ازياء, فساتين سهرة


العودة   ازياء - فساتين سهرة و مكياج و طبخ > أقسام عامة > قصص و روايات > روايات مكتملة
تسريحات 2013 ذيل الحصان موضة و ازياءازياء فكتوريا بيكهام 2013متاجر ازياء فلانتينو في باريسمكياج العين ماكياج دخاني makeup
روايات مكتملة ضمني وخبني بين اضلعك,, بقلمي يوجد هنا ضمني وخبني بين اضلعك,, بقلمي هنا تنقل الروايات المكتملة فقط

فساتين العيد


 
قديم   #36

فتـــو


رد: ضمني وخبني بين اضلعك,, بقلمي


ضمني وخبني بين اضلعك,, بقلمي

قراءه ممتعه
بارت 24
بالقصر وبعد الزفه اللي اربكت الجميع..
اصاله دقت على محمد: حبيبي
محمد:هلا يمه
اصاله:يله خذ زوجتك وروحوا على الفندق

محمد وهو يناظر ساعته : مو قلتوا الزفه يبيلها وقت !! عموما يله انا رايح للسيارهp
اصاله:اقول محمد
محمد:هلا
اصاله:ارئف بنت الناس وحافض عليها وانا امك
محمد:يصير خير يالغاليه يله
قفلت اصاله ودخلت على سمر الغرفه: قومي يابنيتي وحاولي تنسين اللي صار
سمر وهي تصيح:كيف وليه يصير كذا؟؟ليه ياخاله ليه
اصاله:تبين نصيحتي
سمر:....
اصاله:دامك تحبين محمد ,ومحمد يبيك وجاك وطلبك بالحلال ,انسي كل شي وفكري بحياتك معه وبس, وخلي كل شي صار ورا ضهرك
سمر بإنكسار :معقول ذاك صوت محمد,معقول انه كان يتكلم علي!! معقول ذاك صوت فاتن؟!!!
اصاله:....
سمر:دامه مايبيني ليه جا وطلبني؟؟ليه
اصاله:لا انتي ولا انا متأكدات من صحة ذاك التسجيل, باللذات ان مسؤولة المسجل مالقيناها!!! فلا تخربين ليلتك بإيدينك
سمر: خلاص خربت ليلتي,ماشفتي الناس ونظراتهم لي؟؟ماشفتي؟؟
اصاله:وانا امك الناس لو صار شي او ماصار,, راح يطلعون كلام وعيب بالليله,لاتفكرين بكلام الناس
سمر:....
اصاله:توني مكلمه محمد وكان طاير من الفرحه
سمر:...
اصاله وتبي تخف عنها:وعاد تدرين ..من يوم شافك اصلا وهو متحمس لهالزواج,وسعيد بانه ارتبط فيك
سمر وهي تمسح دموعها:جد؟؟
اصاله:ههه ايه جد واكيد بعد,قومي وانا امك امسحي دموعك وضبطي مكياجك وروحي لرجلك اللي يمديه ينتظرك على نار
سمر:....
اصاله: قومي وانا امك
قامت سمر وهي تحاول تنسى وتسمع لنصيحة اصاله,,وتعتبر انه مافي شي صار ..
قامت وحاولت تصدق انه تسجيل مُغرض ولايعني شي..
قامت وهي تحاول تنسى اللي صار قدام الناس ...
وتحاول تفكر بالانسان اللي حبته بكل مافيها ...
راحت مع محمد الفندق بهدوء ولاجابت سيره عن اللي صار..ولاكأن فيه شي صار
اليوم الأول كان صعب..
والثاني بدت تنسى من فرحتها بحبيبها
اما اليوم الثالث فهي فعلا نست ..وكل اللي يهمها حبيبها اللي قدامها
وصار لها وصارت له؟
:::::::::::::::::::
بثالث يوم تدق فوزيه على فاتن..
فاتن وهي مالها خلق: هلا بالعروس
فوزيه:فتون الله واكبر عليك كل ذا يصير ولاتقولين لصديقتك
فاتن:وش صار؟؟وش فيه
فوزيه:سوي انك هبله ولا انتي فاهمه شي.
فاتن وهي تحك راسها :فوز وش السالفه؟؟
فوزيه:اللحين تدرين ان محمد بيتزوج سمر ولاتقولين لي بلعتها,لكن اللي سويتيه فيها وما تقولين لي ... هذه كبيره
فاتن:ها!! ا انا وش سويت
فوزيه:يوه على الهبل اللي مايليق عليك,بس تدرين بنت ابوك كفوها وتستاهل,اصلا انا لو مكانك يافتون كان حرقتها وحرقته مو بس خرّبت زفتها
""فاتن هنا شرد ذهنها و تذكرت..
يوم طلبت من بدر يوديها على قصر الافراح اللي بتقوم فيه ليلة سمر..
وتذكر شعورها بالانسكار والخيانه والقهر والغضب..
وتذكر يوم فصخت طقمها وطلّعت من بوكها المبلغ اللي عطته المسؤله عن الزفه عشان ترضى انها تاخذ منها جوالها اللي فيه التسجيل وتشغله بنص الزفه"
فوزيه: هي وين رحتي؟؟؟
فاتن: ها ا انا معك
فوزيه:طيب وش راح تسوين بعد ,قولي لي وانا اساعدك افا عليك
فاتن:وش بسوي ,ماراح اسوي ولا شي اصلا خلاص لاسمر ولامحمد يهمني
فوزيه:اما خلاص بتسكتين
فاتن:اه يافوز ابي افهم في عروس بالدنيا تدق على صديقاتها تسولف ثالث يوم زواجها؟؟؟
فوزيه:ههههههههههه ايه انا ماصدقت ان الحبيب طلع ..واللحين بدق على الحضرميه اللي جوالها مشغول مادري تكلم من؟؟
فاتن: لهالدرجه ماتبين شي يفوتك
فوزيه:أي افا عليك,اصلا انا توني ماخذت الاخبار الكامله
فاتن بابتسامه:والله انك عجيبه
فوزيه:اوكي اكلمك بعدين وبقول لك عن شعور سمر يوم خربت زفتها ههههههه
فاتن: اوك احطي
فوزيه:ههه طيب باي
قفلت فاتن وتمنت انها ماردت ولاتذكرت اللي صار ...مع ذلك حاولت تكذب وتبين لنفسها انها قويه وانها تخطت مرحلة الحزن..
وقامت تقعد مع اهلها ولكن..
جسد بلا روح..
جسد بلا مشاعر..
جسد بلا استيعاب..
:::::::::::::::::
بيت جارح
راحت خلود للمجلس تنادي جارح للغداء وقفت يوم سمعت صوته..
هادي..
ناعم ..
ذايب..
صوت عاشق ..
صوت ماقد سمعت جارح يتكلم فيه..
لِين وضعف..ماقد توقعت ان جارح ممكن يتصف فيه..
سمعته وهو يقول...
- ليه ياقلبي بس؟؟
- لو بيديني اللحين ماكان جيتك يعني؟؟
- ومن قال ؟؟
- بالعكس ,لكن وش اسوي عندي هالمصيبه هنا ,ولاني قادر اتحرك مثل اول
- ليه؟؟
- اكيد
- يعني اكيد
- خلاص يابعدهم
-انا بسفرها بعد شهر ونشوف
- ههههههه افا!!! من متى انا اكذب عليك؟؟
رجعت خلود خطواتها الثقيله لورا..وهي تحس انفاسها تثقل عليها ,وماحست غير بدموعها المالحه ماخذه مجراها على خدودها ..
رجعت وخذت معها انكسارها ..وكرامتها ..
ودخلت غرفتها وقفلت الباب عليها وهي تفكر بأنين وانه جا الوقت اللي تمتلك فيه مثل جراءتها وتنهي حياتها بيدها وتلحقها..
:::::::::::::::
وهنا بعد ..كان فيه اتصال من فوزيه ل
اريج: ههههههه اللحين بتخلصين من هالاستهبال وتقولين لي وله لأ
فوزيه:وش تبيني اقول لك؟؟
اريج:اباي على اللطع ...قولي لي وش صار وش سويتوا؟؟
فوزيه:ههه استحي
اريج:اف يالله عليك يافوز مايليق عليك هالحركات تكلمي وش صار؟؟
فوزيه:طيب وش تبيني اقول لك ,اسئلي وانا اجاوب
اريج:قولي لي من البدايه يوم دخلتوا على الفندق وش سوا ,وش قال
فوزيه وهي تظبط قعدتها :اه ياروجه وش اقول وش اخلي..اسمعي ياطويلة العمر ...اول مادخلنا الفندق وانا قلبي احس نبظات الفرح فيه تحولت لخوف قام و
ماجد:فوزيه
فتحت عينها فوزيه وتلتفت وهي تشوف ماجد وراها: ا ماجد ,متى جيت
ماجد:ممكن اكلمك شوي
اريج:هههههههههههههههه
فوزيه بصوت واطي: الله ياخذك ..
اريج:هههههههههههههههه
فوزيه:ا خلاص اروجه اكلمك بوقت ثاني
اريج:ههههههههههه خلاص ههه اوكي
فوزيه:الله ياخذك
اريج:هههههههههههههههههههههه
فوزيه:باي
اريج:باي
ماجد بصوته الهادي: تعالي اقعدي جنبي
قربت له فوزيه وجلست:نعم
ماجد:كنتي تكلمين صديقتك؟
فوزيه:احم..ايه
ماجد: وش كنتي بتوصفين لها؟؟
فوزيه وبدت تحمر :ها ؟؟ انا ا ماكنت بوصف شي
ماجد وهو يناظر لعيونها: فوزيه ابي اقول لك شي..
فوزيه:....
ماجد:اذا تبين علاقتنا قويه دائم ,ومشاعرنا صافيه لبعض.. لازم اللي بيننا يضل بيني انا وانتي
فوزيه:احم انا ماكنت بقول شي
ماجد:فوزيه..
فوزيه:..
ماجد:ماله داعي الكذب,انا ماراح الومك لكن ابي اوضح لك ..فإسمعيني
فوزيه:نعم
ماجد:اللي يصير بيننا كزوجين يخصنا انا وانتي ,أي شخص ثاني ماراح يهمه ولاراح يخصه من الاساس,والمفروض تكونين بير لسري مو العكس
فوزيه:....
ماجد:حبيبتي..اوعديني
فوزيه:ها
ماجد:اوعديني ان اسرارنا ماحد يدري بها,وعطيني الامان انك تكونين مخبأ لخصوصياتي
"فوزيه وهي تفكر بانها ماتقدر"
ماجد:ههه وش فيك؟؟ لهالدرجه صعب عليك هالشي!!!
فوزيه:لا مو كذا
ماجد:اجل؟
فوزيه وهي تتخيل نفسها تقول للبنات "ماقدر اقول لكم": ان..يعني..امم
ناظرها ماجد بإستغراب:...
فوزيه وهي خايفه ياخذ عنها فكره:امم خلاص اوكي
ماجد بشك:اكيد؟
فوزيه:ها..امم ايه ان شاء الله
ماجد بابتسامه وهو يبي يحرجها:اوكي ممكن اللحين توصفين لي اللي كنتي بتقولين لها اياه
فوزيه حمرت وتحس انها مدخنه من الاحراج:...
ماجد:ههههههههههههه فديت اللي يستحون انا
قامت فوز من عنده وهي بقمة احراجها.
::::::::::::::::::::
اما هنا العرسان الثانين
..بالفندق
عند سمر ومحمد تحديدا...
كانت سمر طايره من الفرح برغم كل اللي صار..
كل تفكيرها كان انها ارتبطت بمحمد وان فاتن انتهت من حياتهم ..
تفكر بانه تحقق كل اللي خطت له وتعبت بتنفيذه..
محمد وصار لها ..فاتن وصارت من الماض..
وهي هنا تمتع عينها باللي حبته وضحت بصداقاتها وضميرها وقلبها عشانه ....
كان محمد مسرح يوم قالت بهدوء
سمر:حبيبي
محمد وهو ينتبه لها:هلا بأحلى عروس
سمر:وش فيك؟
محمد:ابد مافيني شي ,امم وش هالزين كله .. وش هالحلى
سمر:...
محمد وهو يقرب الكيس اللي شراه: شوفي قلبي جبت لك هديه
ابتسمت سمربخجل:ثانكس
محمد:لأ اللحين افتحيها
سمر:اللحين
محمد:ايه
سمر بفرح :اوكي
محمد وهو يضمها :ها وش رائيك؟؟
سمر:...
محمد: وش فيك حبي!! شميه
" شمت سمر العطر اللي مو غريب عليها..و تذكرت ان هالريحه هي عطرها ..
ايه عطر فاتن
محمد:وش رائيك فيه؟
"ناضرت سمر محمد وشافت فرحته وناظرت للعطر وحست بالقهر...
لكن ماكانت تقدر تبين انها تعرف ان هالعطر عطر فاتن"
محمد : حبي يله رشيه عليك ودي اشمه من زمان عن هالريحه
"ناظرت سمر لعيونه وتأكدت بانه يشوفها فاتن,ويتخيلها فاتن,وانه تزوج فاتن ماتزوجها هي"
محمد:وشفيك حبي ليه ساكته
سمر بضيق:حبيبي انا ماحب احط عطر قوي مثل كذا الا بالزواجات
محمد:ماعليه بس رشه وحده مو اكثر
سمر اضطرت تبتسم: بس ريحته قويه
محمد:حبي عشان خاطري
"اضطرت سمر بعدها انها تحط منه"
محمد وهو يقرب منها ويستنشق من ريحة محبوبته:اه ياني احب ريحته
سمر: وطيب انا ... تحبني؟
محمد وهو مغمض عينه وهو ضامها ويفكر بفاتن:ايه احبك احبك احبك
سمر: حبيبي اطلب منك طلب
محمد:انا عيوني لك
سمر: لاعاد تناديني غير سوسو
محمد وهو يفتح عينه على واقعه :ها ..
سمر: بليز حبي لاتناديني غير سوسو, سمر بس لاتناديني بغير اسمي
محمد:....
سمر:ابيك تخصني باسم ماقد ناديت احد فيه قبلي
محمد:اوكي احلى سوسو شي ثاني؟؟
سمر: سلامتك ياقلب سوسو
محمد:اه
سمر:ليه ياحبي الآه
محمد وهو يقربها لها اكثر ويشم من العطر اكثر :ابيك
سمر:حبيبي انا لك
محمد:ابيك
سمر وهي تحس بشي مو طبيعي: محمد
محمد:همم
سمر: انا احبك حمودي واموت فيك ..ولا اقدر اعيش بدنيا غير اللي انت فيها
محمد:اه
سمر:حمودي انا مابيك تحب غيري ,ولابيك تجرحني..انا والله العظيم احبك حب جنوني ومو طبيعي
ومن بعدها لازم نطلع ونقفل الباب على العروسين .
:::::::::::::::::
اما هنا بالقلب المعلق
وبيت اهل فاتن
فاتن بصراع بداخلها..
كل ماقالت مايهم..تذكرت سمر..
ضحكتها ..
اسرارها..
اخوتها..
وتحس بطعم الخيانه المر..
وكل ماقالت لازم تِقوى.... تخونها القوه و تتذكر محمد ..
تذكر انه صار لصديقتها ..
كلامه الحلو صار لها..
نظرته اللي تحبها صارت لها..
كلامه الممتع يوجهه لها ..
تحس النار تشب بصدرها ولاتدري وشلون تنسى ..
الباب يدق ويدق ويدق..
لين دخل بدر ولع النور..
بدر: سلامات يابو الشباب وش عندك نايم لبعد العصر؟!!
فاتن: ا لا ماني نايمه
بدر: شوفي وجهك وشلون مفقع نوم ههههههههههه قومي يله من على هالسرير تقول مريضه
ابتسمت له فاتن :وش تبي؟؟
بدر :اليوم اجازه وقلت قم ياولد ود اختك حبيبتك السوق.. تقضى وتدلع وتغير جو
فاتن: لا أي سوق ,مالي مزاج ابدا
بدر: اما!! من جدك ,سوق هذا سوق... ماتبين تروحين!!!
فاتن:....
بدر:يله انا مصر امشيك اليوم..قومي
فاتن: اموت واعرف وش عندك مصر انك تطلعني من البيت
بدر:هذا جزى اخ يحب اخته, ويبيها تسوي الاشياء اللي تحبها,وتغير جو الكئابه اللي رجع لها
فاتن:لا علي انا
بدر:إحسني النيه يافتون
فاتن:انا اعرف مقدار كرهك للسوق باللذات ..وش عندك يابدير؟؟
بدر:ولا شي بس ا نبي نطلع نتمشى
فاتن: وش السالفه وش موضوعك؟؟
بدر:انا لا ولا شي وش عندي
"فاتن وهي تناظره بنص عين"
بدر:ههههههههههه طيب نتمشى واقول لك.
فاتن بضيق:امري لله نروح السوق ونشوف وش عندك يابدر
بدر:ههه بتعرفين.. بس ابيك تروقين قبل ..يله
فاتن: طيب على بعد المغرب
بدر:اللحين بيأذن المغرب ياحلو ,,معبال تقوم وتفرفش وتنعنش وتكشكش
فاتن: هع وش اكشكش
بدر:تسوين كدشك ذا اللي والله مادري وشلون تمشطينه
"فاتن ناظرت لبدر بحب وابتسمت ,وقرب لها بدر وشالها دخلها على الحمام وطلع."
:::::::::::::::::::::::::
المستشفى
دخلت الحرمه اللي نادتها داليا وهي بعمر الخمسين للدكتور تشكي له حالتها وكانت معها بنتها الفاتنه بعمر 14 سنه..كاشفه وجهها وحاطه مكياج خفيف وعبايتها لافته بشكل كبير كانت تكلم بالجوال وتقول: ههه ليه البنات ماراح يجون؟؟
- اخاف نمل بالحالنا
- طيب من بيكون فيه؟؟
- واو خلاص اجل مري علي
- ههه طيب
- اسمعي الاستراحه قريبه وله بعيده ؟؟
- هه خلاص اجل بنفلها
- اوك ..باي
كل هذا وداليا ماشالت عينها عن البنت وقربت لها وهي تقول..
- مرحبا
البنت: اهلين.. "وجهة نظرها للدكتور" هادكتور كيف ماما؟؟
د/احمد: تعرضت لجو بارد ,,بس بسيطه ان شاء الله
داليا: انتي وش اسمك؟
البنت:انا مها,وانتي؟
داليا:انا داليا
البنت:تشرفنا ,انتي سعوديه؟!!
داليا:ايه ..اقول مها
مها:هلا
داليا:صديقتك هذه اللي كنتي تكلمينها قبل شوي؟؟
ناظرتها مها باستغراب:ايه ليه
داليا:ابد بس سمعت انك بتطلعين معها لإستراحه لحالكم ,وحبيت اقول لك شي
مها:!!!!!
داليا: ابي اقول لك ان الثقه هالايام لازم نحتفض بها شوي, وانه ماحد يستاهل نعطيه الامان او نثق بأفعاله
مها:سوري بس انتي وش دخلك؟؟
داليا: انا انسانه جربت الخيانه وكان ودي اقول لك ان طعمها مر وقاسي
مها بإستخفاف:خلصتي؟؟
سكت داليا وهزة راسها
مها: طيب حلو,يله ماما نروح الصيدليه
امها:اصبري شوي الله يصلحك.
مها:اقول دكتور
د/احمد اللي يعطي امها الوصفه:نعم؟
مها: هذه اللي معينها عندك مشرفه اجتماعيه ؟؟او ممرضه؟
د/احمد: كيف؟؟
مها: قول لها لاتدخل بشي مايخصها وتقوم بشغلها وبس
داليا اللي تضايقت منها: قلبي اللي قلته لك لمصلحتك, وانتي لك الخيار تسمعينه او لأ
مها:ههه سوري بس ..هذه اسمها لقافه
د/احمد اللي مو فاهم شي: داليا ممكن تنادي لي على المريض سالم محمد
داليا:اوكي
مها وهي عند الباب بدلع : باي دكتور
د/احمد اللي كاره وقاحتها مع داليا:.....
مها:ههههههههههه طبيعي تزعل
"حرك راسه احمد بالاستنكار وسكت على غبائها وكتب ملاحظاته بالملف..وهو يسمع لصوت ضحكها من السيب."
::::::::::::::::
نروح للسوق وجنونه..
وبمحل بيع الساعات تحديداَ
فاتن:طيب بكم هذه؟
البائع:دي عليها عروض حضرتك سعرها الاصلي 5000 وبعد الخصم ب3050,تحبي تقربيها
بدر:لا بعد لبسها لها وش رائيك
فاتن:يوه يابدر اهجد ولا تقعد تسوي لنا افلامك
"ناظر البائع لبدر بإستغراب"
بدر: لايعني عادي اللي يقوله يالاخت
فاتن: بدر اف
بدر:ماتشوفينه وشلون ,امشي امشي مافيه شرى من هالمحل
طلعت فاتن قبل لايسوي لها فضيحه قدام الناس: انت متى تبطل هالحركات؟؟
بدر:يعني ماتشوفيه اشلون شوي ويلبسك اياها
فاتن:والله انه ماسوى شي.. ومحترم ويتكلم بكل احترام بس انت فيك عفريت غِيره
بدر وهو يهدي نفسه:شوفي محل يبيع فيه غير الهنود ماتدخلين سمعتي
فاتن:اصلا مستحيل ادخل ولا مكان خلاص ,انا طول عمري ماحب اصلا انزل معك السوق
بدر:احسن
فاتن:تدري شلون رجعني البيت
بدر وهو يتذكر:لا وش ارجعك البيت
فاتن:خلاص مليت
بدر:اوما مليتي يالنصابه,ادري زعلتي بس مفروض انك تعودتي خلاص
فاتن:ماحد يتعود على الفشله قدام الناس يابدر
بدر:ههههع خلاص ماعليه ,يله نروح نتعشى باي مطعم تبينه
فاتن وبإستهزاء:وش رائيك نروح بعد مطعم هندي؟
بدر:ههههه اذا تبين ايه مافيه مشكله اكلهم لذيذ على فكره
فاتن:تعرفني ماحب الحار
بدر:خلاص اللي تبينه
فاتن:ياخي في شي غريب "اللي تبينه,اوكي,حاضر ,"لا لا هذا مو انت فيه شي
بدر:صراحه فيه موضوع وابي اكلمك فيه لي يومين بس كنت اشوفك مانتي رايقه,وش فيك؟
فاتن:ا لا انا مافيني شي ,قل موضوعك وش عندك تبي سلف؟
بدر:هع
فاتن:او ممكن تبيني اشوف لك بنت الحلال؟
بدر:لا عاد هذه كثري منها
فاتن:اجل
بدر:بعد مانتعشى ونشرب لنا كفي نروق ,و اقول لك
:::::::::::::::::::::::
بيت اصاله
اصاله: محمد!!!
محمد:ههه ايه محمد يمه مو عفريت "وحب راسها"
اصاله:ههه بسم الله عليك ياقلبي لكن غريبه وين زوجتك بالفندق؟؟
محمد:ايه نامت وانا ماقدرت اغفى لأن الكلام اللي ابي اقوله مو راضي يروح عن بالي
اصاله:أي كلام حبيبي؟؟
محمد:اه يمه اه
اصاله:سلامة قلبك من الاه وش فيك ياقلب امك؟؟
محمد: يمه لي 3 ايام مو قاد افكر غير باتصال فاتن
اصاله: لاحول ولاقوه الا الله
محمد: يمه انا احبها وابيها هي,والله مابي غيرها
اصاله:خلاص هالكلام اللحين ماعاد ينفع ,كل شي انتهى وانا امك..انت اعرست وفاتن مطلقها وبالثلاث
محمد:يمه وش مطلقها بالثلاث !! اصلا الشيخ قال بانه ماينفع اطلقها ثلاث طلقات
اصاله: وشو؟؟
محمد:ايه الشيخ قال لي طلق وحده,وانا اقدر ارجعها بس بعقد جديد
اصاله:يعني!! والمطلوب؟؟؟
محمد:ابيك تكلمينها لأنها غيرت رقمها ,وابيك تقولين لها اني ابيها
اصاله:....
محمد:يمه انا اكلمك
اصاله:مو كلامك كلام مو صاحي, انا مادري انت مهبول وله انجنيت ؟؟؟ في احد بالدنيا معرس له ثلاث ايام ويفكر بالزواج مره ثانيه؟؟؟
محمد:يايمه انا قلبي متعلق بفاتن ,ولانا قادر اعيش بدونها
اصاله قلبت وجهها:...
محمد كمل: يمه في احساس انا ماني قادر اصيطر عليه,وفيه شي يخصها هي مايخص غيرها
اصاله:استغفر الله العلي العظيم
محمد:يمه تكفه كلميها
اصاله وهي تناظر لولدها اللي يوجعها قلبها عليه: ياحبيبي فاتن مستحيل ترجع لك
محمد:ليه يمه ليه؟؟ليه تقولين كذا؟؟
اصاله وهي تتذكر ان سمر صديقتها:ا
محمد:ايش؟؟
اصاله: لأن ا فاتن قالت لي
محمد:يمه في شي صح؟؟
اصاله:لا ابد مافيه الا العافيه,رح وانا امك لزوجتك ,لاتخليها لحالها الوقت متأخر
محمد:يمه,ليه مانتي راضيه تريحين قلبي؟؟؟
اصاله:...
محمد:طيب عطيني رقمها الجديد اكيد انها معطيتك اياه
اصاله:محمد ولاتفكر تدق على البنت او تكلمها
محمد:طيب وش الحل ؟؟
اصاله: الحل انك تعيش حياتك بعيد عن فاتن,وتفكر بزوجتك وبس
محمد:هذا اخر كلام عندك
اصاله:....
"عرف محمد ان امه ماراح تساعده وفكر يكلمها بس بوقت ثاني ,عشان تفهم اصراره وحبه لها "
:::::::::::::::::::::::
بعد ماتعشوا
بدر: فتون وشفيك الأيام اللي راحت؟
فاتن:...
بدر:مافيه غير صديقتك داليا اكيد هي اللي مضيقه صدرك,انا لو منك اقطع علاقتي فيها
فاتن:هههع داليا.. بالعكس ,بقول لك شي يابدر داليا هذه علمتني ان الصداقه بهالايام نادره,وان اللي يلاقي صديق مفروض يمسك به ويخبيه عن عيون الناس
بدر:الله واكبر وش هالفلسفه
فاتن:من جد ,مو كل شخص نعرفه مفروض اننا نقول عليه صديق
بدر:والله ياختي شكلك ماخذه على راسك صح
فاتن:هههع انا اخذت اقوى مقلب بالدنيا وماتوقع في بحياتي شي اصعب من اللي عرفته خلاص
بدر:ياحليلك ياختي هذا وانتي ماشفتي شي بالدنيا
فاتن:....
بدر:وين رحتي وش اللي ماخذ عقلك؟
فاتن:انا ولاشي انا معك,تدري في سؤال انا من اول ابي اسئلك اياه وناسيه
بدر:وش هو؟
فاتن:انت غيور غيره غبيه اسمح لي يعني ,مع ذلك خليت صديقك بتركيا يركب معنا ويودينا ويجيبنا ,ليه غريبه
بدر:هههع شوفي نايف هذا من بداية شغلي لليوم وانا معه ,اعرفه اكثر مما تتخيلن ,اغلب سفراتي بعد كانت معه ,عمري ماشفته يغلط او يتمادى حتى ولو بنضره..
تصدقين .. نايف من الاشخاص النادرين اللي شخصيته بلاده مثل شخصيته واحترامه لعاداته وتقاليده وهو بره
فاتن:اف كل هذا تعزه
بدر:طبعا ,وممكن بالكلام عليه بتخليني ادخل الموضوع اللي ابيك فيه
فاتن:ها الله يستر من موضوعك
بدر:موضوعي هو الخير بحد ذاته,اسمعي وانا اخوك,انتي تدرين قد ايش اغليك وابي مصلحتك واخاف عليك
فاتن:هع وش الشسالفه يابو الشباب؟
بدر:مامزح انا اتكلم جد
فاتن:اوكي انا معك على الخط
بدر:صراحه جاك عريس وانا مستحيل اتمنى لك واحد اقل منه
فاتن:..
بدر:شوفي انا مابيك تتسرعين او ترفضين وتمسكين بالماض,صدقيني فتون هالعريس راح يسعدك ويحافض عليك ويحترمك
فاتن وهي تتذكر زواج محمد من سمر: عريس
بدر:والله انه من افضل الناس اللي اعرفهم واصلح الرجال لك
فاتن من غير ماتناظره وبعد تفكير بسيط :اوكي
وقف بدر من الصدمه انها وافقت بهالسهوله,ويوم انتبه لنفسه جلس وهو مستانس:يعني موافقه
فاتن وهي تضحك على شكله:امم مو انت توك تقول لازم مافكر بالماض هذا اللي بسويه,انا لازم اكمل واعيش حياتي مثل ماغيري عاشها
بدر:فتون من جد تتكلمين ,ترى بدق على الرجال واقول له موافقين
فاتن وقلبها يوجعها :انا عطيتك كلمتي
بدر فرح:والله انك فهده,بس تدرين لو داري انك بتوافقين بسهوله,كان ماوجعت رجلي بهالاسواق واللف والدوران
فاتن وتبي تخفي حزنها: يعني مو لله توديني السوق
بدر:ههه بس انتي ماسئلتيني شي عنه
فاتن:دامك متحمس له فأنا اثق بأنه مثل ماقلت
بدر:عموما هو نايف ,طلعت زوجته متوفيه بولادة ولده,وبالنسبه لأخلاقه فانا قلت لك شخص محترم واعي ومثقف,حتى ماديا مرتاح,,فتون انتي معي؟؟
فاتن وهي توها تنتبه له:ها ايه معك
بدر:والله مانتي معي يالنصابه ,قومي بس خلنا نمشي,واقول لابوي وامي
فاتن:أي ابوي وامي يمديهم بسابع نومه
بدر:والله من الفرحه مانتبهت للوقت
:::::::::::::::::::::::
ثاني يوم
دخل لبيته وهو مستغرب الهدوء اللي فيه..حتى التلفزيون اللي ماكانت تقفله مايسمع له حس..
دخل يدور عليها بكل مكان لين لقاها بالمطبخ.. واقفه ومعطيته ظهرها ولاتتحرك..
كان يشوفها ويحاول يعرف وش فيها واقفه بهالشكل..
اما هي كان تفكيرها كله تبي ترتاح..
تبي تموت..
تبي تنهي حياتها وتنهي كل الاهانات اللي تعرضت لها..
تبي الجراءه تجيها وتقدر تغرس السكين اللي ماسكتها بصدرها...
وكانت تعد واحد اثنين ثلاث
جارح: خلود؟؟
"فكت خلود من الفجعه السكين من يدها وطاحت بالارض"
قرب جارح ورفع السكين:وش كنتي بتسوين بها؟؟
خلود:ها
جارح:وش كنت تسوين بالسكين؟؟
خلود:ولاحاجه كنت افكر ايش اطبخ
جارح:واول شي تسوينه هو انك تمسكين السكين!!!
خلود وهي تناظر لملامحه:جارح
جارح وهو يبعد عينه عنها:وش تبين؟
خلود:اذا مت راح تفتقدني؟
جارح:هههههههههههههه سبحان الله من جد ناقصات عقل ودين
خلود:...
جارح:اقول ابدي اطبخي بس بلا كثرة حكي
خلود وهي منقهره من بروده: مالي نفس اطبخ
جارح: ها يا اخت خلود!!! وش عندك ماتبين تطبخين؟؟
خلود: تعبانه
جارح:ههههههه اقول اطبخي بسرعه لأحط السكينه هذه براسك
خلود: جارح انت ليش بتعاملني كدا ؟؟؟
جارح:بدينا الموال البايخ"وجا يطلع فمسكت ذراعه خلود وهي تقول"
- مين الحرمه غيري اللي بحياتك؟؟ ليه ماتكلمني زي ماتكلمها وتحترمني زي ماتحترمها..
جارح:وش فيك انتي انجنيتي!!!
خلود:انا مانجنيت انا سمعتك باذني تكلمها ,سمعت الضعف اللي بصوتك ..سمعت مقدار حبك لها..سمعت قد ايش بتحترمها وتعمل لها حساب
جارح وهو يناظرها بتهديد: انا كم مره اقول لك لاتقربين من المكان اللي انا فيه ها؟؟؟
خلود وبدت تخاف: طيب قول لي من هي ؟؟
جارح وهو يمسك بلوزه خلود: هذه اللي تسواك وتسوى عشره من امثالك..
هذه اللي ابيع الدنيا كلها لرضاها..
هذه اللي تسكن بقلبي وانتي ماتجين عبده لها
خلود وهي بقمة انهيارها:خلاص اسكت
جارح: مو انتي تبين تعرفين من هذه انا بقول لك من هذه
خلود:خلاص ماعاد ابغى اعرف حاجه ,كفايه
جارح: مره ثانيه إما تحسبين لكلامك حساب او تنطمين ولاتسئلين
"خلود تحس انها مو قادره توقف من الضعف والقهر والاهانه والصدمه"
جارح وهو طالع من المطبخ:اسمعي..مره ثانيه يوم تسمعيني اكلمها ,تطسين وتبعدين عن المكان اللي انا فيه فاهمه وله لأ
خلود:...
جارح بصوته المخيف:سامعه
خلود وهي تحاول تصيطر على شهقاتها:....
جارح وهو يناظرها بكره علا صوته: سمعتي وله لأ؟؟
خلود وبقمة بكاها:ا طيب
جارح: حريم هم ,حريم اخر زمن.
:::::::::::::::::::::::
الفندق
سمر وهي تناظر لمحمد بحب :حبي
محمد:هلا
سمر:ليه ما احس بأنك مبسوط ؟
محمد:ا انا!! بالعكس
سمر: يعني اكيد مرتاح معي؟
ضمها محمد:ايه اكيد
سمر:تدري حبيبي وش اتمنى؟؟

محمد: وش تتمني؟p
سمر:ودي الله يرزقني بأول مولود ولد
محمد:وليه يعني؟
سمر:ابيه واحد مثلك ..ياخذ صوتك وطيبتك وحلاوتك بعد
محمد:يعني مايكفيك محمد واحد
سمر:انا لو عندي منك 9 من صلبك ومثلك ,مايكفوني من حبي لك

محمد:نضريه عجيه للحبp
سمر:لأ حبيبي
محمد:وشي
سمر:هذا ماهو بحب والله اني اعشقك
محمد قام يناظرها يدور بملامحها ملامح :اكيد
سمر:ايه
محمد:اكيد
سمر:ههههه ايه
محمد:اكيد
سمر:ههههههههه
وبعدها لازم نقفل على العرسان الباب
::::::::::::::::
وبالمستشفى
بنهاية الدوام
د/احمد:يادينا وين الكتاب اللي كان هنا؟
داليا: داليا يادكتور داليا
د/احمد:طيب فين الكتاب
داليا وهي تحك اذنها:امم الكتاب؟
د/احمد:ايوا الكتاب؟
داليا:صراحه اخذته امس عشان اقراه ونسيته بالبيت
د/احمد:ايوا ومن اذن لحضرتك تاخديه
داليا:امم صراحه عجبني موضوعه واخذته ,سوري ماعطيتك خبر
د/احمد:كمان مو تاخدي اذن لأ حتعطيني خبر
داليا:...
د/احمد:خدي الملفات دي وديها
داليا:اوكي.."وقبل لاتطلع" دكتور
د/احمد وهو يفتح لكتابه الثاني:نعم
داليا:خلاص بكره بتجي ممرضتك؟
د/احمد بلا مبالاة:ان شاء الله "ورجع يقرا بالكتاب"
داليا انتضرت يقول شي بس لقته مندمج مع الكتاب ومو معطيها أي اهتمام..وكأن فراقها مايفرق عنده...
فطلعت تودي الملفات, وهي مقهوره من بروده
:::::::::::::::::
وبعد شهر..
مرت فيه الصعوبات بذكريات صعبه ومؤثره..
وبعد مامرت غصات ثقيله على القلب..
وبعد مانكشفت بعض الأقنعه...
وبعد شهر من احداث بدت تطور وتاخذ شكل جديد تعالوا شوفوا وش صار...
::::::::::::::::::::::::
بيت اصاله
دخلت سمروهي طايره من الفرح للبيت دورت على اصاله ولقتها بغرفتها..
دخلت وهي بقمة السعاده : خاله باركي لي
اصاله:مبروك لكن على ايش؟
سمر:توني مخليه السواق يوديني المستشفى وقال لي اني حامل
اصاله:ماشاء الله مبروك ياقلبي الف مبروك ان شاء الله
سمر:الحمد لله ياربي ,بس تكفه خاله لاتقولين لمحمد ,انا راح اقول له اول مايجي,هو يمديه اللحين على وصول
اصاله: ان شاء الله
سمر:الا وش هالفستان الحركه؟
اصاله:قاعده اقيسه لإن بكره زواج بنيتي فاتن,وامس ملكتها
سمر بدهشه:فاتن ماغيرها؟
اصاله وبفرحه:ايه فاتن ماغيرها بتعرس وبزفها تستاهل بنيتي
الا على دخول محمد:وش قلتي؟
اصاله: بسم الله الرحمن الرحيم انت متى دخلت؟
محمد بضيق: قلتي فاتن بتعرس؟؟
سمربدلع وهي تمسك بيده:حبيبي وش تبي فيها تتزوج او لأ وش فرقت؟
محمد:اصبري ياسمر ,يمه فاتن بتعرس؟؟
اصاله:صادقه زوجتك,انت وش دخلك؟
محمد وهي واصله معه: وبعدين معكم اكيد يهمني ,اللحين من جد بتعرس؟
سمر بقهر :محمد ليه يهمك امرها ,وش تبي فيها!!
محمد وهو يصرخ:قلت لك اسكتي,يمه فاتن مفروض ماترتبط بغيري سمعتي "وطلع من البيت"
اصاله:الحمد لله والشكر هالولد ذا انجن
سمر وهي واصله معها : ابي افهم وش سوت فيه هالفاتن سحرته وله وش الشسالفه
اصاله:سمر لو سمحتي الا فاتن ,تراها بنتي ولا ارضى عليها
سمر وهي تطلع من الغرفه:استغفر الله انا الاقيها منك ولا من ولدك ذا المسحور
اصاله:لاحول ولا قوة الا بالله
"اما سمر شبت الغيره بقلبها وبدت تحرقها باللذات انها تدق على محمد ولايرد عليها, حست بغيض يمتلك قلبها ويوم فقدت الامل انه يرد عليها... دقت على فاتن"
:::::::::::::::::::::::
اشتاقت له ,اشتاقت للكنته الحجازيه واشتاقت تسوي له القهوه وتقدم له اياها بابتسامتها,
اشتاقت غلطه بإسمها واوامره العصبيه...
اشتاقت تشوفه كل يوم ..وتكلم معه كل يوم ..
ولأن دوامها رجع بالصبح ماصارت تشوفه ولا تتقابل معه حتى لو بالصدفه,اخذت الكتاب اللي له شهر وهو عندها له وراحت تودي له اياه بوقت دوامه..
راحت وكلها شوق كلها حماس كلها سعاده انها بتشوفه وتكلمه..
راحت وكلها امل انه يشوف حبها له بعيونها ويحسه
راحت له وكلها اماني انه يحبها ويعترف لها بحبه,,
وصلت لمكتبه وقلبها تزيد دقاته ,حاولت تخفي ارتباكها وتبتسم مثل عادتها دقت الباب ودخلت ,,
توقعت انها دخلت مكتب غلط وطلعت تشوف رقم الغرفه لقتها هي,,دخلت مره ثانيه وتقول: مرحبا ,مو هنا مكتب الدكتور احمد؟؟
الدكتور: الا لكن هو مسافر له اسبوع اللحين
داليا وبصدمه:مسافر!!!
الدكتور:!!!!
داليا:طيب ماتدري اذا كان راح يرجع؟؟
الدكتور:لا والله ماعندي خبر
داليا:طيب شكرا
"طلعت من المستشفى وهي بقمة الضيق,عكس ماجات
تحس بأنها خسرته ,كانت تتمنى انها استغلت جرائتها وبينت له اعجابها ,كانت تتمنى انها خذت رقمه ودقت عليه, حست انها فقدته ولا راح تشوفه مره ثانيه.
:::::::::::::::::::
السوق
فاتن بإنزعاج:عيوش
عائشه:هلا
فاتن وهي تناضر بجوالها:هذا رقم سمر
عائشه:هذيك الخسيسه ماغيرها
فاتن:اي
عائشه:لا تردين
فاتن:ماراح ارد بس غريبه داقه
عائشه:لا غريبه ولا شي تلاقينها داقه تعتذر او انها تبي تبارك لك
فاتن وبصدمه:شوفي هذا رقم محمد اللحين
عائشه:محمد!! وهذا كيف وصله رقمك الجديد؟؟
فاتن:اكيد خذاه من جوال اصوله ,اصلا كل ماغيرت رقمي خذاه منها من غير ماتدري
عائشه:هذا جد قليل حيى
فاتن:غريبه داق هو وسمر بنفس الوقت,اكيد فيه شي؟؟
عائشه:وش يهمك فيهم ؟ تعالي بس ان شاء الله نلاقي الجزمه هنا ونكون خلصنا
فاتن بإنشغال بال: ممكن صار شي لاصاله؟
عائشه:انتي ليه قاعده تفكرين فيهم,حتى لو لأصاله لاتردين فاهمه,خلك منهم وشوفي اذا عجبك شي
فاتن:....
عائشه: يله فتون ترى رجلي وجعتني
فاتن:طيب طيب
:::::::::::::::::::::::::
بيت جارح
جارح:ياخلود,خلود
خلود:نعم جايه
جارح:وينك كل هذا انادي؟
خلود:كنت بالمطبخ,نعم
جارح:جهزي اغراضك
خلود:أي اغراض؟
جارح:جهزي شنطتك بوديك لأخوك ,لأن عندي سفره وممكن تطول
خلود بفرح:طيب اللحين احضرها
جارح:هي انتي وقفي
خلود:نعم
جارح:هو كم اسبوع وبأجي اخذك فاهمه
خلود:طيب
جارح:يله بسرعه
خلود وهي تتذكر: جارح
جارح: اف وش تبين
خلود:ماينفع اجل سفرتي لبعد بكرا
جارح:لأ ماينفع لازم بكره
خلود:الله يخليك,زواج فاتن بكره خليني احضروا وبعدها اسافر على طول
جارح:انتي ماتفهمين ,بقره؟؟ قلت لك فاتن هذه انسيها لاتروحين لها ولاتجيك
خلود:بس انت دق عليك ابوها وعدتوا نحضر الزواج!!
جارح:ليه لازم اللي يوعد ينفذ ؟؟ أاقول بس اقلبي وجهك وحضري اغراضك اخلصي,الفجر طيارتك
::::::::::::::::::
جده
بالمطعم
وليد:مبروك الف مبروك
خميس:الحمد لله ,انا من جد ماني عارف كيف اشكرك ياحمد
د/احمد: لاشكر على واجب, تضل انت اخت الغاليه ربي يرحمها ,وانا مستحيل كنت اقدر ارفض لك طلب زي دا
وليد:الحمد لله بالشراكه دي نقدرنرجع للسوق بقلب جامد
خميس: الحمد لله
احمد:عاد البركه بشطارتك ياخميس ,انا ماعرف شي غير بالطب
خميس:لاماتشيل هم يالنسيب ,اعتبر فلوسك راجعه لك مع الارباح
احمد: اكيد في ثقه يالغالي,يله دحين انا لازم ارجع الرياض
وليد: من جد تعبناك معانا
احمد: انا لو اقدر اخدم بشي اكتر من كدا ماكان قصرت
خميس:والله عارف
احمد:يله سلام
وليد وخميس:مع السلامه
"وبعد ماراح"
وليد: احمد ربي انو قدرنا نقنعوا ودخل معانا
خميس:الحمد لله ,اصلا لو ماوافق وربي كنت حفلس
وليد:الحمد لله عدت على خير
خميس:الحمد لله.
:::::::::::::::::
بالليل
تحاول تنام لكن عيونها تجافيها النوم وتعصاه,
وتاخذ جوالها اللي حطته صامت من ازعاج محمد اللي كل شوي يدق وتلاقي رساله منه..
(فاتن اسمعي ,اذا تبين تقهريني او تتزوجين بس لأني سويتها قبلك.. فخلاص ,,
حقك جاك وخليتيني على اعصابي ودمي يغلي وعرفت وشهو شعورك يوم انا اعرست ..
كفايه ولاتتممين ليلتك وله ترى راح اتصرف بجنون )
"قرت الرساله وقلبها يدق مو بس شوق خوف بعد,,
ويوم ماردت عليه ارسلها.."
(مستعد اطلقها لو هالشي ماراح يخليك تتزوجين,تكفه ردي علي)
انتضر ردها ولاجاه فأرسل
(تدرين انا قد ايش احبك؟؟)
بهالوقت انتهت فاتن من كتابة اللي تحس به وارسلت له
(انا وانا شف كم صايره فيني الأنا
انا تموت بشوفتك وانا تقول ابعد خلاص
انا تخلص لحضرتك وانا تدور بك اخلاص
انا تسامح زلتك وانا تزين خطاياك
وانا تعبت من الأنا وصلتني لحد العنى ..وصرت ادور مابقى
الين صبري علي بكى
يكفي كذا.. انا تعبت من البكى اسمح لي تنساك الأنا
واسمح لي انسى مابقى واعيش بعدك في هنى)
قرى الرساله وثار جنونه يدق عليها كل ثانيه,ويحط حرته بسواقته وسرعته الجنونيه,وده يخرج من جسمه ويوصل لها ,وده يقابلها ,,,
وده يسوي اشياء كثيره ومافيه غير سرعته المجنونه هي اللي يحط حرته فيها.
مقهور..
ندمان..
مجنون
هذه هي حالته...
::::::::::::::
اليوم الثاني
جده
سميره:حبيبي ليه ماقلت لي انك بتجيب اختك الصباح
خميس:زوجها دق علي امس وقال لي استقبلها في الماطار
سميره:وايش جابها جده
خميس:وانا ايش عرفني ياسمورتي ,حطي لي الغدا تراني جيعان ,وله ترى حاكلك
سميره:اف
خميس: ايش بك؟!
سميره:حبيبي ولا حاجه بس انت عارف اخواتك الله يهديهم ومشاكلهم
خميس:ماعليه ياقلبي استحمليهم شويا بقلبك الطيب
سميره: وانا ايش اللي جايبني لورا غير قلبي الطيب؟؟
خميس:يسلم لي قلبك وكلك
سميره:حبي انت
خميس:ممكن دحين تحطي لحبيبك الاكل
سميره: ههه من عيوني ياعيوني
خميس:تسلم لي عيونك
وراحت تحط له على قومة خلود من النوم:السلام عليكم
سميره :اهلا
خلود:كيف الحال
سميره:والله شوفة عينك اليوم بس مشاكل, على قدوم الحاضرين
خلود قربت وسلمت عليها :...
سميره:وخري خليني احط الغدا
خلود:طيب ..اساعدك
سميره:ساعديني بأني ماشوفك على السفره
نزلت راسها خلود..ورجعت بثانيه ذاكرتها لسميره ومعاملتها السوقيه لهم ...لملمت ذاكرتها ورجعت للغرفه اللي كانت نايمه بها.
::::::::::::::::
بيت فاتن
داليا: ها كيف العروس,,تؤتؤ وش فيه وجهك تعبان
فاتن بكسل:مانمت من امس
داليا:هههه كل هذا توتر ها
فاتن:اه ياليت
داليا:اجل وش صار
فاتن: محمد من امس وهو قاتلني رسائل واتصالات
داليا: لايكون رديتي عليه
فاتن: طبعا لأ
داليا:ماعليك منه ,والله انه مايستاهل ضفرك ياحلو
فاتن:...
داليا: يله قلبي قومي خذي لك شور خلنا نروح المشغل
فاتن:داليا
داليا:عنونها
فاتن:انا فكرت بكلام محمد ولقيته صح
داليا:أي كلام ان شاء الله
فاتن:اني بتزوج بس عشان اغيضه,وله انا ماودي لا بنايف ولا بغيره
داليا: فتون
فاتن:انا لازم انهي هالعرس "وخذت جوالها"
داليا:بتدقين على من؟
فاتن:بكلم نايف واعتذر منه
جرت عليها داليا وخذت الجوال منها :انتي صاحيه وله مجنونه؟ّ؟؟
فاتن:انا بصير مجنونه لو تممت هالزواج وانا قلبي مع محمد
داليا:فاتن حبيبتي ,انتي قاعده تتكلمين عن واحد لعب بمشاعرك ولا اكتفى
خانك وكان اخر همه انتي,قاعده تتكلمين عن واحد تزوج صديقة لك من غير أي احساس او تردد بأذيتك.
وخلك من كل اللي قلته وقولي لي,ان كان يحبك من جد ليه ماتمسك فيك ولا طلقك؟
فاتن:...
داليا:خلاص يافتون انسيه او اكرهيه عشان ترتاحين
فاتن وتحس بخنقه :انا ضعيفه بحبه يادالي ,علمني الضعف وعودني عليه
دالي:بس انتي عمرك ماكنتي ضعيفه ,لاتسمحي له يدمرك يافتون,انتي تستاهلين حياة جديده بدايه جديده ,تستاهلين الفرح ياقلبي..
فاتن:....
داليا: اللي تحسين به طبيعي وراح تقدرين تتغلبين عليه,صدقيني وثقي بكلامي
فاتن وهي متردده :وان ماقدرت احب نايف؟
دالي وهي تمزح:راح تحبينه,دام بدر حبه انتي بعد راح تحبينه اصلا ذوقكم خايس ذوقكم واحد
فاتن ...
داليا: الا طبعا ذوقكم بانكم حبيتوني,ههههههههههه هو الشي الوحيد اللي عليه الكلام تعرفين كل شي له استثناء,ويله قومي بلا دلع خلنا نروح
::::::::::::::::::
بيت اصاله
سمر بتوترها :خاله ماشفتي محمد؟
اصاله: من بعد الغدا لأ,ليه انتي ماتدرين عنه؟
سمر:انا ماكلمه من امس,واللي يقهر بعد انه ماجا اعتذر لي
اصاله:الله يصلحه ويهديه
سمر:اقول خاله انتي بتسافرين معنا بعد بكره؟
اصاله:والله ماكان ودي بس محمد حلف علي وللحين متردده,احتمال ماسافر؟
سمر ومو عاجبها الكلام:اها
اصاله:بس لاتخافين انتم بتسكنون بفندق وانا اذ نزلت بنزل عند اعمام محمد بيتهم
سمر ارتاحت:ايه لأ عاتي حتى لو قعدتي معنا ترى مافيها شي
اصاله:ههه لا زين اجل
سمر:يعني مصممه تروحين زواج فاتن
اصاله:انا مستغربه كيف انتي ماراح تحضرين؟
سمر:امم تعرفين فاتن عقلها صغير وتحسب اني اخذت منها محمد
اصاله:لا اجل فاتن اللي عقلها صغير؟
سمر:إي
اصاله:الا في سؤال من اول بالي ممكن اسئلك اياه
سمر وتصنع الابتسامه: ايه اكيد
اصاله:اللحين محمد كان يقول لي انك كنتي تكلمينه,بس هالشي بعد مانفصلوا او قبل؟
سمر:ها ا لأ انا ماكنت اكلمه ,بس يعني بعد مانفصلوا كان يقول لي انه يبي يجي يخطبني
اصاله من غير تصديق:لا
سمر وهي طالعه:أي ,يله عن اذنك بروح اخذ لي شور
:::::::::::::::::::
اما بدر بعد مانهلك من ..
ودي فلانه, وجيب وصل فلانه ولاتنسى علانه..
اخيرا رجع لبيتهم وجهز نفسه ولاصار يرد على أي اتصال لأن مابقى عنده وقت ولازم يجيب باقة فاتن وبعدها يروح للقصر يستقبل المعازيم...
وفعلا طلع من البيت وشغل سيارته ولا انتبه ان محمد يلاحقه وبقلبه غيض وكره وغل من تفرقته عن فاتن...
لحقه اللين وصل لمحل الورد وبعدها..قر انه يغير خطته ومايأذيه هو بس لأ , يإذي نايف وبدر بنفس الوقت
فنزل وفتح سيارة بدر اللي من استعجاله ماقفلها ومشى بها للقاعه اللي بيقيمون بها العرس.
طلع بدر من المحل مثل المجنون يدور سيارته اللين قالوا له اصحاب المحلات انه واحد سرقها ,حس بضيق لكن الوقت ماراح يسعفه ركب لموزين وطلب منه يوديه على القاعه
::::::::::::::::
بالمشغل
داليا: ههه وش فيك كأنك مضروبه اضحكي ابتسمي الله يلعن ابليسك "وقربت منها" انا لو مكانك كان رقصت بعد, بس وش اسوي حضي نايم ممكن لأني اعرفك وتنقلين لي النحس هههههه
فاتن بإبتسامه: ممكن ترى انا نحس اصلي
داليا:ههههههه ليه عسل على غفله,,عموما تراك طالعه تخقين ,اقري على نفسك
فاتن:اقول مناك
داليا:هههه طيب انا بقرى عليك,وعلى فكره لو سمحتي خلاص شوية انوثه خلك مره
فاتن:هع انوثه,يعني قصدك امشي مثلك ,واتكلم بدلع ,واكل بشويش
داليا:ههههههههههه ليه هذا الشي صعب!!!
فاتن:ايه طبعا
داليا:ههههههه اه يابطني ,بالقوه تطلعين من البيت وبالقوه تحطين مكياج وبالقوه تلبسين فستانك ,وبالقوه تردين علي ,ويوم جيتي تتكلمين قمتي تقولين كلام مهبوله
فاتن:والله من اللي احسه ,حاسه قلبي بيطلع من مكانه وكأني قاعده اسوي شي غلط
داليا:اقول لاتبدين موال ..خايفه ومابي.. يله قومي حطي اللمسات الاخيره خلينا نروح للمصوره,تا تبينا نروح بدري
فاتن:اف انا مادري وش نبي بالصور وجع القلب
داليا:عمري ماشفت وحده معقده مثلك يله امشي,ومالك دخل
::::::::::::::::::::
اما قدام القاعه
وقفت سيارة المعرس..ونزل عريسنا الرزه,ويوم نزل حاول يخفي ابتسامته اللي يحس فيها ..مايبيها تخسره هيبته قدام الأشخاص المهمه اللي تنتضره..
نزل وهو مرتاح ..
وهو مستانس من اختياره..
ومن التغيير اللي بيدخل بحياته بعد روتين طويل..
رفع راسه وضم بشته ومامده يخطي خوات معدوده الا يجي محمد بسيارة بدر ويصدمه وينحاش
كل اللي واقفين عند الباب انذهلوا ..
اللي وقف مكانه ..واللي اخذ رقم السياره.. واللي جرى على نايف واخذه على المستشفى
:::::::::::::::::::::
- قولكم وش صار بنايف؟؟
- سميره واللي بتسويه بخلود
- محمد وهل ممكن هذا اقصى شي يسويه..امم ابي اقول لكم لأ
توه بيبدا جنونه بالبارت الجاي.
اوعدكم بارت ناري ..جهزوا اعصابكم..
دمتم كما تحبون
فتومه

 
قديم   #37

حكايةإحساس


رد: ضمني وخبني بين اضلعك,, بقلمي


ضمني وخبني بين اضلعك,, بقلمي

فديت ابداعك انا روعه

سلمت لنا اناملك ياعسل


قولكم وش صار بنايف؟؟

اتوقع بتسو علاقته ويشكون بدر
- سميره واللي بتسويه بخلود

بتطلع عيونها
- محمد وهل ممكن هذا اقصى شي يسويه..

الله يستر منه مجنون


بالانتظار يالغلا

 
قديم   #38

روعه الأحساس


رد: ضمني وخبني بين اضلعك,, بقلمي


ضمني وخبني بين اضلعك,, بقلمي

روعه
تسلم الايادي
بأنتظار البارت ع نار هع هع

 
قديم   #39

مصممة أزياء إسلامية


رد: ضمني وخبني بين اضلعك,, بقلمي


ضمني وخبني بين اضلعك,, بقلمي

روعة فعلا

امتى البارت الجاي؟؟؟

 
قديم   #40

مايا الدلوعة


رد: ضمني وخبني بين اضلعك,, بقلمي


ضمني وخبني بين اضلعك,, بقلمي

روعة تحن تحفة بصراحة ما في كلمة توصفها بس شو هالجنان تبع محمد طلع مجنون صح الله يستر منو بس مستنينك على احر من الجمر

 

أدوات الموضوع



الساعة الآن توقيت السعودية الرياض و الدمام و القصيم و جدة 01:26 PM.


 
Powered by vBulletin® Copyright ©2000 - 2024,
vBulletin Optimisation provided by vB Optimise (Pro) - vBulletin Mods & Addons Copyright © 2024 DragonByte Technologies Ltd.

Search Engine Optimization by vBSEO 3.6.0