 |
  |
|
|
|
|
#51 |
|
|
رد: ضمني وخبني بين اضلعك,, بقلمي
روعه بارت رائع وحماسي
بنتظار البارت الجاي متحمسه اعرف اسرار جارح |
|
|
#52 |
|
|
رد: ضمني وخبني بين اضلعك,, بقلمي
روعة
فين الباقي شدي حيلك |
|
|
#53 |
|
|
رد: ضمني وخبني بين اضلعك,, بقلمي
يسلم لي تواجدكم والله..
الآن بارت 28 |
|
|
#54 |
|
|
رد: ضمني وخبني بين اضلعك,, بقلمي
قراءه ممتعه بارت 28 فاتن انسانه متهوره وعصبيه ويوم حب يِطْلع نايف ويخلي لها الغرفه لين تهدى استفزته .. ومع انه كان يقدر يرد عليها بشكل قاطع وجارح ..هدّء من نفسه ولاحب يتعامل معها بهالطريقه.. باللذات لأن نايف من الاشخاص اللي ايمانهم قوي بان الرجل قوته صبره وتغاضيه مو بالغلط او التعدي على المراءه.. وبعد ماصرخت وقالت جزء من اللي بقلبها .. اغمى عليها وطاحت على الارض. هذا كان بالليله اللي قبل هذه.. اما اليوم... فتحت عينها شوي شوي وتشوفه جالس بجنبها وضام يدها بيده نايف:ماتشوفين شر فاتن وتحس بدوخه:وش صار؟ نايف:قال الدكتور انك ماكلتي وانتي اصلا عندك فقر الدم ومع الزعل جسمك ماتحمل وطحتي فاتن:ابي ارجع نايف:ان شاء الله ..لكن مو اللحين لاخلصت شغلي رجعت انا وانتي فاتن وتحاول تقعد لكن مو قادره:مابي اقعد هنا نايف: انتي قاعده معي مانتي قاعده لحالك فاتن: مابيك خلي بدر يجيني. نايف ويحس انه مجروح :انا مو قاسي يافاتن ولا ضالم على قولتك,وابي اقول لك يوم امه ترجتني تِغاضيت عن حقي واجبرت بدر بعد يتغاضى ويمديه عند امه يا امس او اليوم فاتن:.... نايف:انا حبيتك يافاتن لكن انتي ماقدّرتي هالحب,ماتدرين يوم قال لي السواق انك مرسلته لبيت محمد وش كان شعوري.. ولاتدرين يوم دريت انك رحتي له ولاعلمتيني وش كنت احس,مع ذلك ماعاتبتك,ويوم عرفت بخبثه ومكيدته لك عذرتك...لكن كل ذا مابين بعينك "وطلع بعدها وارسل لها ممرضه تقضي معها الليله وتهتم بها" اما فاتن حست انها بحلم.. اول شي سوته بعد ماطلع نايف خذت جوالها ودقت على اصاله ,مره ومرتين وثلاث ولأول مره ماترد عليها اصاله... خافت وشكت ان نايف صادق, ويوم جت تدق للمره الرابعه جات لفاتن هالرساله.. المرسل:اصوله (حبيبتي فاتن انا وعدت نايف اني راح اقطع علاقتي بك نهائيا بعد مايطلع محمد من المكان اللي هو فيه ,وفعلا ماقصر وقف معي بعد ماقلتي لي انه هو السبب اخذت رقمه وترجيته وفى بوعده لي, ولازم اوفي بوعدي له.. حبيبتي عمري ماراح انساك او تقل مكانتك بقلبي ,انتي بنتي والله العالم فرقاك صعب لاي درجه,, ) بلعت غصتها فاتن ولا قدرت تتصور ان اصاله اللي بمثابة امها تنقطع علاقتها فيها بساطه,لكن اللي صبْرها ان محمد طلع وانه عائش.. وحست بنفس الوقت بقسوتها وغلطها بحق نايف.. وبعد ماخمد شعور الخوف على محمد بدا شعور ثاني تجاهه يشوف النور.. شعور بالقرف والإستحقار والإستنكار.. وبدت تشوف محمد بعين ثانيه وبشعور بعيد تماما عن اللي كانت تحس به تجاهه غمضت عينها وتخيلت لو انه نايف وبدر كان جرا لهم اللي كان مخط عليه ..وش كان راح يكون شعورها؟؟؟ فتحت عينها وهي اكثر تصميم واكثر جرءه بأنها راح تنساه وراح تعيش حياتها مخلصه لإنسان واحد وبس ... ::::::::::::::: يوم انتهى دوام داليا جالها مسج... فتحته (ممكن تعلمي جينا تِعملّي القهوه راح تجنني بغبائها) قفلت المسج وكانت بتطلع من المستشفى فسمعت المسج 2 (اوكي ماراح تعملي لي اياها اليوم ,لكن بكره ممكن في مجال تعلميها اياها؟؟) عرفت داليا انه بمكان يشوفها فيه ..وطلعت من غير ماتلتفت ,وماكانت تدري المفروض انها تبكي او تصرخ او تروح تقول له..حِس فيني :::::::::::: جده في احتفال بيت ... سميره: الله يحيكم وربي منورات بيتي لمى:عقبال ماتسوي لنا حفله تانيه يوم تسكونوا البيت الجديد وداد:ههه اكيد في حفله واكبر من دي كمان سميره: لاتقلقوا بس نقل ماعليكم ,كل يومين وحسوي لكم حفله رهف:من جد ياحضك بزوجك ,انا متزوجه لي دحين 17 سنه وهوا يقول لي ان شاء الله السنه الجايه نشتري البيت وعلى دا الموال ليومك دا سميره وهي مفتخره:ياحبيبتي يمكن ضروف زوجك ماتسمح,انا عن نفسي زوجي غني وعندو خير ليه مايشتري لي بيت لمى:اقول لك هوا البيت بإسمك؟؟ سميره بكذب: ا ايوا طبعا ,اصلا قال لي البيت هديه ليه وداد:ماشاء الله من جد ياسميره انتي محضوضه رهف:عقبالي يارب سميره:ههه ان شاء الله ,ربي يفرجها على الجميع لمى:اقول لك سميره فين اخت زوجك ,انا سمعت انها بجده؟؟ سميره:ايوا جات هنا تطلب من خميس يسلفها مسكينه مره زوجها فقير ,عاد ساعدها خميس باللي يقدر عليه وداد:بس انا سمعت انها راحت لبيت اختها سميره:ا ايوا لانو خميس عطاها مبلغ مره كبير فحبت تشتري من هنا شوية حاجات لها ,وتقعد مع اختها كم يوم قبل ماترجع رهف:اها,,الله يجزاه خير ماقصر سميره:حبيبي خميس عمروا مايقصر على احد ::::::::::::: الساعه 11 الليل كانت صاحيه من الصباح.. قامت وطبخت له اللي يحبه,رتبت غرفتها وهيئتها لإستقباله .. ولبست احب الالوان على قلبه ..ومع انه تأخر .. وتأخر.. وتأخر.. ما ملت من الإنتظار ..كان يوم تمر الساعه عليها يزيد الشوق بقلبها .. وكل مامرت ساعه ثانيه عليها ..تزيد اللهفه عليه.. ويوم بدا الوقت يتأخر خافت انه ماراح يجي .. وخافت اكثر بأنها ماراح تشوفه.. ويوم سمعت الباب انفتح جرت عليه .. ضمته خذت يدينه تبوسها ,باست عيونه ودمعت وقالت له .. - إشتقت لك "إبتسم لها محمد وهو مو قادر يبتسم من قلبه ,وشاف امه جايه عليه ابعد سمر عنه, وحب راس امه وهو يقول: ليه هالدموع يام محمد اصاله وهي تحب راسه: شف شكلك "وبكت بحراره على الاثار اللي باينه عليه من الضرب.. ضمها محمد وحب راسها وقال: المهم اني عائش ورجعت لك لاتبكين اصاله: ياولدي حرام عليك ,يوم فقدت ابوك واختك صبرت وقلت الحمد لله انه بقالي واحد ,لاتخليني افقدك واموت بحسرتي يامحمد "وزاد بكاها" محمد وهو يضمها اكثر :لاتقولين كذا يمه انا مثل مايقولون مثل القط بسبع ارواح,لاتخافين علي اصاله وهي تمسح دموعها وتكلم بجديه:هالمره طلعت منها ورجعت لي المره الثانيه انا ماضمن وش ممكن يصير ,محمد انت لازم تنساها عشان امك يامحمد وعشان اللي بطن زوجتك انساها جات سمر اللي راحت تجري تجيب له البارد..ومدت له كاسة العصير وقالت:تفضل حبيبي اشرب "شرب محمد الكاس من العطش مره وحده ".. ابتسمت له سمر:حبيبي تو مانور البيت ياقلبي محمد:اه ,يله بطلع ارتاح شوي اصاله:اطلع ,لكن فكر باللي قلته سمر:يله حبيبي جهزت لك كل شي ,حمامك وملابسك بإنتضارك "طلع معها محمد وهو يحس انه للآن بالسجن ويفكر بالحريه" سمر:حبيبي ماتدري قد ايش اشتقت لك محمد بضيق:انا تعبان "ورمى نفسه على الفراش.." سمر:طيب حبيبي ارتاح,وبعدها تاكل من اللي طبخت لك اياه و .. "ناظرته لقته غمض عيونه وبدا ينام ..ابتسمت وقربت منه باست راسه غطته ومسكت بيده وقربتها لبطنها وكأنها تقول للي بطنها (ابوك رجع لنا)". :::::::::::::: ثاني يوم دبي حبت فاتن تتنشط شوي فأخذت لها دش ومع الادويه والاكل الخاص اللي تسويه لها ممرضتها صارت احسن شوي .. وشافت الممرضه فسألتها: وين نايف هنا وله برا؟ الستر: بابا قال انو ياخذ جلسه لضهره فاتن:طيب انا بطلع اشوفه الستر:احسن لتش ترتاهي وبكرا طلعي فاتن:لا انا ماحب قعدت السرير لازم انزل الستر:طيب تحسي بدوخه؟ فاتن وهي تلبس عباتها:قلت لك انا تمام يله احطي الستر:انزين اجي مهاتش فاتن بعربجه:سلامات!! لأطبعا "وطلعت مخليه الستر فاتحه عينها " طلعت فاتن وهي تفكر بالكلام اللي قالته لنايف وهي منفعله ..تحاول تتذكره عشان تقدر تعتذر له.. ولكن ماهي قادره تركز او تتذكر هي وش قالت بالظبط ,لكن كل اللي تحسه بانها غلطت بحقه كثير وانه يستاهل الاحترام منها.. اما نايف كان طالع من جلسته ,,ويوم شافها تفاجئ قرب منها ... وقال: ليه نزلتي؟ فاتن:تعبت من السرير والقعده نايف:لو سمحتي ارجعي ارتاحي لين تصيرين احسن وبعدها انزلي وروحي وين ماتبين"ومشى وخلاها" انقهرت فاتن لأنه ما عطاها حتى مجال تتكلم وراح وخلاها .. ماراحت وراه وفكرت بعقلها المغبر وين ممكن تغير جو.. فأكيد اخذتها رجلها للسوق,بدت تتبضع بجنون, ويوم تتعب تقعد ترتاح وتشرب لها قارورتين "كلك حركات" تبرد وتنعنش و تكمل... وبعدها حست بنشاط اكبر ولا حبت ترجع للغرفه فقررت تغير جو وتروح تشوف لها فلم بالسينما ومانتبهت للوقت اللي صار 10 بالليل ... وهي راجعه شافها مصطفى اللي يشتغل عند نايف... - ست فاتن انتي فين؟؟ فاتن:كنت بالسينما ليه وايش فيه؟ مصطفى: الكل كان بيدور عليك ,دنتي خوفتينا فاتن بعربجه:هههع لا ياقلبي انا ماينخاف علي ينخاف مني,وبعدين الوقت طار بالسينما ههع "ودق مصطفى على نايف يطمنه,ويقول له يرجع للجناح لأنه كان معهم يدور عليها.. واخذ الاكياس من فاتن وصلها للجناح وراح".. دخلت فاتن على طول واخذت لها دش سريع ..وطلعت بعدها هجمت على الاكياس وتشوف اغراضها..وتفاجئت بانها شرت اشياء قالت مابتاخذها.. ضحكت على نفسها على دخلة نايف من برا اللي وقف متربع يناظرها فاتن يوم شافته حكت راسها ويوم بتقول: كن قاطعها نايف: هذا ماينزل من شنطتك"عطاها جوالها" وراح على السريرومد جسمه . استغربت فاتن ان بس هذه هي ردت فعله , خلت اللي بيدها بفوضى على الارض ..وطفت النور ورمت نفسها على الفراش ونامت بأول عشر دقائق من التعب والمجهود اللي سوته .. اما نايف اللي ماقدر ينام ,ولع الابجوره اللي جنبه ..وقرب لفاتن اللي بسابع نومه وقعد يناضرها ويشوف ملامحها البريئه اللي تخفي شيطنتها وتمردها وراها.. يناظرها وهو يفكر شلون قدرت تصيطر على عقله وقلبه.. يناظرها وهو يحس بأنه بدا يحبها من كل قلبه .. مرر يده على وجهها وشال الخصله اللي مضايقتها وقرب اكثر وحبها ولا حست به .. بس هو حس ان قلبه نبضاته تزيد وان حبه من شقاوتها يقيد, غطاها زين وضمها وكان وده يخبيها بين اضلعه..بعيد عن هالعالم .. بعيد عن محمد.. حتى بعيد عن اخوها واهلها . ::::::::::::::::: اما بالرياض بيت اهل فاتن عائشه:خلاص يمه خليه براحته امهم:اه ياقلبي شكلي بموت وهو ماتزوج بدر: بسم الله عليك ,وش هالكلام يمه امهم وهي تقوم : اروح انام ابرك لي منك عائشه:ههه معك الرحمن,كلها نص ساعه ويجي فهد ياخذني بدر بصوت عالي: الله يطول عمرك يمه ,تصبحين على خشة ابوي عائشه:ههه حرام عليك فَرّح قلبها بدر: كل شي بوقته حلو عائشه: ياشين العناد اللي براسك انت واختك ذي العصله بدر:ههه الله يذكرها بالخير عائشه:ماقلت لي كتبت شي جديد بدر وهو يفكر بداليا ويفكر باللي صار مع محمد,ويفكر بحوسة الشغل: لا عائشه:ليه ترى لك فتره ماكتبت؟؟ بدر: ما اني قادر هالفتره هذه اركز بأي شي عائشه وهي تدق على زوجها : يمدي معجباتك بينجنون..الو فهد: اهلين شوشو كلها ربع ساعه وانا عندك عائشه:طيب باي فهد:هلا بدر:اقول عيوش عائشه:هلا بدر:ماتدرون عن بنت عمتي خلود وشلونها اخبارها؟؟ عائشه:مسكينه عائشه على الله بدر:... عائشه:ليه يعني!!غريبه تسئل عنها!! بدر: كنت ابي اتأكد صار اللي خايف منه وله لأ عائشه:وش تقصد؟ بدر:اللحين هي عند اخوها لانها تبي تغير جو بس؟ عائشه:لا هي اللحين بجده لانها تبي الطلاق منه بدر:اها يعني الكلام صحيح عائشه:أي كلام ؟؟ فهمني بدر:هذا ياطويلة العمر ,قبل لاتزوج خلود منه.. ويوم عَرفت من ابوي اسمه رحت اسئل واحد يعرفه عنه عائشه:ايوا بدر:وقال لي اياها بصريح العباره عائشه:وش قال لك؟؟ بدر:قال لي بالحرف نصيحه لا تعطونه بنتكم عائشه: معقوله!! بدر:طبعا ..هالكلام احد يمزح فيه؟؟ عائشه: طيب وليه قال كذا !!! بدر: قال تراه مو حق زواج ولاهو رجال ولا افعاله افعال الرجال عائشه:انت وش قاعد تقول!!!؟؟! بدر: مثل ما سمعتي <SPAN style="FONT-FAMILY: 'Arial','sans-serif'; FONT-SIZE: 18pt; mso-ascii-font-family: Calibri; mso-ascii-theme-font: minor-latin; mso-hansi-font-family: Calibri; mso-hansi-theme-font: minor-latin; mso-bidi-font-family: Arial; mso-bidi-theme-font: minor-bidi" lang=AR-SA><FONT size=6><FONT color=black><FONT face="Comic Sans MS">عائشه وهي منحرجه ولاتدري وشلون تسأل فقالت:يعني هو يهتم للرجال ولا يهتم للحريم/FONTSPA بدر:ايه ,هو ما يتزوجهم الا بس عشان شي واحد عائشه:وشهو بدر:انه يبان قدام الناس انه رجل ومافيه عيب ,وعشان يبعد عن نفسه سمعته الشينه وعلاقاته المحرمه عائشه وهي تمسك راسها :حسبي الله ونعم الوكيل,بس انت ليه سكت !! وليه ماقلت لهم؟؟ بدر:قلت له ,دقيت على خميس وحكيت له كل شي ,وقلت له انتبه لاتعطيه اختك .. واللي قال لي عنه يقرب له يعني الكلام اكيد ميه بالميه عائشه:حسبي الله بدر:أي والله ,ماغير يقول لي يصير خير وانا حتصرف وانا حتاكد وقعد يستهبل عائشه: معقول خميس بالدناءه هذه بدر:انا برّيت ذمتي وسويت اللي علي.,اللي صار بأخته وراح يصير بذمته هو عائشه:يامسكينه ياخلود..هذا الطيب ماله نصيب بهالدنيا بدر: عاد لا تقولين لها وتزيدين قهرها,خليها على عماها وتصر انها تطلق منه والله يعوضها خير عائشه: حسبي الله ونعم الوكيل :::::::::::::::: صباح المستشفى د/اسعد:صباح الخير داليا داليا بإبتسامتها الشرحه:اهلا دكتور اسعد صباح النور د/اسعد:بالحقيقه في خبر ممكن يكون مزعج لك داليا:الله يستر وش فيه د/اسعد:صراحه دكتور احمد يحتاج تكونين معه بالفتره الصباحيه لأن ممرضته صار عندها ضروف ولاتقدر تداوم الا بفترة العصر.. داليا فاتحه فمها:.. د/اسعد: لاتخافين بس الايام هذه داليا وهي تهز راسها بلا :لا لا انا ماراح ارجع مع الدكتور احمد شف وحده ثانيه بليز د/اسعد:انتي بنفسك شايفه ان هالفتره باللذات في نقص ولخبطه كبيره داليا:وليه مايشوف له ستر ثانيه غير اللي عنده د/اسعد:اسئليه هو رشحك داليا وبراءه:لا انا مابي د/اسعد وهو يروح:تفاهمي معه ,لكن انتبهي المدير موصينا عليه داليا:اهئ مابي اروح له "ضحك دكتور اسعد وهو بعيد لأنه كان يتخيل وجهها." جمعت ملفاتها فوق بعض وراحت له د/احمد:اهلا داليا وهي حاطه يدها بخصرها: من قال اني ابي اداوم عندك؟ د/احمد:انا قُلت داليا:لكن انا ماوافقت ,رشح أي احد غيري ,انا ماني بستر د/احمد:وانا ماطلبتك تضربي ابره او تكشفي على مريض,انا اللي ابغاه ترتبي لي الملفات وتنادي لي المرضى واشياء بسيطه. داليا:وانا مابي اكون معك د/احمد:خلاص اجل راح اشكي للمدير عصيانك ,وهو اكيد حيتصرف معاكِ داليا:تهددني؟ د/احمد وهو كاتم ضحكته على شكلها:لا انا ما اهددك انا ابغى صديقتي جنبي داليا وتحس انها تغلي : انت ليه تسوي كذا؟؟ د/احمد وبتجاهل لكلامها: ماقُلتِ لي.. حتداومي اليوم او من بكرا؟ "طلعت داليا من غير ماترد عليه ,وهي مختلطة الشعور.. كانت تبي تبتعد عنه لين يحس بقيمتها.. كانت تبي تبتعد وتعالج كبريائها بعيد عنه .. كانت تبي تبتعد عشان مايبان عليها تعلقها فيه.. ولكنه فاجئها ..ومنعها من الابتعاد.. حست بخوف من فكرة قربها منه ..شكت من تصرفه واصراره على انها تكون حوله ,بانه يكن لها مشاعر.. وشالت هم ..كيف ممكن تكون قريبه منه وبنفس الوقت تقول له ماتبيه وهي قلبها يموت فيه... :::::::::::::::::::: دبي قامت فاتن وهي مكسره من اللف بالسوق ,وحست ان راسها ثقيله مع ذلك قامت وخذت لها دش وشافت نفسها بالمرايا ,ابتسمت يوم شافت الكدش بشعرها اشتاقت له ولا مشطت شعرها بالعكس رتبته اكثر بس بيني وينكم يجنن عليها ,وسمعت لجرس الجناح يدق ويدق ويدق .. توقعت انه مافي احد وراحت تشوف من العين لقتها بنت لابسه جكت رسمي وتنوره قصيره وضيقه مره ,حلوه طويله وبيضاء واثقه من نفسها موت,فتحت لها فاتن فاتن: نعم؟ لارا:بنجوغ.. انتي جوزت استاز نايف فاتن بإستغراب:اها لارا:ممكن تخبريه اني اجيت؟ حكت فاتن راسها لانها ماتدري ان كان بالمكتب او لأ فقالت:اوكي انتضري هنا لارا:اوكي راحت فاتن تفتح المكتب ولقته فقالت :نايف نايف وهو يقرا بالورقه:نعم فاتن: في وحده ماصخه وثقيلة دم تسئل عنك نايف وهو مندمج بالورق ولا ناظرها: خليها تدخل لو سمحتي فتحت عينها فاتن :هنا؟ نايف: طبعا هنا "راحت فاتن مقهوره من سفهانه لها وقالت لها تدخل,ويوم دخلت كانت فاتن تراقب مشيتها الانيقه اللي رجل تسبق رجل والجسم يتمايل معها ,قامت فاتن تعايب من وراها على مشيتها وتذكرت داليا اللي دائما تنصحها بهالمشيه ودقت عليها" داليا اول ماشافت اسمها نست كل قلقها :قلبو فاتن:هلا اخبارك؟ داليا:تمام مشتاقه لك فديت عنونك ,انتي طمنيني عنك ؟ فاتن:تمام داليا:كيفك مع زوجك يابنت؟ فاتن:هع داليا:هههه وش اللي هع انتي ماراح تبطلين حركاتك ههههه ,بالله سمعيني ضحكتك اشتقت لها فاتن:والله ماودي اضحك داليا:ليه وش فيك قلبي؟ فاتن وهي نضرها على المكتب من بعيد والباب ينقفل بشكل تلقائي:مستفز داليا:همم؟؟!! فاتن:شديد,وحازم,ومستفز داليا وهي تجاريها وكأنها داخله بعقل فاتن قالت: ولكنه جنتل وحبوب وامم طيب فاتن وهي تسمع لصوت الحرمه:قاسي ومغرور داليا:ههههه بس محترم وفي واصيل صح فاتن وهي توها تنتبه لكلام داليا:وجع كيف عرفتي داليا:ههههه مو انا انتي.. وانتي انا فاتن:اه يادالي انتي مافي مثلك ثنتين داليا:هههاي ادري فاتن:ههههههههع ,قولي لي كيفك وش صار معك ماقلتي لي وش كان يبي منك احمد؟ داليا وهي تتذكر :اه على اللي صار فاتن وركزت مع داليا وبإهتمام: وش صار؟؟ ""وبدت داليا تحكي لفاتن وتشكي لها عن كل اللي تحس به هالفتره واللي صار معها"". ::::::::::::::::: اتصال من جارح:ياعبود ترى ماصارت عبادي:ياحبيبي انت شايف الوضع,كل شوي وهو طاب بلد ولازم اكون معه "يقصد مديره" جارح:انا ماشفتك امس واليوم تبي تسافر؟؟ عبادي:طيب وش اسوي جارح:خذ اجازه عبادي:ياجارح والله ماينفع قبل اسبوعين ماخذها وعشانك جارح:وكم راح تقعد بهالسفره عبادي:هالمره هذه شكله مطول وراح نقعد شهر جارح:لا عز الله مانت صاحي عبادي:طيب ليه ماتجي وتلحقنا ؟؟ جارح:ملتزم بشغل ماراح ينفع عبادي:انا ما ودي اخليك لكن الضرف اقوى مني جارح: امري لله ,شكلي بجيب العله هذه عبادي:مع انه ماودي ,لكن دامك بتقعد لحالك خلها تجي على الاقل تخدمك جارح:ماراح تقدر تمر تسلم علي بالليل عبادي:راح احاول,لكن ما اوعدك جارح:زين اجل..حاول عبادي:يله حبيبي سلام جارح:الله يسلمك ::::::::::::::::: نرجع لفاتن وداليا فاتن:دالي لاتسرعين بحكمك ,ممكن هو خانه التعبير وفهمك الموضوع بشكل مايقصده داليا:بالعكس احسه قال عن اللي يدور بقلبه من غير كذب,وكأنه يقولي انتي بدالها لانك مثلها <SPAN style="FONT-FAMILY: 'Arial','sans-serif'; FONT-SIZE: 18pt; mso-ascii-font-family: Calibri; mso-ascii-theme-font: minor-latin; mso-hansi-font-family: Calibri; mso-hansi-theme-font: minor-latin; mso-bidi-font-family: Arial; mso-bidi-theme-font: minor-bidi" lang=AR-SA><FONT size=6><FONT color=black><FONT face="Comic Sans MS">فاتن:دالي مافيه احد مثل احد,ان كنتي تذكرينه بها مو معناه انه مجبر يحبك او يتقدم لك,صدقيني هو لو مايحس بشي تجاهك كبير ماكان طلبك للزواج/FONTSPA داليا:تشوفين اني اعطيه فرصه فاتن:عطي للأيام اللي بتقظينها معه فرصه داليا:احسه هو اللي صرف جينا عشان اكون معه فاتن:هع عيني ياعيني "وتذكرت انه للآن الحرمه عند نايف" اقول دالي اكلمك بعدين اوكي داليا:اوكي حبيبتي باي وراحت تسمع من عند باب المكتب والهدوء كان يعم الاجواء ,, دقيقه وثلاث وخمس ونفس الهدوء ومالهم لاصوت ولاحس!!!!ماجا في بالها غير خيانة محمد لها.. وفتحت الباب بقوه بحيث ان نايف ولارا خلوا اللي بيدهم وعيونهم على فاتن !!!! اما فاتن يوم شافت نايف على مكتبه ولارا بالكرسي البعيد عنه وكل واحد قدامه مية ملف ,شبكة يدينها من الفشله وابتسمت ابتسامه غبيه لنضراتهم اللي تقول "وش فيه؟؟" وقالت:امم سوري توقعتكم رحتوا لأني ماسمعت حسكم نايف وهو يقفل قلمه :ممكن تخلينهم يجيبون لنا قهوه؟ لارا:لا تأبرني انا بدي عصير فرش فاتن وهي ودها تسطرها: ماتبين معجنات بعد؟؟ لارا: لا حياتي كلك زوق نايف ويخفي ابتسامته:انا راح ادق اطلب منهم..خلاص انتي روحي ارتاحي فاتن: لا انا ماراح اقعد هنا بطلع لارا:على فكره الجو برا بيعئد فاتن وتقول بنفسها الله يعقد راسك:اهمم نايف ورجع يناظر بالورق: راح اخلي احد يجي معك يدلك,او اذا حابه تنتضريني ساعه بس.. بعدها بكون خلصت . فاتن: اها "طلعت فاتن متجاهله كلامه,حضرت نفسها بسرعه وراحت لحالها ومن غير مايدري انها طلعت اصلا" ::::::::::::::: جده بيت خميس تهاني: دحين ايش قُلت؟ خميس وهو يشرب الشاي: ايش تبغيني اقول؟ تهاني:اقول لك لازم جارح يطلق خلود خلاص ايش يبغى بها ,لا يبغى يجيب منها عيال ولا حتى يحبها او يبغاها خميس برود:طيب؟؟ تهاني: ايش هوا ياخميس مايبغى لها ,لا زم تتكلم معاه خميس: عارفه من جد انتوا يالحريم عقلكم قد الفستدق تهاني بإستغراب: يعني ايش؟ خميس:يعني ماراح اساعد بطلاق الهانم خلود ,وبعدين دامها تبغى تتطلق ليه ماجات هي بنفسها تكلمني ليه راسلة حضرتك تهاني: لأن خلود ماعندها الجراءه تتكلم معاك خميس:اجل وصلي لها انوا مافي طلاق وترجع لزوجها احسن لها واستر لها تهاني:اقول لك هوا مايبغاها ,ولايحبها ,انت ايش بك كيف قاعد تفكر خميس:افكر بعقل مو زي تفكيركم السطحي,دام انو معيشها بيت لحالها ويصرف عليها وكل اللي تبغاه عندها ايش تبغى كمان تهاني: اقولك الرجال مايبغاها ولامديها حقوقها خميس:تصبر الرجال تعبان تهاني:ايوا تصبر اذا كان تعبان مو يتضاهر التعب قدامها خميس:انتو بس تحبوا تكبروا الموضوع تهاني: انت ليه بتلف وتدور؟؟ البنت ماتبغاه انتهى. خميس:لا ياحبيه امك ماينتهي ,لأن الطلاق مو سهل ,وبعدين تفكري لو تطلقت حيجي احد يخطبها تهاني:وليه مايجي احد يخطبها خميس:خلاص المطلقه مالها مكان دحين ,اذا عندها عيال تربيهم واذا ماعندها تقعد بحلق اهلها قالت تهاني وهي قايمه: انت هذا هو اللي شاغل همك وتاعبك ماتبغاها تقعد عندك هأ ,لكن اتأكد من شي واحد انا مستحيل اسمح لجارح يرجّع خلود خميس: يعني ناويه تخربي بيت اختك؟ وهي تطلع :اصلا هي ماعندها بيت. ::::::::::::::::: جمعة صبايا بس هالمره كانت معهم دالي اللي اول ماخلصت من شغلها راحت لهم.. حبت تهرب من افكارها.. وتهرب من التفكير فيه ... اريج: يالجزيره ويه اخر اخبارش ابتسام:ههههه لا وانتي الصادقه وش اخبار رجلك اريج:تلاقيه يدعي على اللي عرفوا عليها هالملقوفه فوزيه وهي حاطه يدها على خدها:ايه كملوا سماجه وش بعد؟ داليا:هههههه لا لا ياصبايا ترا الا فوز فوزيه:يافديت الذوق كله ابتسام: ههههه الا وش اخبار فتون؟ فوزيه:ماعليها تسقح كلمتها امس اريج:الا فوز ماسمعتي شي عن سمر؟؟ "تضايقت داليا وبنفس الوقت حبت تسمع اخبار صديقتها سابقا" فوزيه:يقولون انها حامل ,وكانت نفسيتها سيئه جدا قبل لايظهر زوجها الله لايبلانا اريج:واللحين كيفها؟ فوزيه:مادري,بس انا اللي سمعته من الحريم انها تموت فيه وماعندها سيره غيره ابتسام:وين رحتي داليا: انا معكم اريج:لحين زعلانه منها؟ داليا:بالعكس انا زعلانه عليها ,خَسرت كل صداقتها ,وخسرة احترام الناس لها وكل هذا عشان انسان خاين مثل محمد,اتحدا لو كان يحبها <SPAN style="FONT-FAMILY: 'Arial','sans-serif'; FONT-SIZE: 18pt; mso-ascii-font-family: Calibri; mso-ascii-theme-font: minor-latin; mso-hansi-font-family: Calibri; mso-hansi-theme-font: minor-latin; mso-bidi-font-family: Arial; mso-bidi-theme-font: minor-bidi" lang=AR-SA><FONT size=6><FONT color=black><FONT face="Comic Sans MS">فوزيه:تقصدين انه يحب فاتن للحين؟/FONTSPA داليا انتبهت لكلامها فقالت:لا مو قصدي بس امم اتوقع, انا وش دراني؟؟ فوزيه وقربت من داليا: اقول وش صار مع حبيب القلب؟ داليا:ها من حبيب القلب؟ فوزيه:لا علي انا.. اقصد د/احمد؟؟ داليا:ولا شي بيني وبينه ..فوز وش فيك الله يهديك وش قاعده تقولين فوزيه:اقول يوم خليتيني اسئله عن حياته الشخصيه ليه لقافه؟؟مو اهتمام داليا:فوز جد ماعندك سالفه فوزيه:هههههه أي صح عموما,انا موجوده وتحت الخدمه اذا تبين تعرفين شي مستعده اروح له مره ثانيه داليا:لا لا مابي اعرف شي ولا يهمني بشي فوزيه:استهبلي انا عاد اللي صدقتك :::::::::::::: دبي يوم شافت ان الساعه صارت 9 الليل رجعت للفندق وكالعاده قبل لاتطلع شافت مصطفى: ياست فاتن ,خوفتينا عليك انتي ليه مابترديش على موبايلك فاتن:لأني نسيت الجوال بالشاحن,وبعدين ليه خوفتكم انا قلت لنايف اني بطلع مصطفى وهو يدق على نايف:ماعرفش هوا قال ندور عليك ,الو استاز نايف ,ست فاتن هنا,, - اوكي ,سلام فاتن:هههع انا طالعه احط مصطفى:احط ؟؟!! إي دا؟!!! "وطلعت فاتن تاخذ لها دش لأنها دجت بالجزيره على كيف كيفها وبعد نص ساعه جا نايف ,وفاتن كانت تقرا رسائل البنات وتضحك" نايف وهو يناضرها من مده :انا مو قلت لك خلي جوالك معك؟ فاتن:بسم الله فجعتني نايف ويحط يده ورا ضهره :ليه مانتضرتي احد يروح معك,او انتضرتي لين اخلص شغلي؟ فاتن:ماحبيت اخرب عليك جوك ,وانا ادري انك مشغول نايف:قايل لك قبل ان عندي شغل بكره وحبيت احضر معها الاوراق وهذا كل شي, فاتن لو طلعتي مره ثانيه من غير اذني وموافقتي ماتلومين الا نفسك فاتن ماعجبها الكلام وكملت تقرا بالرسائل نايف رجع لهدوئه:وين كنتي؟ فاتن:شفت الدلافين و تمشيت شوي نايف:يعني ماقابلتي احد؟ فاتن وهي تناضر له بإستغراب :مثل من؟ نايف:مادري عنك فاتن:انت ليه تعاملني كذا وش هالتلميحات السخيفه نايف:عطيتك الثقه اول ماتزوجتك وللأسف هزيتيها ,فلا تلوميني بأسئلتي فاتن بغيظ: يعني وش تقصد انت تشك فيني؟؟؟ نايف:انا اثق بأن اخت بدر انسانه محترمه ,ويوم عرفتك عرفت انك محترمه بس.. طايشه فاتن بنفسها تقول ياكثر فلسفتك :اف "وقالت بعربجه" شف دام بقلبك كلام قوله كله وخلنا نتهي من هالتلميحات والتجريح نايف: اول شي لازم تطيعيني فاتن:.... نايف:ثاني شي تغيرين طريقة تعاملك معي فاتن: بصراحه انا ماعرف وشلون اتعامل معك,انت عقليه وشخصيه غريبه نايف وبإبتسامة سخريه: صدقيني مو هنا المشكله فاتن:اجل وين؟ نايف:انا معك اننا بداية حياتنا مع بعض وللان ماعرفنا طريقة تفكير كل واحد منا .. فاتن:... نايف:ولكن سبب الفجوه يافاتن مو هذا "وقرب جلس مواجهها" سبب هالمشاكل ان قلبك مو معي ولا لي فاتن وتحس ان حرارة جسمها ترتفع:انا خلاص انتهى محمد من حياتي نايف:على الاقل ناضري بعيني وانتي تقولين هالشي فاتن وتحاول ترفع نضرها لنضره: انا ماعاد يعني لي محمد نايف:ماعاد تحبينه؟ فاتن:لأ نايف:عشان كذا كل ماقربت لك بعدتي وكل ماسامحتك تصدي فاتن:.... نايف:.... فاتن:صدقني ماصار يعني لي . نايف يناضرها بقل تصديق:... فاتن:اقول لك ليه خليته يطلقني نايف:... فاتن:لانه خاني ,وعمري ماراح اسوي مثله واخون ,اللي يصير غصب عني محتاجه وقت ومحتاجه صبر ,والله مابإيدي شي نايف وهو يناظر عيونها:انتي عنيده فاتن:وانت بعد نايف:انا انسان كل ماقدمتي لي اخذتي من غير حسبان,عطيني قلبك وانا مستعد اعطيك عمري يافاتن فاتن:... نايف: فاتن انا كل اللي ابيه بحياتي معك الاستقرار والراحه,مابي شي اكثر فاتن وتحس بطيبته:لاتقول فاتن نايف:... فاتن: قول اميرتي نايف وهو يبتسم:اميرتي ,وقلبي,وروحي بعد فاتن وهي تناضر للارض: احم من امس كان ودي اعتذر لك نايف وهو يمسك بخدها:على ايش؟ فاتن:على الكلام اللي قلته يوم كنت معصبه نايف:اني ضالم وقاسي فاتن:بس نايف:ليه خليني اكمل,واني اناني ,وانك ماتحبيني وان فاتن تقاطعه:يوه خلاص لاتحسسني بتأنيب الضمير نايف وهو ذايب بها:تدرين وش ودي؟ فاتن:وشي؟ نايف:اني اخذك عن العالم بمكان ابعد من يد البشر ,ماحد يشوفك الا انا ولا احد يسمعك الا انا ولا احد يحبك ويحس فيك الانا,ودي اخبيك بداخل اضلعي يافاتن فاتن وهي تشوف بعيونه الصدق:ليه تحبني لهالدرجه؟ نايف:انا ماقدر اجاوبك ,اسئلي قلبي اللي كان السبب فاتن:.... واللحين انقطع الحوار ولازم نطلع ونقفل الباب ورانا. :::::::::::::::: حاول ينام لكن ما قدر.. يحس بالوحده.. بالضيق..مايبي ينام ويحلم مثل امس كان يحس ان السماء راح تطيح عليه وتكتم انفاسه.. كان يصرخ ويحاول يقوم لكن ماقدر.. كان يشوف الموت بعيونه ولايقدر يسوي شي ... وبعد ماعاش تفاصيل الحلم اللي اذاه قام وهو يستنشق بصعوبه ويحس بنبظات قلبه تدق بقوه وانه من الخوف مو قادر يقوم يجيب له مويه يشربها... كان يشوفه حقيقي واقعي وكان يحس بكل شي فيه...ويخاف ينام ويحلم بمثله.. اخذ جوله شاف ان الساعه 12 الليل فدق عليها.. ويوم شافت رقمه بدا قلبها يدق.. ويدق .. ويدق.. مو من الفرحه ..لأ.. كان يدق من الخوف وردت:الو!! جارح:سلام خلود بضيق:اهلا جارح: بكره ان شاء الله بأكد لك الحجز عشان ترجعين خلود:.... جارح:سمعتي خلود:ا ..انا ا جارح:رجعنا للاا والتأتأه,تكلمي زين خلود وهي تبلع ريقها: انا ماحرجع جارح:ليه وش عندك ان شاء الله؟؟ خلود:... جارح بصراخ:تكلمي خلصينا وش عندك؟؟ خلود:انا مابغى اعيش معاك جارح:نعم!!! خلود:.... جارح:اسمعي تراني طفشان واخلاقي مقفله لاتخليني العن والديك خلود وبدت ترجف:الله يرحمهم لو عائشين ماكان سويت فيني كدا جارح:انتي اصلا حماره وانا اللي داق عليك وين اخوك ذا المعتوه خلود:... جارح:اخلصي علي وين اخوك؟ خلود:نايم بدا الوقت ,واصلا انا ماني عندوا جارح:ها اجل وين صايعه بهالليالي ,جعلك بكسر ان شاء الله خلود وهي تدمع:ا انا عند تهاني جالسه جارح:انتي اصلا صايعه ضايعه لكن انا اللي بربيك"وقفل السماعه" <SPAN style="FONT-FAMILY: 'Arial','sans-serif'; FONT-SIZE: 18pt; mso-ascii-font-family: Calibri; mso-ascii-theme-font: minor-latin; mso-hansi-font-family: Calibri; mso-hansi-theme-font: minor-latin; mso-bidi-font-family: Arial; mso-bidi-theme-font: minor-bidi" lang=AR-SA><FONT size=6><FONT color=black><FONT face="Comic Sans MS">"قامت خلود لباب تهاني وبعدين ركزت ان زوجها معها فرجعت غرفتها ودقت عليها,فزت تهاني تشوف من يدق عليها وشافت رقم خلود وراحت لها تجري..هدّتها وعدتها ان الامور راح تنحل وانها ماراح تسمح لجارح يرجعها للعذاب"/FONTSPA :::::::::::::::: صباح جده مكالمه من .. وليد: والله ماني عارف بس المبلغ اللي بحسابك مره قليل ولا راح ينفع ناخد المناقصه بالسر خميس:طيب كم طالب منك الرجال عشان يمشي لنا الامور؟ وليد:قال ازا حندفع كاش حياخد 40 الف خميس:وليه 40 الف ياوليد؟؟ وليد:دا طلبوا وبالنهايه احنا اللي نبغاه واحنا المستفيدين منوا خميس:ومن وين حدبرها كاش؟؟ انت عارف البيت قد ايش بياخد مني وليد:والله ما اني عارف خميس:طيب خليني اشوف دحين وارد عليك بعد شويه وليد:خلاص استناك عشان ارد على الرجال خميس:يصير خير "قفل السماعه وراح يدَور سميره ولقاها تلبْس العيال للمدرسه,وي خلصت ونزلوا الصغار للباص,دق جواله .. ويوم قرا اسم جارح عطاه مشغول ,, وقرب لسميره" خميس:حبيبتي سميره:ايوا خميس:انا محتاج مبلغ وحرد لك هوا اول ماخذ المكسب سميره:مني؟وانا من فين لي؟؟ خميس:حبي الدهب والمجوهرات اللي عندك ماتنعد ولاتحصى سميره:يوه انت حتمن علي بشوية الهدايا اللي تجيب لي اياها خميس:ياحبيبتي مو كدا,بس انا محتاج المبلغ ضروري ولا عندي وقت اضيعوا سميره:وكم تبغى؟ خميس:40 الف سميره مسكت راسها :ايش؟؟؟ من جدك خميس:.... سميره:وتبغاني ابيع كل المجهورات دي عشانك؟؟ خميس:بإذن الله حجيب لك غيرها بس خلي ربي يوفقني بهالمناقصه,وانا حدلعك ياسمور سميره بتردد:واذا ماتوفقت ايش حيصير؟؟ خميس:لاحول ولاقوه الابالله,انتي ايش بك دائما متشائمه؟؟ سميره:لا ياحبيبي بس اخاف يروح الدهب ولايرجع خميس:انتي لاتخافي ولاتشيلي هم ,اللي عليك انوا يرجع لك دهبك وزياده عليه سميره:والله ماني عارفه ايش اقول لك خميس: .... سميره وبعد تفكير:طيب لاتزعل خد اللي يكفيك ,بس ترجّع لي اياه خميس: خلاص ياسميره حيرجع "قامت سميره بدون نفس, وهي تجر رجلها جر تجيب له بعض من اطقمها" :::::::::::::: دبي و عند عصافيرنا مسك نايف فاتن من خصرها وقربها له وقال:ماودي اطلع واخليك فاتن: اجل لاتروح نايف:ليت ينفع لكن اليوم اجتماعنا مهم وبعده راح افضى لعيونك فاتن وتحك راسها:طيب يله روح نايف:ماني قادر اخليك,وش رائيك تجين معي فاتن بغباء:عادي؟؟ نايف بإبتسامه حب: ههه لا طبعا تدرين ليه فاتن:... نايف وهو يهمس بإذنها: اخاف عليك من عيونهم فاتن:.... نايف وهو يضمها بحنان :اميرتي فاتن:... نايف: والله احبك فاتن:... نايف:اميرتي فاتن وتحس انها محرجه:خلاص روح نايف :اروح؟؟ فاتن وهي تبعده عنها: ايه لاتتاخر نايف: لا أتاخر عليك من بعد الاجتماع او لاتاخر اللحين عن موعدي؟ فاتن:.... نايف: اه ياقلبي ماراح تقولين لي شي؟؟ فاتن:... نايف:أي شي فاتن وهي تبتسم:إلا ابتسم نايف وقرب لها متشوق لكلمتها فقالت... - مم ابي اقول لك اني بطلع نايف وهو يمسك راسه:ههههههههههههههه يالله انا ماقدر على هالرومانسيه كلها فاتن: هههههههههههههع ناظر نايف لطبيعتها اللي يحبها وهي تضحك ..وعطاها الثلاث بوسات وقال :روحي مكان ماتبين فاتن:ماتبي تعرف وين؟ نايف:اهم شي ماتبعدين عن هنا ..ولاتنسين جوالك فاتن:اوكي نايف :مع السلامه فاتن: مع السلامه " وقفت مكانها تناظر له الى ان خرج وقفل الباب.. راحت على المرايا تشوف نفسها وهالمره باللذات شافت انها متغيره .. ولقت انها حابه هالتغير ..وحابه تتغير اكثر .. غمضت عيونها وتذكرت شكله وابتسامته وهدوءه .. وحست براحه بدت تحس معه بالامان.. وبدت تحس بأهمية وجوده.. بدت تشوف الامور بوجهة نظره.. وبدت تخلي قلبها حر ,ويختار ومتحرر من كل اللي فيه... لبست بسرعه وهي طايره من الفرحه.. وطلعت من الجناح تدور بكل مكان تاخذه لها رجلها, وتحس بانها مبسوطه ومرتاحه ومستمتعه بوقتها لنفسها.. ساعه وثنتين وثلاث واربع.. وقررت بعدها ترجع للفندق وتنتظر نايف.. وتنتظر منه الكلام اللي حرك بداخلها السكون.. نظراته اللي غيرت نظرتها بشخصيتها.. تنتظر هدوءه صوته رومانسيته معها .. ::::::::::::::::::::: بيت فوزيه كانت فوز مشتهيه تاكل حلى من اللي تبدع فيه .. ودخلت للمطبخ وهي معليه على صوت المسجل منطربه ,باللذت ان ماجد لسه ما جا من برا.. ولكن فجئه انقفل المسجل والتفت فوز وتشوف ماجد وهو طالع من المطبخ لغرفة النوم .. استغربت انه حتى ما سلم!! وراحت وراه..وقالت - ماجد - ماجد "غير ملابسه وانسدح على السرير من غير مايرد عليها " فوزيه: حبيبي وش فيك ماجد:... فوزيه:ماجد ماجد:اف فوزيه:صار شي؟؟علمني وش فيه؟؟ "تغطى ماجد.. وقلب نفسه بعكس اتجاهها وخلى فوز واقفه مكانها مذهوله .. طفت النور وطلعت جلست على اول كنبه قدامها ودمعتها بعينها.. تحس انها مكسوره ومقهوره ..ولاول مره تواجه هالموقف معاه.. وقعدت تفكر وش سوت او وش قالت واذا كانت هي السبب بضيقته.. حطت يدها بفمها وتذكرت يوم زلت بلسانها وقالت لامه انه متضايق من تصرفات اخته..وقالت اكيد هذا السبب.. وبعدين فكرت اكثر ..وتذكرت انها مقابله زوجة صديقه وعلمتها عن طباع ماجد..وقالت اكيد ان هذا السبب.. وبعدين وبعدين وتذكرت وتذكرت.. حست بأنها مقهوره ولاقادره تسكت اكثر ودخلت عليه ولعت النور وقالت: ماجد ماجد:.. فوزيه: ماجد قوم كلمني ماجد وبصوت متضايق :خليني واطلعي وطفي النور فوزيه ناظرته فتره ودها تتكلم ولكن مادرت وش تقول.. طلعت وجلست بنفس الكنبه وهي زعلانه وتحس بقهر وافكارها توديها وتجيبها.. :::::::::::::::: نرجع لفاتن <SPAN style="FONT-FAMILY: 'Arial','sans-serif'; FONT-SIZE: 18pt; mso-ascii-font-family: Calibri; mso-ascii-theme-font: minor-latin; mso-hansi-font-family: Calibri; mso-hansi-theme-font: minor-latin; mso-bidi-font-family: Arial; mso-bidi-theme-font: minor-bidi" lang=AR-SA><FONT size=6><FONT color=black><FONT face="Comic Sans MS">اللي كانت راجعه للفندق/FONTSPA وهي راجعه حست بانه في شي لازم تسويه .. فيه شي لازم تبدا فيه.. وفي شي مقصره فيه..ولقت بأنها تدين لنايف بأكثر من إعتذار ولازم يسامحها من كل قلبه ..ولازم ينسون كل شي صار.. وفكرت انها تشتري له هديه.. وفعلا دخلت لاول محل شافته لبيع الساعات الرجاليه ,وشافت ساعه فخمه قريبه لذوق نايف فسالته :how much this فلقت صوت من وراها قال:و how much اشتقتي لي ؟؟؟ :::::::::::::: اشتياق.. جنون.. واكثر من مفاجئه.. ومزيد من كشف الأقنعه.. بارت قوي وهو البارت الجاي اكيد يهمني اقرا اللي يدور بالكم كونوا بالقرب دمتم كما تحبون فتومه |
|
|
#55 |
|
|
رد: ضمني وخبني بين اضلعك,, بقلمي
البارت رائع
والقصه اروع وكاتبه القصه اروع واروع نتمني ان البارت الجاي ينزل بسرعه |
