الجزء الثاني والعشرون




دخل فيصل بعد ماطلعوا البنات وسكر الباب وراه !
مشى بهدوء واهو يتأملها متمددة على جمبها وضامة البطانية لصدرها ومسكرة عيونها بتعب..
انتبه لصحن الحليب والساندوش الي على الطاولة .. عرف انه لها وانها رافضة تاكله ..
قعد جمبها على السرير ومسح على راسها بخفة واهو يقول بحنية : فتون ممكن تقعدين شوي ؟؟
فتون كنها سمعت خالد يقول ان فيصل بيدخل .. !!
وكنها حست فيه يوم دخل ومشى وقعد جمبها .. وخفق قلبها بقوة واهي الخفقان ذابحها مع التعب .. بس مع دوختها مو قادرة تستوعب وش يدور حولها بالضبط ..
طالعها فيصل ينتظر منها أي حركة ورد .. لقاها تغمض عيونها بقوة وتضم البطانية لصدرها أكثر ..
لمس بأصابعه جبينها لقاه مسخن شوي .. كنها بداية فلونزا ..
قرب منها أكثر واهو يقول : فتون .. افتحي عيونك شوي ..
فتحت فتون عيونها بوهن .. وشافته واهو مقرب منها ويطالعها .. كشرت بخوف واهي تلم نفسها بشكل يبين انها خايفة منه وقالت بخوف : شتبي فيصل .. ترا والله ماقلت لأحد شي والله .. لاتضربني الله يخليك ..!

انصدم فيصل !! بالوقت الي المفروض يحسسها بالأمان .. حسسها بالخوف والرعب !! لهالدرجة صارت ترتعب مني وتحسبني بآذيها !
اتأمل نظراتها الخايفة والدموع مجمعة بعيونها .. كنها طفلة تترقب الخطر يهجم عليها !! شالي سويته يافيصل فيك وفيها ؟؟

ضاااااق صدره من نظراتها وابتسم بحنية وهو يقول : حياتي انا مو جاي أضربك .. أنا جاي أتطمن عليك .. قالي خالد انك دختي وطحتي وخفت عليك !
لانت ملامح فتون شوي .. وقالت : لاتخاف مافيني شي .. بنام وبرتاح !
فيصل : لاتنامين قبل ماتاكلين .. (( وقف بدون ماينتظر ردها ومشى ياخذ الصحن والحليب ..

تبعته فتون بنظراتها وقالت : ليه سافرت وتركتني يافيصل ؟؟؟؟
التفت فيصل بسرعه عليها واهو عاقد حواجبه باستغراب .. !!

شافها تطالعه ودموعها تسيل بلا شعور منها وتقول بصوت متقطع مع التعب : كنت محتاجتك جمبي ذيك الفترة .. لانها الفترة الي حبيتك فيها واتعلقت فيك بعد .. يمكن أنانية اني حبيتك بتملك .. بس كنت خايفة أضيع من بعدك .. ومع كذا سافرت وتركتني وضيعتني ! (( بكت بقوة واهي تقول : ليه ضيعتني يافيصل ..؟؟ كنت تقدر تترك السفر وتستغل قربي ذاك الوقت وتخطبني .. كنا وقتها بنعيش مبسوطين ونحب بعض .. بس انت اغتريت بعمرك وبغيت تعاقبني على ولا شي ! على اني ماحبيتك من يوم اني صغيرة مثلك ؟؟ على اني ماهتميت فيك وبوجودك زي ماكانت مرام على خالد ؟؟؟ على اني ماغصبت قلبي يحبك ويعشقك من طلعت على هالدنيا ؟؟ ويوم جت اللحظة الي حبيتك فيها استهزأت فيني وتركتني .. !

انلجم فيصل و وقف مصدوم ويطالعها بنظرات تنم على صدمته ! ماكان يتوقع انها كاتمة بقلبها كل هالكلام وشايلة بخاطرها عليه لهالدرجة !!

قعدت فتون على السرير بصعوبة ومسحت دموعها وكملت وهي تشاهق : وش كنت تنتظر مني يوم رجعت ؟؟؟ آخذك بأحضاني وأقول عفية عليك حبيبي عذبتني ؟؟ جرحتني عاقبتني بكيتني دمرتني ؟؟؟؟

فيصل أخيرا نطق وقال : جرحتك وبكيتك ودمرتك ؟؟؟؟ والله الي اعرفه ان مو هذا الي صار فيك .. الي اعرفه انك استغليتي سفري ودورتي على حب ثاني !

فتون انفعلت واهي تمسك راسها بتعب وتقول واهي تشاهق : لاااا يافيصل غلطان .. يافيصل اتذكر قبل ماتسافر طلبتك عند باب بيتنا انك تقعد عشاني ! تتذكر ولا لاء .. ؟؟ قعدت اترجاك وأقولك يافيصل بظيع من بعدك .. ان كانك ماتبيني أتهوّر لا تسافر وخلك معاي ! تذكر وش رديت علي وقتها ؟؟؟ تذكر ؟؟؟

فيصل مارد وضاعت عيونه بالفراغ واهو عاقد حواجبه يسترجع ذيك الأحداث !

كملت فتون تبي تذكره وقالت : أنا أذكرك !! قلتلي انتي ماتبيني اقعد الا عشان أمنعك من التهوّر لأنك تحسبني ماشوفك غير محامي عني وبس .. ماكنت حاس بالي بقلبي وقتها وأنا أتمناك تقعد ..

فيصل : بس انتي ماصارحتيني !

فتون بانفعال : لا تقول ماصارحتك !! حتى يوم كنت ببيتكم أبكي بالحوش وجيت انت وشفتني .. قلتلك فيصل بمووووت اذا سافرت .. بتذبحني بسفرتك .. صرت تتريق انت وتقول مشاعر وقتيه كل واحد يحسها تجاه اي شخص كان مسوي ضجة بحياته !!!

شهقت بقوة وبعدها سكتت وكملت بألم : كنت مابي أخسرك وكنت أرددها عليك ألف مره .. مابي أخسرك يافيصل مابي .. بس انت استهيفت فيني وبمشاعري ورحت وتركتني.. بنفس الوقت الي راح سعود وتركني .. وبذيك الفترة اتزوجت عبير وتركتني .. محد كان حولي وقتها وش كنت تتوقع مني اذا لقيت أحد يحبني وبكل ثقة اتقدم وخطبني ؟؟؟؟
أرفضه عشان واحد خذلني وراح ؟؟؟؟
سحبت مناديل من جمبها ومسحت دموعها ولمت راسها بإيدينها واهي تغمض عيونها بتعب ! كانت هالذكريات تحرق كيانها خاصة واهي تعبانة الحين ولاهي ناقصة تتذكر شي يتعبها ..
مشى فيصل عندها واهو يقول برجاء : بس يافتون .. انتي شالي خلاك تكتمين بقلبك هالكلام طول هالوقت .. كنا عايشين لحالنا ثلاث شهور مانطقتي فيهم .. ؟؟
قعد جمبها وحط الصحن والحليب جمبه ومسك ايدها وضغط عليها واهو يقول : ليه الحين اتكلمتي وانتي منهارة وتعبانة؟؟
فتون : انا ماكنت باتكلم أبد .. بس دامك قررت تطلقني بسبب تعاملي لازم تعرف وش أسباب تعاملي هذا !
ضيق فيصل عيونه وقال بابتسامة حنونة : أطلقك ؟؟؟؟
فتون هزت راسها ببرائة وقالت : مو هذا كلامك بالطيارة ؟؟؟
فيصل بنفس الابتسامة : انا قلت بطلقك ؟؟؟؟
فتون : قلت بارميك عند أهلك رمية وحده هذا شمعناه ؟؟؟؟
فيصل : له ألف معنى غير اني أطلقك .. (( مسح على خدها بنعومة واهو يقول : مشكلتي مع كل الي تسوينه فيني أحبك يافتون ولاقدر استغنى عنك .. وانا كان قصدي أخليك عند أهلك هالفترة .. بريحك مني شوي وأخليك تنبسطين مع اختك الي من زمان ماشفتيها ومع امك وصاحباتك .. وانا خليني بعيد كل واحد فينا يراجع حساباته و .. يختبر مشاعره !
فتون لسبب ما سالت دموعها من جديد .. ماتدري شهالصراع العجيب الي يدور بقلبها مابين حاجتها ورفضها لقربه ..
مسح فيصل دموعها واهو يقول بضيق : الحين ليش تبكين ؟؟ مو تقولين انا نادرا ماأبكي ؟
فتون : لااستانس حبيبي .. على يدك اتعلمت كل انواع الدموع .. هذا الي كنت تبيه وتتمناه ومستغرب ليه ماتشوفني أبكي !! .. علمتني شلون هي دموع القهر .. وش هي دموع الحزن وش هي دموع الخوف وش هي دموع الألم والضرب .. و ....
فيصل قاطعها بضيييق : خلاص فتووووووون .. يعني بالله عليك انتي ماسويتي شي ؟؟ مو كنتي دايم تنرفزيني بكلامك وحركاتك ؟؟؟
فتون واهي تشاهق : اي انا الغلطانة وانا الظالمة وانا هذا طبعي شتبيني أسوي ؟؟ وانت ماخليت عقاب ماعاقبتني فيه وتبيني أتعدل من بعده لا مستحيل !! بالضرب والصراخ انا ماأمشي يافيصل وانت يوم رحمتني أخيرا شسويت ؟؟ كيف كانت رحمتك ..؟؟ جافيتني وصار كل واحد بحاله لا كلام ولا سلام ؟؟ وتبيني أتغير ..؟؟ انا مو بهالاسلوب أتغير يافيصل مو القسوة الي اتغيرني !
ماتحمل فيصل كلامها وضعفها وسحبها لصدره بهدوء وضمها .. شلون نسى انها طفلة بكل ماتعنيه الكلمة ! طفلة ماتمشي الا بالكلام الحلو والطبطبة واللين ! وبلحظة نسى كل الي سوته فيه من عناد وطولة لسان .. وماصار يذكر الا حبه الكبيـــــر لها .. وباس راسها واهو يحس بالندم على كل الي سواه فيها ..
لمت فتون نفسها على صدره واهي تمسح دموعها ..
مسح فيصل على راسها بحنان وبإيده الثانية رفع كاس الحليب وقربه من فمها وقال : اشربي يافتون شوي
فتون : بطني لايعة فيصل ماقدر ..
فيصل : شوي بس يافتون مو لازم تخلصينه كله ..
قربه من فمها واهي لازالت على صدره .. فتحت فمها وشربت شوي .. وحاول معها تشرب زيادة لين حست انها مو قادرة تبلع شي أبد ..
رجع فيصل الكاس وخلاها ترتاح على صدره .. كانت ساندة راسها وجسمها على الجمب .. ظل يمسح على شعرها ويتأمل ملامحها الذبلانة .. وعيونها مسكرة بتعب ..
اجتاحت مشاعر حبها بقلبه .. اتمنى هالوقت لو يقدر يرجع الأيام لورى ويغير كثير من مواقفه .. لو اني بس ماسافرت عنها .. لو اني بس ماقسيت عليها .. لو اني اتحملت دلعها وزعلها وعنادها .. لو .......... آخ شتنفع اللو الحين !! هذانا وصلنا بالآخر لهالحال !

اتنهد وطالع فيها لقاها مو حاسة فيه .. شكلها نامت من التعب .. قطع قلبه شكلها واهي نايمة وآثار الدموع والتعب على وجهها .. بلحظة انفعلت وطلعت كل الي بقلبها .. وبلحظة هدها التعب ونامت ! وش يبي أكثر من كذا ليجزم انها طفلة !!
مسكها من خلف ظهرها بخفة .. ونزلها مكانها بهدوء .. وغطاها بالغطا .. وانحنى وباس جبينها وهمس عند اذنها : باشتاقلك حياتي ..
اتأملها بآخر نظرة .. حسها غاطسة بالنوم وتعبانة ولاهي حاسة فيه .. نزل عينه بعدها ومشى عنها وفتح الباب وطلع واهو يقاوم التفاتة أخيرة لو التفتها يمكن يتراجع عن قراره .. ضغط على قلبه وطلع بهدوء .. وسكر الباب بنفس الهدوء ..

مشى وانتبه لخالد وعبير قاعدين بالصالة ووجدان وبشاير استأذنوا وراحوا ..
ضيق عيونه فيهم واهو يشوف بعيونهم الاستفسار .. قال من قبل مايسألونه : شربت شوي من حليبها ونامت ..
خالد : شفيها يافيصل ؟؟؟
فيصل واهو يقعد : ابد ياخالد بس ماكلت ولانامت زين هاليومين ..
خالد : أكيد مو شي ثاني ؟؟ مايحتاج نوديها المستشفى ؟؟
ابتسم فيصل بخفة واهو يدري وش يقصد .. وطبيعي جدا انه يفكر بهالتفكير لان محد يدري عن الوضع والانفصال الي كانوا عايشينه بذيك البلاد ..

قال : لاتقلق ياخالد مافي شي .. خلوها تنام ولحد يصحيها لين تصحى بنفسها وترتاح وبعدين خلوها تاكل زين وان شاء الله بتتحسن .. الي فيها ضعف صدقني !
خالد بضيق : واهي ليه وصلت لهالضعف طيب ؟؟؟
طالعه فيصل بنظرة فهمها خالد على طول .. انه مايبي يقول شي قدام عبير .. والتفت على عبير وقال: شلونك عبير .. ؟؟
عبير : بخير الحمدلله .. انت شلونك والحمدلله على سلامتكم ..
فيصل : الله يسلمك اعذريني والله مانتبهتلك وانا داخل الغرفة قبل شوي !
عبير : لا عادي كلنا انربشنا ..
فيصل : شكل خالتي مو موجودة !
خالد : اي والله طالعة بس شوي وتجي ..
فيصل واهو يوقف : زين بروح أشوف أهلي الحين وان شاء الله بمر وقت ثاني أسلم عليها وعلى عمي ..
خالد واهو يوقف : مامريت على أهلك ؟؟؟
فيصل : لا والله من المطار على هنا ..
خالد : يالله أجل أنا أوصلك
فيصل : مو بكيفك اصلا مالي غيرك ..
خالد : ههههههههههه بدينا ..!
ضحك فيصل ومارد .. ومشى وطلع واهو مافيه حيل يرد .. كلام فتون وشكلها وحالتها ضيقت صدره وقتلت اي احساس فرح ممكن يحسه ..

ركبوا السيارة وفيصل رجع المرتبة على ورى وسند راسه .. شغل خالد السيارة واهو يطالع بفيصل وقال واهو يحرك السيارة : شفيكم يافيصل ؟؟
فيصل : فينا الي كافينا ..
خالد : والله اني حاس .. فتون هذي محد يقدر عليها الا الي خلقها ..
فيصل بضيق : لاتظلمها ياخالد .. انا الي ماعرفت أكسبها وأتعامل معها ..
خالد بسخرية : شالي ماعرفت ؟؟ ترا ذي طفلة أي أسلوب يمشي معها ..
فيصل : وهذي المشكلة ياخالد .. الطفل وخاصة اذا كان عنيد .. ماتمشي معاه القسوة !
خالد بصدمة : وانت كنت قاسي معها ؟؟؟؟
فيصل بغصة : أكثر من ماتتصور !
خالد : ليه يافيصل ؟؟ هذا وهي غالية على قلبك .. !
فيصل : لاتلومني ياخالد والي يرحم والديك قلتلك الي فيني كافيني ..
سكت خالد شوي وبعدها قال : حتى ولو يافيصل أكيد اهي حدتك وطلعتك من طورك !
فيصل بقهر : انت ليه شايل عليها ؟؟؟؟
خالد : مو شايل عليها ولا شي بس اختي واعرف طبعها ..
فيصل : اختك مافي أزين منها حبيبي بس يبيلها من يعرف يكسبها .. (( اتنهد بضيق وسكر عيونه ..
طالعه خالد حس انه ماله خلق يحكي ويتكلم ..
وفيصل راح بأفكاره مابين كلام خالد ومابين أحاسيسه .. يحس بالندم واللوم .. يحس بتأنيب الضمير بنفس الوقت يحس بالظلم !! نادم على قسوته وضربه وعصبيته وانفعاله .. بس شسبب هذا كله ؟؟؟
اتذكر كلام فتون :
"عاقبتني على ولا شي !!!"
" على اني ماحبيتك من يوم اني صغيرة مثلك ؟؟ على اني ماهتميت فيك وبوجودك زي ماكانت مرام على خالد ؟؟؟ على اني ماغصبت قلبي يحبك ويعشقك من طلعت على هالدنيا ؟؟ "
انعصر قلبه بقوة .. كان يحبها بكل حواسه وبكل ذرة بكيانه .. كان ولازال على هالحال .. وبنفس الوقت كان احساس انها ماتكن بقلبها تجاهه ولا شعور .. يحرق قلبه .. لا والي يحرقه أكثر انه يحسها ماتطيقه ولاتبيه !!
ليتها بس ماحبتني .. كان أهون علي من انها كانت ماتطيقني وترفضني .. يمكن هذا الي خلاني أروح وأتركها يوم حسيتها بدت تميل لي .. ماكنت أبي أظيع بالمتاهات الي شفتها بعيونها .. مشاعر توها انولدت بقلبها !! كنت أبي أنميها وأكبرها.. بس للأسف قتلتها بمهادها !! كنت أبي أحسسها مرارة الحرمان الي حسيتها .. أبي أذوقها ألم الهجر والبعاد .. ظنيت اني بولعها أكثر .. هههههه ياحظي أبعدتها أكثر !!
اتنهـــــــد تنهيدة وصلت لمسامع خالد الي رجع يلتفت عليه ويطالعه وماقدر يمنع نفسه يسأل : طيب الحين خليتها عندنا وبعدين ؟؟ شناوين عليه ؟؟
فيصل بنفس وضعيته : مادري ياخالد .. الحين خلنا نبعد شوي عن بعض كل واحد يراجع حساباته واذا كان لنا نصيب نرجع لبعض رجعنا .. وان كان مالنا نصيب .. (( وبتنهيدة : أكبر غلط أجبرها ترجعلي زي ماجبرناها تتزوجني !
خالد : لا ان شاء الله بترجعون لبعض يافيصل وبدون ماينجبر احد على الثاني ..
فيصل بهمس : ربك كريم ..

وصلوا البيت ونزل فيصل وشكر خالد .. وقاله : اتفضل اقعد معانا شوي ..
خالد : لا مشكور يافيصل خذوا راحتكم انتوا
فيصل: يالله أجل بيننا اتصال ..
خالد : ان شاء الله .. سلام ..
وركب السيارة وشخط فيها ..

فتح فيصل الباب بالمفتاح الخاص فيه ودخل وسكر الباب وراه .. أخذ نفس عمييييييييق واهو يتأمل الحوش .. وابتسامة انرسمت على فمه واهو يتخيل أمه وخواته ..
مشى واهو يخمن من ممكن يواجه أول مايدخل وكيف وضعهم ؟؟؟
فتح الباب الداخلي وأول مادخل سمع صراخ يقول " جـــــــاء جــــــــاء ... "
وبعدها سمع صوت ركض لناحيته التفت بسرعه لقى مشعل يركض وبعدها وقف مصدوم وقال واهو موسع عيونه بصدمة : لا لا ماجــــاء !!
ضحك فيصل : منهو الي جاء وماجاء .. !
مشعل واهو لازال مصدوم : أبوي .. أحسبك ابوي .. انت ليه جيت ؟؟؟
فيصل : هههههههههههههههههههههههههههه حلوة ليه جيت مب عارف تعبر عن صدمتك .. تعال يالدوب اشتقتلك
أخيرا استوعب مشعل وصرخ واهو يركض : فيصـــــــــــــل أخوووووووووي جااااااااااااء
ضحك فيصل وفتح ايدينه وضم مشعل واهو يقول :هلا والله بنائب ولي العهد .. شلووونك حبيبي ؟؟؟
مشعل : بخير الحمدلله ( وقف وقال : وش السالفة ؟؟؟
فيصل : ههههههههههههه أبد الله يسلمك يقولون زواح اختي اسبوع الجاي وجيت أحضره
استانس مشعل انه يكلمه كنه رجال ورفع راسه وقال : وخلصت ولا بترجع ؟؟
فيصل : اختياري وانا اخوك .. لو بغيت ارجع رجعت ولو بغيت اقعد قعدت
مشعل صدق عمره ورفع حاجب وقال : انا اقول انك ترجع !!
فيصل هههههههههههههههه اقول انقلع

" فيـــــــــــــثــــــل "
ومن غيرها الي تناديه بهالطريقة ؟؟ التفت وعلى فمه أحلى ضحكة وشافها واهي ورى الدرج مستحية .. انحنى بسرعه وفتح ايدينه ونادها واهي استحت وغطت وجهها .. ضحك واهو يقول : شفيك مستحية حبيبتي تعااالي ..
ركضت واهي مغطية وجهها وطاااااحت بحضنه وشالها وضمها وداااار فيها واهو يقول : وحشتيييييييني يابعد هالدنيا انتي ..
ضحكت ساره واهي تقول : وانت وحسـتيني بعد ..
فيصل : وحستك ! هههههههه يازينك
مشى واهي متعلقة برقبته واهو ضامها من ظهرها ويقول : مشعل وين أهلي ؟؟؟
مشعل واهو يمشي وراهم : أبوي طلع مشوار وقال اذا قعدتوا عاقلين بجيبلكم حلويات وأنا جاي !
فهم فيصل ان ابوه ماوصاهم كذا الا لأن محد حولهم .. وقال : ليه وين امي والبنات ؟؟
مشعل : منى ومرام بالسوق .. وامي وخالتي فوق بغرفة مرام يرتبون أغراضها ويبكون ..
فيصل : يوووووووه لازم هالموال ؟؟
طلع الدرج بسرعه وساره تضحك لانها تناقز معاه واهي متعلقة برقبته ..
مشى لغرفة مرام وشاف بابها مفتوح ابتسم ومشى ووقف عند الباب وقال بصوت عالي : جاااااااااكم من يمسح دموووووعكم .. !
مشعل ضحك وراه وقال : ههههههههههههههههههه كرتون مناديل
أم فيصل شهقت وخبطت صدرها وقالت : ياقليبي على ولييييدي !! (( وسالت دموعها وهي توقف ..
فيصل واهو يمشي ناحيتها : ياقليبي انتي يمه ..
حاول ينزل ساره بس هالبنت متعلقة بقوة راح أبعدها على الجمب وضم امه من الجهة الثانية ..
مشعل عصب وجا ورى ساره وصار يهمس بعصبية : انزلي ياغبية خلي فيصل يسلم على أمي
ساره بقهر : قاعد يثــلم عليها الحين وس دخلك ؟؟؟
مشعل بنفس العصبية : مو قادر يسلم عليها زين بسببك ..انزلي وبس ..
مانتبه الا على الي شدته من اذنه واهي تقول : انت مالك شغل فيها .. سامع ولا لاء !!
مشعل صرخ : آآآآي آآآآآي طيب نسيت ان محاميتها موجودة !
حنان واهي تترك اذنه : لا حبيبي موجودة او مني موجودة لاتحارشها ..
وقعدت جمب ام فيصل طبعا بعد ماسلمت على فيصل ..
قعد فيصل جمبهم وساره بحضنه وقال واهو يقعد : ايه يمه وش أخباركم أجل حايسين ؟؟؟
ام فيصل : مره يافيصل كل شوي تطلعلنا شغلة ونسويها واختك بعد تتشرط وتبي كل شي على سن ورمح ..
فيصل : ههههههههههه أكيد زواج الغالي ..
حنان : اي والله لو تشوفها شلون مستخفة ..
فيصل : ههههههههههه ياحبيلها .. وانتي ياحنان أخبارك ؟؟
حنان: بخير ياعمري والله اشتقناااااااالك انت وفتووون مرررررره ..
أم فيصل :إي والله .. وينهي وديتها لأهلها .. ؟؟
فيصل : اي وبتجي ان شاء الله تسلم عليكم ..
ساره : ليه ماجـت معااااك أبي أسوووفها ..
فيصل : والله ياعمري حتى هي تبي تشوفك وان شاء الله تجي وتجيبلك هدية معها
ساره بفرحة : ياسلااااااااااااام .. (( وطالعت بمشعل وهي تضحك
مشعل : حتى انا بتجيبلي وتشوفين ..

سمعوا الباب السفلي ينفتح .. وفز مشعل واهو يقول : جا ابوووووي ..
وقف فيصل واهو يبتسم وساره لازالت متعلقة برقبته .. قال واهو يحاول ينزلها : حبيبتي بروح أسلم على بابا بعدين أشيلك
ساره بضحكتها الي ماتفارقها : تيب ..
باسها وطلع وطلع الكل معاه ونزلوا الدرج وسمع ابوه واهو يقول : لالا تكذب يامشعل ؟؟؟ بذمتك ؟؟
رفع عينه وشاف فيصل ينزل الدرج !!
شخص بصره وشقت الضحكة وجهه وهو يقول : هـلااااااا والله بفيصـــــــــــل هلا بالغالي ..
فيصل : هلابك ياتاج راسي .. (( وباس راسه وإيده وضمه بكل شووووق ..
أبو فيصل وصوته متهدج بالدموع : هلا هلا والله .. الحمدلله على سلامتك يبه
فيصل رجع يبوس راسه وقال : الله يسلمك ويبقيك ..
ومشوا كلهم للصالة وقعدوا سوى ..

وماطال الوقت يوم وصلت منى ومرام ..
فتحوا الباب ودخلو ومعهم أكياسهم ومرام تقول : آآآآآآآآه ياظهري ان شاء الله هذي آخر مره أنزل السوق
منى : كل يووووم تقولين آخر مره ومن بكرا تنزلين وتجريني معاك من الدوام والله بيحاسبوني ..
مرام : قايلتلك خذي اجازة مارضيتي و .......... ((قطعت كلامها فجأة يوم التفتت وشافت فيصل يطالهم ويضحك ..!!
صرخت واهي ترمي الاكياس : فيييييييييييييييصل !
منى انفجعت وقالت واهي تلتفت : بسم الله وين ؟؟؟؟
وشهقت يوم شافته ورمت الاكياس اهي الثانية وصرخت وركـــــضت اهي ومرام عليه ..
وقف فيصل واهو يضحك وما مداه يوقف الا نطوا الثنتين عليه وقامت ساره تحسب الدعوة لعب ونطت عليه معاهم !!
طاحوا كلهم على الكنب وقال ابو فيصل وهو يضحك : شوي شوي ذبحتوا الولد !
مرام واهي تضمه بقوة وتقول : حبييييييييبي والله اشتقتلك مووووت موووووت !
منى : واهي تضمه من الجهة الثانية : فصوووولي ياقلبي وحشتنييييييييييييييييي
ساره الملقوفة : فـثوووولي وحسسسسسسستني
مرام : انا قايلة حبيبي اخوي مو مطنشني وأكيد بيجي يحضر زواجي
منى : مسكينة انتي جاي عشاننا كلنا مب عشان زواجك بس
ساره : اييييه عساننا كلنا ..
مرام : لاااااا عشان زواجي غصب عليكم .. مو صح فصووول؟؟

فيصل بصوت يالله يطلع : الحين ممكن تبعود عني يالثلاث عشان أقدر آخذ نفس وأرد عليكم!!

ضحكوا وأبعدوا عنه شوي بس ذراعاتهم على رقبته .. أخذ نفس بطريقة تضحك وقال : هلا والله !
ضحكوا ورجعوا يرحبون فيه ويتهاوشون عليه ..

" آآآآآآخ متى أرجع لأهلي مثلك فصووووووووول وخلهم يكتمون على أنفاسي أهم شي أرجعلهم فديتهم "


******

فتحت عيونها بتعب .. والتفتت على يمينها واتفاجأت بصورة جبمها تعني لها الكثيـــر .. صورة خلتها تبتسم وتلتفت على يسارها عشان تتأكد من المكان الي هي فيه .. ! شافت سرير فاضي بس عرفت صاحبته .. أخذت نفس عمييييق واهي تملا صدرها بريحة الغرفة .. آه ياقلبي هذي غرفتي انا وعبير .. !
قعدت بخفة واسترجعت على طول الأحداث الماضية ..
دخلت سلمت على عبير وبنات عمتي بعدين حسيت الدنيا تدور فيني .. بعدها انتبهت على موية تنكب على وجهي بعدين جا خالد وشالني للغرفة ومعاه البنات ..
بعدها ... بعدها ..
طلعوا البنات ودخل فيصل !!
اتذكر ان فيصل دخل وانفجرت أنا فيه واتكلمت كلام كثييييير .. أتذكر ان كل الي بقلبي طلعته ذاك الوقت .. بس كان مصدوم من كلامي ! ايه أكيد ماتوقع اني شايلة بقلبي عليه !! بس غريبة ماعصب علي وضربني !! اي والله غريبة !!
جاني وقعد جمبي و حضني !! وهـ شلون خليته يحضني ؟؟ لا وبعد شربني الحليب و .. بعدين شصار !!
شهقت واهي تحط ايدها على فمها وتقول .. شكلي نمت على صدره !!! .. يوووووووه انا شسويت ؟؟؟ شكلي كنت تعبااااانة وماحسيت على نفسي .. شلون أرضى انام على صدره واهو هددني بالطلاق !!!
طلاق ؟؟ وش قاعدة أخربط أنا .. صح هو قال انه مستحيل يطلقني لأنه .. يحبني ..! ولأنه مايستغنى عني .. !! طيب الحين انا فرحانة ولا وشو بالضبط ؟؟؟
يووووووووه شهالافكار انا بعد خليني أقوم أشوف أهلي بس .. شكل أحد منهم شالني وحطني بغرفتي .. فديتهم بعد عمري ..
وقفت وتأوهت بألم ورجعت قعدت على السرير ! آآآآآي ساقي ! شسالفة هالساق كل مالي أنخبط فيه وبنفس المكان !!..
طالعت الساعه لقتها 6:30 الصباااح .. وقفت مره ثانية وسكرت عيونها بألم بس قاومت آلامها ومشت للحمام .. لقت ملابس لها مجهزة على الدولاب وابتسمت بفرح .. يااااااااسلااااام رجعت أيام الدلع والدلااااال ..
سكرت الباب وأخذت لها شاور سريع وبدلت ملابسها وطلعت واهي تقاوم ألم ساقها .. لقت سجادتها الي دايم تصلي فيها بمكانها ..
فرشتها وصلت الفجر .. وبعدها مشت وفتحت باب غرفتها بهدوء وطلعت ..
مشت واهي تعرج لين الدرج وطلت منه وشافت خالد وأبوها يفطرووون ..
ابتسمت بكل فرح واهي تشوف أبوها ووقفت أول الدرج وقالت بدلع : باااااااابي !
التفتوا كلهم للصوت وشافها أبوها وكنه شايف جنته قدامه !! نط من مكانه واهو يقول : ياعيون بابك انتي ..
خالد : بابك ههههههههههههههههههه لا دولابك أزين ..
ضحكت فتون واهي تنزل الدرج بشويش وتقول : اسكت يالغيووووور ..
طلع أبوها نص الدرج واهي نزلت للنص ونطت عليه واهو ضمها من خاطر أبو ولهان ومشتاق لبنته ودلوعته ويقول : شلونك حبيبتي ان شاء الله بخير ياماما؟؟
فتون : الحمدلله انت شلوووونك يبه اشتقتلــك ؟؟
ابو سعود : بخير والله الحمدلله على السلامة
فتون : الله يسلمك يارب
ابعدت عنه ونزلت جمبه واهو نزل قبلها واهو يقول : شلون فيصل ان شاء الله طيب ؟؟
فتون : ........... بخير .. الحمدلله ..
نزلت وقعد ابوها وقعدت جمبه وريحة الأكل شهتها واهي الي صارلها كم ما أكلت ..
خالد : اكيد اشتيهتي الحين وبتخلصين الاكل علينا
فتون : اسكت والله بمووت من الجوع ..
خالد : قومي خلي سولا تسويلك شي واتركي فطوري انا وابوي
ابو سعود : خالد وجع ! خل اختك تاكل الي يسمع يقول بتاكل كل هالصحن الحين ..
خالد واهو يضحك : وسع صدرك يبه أحب اناكفها
ابو سعود : سمي بالرحمن حبيبتي وكلي ..
فتون : ماعليك يبه لاتوصيني .. ((وشمرت أكمامها بطريقة ضحكتهم وبدت تاكل ..

ابو سعود : اتغدي عندنا يافتون مابي ارجع القاك رحتي !
فتون بصدمة : وليه وش يروحني اصلا ؟؟؟
ابو فيصل : يجي فيصل ويضحك عليك بكم كلمه وياخذك قولي لا اقعد انت اتغدا مع ابوي
فتون : ايييييييه .. لايبه لاتشيل هم .. انا باقعد على قلوبكم طول هالايام !
ابو سعود : ليه يمه عسى ماشر ؟؟
فتون بضحكة : مافي شي يبه شفيك خفت بس مشتاقة لكم وابي اشبع منكم كم يوووم ماتكفيني ساعات ..
ابو سعود : ايه أشوا اجل الحمدلله ..والله حتى انا مشتاقلك وابي اقعد معاك زين اذا رجعت ..
فتون : ان شاء الله ..
وقف واهو يقول : يالله اجل فمان الله .. خالد لاتاخذك السوالف وتتأخر ..
خالد : قايم قايم ..
طلع أبو فيصل الا خالد قال : كم يوم ناوية تقعدين ..؟؟
فتون واهي تاكل : مدري ليش ؟؟؟
خالد : لا بس باتطمن عليكم ..
فتون : انت خل بالك من نفسك وبزواجك الي بعد اسبوع وماعليك منا ..
خالد : والله تشوفين اذا محد نفعكم غيري !
سكتت فتون شوي بعدين قالت : تنفعنا بايش ؟؟ انت تدري عن شي ؟؟
خالد واهو يوقف : لالا وش بيدريني أصلا .. يالله اشوفك اذا رجعت .. مع السلامة

وطلع واهي عقدت حواجبها تفكر شوي .. بعدين نفضت من بالها اي أفكار وكملت أكل ..

طلعت سولا وقالت : مدام تبغى جيب فطور تاني !
فتون : هههههههههههههههههههههههههههههه وش قلتي ؟؟؟؟
سولا باستغراب : تبغى فطور تاني ؟؟؟
فتون : لالا ههههههههههههههههههههههههههه الكلمة الي قبلها وشهي ؟؟؟ وش ناديتني ؟؟
سولا وهي تضحك : مدام !!
فتون : هههههههههههههههههههههههههههههه ههههه والله وصرتي مدام يافتون ههههههههههههههههههههههههههه تجنن منك ياسولا .. ههههههههههههههههههههه انا فتون الي كنتي تهاوشيني وانا بزر وتطلعيني من المطبخ صرتي تقوليلي مدام ههههههههههههههههههههههههههه
سولا : ههههههههههههههههه هيّ كدا دنيا
فتون : هههههههههههههههههههههههههه بطني آآآآه هههههههههههههههههههههههههه اي والله هيّ كدا دنيا ولا بالله ياسولا كنتي تتوقعين اني باخذ فيصل ؟؟ فيصل الي كنت اكرهه واتهاوش معاه كل ماشوفه اتزوحه ؟؟ خطر على بالك هالشي ؟؟
سولا مافهمت وش تقصد بس فهمت ان الكلام عن فيصل وقالت : سفتي كيف ؟؟
فتون : هههههههههههههههههههههههههههههه ههههه بس ياسولا ضحكتيني رووحي خلاص مابي شي
سولا واهي تهز راسها : ههههههههههههههه مزنونة انتي ..
فتون : ههههههههههههههه وجع انتي المجنونة ههههههههههههههههههههههه

" اي هذي بنتي ماتغيرت .. عادتها تصحينا من النوم بضحكها ورجتها "

التفتت فتون وشافت امها تنزل من الدرج
نطت ناسية ساقها وألمها واهي تقول : مااااااااااامييييييي حبيبتييييي عمرررررررري ..
ضحكت ام سعود ونزلت بسرعة ورشاقة وحضنت بنتها بقوووووووة واهي تقول : والله فز قلبي يوم طلعت من الحمام وسمعت ضحكك ورجتك .. قلت هذي هي فتون ماتغيرت ..
فتون : هههههههههههههههههههههههههههه ولا أكبر قوة بالكون تغيرني ..
ام سعود واهي ماسكة ايد بنتها وتقعد : ياعمري انتي شلونك الحين ان شاء الله أحسن
فتون واهي تقعد جمبها : الحمدلله مدري وش جاني امس بسم الله دخت ونمت ولادريت عن نفسي الا تو ..
ام سعود : قلقتينا انا وابوك والله كل ساعه ندخل عليك ونشوفك
ضمت فتون أمها بقوة واهي تقول : ياعممممممممري انتي وابوي وبس .. والله وحشتوووني بغيت أنهبل بالايام الأخيرة ..
ام سعود : ياحياااااتي انتي قوليلي وش اخبارك وأخبار فيصل ؟؟
فتون : بخير الحمدلله قدر يخلص شغله قبل زواج خالد وجينا ولا كان بموت من القهر لو ماجيت ..
ام سعود باستهبال : لا اشوا اجل جابك قبل لاتموتين ..
فتون : هههههههههههههههههههههههههههههه ه هذا الي همك
ام سعود : ههههههههه اكيد .. وقاعدة عندنا اليوم ؟؟؟
فتون : ايييييييييييه شفيكم علي انتي وابوي وخالد .. ترا من الحين اعرفوا ماراح أطلع من البيت قريب يمكن اقعد شهرين ثلاث أربع !
ام سعود بصدمة : وشو ؟؟؟؟؟ مب صاحية انتي .. !!
فتون مسوية حزينة وتقول : لهالدرجة ماتبيني ؟؟
ام سعود : اقول اهجدي ايه مابيك شهرين ثلاثة تتركين رجلك ! اقعدي عندنا كم يوم وخلاص روحيله ..
فتون بتنهيدة : يصير خير .. المهم وين عبير ؟؟
ام سعود تجاهلت سؤالها واهي تتفرس بنتها بنظراتها وقالت : والله مادري وش هببتي بحياتك انتي وفيصل !!
فتون باستهبال : يووووووه كل الي تتوقعين خبطنا ورقعنا وعجنا وخبزنا وحرقنا وكل الي يخطر على البال سوينا ..
ضحكت ام سعود وقالت : والنتيجة أهم شي ؟؟؟
فتون : يمممممممه خلاص فكينا منه الحين وقوليلي وين عبير ؟؟
ام سعود : وين عبير يعني بتترك زوجها وتنام هنا عشانك ؟؟؟
فتون : وجع ماصدقت شافتني نمت رجعتله !!
ام سعود : ايه رجعتله وقالت اذا صحت فتون وروقت جيت ..
فتون واهي توقف : بروح أكلمها هالهايمة هذي ..
ام سعود : نايمة الحين تلقينها ..
فتون : والله بصحيها تجي مو لازم تنام
ام سعود : أجل دقي على جوالها ..
فتون : اكيد ..
وراحت للتلفون واتصلت على عبير لين انقطع الخط ماردت .. رجعت تتصل مره ثانية وبعدشوي ردت عليها وصوتها نوم وتقول : هلا يابعد قلبي ..
فتون : هههههههه شدراك انها أنا ..
عبير : ههههههه وشدراك ان انتي بعد قلبي !!
فتون : الا ادري اني بعد قلبك وعمرك وكلك بعد ..
عبير : واثقة انتي وهالوجه .. المهم شلونك الحين ؟؟؟
فتون : تماااام بس يالله تعالي
عبير : الحين هذا وقت أجي بالله عليك وبعدين مين بيجيبني تركي بالدوام !
فتون : يووووووه عبير خلي سواقهم طيب يجيبك ..
عبير : انت شصحاك بسم الله !
فتون : صحاني الشوووق والوله المهم خلصينا وتعاااالي
عبير : اوكي بكلم تركي واشوف ..
فتون : يالله ورديلي
عبير : اوكي سلااام ..

سكرت من فتون وقعدت واهي تفرك عيونها .. فيها النوم بس اتحمست للروحة يوم كلمتها فتون ..
دقت على جوال تركي واهي شايلة هــم رده ..
وبعد كم رنة رد عليها : نعم ..
عبير : هلا تركي ..
تركي : هلا عبير ..
عبير : شلونك ؟؟
تركي : الحمدلله ..
سكتت عبير شوي بعدين قالت : أقول تركي ..
تركي : نعم ..
عبير : شعندك انت وهالنعم ؟؟؟
تركي : ها آمري شتبين ؟؟
عبير : مايامر عليك عدو بس حبيت أقولك بروح لأهلي ..
تركي : الحين ؟؟؟
عبير : ايه .. دقت علي فتون وتبيني أجيها ومافيني نوم وودي أروح ..
سكت تركي شوي بعدين قال : ومين بيوديك ؟؟؟
عبير : بشوف السواق اذا موجود وداني !
وتركي : واذا مو موجود ؟؟
عبير : مادري عاد ..
تركي : دقي عليك ..
عبير : .......... أوكي ..
تركي: يالله مع السلامة ..
عبير بهمس : .... مع السلامة ..
سكرت منه واهي تحس دموعها شوي وتطفر منها ..
طلعت من جناحها وسألت الخدامة عن السواق وقالتلها انه رايح يجيب بعض المقاضي ..
رجعت الغرفة وجت تبي تدق على تركي اترددت شوي وبالآخر رمت الجوال .. مافيها حيل تدق وتسمع صوته الجاف وكلامه البارد ..
راحت للحمام وغسلت وبدلت ملابسها وطلعت .. انتبهت لجوالها ينور واتذكرت انه على الصامت .. مشت وأخذته واهي متوقعة انها فتون بس اتفاجأت يوم لقته تركي المتصل ..
ردت بنعومة : هلا حبيبي ..
تركي : شصار عليك ؟؟؟
عبير : مافي السواق أرسلوه يجيب مقاضي ..
تركي : امممم .. ومصرة تروحين ؟؟؟
عبير : ماوراي شي بس مادري شلون بروح بشوف أكلم اهلي ان كان يقدرون يرسلولي سواقهم !
تركي : لاتكلمينهم ولا شي .. ربع ساعه وانا عندك ..
اتفاجأت عبير من رده !!! بيترك دوامه عشان يوديها ؟؟؟؟ غريب واهو صاير جاف معها وبارد بدون أي ذنب أذنبته !! والحين يناقض تصرفاته ويقول بيجيها يوديها ..
تركي : .. وينك ؟؟؟
انتبهت عبير من أفكارها وقالت : معاك معاك .. أوكي تركي استناك ..
تركي : يالله سلام ..
وسكر منها واهي بسرعه قامت واتجهزت ومامرت الربع ساعه الا واهي بعبايتها ..
طلعت من جناحها واهي تتمنى ماتشوف نوال .. كل الي بالبيت طالعين لدواماتهم ومدارسهم ومافي الا هي يارب تكون نايمة ..
حمدت ربها يوم دق تركي وردت : هلا ..
تركي : أنا برا .. (( وسكر ..
سكرت الجوال واهي تتنهد .. ماتقدر تلومه الحين واهو متكرم وتارك شغله عشان يوديها !!

لفت طرحتها واهي تقاوم دموعها .. ومشت وفتحت الباب وطلعت .. كان لابس نظارته الشمسية واتمنت لو مـاكان لابسها عشان تشوف عيونه وتحاول تعرف وش فيه وشالي يفكر فيه !!
فتحت باب السيارة وركبت وهمست بالسلام ورد عليها بنفس الهمس ..
طول الطريق واهو ساكت ماتكلم معها ولا كلمة .. ضاق صدرها حيييل .. مو كافي البارح دخل نام وتركني .. قعدت ساعه بالصالة لحالي أحسبه بيرجع ويوم دخلت لقيته نايم ؟؟ مو كافي له كم يوم يقوم الصباح ويطلع للدوام بدون مايلتفتلي ولايعبرني ولا بكلمة !! اتنهدت واهي تقول الله يرحم أيام ماكان يطلع للدوام الا واهو مصحيني يودعني ويبوسني ..!
سمع تركي تنهيدتها والتفت عليها وقال : شفيك ؟؟
عبير بتنهيدة ثانية : ولا شي ..
تركي : الله الله شهالتنهيدات ..؟؟ هذا وانتي فرحانة باختك ورايحة تشوفينها ..
عبير : صدقني ياتركي مني قادرة أفرح باختي ذيك الفرحة .. !!

طالع تركي بالطريق وسكت ولا رد عليها .. ودار بينهم هالصمت لين رن جوال تركي ورد عليه : نعم !
انتبهت عبير لرده .. هذا شكله مو طايق يكلم ولا أحد مو بس أنا ..!!

سمعته يضحك ضحكة خفيفة ويقول : هههههه لا حبيبي شدعوة والله مشتاقينلك .. زين اشوفك اليوم .. لالا انا بجيك .. اي ان شاء الله .. يالله سلام ..
سكر ورمى الجوال جمبه ..
طالعت عبير بالجوال الي رماه وحمدت ربها انها مو جوال ! خخخخخ ..
قالت بهدوء : فيصل ؟؟؟؟
هز تركي راسه بدون رد ..
عبير : بتروحله اليوم ؟؟؟؟
تركي : ان شاء الله ..
عبير : خلاص اجل خلني عند أهلي ومتى ماخلصت منه تعال خذني ..
تركي : ان شاء الله ..
يااااااااااه شهالجمووود فيك تركي .. قول شي اتكلم انطق سولف !! حتى لو تهاوش تعصب بس لاتكون باااارد بهالشكل الي يقتل !

شصار فيك بعد ذيك الليلة .. ؟؟ استرجعت أحداث مشتتة .. كانت نايمة وتركي طلع من الجناح ويوم اتأخر طلعت تبي تشوفه وسمعت صوت بمكتب عمها عرفت انه موجود معاه ..
رجعت الجناح واتمددت على السرير تنتظره بعد فتره جاها وكان وجهه متغير !!
ولبس ملابسه وطلع من البيت ... ولا رد عليها يوم اتصلت ولا كلمها .. ومن رجع ذيك الليلة وحاله مقلوب !! .. شالي صار .. ؟؟ معقولة عمي له علاقة .. بس شدخل عمي بان تركي ينقلب علي أنا ؟؟ عمي يحبني مثل بنته ومستحيل يقلب تركي علي .. وتركي يحبني ومستحيل يأثر فيه كلام أحد .. !!

خبطتها الحيرة وصل البيت ووقف تركي السيارة عند الباب .. التفتت عليه عبير وقالت :ماودك تنزل شوي ؟؟
تركي : لا انا معتذر عن أول الاجتماع عشان اوديك والحين لازم ارجع أحضر الباقي ..
عبير : اهااااا .. ( وبابتسامة ناعمة : معليه حبيبي عطلتك معاي ..
طالع فيها تركي وفتح فمه كنه بيقول شي بعدين سكت وقال : يالله عبير لا أتأخر !
عبير : أوكي .. مع السلامة ..
فتحت الباب ونزلت ومشت للباب ودقت الجرس وتركي استناها لين دخلت وبعدها حرك السيارة ومشى وقلبه ينعصر بكل ألم !

برايكم شالي قالب حاله ؟؟؟
********

^ يوم زواج خالد ومرام ^

ركبت مرام السيارة وتبعتها منى وسكروا الباب ومشى السواق ..

منى : ايه ماقلتيلي أي فندق بتروحون بعد الزواج ؟؟
مرام : مااادري وأمي سألت خالتي وين بنروح عشان توديلي ملابس وأغراض الا قالتلها يقول خالد خليها تعبيلها شنطة صغيرة وتاخذها معها القاعة وبس ولا قال وين بنروح !!
منى : مب صاحي زوجك ! تتوقعين يسفرك يعني !!
مرام : لا مستحيل لاتنسين عزيمة خالتي الي بكرا ..
منى : أجل و ش سالفته ؟؟
مرام : والله مادري ولا أبي أدري .. اهو يبي يفاجئني وأنا أحب المفاجآت .. وامي قالت بنحط الشنطة بسيارته من بدري عشان ماننساها وخلاص ..
منى : والله انكم مغامرات من أولها ..
ضحكت مرام .. وبعدها بدت تسترجع اهي ومنى كل الترتيبات ويتأكدون ان كل شي كامل ومانسوا شي .. الا فجأة صرخت مرام واهي تضرب فخذها بقبضتها وتقول : يووووووووووووووووه !
منى بقلق : وشوووووووو ؟؟؟؟
مرام وهي شوي وتبكي : نسيت أتفق معاهم يوصلون الورد للفندق !
منى : ايييييه .. خلاص ياشيخة نقول لفيصل يروح يجيبه ..
مرام : بالله بيطلع من بين الناس عشان يروح يجيبه ؟؟
منى : ايه وليش لاء ! اذا ما أخونا وقف معانا مين ياقف معنا ان شاء الله ؟؟؟
مرام : آآآآخ ليتني بس أخذته مره وحده وافتكيت ..
منى : مهبولة انتي تاخذينه عشان مايجي وقت الزفة الا واهو ذبلان ! خلاص انا بدبر موضوعه ومو جاي وقت زفتك الا وهو بين ايديك لاتشيلين همه أبد ..
مرام : و ورد الطرحة ؟؟؟
منى : حتى ورد الطرحة اتفقت مع عبير تجيبه واهي طالعة من الكوفيرا .. انتي لاتفكرين بشي يامرام خلااااااص قلتلك اتركي كل شي علي وبس ..
مرام بنظرة حب : الله لايحرمني منك ياعمري والله لو اني من غيرك كان مابقى براسي الا شعرتين !
منى : ههههههههههههه وش دخل شعرك؟
مرام : من كثر ما أشدشد فيه !
منى : ههههههههههههههههه ياقلبي .. لا والله جد مرام ريلااااااااكس الله يسعدك .. ولا عمرك شفتي عروسة مابقى على زواجها الا كم ساعه واهي دايرة بالسوق ؟؟
مرام : شسوي اذا الشغل عيى يخلص ؟؟
منى : والله مو الشغل الي انتي الي تبين كل شي على أكمل وجه وباشرافك بعد !
مرام : خليني يامنى وربي مو مصدقة ان هالليلة جت .. الليلة الي بتجمعني مع حبيب قلبي وحياااتي الي أخذ قلبي من سنييييييييييين آآآآآآآآآآآآآآآآآآآآآآآآآآآآآآ آآآه (( صرخت واهي تحضن شنطتها ..
منى : عز الله استخفت اختي ههههههههههههههههههههههههه
رمت مرام الشنطة على مني واهي تضحك ..
واتجهوا فورا للكوفيـــرا

::

داخل الكوفيرا كانت الرجة على أعلى درجة بوجود كل العيـلة بذاك المكان ..
كان أول من خلص وانتهى .. " حنان " .. مشت تشوف وش صار على البنات وشافت منى تطالع نفسها بالمراية وتوها مخلصة ..
صفرت حنان واهي تمشي ناحيتها وقالت : شهالروووووووعة شهالزييييييين لالا بروح أغسل مكياجي الحين ..
منى : هههههههههههه لا تجامليني والله أحسه ثقييييل
حنان : بالعكس والله يجنن ومناااااسب مع لون شعرك ..
منى واهي تتأمل شكلها بالمراية : ليته والله ..
حنان : شلون تشكين بعمرك أصلا .. (( وبغمزة : ولا تبين المدح يجي من بعض الناس عشان تقتنعين !
منى بضيق : انتي خليه يكلمني وبعديييييين يمدحني !
حنان : شقصدك ؟؟
منى : حنان انا ماحب أشكي واتكلم بس بصراحة انا مره متضااايقة من بروده معاي !! وغير كذا مايدق ويكلم الا اذا ارسلتله رسالة .. واذا كلم برضو أحس أسلوبه بارد ماتحسينه متلهف !
حنان : يمكن عشانكم بعاد يامنى حسيتي بهالشي .. لكن لو انكم تشوفون بعض ووضعكم يسمح انكم تكلمون بعض يوميا كان لاحظتي العكس ..
منى : برضو هذا مايخليه يقطع ومايكلم ابد ! والحين بطلت والله ارسل قلت بشوف اذا بيدق من نفسه ولا لاء وها شوفي .. له حوالي اسبوع ماتصل ولا ارسل !
اتضايقت حنان بخاطرها بس ماحاولت تبين لها وقالت : يمكن مشغول يامنى ولا مضغوط ..
منى بقهر : بس ياحنان والله لو وش ماكان مشغول خمس دقايق بتظيع من وقته شي ؟؟

" شفيييييييييييه الحلو معصب ؟؟ "

التفتوا شافوا قمـــــــــر بهيأة بشـــر يمشي ناحيتهم ..

حنان بانبهار : وااااااااو ماشاااااااء الله .. ياحظي ببنات خواتي الي كل وحده طالعة أجمل من الثانية ..
منى : وقاعدة تمدحيني تو ! طالعي هذي الي غطت علي مالت عليها اهي وهالراس

فتون : هههههههه اتركي راسي بحاله بالقوة وافقت على هالرفعة ..
حنان : والله حلوة ومطلعة شكلك غييييييير عن العادة ..

فتون واهي تعلك : اي وانا هذا الي مابيه .. ماحب شكلي يتغير ابد ..
منى : ومن قال شكلك متغير الرفعة بسيطة وشعرك سايح زي كل مره بس غيرتي عن الفرقا الي ذابحتنا فيها
فتون : ههههههههههههههههه لزوم التميز .. المهم قوليلي شفيك معصبة تو ؟؟
منى : مو معصبة والله بس انفعلت بالكلام ..
فتون : ليه طيب شفيك ؟؟

حنان : فتون حبيبتي لاتنسين ترمين اللبانة من فمك اوكي ؟؟
فتون : يوووووووه خلصنا من فيصل جتنا هذي
حنان : حتى فيصل علق عليها ؟؟؟
فتون : ياليت علق عليها وبس الا حاط نقره من نقرها ومره دخل ايده بفمي وطلعها بالقوة !
منى: ههههههههههههههههههههههههههه يازين اخوي .. وش سويتي طيب ؟؟؟
فتون : عضيته ههههههههههههههههه
حنان : هههههههههههههههههههههههههههههه هه قسم بالله انكم مراجيج يالاثنين ..

فتون : هو المرجوج ولا شحرق رزه عشان لبانتي ؟؟
منى : مو انتي بهاللبان تبانين مستهترة واهو يمكن مايحب يشوفك كذا اذا كان جدي!
فتون : اقوووووول فكينا والي يسلمك وقووووليلي شفييييييييييك تو لاتهربين ..
منى : صدق انتي ماتظيع عندك سالفة !
فتون : هههههههههههه ايه توك تعرفين .. شفيك يالله ؟؟
منى : ولاشي والله بس كنت منقهرة من أنس الي مايدق ولايكلم ..
فتون : مااااااالت عليك وانا احسبه شي مهم ..
حنان واهي تتفرسها بنظراتها : هذا مو مهم ؟؟ أجل شالمهم ياحلوة؟؟
فتون : رااااحة بالي وبس .. ولا هالرجال ماوراهم الا وجع الراس ..
ورمت عليهم نظرة غرور وراحت عنهم .. واهم ضحكوا عليها وراحوا لغرفة مرام ..

مشت تشوف عبير بس لاشعوريا استرجعت كلام منى ..
كان شكلها واهي تشوفها من بعيد مررررره متضايق وتتكلم بقهر وزعل !
كل هذا عشان ... أنس ماكلمها !!
شدعوة فيصل كلمني ولا سأل عني !! ومع كذا ماصرت مثلها ولا حتى فكرت مجرد تفكير فيه ؟؟
انا الصح ولا اهي ؟؟
بصراحة الاسبوع الي فات كان أسعد اسبوع بحياااااتي .. بعيد عن الطق والخناق وكله طلعات واستعدادات مع اهلي والبنات ..
ماشفته ولا لمحته حتى يوم رحت أسلم على خالتي ..!!
والظاهر انه اهو بعد مثلي .. مافكر فيني وعاش حياته ونساني .. !!
يوووه انا ماجيت افكر فيه الا هاللحظة .. ؟؟
خليه بسلامته يفكر ولا مايفكر أنا شدخلني !
حلوة شدخلني ولد الجيران اهو ولا زوجي ؟؟ : ههههههههههه
طلعت الضحكة منها غصب والتفتت تشوف ان كان أحد انتبهلها وحسها مهبولة تضحك لحالها !! شافت عبير ومشت رايحتلها واهي تضحك على نفسها وعلى تفكيرها !

مشت ووقف قدام عبير والكوفيرا تسوي تسريحتها ..
شافتها عبير وقالت بابتسامة : طالعة روووعة ..
فتون بغمزة : أحاول أقلدك ..
ضحكتلها عبير وصارت تطالع بالمراية الكوفيرا واهي تشتغل .. الا فجأة شافت وحده تعرفعا تمشي وراها .. !!
عبير : فتون شووووفي ..
فتون واهي تقلب بالجوال : وشو ..
عبير : وجدان بنت عمة سعاد ..
فتون التفتت واهي تقول : وين ؟؟
عبير تطالع وجدان بالمراية : ورااااي ياخبلة بالله كل بشوفها واهي يسارك ..
التفتت فتون وشافتها وقالت بضحكة : اي والله .. (( ونادتها : وجدااااااااااان ..
سمعت وجدان النداء والتفتت وشافت فتون واقفة تأشرلها وعبير تبتسملها بالمراية ..
شهقت بضحكة ومشت عندهم واهي تقول : هلاااااااااا بخوات العريس ..
فتون : هلا فيك والله ..
وجدان : شلونك فتون .. شلونك عبير ؟؟
البنات : الحمدلله انتي شلونك ؟؟
وجدان بخير الحمدلله .. ماشاء الله كلكم هنا ؟؟؟
فتون : ايه ماعدا الحريم جايتهم كوفيرا بالقاعة ..
وجدان : ايه زين .. (( وقالت بدون ماحد يسألها : انا جيت هالكوفيرا لأني بصراحة ماشوف أحسن منها .. وأمي واختي راحوا مع نهى ومنال لكوفيرة (( ...... ))
فتون : أهااا ياحليلهم .. بس حتى ذيك مب شينة ..
وجدان : امممممم صح بس انا هذي تعجبني أكثر ..
فتون : وخلصتي ؟؟

وجدان : مادري عنك انتي وش شايفة ؟؟
فتون : هههههههههههههه مادري عنكم انتوا راعين بدع وخرابيط ترزونها بروسكم قلت يمكن باقيلك مثل كذا ..
وجدان : لا مو ناوية احط هالخرابيط وبالله كيف طالع شكلي ؟؟
فتون وعبير مع بعض : ناااااعم ..
وجدان : ههههههههههه أجل صدقتوا ..

رجعت فتون تقلب بجوالها وعبير قالت : انتي شعندك ؟؟
فتون : ياشيخة من أول ادق على سعود ومايشبك أبد !
عبير : يمكن الارسال ضعيف هنا ..
فتون : شبك شبك .. (( وحطت الجوال على اذنها وانتظرت لييييين فصل الرنين ومارد ..
فتون : يوووووووه ويوم شبك مارد ..
عبير : انتي شتبين فيه الحين ؟؟
فتون : بكلمه حبيبي لحاله هناك مو حاضر معانا لا وبعد مانكلمه نحسسه بفرحتنا
وجدان : ههههههههههه شاعرية بنت خالي
فتون : ايه شداركم عني بس ..
ضحكت وجدان وقالت : طيب دامنا اتقابلنا هنا توصلوني معاكم ؟؟
فتون : امممممم عادي والله بس انا جاية مع بنات خالتي ..
وجدان : اممم .. وانتي عبير ؟؟؟
عبير : لا انا جاية مع تركي ..
وجدان : طيب توصلوني ؟؟ ترا اذا صعبة قوليلي عادي بدق على امي بس انا قلت نختصر المشاوير لان أهلي خلصوا وراحوا البيت ..
عبير انحرجت وقالت : عادي ياقلبي اذا جيت اروح بقولك
وجدان : مشكووووورة عبووورة ((وطلعت جوالها تبلغ أمها ..
وعبير حست بالضيق لسبب ما .. !

في غرفة عروستنا الي جمدت أطرافها من التوتر ..!!
كانت حنان على يمينها ومنى على يسارها والكوفيرا تزين آخر خصل بشعرها
مسكت مرام ايد منى وضغطت عليها واهي تقول :آآه نشف دمي ..
فركت منى ايدها بنعومة واهي تقول : انتي الي جبتيه لنفسك .. ولا ماله داعي ابد هالتوتر!
حنان : وشالي موترك اصلا خلاص ياقلبي كل شي كامل ومن أحسن مايكون ..
مرام : وأخذتوا شريط الزفة ؟؟
منى : ايه اخذناه وانا بعطيه بنفسي للمغنية ..
مرام : وقلتي لفيصل على الورد ؟؟
منى : ايه يامرام ايه .. والحين بدق عليه مره ثانية أذكره ..(( وطلعت جوالها ودقت عليه وشوي ورد عليها
منى : هلا فيصل ....... جبت الورد ؟؟ .... لييييييه ؟؟ ...... اهاااا ........ لا بس مرام أقلقتنا واهي تسأل ..!
مرام بضيق : شساااااااالفة يامنى لاتقولين ماجابه ..!!
منى : يقول مشغول الحين وأول مايخلص يجيبه ..
مرام : يوووووووه هذا الي كنت شايلة همه ..

منى تكلم فيصل : ايه تكفى يافيصل جننتنا ........ يالله خذها معاك ..
عطتها الجوال واهي تقول : امسكي يبيك ..
أخذت مرام الجوال وقالت بزعل : ها يافيصل ..
فيصل : وبعدين معاك يامرام ؟؟ وين كلامنا الي امس ووين الهدوء والروقان الي اتكلمنا عنه!!
مرام : مو بايدي يافيصل شايلة هم اللخبطة وها شوف انت للحين ماجبت الورد ..
فيصل : والله مانسيته وطول الوقت على بالي .. بس مو انتي قلتي زفتك الساعه وحده ؟؟
مرام : ايه ..
فيصل : خلاص طيب الحين الساعه 11 .. ان شاء الله من قبل وحده بيكون عندك ..
مرام : خلاص طيب ..
فيصل برجاء : روقي ياقلبي روقي
مرام بضحكة : ههههه ان شاء الله ..
فيصل : يالله حبيبتي مع السلامة ..
سكرت مرام منه وخاطرها ارتاح شوي .. اتمنت لو تسمع صوت خالد وتكلمه أكيد بترتاح أكثر .. عجيب حبها الي يخليها تتوتر عشانه وماترتاح الا معاه ..

فتحت فتون الباب ودخلت واهي تقول باستهبال : ياربي على أهل العروسة ثقال الطينة .. راح الليل ماخلصوا .. يووه شهالبلوة الي ابتلينا فيها !
ضحكوا البنات وحتى مرام ضحكت على فتون الي مسوية نفسها من أهل العريس ومالها علاقة فيهم ..
مرام واهي تضحك : والله انتو ثقال الطينة الي مو تاركين عروستكم بحالها ومناشبينها حتى واهي تتزين بغرفتها ..
فتون : ايييييييه عشان نتأكد انها مو صناعية بباركوة ورموش وهالشغلات الفاضية ..
مرام : صناعية هههههههههههههههههه
حنان : خلصت اختك ؟؟؟
فتون : ايه وطلعت اهي وبنت عمتي بتوصلها لبيتها وتروح الفندق
مرام : وماتدرين جابت ورود الطرحة !!

منى بصراخ : مراااااااام وبعديييين !!!!!

::

عبير سبقت وجدان للسيارة وفتحت الباب وركبت واهي تقول : السلام عليكم
رد تركي السلام وقبل لايحرك السيارة قالت عبير : دقيقة تركي .. وجدان بتجي معانا !!
تركي : وين ؟؟
عبير : بنوصلها بيتها .. دقيقة الحين تطلع ..
سكت تركي وماتكلم ..
عبير : جبت ورد مرام ؟؟
تركي : ايه ..
عبير : الله يعطيك العافية مممم .. جو المعازيم ؟؟
تركي : ايه .. وكان شكلي بااااايخ وانا اطلع عنهم ...
عبير : قلتلك أرجع مع البنات وانت عييت ..
تركي : ايه ماتطلعين مع السواق هالوقت ومن الكوفيرا بعد ..
عبير : اجل شكنت تبيني أسوي ..؟؟
تركي : كان خلصتي بدري أو خليتي الكوفيرا الي بالفندق تسويلك مثل أمك ..
عبير : تركي انت بالبداية ماكنت معارض ولا قلت ولا شي والحين يوم صار كذا تجي تعاتبني !!
تركي : لا أعاتبك ولا شي خلاص اهي كلمة قلتها وسحبتها

جت عبير بترد عليه الا شافت وجدان متجهة ناحية السيارة وسكتت
ركبت وجدان خلف عبير وهمست بالسلام ..
ردوا عليها السلام .. وتركي قال : شلونك جوجو ؟؟
وجدان بحيا : الحمدلله .. انت شلونك ؟؟
تركي واهو يحرك السيارة : تمام الحمدلله .. شلون عمتي وبشاير ؟
وجدان بهمس : بخير ..
تركي :راحوا نفس‏ ‏كوفيرة‏ ‏خواتي؟
وجدان :‏ ‏إيه‏ ‏بس‏ ‏خلصوا‏ ‏وراوحوا‏ ‏البيت
تركي‏ : ‏اهت‏ ‏ماشاء‏ ‏الله .. ((‏ ‏وهمس‏ ‏لعبير‏ :‏شوفي‏ ‏الناس‏ ‏!
التفتت‏ ‏عبير‏ ‏وطالعته‏ ‏بقهر‏ ‏وماردت‏ .. ! ‏مو‏ ‏على‏ ‏كل‏ ‏شي‏ ‏إهي‏ ‏ترد‏ ..!!
‏لو‏ ‏صارت‏ ‏الحياه‏ ‏رد‏ ‏برد‏ ‏وحق‏ ‏بحق‏ ‏كان‏ ‏انقلبت‏ ‏حياتهم‏ ‏صراعات‏ ‏ومعارك ! مسالمة‏ ‏اهي‏ ‏بكثير‏ ‏من‏ ‏المواقف‏ ‏ويمكن‏ ‏‏ذا‏ ‏اكثر‏ ‏شي‏ ‏فتن‏ ‏تركي‏ ‏فيها !!
اتنهدت‏ ‏بخفة‏ ‏وصارت‏ ‏تططق‏ ‏بأصابعها‏ ‏على ‏شنطتها‏‏ ‏والغيرة‏ ‏تشتعل‏ ‏بقلبها‏ .. ‏الحين‏ ‏أنا‏ ‏يكشّر‏ ‏بوجهي‏ ‏وجاف‏ ‏بكلامه‏ ‏معاي‏ ‏ووجدان‏ ‏يهلي‏ ‏فيها‏ ‏ويسألها‏ ‏ان‏ ‏كان‏ ‏عجبتها‏ ‏الكوفيرا بعد ..
وآخرتها‏ ‏يتشمت‏ ‏فيني‏ ‏ويقارني‏ ‏بخواته‏ ‏ويحسسني‏ ‏انهم‏ ‏الأحسن !
شهالاسلوب‏ ‏الي‏ ‏صرت‏ ‏تفكر‏ ‏فيه‏ ‏ياتركي‏ ؟؟ آآآآه‏ ‏ياويل‏ ‏قلبي‏ ‏منك‏ ‏ويلاه !
كنها‏ ‏قاعدة‏ ‏على‏ ‏جمر‏ ‏طول‏ ‏الطريق‏ ‏لين‏ ‏وصلوا‏ ‏وجدان‏ ‏...
وزااااااادت‏ ‏‏ ‏نار‏ ‏الجمر‏ ‏أكثر‏ ‏يوم‏ ‏دقت‏ ‏منال‏ ‏على‏ ‏تركي‏ ‏وقالتله‏ ‏ينتظرهم‏ ‏يطلعون‏ ‏عشان‏ ‏يوصلهم‏ ‏البيت !
جنب‏ ‏السيارة‏ ‏‏ ‏قدام‏ ‏بيت‏ ‏عمته‏ ‏وسند‏ ‏ذراعه‏ ‏على‏ ‏الشباك‏ ‏واهو‏ ‏يمرر‏ ‏صوابعه‏ ‏على‏ ‏دقنه‏ ‏بملامح‏ ‏كساها‏ ‏الجمود ..
اتأففت‏ ‏عبير‏ ‏بضيييق‏ ‏ودارت‏ ‏وجهها‏ ‏على‏ ‏الشباك‏ ‏مو‏ ‏ناقصة‏ ‏تتأخر‏ ‏أكثر‏ ‏‏ ‏وياليت‏ ‏عشان‏ ‏أحد‏ ‏يستاهل ..!
سمعت‏ ‏تركي‏ ‏يقول‏ ‏بهدوء‏ : ‏أعصابك‏ ‏ياحلوو..
التفتت‏ عبير ‏بخفة‏ ‏وطالعته‏ و‏شافته‏ ‏يطالعها‏ ‏بنص‏ ‏نظرة
قالت‏ ‏بنبرة‏ ‏واضح‏ ‏فيها‏ ‏القهر‏ ‏‏ : ‏ليه‏ ‏تهمك ؟؟
تركي :‏ ‏أجل‏ ‏.. !!
عبير‏ ‏‏ :‏ ‏مو‏ ‏واضح ..
تركي‏ ‏‏ ‏امممم‏ ‏‏ بكيفك ‏..
عبير‏ ‏قهرها‏ ‏رده‏ ‏البارد‏ ‏والي‏ ‏يرميها‏ ‏بمتاهات‏ ‏الحيرة‏ ‏والألم‏ ‏على‏ ‏وضعهم
سكتت‏ ‏أو‏ ‏غصب‏ ‏عنها‏ ‏سكتت‏ ‏‏ ‏يوم‏ ‏انفتح‏ ‏الباب‏ ‏ودخلوا‏ ‏البنات ..
اتمنت‏ ‏عبير‏ ‏من‏ ‏كل‏ ‏قلبها‏ ‏ان‏ ‏تعدي‏ ‏هالدقايق‏ ‏على‏ ‏خير‏ ‏ولا‏ ‏تتلابش‏ ‏مع‏ ‏منال‏ ‏‏ ‏لأي‏ ‏سبب‏ ‏
واتحققت‏ ‏أمنيتها‏ ‏يوم‏ ‏وصلوا‏ ‏البيت‏ ‏بسلام‏ ‏ماغير‏ ‏تعليقات‏ ‏نهى‏ ‏البسيطة ..
فتحت‏ ‏منال‏ ‏الباب‏ ‏واهي تقول :‏ ‏خلاص‏ ‏روحوا‏ ‏ياتركي‏ ‏إحنا‏ ‏نلبس‏ ‏ونجي‏ ‏مع‏ ‏السواق..
تركي‏ :‏شدعوة‏ منال .. ‏الي‏ ‏جابنا‏ ‏يخلينا‏ ‏ننتظر‏ ‏ونروح‏ ‏سوى ..
منال‏ : ‏لا‏ ‏بس‏ ‏مانبي‏ ‏نأخركم‏ ..
تركي‏ ‏: متأخرين‏ ‏متأخرين‏ ‏ماعليك‏ ‏انتي ..
منال‏ : ‏براحتكم‏ ‏..
نزلت‏ ‏وسكرت‏ ‏الباب‏ ‏.. وتركي‏ ‏فتح‏ ‏بابه‏ ‏واهو‏ ‏يقول لعبير :‏ ‏إنزلي
ولّعت‏ ‏عبير‏ ‏من‏ ‏القهر‏ ‏!! ذولا‏ ‏الي‏ ‏بيذبحون‏ ‏قلبي‏ ‏والله .. !
الحين‏ ‏هذا‏ ‏بدل‏ ‏مايقدّر‏ ‏انه‏ ‏زواج‏ ‏أخوي‏ ‏ويوديني‏ ‏يروح‏ ‏يتجيمل‏ ‏مع‏ ‏خواته‏ ؟؟؟ ‏وقت‏ ‏ذوقك‏ ‏الحين‏ ‏ياتركي‏ ‏الي‏ ‏منصب‏ ‏على‏ ‏خواتك‏ ‏وبنت‏ ‏عمتك‏ ‏وبس‏ ‏؟؟؟
ليت‏ ‏فوق‏ ‏هذا‏ ‏يعاملني‏ ‏بسنع‏ عاد ‏..‏ ‏نزلت‏ ‏وصكت‏ ‏الباب‏ ‏وراها‏ .. ‏اتمنت‏ ‏تخبط‏ ‏فيه‏ ‏بس‏ ‏مو‏ ‏اهي‏ ‏راعية‏ ‏هالحركات !
مشت‏ ‏وراه‏ ‏ودخلت‏ ‏وسكرت‏ ‏الباب‏ ‏..
وبرضو‏ ‏مشت‏ ‏وراه‏ ‏لأن‏ ‏طريقها‏ ‏نفس‏ ‏طريقه‏ ‏اثنينهم‏ ‏رايحين‏ ‏الجناح ..

فتح‏ تركي ‏الباب‏ ‏بوسعه‏ ‏ومسكه‏ ‏لين‏ ‏دخلت‏ ‏وبعدها‏ ‏سكر‏ ‏الباب
مشت‏ ‏عبير‏ ‏واهي‏ ‏تفسخ‏ ‏عبايتها‏ ‏وطرحتها‏ ‏ورمتهم‏ ‏بإهمال‏ ‏على‏ ‏الكنب‏ ‏ورمت‏ ‏نفسها‏ ‏عليهم‏‏ ‏
طالعها‏ ‏تركي‏ ‏واهي‏ ‏بكامل‏ ‏زينتها‏ ‏ومكياجها‏ ‏المبرز‏ ‏جمالها‏ ‏بشكل‏ ‏فاتن‏ ‏..‏ ‏كانت‏ ‏لامة‏ ‏رجولها‏ ‏فوق‏ ‏الكنب‏ ‏وتحرك‏ ‏صوابعها‏ ‏بعصبية‏ ‏..‏ ‏
بس‏ ‏انتبه‏ ‏انها‏ ‏مو‏ ‏لابسه‏ ‏لبس‏ ‏الزواج‏ !! ‏كانت‏ ‏لابسة‏ ‏بانطلون‏ ‏بيج‏ ‏وبلوزا‏ ‏حبال‏ ‏باللون‏ ‏العشبي‏ ‏..‏ ‏مشى‏ ‏بخطوات‏ ‏ثابته‏ ‏ناحيتها‏ ‏واهي‏ ‏طالعته‏ ‏بصمت‏ ‏..‏ ‏حاولت‏ ‏تضبط‏ ‏انفعالاتها‏ ‏مع‏ ‏هيأته‏ ‏الجذابة‏ ‏وتشخصيته‏ ‏الآآآسرة !!
قعد‏ ‏جمبها‏ ‏وقال‏: ‏حسبتك‏ ‏لابسة‏ ‏..
عبير‏ ‏بدون‏ ‏ماتطالعه :‏ ‏من‏ ‏وين‏ ‏ياحظي‏ .. ‏لبسي‏ ‏بالفندق
سكت‏ ‏تري‏ ‏ولام‏ ‏نفسه‏ ‏..‏ ‏خواته‏ ‏يروحون‏ ‏متجهزات‏ ‏واخت‏ ‏العريس‏ ‏تتأخر‏ ‏وتروح‏ ‏واهي‏ ‏مو‏ ‏جاهزه !!
حسها‏ ‏تغلي‏ ‏من‏ ‏القهر‏ ‏وابتسم‏ ‏وقال :‏ ‏طلع ‏الدخان‏ ‏من‏ ‏آذانك‏ ‏..‏ ‏طفي‏ ‏النار‏ ‏الي‏ ‏تشتعل‏ ‏بصدرك‏ !
تجمعت‏ ‏الدموع‏ ‏بعيون‏ ‏عبير‏ ‏والتفتت‏ ‏وقالت‏ : ‏تركي‏ ‏أنا‏ ‏طول‏ ‏الوقت‏ ‏ساكتة‏ ‏ومتحملة‏ ‏كل‏ ‏الي ‏قلته‏ ‏وسويته‏ ‏فيني‏.. لا‏ ‏رديت‏ ‏عليك‏ ‏ولا‏ ‏ناقشتك‏ ‏ولا‏ ‏حتى‏ ‏عارضتك‏ ‏‏والحين‏ ‏جاي‏ ‏عندي‏ ‏تتريق‏ ‏وتتشمت‏ ‏خلاص‏ ‏والي‏ ‏يخليك‏ ‏اتركني‏ ‏بحالي !!
نقل‏ ‏تركي‏ ‏بصره‏ ‏بين‏ ‏عيونها‏ ‏وقال‏ بنبرة غريبة : ‏وأنا‏ ‏شالي‏ ‏معذبني‏ ‏غير‏ ‏طبعك‏ ‏هذا‏ ‏ياعبير !!
عبير‏ ‏همست‏ ‏بصدمة‏ : ‏معذبك .. ؟؟؟؟
تركي‏ : ‏تحسبيني‏ ‏قاصد‏ ‏أزعلك‏ ‏وأضايقك ؟؟
عبير‏ : أجل‏ ‏ليه‏ ‏تسوي‏ ‏كذا‏ ‏معاي .. ؟؟؟
أبعد‏ ‏تركي‏ ‏عينه‏ ‏عنها‏ ‏واتنهد‏ ‏ورجع‏ ‏طالعها ‏وطالع‏ ‏الدموع‏ ‏‏ ‏الي‏ ‏تلمع‏ ‏بعيونها‏ ‏..‏ ‏مسك‏ ‏إيدها‏ ‏ورفعها‏ ‏لفمه‏ ‏وباس‏ ‏اصابعها‏ ‏واحد‏ ‏واحد‏ ‏..‏ ‏وبعدها‏ ‏قال‏ ‏متجاهل‏ ‏سؤالها‏ : ‏مابي‏ ‏هالدموع‏ ‏تخرب‏ ‏هالجمال‏ ‏..‏ ‏اذا‏ ‏قمت‏ ‏وديتك‏ ‏الحين‏ .. ‏بترضين‏ ‏علي ؟؟
عبير‏ وقلبها يدق بقوة من حركاته : ‏بارضى‏ ‏بس‏ ‏مو‏ ‏على‏ ‏كل‏ ‏شي‏ ‏..‏ ‏
تركي‏ ‏شال‏ ‏هم‏ ‏تسأله‏ ‏عن‏ ‏الي‏ ‏مغيره‏ ‏وقال‏ : ‏انا‏ ‏اتكلم‏ ‏عن‏ ‏الي‏ ‏صار‏ ‏اليوم‏ ‏!
عبير‏ ‏فهمته ‏وقالت‏ : ‏وانا بعد‏ ‏اقصد‏ ‏اليوم‏ !
تركي‏ : ‏وش‏ ‏مزعلك‏ ‏بعد ؟؟
عبير بنبرة زعل : والله من هالجوجو الي تقعد‏ ‏ترحب‏ ‏وتهلّي‏ ‏فيها‏ ‏وتسأل‏ ‏عنها‏ ‏وأنا‏ ‏مالي‏ ‏غير‏ ‏الزف‏ ‏واللوم‏ ‏!! بالله‏ ‏عليك‏ ‏مو‏ ‏شي‏ ‏يقهر ؟؟
سكت‏ ‏تركي‏‏ ‏شوي‏ ‏وبعدها : ‏هههههههههههههه‏ ‏ياعمري ‏على‏ ‏الي‏ ‏يغارون‏ ‏! (( وقرّب‏ ‏وجهه‏ ‏منها‏ ‏وقال‏‏ ‏واهو‏ ‏يمرر‏ ‏صوابعه‏ ‏على‏ ‏خدها : ‏حبيبي‏ ‏..‏ ‏‏لا‏ ‏وجدان‏ ‏ولا‏ ‏عشر‏ ‏من‏‏ ‏أمثالها‏ ‏ يحركون‏ ‏فيني‏ ‏شعره !‏ ‏أنا‏ ‏عيوني‏ ‏ماتشوف‏ ‏ولاتبي‏ ‏ولاتعشق‏ ‏غيرك‏‏ ..‏ ‏فلا‏ ‏تأثربك‏ ‏هالمواقف !
انسحرت‏ ‏عبير‏ ‏بكلامه‏ ‏الي‏ ‏صار‏ ‏لها‏ ‏مدة‏ ‏ماسمعها‏ ‏مثله‏ ‏وقالت‏‏ ‏واهي‏ ‏رافعه حاجب :‏ ‏شتبي‏ ‏من‏ ‏ورى‏ ‏هالكلام ؟؟
تركي‏ : ‏ابي‏ ‏اقولك‏ ‏الي‏ ‏بخاطري‏ ‏وبس‏ ‏..‏ (( ‏ومسك‏ ‏دقنها‏ ‏ورفع‏ ‏وجهها‏ ‏وباسها‏ ‏..وهمس :‏ ‏تسمحيلي‏ ‏أخرب‏ ‏هالمكياج ؟؟
استحت‏ ‏عبير‏ ‏وقالت‏ : ‏طبعا‏ ‏لا‏ ‏..‏ ‏((وبضحكه‏ : ‏أنا‏ ‏دارية‏ ‏ماورى‏ ‏الكلام‏ ‏الحلو‏ ‏الا‏ ‏حركاتك‏ ‏هذي..
تركي‏‏ ‏بروقان‏ : ‏وماشتقتيلها .. ؟؟
عبير‏ : ‏اذا‏ ‏علي‏ ‏فانا‏ ‏كل‏ ‏يوم‏ ‏اموت‏ ‏بشووووقي‏ ‏لها‏ ... ‏بس‏ ‏انت الـ ..........
سكتها‏ ‏تركي‏ ‏ببوسة‏ ‏ثانية‏ ‏خلتها‏ ‏تولع‏ ‏وتقول بضحكة‏ : ‏تركي‏ ‏بلييز‏ ‏ترا‏ ‏ماعندي‏ ‏نفس‏ ‏الروووج !
تركي :‏ ‏اوكي‏ حياتي .. أنا ‏مخربه‏‏ ‏مخربه‏ ‏اذا مو ‏الحين‏ ‏ان‏ ‏شاءالله‏ ‏اذا‏ ‏رجعنا !
شب وجهها ضو ‏ ‏وأبعدت‏ ‏عنه‏ ‏واهي‏ ‏تقول‏: ‏حبيبي ..‏ ‏شكل‏ ‏البنات‏ ‏خلصوا‏ ‏وقاعدين يستنونا‏ ‏‏واحنا‏ ‏هنا ..
تركي‏ : ‏لا‏ ‏ماظنيت‏ ‏..‏ ‏خواتي‏ ‏سحابل‏ ‏اعرفهم ..
عبير‏ ‏واهي‏ ‏تلبس‏ ‏عبايتها‏ : ‏زين‏ ‏يالله
طالعها‏ ‏تركي‏‏ ‏واهو يتأمل نظراتها الخجول وملامحها الفاتنة .. وعبير ولعتها نظراته وشالت‏ ‏عبايتها‏ ‏ودارت عنه وصارت‏ ‏تلبسها‏ ‏واهي‏ ‏تمشي ..
ابتسم‏ ‏تركي‏ ‏واهو‏ ‏يطالعها‏ ‏‏وبقلبة‏ ‏تتفجر‏ ‏ينابيع‏ ‏عشقه‏ ‏لها ...
‏ ‏وحزنه‏ ‏عليها !
اتنهد‏ ‏ووقف‏ ‏ودق‏ ‏على‏ ‏منال‏ ‏ويوم‏ ‏شافهم‏ ‏مطولين‏ ‏بلّغها‏ ‏انه‏ ‏بياخذ‏ ‏عبير‏ ‏ويروح ..
ومشى‏ ‏وطلع‏ ‏من‏ ‏الجناح‏ ‏وشافها‏ ‏عند‏ ‏باب‏ ‏البيت‏ ‏تستناه‏ ‏وتطالعه‏ ‏بابتسامه‏ ‏ذوبت‏ ‏روحه ..
حالها‏ ‏واهي‏ ‏طالعة‏ ‏من البيت عكس‏ ‏حالها‏ ‏يوم ‏دخلت البيت !

ويلومونه‏ ‏بقلبها‏ الي‏ ‏انسحر‏ ‏بمجرد‏ ‏نظرتين‏ ‏وكلمتين ‏ ‏!!

‏^ ^

بقاعة الرجال كل من شاف خالد عرف انه أسعد شخص على وجه الكون ..
فيصل : ترا شكلك وانت كل شوي تطالع بساعتك كنك واحد قاعد على ناااار ..
خالد واهو يضحك : بالله كم ساعتك الحين ؟؟
فيصل واهو يطالع بساعته : 12 بالضبط ..
خالد : ياويلاااه نفس ساعتي وأنا قلت يمكنها خربانة ومو راضية تمشي بسرعه ..
فيصل :ههههههه مانت صاحي ياخي خلك منها وسولف معاي ترا يقولون ان انا ومرام نتشابه كثيييييييير ..
خالد بقرف : اقول انقلع مابقى الا انت تشبه ملاكي ..
فيصل : أحلىىىىى .. يالله بانقلع الحين لخاطر ملاكك ..
خالد : شعندك ؟؟
فيصل : بروح أجيب وردها الي ربشتنا فيه ..
خالد : ياعمممممري عليها ..
فيصل : اسكت ياخي فضحتنا .. يالله انا ماشي
خالد : اوكي وناد تركي الي من دخل واهو يكركر مع الشباب ..
فيصل : اوكي يالله سلام


بقاعة الحريم كانت الترتيبات والزينات حديث المعازيم بروعتها وابداعها .. طبعا كان هذا اختيار مرام وذوقها ..
نزلوا البنات بعد مالبسوا وكانوا زينة الحفل بحلاتهم ..
عبير كانت لابسة فستان بدرجات اللون الأصفر .. مطلع شكلها ملفت للأنظار
وفتون لابسة فستان مخلط بلونين التركواز والذهبي .. وكان ماسك من عند الصدر ونازل على تحت وبلا أكمام ولا اي قطعة من فوق .. كان مطلعها روعة مع مكياجها الي نفس اللون .. حاولت معها أمها تلبسها شال بس فتون عجبها شكلها مع انها كانت مستحية * _ ^
منى كان لبسها أسود بأحمر .. وماقلّت فتنة عن البنات ..
حتى نهى ومنال كانوا على أكمل زينتهم .. ومنال لابسة فستان باللون الفوشي ومكياجها نفس اللون طلعت كنها عروسة .. مشت اهي وبنات عمتها يسلمون على المعازيم ..
وشافوا فتون والبنات نازلين ..
رسمت فتون ابتسامتها غصب لهم وكان ودها ماتصادف منال أبد .. وقربت منهم وسلمت عليهم ومنال باركتلها ببرود وفتون ردت عليها بنفس البرود ..
مشوا عنهم وعبير قالت : يالله على الكوشة بنات ..
منى : اصبري شوي خلينا نسلم
عبير : لا انا عندي الرقص بعدين السلام
حنان : ايه هذي سياسة بنات الغفيل دايم ..
فتون : شفيهم بنات الغفيل كل وحده تقول الزين عندي ..
منى : هههههههه ابوك يالواثق امشي بس نرقص
فتون : لا ماتعجبني هالأغنية أصلا مادري شفيها مختارة أغاني باردة ..
حنان : أصلا الصوت مو موزع زين ..
فتون : انا حاسة من أول .. بروح أقولها تزينه (( و طلعت على الكوشة بهدوء ومشت بنعومة للمغنية واهي تحس نظرات الكل عليها .. ضحكت بخاطرها معقولة لهالدرجة طالعة حلوة ؟؟
وصلت للمغنية وقالتلها على الصوت وطلبت منها تغني أغاني رجه مب هادية ..
ضحكت المغنية وعلقت على شكلها وغنت عشانها أغنية خليله خليله ..
مشت فتون واهي تضحك الا شافت عبير ومنى طالعين الكوشة ويأشرونلها تجي ترقص
اتحمست وراحت لهم وصاروا يرقصون كلهم ويغنون مع الأغنية ورقصهم كان جناااان
أشرت منى لساره الي كانت واقفة بعيد تطالعهم وتضحك .. وماصدقت ساره تشوف هالاشارة جت تركض ومسكتها منى من ايدينها وصارت ترقصها واهي متونسة وتضحك ..

انتهت الأغنية ونزلوا البنات كالأميرات بحلاهم ..
دق جوال منى هالوقت ويوم طالعت لقته فيصل
ردت واهي تمشي : هلا والله
فيصل : هلا منى .. أنا برا ومعاي الورد تجون تاخذونه ؟؟
منى : طيب بس شلووون ؟؟
فيصل : تعالي من باب الوفيه وانا أدخل أعطيك اياه ..
منى : خلاص اوكي ..

ضحكت هالوقت فتون بصوت عالي وهي تقول لحنان : ههههههههههههههههههههههههههههه مب من زينك انتي بس عاشنها تدري اننا خوات العريس ..
سمعتها منى وقالت : ههههههه لاحبيبتي مو عشانكم انتوا عشان خوات العروسة بس ..
فتون بغرور : والله ماتجون ربع زيني انا وعبير هالليلة ..

سمعها فيصل وقال : منى ..
منى : اي هلا معليه ..
فيصل : اسمعي بقولك شي وابعدي عن فتون !
منى باستغراب : شعندك ..؟؟
فيصل : روحي عنها الحين وأنا أقولك ..

مشت منى مبتعدة واهي تقول : يالله هذاني رحت شتبي ..؟

قالها فيصل الكلام الي عنده وابتسمت منى بخبث ووافقت عليه ومشت راجعة للبنات ..

قربت منهم واهي تقول بعجلة والجوال على اذنها : فتون تعالي بالله ...
فتون واهي تمشي لها : انتي من معاك ساعه تكلمين ..؟؟
منى : شدخلك بعد مراقبتني ؟؟؟
فتون واهي تمشي معها : اي الناس كلها مراقبتك مو بس انا وأسمعهم يتريقون ويقولون مافكر وحن يكلمها الا وقت العرس وبين الناس !
منى : هههههههههههههههههههههههههههههه وجع ياخرااااطة ..
فتون : ههههههههههه الحين انتي وين موديتني .. ؟؟
منى : مشعل اخوي برا جايب ورد مرام .. روحي خذيه وانا باطلع اشوف مرام بسرعه ..
فتون : يوه يامنى مالك خلق روحي انتي خذيه وطلعيه لها مره وحده !
منى : شالي مافيك حيل هذا الباب هنا مو من الباب الرئيسي ..
فتون : اي بس مافيني حيل أطلّع الورد فووووق توني نازلة من عندها
منى : اقول خلصيني وروحي.. تو فيك حيل ترقصين والحين مافيك حيل تطلعين ..
فتون : هههههههههههههه ايه عاد الرقص على قدر المحبة وانا مبتلشة بحب العريس والعروسة بعد ..
منى : مبتلشة هههههههههههههههههههههههههههههه هه والله انك خبلة ..

كان فيصل طول هالوقت على الجوال و واقف عند الباب ويسمعها وينتظر متى تحن وترضى وتجي لعند الباب عشان يدخل ..
جت هالوقت حنان واهي تقول : بنات ماجا الورد ؟؟
فتون : الا الا وروحي خذيه من مشعل وعطيه مرام مافيني حيل أطلع فوق
حنان : روحي خذيه انتي وعطيني اياه اطلعه اذا مافيك حيل ..
منى : ههههههههههههههههههه مالك مفر ..

مشت عنهم وطلعت مسرعة واهي تضحك عليهم .. وفجأة وقفت ورجعت خطوة على ورى لما شافته قدامها .. !!
اهو نفسه مع انه متوقع يشوفها انصدم يوم شافها !
مايدرون كم مر وقت واهم يطالعون ببعض .. وذكرياتهم مرت قدام عيونهم بلحظ وحدة!
أخيرا قدر يطلع اهو من متاهات المفآجأة وابتسم وقال : مساء الورد !
أخذت فتون نفس تحاول تهدي من دقات قلبها الي شوي ويسمعها وقالت : هلا فيصل ..
فيصل واهو يتأمل جمالها الفاتن : هلابك .. تعالي انا ماقدر أدخل أكثر !
انتبهت فتون لنفسها واهي بعيدة عنه .. اتمنت هاللحظة بس لو انها سمعت كلام أمها ولبست الشال !! التفتت كنها تدور أحد يجي يحل مكانها ويقوم بدالها بهالمهمة الي حستها حرجة حيل بالنسبة لها
مالقت أحد ومشت بتمايل لعنده .. واهو لا مد إيده ولا استناها تمد إيدها .. لم ظهرها بذراعه وقربها منه وباس جبينها .. وايده تلامس ظهرها المكشوف خلت قلبها شوي ويوقف من حرجها ..
أبعد عنها وقال : يمكن مو لاقية سبب يخلينا نتقابل بهالمكان وبهالوقت .. لكن حبيت اشوفك وانتي بكامك حلاتك وياليت ماكون نكدت عليك !
فتون بصوت يالله يطلع منها : شدعوة فيصل .. مو لهالدرجة ..!
ضيق فيصل عيونه واهو يطالعها وقال : شلونك الحين ؟؟
فتون : تمام .. مرتاحة !
فيصل : حلوو .. هذا الي أبيه ..
ومد الورد وقال : حلالك ..
فتون : ههههه عشان تذبحني مرام ..
ابتسم فيصل لضحكتها وسحب وردة صغيرة من أسفل البوكية وغرزها بشعرها جمب اذنها وقال : مع ان مو ناقصك شي يحليك اكثر .. بس اعتبريها رضاوة ..
ابتسمت فتون بحيا وأبعدت عينها عنه واهي تهمس : مشكور ..
مسك فيصل الباب يبي يطلع وقال بتنهيدة : يالله انتبهي على نفسك و .. اشوفك على خير !
هزت فتون راسها ودارت عنه ومشت ..
طالعها فيصل بنظرة أخيرة .. ودار قبل لايفقد عقله وطلع !

مشت فتون واهي تحس الدنيا كلها ملخبطة عندها حتى كانت بتدخل على الناس بالبوكيه بس شافت حنان تأشرلها وانتبهت وراحتلها ..
عطتها البوكيه وطلعت حنان الدرج وفتون رمت نفسها على الدرج وقعدت .. ياااه شكثر انت حلوو يافيصل !! << توها تكتشف !
سحبت نفس واهي تحس ريحة عطره ماسكة فيها .. ضحكت على نفسها واهي الي اليوم تقول مايهمها ولا لها دخل فيه .. رفعت ايدها ولمست الوردة الصغيرة الي بشعرها .. ثبتتها زين ووقفت واهي شاقة الضحكة ومشت واهي رافعة راسها بشموخ ..
!i حانت الزفة !i
طلعت ام فيصل وام سعود الدرج والي يشوفهم يقول اثنينهم أمهات العروسة .. !! بهالترابط والمحبة الي جمعتهم والي خلت منهم أسرة وحده وروح وحده ..

دخلو غرفة مرام الي كانوا البنات عندها .. وقالت ام فيصل : يالله حبيبتي جاهزة ..
مرام : ايييييه تونا خلصنا من تعبية الورد بالفستان .. بس لبست الفستان قبل الجزمة والحين شلون بالبسها !
فتون : مو من هالفستان الي صاير مزرعة والله مو فستان !
مرام : عاد هالفستان حلمي من وانا صغيييييييرة ..
فتون : اقعدي بس خل نلبسك جزمتك مالت عليك ..
ضحكت مرام وقعدت واهي تقول بدلع : شوي شوي على الورد ..
وأخذت فتون جزمة وعبير الجزمة الثاني وانحنوا بالأرض يلبسونها
^ _ ^
عبير : اوريك يامرة أخوي ان كان من أولها نلبسك جزمتك اجل وش تاليها ..
مرام : لاتستعجلين على عمرك مابعد شفتوا شي
فتون باستهبال : والله انتي الي ماشفتي شي خلي الزواج يتم وتظهر فتون الجديدة
مرام : هههههههههههههه اقول اص بس ولبسيني وانتي ساكتة ..
مسكت فتون الجزمة وضربت ساقها .. ومرام صرخت وضحكوا عليها ولبسوها ومسكت عبير ايدها و وقفتها ..
عطتها منى الورد ومرام بلعت ريقها واهي تنقل بصرها بينهم .. واهم يبتسمولها مشجعين .. كانت عروسة بكل ماتعنيه الكلمة !
فستانها كان عبارة عن ورود طبيعية !!
استغربتوا ؟؟؟
استوعبوا الشكل .. الفستان كان عبارة عن تُل !! منفــــــــوش ومعبى التل من داخل بورود طبيعي بيضا وسكري بجميع الأحجام .. كان طوله زي اي فستان بدون ذيل
لكنها لبست طرحة من يومها واهي تحلم بهالطرحة ..
كانت الطرحة اهي الطويلة والي تسحب وراها .. بس لأنها تُل كانت خفيفة ومعبية داخلها بأنواع الورود مثل الفستان
شعرها كان تسريحة مرفوعة ونازلة خصل ساااايحة على جوانب وجهها اليمين واليسار ..

سبقوها البنات لتحت .. والمصورة معاهم وأمها وخالتها ساعدوها لين طلعت وعدلوا فستانها .. لكنها مانزلت الدرج .. !! مشت لين وصلت للباب العلوي الي يتبعه درج ثاني يوصل لنص القاعة بين المعازيم .. !

أسرعت منى للمغنية وقالتلها تستعد لتشغيل أغنية الزفة ..

واتسكرت الأنوار ..........
واتجهت الأنظار كلها للباب بترقب .. مايدرون مرام بتدخل لحالها ولا معها خالد ..

ودقت المغنية وفرقتها الطبول بطق قوي وسريع ..
وانفتـــــح الباب السفلي على مصراعيه .. !! ودخلوا أربع أشخاص ماتوقع أحد دخولهم اهم بالأول !!
خالد بالنص وعلى يمينه أبو فيصل وعلى يساره فيصل وجمب فيصل مشعل ..
وشابكين الأذرع ببعض ويمشون سوى بخطوات سريعة وثابته لين وصلوا الكوشة وداروا ووقفوا بثبات وعيونهم تترقب الباب العلوي ..
وتعالت الزغاريط والتصفير لدخولهم ..

وشوي الا اشتغلت موسيقى نادرة ماسمعوها قبل ..
كانت من اختيار مرام الي بحثت أيام وليالي بالمواقع كلها العربية والأجنبية لين طلعت أروق وأروع نغمة لزفتها ..

وانفتح الباب العلوي .. !!
وظهرت من خلفه مرام وعيونها ضربت على الأشخاص الأربع الواقفين يطالعونها .. حست بهاللحظة انهم نظر عينها الي تبصر فيها وحياتها وكل دنيتها ..
نزلت الدرج بهدوء وابتسمت لاشعوريا واهي تشوف نظرات اهلها وابتساماتهم ..

نزلت على الأنغام الهادية والبوكيه الي معها برضو كان غير ! ماكانت مسكة عادية .. كان ورود ملمومة على بعض وملفوفة بخيوط بألوان الورد ونازة الخيوط لين الأرض ..
وصلت لآخر درجة وسط القاعة .. ورفعت عيونها والتقت بعيون خالد ..
ضحكت عيونهم قبل ماتضحك شفاهم ..
كملت خطواتها الناعمة على الأنغام الهادية وريحة الورد تبهر كل من مرت من قدامهم .. لابريحتها ولا بهيأتها الي غلّبت على الورد بزينها وحلاها ..
وصلت للكوشة ووقفت وجت أمها واهي تبتسملها بأمومة وساعدتها وهي تعدل طرحتها ..

مشى أبو فيصل لبنته وضمها وباسها ومسك ايدها ومسك ايد خالد وسلمهم لبعض!
ابتسم خالد ومسك ايد مرام وقرب وباس جبينها .. ونظراتهم تشع بالفرح ...

وبعدها وقفوا كلهم سوى واتصوروا .. وجا فيصل وسلم على مرام وضمها بمحبة أخوية وباركلها وبعده جا مشعل وسلم عليهم وباركلهم ..
ابتدت المغنية تغني أحلى الأغاني ..
طلعت ام فيصل ترقص بكل فرحة وأشرت لمشعل الي ماصدق ومشى اهو ومشلحه الي أصر إلا وإلا يلبسه ..
ورقص بكل حماس وطبعا ساره ماتركتله الجو لحاله جت عندهم وصارت ترقص معهم ..

حست مرام بخالد يضغط على ايدها ويتنهد ..
ضحكت واهي تقول : خالد لاتفضحنا ..
خالد بدون مايطالعها : انتي بس لايطلع حسك لا أشيلك وأركض فيك قدام هالعالم والناس !
مرام : ههههههه سوها ياخالد أمانة .. !!
التفت خالد وطالعها بمكر الا هي خافت وقالت : لا لا أمزززززح .. غيّر هالنظرة حبيبي ..
فيصل : احم احم .. ترا تونا نقول ياهــــادي .. اذكر الله انت واهي ..
ضحكوا عليه وبعدها مشى أبو فيصل وعياله وطلعوا عنهم ..

بهاللحظة تراكضوا عبير وفتون بسرعه للكوشة واهم يصرخون : وووووااااااا قلبي علييييييييهم ..
ضحك خالد على خواته الي جوا عنده وعبير ضمته من قلبها واهي تقول : مبروووووك بعد عمري ..
فتون : وخري خليني ابوس عريس الغفلة ..
خالد : هههههه بعينك عمت عينك
ضحكت فتون وسلمت عليه وضمته واهي تقول : مبرووووووك حبيبي ..
خالد : الله يبارك فيكم وعقبال عيالكم ان شاء الله
ضحكوا وعبير قالت : انت خلهم يجووووووون ..
ودارت لمرام واهي تضحكلها وضمتها وباركتلها ..

جت ام سعود واهي تضحك ضحكتها الي تشرح الصدر .. وحضنت ولدها وعلى طول اتجمعت الدموع بعيونها واهي تقول : ألف مبروك ياعمري الله يسعدكم يارب ويوفقكم ..
خالد : آمين (( وباس راسها وإيدها
وبعدها راحت لمرام وحضنتها وباركتلها ..

أعلنت الطقاقة بعدها عن دخول أهل العريس ..
ورجعوا الحريم يتغطون ..
ودخل أبو سعود ودخل معــاه أبووووه .. " الجد أبو سعد " وضحكت مرام يوم شافت مشعل داخل معاهم !
خالد : الحين شيبي اخوك رجع مره ثانية ..
مرام : هههههههههه خله فرحان بمشلحه ..
وتلاشت ضحكتها وحل محلها الحرج يوم وصل ابو سعود والجد لهم .. وضغطت على ايد خالد واهي تبلع ريقها بحرج وخالد همس : لاتخافين تراهم مايعضوون ..
مرام : مو خايفة والله بس منحرجة ..
قرب الجد منهم وسلم على خالد وباركه وخالد باس راسه وايده .. وبعدها سلم على مرام وطبطب على ظهرها بابتسامة حنونة وقال بصوته الضرغامي : بارك الله لكما وبارك عليكما وجمع بينكما في خير ..
وسلم أبو سعود عليهم وجت عبير وفتون وأمهم وسلموا عليهم وباركولهم .. وطلعت الجده بمعاونة حفيدتها وسلمت عليهم وباركت .. وياحلو تواجد هالناس الكبار بهالمكان تحس بالبركة من تشوفهم .. !
وكانت أحلى المواقف يوم حضن ابو سعود زوجته بفرحــة قدام الكـل بشكل يشهد ان هالعايلة يجمعها كل الحب والحنان والوفاء والصفاء .. ولا تسكن بينهم غير هالمشاعر .. !

طلعوا عنهم وبعدها مسك خالد ايد مرام ونزلوا ومشوا لآخر القاعة وين ماتنتظرهم مدرجات الكيكة ..
أكلها وأكلته وشربها وشربته ..
وعند آخر لقطة تصويرة خربهــــــا خالد يوم انحنى وشالها قدام الكل ومرام ولعت من الحرج والحيا وقالت : لاااااا خالد مو الحيييين مو قدام الناس !
ضحك خالد وقال : مشينا ..
وطلع وأهو شايلها ويضحك على صراخ البنات وتعليقاتهم وأصوات الزغاريط والتصفيق والتصفيــــر تتعالى من وراهم والبنات ذايبين من حركاته والي ماتزوجوا تفجرت آهاتهم واتحسروا على أعمارهم .. ^ _ *

وقفها عند باب الفندق وام سعود من وراه ماسكة عباية مرام وتقول : حسبي الله على ابليسك ياخالد .. انهبلت انت !
خالد : ايه والله توك تدرين ؟؟؟
هزت أم سعود راسها واهي تطالع مرام الي مولعة من الحيا .. وعطتها عبايتها وساعدتها بلبسها واهي تقول : شوي شوي على الابنية تراك مو أغلى منها ..
خالد واهو يعدل شماغه : خير خير ..
ام سعود : ولاتنسى عزيمة بكرا !!!
خالد : آآآخ بس انا ماصدقت آخذها وأهج فيها تطلعونلنا هالعزيمة ..
ام سعود : احضروا هالعزيمة وبعدها هجوا بسلامة الله ..

مرام واهي تلتفت : وين امي ؟؟
ام سعود : داخل .. تبين اناديها لك ..؟؟
مرام : ايه بسلم عليها قبل ماروح ..
خالد : وانا عاد باستاك ؟؟ قدامي مروم لا أشيلك حتى بال !!
مرام بدلع : دقيقة خاااااالد .. !
خالد : وتقوليلي يمه شوي شوي عيلها ؟؟ ماتشوفين شلون قاعدة تجنني !
ضحكت ام سعود عليهم وبخاطرها تتمنى ربي يديم عليهم السعادة .. وخالد مانتظر ولا ثانية سحبها من ايدها وطلعوا وين ماسيارته تنتظرهم قدام الباب ..
فتح لها الباب وركبت وسكره ..
ومشى وفتح الباب وركب والتفت عليها وقال : سمي بالله ..
مرام ببرائة : بسم الله ..!
ضحك خالد ودعس على البانزين وشخط بالسيارة طاير فيها بكل جنون وسرعه .. ومرام ماسكة ايده وتصرخ ..!
ماكانت سواقة عريس !! الا سواقة واحد عاشق .. مجنون .. مهووس .. مسحور .. بالملاك الي بجبمه !

::

دق جوال حنان ويوم طلعته لقت صالح المتصل
ردت بنعومة : هلا والله وغلا ..
صالح واهو : ويييييييينك ؟؟؟
حنان باستغراب : شلون ويني بالفندق ..
صالح واهو يلهث : داري ياعمري بس وينك .. بأي مكان ؟؟
حنان : بصالة الاستقبال الي بين قاعة العشا وقاعة المعازيم !!
صالح : حلوووووو .. وحولك أحد ؟؟؟
حنان : لا كلهم دخلوا يتعشون .. انت شفيك وليه صوتك كذا وينك ؟؟
صالح : بال .. اتأكدي ان محد حولك وافتحي الباب ..
حنان : أفتح الباب ؟؟ ليه ؟؟
صالح : شمعنى الناس يشوفك بكامل زينتك وانا لاء !! افتحي الباب بشوفك ..
ضحكت حنان واتلفتت لما مالقت أحد حولها مشت للباب وفتحت جزء بسيط منه ورجعت على ورى تراقب ال الا سمعته يقووول : هذي انتي الا فتحتي الباااااب ؟؟؟
حنان بضحكة : ايه .. وينك ؟؟
صالح : هنااااا .. (( ورفع ايده ..
انتبهت له حنان واهو واقف على الرصيف المجانب للباب .. وضحكت واهي تقول : هلا والله ..
صالح : آآآه ياعمري .. دوري بالله خليني اشوف هالزين ..
ضحكت حنان والتفتت تتأكد ان محد حولها يشوفها ودارت بنعومة واهي تضحك ..
صالح صرخ : يااااااااحظي فيهااااا يانااااااااااااس ..
حنان : هههههههههه اص ياصالح لحد يسمعك والله انت وخالد مستخفين اليوم ..
صالح : ليه شسوى خلووود ؟؟
حنان : اتخيل شال عروسته من بين الناس وطلع فيها ..
صالح :هههههههههههههههههههههههههه رهيب والله ..
حنان : اتعشيت ؟؟
صالح : ايه الحمدلله .. وانتي ؟؟
حنان : كنت رايحة اتعشى الا انت دقيت ..
صالح : ياعمري زين أخليك بس بغيت أكحل عيوني بهالجمال ..
حنان بحيا : يسعدلي اياك ياقلبي ..
صالح : وسعادتي اهي معاك وبس .. يالله ياعمري .. اتعشي زين ..
حنان : ان شاء الله حبيبي .. سلام
وسكرت منه وراحت لصالة العشا واهي تضحك وتحس الدنيا كلها تضحـك معها