 |
  |
|
|
|
|
#26 |
|
|
رد: بــس إنــت عـلـمني الـجـفا دامـني عـجزت اعلمك ..الوفا ..>بقلمي
بنات على الاقل بس قولوع رايكم حطمتوني. :( :(
|
|
|
#27 |
|
|
رد: بــس إنــت عـلـمني الـجـفا دامـني عـجزت اعلمك ..الوفا ..>بقلمي
لالالا مره حلوه كمليهااااااااااااااااااااااا يسللللللللللللمووووووووووو
|
|
|
#28 |
|
|
رد: بــس إنــت عـلـمني الـجـفا دامـني عـجزت اعلمك ..الوفا ..>بقلمي
البارت الــعـــاشر
--------- مدخل... عـلـْمـ |غروركـ|ْْ عْـزتــيْ مـالْـها ح ـدود..... ---------- جود:لا لاتتركوني ريم:مانقدر يالله حنا رح نوقف قدامك لاتخافين ناديه:استغفري واقرأي وردك ترتاحين ونزلوا عند الرجال نايف كان متحمس يدخل يشوف شكلها وهي خلص صارت ملكه وماحد له دخل فيها فارس:أقول نايف بدخل معك نايف:اقول بس اقضب الكرسي فارس:بس بدخل اشوف زوجتك حلوه ولا لا رائد:والله اسمع البنات يقولون انها قمر ماشالله نايف:ليه ماتسكتون انت وهو رائد:لا بس بقول له المعلومه الي وصلتني هشام:ايه اجل بندخل معك نشوفها نايف:رائد وش رايك اقول لزوجتك مدري خطيبتك الي انت تبي رائد:اقول بس طير الجد :يلا يانايف تعال بزفوك لزوجتك نايف:سمعتوا وش قال جدي نايف ماقال أحد ثاني الجد:ايه يلا ونواف انت خليك لا تروح حسابك عندي الحين وطلع نواف:ياعيني وانا اقول اكيد جدي ناسي رائد:وش مزين نواف:لا ولاشي بس طلعت من الشركه قبل ينتهي الدوام وهو كان يبيني وقبلها مادومت هشام:ههههه احسسسن ---------------------- في القاعه الداخليه انزف نايف لجود وبعض البنات الحاضرات البنت1:وووواااو يهبل البنت2:ايه والله حتى هي حلوه البنت1:ايه هي حلوه بس مو كثير هو قمر البنت2:ماشالله حنا بس نشوف مالنا مثله البنت 1:ههههههههههه لا تعمي خصي ---------------------- الجد:مبروووك ياجود جود((على وشو تبارك ياجدي على موتي )):الله يبارك فيك الجد:هااه نايف حط جود بعيونك لا وصيك نايف :لا توصي حريص ابو ياسر:مبروك يابنتي جود:الله يبارك فيك ابو ياسر:نايف جود غاليه عند الكل تأكد لو زعلتها بكله ياويلك نايف:لا ان شالله مأزعلها ام خالد:يالله خلي العرسان يجلسوا الوحدهم ام ياسر:ايه يالله يمه ادخلوا جوا بذيك الغرفه وودتهم لها نايف الي ماناضرها أبد من لما دخل ولحين جت عينه فعينها نايف ((ماشالله مثل ما قالوا عنها البنات قممر )):دري اقول لك مبروك جود سكتت نايف:انتي وش رايك وش اقولك جود:قول الي تبي نايف:ايه اجل مبروك جود:كانت تهز رجلهاسريع وكانت منزله راسها نايف:اممم شفتي قلت لك لا تتحديني هاذا انتي بكبرك صرتي ملكي انا وحدي وبس جود:بس لاتحلم تاخذ مني شي او حتى كلمه صغيره بس نايف :اسمعي قدام الكل تكونين طبيعيه تسوين حركه كذى او كذى او كلمه ياويلك مني جود:انا مأكذب نايف:لا انتي مارح تكذبي انتي رح تمثلي وبسوأسمعك تقولين كلمه كذى او كذى ياويلك جود: اوووف نايف:لا تنافخين وأسمعي من يوم ورايح كلمتي هي الي تمشي عليك مو احد ثاني جود:ومين تكون انت نايف:اكون زوجك جود:لا انت مالك حكم علي نايف:لا انا من ذي الحضه وانا المسؤال عنك لاتطلعين ولا تنزلين الا بأذني ولا تشوفين شي عمرك ماشفتيه جود:أكثر من كذى نايف :لا ياقلبي انتي كذى ماشفتي شي بعد ومأبي اذكرك زواجنا بعد اسبوعين جود:نعم هو كل يوم تنقصوا اسبوع نايف:انا الي طلبت انهم يقدموا جود:بس انا مأبي نايف:وانا ماطلبت رأيك جود كان واصل حدها تبي تصيح بس ماتبي تضعف قدامه نايف:وين جوالك جود:وش تبي فيه نايف:وش قلتلك لا تسأين كثير وين جوالك جود اشرت على الطاوله نايف اخذه وحط رقمه اخذ رقمها نايف:ياويلك لو يوم اتصل ومارديتي علي فاهمه ويالله مثل ماقلتلك جود أشرت براسها نايف:ومثل ماقلت لك اسمعك تقولين لاحد ليه انا مأخذك ماتلومين الا نفسك جود:وش بتزين يعني نايف:عقابك بعد زواجنا بعد اسبوعين بأذن الله ويالله انا بطلع الحين ولا تطلعي قدام الحريم بذى الفستان يفتن اكثر من انه يستر وطلع جود كانت رح تصرخ بس دخلوا عندها البنات هي ماحبت تدخل بمتاهات فبتسمت لهم رنا:والله وشكلك جننتي اخوي جود: انا وش زينت رهف:والله توي شايفه نايف طالع وهو مايشوف الدرب جود ابتسمت ----------------------- بعد 6 ايام على الأحداث ام ياسر:جود قومي مابقى شي ع زواجك ونتي مو راضيه تطلعين معنا تجزين نفسك جود:يمه قلت لكم انتوا زينوا كل شي ياسر:وانا ماني طالع الا معكيلا بسرعه جود:ياربي اوووف وقامت تلبس وطلع معهم امها جهزت لها من ارقى المحلات والماركات جود ما فكرت ولا حتى تختار لون فستنا وهم مشاين رن جوال جود نايف>>يتصل بك جود:اووووف ام ياسر:وش فيك يمه جود:لا يمه ولا شي عن اذنك ابي ارد ام ياسر:ايه يمه أنا بدخل هاذ المحل انتضرك جود :ان شالله دخلت ام ياسر جودالي مكان لها خلق ابد انها تجادل احد :هلا نايف:اهليم ليه مارديتي بسرعه جود:ماسمعت الجوال نايف:صوت ازعاج عندك انتي وين جود:مع امي بسوق نايف:وين ماني سامع جود: بسوق نايف:مو قلت لك لاعمرك تطلعي الا بأذني جود:كما أضن اني بعدي ببيت ابوي يعني اطلع ونزل على كيفي انت ملك حكم علي وانا بسكر الحين وسكرت لجوال نايف:تسكرين بوجهي ياجود والله لاتندمين -------------------------------- الجد :نواااف تعاال هنا نواف:سم الجد:كم مره قلت لك لا تطلعم من الشركه دون اذني نواف:ايه اسف ياجدي بس كن عندي شغل برى الجد:هاذ مو سبب يخليك تطلع من الشركه نواف:ايه ان شالله خلص من اليوم بربط هنا لجد:يكون احسن بعد وين هشام نواف بفهاوه :اااه الجد:اسألك وين هشام نواف:راح مشوار قريب وراجع الجد:يالله انتوا متى بتصيرون قد المسؤوليه يتموتوني ناقص عمر نواف:بعد عمر طويل بنفس الوقت دخل هشام الجد:تعال وين كنت هشام:لا بس ذاق خلقي طلعت الجد:مو قلت لكم لا عمركم تطلعوا لين يخلص الدوام نواف وهو يجلس:جدي ممكن افهم ليه انا وهشام بذات وكل اولاد عمي واخواني وولاد عماتي ولا تبي عادي يطلعون الجد:زين سألت لآنك انت وياه الطيش لاعب فيكم ومأتثبتون بمكان بس تصيرون قد المسؤليه اطلعوا مثل ماتبون هشام:اييه وانا اقول ليه رابطنا بلمكتب ولو بأيدك تسكر علينا وتاخذ المفتح تسويها الجد :والله تبون كذى ------------------------------ فهد:اووووووووووف ياربي اوووووووووووف ناديه:وش فيك تنافخ فهد:ملل ابي اطلع للأستراحه ناديه:الحين لا لان الكل مشغول بلزواج فهد:يالله على ذى الزواج كم بقى له طول ناديه:3 أيام بس وش الي خلاه يطول فهد:يعني الحين جد نايف بتزوج جود ناديه:ايه ليه فيه شي غريب فهد:لا بس اسأل ناديه:ايه اجل لاتسأل رن تلفون البيت ناديه:الو .....:ااهليين ناديه:هلا أخوي من بغيت .....: وشو ناديه نسيتيني ناديه صرخت :فيصل فيصل:ااه خرمتي اذني ناديه وبدت تدمع :فيصل متى ترجع والله مشتاقه لك حيل فيصل :لا خلص رح اجيكم وببتل عندك مارح ارجع ناديه:صدق متى فيصل:يعني تقدري تقولي رح احضر فرح نايف فهد:بكلمه عطيني ناديه:خذ فهد لين انادي امي فيصل:عطينا فهود نشوف وش عنده فهد:الو فيصل:ياهلا والله بذى الصوت فهد:متى رح ترجع فيصل:طيب قولي كيفك وش اخبارك فهد:لأول متر رح ترجع فيصل:بكرا اوبعد بكرا اكون عندك فهد:واااااااااااااااااااااو ونااااااااسه ----------------------- بسبب قرب موعد زواجها نفسيتها تغيرت الجد لاحض هاذا الشيوطلب من ياسر يودي جود له ببيته جود:ياسر مأبي اروح مكان خلاص ياسر:لا الحين غصب بتروحين جود:ياسر والله مليت خلاص مأبي اطلع بجلس بغرفتي ياسر :جدي هو الي طالبك يبيكـ جود رفعت حاجب: جدي ليه وش يبي ياسر:انتي البسي طالبك لوحدكـ جود:طيب الحين انزل ----------------------------- ريناد:الحيم من جده نايف ماخذ الفله الي ورانا رنا:ايه وفتح باب بعد بينا ريناد:ياااي والله تصير وناسه رنا:لا ياحلوه انتي تعرفي طبع نايف اكيد يصير يتحك بجود ريناد:اي الله يعينها عليه رنا :اميين ريناد:يالله مابقى شى ع الزواج وانا مدري وش البس رنا:الي شريتي اخر شي حلوا ريناد:برأيك البسوا رنا:يب يب --------------------- الجد :ياهلا والله بعروستي جود((اه ياجدي اي عروس بس))ابتسمت:شلونك جدي الجد:انا بخير الحمدلله جود:دوووم ان شالله ياسر:انا أستأذن عندي شغل الجد:الله معك ياولدي وانتبه لدربك ياسر:تأمر امر يلا بلأذن ((وطلع )) الجد:تعالي ياجود بحضني جود من دون مقدمات راحت بحضنه بسبب قربها له الجد:جود ليه تغيرتي جود خافت من تهديد نايف :ولا شي الجد:لا انتي تغيرتي جود:لا بس خايفه لآن خلص ماصار شي لزواجي الجد:أتأكدي ياجود انا لو كنت مو واثق من نايف كان ماقبلت انه يتزوجك أنتي بذات لأنك تعرفي غلاتك بقلبي جود(((ااه ياجدي بس نايف قصه ثانيه ))) الجد:انتي تبين شي جود:جدي نبي نجتمع بكرا بلأستراحه الجد :انتي خلاص بعد بكرا زواجك جود:ابي نطلع الأستراحه بكرا الجد:خلص لكي ماتبين -------------------- ناديه:يمه يمه ام فيصل:وش فيك تنادين كذى ناديه:يمه على التلفون ام فيصل:وش فيه احد فيه شي ناديه :لا فيص يكلم ام فيصل:يابعد قلبي يا ولدي ورحت تكلمه فهد:هاذا هي امي ام فيصل:هلا والله بوليدي فيصل:هلا والله بلغاليه وش خبارك يمه ام فيصل :حنا كلنا الحمدلله نسلم عليك وانت يمه شلونك مع الغربه ومتى رح ترجع فيصل:انا يمه الحمدلله بخير والله اني مشتاق لكم موت ام فيصل:متى راجع يمه فيصل :يمه عدي على يدك يابكرا يابعده اكون عندك ام فيصل:صدق يمه الحمدلله ياارب انك فرحتني برجعت ولدي فيصل:وش اخبار ود وبنتها ام فيصل:الحمد لله تمام وشو ماتبي تشوف بنت اختك فيصل:الا والله نفسي اشوفها الا وين مرام ام فيصل:انت تدري زواج ولد عمك قريب راحت تشوف وش ناقصهم فيصل:سلمي عليها بس تيجي اجل وين هشام ام فيصل:صار يشتغل بشركه فيصل:وش صار غريبه ام فيصل:لا جدك لما رجع عدل كل شي كان خربان حتى نواف ولد عمك صار يروح كل يوم فيصل:والله يستاهلون ام فيصل:يلا يمه طولنا عليك فيصل:لا والله يالغاليه سماع صوتك تسوى الدنيا كلها ام فيصل :انتضرك بكرا يلا بأمان الله فيصل :مع السلامه --------------- اليوم التالي الكل بلأستراحه بناء على طلب جود رهف:هلا والله بعروستنا جود:احم احم شكلكم رح دلعوني اليوم ريناد:لالاتحلمي مرام:ايه والله صدق لا تحلمي جود:مالت عليكم والله وهاذ وانا اخر يوم اجلس فيها معكم ناديه :لا والله كلوا ولا زعلك رهف:ايه اليوم بس رح ادلعك روان:ريناد ياهبله المفروض تقولي زوجه اخوي احطها بعيوني ريناد:ايه والله صدق جود:لا خلاص انا زعلانه رن جوال رنا رنا:هلا والله نوره :اهلين ذاكريني ولا لسى رنا:وحنا نقدر ننساك نوره:البنات عندك رنا:ايه كلهم بعد نوره :عطي كل وحده فيهم كف ولا تسلمي عليهم كذى ينسوني حتى رساله مايرسلون رنا:لا تأخذينا والله زواج جود أخت اسيل بكرا وكلنا مشغولين نوره:لا والله حتى ذي مو قلتولي اهئ اهئ خلص زعلت اسيل:مين تكلمين رنا:نوره وتقول انها زعلانه ليه ماقلتوا لها عن زواج البقرا هاذي ((وتأشر على جود))) اسيل:الكذابه والله اني قايله لها نوره:اييه والله صح تذكرت المهم عطيني جود رنا:بلأول تعرفين مين اخذها نوره:لا مين رنا:نايف اخوي جود(((من قراده حضي ))) نوره:ماشالله يالله يتمم لهم على خير رنا:امين خذيها جود:هلا نوره:الف الف الف الف الف الف الف الف الف الف مبروك يكفيك ولا أكمل جود:هههههه لا يكفي وزياده بعد ازين من الي ماباركوا لي وتناضر البنات روان :والله انك قليله خاتمه جود طلعت السانها عليهم نوره :يلا حبيت اباركـ لكـ ايه صح ماتبين تعزميني ع فرحك جود: انتي اول المعازيم طبعا تعالي نوره:والله انتي عسل مو مثل الي عندي اعوذ بالله جود:انتبهي بس لا يسمعوك هاذهم كلهم عندي نوره:ههه لالا خلاص سحبت كلامي جود:ههههههههههههههه زين نوره:طيب ياعروسه انا اطر اسكر جود:طيب يلا سلام نوره:سلام والف الف الف مبروك (وسكرت) ----------------------- رهف :ريم امي تبيك ريم:ليه رهف:مدري بس روحي لها ريم:طيب ((وراحت )) ريم:سمي يمه بغيتي شي ام رائد:ايه يمه الله يوفقك زيني لي قهوه انتي بس ال تعرفين تزينيها ريم:بس كذى ماطلبتي شي من عنوني الثنتين ام رائد:تسلمي يمه ريم راحت وستغربت ان مافي احد من الخدم بلمطبخ وزين القهوه بعدين حست بيد مسكتها ريم :ناديه ولفت تبي تكمل كلامها ونصدمت ...:ياهلا والله ريم: ا هـ لـ يـ ن ....:شلونك ريم ريم :انت لي هنا نواف:سبحان الله ربي كاتب من عنده اني اشوفك ريم:ااه نواف:شلونك ريم:الحمدلله نواف:يلا انا كنت باخذ القهوه بس ربي كاتب اني اكحل عيوني بشوفتك ((وطلع ريم الي من جواها مايته فرح ان شافت حبيب عمرها ريما ((بنت عمتها )):وش فيك ريم ريم بفهاوه :هااااه ريما:لالا انتي فيكي شي اكيد اقول لك وش فيك ريم:ااه لالا ولاشي ريما:ايه مع ان شكلك غير كذى بس يلا خالتي تقول وين القهوه ريم:ايه هاذا هي جهزت ريما :بسرعه طيب ريم:ريمي حبيبتي انتي وديها لها ريما :ليه ان شالله شايفتني خدامتك ريم:اوووه ريمي حبيتي ياقلبي ريما:والله بس عشان شكلك الي متغير 180درجه رح اوديها ريم:يابعد الدنيا انتي ريما:مصلحجيه ريم:وش ازين الدنيا مصالح بسرعه وديها لأمي ريما:هاتي (اخذتها وراحت ) ريم راحت تجلس عند البنات روان وهي تغمز لجود:جووااده لاتخبي شي علينا خلاص جود:اقول روان مع نفسك رنا:ايه صدق جود نبي نتعلم جود:اقو انتي وهي اسكتوا لايجيكم كف طاير غيداء((بنت عمتهم )):ليه جوااده ماقالوا شي غلط يبي يثقفون جود:غيوده يابعد الدنيا كلها انتي بعد على وجه زواج ليه مانتي تقولي لهم غيداء:هههههه لا انا لسى مطوله انتي بكرا وخلاص ناديه الي نتبهت لريم وراحت عندها:وش فيك ريم:شفتوا ناديه بستغراب :شفتي مين ريم:هو شفتوا وكلمني ناديه:مين تقصدين ريم: نواف ناديه:وين شفتيه ريم:بلمطبخ ناديه:وش جابوا هنا ريم:لالا بلمطبخ الي عند الحريم جودانتبهت :لا والله يعني الحين رميتوني قليلات خاتمه ناديه:لا انتي خليكي بحبيب القلب جود الي جلست عندهم وبصوت واطي:اي حبيب قلب الله يهديك بس يلا ماعليكم وش فيكم ناديه:ريم شافت حبيب القلب جود:اماا عاد وين شفتيه ريم:شفتوا بلمطبخ هناك جود:يابعد قلبي ياخوي طلع يحب ويعشق ناديه:ههه يبختوا بس شهد:بنااات حد يشيل دانه اوووف دوختني مرام: ماحد قلك تجيبي نونو شهد:هاذا بدل تقولي انا اشيل دانه مرام:هههههه انا ماعندي ذي الاشياء دانه:روح عند جدي ا ازين لي((وطلعت)) ود:يلا شهود كمان سنه تكون في وحده علي يدها مثلك جودكانت تكلم البنات ومانتبهت .. شهد:ايه كانت تتمصخر علينا رح نوريها وش رح نزين فيها بس خليها تحمل اسيل:ههههه مو معكم ابد ود:والله لوريها انتضروا جود جود:هلا سمي شهد:اسمعتينا وش كنا نتكل تو جود:لا وشو ماكنت معكم ود:لا بس كنا نقول كمان سنه يمكن يزيد حد بلعيله جود مافهمتهم :مين ود:ااممم شهد نبي نفهمها من جديد جود:والله ماحد قلكم تتكلموا عني وانا مو منتبهه شهد:لا بس يمكن السنه الجايه يكون بين يديكي طفل جود:هاهاهاهاها بس لاتخليني اضحك يلا عاد فكوا عني ود:اممم لاشكلها شايله الفكره كلها شهد:لا هي ولا مفكره ابد جود:ايوااا عليكي نور لذى السبب ماأبي احد يفتحلي ذى الموضوع حتى بعد زواجي اوكِ ------------------------------- توقعاتكم .... كيف رح يكون الفرح ...؟ |
|
|
#29 |
|
|
رد: بــس إنــت عـلـمني الـجـفا دامـني عـجزت اعلمك ..الوفا ..>بقلمي
لبارت الحادي عشر
--------------- مـدخل... ليهـ ْ دايمـ احس أن الحزن يـحـسـبـنـي ..^ احد من اهلهـْْ ----------------- في اليوم التالي على الساعه 7ونص صباحا الجد:يلا الكل يقوم بنمشي رنا:لا يبه بنجلس كمان الجد:مافي وقت ورانا الفرح بليل جود:عادي نجلس هنا الجد:انتي اول وحده اشوفك طالعه قدامي جود بصوت واطي مايسمعه الا الي حولها :ليتني ماتكلمت ريم:أزين تستاهلين جود:افاا يا جدي ليه الجد:المفروض من امس مروحين ماجلسنا الا عشانك جود:ادري ياجدي كمل اليوم هاذا بعد الجد:لا يلا قدامي انا مطلع الرجال من زمان ينتضروكم بسيارات البنات :أن شالله ياجدي ((وطلعوا)) ناديه:بنات انا وريم رح نروح مع جود خلص ود:ايه زين ساعدوها رهف:اقول جود يعني خلص المره الجايه رح تريحنا وتفضي لنا سرير هنا جود رفعت حاجب:ليه وين اروح ريناد وهي تجلس جنب رهف:بتكوني بعش الزوجيه صح هي عش الزوجيه انا اذكر كذا يقولوها رهف :بغرفه لحالك كبييييييييييره وماحد معك ريناد:لا ياغبيه نايف معها رهف:ايه بس اذا هي تبي تطلعوا تقدر ريناد:ههه لا أضن ماتقدر يطلعها برا وهو يضل جالس بلغرفه هاذ نايف ماحد يقدر له ريما:اقول بس لاتخوفي البنت ريناد:ههههههههههههههههه ايه صح لا مافي أطيب من قلب نايف يابعد قلبي ياخوي جود (( أطيب قلب قال)): اه بس الي يجلس معكم تشيبوا راسوا ((وطلعت )) ريم:جود صدق انتي طلعتي الفستنا من المشغل جود:مدري اسألي اسيل او أمي اسيل:ايه هاذا هو معلق بدرج جود:ايه اجل طلعوا ريم:اهنيكي يابنت عمي ويلا هاذا رائد حرق الجوال يقول تأخرتوا ناديه :حنا جاهزين يلا نطلع ((وطلعوا كل واحد بسياره )) جود وناديه وريم الي طلعوا اخر شي لأنهم راحوا يشوفوا جدهم وقفوا عند الباب رائد شافهم رائد:اقول نايف تقل ان ذولاك زوجتي وزوجتك ومدري مين نايف الي كان لابس نظاره شمسيه شالها :ايه تقل هم اكيد ريم الله يعينا بس رائد: هانت زوجتك رح تمل منها من اليوم نايف:ههههه يلا بوصل الي معي انت روح رائد:وزوجتك نايف: هاذا هي ركبت مع جدي يلا بس أشوفك بليل رائد: طيب يلا انتبه للطريق ---------------------------------- رهف:فارس نبي شي بارد احس ان صارت الدنيا حر او افتح التكيف ريناد:ايي حر حراام عليك انا مثلجه فارس:من الي لابسته تقل انا بلقطب المتجمد تستاهلين رهف:وش ازين اذا فصخته ابرد فارس:تمرضين الناس لآنك حرانه ام جاسم ((عمتهم)):رهف تمرضين بعدين ووراكي عرس بليل رهف:ايه والله صح خلص لا تفتح التكيف بس نبي شي بارد فارس:من حظك هاذا هو السوبر ماركت وش تبون رهف:اي شي بارد فارس :عمه امري وش تبين ام جاسم :لا يمه مابي شي فارس:ونتي ريناد ريناد:اولا شي ابي اوصل البيت بسرعه فارس :ماشالله عليكم اليوم عاقلين وين الطلبات الي قبل امتنان:وليه ان شالله انا ماتسألني بنت البطه السوده فارس:ياهلا ياهلا انتي معنا توي اشوفك لا محشومه مين قال انتي الخير والبركه امري وش تبين امتنان:اممم مابي شي كثير بس ابي ببسي وليز وعصير برتقال ودريتوز وفلك وجالكسي و برينقلوز واممم وعلبه مويه بس فارس:وانا اقول غريبه ان ماحد طلب الحين دريت لانك معنا مايبون يكثرون علي امتنان:هاذ وانا ماطلبت شي فارس:ياعيني وش تبين بعد رهف:فاااارس بسرعه فارس:ايه يلا يلا هاذاني رحت (وطلع ) ام جاسم:الله يهديكم كان ذلحين وصلنا بعدنا مازينا شي ريناد:عمه وش فيك الساعه 8 لسى معنا وقت الفرح مايبدا الا 10 او 11 ام جاسم: هاذول المعازيم حنا لسى ورانا ترتيب والعصر رح نروح للقاعه ريناد:ليه وش يودينا العصر ام جاسم :جدك يبي كذى رهف:والله جدي علي حركات مدري وش هي -------------------- في مكان اخر الجد:هاه جود ان شالله مرتاحه جود((مرتاحه!!)) :الحمدلله الجد:خايفه جود:وانت وش رايك يبه الجد:هههه رئيي اكيد لا انتي جود ماتخفين من شي جود:والله اليوم حسيت معنى الخوف الحقيقي خلص مابي اصير عروس خلوا ناديه بدالي ناديه:لا والله الجد:لا ناديه منتهي وضوعها كمان كم شهر وتصير ببيت زوجها ناديه:مين قال ياجدي حنا تفقنا بس تتزوج مرام الجد:هاذ اول الحين كل شي تغير مايصير صار لكم كثير مخطوبين ناديه:ايه جدي كذى ازين الجد:خلص الموضوع انتهى خلينا نخلص الفرح اليوم بعدين نفتح موضوعك ناديه:لحول ولا قوه الا بالله ياجد وش فيك علي اليوم الجد:ناديه خلص قلت لك الموضوع انتهى جود:ازين انا ونتي بنفس السنه ريم:خخخخ ياحراام الجد:ريم لا تشمت بأخيك فيعافيه الله ويبتليك ريم: انا ماتشمت انا اقول لهم بس عادي عندي انا الجد:اهاا خلص انشوف يوم زواجك وش رح تزينين ريم:ههه ولا شي بلعكس رح افلها ماهي واقفه الدنيا ناديه: كلام من ورى قلبها صدقني ياجدي رح تموت خوف اكثر من جود ومني بعد الجد:ههه ادري جود:اوووف وأخير وصلنا ((نزلوا)) ريم:وش بتزينين الحين مافي وقت جود: امممم وش بزين امم تصدقين بنام وطلعت ناديه:جود يامطفوقه تعالي وش تنامين جود:يالله بناام حرام يعني ناديه:مافي وقت جود:وشو الي مافي وقت الساعه ثمان ناديه:ايه لين تزيني خشتك وترتبين اغراضك يكون مافي وقت ابد جود:اامم هاذا انتوا موجودين وش فايدتكم و ((طلعت)) ناديه:بذبحها يالله اووووف ريم:هههههههه مارح تنام كمان شوي نطلع لها ناديه:واثقه انها مارح تنام ريم:والله صدقيني هي خايفه مارح تقدر تنام من كثر التفكير ناديه :ممكن ليه لا ---------------------- طلع فارس فارس:السلام عليكم الكل:وعليكم السلام امتنان:كان جلست بعد بدري ماتأخرت ابد فارس:اعتبرها شماته ولا وشو امتنان:والله اعتبرها الي تبي فارس:يابنت انتي يبيلك قص لسان امتنان:هاهاها بس لاتخليني اضحك اذا انا يبيلي قص السان انت وش يبيلك ام جاسم:عيييب امتنااان خلص امتنان :ماقلت شي غلط رهف:يووه خلص امتنان بسرعه فارس نبي نوصل البيت فارس :خذي اجل ((عطاها الكياس )) ----------------------------------- مرام:بنات لو انتضرتوا جود مارح تزينون شي قوموا يلا كل وحده تزين شي ناديه:ناقصنا اشياء كثير رنا:اطلعي السوق ناديه : السواقين جدي عطاهم اجازه مافي احد رهف:اتصلي على زوجك يوصلك ناديه:انتي اسكتي اسيل:ايه ناديه يلا ماعندنا وقت ناديه:لا هاذي ود رجلها يوديكم خلص مابي اطلع مكان روان:ناديه خلصي ود مارح تقدر تطلع وراها شغل هنا ناديه:اووووف يالله عليكم امري لله و(تصلت) رائد:ياهلا ياهلا وأخيرا انتي الي تصلتي ناديه:اهلين ههه كيفك رائد:انا بعد ماسمعت ذا الصوت الحمدلله بخير ومافي ازين مني ناديه:لعله دووم رائد:هااه اكيد تبين شي ناديه ابتسمت: ايه نبي نطلع السوق وجدي عاطي السواقين اجازه رائد:يالبى ياناس وبشوفك بعد ناديه الي حمر وجها:تقدر رائد:ايه اقدر وحتى لو ماكنت اقدر لجل عيونك اقدر ناديه: متى تفضى رائد:انا فاضي بأي وقت انتي اذا قضيتي اتصلي علي ناديه:طيب يلا اشوف البنات رائد:بسرعه ابي اشوفك ياناس باين ان اليوم رح يكون روعه بعد ماسمعت صوتك ناديه :رائد رائد:هههههههههههه خلص سكتت يلا اذا قضيتوا اتصلي ((سكر )) ناديه:يلا بنات بسرعه البسوا رهف :لا تخافي مارح نتأخر عليه ناديه:رهيف انتي اسكتي فاهمه رهف:ههههههه ليه وش زينت ناديه:ابدا انتي ملاك يمشي على الأرض عمرك مازينتي شي رهف:ايه أول مره احسك صدقتي بشي ناديه:والله لوريك يلا بنات مين رح يروح معي انا وريم ريم:بسرعه بنات لأن مارح يكفينا الوقت مرام:انا اروح معكم لآن عمتي تبي اغراض غيداء:بناات لازم احد يجلس بعد نرتب اغراض جود لآن هي اكيد مارح تزين شي رهف:ونتي كمان غيوده اول مره احس انك قلتي شي صح ناديه:رهيييف انتي اسكتي وبسرعه روحي ساعده الخدامات يعدلون الأغراض رهف:لا والله وانا وش دخلني ناديه:اشرفي عليهم مو تزينين معهم افهمي عاد اوووف ماعندك عقل ابد رهف وهي تطلع:خليت لك العقل ولأشكالك ناديه:سبحان الله ريم: ناديه بطلع اشوف جود ناديه :ايه انا جايه معك بناات بنزل تكونن جاهزات لان عطول رح نطلع (((طلعوا عند جود))) كانت الغرفه ظلمه وبااارده دخلوا ناديه:والله انها مجنونه بذى البرد وفاتحه التكيف ريم: تعالي راحوا عندها ناديه :جود جود ماردت ريم: جود ندري انك صاحيه قومي (( رفعت عنها الغطا )) ناديه:جووود ليه تبكين جود ماردت ريم:شفتي مو قلت لك مارح تنام قومي جود البكا مارح يفيد جود:بنات يعني اخر مره اشوفكم هنا ناديه:ايه بعدين نصير نشوفك بيتك بأذن الله جود:انا اكرهوا ماحبوا ولا أطيقوا من قبل يخطبني ريم:يمكن خيره لاتنسي عسى ان تكرهوا شيء وهو خير لكم ناديه:ايه صدق يمكن لما تعاشريه تحبيه جود:مستحيل كله ألا نايف ماطيقه تعرفون وش يعني مأطيقه ريم:جود انتي ليه تكرهي جود:مأدري بس اكرهوا موت ناديه:جود قومي معنا نروح السوق جود:مأبي ريم:قومي غيري جو بعدين رح تصيري تاخذي اذن تطلعي معنا الحين انتي حرا طليقه جود:مين قال الحين وبعدين اطلع معكم هو ماله دخل فيني ناديه:طيب حنا رح نطلع الحين لان نبي اغراض كثير تبين شي جود:ايه جيبي لي بنادول احس راسي بينفجر ناديه:ان شالله ريم:يلا انا نازله ناديه باست جود:لا تصيحين خلاص للمره الألف لاتبيني ضعفك فاهمه جود وهي تمسح دموعها :طيب ((نزلوا)) ------------------------------ ناديه :خلصتوا مرام:ايه يلا ناديه:مين رح يروح روان :انا ومرام ونتي وريم وغيدا وأسيل امتنان وهي تتخصر:لا وانا بعد ناديه: امتنان ياقلبي لا انتي خليكي هنا مو لازم تروحي امتنان:ليه ان شالله شايفتني صغيره ناديه:لا مين قال الحين أمك رح تكون مشغوله انتي امسكي ليان خلاص امتنان :لا بروح معكم اسيل:امتنان سمعتي وش قالت ناديه امتنان:اووووف ايه خلص ناديه:يلا بنات رح اتصل مرام:انتي لسى ماتصلتي ناديه:لالا تخافي رح تلاقي عند الباب اسيل:بسرعه يلا ناديه اتصلت رائد:هلا والله ناديه:اهلين رائد يلا خلصنا تعال رائد:ايه يلا 10 ثواني وانا عند الباب ناديه :طيب حنا رح ننتضرك عند الباب رائد:ياويلك ناديه:يمه وشو رائد:تطلعي خليكم جوا وانا اتصل عليك لما أوصل ناديه: ان شالله طيب مارح نطلع رائد:سلام (سكر ) ناديه:الله يعين والله ريم:ههه وش فيك ناديه:وش عرفني عن رائد ريم:هههههههـ شكلك يضحك ناديه:مالت عليك اقول يلا خلنا نجهز قال 10 ثواني وهو عند الباب ود:ماشالله عليه انا بدر يقولي نص ساعه يجيني بعد ساعتين البنات :هههههههههههههههه أسيل:ايه ازين وأنا اقول ليه انتي اخر من يوصل دايم ود:اسكتي بس مالت عليك رن جوال ناديه ناديه:بنااااااات يلا رائد وصل روان: لا مرت 12 ثانيه زادت ثانيتين مارح نطلع خلص مو دقيق بمواعيده ناديه:اقول روان جربتي احد يسكتك مالنا غيره الحين عجبك ولا طقي راسك بلجدار روان:لا عجبني ونص بعد يلا و((طلعوا)) اسيل:ناديه انتي اجلسي قدام ناديه:لا والله ريم او روان خواته روان:اقول بس اجلسي الظاهر تبينه يذبحنا ناديه:مايصير اجلسوا انتوا يلا ريم :انا مالي دخل ((وجلست ورى)) روان الي بتسمت : وانا بعد يلا تشاو وركبت جنب ريم اسيل:لا تناضريني انا مأحل له وركبت ورى مرام:هههههههههههههه مالك الا انتي تركبي ناديه:والله اوريكم بس نرجع وركبوا رائد:ماتبين تجلسين عندي ناديه:اااه رائد:هههه من قال اااه سمع ناديه:لا بس يعني اااا رائد:ههههههههههههه خلص خلص لا تقولين شي وين تبون تروحون روان:الفيصليه او الرياض قليري رائد:ليه لانهم بعاد من هنا ناديه:لا لأن نص الأغراض من هناك رائد:اييه طيب يلا رح تتأخروا ناديه:لا مارح نلحق لآن جدي يبي ودينا القاعه العصر مدري ليه رائد:امممم طيب يلا --------------------------------- الجد:هاااه ماشالله اشوف الكل هنا هشام:ايه ياجدي تدري يعني فرح وكذى يعني الجد:وانا مو قلت لك انت ونواف لا عمركم تطلعون من الشركه لين تعقلون نواف:ياعيني ياعيني عرس أختي وأبن عمي وأروح الشغل نايف:لا تقول يوم زواجك تبي اجازه بعد نواف:لاوالله ولي ان شالله تبني يوم زواجي اروح الشغل نايف:ايه مافي عند سبب انك ماتروح الجد:هوخلي بلأول يروح الحين قبل زواجه نواف:ياجدي ليه التحطيم انا دايم اروح هو بس ذي الأيام الي ماصرت اروح الشركه فرح اختي يعني اليوم اخر يوم لها بلبيت الجد:وأنت هشام هشام:انا مالي دخل اروح كل يوم الجد:ساعه هشام:هههه ايه وكثير بعد الجد:اييه الكردت كارد ملايان الضاهر نواف:اتصدق ياجدي لا خالد:اقول نواف مين الي كان تو يبي يعزمنا على الغدا نواف يأشر له بعينيه :لالا مين قال انا كنت اول لكم أعزمكم على جبن وخبز فارس:لا انا اذكر انك قلت مفطح الجد:اممم قلت مفطح نواف عطني الكردت كارد بسرعه نواف:جدي وش فيك الجد:مانفع معكم الين نيجيكم بلجد هشام :ايه ازين خلي انسان مهتم ليوم واحد بس الجد:وانت هشام تحسب نفسك انك زين عطني انت الثاني هشام:جيت اكحلها عميتها جدي وش فيك عاد انا دايم بشركه امر مألقى شغل اطلع خالد:لا ياجدي لا تصدقهم خليهميتعلموا ويصيروا رجال نواف:اقول ابوا يوسف يازينك وانت ساكت خالد:ههههه اساعد جدي الجد:بسرعه مابي اعيد كلامي مرتين نايف:لا ياجدي خلاص خلهم هل مره هشام:ايه نايف يازينك بس نايف:ههه ماقول الا وقت المصالح تيجيك الكلاب مشتاقه نواف:وش نزين عاد مالنا غيرك بعد الله نايف:ياجدي خلاص هل مره اتركهم بس ثاني مره اذا عادوها خذهم ولا ترجعهم ابد الجد:بس لأنك ماخذ بنتي وحبيبه قلبي رح اتركهم بس المره الجايه رح الغي حساباتكم من دون اقول كم فاهمين نواف:ياعيني ياعيني والله وأول مره تنفعنا جود ايه خلاص نايف:احم احم ترى انا هنا نواف:اييه كيفياختي اسبها وقت ابي نايف ((خذ راحتك)): لا مأسمح لك خلاص الحين رح تصيرون تشتاقون لها ياسر: من الحين تقول مارح تجيبها عندنا عز الله وختي تحملت خشتك ليل وصبح وانت راز فيسك عندها نايف:اكييد زوجها تتحملني أذا هي ماتحملتني مين يبي يتحملني رائد:حنا متحملينك بس نبي الفكه منك اعوذ بالله ملينا زين انك رح تتزوج يمكن زوجتك تفكنا منك شوي نايف:اييه انشوف انت الثاني بس تحتاجني وش رح تزين رائد:وليه احتاجك انت بذات يعني لأنك خقه ع قولت البنات المربوشات ولا لأنك هادي نايف:احم احم ادري اني خقه ولكل يموت فيني بس وش زين هشام:وش الي خلاك خقه لآن عيونك مكحله نايف:اسكت بس غيران رائد:ولا اقول نايف و الي غير رأيك بزواج بعد سالفتك ذيك وانت ماتفكر بزواج ابد نايف((جت النشبه ذلحين)): الوالده الله يطول عمرها نشبت لي هنا الا اتزوج هشام:اييه علينا حنا (وغمز له ) نايف:تبي تصدق صدق ماتبي شوف عندك مدري كم جدار انا أستاذن واعد حمود وتأخرت عليه ((طلع وهو يمشي )) ابو فيصل: نايف وين نايف:والله واعد حمود بروح اشوفه ابو فيصل: بس لاتتأخر روح الحلاق زبط خشتك وش بيقولون علينا الناس نايف:لا تخاف ياعمي انا وحمود رايحن الحلاق ابو خالد:ايه يبه ولا تتأخر علينا نايف:ولا يهمك يابوي ان شالله مارح أتاخر اذا تبون شي أتصلوا علي (وراح) ابو فيصل:اقول عبدالله متى راجع لبريطانيا ابو خالد:كان المفروض ذا الأسبوع بس زواج نايف خلاني أاخر للأسبوع الجاي ابو فيصل:ما ملين من الغربه ابو خالد:ايه والله مليت بس خلاص أتأقلمت هناك الجد:العيشه ببريطانيا ماتنمل بس مافي غير ديرتنا يازينها والله ابو خالد:خلاص انا تعودت صارلي اكثر من 8 سنين هناك ابو فيصل:يالله خيره يجيك يوم ومردك يكون ديرتك وأهلك ابو خالد:ليومها ويصير خير. ------------------------- توقعاتكم ........ |
|
|
#30 |
|
|
رد: بــس إنــت عـلـمني الـجـفا دامـني عـجزت اعلمك ..الوفا ..>بقلمي
ياليت تكمليها بلللليييييييييييييز
|
