رد: رواية التبل إماراتيه روعة
رواية التبل إماراتيه روعة
الجــــــــ 46ــــــــــــزء
..............................
سلمت المفاتيح وكملنا طريجنا لبرع: هيه ماسارو مكه
شمه: خساااااااره حليلها عفوووور كان بخاطرها تشوف الكعبه
سهيل: محد قال لها ردي ... هي تبا ترد روحها...
يودت ايدي ونحن نكمل طريج: تصدق سهوله
طالعتها: شو؟
شمه: امممم وايد الجو حلوووو ماتوقعت جوهم جيه بيطلع
سهيل: هيه نحن يينا بالوقت المناسب ... يعني لو يايه بالحر كان انصلخ بدنج
وصلنا الحديقه .... ويااااااا اللله مممزوووره هنوود الي يطالعهم يقول هاي اول افتتاح للحديقه مب جنها مفتوحه من زمان
والرواااايح وما أدراك ما الروائح .... بالنسه لشمه كل ماتشم ريحه تلطم عمرها بشيلتها.. بس انا بشو ياحسره!!!
( اخاف اركب روحي)
قالتها وهي تطالعني
فريت ويهي لها: شو زاعجه الأمه العربيه ابا فيل والحينه زايغه
حاست بوزها: هيه دخيلك اركب ويايه عاده .....عسب التصوير
سهيل: انا ازيغ منه قلت لج من قبل
يودت ايدي برجااا: سهوووله
تنهدت بيأس ووتوكلت وياها.... ركبنا على المكان المخصص عسب ركوب الفيل .... وركبت طبعا قبلها عسب ان يستوي شي ... يستوي بي انا اول
مديت ايدي لها ويودتها وركبت وهي زايغه... وفي دقايق لزززقت ورايه
سهيل: حوووه حشى فجي شوي
لزقت زود: ماباااااا يمااااااااااااايه طالع تحت يمييييييييييه
تحاشيت النظر لتحت: ههههههههههههه انا مابطالع ولا صدق بطيح
تحرك بنا الفيل,,,, وحمدت الله انه كان تعبان ولالالا كان شمه دخلت فيني من الزيغه.... مايتحرك الا لما صاحبه يرمسه ..
ماشاء الله وويفهم عليه بعد!!!...... يلس يتحوط بنا بالحديقه شوي.. وبعدها طلبته يرجعنا لمكان النزول لاني مليت من بطئه
... يوم نزلنا الاخت شمه احتشرت عليي تبا فواكه عسب تأكل الفيل.... شريت لها سله ويلست تأكله وانا اخذ لها جم صوره
... كان يوم متعب ووووشااااق بما تحمله الكلمه من معنى ... لان ماكتفينا بهالحديقه .. سرنا للمحميه الي كانت عن عباره غااابه كبيره .... حبيتها وااايد لان شي حيوانات وايده فيها ... انوااااع واشكال واحجام ...
بس كله كوووم ويووووم شمه ....
( دخيييييييييييلك وووووقفه واابووووويه)
كانت تررربع بالمووووز وااااالسبال يالس يربع وراها هههههههههه
منظرها كان ينقع والكل يطالعها
ربعت وراها: طييييب يالخبببله عقيييي الموووز
انتبهت للي بيدها وعقته بسرعه ... وووقف السبال بسرعه وخذا الموز ورد لطريقه!!! هههههههه حليله شكله يوعان!!!
.............................. ....
.............................. .......
شهقت يوم طالعتني ووورمت نفسها بحضني تلوي علي..... ابتسمت بويها وانا اخفي همووووم الدنيا الي عراسي
طالعت بويها : شحالج ريووومه
الريم: تبسمت لي وهي تأشر انها بخير
عفرا: وين امايه ؟؟... وين ابويه؟؟؟ وسوواف؟ ماسمع حسهم
الريم: اشرت بأيدها على غرفه نوم امايه وابويه
تركت الريم وسرت صوبهم ودقيت الباب..
( دخلي)
دخلت على حس ابويه .... حصلته يالس على كنب غرفتهم.... وامايه الثانيه على الشبريه ..... يالسه وهي مويمه
سرت صوب ابويه وحبيت راسه: شحالك الغالي
ابويه: هلا فديتج حبيتي الكعبه ان شاء الله.... شحالج ابويه الحمدلله عسلامتج
تبسمت له: بخير جلعك الخير يالغالي
ابويه: شو وين سلطان؟
عفرا: والله مادري عنه من نزل الدار وووعلى طول سار يقول عنده شغل
ابويه : ياحيه والله
فريت ويهي لامايه الي من دخلت مارمستني ... سرت صوبها وحبيت راسها
عفرا: شحالج فديتج ... شو بلاج مويمه جيه
طالعتني بعينها المليانه دموع: بخير
يلست حذالها وايدي تمر عظهرها: افااااا امااااايه شووو مستوي ؟؟؟؟ حد منكم مستوي به شي؟
نزلت راسها: ياليته فيني ولا فيه
زاغ فواديه: اماااايه منووو؟؟؟؟؟؟؟
نزلت دموعها: اخوج سيف يابنتيه مانعرف شو مستوي به..... لالجمه تدخل حلجه ولا عينه تشوف حد...
طالعتها وانا مشدهوه: سيف!!!!!!!!
رفعت شيلتها تمسح بها دموعها: هيه من يا ذاج اليوم وهو ماطلع من غرفته .... والله يابنتيه لو تطالعيه تقولي هاي واحد ميت
يبنا له شيخ يقرأ عليه جم آيه يمكن الولد متروع .... بس ماشي على حاله .... اخوج بمووت ياعفرا ونحن ماسوينا شي
سيف!...... وضع البيت مايايه استوعبه.... ابويه وشبووح ويهه... وامايه الي عينها ماتعبت من الدموع؟!!!....
وسيف؟؟.... هيه وينه؟؟..... نشيت بسرعه لغرفته ... دقيت الباب ودشيت قبل لا انتظر رد ولا جواب
كان يالس على سياده الصلاه ورافع راسه لفوق والدموع تارسه عينه!!!... الي يطالعه يشك ان هالانسان كان سيف من قبل!!....
العارض الملعوز ويهه بشكل غير مرتب.... وشعره المحتاس .... وعيونه الذبلانه وصفار ويهه... امووور كلها تخليك تشك
ان هاي طالع من سجن!!!!!.......
سرت صوبه بتردد....و يلست حذال سيادته..... ماكنت اسمع منه غير همس ( ياربي دخيلك)
منظره ويعي لي قلبيه وماحسيت الا بالدموع الي تغسل لي ويهي...... دقايق وفر ويهه لي بعد ما انتبه لوجودي
مسحت دموعي بسرعه وانا اتبسم له: شحالك فديتك؟
فر ويهه عني وهو ينش يشل السجاده...... مانطق ولا بحرف وكمل طريجه لشبريته..... ظليت بمكاني اراغب جسمه الذابل وهو يتحرك....
عفرا: سيف زعلان منيه لاني ماودعتك قبل لا أسافر؟
لحف عمره وراسه ....وواخيرا طلع حسه: مب زعلان من حد بس ابا ارقد طلعي برع
سرت صوبه ويلست حذال الشبريه.... مديت ايدي اشل الحاف: سيف رامسني شو بلاك
يود الحاف بسرعه وصرخ: طلللللللللعي ببببرع
...... طلعت عنه وانا اكتم شهقاتي.... شو بلاه!!!؟؟؟ شقايل استوى به جيه!!!.....
حاولت اكتم دموعي بس كانت وللأسف اقوى عني!...
.............................. ...........
.............................. .................
( دخيييلك طلعنيييه من هالمكان ماروووم استحمل)
قالها لي وهو يحج جسمه
طالعته وانا ااشر على الكنب: طيب انت ايلس اول
يلس بسرعه وهو يكمل الحك بويهه: سجنكم كلللللللللله حشراااااات وناس ملاعين
سلطان: شرااايك يعني تبا نييب لك عيال عواائل ييلسو وياك؟؟؟ اكييد ملاعين
حاس بوزه: شقايل ترمسني جيه وكأنيه مسوي جريمه
حطيت ريل على ريل: دام يالتعبان ماتروم على السجن شقايل تسوي مصايب
فر ويهه الصوب الثاني: حتى وان طلللعت بسسير وبذبحه
طالعته وانا مشدوه: شو هالنزعه العدوانيه الي مره وحده ياتك
راشد: سسلطان مب هاي موضوعنا.... الموضوع انيييه ابااا اطلع دبببرنيييه بأي طريقه
سلطان: احلف!!!!..... داااام انك تبا تطلللع شقااااايل مب طااايع تتعاوووون ويا المحااااميي!!!! ... انت حتى سبب واحد لضربك لهالعبدالله ماقلت
فز بيلسته: ققققلت .... خبرتهم ان يستاهل الضرب
سلطان: ماشاء الله !!!!!.... الحينه يعني هاي انت تعتبره سبب!!!.... طيب خبرنيه شقايل يستاهل؟
فر ويهه لصوب الثاني: يستاهل وبس.... شقايل يتضارب ويا سيف
سلطان: طيب هو يتضارب ويا سيف انت شو يخصك؟؟؟؟
فر ويهه لي وهو زام ضروسه: يييييخصننننيه ووويووم اطلع بذذذببببحه
سلطان: اسمعنيه انا هالرمسه ماتمشي وياااايه اذا انت خايف من شي فا هايليك محامين اما انااا اخوووك على الاقل خبرنيه انا
راشد: مااابااا اخبببر ححححد
قربت صوبه: خبرني يوم النفس عليك طيبه
ناظرني بتحدي: سوو الي تبااا حتى لو تنقعني بالسجن بس مابببببخبرك
يلست حذاله وانا اتنهد: راااشد على الاقل خبرنيه بسسس انا!!!!.... شووو هالسبب الي يخليك ماترمس
راشد: هاااي سسسسر ومابا افضضضح حد
طالعته بشك: تفضح منو؟؟؟
طالعني بجديه: سلطان صصصدقي ماروووم اخبرك..... خلاص
سلطان: شووو سبب الي يخليك ماتروووم؟؟؟؟
راشد: قلت لك ماااروم افضضح ناس غاليه عقلبيه
حطيت ايدي عكتفه: هاااي ظنك فيني اني بسير وبشهر بسرك؟
طالعني بسرعه: لالالا مب جيه قصديه
سلطان: عيل شوو؟؟
نزل راسه: المشكله ان شي كبير
سلطان: تباني احلف لك اني مابخبر حد؟
طالعني: لا بس اباك توعدنيه ان حتى صاحب الموضوع مايدري انك تعرررف بالي استوى ولا تخبر الشرطه ولالالا حتى المحامين
سلطان: خلاص وووعد منيييه
طالعني وهو محتار: شو تبا؟
سلطان: تخبرنيه شو مستوي بالضبط؟
هز رجله بتوتر: عبدالله الجلب
طالعته: شو بلاه؟
مد ايده لراسه يرفع شعره بتوتر: شاذ
ناظرته بنظرات مب مفهومه: جيف يعني؟
زم ضروسه : يعنيييه اعتدى على سيف
سلطان: شووووووووو!!!!!!!!!!!!!!!!!!
حقير .... شهواني... حيوان.... كل الصفات الدنيئه تجتمع بهالأنسان
فاحشه يتلذذ بها على اجساد ناس بريئه ....... شوووو يفكر نفففسه وووين نحن؟!!!
هاي بيموووت وعلى ايييدييي هاااااي
راشد: شو الحينه منو المتهور انا لو انت؟؟
سلطان: كررررامه سيف من كرامتيييه ولي داس عكرامه اخويه يعني داسني
والله لأقطعه
تبسم بخبث: لالا هالجلب حرام يموت... هاي لازم يظل جيه بالدنيا ويتعذب
سلطان: ااااااخ بس لو اروم اخبر الشرطه
فز من مكانه: لالالالالا سلطان الا هاااااي .... حراااام هو بروحه مب رايم يطالع ححححد شقايل بعد تخبر الشرطه
فضضضيحه ياااسلطان فضضضيحه الناااس ماترررحم
سلطان: ماني متخبل عسب اسير واخبرهم ..... وووبعد شيينه قوووي عييينه مب طايع بعد يتنازل؟؟؟؟؟
راشد: يقول مايبا يتنازل الا لما سيف يسير له..... اسمعنييييه هاااا الا سسسسيف انتبهو لالالا يسير له
سلطان: لالالا شو يسير للله يكفي الي استوى به
راشد: تعرف شو خاطريه؟
سلطان: شو؟؟؟
راشد: بخاطريه جيه اسدحه على الارض ... واركب سيف بالسياره واخليه يروح وايي عليه ليييييييين مايبرد فواده
سلطان: شحاله سيف؟
راشد: انا الي بعرف لو انتو الي برع؟
سلطان: انا من الطياره لين اهنا
راشد: اخر مره شفته ابد مبببب بخير
نشيت عنه: عموما ارقد الليله هنا وان شاء الله باكر انت طالع
حاس بوزه: شو ارررقد ترانيه كل يوم اتكفخ ارحمنيه
سلطان: انت حط لسانك بحلجك ومحد يكافخك ... اعرفك لسانك طويل
راشد: سييير احسن لك
طلعت عنه وانا اتوعد عبدالله الحيوان بقلبيه..... واحد شرات جيه بشو ممكن يتعاقب!!....
كلمت طريجي للبيت وانا احس بالتعب مكسر جسميه كله.....
|