|
#1 | |
مشرفة فى فترة اجازة |
رواية التبل إماراتيه روعة
مساء الورد للعضوات
كيفكم جميعا وعدتكم بعد يوميات بدوي في أمريكا وينابيع الراحلين أجيب لكم روايه إماراتيه مضحكه روايه التبل للكاتبه ترنيمة عشق راح أنزلها لكم وأن شاء الله أشوف ردودكم البارت الاول ياسباله) لا بداية موفقه ياراشد للقصة اسميك فشلتني <خخخخخخخخخ السموحه منكم بس اختية ارهاب يوم يبوني ايلس من النوم يعقون علي هالسلاح المدمر تراها مطلوبه في لائحه الارهاب خبركم ماتدرون توني راد امس من بلاد برع بعد 4 سنين من بعد مادرست لي اداره اعمال ومن جيه ماجاي اتعود على نظام النوم مال بلادكم هع اوني من بلاد برع قمت اخذت الفوطه عسب ادخل اتسبح بعد خلاص طار النوم من بعد فوضه شمه الخسفه> (اسميها بلالالالالادكم حرر ماروم انا جيه) قلت هالجمله وحبيت راس اميه من بعد مانزلت من جناحي ام سلطان: حبيت الكعبه اولديه شبلاك يابويه محتشر شرات العيايز سلطان: اونه عاد يا ولد اوروبا راشد: سير له شلون مستحملين انتو جيه هالحر يا امايه ماروم عليه انا جلدي رهيف شرات البنات ههههههههههه شمه: ياربيه خقاق واحد يومين ويصطلب جلدك من جو دبي شرات التماسيح اخذت المخده وفريتها عليها : انتي ماتكلمي ورحت اوجه كلامي لامي: وامايه رجائا اذا تبو تقرو الفاتحه عبتكم طرشوها تجلسني من النوم ها انا قلت لكم عسب لاتلوموني فيها بعدين شمه مدت لي لسانها اونها بتحرني ماعبرتها وفريت على اميه: امايه ابويه وينه؟ امي: فديتك سار العزبه سلطان: شو تبا به؟ راشد: اسرار عائليه امي وكالعاده تصدق أي رمسه: وابويه عليك شو هالرمسه ليش سلطان ثراه اخوك من العايله راشد: لا اميه انت لقيته معقوق بالشارع بس مب طايعه تقولي له عسب لايتأثر نفسيا اخذ سلطان كوب الماي ورشه علي السبال راشد: حوه عنلالالالالالالاتك ياسبال توني متسبح سلطان: هههههههه تستاهل عسب لا تطلع علي اشاعات ثراه الا انت الي خذوك من الشارع ولا ليش عينك زرقا ونحن لا؟؟؟؟ امي: لا اله الله شو هالرمسه <هذا سلطان اخويه اكبر واحد وطبعه مايروم على المناجر والهواش دومه مسالم ومايتكلم الا بكلمتين وينطب ويسكت اونه يعني هادي ورزين من جيه تخرعت عدل يوم رش الماي عليه> .............................. ........ فديت هل العيين ماحد شراتنا <اوب اثركم هنيه؟ اوني بعرفكم بنفسي انا عفرا يالسه ويا اخويه سهيل وبنت عميه الي ساكنه ويانا (الريم) هاي بعدين بقول لكم قصتها اسميني ماروم امسك لساني من الهذره (فديت هل العيين ماحد شراتنا )هالجمله كانت لخويه سهيل مقايض به> سهيل: انطبي مافي شرات هل دبي فديتهم انا غمزت له : الا قول فديت بنت خالتي شمه اونك تستحي عاد سهيل: ماستحي ولا اخيل بعد فديت شمامي ارتحتي؟ <ضحكت عليه من قلب حليله اخويه سهيل عصبي وايد وبسرعه اروم اقايضه....هم شمه بنت خالتي يسموها السلاح المدمر وانا يسموني عفرا الوحش ههههههه واخويه سهيل مغرم بشي اسمه شمه بس هي هبله شوي ومب طايعه تعطيه وجه وقالبه هالحب مزح سهيلوه الاخ الثالث من بعد ناصر وعلي اخويه وايد حلو يعق الطير مامدحه عسب انه اخويه لالا بس صج اخويه غير الجلب عليه عين عسليه وعيون نعسانه وسموره جنها الي يسمونها برونزي هههههههههه دخلت علينا اميه> ام ناصر: شبلاكم على هالحشره هاي سهيل: امبونها بنتج وحش شو تبي مايصير حشره من وراها سارت اميه صوب ريومه ( الريم) عسب تتعود على اسم الدلع امي: شحالج بنتيه ؟ هزت الريم راسها بالايجاب واكتفت بأبتسامه صغيره <هاي ريموه فديتها كانو سايرين لبو ظبي رباعه هي واهلها يعني امها وابوها واخوها خليفه الله يرحمهم ماتو كلهم الا هي الي ظلت وحيده من بعدهم وحليلها مات خليفه على يدها ومن بعد ذاك اليوم ماترمس ولا بحرف وابويه فديته سكنها ويانا معززه مكرمه ويقدمها على الكل حتى مره كانت............... اوب ماقلت لكم اني حشره وماروم امسك لساني اقول خلني اشوف سهيل شقول لاميه> امي: ليش ولديه خلنا نعرسك وترتاح سهيل: اميه مابعرس الا لما اسوي الي اباه فريت ويهي لمايه: خليه امايه خليه بجيج بعدين زحف بقولج دخيلج عرسيني سهيل: انطبي ومالج خص بسوالف الكبار <مديت البرطم ويلست حذال ريومتنا> ........................ ا<خذت كتبي وطلعت عنهن سايره للمدرسه ويا الدريول محمدوه> (شوف محمدوه مب تتأخر شرات امس تراني بذبحك مفهوم؟) هز راسه شرات الهنود : ان ساء الله انت من تهز هالراس ماعين خير نزلت عنه وسرت صوب المدرسه ( مرهبا مرهبا شمه) قالتها رفيجتي وهي توايهني شرات الهنود دفيتها عني: اسميج جذابه شو هالوله وانتي توج شايفتني امس عبير: شو اسوي بعمري احبج احبج شمه: حبج حمار زين؟ عبير وهي تسوي عمرها اونها بتصيح: ليج تسوي فيني جيه حرام عليج انا احبج شمه: عن الخبال خلنا نسير لا تبدأ الحصه وتهزبنا ابله عوشه اسميها عثره <هاي ربيعتيه الروح بروح عبيروه هاي خبله شراتي ودم نضحك ونتمصخر ونطرد من الحص بس اسمينا عقلنا لان نحن بأخر مرحله ولازم اونه نعقل احوم اسميني خبله اعرفكم عربيعتي قبل ماعرفكم على نفسي انا شمامي الحلوه الجميله هع هع خقاقه مانلام طالعه على خويه راشد بس هو احلى عني بواجد بو عيون زرقا المهم اخليكم بسير اتعلم خخخخخخخخ سرنا للحص وبعد ماخلصنا ودعت ربيعاتي وطلعت وكالعاده الحمار محمدوه تأخر واحترق ويهي من الشمس > ( اميه والله لو مايتغير هالدريول لالالا اسوي مجزره فيه) كنت حاطه ايدي على خصري واهز بعمري اوني معصبه خوزو عني عاد امي: وابويه شو فيه شو صاير شمه: دوم يتأخر عليه هالحمار رفع راشد الخقاق راسه من على رجل اميه واعتدل بيلسته : تستاهلي تراه الله يسلط عليج ناس عسب يستوي فيج مثل ماتسوي بخلق الله وتروعينهم وهم نايمين قلت له مقايض فيه: وهالخلق الله احسن لهم يحطو راسهم على رجل امهم وينطبو <قام ناصر يلحق بي بس انا سرعتي فتاكه ههههههههه وصكيت علي غرفتيه عقيت عمري على الشبريه وانا افكر بعفرا بنت خالتي اسميني من زمان ماشفتها فتحت النت وحصلتها على المسن ويلست اكلمها واسئلها عن اخبارها بدون ماغير حتى ملابسي> .............................. ........ (وشو بعد ماتحدرو صوبنا يعني دارنا ماتنداس؟) راشد: سيف يالخسف انا الي راد من السفر ولا انتو صج مضيع المذهب اطر جيتكم طر قلت له وانا ابي اقايضه: اسميكم ياهل دبي خقاقين ها والله بكيفك انا قلت لك تبا تشوفني احدر صوبي راشد: سير له انت شو تحسب عمرك انا راشد سيف: وانا سيف راشد: شو يعني الحينه؟؟؟؟؟؟؟؟؟ سيف: هههههههههههه خلاص صار بحدر صوبك الغالي ولا تزعل راشد: عنلاتك ياحمار ماتحدر سيف: ههههههههه خلاص باكر ان شاء الله نكون عندكن انا واخويه سهيل راشد: غايتيه مع السلامه نزلت تحت عسب اخبر سهيل عن روحتنا لدبي: ها شو قلت؟؟ عفرا: وهو يقدر يقول لالا؟؟؟ هههههههههه خزها سهيل بعينه: هيه خلاص نسير راشد يستاهل عفرا: رد الخقاق؟؟؟؟؟ من بلاد برع؟؟ سيف: هيه رد بو عيون زرقا يا اني متوله على عيونه عفرا: شو طالع هذا حشىىىى حتى لو حرمتك <صحيح راشد ولد خالي عسب حرمتيه ههههههههههه دوم اغازل فيه وعلاقتنا قويه بس عليه جمال هب صاحي هو وسهيل احلى ثنين بالعايله عليهم خشم شرات السيف وطول ياهب يعطيهم رزانه سهيل عيونه عسليه على انه شرات امايه بس راشد زرقا ليش ؟؟؟؟؟؟احتج> افتريت لمايه: اميه ابا اعرف ليش راشد عيونه زرقا ونحن لالالا؟؟؟؟وليش سهيل عيونه عسليه ونحن لا بصراحه احتج امايه: استغفر الله شو هاي الرمسه اسميك كفرت عفرا: ليش اخويه انت ماتدري ان الام الي عينها عسلي والاب عسلي يطلع واحد من عياله عينه زرقا ولا خضرا سهيل يصفق: ماروم على الثقافه ماروم سيف: امايه ليش ماخذتي واحد عينه عسليه عسب تطلع عيني زرق امي وهي تفر المخده على راسي: والله لقول الرمسه هاي لابوك ربعت صوبها وحبيت راسها: لالالا امي حلفتج اسميني امزح بس امي: هي اصطلب شو بعد احتج عفرا: هههههههههه واحليلك وانت خايف فريت ويهي لها: جب جب لا ادوس بطنج .............................. <وانت ماخيست من اليلسه بالبيت اطلع شوف البلاد ماولهت عليها> اف اسميه ابوي حشره راشد: ابويه اليوم بيجوني عيال خالتيه امي: فديتهم انا عيال اختيه راشد: الا مايستحو على وجوهم ماطاع سيفوه يجي يتحمد لي بالسلامه الا بطلعت الروح امي: الا عنده اشغال راشد: هيه عاد انتي دوم تدافعي امي وهي توجه الكلام لشمه: شمه امي قومي جهزي الفواله عسب عيال خالتج شمه: اف امايه انا تعبانه ماروم امي: شو تعبانه شو فيش من عوق قومي لا افلعج بالهالفنجال قامت شموه اختي وهي تتحرطم يلست حذال اميه: الا امايه شموه اختي غريبه للحين ماعرست هههههههههههه امي: وابويه شو يالسه على جبدك راشد: لالالا هههههه بس يعني خايف على مستقبلها هههه امي: لاغريبه ولا شي هي يجوها خطاب بس ابوك يرفض عسب انها محيره لسهيل جلست اتخيل شموه وسهيل ويلست اضحك !!!!!!!!!!! امي: بسم الله وابويه استخفيت؟ راشد: امي مايالس استوعب شموه بنتج ويا سهيل مايتقابلون ههههههههه وبنتج بعدها صغيره وسهيل واحليله كبير ورزين امي: لالا ولديه اختك مابظل جيه شرات السبلان بتشوفها بعد العرس بتصطلب راشد: الله يسمع منج ههههه <قمت اتحوط داخل البيت لان زهقت من اليلسه داخل ومثل ماقلت لكم مب جاي اتعود على بلادكم هههههههههههه لاتخزوني جيه هيه انا خقاق من الحين اقول لكم > . . . ( وهاي عيال خالتك مالقو الا اليوم عسب يجون) بسم الله الرحمن الرحيم حماره دوم تزيغيني شمه وهي بوسط الحديقه: اف شوي حطي فواله شوي روحي نظفي الميلس شو ماحاله هاي قلت لها بفلسفه : انت مابتخدمينا نحن وبس انت بتنقلي صوره لخطيبج عن نظافتج شمه: لحظه لحظه كاني سمعت كلمه غلط شو هاي خطيبج؟؟؟؟ راشد: هيه خطيبج سهيل؟ شمه محرجه: والله لو اموت ما اخذه شو هاي الي قاصر انا اخذ سهيلوه الي كأنه استاذ رياضيات وع راشد: شوفي والله ان ماصطلبتي بجيج كف عويهج اصلا انت ماتستاهلي سهيل واحليله يباله حرمه سنعه مب شراتج خبله وياهل شمه اونها رافعه خشمها: قلتها ياهل وماصلح له وع اتخيل انا وسهيل واي ماروم <اخذت نعالي وفلعتها وهي ربعت لداخل من الزيغه صج بنات اخر زمن خيس> .............................. .................... ................ <قلبي يدق طبول هاي حالي من وصلنا دبي مادري شو الله بالاني بحب هاي السباله الي ماتعبرني وانا الي ماظلت بنت الا تغزلت فيني كنت اوني كاشخ لها ولابس كندوره سوده ومتسفر بالون الابيض نزلنا من السياره واستقبلنا راشد وهو يتريقص رقيص> سهيل: اسميها بلاد برع خربتك راشد وهو يوايهني: ههههههههههههه هيه ضيعت المذهب شحالكم ان شاء الله بالخير سهيل : الحمدلله وانت من صوبك؟ <دخلنا داخل البيت عسب نسلم على خالتيه او بالاصح عسب اسلم انا عشموه كانت يالسه تهمز ريل امها وتقول لها انها تبا ايسكريم ولما شافتنا كالعاده شقت الحلج لسيفوه مب حقي انا> سيف: هههههههههههههه ياويل حالي على البشوشه انا قلت له بنغمه: هيه ناقصكم عفرا عسب تكمل شلت الثلاثي ملاحظه كبر البعير < اغار من سيفوه وايد شموه تعطيه اعتبار وانا ماتكلف خاطرها تطالع فيني بس هين ياشموه انا اعرف شلون اصلبج> حبيت راس خالتي ويلست حذالها: تستاهلين سلامته والله خالتي: الله يسلمك ولديه تسلم فديتك ,,,,, شموه قومي حطي الفواله لعيال خالتج قومي يالله قامت شموه بتملل شرات اليهال وشعرها يتريقص وراها صج خبله بس احبها حطت الفواله جبالي: تفضل اجرب استاذ سهيل سيف: ههههههههههه سهيل احيدك مهندس الا انك حولت مدرس شي ثاني شمه: ههههههههه لا بس يذكرني بأستاذ رياضيات مصري سيف : هههههههههههه اتخيل اخويه استاذ رياضيات ولابس بدله <كانت تطالع فيني تبيني اعصب بس حطمتها ولبستهم ويلست اسوي نفسي اتكلم وياراشد عن احواله هناك وشو سوه> راشد: والله الغربه تتعب بس الخايس بلادكم حر شمه: اف هاي ماسك علينا بلادكم وبلادكم اشوف زواجك اعطيه السواق مالنا احسن قلت لها : جوازك ياشاطره هب زواجك طالعتني بنظره انتقام: كيفي راشد: جب جب جلبي ويهج يالله شمه: اف ياربي دوم يشعموني جيه حرام عليكم راشد: اصطلبي ومانشعمج سيف : حرام عليكم واحليلها شمه تدخل السرور على قلوب المؤمنين هههههههههه راشد: حالها حلحول خالتي: اخليكم فديتكم بسير عن حشرتكم هاي وبحط راسي شويه الكل: مسموحه الغاليه التفت لشمه عسب يبدأ الانتقام: الا شمامي شخبار الدراسه هي من قلت شمامي انجلب ويها احمرر وقالت بدون نفس: ه ه هيه زين < هههههههههه الحلو فيها يوم اغازلها تنطب وتستحي وتخاف> سهيل: طيب شمامي شرايج بآيسكريم بارد بهالحر؟؟؟ نكست راسها: كيفك سيف: انا ابا سهيل: في حد رمسك؟ راشد: اقول سيف شرايك نقوم ونخليهم لحالهم عسب ياخذون راحتهم هههههههههه شمه فزت من محلها : لالالالالالالالالا شو ا ا ا انا بسير خلاص راشد: ههههههههههه اسميك انك رعب ياسهيل قلت لهم وانا قايم: لالا كلكم خلكم محلكم انا بسير ايب الآيسكريم لناس مكانهم موثق بالقلب وانا طالع تعمدت مريت جبنها وفلصتها بأيدي دون محد يدري والبنت خلاص تيبست ههههه<< صج ان تحتك بلاوي ياسهيل .............................. ............ <هذا الا استخف ولا استخف ولا اكيد استخف هب صاحي هالولد يمر ويفصلني بعد هين ياسهيلوه رجع سهيل وبأيده الايسكريم الا بدخلت ابويه وراه والله لو يدري ان الآيسكريم حقي بيذبحني وبيعلق سهيل > راشد: احوم احوم ابوي: شو بلاك تحمحم <التفت سهيل وراه وهو مخترع : ه ه هلا عميه ( طبعا ابويه مب عمه بس اونه احترام) حب راسه وظل واقف مب عارف شو يسوي> سهيل: ها راشد هاذا الايسكريم وجبت لك شو تبا بعد آآآمر <خيبه مابا بصيح خزني راشد وابتسم بخبث : ههههه لا الغالي تسلم هات هات بس خلنا نبرد على هالفاد قعد راشد ياكل وهو اونه يطلع صوت عسب يقايضني بعدها سار ابوي عنا بعد ماعرف ان امي راقده > انا وشويه اصيح: راشد ابا اشوي راشد: روحي اشتري لج والله حاله مانعطي سبلان <سحب سهيل من عنده العلبه وعطاني وياها عسب الحق على اخر ماتبقى ههههههههه انا عنديه يذبحوني بس يعطوني ايسكريم> سيف: خيبه كل هذا عسب ايسكريم؟؟ راشد: هههههههههه انا ماكنت ابا هو اصر علي شسوي يعني؟ <يلست على الارض بعد ماخلصت ايسكريمي وياة سهيل يلس حذالي ياربي شو يبا بعد ........... هي لاتخزوني اكيد تبو تعرفو شعوري بتجاه سهيل هي مابقول لكم عرفو بعدين روحكم> سهيل: ها مافي شكرا على الاقل؟ قلت له وانا رافعه خشمي: شو هاي تجيب وتمن بعد؟ سهيل: انا مامنيت بس هاي الاصول سيف: ههههههههههه ياهل شو عرفها بالاصول شمه: انت الياهل زين سهيل وهو يوجه كلامه لي: عن الحشره وخبريني شو اخبار الشرطي سلطان وينه؟ شمه: نايم عسب الدوام <فديته اخويه سلطان شرطي ولا كل الشراطوه هع هع متى نعرسه ونفتك منه خخخخ> <يلسو مجلس الامن سهيل وسيف وراشد يقرو ان يسرو للعين باكر رباعه> شمه: هي انا ابا اسير لعوعو < يعني عفرا> شلون تروحو وانا عندي مدرسه مابا سهيل: خلاص نسير الظهر ونحدر ناخذك من المدرسه سيف: وابويه شو الظهر بكيفك هو ورانا اشغال ابويه <انا خلاص الحين بصيح > سهيل: ماعليج منهم بنسير الظهر واذا هو مستعيل يسير قبلنا <اتفقنا ان سيفوه يسير قبلنا وانا وراشد وسهيل نسير الظهر زهبت اغراضي لان بنبات هناك الخميس واليمعه وصيتهم ياخذوها قبل لايحدرو صوب المدرسه لي عقيت عمري على الشبريه وانا يالسه افكر باكر> .............................. .................... ........... ( فديتج والله احبج احبج ياعفر) <كنت شويه الا بموت من بعد ماياني هالمسج من حبيبي حمد وريت المسج للريم وابتسمت لي ابتسامه تعني انا وياج عقيت عمري على الشبريه وانا افكر بحمد ياربي شو هاي الانسان حنون هاي ربيع سيف اخويه شافني مره بس وطلع رقمي من تحت الارض خخخخخخخخ قامت الريم عني وراحت لجناحها الخاص وبالصبح صار بيتنا ربشه بسبه عيال اخواني اقلبهم بنفس السن من جيه يصير البيت حشره بجيتهم عبير بنت ناصر وروضه بنت علي عمرهم 19 جاسم ولد ناصر 20 وهزاع ولد علي 21 وغير القوم الي عمره 10 ولي 9 ولي توه 4 سنين> (شو هاي الحششره ويعه تويعكم) <<الكل سكت وطالعو فيني>> فطومه وهي تربع صوبي : عموه عثرا<<< ثرمه قلت وانا ابوس فيها: عثرا تعثر بليسج انتي متى بيعتدل لسانج شرات الناس؟ فطومه: ثو وين عمي ثيف( الترجمه: شو وين عمي سيف) عفرا: هي اشوفج جايه تربعي صوبي اونه حب الا تسألين عن سيفوه............... عمج هب هنيه ساير صوب دبي عبير: شو خذاه لدبي؟بدونج ............. الاغريبه <متعودين عيال اخويه ان مستحيل حد يحدر صوب دبي وانا هب وياهم بس من بعد ما يات الريم خفت روحاتي عسب ماخليها بروحها واحليلها يلست صوب عيوزنا وبحضني فطيم الي من تشوفني تلزق حششى صمغ فيران> عفرا: ها شو حالك بويه عسى الا بخير ابوي:آمري الشيخه شو تبي؟ من الاخر مديت البرطم: شو هاي اسئلك عن اخبارك وتقابلني بهاي الجفا القاسي بس يالله دام انت مصر الا ابا شي خلاص ايدك على الفلوس ابوي: ومصروفج مسرع ماطار عفرا: ابا لشي ضروري لايحتمل التأجيل <قطعت رمستنا دخلت سواف علينا بدون سهيل : السلالالام عليكم سار وحب راس اميه وابويه وانا مديت راسي عسب يحبه> ضربني بأيده: انجلعي لا افلعج خزيت ايده عني: وين حبيبي سهيل وينه؟؟؟ سيف : بجي ويا راشد وشمه رباعه عفرا: صدقك؟؟؟؟؟؟؟؟؟؟ شو ماقالت لي السباله اونها تبي تفاجأني يعني سيف: هيه انتو عاد حركاتكم يالبنات اونه عاد مفاجأت وانا خربت خليتهم روحهم وسرت اعبل عسب جيت شموه ورتبت غرفتيه لان اكيد راح تنام ويايه .............................. ........... (والمشكله تلومي حمود يوم يتأخر عليج يازلابه) ( انت انجب ولا لك خص سهيل هو الي محدر صوبي هب انت) <هاي حال شمه وراشد من طلعت شمه من المدرسه ودخلت السياره وهم يتواجعو> قلت لهم وانا اصارخ: خلالالالالالالالالاص اسميكم حشره شو هاي ماتسوى علينا <شمه برطمت ومن الجهه الثانيه راشد يضحك كانت شمامي اول مادخلت السياره عقت بشيلتها عجنب الحمدلله ان سيف هب ويانا ولا كان جاها طراق معتبر فديتها هالانسانه عليها بياض شرات القشطه وحواجب شرات السيف ورموش كثيفه وشعر ا سود وجها دائري وفيها خدود حمرا تهبل وحاطه لها تقويم رصاصي شمامي هب طويله ولا قصيره طولها عادي ودبدوبه شويات يعني بختصار داخله مزاجي اخبركم خلالاص عطيتكم وجه اغار مابي اوصفها اكثر من جيه<<< يعني انت خليت شي ياسهيل واحليلك عزاه يا قلبي من الهم عزاه من يواسي دمعتي قال خيرة وشلون خيرة بعد فرقه لا تقول خيرة خيبة كبيرة.. يا اليتواسيني كلامك حفظناه انا ابغى منك خدمتين صغيرة ودي تروح تبلغ هالشيء معناهالي يحبك يبغى كلمة اخيرة <من اشتغلت هالغنيه والحشره قايمه بالسياره يلس راشد يبس عليها وشموه كل شويه تاخذ اكلنكس واونها تمسح دموعها وتوخر سنسونها ههههههههه وتفرهم بالسياره لين ماملت السياره كلها كلنكس صج انهم مسوين لي جو> سهيل: ههههههههههه والله انكم مسوين جو راشد يلتفت على شمامي: شمه يالله انعشي < نحن بس تخيلنا شمه تنعش بالسياره جان نمسكها ضحك> شمه محرجه: شو تضحكن عليه ضحك من سركن بلالالالالا بتخبركم بلا ماتنطبون احسن <زخ راشد علبه الكلنكس وفلعها بها > راشد بدون سابق انذار شرات اليهال: سهيل وقف عند اول شيشه ابا ادخل دوره الحمام بسرعه دخيلك اوف سهيل: ههههههههههههه حلوه هاي دوره الحمام شمه: بسرعه سهيل سيارتك يديده لايصيبها شي خخخخخ راشد: والله لو الحمام ولا كان دست بطنج <اول ماوصلنا الشيشه ربع راشد صوب الحمام شرات اليهال ههههههههههه لحظه صمت كانت بيني وبين شموه انا وهي وبس والشيطان ثالثنا هههههههههههه شويات الا اشوفها طابه جدام وتعابل بالمسجل> التفت عليها وانا اطالع بعيونها الوساع وقلت لها بأقرب من الهمس : شو؟؟ هي ظلت ساكته شويه وبعدها قالت وهي تبي تكسر هالوضع: ابا اغير الشرط ماحبيت هذا الشريط كيفي مواطنه مسكت ايدها الي جالسه تعبل : قولي لي وانا اغيره عن لاتخربيه شمه وهي ماده البرطم وتسحب ايدها: حششى مابنسوي فيه شي اسفين الشيخ سهيل ندري ان سيارتك جديده هالخسفه بلاها ماتدري شو سوت فيني بهالحظتين ردت سندت عمرها لورى > وبردتها رد راشد لسياره: اسميه الحمام بيت الراحه خيبه مادري شو فيني على الحمام خايف يكون السكري!!! سهيل: ههههههههه شو هاي المسميات انت بعد ولاتفول على عمرك يمكنك شارب سوائل وايد التفت راشد لشمه : اختاه ماذا حدث لماذا انت منطبه؟ <لبستنا وفرت وياها عنا وهي حايسه بوزها> راشد : لالا شكله لابسنها جني مؤدب سهيل: لا بسم الله عليها من هالطاري. وشموه مازالت مب معبرتنا.... .............................. .................. ( اف حرر حرر بموت حرر ) <جلست احرك كندورتي من زود الحر (خقاق واحد) قالتها عفرا وهي تخمم علي بأيدها اممحق استقبال هالخسفه> خزيتها: شو عندج هيه خقاق يحق ليه شو يخصج انتي عفرا: سير له بتخبرك عشو شايف روحك؟ راشد: كيفي مواطن شمه وهي حاطه ايدها ورا ظهر عفرا من بعد ماتوايهو اونه محبه يعني: حرام عليج ترا صدقه اخويه شوفي شلون قادي احمر شرات الطماط < ها شفتو ترى صدقي جسمي للحين ماتعود على بلادكم يعني ياويلكم ان قلتو خقاق ,,,,,,,,,,,,,,,, دخلنا الصاله وسلم عليه الجميع فريت ويهي على انسانه كانت يالسه بروحها محد ولا كلفت خاطرها تتحمد لي بالسلامه ولا برد السلام علي هنا والبارت خلص ملاحظه كبر البعير تتوقعن منو هاي الي يالسه وماردت ؟؟؟ وهل ان اجتماع الثلاثي المرح بيعدي على خير بدون ضحك او فقع بطون هع هع وهل ان شمه صحيح زعلانه عسب الموقف الي صار لها هي وسهيل؟؟؟ كل هذا نعرفه بالبارت القادم <<<< اصلح اقدم بقناه سياسيه خخخخخخخخخخ مواضيع ذات صلة |