رد: رواية بعد كذبك لاترتجي مني نظره ترى لقيت الي يسواك الف مره بنت الخزاعي..
رواية بعد كذبك لاترتجي مني نظره ترى لقيت الي يسواك الف مره بنت الخزاعي..
..*&*.. (البارت التاسع عشر) ..*&*..
الفصل الاول ..
*
*
بعد مرور اسبوعين ..
قرب زواج هيفاء وماجد.. والى الان العلاقه ماتغيرت..
سعود ورهف علاقتهم زادت والحب كبر وسعود شال من يده الجبس ..
سافرحمدان وهو جاهل سبب سكوت منيره ومتعجب من نغزات شهد ..
خلود بدت تتقرب الى البنت الي عاجبتهاواسمها عهود .. اياد ونواف الى الان يتهربون من الزواج ..
*
×
*
اليوم الخميس .. في بيت شهد
في الغرفه ..
شهد تكلم رهف تلفون ...
شهد: مدري اصلا ماتوقع احد يجيبنا ضاحي دوام صار غبي وابوي والله لوشنو ماجابنا
رهف: لا عاد حاولي مع عمك عبدالرحمن ..
شهد: كيف حتى ماشرينا فساتين ولا شي ؟؟
رهف: اشتري لك فستان واجيبه لك بس الله يخليك تعالي الزواج ..شهد هيوف الله ماعطاها خوات
المفروض حنا نصير خواته كافي بتاخذ واحد ماتبيه .. شهود تكفين حاولي
شهد: خلاص بحاول قد ماقدر .. اخلي ضاحي ياخذ اجازه ونجي
رهف: يارب تجون
شهد: ان شاء الله
رهف : يلا انا بسكر الحين بيحطون غدا ...
سكرت من رهف وحل عليها الهدوء دخلت عليها سوسن ..
سوسن تلم شعرها: يلا غدا
شهد بملل: مابي مالي نفس
سوسن تلف عليها: توك مسويه صجه ابي غدا جوعانه والحين مالي نفس
شهد: ابي اروح زواج هيوف
سوسن: متى الزواج؟؟
شهد:بعد اسبوع
سوسن: وخلصت من جهازها ولا لا؟؟
شهد: هي عندنا ملابس من قبل فا ماكثرت واجد اكثير شي شرت ذهب
سوسن: وفستان العرس
شهد: بتاخذ واحد فخم اجار.. الحين هذا موموضوعنا موضوعنا كيف اخلي امي توافق نروح الزواج
سوسن: انا بكلم منيره وبنقنع امي نروح كلنا
شهد كانت بتعترض بس اسكت لان لوعارضت مافي روحه ابد...
&&&&&&&&&&&&&&&&&&&&&&&&&&&&&& &&&&&&&&&&&&&&&&&&&& &&&&&&&&&&&&&&&&
في القصر ..
بعد ماخلصوا الغدا .. جلسوا في الصاله الداخليه ..
ام فيصل بعد ما قام زوجها من الصاله: اياد حبيبي ماباقي على زواج ماجد شي
اياد عقد حواجبه: ايه عارف بس وش تامرين عليّ؟؟؟
اريج: قصدها ماندور لك بنت
نوال: ترى بنات العايله جميلات
لمياء: عاد اخوي اياد يبغاله وحده امريكيه زيه
اياد: وش نجيب بيو لالا ابي وحده اغمق مني انا لحالي ابيض
ام فيصل: شنو تبي عبده
نوال: الله ويصيرون حليب شكلاته
اريج + لمياء: هههههههههههههههههههههههههههههه ههه
اياد يسوي روحه زعلان: زوجتي موعبده
ام فيصل: اقول لايكثر وغير بنت خالتك مافيه
اياد: هو بكيفك اصلا تزوجني قلت مابي تدرين شلون عرسوا جواد هو الي متحمس
ام فيصل : من قال لك اني بخليه حتى هو بعرسه انت وياه في يوم واحد
اياد : انا ابي لحالي
نوال: عن العياره قول مابي اعرس
اياد يكتم الضحكه ولف على ورى ويرفع صوته : جواد تعال امي وافقت تعرسك تعال
اريج: صرف امي قالت لك مولجواد
اياد يعلي اكثر : جواد ياجواد ..( يلف عليهم) الحمار شكله نايم انا بروح له
نوال تبتسم: صرف صرف
اياد يقوم:ماصرف انا بريء بروح اشوفه بس (ويتركهم بدون ما يسمع كلام احد)
ام فيصل تاشر عليه: هاه شفتوا زي زيبق يزلق روحه
لمياء: زيبق شنو؟؟
نوال: زئبق بس يدلعونه زيبق
لمياء: هههههههههههههههههههههههههههههه
اريج: ماعليكم منه اذا شفنا البنت الزينه في الزواج بنكلمها وناخذها له
&&&&&&&&&&&&&&&&&&&&&&&&&&&&&& &&&&&&&&&&&&&&&&&&&& &&&&&&&&&&&&&&&&&
خف نور الشمس والهوا بدا يحلو والحراره قلة كثير .. العصر الساعه اربع في القصر ..
تدور في جناحها تروح يمين ويسار تفكر على فكره ..كيف تجيب عهود لعند بيتهم فكرت وفكرت ..ناظرت
الصوره الي في الجدار هي ولجين اختها ابتسم لمى اخطرت لها فكره .. وطلعت من الغرفه وراحت الى اختها
خلود تفتح باب الغرفه: لولي حياتي
لجين تناظر فيها: انا اذاكر خوخه وش تبي؟؟
خلود تسكر الباب: سلامتك ياقلبي ( وتجلس جنبها) انا مواخوك الكبير الي حيبك
لجين تسكر الكتاب: امر واختصر المقدمه
خلود: انا دبرت لك وحده تدرسك رياضيات
لجين جلست تناظر فيها: خوخه وربي تعبت وانا اصرف لك من نواف وايمان
خلود: لا هالمره مافي احد بيشك انابروح معك عشان تدرسين لا غير
لجين: ومن تكون ؟؟
خلود: وحده فرش وحلوه
لجين: وكيف تدرسني وانتي موجوده ..خوخه تراني انقرف لو شفتكم
خلود : ومن قال بتشوفينا اصلا انا مارتاح قدامك ..اول مره نروح ادب انا وياك.. ثاني مره اهلي مارضو
ولازم هي تجي عشان اهلي يشفونها
لجين: طيب
خلود: لاجات انتي تقلعي ولاعاد اشوفك
لجين: تيب موافقه
خلود تبوسها بقوه: مشكوره ياحلى اخت يلا بروح اكلمها
&&&&&&&&&&&&&&&&&&&&&&&&&&&&&& &&&&&&&&&&&&&&&&&&&& &&&&&&&&&&&&&&&&&&&
يفتح باب الشقه:ابراهيم وحشتني
ابراهيم: وانت اكثر
سعود: ياخي صرت ماتنشاف واجد
ابراهيم: وش اسوي في ابوي اقلقني وربي
سعود بتسامه يسكر الباب: وحشتني
ابراهيم: هاه مافي بنات ؟؟
سعود: لالا مابي وحشني انت ليه يوم الاربعاء غايب
ابراهيم: امي تعبت واخذتها المستشفى.. عمي قال انك سالت عني؟؟
سعود: ايه ..وليه جوالك مفصول ؟؟
ابراهيم: اليوم سدتها الفاتوره ..(يظرب فخذ سعود) هاه وش مسوي رياض مابقى شي على الزواج
سعود: اسكت حايس وخايف وحالته حاله
ابراهيم : الله يكون في عونه .. ومتى انت تعرس
سعود يوقف: لمى اخذ الخبره الكافيه هههههههههههههههههه
ابراهيم: هههههههههههههههههههه
&&&&&&&&&&&&&&&&&&&&&&&&&&&&&& &&&&&&&&&&&&&&&&&&&& &&&&&&&&&&&&&&&&
لبست فستانها ولمت شعرها باهمال ومستكه بفيونكه .. وطلعت الى امها .. وهي ماسكه فستانها
امها : جعلني فداك اشوف
هيفاء: هاه يمه حلو
امها توقف جنبها: ايه حلو بس ليه مافيه شك عدل ليه خفيف؟؟
المصممه اللبنانيه: لان مديل فرنسي دايم هيك المديلات خفيف شك تبعها
امها :يمه هيوف انتي لحالك ناعمه ومافيك شي خذي شي يرزك ..
هيفاء تناظر نفسها في المرايا : يمه كل العروس الي رحنا فساتينهم كلها شك وبعضهم دفاشه من كثر الشك
انا ابي اصير مميزه
المصممه : كتير بيجوني هون بدن خليجي نوادر مايجو بدن اوروبي
" كثير يجوني هنا يبغون خليجي نوادر مايجون يبغون اوروبي"
هيفاء تلف وتناظر امها :شفتي انا احب اصير من النوادر ماعلينا (تناظر المصممه) حلو ومضبوط عليّ
(كملت كلامها بالبناني) ولك يسلمو تؤبريني ههههههههه
المصممه: حياتي انتي ههههههههه
دخلت هيفاء غرفة التبديل وهي تناظر نفسها في المرايا .. "الخميس الزواج مابقى شي بقى على الزواج
سبع ايام ..واصير في قصر ماجد ..آآآخ قد ايش الزمن يلعب فينا لعب .. الله يستر " عطت ظهرها المرايا
عشان تبدل ..
&&&&&&&&&&&&&&&&&&&&&&&&&&&&&& &&&&&&&&&&&&&&&&&&&& &&&&&&&&&&&&&&&&&&
دخلت الصاله وهي تمثل الزعل وجلست على اول كنب وهي تتافاف.. ابوها ناظرها ورجع كمل يناظر
التلفزيون ..
امها دخلت بصحن الشاهي والقهوه : شهد ليه مابغيتي غدا؟؟
شهد تتكلم بحزن: مالي نفس احس ودي ابكي
ابوها يصب له الشاهي :..........................
امها: ليه عسى ماشر وشفيك؟؟
شهدالى الان على الصوت الحزين: هيوف بتزوج وتعرفين يمه صار لي معها خمس سنين حيل ودي احظر ..
سكت وكملت في داخلها" ولعنه وراى مايحس هالشايب ويتكلم"
امها تشرب فنجال القهوه: انا ماعندي مشكله هيفاء انا احبها حيل بس الراي راي ابوك ها بوضاحي شرايك
ابوها يناظر فيها: انا ماني موصلكم تبون كلموا ضاحي ولا عبدالرحمن
شهد: طيب ممكن تعطيني فلوس نستري فستان شنو بنحظر بلحاجتنا
ابوهايفتح المحفظه ويطلع 2000: خذي لك ولخواتك (يناظر زوجته) ماتروح لحالها روحوا معها
شهد تاخذ الفلوس وطنش كلام ابوها وتروح لغرفة ضاحي ركض ...
وتدق الباب بسرعه : ضاحي يابعدي حي افتح
ضاحي يفتح الباب: هلا
شهد بتسامه عريضه: ياجعلني فداك ( وتنقز وتضمه)
ضاحي يبعدها عنه :وخري عني ورى حياك مايطلع الحين وخري بنام وشتبين؟؟
شهد: اليوم في اليل خذنا اي مجمع نشتري فساتين
ضاحي عقد حواجبه : من من الي بيشتري فساتين ؟؟
شهد: انا ومنيره وسوسن
ضاحي : انتي بتلبسين فستان هههههههههههههههههههه من متى ؟؟
شهد حمر وجهها: خلاص بطلت بشتري بنطول في شك وبلوزه
ضاحي: ايه هذي شهد ..الي اعرفها
شهد: اخلص بتوصلنا ولا لا
ضاحي: انا علي دوام
شهد: خلاص هو اليوم ويوم الزواج انت تيب ؟؟
ضاحي : زواج من؟؟
شهد: خويتي زواج خويتي الخميس الي بيجي ...
ضاحي:خلاص انا باخذ اجازه وخلو عمي يوصلكم ويلا لوسمحتي خليني انام انقلعي ..
شهد: ياجعلني فدا يلا باي
ضاحي : خبله ههههه
&&&&&&&&&&&&&&&&&&&&&&&&&&&&&& &&&&&&&&&&&&&&&&&&&& &&&&&&&&&&&&&&&&&
في الصاله ..بقصر ماجد ..
مها تدخل القسم المخصص لماجد وهيفاء: واو ماجد مرره فخم وربي ماتستاهل هيفوه الخايسه
ماجد بحده: مها
مها تطنشه وتكمل وتشوف باقي القسم ..كان عباره عن ثلاث غرف وحمامين وصاله صغيره ..
وقف ماجد وهويناظر القسم جلس على الكنب وتكى راسه على يده .. "ياترى كيف بتكون حياتي معك ياهيفاء ..
بنجلس على هالحال ولا كيف .. فتح جواله وناظر كل رسايلها .. الله يقدم الي فيه الخير ياهيوف "
مها تجلس جنبه وتعلي صوتها: ماجد وين رحت؟؟
ماجد يتريق : هناك (وياشر على باب القسم) وين بعد ؟؟ معك اسمع سوالفك.. وشرايك حلوين الغرف
مها بتسامه: ايه .. بس وشفيك سرحان ؟؟
ماجد: موسرحان بس افكر كيف بنزف منو اول
مها : اول شي هيفاء بعدين ضحى زوجة رياض .. ونجلسهم مع بعض قدام الناس وبعد ربع ساعه تطلع
ضحى وتدخل انت وبعدين تاخذ زوجتك وتسافر
ماجد عقد حواجبه: ورياض ماراح يسافر؟؟
مها: لا ..لان ابو البنت شوي تعبان لابوها شفاء بيسافرون..
ماجد : مايشوف شر ..يلا قومي نروح عند امي طلع ..
&&&&&&&&&&&&&&&&&&&&&&&&&&&&&& &&&&&&&&&&&&&&&&&&&& &&&&&&&&&&&&&&&&
في اليل ..
بدر يصفق : عاش اخوي
فواز يرقص بالبشت ويحطه على راسه : ويامعيريس عين الله تراك والقمر والشمس تمشي وراك ..
بدر: الف صلاة والسلام عليك ياحبيب الله محمد
هيفاء: كلوش
ام بدر تضحك على خبال فواز..
فوازيجلس ويحط البشت على كتفه ويعدل شماغه ويناظر الساعه وياشر كانه يسلم على احد .. قام بدر
وهوحامل ولده وقف جنبه فواز جات هيفاء قدامهم وكانهم تصورهم ..
فواز يبتسم : خلاص وخر الحين بتجي زوجتي
الكل:ههههههههههههههههههههههههه ه
ام بدر: روح ياوليدي عسى ماتمر هالسنه الا وانت متزوج
الكل:امين
هيفاء: من وين لك هالبشت
فواز: هذا ابوي شرايه عشان زواجك ..
ام بدر: ماشريت لك بدر ؟؟
فواز: لالا خلك عشان لادخلنا نردح رد البشت يعيق الرقص
بدرياشر على فواز: صح كلام اخوي
فواز: بداوين الاسبوع هذا
هيفاء: بروح السبت بودع البنات وبعطي خبر الاداره ..وبغيب ولا براجعه الابعد اسبوعين
ام بدر: الله يوفقك ويسعدك بيصير البيت فاضي عليّ
هيفاء: بس اجي من السفر بنام عندك يوم اويومين
بدر: يالله بيخلص الغدا
فواز: اف وبيزيدون علينا الفاتوره الماي والكهرباء
هيفاء تكش عليهم: مالت ههههههه
&&&&&&&&&&&&&&&&&&&&&&&&&&&&&& &&&&&&&&&&&&&&&&&&&& &&&&&&&&&&&&&&&&&
في السياره ..
منيره : نبغى جيان
شهد: اقول ولا كلمه عرس خويتي وانا الي احدد عمي على الراشد
سوسن: هبله انتي الفساتين هناك مرره غاليه انا ياجيان او فينيسيا
شهد: اقول ولا كلمه عرس خويتي وانا الي احدد عمي سوق الثقبه
عبدالرحمن: هههههههههههه سوق الثقبه في عينك شايفتنا .. باخذكم جيان
شهد: اقول ولا كلمه عرس خويتي وانا الي احدد
عبدالرحمن: اقول ولا كلمه ترى السياره سيارتي
شهد: اصلا انا امزح
وبعد ربع ساعه وصلوا جيان (مجمع الظهران المسمى الاخر)..ودخلوا المجمع..
عبد الرحمن : انا بروح ستار بوكس لا خلصتوا دقوا عليّ طيب
البنات:طيب
منيره : تعالوا ندخل المحل هذا
شهد: لا ندخل المحل هذا
منيره بعد الي صار لها صارت تنجنب المشاكل مع شهد والهدوء صيطر على شخصيتها: طيب
دخلو ولا حصلوا شي يعجبهم .. شهد: يلا نروح محل الي قالت عليه منيره
دخلوا المحل شرت منيره فستان بني وسوسن وردي وشهد ماعجبها شي .. وطلعوا
سوسن :وانتي شنو ماستقريتي على راي
شهد: امم مدري
سوسن: انا اقول لاتفشلينا عند الناس كافي العايله تشترين لهم بنطلون وبلوزه
شهد تناظر منيره: وانتي وشرايك ؟؟
منيره ترفع جوالها: مدري عنك سوي الي تبين انا بروح عند عمي
سوسن تعطي شهد الفلوس : وانا مع منيره بالتوفيق شهود
شهد تاخذ الفلوس : مالت طسي انتي وياها.. وراحت تتمشى وتدخل محل وتطلع من محل ماتعرف شنو
تختار .. دخلت محل وجاهله الي يمشي وراها ..
شهد ترفع الفستان وتناظر فيه كان لونه بنفسجي ..
جاها صوت رجال : اتخيل على بياضك هالون بيطلع جنان
شهد حركت عيونها بدون ماتلف راسها على جهة الصوت ومن الصدمه لفت راسها على الرجال وبهمس قالت
:سعود
سعود جاهل من البنت الي قدامه : لبى العيون البنيه خذي الرقم وانتظر اتصاله وتركها ..
شهد تناظر في الرقم وفي مكان الي كان فيه سعود " هذا سعود والله سعود الغذر ويحلف لرهف بطل سوالف
البنات " حطت الرقم في الشنطه عشان توريه رهف وناظرت المقاس الفستان بدون ماتدقق حلو موحلو
راحت الدفعة الفلوس ودقت على عمها ..وسكرت منه و دقت كثير على رهف بس ماردت .. يوم ركبت السياره
دقت على هيفاء .. ومطنشه تعليق الكل على فستانها .. ردت عليها هيفاء بسرعه ...
شهد بعصبيه: هيوف رهيف الغبيه وين؟؟
هيفاء: مدري ليه وبعدين وشفيك معصبه ؟؟
شهد: شفت سوسو
هيفاء: من سوسو ايوه ايوه عرفت سعود وشفيه
شهد اسكت الكل مركز معها
هيفاء: الو شهد وين؟؟
شهد قفلت السماعه : وشفيكم تناظرون فيني ؟؟
سوسن: من سوسو ومتى شفتيها؟؟
شهد الى الان على عصبيتها: مالك خص ورجاءا لحد يكلمني الى مانوصل البيت
عبدالرحمن: وشفيك معصبه ؟؟ في احد قط عليك كلمه
شهد: لا ..خلاص اتركوني في حالي اف " الله ياخذك ياسعود الله ياخذك "
وصلوا الى البيت شهد نزلت بسرعه وراحت الى الغرفه وفصخت شيلتها ودقت على هيفاء ..
هيفاء: وينك وليه ادق وتعطيني مشغول ورهف وشفيها ماترد ؟؟
شهد تسكر عيونها : سعود رقمني ياهيفاء
هيفاء تشهق: وشو رقمك ورهف ؟؟
شهد: مدري عنه قاهرني يا هيفاء قاهرني ولا قال ايش قال الون هذا يناسب على بياضك
هيفاء: هو شافك عشان بياضك
شهد: يدي عيوني يبان اني بيضه شبلاك هيفاء ماتفكرين؟؟
هيفاء : الغذر تعالي لاتقولين الحين لرهف
شهد: ليه تبيني اخليها على عمها
هيفاء: شهد لاتخلين القهر والعصبيه الي انتي فيها تعمي قلبك ..ان قلتي لها رهف بتزعل وبتعب نفسيا
ويمكن ماتجي الزواج وانا مندونها ومن دونك ماعرف اسوي شي دخيلك شهد اجلي السالفه شوي
شهد تضرب على فخذها: شيصبرني هيفاء شسصبرني وربي مقهوره حيل طيب بدق عليه
هيفاء بصرخه: شهد لالا امانه لا شهد وشفيك بيدق وبيقلب السالفه عليك شهد لاتسوين السالفه
كذا قلت لك اجلي موضوع شهد وشفيك..
شهد: طيب ..
هيفاء: خلي رقمه عندك لاترمينه عشان هيفاء تشوفه بعينها وتصدق انه نصاب
شهد: طيب
هيفاء: انتي وين شفتيه اي مجمع؟؟
شهد: مجمع الظهران .. رايحين نشتري فساتين لزواجك..
هيفاءتحاول تهدي من عصبية شهد: ياحياتي شاريه لزواجي فستان ليه متعبه عمرك ياقلبي
شهد بتسامه: لاتعب ولا شي تعالي وين بتسافرين
هيفاء: مسوي لي سربرايس مايبغى يقول لي ..مالت عليه وربي اكرهه
شهد: فديته يهبل
هيفاء: الشهاده لله هو مزيون بس اخلاقه زفت
شهد: ههههههههههههههه قلت لك ارسليه لي موراضيه
هيفاء: اشتبين فيه وربي نشبه ..تعالي شهد دبله مدري وين ؟؟
شهد: ههههههههههههههه كيف ماتدرين؟؟
هيفاء: جد مدري ..يالله خمس شنط بتروح القسم والسادسه بسافر فيها
شهد: الله يوفقك يارب يلا بروح اقيس الفستان ..
&&&&&&&&&&&&&&&&&&&&&&&&&&&&&& &&&&&&&&&&&&&&&&&&&& &&&&&&&&&&&&&&&&&&
وتمر الساعات .. والايام ويجي يوم الخميس ...,
الكل في هاليوم مشغول ..قلوب خايفه وقلوب فرحانه .. هيفاء ورهف ولاء زوجة عم رهف وام هيفاء
في مشغل ..اما شهد خواتها وامها بمشغل..
هيفاء تقوم بعد ماخلصت ميك اب : حلو رهف
رهف بتسامه: يهبل احلى عروسه والله
هيفاء: يالله روحي حطي ميك اب انا بروح البس الفستان
وطلعت من الغرفه وراحت عند امها .. امها اول ماشافتها اوقفت وضمتها بقوه..وهيفاء نفس الشي
امها: مبروك يالغاليه مبروك
هيفاء: الله يبارك فيك (بعدها عنها ) هاه ام بدور قلنا محد يصيح عشان ماخرب ميك اب حقك يلا ساعديني
وانا البس الفستان..
*
*
عند شهد ..
شهد تجلس على الكرسي : شوفي ميكاج واجد مابي حطي خفيف يعني بس حكل وروج ولمعه وبلشر غير
كذا لا
المزينه: تبين بناتي ؟؟
شهد: الي هو الزبده يكون خفيف
المزينه: طيب
وبعد ماخلصت تقوم وتشوف شكلها ابتسمت
المزينه: حلو زي الي تبين
شهد : ايه شكرا ..وطلعت من الغرفه ..
ام ضاحي: وش هالزين وربي الحين حسيت اني عندي بنت ثالثه
شهد: اقول عن الغلط ..
سوسن: فستانك معطيك جمال
شهد كشرت: اسكتي ياني كارهته هالفستان له ذكرى سوده
&&&&&&&&&&&&&&&&&&&&&&&&&&&&&& &&&&&&&&&&&&&&&&&&&& &&&&&&&&&&&&&&&&&
في الجوسق في الدمام ..
دخل ماجد ورياض في قاعه الرجال على طق فرقة الكويتيه.. جايبنها من الكويت مخصوص لزواج..
كان الحظور اغلبيته ناس لهم مستواهم بحكم الفيصل من التجارالمشهورين ..
عدنان يكلم علي: والله الواحد جايب معاملاته هنا كان خلصها بسرعه
علي: ههههههههه من جد
ياسر: اسكت فشلتنا لحد يسمعك
علي يصفق: والله شي الفرقه
*
*
اما من الجهه الثانيه
سعود يتلثم ويرقص هو مع ابراهيم ...
اياد يكشر : ياكرهي له
نواف :منو
اياد: سعود
نواف: والي يرحم والديك اليوم زواج اخوه وزواج ولد عمك ماجد يعني لاسويت شي بيخرب الزواج
على الثنين ..
اياد: الله يستر بعد مايشوفه احد ونفضح ..
نواف : عن اذنك حماسي وصل حده ودي ارقص
&&&&&&&&&&&&&&&&&&&&&&&&&&&&&& &&&&&&&&&&&&&&&&&&&& &&&&&&&&&&&&&&&&&&
عند قاعة الحريم ..
في غرفة العروسه ...
شهد: كلوش
هيفاء تبتسم : حلو شكلي ..
شهد:كثير تعالي رهف وينها
هيفاء عوجة فمها :تكلم الغبي سعود
رهف تدخل وتسكر الباب: هيوف الحقي جات زوجة رياض
شهد: حلوه
رهف: ماشاء الله تبارك الله وجهها حد زحمه هههههههههههههه
هيفاء: كيف يعني؟؟
رهف: مكياجها دفش مسويه الطاوس الحكل واصل لنص خدها وجهها حيل صغيرتفشل بس فستنها حلو
شهد: الله يكون بعون زوجها ههههههههه
رهف :هههههههههههههههه
هيفاء اكتفت بتسامه.. كانت خايفه حيل .. دخلت عليهم ام ماجد مع ام بدر ..
ام ماجد :يلا ياعروسه الحين بتدخلين ..
شهد اطلع من شنطتها سي دي : لحظه انا مجهزه لها زفه بخلي الطقاقه تشغله لها..رهف وقفي على بداية الجسر
لاشرت خليها يزفونها
وفعلا عطت شهد الطقاقه وانزفت هيفاء على ابيات من الشعرباسمها بعدها يجي صوت راشد وعبدالمجيد في اغنية
اغلى الالئ وبعدها اشتغلت الطقاقه
جلست على الكوشه وقلبها يدق من الخوف .. تخفي خوفها بتسامه جات بعد كذا جاو لها اهلها وباركوا لها
كانت كوشتهم عباره عن عربة سندريلا .. ضحكت على شهد الي موراضيه ترقص بس اغصبتها رهف
*
*
في جهه ثاني على المسرح
مها:عشتو مسويه فيها بنت اوربا على هالفستان
امها: والله البنت شحلوها اقول اسكتي بس
مها: طالعي حتى خوياتها ملحج طالعي فساتينهم بس
خالتها: انتي شفيك معصبه ترى موزين لك انتي حامل؟؟
مها تقوم: انا بروح اشوف متى بيدخلون زوجة رياض عشان نزف ماجد
*
*
×
تم الفصل الاول
×
*
*
|