ازياء, فساتين سهرة


العودة   ازياء - فساتين سهرة و مكياج و طبخ > أقسام عامة > قصص و روايات > روايات مكتملة
تسريحات 2013 ذيل الحصان موضة و ازياءازياء فكتوريا بيكهام 2013متاجر ازياء فلانتينو في باريسمكياج العين ماكياج دخاني makeup
روايات مكتملة رواية التبل إماراتيه روعة يوجد هنا رواية التبل إماراتيه روعة هنا تنقل الروايات المكتملة فقط

فساتين العيد


 
قديم 08-02-2011, 02:48 AM   #26

جود ي الحلوه


رد: رواية التبل إماراتيه روعة


رواية التبل إماراتيه روعة

مساء الورد

كيفكم جميعا
رمضان كريم أسأل الله القبول

لعيونك Samona-97

راح أنزل



الج 24زء



(المرسل :حميد

حمدان عطاك عمره اليوم .... حاول تي دبي بسرعه عسب الدفن نتظرك!)

هذا كان المسج الفاتحه سيف!!!......... حمدان توفا واليوم!!!!!

لويت على سيف ....وانا احاول اهديه .... صحيح سيف ربشه بس انسان وايد حساس
.....وخايف لاوفاه حمدان تأثر بنفسيته

راشد: استهدي بالله وادعي له بالرحمه
سيف وصوته مب مفهوم : والله شي علاج شقايل مات
راشد: سيف!!!! شو هالرمسه حرام استغفر الله وحط الرحمن بصدرك
سيف: استعفر الله
راشد: يالله نش يهز عمرك عسب نسير دبي

نش سيف بدون مقاومه .... غسل ويهه وتلبس .... ويوم حدرنا لتحت

خالتيه تشهق: بسم الله ولديه شقايل ويهك جيه
سيف يطلع من الباب: ماشي
التفت عليها قبل لا اطلع وراه: خالتيه ربيعه متوفي
خالتي: ولد منو؟؟
راشد: حمدان ال ....
خالتي: الساكن دبي؟
راشد: هيه
خالتي: واحليله وحيد امه هاي
راشد: هاي امر الله .... المهم خالتيه خبري شمه اني مارمت اخذها لان كنت مستعيل ... فأمان الله

سرت عنها لسيارتي الينتظرني حذالها سيف.... توكلنا لدبي وسيف طول الوقت ساكت وماله حس .. الي يطالعه يقول مستحيل هاي سيف الي نعرفه ونعرف روحه المرحه ... احترمت وضعه وسكت انا الثاني لين ماوصلنا
كلمت حميد عسب اتأكد انهم ماخلصو دفن وسرنا صوبهم ......

.............................. .....

.............................. ......

,,الصلاه على الميت يرحمكم الله,,,

دمعت عيني عليها.... يالله شكثر قاسيه هالجمله.......
احس بوحشه تمشي حولي..... منظر ابو حمدان يكفي الوحشه كلها بويهه.... الي يطالعه يحس ان هالريال فاقد روحه واقف حذالنا بجسمه بس روحه خلاص تعتبر ويا عالم الاموات
بعالم حمدان .....

بلحظه وحده.... مر كل شريط الذكريات قبال عيني

.................
المدرس: وين كتابك ياحمدان؟؟؟؟
حمدان والتعب على ويهه وبصوته المزجوم: مادري استاذ شكلي نسيته
المدرس: يالله وقف على ريلك اشوف
سيف يقاطعه ويحط كتابه حذال حمدان: لالا استاذ انا كنت ماخذ كتابه ونسيته عنديه
المدرس: وانت وين كتابك عيل؟
سيف يجذب: احم نسيته
المدرس: يالله وقف عيل
سيف يطالع حمدان ويبتسم : ان شاء الله
.
.
.
............

سيف: والله ماحب الدراجات
حمدان: انت اركب ويايه وبتحبهم ان شاء الله
سيف: وابويه عليك
حمدان يسحب ايده: تعال

يركب سيف... وحمدان يسرع عسب ينقع بسيف الزايغ

.
.
.
.............

سيف: ههههههههههه عنلاتك تتوقع اصلح مطوع؟
حمدان : ههههههههه اي مطوع بدون لحيه خخخخخخخ
سيف: خسك الله قوم بس قوم خلنا نحوط شوي بهالشوارع نشوف لنا جم غرشوبه نغازلها
حمدان منكس راسه ومبتسم بخجل: والله ياسيف بدقيقتين قلبت خوفي امل والله احبك ياريال
نعس سيف عيونه اونه متأثر : تزوجني؟؟؟؟
حمدان ناقع ضحك ويضربه على راسه: هههههههههههههههههه الله يخسك ياخي يالس اعبر عن مشاعري وانت تطنز
.............
.
.
.
( سيف مابتحمل الجنازه وياهم؟)

التفت على راشد النبهني من شريط الذكريات : اكيد

سرت صوب الجنازه وحملت صوب منها على كتفي والصوب الثاني على كتف حميد
..... شو شعور الواحد يوم يحمل جنازه ربيعه على كتفه؟؟؟....
شعوره مثل ان يحمل روحه نفسها.... لحفره صغيره!!!
.... قبل كم يوم كان الأمل بعينه مرسوم.... مادريت ان امل للموت!ب امل للحياه

(بسم الله وعلى سنه رسول الله....... بسم الله وعلى سنه رسول الله)

كلمات رددناها ونحن نزله لقبره...... قبلت جبينه قبله وداع .... ودموعي تغسل ويهي
... ماتحملت اكثر عن جيه ..... وبعدت عنهم يوم حصلتهم ينثرو التراب عليه

.............................. .....

شمه: خالوه شقايل سار!!!!
امايه: حمدان ربيع سيف توفا وسارو لدفن

الريم شرقت بأكلها ... التفت عليها بسرعه ويودتها الماي....حليلها اكيد تذكرت وفاه عمي وامها
ابتسمت لي من ورى قلبها ونشت من على الاكل... الله يعين كل مابنذكر وفاه حد بتيلس تتأثر جيه ... متى تنسي يالريم؟!!!!

التفت على امايه: حليله سيف اكيد تأثر
امايه: ... ذاج اليوم توفى يارنا ويلس يبجي عليه والحينه ربيعه المتوفي شقايل مايتأثر
شمه: حليله الله يصبره والله ماروم اشوف سواف بحاله شرات جيه فوادي يويعني عليه
عفرا: الله يصبره

غمضني اخويه اكثر عن الميت.... لان الميت راح لرب العالمين... بس اخويه من النوع
,,اضحك بسرعه بس ابجي اسرع,,, طالعتو شقا يضحكنا وينقعنا ضحك؟.؟؟ .... شرات مايويع قلوبنا يوم يتوفا حد او يزعل على حد
.... نشيت وانا اشل الاكل عن الطاوله .... التفت على شمه اليالسه تساعدني!!!!!!!!

عفرا: سبحان الله بتكتب بالتاريخ
برطمت: حتى لو بتسنع تحطموني
عفرا: هههه امزح معاج نغير جو بعد هالخبر الكئيب
شمه وهي تدخل المطبخ قبلي: تدري مابسير دبي مابا اشوف سيف
عفرا: بعدج تذكريه يوم توفا عمي؟
شمه: وذاج اليوم ينسا؟؟... كل ماتذكر دخلته للبيت وقلبي يويعني
حطيت الصحون بالمطبخ: يارب يصبرك يا اخويه
شمه : آمين

انتشر الخبر بالبيت..... وبعد كم ثانيه تيهز ابويه وتوكل على دبي.... هم سهيل حب يسير بس ابويه ماطاع لان ماشي ريال بالبيت.......
روضه: خلاص الغالي باجر انت سير
سهيل يلس على الارض وهو يطالع بشمه التقطع ويايه سلطه خفيفه!!!!: امم ان شاء الله يكون في وقت باجر
روضه: شي وقت لاتخاف
سهيل : لمنو هاي السلطه؟
شمه: حقنا
عفرا: قالت حقنا يعني ماشي لك
سهيل: حلفن بس
شمه: والله
عفرا: بس هاي الي ماتصدق على الله تسمع طاري الحلفان مايوز
شمه: اقول عفرا عقوله اهل السعوديه لالالالايكثر هرجك بس
كملت وياها بالرمسه السعوديه: اقول انتي بس الي لايكثر هالهرج قطعي لا اقطع لك ذا الوجه
سهيل يمشي ويانا على الموجه: اقول انطمي انتي وياها بس انطمي ....لا اجي وادوس بذا البطن حقكم
التفت عليه: ليه تراك مصختها بالمرره<<< غصب ابا ادخل كلمت بالمره عسب تثبت رمستي انها سعوديه ههههههه>>>
سهيل: بالحيل مصختها
روضه: هههههههههههههههه جني يالسه بمسلسل سعودي
شمه : فديت رمستهم وايد احبها
عفرا: انا احب رمسه هاي اهل جده اويل حالي يوم يقولو .... ايوا يابويه.....( وحولت عيوني )
شمه: ههههههههههه ذكرتيني بفؤاد البطاش مطاش
عفرا: هههههههه مادري شقا هالكلمه احسها مرتبطه بفؤاد
سهيل: لانج ماحفظتيها الا منه
روضه: انا احب رمسه هل الكويت يوم يقولو امبيه
سهيل: هههههه خلاص بخبر جسوم مايرمسج الا كويتي
عفرا: انا عيل خبر سلطان يرمسني بحريني
سهيل: ههههههههههههه اتخيل سلطان يرمس بحريني( ويثقل لسانه شراتهم) اني من المحرق شخبارش عاذاري
عفرا: هههههههههههههههه ابد مايناسب على سلطان الرمسه البحرينيه
روضه: ماتلاحضن ان اسم عذاري مشهور عندهم احسه وايد يسموه
سهيل: هيه يمكن من الاسماء المفضله عندهم
عفرا: وهل السعوديه احس اسم منيره اكثر اسم عندهم
شمه المعروف ميولها لاهل السعوديه مسبقا: خلاص عيل بسمي بنتي منيره
سهيل: ومنو قالج اني بسمي بنتي منيره؟
شمه: مايخصني ابا اسمي منيره والبنات الباقي سمهم على كيفك
سهيل: ليش شما نحن بنيب كم واحد
شمه: بس 10
الكل: حشى
شمه تتفل: بسم الله منكم لالالا شكلي بستوي عقيم
امي :بسم الله عليج امايه لاتفاولي على عمرج بهالرمسه...


.............................. ..........

.............................. ..........

هذا اليوم الثاني من وفاه حمدان... وسيف ولا لقمه دخلت بحجله
تعبني وياه وايد ... مايرمس الا بكلمه ولا كلمتين
... والي أثر بنفسيته زود يوم عرف ان حمدان ماكان بأبو ظبي اصلا.... اخر يومين كان منوم بالمستشفى لان المرض سيطر على جسمه ... وبذاج الوقت عرف بو حمدان بموضوع مرض ولده ... بس ماشي فايده لان يومين وراح حمدان لرب العالمين .....

اليوم سيف حالته لله مزجوم وتعبان ..... ومافيني ايلسه من رقاده
خله راقد احسن لان اعرف ان نش بسير بيت بو حمدان..... وهاي اخر يوم للعزا يعني ماشي ناس وايد خله يرتاح احسن له.... لان باليومين الي قبلهم ماكان يلس دقيقه وحده على بعضها يا واقف حذال بو حمدان يستقبل العزا او اي يساعدنا انا وحميد ربيعه بتضيف المعزين

( عمر سار اليوم عنا)

التفت عليه وحصلته يحاول يعدل يلسته بس التعب اقوى منه وخلاه يرد يتمد على الشبريه.... سرت صوبه ويلست حذاله .... مديت ايدي وحطيتها على يبينه وحصلته حار....
الريال يالس يهلوس ويخربط بكلامه .... نزلت لامايه بسرعه وهي من جهتها يات للغرفه بكمادات بارده .... فصخته ملابسه بدون مقاومه من سيف لان اصلا مب ويانا ابد
... يلست تكمد جسمه وهي تسمي عليه...

امايه: بسم الله عليك بالرحمن الرحيم
راشد: امايه اشله المستشفى؟
امي: ان مانزلت حرارته بتشله
راشد: امايه تراه من مساع يخربط بالرمسه
امي: هيه يهذي بمرسته من زود الحراره .... الولد متروع

التفت على سيف وناظرته بعيني الزايغه.... ماروم اطالع سيف بهالمنظر.... وين حيويته بالدقيقه الوحده مايلس بمكان واحد.... والحينه ممد ولا حاس بعمره
.. بعد كم ساعه دخل علينا سلطان بلبس دوامه ...

سلطان بهمس: السلام عليكم
راشد: وعليكم السلام
سلطان: شو بلاه سيف جيه؟
راشد: مادري شكله بتيه الانفلونزا
سلطان: شو حال نفسيته الحينه؟
راشد: على حالها ماتغير شي
سلطان: شله المستشفى مب زينه الحراره
امايه يأست: حرارته شكلها مابتنزل خذه للمستشفى لايستوي بالولد شي

نشيت وتلبست وطلعت ويايه كندوره لسيف تلبسها له امايه ..... سرت اشغل السياره ...
وبكل سهوله وخفه حمل سلطان سيف ويابه لي لسياره

سلطان: يوم توصل المستشفى خلهم يشلوه بالكرسي مب تمشيه
راشد : ان شاء الله


توكلت للمستشفى ... وسو الازم ... ابر .... مغذي .... ادويه
وسيف بطول هالوقت مب حاس بعمره .... شي عمر وشي محمد وشي عبدالله
.... وبعد جم ساعه تحسنت حالته يبطل عينه على الخفيف ويرد يرقد...
... طلعت عن الطوارئ يوم ياني اتصال من سهيل...

سهيل: افا يعني تعبان وايد؟
راشد: هيه على الاقل الحينه احسن عن قبل
سهيل: نحن اليوم بني دبي امايه تبا تطمن على سواف ومنها تتشرى لاثاث البيت ولعرس رويض
راشد: هيه انتبه لاتخبرها بشي لان امك يوم تتصل على امايه عسب تطمن على سيف دوم تخبرها ان بخير عسب لايزيغ قلبها
سهيل: هي بروحها تحاتيه.... ان شاء الله مانوصل دبي الا اهو بخير
راشد: ان شاء الله.... يالله سهيل ماروم اخلي سيف روحه يالله مع السلامه
سهيل: بحفظ الله سلم لي عليه
راشد: ان شاء الله

سكرت عنه ورديت لسيف وحصلته شرات ماكان راقد ومب حاس بشي...... اذن المغرب وسرت اصلي بالمسيد .... يوم رديت الحمدلله حصلته يالس بس كان سرحان ومويم

ابتسمت بويهه: الحمدلله على السلامه زيغتني عليك ياريال
سيف بصوته المزجوم: الله يسلمك
يلست حذاله على الشبريه: شحالك الحينه؟ ان شاء الله احسن
فر ويهه علي: شقايل مايلستني عسب اسير العزا
راشد: الله يهداك شو تسير لو كنت بتيلس كان حسيت يوم شلك سلطان لسياره ...كنت تعبان وايد
سيف: شلني سلطان؟؟!!!!
راشد: هيه كانت حرارتك وايد مرتفعه حطت لك امايه كمادات بس ماشي فايده
سيف يهمز جسمه: احس يسمي كله مكسر
راشد: اهمزك؟
سيف: لا ابا اطلع الحينه ......دخيلك مالي بارض للمستشفى
نشيت عنه: طيب انا بزقر الدكتور وهو يقر

سرت عنه للدكتور .... ويا فحص على سيف والحمدلله طمني ان بخير ...
طلعنا من المستشفى وتركت سيف روحه بالسياره عسب اسير اخذ الادويه المطلوبه

سيف: شقا اخذت ادويه تعرفني اني مابكل شي منهم
شغلت السياره اتوكل للبيت: ومنو قالك انك مابتاكل شي منهم

سكت عني وفر ويهه الصوب الثاني دلاله على انه مب رايم على المضارب...... وصلنا البيت واستقبلتنا خالوه الي يالسه على اعصابها ... يودت سيف ولوت عليه

خالتيه: فديتك امايه ان شاء الله بخير خبرني شو قال الدختر؟
راشد: خالتيه شوي شوي على الريال ... هاي بدايه الانفلونزا يوم ياكل دواه ان شاء الله مابيه شي
خالتيه تلف ايدها حول سيف : عظم الله اجرك فديتك بربيعك
سيف دمعت عينه شرات كل مره يوم يعظم حد اجره ..... رد عليها بصوت مبحوح: اجرنا واجرج
خالتيه: فديتك هو سار للرحمن ادعيه له بالرحمه ترى الدموع ماتفيده قوي عمرك يالغالي
سيف: ان شاء الله

تركنا خالوه التراقب سيف وهو يصعد...... حصلنا الجيش كلهم متفيزرين فوق .... يوم حدر سيف انطرمو وسكتو وهم يطالعوه بنظرات غريبه؟!!! ومن صوب سيف تأف ودخل غرفتي

فريت ويهي عليهم وانا كاتم ضحكتي على اشكالهم: مالت عليكم شقا تسكتو مره وحده جيه
سهيل: حشى حتى مايعطي فرصه نعظم اجره
راشد:لاتعظمو له الاجر بروحه مب طايج عمره وكل ماحد يعظم له دمعت عينه خلاص رحموه يكفي اليومين الي طافن
عفرا وشوي بتصيح: راشد شحال نفسيته؟
راشد: بخير بس هاي ربيعه لازم بيتأثر شويه

تركتهم وسرت لداخل غرفتيه .....وحصلته يالس يطلع له كندوره

راشد: بتسبح شو؟؟؟
سيف: هيه ابا اتسبح بماي حار
راشد: لالالا سيف الدكتور قال بماي بارد
سيف مفول: استغفر الله بروحي متكسر شقايل بارد
راشد: انت تسبح بماي بارد ويوم تطلع بهمز لك جسمك

دخل للحما وهو يتأف... الله يصبرني على عصبيه سيف بهاليومين ... ماروم اقول حرفين الا طب فيني الله يعين..

.............................. ..........

.............................. .......

فولت من خاطري من عفير الحماره القررت تسير الفندق ويا خالوه وريلها

عفرا تلف ورق العنب ويايه: احس الوضع غلط انام بنفس البيت الي ينام به سلطان
فريت الملعقه حذالها: ياحماره قبل يوم سلطان بس ولد خالتج عادي تنامي ....ويوم استوى ريلج تقولي تحسي الوضع غلط
عفرا: حشىىىى خفي هالصوت عنبو طريتي اذني
شمه: بخبر سلطان عليج
عفرا: والله لو تخبريه قبل لا اسير بشنقج
شمه: يعني ياحماره تبي تسيري قبل لايرد من دوامه
شقت حلجها: طبعان
شمه: مالت عليج يمكن ابوج وامج يبو ياخذو راحتهم ماحيدج لزقه
عفرا: انطبي اون ياخذو راحتهم
شمه: مالت عليج
عفرا: يالله بس عن الرمسه الزايده وطالعيني شقا الف الورق وسوي شراتي عن لايتفك
شمه: سلطان وايد يحب هالاكله
عفرا: هيه من جيه سويتها عسب خاطره وخاطر سواف فديته
شمه: ياحماره انا السويته مب انتي
عفرا: وابويه خلاص انتي

نيهاهاهاهاها طبعا مب انا بالضبط السويته .... عفرا كانت فوق راسي وحطي هاي وسوي هاي والحينه يالسه تعلمني شقا الفه

دخل علينا راشد بالمطبخ وهو حايس بوزه: شو هالريحه الخايسه ؟؟؟؟؟
عفرا تكتم ضحكتها لانها تعرف راشد مايحبه: نسوي عشا
طالع راشد بالجدر: ويع دخيلكم جيس جيس بررجع البطني
شمه: هههههههههههههههه
عفرا: الله يخسك ويلوع جبدك
راشد: الله يلوع جبودكم انتو على هالاكله .... انا اول مره اشوف ورق وداخله رز .... باجر بيب لكم برسيم وسو به جيه
عفرا: ها لسواف لان يحبه
راشد يفج الثلاجه: صدقتج عفور
عفرا: والله والله لسواف مب بس سلطان
شرب ماي: امم لاتعبلي على عمرج ماتوقع سيف ياكل
عفرا: ان شاء الله من مات ربيعه وما اكل له شي؟
راشد يلس على الكرسي: عايش على الماي
عفرا: والحينه هو وين؟
راشد: هههههه يلست اهمز جسمه ودقيقتين حصلته راقد
عفرا: حليله فديته شكله تعبان وايد
راشد: هيه امايه تقول متروع مادري شو لان صدق ماينام دقيقه على بعضها دوم ينقز من نومه
عفرا: متروع!!؟
راشد: هيه هاي سوالف العيياز تركتهن الحينه وهم يفكرو بدوا ومادري شو
شمه: لالالا عيل الله يعين سيف يوم خالوه وامايه يخطون عليه
عفرا: لالا حرام عليج تراهم مايسو الا دوا شعبي
شمه: ما أؤمن بالادويه الشعبيه
عفرا: دخيلج عاده يالمأؤمن .... تراه صدق الادويه الشعبيه تفيد ... الريم قبل حالها ازفت من جيه بس مع الادويه السوتها امايه لها تحسن حالها بوايد
ضرب راشد على راسه وجنه متذكر شي: الا على طاري الريم شحالها؟؟؟ماشوفها
عفرا تبتسم بويهه: يالسه تسوي كيك بالمطبخ الثاني
راشد: أها ..... المهم اخواتي الحلوات انا شو عشايه؟
شقيت الحلج: برسيم

ضربني على راسي وهو طالع.... التفت على عفرا وانا اضحك

شمه: حليله اخويه
عفرا: غمضني بسوي له عشا خاص
شمه: عسب يدفنج سلطان
عفرا: تتوقعي؟
شمه: ونص بعد
عفرا تبتسم بخبث: عيل بخلي ريومه تطبخ له ..... نيهاهاها مب يقلون اقرب طريق الى الرجل معدته؟
شمه: ههههههههههه انتي شو تبي بهالاثنينه؟
عفرا: امم خاطريه يطيحو بحب بعض
شمه: يمكنهم طايحين وانتي ماتدري
عفرا: لالالا حبيبتيه ان يحبو بعض كان حسيت اهم الحينه ممكن اعجاب بس حب مستتحيل
ابتسمت بخبث انا الثانيه: نيههاهاها عيل نفذ الخطه
عفرا : ريوم
شمه: ريماني
عفرا: رمم رمم

ياتنا الريم وعلى ويها علامات التعجب والاستفهام ولدهشه وكل علمات الغه العربيه

عفرا شاقه الحلج: ريومه فديتج خلصتي شقلج؟
الريم :هزت راسها بالايجاب
عفرا: فديتج احنا الورق العنب بطول ويانا اروم اطلب منج طلب؟
الريم: هم هزت راسها بالايجاب وعلى ويها ابتسامه
عفرا: امم رشود مايحب الورق العنب من جيه نبا نسوي له امم شميم شو يحب اخوج؟
شمه: باشميل
عفرا: هيه باشميل

ابتسمت اكثر وسارت عنا تبدأ الطبق..... فريت ويهي على عفير وانا كاتمه ضحكتي

قربت ويهي من ويها وهمست: احلى احلىىىىىى بسير اخبره
عفرا: لالا مب الحينه يوم تخلص احسن
شمه: هع هع هع

اما نحن بعد دقايق خلصنا شغل .... وسارت عفير الحماره تيهز عمرها عسب تسير للفندق ويا قوم خالوه .... بالعلم ان ريوم ورويض بيرقدو فيايه بس عفير مستبقره هاليومين...

.............................. ......

.............................. ....

 
قديم 08-02-2011, 02:50 AM   #27

جود ي الحلوه


رد: رواية التبل إماراتيه روعة


رواية التبل إماراتيه روعة

الج 25زء



وقفت سيارتي حذال سياره العم اليالس ينتظر حد ...احم لازم بعد ابو العروس ينقال له العم
.. نزلت من سيارتي لصوبه عسب اسلم على خالوه وعليه....

العم: الحمدلله وانت شحالك ؟
سلطان: بخير الحمدلله يسرك الحال
خالتيه تنزل من السياره: شحالك الغالي
سرت صوبها احب راسها: يسرج الحال فديتج
خالتيه تضربني على كتفي وتضحك: اون فديتج تراني خالتك مب عفرا
سلطان: ههههههههه وين سايرين بهالوقت لاتقولي العين
خالتيه: لالا والله بنسير نرقد بالفندق بس نتظر هالخبله عفير اخرتنا

عفير بتسير الفندق!!!!!!!!!!!!..... ولاتخبرني هين هين .... ابتسمت بخبث وانا عارف سبقا النتيجه البتأديها رمستي

سلطان: افا خالوه ماتوقعتها جيه تخرب عليكم ليلتكم( وغمزت لها عسب تفهم علي اني مابا عفرا تسير وياهم)
خالتيه فهمت وابتسمت هي الثانيه ودخلت لسياره: هيه والله مالها لازم نحن بنسير عنها وانت خبرها يالله فديتك مع السلامه

سارو من صوب ..... ومن الصوب الثاني رديت اركب سيارتيه ودخلتها لداخل الحوش ...
نزلت من السياره وحصلت عفير يالسه حذال الباب ومنكسه عمرها شكلها تربط نعالها لو شي ....
سرت صوبها ونزلت جسمي على مستوى يلستها : ترى سارو عنج الفندق
شهقت: بسم الله بسم الله بسم الله
سلطان: هههههههههههههههه حشى بسرعه تيزغي
عفرا بويها المحمر: زيغتني وايد
حاولت اسوي عمري مفول لان المطالع بويها ينسيني كل شي: شقا ماخبرتيني؟
نكست عينها بالارض: لانك مابطيع
سلطان: اكيد مابطيع انا الأعرفه ان الي بوضعنا يحسبو الدقيقه عسب يقابلو بعض.... وانا زوجتي المصونه تبا تهرب قبل لا اي
نكست راسها: سوري
نشيت وانا اون حايس بوزي: وين اصرفها؟
نشت هي الثانيه: والله والله ماعيدها بس لاتزعل
سلطان: يعني الحينه انتي جيه تراضني؟
نكست راسها وهي تحرك ريولها: امم تقريبا

يودت ايدها وسرت بها لورى البيت عسب تراضيني على مزاجي: حد خبرج ان زعلي جايد؟
ابتسمت بويهي: لأ
سلطان: لالا والله عيل انا قلت لج الحينه
عفرا: سلطان خلاص والله ماعيدها بس استحيت من الرمسه الي بعقوها البنات علي
سلطان: مايخصني انا الحينه ابا حد يراضيني .... ترضيها علي اسير الشارع امسك أي بنت تراضيني؟؟
عفرا تشهق: رمستك خايسه
سلطان: خايسه من اليوم لباجر.... تبي ترضيني ( اشرت على خدي) بوسيني الحينه
عفرا: شو!!!
سويت عمري بسير عنها: عيل باي
يودتني: سلطان
حست بوزي: شو؟
ابتسمت بخجل:امم اذا سويت الي تبا متأكد بترضا؟
سلطان: هيه
قربت مني بس ظلت فتره ساكته....... مدت ايدها وضربت كتفي: طيب ماوصل لخدك انت وايد طويل
سلطان: ههههههههههههههههههه شو اسوي بج يالقزومه

مديت ايديني ورفعت جسمها عسب توصل لمستوى ويهي .... قفطت وفرت ويها الصوب الثاني

سلطان: وابويه تجذبي علي لو شو
عفرابدلع يخشع اصلي: لالا بس غمض عينك
سلطان:!!!!!!!!!!! شقا اغمض
عفرا: دخيلك
سلطان: ها غمضنا ( وغمضت عيني )

حسيت بويها يقرب صوبي ..... فتحت عيني بسرعه مايصير افوت الغطه هههههههه....
باستني على خدي ويوم انتبهت اني مفتح ضربتني

سلطان: هههههههههههههههههههههه اون غمض سيري له
عفرا: طيب خلاص نزلني
حبيت انقع بها : ماشي احلمي
عفرا: وابويه جني ياهل نزلني
سلطان: هيه وانتي ياهل عيل في حد بهالعمر وبهالخفه كلها
عفرا: تراني ثجيله بعدين بتويعك يدك وبتشوف

دلاله على خفتها حبيت اثبت لها هالشي وحملتها بأيد وحده شرات ماينحملن اليهال

عفرا: سلطان
خذيت كاب الدوام ولبستها وياه على راسها: نعام
عفرا: نزلني
سرت بها لجدام البيت ومديت كلامي شراتها: مابي
عفرا: دخيلك الحينه حد بشوفنا
سلطان: انا ريلج ويعه ريلج
عفرا : والله اعرف بس نزلني
سلطان : بس نوصل الباب بنزلج

نزلتها عند الباب وانا اضحك على ويها الزايغ ..... دخلنا لداخل وكلهم يطالعن عفرا بأستغراب
ههههههه اول شي اون بتسير الفندق والحينه قبالهم !!!!
وثاني الشي كاب الدوام على راسها وهي ناسيه هالشي!!

عفرا: بسم الله شقايل تطالعوني جيه
سهيل: ماسرتي شو؟؟؟؟
سلطان: لالالا شو تسير وانا هنا؟
سهيل يبتسم لي بخبث: انت عاده محد يروم عليك عيل مسرع مايت ومنعتها من الروحه
شمه كاتمه ضحكتها على عفور: الله عفرا تصدقي عاده القبعه على راسج وايد حلوه
عفرا اختفت ابتسامتها و رفعت ايدها تتحس راسها .... نزلت الكاب وحكت راسها بتوتر ... شوي وماشفنا الا غبارها من قفطتها

سهيل ناقع: هههههههههههههههههههههههه ماروم على شكلها
روضه: حرام قفطتوها وايد
خزيتهم: انطبن بس يالله لاحد يرمس على حرمتيه لا اي اصكه كف
سهيل: ياحممش
سلطان: الا وين امايه وراشد؟
سهيل: راشد ويا سيف فوق...... وخالتيه سارت ترقد
سلطان: هالحينه رقاد!!!؟
شمه: هيه
سلطان: متأكده ان رقاد ؟؟؟مايويعها شي؟
شمه: لا كلت دواها وقالت بتسير ترقد فيها رقاد
سلطان: أها.... يالله عن اذنكم بسير اتسبح

.............................. ...........

.............................. ...........

خلصت البأيدي وسرت اتسبح عن ريحه الاكل...... فرحانه وايد ان طلبو مني اطبخ واسوي طبق لراشد .... بالعلم اني فاهمه حركاتهم وعسب شو استوى هالطبق... بس لان راشد احسه مب من النوع ل يفكرو فيه من جيه مرتاحه وعادي عندي .... لان متأكده ان راشد مب من النوع الأقرب الى قلبه بطنه!!! ......
... بصراحه من بعد وفاه حمدان قام ايني شعور يديد .... مادري شو بس شعور اول مره احسه ..... الريال يالس بيته والله بلاه بمرض وخذا روحه..... وانا الكنت بالسياره وتقلبت فينا وهذا انا روحي وجسمي مافي اصح منهم....... من بعد هالحادث قررت وايد اشياء بعدين بتعروفها

خذيت ظرف صور شمه من شنطتي .... ونزلت لغرفه الطعام.... ابتسمت لي عفور واشرت لي اسير ايلس حذالها

سلطان يبا ينقع بشمه: احس في طعم غريب هالمره بورق العنب
سهيل: هيه حسيت انت بعد؟؟؟ تحسبت بس انا
سلطان: هيه تصدق زايغ لايستوي بنا شي
شمه بثقه: هاي لان مسويته بالسمك
سلطان وقفت الجمه بحلجه وقص : كح كح
نطت عفرا بسرعه ويودته الماي: بسم الله تجذب عليك ماشي سمك
شمه: اون طعم غريب يالوث انت وياه
سلطان: وابويه نمزح وياج خيبه صايره لنا حساسه
شمه ماده البرطم: مالت ... اكرهكم ( ونشت من على الاكل)
عفرا: خيبه زعلتوها حرام البنت وايد متحمسه وهي تطبخ
سهيل: والله كنا نمزح ماتوقعنا بتزعل !!!!! نحن نعق رمسات اقوى من جيه وماتزعل
عفرا: لالا البنت كل شي ولا ينذم طبخها .... امزح بكل شي ولا تمزح على طبخ البنت
سلطان: والله عادي طعمه ماشي فيه..... يعني اكيد هي حست ان ماشي شي شقا تزعل
عفرا: يمكنها شكت... انا بسير اطالعها

مسكت ايدها ... وابتسمت بويها على اني انا البقوم لشمه ..... سرت عنهم لغرفه شمه .... دقيت الباب ودخلت

شمه تبرد اضافرها بعصبيه: حياج
سرت ويلست احذالها وانا ابتسم بويها ....... مديت لها موبايلي بعد ماكتبت لها فيه

( لاتزعلي انتي ماحلو عليج الزعل تستوي تلوعي الجبد)

شمه: فديتج والله مازعلت بس ابا أأدبهم

ابتسمت بويها ومديت لها ظرف صور عيد ميلادها...... خذته من عندي وهي مستغربه ....شكلها نست ان شي صور لها عندي

شمه تطالع بالصور وهي فرحانه: شو هاي ابداع ريوم ابداع وايد...... ههههههههههه طالعي طالعي شقا امايه طالع شكلها بهالصوره....... ههههههههه ولا رشود بهالصوره طالعي شقا فاج حلجه....... مشكوره فديتج( وباست خدي) قولي لي بجم كل هاي؟

خزيتها بعيني وسويت عمري اني زعلت

شمه: لاتفهميني غلط بس واضح ان الصور متعوب عليهم فديتج

كتبت لها: تعبج راحه ضيعت وقت فيهم

ابتسمت بويهي وهي تشل الصور ... ويودت ايدي عسب نسير نجهز عشا راشد
يوم نزلنا نادها سلطان بس عطته بو الباس وسرنا للمطبخ ... خذينا العشا وردينا مره ثانيه لفوق عند غرفه راشد ... كانت ميوده ايدي وجني بهرب ... وتبسم لي بخبث.... ههههههه عارفه لشو كل هاي تتحسبني ماعرف حركاتها هي وعفور ....

فتح لنا راشد الباب وهو يحج شعره الطويل : نعم طويلات العمر ( فر ويهه صوبي وشق حلجه) اوه الشيخه ريم عند غرفتيه ياحيج والله تفضلي لاتستحي
كفخته شمه على كتفه: ويعه اون تفضلي ..... آآآآآآحم البنت تراها متعبله ومسويه لك عشا كسرت خاطرها يوم عرفت انك ماتحب الورق عنب ... قالت لالالا مايصير لازم اسوي عشا لراشد .. قلنا لها نحن لالا مب لازم راشد مايستاهل قالت لالالا انا حلفت

طالعت شمه بأستغراب اون حلفت هين ياشميم .... كفختها على راسها عسب تنطب

راشد يطالعني : الريم طبخت لي؟
شمه: هيه ومخصوص لك بعد يعني محد بياكل من هالاكل غيرك ( وتفر ويها علي) عادي ريوم ياكل منه سيف؟

هزيت راسي بإيجاب وانا اضحك على خبال شميم

شمه: زين اخويه قول لها مشكوره
راشد يغمز لي: مشكوره نردها لج بالافراح
شمه تمد له ظرف الصور: طالع بعد اخويه طالع صور عيد ميلادي
راشد يطالع بالصور : متى صورتي؟
شمه: هاي تصوير وتصميم الريم يالخبله
راشد يرفع راسه يطالعني: صدق!!!!!!!!!!!!!!!
شمه: هيه
راشد يفر الصور على شمه: دقايق ( وسكر الباب بويهنا)

دقيقه وطلع مره ثانيه وهو يمد لي صوره له ولسيف مع بعض: طالعي اباج تسوي لي هاي الصوره ابا تصميم يشق العين ... وابا عيني تخليهم سوده وسيف زرقا ترومي؟

هزيت راسي وانا اضحك على حماسه

راشد: يالله جلدي جلدي ( وخذا الاكل وسار به لداخل وسكر الباب بويهنا للمره الثانيه)

شمه تفر ويها لي: تحسي بالغفطه شراتي؟؟؟؟؟؟ .... حمار

ضحكت على هالاثنينه ... يذكروني بنفسي يوم اتضارب ويا خلي

.............................. .....

.............................. ............

ابتسمت بويه راشد اليرمسني بحماس

راشد: والله اقولك التصاميم شي مب طبعي هاي بنت عمكم ترا عليها مواهب وايد حلوه
سيف:.... أي صوره عطيتها؟
راشد: صورتنا انا وانت هايك الكبيره تذكرها؟؟؟ قلت لها تسوي عيوني سوده وانت زرقا ههههههههه
مارمت ايود عمري من يومه يحب ان عيونه تكون سوده: ههههههه طيب انت تبا عينك سوده شقايل قلت لها تلون عيني ازرق

راشد بدل مايرد علي .... قرب مني وباس خدي : فديتك والله لما ضحكت رديت لي روحي
سيف: حشى راشد شو شايفني
راشد: حرام والله انت ماشفت عمرك قبل يومين
سيف: ماني قليل ايمان لهادرجه ..... صحيح قلبي للحينه يويعني عليه بس هاي المكتوب
راشد: فديتك والله ....بس لو تكمل معروفك وتاكل زين
تمدت بيلستي: مادري احس مالي بارض للاكل
راشد: بذمتك ما انت جوعان؟
سيف: لا
راشد: سيف انت الحينه مريض يعني لازم تاكل عسب تاكل دواك
سيف: وانت الحينه مصدق الدكتور انفلونزا ومادري شو.... حراره وراحت لشو كل هاي
راشد: سيف عسب خاطري اكل لو لقمتين والله بتطالع عمرك جوعان وانت مب حاس
سيف: بشرط
راشد: شو؟؟؟؟؟؟
سيف: نتعشا ونطلع ... احس عمري مخنوق داخل البيوت
راشد: ماطلبت ولو تبي بعد مانرد البيت مره وحده عادي
مديت ايدي على الاكل: هيه عاده انت ماتصدق على الله
راشد: هههههههه هيه ابا اهيت على قوله خالتيه

كليت وكليت لين شبعت..... صدقه راشد يوم كليت لقمتين حسيت صدق بجوع فضيع شقا استحملته من قبل؟!!!!!!!!!!!!!!

.............................. .............

.............................. ...

مرت هالايام بسرعه لان تجيهزات عرس جسوم اربكتنا ونستنا اعمارنا......
امايه وشميم متعبلين وايد على هالعرس يعني ماقصصرن ....والريم وكلتها رويض عسب تصورها بالعرس والغريب بالموضوع الريم ابد ماعارضت!!!....... اما اخوي سيف تحسنت حالته لان وايد شغلاناه بروحتنا ويتنا وشوي شوي تحسن حاله بس للحينه مايضحك وايد شرات قبل ولا يعلق وايد يعني كلمه وكلمتين ........ العرس ومابقى عليه الا يومين والبنت حالتها لله ...زايغه ومب رايمه ترقد

شمه: يابنت الناس لشو زايغه لها الدرجه
روضه: بتجربي وبتعرفي شقا زايغه
عفرا: جسوم وايد طيب وحنون يعني بترتاحي وياه..... وغير جيه بتستقري يفترض انج فرحانه الحينه
روضه: مستحيل تفهموني
شمه تغمز لها: قولي زايغه من شي ثاني عادي لاتستحي ههههههههه
قفطت من رمستها: يالطفسه مالت عليج
عفرا: هههههههه حليلج يارويض
روضه: بتسكتن ولا شلون
شمه: خلاص وابويه ........... عفير شو استوى على فستانج؟
عفرا: باكر بي
روضه: سمعت الفستان لونه احممر؟
شقيت حلجي: هيه احمر اللون المفضل لسلطون فديته
روضه: وانتي ريومه بعد احمر؟؟؟؟
الريم: ابتسمت وهزت راسها بالايجاب

طبعا انا والريم شرات بعض ونفس الموديل .... موديلنا نوعا ما جريء وصحيح اشتطت عليه امايه بس روعه يكفي لونه الصارخ ....

شمه: رويض رقدي وراج حوسه باجر
روضه: تصدقن مالي بارض لهالحمام المغربي
عفرا: عن الطفاسه ويالله رقدي اون مالها بارض

تلحفت روضه بأستسلام... حليلها رويض ماتروم على المضارب ويانا وبسرعه تستلم
... فريت ويهي لشميم..

عفرا: انا بسير المطبخ تبن شي ايبه لكم ويايه؟
شمه: هيه ابا عنب

طلعت عنهن سايره لتحت المطبخ..... يلست ادور لي شي اكله ...
خذيت لي توست وعسل يمي يمي ويلست اسوي لعمري كافي....
البيت ماشي فيه حس امم سيف وراشد دوم برع ومايردو الا لرقاد وبس وامايه وابويه يرقدو بالفندق
اما سهيل حليله يلس روحه بغرفه سلطان لين يرد الغالي فديته من دوامه او يسير يكمل اللمسات الاخيره على مكتبه .. حتى قبل يومين خذاني انا وشمه اون عسب نختار الاثاث بس طبعا الذوق كله لشمه اما انا بس ديكور سايره وياهم ههههههه

( شو يالسه تسوي ام دواس بالظلمه؟)

فريت ويهي عليه وانا زايغه ... وابويه على هالريال دومه يزيغني

عفرا: انا ام دواس؟
يا صوبي: عيل في حد ياكل بالظلمه ؟
عفرا: مابا اخسركم
سلطان يرفع ايدي لحجله وياكل من التوست: امم شو فيها؟
عفرا: ههههههه ماشي بس عسل
سلطان: عيل شقايل طعمها لذيذ جيه؟
عفرا: هههههه مادري
سلطان: يمكن من صبوعج( قال هالكلمه وعض لي صبيعاتي)
صرخت على خفيف: آآآآآآي
خاز ايده عني: امم شحالها عروسكم؟
عدلت شيلتي: بخير بس زايغه شوي
سلطان يأشر: في هالصوب شعر غطيه عني
عفرا: هههههههههه
مد ايده وسحب الشيله عني وهو حايس بوزه: الحينه يالسه تعدلي شيلتج عني؟ انتي متى بتعودي على اني انا ريلج؟
عفرا: لالا مب جيه قصدي بس متعوده انا على الشيله وغير جيه فضيحه يمكن يدخل راشد لو شي مايستوي
حرك صبوعه بداخل شعري وهو يقاطعني: عفرا
من اسمع اسمي على لسانه يزيغ افادي:آآآ هلا
سلطان: غيري لون شعرج
طالعته بسرعه: لونه مب عاجبك؟؟؟؟؟
سلطان: هيه......... انا احب الشعر الاسود.... وانتي شعرج بني
صحيح قالها لي بأسلوب مب حلو بس مامنعت شفايفي من الابتسامه: امم ان شاء الله
سلطان: يعني بتغيري لونه؟
هزيت راسي بالايجاب
قرب راسه وحبني فوق يبني: احبج يوم تسمعي رمستي
عفرا: وعساه ما اي اليوم الي ماسمع فيه رمستك
سلطان:فديتج
نزلت عيوني للارض وانا مقفطه : وفديتك انا اكثر
سلطان يمط شعري: لا فديتج انا اكثر
عفرا: لا انا اكثر
مط شعري زود: انا اكثر
عفرا: آآآآي خلاص انت انت اكثر
حرك شعري بحركه عشوائيه: هيه خلج جيه ..... يالله فديتج انا بسير ارقد
ابتسمت بويهه: في حفظ الله
سلطان يقرص خدي: في حفظ الباري

سار عني وانا اراقبه بعيني.... فديت هالانسان يوم اقول احبه شوي عليه ...

.............................. ...........

.............................. .................

ياصباح الله خير على هاي الوجيه التلوع الجبد .... فلبينو وهنديات الصالون....... حلاتها اصبح بويه سهول بس فديته الغالي راقد
فريت ويهي لرويض: ها العروسه تحسي بأنتعاش بعد الحمام صح؟
روضه: هيه والله ماتوقعت جيه
شمه: هههههه قلت لج مابتندمي بس انتي ماتحبي تجربي
روضه: مثل ماقلتي ماحب اجرب
شمه: الله يعنيج الحينه ظهرج بيتكسر وهم يحنوج
روضه: هيه الله يعين .... تاخرت وايد مو؟؟
طالعت الساعه: هاي متى ناويه تحنيج.؟؟؟ هاي حنايتنا بدت عفرا وانتي للحينه هالبقره مايات
روضه: على طاري عموه شقايل صبغت شعرها اسود ؟؟
شمه: هههههههه هاي عمتج زل عقلها من خذاها سلطان
روضه: ههههههههه حليلها
شمه: تقول سلطان قال لها غيري لونه
روضه: صدق؟!!!!!!!!!!!!!!.
شمه: ههههههههههه هيه
روضه: مشاء الله على اخوج مابعد يعرس وهو يتأمر عليها
شمه: شوفي الريال يستوي جيه يوم يحصل المره تعيطه ويه وعمتج مامقصره هههههههههه
روضه: حليلها عموه الله يوفقها من يومها مطيعه

يات حنايه روضه ... ويلست حذالها شويه اساعدها ان تبي شي ..... لين مايا دوري بالحنا
... حتى ام جسوم وخالوه يونا عسب يتحن .... خالتيه احتشرت ماتبا شراتنا اما ام جسوم من النوع الشبابي تعيبني هالانسانه انيقه وايد ....دخل مزاجها الحنا وعيبها .... على الساعه 9 خلصنا ويانا سواف فديته يشلنا

سواف محتشر: الله يخسكن على هالريحه
خالتيه: شو بلاك ريحه الحنا ريحه الجنه فديتك
سواف: اذا هاي ريحه الجنه مابا ادخلها
عفرا: هههههههههههههههههه خيبه
روضه: فديت الغالي خلك كول عقولتك
شمه: ها هاي طلب من العروس بعد ماتروم تحتشر
سيف: عسب خاطرها والله..... اما انا ماحب اركب حد متحني بسيارتيه لاتخيس
روضه: تسلم فديتك بس الغالي انا عنديه طلب..... اباك انت تدخلني ويا الشيخ سهيل
سيف: لالالا وابويه شدخلني انا على الحرمات ماحب
روضه بصوتها المكسور: فديتك الغالي تدري مماشي ابويه ولا اخويه هزاع
فر سيف ويهه عليها: وحياتج ادخلج وارقص حذالج بعد امرري انتي
عفرا: لالالا تأمر ولا شي طالع الدرب لاتنفذنا ........ابا اعرس انا بعد
روضه: هههههههههههههه خيبه هاي المشتطه على العرس
خالتيه: فاصخه الحيا والمذهب
عفرا: بسم الله كليتوني ماقلت شي هاي حلم كل بنت تعرس مب بس انا

وصلنا البيت ومامدى نزلنا من السياره الا وحشرها سيف عطر هههههههه.... عكس سلطان اخويه الي يوم شاف عفرا غطا ويهه بأدينها هالشي الي خلاها تغفط حذال الجميع

خالتيه: ههههههههه هاي سيف محتشر ان خيسنا سيارته ريحه لو نعرف انك تحبها كان خليناك تي تشلنا
سلطان وهو مازال يشم: شقايل مايحبها ريحته وايد حلوه
راشد: بسك شم الي يشوفك تشم هروين
سلطان يعند ويشم زود: فديت هالريحه وراعيتها
راشد: امايه انا بنحرف بسبه ولدج .... تراني دوم اشوفه ويا عفرا بوضع مخل للادب
امايه: هاي ريلها شو بعد مخل للادب
راشد برمسه يهالوه: مالبست فستان ابيض يعني مب ريلها
شمه: ههههههههههههههه
راشد: امايه صدقي ترى ان باكر شفته جيه وياها صدقي بسير اعرس على أي بنيه حتى لو سيلانيه
سلطان:سيلانيه..... سودانيه ....... اهم شي بالحلال ياريال
سيف ينش: استغفر الله .....والله انكم طفسين
سلطان: سيف ناقصك حجاب
خزه سيف وصعد لفوق ......
فر سلطان ويهه على راشد: ماتلاحظ ويايه ان النسيب صاير ثجيل دم؟ ماحيده جيه
راشد: ياريال على الاقل الحينه يبتسم خلها على الله
امايه: عفرا الفساتين يابوهم ... وخذتهم البشكاره لفوق
عفرا: صدق؟؟ يالله نشن بنات
مسكها سلطان: وين؟؟؟
عفرا: بقايس الفستان
راشد: يلسي ياحرمه الريال للحينه ماشبع
فلعته عفرا بالمخده وهي مقفطه: انطب

نشينا سايرين لفوق ..... كل وحده يلست تقايس فستانها ورويض يالسه اون تطرح ارائها علينا .... طبعا ريوم فستانها طلع واسع لان واضح ان وزنها نزل الفتره الاخيره.... فامضطرين نرده مره ثانيه لانها حليلها تكدر خاطرها يوم طالعته على جسمها وهو جيه...




شمه: لاتكدري خاطرج الحينه نسير نرده
عفرا: هيه ماتوقع الحينه تسكر المحل
شمه: حتى لو تسكر نسير عند أي خياط ثاني اهم شي من هالصوب يتضوق ويطلع حلو
عفرا: هاي من زود الاكل نزل وزنها
شمه: ههههه اوكي سيري لسواف خبريه
عفرا: لالالا وابويه يكفي مهازب مساع .... شو رايج نخلي راشد( وتغمز لي)

شقايل مامر على بالي نيهاهاهاها..... سرت لراشد وخبرته ان نبا نسير للمحل ... بالبدايه احتشر بس لما خبرته ان ريومه اهي الفستانه واسع نقز بسرعه وشغل السياره!!!!!!!!!!
بيني وبينكم قمت اقتنع ان ممكن يكون بين راشد وريوم حب؟ ولا شو رايكم؟

.............................. .......

.............................. ............
ايدي تويعني وجسمي احسه كله متكسر ... بس لما خبرتني شميم ان ريوم اهي الي تبا تسير .... ياني نشاط و ماشافت غير غباري
ركبن ثلاثتهن وهن مبتسمات .... عفير وشميم نظراتهن وابتسامتهن فيهن شي ..... اما الريم متعود على ابتسامتها هالحلوه

راشد: خير الشيخات اشوف من ورى هالنظرات مغزا
شمه: ماروم عليك يالمغزا اونك مثقف
حركت السياره: دارس برع ياحماره واوني مثقف
شمه: ماشوف فايده من دراستك برع هاي انت ناقع بالبيت
راشد: اخذ قسطا من الراحه
شمه: اخويه انت لازم تشتغل عسب نفرح فيك
راشد: شلون يعني تفرحي فيني؟
شمه: يعني نعرسك
راشد: اول انتي عرسي ويا سهيل بعدين عرسي غيرج
كفختني على راسي: قول له هالكلام مب تقوله لي
راشد: يعني انتي ودج صح
شمه: عيل شقايل وافقت
راشد: وابويه نصابه جذابه ذاج اليوم تقولي لي محد رمسني بموضوعه والحينه شقايل وافقت
عفرا: ههههههههههههههه صادوه صادوه
شمه : انطبي ويعه ان شاء الله
راشد: يوه قفطوها
شمه: بتنطب لو افتح الباب واعق عمري
راشد: غايتيه والله تعقي عمرج
شمه: اف يقهر ياناس
لبستها وطالعت من الجامه الياسه تضحك علينا: وانتي الشيخه الثالثه شقايل فستانج واسع
عفرا: لانها وايد تاكل
راشد: هيه مسببه ازمه اقتصاديه وابويه عليج خفي من هالاكل مب زين عليج جيه
عفرا تطالعني بنظرات غريبه وترمس الريم: فديتج ياريوم انا متأكده بعد عرس جسوم يوم يشفونج الحرمات بي نصيبج اليوم الثاني
شمه: هيه منو اصلا يروم يقاوم يطالع الريم ولا يتمنى يخطبها لأخوها ولاعمها ولا خالها

.... بعد هالكلام ماسمعت شي..... لان عقلي سار لبعيد.....
ممكن الريم اي نصيبها وشلها عني بعيد؟؟؟........ مستحيل انا احس هالبنت روحي متعلقه فيها مابا تبعد .... مابا حد غيري ياخذها .... احس نفسي مسؤول عليها مابا حد يتولى هالمهمه غيري..... مادري احس عمري مكتوم اوف بأختصار احس مشاعري تضاربت من بعد هالرمسه......

.............................. ....

.............................. ..............
من عرف اني بدخل ويا العروس على الحرمات ........سحبني على اقرب صالون حلاقه

راشد: الي يطالع ويهك يقول طالع من سجن كان محكوم عليك فيه مؤبد

طالعت بويهي قبل لايبدا الحلاق ....صدقه الريال شعري طول عن قبل وصار وايد حتى عارض طلع لي وانا الي ماعمري طلعته

راشد: اسمع اباك تسوي شعره سبايكي انطب هاي حتى انا بسوي جيه
سيف: لالا قول له يقصه ماباه طويل
راشد: انطب

انطبيت عقوله راشد واستسلمت للحلاق ...... يلس راشد يخربط على الحلاق ويرمس وياه.... ويوم خلص انصدمت من النتيجه!! اول مره اطلع بلوك جيه!!!

راشد: آه يالجلب انا طحت شقايل القراشيب البتدخل عليهم
سيف: مابا حد يطيح ابا يقصر من طوله ماحب شعري ينزل على ويهي جيه
راشد: انطب
سيف: خلالالالالالاص كليتني بهالكلمه انطب وانطب
راشد: يالله نش بس نش يا دوري

نشيت من على الكرسي وانا مب مقتنع بس هاي رويشد محد يروم عليه ...
خلص راشد وردينا للبيت عسب نتسبح

امايه: شقايل تتسبح بنتأخر فديتك
سيف: امايه يعني تبيني اسير جيه؟؟؟
امايه: طيب اسرع فديتك مابا اتأخر
سيف: والبنات ياهزات مابا انتظر حد
امايه: البنات بسيرن ويا راشد
سيف: يمكن راشد يسير ويايه
امايه: لالا راشد خبرته خالتك انه يشل البنات فياه يالله فديتك لاتأخرنا انا وخالتك
سيف: ان شاء الله

سرت عنها لفوق اتسبح ... وكان كل شي ياهز سابقا من راشد ههههههه هالريال اشك انه حرمتيه حتى فوطه ميهزنها حذال ملابسيه

سيف: يعني انت متأكد تبنا نلبس بدل؟
راشد: هيه شو فيها
سيف: انا اتوقع ابويه بيقطع رقبتيه
راشد: ههههههههههه لا مابيروم يرمسك حذال الريايل
سيف: الله يخسك انت الي بتودينا بداهيه
راشد: بس يالحمار انت بتسير قبلي خاطريه ندخل مع بعض عسب يشكو ان نحن توأم
سيف: هههههههههههههه دخيلك يالتوأم ماشي شي فيني يشبهك ابد .....طلع شي واحد بس
راشد: طيب ادخل تسبح قبلي يوم انك بتاخذ العيايز

سرت عنه وتسبحت ويهزت عمري.... ويوم خلصت توكلت للعياز الينتظرني حذال السياره
ههههه صدق حريم حشى عليهم مايرومو على الاعراس!!!

.............................. .............

 
قديم 08-02-2011, 02:51 AM   #28

جود ي الحلوه


رد: رواية التبل إماراتيه روعة


رواية التبل إماراتيه روعة

الج 26زء




.............................. .......

( والله ان سرتي ويا راشد بذبحج)

قلت هالجلمه وانا اكلم عفرا بالفون

عفرا: وابويه عيل بسير ويا منو؟؟...... سواف شل امايه وخالتيه ...وسارو من وقت
سلطان: انا بالطريج دقايق وبوصل.......... اشلج انا
عفرا: جيه بسيرن البنات قبلي
سلطان: وشو فيها يعني
عفرا بنبره دلع: سلطوني
سلطان: لأأأأأ قلت لج ياي بالطريج..... خلصت دوامي
عفرا: ازيغ بروحي يالسه بالبيت
سويت عمري معصب: عفير
زاغت: خلاص خلاص بنتظرك
كتمت ضحكتي ويلست اتأمر عليها: سيري غرفتيه واختاري لي أي كندوره على ذوقج واكويها لي على ما اوصل زين؟
عفرا بيأس: زين ... سلطوني تراهم سارو عني ومحد بالبيت.... زايغه ....لاتأخر
ابتسمت بخبث: محد ابد بالبيت؟؟
عفرا: هيه حتى البشكاره شلوها
سلطان: حلو
عفرا: شو الحلو
سلطان: ماشي يالله سيري اكوي الكندوره عن لانتأخر
عفرا: اوكي باي

سكرت عنها
وكملت طريجي للبيت وانا اتبسم على افكار تراودني...... يوم وصلت البيت سرت صوب غرفتيه وحصلت باب الحمام مفتوح وميهز لي كل شي ... فوطه... شامبو... ماي دافي ..اويلي عليج ياعفير ... يلست اتلفت ادورها .. وينها كل هاي تكوي كندوره؟ .... سرت للماي الأغراني وتسبحت تسبوحه معتبره.....
طلعت من الحمام بعد ماخصلت وانا الف الفوطه حولي..

لحظه!
لحظه
لحظه
فديت هالطول انا ههههه اليسمعني من طول عفورعاده
.....يالسه تبخر كندورتي ومامنتبه لي لانها عاطيتني ظهرها
بس ياجماعه مب جنه شعرها مستوي فحم اسود؟؟؟؟؟
سرت صوبها بهدوء عسب لاتنتبه لي .... ومديت ايدي الفها على خصرها

سلطان: شو ها
عفرا وايديها على قلبها: بسم الله ياربيه انت دوم تزيغني
طالعت شعرها بتدقيق: شو هاي؟
عفرا مرتبكه من نظراتي: ماعيبك؟
سلطان: شو ماعيبني .... يابنت الذينا طالع احلى عليج الاسود

قفطت من رمستي لاني يلست اتمدحها وماسكت ... لاني صدق كنت مبهور من الخاطر بلونه مستويه احلىىى به ومفتح لها لون ويها اكثر عن قبل يعني بأختصار
حلوه حلوه حلوه

عفرا: خلاص عاده سلطان اقفط تراني من رمستك
سلطان: فديتج
نزلت عينها مستحيه: شكرا

قربت منها زود ومديت ايدي افتح معاقم عباتها
.... يوم خلصت ....مدت ايدها بسرعه تيود عباتها عني... هالشي خلاني اصر اشوف شو تحت هالعبايه

طالعتها بنص عين: شو لابسه؟
عفرا بعينها الزايغه: آآآآ فستان
سلطان: عيل شقايل ماتبغي اشوف
عفرا تسكر معاقمها: آآآ مب جنه تأخرنا؟

مديت ايدي وسحبت عنها العبايه
.......... احمر!!! ........ احمر ياعفور؟!!! لالالا انا ما أروم اكثر عن جيه
طالعتها وانا مبهور .... الفستان كان قصير وايد وعاطيها شكل طفولي اكثر .... وشعرها الاسود الكاسر للون فستانها معطيها شكل اغرائي ........ قربت منها اكثر وهي تبعد عني زايغه ...... في ساعات نسيت نفسي فيها وتعديت الخطوط الحمرا ....
بس للاسف ماشي حد نقذها من ايدي غير دموعها وصوتها اليترجاني ..... بعدت عنها وانا اسحب نفس عميق .... لو مابا ثقتها فيني تنهدم جان محد نقذها مني لو منو يكون

التفت عليها: خلاص عفور انزين ماصار شي لشو هاي الدموع
عفرا تضربني بأي محل توصل لها ايديها: اخر مره تسوي فيني جيه اخر مره
ابتسمت وانا ايود ايدها: انزين خلاص فديتج ههههههه بسج تراج عورتيني
عفرا تشاهق: ماحبك يوم تسوي فيني جيه
سلطان: اون ماتحبيني سيري له .........( قلبت نبرتي لتهديد) ان ماسكتي ترى ها
عفرا تنش من على الشبريه عسب تطلع: اخر مره ادخل هاي الغرفه
نشيت عسب اتلبس: هههههههههههههههههههههههههه

طلعت عني وهي مقهوره .......... عكسي تماما يلست اضحك بصوتي واغايض بها زود ونحن بالسياره ...

.............................. ...

.............................. ....

وصلت عفير للفندق وهي متأخره.... وعينها متورمه حتى جحلها سايح .... وماطعات تدخل الا لما صلحت لها مكياجها... ماطعات تخبرني شو فيها..... بس على منو ياعفور يوم نرد البيت بسحب منها الكلام ... صلحت لها المكياج وسرنا لغرفه العروس عسب نطالع روضه
... بصراحه هالبنت جميله من الخاطر .... مكياجها صدق ثجيل بس مرسومه عينها بشكل روعه .... وكله كوم وفستانها كوم ثاني كان وايد فخم وعرفت من عفور ان الفستان من افكار ام جسوم صدق هالانسانه ابداع حتى دخله ولدها وروضه هي المجهزه لها .. ياحليلها متحمسه وايد بعرس ولدها ....

شمه: اويل حالي على هالحلالالالاوه ماروم يارويض
روضه: صدق حلوه؟
عفرا: هيه
روضه : زايغه وايد احس كل جسمي يرتجف
شمه: لالالا روضه لاتوتري بعدين يبان عليج
عفرا: اقري المعوذات وجم ايه وبترتاحي
شمه: انسي كل شي هاي ليلتج تراها ليله بالعمر يعني ماشي تت روضه: مابدخل الا بعمي سواف وسهيل
عفرا: لاتخافي بيدخلن وياج
شمه:...وين ريومه ؟؟ اباها تاخذ لي جم صوره انا وعفير
روضه: سارت تسلم على ربيعتها
شمه+ عفرا: شو!!!!
عفرا: تطورات والله!!!
روضه: تعرفن تراني ميهزه اهداء لعمي سواف فديته
عفرا: شو ؟؟
روضه: بعدين بتشوفن شقايل بيرقص ههههههه


يلسنا نخربط على رويض شوي ...عسب يخوز التوتر عنها .... بس طلعنا عنها يوم دخلت ام جسوم وكانت اون تبا ترمسها عن انفراد ههههه فا طلعنا عنهن بكرامتنا
... اول مادخلنا القاعه... يات امي عسب تاخذ عفور تعرضها على ربيعاتها الحرمات فرحانه بها
..... النبهرت بعفور!! ولناظرتها بحتقار غيرانه ان امايه اختارتها عن بنتها....
... سرت انا الثانيه سحبت عفور عن امايه ..عسب يطالعوها ربيعاتي المتشوقات لرؤيه فارسه سلطان العانس.....

ربيعتي فطيم: مباركين ان شاء الله
نوال: ماشاء الله بس مب جنها قصيره بوايد عن سلطان؟؟
عفرا تهمس بأذني والغيره بتذبحها: ويعه تويعها وحافظه طوله بعد
التفت على نوال: لا فديتج اخويه مختارها بالأأأسم لان وايد عايبتنه
جميله بأبتسامتها الهاديه: انا كنت قبل اقول ماشي حد يستاهل سلطان بس الحينه بعد ماشفت عفرا اقول ماشي حد يناسبه كثرج
ابتسمت لها عفرا: مشكوره فديتج
جميله: متى العرس ان شاء الله؟
عفرا: للحينه ماقرنا
جميله: موفجه فديتج

سرنا عنهم وانا كاتمه ضحكتي على عفرا المقتاضه من تعليقات البنات...

عفرا: احسسن وحده فيهن جمميله وبس ...........حبيتها وايد
شمه: ماشاء الله نفس شعور ريلج.... تدري ان سلطان يحبها؟
عفرا نط عرقها: شو!!!
شمه: ههههههههههه يالغبيه لاتطلع عينج.... هاي اكبر عن سلطان وغير جيه متزوجه وعندها عيال.... بس سلطان وايد يحبها ويحترمها يعني شرات اخته مب اكثر
عفرا: هيه تحسبت بعد
شمه: هيه هاي انا قلت لج عسب لاتغاري وتسوي شي بعدين.... يوم تسمعيه يتمدحها لو شي ....تراه وايد يعزها

يات خالتيه وخذت مني عفرا عسب تساعدهم في دخله روضه لان ماشي وقت وبتدخل,,,,, اما انا سرت حذال ريوم اساعدها في ترتيب الكوشه عسب تصوير روضه وتصوير دخلتها ,,,, بصراحه احس صور رويض بتطلع مميزه لان صدق تصوير ريوم ابداع من الخاطر ...
اضطرت الريم ترفع شعرها بشكل عشوائي .. حتى فستانها غيرته الى ملابس سبورت عسب تاخذ راحتها زود!! بس على كل هاي طالعه شيء

شمه: تصدقي ريموه روعه انتي بالاسبورت

ابتسمت لي بأمتنان ..... وانطفت الانوار على صوت كلاسك هادي.... من جهتي بسرعه سرت البس عباتي وشيلتي عسب لاتيني هزبه من سهيل لان عارفه ان الحينه بيدخل....
تلبست ورديت مره ثانيه لريوم عسب اساعدها

الف مبروك زفينا الجميله
الليله الفرح ليله من الف ليله
قمر ويا الشمس جالس
ربنا من الحسد حارس
الله يتمم لكم فرحه الليله
الف مبروك

دخلت روضه والاضائه عليها على صوت هالاغنيه.... سهيل الغالي على يمينها فديت هالطول انا..... متلبس ابيض بأيض بأتفاق مع ام جسوم على ان يلبسو جيه..... ياحلاته سفره بعقال وكندوره بيضا والاخ منطرب حده ويالس يرقص براسه وبأيده اليسار بالتفق ماله ....وايده الثانيه ميود بها روضه.... ومن جهه اليسار ماسكها سيف بأبتسامته الناعمه.... آه يالجلب على هالوك اسميه ماخرب ... يلسنا انا وريوم نطالع بعض على الوك الي طالع به سيف لان متعودات ان نشوفه بكندوره بس هالمره شي ثاني!!!!!!!...... اهو الثاني بعد متلبس ابيض بأبيض بنطلون خصر واطي من النوع اليعيبني هههههه اويلي عليك ياسيفوه اسميها البتضويك امها داعيه لها هههههههههههه واسميني انا بيذبحني سهيل على غزلي بسيف ... ويعه شرات اخويه وانا شرات عفور

... وصلو للكوشه ويلست روضه الواضح على ويها التوتر ...و كل شوي يدتها تسير ترمسها عسب تتبسم .. شويه وسمعنا حس من الدي جي ...

.. اهداء من العروس لعمها سيف....

يا ويل حالي من جفاك و من بعادك و من فرقاك
وانا الذي من زود ما يهواك قلبي على روحي يبديك
لا ما قدرت انساك ذكراك عندي دوم ذكرى
و يحز في نفسي قساك و رغم كل القسا اغليك


التفت عليها سيف وهو فرحان من الخاطر على اغنيته المفضه : وها الرقصه اهداء حقج

مسك سهيل وسارو وسط الكوشه يرقصو.....
سيف حليله كان يرقص رقص كويتي من الخاطر ويسوي حركات لرويض تضحكها
اما سهيل بما انه يعرف اني احب اليوله وبالاخص يولته يا يرقص حذالي ...

وهمس لي بصوته: يبالج حبه عراس على هالعباه والشيله

ابتسمت له برائه ههههههههههههه يقولون ياما تحت السواهي دواهي... وحليله مايدري بما تحت السواهي اقصد عباتي هع هع .... انتهت الاغنيه وسارو سهيل وسيف برع وانا عيني على سهيل خايفه لاحد من البنات تاخذه مني هههههه....

يلست ريومه تصور رويض وتلعوزت وياها لان البنت متوتره متوتره متوتره
... ويوم سمعت الحرمات ان جاسم بيدخل الحينه شويه وبتصيح .....
.... دقايق ودخل جاسم وبصراحه دخلته كانت وايد حلوه ....
بالبدايه دخل بدون بشت.... لان البشت بيد امه الواقف بوسط الجسر...
يوم وصل جاسم لوسط الجسر لبسته وياه.... القطه كانت وايد حلوه خصوصا ان الاغنيه كان فيها من الكلمات ان امه تلبسه البشت وجيه يعني ....
... وصل جسوم للكوشه وقف حذال روضه...

ام جاسم: هههههه جاسم شو قلت لك انا؟
جاسم بروحه بعالم ثاني من التوتر: ها شو؟
ام جاسم: شقايل ها ( واشرت على راسها)
جاسم بعد ماستوعب: ها هيه نسيت

قرب جاسم من روضه وحب جبينها.... بصراحه اشكالهم تنقع وايد متوترين ها شو بسو يوم يلسن بروحهم ... خلصو تصوير وكيك وعفسه عرس وبعد دقايق توكلو لغرفتهم...

............................

.............................. ..

هههههههههههههههههه
هههههههههههه
ههههه

ماني رايمه ايود عمري من الضحك على عفير وشمه المشتطه عليها بعد ماخبرتها بسالفتها

شمه تفج تسريحه شعرها: والله انج بقره
عفرا تمسح المكياج عن ويها: لاتخليني اندم اني خبرتج
شمه: تستاهلي احممدي ربج لو حد غيره مارحمج حتى لو بجيتي دم
عفرا: انا قلت لج من قبل احس غلط اني انام بمكان هو موجود فيه
شمه تفر المشط وتلفت على عفير: اسمعيني يابنت الناس الريايل ماينعطن ويه بالعلم ان ريلج يكون اخويه ... بس اقولج الريال مايحب المره الي كلا هيه هيه هيه قولي لا ولو لمره .....هو لو شافج قويه ولج شخصيتج ماكان حاول يتعدى حدوده وياج
عفرا تتنهد: شو اسوي ماروم اقوله لا .. هاي اخوج فيه شي مب طبيعي احس نفسي مسحوره يوم اوقف حذاله
شمه: براحتج انا علي نصحتج
عفرا برطمت: وانا تحسبتج بتخفي همي
شمه سارت صوبها ولوت عليها: شو اسوي بج اذا انتي بقره

ضحكت عليهن وتمدت على الكرسي براحه و اناتبسم على ذكرى شكل راشد يوم ردينا من القاعه .... الليله طالع كشيخ الاخ ... متلبس شرات سيف ... بس زود عنه كاب ابيض من جيه عاطيه شكل اوربي خصوصا عيونه الزرقا تساعده هالشي..... من جيه مارمت وطلبت منه يوقف عسب اصوره .... يلس يسوي حركات تنقع ضحك خصوصا بصوره ويا شمه ... اون بتطيح لورى وهو يودها .. ولا بيخنقها ....ولا بيعضها

( هلو لالالا البنت زل عقلها تتبسم روحها)

فريت ويهي على شمه التزاعج علي......... وتبسمت لها

شمه: اقول ريومه رقدي احسن لج
عفرا: حليلج اثر فيج التعب يمكن ... يالسه توزعي لنا ابتسامات

لبستهم وفريت ويهي عسب ارقد.........

.............................. .................

.............................. ..........

 
قديم 08-02-2011, 02:53 AM   #29

جود ي الحلوه


رد: رواية التبل إماراتيه روعة


رواية التبل إماراتيه روعة

الج 27زء


يلست حذالها وانا متوتر وزايغ...... مب عارف بشو ارمس ....

جاسم: آحم ان شاء الله ماتلعوزتي بالحوسه الليله
روضه منكسه راسها: شويه
جاسم: اها
........ فتره صمت........
تنهدت: امم روضه طالعيني
رفعت راسها بهدوء وعلى ويها ابتسامه توتر

جاسم: فديت هالويه ..... آحم روضه انا خبرتج ان عندي لج مفاجئه بليله عرسنا صح
روضه: صح
جاسم: امم حبيبتي انا سجلتج بالمدرسه عسب تكملي دراستج هنا بدبي
ناظرتني بنظرات غريبه وجنها مب مصدقه: صدق جاسم؟؟؟؟
ابتسمت لها: هيه صدق .....وبتكملي دراستج حتى لو تبي الدكتوراه انا ماعنديه مانع
ابتسمت لي ابتسامه خجوله: مشكور وايد
جاسم: العفو فديتج
... فتره صمت ثانيه.....



جاسم:آآآحم تراني متلعوز بهالسفره والعقال ... اروم اعقهم؟؟؟
روضه: ههههه هيه شو فيها يعني

عقيت السفره وانا اتبسم لها.... فديتها والله توقعت اني بكون متوتر اكثر عن جيه يوم بيلس وياها ... بس احس التوتر كل شويه يخوز جزء منه عني

جاسم: منو يتسبح قبل انا لو انتي؟
روضه: انت لاني انا بيلس وقت اطول
ابتسمت لها وانا انش: اوكي

خذيت الوازم الاحتاجها وسرت للحما.
مليون فكره وفكره براسي..... مادري انا اروم على هالحياه ولالا
بكون قد مسؤوليه الزواج !؟
.... بعدت هالمخاوف عني لان روضه احسها انسانه حنونه ومرنه يعني مب صعبه بطبايعها عسب ازيغ جيه .... طلعت من الحمام وانا علي روب السباحه المطقم مع روب روضتي...
حصلتها واقفه حذال الباب وميوده لوازمها

قلت لها وانا احج راسي: امم تأخرت وايد؟؟؟
ابتسمت لي: لأ عادي

خوزت عن الباب ... ودخلت بعدي...

.........................

............................

ياربي انا الحينه شو يطلعني من الحمام بهاي المنظر؟.......... الله يسامحج ياعموه ....
ياليتني ماطعت حد منكم .... انا بعمري حتى بنطلونات مالبست والحينه البس كل هاي!!!!... ومشاء الله بعد هاي استر شي من جيه خبروني اني البسه الليله
سرت صوب الباب بالمحاوله العاشره للخروج .... لعنه الشيطان وسميت بالرحمن وجني بطلع لمعركه ......
توكلت على الله وطلعت وانا زايغه ..... حصلته يالس على الشبريه يلعب بفونه بملل... بس يوم سمع حس الباب رفع راسه بسرعه هالشي خلاني اقفط زود

جاسم بملل: طولتي وايد
سرت صوب المرايه وانا اجفف شعر: سوري بس شعري لعوزني شوي
جاسم: امم فيج رقاد؟
روضه: وايد
ابتسم لي: وانا بعد.... يعني ياحلوه خلصي عسب اطفي النور ههههههه
روضه: بتطفي النور؟!!!
جاسم : هيه
روضه: امم
جاسم: شو؟؟بلاج
نكست راسي: اخاف من الظلمه مابا كل الانوار مسكره
جاسم: اوكي خاطرج طيب

سرت صوب الشبريه بتردد ولحفت عمري..... اما جسوم فديته طاعني وسكر كل الانوار الا الصفرا .. تلحف وابتسم لي بويهي وقال تصبحي على خير... بادلته الابتسامه وفريت ويهي الصوب الثاني عسب ارقد.....
.....الليله كان عندي امل اني بشوف ابويه ولا اخويه هزاع ولا امايه ولا أي حد منهم ياي يبارك لي .... كنت احلم قبل ان زفتي تكون فيها فطيم اختيه لابسه ثوب ابيض وتدخل قبلي ..... كنت احلم ان ابويه يودني من ايدي ويدخلني .... كنت احلم ان اخويه هزاع يرقص بعرسيه,,,
.... كنت احلم بأشياء وايد..... بس ماشي شي منها تحقق.... تجمع كل شي ......هم قلبي ولهي على اهلي والتوتر والضغطوات الليله على شكل دموع خرست الشبريه.....
حسيت بأيده تلمس كتفي...

جاسم: روضه
روضه: همم
حاول يسحبني: روضه طالعيني
فريت ويهي المليان دموع له: جاسم انا تعبانه
مسح على شعري وهو يرفعني لحضنه: عسى هالتعب فيني ولا فيج
دفنت ويهي بصدره: ابويه مايا ولا هزاع
باسني على راسي: هزاع دق علي وكان يبا يكلمج بس ماكان شي وقت ... ان شاء الله باجر بكلمج....... انتي لاتكدري عمرج جيه
روضه: ليش جيه يستوي لي؟
لوى علي زود: خلاص حبيبتي والله ماروم على دموعج انا حالف ان دموعج ماتنزل من اخذج ... جيه يعني حلفاني تخليه يبطل؟؟؟ وبعدين خلاص ترى خيستيني بدموعج ههههه
بعدت ويهي عنه وانا ابتسم له من وسط دموعي: محد قالك احلف
جاسم يضربني على راسي بالخفيف: لا والله اون محد قالك
روضه: جاسم انا ما أستاهلك بلعوزك ويايه وايد
طالعني بعتاب: نحن شو قلنا؟؟ بلاها هالرمسه روضه
نزلت عيوني: جاسم بتستحملني؟
رفع راسي بأيده وطالع بعيني: روضه انتي نصيبي تعرفي يعني شو نصيبي؟

امتلت عيني دموع مره ثانيه بس هالمره دموع فرح .... رميت نفسي بحضنه وماطعت افج عنه لين مارقدت وانا بنفس الوضع!!!... ماشي مكان يحسسني بالامان غير هالمكان

.............................. ........

.............................. .............


ياصباح الله خير .... جلست من رقادي على زعيج سيف وراشد اليتضاربو
خذيت المخده الحذالي وفريتها عليهم مقهور منهم يوم قطعو علي حلمي الجميل عن شمه

سهيل: شو هاي خلالالالالالاص بسكم
سيف يطالعني بويهه المحمر: اقول نش بس بنسير العين
راشد وعروقه الناطه من كثر المضارب: والله والله ياسيفوه ان سرت بزاولك
سيف يزاعج عليه كالعاده: اللهم طولج ياروح .... انت شو ماتفهم؟؟؟ اسبوع وبنسكن حذالكم شقايل الحينه مشتط
راشد: انا ما افهم!!!!!!!!!!!!
سيف: هيه

نشيت عنهم اطلع من هالغرفه ...انا شو ضربني على راسي ورقدت وياهم اسميني ثول
..... نزلت تحت حصلت امايه وخالوه يالسين يشربن قهوه وياكلن رطب وحذالهن شمه فاجه الشعر وحاطه لها جحال عربي ومتلبسه مخور ... ياحي الزي الاماراتي عليج

خالتيه: ياصباحك خير
سهيل: صباحج صباح النور فديتج
خالتيه: شميم قهوي ولد خالتج يالله

يات صوبي وهي تصب لي القهوه ..... خذيت نفس عميق يوم شميت ريحه العود منها
فديت هالريحه انا ......اويلي ماروم انا جيه متحلم بها من شوي والحينه قبالي بهالريحه الحلوه

قلت لها بصوت واطي: اباج بالمطبخ ضروري

طالعتني بتفحص ومدت لي القهوه .... خذيتها وتبسمت بويها.....

خالتيه: ها سهيل ان شاء الله خلصت مكتبك؟
سهيل: هيه الحمدلله بس باقي ابتدي الدوام
خالتيه: ترى عمك بو سلطان يباك تهندس له شركه
سهيل: هههههههه اهندس له ان شاء الله

حطيت فنيان القهوه ونشيت وانا اتحمحم لشمه عسب تلحقني .....
يلست بالمطبخ اتريها ..حشىى ساعه على مايت

سهيل: طالب وزير مب شمه
رفعت خشمها: الشيخه شمه لو سمحت
ابتسمت بويها: تعالي يلسي
شمه: وايد ماخذ مقلب بعمرك شو يلسي...... تبا ابويه اي ويعطيك هزاب معتبر
سهيل: وشقايل يعطيني انا ومايعطيج انتي
يلست تحرك شعرها بدلع: لاني بنته حبيبته دلوعته
سهيل: ياربيه خقاقه واحد
شمه: شو يايبني للمطبخ عسب تسبني
طالعت بعيونها حركتي التربكها: شميم انا ابا املج
طالعتني بعينها الزايغه: شو هالقرار المفاجئ يعني!!!
سرت حذالها: شمه ماروم استحمل اكثر عن جيه ابا املج
بعدت عني: آآآآ يعني سلطان حمسك للملجه
سهيل: امم تقدري تقولي جيه ..... شميم والله لاعت جبدي أي حركه او أي نظره الكل يقعد يطالعنا .......طالعي سلطان لان مالج محد يروم يقوله شي
شمه: ويعني انت شو تبا تسوي؟
ابتسمت لها بخبث: يوم نملج بتعرفي
شمه:لأ اعرف اول بعدين نملج
سهيل: عطيتج ويه ....... تراني اروم اسير لعمي واقوله ابا املج بدون ماخذ رايج شرات ماسوى سلطان لعفير... بس انا احترم رايج وقرارتج لاتخليني اغير هالصفه فيني
شمه: وابويه عليك بسرعه تحتشر وتعصب الله يساعدني عليك اف
ضربتها على راسها بالخفيف: وتنافخ بعد
شمه: هع هع
سهيل: ها شو قلتي
اونها تفكر: امم موافقه

( عشو موافقه ان شاء الله؟؟؟؟؟؟؟؟؟؟؟؟)

فريت ويهي لراشد اليطالعنا بنظرات خبث: بعد اسبوع بتعرف
يا صوبنا وايده على خصره اونه معترض: لا والله احلف بس ..... بسرعه تخبروني شو سالفه موافقه لا افاتن عليكم
شمه محتشره عليه: اوه بنملج شو يخصك
راشد: هاي البذبحها الحينه .... ابد ماشي حيا وبكل قواه عين يالسه تقولي لي بنملج
شو هالقله الادب فيكم
سهيل: رشود عن الحشره...... ياي تطلع حرت سواف فينا .... ابا املج وياي اخذ شورها ....شو فيها يعني ارتكبت منكر مثلا؟
راشد حاس بوزه: اخوك هاي بيب لي الجلطه
سهيل: والله محد ايب الجلطه غيرك انت .... يا اخي شو سالفتك كل مابسير سيف العين احتشرت وسويت سالفه
حط ايده عقلبه بحركه مسرحيه: احبه احبه ماروم عفرقاه
سهيل: ههههه ماروم يا قيس
شمه: سمعت ان رويض بتسافر؟
سهيل: هيه بتي بعد شوي تسلم علينا وبتوكل
راشد: على وين العزم ان شاء الله؟
سهيل: ماليزيا
شمه: ياحليلها والله..... ان شاء الله تتونس هناك
راشد يرفع حياته فوق تحت : اكيد تتونس يوم بتسافر ويا الحبيب
سهيل : اقول عن التفكير الوصخ وين سيف عنك؟
راشد: سار لابو حمدان اون بودعه قبل لايسير العين
سهيل: شحاله بو حمدان الحينه؟
راشد: والله احسه للحينه متأثر .... يوم يطالع سيف يسرح لبعيد
سهيل: الله يصبره
راشد: تخيل امه في ايام العزا يوم شافت سواف لوت عليه
شمه: حليلها حرام اكيد ذكرها بحمدان
سهيل: الله يكون بعونهم ان شاء الله

دخل علينا سلطان بلبس دوامه .... وفتح الثلاجه بسرعه

سهيل: وعليكم السلام شو بلاك مستعيل جيه
سلطان يشرب الماي: متأأأأأأأخر..... محد يلسني يالوث

فريت ويهي على شمه يوم طلع سلطان : شقايل ماتيلسي اخوج لدوام
شمه: والله من ملج على عفرا اهي التيلسه .......يا بلفون يا تسير وتدق عليه الباب
سهيل: عيل شو فيها عفير مايلسته
رفعت كتوفها: مادري

سرت انا وراشد يلسنا حذال العيايز الي طفربهم رشود لين مايودت امايه العصا تضربه بها وهي تضحك

امايه: تأدب يامضيع المذهب
راشد: خلاص بدور عنه زين هالمره
امايه: منو؟؟؟
راشد: المذهب ههههههههههاي
خالتيه: خلاص راشد اسميك زل عقلك
راشد: خالتيه خبري سواف لايسير العين
امايه: شقايل مايسير ومنو يشل قشاره من هناك..... شو يبا وشو مايبا
خالتيه: هاي بدل ماتسير فياه عسب تساعده تباه يلس حذالك
راشد يحج راسه: من اسير العين تيني ضيجه
طالعته بنص عين: تصدق حتى العين من تسير لها تيها ضيجه
راشد: يعني شعور متبادل
سهيل: تقدر تقول جيه
راشد: امايه مشتهي لقيمات
سهيل: بس بدا الوحام
خالتيه: يستوي خير
راشد: يعني بتسوي لي.... لو شو
امايه: لو شو ههههههههه

هههههههههههههه يوم قالت امايه جيه فر راشد ويهه لي وهو مستغرب

راشد رد يطالع امايه: لالالا جيه ماروم عليج ياخلوه اثاريج كول وانا ما ادري
امايه: هههههه الله يقطعك اوني كول
راشد: اسمحي لي خالوه خلاص انا برابعج بدل ولدج سوافوه مستوي ثجيل دمم..... اما انتي فديتج.... خفيفه دم وعسل على القلب
امايه: وابويه على هالرمسه اسميك بايع رمسات
سار راشد حذالها يبوس خدها:امواح ......... فديت غرشوبتنا انا

.....نزلن البنات على هالقطه وهن يطالعن راشد بأستغراب.........

عفرا تيود الريم وتيلس حذالي: ماشاء الله .....رشود تراك مضيع هاي امايه مب السيلانيه حقتك
راشد: طالعي طالعي خالوه شقايل بنتج مغتاضه اني احبج
امايه الشكلها عيبها الوضع: ماعليك منها خلها تولي
راشد يبوس خدها الثاني:امواح .... فديت روحج فديت عمرج انا ...... تصدقي عاده خالتيه...... خساره ....حرام..... مايبتي الا هالحماره هاي ( يأشر على عفرا) كان يبتي لي وحده غرشوبه جيه شراتج
امايه: هههههههههه ياحلو رمستك يالخايس اسميها البتضويك امها داعيه لها
راشد: هيه وبليله القدر بعد .... تدري خالوه بمسيها بوسه وبصبحها بوسه
شمه: هيه حليلك اخويه فاقد حنان
امايه: حنان لو عبير ههههههههه
راشد يلوي عليها: وابويه ولموني بحبج
طالعت بعفير: لالالا اشك ان راشد مشرب امايه شي
عفرا: لو سيفوه بعد موجود جان كملت
راشد: خالوه لاتسيري.... لا ويا سهيل ولا سوافوه .....سيري فيايه انا بشلج للعين
امايه: هيه فديتك احسن بعد
سهيل: طالع ترانا عيالج نسيتي شو
امايه: وابويه تغير
عفرا: تسمعو ويايه حس موتر؟
نطيت بسرعه لاني عارف انها رويض..... طلعت للحوش استقبلها .... فديتها والله الي يشوف ويها يعرف انها مرتاحه............. كل التوتر البويها البارح راح وخاز

سهيل: فديت هالويه والله هيه جيه الويه منور
تلوي علي: فديتكم والله
سهيل: شحالك جسوم
جاسم شاق الحلج: بخير وايد
سهيل: هههههههههه هيه الحينه بخير اما البارح شويه وبتموت
جاسم: بيك يوم
سهيل: قريب ان شاء الله
جاسم: عمي الي يبا يسلم على روضه اي بسرعه لان تأخرنا وايد على الطياره
سهيل: دقايق وبزقرهم

سرت لداخل وزقرت للي با يسلم عليهم ...... طلعن جيش بني عبس يودعو ويسلمو .....وليوصي رويض وليوصي جسوم وليعق عليهم رمسات تنقع .....لين طلع جاسم ورويض وتوكلو للمطار.

..............................

.............................. ..

يود ايدها وهو زايغ : امايه شو بلاج
خالتيه وايدها على قلبها: ماشي فديتك يلسني بس

يلسها راشد وعينه شوي وبتطلع من محلهم .... اول مره يشوف امه بهالحاله من بعد اخر مره يوم كانو صغار لما طاحت عليهم وهي يالسه تسولف وياهم ........

شمه وهي تصيح: امايه ..... شلوها المستشفى
سهيل طلع مفاتيحه: راشد خلنا نشلها
راشد وللحينه مب مستوعب الوضع: امايه انتي بخير؟؟؟

هزت راسها بالايجاب وهي مب رايمه تتنفس. سار صوبها سهيل اخويه وحملها للسياره
لحقتهم شمه تبا تسير وياهم بس سهيل اشر لي اني ايودها...

شمه تصيح: ابا اسير وياهم مابا
عفرا: خلاص فديتج مايستوي تسيري فياهم
امايه تي صوبها: استهدي بالله ان شاء الله مافيها الا كل خير
شمه: مب رايمه تتنفس طالعتوها جيف؟؟؟؟
امايه: بنتيه حطي الرحمن بصدرج ....
شمه: والله لو يستوي بأمايه شي بموت
امايه: عفرا دخليها داخل

خذيتها لداخل وانا اهدي فيها ... شربتها ماي لين شوي شوي وهدت

شمه: عفور دقي على سهيل شوفي شو صار
عفرا: فديتج دقايق خليهم على الاقل يوصلو المستشفى

دخل علينا سيف وهو مستغرب الوضع والهدوء !!!

سيف: السلام عليكم!!!!
الكل: وعليكم السلام
سيف: شو مستوي؟
امايه: خالتك تعبت شوي وشلوها للمستشفى
سيف: افا شو فيها تعبانه؟
امايه: يايها قلبها
سيف يلس حذالنا: ان شاء الله خير .....متى شلوها؟
امايه: تو من دقايق بس
شمه: دخيلكم دقو عليهم زايغه عليها وايد

يودت فوني ودقيت على سهيل بس ماشي رد .....

شمه: دقي على رشود
عفرا: طيب

دقيت على راشد وهم هو الثاني ماشي رد....

شمه ردت مره ثانيه تصيح: اكيد استوى بمايه شي
خالتيه: صلي على النبي اكيد هم الحينه محتاسين شقايل بردو علينا
التفت سيف على شمه: لاتحاتي انا الحينه بسير لهم وبتصل عليكم زين؟
شمه: احللف انك تتصل علينا وماتنقعنا جيه شراتهم
سيف: وابويه بدون حلفان بتصل
شمه: دخيلك
سيف: والله بتصل....

طلع عنا سيف للمستشفى.
اما نحن كل وحده تدعي بقلبها ان مايستوي شي بخالوه
هاي القلب يعني مب شي سهل ولا عادي ... الله يقومها بالسلامه يارب
بعد جم ساعه نطت شمه على صوت فوني ... سحبته من ايدي وردت على سيف

شمه: احللف انها بخير ..... طيب شو قالو شو استوى..... اكيد ؟؟؟..... طيب اروم ارمسها الحينه؟ ...... لالالا متى يتكم؟..... طيب

سكرت الفون وهي شاقه الحلج: امايه بترد فياهم بعد شوي
امايه: الحمدلله رب العالمين شو خبرهم الدختور؟
شمه: يقول مكثره زيوت مادري شو يوم برد بخبرونا ...بس اهم حايه انها بخير
امايه: الحمدلله

.............................. ........

.............................. ............

هالانسان كل يوم اكتشف فيه صفه حلوه...... بالعاده الشباب الي شراته مايحبو يطلعو مشاعرهم لامهم ولا ابوهم ... بس راشد غير ... بعد مارد امه من المستشفى يلس بحضنها وهو يسمي عليها .... يآآآآآلله شكثر حنون هالانسان

سلطان وكاب الدوام بأيده: كم مره اقولج لاتاكلي شي متروس زيوت بس ماطيعيني ...جيه امايه جان استوى بج شي
راشد يمسح على راسها: بسم الله عليها
عفرا: حتى القهوه تراهن ثنتينهن يلسن من صباح الله يشربن بهالقهوه وهن ماماكلات شي
فر سلطان ويهه على امه وخالته: حرام خافو على اعماركم مايستوي.... انتن ممنوعات من القهوه
ام سلطان والتعب بويها: وابويه في حد هالايام مايشرب قهوه
سلطان بتهديد: امايه لاتخليني امنع القهوه عن البيت شرات مامنعت اشياء قبله
ام سلطان: لالا وابويه اذا يانا حد بشو نظيفه
سلطان: عيل لاتشربي عسب لاتقفطي يوم ماتشوفي قهوه بالبيت

عفرا تساسرني: فديته رجال لك يأبرني رجال

فريت ويهي عليها وانا اضحك .... صدق خبله عفور هاي الأون زعلانه عليه

سيف يتثائب: آآآآآآآآآآآآآآآآآآآآ منو بسير ويايه العين ؟
عفرا: كلنا بنسير بعد شو هاي منو ؟
سيف: عيل الي يبا يسير ينش يهز عمره
خالتي ام ناصر تطالع راشد: ها فديتك مابتوصلني العين؟
رفع راسه من على صدر امه: هههههه باجر بلحقكم ان شاء الله .... الحينه ابا ايلس حذال امايه
خالتيه: هيه زين تسوي .... انتبه لها لاتشرب قهوه عن يضربها سلطان
راشد: هههههههههههه
خالتيه: فديت هالضحكه هيه جيه فديتك مب مساع ويهك مخترع
راشد يطالعني ويرمسها: بوله عليج قرشوبتي

بالعلم ان الكلمه اونها موجهه لخالتيه ام ناصر .... بس هم قفطت ونشيت ويا عفرا
.... شليت قشاري وتوكلت لسياره سيف نتظر عفرا هانوم تي....

سيف: هالحماره وين سارت؟
خالتيه توايج من الجامه: يمكنها تودع الحبيب
سيف :لحول
يات عفرا وفتحت باب السياره: سوري فديتكم تأخرت صح
سيف: لاغناتي سيري بعدي يلسي شوي ( ويقلب رمسته الى زعيج) هاي اخر مرره انتظرج غير جيه بنقعج ...وريلج هو اليوصلج

شغل سيارته... والجيش منطرمين شراتي.... لان تعودنا بالفتره الاخيره على عصبيه سيف ....
شويه وقف سيارته ونزل يسلم على حد من الشباب ... ماعرفت منو الا لما عفرا يودت ايدي

همست لي بأذني: وابويه هاي حميدوه ... الله يلعنه من وين طلع لي بهالوقت
يودت ايدها عسب اهديها شوي بس ماشي البنت زايغه

عفرا: اكيد الحينه تذكرني انا قلت مع الايام بينساني وبفتك

يودت فوني وكتبت لها

( عفرا صلي على نبيج خلاص انسيه لشو زايغه اكيد نساج )

عفرا: والله لو يدري سلطان تدري شو بسوي فيني ....بيذبحني... اعرفه سلطان والله بيذبحني

يلست اهدي فيها بس ماشي ماهدت الا لما رد سيف للسياره وهو مبتسم ابتسامه هاديه.....كملنا طريجنا للعين والكل رقد بالسياره الا انا وسيف الياس يسوق وهو سرحان وبعالم ثاني..... تتوقع بشو يفكر سيف؟؟؟

 
قديم 08-02-2011, 02:55 AM   #30

جود ي الحلوه


رد: رواية التبل إماراتيه روعة


رواية التبل إماراتيه روعة

الج 27زء



....................

................
اقولك البنت حاولت تنتحر لو ما لحقت عليها ولا كان راحت فيها

عبدالله: ياريال ماتوقع كانت تبا تنتحر بالمعنى الي انت فهمته منها
راشد: فهمني يوم انا مافهمت



عبدالله: انت تقول انها بس هزت راسها انها هيه تبا تنتحر .... الموضوع مب جيه ... الموضوع انها قصدها مايهمها تعيش لو لا ......يعني ركبت على الخيل مب مقصدها انها تنتحر بس هم ماخافت على نفسها انها تموت
راشد: وشو الفرق
عبدالله: الفرق ان يوم تقدم على انتحار غير يوم تعيش وانت مب مهتم انك تكون عايش
.....شي ناس وايد جيه في الدنيا بس روحهم ماشي
راشد: يعني من جيه ماطاعت يوم قلت لها توقف
عبدالله: هيه اتوقع هاي تأثير صوتها الي سمعته....... استوى عندها اضطربات نفسيه وبما انها تحب الخيول سارت تطلع كل حرتها فيهم ..... من جيه انصحكم بخيولها

....طلعت من عند عبدالله متوكل للبيت وانا براسي مليون فكره .... لازم اخبر عفرا بالموضوع قبل... بعدين اتصرف

سلطان يرفع شعره: وعليك السلام
راشد: الساعه 7 الحينه ماعندك دوام شو
سلطان : ماشي دوام اليوم
طالعته وهو يحزم خيوط السبورت: شو تبا بالرياضه ياريال؟
سلطان: مادري شو الموضوع ويايه كل يوم والثاني وزني يزيد عن قبل
راشد: ههههههههههه من بركات عفرا هاي يومين بس وزاد جيه عيل يوم تعرس شو بيستوي
سلطان: المهم ماعلينا خبرتك امايه ان سهيل بيملج اسبوع الياي؟
راشد: هيه خبرتني شمه
سلطان: شممه!!!! صدق انها مضيعه المذهب
راشد: ههههههههههههه تعيبني هالبنت والله
خزني بعينه: هيه لانها شراتك بالضبط
راشد: انا احب البنت الجريئه مب المنطرمه واونها مقفطه ومدري شو
سلطان: صدق انك خربان...
راشد: بتخبرك سمعت ربيعك جعفر تعبان شو عنده؟
سلطان يسكر القميص: والله على السمعته عنده قرحات بمعدته
راشد: حليله مايستاهل
سلطان: المهم متى بتسير العين؟
راشد: الحينه بس ادخل اطمن على امايه وبسير
قال وهو يطوفني: عيل سير طلعت عنها وهي تتحلطم

دخلت لداخل وانا اضحك على سلطان ... حليلهم منذ الازل امايه وسلطان في حرب لاتنتهي
سلطان يحاسبها على دوها واكلها وهي تحاسبه على رياضته

( ها شحالج ام رشود)

قلتها وانا احب راسها ويلس بحضنها كالعاده

امايه: ههههههه شو ام رشود لو يسمعك سلطان لا يصلب بدنك
راشد: شو يسمعه امايه خلج عنه شحالج فديتج
امايه: بخير ياعسى عمرك كله بخير .......... ماسرت العين شو
راشد: لالا مايستوي اسير قبل لا اودع غرشوبتي
امايه: ياكثر غراشيبك انت
راشد: هههههههههه بس انتي احلاهم وربج
امايه: هيه بايع رمسات
راشد: افا امايه افا ليس هذا العشم فيج
امايه: اقول نش سير العين بدل حوسه هالسان مالتك
نشيت وانا حايس بوزي: هاي وانا ولدج تروغيني جيه..... قولي بعد انج حصلتيني معقوق حذال مسيد علي
امايه: لالا حذال مسيد جميرا
راشد: امايه لالاتقولي جيه
امايه: ههههههههه شو اسوي بك اون حصلتك معقوق........ سير الغالي حافظك الله ويوم توصل العين خبر ابوك
راشد: ان شاء الله فديتج باي
امايه: مع السلامه

.............................. ..................

.............................. ....................

حسام ولد خالج بالميلس ينتظرج؟!! مابتسيري له شو؟!!!

طالعت سهيل الدخل علينا انا وعفور المطبخ ..... فريت ويهي الصوب الثاني وانا مقتاضه
مابا اسير له ...... احس بضيح من ايلس ويا حد من عيال خالي

سهيل: ان تبي اسير ايلس وياج ماعنديه مانع.... بس ولد خالج اون يبا يمرسج برمسه عائليه

التفت عليه وابتسمت له ابتسامه من ورى قلبي من قهري على حساموه.....تلبست الغشوه وسرت للميلس وانا اتحسب على حسام الجلب

حسام: ياحي بنت العمه حياه

يلست في الصوب الثاني من الميلس وحطيت ريل على ريل......
شخصيتي القويه احاول اتغمصها يوم ايلس ويا هالاشكال..... لاني بالنهايه اعرف شو مطلبهم ولشو هالزيارات

حسام: والله ولهنا عليج

تمللت بيلستي عسب يحس على عمره ويدخل بالموضوع على طول

حسام: شو مصبرج ومسكنج بيت جيه من بعد العز الكنتي فيه؟؟؟ والله انج غريبه!!!

طالعته وانا مفوله من كلامه السخيف

حسام: سوري والله مب هاي قصدي بس ...... امم ماعلينا..... شرات هاليوم توفا ابوج وعمتيه وخليفه من جيه ان

,,قطعت كلامه يوم نشيت وانا قلبي يشب نار .... مابا اذكر مابا.... الواحد مايروم ينسى يعني؟؟؟؟؟؟؟,,,


حاولت اطلع من الميلس بس يودني من يدي يوم وصلت الحوش: الريم انا خايف عليج من جيه يتج

فريت ويهي الصوب الثاني وعيني تصب دموع...... نفاق في نفاق اكررهم
.... حاولت اسحب ايدي منه بس كانت ايده اقوى عني ..... ابا اصرخ بويهه مابا اسمع حسك ولا ابا اسمع رمستك انت اكثر انسان اكرهه انت الي وصلت اخويه خليفه للي كان فيه ربي ياخذك
.... بس في حد ثاني وصل له هالرمسه بكس ياله على ويهه...

فريت ويهي على راشد وانا اشهق ........ نش حسام وهو مقتاض وعفد على راشد

حسام: آآآآه يالجلب
راشد يضربه: انت الجلب

....... لالالالا الا حسام ياراشد .... هاي يكفي جسمه جثثه بكسر راشد تكسير.....
كنت ابا احاول افك من بينهم وانا دموعي تصب.....مب خوف على ولد خالي .... خوف على راشد لايستوي به شي....
سحبني سيف عنهم يوم طلع على حس زعيجهم

سيف يود راشد: خلالالاص راشد خلاص
راشد يمسح الدم من فمه: هالجلب كان ماسك الريم

عفد حسام مره ثانيه على راشد بس هالمره يلس يضربه بطنه ....
طلع سهيل ورام يفاجهم لان اقوى عن سيف,,,,,

سيف وهو ميود راشد: اسمعني تي تزور الريم قلنا ماعليه بس تي وتكافخ خلق الله بيتنا هاي الي مابنرضاها
حسام: قول هالكلام لهاي الياي من الشارع ويكافخ
راشد يبا يعفد عليه بس ميود من سيف: انت ولد الشوارع يالهرم يالدرام

سار سهيل صوب حسام وطلع به لبرع البيت ..... اما انا سرت صوب راشد ابا اطمن عليه
.....يودت طرف شيلتي ويلست امسح دمه المخيس ويهه

سيف كان ميود ضحكته بعد مافهم الموضوع ان راشد اصلا مايعرف ان حسام يكون ولد خالي!!!! .... بس مارام يستحمل اكثر عن دقايق ونقع ضحك

خزه راشد: وانت تضحك يالهرم
سيف يلس حذاله: هههههههههههه هاي ولد خالها هههههههههه

انا الثانيه كتمت ضحكتي ..... بس يوم فر راشد ويهه علي وهو مستغرب غمضني!!!! .... الولد وايد ينزف زغت لايستوي به شي وسرت لداخل عسب ايب المعقمات.....

آآآآآه

آآآآآوش

آآآآآآآآآآح

هالكلمات كانت تصدر من راشد الدلوع عقوله سيف ههههههههه.... انا اعقم جروحه من صوب وسيف من الصوب الثاني ميوده عن لايسحب عمره من حراره المعقم

سيف: ويعه اصلب عمرك حشىىى ياهل مب ريال
راشد: لاتخليني الحينه اكافخك انت الثاني
سيف: هههههههه لالا زيغتني جيه
راشد يطالعني بويهه المحمر من حراره المعقم: خلاص الريم والله حار.... شو هاي تعقميني بفلفل عسب تنتقمي لولد خالج مني

ابتسمت بويهه برائه مصطنعه وانا احط على جرحه البويهه كميه اكبر ....ههههههه جيه نذاله عسب لايعيد هالرمسه اون انتقم لولد خالي

راشد يسحب ايدي عن ويهه: آآآآآآآآآآآآآآآآآآآآوش خيبه
سيف: هههههههههههههههههه زين تسوي به
راشد: والله الحينه اكافخك شرات مكافخت هالدرام
سيف: هههههههه اقول اسكت دخيلك الحينه اون انت الكافخته .... والله لو ماطلعنا جان انت الحينه نقرأ عليك الفاتحه
راشد يعض شفايفه: أأأخ بس لو هديتني عليه
سيف: لالالا دخيلك شو كنت بتسوي ..... سير لل شو قال هديتني عليه

يود راشد المخده الحذاله وكافخ بها سيف....... نشيت عنهم للمطبخ وانا اضحك على هالاثنينه
.... بس ضحكتي اختفت يوم يلست افكر شقايل راشد سوى جيه؟؟...
...... راشد لا ولد عمي ولا ولد خالي؟؟....
... و منصب نفسه انه انسان مسؤول عني ....ولا يبا حد يلمسني !
... بس الي اعرفه اني حبيت هالتنصيب!!!!! وارتحت له واحس اني ماروم استغني عن هالشعور....

عفرا: هالو ريومه
فريت ويهي عليها .... وحصلتها زايغه
عفرا: سيف يقول ان تضاربو راشد ولد خالج عسى ماصابج شي فديتج؟

ابتسمت بويهها وهزيت راسي بإيجاب

عفرا: ههههههه حليله رشود متكافخ..... الحينه اون هو الي نقذج واستوى به جيه عيل ولد خالج شو استوى به

ضحكت من خاطري على مطناز عفير
.... يودتني و سحبتني من ايدي لصاله

وقفت جدام راشد: بات مان رشود ولا تباني اسميك زورو ولالالالا الرجل الاخضر الي تبا بس اهم حايه مشكور لأنقاذك الاميره سندريلا الريم( وترفع ايدي بحركه مسرحيه)
راشد : عنلاتج يالحماره اون الرجل الاخضر
عفرا: لالا رشود انت لازم تتكرم
سيف المتمد على الكرسي: تكررم طالعي ويه وبروحج تعرفي التكريم
عفرا: هههههههههههههههه حليلك يارشود كافوخك

كفخت عفرا على كتفها عسب تنطب .... مايستوي الولد ناقذني وهم ماسكينه مطنزه ههههههه اوني مصدقه عمري ناقذني

راشد بمقايض لعفير: يويوي طالعي من التكافخ يويوي

كانت بتكافخ وياه بس سحبتها لفوق نكمل شغلنا..... ونشل قشارنا..

.............................. ........

.............................. ..................

وي فديتك منو مسوي بك جيه........... ويعه تويعه ان شاء الله........... وي فديتك تعال تعال ايلس بحضني

طالعتهم بنص عين.... ماشاء الله متى هالوئام والمحبه من بين امايه وراشد!!!!!...

راشد يطالعني وهو بحضن امايه: ويه خالتيه في ناس متقايضه
امايه: هههههههههههه ماعليك منه بس خبرني شو سويت بحساموه
راشد : اوه سكتي خالوه كافخته كافخته لو مايودني هاي ولدج ولا جان الحينه انتي بفاتحته
امايه: ويعه تويعه ومنو قال لك اني بحضر فاتحه هالخايس حسيم
راشد: اقولج يا انه ياله ذاج البكس على عيينه فره فرتين...... لالالا ثلاث فرات جيه مدري اربع والله مانتبهت
امايه ناقعه من جذبه: ههههه هيه باين من ويهك ان انت الباكسته فديتك ههههه
سيف: ههههههههههه تستاهل يا اكبر لوتي
راشد: جيه خالوه تشمتي الاعداء فينا؟
امايه: ماعليك من هالمتقايض هاي
راشد ياكل من ايد امي تمر: هيه عارف يخالوه
امايه: كل فديتك تمر زين لك ... مب شرات هاي لاتمر ولا رطب
سيف: المهم رشود انا اباك يوم نرد دبي بخدمه
عدل يلسته وهو يطالعني: شو هاي الخدمه؟
تبسمت بويهه: ابا تختار لي جيه جهاز لاب توب شغل نعم
راشد:!!!!!!!!!!!!!!!!!
سيف: شو بلاك ياريال عيونك الزرقا بس لايطلعو
راشد: شو تبا به؟؟ انت ماتحب اليلسه عليه شقايل مره وحده تشتري
سيف: جيه بعدين اخبرك
راشد: طيب يالله نش نشل قشارك اسمع خالتيه تقول انك للحينه ماحركت شي
سيف: دخيلك ياريال ايلس بس مالنا بارض على طيحتك بالمستشفى اون نشل

بصراحه قلتها عن حسن نيه بس اسلوبي وايد مستوي زفت هالايام!!!!!..... راشد حزت بخاطره هالرمسه وحاول ان ما يبين لي هالشي .... بس الا راشد هاي كل مشاعره مفضوحه بويهه ... تلومت بنفسي يوم شفت ويهه انقلب من بعد رمستي
... نشيت ويلست صوبه ....سحبت راسه وحبيته....

سيف: والله ماكنت اقصد
راشد يسوي عمره عادي: عشو؟
سيف: عرمستي
راشد: لا مامستوي شي ...... ( فر ويهه عني لأمايه) المهم خالوه سمعنا سهيل بملج؟
امايه وهي تخزني وترمس راشد: هيه فديتك امك خبرتك؟
راشد: لا شمه .... وينه سهيل؟
امايه: سار لربوعه فديتك
راشد: اها

نشينا انا وراشد صوب غرفتيه عسب يتسبح من دمومه المخيسه ويهه وجسمه ......

فريت ويهي عليه وانا احج راسي: رشود
رد علي بدون مايطالعني وهو يشل ملابسه: نعم
سيف: آآآآآآآآآسف والله اسف رمستي كانت وايد خايسه
طالعني : خلالالالاص ياريال وبعدين مب انت اول ولا اخر حد عق علي هالرمسه شي ناس قبلك وبعدك بعقوها يعني ملزوم اتعود
سرت احب راسه مره ثانيه: لاتقول جيه ... مب انا الي اعق رمسات رشود بس تعبيري مستوي خايس هاليومين .... لأني انا صدق خايف عليك
ابتسم: فاهمك لاتسوي لي فيها شرات البنات ازعل منك يومين ومدري شو ... خوز عني بس ابا اتسبح ولا عايبنك شكلي بالدم
سيف: ههههه تقريبا
راشد: هيه انت وبنت عمك تبو تنتقمو لحساموه
عقيت نفسي عشبريه بأرتياح: ههههههههه يارجل ماحصلت الا حساموه نتقم منك له اسميك مضيع
يفصخ ساعته: هيه بعد انا واخويه على ابن عمي وانا وابن عمي على الغريب
سيف: حرام عليك حليلها الريم وايد زاغت عليك .... هههههه ماطلعت الا وهي اون تكافخ بحسام تباه يفج عنك بس وين جثه مايتأثر بجم ضربه
يدخل الحمام : شو جثه قول درام الهير
سيف: ههههههههههههههههه خسك الله

دخل عني الحمام يتسبح.... اما انا تمدت براحه عشبريتي وانا افكر بلاب توبي المنتظر....
اكيد في حد فيكم محتاس شرات راشد يبا يعرف شو موضوع الاب ......امم انا اخبركم
من بعد وفاه حمدان كنت يالس ويا حميد ذاج اليوم....

حميد: والله المنتدى سمعت ان حده هالشهر وان ماتم الدفع بيتسكر
سيف: طيب انت منو خبرك؟
حميد: تذكر ربيعنا رابح؟؟؟.... هاي مسجل بمنتدى حمدان وهو الي خبرني يقول حرام منتدى شرات منتداه يتسكر نشيط وماشاء الله شي اعضاء وايد فيه
سيف: انا بدفع وبرد هالمنتدى بس عسب شي واحد
حميد: شو؟؟؟
سيف: عسب يظل ذكر حمدان عند اعضائه مستمر.....

رديت بذاكرتي يوم طلع راشد وهو ينشف شعره بالفوطه......

راشد: شو مابتخبرني بسالفه الاب توب
سرت صوبه وسحبته: تعال نتعشى واخبرك .....

.............................. ....

.............................. ..

شاي.... قهوه... حليب .... بلاليط ... بعد جبدي لقيمات هههههه

هالاشيا كانت من حولنا ونحن يالسين بالحوش .... ماشاء الله الجو قام يبرد ويستوي حلو

راشد: فديت عمرج خالوه ماروم لقيماتج لها طعم ثاني
مدت عفرا ايدها عسب تاخذ بس ضربتها عليها بسرعه: عييب ماشي حد ياكل منه غيري
عفرا تحج ايدها: ويعه يالهرم ابا وحده اجرب بس
راشد: يالله جلبي ويهج ... اون بتجربي... بس مساع يوم قلت لخالوه ابا لقيمات تناقعتو علي ضحك..... والحينه تبي تاكلي يالله جلبي ويهج بس
سيف: وانا رشود ما اجرب؟
راشد: انت اذا تبا كل رطب ماشي لقيمات
سيف: يالزطي
عفرا تغمز لي: طيب الريم مشتهيه لقيمات عطني اشل لها لغرفتها
فريت ويهي على خالوه: ...... خالوه وينها بنتكم؟
خالتيه: بغرفتها فديتك
راشد: يعني عفرا ماتجذب علي؟؟
خالتيه: هههههههه يمكن تجذب .... يمكن تشله وتاكله بدل ماتاشله لريم
حبيتها بخدها: امواح فديتج يالمحققه كونانه
عفرا: طالع امايه تجذبيني حذال اكبر لوتي ؟؟؟
راشد: انا اكبر لوتي يا بسكوت مأكول نصه
عفرا: ههههههههههه خسك الله... لا صدقي ماجذب البنت شمت ريحته واشتهته .... لو تدري ان مسوى لك جان ماشتهته لان تدري بك زطي

لالالالالالالالا الا الريم كل شي ولا هالجميله ... مديت ايدي وقرفت لها ..... بس نشيت ويا عفرا اون عسب اشوف صدق بتعطي الريم لو لا.... اما السبب الحقيقي والصدقي والضارب مخفي اني ابا اشوفها ... هالبنت تعرفو شو خاطري اسوي بها؟؟؟.... ايلسها على كرسي وايلس اطالع بها وبس ....

فتحت لنا الباب وهي رافعه شعرها بشكل محتاس ومتلبسه بجامه ورديه عاطيتها شاكل ناعم اكثر.... اويل حالي انا

عفرا : هالقيمات اصتنقصه لج هالوتي ( وتأشر علي)
رديت عليها وانا بروحي بعالم ثاني: هاه .... هيه
كفختني عفير على كتفي.....: بسك كليت البنت بمناظرك
هالشي خلاني اتويع لان شكلها ضربتني بمحل ما ضربني فيها درام الهير حسام : آآآآآآآآي
عفرا: سوري سوري رشود والله ماكنت ادري ان بعورك
رديت عليها وانا اهمز كتفي: خيبه.... عليج ايد جنها ملاس ام ام خماس
عفرا: ههههههههه ام ام خماس يامطولها

فريت ويهي على الريم الي كانت تطالعني بعينها الزايغه علي..... الشيمه ياناس حد منكم يطلب اسعاف ماروم انا جيه على هالبنت ... بصراحه انا الحينه بعالم ثاني مابا حد يعكر علي هالعالم.... عيونها لها كلام خاص .. كل ما اطالعهم ايني شعور يحرك اشياء وايد بقلبي ...نظرات الانكسار الي بعينها كسرتها بنظرات الامل من عيني ... نظرات الوحده كسرتها بنظرات الشوق من عيني..... نظرات اليأس بعينها كسرتها بنظرات الحب من عيني... هالاشيا تشكلت على ابتسامه ارتسمت على شفايفنا وصوت تنهيده طلعت منا...نقعت عفرا

عفرا تطالعنا ومكفته ايديها: هههههههههههههه ماروم عليكم
مدينا ايدنا نحن الاثنينا وضربنها على راسها

عفرا: آآآآآآآآآآآآآآي يالوث
راشد: محد لوث غيرج ع ريحتج خايسه عفير شقايل بيستحمل سلطان جيه؟ اف ( وسديت خشمي علامه ان ريحتها خايسه)
عفرا وصدقت رمستي وطالعتني بنظرات زايغه: صدق رويشد فيني ريحه؟
طالعت الريم : هيه صح الريم ؟؟؟؟

هزت الريم راسها بالايجاب وسدت خشمها هي الثانيه هههههههههههههههه ... هالشي خلانا مانشوف غير غبار عفرا هههههه

فريت ويهي على الريم: هاي بنت عمج مقصه بسرعه الواحد يروم عليها
الريم: ابتسمت ابتسامه عريضه تعطيها شكل طر
سندت عمري على اليدار: امم وانتي؟؟؟في حد يروم عليج؟؟ بصراحه انا ماتوقع هالشي...
الريم: ابتسمت هالمره ابتسامه خجوله مع خدودها المحمره
راشد: تدري شو ؟
الريم: طالعتني بنظرات تسائل
قربت شفايفي من اذنها وهمست: انتي حلوه


رميت هالجمله.... ونزلت لتحت لا اتهور اكثر عن جيه.... اسميني انسى عمري يوم اطالعها
هالبنت ساحره... انتظرت عفرا تخلص سبوحها ويلست وياها نتكلم عن اسرار خاصه مابخبركم عنها
.............................

 

أدوات الموضوع



الساعة الآن توقيت السعودية الرياض و الدمام و القصيم و جدة 08:10 AM.


 
Powered by vBulletin® Copyright ©2000 - 2019,
vBulletin Optimisation provided by vB Optimise (Pro) - vBulletin Mods & Addons Copyright © 2019 DragonByte Technologies Ltd.

Search Engine Optimization by vBSEO 3.6.0