... ليش تضرب .. قام و ظربه .. و الظربه يت ع خشمه و طلع دم ..
عزوز وهوه يصارخ : انته ماتستحي .. تبوس بنات الناس !! يا ويوده من كندورته
الولد : ليش انته منوه !!
عزوز يصارخ معصب .. و بجديه : ريلها !! انجلع من ويهيه !! حيوان ..
و عاد الولدين شردو من المول بكبرره .. و عزوز ع اعصابه .. جان ايود ايد مريوم و يسير صوب الحمامات .. الدموع فعيونها جان تتغشى .. و عمر سار ويا عليا داماس .. و قالتلهم السالفه
فطوم : اشوه !!! والحين هيه وين !! و عزوز وين
عمر : اظن سار وداها الحمام ..
حمدان : الله يغربل هالاشكال والله انهم غجر
محمد : هيه والله !! ..

صوب الحمامات ,, بدون مايحس بعمره دش وياها حمام البنات .. و شل الغشوه ,, وحطا ف الكلينكس ماي و مسح دموعها و خدودها .. لول مكان البوسه ..
مريوم وهيه موخيه راسها والدموع فعيوها : أأ أأ عزوز انا آسفه
عزوز رفع راسها : وليش تتأسفين فديتج .. الغلط من هالكلب ..
سارت مريوم و تيب الكلينكس و مسحت الدم : يعورك ؟
عزوز : دام انتي ويايه بنسى كل شي ..
سارت مريوم و حطت ايدها ع رقبته من را و خلته صوب المغسله و مشت خشمه بالماي و عقب يابت الكلينكس و مشت الماي ..
عزوز تم يشوفها بحنان و تقرب من اذنها : احبج
مريوم احمرت جان تاخذ شنطتها و تطلع برع و هوه لحقها ..

وعقب سارو المحل و خذو الطقم .. و اتصلو حق ام حمدان و قالتلهم هم وين و دلتهم المكان ,, و عقب سارو هناكي .. تمو الاولاد فالسياره ..

ف المحل ,,
فطوم : يا ربيه كيوت فستانج وايد حلو ..
ساره : ذوق خالوه رفيعه ..
مريوم : خطيره خالوه .. تعالو فطوم و عليوه بنختار فستان ..

وعقب اختارو الفساتين اللي يبونهم .. و ع مقاسهم طلعو .. و عقب دفعو وجان يروح كل واحد بيته .. و الحبايب فارقو بعض .. بعد يوم مافي احلى منه .. وأذن المغرب .. و الشباب سارو ويا بو حمدان و بو مريم المسيد .. و البنات صلو فالبيت .. و يوم خلصو ,, يلسو ف الصاله كلهم ..
ساره : امايه ولهت ع اهل الشارجه والله ..
فطوم : ياربيه فديت يديه .. اتصلي ابا ارمسهم
ام حمدان : هههههه انزين .. جان تيب الفون اللاسلكي .. و تتصل ع بيت بو راشد ..
بو حمد : ألو
فطوم غيرت صوتها " صوت اليهال " : آآآآلو
بو حمد عصب : من انتي
فطوم اونها زعلت : اهيء اهيء انتا ليث تصارخ عليا .. انا نونو ماثويتلك ثي =( ..
بو حمد : فديتج والله ,, من بغيتي غناتيه ..
فطوم : همم بابا فين ..
بو حمد: اشوه
فطوم : هيهيهيهي حبيبي يديه
بو حمد : حبتج اليراده من انتي !!
فطوم : افا والله .. يديه انا فطيم .. بنت ولدك
بو حمد : فطوم !! هلا والله .. هلا والله و فذمتيه مايسدن .. شحالج يا اميه وينج هالمده كلها لج وحشه والله ..
فطوم : فديتك والله .. الحمدالله بخير و سهاله ومن صوبكم ؟
بو حمد : بخير يسرج والله ,, والله كلهم بخير .. بس قوم خالد سايرين العمره ..
فطوم : والله ,, متى !!
بو حمد : يوم الجمعه ..
فطوم : اهاه .. يردون ب السلامه .. انزين يديه دامكم بروحكم تعالو عندنا " تقول جيه تناقز وهيه يالسه " لول
بو حمد : والله يا اميه ماحد ....
فطوم قطعت رمسته : يديه .. والله ماعليه من ولدك .. بخلي جسوم و وليد ايونكم ..
بو حمد : متى انزين ؟
فطوم : الحين ..

الكل من صوب ثاني يضحك عليها ..
بو حمد : الحين يا اميه ما نروم .. فليل
فطوم : انزين ماعليه ,, ساعه 7 بخلي جسوم و وليد يكونون عندكو .. شو رايكو ؟
بو حمد : خلاص ماعليه ..
فطوم : فديتك والله .. اممواح
بو حمد اونه استحى : ياميه اخيل انا
فطوم : هههههههه .. فديت اللي يخيل .. بعد عندنا مفاجأه حلوه حقكم
بو حمد : شو هيه ؟
فطوم : اذا قلت مابتكون مفاجأه .. يلا فديتك تيك كير و سلم ع الموجود ..
بو حمد : شو يعني تك كر ؟؟
فطوم : هههههه .. يديه هب تك كر .. تيك كير يعني تحمل بعمرك ب الانجليزي ..
بو حمد : هيه .. عاده انا شعرفنيه ..
فطوم : ماعليه انا بعلمك .. يلا اور فوار
بو حمد : شو بعد ها .. يلا عيل .. فداعة الرحمن ..
فطوم : ههههه ربيه يحفظك فديتك ..

ويوم سكرت تشوف عمها وتأشر عليه : عميه
حمدان : عاشت كونان ..
فطوم تضحك : ههههه انتا القاتل
الكل : هههههه
بو حمدان : كلبه جيه منوه جتلت ..
فطوم : ماشي ,, المهم ,, قوم عموه سايرين العمره .. و قوم يديه بروحهم ف البيت .. الله يخليك طرش اي حد من ال
AL Body Guards ايب قوم عميه .. بليز والله ..
بو حمدان : هالساعه المباركه .. خلاص فالج طيب ..
فطوم : فديتك والله .. فالك مايخيب ..
ساره : الله وناسه
مريوم سرحانه ف اللي استوا اليوم ..
بو مريوم : فديتج مريومه شو فيج ..
مريوم سرحانه : .........
بو مريوم : مريوم !!
مريوم : ها ها شو مستوي ؟؟؟!!
بو مريوم : شوفيج !!
مريوم : ها لا ماشي .. قامت و سارت الغرفه ,, وعقب لحقوها البنات ,, جان حمدان اي صوب محمد ..
حمدان : هههه غربلات عزوز شو مسوبها ..
محمد : حليلها والله .. ان شاء الله يكون من نصيبها ..
حمدان : آآمين ..

ف غرفة مريوم و عليا ..
فطوم : انزين ابا اعرف ليش اتصيحين ..
مريوم : الموقف اللي اليوم استوا والله هب شويه فطوم
ساره : جيه شو استوا !!
مريوم : الله يسلمج كنا انا و عليوه سايرين محل طلعنا من داماس .............................. . وقالي احبج و روحت عاد انا
ساره : ياويل حالي انا ..
عليا : نزف خشمه وايد ؟
مريوم : يعني .. والله احس بتانيب الضمير
فطوم : خلاص انزين فديتج .. اكيد عزوز يدري انه الغلط من الولد هب منج انتي ..
مريوم جان تلوي ع فطوم و تصيح : بس بس .. اخاف ياخذ فكره خايسه عنيه
فطوم : فديتج والله ..
عليا : هب لهالدرجه مريوم .. مستحيل اصلا !! اذا هوه صدق يحبج .. والله مابيفكر ف هالشيء
مريوم : ساره الله يخليج طرشلي حق حمدان مسج قوليله تعال عند الغرفه .. بقوله شي
فطوم : احم اغار تراني
مريوم تدز راسها : فقدتج !!
ساره + عليا : ههههههههه
فطوم : هههههه ..
ساره سارت يابت موبايلها بس قالت ليش اطرش .. بوايج بحاول انه يشوفني وعقب بأشره .. وعقب وايجت و تحاول قد ماتقدر حمدان يشوفها ويوم شافها اشرتله انه اي بس بدون ماحد يعرف .. وعقب سارت الغرفه و دق الباب و لبست مريوم الشيله .. جان تطلعله ,,
حمدان : خير الريم ؟؟ بلاج اتصيحين !!
مريوم تمسح دموعها : ها لا ماشي .. بس ابا اقولك شي ..
حمدان : آمري ..
مريوم : مايامر عليك عدو .. حمدان بعتبرك شرات اخويه الكبير بس لاتفهمني غلط ..
حمدان : هههه افا عليج ..
مريوم : اباك ترمس عزوز
حمدان يغمزلها : ها ليش ؟؟
مريوم جان اتصيح : دخيلك حمدان قوله اني ما اقصد ف اللي استوا اليوم ..
حمدان : هههه هدي هدي انزين مايسوا عليج انج اتصيحين .. خلاص فالج طيب .. الحين بخبره اندوج السماعه الثانيه عشان تعرفين شو بيقول ب الضبط ..
مريوم : اوكيه ..
حطت السماعه جان يتصل و عقب ثواني جان يرد ..
حمدان : هلا والله ..
عزوز : اهلين والله ..
حمدان : شو الاخبار ؟
عزوز : والله تمام .. كتر خير الله ..
مريوم تضحك عليه بس ماسمع
حمدان يشوفها : ههههههه .. دوم اقول عزوز
عزوز : هلا
حمدان : عندي كلام عرب قالولي اوصله لكم

عزوز بفرح : ها .. مريوم .. شو قالت فديتها
مريوم احمرت ..
حمدان : الله يسلمك تقولك هيه ماتقصد باللي استوا اليوم ,, و تتأسف لك
عزوز : اصلا هيه ما سوت شي .. هاكي الحقير السبب ... قولها ماله داعي تتاسف .. فديتها والله تحاتي بعد
حمدان : ههههههههههه ,, لاتصدق عمرك وايد .. بس تعال شو السالفه ؟؟
عزوز : ههههه انته خلك ويا حرمتك
حمدان : هههههههههه مالك خص فيها .. لا لا صدق شو السالفه ؟
عزوز : ياخي احبها
مريوم ساكته وفخاطرها ترد عليه ومحمره
حمدان : ياويلي عليك .. وهيه تحبك ولا ؟
عزوز : آآآآآآخ من قلب غدا حبه جنوني
حمدان : هههههههههههه ,, الله يخليك لاتقلدني قبل من اضارب ويا فطوم اقولهم جيه
عزوز : والله انته خلاص استوت حرمتك حقك .. هب انا .. اخافها تطير منيه
حمدان : لالا ان شاء الله تكون من نصيبك
مريوم عاد انحرجت من الخاطر يت و داست ريوله ب القو ..
حمدان : آآآآخ الله يغربل العدو
عزوز : شو استوا ..
حمدان : ها لا ماشي دعمت الحديده بالغلط .. انزين ماعليه انا الحين بسكر بسير عند حمود محتشر عليه
عزوز : خلاص ماعليه .. وصل السلام
عمور من صوب ثاني وهوه يزعج : حتى انا
حمدان : شو رايكم تون باجر و تخطبونهم ؟
عزوز : صدق والله .. ماعليه بخبر امايه باجر
حمدان : ههههههه ويا هالويوه ..
عزوز : يلا عيل فداعة الله ,,
حمدان : مع السلامه ,,,

جان يسكر ....
حمدان : ها بلاج محمره ..
مريوم : ياخي والله احبه دزته وجان تدخل داخل ..
حمدان من را الباب : والله لا اخبره ..
مريوم تفج الباب بسرعه : لا ياحمار
حمدان من بعيد : يلا مناك ..
جان تسكر الباب
ساره : ههههه شو استوا !!
مريوم قالتلهم السالفه
عليا : وايه فديته ,, الله يسلمه من كل شر
فطوم : ههههههه الله يعينج بيخبره صدق ها ...
مريوم : ههههههههه .. ماعليه عادي ,,

وعقب دقايق ,, زقرتهم البشكاره عسب يتعشون ,, و سارو تعشو .. و تحلوا .. ويوم خلصو بو مريوم يبا ياخذ رشود عسب يروحون بس ماطاع يبا يرقد اهنيه ههههههه ,, و وعقب ام حمدان قالت يخلونه و فرح رشود و قام يحب ام حمدان و هيه تضحك عليه ,, وجان يروحون ام مريوم و بو مريوم .. و تمو يلعبون حمانوه و رشود و فرحانين ,, و بعد مرور الوكت استوت الساعه 12 و الدياي البنات و حمود الديج لول رقود اول ناس وعقب دقايق جان يرقدون ام حمدان و بو حمدان وتمو الحبايب " حمدان + فطوم " يالسين ف الصاله وعقب دقايق ..
فطوم : انا بسير اتسبح ..
حمدان : انزين و تعالي بعدين
فطوم : اوكيه ..
سارت غرفتها و طبعا ماقفلت الباب .. ماحطت فبالها انه حد بي .. كلهم راقدين و حمدان يشوف التيلفزيون ,, سارت فصخت ثيابها و ترست البانيو ماي .. و حطتلها الرغوه ,, و يوم انترس الحوض سكرته و يلست داخل طبعا كله رغوه ماينبان شي الا راس فطوم لول .. و كانت مغمضه عينها و تبغي تاخذ شويه استراحه و تريح جمسها شويه ,, طولت هيه فالحمام ,, استغرب حمدان جان يقول بيسير صوبها .. فج الباب شوي شوي ,, و يوم حصله مفجوج ,, دخل و سكر الباب وقفله جنه حرامي داخل لول ,, يسمع حد يغني ف الحمام ..
حمدان يتحرطم : حد يغني ف الحمام !! عافان الله ,,
جان يمشي و يسير صوب الحمام فجه شوي شوي و حصله بعد مفجوج ,,
حمدان فخاطره : خبله هاي .. الحين لو حد دش عليها !! انا براويها بخليها تتأدب مره ثانيه ماتخلي البيبان مفجوجه .. يوم دخل و شافها انه فالحوض و تلعب ب الرغوه .. قال بيخوفها ..
حمدان : بو
فطوم قلبها طاح فبطنها : اميه ,, حمدانوه الله يغربلك شو اتسوي اهنيه بطلعلي قرون والله ,,
امسات داش عليه وانا افصخ ثيابي والحين وانا اتسبح ,, يا خمام اطلع بررع
حمدان : هاهاها ,, ماترومين تسوين شي ,,
فطوم : وهالمشكله اف ,, حمدان حبيبي انته اطلع برع
حمدان يلس ع الكرسي و حط ريل ع ريل : مابا
فطوم : انزين ماعليه انا ما بطلع من الحوض ان شاء الله لو لين الصبح ..
حمدان : بتمرضين !!
فطوم : عادي ..
جان يدز الكرسي و يخليه صوب الحوض وهوه يوايج ..
فطوم تأشر ع عينه : ايه ايه شو بتشوف مافي شي كله رغوه طفس ..
حمدان : احبج ,, مسك ويها و باسها بالقو ..
فطوم : بتطلع ؟
حمدان : هيه بيلس ف الغرفه لين ما تخلصين ..
فطوم : انزين خلاص .. فديت حبيبي الشاطر
حمدان : لا تتأخرين ,,
فطوم : خلاص ماعليه .. وهيه ع اعصابها تترياه يطلع و من طلع سيده قفلت الباب .. و اتسبحت بسرعه ,, و يوم خلصت لبست الروب و طلعت و شلت ثيابها و عقب طلعت و هيه تجفف شعرها ..
حمدان : نعيماً ..
فطوم : الله ينعم عليك يا روحي ,, جان تيلس و تجفف شعرها بالاستشوار .. و يوم خلصت سارت فلت شعرها و يلست صوب ريلها ,, تمت تشوفها وهوه يشوفها .. وعضت شفايفها ..
حمدان : لا حول ,, وبعدين انزين
فطوم : ههههه ماشي ,, ابا ارقد ..
حمدان : اوكيه حطي راسج ع ريلي و ارقدي ..
فطوم : اوكيه ,,

وبعدين ,, حطت راسها ع ريل حمدان .. هوه تم يشوفها ولين ما رقدت .. جان يخلي فطوم وسار رقد ع الكرسي الطويل اللي فغرفتها .. كان وايد بعيد من فطوم ,,
ومر الليل بسرعه ,, و و ع صلاة الفير ام حمدان نشت و و عت ريلها و عيالها و البنات .. و قامو صلو و عقب ردو رقدو الا ام حمدان و بو حمدان .. و مر الوكت بسرعه و استوت ساعه 7 و سار بو حمدان رمس AL Body Guards عبدالله و حميد .. يسيرون عند قوم بو حمد عشان ايون بوظبي .. و عقب سارو ..

اما عند بو حمد ..
كانو ام حمد .. و ام خالد .. يجهزون الاغراض و يحطونهم برع و بو حمد بعد يساعدهم .. و يوم خلصو ,, يلسو برع يتريون AL Body Guards وعقب ساعه و نص وصلو
AL Body Guards وحطو الاغراض و ركبو السياره و راحو صوب دار الظبي .. وعقب ساعه و نص و صلو بيت بو حمدان .. وكانو ام حمدان و بو حمدان واقفين يستقبلونهم ,,
و سلمو عليهم و عقب دشو داخل و الخدم ودو اغراضهم ف غرفتهم ,,

تحت ..
ام حمدان : فديتك عميه ,, محمد بيملج يوم الخميس
بو حمد : والله !! منوه ؟
ام حمدان : سارونه فديتها
ام خالد : مبروك والله يستاهلون و تزغرط هيه و ام حمد ..
بو حمدان : اذاني من كثر مايحن
بو حمد : تستاهل لاتنسى عمرك
بو حمدان : يالله ايام حلوه والله ,,
ام خالد : ههههه ,, و شخبار فطوم و حمدان .. عساهم مرتاحين ؟
بو حمدان : فديتهم والله ,, سمن ع عسل
ام حمد : ليش وين عيل هم ,, و الباجين ؟
ام حمدان : كلهم راقدين ,,
بو حمد : بسير اشوف فطوم بوعيها ..
الكل : ههههههه .. سير بس شوي شوي عليها ..

جان يسير فوق و سال البشكاره وين غرفة فطوم .. و عقب دلته جان يدق الباب كمن مره بس ماحد رد ..
بو حمد : فطيم .. فطييم فجي الباب ..
حمدان بقهر : اف منو هالمتفيج اللي يدق من صباح الله !! جان يقوم و يسير الحمام و يتغسل و خلص و سار يفج الباب .. من فج الباب و شاف يده فج عيونه
حمدان فخاطره : ياويل حاليه بهزبني الحين ,, : هلا والله بالطش و الرش
بو حمد شهق : عنتلاتك يا الهرم !!! شو اتسوي اهنيه و بعد راقد !! جان يرفع الخيزرانه
حمدان : يا ابوي شوفيك خل هاي تحت ماله داعي ترفعها .. مافيها شي انا ريلها عادي
بو حمد : ماتروم تتريا لين العرس
حمدان : لا ماروم
بو حمد : يا المهروم شو سويتبها !!
حمدان : ههههه لايروح بالك لبعيد ماسويت شي اف والله كنت راقد ع الكرسي بعيد عنها بعد .. شحالك انته شخبارك ؟
بو حمد : بخير و سهاله قوم خلني اوعيها ..
وجان يدخل و يشوفها وهيه راقده ,, يلس عدالها ..
بو حمد : فطامي اميه قومي نشي
فطوم تفج عينها : ها .. فجتها عدل : يدييه .. فديتك والله جان تلوي عليه
بو حمد : هلا فديتج .. يلا فديتج قومي تغسلي و انزلي تحت ,,
فطوم : ان شاء الله ,,

وعقب سار و وعا محمد و ساره و خلا ساره توعي البنات و كل نش و يوم خلصو جان ينزلون تحت ..
بو حمد : محمد شو يسوي ولدك راقد عند فطوم !!
بو حمدان : مستخفين !!
فطوم قفطت من الخاطر تمت تحج راسها وهم يشوفونها وفاجين عيونهم : ها ما ما مما ا ماسوينا ماسوينا شي بلاكم !!
و ثانيا هوه كان راقد ع الكرسي !! عميه لاتنسا عمرك انزين.. لاتخليني اقول
بو حمدان : منوه علمج ؟
فطوم : يمدحون حرمتك هاهاهاه
الكل : هههههههههههههه
فطوم فلعته بالتكيه : الله يغربلك كله منك !!
حمدان : عادي انا ريلج يا روحي ..
محمد : انا شو بيصبرني لين يوم الخميس ..
بو حمد : هههههههه وايد مستعيل .. الله يعينج ساروه بيحن عليج متى العرس بعدين
حمدان : هيه صح .. نحنا متى بنعرس !!
فطوم : احلف انته بس !!
حمدان : هيه والله متى ؟؟
فطوم : ماعرف
بو حمدان : سو عرس جماعي احلى .. بنفتك منكم
ساره + فطوم وهم متشققات : والله !!!!
حمدان + محمد فاجين عيونهم ..
الكل : هههههههههههههه
ام حمدان : والله صدق وناسه !!
ساره تشوف فطوم : شو رايج موافقه ؟
فطوم : هيه
مريوم + عليا : يالله عقب نحنا بنشل قشارنا و بنفد بيت ابونا
بو حمدان : فديتكم والله ,, ماتسيرون مكان تقرون مكانكم لين ما حد يخطبكم وعقب كيفكم
عليا : عميه بس عاد شو هالرمسه بعدنا صغار
الكل : ههههههههههههههه

وعقب تمو يسولفون و ضحك و البنات يرمسون ام حمدان عسب الملجه و ام حمدان خلت الحرمه اللي قبل يتهم تيهم هالخميس .. وحجزو ف الصالون يسون حنا .. اول شي يسون اوكسجين عشان يخوز الحنا ,, وطبعا هم ماقصرو كل دقيقه فالحمام يعجون ايدهم عشان يخوز الحنا ,, ايدهم مستويه حمرا عسب التعجيج لول .. و مرت الايام و مريوم و عليا ما يرقدون عدل .. عشان ماشافو قلبهم .. من يوم ما سارو المول .. وكل وحده تتشكى لثانيه .. و محمد و ساره عايشين احلى عيشه .. و محمد يتريا يوم الخميس اي بسرعه واما عند حمدان و فطوم مرتاحين مع بعض لا مشاكل و لا ويعت راس .. و قوم بو حمد .. مساتنسين ف بيت بو حمدان ..

ومرت الايام بسرعه .. و يوم الاربعاء .. ساعه 5 سارو البنات + ام حمدان + ام مريم الصالون .. سو اكسجين البنات و هم يحاتون عمارهم بيخوز الحنا ولا لا .. والحمدالله خاز و عقب تحنو ,, وعقب خذو معصارين حنا حق اليدات يسون روايب لول ردو البيت و مر الوكت شرات الماي و تحن اليدات .. و يو العمال يحطون لمبات الملجه .. و الخدم رتبو البيت من الخاطر .. يلامع من الشده لول ..

اليوم : الخميس .. 13/7 .. ساعه 12 الظهر ..
غرفة مريوم + عليا ..

وينه تراني حيل مشتاق .. مشتاق خلي نور الاوطان
حبه سطا في وسط الاعماق .. يجري بدمي وكل شريان

عليا كانت عند فطوم و ساره .. و اما مريوم كانت ع الفراش تشوف سقف الغرفه و سرحانه فخاطرها تقول :

وينك ما وحشتك وجيت على بالك ما ذكرتني وتمنيت قربي يكون ..
ما سألت عن حالتي حالك ما عرفت اني متيم بك ومفتون ..

مريوم : آآآآآآه يا عزوز .. ومحدن خذا قلبي مثل ماأخذته .. وينك لك وحشه !!
و عقب هالتفكير كله دشت عليا وشافتها و عرفت شو السالفه
عليا : بلاها العاشقه
مريوم : متعذبه ههه
عليا : ههه فديتج والله ,, شراتج بس شو تبينا نسوي .. ماعليه اليوم اكيد بيون
مريوم : الله يسمع منج .. شحال نفسيه ساروه ؟
عليا : ههههه تتحرطم علينا .. خايفه و خايفه .. جنها بتعرس سيده
مريوم : حليلها ..
و يوم أذن سارو يصلون .. و يوم خلصو . . سارو يتغدون .. و بو حمدان + بو مريم و الشباب طلعو وياهم .. و العصر ساعه 4 .. يو الحريم مال المكياج و الشعر .. سارو البنات يابو فساتينهم عسب يشوفون اللون وحتى الحريم .. اول شي سو حق ام حمدان و ام مريم ,, و يوم خلصو .. سو حق مريوم و عليا .. و بعدين فطوم .. و بعدين العروس
سولها مكياج عروس بس هب وايد دفش هادي شرات فستانها .. و عقب حرمه سوت التساريح حق الحريم و البنات ,, بس مريوم و عليا .. سو كيرلي .. وطالعين كيوت من الخاطر .. و فطوم سوت تسريحه ويا ساره .. و ع الساعه 6 ونص ,, يالسين الكل ف غرفة ام حمدان ..
ساره : امايه خايفه
مريوم : حق شو !! بالعكس وناسه
ام مريوم : هههه مستخفه
ام حمدان : ماعليه الغلا لاتخافين مابياكلج هوه
ام حمد : فديتج لاتخافين .. و توكلي ع الله ..
ساره : اخاف يقولي برقد وياج ويستخف مابا ..
فطوم : ياربيه لو سوا جيه بيكون قلاد .. ههههه ماعليه انا بقوله ..
ام خالد : ههههه شو يرقد وياج .. مستخف ها بعد ..
عليا كانت توايج من الدريشه : مريوم .. مريوم تعالي بسرعه ..
مريوم تركض : ها ها شوه !!
عليا بصوت خفيف : عمور
مريوم بشوق : وين عزوز ؟؟
عليا : ماشفته
مريوم تغصت ..
جان ترد مكانها واتم سرحانه ,, وعقب ربع ساعه ..
ام حمدان : يلا سيري لبسو ,, و تكشخو ,, وتعالولي عقب بدخنكم .. يلا فديتكم ( ترمس ام حمد و ام خالد ) سيرو تلبسو ماباجي شي ..
البنات : ان شاء الله ..
وعقب كل واحد سار غرفته .. لبسو فساتينهم و لبسو ذهب و تعطرو و لبسو نعالهم و سارو صوب ام حمدان عشان تدخنهم و تحطلهم دهن عود .. وعقب دقايق جان تي رفيعه ,, يت ويا عزوز .. وعقب ودتها البشكاره فوق و سلمو ع بعض

اما تحت ..
مشغلين الاغاني و ربشه من الخاطر و يوله و رزفه و حالهم رقيص الصراحه .. وع ساعه 7وربع يا المطوع و يوم خلصو .. حمدان سار ودا الدفتر حق ام حمدان .. و كانو ف الغرفه دق الباب و ام حمد خذت الدفتر و عطت ساره ..
فطوم : يلا وقعي
ساره : ها .. " تمت تستهبل " انتي وقعي ..
فطوم : كيف بعد آآخذ اخويه ,, عندي ريل انا .. يلا
مريوم : ههههه يلا عاد عن المنكر
ام حمد : يلا فديتج حمدان اكوه يتحرطم ..
ساره غمضت عينها : بسم الله .. جان توقع
فطوم بصوت عالي كلولولوليش .. الف الصلاة و السلام عليك يا حبيب الله محمد
البنات ال 3 + اليدات : كلولولولولليش
ام خالد : بالمبارك فديتج
ساره مستحيه : الله يبارك فيج :$
مريوم + عليا : فديتج والله مبروك غناتي ..
ساره : الله يبارك فيكم .. و عقبالكم
مريوم + عليا صوت خفيف : آآمين
رفيعه : فديتج سارونه و الله كبرتي و صرتي حرمه ,, مبروك فديتج
ساره : الله يبارك فيج خالوه .. و عقبال عيالج
رفيعه : آآآمين فديتج و تشوف مريوم و عليا .. وهم يضحكون ,,
وعقب سلمو ع ساره و سارت ام خالد و دت الدفتر و نزل حمدان و محمد ما صدق ههههه خبله خبله مستوي
محمد : ياويل حالي خلاص ارتاح قلبي فديتها ياربيه بسيرلها
جان اي بو حمد يضربه ب العصا : عنتلاتك وين ساير !!
محمد : افا والله .. افا والله .. الحين العريس تضربه ,, ماهقيتها منك يا ابويه
الكل : هههههههههههه
عزوز : محد قالك ..
محمد : انته صخ صخ الله يخليك .. يلا عميه .. ابا اشوفها
بو حمدان : مابتشوفها الا باجر
محمد : تخسون والله .. لاتخلوي اطب عليها و هيه ماتدري
عمر : ههههههه بياكلونك اللي موجودين هناكي
حمدان : أأأ عزوز تعال شويه .. جان يسير ع صوب و عزوز ياه
عزوز : هلا آمر ..
حمدان : تحيد يوم ارمسك عن مريوم .. قلتلها انك هب زعلان و السالفه كلها هههه اشوفها احمرت جان اقولها بلاج جان تقولي: ياخي والله احبه دزتني و دخلت داخل هههههه .. قلتلها والله بخبره جان تقولي لا يا حمار
عزوز فاج عيونه : احلف
حمدان : ههههههه هيه والله
عزوز : فديتها وانا اموت فيها
حمدان : انزين انزين عن تموت علينا ههههه

فوق ,,
فطوم : يلا انزلي ..
ساره محمره : ايه شو انزل مابا هب الحين ..
عليا : ياويل عليج ,, بيذوب محمد ب هالفستان اللي لابستنه
ساره : كله من خالوه رفيعه .. استحي والله يشوفني جيه وايد امفصخ الفستان
رفيعه : ماعليه هههههه حلاته
الكل : ههههههههههههه ..
فطوم : اندوج الباقه ..

ساره : كان فستانها .. قطعتين ,, بيبي بلو و بيج ,, كت كله فولك و شج بالخرز باللون البيج و خفيف سماوي ,, وفي حزامين ضغيف ازرق واحد ياي جيه عالخصر و نازل و الثاني معتدل تحته .. و عقب جيه يايه القطعة البيج فوق و البيبي بلو تحت يعني ينعرف انه قطعتين .. و ع جهة اليمين ياي مرتفه ,, من ورا طويل ,, و من جدام ياي مايل صوب اليسار طويل و صوب اليمين قصير .. و مكياجها كان عذاب .. ازرق و بيج و مدخله شويه ذهبي وكانت روعه ,, و نعالها بيج بو ربطه " بس هب حبل ,, اي قماش "

مريوم : كان فستانها بيج و عليه برتقالي .. ومن تحت فيه بني محروق .. و كت و في شي نازل ع الايد في ريالات بالذهبي ,, ومخصر .. طالعه موت حلوه ,, .. و من فوق لي تحت كله شغل .. و لابسه ذهب ذهبي ع الفستان .. و مكياجها كان اول شي في برتقالي و بيج و عداله بني محروق و راسمين عينها و عند بدايت العيون محطين ابيض مفروش ,, و بعد عند نهاية العيون .. طالعه عذاب ..

عليا : كان فستانها فضي ياي ع لمعه .. كت .. و ياي محد ع الجسم .. وعند الركبه ف النص في خلقه ب الشيفون ب الون البيج الفاتح المغبر ياي ع رصاصي .. وياي منفوش .. من تحت .. وكان مكياجها اسود + رمادي و ع بيج مغبر .. و ابيض .. و راسمين عينها ..

فطوم : ههه استخفت هالمره .. فستانها بيج و فوشي .. كله شغل الفستان محد ع الجسم .. و في تور ب الذهبي ع البيج .. 3 قطع هم ,, اول شي فوشي و عقب البيج و عقب التور الذهبي ع البيج و ياي مدرج .. القطعه الفوشيه اطول شي و البيج شويه قصيره و التور اقصر شويه .. طويل من ورا .. و من جدام ياي ع ينب مفتوح قصير لين الركبه .. " ميمعات ويايه ع ينب " و نعال فوشي في ربطات .. و مكياجها كان شرات مريوم بس فوشي و بيج .. طالعه حلوه وينك ياحمدان لول ..

و ام مريوم و ام حمدان و رفيعه فاكين عمارهم وماخذين فساتين نفس الشي بس هب شرات البنات خفاف .. و اليدات مخوره لول ,, وعقب دقايق جان ينزلون البنات و يا ساره وهيه ماسكه الباقه ... وكانت مستحيه موت .. تمو قوم مريوم و عليا ف الصاله و جان يدخلون فطوم و ساره و ام حمدان و ام مريوم .. داخل .. و جان تتصل فطوم حق حمدان انهم ايون .. سيده عاد محمد ما صدق دخل اول واحد ,, واويلاه لول من شافها بغا يموت ماكان متوقع تلبس جيه .. تخبل تخبل هههههه حليله مسكين حاله سيده سار صوبها ويه موخيه راسها ..
حمود بحنان : ياويلي عليج ,, شو هالفستان العذاب ,, مبروك غناتي
ساره وهيه تشوفه : الله يبارك فيك حياتي
حمود : آآخ كم بعيش .. من متى وانا اتريا هاليوم ,, احبج موت والله باسها ع خدها لول من الخاطر ,,
ساره : ربيه لايحرمني منك حمودي
وعقب كل واحد يا يسلم عليهم و المصوره اتصور ,,
فطوم : يا حبايب ألبي .. مبروك فديتكم
ساره + حمود : الله يبارك فحياتج ..
حمدان : مبروك فديتكم ..
ساره + حمود : الله يبارك فيك ..
حمدان يشوف فطوم من فوق لي تحت جان يتقرب منها : شو هالزين شو هالزين ,, جيه مالبستي جيه ف الملجه
فطوم قافطه : جب لاه و تكفخه
حمدان : والله انج حلوه .. فستانج خبال .. جيه سوي حق العرس و اخس
فطوم : ههههه ماشي شغل
بو حمد : ساروه شو هالفستان اللي لابستنه
ساره : اوه يديه هب انا مختارتنه خالو رفيعه ,,
الكل : ههههههههههه
بو مريوم طلع و سار صوب الصاله ..
بو مريوم : فديتكم خذو السويج وايبولي موبايلي ..
مريوم : من عيونا ..
سارت عليا ترمس البشكاره عشان تيبلهم عباتهم و شيلتهم ويوم وصلت .. لبسو تغشو ,, طلعو برع .. و عقب سارو صوب السياره ,, و يوم يابو الفون توها بتسكر السياره ,, عزوز تقرب صوب مريوم ,, و عليوه سارت بس شافها عمور ,,

تحيه طيبه و بعد التحيه احي قلبك القاطع و صاله ..
مضت ايام بك و امضت عليا سهر و دموع و هموم و عباله ..

عند عزوز و مريوم ,,
عزوز : شحالج ..
بشوق سيده صدت صوبه وفخاطرها تتفداه ..
مريوم : انته وينك كل هالمده ,, لا سلام و لاخبر ولا حس ولا شي .. هب حرام عليك تعذب قلب ميت فيك >> بدون ماتحس قالت جيه ,,

البارت ال 30

تحيه طيبه و بعد التحيه احي قلبك القاطع و صاله ..
مضت ايام بك و امضت عليا سهر و دموع و هموم و عباله ..

عند عزوز و مريوم ,,
عزوز : شحالج ..
بشوق سيده صدت صوبه وفخاطرها تتفداه ..
مريوم : انته وينك كل هالمده ,, لا سلام و لاخبر ولا حس ولا شي .. هب حرام عليك تعذب قلب ميت فيك >> بدون ماتحس قالت جيه ,,
حس فيها و استانس .. بس انقهر ليش متغشيه بس كان يبنان ملامح ويها وايد ليتات ,,
عزوز : اسمحيلي فديتج والله كنت شويه مشغول
مريوم : وينك ما وحشتك وجيت على بالك ما ذكرتني وتمنيت قربي يكون ..
عزوز : الله يشهد عليه ,, اني ولهان عليج موت ,,
مريوم : ليش ما تسأل !!
عزوز : فديتج والله انشغلت ,, مريومه ..
مريوم : لبيه
عزوز : لباج قلبي .. جان يرن موبايله .. ربيعه متصله قال بيلعوزها ..
عزوز : هلا والله فديتك .. بخير وسهاله من سمعت صوتك .. وانته شحالك ياروحي .. ها .. هيه انا معزوم بدقلك فليل اوكيه لاترقد
يلا فديتك .. فداعة الله ..
مريوم فاجه عيونها .. خذت بعمرها و روحت .. عاد هوه فخاطره يضحك .. جان يمسكها من ايدها ..
عزوز : تعالي وين سايره ؟؟
مريوم عيونها بدت تحمر " شويه و بتصيح " ماشافته صاده الصوب الثاني ..
عزوز : شوفيج ؟
مريوم : ماشي بروح خل ربيعك ينفعك
عزوز : ههههه ,, شوه تغارين ؟؟
مريوم : لو ما اغار جان ما حاتيتك =( ..
عزوز : فديتج والله .. والله ربيعي تبين تتأكدين ,, تري شويه .. جان يتصل و خلا السماعه فذنها ومن قال الوه ربيعه سكر ف ويهه .. قويه صح لول ..
عزوز : ها .. عشان خاطر عيون الغزال بندت فويهه ..
مريوم : ههههههههه .. انزين شو كنت بتقول ؟
عزوز : امم .. اقول ولا ؟
مريوم بشوق : هيه هيه ..
عزوز : اويه شوفي هناكي .. عاد هيه شافت .. تقرب من اذنها : احبج موت
مريوم تيبست : ها شفت ماشالله .. ههههههههههه
عزوز : فديته حمدان قالي شي عنج
مريوم فجت عيونها : اشوه !!
عزوز : يوم دزيتيه و دشيتي داخل الغرفه
مريوم : الله يغربله وصدت الصوب الثاني
عزوز : هههههه .. عادي عادي يا روحي
مريوم : .............

عند عليوه و عمور ..
توها كانت بتركب الدري ..
عمر : علايه
عليا : عيونها .. جان تلف
عمر: فديت عيونها بس ما اشوفهم و غمزلها .. شحالج ؟
عليا : ههههههه .. جان تنزل الغشوه و بس لحفت صوب ويها و خلت عيونها .. قبل كنت تعبانه .. بس من شفتك والله استويت بخير ..
عمر: فديت هالعيون والله ,, علايه
عليا : لبيه ..
عمر: لبيتي حايه .. ولهت عليج موت فذمتيه
عليا احمرت : مي تو ,,
عمر: ارفعي الفستان عن اتطيحين ..
عليا : هههه ماعليك ..
عمر: خطيره حلو فستانج
عليا : احم .. عيونك الاحلى
عمر: فديت عيونج والله
عليا ارتبكت : هيه انزين .. بسير انا .. صوت عالي : مريوم بسج طوفي خلينا ندخل

مريوم : هههههه .. يايه .. يلا انا بروح ..
عزوز : ماتبين شي ؟
مريوم : لا الغالي سلامت روحك .. طمنا عليك مره ثانيه
عزوز : من عيوني يا الغلا ..
مريوم : فداعة الله ..

جان تسير صوب عليوه و مسكو ايد بعض و ركبو الدري وهم مستانسات ,, و سارو صوب ابوهم و عطوه الموبايل ..
جان يدشون داخل .. يسلمون ع ساره و محمد .. و عقب يابو الطقم و لبسها محمد و هيه مستحيه هههه حليلها .. بعدين يابو الكيكه ام 3 طوابق .. جان حمود و ساره يقصون الكيكه و المصوره تصور ,, وكانو صدق صدق فرحانين .. جان اي و يبوسها ع خدها ,,
ام حمد : ياويلي ع حالك يا حمود .. شكلك متعذب ..
ام خالد : ههههه ف فاده منزمان يسوي جيه ..
حمدان يشوف فطوم جان اي صوبها يصاصرها : غرت الصراحه .. ليت هاكي اليوم يرد
فطوم : هههه بعدين بعدين ..
الكل : ههههههههههههههه

وعقب اتصورو ويا محمد و ساره ,, وبعدين الكل سار الصاله .. وخلو محمد و ساره ف الميلس ..
حمود : اسمع صوت دقات قلب ..
ساره : ههههههه
حمود : هههه فديت هالضحكه انا .. عساها مديمه
ساره : وياك فديتك ..
حمود : سارونه والله احبج موت .. هب مصدق انج خلاص ملكي ..
ساره : انا بخليك تصدق .. هههه مادري كيف تجرئة و باستها
حمود تيبس مكانه ..
ساره : صدقت ؟
حمود : شو سويتي انتي .. ياويل حاليه .. واخيراً واخيراً
ساره : ههههههه
حمود : فديت روحج انا .. جان يسير يبوسها ب القو
ساره : بس عاد
حمود : احبج والله احبج
ساره : وانا بعد
حمود : شوه وانتي بعد ؟؟
ساره : احبك .. واموت فيك
حمود : ياربيه فديتج .. الله يخليج لي
ساره : وياك حبيبي ..

ف الصاله .. سارت فطوم فوق عشان تيب عباتها مفتوحه بس كلها فصم .. و شيلتها عشان يتعشون برع .. وحمدان سيده لحقها .. دشت الحجره و سارت صوب عبيها جان يدخل و يسك الباب ..
فطوم : منوه ؟؟ .. لبست عباتها شافت حمدان .. : هلا فديتك
حمدان : ياربيه فطوم حسي متى العرس ؟
فطوم : ههههه لا حول ,, شوفيك ؟؟ اليوم مالجين قوم حمود ,, ترا بنسوي عرس جماعي
حمدان : مالي خص .. شهر 9
فطوم : لا حرام عليك ..
حمدان : دخيلج فطامي ..
فطوم سكت تمت تفكر : خلاص ماعليه بنشوف قوم ساره ..
حمدان : فديتج والله .. يلا نزل ..

جان ينزلون .. و تغشت فطوم و يسيرون برع البيت .. و يلست فطوم بين مريوم و عليوه .. يالسين يتعشون ,,
و الاولاد ايولون ..
مريوم : ماخبرتج ,, آآخ يا قلبي ارتاح يا فطوم .. ارتاح ..
فطوم : ههههه .. شو استوا ..
مريوم : قالتها سالفة عزوز
فطوم : حلفي !!
مريوم : آآه يا فطوم .. فذمتيه اني احبه موت .. ولا مره وحده تشوفه و تزعج : ياويل حالي شوفيه طاعت غترته شعره خبال ..
ام مريوم : ايه انتي .. وين يالسه ..
ام حمدان : نواري خليها البنيه متعذبه
رفيعه : هههه فمنوه ؟؟
ام حمدان : اويه فضحت البنيه حرام ..
رفيعه : لا لا عادي قولي .. ترا بعد عيالي روحهم متعذبين .. اخبرج نواري ..
ام مريوم : هلا فديتج ..
رفيعه : الريم و علايه مخطوبات
ام مريوم : لا فديتهم ..
رفيعه : عيل حبينا اناسبكم
ام حمدان : كوكوكوكوليش .. و تشوف مريوم " هم ف طاوله والبنات ف طاوله "
ام خالد : ويه فديتهم والله .. ماشالله عليهم غاويات .. يستاهلونهم والله ..
ام مريوم : هههههههه .. والله هالساعه المبركه ..
رفيعه : هههه اليوم عبدالعزيز يقول .. الله يخليج والله ابا مريوم .. تخبلت فيها !!
ام مريوم : ههههه فديته والله ..
ام حمدان : نواري فديتج .. عبدالعزيز و عمر .. ريايل و النعم فيهم .... ماشالله عليهم
ام مريوم : اعرف .. فديتهم والله .. ماعليه برمس علي ..
رفيعه : خير ان شاء الله ..
ام حمد : لا ماظنتي علي مايوافق .. ان شاء الله يكونون من نصيبهم ..
رفيعه + ام حمدان : آآمين

صوب البنات
فطوم بصوت عالي : حمدان ..
حمدان : عيوني ..
فطوم : ابا ايول
مريوم : حتى انا ..
عليا : وياكم
عزوز + عمر : هههههههههههه ,, هايل شو عرفهم
حمدان : مستخفات يعرفن .. تعالن ..
سيده ماصدقو البنات .. قامو .. و فطوم سارت تيبس ويا يدها و عمها بو مريوم بعيد عن عزوز و عمور ..
مريوم بدلع : عبدالعزيز .. عطني سلاحك ..
عزوز : اندوج ..
عليا : وانا ..
عمر : يفداج .. خذيه ..

سارو ايولون ويا ابوهم .. و صدق كانو ربشه من الخاطر ..
فطوم تشوف البنات انهم يستعدون عشان يفرون " اولاد ولاجنه لابسين فساتين و كعب ,, بس ما اقول غير الله يستر "
حمدان : تخسين لاتخبلين جان يتقرب صوبها و يصاصرها .. احشمي عزوز و عمور اهنيه
فطوم : همم انزين .. انا مابفر هزبوني .. يلا مريوم وعليوه فرو ..
عليوه ما فرت .. مريوم يوم فرت كان عزوز وراها بمسافه شويه بعيده .. الحبيبه ردت ريوس جان تتخرطف بالفستان و طاحت ع عزوز ..
مريوم فخاطرها : الله يغربل هالمواقف البايخه ياربيه وين اودي ويهيه ..
مريوم تحاول تقوم بس ماتروم ..
بو مريوم : اونج عاد .. قومي قومي نشي فشلتينا ..
مريوم : باباتي انزين انا ثو اثوي ..
عليا تقول حق فطوم : هههههه مسكين حال عزوز تعذب اكيد
فطوم : ههههه جب الله يغربلج ..
جان يسيرون الريايل يتعشون .. بس تمو الاولاد ..
مريوم : عورتك ؟
عزوز : ها .. لا لا بالعكس .. أأأ قصدي لا ماعورتيني ولا شي .. انتي تعورتي ؟
مريوم : ها لا ماشي .. ماتعورت
عزوز : الحمدالله ..

وعقب سارو الاولاد يتعشون .. و ليين ما روحو الكل .. و ودعوا بعض الحبايب على امل ان يشوفون بعض مره ثانيه
و حال ساره و حمود .. ماتنوصف .. كل دقيقه يلعوزها وهيه طفرت .. و يوم خلصو .. كل واحد سار غرفته يرتاح ..
ساروه سيده رقدت كانت صدق تعبانه .. اما فطوم كانت تسبح .. و مريوم و عليوه .. يضاربون ع الحمام كل وحده تبا تسبح قبل .. جان مريوم تنتصر لول ,, اتسبحت و خلصت جان تدخل عليوه و تسبحت و يوم خلصت تمت تسولف ويا مريوم .. عن عزوز و عمر ,,
مريوم : بتخبرج .. بلاها اليوم خالوه تزغرط ؟؟
عليا : امييه تصدقين تميت افكر ,, شعرفني فيها ..
مريوم : تخيلي اللي بالي بالج
عليا : ياويلي فشله !!
مريوم : ههههههههه ..

ف بيت علي ..
كانو يالسين ف الغرفه يشوفون التيلفزيون ,, ولا مره وحده ..
ام مريوم : علاوي فديتك .. شو رايك ف عبدالعزيز و عمر ؟؟
بو مريوم : والله الصراحه ريايل ومافيهم حيله ,, والنعم فيهم والله .. ليش
ام مريوم : همم لا اليوم رفيعه تقولي ,, يبون يناسبونا ..
بو مريوم : صدق .. هالساعه المباركه ..
ام مريوم : ههههه عبدالعزيز ولدها متخبل ف مريوم ..
بو مريوم : ههههههه ,, اليوم فشلتها الدبه ..
ام مريوم : هههه هيه شفتها .. حليلها ماكانت تدري ..
بو مريوم : هههه ,, خلاص ماعليه .. باجر برمسه ..
وعقب رقدو ..

عند البنات ..
دق دق دق
مريوم : منوه
فطوم : ام الغمازه
مريوم : ههههه .. سيري فجي الباب
عليا : هههههه .. سارت وفجت الباب .. ها ام الغمازه
فطوم : ملل حمدان رقد .. بي عندكم
مريوم : حياج
فطوم : الله يحيج .. جان تسير صوب مريوم و عليوه تقربت صوبهم
مريوم : متى بيستوي اللي فباليه ..
فطوم : ياويل حالي عليج .. اسكتو
مريوم + عليا : اشوه ؟
فطوم : حمدان يبا يعرس شهر 9 ..
مريوم تغمزلها : مستعيل
عليا : هههه
فطوم : ان شاء الله يا مريوم عزوز يخطبج
مريوم من خاطرها وتصرخ .. ياويل حاليه .. آمين
فطوم : ههههه مستخفه ..
عليا : هههههه اصلا منزمان طالعه عليج
فطوم : لا بسم الله عليه .. انا خلاص عندي ريل ههههه هب شراتكم بتعذبات
عليا : فطوم لاتقهرينا !!
فطوم : ماعليه ماعليه .. بيكم الدور
عليا تشوف مريوم .. ومريوم نفس الشي : هههه نترياه
فطوم : غربلاتكم .. بسير عنكو .. اشوفكو بكرا
عليا : ايوا ياخجي ( ياختي ) تصبحي ع خير
فطوم : وانتو من اهلو .. هههه باي
مريوم : باي .. جان تطيح .. آآخ يا قلبي عزوز شو يسوي ؟؟
عليا حطت راسها ع جتف مريوم : هيه والله آآخ يا قلبي عمور شو يسوي ؟؟ يفكر فيا
مريوم : وعزوز يفكر فيا انا !!
عليا : الله يعلم
مريوم : فديته
عليا : جب انزين .. بسير ارقد .. تصبحي ع خير
مريوم : وانتي من اهلوه ,, وانا بعد .. سارت وقفلت الباب ..
جان يرقدون ..

صوب عزوز و عمور ..

عزوز : لو يسألوني عنك شلي جرالي منك
عمر : في حبنا يا غالي قلبن العنا هاونك
عزوز : هيه والله .. قلبن العنا هاونك
عمر : ولا يوم يقول عيضه .. تسهر عليك عيوني يارحتي و شجنوني و القلب بك مفتوني وانا صدق الوفى معطنك
عزوز : هيه صح لسان الشاعر ..
عمر : فديتها والله عسل اليوم .. نزلت الغشوه بس خلت عيونها ..
عزوز : ياحيك .. حاولت اشوف ويها بس ماكان ينبان عدل بس ملامحها .. هب وايد تبين بعد
عمر : ياخي ما اروم اصبر .. برمس اميه باجر
عزوز : هيه والله حتى انا ..
عمر : عيل .. تصبح ع خير ..
عزوز : هههه وانته من اهله .. لاتنسى احلم فيا
عمر : ماشي شغل .. الحب ابكرك من ويهك
عزوز : هههه خسك الله

الصبح ساعه 9 .. الجمعه ..
ف الصاله .. ام حمدان و يا ام حمد و ام خالد .. و بو حمدان برع ويا بو حمد ..

ترن ترن .. ترن ترن .. ترن ترن ام خالد تشل التيلفون ..

ام خالد : مرحب الساع ..
بو مريم : مرحبتين والله .. ام خالد
ام خالد : هلا ابويه .. علي ؟؟
بومريم : هيه الغاليه .. شحالج ؟
ام خالد : يسرك الحال .. ومن صوبك الغالي ؟
بو مريم : بخير ربي يعافيج .. اتخبرج الغاليه .. بناتي واعين ؟
ام خالد : أأأ لا ماظنتي لانه محد يا صوبنا
بومريم : انزين اذا ماعليج اماره خلي حد يوعيهم و يتزهبون .. و قوليلهم بمر عليهم بنسير المول نتريق ..
ام خالد : خلاص ماعليه الغالي انا بوعيهم ,,
بومريم : تسلمين فديتج .. يلا عيل فداعة الله ..
ام خالد : وداعة الرحمن ..

ام حمدان : من ع التيلفون ؟
ام خالد : ها علي ريل نوره .. قالي اوعي بناته بيمر عليهم بيسير يتريق وياهم ف الفول
ام حمد : اي فول انتي الثانيه يسمونه النول
ام حمدان : الله يهديكم .. شو فول و نول .. اسمه مول
ام خالد + ام حمد : هيه ها هوه .. انزين نحنا شو عرفنا ..
ام خالد : انزين انا بسير اوعيهم ..
ام حمدان : ههههههههههههههههههه مسكين حالكم

وجان تسير صوب البنات وتدق الباب كمن مره ومحد يرد
ام خالد : يا بنات ..
مريوم بتعب : اف منوه ها جان تصد الصوب الثاني و تشوف الساعه 9 ربع .. اف شوها حد يوعي هالوكت وقامت و سارت صوب الباب : ها وتفج عيونها عدل و تشوف ام خالد
ام خالد : وريل مايشوف .. شو بعد ها
مريوم : يدتيه ما اعرف حقج عليه .. آمري
ام خالد : صباح الخير اول
مريوم : صباح الورد و الياسمين .. آمري
ام خالد : مايامر عليج عدو ولا ظالم .. يلا فديتج سيري وعي اختج و تزهبو .. ابوكم بيمر عليكم جان تسير ..
مريوم باستغراب : بيمر علينا شحقه !!! وسكرت الباب و زعجت ع عليوه : ايه عليوه قومي نشي بموت
عليا خافت من الخاطر : ها شو مستوي ..
مريوم : هيهيهي ماشي قومي نشي .. انا بسير الحمام .. ظهري لبس حقي و حقج .. ابويه بيمر علينا ودشت الحمام ..
عليا : بيمر علينا !! خوزت اللحاف و سارت صوب الحمام وتزعج : ليش ؟
مريوم : شعرفني .. يلا طلعي ثياب بيهزبنا لو تاخرنا ..
عليا : انزين ..

جان تسير صوب الكبت .. و تشوفلها بنطلون بيج .. و قميص ايد قصيره + تنوره بني .. طلعتلها حقها و حق اختها .. وزهبت البوت و الشنط و العبي و الشيل .. و تتريا الحسنا تطلع من الحمام .. و يوم طلعت شافت عليوه مجابله الحمام و حاطه ريل ع ريل ..
عليا : مال عمك مايهمك .. خلصتي الماي << تصرخ
مريوم تتمخطر و تقهر عليوه .. جان تي عليوه و اتدزها : كلبه خوزي .. خست
و سكت الباب ..
مريوم : حماره .. جان تسير تسحي شعرها و لفته ب توكه .. و تجحلت وحطت جحال تحت عينها و سارت لبست و زهبت عمرها .. و عقب طلعت عليا و سوت شرات مريوم و لبست و خلصت و جان يسمعون هرنات ورا بعض
مريوم : غربلات العدو ها ابويه .. بسرعه وين الشنطه مالي
عليوه تسكر سحاب بوتها : اكيه هناكي سيري شلي مالي وانا الحين يايه .. جان تطلع مريوم و تشوف البشكاره و رشود و ام حمدان والباجين مستانسين يوم شافون و هوه شاق الحلج
مريوم : السلام عليكم و تفج الباب صوب الدري تبا تنزل
ام حمدان : وين وين .. بلاج جيه مستعيله
مريوم : خالوه ماتسمعين ابويه حاشر الدنيا برمسج بعدين .. طلعت
عليا تسكر الباب و تزعج : ايه تريني .. و جان تنزل وياها وعقب نزلو تحت و سارو صوب السياره .. جان يركبون ..
ام مريوم : عنبو شو تسون ؟
مريوم + عليا : السلام عليكم ..
ام مريم + بو مريم : و عليكم السلام
بو مريوم : فديتكم ليش تأخرتو ؟؟
مريوم + عليا : السموحه الغالي .. وين نحنا سايرين موعينا من صباح الله ..
بو مريوم : نتريق ف المول ..
مريوم + عليا : اهاه .. اوكيه ..

وجان يسير صوب بوظبي مول ,, و عقب 10 دقايق يوم و صلو .. نزلو و سارو صوب استار بوكس ,, و ام مريوم و بو مريوم يلسو و البنات طلبولهم .. وعقب يابولهم الطلبيه .. تمو يتريقون ..
بو مريوم : بغيت اخبركم بشي ..
مريوم + عليا : خير ابويه .. جان يشربون الكابجينو ..
بو مريوم : امس نواري .. رفيعه قالتلها شي ..
مريوم + عليا فاجين عيونهم : خير !!!! ردو يشربون الكابجينو
بو مريوم : أأأ .. فديتكم عاد انتو كبرتو .. و نبا نفرح فيكم .. السالفه و ومافيها .. عبدالعزيز و عمر طالبين ايدكم
مريوم + عليا من قال طالبين ايدكم .. عليا مسكت القلاص و خلصته صوب شفافها و فاجه عينها و مريوم يوم كانت تشرب و سمعت ابوها من الصدمه حرقت لسانها هههه ... كان حار الكابجينو ..
عليا : ها !!!
مريوم شويه و بتصيح : آآخ يعور ,, شو قلت ابويه ؟؟؟؟؟؟
ام مريوم : هههههه حليلكم
بو مريوم : هههه شو ياكم .. عبدالعزيز و عمر طالبين ايدكم