رد: رواية بعد كذبك لاترتجي مني نظره ترى لقيت الي يسواك الف مره بنت الخزاعي..
رواية بعد كذبك لاترتجي مني نظره ترى لقيت الي يسواك الف مره بنت الخزاعي..
..&&"..{البارت الثامن والعشرين}.."&&..
... ×||الفصل الثاني||×...
بعد ماطلعوا ام نايف مع بونايف في سياره مع السواق .. وجواد مع لمياء ومحمد بسيارته.. اياد مع اريج
ونوال وعيالهم ..
في سياره بونايف ام نايف ...
ام نايف: لا حلوه بس موبيضه بس ملامحها حلوه وامها طيبه طلعت تعرف زوجة ماجد
بونايف: يعني ناس طيبه ايه
ام نايف: ايه وحيل بعد
بونايف: يعني عجبتك ..
ام نايف: ايه..بس ولدك يبغى يشوافها
بونايف: من حقه ..طيب قلتي لهم
ام نايف: قالت امها بقول ل ابوها وبرد عليكم
بونايف: الله يقدم الي فيه الخير
* *
×
في سياره ثانيه ..
اياد: حلوه حيل
اريج:شفت نجمات الهنديات الحلوات
اياد: ايه
اريج: هي زيهم
نوال: لاتبالغين والله عندي زوجة ماجد احلى
اريج: الزبده احلى من عبير
نوال: جسم ايه نعومه ايه بس ملامح نفس المستوى
اريج: اجل صاكتك حوله رهف عيونها واسع .. عبير صغار شوي
اياد: اشوفك واجد مستانسه فيها
اريج: لانها مره حبوبه ..ماتسمي امي الا خاله حتى خواته ناس مؤدبه
مو الي امي كانت بدبسنا فيها ام نايف استحي على وجهك قولي خاله عمه شي
اياد" لاتغرك ياختي هالكلام يمكن ربي عطاها جمال بس ماعطاها اخلاق سنعه ":...........
نوال: اي صح طلعت تعرف زوج ماجد صديقك
اياد بصدمه: شنو
اريج: اشفيك اياد
اياد حس على نفسه: لا بس كيف ..يعني كان قلتوا لا تقول لحد
اريج: حلوه ذي بنخطب بنتكم بس لاتعلمون احد
نوال: اياد انت متفشل من هالعايله
اياد يصرف : لا بس ماودي احد يدري لمى التحاليل تتطابق مافاهمين عليّ
اريج: تيب يوم يردون علينا بنقول لهم لاتقولون
اياد" يارب وش هالمصايب الي تتحذف علينا .. ولا ماجد زوجته قبل ماتبيه شكلها الاخت نص الشرقيه لها
والنص الثاني للمدا الي باخذها ":.......................
&&&&&&&&&&&&&&&&&&&&&&&&&&&&&& &&&&&&&&&&&&&&&&&&&& &&&&&&&&&&&&&&&&&&&
رهف تحط رجل على رجل: وليه ماقلتوا لي فشلتوني قدامهم
كريمه: هذا ماقلنا لك ومياعه وين واصله مالت
رهف: الف مره قلت لك انا بنت وابي احسس الناس اني بنوته ناعمه ..مو احسس الناس اني رجال
..ماعلينا ماما شرايك فيهم
ام احمد: وانعم فيهم بس لازم نسال عنهم ..
رهف : ماما لبسي حلو
ام احمد: لو لابسه فستان احلى
رهف تمد شفايفها: موحلو التنوره مع البلوزه
ام احمد: حلوه بس الفستان احلى
رهف: طيب المره الجايه بلبس فستان
احمد يدخل الصاله .. : هاه سمعنا ناس بتودع البيت
رهف: ايه وعقبال اختي نوره يارب ونفتك من كريمه اختي (تلف على نوره) قولي امين
نوره: المهم انك انتي تنقلعين
رهف: هههههههههههههههه يالخايسه
احمد: لا والله توها متروشه
رهف: ماعلينا شلون شكله احمد
كريمه: جد شلون شكله
احمد: استحي انتي وياها
ام احمد: طيب قولي انا ..
احمد: هين والله لو اقول ل ابوي
رهف: احمد قول
احمد: عيونه خضر وابيض طويل وعريض بس
رهف شبه مكشره: ابيض ؟؟ يعني اي درجه لونه
احمد: زي خالي بو محمد
رهف: شنو لا مابي
ام احمد: اجل وش تاخذين اسمر
كريمه: عشان البزارين فحمه
رهف: انطمي انتي .. يمه هذا اخوك زوجته بيضه وجنبه سوده .. شلون انا خلقه حنطاويه عبده جنبه
احمد: حلو الحليب بالشكلاته
رهف: من جد ابيض مره مره
احمد: مومره مره امزح معك اقل بياضه من خالي
رهف: اشوى وابوي وشقال عنه
احمد: بس اطلعوا حط راسه على الكنب ونام ..اقوله شنو رايك قال لا ناس زينه ونام
رهف: انا بروح انام صارت 12 باي
ام احمد بعد ماراحت عنه رهف: ترى الولد يبغى يشوفهم
احمد: يقوم بس مناك مافي شوف الا بعد الملكه
كريمه: من حقه
احمد: لا يعني لا .. يملك ويشوف
نوره: واذا ماعجبته بعد الملكه يطلقها
احمد سكت :...........
كريمه: نعطيهم صوره
ام احمد: قلت قالت الصور تغير .. شوفي لكم يوم ويجي يشوفها
احمد:لازم يعني هالشوفه
ام احمد: ترى بيشوفها بعبايتها والحجاب على راسها لاتخاف
احمد: وقولي لها تحت العبايه بنطول فستان قصير ولا برموده ماتدخل
ام احمد: طيب
*
×
*
في الدور الثاني رهف بعد ماغيرت ملابسه دقت لى شهد ..
شهد: هلا وغلا
رهف بفرح مع حماس: شهود انخطبت شهود
شهد انصدمت: شنو
رهف: وانا انخطبت
شهد سكت زعلانه بتروح رهف منها :...................
رهف: وربي مبسوطه عقبالك شهود بواحد زي بطرا
شهد تتنهد: الله يوفقك وش اسمك
رهف: اسمه اياد ..
شهد: الله يوفقك
رهف: ماما بعد يومين بترد بتقول ان حنا موافقين بعد مانسال عنهم
شهد تاخذ نفس: طيب
رهف تستغراب: شهد وشفيك
شهد: ولا شي .. بس بتروحين عني زي هيوف انشغلت مع ماجد
رهف: ياقلبي شهود انتي صديقتي الصدوقه لاتخافين بنشب لك نشبه محترمه
شهد: اكيد لو دقيت وحده بتردين عليّ
رهف: انا ماعندي غيرك ولو شهود وشفيك ؟؟
شهد: مدري بس مابيك تروحين عني
رهف: ياقلبي ماراح اروح عنك حتى شهر عسل بقول مابي عشان اقدر اشوفك
شهد: وضاحي من بيقبل فيه
رهف: هههههههههههههههههههههههه ياروحي والله حتى انا نفسي فيه بس تجري الرايح بما لاتشتهي السفن
شهد وهي زعلانه: شعندي المتنبي نطق ..
رهف:ههههههههههههههههههههههههه يالبى الزعلان بس
شهد: خلاص انطمي
رهف: احبك انا
شهد: ولعنه كلمه زياده سكرت التلفون
رهف: اموت في الابيض الي حمر من الخجل
شهد : انطمي وسكرت التلفون في وجهها ..
رهف مات من الضحك عليها .. بس هي عندها غير حمرت خدودها شوي بس مسرع ما حمرت عيونها وجلست
تبكي .. موغيره لا خوف ان تظل بلا احباب .. من فتحت عيونها.. وهي مامعاهم.. اهل مايرضون يطلعونها
لبيت خوياتها بس هم يجون ويونسونها وحتى حفل عيد ميلادهم يحتفلونا بالمدرسه عند البنات بس قبلها يجبون
اغراظهم لعنده وعشان يفرحون ثلاثتهم ..
" تزوجت هيفاء وانشغلت بماجد صار اتصالها اغلبه عن ماجد ياتشتكي ياتمدح او اطلب شي له ..
يارب رهف ماتصير زيها .. رهف اقرب لي منها ..يارب لاتفرقنا حنا الثلاثه " بكت ولمى حست انها ارتاحت
نامت ..
&&&&&&&&&&&&&&&&&&&&&&&&&&&&&& &&&&&&&&&&&&&&&&&&&& &&&&&&&&&&&&&&&&&&&
ظهر يوم الخميس ..
ام ماجد في صاله تكلم تلفون: بسأل هيفاء.. خلاص .. الله يكتب الي فيه الخير.. ياحرمه اهم شي هو لونه ابيض .. الحين الي يسمعك
البنت ماتطالع اهم شي اخلاقها.. وتقولين هو الي مختاره يعني عاجبته .. طيب يلا مع السلامه
ماجد: وش السالفه وشفيها هيفاء
ام ماجد: مسوي روحك ماتدري اياد اخطبوا له خويت زوجتك
ماجد: الحين عبير وعبير وفينها صديقة هيفاء
ام ماجد: اريج ولمياء منهبلين عليها ..وام نايف ونوال يبغون له وحده بيضه زيه
ماجد: هوابيض ياخذون له ابيض بيجبون عيال برص بيو
ام ماجد: ليه ودك بوحده غير هيفاء هذا هيفاء بيضه وانت ابيض
ماجد: بياضي عادي حتى هيفاء بس اياد اوف يغطي
ام ماجد: قول ماشاء الله
ماجد: ماشاء الله
هيفاء تجي لهم الصاله وتجلس وهي مبتسمه :...........................
ماجد يناظر فيها: خويتك مخطوبه
هيفاء: اي خويه
ام ماجد: الي بيسال يسال كذا عاد.. اتركيه عنك انتي تعرفين وحده اسمها رهف ال,,,,,,,,,,,,,,,,,,,
هيفاء: اي خويتي .. ليه وشفيها
ام ماجد: امس ام نايف راحت عنهدم اثاري ولدها اياد يشتغل مع عمها علي
هيفاء تجمدت مكانها: ايه
ام ماجد: ام نايف بتخطب رهف ل اياد
هيفاء تذكرت سعود: كيف بتخطب ؟؟ (تحك ارقبتها) مو عبير ل اياد
ام ماجد: اياد يبغى رهف
هيفاء" لايكون الهبله تنتقم من سعود" : اها هي امس دقيت عليّ بس كان جوالي صامت
ام ماجد: ام نايف تقول رهف تشوفينها تناسب ل اياد
ماجد بنرفزه: هيفاء شعرفها ب اياد هاه وشعرفها
ام ماجد: موقصدها يعني قد زواج ولا لا ..تعرف اياد مايحب شغالات كله امه تباشره
ماجد: اها
هيفاء: لا قدها صحيح دلوعه بس قدها ان شاء الله .." يارب التحاليل ماتطابق"
ماجد: شدعوه انتي مودلوعه
هيفاء: والدلع عيب
ماجد: لا بس موفي محله
هيفاء: احمد ربك على هالنعمه الي عندك
ماجد: يمه شفتي لسانها اطول منه مافيه
ام ماجد: عاد هو باين فيك ..الى الان عنيد (تقوم) اروح اشوف الغدا احسن
هيفاء ترفع حواجبها بسرعه: ويص فشلوه
ماجد: الحمدلله العقل نعمه ترى
هيفاء: الله والعقل عاد
ماجد: اي والله لو فيني عقل وافقت عليك
هيفاء تخز فيه: نعم
ماجد: نعامه ترفسك وتخلص شغلها عليك
هيفاء: ويع ياغذر
ماجد: الفاظك يا قليلة الادب انا زوجك
هيفاء: دخليك بس زوجي وزوجي ولا مره طلعتني محسوب عليّ زوج انت
ماجد: اقول لايكثر ويلا روحي ساعدي الشغالات ..على فكره انتي تشبيهن وحده من الشغالات
هيفاء: ياسبحان الله وانت اذكرني بسواق بيت اهلي انا يوم شفتك اول مره فكرتك توأم حقه
ماجد" جد بزره ولسان طويل" : آآآ .. يلا اعتذري
هيفاء بتعجب: الحين انت الي تغلط عليّ وانا الي اعتذر
ماجد يسحبها لعنده ويحط راسها على فخده ويمسك يدها بيد واليد الثانيه ماسك فيها مخده: اعتذري
هيفاء الى لان على نفس الوضعيه: بصرخ ..آآآآآآي يدي ماجد حنا في الصاله ..موفي القسم آآآآآآي يدي
ماجد سمع صوت امه قريب منهم بعد : ادواك عندي
هيفاء قامت وراحت الى القسم حقهم ركض .. قبل ماتشوفها ام ماجد ..
&&&&&&&&&&&&&&&&&&&&&&&&&&&&&& &&&&&&&&&&&&&&&&&&&& &&&&&&&&&&&&
على الغدا ..
اجمع الاربع الاخوان مع اولادهم حوال السفره الاكل على الارض ..
: هو قال تعال بس قلت يوم ثاني
بو احمد: الاخ يبغى يشوف نظره شرعيه
علي: تحمس الاخ شوي
عدنان: شلي تحمس من حقه
ياسر: لا موحقه ..يبي قبل الملكه بخمس دقايق
علي: ولا ماعجبته نتفشل قدام الكل
فهد: وليه اختي فيها شي ماتعجبه
سعد: طيب صوره
علي: يبغى يشوف كيف علقيتها
بو احمد: بعد ماسال عنه يجي يشوف
عدنان: ناس سنعه وذربه شتسال
بو احمد: انا قلت سؤال عنا وحنا بسال
ياسر: جد وش تسال ..وافق واتكل على الله
بو احمد: والله انا عاطيهم بنت موشي عادي .. وانا وشيظمني مايكون راعي خمر وبنات وهالسولف
ياما ناس قدامنا الدين كاسيهم ومن ورانا عفانا الله
الكل سكت لان كلامه صح .. بعد دقايق
علي: بس ياخوي انا عشت وياه وشفته انسان زين
بواحمد: قبل ثلاث السنين هالكلام .. ياعلي ياخوي الانسان ينقلب بين يوم وليله شلون بعد ثلاث سنين
علي: بكيفك انا عن نفسي عاشرت واشتغل معه اشوفه زين وهو صديقي تبي تسال براحتك ومن حقك
بواحمد: يومين وبرد لاتخاف وان جد ناوي بيخطب منا مايعطلونا هاليومين
&&&&&&&&&&&&&&&&&&&&&&&&&&&&&& &&&&&&&&&&&&&&&&&&&& &&&&&&&&&&&&
بعد الغدا جالس سعود على الكرسي قدام المسبح الاخارجي وهو لابس برموده سماويه وبلوزه كات بيضه
ولابس نظارته الشمسيه.. واحط يده وراى راسه ويلعب بشعره .. رفع جواله وجلس يدور بين على اسم
معين بعدين قفل جواله بكبره..
: في مين كنت بتصل هاه
سعود تروع: بسم الله
دلال: هههههههه ياخواف شخبارك
سعود: ماشي الحال
دلال تجلس قدامه: وانا سعود
سعود: اخبارك ياحلوه؟؟
دلال: ايوه كذا حلوين انا بخير غريبه جالس في البيت
سعود: مع مين اطلع يعني مالي احد بعد الغالي
دلال بحزن: الله يرحمه .. طيب موزين كذا تحبس عمرك
سعود: وين اروح طيب
دلال: مدري ..طيب قوم نتمشى انا وياك
سعود وقف : يلا اغير بلوزتي واجيك وبعد عنها شوي
دلال: دقيقه بصورك كذا وانت كانك من ذول يسون دعاية عطر
سعود: الحين انتي تمدحين ؟؟
دلال: ماحطوا وجيهم الا انهم مزاين
سعود: الاشيون ضعاف وماكو عيون وشعر اعوذ بالله وربي السواقين حقينا احلا منهم
دلال: ماعلينا يلا كانك ملك جمال ارضيت غرورك
سعود ابتسم: كذا حلو يلا ( ابتسم على جنب وحط يده في جيب البرموده ) صوري
دلال: ياسيدي (وتصوره بالجوال)
سعود جلس على الكرسي ولف وجهه وهولابس نظارته الشمسيه: صوري
دلال (تصوره): عليك جمال ربي يحفظك مالوم البنات
سعود: هههههههههههههه عيب انا ماكلم
دلال: ايه هين ..
سعود ياخذ جوالها : يلا نصور مع بعض
دلال: لا انا وحده كله اغير جوالي اخاف احد يطلع صوري
سعود :طيب ( سكر كامرت الجوال وطلعت الخلفيه كانت صورت اياد) مالت ليه حاطته
دلال تاخذ الجوال: امس كان عندي وكان متكشخ وصورته
سعود: وشعنده
دلال: توه رايح بيت خطيبته وشهقت .ياويلي هو محلفني ماقول لحد
سعود: ليه هو خاطب
دلال: ماتقول لحد امانه
سعود: متى ملك
دلال: ماملك راحوا كلهم امس يشفون خطيبته
سعود: اها وعبير
دلال: مايبيها
سعود: اهازين بروح اغير ابلوزتي وبرجع
دلال: امانه عليك ماتعلم احد
سعود: من حبي له اتكلم معه ولا افتح سالفه مع غيره فيه مالت عليه وعلى خطيبته
دلال: هههههههه طيب روق
&&&&&&&&&&&&&&&&&&&&&&&&&&&&&& &&&&&&&&&&&&&&&&&&&& &&&&&&&&&&&&
سعود يحش في اياد .. وماجد واياد يحشون فيه وهم يكلمون بعض بتلفون ..
ماجد يسكرالباب بيد وماسك الجوال بيد: لا تكلم نواف .. وانا جد غلطان طبيت فيه بس جد
اكرهه
اياد: حاس فيك تحس المكان الي فيه هو تمحيه من الوجود مسود الوجه
ماجد: مالت عليه ويطنش اكلمه افشل فيه ولا كاني اسمعه
اياد: خواف وجبان شفته ذاك اليوم صفقته وكسرت يده وماقال لحد
ماجد يجلس على الكنب: لا السالفه فيها بنات .. انا مافيها بنات
اياد: ياشيخ غير الموضوع لاعت كبدي
ماجد: ايه صح ذكرتني كيف تخطب من غير ماتقول
اياد: انت دريت
ماجد: لا لسى (يعلي صوته) ايه دريت وليه ماتقول
اياد: مابعد يصيرشي .. قالت لك زوجتك
ماجد:انا وزوجتي درينا من امي
اياد: وكيف درت امك .. اكيد امي قالت وهذا انا موصيها
ماجد: لاتظلمها هي موقصدها تقول بس هيفاء صديقة رنيم وتبي تشوفها تصلح لم بنت ولا لا
اياد: من رنيم
ماجد: الي بتخطبها
اياد: يرحم امك اسكت قلبت اسم البنت فوق تحت اسمها رهف
ماجد: وانا وشدراني ماعلينا وش صار
اياد: تعال انت سالت عن اهل زوجتك زين
ماجد: ايه وعن البنت نفسها هيفاء بنت اخلاق صحيح طويلة لناس بس ماعندها خرابيط
اياد: ياعيني على الي يمدح..ماعلينا وخويتها رهف تتوقع زيها
ماجد:اياد ممكن تسكت وانا وشدراني عنها
اياد: طيب اسف
ماجد: سكر انت الي يطول معك في تلفون غلطان يلا يلا سكر( وسكر من اياد) واستنشق الهوا بعدين زفره
ودخل الغرفه
لقى هيفاء نايمه بدون لحاف هز راسه ب لا .. "شكلها نامت وهي تصيح كل ما صلح الحال خرب
من جديد انا غلطان مفروض مامسكها كذا"
جلس على طرف السرير : هيفاء ياهيفاء
هيفاء قامت : نعم
ماجد : ليه نمتي بدون غدا
هيفاء: مالي نفس
ماجد: اسف وحقك عليّ
هيفاء: كل مره تغلط علي وتقول اسف وانا زي الغبيه اسامحك
ماجد: طيب وش الي يرضيك وانا اسويه
هيفاء: ودني عند رهف العصر
ماجد: من عيوني بس بشرط تاكلين الحين
هيفاء: والله مالي نفس توني جالسه من النوم
ماجد: طيب بعد ساعه نروح مطعم تتغدين
هيفاء: طيب
ماجد يفتح ذراعه : تعالي
هيفاء تروح تضمه:.........
ماجد: انا متعود محد يجادلني او اذا قلت كلمه محد يعصيني انتي مكسره جميع القاعدات
وقبل كذا جايتني مثل مايقولون بشرك .. مومتقبلتني ابد ادري ان شعورك اتجاهي تغير
وانا نفس الشي بس لازم كل ماحد يستحمل الثاني شي طيب
هيفاء: طيب بس سامحني على الرسايل الي قبل الخطوبه
ماجد: مسامحك
|