ازياء, فساتين سهرة


العودة   ازياء - فساتين سهرة و مكياج و طبخ > أقسام عامة > قصص و روايات > روايات مكتملة
تسريحات 2013 ذيل الحصان موضة و ازياءازياء فكتوريا بيكهام 2013متاجر ازياء فلانتينو في باريسمكياج العين ماكياج دخاني makeup
روايات مكتملة رواية التبل إماراتيه روعة يوجد هنا رواية التبل إماراتيه روعة هنا تنقل الروايات المكتملة فقط

فساتين العيد


 
قديم 08-06-2011, 12:48 AM   #36

جود ي الحلوه


رد: رواية التبل إماراتيه روعة


رواية التبل إماراتيه روعة

.............................. .........


الجـــــــــ 32 ــــــــــزء

.............................. .............

(يالله انت وياه تلبسو ولحقوني لشركه)

رمى جملته بكل ثقه وطلع........

فريت ويهي من الشاشه على راشد: سمعت الي سمعته؟؟؟؟
راشد يحج اذنه: مادري انت شو سمعت ؟؟؟؟
سهيل: اقوول انت وياه لاتيلسو تسو اعماركم ماسمعتو .... ابو سلطان يقول لكم لحقوه للشركه
راشد: استريح ياريال يمكن يمزح

سمعنا زمره : مانشيــــــــــــتو
نط راشد: هااااا الحينه يايين ابويه ياييين

نشيت انا ورويشد نتلبس..... الحينه من كامل قواهم العقليه بشغلونا جيه بدون احم ولا دستور؟؟؟!!!!

راشد: كلا من امايه هين بس هين
سيف: دخيلك يعني شو بتسوي
راشد يتلبس كندوره عنابيه: والله مالي بارض لشغل
سيف: هههههههههههه والله من كثر يلستنا على الانطرنط سبب لنا انقلاب عائلي
راشد: سويف
سيف: هااااه
راشد: هووويت..... تلبس شراتي
سيف: لا ماحب العنابي علي
راشد: اقوول انطب ياحمااار هاي مفصله مخصوصي حقك

خذيت الكندوره من عنده وتلبستها .... يلس رشود يلبسني السفره بعقال ... بعد مايستوي سايرين شركه نحن
وبما اني مالبس عقال وااايد سبب لي هالشي ازمه

سيف: رويشد ماروم اتحرك احس رقبتي ميبسه
راشد: ههههههههه تتعود بعدين

مد لي ساعه من ساعاته وخاتم اتلبسه بصبعي الصغير

راشد يناظرني وايده عقلبه: مارووووم شيييييخ فييي ذمتييييه انك شيييييخ
شقيت الحلج: اشكركم لزرع الثقه في نفوسنا
راشد ييود الكيمرا: ووقف ووقف خلني اصوورك وانزل الصوره بالمنتدى
خزيته : لا يارجـــــــل احلف

الخايس ماطاع وصورني وانا اخززه ....
يودني من ايدي يسحبني للشركه وانا اتحلطم على الصوره
.... دخلنا الشركه وانا احس ان الكل يالس يطالع فينا ... اما بالاصل وبالحقيقه وبالواقع الوضع عادي وطبيعي بس من الربكه
تحس كل العالم يالسه تطالعك..... رويشد كان الوضع عادي عنده يسحبني من ايدي شرات العنز

سيف: طيب اترك ايدي ووويعه
راشد يعند ويسحبني اكثر: انطب بس انطب ( ويفر ويهه لسكرتيرا البنانيه)
راشد شاق الحلج: هاااااااااااااي سلامه
سلامه تضحك بويهه: هااااااااي استاز رااااااشد لك شووو هالغيييبه عناااااا
راشد مطيح الميانه ويلعب بقلامتها المفروره عطاولتها: اشغاااال ياسلامه
سلامه: هههههه يديك العافيه ان شاء الله
راشد: انزين سلامه ابويه وينه؟؟؟
سلامه: البابا عندو اجتماع بقاعه الاجتماعات وان شاء الله على الساعه سلاسيه بكون خلص
راشد يحط ريل على ريل: هيه عيل على الساعه سلاسيه بيخلووص ومنقعنا من الساعه وحده
سلامه: بدك منو اشي ضروري؟
نش وهو يبا يدخل مكتب ابوه: لين ايي يستوي خير( فر ويهه لي ) تعال سواف

نشيت وياه ودخلنا المكتب بكل واقحه هههههه..... مااااااشاااء اللله شووو هالمكتب الزقرررررررت
الارضيه والجدران كلها خشب بلون البني المحروووق ..... والمكتب الاسووود العريض عاطي المكان فخامه اكثر
ياشييييييخ هيج المكاتب ولا بلا

سيف: واااابويه طالع طالع كل هاي بس مكتب لابوك؟
راشد ييلس على كرسي ابوه الورى المكتب: هيه افا علييييك هاي ابو راشد
يلست اطالع بالشهادات : الا عطاري بو راشد ... شقايل سلطان شرطي ووابوك عنده كل هاي
راشد وهو يفر عمره بالكرسي شرات اليهالوه: ماعليك منه هاي نسيبك خبيله .... هو استوى شرطي لان يحب هالشغله ويقول انه ابد مايصلح لتجاره
يلست على الكرسي المقابل للمكتب: حليلك ياسلطان ... بصراحه كبر بعيني النسيب
راشد: انت طالع البوم صوره وهو صغير وووووالله ماجذب عليك يمكن كل شرطه دبي مصور فياهم ههههه ... تقول امايه من يشوف شرطي ييلس يتبجبج عسب يصور فياه ليين ماستوى عنده البوم كاااامل بس صووور له هو والشرطه
سيف: هههههههه لازم اطالع هالالبوم
راشد يلعب بالاوراق الجدامه: شرطي من الي صور وياهم يطلع الحين رئيسه
سيف: هههههه والله زين
فر ويهه وضغط على زر التيلفون وكأنه متعود على هالشي... دقايق ويانا صوت انثوي

سلامه: اهلين استاز
راشد يستهبل عليها: شحالج سلامه من زمان ماشفناج
سلامه: الحال بيسرك
راشد: لاترمسي اماراتي لا ايي افلعج
سلامه: هههههههه اوكي استاز شو بداك
راشد: بدي اتنين كافي ربي لايهينج
سلامه: اوووكييي
راشد يقلدها: اوكيييي

سيف: خسك الله حتى السكرتيره ماتسلم منك
راشد ينش يطالع مجسمات التكريم: لالا هاي تمون
سيف: الحينه كل هاي نذاله بأبوك يبا ييلسنا منقعين ساعتين كاملين
راشد ياخذ واحد من المجسمات: بذمتك انا نذل على منو غير ابويه
سيف: ههههههههههههه اخاف بس حاط سماعـ....

مامدى اكمل جملتي الا والمجسم طايح من ايد راشد
شهقنا انا وهو جميع.....!!!!!!

راشد ميود كندورته: الشررررررده ياسوويف

يودت طرف كندورتي بسنوني وانا الحق به عسب نشششرد بس اصتدمنا بشي ابيض ..... رفعنا روسنا لفوق ونحن نبلع ريجنا
لالالالالالالااااااااااااااء شو ياببببك يابو سلطان الحينه.... اسمييينا رحناااا فيها

راشد يحج راسه: هاااا ابويه ماعندك اجتماع شو؟؟؟؟
طالعنا بنص عين ومشى صوب مكتبه: عنديه بس انلقى عسب اجتمع بأثنينه من كباريه البلد واحد اسمه راشد والثاني سيف
راشد يبلع ريجه: هيه جيه عيل
التفت بو سلطان على المجسم المكسور .. وطالعنا والشرار يتطاير من عيناه: منووووو الهرم منكم كااااسر المجسم

قلنا بوقت واحد
سيف: راشد
راشد: سيف.......هاه انـ نا
بو سلطان: وانا يايبنك هنا عسب تكسر لي المكتب ؟
راشد: زييين هد عمرك يابوووو رشووود وبعدين هالمجسم فدوى عن عمريه
بو سلطان بقله حيله: ماتوقع انكم بتسنعووو يايبنكم وغااسل ايديه منكم
يلس راشد بميانه وهو يحط ريل على ريل: يالله يابو راشد خبرنيه شو عندك
بو سلطان: كم مره اقولك تقولي يييبه مببب بو راشد
راشد: أن شااااااء الله يابو رااااشد
رفع راسه وطالعني: على الاقل تعلم من ربيعك شوووي من هدوووئه

طالعت راشد بنظرات برااائه ومديت له لساني يوم فر بو سلطان ويهه عني

راشد: هييييييييييييه قلت اخذ من هدوووئه
بو سلطان يأشر على الكرسي: ايلس ياسيف
يلست وانا مكتف ايديني شرات المؤدبين : ان شاء الله
راشد يخزني: من وين ياك الادب
بو سلطان: راااااشد خل الولد بحاله

يلس بو سلطان يسئلنا جم سؤال عن الشهادات وجيه يعني.... وبالاخير قرر ان دوامنا يبدأأأأ من باجر .... اعترض روويشد بس عطاه نظره خلته يصطلب ....

راشد: اشتغل بس بشروط
ابو سلطان: اللهم طولج ياروح
راشد: اولا : انا وووسوواف نكون بمكتب واحد عسب نشجع بعض
ابو سلطان: الا قول عسب ندمر الشركه
راشد: اليي يجي اهم حايه الاخلاق .... وثانيا: دوامنا ماباه يبدأ الا الساعه 9 الصبح وينتهي عند الظهيره
ابو سلطان: لا والله احلللف ياولديه
راشد محتشر: ابووويه عاده مانبا ساعات عمل طووويله
ابو سلطان: من الساعه 9الى الساعه 12 وومن الساعه 2 الى الساعه 5 واذا شي مععااارضه منكم بزيد الوقت
راشد: خلالالاص يابووو راشد انت تآآآآمر
ابو سلطان: الاجتماع انتهى
نشيت وانا اعدل كندورتي: مشكور يالمعزب

طالعنا وهو يهز راسه بيأس: ما انلام يوم اقول غاسل ايدي منكم
راشد وهو يطلع ويطالع براسه من الباب: ابووويه صدقنيه بتندم

فلعه بملف على الطاوله ووووطلعنا...........

.............................. ..........

.............................. ....

(ولديه مايستوي جيه عاده .... دلعها ماعليه بس مب لها الدرجه خلك شوي شديد وياها)

طالعت امايه بعد مارمستها بموضوعي: امايه اخاف تتحسبني شرات ابوها
اميه: ياولديه انا ماقلت مسيها بطراق وصبحها بطراق .... انا قلت لك شدد عليها شوي ... يعني مب يوم تشوف دموعها خلاص تنخ
خلك شوي شديد.... خلها تحترم قراراتك.....
جاسم: جيه قولتج؟
اميه: هيـــــه وابا ماتمر الليله الا وانا سامعه الخبر الطيب منك
قلت لها وانا انش واحب راسها: ان شاء الله الغاليه

طلعت عن امايه وانا موويم وهموم الدنيا كابته على صدريه..... سرت صوب بيت يدي عسب افرفش شويه ويا عمي سيف
حصلتهم يالس اهو وراشد بالحوش وبأيدهم الاب توب

جاسم: السلام عليكم
سيف وعيونه بتاكل الشاشه: وعليك
راشد والشبس بأيده: السلام
جاسم: وانت ماشوفك الا ويالس تسرط بهالشبس والغازيات
راشد: قول اعوووذ برب الفلق من عينك
جاسم: هههههههه سمعت انكم تداموا بالشركه
راشد: لالا اشعه
جاسم: شووو؟؟؟
سيف: قصده اشاعات
جاسم: هيه اووونه عاد
سيف: هيه ضاع الشباب ياولد اخويه وووبننكرف بالشركه
جاسم: ههههههه الله يعينكم

بهالوقت دق فوني وكانت المتصله روضه

جاسم: نعم.... هيه.... الحينه ياي... شو تبي؟... بعدين

كنت اكلمها نوعا ما بجفه عسب تتأدب شويه وتزيغ مني ... مايستوي الاخت معتبرتني اخوها
نشيت عنهم ساير لجناحي..... دخلت وريحه الدخون تسبق كل شي
بصراحه انا ما أنكر... البنت ست بيت ممتازه عقوله المصاروه
بس مشكلتها خوافه ...

جاسم: رووويض ... روضه
ياني صوتها من بعيد: كاااني انا هنا بالغرفه
سرت صوب الغرفه وكانت تمشط شعرها: دقايق ووبحط لك العشا
يلست على الشبريه بتملل: مــابــــا
تركت المشط بسرعه ويات تيلس حذالي: شو فيك فديتك؟
جاسم: يهمج؟
قالت وهي تحاول ترفع شعرها الطويل عن لاتيلس عليه: اكيييد فديتك شوو مستوي؟
جاسم: بس جيه ماابااا اكل
حطت ايدها عكتفي: افاااااا
جاسم: انا ابا شي ثاني
روضه: انت تآآآآآآآآآآآآمر يالغالي تبا شو؟؟؟
قربت حلجي من اذنها وبهمس: رويض
حسيت برجفتها: جاسم لأ
قربت اكثر وانا العب بشعرها: هيــــه
بصوتها المبحوح يعلن عن انطلاقه دموع: لأ دخيلك لأ
سحبتها: مب كيفج............

.............................. ..

............................

ناوليني بطاطس وو البسكوته هاي الحمرا
شمه تأشر: هاي قصدج؟
عفرا: هيه
شمه تطالع الريم: وانتي ريومه؟؟؟
الريم: هزت راسها بالرفض
شمه: هههههههه ماخلص اضرابج عن الطعام؟
الريم: ضحكت وهي تطالع شاشه الاب توب

حالنا اخس من حال سويف ورشود.... هههههه نتيمع على الانترنت على هالمنتدى ... تعرفنا على هاي وتعرفنا على ذيج
بصراحه اعضاء المنتدى واااااايد حبووووبين تحسن جنهم كلهن يقربون لبعض.... وكلهم كووووم وشذى الورد بكوووم ثاني
هالبنت رجــــــــــــــــــــــه رجـــــــــــه بمعنى الكلمه الي يطالعها بالمنتدى يتحسبها رزززين بس بالواقع شي ثاني
تعرفنا عليها انا وشمه وريووم

رديت اطالع محادثتنا المجموعه بالمسن

... هدوء انثى..: هههههههه سوالفج ماينمل منها ياشووويذ
نمله حامل: شووويذ انتي صدق اسمج شذى لو تشوتي علينا صواريخ
شذى الورد: وابويه عليكم قلت لكم هيه والله شذى ...شكلكم بتخلوني اتحمس واصور لكم بطاقتيه
بنت دبي: هههههههههه غاااايتيه والله
شذى الورد: بخبركم شو رايكم نسوي مقلب يا بالمدير سيف ولا غرشوب دبي ولا نوويصر تراه مطفر بي
بنت دبي: هههههههههههههه شذوووي بنقولج شي بس سر ومانبا حد بالمنتدى يعرف عنه
شذى الورد: شو؟؟؟؟
بنت دبي: عفييير اخبرها؟؟؟
نمله حامل: هههههه انا مايخصنيه
شذى الورد: بتخبروني لا ايي اصفررر حواجبكن
نمله حامل: ههههههههههههه
بنت دبي: في ذمتج هاااااا ماتخبري حد
شذى الورد: بترمسي لووو شووو؟
بنت دبي: غرشووب دبي يطلع اخويه
شذى الورد: في ذمتج!!!!!!!!!!
بنت دبي: ههههههههه ماتشوفي تشابه الاسماء
شذى الورد: ههههههههه اونه تشابه اسماء ... يعني جيه حتى سيف يقرب لكم
بنت دبي: هيه يطلع ولد خالتيه واخووو نمله حامل
شذى الورد: دقايق بنزل الخبر بالمنتدى وبالشات
هدوء انثى: نــــــــذله ههههههه
بنت دبي: كيفج انا حلفتج تراني
شذى الورد: ههههههههه امزح وياكن
نمله حامل: شميم وريها صوره رشود
بنت دبي: هيه دقايق

طبعا مايحتاي اخبركن على طووول حطيت صوره رشود بصوره المسن... لاني دوومي اتخقق بأخويه وبوسامته وخصوصا عنونه الي محد من الي ارمسهن يصدقن انهن عيونه

شذى: في ذمتج انهن مب عدسات
بنت دبي: ههههههههه والله مب عدسات تعالي بيتنا وتأكدي
شذى: الله يحفظه لج ان شاء الله
بنت دبي: تسلمييييي

فرت عفرا ويها لي: تصدقي تحمست احط لها صوره سويف
شمه: ههههههههههههه هيه حطيها حطيها
عفرا: اخاف يذبحني
شمه: مالت عليج شلون بيعرف

ردينا للمحادثه

نمله حامل: طيب طالعي للصوره البتطلع الحينه
شذى الوورد: منو هاي؟
نمله حامل: ههههههههه هاي المدير
شذى الورد: صدقج؟؟؟؟؟؟
نمله: هيه
شذى: تصدقن عاده كنت متوقعه ان شكله جيه
نمله: ليش؟
شذى: من صوته واااااايد نعومي وكيووووت
هدوء انثى: لو يسمعج بيذبج مايحب حد يقول عنه نعوم
شذى: ههههههههههههه المهم بنوتاااات دخلن الشات نفرفش شوي
كلنا: اوكيييييييييك

دخلنا الشات .. وكان شي نااااس وايد فيه ولي ماكل الجو غرشووب دبي الا وهو رويشد ... دخلنا كلنا وسلمنا ولا رد علينا بس يوم دخلت هدوء انثى شل الشات شله

غرشوب دبي بصوته بالمايك: يااااااااااااااااااااااااامرحب ااااااااااااااااا الساع بكن
نمله حامل: يحيك الله بالمهلي الي مايولي
بنت دبي: من زمااااااااااااان ماشفناك بالشات اخويه
غرشوب: اشغاااال

وشوي نسمع حس سيف يرمس له عن موضوع ومدري شو

شذى الورد: اخويه غرشوب لو سمحت المايك
غرشوب دبي: رفعي ريلج اول
شذى الورد: مرفوعه
غرشوب دبي: اووكي بس اووول بخبركم سيرو للمنتدى منزل موضوع لصوره سيف تراها ترتييييييب

سمعنا حس سيف وهو يتوووعده.... انا على طول سرت المنتدى وطالعت الصوره
اففففففف شو هالترتييييييب كله ياسوووويف متى كاشخ كل هالشخه هاي ووولا بعد يالس يخززز
رديت لشات استهبل....

نمله حامل: اخويه غرشوب شقايل مديرنا يخز جيه؟
غرشوب دبي: يقول ان اخته الخبله مطفر به بذاج الوقت
نمله حامل: هيه جيه يعني

 
قديم 08-06-2011, 12:50 AM   #37

جود ي الحلوه


رد: رواية التبل إماراتيه روعة


رواية التبل إماراتيه روعة

.............................. .................... ......

الجـــــــ 33 ــــــــزء
.............................. .................... ...


(اوووووووووووف شو هالملل )

سيف يرتب اوراقه ويشتغل بذمه: شووو بلاك ؟؟؟؟؟
تمددت على الكرسي بملل: ملل ياريااااال
سيف: تعوذ من نفسك ويالله ابدا الشغل .........تر ااااا هااااااااا من الحينه اخبرك لاتيني باجر واها عاده ولد خاتليه خلص عنيه هالشغله ... اها عاده ربيعي راجع هالوراق بدل عنيه .... ماغير بصكك كف على ويهك يصنك
راشد: لو يايب الاب توب مب احسن؟
نش يحط الملف بالمكتب: هيــــه عسب بو سلطان بالخيزران على ظهورنا
حطيت راسي على مكتبي: على طاري الظهور احس ظهريه بينقسم لنصين
طالعني بنص عين: اقول بو عسكور لايكثر
رفعت راسي اطالعه:هههههههه والله صدقيه ماجذب عليك
سيف: اخاف تبا تصرفني شرات ماصرفت مدربنا



هههههههههههههه تعالو اخبركم شو سالفه مدربنا ...... ابويه حليله يايب لنا انا وسويف مدرب لمده شهر عسب نشتغل زين ونتعلم اون
المهم هالمدرب مصري اسمه عمر آآه والنبي ....... وهالرياااااااااااااااال فيه حماااس مب طبيعي


عمر: ايوا بص ياسيف وانت كمان ياراشد المعامله الي متل كدا بااااطللله
راشد: والنبي؟؟؟؟؟؟؟
عمر: آآآآآآآآه والنبي اهم حاقه انو تعرفووو المعامله الباطله.... واسمعوني ياحبايبي اهم حاااقه الوازع الديني يعني شغل الوسطات ده خلوه عقنب
راشد: شو اهم حايه المعامله الباطله لو الوازع الديني
سيف: هههههههههههههه
عمر: ركزز معاااايه ياراااشد ركزززز
راشد: مرررركز يابويه مركززز
عمر يمسح عرقه بالعلم ان التكيف مشغل: ياحبايبي فهمتو الي اولتو يعني معامله متل كده بنعمل فيها ايييه؟؟؟
راشد: نعقها بالزباله
يضرب على راسه: لأأأأأه يااااااابني هووو انت عاوز العميل يرققع مره تاااانيه بيلم بمعاملتووو
تمددت على الكرسي: اقووول عمووووور
عمر: ايوه
راشد: خلك من هالرمسه الي ماتودي ولا تيييب وتعال اباك
يا صوبي ويلس على الكرسي الي قدام مكتبي: ايه هو حاصل ايه
يلست اتحايل عليه والوت: سمعت انك فنااااان بالاجهزه
عمر: انا!!!!!
راشد: هيه سمعت ان محد شراتك بالاختيارات
عمر: انا!!!!!!!!
طالعته بنظره خبث وعلى ويهي ابتسامه: هيه لاتقول اشاعه؟سمعت ان الجهاز التختاره ماااااايختررب ابد
صدق نفسه:آآآآه هو دلوأتي تدكرت
راشد: هيه يابويه هو الواحد يروم ينسى يعني..... اسمعني حبيبي
عمر: تسلم لي واللهي
راشد: اسمعني اباك تسير الحينه لمحلات الموبايلات وووتيب لي ذاك الفوووون الترتتتيب
عمر: دلوأتي؟!!!!!!!!
صبيت كاس ماي وحطيته قباله: آآآآه دلوأأأأأتي
عمر: والتدريب؟؟؟
راشد: ياريااااال انا دارس برع ( واشرت على سيف) وهالغرشووب تو مخلص دراسه ووووانت مصدق عمرك تدريب ومدري شو
خلك من كل هاي وووطيعنيه ترانيه ولد معزبك
عمر: وووووالمعزب ووابن المعزززب عرااااسناااا واللهي
راشد: وبعدين لاتخاف ترى البيزات بعطيك وياهن
عمر: لأأأأه مش ده اصدي يعني ... طيب ياحبيبي انت عاوز أي نوووع؟
تمددت على الكرسي: واللهي انا اللحينه ماشي شي محدد بعقليه بس انت سير وطالع شو احسن شي نزل بالسوق واسئل عن المبلغ وجيه يعني...... وبعديين تعال خبرني زين؟
عمر وهو ينش: زيين
راشد: سير والله موفقك والى الامام
عمر يطلع: دعواتكووو
راشد: في حفظ الله
سيف يطالعني بنص عين: يعني اونك تبا فون الحينه
راشد: ههههههه هيه افا عليك لالالازم نستغل اداوات الخام بالبيئه وهاي بروحه اكبر خام هههههه
سيف: هههههه الله يخسك


طالعتو شقاايل مدربنا خبيله..........لحظه اطالع سويف شو يبااااا

سيف: حوووووو الو يارياااال
طالعته: هاه
ايي صوبي وشكله مستهم : وايد يعورك؟
تمسكنت: مب وايد وايد بس يعورنيه من هنيه لهنيه( وأأشر له بيديه)
يلس يهمز لي ظهري: هاي من اكلك الزين دوم غازيات ولالالا بعد طالع لي بهالايام بزقاير والله لو يدري ابوك بيصلبك
راشد: سواف لاتبدا لي محاظرات امييه انا عناااد فيييييها لانها سووت جييه يلست اشرب زقاير حذالها
سيف: ههههههههههههه حرام عليك بتيب لها الجلطه
راشد: فوق فوق
سيف: وين؟؟؟
راشد: فوق على اليمين
يمد ايده لفوق ويهمز: هنا؟؟؟
راشد: هيه ........... تصدق عاده تكسر بخاطريه حليلها.......... لان اوني زعلان منها وما ارمسها سوت لي لقيمات وانا ابد مب طايع
سيف: لاتقول انك ما اكلت!!!!!!!؟؟؟
راشد: هههههههههه قدامها هيه ما اكلت بس يوم نشت وووولالالا حبه بقت بالصحن ههههههه

( ماااشاء الله داخل صالون رجالي مب شركه)

نقزت على صوت سهيل الداخل علينا: هيه انت ماتروم تدق الباب
سهيل يطالعنا بنص عين: هاي بدل الشغل تهمز ومدري شو
سيف: انت شو يايبنك عندنا؟
سهيل ايي ويلس على مكتبي: والله عندي اشغاال
راشد: شو اشغاله عندنا؟ لاتقوووول عندك معامله ترى هاا مانستعمل واسطه لان مدربنا يقول اهم حااقه هو الوزاع الديني
سيف: آه والنبي
سهيل وهو ينش: ههههههههههههههههههههه لالالا على الشركه السلام يوم انتو الاثنينه فيها
سيف: لالا صدق سهيل شو يايبنك
سهيل: العم يباني لشغل مايخصكم

طلع عنا سهيل وفر سيف ويهه عليي: تتوقع شو يبابه؟
راشد: يباه يهندس له جم شغله
سيف يكمل تهمز: هيه جيه عيل
.............................. .......

.............................. .........

نزلت بسرعه من على الدري وانا اطالع بخالتيه ام ناصر ... شو مستوووي!!!!

طالعت عفرااا بتسااائل

عفرا: طاحت من على الدري ووانكسرت ريلها

حليلها خالوه ماتستاهل ... سرت صوبها وسهيل يالس يرتب لها مخدات الكنب

خالتيه: ماكان قطعت شغلك وييت كان شلني ابوك
سهيل ييلسها: الله يهداج امايه شقايل ابويه بشلج وبحطج بروحه مافيه حيل

يلست حذالها ومسحت على كتفها وانا اتبسم بويهه
خالتيه: فديتج لاتتروعي مابلانيه شي........ بس مادريه شو استوى...كنت بنزل من على الدري ماطالعت عمريه الا وانا على اخر دريه
سهيل: انا كم مره اقولج انتبهي لدري هاي مب شرات الي بالعين
عفرا تناولها الماي: الحمدلله اني سمعت صوتها ولا كان يلست بويعها على الارض

دخلو بهالوقت سيف وراشد الي يا على طول سار لخالتيه وهو يضرب على راسه

راشد: فدييييييييييييتدج غرشوووبتيييه شووو مستوووي بججج ... عييين... في ذمتيه انها عين وماصلت على النبي
سيف يخوزه: خوووووز خلني اطالع امايه
ماطاع وظل واقف جدامها يسد الطريج عن سيف: مااابا

هههه نشيت انا من حذالها وخليت سيف ايي ايلس بدل عنيه....... ماشاء الله عليهم كل هالكشخه هاي لشركه!!

سيف: في ذمتيييه ان الريم شيختك
طالعني راشد وتبسم ورد يطالع خالوه: هااا ماخبرتينيه شو مستوووي
خالتيه: مامستوي شي ريلي وانكسرت
راشد ييلس حذالها: عسى بسواف ولا فيج
سيف يكافخه وخالتيه بوسطهم: انطب بس انطب
خالتيه تفاككهم: ويعه ان شاء الله .. نسوان ريييل هب ربع
سهيل: الحينه انتو شو مطلعكم من دوامكم
راشد: انا من سمعت ان قرشوبتيه متكسره ييييت على طوووول
سيف: تكسر راسك ترى بس ريلها المكسوره مب كلها
عفرا: امايه تبي اسوي لج شي تاكليه؟
خالتيه: هيه فديتج ابا بلاليط تراني على لحم بطنيه
عفرا وهي تنش: ان شاء الله فديتج
راشد: لو سمحتي سوي وياج باشميل
حطت ايدها عخصرها: اسفه ماني بشكارتك
راشد يرمس خالوه: طالعيها طالعيها خالوه قليله الادب
خالتيه : يالماتستحي هاي ولد خالتج تسووي بشميل يعني تسوي بشميل
راشد: هيه ها سمعتيها تسووي بشميل عقولتها غصبب عنج
عفرا تضرب بريلها بالارض: اففففففف يقهررررر
راشد: شوي شوي لاطلعي لنا زم زم بالامارات

سارت عفرا للمطبخ وتناقعو ضحك عليها

سهيل: هههههههه حرام عليك دومك تطفرها
راشد: لا ماعليك بعد شوي ترضا عنيه اعرفها عفور طيب قلبها فديتها والله
سهيل: شرايك بعد تزوجها بدل سلطان
راشد: لالالالالا شو ايييب عفوور للي ابا اخذها
سيف: طالع الحمااار حاط بعقله وحده
راشد: خالوه حرام احط وحده بعقليه؟شي مشكله بالموضوع؟
خالتيه: لالا فديتك شو فيها يعني
راشد: قولي لعيالج الواتي
خالتيه: منو فديتك الي تباها
راشد اون يفكر: امممممممم مابا
سيف: طيب قول اول حرف من اسمها
راشد: امممممممم حرف الراء شراتي

طاااااااااااالع الخااااااااااااااااااايس هالريال ابد كل شي فررري عنده
انا الحينه بيغمي عليي من القفطه الله يخسك اوونه راء شرااتي هالولد متخبل
يمكن لو قالو له شو اسمها كان قال

سهيل: من أي قوم؟
راشد: شو رايك تقول عطني صورتها بعد؟
سهيل: ااااه يالحمار عندك صورررتها؟؟؟
سيف: افااا ياراشد ماتوقعتك من هالنوع
راشد: اووووه اسولف عليكم يالبقر
خالتيه: منو هاي فديتك بنت منو؟
راشد: امممم بخبرج بس انتي .....مابا حد يسمعنا

يوم قرب حلجه من اذنها انا مارمت استحمل احسس بالدم يمشي بعروقي وكأنه اول مره يمشي ....نشيت بسرعه وسرت المطبخ لعفور

عفرا: شو بلاج ويهج مستوي احمر جيه؟

طالعتها وانا اعض شفايفي من القفطه ... اويلي ان كان صدق بخبر خالوه اسميني بقفط

عفرا: الوووووووووو شو فيج يابنت الناس

يودت فوني وكتبت لها: ولد خالتج الدب اسميه بيقطعني من القفطات الي يسويها
طالعتني: انا بوريج فيه والله لا احط فلفل بالبشاميل ينسيه حليب امه

عفرا صدق قلبها طيب بس اذا استخبلت صدق تستخبل ..... فلذالك احتشرت عليها وماطعت تسوي الي براسها

عفرا: خلاص وابويه مابنسوي شي بس والله لا اطلع هالبشميل من عيونه .....وتشووووفي ماكووون عفوور

طلعت عنها وانا اضحك على خبالها وتوكلت لغرفتيه اكمل شغليه بالاب توب....

.............................. ....

.............................. ........

غص بأكله وعفرا يالسه تتبسم بخبث ....

شمه: بسم الله عليك اخويه
خالتيه: منو هالقوووم؟
عفرا: وحده من ربيعاتي تباها لاخوها
خالتيه: اول نسأل عن اخوها بعدين نرد لها جواب
يلست استلعن ويا عفرا: أي وحده من ربيعاتج؟؟؟؟ لاتقولي هايك الي اخوها نص البنات خاقات عليه
عفرا: هيه اخوها
شمه: هيه عيل اظمن لج موافقه ريومه

في هالوقت نش راشد من الحوش وومشى عنا يدخل البيت

امايه: وووين ساير فديتك ؟؟؟
عفرا وهي كاتمه ضحكتها: ماكملت بشميل ياولد خالتيه ترى الريم المسويته مب انا ... لان انا فديتني سلطان مايطيع اطبخ لحد غيره
امايه: ولديييه تعال شو بلاك وين ساااير؟
راشد وهو يكمل طريجه: التعن انام

هههههههههههههه يوم دخل نقعنا ضحك عليه حليلك ياخويييه اسمييك ذاايب امرررررره

قربت حلجي من اذن عفير: يعني ماقال لخالوه عن اسمها
عفرا: اتوقع جيه ولا كان اميه رفضت من البدايه وقدمت راشد على الخطاب
شمه: هو صدق ياينها خطاب؟.
عفرا: طالع البقره... هاي الي يقولو تجذب الجذبه وتصدقها
شمه: حليله اخويه غممضني
عفرا: خليه شوي يحترق بعدين نخبره بالصدق

دخلو علينا بهالوقت في الحوش ابو جاسم وزوجته وووووبعلي فدييييييييته

قربت حلجي من اذن عفير: فدييييييت هالطوووول انا عساني مانحرم منه في ذمتج قولي امين
عفرا: امين يارب
شمه: طالعي حمااااي بو جسوم شقايل زقررررت ووبعلي ازقرت
عفرا: ههههههههههههههه والله لاخبر عليج سهيل يذبحج
شمه: ماااترومي
عفرا: اروم
شمه: لا ماترومي ولا اخبر عليج سلطان انج تدخلي شات ...... والله لو يدري يذبحج
عفرا: وانا اخبر سهيل انج تدخلي بعد شات
شمه: ههههههههههههه عادي انا ريلي متفتح ذاج اليوم يلس حذالي وطالع بعد شو يالسه اكتب وعادي
اما انتي سلطون لو يدري ان بس ناصر بن علي كتب لج بموضوع نشكرج على مواضيعج الحلوه ... بياخذ السجين وووبيذبحج عن بكره ابيج هههههههه
عفرا: تتوقعي؟
شمه: هيه ترى سلطان مايحب هالسوالف ابد ...غيوور حده
عفرا: عيل خلاص ماني داخله المنتدى وولا الشات
حطيت يدي على كتفها : تدري ياعفرا انج شرات الجلب؟
كفختني عراسي: وييييعه
خوزت ايدها: يالغبيه يعني شرات الجلب بالوفااء
سوت عمرها مستحيه: واااي اشكرج
شمه: بس بنفس الوقت شرات البقره
ردت بثقه: ادري عيوني حلوه شراتها
شمه: لأأأأأ شرات البقره يمشوها مثل مايبو مب مثل ماهيي تبي
رفستني بريلها: يحماااااااااره

قطع علينا صوت سهولتي وهو يطالعني بأبتسامته الحلوه من بعيد .....ناداني اسير ايلس وياه على كرسي بعيد شويه عنهم..

يود ايدي: هلا هلا عااااااش من شاف هالوويه
يلست على الكرسي: آحم اشكرك
ييلس حذالي: لحوووول ردينا على هالشكر
ابتسمت بويهه وانا اطالع الكتلوج الي بأيده: شو هاي
حطه ورا ظهره اونه يدسه عنيه: ياربيه على الفضول
حست بوزي وانا اطالع بكندورته الكحليه من فوق لتحت: كل هاي بس لانك بتسير شركه
ابتسم: ماشفتي اليوم ابوج جيف يالس يعرفهم بي ...( ويقلد صوته) المهندس سهيل زوج بنتيه
ابتسمت بثقه: اكيييييييد انت مب أي حد افا عليك
سهيل: انا رحت الشركه اتحسب عمري كاشخ اخر كشخه بس لما شفت ربع ابوج حسيت روحي عصفور منتف ... الي ببشته ولي عطره شاق الراس ولـ.......
قاطعته: بس انت احلاااااااااااااااااااااااهم اكيد... لالالاتنااااقش... خلاص قلت لك لاتناقش
كفخني عراسي بالخفيف: وانا ماناااقشت حشى اكلتيني
شقيت حلجي وانا العب بطربوشه كندورته: سهوووولتي
طالعني وهوينعس عيونه العسليه: عيونه
ضربته على كتفه : كم مره اقولك ..قول قلبه
ابتسم: عيونه وقلبه وروحه بعد
نكست راسي اوني مستحيه: واي استحي
سهيل: ههههههههههه شو تبي فديتج؟
حست بوزي: ابا اعرف شو هاي الي داسه وراك
ابتسم لين ماطلعن ضروسه الحلوه: كتالوج لصور بنات
نشيت وانا مفوله: شووووووووووووووو!!
يود ايدي وهو يضحك: فضحتينا طالعي كلهم يطالعونا ...يلسي
حست بوزي وانا ايلس: مابااا يالخايس
سهيل: توج من شوي تقولي عني حلو والحينه خايس
شمه: وباصج بعد
سهيل وهو يطلع الكتالوج: ههههههههههههههه يايب لج تختاري الصبغ
شمه: صبغ شوو؟؟
طالعني بخبث: صبغ غرفه نومنا
قفطت وانا العن عفير داخلي متى قالت له؟؟: هاااه
سهيل: سمعت ان صبغ غرفه النوم مب عايبنج
شمه: يعني جيه
سهيل: انا اخترته لاني كنت اتحسب هاي الالوان تعيبج
تبسمت له: هيه هي تعيبني بس ماتناسب غرف النوم ... يبالها الوان فاتحه وهاديه
فتح الكتالوج: ولا يهمج هااا هاي كله قبالج اختاري الي تبي حتى هاي نوعه احلى
شمه: فديتك مايحتاي كل هاي .. خلنا نصبغ نفس النوع بس الالوان مختلفه
سهيل: لأ انا عايبني هالنوع اختاري يالله

يلست افر بهالكتلوج لين ماطاحت عيني على لون بيج وااايد حلوو وراااقي

شمه: هيه هااي طالع طالع
سهيل: هههههههههههه هاي كنت مختاره بس راشد اخوج غير رايي بكلامه
شمه: شو قال لك؟
سهيل: ييييييييييييييييييييع كأنه صبغ ابيض بس وصخ
شمه: هههههههههههههههه ماعليك منه هو يدري اني احب هالون من جيه قال هالرمسه
سهيل: يعني خلاص اكيييد هاي ؟؟
هزيت راسي: هييييييه
سهيل وهو ينش: ماتبي شي ثاني؟
شمه: لأأأأأ
طالعني: اكيييد؟
طالعته بتسأل: هيه اكيد
حاس بوزه: كلش كلش؟
ابتسمت: ههههه سلامتك حبيبي
شق حلجه: الله يسلمج عيوني اقصد ياقلبي
نشيت انا الثانيه: ههههههه يازينك يوم تحفظ الدرس
سهيل: يالله تعالي وصليني للباب
شمه: واااي مشواااااااار ... ( اشرت) الباب هناك سير له
كفخني عراسي: مافيج ذره رومانسيه
شمه: ههههههههههه فيك الخير علمني

يودني من ايدي وسحبني غصب عسب اوصله للباب...... واي على هالبعل اسميه يخشعني فديته


.............................. .......

.............................. .........


يالله صباح خير على هالدق!!!!!!!.... تركت الي بأيدي وسرت افتح الباب الي الحينه بينجلع من هالضررب

شمه وهي تناهي: بسرررررررعه دخيلك بسررررعه
رديت عليها وانا اسكر معاقم بدله الدوام وتثاوب: حد يدق الباب جيه شو مستوي؟؟؟؟
شمه تيود ايدي: راااااااشد يتووويع تعال بسرعه قبل لاتيلس امي

ربعت وراها لغرفه راشد الي صوته مالي البقعه ..... بس في حد كان سابقنا هناك

امايه يالسه حذاله عشبريه: هاي كله منيه الولد مايروم على الشغل كلا منيه
سلطان: الله يهداج امايه مب وقت هالرمسه الحينه

سرت حذال راشد الي يتلوى من الألم : دخيلك سلطان ماروم اكثر من جيه دخيلكم بموت
حملته ببجامته لان الولد منتهي وماشي وقت نغير له ملابسه: اذكر الله الحينه بنسير المستشفى
ضغط على ذراعي من شده ويعه: دخيلك اسرع دخيلك انا سلطان

سرت بسرعه صوب سيارتيه وشغلتها ... ربعت امايه ورنا تبا تركب بس اشرت لشمه تيودها
حاولت اسرع بس الزحمه ابد ماتعطي الواحد مجال.... فريت ويهي على راشد المتمدد ورى ويتلوى

سلطان: تحمل رشود مسافه الطريج بس
راشد يعض ايده: احس روحيه بتطلع من ظهريه
سلطان: قول يارحمـــن وبخف الويع ان شاء الله

كملت طريجنا وساعه على ماوصلنا .... حملته بسرعه للاسعاف وخذوه مني يسوو الازم ...
منظرنا كان ملفت انا بلبس دوامي ووحامل راشد ببجامته السماويه!!!!!!
يلست على اقرب كراسي من الغرفه ... ياكرهي للمستشفيات

صوت صريخ ياهل تعبان
صوت بجي عيوز تتويع
صوت اهات رجال المرض متعبه

ربي يشافي كل مريض وويسهل عليهم....

: اخوويه ممكن؟؟؟

رفعت راسي للي تكلمني ... نشيت من مكاني وانا اطالعها
شو هاي؟؟؟؟ يايه عرس الاخت لو مستشفى؟؟

سلطان: نعم اختيه
قالت وهي تطالع بمكان معين من جسمي: اقدر اطلب منك طلب؟

نزلت راسي للمكان التطالع به!!!!!!!!!.........شو هالقفطه !!!!!!!!!!
ماااشاء الله عليي طالع وانا مب رابط حزامي!!! .. مديت ايدي بسرعه اربط الحزام بحركه سريعه

سلطان: آمري بشو ممكن اساعدج؟
البنت: ممكن تدليني لبوابه رقم 2 لان المستشفى برشا كبير وانا ما اعرف وين

كانت تنقع بالرمسه واضح انها يامغربيه مولوده بالبلاد يا ان ابوها او امها جنسيتهم اماراتيه
ولي اكد لي كلمه برشا حقتها

سرت قدامها : اوكي

تقدمت بخطواتي المعروف عنها انها كبيره.. كل شويه اتلفت عليها عسب اطالعها ماشيه وراي ولا مالحقت

سلطان: هاي البوابه
ظلت تتلفت بالمكان : ولدي ماشوفه

ولدها!!!!!!!!!!!!!!!!من صدقها هاي متزوجه!! ......صغيره وايد

سلطان: وين كان يالس؟
اشرت وهي ترفع غشوتها المفروره أي كلام: هنا على كرسي متحرك .....
سلطان: طيب دقايق وقفي هنا وانا يايج

سرت للامن سألته واشر لي ان طلع لصوب السيارات

سلطان: ولدج سار صوب المواقف
ابتسمت وهي تناظرني بنظرات ماحبيتها:اتشكرك
سلطان: العفو .. اخليج اختي انا ساير


سرت عنها اطمن على رشود قبل لااسير دوامي وهي مازالت تناظرني؟!!!.... بصراحه شكيت ان حزامي للحينه مفتوح بسبه نظراتها!!


.............................. ......

 
قديم 08-06-2011, 12:51 AM   #38

جود ي الحلوه


رد: رواية التبل إماراتيه روعة


رواية التبل إماراتيه روعة

.............................. ......


الجـــــ 34 ــــــــــــزء

.............................. ........

حاولت اخلص دوامي بسرعه..... ابا اسير لراشد ..
خبرني البارح ان ويع ظهره زاد عليه بس ماتوقعت اني بيلس الصبح على خبر رقااده بالمستشفى
سويت الي عليي وتوكلت بسرعه للبيت عسب اتسبح

: وين ساير فديتك؟؟؟؟ تعال كل لك لقمه
وقفت على الدري: امايه بسير اتسبح قبل لاسير لراشد بالمستشفى
امايه: وابويه شو بلاه تو البارح شرات الحصان شو استوى به؟
نقزت عفرا: في ذمتك انه بالمستشفى؟؟؟؟؟
سيف: شو يعني اجذب عليكم يايه تكسر دم بظهره

فريت عيني لريم اليالسه تطالع باالاكل وتحرك بالملعقه بحركات دائريه تدل ان عقلها مب ويانا
هالشي اكد لي للي ببالي ...

عفرا: سيف ابا اسير وياك
كملت طريجي لفوق: مستعيل ماني فايج لج



تسبحت وتلبست على السريع ... وتوكلت لسيارتي الي كانت واقفه حذالها عفير بعباتها وشيلتها

سيف: يعني مصره تسيري ويايه يمكن شي ريايل هناك
عفرا تفتح باب السياره: ماتوقع انتشر الخبر عسب يكون في حد هناك.... وغير جيه انا بسير لان عندي كلام ضروري له

سكت عنها وانا اكمل طريجي للمستشفى........ خذيت رقم الغرفه من الرسبشن وتوكلنا لفوق
.. يوم وصلنا ودخلنا للغرفه الخارجيه سمعت عفير صوت بجي راشد ووقفت محلها

طالعتها: شو بلاج
امتلت عيونها دموع: ماروم اشوفه جيه
سيف: خلاص يلسي هنا
يودت ايدي: لا بدخل وياك

دخلت عليه وكانت الممرضه تضربه ابره وسلطان يحاول يعدل له المخدات من وراه
.. سرت صوبه وانا اطالع حاله.... صعب الواحد يشوف ربيعه الرووح بالرووح جيه
لو بعدوك قلبك يعورك عليه شقايل بربيعك الي يعتبر روحك الثانيه .. من شده المه كان يعفر بريوله ...
وراسه ماياي يثبته شوي يمين وشوي يسار

طالعت الممرضه بعصبيه: وووييين الدكتوووور شقاااايل تخلوه جيه
الممرضه:الحين في ينام لان انا يضرب ابره
سيف: شوووو ينااااام سووو له حلللل
يودني سلطان: سيف شو بلالاك هاي الي يقدرو عليه ابر وبس
سرت حذال راشد ويودت ايده: رشود تحمل شويه على عمرك
راشد: الويع وايد ياسيف ماتحمـ ـ ـ

قال رمسته المقطعه وغط بنومته .......


.............................. ..

.............................. ...

دخيلك سلطان ادخل وخبره انها مانخطبت نجذب عليه

طالعني: منو هاي الي مانخطبت؟
نكست راسي: الريم
سلطان: شو السالفه؟
مديت ايدي العب بشيلتي بتوتر: راشد يحبها.... وو انا وشمه البارح نقعنا به وقلنا انها انخطبت
طالعني: عفور انتي تسوي جيه!!!!!؟ تلعبي بمشاعر غيرج؟
رفعت عيني المليانه دموع: والله والله ماكان قصدي جيه بس كنت بطفره
سلطان: الله يهداكم انتو ماتعرفو ان الي بوضع راشد كثره التفكير تييب لها الحال؟؟؟؟
يلست على الكرسي : ماتوقعت جيه بس والله ماكان هاي المقصد يعني هاي مب اول مره اسويها فيه
سلطان: بعـــد مب اول مره.... حرام عليج ياعفور كل شي ولا مشاعر غيرج ... لاتستقلو راشد لان مشاعره مفضوحه
عفرا: سلطان مب جيه السالفه
يلس حذالي: عارف وفاهم عليج بس انا اقولج جيه عسب لاتتكرر .... وان شاء الله الريم بعد وياكم بهالخطط؟؟
عفرا: لالالالالا مالها خص اصلا ولاتدري بشي
سلطان: طيب يالله نشي ويايه بنسير البيت
نشيت وانا اعدل بشيلتي: طيب مابتخبره؟
سلطان يكمل طريجه: الحينه نايم يوم ييلس ان شاء الله
عفرا: لاتنسى هاه
دخلنا للاصانصير: لاتخافي مابنسى

قال جملته وهو يطالع الحرمه الي كانت واقفه داخل وتتبسم له... بادلها الابتسامه وعطانا ظهره عسب يظرب الرقم..
كان بخاطريه اعطيها طراااق يصن ويها اهي وياااااااه الاخ بعد يوزع ابتسامات ... والاخت مامقصره شوي وعيونها بتدخل جسمه
مايكفي ريحه عطرها المالي البقعه.. حشى ماشي حشيمه بايعه عمرها
سرنا لموقف السياير وانا اربع وراه .. حشىىىىى هاي مايمشي يالس يربع بمشيته عنبوو
ركبت السياره وانا نافخه ويهي ... مد يده على المسجله وشغله وهو ولا على باله يطالعني

قوم درجني وامش جدامي لاتخاف من اهلي ولا عمامي
لو تشوف الشامه حدر لثامي جان انهبلت وصابتك جنيه


يضرب على سكان السياره منطرب مع اغانيه العراقيه المفضله الي اكتشفت بالفتره الاخيره حبه لها

سلطان: حشى شفطتي كل الاكسجين

هاي كان تعليقه يوم خذيت نفس وتنهدت بصوتي بكل قهر

عفرا: ماعليه
تبسم وهو يردد ويا الاغنيه: لو تشوف الدقه حدر الثامي جان انهبلت وصابتك جنيه
عفرا: سخيفه هالاغنيه
سلطان: وانا احبها وااايد
عفرا: كلماتها سخيفه
تبسم بخبث: ليش لان فيها طروا الجناني يعني؟
حست بوزي: يمكن
سلطان: ههههههههههههه في ذمتيه حتى وانتي نافخه ويهج حلوه
فريت ويهي عليه وبنبره دلع: سلطان
رد عليي وهو يطالع الدرب: نعم
سكت ورديت افر ويهي : خلاص نسيت
سلطان: عارف عشو تبي تسئلي ... هاي ساعدتها اليوم الصبح وعيب واحد شراتي تيه وحده تطلب مساعده وارفض
طالعته : من جيه يعني تبسمت لك مساع؟
سلطان: هيه ومايستوي انا مارد الابتسامه

سكت عنه وانا احس براحه.... انا واثقه سلطان مستحيل يكون خاين لان حس بطعم الخيانه....


.............................. .


..............................

فتحت عيني على صوت امايه وحشره اليالسين حذالي

ابويه: شحالك الحينه؟
فريت ويهي له بثجل وانا احس بويع الدنيا متيمع بظهري: بخير
امايه وهي تمسح على راسي: سامحني فديتك
مديت ايدي الملعوزه من واير المغذي لأيدها عسب اسحبها لحلجي ابوسها: ماني زعلان الغاليه عسب اسامحج
ابتسمت بويهي: عسى يومي ايي ولا اشوفك بهالحال
طالعتها ورديت عليها بصوتي التعبان: امايه لاتقولي جيه
امايه: يوعان الغالي؟ ايب لك شي تاكله
هزيت راسي بالرفض: مابا شي امايه لبعدين
طالعني سطان الواقف قبال شبريتي : شحالك بو سنيده؟
راشد: بخير

طالعت شمه الواقفه ورى ابويه وطالعني بنظرات غريبه وكأنها مقفطه

امايه: يالماتستحي سئلي اخوج عن حاله
شمه وعينها بالارض: شحالك اخويه؟
ابتسمت بتعب على خبال شمه: بخير اختيه
يا سلطان صوبي ويلس حذالي عشبريه .... قرب حلجه من اذني: عفرا تسلم عليك وتقولك مانخطبت نجذب عليك
رفعت راسي بسرعه : منو؟
ابتسم وهو كاتم ضحكته: مادري هي قالت قول له مانخبطت وبيعرف

طالعته وانا جني مب مصدق...... حالتي البارح ماكان يعلم بها الا الله .... الريم ماباها تروح من ايديه وبنفس الوقت ماروم اخطبها لان خطبتي لها بتخرب علاجها للأسوء... انحطيت بين نارين بسبه مزحه منهم.؟؟؟ هين حسابكن لبعدين

سلطان: طالع طالع الاخ شاق الحلج
انتبهت لنفس الي دوم فاضح عمري: هاه
سلطان وهو يهمس لي: منو هاي الي سوت بك جيه؟
راشد: حرمتك
كفخني على راسي: ياحمار
حطيت ايدي عراسي: آآآآآآآآآآي
ابويه: سلطاااان شو هاي اخوووك تعبان
سلطان: اووه حقك علينا بو سلطان بالغلط والله
اميه: اخوك تعبان فديتك لاتسوي به جيه
حط ايده عراسي وحبها اون يعني يحب راسي: هاااااه وهاي حبه عراسه

(فديت الغااااااااااااااااااالي ولد الغاالي عسى فيني ولا فيك هالوووويع يالغنااااه)

هاي جمله خالتيه يوم دخلت علينا بكرسيها المتحرك تقطع بها رمستنا... فدييييييييييتها والله وفدييييت الي يالسه تمشي وراها

ابتسمت لها بتعب: لشو متعبه عمرج ومعبله عروحج بالييه
خالتيه تيود ايدي وتحبها:ماشي عبال على بو سنيده انت الغالي يالغالي
سيف الي واقف ورها : امايه عاده افسحي لنا المجال
خالتيه: يالثور منو يحرك الكرسي غيرك .. خذني لحذال اختيه

خذاها لحذال المايه ووتقدمن عفرا والريم

عفرا: الحمدلله عسلامه

مارديت عليها وفريت ويهي لصوب الثاني .... هين ان مادبهتن

قربت مني وهي تهمس: رشود دخيلك والله ماقصد

لبستها لين ماسارت لبعيد.... فريت ويهي لريم الي بعدها واقفه تطالعني ....
طالعتها بنظرات تفحص...... هي وياهم بالمزحه الي سوتها؟؟؟؟؟
بس ريحتني يوم فهمتني وهزت راسها بالرفض بدون ما ارمس
فدييييييييييتها تفهم شو اقصد من نظراتي بس؟؟!!!!!

سيف: احم
فريت ويهي لصوب سيف بعد مامشت الريم لصوب البنات: احمين
سيف: شحالك فديتك
راشد: ابا اطلع
يلس عشبرتي: احلف
راشد: دخيلك سواف دبرني
سيف: مب كل مره تسلم الجره مااااشي ايلس عسب يخوز كل الالم
راشد: سويف لاتستلعن
سيف: بستعلن ويالله عن الغوه الزايده
حاولت اعدل يلستي: هين هين
ساعدني وهو يرتب المخدات: هين لباكر
عدلت يلستي: انا بتصرف بنفسيه
ابتسم بخبث وهو يرفع فونه عسب يصورني: واللله وحلفت انيه اردها لك
شهقت: لالا سووويف
صور وهو يضحك: خلاص سيفتها عنديه وان شاء الله على الصبح بتنزل بالمنتدى
عدلت بيلستي اكثر: طيب يالله صور صوره ثانيه
سيف: ههههههههههههه عادي عندك؟
ابتسمت له: هيه عادي يالله صور
رفع فونه وصورني: وهاي الي اتحسبك مابطيع
ابويه من بعيد: شو مستوي على هالتصوير
التفت عليه سيف: ولدك فرحان بويهه المنفخ
كفخته عراسه: الحينه انا ويهي منفخ
سيف: هيه والله طالع عيونك شقايل منفخه

طالعت الصوور ونقعت على شكلي .... كل شي متضاعف بويهي ههههههههههه
.............................. .....

.............................. .....

هذا الاسبوع كله تعب بتعب...
النهار نسير المولات نزهب اعمارنا للعرس والليل نسير لرشود الي مايرمسنا ولابسنا للحينه
بالنسبه لعفير خلصت نص تجهيزاتها لان ذوقها سهل
بس انا ماشي الا اشياء بسيطه تعببببببت ولا يايه اطالع شي يدخل مزاجي زين

عفرا: سهيل احدر على السوبر ماركت وياك
طالعها: بعد هالحواطه بعددد تبي سوبرات انا تعبت خلاص
طالعتني عسب اطلب انا : سهولتي
سهيل يطالع الدرب: روحه
ابتسمت وانا اطالع عفرا وكملت بدلع: دخيلك احدر للسوبر
سهيل: مااااااااطلبتي احدر للسوبر وووولي اخترع السوبر امري انتي بس
عفرا وايدها عخصرها: ياسلالالالالالالالالالالالالام
سهيل يطالعها من الجامه: جب يالله جب ولا كلمه
حاست بوزها وهي مكفته اياديها عصدرها: هين يالدب
سهيل يطالعني: انا دب؟
ابتسمت له: انت فدييييييييييييتك كل الرشاقه والجسم الرياضي فيك ماعليك منها
سهيل وهو يوقف السياره: ها السوبر قدامكم يالله بسرعه
عفرا وهي تنزل: بسرعه قبل لاتبرد
شمه: ههههههههههه
سهيل: لاتتأخرن لان راشد رد بيتكم
طالعته وانا مب مصدقه: احلللللللللف
ابتسم لي: والله
قمت اناقز: وااااااااااااااااااي وناسه
كفختني عفرا عراسي: انطبي الناس يلسو يطالعونا فضحتينا


خذينا الي نبا على السريع وووردينا للبيت ..... دخلت الحوش وكاان الكل متيييمع على الهواء الطلللق ونااااسه احب يمعه الاهل
ربي لايفرقنا يا حأأأأ
ربعت بسرعه لراشد الي مسوى له يلسه خاصه عسب ظهره

شمه: اخووووووووووووويه فدييييتك

لبسني وفر ويهه عنيه.... يلست حذاله ورفعت ايده عسب ايلس غصب بحضنه

قلت وانا افرك راسي بحضنه: اللللللله اخويه حضنك دااااااافي شو هالحنان هاي
راشد: ومازال لابسني وفار ويهه عنيه
امايه: ابا اعرف شو مسويييه باخوج خليتي يزعل جيه عليج يامسوده الويه
حست بوزي: ماسويت شي مزحت وياه مزحه والله واااااللللله مابتتكر
ابويه: خلاص راشد سامحها فديتك اسبوع ماترمسها مايستوي حرااام
سيف: لأ لايسامحها الي سوته مب عدل
ابويه: سيف خلك محضر خير
سيف: لأأأأأ هي اصلا بتموت وهو غاضب عليها وبطيح النار
حست بوزي وانا اطالع راشد: صحيح اخويه بموت وانت غاضب عليي؟
لبسني وهو وااااااضح ان كاتم ضحكته... كملت وانا اتمسكن: يعني بطيح النار؟؟؟؟ يعني اخويه غاضب عليي
مارام يستحمل ونقع: ههههههههههههههه اون غاضب عليج
بسته عخده: واااااااااااااااااي فديتك يوم ترضى عنيه
طالع عفرا: بسامحكم كلكم الا هالحماره
شهقت : افااااااااااااااااااااااااا
راشد: عسب تخططي مره ثانيه
عفرا : والله والله والله مابكرررها
راشد: قومي حبي راسي اول بعدين اسامحج
سلطان: هيه بس احلم
راشد: يالله نشي حبي راسي شرات ماحبه ريلج
سلطان: انت بس احلم
غمض عيونه اون يحلم: اللللله احلم ان عفرا يات صوبي........ ويلست حذالي .... الله الله الحين عفرا قربت حلجـ ـ

ماكمل رمسته لان سلطان نش عسب يكافخه
ابويه: العن الشيطان اخووك تعبان
سلطان يمط شعر راشد: هاااااا هاي بوسه زينه صح؟
راشد: آآآآآآآآآي امايه طالعيه
اميه: خل اخوك بحاله
راشد وهو يرتب شعره ويطالع امايه بخبث: امايه خلاص ماداوم بالشركه؟
اميه: هيه فديتك براحتك
راشد: امايه بعد سيف مايداوم؟
اميه: انت تعبان وماداوم امنا بالله بس سيف شقايل بعد ماتباه يداوم
سيف: اسليه فديتج بعدين يتعب من الملل
اميه بقله حيله: براحتكم
راشد: ههههههههههههههه نمزح وياج امايه انا من باجر برد اداوم
اميه: اذا بعدك تعبان لاتسير
راشد: انا مابحمل اثقال بيلس على المكتب وبس
ابويه: هيه جيه اباك
عدل راشد يلسته بخقه: افا عليك اعيبك يابو راشد
ابويه: انا شو قلت لك
راشد: ان شاء الله يابو راشد بقولك ابويه
ابويه: مابرد عليك لانك توك راد من المستشفى
راشد: عيل ياليت كل يوم ارد من المسشفى
امايه: وي بسم الله عليك شقايل تفاول على عمرك
تبسم لها: عسب تدلعوني جيه
امايه: امبونك مدلع بدون شي
سلطان: الكل يشبع من الدلع الا ولدج
راشد: انت ماعندك دوام؟ يالله سير ارقد احسن لك يالمتقايض
سلطان لبسه وفر ويهه على امايه: كليتي دواج؟
اميه: تراك انت الي كليت قلبي من تطالعني كليتي دواج وكليتيه
ابويه: هيه لان محد يروم عليج غيره
سلطان: كليتي دواج؟؟؟؟؟؟
امايه محتشره وتتحلطم: يوم اسير داخل باكله
سلطان: الحين نزقر البشكاره وتيبه
اميه: وابوووويه عليك قلت لك باكله خلاص

كملت يلسه وياهم وبعدها طلعنا انا وعفور لفوق نقايس ملابسنا اليديده...


.............................. ..........

.............................. .................

متوتره وااااااااااايد اليوم اول يوم دراسي لي بهالمدرسه اليديده وغير جيه مدرسه خاصه يعني كلها زلمات
وجم وحده اماراتيه بس كلهن خقاقات
اووووف الله يهداك ياجسوم لو مدخلني حكوميه احسن ليه من ويع هالراس
الله يسامحك يابويه الي شراتي الحينه خلصو دراستهم وانا منقعه بهالمدرسه

يودت كتبي وانا انتظر جسوم ايني ... يلست على الكراسي المخصصه للانتظار وانا انافخ من الملل
انتبهت له وهو ينزل من سيارته ويتوجه لي بأبتسامته الحلوه

جاسم: تأخرت عليج غناتي؟
نشيت اوقف حذاله: وايد ............حرام عليك صلختني الشمس
يود ايدي ونحن نسير لسياره: فديتج كان ناطرتيني داخل
دخلت السياره وانا اوجه تكيفها لويهي: حشى توقعنا الجو بيبرد بس ماشي
جاسم يمسح عرقه الي عجبينه: الله يهداج هاي الظهر يعني لزوم يكون جيه حرررر
طالعته وانا ابتسم: جسووووومي
رد عليي وهو يطالع الدرب: هلا
روضه: مشتهيه أي سكريم
طالعني بخبث: مشتهيه؟
هزيت راسي بإيجاب: هيه
ابتسم ابتسامه اخبث: لايكون احم احم
خزيته: فال الله ولا فالك
جاسم: في حد مايتمنى العيال؟؟؟؟؟؟؟؟
فريت ويهي عنه: امبوني انا يبالي تربيه من يديد شقايل ايب عيال عسب اعقدهم ويايه
جاسم: استغفر الله ربي العظيم .. انتي مايخصج .....انتي بس يبي وانا بربيكم
زميت ايدي لصدري بعصبيه: شو قصدك
جاسم: ههههههههه والله ماينعرف لج مساع تقولي يبالج تربيه والحينه شو قصدك

سكت عنه وانا فيني احساس خوف متملكني كل ماياب لي طاري هالعيال.....
مادري احس نفسي مب مأهله لهاي الشي؟!!!! ..الله يستر من الي ياي

جاسم: حوووووووه اندوج ذاب الاي سكريم
ابتسمت وانا اخذه من عنده: تصدق عاده اشتهيته لشميم ههههههههه
جاسم: هيه مدمنه الاي سكريمات
روضه: ههههه حليلها والله
جسام: تدري عمي سهيل شو يقول ... يفكر بدل مايقصو كيك يحط أي سكريم كبير ههههههههه
روضه: والله اتوقعها منه لان يسوي أي شي بس اهم شي يرضيها ويفرحها
طالعني بنص عين: غيرانه شو؟؟؟؟
روضه: هههههههه تصدق عاده اوقات هيه اغار احس سهيل يتظمن ويندرج تحت ممتلكاتي
جاسم: اذا عمي ممتلكاتج انا شو عيل؟؟؟؟؟؟
تبسمت له وانا اكل أي سكريمي: انت مب بس ممتلكاتي..... انت ممتلكاتي الخاااااااصه جداااااا والممنوعه عن الجميع
تبسم بثقه: هيه ادري
روضه: ماخبرتني شو سويت باليامعه اليوم؟
جاسم: الحمدلله بس احس دوامي بيكون متعب
روضه: الله يكون بعونك غناتي

تبسم لي برضا وهو يكمل طريجه.... الله يقدرني ياجسوم ودوم ارضيك ......

جاسم: يوعااااااااااان امايه يوعاااااااااان
ام جاسم: سيرو بدلو ثيابكم اول
يلس يشم ويشفط الهوى: شو مسويه لنا اليوم؟؟؟
ابتسمت له: سمك من الي يحبه قلبك فديتك
شق حلجه وهو يطالعني:امااااااااااااااااايه دخيلج الحينه اغرفي الغدا يوعان ماروم انتظر اكثر
ردت عليه بقله حيله: امريه لله ببرز لك انت وحرمتك لان ابوك للحينه مايا
يود ايدي يسحبني لفوق: خلاص فديتج خلي حد يصعده لنا

سرت وياه لفوق تسبحت وبدلت هالمريول الي عليي الى بجامه بيضا صييييفيه حريريه بدووون اكمام وبرمووودا ابرد بها حروره هالجو

جاسم يطالعني ويحط الملعقه على الصحن: الحمدلله
طالعته بنص عين: يوعان ويوعان وماكليت شي
قرب حذاليه وايده ورى ظهري : خلاص شبعت اكل زود تبيني انتفخ عليج
روضه: هههههههههه عادي
يلس يلعب بشعري المبطل: يعني عادي عندج ريلج يطلع بو كريش؟
ضحكت وانا اتخيل شكله بكرشه: ههههههههههههه اتخيلك
كفخني عراسي: لاتتخيلي
مديت لساني: تخيلت وخلاص
طالعني بعيني بنظرات خبث وهو يمسح عراسي: رووض
روضه: شو؟

مد ايده لتحتي وحملني لشبريه: جسوووم
جاسم: جب
روضه: حرام عليك تعباااانه وايد شو هالاوقات الي عليك شرات ويهك
جاسم: قلنا جب
طفى النور وطفى وياه حسي............


.............................. ..

.............................. ...

رفعت راسي وانا اطالع الجامه اعدل بها سفرتي ..... اسوقفني دخله شمه ببجامه النوم ووشعرها المبطل
هالشي الي خلاني اترجم تلقائيا ان شي مستوي وخلاها تطلع من بيتهم بها الشكل
نزلت بسرعه من سيارتيه متوجه لها ... ربعت بسرعه صوبي وهي ميوده ايدي ودموعها تصب

شمه: سهيييييييييييييل
سهيل: شو مستوي........... شمه ردي عليي شو مستوي؟؟؟؟؟
وقفت وهي تناهي ولا عارفه ترد علي: أمـ ـ ا أ يـ ـ ه

ربعت بسرعه وياها لبيتهم ..... وهي تسحبني لخالتي الممدده حذال شبريتها
عدلتها بسرعه وانا احاول اسمع تنفس لها ولا دقات قلب...؟؟؟ .... سويت لها تنفس صناعي بس ماااشي واضح ان ماشي نسم وولالالا حتى صوت نبض قلب وغير جيه ويها مخضضضضر .....
رفعت راسي لشمه الي كانت تراقبني وهي تشاهق وعينها بتطلع من مكانها

يودتني من كندورتي: دخيلك لاتقول امايه ياها شي دخييييلك سهييييل
بلعت ريجي: بشلها المستشفى وهم بسوو الازم

حملتها بسرعه وخذيتها لسيارتيه.... يات شمه بشيلتها وعباتها الي يلست تلبسهم على السريع
نزلنها للاسعاف ووبسرعه خذولها عسب يسوو الازم .... ومن قسم لقسم ونحن نربع وراهم....
بالنهايه استقرينا بقسم العنايه المركزه

يلست شمه على الارض وهي تمسح دموعها اليتناثرن بدون توقف: امااااااايه
يودت ايدها وخليتها تنش تيلس على الكراسي: شمه مايستوي جيه ادعي لها
شمه: ماروم اطالعها جيه ياسهيل ماروم
يلست حذالها: وين ابوج وراشد وسلطان؟
مسحت دموعها: كلهم بدواماتهم


يودت فوني عسب اعطي بو راشد خبر.... الي دقايق وحصلناه اهو وراشد وسلطان عندنا بالمستشفى

بو سلطان: شو استوى ردي عليي
شمه دافنه ويها بصدره: مادري ابوووويه يلست وووحصلتها مفروره تحت شبريتها
راشد وهو الثاني مب مستوعب المستوي: شو يعني؟؟؟؟ امايه شو مستوي لها؟؟؟
سهيل: صلو على النبي ياجماعه هي محتايه دعاكم الحينه
سلطان وهو يطالع باب العنايه: ووويننننننه هااااي الدكتوووور ماطلع
يودته عن لايتهور ويدخل: سلطاااان خلهم يسو الازم

بهالحظه طلع الدكتور وهو يفصخ غفازاته ... الكل ربع له
رمى عليهم جملته ومشى عنا

( نحن سوينا الي علينا بس البقيه بحياتكم)

ياكثر ما اسمعها واشوفها بالافلام ولمسلسلات بس ماعمري تخيلت نفسي بكون بموقف شرات جيه
وبتنقال هالجمله لاعز ناس عقلبيه ..........ولا بتنقال عن خالتيه !!!!!!!

 
قديم 08-06-2011, 12:52 AM   #39

جود ي الحلوه


رد: رواية التبل إماراتيه روعة


رواية التبل إماراتيه روعة

.........................
الجـــــ 35 ــــزء
.............................. ...

الخبر نزل علينا شراات الصاعقه.... موت الفجأه!!!! يصدمك وماتتقبله بسرعه

( خالتيه عطتكم عمرها نشن لشمه... روحها بالبيت)

قال سهيل رمسته وطلع وهو يرمي عقاله بالأرض
نشينا نسير لبيت خالوه ونحن مب مصدقات المستوي !!!....
كنا نتمنى ان حلم ولا ان الي انقال لنا شي غلط......

راشد وعيونه المحمره يربع لبرى عسب يلحق على الدفن
سلطان وهو يساعد ابوه على المشي لبرع
شمه وصوت بجيها

كل هالاشيا الي جدام عينا اكدت لنا ان المستوي واقع مب حلم
ربعت لشمه ولويت عليها

شمه: عفووووور امايه ساااارت عنيه سااارت
مسحت على شعرها ودموعي تصب بلايا شعور: مالدايم الا الله سبحانه ادعي لها بالرحمه
دفنت راسها بصدريه: دخيييلج قولي لي ان انا بحلم مارووم اعيش بلاياها ليش سارت
عفرا: استغفري الله ياشمه
شمه: دخيييلكم ابا امااااايه

خذيتها لأمايه اليالسه بصاله بيتهم لانها ماتروم تنش بسبه ريلها المكسوره....
لوت عليها اميه وهي تمسح على راسها
شمه: خالتييييه سارت اختج سارت اميييه
امايه: لاحول ولا قوه الا بالله ...... كثري من ان لله وان اليه راجعون

ماكنا نسمع منها غير صوت بجيها اليويع القلوووب ..... خالتيه ماكانت مقصره على عيالها بشي وعلاقتها وياهم وايد حلوه
من جيه تعلقهم بها وايد كبير.... الله يساعدهم على فقدها والله يساعدنا على فقد خالوه الي كانت بحسبه امايه الثانيه
.... دقايق ودخلن علينا بنات عمومهم .... عظمو الاجر ويلسو وهم حاطات ريل على ريل مارتحت لحد منهم الا وحده ولا ثنتين احترمن المكان وويلسن يستغفرن بدل السوالف والرمسه....
... مايانا الليل الا وجسمنا متكسر من اليلسه .... بنات عمومهم تأخرن بالطلعه ... ومانشن الا لما دخل علينا راشد خزهن بعينه المحمره وصعد لفوق

حطيت ايدي على كتف شمه: يالله فديتج الكل سار نشي رقدي
طالعتني بعينها المنفخه من البجي: لأ عفرا لاتسيري
عفرا: حبيبتي انتي لازم ترقدي اكييد باكر بيج حد يعزيج وانا من الصبح بطالعيني عندج
يودت ايديه: مابا ارقد روحي دخيلج عفرا
ابتسمت بويها: انا كم شمه عنديه ...برقد عندج فديتج
( وفريت ويهي على امايه الي ماسكه بالريم تطلع من بيت خالوه) : امايه خلاص انتو سيرو انا برقد عند شمه
امايه : زين تسوي يالله فأمان الله ..

طلعن البنات ويا امايه ... ونشينا انا وشمه عسب نرقد...
بس استوقفنا صوت دخلت بو سلطان ووسلطان

فريت ويهي عليهم وانا مشدوهه من منظرهم.... التعب واااايد واضح على وييهم
بسرعه ربعت شمه لابوها ولوت عليه وهي تبجي

عفرا: عظم الله اجركم
بو سلطان+ سلطان: اجرنا واجرج
عفرا: احط لكم شي تاكلونه؟
ابتسم بو سلطان بويهي بألم: لا مشكوره فديتج

طافنا سلطان بويهه الجامد لغرفته بدون ماينطق بشي

رفعت شمه راسها عن ابوها: ابويه سلطان مابجى امي صح؟
بو سلطان: هيه .....ان شاء الله الحينه تنزلن دموعه يوم يستوي روحه
شمه: ابويه انا مستهمه عليه اخاف يتسوي به جي لان حابس الدمعه بصدره
بو سلطان: لا سلطان قوي ان شاء الله بيتحمل
نكست راسها: ان شاء الله

سار عنا بو سلطان عسب يرقد ووسرنا انا وشمه للغرفه... وانا قلبيه يتقطع على سلطان
اخاف صدق يستوي به شي.... مب زين مسك الدمووع ... خاطري اسير له بس ما امتلك الجرأه المطلوبه
.... في هالليله ماتوقع عين حد منهم تنام!!!

.............................. .......

.............................. ...........


هذا اخر يوم من ايام العزا ....
بالنسبه لابويه التعب واضح عليه .... يستقبل التعازي ويرد ييلس
اكيد صعب الواحد يفقد رفيق العمر والروح ... عشره يمكن وصلت لثلاثين سنه ... والحينه؟؟؟ راح الي يقاسمه همومه
راحت الي يصبح بويها ... راحت الغاليه
.... هذا ابويه اما شمه ... وضعها احسن عنا كلنا .... لان خالتيه والبنات وسهيل ماقصرن وياها
بس مهما يكون صعب البنت تفقد امها وياكثر ماقالو اليتيم يتيم الأم.... وهي محتاجتها بأيامها اليايه اكثر عن كل مره
... بالنسبه لي.... للحينه ولا دمعه نزلت منيه ... مب قساوه ولا قوه قلب... بس احس نفسيه ماروم على البجي او بالاصح مسوي عمري قوي على حساب ابويه واخوانيه
.... اما راشد دلوع امايه اكيد اكثر حد فينا متأثر... يا من الدفن لغرفته وغفل على عمره ... هاي اليوم الثالث له ماطلع منها ولا شاف حد

سيف: راشد دخيلك فج الباب مايستوي جيه هاي ثالث يوم وماشي لجمه دخلت حلجك
سلطان: راشد ما انت ياهل فج الباب يكفي الي فينا لاتزيدنا
سيف: راشد تسمعني؟؟؟؟ على الاقل رد علينااااا
فر سيف ويهه عليي: ماشي فايده شكله مابفج
رفعت صوتي: راااااااااااااااااااشد والله ان مافجيتـــــ ـ ـ ـ

انفتح الباب وطلع لنا بويهه المصصصصصفر ..... وطالعنا بهالعيون المحمره والمورمه والتعب واضح عليهن

يوده سيف: راشد يعورك شي؟
راشد: مافيني شي بس خلوني روحي
سيف: تعال كل لك شي
رد يدخل غرفته: مااابا شي
لحقناه انا وسيف لداخل: راشد حرام عليك الي يالس تسويه .. انت جيه يالس تعذب امايه وابوويه
نكس راسه وهو ييلس على الشبريه: ماروم والله ماروم هاي اميه الي ماتت تعرفو يعني شقاايل اميه؟؟؟؟
يلست حذاله: وهاي بعد تكون اميه..... راشد نحن لازم نساعد ابويه مب نستوي نحن والدنيا عليه

دفن ويهه بصدري وهو يبجي بصوته....راشد صدق ريال بس يبقى ياااااهل بالنسبه لي ولابويه ...

مسحت على راسه : خلاص راشد ماتعبت بجي؟
سيف: هاي امر الله وانت بسواتك جنك تعارض حكمته
كملت على كلام سواف: استغفر ربك وحط الرحمن بصدرك
رفع راسه ومسح دموعه عن ويهه....
يا سيف ويلس حذاله: يالله راشد نش تاكل لك لجمه.. عفرا سوت لك لقيمات ... انت ماتروم على الجوع

نشينا ننزل لتحت نتعشا .... عفرا بهالايام ابد ماقصرت كانت تيي من الصبح توقف بالمطبخ ووتسوي لنا مالذ وطاب
ولا منقصه علينا شي .... حتى ملابس ابويه الي مايحب البشكاره تغسلهم له .. يلست تغسلهم هي بنفسها
.. صدق الواحد ماينعرف معدنه الا بوقت الشدايد ... ومعدن عفرا اصيل
يلست على كرسي الطاوله بتعب..... احس الدنيا تدور فيني بهاليومين.... واحس تعب الدنيا كله متيمع بقلبيه .... غصه بفوادي للحينه ماطلعت ....

سيف: سلطان شو بلاك ياريال مابديت اكل
رفعت راسي له: ها هاي انا باكل .. وين شمه؟؟؟
سيف: كلت هي وعفرا قبلنا
فرينا ويهنا لراشد اليالس ومكتف ايدينه لصدره: رشود يالله سمي
مد يده ويلس ياكل: ابويه وينه؟
سلطان: سار يرقد تعب وايد من الوقفه
راشد: ماكل شي؟
سيف: اكل... ماهدته عفرا الا لما كل له جم لجمه
هز راسه ووكمل اكله....
كملت اكليه وسرت لغرفتيه ابا ارقد بس مب رايم.... احس بضيجه وكتمه يالسه عقلبيه.... فريت ويهي الصوب الثاني من الشبريهه
وانا اخذ نفس ....

............................

.............................. ....
الساعه 8 الصبح
طالعت ساعتي وبسرعه ربعت لغرفه ابويه .. يلست حذاله عشبريه بهدوء

شمه: ابويه ..... ابويه
رد عليي وهو دافن ويهه تحت المخده: هممممم
شمه: يالله نش فديتك انت قايل ايلسك بهالوقت
فتح عينه بثجل وهو يطالع ساعته: اوووف مسرع ماستوت ثمان
ابتسمت بويهه: اذا تحس نفسك تعبان مب لزوم تسير لدوام ريح عمرك يالغالي
عدل يلسته:لا فديتج غبت وايد عن الدوام
شمه: يالله نش تسبح على ماتحط عفرا الفطور

طلعت عنه وتوجهت للمطبخ اساعد عفرا المتعبله بنا

عفرا: هاااا نش؟؟؟
يلست على الكرسي بتعب: هيه
يات حذالي: يعورج شي ؟؟
شمه: مادري بس احس راسيه وايد يويعني
ابتسمت بويهي: لازم فديتج هاي من كثر البجي
تنهدت: ياليت الدموع ترد الميت
ردت عليي وهي تحط البيض بالصحن: قلتيها ياليت ولو ترد الميت كان ردت ناس وايدين ... بس هاي امر الله ولا اعتراض علىى حكمته ... وكلنا مصيرنا للموت
شمه: عفووور
طالعتني وهي تقطع الخيار: هلا
شمه: انا مستهمه على سلطان... حاولي معاه مب زين كتم الدموع
جرحت نفسها بدون ماتحس : آآآآآآوش
ربعت صوبها: شو يرحتي عمرج؟؟؟
حطت صبعها تحت الماي: يرح بسيط
عضيت عشفايفي: انتي بروحج مستهمه عليه صح؟
نكست راسها: مدري شو اقولج .... بروحه قلبي يويعني يوم اطالعه... احسه مايرقد ... طالعتي عيونه جيف صايرات؟؟؟
شمه: على كثر بجي راشد بس مب خايفه عليه كثر سلطان لان طلع الي بقلبه
تنهدت: الله يكتب الي فيه خير ... يالله سيري يلسيهم عسب ياكلو لهم كم لجمه

سرت عنها لفوق.... دقيت الباب على راشد بعد نص ساعه فج لي الباب وهو يسكر معاقم بجامته

راشد: شو تبي؟
شمه: الفطور ياهز
راشد: مابا( وسكر الباب بويهي)

!!!!!!!! جيه ياراشد!!!!! ......
الله يعينا عليك والله يعينك على نفسك.... سرت لسلطان ودقيت عليه الباب... دقايق بسيطه وفجه

تبسم بويهي عكس راشد: صباح الخير ياحلوه
ابتسمت له وانا اطالع ويهه التعبان: صباح النور شوو يالس من وقت؟ ولا مب راقد اصلا؟
حج راسه: اممم هيه يالس من وقت
شمه: يالله فديتك عفرا يهزت الفطور
ابتسم وهو ييود ايدي وينزل ويايه: الله يعطيها العافيه ... معبله عمرها وايد
شمه: هيه حليلها ماتطلع الشمس الا وانا اسمع حسها بالمطبخ
سلطان: مريتي على راشد؟
حست بوزي: هيه وسكر الباب بويهي
سلطان: لاتزعلي منه انت تدري براشد
شمه: طيب مب زين له جيه ماياكل زين
سلطان: بس على الاقل الحين قام يحط لجمه بحلجه احسن عن قبل

دخلنا المطبخ وحصلنا ابويه يالس ينتظرنا .... حطت عفرا الشاي على الطاوله

عفرا: يالله انا الحينه استأذن تأمروني عشي؟
سلطان: هيه
طالعته عفرا بتسائل: هيه اباج تيلسي تاكلي ويانا

نكست راسها بغفطه .. ويلست بهدوء

ابويه: شو وين راشد؟
شمه: يقول مايبا
ابويه: شو هاي ناوي على عمره؟
سلطان ياخذ الخبزه: خلوه عراحته يوم يومين وبرد شرات قبل
شمه: ابويه احسك تعبان .. لاتسير الدوام فديتك
نش وهو يمسح فمه: بسير ساعتين وبرد .... يالله مع السلامه
ابتسمت وانا اطالعه وهو يطلع عنا: بحفظ الله
فر سلطان ويهه على عفرا: شو بلاه صبعج ملزق؟
رفعت راسها: هاه ... يرح صغير
مد ايده عسب يطالعه ... فتح الزقه : كل هاي وصغير؟وين كان عقلج وانتي تقطعي
عفرا: والله صغير
طالعها: عقمتيه؟

نشيت عنهم سايره الصاله وانا اتبسم على ذكرى سهيل
..... يودت فوني وضربت رقمه

ياني صوته الراقد: هلا حبيبتيه
شمه: للحينه راقد شو؟
سهيل: ههههه هيه محد يلسني
شمه: شقايل ماخبرتني ايلسك؟
تنهد: مابا اعبل عليج غناتيه
شمه:شو هالرمسه الطفسه؟
سهيل: ماعلينا من هاي.. خبريني شحالج؟
تبسمت وانا اتمدد على الكنب: بخير بوجودك
سهيل: يعني النفسيه تحسنت الحينه؟؟
شمه: هيه وااايد
سهيل: دوم ياربي ...
شمه: طيب اخليك تكمل رقادك يالرقاد
سهيل: لالا شو يرقدني بعد ماسمعت هالحس الغاوي
شمه: اونك
سهيل: ههههه تآمري على شي يالغناه؟؟؟
شمه: لأ سلامتك
سهيل: حتى أي سكريم؟
شمه: هههه انت كريم وانا استاهل
سهيل: فديتج والله .... يالله بحفظ الرحمن
شمه: بأمانه...

سكرت عنه وانا ااتحمد ربيه ان الله رزقني بسهيل....... من يوم وفاه اميه وهو مب مقصر ويايه بشي
كل يوم يحدر صوبي يطالع شو اابا شو ناقصنيه .... يعطيني جم كلمه حلوه تحسن لي مزاجيه ويطلع

.............................. ....

.............................. .......

هالولد تعبنيه بيب لي الجلطه....

سيف: رشود نش نتحوط برع
فر ويهه: مابا
سيف: انت ياهل شو؟
راشد: محد ياهل غيرك
سيف: عيل شو هالحركات الي تسويها لي ....
راشد: اذا مب عايبتك اطلع
سيف: جيه عيل ؟؟؟؟؟؟ مشكور ماتقصر
طلعت عنه وانا مفووول من حركاته ..... بس في ايد يودتني تستوقفني من على الدري

راشد: سواف
طالعته: شو تبا؟
راشد: بطلع وياك .....لاتزعل انت الثاني تراني مب فايج
يودت ايده: عيل يالله جدامي

طلعت وانا اتمنى ان خطتيه تكمل على خير...... كنت متعمد هالطلعه يوم حصلت الريم ويا امايه يالسات بحوش بيتنا
فكرت فيها شقايل ماخلي رشود ايي يمكن يتحسن مزاجه يوم يطالع الريم
مب يقولو الي يحب ينسى كل الي حوله يوم يطالع الي يحبه؟؟؟؟ صدق خرابيط ما أأمن بها بس هاي الواقع
يلس حذال امايه يوم زقرته اول ماطالعته يدخل عليهم الحوشه

اميه: فديتك يالغالي شحالك الحينه؟
راشد: بخير وانتي شو حال ريلج المكسوره؟
اميه: شرات ماطالع ماروم اتحرك.... وهالبنت حليلها معبله على عمرها ويايه

رفع راسه يطالع الريم..... دقيقه... دقيقتين.... ثلاث دقايق.... يمكن خذا خمس دقايق وهو يطالعها...
انا ماروم اقرا الي بالعيون ولا كان قريت لكم..... بس واضح ان الولد ذايب امرررررررررره

امايه: راشد فديتك مب زين جيه اباك تاكل زين .... سيف دوم يخبرني عنك
فر ويهه لها: خالتيه مب مشتهي شي احس نفسيه مسدوده عن الاكل
امايه: فديتك ترى انت جيه تلعوز امك بقبرها
راشد: احس الدنيا ضايجه بي مب بيديه
مسحت عراسه: ولديه ترحم عليها واقرى لك جم ايه قبل لاترقد
راشد: ان شاء الله

محاولتي بأت بالفشل راشد بقى على وضعه ... يايالس مويم ولا يتنهد .... سمحت له ينش لبيتهم يوم طالعت بويهه الرقاد

فرت اميه ويها لي يوم طلع: اخاف بس الولد يستوي به شي
سيف: تعبت وياه راسه يابس تراه .
اميه: الله يهداه ان شاء الله

نشيت عنهم للاب توبي اطالع اخر اخبار المنتدى .... الكل يلس يسئلني عن غرشوب دبي وخبرتهم ان امه متوفيه
دخلت الشات حصلت ناس وايدين ... دقايق وحصلت محادثه خاصه من شذى الورد

شذى الورد: هلا اخويه
ســــيـــف: هلا شذى
شذى الورد: بس ابا اخبرك شي عضوين منزلين مواضيع مفجعه بصراحه
ســــيــــف: جيف يعني مفجعه
شذى الورد: يعني قليله ادب
ســـيـــف: جيف يعني قليله ادب
شذى الورد: يعني قليله ادب!!!!!

ههههههههههههه اونها تروم تيود اعصابها

كتبت لها : هيه يعني شو فيهم؟
شذى الورد: صور مب زينه وبس ... عموما انا حذفت المواضيع بس ردن حطن من يديد مواضيع شراتهم واخس عنهم
ســــيــــف: طيب وشو سويتي
شذى الورد: حذفتهن
ســــيـــف: شاطره طيب شو المطلوب منيه؟
شذى الورد: شو مطلوب!!!!!!!!!!
ســـــيـــف: هيه؟؟
شذى الورد: توقف عضويتهم ان ماعليك امر
ســـيــــف: ليش انتي ماترومي توقفي؟
شذى الورد: اخويه سيف شو فيك ؟؟؟ اكيد ماروم لانيه ماروم ادخل على لوحه تحكم المنتدى
ســـيــــف: ههههههههه عذرينيه اختيه لانيه انا مب وايد بالمنتديات وولي يعلمني الحينه ماهو بحاليه
شذى الورد: مافهمت
ســـيــــف: غرشوب دبي هو الي يعلمني على لوحه التحكم وذي الاشيا ... والحينه هو مب فايج لي
شذى: هيييييه قول جيه ... اقول شو بلاه الريال يقول شو المطلوب
ســـيــــف: هههههههههههه لاتخبري حد وتفضحينا
شذى الورد: طيب بس هايلا لازم يتوقفن لان مواضيعهم ماصخه صراحه
ســـيــــف: طيب انتي ترومي؟لو عطيتج الرقم السري؟
شذى الورد: هيه
ســـيــــف: طيب بعطيج الرقم ودخلي اوكي؟
شذى الورد: اوكي
ســـيــــف: 50.............
شذى الورد: شو هاي!!!!!!!!!
ســـيــــف: هههههههه لاتخافي مارقمج بس رقم السري رقم فوني
شذى الورد: طيب

سوت الازم وعطتني خبر انها انتهت ....

شذى : يالله اخليك اخويه
ســـيــــف: حياج الله ومشكوره على تنبيهاتج
شذى: هاي واجبنا ولووووووووو

سكرت عن الشات والمنتدى عسب ارقد وايلس الصبح لدوامي..... بعد مايستوي لا انا ولا راشد مانداوم
طالعت فوني وفتحت المسج الياي لي

( وصلت واستغريت بدبي لزووووم ياسواف تزورني... دق عليي واخبرك وين البيت
تصبح على خير ياحلو)

هههههههه حليلك ياعبيد اونه ياي دبي عسب خاطري .......

..............................

.............................. ...

 
قديم 08-06-2011, 12:58 AM   #40

جود ي الحلوه


رد: رواية التبل إماراتيه روعة


رواية التبل إماراتيه روعة

..............................
الجـــــ 36 ــــــــــزء
.............................. ...

ترددت للمره العاشره......
ياربيه انا متخبله لو شو الوقت متأخر وانا يايه له؟؟ شو بقول عنيه؟؟؟.....
عفرا شو هالغباء؟؟؟ اون شو بقول عني هاي ريلي .... وبعدين الحينه هو مب فايج للي يالسه افكر فيه
مديت ايدي بسرعه ودقيت الباب.....

سمعت حسه: ادخل

دخلت بتردد وانا اسكر الباب ورايه .... ياربي رحمتك .... انا مب يايه اسوي شي غلط.... يايه اسوي واجبيه
... كان يالس على الشبريه وراسه بين ادينه .... سرت صوبه ويوم طالعني

سلطان: عــفــرا!!!!!!
يلست حذاله وانا اطالع ويهه التعبان: شو بلاك؟ شقايل ويهك جيه
رفع شعره بتعب وهو يطالعنيه: مادريه احس راسيه بينفجر الحينه
يودت ايده: اييب لك حبوب راس ؟
هز راسه واشر ليه: تحصلي واحد في هالثلاجه

نشيت وفتحت ثلاجته .... صبيت له ماي ووناولته.... كلا الحبوب ورد يهوس عراسه

عفرا: سلطان
رفع راسه لي: نعم
عفرا: اسير ازقر سهيل يشلك المستشفى؟
هز راسه بالرفض: لا انا تعبي هنا( واشر عقلبه)
مسحت عراسه: بسم الله عليك
سلطان: تعبان ياعفرا تعبان وايد
يودت ايده: عسى هالتعب فيني ولا فيك
سلطان: مخنوووووق
عفرا: بسم الله عليك الرحمن
حط ايده عقلبه وعيونه تصب دموع بلايا شعور: احس عمريه مخنوق .... ضيجه بقلبيه ياعفرا .. ضيجه كبيره
سندت راسه عصدري: فديتك طلع الي بقلبك لاتخلي شي يضيج بك

صعب يوم تطالعي ريال يبجي... ومنو هالريال؟؟؟ سلطان!!!..... سلطان الي ماعمري حصلته بهالضعف؟!!!!.....
حسيت قلبيه يالس يتقطع قطع وانا اسمع صوت بجيه........ يوم اختفى حسه خفت وبسرعه طالعته
بس صدمتيه يوم حصلته راقد!!!........ فديييييييييييتك يالغالي اكيد ماكان يرقد بهالايام الي طافن بسبه كتمته!!.....
سندت عمري عسب يرقد زين ومايتعور ظهره ... مديت ايدي ويلست امسح عراسه بكل حنان....... ودقايق انا الثانيه حصلت عمريه ضايعه بعالم اسود..


.............................. .......


.............................. ......
طلعت من الحمام بعد ماتسبحت..... حصلت مسج يايني بفوني..



منو هالفايج الي بيرسل لي بهالوقت....
مشطت شعريه ونشفته.... شكله البرد نزززل مره وحده .... جسمي كله يرتجف ... وحتى عروق يسمي نطن
خذيت روب السباحه القطني ولبسته عسب ادفى لي شويه من هالبروده ...فريت عمريه عشبريه وانا الحف جسميه عسب ادفى اكثر
خذيت فتره طويله على مادفى جسمي وخفت رجفته....... فريت ويهي لصوب الثاني وانا براسيه مليون شي

امايه... طيفها ابد ماياي يفارجني
صوت ضحكها للحينه يرن بأذاني
لمساتها على راسيه للحينه احس بها
حطيت ايدي عراسي خلالالاص مابا ابجي تعبببببت من زود البجي
وياليت البجي لو يفيد
رديت ايود فوني بعد مياني احساس ان المسج لزوم افجه

( راشد انا ماروم اطالعك جيه..... دخيلك انت الشي الوحيد الي بقى لي
انت املي بهالدنيا... لاتكسر هالامل بيأسك)

قريت هالمسج عشر مراااااااات ابا أتأكد الي قريته صدق لو شو؟؟؟؟
رديت اطالع المرسل...... هاي هي نفسها...... هيه انا مسيف رقمها عنديه
الطرمه يعني الريم !!!!!!
يلست عشبريتي وانا ميود الفون بايديه الثنتينه وجنه بيهرب منيه
كتبت لها على السريع

( انتي الريم؟)

( هيه)

( في ذمتيه ان روحيه ردت بالمسج مالج...... الدينا كانت مسوده بويهه بس الحينه روحي ردت تعرفي شو يعني روحيه ردت؟)

( لاتسوي بعمرك جيه..... نسيت يوم تقول ليه الدنيا ماتسوى؟؟)

(لالالالا الدنيا تسوووى ووو تسوى بوجودج)

( توعدني تهتم بعمرك؟؟؟؟؟؟)

( بهتم بعمري عسب خاطرج بس.......)

رسلته ورديت اطالع فوني وانا متردد للي بكتبه.... خايف من ردت فعلها
بس كنت ناسي نفسيه بهالوقت وكلمات مسجها ترتد بخاطريه ( املي بالدنيا.... الشي الوحيد الي بقا لي)
هالكلمات خلتني ارد واكتب من يديد

( الريم أحبــــــــــــــــج وربيه أحبـــــــــج)

تبسمت وانا اتنهد واتمدد عشبريتيه بأرتياااااااااااح........ فديتج يالريم وفديت روحج
يعني انا مب شي عادي عندها.... انا املها؟!!!!!!!!!
رديت اطالع الفون ابا رد منها.... بس ساعه ... ساعتين وماشي رد
زاغ فوادي.... اخاف انها زعلت؟!!! وماتقبلت المسج..... لالالا شو تزعل انا ماقلت شي ......انا اعترفت بحبيه وبس ....وهي بكيفها
....غمضت عينيه وانا ابا اطرد افكار عدم تقبلها من راسيه...


.............................. .....

.............................. ......

فتحت عيني وانا اطالع نفسيه وين؟!!!...... انا نايم عصدر عفرا!!!!
متى هاي استوى؟...... طالعت طريقه نومها ...
موسده عمرها عخشبه الشبريه ... واضح انها راقده وهي مب حاسه بعمرها
عسب بس اخذ راحتيه بنومتيه!!!
فديتج يالغنااااااه فديييييتج ..... في ذمتيه محد شراتج
قربت عمريه لويهها

سلطان: عفرا

.. ماشي رد....

تقربت اكثر وبستها عخدها بالخفيف وانا اهمس: عفور

فتحت عينها بثجل وهي تفرك بعينها شرات اليهال: شو
ابتسمت بويها : اذا ماتبي تنشي تمددي زين عشبريتيه عسب ترقدي عدل
فتحت عيونها عدل ويوم انتبهت لوجودي ... نقزت بسرعه بس صرخت مره وحده من ويع ظهرها

يودتها من ظهرها: شو بلاج؟
عفرا: آآآآخ ماشي بس يمكن من رقدتي
سلطان: الله يهداج شقايل ترقدي جيه
عفرا: ماحسيت بعمريه
مديت ايدي اهمز لها ظهرها: طيب خلج اهمزلج ظهرج عسب يخوز الألم
نكست راسها وهي ترفع شعرها لورى اذنها: احم الساعه جم؟
رديت عليها واناا اكمل تهميز: سبع ونص
عفرا: بتسير الدوام؟
مديت ايدي ارفع شعرها الطايح على ويها: عفرا
ردت علي وعينها بالارض: نعم
سلطان: طالعيني

رفعت راسها بتردد تطالعني...... مادري كم اخذت وانا اطالع بعينها السوده ... الي اعرفه بس اني ضعت بعالم عيونها

عفرا: سلطان لاطالعني جيه
سلطان: ليش؟
ردت وهي تحرك صبوعها: بس ماحب حد يطالعني وانا تو ناشه من رقادي
قربت ويهي لويها عناد بها: بكيفي هاااا عناد بج بطالع زود
ضربتني عكتفي وهي تنش: ياربيه على هالعناد
رديت عليها وانا اتمدد عشبريتي: ووووين سايره؟
قالت وهي ترتب قميصها المعفوس: بسير اسوي الفطور .... مب ترد ترقد
سلطان: ماظنتي بعد رقده البارح بيني رقاد( وغمزت لها بعيني)

طلعت عنيه وهي مغفطه .. حليلج ياعفور..

نشيت انا الثاني اتسبح والبس عسب اسير لدوام.... طلعت من غرفتيه وحصلت راشد سابقنيه

سلطان: ماااااااااشاء الله شو هالنشاط اليوم
رد علي وهو يسكر ساعته: هيه انها دومي نشيط
سلطان: شو وين ساير؟
راشد يكمل طريجه من على الدري: بسير لسواف نسير الدوام

مشاااااااااء الله شو مستوي وتغير هالتغير المفاجأ!!!.... سبحااااااان الي يغير ولا يتغير
كملت طريجي ودخلت على عفرا وشمه بالمطبخ

شمه: شووو وين سار راشد؟؟؟
سلطان: يقول بسير الدوام
شمه: دوامه الساعه 8!!!!
سلطان: والله مادري عنه يمكن يبا ييلس ويا سيف اول
ابتسمت بخبث: هييييه قلت لي ويا سيف جيه اونه
طالعتهم وانا ايلي على كرسي الطاوله: شو ابويه مايلس؟
شمه: يلس بس يتسبح.... وانت مابتسير الدوام شو؟
سلطان: هيه بسير بس بعد ساعه
دخل ابويه: صباحكن الخير
الكل: صباح النور
يلس على الكرسي: ها اليوم مسويه بيض وطماط
عفرا: هههههه هيه بعد مشتهيها مايستوي ماسويها

يعني مابجذب عليكم ياتني غيره اوووون يعني الحيينه ابويه اشتهى بيض وطماط وسوت له
..... بتقولو لي هاي ابوك بقول لكم هيييييه اغااااااااااار
سلطان: عيل انا مشتهي كبده باجر
شمه: ههههههههههههههههههههههه وابوووويه على الغيره
غص ابويه بأكله: خلاص بنتيه اخاف يستوي بي شي هههههه لاتسوي لي شي ثاني مره هههههه

بالنسبه لعفرا ابتسمت على تعليقاتهم ... اما انا خزيتهم اكمل اكلي...


.............................. ..


.............................. .

( احبج)

كلمه للحينه تمر ببالي .... هاي صدق يحبني لو يجذب عليي؟؟
في حد يحب له طرمه؟؟؟؟!!!!
البارح عيني مايها النوم ... افكار تيبني وافكار توديني
انا ما انكر صحيح كنت احس بحبه ولا شكيت بواحد بالميه ان مايحبني
نظراته حركاته كل شي في يدل ان يحبنيه
بس يوم قالها...... ياني احساس خوف مادري من شو

( بووووووووووووووووووه)

نقزت بسرعه في مكاني بسبه سويف الخبله ......
حطيت ايديه عقلبيه وانا زايغه ......
يلس يضحك بصوووته بس الي واقف حذاله اكتفه بأبتسامه لان مب فايج لضحك فايج بس يطالعني

سيف: هههههههههههههه سوري ريووومه خخخخخخخخخخخخ والله شكلج ينقع خاطريه جييه اصورج وانزلج بالمنتدى
كفخه راشد عراسه: ياثور هاي بنت عمك
سيف: هههههههههههه اسكت انا حتى امايه خاطريه انزلها بالمنتدى

تبسمت على خبال هالولد الي كاثره بالفتره الاخيره سوالفه عن المنتدى... مااااايستوي شي الا ويبا ينزله
فريت ويهي عنهم اكمل تجهيز الفطور.. او بالاصح ابتعد عن نظرات راشد

سيف يمد ايده وياكل من الخيار المقطع: يقولو لج نزللللت صوور راااشد بالمنتدى وياااا انهم البناااات تخببببلن تخبييل ...طالعتي انتي الموضوع؟؟؟

رفعت راسي اطالعه وانا مقهوره؟؟؟؟ هااااي متى نزل الموضوع!!!!؟؟..... رديت اطالع راشد الي هادي على غير عادت
ابتسم وهو ينزل عينه للارض

سيف : كللللللهم كوم وتعليق هاي مادري شو اسمها ربيع مادري شو تخبلت تقول سيفت الصوره عنديه عسب اصممها
ويفر ويهه على راشد: هيه من قدك بو سنيده بصممو لك صورك
راشد واخيرا رمس: آآ آحم هاه.. هيه تصمم عادي بس ماتوقع تصاميمها شرات الريم
سيف ياخذ له طمام ياكله: يااااااريال محد اييب الريم شو هالرمسه
راشد: ييييييييييييييييع الله يخسسسك شو هاي تاكل طماط جيه بدوون طبخ
كمل اكله: وشو فيها يعني
رد عليه بويهه المعفوس: الله يلوع جبدك شرات مالوعت لي جبدي
سيف: يوعاان ماشي غير طماط

اشرت لهم عسب اييلسو على الفطور

سيف: لالالا مستعيلن بنسير الدوام

فريت ويهي لراشد وناظرته بتسائل..... حج راسه وهزه بالأيجاب يعني هيه حتى انا بسير
تبسمت له وفريت ويهي بسرعه اكمل شغليه قبل لاينتبه لنا سواف
.... طلعن من المطبخ وووخذيت نفس يمكن سحبت فيه الاكسجين كله .. وعلى ويهي ابتسامه ماعرف شو معناها....
بس الي اعرفه انها اختفت يوم طالعت المسج الي ياي لي

( كل ماطالع بيتكم العن الساعه الي مات خليفه ولا انتي الي متي بداله)

فريت فوني وانا بقلبيه غصه ..... هاي شووو تباااااا انتحرررر عسب يرتاح قلبهاااااااا!!!!!

.............................. .........


.............................. .

 

أدوات الموضوع



الساعة الآن توقيت السعودية الرياض و الدمام و القصيم و جدة 10:06 AM.


 
Powered by vBulletin® Copyright ©2000 - 2019,
vBulletin Optimisation provided by vB Optimise (Pro) - vBulletin Mods & Addons Copyright © 2019 DragonByte Technologies Ltd.

Search Engine Optimization by vBSEO 3.6.0