 |
  |
|
|
|
|
#61 |
|
|
رد: ضمني وخبني بين اضلعك,, بقلمي
أنآ موجوده وبتابع من اول كلمه
بس يلآ أبي اعرف ايش راح يصير وعنجد القصه خطنطيره وأسلوبك ممره روعه |
|
|
#62 |
|
|
رد: ضمني وخبني بين اضلعك,, بقلمي
ههههههاي
الآن بارت 29 اتمنى لكم الإستمتاع |
|
|
#63 |
|
|
رد: ضمني وخبني بين اضلعك,, بقلمي
قراءه ممتعه بارت 29 نرجع لأطول ليله صارت بها احداث كثيره ..وطويله.. ليله كان لها من جنون الحب نصيب.. وهي راجعه حست بانه في شي لازم تسويه .. فيه شي لازم تبدا فيه.. وفي شي مقصره فيه..ولقت بأنها تدين لنايف بأكثر من إعتذار ولازم يسامحها من كل قلبه ..ولازم ينسون كل شي صار.. وفكرت انها تشتري له هديه.. وفعلا دخلت لاول محل شافته لبيع الساعات الرجاليه ,وشافت ساعه فخمه قريبه لذوق نايف فسالته :how much this فلقت صوت من وراها قال:و how much اشتقتي لي ؟؟؟ "تفاجئت فاتن وضلت معطيته ضهرها ماتبي تنصدم وهي شاكه بالصوت اللي هزها".. ورجع قال: حبي "عرفت وقتها انه هو اللي خايفه منه .,هو اللي ماكانت تتمنى تقابله هو بصوته.. وبريحة عطره .. وبجنونه .. هو" قال: اشتقت لك ولا قدرت اخذ رقمك الجديد لفت عليه فاتن بعد ما قسّت ملامحها: محمد لو سمحت انا .."وسكت يوم شافت العلامات الباقيه بوجهه من العذاب" محمد وهو يبتسم لها: شفتي انك تحبيني؟؟ إنتبهت فاتن لنفسها وتمالكت ملامحها وقالت: محمد انا انسانه متزوجه وماينفع توقف كذا تتكلم معي محمد:وانا مابي شي منك غير انك تطلقين فاتن وهي تتلفت تبي تتأكد ان ما احد يشوفها:محمد اللحين مو وقته وخر عني ابي ارجع الفندق محمد:ماراح اخليك لين تقولين لي متى بتوفين بوعدك؟ فاتن وهي متوتره:اسمع انت متزوج وانا متزوجه خلنا نعيش حياتنا ,من غير لانأذي احد ونبدا حياة جديده محمد:فاتن هذا مو اتفاقنا ,انا مستحيل اخليك تعيشين مع غيري واسكت فاتن وتحاول تطلع لكنه معترضها:محمد عيب اللي انت تسويه وخر عن طريقي محمد وبدا يعصب:وش افهم ؟؟انك ماتبين ترجعين لي؟؟ فاتن وتحاول ماتبين ضعفها:ايه انا مابيك ,ومرتاحه بحياتي مع نايف وخر مسك محمد بساعدها بقوه:ومن قال لك اني بخليك او اخليه يعيش معك فاتن:يعني وش راح تسوي؟؟؟ محمد وهو يضغط على يدها اكثر:راح اخليه يندم انه ارتبط فيك ولا راح اخليك تعيشين مرتاحه فاتن وهي تتألم:اه خلاص وخر محمد:اسمعي فاتن:مابي اسمع "وفكت يدها منه ومشت" فقال بصوت عالي :راح انتضرك اليوم بلوبي الفندق مشت فاتن ولا كأنها تسمعه,فقال بصوت اعلى :اذا ماجيتي راح أاذي نايف فاهمه,,بنتضرك الساعه 9 الليل وان تأخرتي فأنا انذرتك مشت فاتن اسرع وهي تحس بخوف من نوايا محمد ,,وبنفس الوقت خايفه يكون احد شافها ويوصّل هالشي لنايف ::::::::::::::::::: مكتب خميس وليد وداخل المكتب: ابشرك خميس:ها طمْني؟؟ وليد:الحمد لله دَفعت للرجال وعدني المناقصه دي لنا خميس ويرجع على ورا بالكرسي: الله يريحك ياشيخ ,ماتدري قد ايش كنت شايل هم وليد:الحمد لله إحنا سوينا اللي علينا خميس: هم وانزاح ,بس ان شاء يكون الرجال عند كلمتوا ,انا حطيت كل اللي املكوا بهالمناقصه وليد: لا الرجال دا اللي قالوا لي عنوا واثقين فيه لاتخاف خميس:طيب الحمد لله..ماقلت لي متى حتسافر؟؟ وليد:اليوم ان شاء الله خميس:ومتى حترجع, انا محتاجك الايام الجايه وليد:انت عارف لو الموضوع مو مهم كان اجلت السفره ,لكن حكون معاك خطوه بخطوه خميس:خلاص يصير خير وليد: يله مع السلامه خميس: الله يسلمك :::::::::::::::::::: دبي وصلت فاتن للجناح وقفلت الباب وقعدة على اول كرسي قدامها ,حست ان رجولها ترتجف..وكانت تقول بنفسها... ""يالله يامحمد كل ماقلت خلاص انتهيت منك ,تطلع بحياتي.. كل ماقلت بدا استقر..تكون السبب بتشتي.. وكل ماقلت بدا مع نايف الاقيك بطريقي؟؟ وش راح اسوي.. نايف نايف نايف,اقول له او لأ,, انا لازم اقول له اخاف يرجع يشك فيني لو ماقلت له..مع اني والله بريئه ولا خنته ولا ابي اخونه .. اقول له اقول له ..وله لا لا لا لا انا لازم اسكت واخفي الموضوع,اول مره حبسه وعذبه ,المره هذه وش راح يسوي فيه..لالالا لازم ماقول له,, ياربي انا احب من ؟ معقول اكون اح "قطع تفكيرها اتصال نايف" ردت فاتن بسرعه :الو نايف وبصوته الهادء: اميرتي فاتن:هلا نايف:وينك؟ فاتن:انا بالجناح نايف:اوكي انزلي فاتن:لا نايف الله يخليك مالي نفس نايف:ظروري تنزلين عندي لك مفاجئه فاتن:ماعليه ..خليها بكرا نايف:انا انتظرك بالسياره ,سلام "اظطرت فاتن انها تقوى وتحاول تتماسك وماتبين له ارتباكها ..ونزلت وركبت السياره" فاتن: سلام نايف:وعليك السلام ,كيف اميرتي؟؟ "فاتن تهز راسها باوكي" نايف:وش فيك قلبي؟ فاتن:ا ولا شي نايف:وش فيه وجهك ,كأنك متظايقه فاتن:ا لا ابدا بس مصدعه شوي,وتوني ماخذه حبوب نايف:اهم فاتن:وين رايحين؟ نايف:مفاجئه حاولت تبتسم فاتن وتسكت "اما نايف كان بداخله مبسوط لأنه بيقدم لها شي تحبه.. يوم درى من بدربأنها تحب ماريا كاري و تفضلها على كل المغنيات الاجانب. وصوتها يسعد فاتن اكثر من أي صوت . حجز لها اول ماعرف عن حفلتها..وكان ينتظر يوصل ويشوف ردة فعلها وفرحتها بالمفاجئه .. اما فاتن كان تفكيرها مشت حاولت تتجاهل التفكير باللي صار معها وتفكر بشي واحد وبس... تفكر بمعاملة نايف لها وتقول بنفسها ماحد يتستاهل التفكير فيه الا هو وبس .. ويوم وصلوا وشافت فاتن بمدخل المسرح صورة مارايا وان حفلتها اليوم فتحت عيونها..." فاتن بجنون :ها لالالا من جد نايف:... فاتن وتنط من الفرحه :هذه ماريا هنا ؟؟؟ ابتسم نايف:اكيد هنا قامت فاتن تصرخ من الفرح وباست نايف على خده وسحبت يده ودخلت به وكأنها عارفه وين تروح من الفرحه, وهي اول مره تجي لهالمكان.. دخلوا واستمتعت فاتن وانبهرت بالعرض اللي كالعاده قوي لماريا كاري,, اما نايف شاف ردة فعل اكثر من اللي توقعها.. يدها اللي مافارقت يده من يوم مسكتها ,, اندماجها وتركيزها اللي على المسرح يوم تغني ماريا بإحساس, وجنونها يوم تغني بحيويه وانفعالها القوي.. ابتسامتها اللي مافارقت شفتها .. هي كانت مندمجه مع الفن وهو كان انشغاله بها هي وبس .. :::::::::::::::::: الرياض حس بعطش وفتح عينه يشوف اذا جنبه ماء ..ولفت انتباهه انها ماهي على السرير؟؟ ركز بالساعه لقاها ثنتين ..لأول مره يقوم ومايلاقيها بجنبه ..قام من على السرير وفتح باب الغرفه الا ويشوفها متمده على الكنبه ودموعها بعينها ماجد:فوز!!! فوزيه وتمسح دموعها:ها ماجد:وش فيك؟؟ ليه مانمتي!! فوزيه:وين تبيني انام ماجد:!!!!!!! فوزيه:انت مو قلت لي اطلعي برا ماجد:انا؟؟ فوزيه:ايه انت .. اصلا ان كان على موضوع اختك وامك فانا ماقلت لها الا عشان تتصرف امك معها يعني كنت ابي مصلحة اختك.. وان كان زعلك بسبب حرمة يوسف فعادي كل الحريم يقولون سيئات ازواجهم عشان العين ماجد:!!!! فوزيه:واذا اللي مزعلك اني رحت لسعاد وانت قلت لي لاتروحين لها ,فأنا مارحت الا بس عشان اخذ من وراها اثر ماشفت الحبوب اللي بيدي كيف راحت "ماجد وهو يسمع لإعترافات ما كان يدري بها ومتفاجئ ساكت" فوزيه: واذا لأني أخذت من جيبك فلوس فعادي تراها مبالغ صغيره ماجد:فوز فوزيه:نعم ماجد:كل ذا سويتيه؟؟ فوزيه وتبي تصيح مره ثانيه : بس والله ماقلت أي شي خاص فينا ,او أي شي يدور بيني وبينك لأحد مثل ماوعدتك, حتى اني ندمت على اللي سويته بدون علمك ,فليه يعني كل هذا زعلان مني؟؟ "وصاحت " ابتسم ماجد وقعد جنبها واخذها بحظنه:ومن قال لك اني زعلان منك اصلا؟؟ فوزيه:ها اجل؟؟ ماجد:انا كنت بيت عمي وصارت مشاكل بيتهم وتضايقت فوزيه وهي تحك راسها:... ماجد:اجل قلتي لامي ها؟؟لا وبعد تقولين سيئاتي للعالم؟وتخذين فلوس من غير علمي؟ فوزيه وهي تسب نفسها:ها لا لا ا ماجد: ها اجل؟؟ فوزيه وقامت قدامه بربكه وخوف على زعله :ا الموضوع صار انو يعني انت ا تدري كيف ا ماجد:ههههههههههههههههههههههههه هههههههههههههه تعالي تعالي فوزيه وهي ترجع لحظنه: والله حبيبي ماقدر على زعلك ماجد:ادري فوزيه:ولا اقدر على قسوتك علي ماجد:.... فوزيه:ولا اقدرعلى جفاك لي.. والله اموت ضمها اكثر ماجد .. وبعدها لازم نطلع من بيتهم اوكي.. ::::::::::::::: نرجع ل دبي وهم بالسياره نايف: انا لو داري ان هالمارايا بتخليك بهالفرحه ,كان حجزت لحفلاتها سنه قدام فاتن بفرحه :ههههههع والله وناسه ,شفتها يلعن شكلها يوم تأثرت بأغنية never too far away واو جد مبدعه نايف وهو يتأملها:اهم فاتن بحماس: اللحين لا شاف بدر المقطع اللي ارسلته له بيموت ابو الشباب نايف: اهم فاتن:بس انت وش دراك اني احبها؟؟ نايف وهو يتأملها :اهم فاتن:وش اها ,انت وين هلو؟؟ انت معي؟؟ نايف:هههههه معك فاتن:لا مانت معي, عموما انا كثير استمتعت شكرا من جد نايف وياخذ ايدينها ويبوسها : احبك بلعت فاتن ريقها :... نايف:تدرين وش يعجبني فيك؟ "هزت راسها فاتن بالنفي" نايف: انك ماراح تقولين لي "انا بعد احبك" الا اذا حسيتي فيها فاتن:... نايف:وانا مكلف اخليك تحسين باللي احسه "ابتسمت فاتن وحست بسعاده كبيره بقربها منه ..وناظرت من القزاز انهم وصلوا للفندق وشافت محمد ينتظرها عند المدخل .. حست ان قلبها وقف وناظرت لنايف بخوف" نايف: وش فيك قلبي؟؟ فاتن: ا ولا شي نايف: يله طيب نزل فاتن ميته خوف: .. نايف: اميرتي يله "فتحت الباب فاتن وهي ترتجف وماسكه بيد نايف اللي اول مانزل من السياره ظمها له اما محمد كان يشوفهم وهو يتشتعل غيظ.. مرت من جنبه فاتن وكانت بحظن غيره .. كانت نظراته لها تخوف وتوعد بالكثير ولا قدر يوخر عينه من عليها لين اختفت من نظره بداخل الفندق وهي بأحضان نايف " ::::::::::::::::: اما هنا اشتاق لها ..اشتاق لشكلها ,,, عيونها الوسيعه..جرئتها الغريبه,,, ضحكتها انوثتها كل شي فيها اشتاق له .. اخذ جواله وشاف رقمها ,,سمع لنبضات قلبه اللي تزيد بدقاتها ,, يبي يكلمها بس وش راح يقول لها!! يبي يسمع صوتها ..بس كيف من غير ماتدري انه هو!! بالنهايه قر انه يدخّل جواله بجيبه بعد ماكتب رساله لها .. وراح ينتظر الرد اللي راح يخليه يا يخطي بحياته لقدام ,او انه يرتبط بحبيبة قلبه.. وبنفس هالوقت وصل لها المسج وفتحته وكان مكتوب فيه (اعتذر عن ازعاجك ,ولكن ودي اعرف ولأخر مره ان كان فيه امل نرتبط بعض ,او اني اشوف طريقي ,لأني تعبت من إنكار تاثيرك علي وتعبت من انكار حبك.. ريحيني او انهيني) ارتبكت داليا اللي كانت قاعده مع امها وقرت المسج مرتين وثلاث .. عجبها الكلام .. لكن تمنت انه من احمد مو من بدر ,تمنت انها تقدر تعطيه هالحب بالمقابل وتبادله نفس المشاعر ,, قرت المسج للمره الرابعه..وبعدها قررت تسوي مثل بدر وتاخذ طريقته بالتعامل مع احمد ولكن بعد ماتفكر زين وش ممكن تقول له. ام داليا: وش فيك يادالي ؟؟ داليا:ولا شي ماما امها: كل ذا ولا شي!! داليا وتحب راس امها:انا بدخل انام بكره عندي دوام تبين شي قلبي امها:سلامتك داليا:تصبحين على خير امها:وانتي من اهله ::::::::::::::::: صباح اليوم الثاني واول ماوصل خميس لمكتبه جا له اتصال من جارح:السلام عليكم خميس:اهلين وعليكم السلام كيف الحال جارح:الحمد لله ,انت طمني عنك خميس:تمام جارح:سمعت انك داخل مناقصه مهمه خميس:ايوا وربي اني على اعصابي جارح:الله يعين ,وترى أي مبلغ أي مساعده انا موجود خميس:ماتقصر ياجارح فيك العشم وربي <FONT face=Arial>جارح:ترى جد اتكلم يعني انا بخدمتك من الالف للمليونP خميس وهو يبتسم بخبث:والله اجل جيت بوقتك جارح:امر حبيبي خميس:انا كنت محتاج شوية سيوله,تعرف الفلوس دحين بالمناقصه جارح:ابشر حبيبي كم تبي؟؟ خميس:يعني تلاتين الف ازا تقدر واكيد حمضي لك شيك جارح بإبتسامة نصر: ابشر يالغالي ماطلبت,الا اقول خميس:تفضل جارح: وش موضوع خلود انا كلمتها قبل امس وقالت ماتبي ترجع؟ خميس بإستهبال: ايش ,ماتبغى ترجع؟؟ جارح:والله مادري عنها هي تقول خميس:لا ياحبيبي القول قولي انا ,ترجع وغصب عنها مو برضاها جارح: والله انا قلت انت ماترضى بالغلط خميس:اكيد ايش هوا حريم اخر زمن جارح: اوكي حبي تفاهم معها ورد علي خميس:يصير خير ان شاء الله جارح:مع السلامه خميس:هلا :::::::::::::::: بالمستشفى د/احمد: مرحبا داليا وهي تصرف بالاوراق اللي قدامها: اهلا د/احمد:فينك ماداومتي اليوم ,ترى حينخصم من راتبك؟؟ داليا ومسكت القلم :وليه ان شاء الله د/احمد:لأن دوامك صار عندي مو هنا داليا:د/احمد بليز لاتجبرني على شي مابيه د/احمد:داليا اشوفك دحين مداومه بمكتبي لو سمحتي داليا ودها تعظه:.... "و راح احمد بإبتسامة بسيطه ..وخلاها بحيرتها ,بقلبها الذايب ,وبخوفها من القرب منه,, هو يبتسم .. لكن مايدري انها على نار ومو قادره ترتاح,باللذات انها قررت تكلمه باللي عندها.. ولكن شافت ان بكره الوقت المناسب للي باله "" :::::::::::::::::::::: دبي قامت من النوم ابتسمت وشمت هوا يملا رئتها وقامت من على سريرها بنشاط .. وهي تغسل وجهها تذكرت ان نايف نزل بالليل عشان يجيب شي من السياره.. لكن بعدها نامت ولاتذكر انه رجع ,راحت جري على جوالها ودقت عليه اللين فصل مره ومرتين وثلاث واربع حست بخوف يكبر كل ثانيه .. حاولت تتمالك اعصابها ودقت بعد مره ,فرد عليها ...:الو فاتن: نايف انت وينك ...: انا مو نايف فاتن وهي شاكه بالصوت: انت م محمد:ايه انا فاتن وبخوف واضح: وينه وين نايف محمد:لاتخافين فاتن:وش سويت له,وينه؟؟ محمد وبصوت تعبان:لاتخافين ماسويت له شي فاتن:ليه معك جواله هو وين,والله ماراح اسامحك لو جراله شي محمد:فاتن ممكن تهدين وتسمعيني فاتن وبقمة توترها: طيب وينه؟؟ محمد:ابيك تجهزين نفسك وتنزلين لسواقكم اللي تحت وهو بيوديك له فاتن:انت انهبلت ,محمد انا ماراح اروح معك أي مكان ..وين نايف؟؟ محمد:تلاقين مصطفى تحت ينتظرك مو انا ,مع السلامه "حست فاتن ان كل شي فيها بدا يرجف وانه في شي كبير صار لنايف قامت مثل المجنونه تجهز نفسها ونزلت تجري لمصطفى اللي كان ينتظرها عند البوابه ركبت من دون ماتردد وقالت لمصطفى:وش صار وين نايف؟؟؟ مصطفى: والله مش عارف اولك ايه؟؟ فاتن: قول لي اللي صار مصطفى:هوا دلوئتي ا فاتن:وين تكلم مصطفى:بالمستشفى فاتن وحست ان بدا تنفسها يزيد:ليه مصطفى:تعرض لإعتداء ليلة امبارح "فاتن نزلت دموع من عينها من غير ماتقصد اوتحس شافت بمخيلتها صورة محمد وهو يضرب نايف وحست انها كارهه محمد ولاول مره بحياتها كارهته من قلبها ". ::::::::::: سمر اول مافتحت عينها من النوم .. ضمت مخدته ,,شمتها باستها وتمنت انه نائم عليها,, خذت جوالها ودقت عليه ولا رد ,ودقت مره ثانيه ولارد ,, انقهرت منه ... ومن بروده معها .. تحبه.. تعشقه.. وتموت عليه ..ولكنه عمره ماحسسها بمقابل,, مشتاقه له ولامداها تشبع من شوفته ..الا سافر وخلاها.. مدت يدها و خذت صورته ضمتها وقامت تفكر فيه وتذكر يوم ودعها وقال لها ان لازم يسافر لان عنده شغل,, رجعت غمضت عيونها وتمنت انها تحلم به.. ::::::::::::::::::: دبي وصلت فاتن للمستشفى تحس رجلها ثقيله ,جمّعت قوتها ودخلت اول ماوصلت للسيب اللي فيه غرفة نايف شافت محمد واقف .. قربت له وهي عينها بعينه .. هو يناظر لها شوق وحب, وهي نظراتها له كره وحقد ... سرّعت خطوتها نحوه ورفعت يدها بتعطيه كف,مسك يدينها ورجعها على الجدار وقرب منها وقال: مو انا فاتن وتحاول توخره عنها : وش تسوي هنا ها ؟؟ تبي تتأكد انه مات؟؟ محمد:قلت لك مو انا اللي مأذيه فاتن ودموعها تطيح من غير ماتحس: انت طول عمرك اناني وماتحب الا نفسك و طول عمرك نذل وشلون طاوعك قلبك؟؟؟ محمد: صدقيني انا مالي يد باللي صار فاتن ومتجاهله كلامه: ليه قساوتك ماتجي الا علي ليه؟؟ ليه ماتطلع من حياتي ليه؟؟؟ محمد وهي كاسره خاطره:حبي والله انا اللي جايبه هنا على جيت مصطفى اللي استنكر قربه منها : استاز محمد في ايه؟؟ وخر عنها محمد: صدقيني انا ماسويت له شي انا اللي جايبه للمستشفى وانا اللي دقيت على مصطفى حتى اسئليه. فاتن وبإنفعال:مابي اسمع منك شي ,ابيك تروح عني ,روح اصلا انت ليه جيت؟؟ محمد وهو يقرب لها :رجعت عشان اكلم نايف مو عشان اذيه مصطفى: خلاص ياستاز هي مش عايزه تسمع منك حاقه فاتن وتمسح دموعها :لك عين تكذب؟؟ محمد:صدقيني انا كنت ابي افهْمه وضعنا وسبب انفصالنا مو اكثر كنت ابيه يخليك ترجعين لي فاتن وتستجمع قوتها :تدري عاد انت مو بس مجرم لا.. انت انسان غبي واناني وحقير محمد:... فاتن:تدري لو صار بنايف شي ماراح اسكت , والله راح ابهذلك بحياتك ومابرتاح اللين اشوفك بالسجون محمد وهو مقهور: اجل صار يعني لك هالنايف!! فاتن:زوجي وحبيبي وحياتي كلها مرتبطه فيه محمد :فاتن !!! فاتن تكمل: مافي وجه مقارنه بينه وبين انسان مجرم وتافه مثلك "فاتن وهي تشوف غضب محمد تزيد" ماراح اخلي رجال مثل نايف وارتبط بواحد مثلك ابدا,انت ماتسوى يامحمد ظفر نايف <FONT face=Arial>محمد وهو مو مستوعب:انتِ واعيه للي تقولنه؟صاحP فاتن:طبعا ,اصلا لو تحسب ان فاتن ظعيفه انت غلطان,انا اقدر اوقف بوجهك لين اصحيك من اوهامك محمد اللي ماتوقع يسمع منها هالكلام: فاتن لا تنكرين حبك لي يافاتن فاتن: من قال اني احب انسان مريض مثلك؟؟؟ محمد وناكر الواقع: فتون انا محمد ,,حبيبك واللي ضحى عشانك كثير فاتن:اصلا كل المصايب اللي كنت فيها وللان انا فيها انت سببها محمد:... فاتن: إطلع من حياتي يامحمد, اطلع من حياتي خليني ارتاح محمد:بس انتي حياتي فاتن:وانا اكرهك وماني طايقه اتحمل شوفتك "فاتن بنظره اصرار تكمل" إفهم انا احب نايف احبه واكرهك فوق ماتخيل محمد مصدوم من قوتها:... فاتن:ممكن تطلع من حياتي وتخليني ارتاح ؟؟ محمد:... فاتن بصراخ :ممكن؟؟ محمد ويحس انه خسر المعركه: دامك سعيده معاه ,فأنا ماقدر اجبر نفسي عليك ..ومثل عادتي ماقدر اجبرك ,وراح اخليك تعيشين حياتك فاتن:... محمد: ليتك تتهني فيها ..ومو مهم انا . <FONT face=Arial>فاتن تدير له ظهرها : احسن شي تسويه ,لأني مستحيل افكر ارجع للماضP "وراحت متجاهلته تدور على الدكتور تبي تتطمن على نايف.. خلت محمد مكانه مصدوم من قوتها اللي فارقتها من زمان.. مصدوم من مشاعرها لرجل غيره.. مصدوم من حقيقه مُره ما كان يتمنى بيوم يسمعها.. كان ينتظر يسمع كلمة احبك .. ويوم سمعها كانت لغيره مو له وكانت بإصرار وقوه ماشافها بفاتن قبل كذا ولأول مره يشوف فاتن تناظره بنظرة كره.. ولأول مره تقول لأ ..وهي قويه وهي مقتنعه وهي حاطه عينها بعينه " ::::::::::::::::::::: بيت تهاني ايمن: ماما خالوا خميس جا دخلتوا المجلس تهاني وهي تناظر لخلود: غريبه!! خلود: الله يستر تهاني: انا حقوم اشوف ايش جابوا ,وانتي خليك هنا لاتدخلي ايمن: هوا قال نادي خالتك خلود خلود وبدت تخاف: اكيد جارح ,اكيد عنوا تهاني: وليش خايفه؟؟ خليكِ عند رائيك وبس خلود: مابغى اروح لوا تهاني: انا معاك لاتخافي بلعت ريقها خلود ودخلت مع سميره له .. تهاني: اهلا بأخويا خميس: اهلا بيكِ ياهانم انتي واياها خلود:... خميس: انتي قال لك زوجك ارجعي وقلتي لوا لأ؟؟؟ تهاني:ايوا هي ماتبغاه ,وانا قلت لك قبل كدا خميس:الموضوع دا مايخصك انتي ,فما لك دخل خلود: ا انا قلت لها خميس:وليه ان شاء الله ؟؟ ناويه تطلقي حضرتك وله ناويه تقعدي هنا عمرك كلوا؟؟ تهاني: قاعده بيتي لاتخاف ماحتجي بيتك ,ولا حتطلبك ريال بيوم خميس:ومن قال اني حرضى على الوضع دا؟؟؟ خلود:صدقني ياخميس ,فيه حاجه ماهي طبيعيه فيه <FONT face=Arial>خميس: اقول لك بلا افلام بايخه, وحضري نفسك وتعالي معايا وبكرا اقلعك للماطرP تهاني: ماحتروح مكان معاك ولا حترجع لزوجها خميس بسخريه: ليه انا يهمني رائيك اصلا؟؟ خلود:.... خميس بصراخ: قومي فزي حضري اغراضك تهاني: قُلت لك ماحتروح معاك مكان خلود بخوف: خلاص ياتهاني خميس وهو يقوم :وربي ان ماقمتي بسرعه وجهزتي نفسك لأوريكِ شغلك تهاني وهي توقف: فين تروح معاك؟؟؟عند واحد مايعرف ربوا ولا يحترمها ولا يبغاها؟؟ خميس: زوجها ان شاء الله يقتلها ماحد لو دخل فيها تهاني:ماحتروح معاك والله لو تقتلني ""قرب خميس من تهاني وعطاها كف ..على جية زوجها من الشغل ويسمع صراخهم.. فدخل يشوف اللي يصير"" حمزه:خير ايش فيه؟؟؟ خميس: جانا التاني تهاني: اطلع من بيتي ياخميس خميس:حطلع بعد ماخذ الحيوانه دي "وقرب لخلود بيسحبها من شعرها " مسك يده حمزه وهو يقول: إما انك تجلس بإحترامك او تطلع برا بيتي لو سمحت خميس: وخر انت مالك دخل حمزه: دامها بيتي فهيَّ بضيافتي وماحسمح لك تغلط عليها خميس بعصبيه وهو طالع : وربي ياخلود لأأدبك انتي والزفته دي "وطلع من البيت تارك خلود بخوفها ودموعها وحسرتها " :::::::::::::::: طريق الماطار كانت كلماتها تدور باله.. ملامحها القاسيه ..اصرارها..قوة حروفها .. كل هذا يدور باله.. طلع من عندها وهو يحس انه خلى قلبه معها.. وكان يردد اللي يحب لازم يضحي اللي يحب لازم يضحي اللي يحب لازم يضحي كان يرددها ويرددها لين وصل للماطر ودق على امه اصاله: هلا حبيبي وينك اللي يهديك؟؟ محمد وبألم: تدرين ان فاتن تحب زوجها اصاله وقفت من الخوف عليه وقالت بفجعه:محمد انت وين؟؟ محمد:لا تخافين يمه انا بخليها تعيش حياتها اصاله: محمد انت وين قول لي؟؟ محمد يكمل بصدمته: انا استسلمت وطالع من حياتها اصاله بخوف عليه : محمد انت سافرت لها؟؟؟ محمد بدون تركيز وبضياع قال : خلاص هي ماتبيني ..تخيلي يمه تحب غيري قالت مابيك!! يمه شفت بعيونها حب له ماشفته لي .. ولا مره شفتها تناظرني بحب يايمه ولا مره ... تخيلي يمه تقول انها تكرهني ولا تبيني .. يمه فاتن تكرهني ماتحبني.. اصاله وتحس ان قلبها يتقطع: حبيبي انا احبك, زوجتك تحبك واللي بطنها يبيك ,حنا عائلتك وش تبي فيها!!! محمد:... اصاله:حبيبي انت لا تزعل ,إنساها وخلها تعيش حياتها,وانت كمل حياتك ياقلبي محمد:يمه اصاله:عيون امك محمد:انا برجع امريكا اصاله وتحس بسكين طعنها :ليه بتسافر مره ثانيه؟؟ محمد:ابي انساها يمه ابي انساها اصاله وتحاول تجاريه : خلاص حبيبي سافر كمل الماجستير اللي كنت تتمنى توصل له ,انساها بالنجاح ياعمري محمد:... اصاله:كل شي مع الايام تخف وطئته ,ومصيره يجي يوم وتنساها محمد:... اصاله:انا اللحين بقول لزوجتك تحظر اغراضكم وسافر ياقلب امك ,وانا بدعي لك,وانتظر رجعتك محمد:... "انتظرت انه يقول شي ,يرد عليها لكن حس ان مافيه بلسانه أي حروف .. قلبه ثقل عن جسمه ,وحس انه مخنوق... قفل السماعه .. وركب الطياره ساكت وهادء وسارح وقلبه يقول... معشوقتي برحل وبترك لك قلبي امانه يا محبوبتي بس بأمانه بأسئلك يعني خلاص!! انتي اللحين معشوقتي اللي هَواها ماهو لي؟ ولا تهمك عشرتي.. خلاص يعني خلاص؟؟ برحل وبترك لك هواي بحظوري او بغيبتي اجل خلاص ..ماعاد ابي قلبي وحبي و هيبتي وبرحل واخليهم معاك.. تدرين وش هي مُنيتي؟؟ اسمعك تقولين لي.. حبيبي.. لبيه.. وابيك.. امزح.. ارجع.. عطيني كلمه واحده و اجيك والله بلهفتي معشوقتي .. مافي امل؟؟ إنتهى ؟؟وانتهينا ؟؟وانتهت قصه حزينه.. مِت انا فيها وانتي تضحكي!! بس بأمانه ابسألك يعني خلاص؟ ياهو نزيف بداخلي يصرخ وانتي تسمعي لا انا لِك.. ولا انتي لي.. وضِعْتي من بين قِسمتي؟؟ معشوقتي قدمت لك فيني تضحيه .. بس اذكري.. ايامنا الحلوه وباقي الايام تجاهلي.. يعني اذكريني يومي معاكِ بأحلى صورتي استودعك ربٍ بلا قلبي بحبك وذبت فيك.. وضعت فيك واخرها برجع وحدتي مع السلامه حبيبتي محبوبتي معشوقتي مع السلامه دنيتي :::::::::::::::: ثاني يوم بالمستشفى الرياض جمعت جرئتها وقوتها رفعت راسها وقررت تعرف وش تعني بالنسبه لأحمد ... وشافت ان الوقت المناسب هو اليوم.. بهالساعه..بهاللحظه.. ملت انتظار رحمته .. وملت من مشاعر من طرف واحد .. تبي تعيش حياتها ,تبي تستقر ,وتبي تعرف هي وش تعني له بالظبط من دون اقنعه.. مشت بخطواتها الواثقه وبقلبها الكبير والمتفائل.. ويوم وصلت لغرفة الدكتور احمد اللي كان بابها مردود.. وقفت يوم سمعته يتكلم مع واحد عنده ويقول له.... - هههه بالعكس انا ماندمت على أي شي سويتوا بخميس. اللي معه:معقول؟؟ احمد: تصدقني ازا قلت لك انوا من بعد ما مات عمري مانمت ليلي زي العالم... الناس كلها نايمه وانا مو قادر اغمض عيوني ,كل ماتذكرت انو خميس عائش وسعيد ومتهني احس بالدنيا تقفل على قلبي .. احس اني مخنوق ,احس بالقهر بالالم بالوجع ,انت ماتدري ايش تعني لي نهاية خميس اللي معه: بس مفروض دحين تهدى تقريبا خميس انتهى احمد:لأ لسه مانتهى ,لسه عائش اللي معه :مافهمت ,احنا اتفقنا اننا نهي عليه ماديا مو شي تاني احمد وهو يرجع بكرسيه على ورا:مايكفيني اللي معه :ايش تقصد!! احمد:خميس لازم يموت زي ماكان السبب بموت انين اللي معه : احمد ايش بك !! لاتخلي ساعة غضب تنسيك انسانيتك,انين الله يرحمها مات ,لكن مو معناها انها لازم تنهي حياتك احمد:... اللي معه : لا تصير اناني ياحمد ولاتخلي الحقد يعمي عيونك وينهي عليك. احمد وهو يتذكر ضحكة انين: انا انتهيت لما انتهت حياتها "حست داليا ان كل شي بدا فيها يرجف رجعت خطواتها ماتبي تسمع اكثر من كذا ... انصدمت من تفكيره.. حست بأنه شخص يشبه احمد ولكنه مو هو.. انسان يفكر بتحطيم الناس.. انسان يفكر بماضيه وكأنه حاضره.. انسان يفكر بالقتل.. انصدمت منه,توقعت انها كانت تعرفه ,لكن اتضح لها عكس هالشي .. بدت تخاف من تفكيره..وبدت تخف على نفسها منه. ::::::::::::::::::::: دبي مر اليوم والثاني والثالث وحالة نايف.. تسوء وتسوء مع الايام فاتن : ها يا بدر,مصطفى وش صار معكم؟ مصطفى:اطّمني مِسكوا اللي عملوا كدا بدر اللي جا لفاتن من ثاني يوم للحادث: الشرطه شافت كاميرات المراقبه اللي كانت بالمواقف ,واتضح انهم اثنين من الحراميه آسيوين ويوم رفض يعطيهم نايف اللي بيده اعتدوا عليه فاتن:... بدر:بس اشوه انهم انحاشوا وخافوا يوم شافو سياره داخله,وله الله واعلم وش كان بيصير فاتن جلست والضيق لازمها:... مصطفى: الحمد لله انها جت على اد كدا فاتن:نايف ممكن يموت يا بدر ,وهذا كله ليه؟؟ بدر: انتي ماتعرفين نايف..نايف قوي وانا متاكد انه بيقوم بإرادة الله مصطفى:ان شاء الله فاتن:بدر بدر:هلا فاتن:ابي اشوفه ,حاول معهم <FONT face=Arial>بدر: انتي داريه ان حالته ماتسمح للزيارهP مصطفى يقول لبدر: انت لازم تخليها تروح للفندق ترتاح بدر: فتون من جد لازم تروحين تنامين لك كم ساعه ,وبعدها انا اللي بجيبك فاتن:ماقدر ,صدقني ماراح اقدر بدر: صدقيني مستحيل يدخلونك عنده ,وبنفس الوقت وجودك هنا ماله أي داعي,لك ثلاث ايام تغفين على هالكرسي فاتن:قلت لك ماقدر بدر:استغفر الله العلي العظيم ::::::::::::::: اخذ جواله يبي يدق على وليد إلا تجي له مكالمه من... جارح : ها ان شاء الله وصلك المبلغ؟ خميس:ايوا الحمد لله من امس. جارح:طيب ماقلت لي وش صار معك ,مارديت لي خبر ياخميس؟ خميس:والله ماني عارف ايش اقول لك ,بس اعصابي الايام دي على نار..إستنى عليَّ بس لبكرا اكون اتطمنت اليوم بأني كسبت المناقصه ,وبعدها انا مستعد اجيب لك خلود تبوس رجلك جارح:اكيد؟؟ خميس:ايو اكيد طبعا ,اعتبروا وعد جارح:خلاص اجل يصير خير خميس:ان شاء الله ""بعدها دق خميس اللي على اعصابه على وليد"" وليد: اهلا خميس: انت فين ؟؟متى ناوي تجي وليد:هههه ومن قال لك اني حرجع خميس: نعم؟؟ وليد:بصراحه انا اشوف انك تسمعها مني ..احسن من انك تسمعها من غيري خميس: ... وليد:انا واحمد كُنا السبب ورا كل خسارتك ..ولسه اليوم بعد ماناخذ المناقصه كمان راح تشهر افلاسك خميس بصدمه:وليد ايش بك؟؟ وليد:ههه انت اللي اش بك ,انا خلاص حسكن بالرياض وشغلي حيكون فيها خميس: .... وليد:اذا تبغى نصيحتي..دق على احمد واعتذر منوا لأنو ناوي لك على اكتر من كدا خميس ويحس لسانه انربط:دحين انت السبب ورا كل خسارتي؟؟ وليد:ههه انت للحين مو مصدق,ياحبيبي التجاره شطاره ..وياتاكلني يا اكلك ماينفع احنا الإتنين نكون مع بعض خميس ويحس بثقل برجله: بس المناقصه دي كل ماملكوا فيها!!! وليد: ههه ايش تبغاني اقول لك .. hard luck "وقفل السماعه" :::::::::::::: الرياض قلق احمد على داليا يوم شاف انها ماداومت لها ثلاث ايام.. اخذ جواله ودق عليها اما داليا يوم شافت رقمه .. ترددت ترد او لا .. وبعد مافكرت ردت عليه.. - الو احمد:مرحبا داليا وهي مشتاقه لصوته:هلا احمد:سلامات ايش بك؟؟ لايكون تعبانه داليا:لا الحمد لله مافيني شي احمد:اجل ليه ماداومتي؟؟ اليوم تالت يوم لكِ!! داليا:انا نقلت اوراقي لمستشفى ثانيه امس احمد:وليه؟؟ داليا:.... احمد:ايش بك ياداليا,ايش صار داليا:.... احمد:لا يكون ضايقتك بشي وانا مادري؟؟ وربي اني اشوفك زي اختي واكتر داليا وهي تفكر باللي سمعته منه: لا ابدا احمد:اجل فين المشكله داليا:تبغاني اكون معك صريحه؟؟ احمد:اكيد داليا:راح ادخل بخصوصياتك احمد:خدي راحتك داليا: بصراحه انا سمعت الكلام اللي كان بينك وبين ضيفك احمد ويحاول يتذكر: أي كلام!! داليا: عن خميس وانين احمد: ايش اللي سمعتيه بالظبط؟؟ داليا وبصوت مكسور:احمد .. ممكن مفروض ماقول لك هالكلام ... لكن راح اقوله من غير ماحسب له حساب ,راح اقوله لانه ماراح تهمني علاقتي فيك من بعد اليوم احمد وبكل تركيزه:تكلمي ايش فيه داليا:انا ماتوقعت بيوم اني اصارحك بحقيقة مشاعري بمثل هالظرف,, ماتوقعت بيوم افضح لك اياها قبل مانت تبتدي وتقول لي اياها ,, احمد:!!! داليا:احمد انا احبك ,حبيتك من يوم شفتك ..حبيت عقليتك ,وغموضك ,وقوة شخصيتك.. احمد:.... كملت داليا بجرئتها: تصدق.. حبيت حتى حبك لزوجتك واخلاصك لها ,حبيت تواجدي جنبك,,كنت احس بقلبي ينبض يوم اكون معك ,كنت احس بسعاده يوم اشوفك كل يوم احمد مصدوم: بس ان داليا:لا تكمل انا ادري انك ماتحبني وانك ماراح تحبني ,اصلا على قد ماكنت اتمناك وعلى قد ماكنت ابيك وعلى قد ماكنت اتمنى قربك ,على قد مانا الان كارهه قلبي واعاتبه كل يوم كيف حبك احمد:.... داليا: خليتني اكتشف انك انسان اناني ,قلبك اسود ممكن تأذي البشر من غير تفكير, خليتني اخاف منك ,واخاف اكون جزء من حياتك احمد:انتي ماتعرفي أي حاجه ,ماتعرفي قد ايش خسرت داليا تقاطعه:مافي عذر بالدنيا يخليك تسمح لنفسك بانك تنهي حياة شخص وتكسر قلب اختك وترملها وتخلي عيالها يتربون من غير اب احمد:خميس السبب بموت انين انا ماراح اقدر اسامحوا داليا:خميس مو هو السبب ياحمد,,الله اراد ان تكون نهاية انين بذاك اليوم بذاك الحادث وبهذيك اللحظه ,,الله اراد احمد:.... داليا:.......... احمد:انا تعبان,كل ما اتذكر كيف مات قدام عيني ,كل ماتذكر كيف كانت تضحك وتجري والمطر بالل جسمها ... كل ماتذكر صوتها وصرختها وانفاسها اللي تطلع قدام عيني .. اتعب اموت معاها ,احن لها داليا وهي تحس بحزنه:الله يرحمها ,لكن انت ليه حاس بالذنب؟؟ احمد: لاني خليتها ماحظنتها ولا حافظت عليها ولاحتى حميتها من اللي صار داليا:تدري وين اساس المشكله؟؟ احمد:... داليا: احمد لاتزعل مني ,لكن انت ايمانك بالله ظعيف,ايمانك بالقضاء والقدر ظعيف, لو انك سويت اقصى شي عندك ,لو انك ظميتها وحميتها من المطر ومن السياره على قولتك.. ولو انك حميتها من الحادث نفسه ماكنت راح تقدر تمنع عنها الموت احمد:... وتكمل داليا: إنك تحس انك المذنب والسبب شي,وانك تكون السبب وراء نهاية عائله شي ثاني.. وانك تتحول من شخص متعلم مثقف يشتغل بأرقى مجال يحاكي الانسانيه وتكون تفكر بقتل وموت نفس شي ثاني احمد وبإنفعال: تقولي كدا لأنك ماسمعتي ..لانك ماحسيتي ..ولاشفتي اللي شفتوا داليا:وش شفت؟؟ احمد:انتي عارفه ايش سبب موتها ,وانها ماقدرت تقاوم او تنجو؟؟ داليا:... احمد:اخوها كان يضربها ,تعرضت لرضوض براسها قديمه,وصارت مناطق كتيره بجسمها ضعيفه وماتقدر تقاوم اقل خبطه .. داليا وتسمع سرعة تنفسه :... كمل احمد:بس خبطه هو دا اللي كانت محتاجتوا عشان تموت داليا:لكن احمد:لكن خميس وسميره للحين ماشافوا شي مني ,ولازم يدفعوا تمن اللي سوه بأنين داليا:احمد احمد:... داليا:احمد اسمعني ..ولو مره وحده اسمعني ,بعقلك مو بقلبك.. انين مات,لكن وش ذنب عيالك يعيشون ويذوقون اللي انت ذقته؟؟ احمد:اه داليا:احمد الله موجود وحق انين ماراح يضيع ,وكل اللي انضلم بهالدنيا حقه عمره ماراح يضيع.. وانت راح تكون ضالم مثلهم لو انك بتيتم اطفاله,موبس كذا.. حتى عيالك راح تيتمهم وراح يدفعون الثمن غالي احمد:... داليا:انت مو مجبور تسمع مني او تنفذ,لكن مجبور انك تفكر بغيرك لأن الله ماخلقك لعبث,ولأن عندك مسؤليه راح يحاسبك عليها رب العباد ::::::::::::::: قرائي.. - سافر محمد لأمريكا واخذ معه الخذلان وانكسار الحب .. واخذ معه صفقته الفاشله من تعويض فاتن بسمر.. - وضل نايف بالمستشفى بحاله سيئه ولافقدت فيه الامل فاتن .. - اما خلود وكل يوم وهي على سجادتها تدعي الله يفرج همها او يتغير جارح للاحسن, كانت ماتنام الليل الا ودمعتها على خدها.. كل اللي تبيه زوج..استقرار.. وعائله طبيعيه مو اكثر. وتمر الايام بسرعه ... وتمر الشهور و السنين اسرع... بالبارت الجاي راح نشوف احوال ابطالنا بعد 3 سنوات حابه اعرف توقعاتكم .. نظرتكم لمستقبلهم.. - أي شي يدور بالكم راح يهمني اعرفه.. دمتم كما تحبون فتومه |
|
|
#64 |
|
|
رد: ضمني وخبني بين اضلعك,, بقلمي
مشكوره البارت رائع
وطبعا دائما متألقه بالاسلوب الرائع يعطيكي العافيه |
|
|
#65 |
|
|
رد: ضمني وخبني بين اضلعك,, بقلمي
اخيرا محمد استسلم دا انسان مريض
اتوقع ان محمد هيطلق سمر بعد ما يعرف انها احد اسباب طلاقه لفاتن احمد ممكن يتزوج خلود وبدر يتزوج داليا البارت حلو وانتي اسلوبك حلو ومنظم فعلا يا فتو لكن سبق وقلتلك احذفي الاغاني واستبدليها بأشعار |
