رد: رواية التبل إماراتيه روعة
رواية التبل إماراتيه روعة
الجـــــــــ 55ــــــــزء
.............................. ........
كنت اطالعه وهو ينزل من سيارته.... سكر بابها بملل وكمل خطواته الواسعه
طالعت بطوله الي يفرررق عن طوووليه بوااااايد .... فديتك وفديت هالطول انا
وفديت هالعرض الي مايابه حد شراتك.....
شمه: شو هاي التنهيدات بعد
فريت ويهي عن نافذه الغرفه: شفته
يلست حذالي: سلطان؟
عفرا: هيه
تبسمت: . عفور ماولهتي عليه؟
طالعتها: وااااااااااااايد واااااااااااااايد بس كرامتيه ماتسمح انيه اسامحه الحينه
شمه: ماعليه فديتج هانت ومابقى شي لانيه بصراحه اشك ان سلطان بهاليومين بيخطفج ولا عليه من حد هههههههه
والله لو تطالعيه يذوب قلبج دوووم مويم ولا ويانه بعقله.... حليله اخويه ماعمري شفته جيه حتى على ايام البقر الثنتينه ماكان جيه
كان يكابر بس الحينه غييييير ياعفير اسميه ذاااايب بحبج
تبسمت: لاتخلينيه اتهور واسير له
شمه: هههههههههههه
عفرا: سمعت ان رشود بيطلع اليوم
شمه: هيه وبعد مخبر ابويه يقول له يهز عمرك عسب الملجه
عفرا: هههههههههههههههه اسميه اخوج ابداع
شمه: اتخيل يكتبو بالجرايد الشاب الاماراتي الذي تزوج وهو متكسر
عفرا: حليله رشود مب رايم يتصبر
شمه: المهم سمعت ريموه ورويض ناوين على سيف وشذوي
عفرا: ههههههههههه من صدقهم هايلا
شمه: هيه الريم ترمس باكامل قواها تقول ماشي حد يناسب لسواف غيرها
عفرا: هيه والله تنفع له عسب تطلع له الشيب وانت الصادقه هايلا الثنتينه مايجتمعن وان اجتمعن طالعتي شو يستوي
شمه: ههههههههه بس صدق مخبله ريموه يبالها تثبيت
عفرا: اذا هي يبالها تثبيت انتي شو يبالج
شمه: يبالي بكس على ويهج
عفرا: اشوف ان كان فيج خير يالله سويها عسب اخبر عليج ابويه بو الغالي
شمه: اشوفج استويتي قويه من بعد ابويه
قطع علينا رمستنا دخلت امايه : السلام عليييكن
عفرا: ياحيج امايه دخلي فديتج
يات صوبي تحب يبيني: شو اصبحتي الغاليه
عفرا: بخير وسهاله
امايه: ها مايا راشد ؟؟؟
عفرا: لا للحينه مابعد..... يلسي الغاليه
يلست على الشبريه بتعب: امبوني يالسه من الفير عسب ايي اشوفه لانيه شفت اخوج من البارح عنده قلت بيطلع الصبح
شمه: لا فديتج سواف راقد فياه
امايه: هيه زين سوى......عيل وين سلطان ؟
عفرا: هاه
شمه: هيه تو راد من دوامه فوق يتسبح
امايه: سيري الغاليه زقريه لي
شمه تحج شعرها وتطالعني: ان شاء الله امايه
فريت ويهي لامايه: اميه عيل انا ناشه اتسبح على ما اييج سلطان زين الغاليه؟
امايه: هيه غناتيه سيري
نشيت بسرعه وخذيت لي جم لبسه ودخلت بهن الحمام.... لالا مب جيه مخططاتي ماباه يشوفني الحينه ....
بطلت الماي اوني يلست اتسبح وبسرعه نقزت من مكانيه يوم سمعت رنه صوته وهو يهلي ويرحب بامايه ....
سرت حذال الباب وانا اطالع ظله الي ينحني على امايه ويحب راسها... فديته وفديت حسسسسسه ياربيه عووونك
.... يودت ايدي عن لا اتهور وافج الباب
ولهت عليه ووولهت حتى على طراقاته!!!
.............................. ....
.............................. .......
( هلا هلا بالغالي هلا فدييييتك تو مانووور البيت ياحيك غناتيييه )
قالتها امايه وهي تلوي على راشد
راشد: اوووووووونج الحينه يعني ولهتي عليه ماااشوفج يتي المستشفى
امايه: يالله بس عن الرمسه المخمبقه لو سرت ويا خواتك منو ييلس بالبيت ؟
راشد: حارسه شوو؟
امايه: هيه حارسه احارس بيتنا وبيتكم عن لا ايي حد يصرقه
راشد: اونج اصلا يوم بيي الحرامي بتعضي كندورتج وبتشردي
امايه: يالله بس عن هالرمسه وخبرنيه شحالك فديتك ماتحس بويع
راشد: بخير بس شرات ماشتوفي كاني مومياء
امايه: شو هاي مومياء
راشد: وحده غرشوبه تيي بالاحلام ادعي انها تيي لج بالحلم
شمه: ههههههههه ماعليج منه امايه يلوت عليج
امايه: ترى مابيبرى كسرك من كثر جذبك هاي
سيف: خليه عنج حتى حليب مايطيع يشرب من وين يبرى
امايه: ماعلييكن منه خلوووه علي انا وواعلمكم فيه
راشد: اقول خالوه فديتج
امايه: هلا الغالي
راشد: ابا املج
امايه: وي بسم الله على منووو متى خطبببت ؟!!!!
راشد: وابويه مابخطب ابا املج بعدين اخطبها
امايه: شقااااايل جيه .... الناس فديتك تخطب اول بعدين تملج
راشد: المهم عااااده ابا املج يعني ابا املج
امايه: على منووو؟!!
شق حلجه: الريم فديتج
امايه: ويييي هااااي الساااااااااااااعه المباااااااااااركه والله انك فرحتنيييييه ياااالغاااالي اليوووم بخببر عمها انك تباها
راشد: صدق خالوه؟
امايه: هيه الغالي شو وين نحصل نحن حد شراتك.... بخبر عمها ونشاور البنت ونرد لك خبر فديتك
راشد: مايحتاي انتي قلتيها مابتحصلو حد شراتيه يعني خلاص نملج وكان الله غفورا رحيما
طالعته بنص عين: عطيناك ويه عاده ....... استح... واثقل..... شو تملج مانثق فيك نحن..... يا ملجه قبل العرس بليله ياماشي
راشد: طالعيه خالوه شو يخربط يقول ماتثقو فينه!!!
امايه: هو بيني وبينك يالغالي صدق بعد ....يعني انت شوي....
راشد: قوليها لاتستحي...... انت شوي صايع.. عادي قوليها..... وتخافي بعد تفصلي فستان عرسها تفصيل حوامل
شمه: ههههههههههههههههه خسك الله يالدب
راشد: جب كللكم ....يوووم هي تحدد محد منكم يرامسها هاي انا اخبركم
شمه: واثق يعني انها بتقبل بالملجه
راشد: هيه
شمه: ههههههه هاي ويهي احسنه بموس ان قبلت
طالعها بنص عين: جب انتي الثانيه جب
سيف: شو وين عفرا ؟
شمه: راقده
سيف: حشى وهاي دوم رقيد
التفتت علي امايه: لاتصك البنت بعين وأيييها ارق ... هاي الحامل جيه
سيف: عيني بارده لاتزيغي
راشد: سواف خذنيه لفوق
سيف: شو فوق متكسر وحالتك لله خلاص ايلس تحت وخلو عفرا تصعد
شمه: اسكت لايسمعك ابويه ويصكك طراق
سيف: هههههههههه الا تعالي صدق الي سمعته يالس يسوي جناح البيبي
شمه: هيه
سيف: ماشاء الله من الحينه؟
شمه: ههههههه هيه حده متحمس
سيف: ياحيه والله
راشد: سيفووووووه خلصني عاده.... يالله بتذلني شوووه
سيف: طيب ان انا صعدتك منوووو برد ينزلك ومنو بيرد يصعدك يوم انا مب بالبيت
حاس بوزه: اتصل عليك وتيي يالله خلصني
نشيت وسندته علي ... اخذ عكازه وكملنا طريجنا لفوق ..... ماوصلنا غرفته الا وهو يناهي من التعب
راشد: حشىىىىى كل يوم جيه على هالحاله؟
سيف: بتتعود
يلس عشربيته بتعب: اخ كل يسمي مكسر
سيف: اجر وعافيه ان شاء الله
طالعني: شو عندك واقف جيه تعال ايلس
سيف:لا ابا اسير البيت ايلس شوي على المنتدى قبل لا اسير قاعه التدريب
راشد: خلاص يعني سجلت؟
سيف: هيه
راشد: كان تريت تبرى كسوري وسرت وياك
سيف: ماعليه المره اليايه
راشد: شو كم مره بتدخل
سيف: لا بس باخذ كل المستويات
راشد: يعني بيتسوي عندك الحزام الاخضر مادري الاسود
سيف: شو هاي بعد الاخضر
راشد: بخبرك كل يوم تعال وتدرب على سلطان تراه فنان
سيف: ههههه بايع عمري شووو ..... اعرفه اخوك من اول ضربه بيسدحني
خلك عن هالرمسات ويالله ارقد
تمدد عشربيته: اوكي سكر النور وياك
طلعت عنه وسكرت الانوار .....
( ولكم باااااااااااااااك سواف)
قالتها الريم يوم شافتني داخل الشات
سيف: شعندج؟
هدوء: ييييه ماعندي شي هاي يزاي ارحب بك
سيف: وين شذى؟
هدوء: شو تبا بها؟
سيف: عن القافه ووينها؟
هدوء: سايره تسوي لها صمون جبن
سيف: اها
هدوء: شحال غرشوب؟
سيف: سيري له تراه رد البيت
هدوء: ويعه احترم الفاظك لو سمحت انت بشات محترم
سيف: اونج .. المهم ابا اسئل منو الي موقف عضويه الشاعر
هدوء: ههههههههه شذى
سيف: ليش شو مستوي؟
هدوء: ماخبرتني
شذى : مرحبا
هدوء: ولللللللللللللكم بااااااك يالله حيها الطيب عند ذكره
شذى: فديتج غناتيه
سيف: شذى
شذى: هلا
سيف: شقايل موقفه عضويه الشاعر؟
شذى: لان قليل ادب
سيف: شو يعني شو مسوي بالضبط؟
شذى: اول شي يراسل البنات واييلس يتميلح عليهن وثاني شي مسوي دعايه عن موقعه
سيف: اهاااااا
هدوء: لاتخاف شذوي مابسوي شي من هنا والطريج
سيف: انتي جب ولاترمسي
هدوء: ان هذا المستخدم يلس يصيح
سيف: صيحي عادي اصلا المفروض انتي تغيري نكج من هدوء انثى الى ازعاج انثى
هدوء: ياليتني مارمست لانيه من رمست استوى محد يحبني
سيف: يكفيج حب ناس ولا بعد مايكفي؟
هدوء: سووووووووووووويف
سيف: استعدي للملجه ترى الولد متحمس هههههه
شذى: الا عطاري الولد شحال غرشوب؟
سيف:هههههههه والله انكم مفضوحين حتى شذى تعرف بالسالفه
شذى: حدهم مفضوحين
سيف: والله بخير بس يباله حد يراعيه وويدير باله عليه ويملج وجيه يعني
شذى: واحليلها سكتت
سيف: هيه لزوم عروس وتغفط
شذى: خلاص بسك عنها واحليلها
سيف: خلاص ريوم انا بنش رمسي عراحتج
هدوء: وين ساير
سيف: مابسير لراشد
هدوء: لا عاده صدق وين بتسير
سيف: حششششريه مانتي حرمتيه عسب تسأليني
هدوء: مالت عليك وعلى حرمتك
سيف: حدج ترانيه مارضا عليها
هدوء: ربيعيته وكيفي
سيف: واااااااااااثقه انها ربيعتج
هدوء: هيييييييييه وبتشوف
سيف: اخرتينيه على التدريب يالله باي
طلعت عنهم ويهزت ملابسيه بالشنطه وتوكلت للتدريبات وانا بكامل نشاطي....
بدايتي لها الخطوه كانت رائعه حتى المدربين والمتدربين شراتي معاملتهم حلوه
صحيح اعاني من بعض الاشياء بس تبقى مرحله وشووط طوووويل عديته
الحمدلله لك يارب.....
.............................. ...............
.............................. ..............
غطيت راسيه باللحاف .... كأنيه اسمع صوت فوضى
ياربيه منو هاي الي يزعجنيه بهالوقت
انتبهت للحس الي يالس يزقرني بأسمي...
فتحت عيني ببطأ
( جـ ـ اسم)
رديت عليها من تحت الحاف: همممممم
ردت تحركني وهي تحاول تسحبه من فوقي: دخيــ لك نششش
انتبهت لحسها التعبان وفزيت من مكانيه: شو بلالالالالاج روويض ؟؟؟؟
ردت علي وهي مسنده راسها على خشبه السرير وتلتوي بمكانها: احس بويييع ماروووم اتحمله
يودت ايدها: شو يعنييي بتربي؟؟؟؟؟؟؟
زمت عشفايفها وهي تناهي: جااااااااسم دخييلك تحرك آآآه
وقفت بمكاني وانا مب رايم اتحرك... شو اسوي؟؟؟.... اشلها المستشفى؟.... لو شو .... اميه هيه امااايه....
ربعت بسرعه لجناح اميه وابويه وضربت الباب
جاسم: اميييييييه ,,,,, امااااايه تعااالي
فجت الباب وهي زايغه: شو بلالالالاك الله يهداك شو مستوي
جاسم: اميه رويض شكلها تربي
ربعت امايه ويايه لروضه .... وماهي دقايق الا عطتني الامر بتشغيل السياره
ربعت للموتر ... ويات امي وهي تساعد روضه تدخل السياره
توكلت للمستشفى وانا عيني عروضه الي يالسه تعفر ورايه واميه تهديها
الحينه السابع شقاااايل تررربي؟؟!!!!
خذوها من عندنا ودخلو بها لداخل.... ودقايق صعدوها وياهم لفوق!!!!
سرت ويا امايه وراهم....
اميه: خلك هنا
جاسم: اميه البنت بالسابع شقايل تربي
اميه: الله يهداك امها محد منهم يابته بالتاسع ...كلهم بالسابع واكيد هيه عليها لاتزيغ جيه... انت بس ادعي لها
جاسم: دخلي وياها يمكن تبا شي
امايه: بدخل بس انت هد نفسك ووادعي لها
دخلت عنيه امايه .... وانا بحاليه ياربيه دخيلك احفظها ياربيه احفظهم بحفظك ياكريم
يودت فوني بسرعه بعد ماتذكرت تحذير عمي سهيل ان بس اخذ رويض للمستشفى اعطيه خبر
... عطيته خبر على السريع ... وبقيت واقف بمكانيه ..
كل ما اسمع حس بيبي انقز .... وارد ايلس يوم اشوف ان اميه ماطلعت
سهيل: هاااا شحاللللها؟؟؟؟
فريت ويهي له: للحين ماطلعت
سهيل: افا ياجسووووم تبجي؟
نزلت راسيه: خذت ساعتين ولا طلعت
سهيل: الله يهداك ناس يومين ومايربو وانت زايغ على ساعتين؟
جاسم: يعني يمكن تظل اكثر عن يومين؟
سهيل: لا ان شاء نحن ندعي لها ومابيستوي الا كل خير
جاسم: امين
سهيل: مابقى على صلاه الفير الا جم دقيقه تعال نتوضا ونصلي
سرت وراها وانا قلبيه بعده واقف على بابها....
يارب يارحيم سهل عليها ولادتها
|