 |
  |
|
|
|
10-22-2009, 02:16 PM
|
#131 |
|
|
رد: تموت عيونهم فيني وانا بك ميتة عيني
..الجــــــ الاخير ـــــزء..
,,..الفصل الثالث..,, ناظرت شكلها في المرايه كانت تتمنى تتجتمع معه في بيت واحد.. دانا لفت على ريناد اللي كانت متضايقه:شوفي حلو.. ريناد رفعت راسها:وبندر.. دانا لفت وجهها ونزلت دموعها:ما ابي اسمع سيرته.. ام دانا دخلت وهي طايره من الفرحه:جاهزه.. دانا مسحت دموعها بسرعه ولفت عليها وتصنعت الابتسامه:ايه جاهزه..<<اختفت ابتسامتها ومر قدام عينها بندر اللي ما اختفى عن بالها لحظه ولا انمسح من قلبها حروف اسمه.. ارتجفت وحرارة جسمها ارتفعت ونزلت دموع حاره على خدها..كان يتردد في مسامعها صوته وهو يضحك وهو يقول اسمها بلهفه..وش كثر كان يدق قلبها وتحس ببروده في اطرافها لما تسمع بس همسه منه.. بس كل شي انتهى وبكذا انتهت حياتها اللي هو انهاها بنفسه.. ماحست بنفسها الا بضربه خفيفه على ظهرها:دانا وين رحتي.. شهقت بقوووه وهي حاطه يدها على قلبها..وصدرها يرتفع وينزل بسرعه.. ام دانا بخوف:يمه وش فيك.. بكت من قلب ورمت نفسها عليها وهي تشد على ملابسها وترتجف..ودها تصرخ"ما ابيـــــــه"..بس لسانها عاجز يقول هالكلمه.. ام دانا بعدت عنها وهي مرتاعه وخايفه من حال دانا اللي انقلب فجأه:تعبانه يمه يعورك شي.. دانا هزت راسها بالنفي وهي تبكي..وحظنتها.. ريناد كانت جالسه على السرير وضاغطه على البطانيه بيدها تحاول تمسك نفسها لاتبكي..ما كانت تتخيل يرتبط اسم دانا بغير بندر..ولا كانت تتخيل حبهم ينتهي كذا وبسبب صور مايدرون كانها صدق وإلا مفبركه.. شدت على البطانيه وعضت شفايفها بقووه تمنع شهقاتها تطلع.. دانا بعدت عن امها ومسحت دموعها:يله تأخرنا عليهم.. ام دانا:خلاص انتي ارتاحي وبقول لهم انك تعبانه.. دانا:لا بنزل معك.. ام دانا بخوف:متأكده مافيك شي.. دانا تصنعت الابتسامه:ايه متأكده بس خايفه شوي.. ام دانا لفت على ريناد:تعالي معنا.. ريناد تناظر دانا وفي عيونها عتاب:لا ما ابي.. طلعوا..مشت بخطوات ثقيله وكأنها تمشي للموت برجلينها..مسكت الدرابزين بقوه تحاول تتوزان..تحس ان الدنيا تدور فيها وصوت بندر مافارقها وصورته قدامها.. ناظرت فستانها الذهبي اللي يحبه بندر..وساعتها اللي اهداها اياه في يوم ميلادها..وخاتمها اللي لابسها اياه ولا فارقها ولا لحظه.. نزلت وهي تحس ان اللي كل شي حولها اسود.. حطت يدها على راسها وضغطته بقوووه.. ام دانا:دانا انتي بخير.. دانا انتبهت:هاه ايه..<<كملوا طريقهم للمطبخ.. ام دانا وهي تمد صينية العصير لدانا:سمي بالله وادخلي.. دانا بلعت غصاتها وخذت الصينيه..غرقت عيونها بدموعها والصينيه في يدها ترتجف.. مشت ورا امها للمجلس.. ماصارت تشوف شي غير بندر..وماتسمع إلا صوته.. كان اخر شي اتصوره يدق قلبك لواحد غيري..تردد هالكلام في ماسمعها اكثـر من مره.. صارت الصينيه في يدها ترتجف.. وماصحت إلا على صوت شي يتكســر..وشهقت.. ام رياض مسكتها:حبيبتي ماعليه حصل خير.. صار صدرها يرتفع وينزل بسرعه وترتجف بشكل مو طبيعي..تراجعت لورا وهي تناظر ام نايف.. :عن اذنكم..<<لفت وطلعت لفووق بسرعه ودقات قلبها واصله سابع سما.. ام دانا بأبتسامه:ماعليه هي مرتبكه وخايفه شوي.. ام رياض ابتسمت:لا عادي هذا شي طبيعي.. غاده حطت يدها على خدها"ياربـــي انا بيصير لي كذا لو انخطبت من سعيد الحظ اللي بتزوجني خخخخ".. سكرت الباب وتسندت عليه وشافت ريناد تبكي وهي رافعه راسها وتشهق.. بكت من قلب وهي حاطه يدها على فمها.. ريناد بعصبيه:ارتحتي الحين.. دانا شهقت وطاحت على الارض وخبت وجهها بيدينها.. ريناد وقفت ونزلت لمستواها وسحبت يدها بقوه:والله يادانا لو درا بندر انك انخطبتي بيموت.. دانا بسرعه وبصوت مرتجف:بسم الله عليه لاتقولين كذا بعيد الشر عنه.. ريناد بضيق:شفتي انتي للحين تحبينه.. دانا لفت وجهها وعضت شفايفها بقهر:اكذب عليك ان قلت لا.. ريناد:طيب ليه تعذبين نفسك وتعذبينه حرام عليك.. دانا بلعت غصتها:خلاص ريناد سكري على الموضوع.. ريناد بأنفعال وعصبيه:لا مو مسكرته يا دانا وش هالعقل اللي عندك انتي اكثر وحده تعرفين بندر وتعرفين اطباعه بندر مايسوي كذا.. دانا تقطع قلبها اول ماسمعت بأسمه..وقفت و رمت نفسها على السرير ولفت للجهه الثانيه:ريناد اطلعي ابي انام.. ريناد وهي تطلع:انتي الحكي معك ضايع..<<طلعت وخبطت بالباب.. فسخت الخاتم وناظرته..باسته وضمته لصدرها وبكت من قلب.. ×× كانت حالتها تدهور يوم بعد يوم..صارت انطوائيه وتنام فترات طويله بعد ما تاكل حبتين من المخدر..طلعاتها وجلساتها مع اهلها قلت او انعدمت.. وما صارت تطلع إلا اذا احتاجت حبوب من منال.. كانت جالسه على سريرها وضامه رجلينها لصدرها..شعرها متناثر على كتفها بطريقه مهمله..وجهها شاحب وبرزت عظامه..حول عيونها هالآت سوداء..وشفايفها متشققه وبشرتها جافه.. اللي يشوفها يقول مو هاذي مشاعل..الجذابه المغروره..اللي تعتبر الكل عندها مايسوون ولاشي.. انفتح الباب وطلت براسها:انا جيت.. مشاعل بدون نفس وبتعب وهي تسند جسمها على حافة السرير:هيفاء اطلعي عني ما ابي اشوف احد ولا ابي اتكلم مع احد.. هيفاء وهي تدخل وتسكر الباب وراها:لا انتي وراك سالفه.. مشاعل بأنفعال:ماوراي لاسالفه ولاشي اطلعي عني.. هيفاء وهي تجلس جنبها وتلمس وجهها:وش فيه وجهك.. مشاعل بأرتباك وهي تلف وجهها:مافيه شي يتهيأ لك.. هيفاء:وشعرك وراه كذا.. مشاعل لفت عليها وبعصبيه:وانتـــــــــي وش عليك مني.. هيفاء خافت:طيب وش فيك عصبتي ماقلت شي.. مشاعل صرخت بعصبيه:من ساعه وانا اقولك اطلعي عني ما ابي اشوف احد (صرخت وهي تدفها) انقلعــــي.. هيفاء وقفت وبسرعه:طيب طيب اسفه بس لاتعصبين..<<وطلعت.. وقفت بسرعه وقفلت الباب قفلتين و رمت المفتاح على الارض..مررت يدها المرتجفه على شعرها وهي تتنفس بسرعه..توجهت لطاولتها بخطوات سريعه وفتحت الادراج.. وهمست وهي ترتجف وماسكه راسها:ياربـــــي وينه..<<عصبت ورفعت الدرج ورمته.. مسكت راسها وضغطت على بقووه وشدت على شعرها..سحبت شنطتها من السرير وفتحتها..رمت اغراضها على الارض ودورت الحبوب.. خذت الكيس بلهفه وطلعت حبتين وكلتهم ورا بعض.. حست براحه مو طبيعيه..عضلات جسمها ارتخت..وانفاسها صارت هاديه..تمددت على الارض وتكورت على نفسها ونامت.. :: كانت واقفه تناظر الغرفه بأستغراب ومليون علامة استفهام تطلع من راسها.. ماحست بنفسها إلا بأحد يطبع بوسه على خدها:وش اخبارك.. هيفاء لفت عليه وابتسمت بفرحه:هــــــــلا والله (ناظرت الشنطه اللي رافعها وعقدت حواجبها) على وين.. اختفت ابتسامته:طالع مع ربعي البر.. هيفاء:احلــــــــــى وصرت تروح البر والله فيه تطورات وصرت رجال.. راكان:ليه انا طول هالفتره وشو.. هيفاء قبصت خده:حبيبي.. راكان رفع حاجبه وبخبث:وفيصل.. هيفاء تصنعت الابتسامه ونزلت راسها:عاد راكانوه بلا سخافه.. راكان:وش اخبارك انتي وياه.. هيفاء:الحمد الله بخير.. راكان بجديه:والله.. هيفاء بأرتباك:ايه ليه فيه شي يخليك تشك.. راكان:مـد..<<سكت لما شاف امه تتوجه له وتحظنه.. :يمه وينك خوفتني عليك اسبوع لاتتصل ولاتجي.. بعد عنها وهو حاس بالقرف وبدون نفس:انا جيت علشان اخذ ملابسي وبروح.. ام راكان بصوت مرتجف:ليه يمه تروح ترى ابوك مايقصد الكلام اللي قاله.. هيفاء تناظرهم بأستغراب:خير وش السالفه.. راكان:ابد مافيه شي (باس خدها) يله مع السلامه وسلمي لي على فيصل..<<ونزل بسرعه.. ام راكان كانت واقفه ودموعها خانتها..مسحتها بسرعه قبل ماتلاحظها هيفاء.. هيفاء لفت عليها:ماما وش السالفه.. ام راكان تصنعت الابتسامه:مافيه شي المهم انتي بشريني عنك وش اخبارك مع فيصل ان شاء الله مستانسه.. هيفاء رفعت حاجبها بأستغراب..اليوم متغيره فيه اشياء كثيــره..حالة مشاعل..و راكان اللي تغير 180 درجه..واسلوب امها.. قالت بأستغراب:ماما فيك شي تعبانه.. ام راكان:لا ليه.. هيفاء مسكت ضحكتها:لا سلامتك (غيرت الموضوع) ايه صح نسيت اقولك ترى بسافر للشرقيه.. ام راكان:متى.. هيفاء:اليوم يعني كذا بعد صلاة العشاء.. ام راكان بأبتسامه:تروحون وترجعون بالسلامه.. هيفاء مسكت نفسها بقوه قبل لاتنفجر من الضحك..حكت راسها.. "ياربـي وش صاير في الدنيا".. ×× قال وهو يحرك السكر في الكابتشينو:ان شاء الله بكره.. مشعل:ليه ياخي حرام عليك اليوم مودع اخوي وبكره بودعك انت.. نايف:عاد وش اسوي ما اقدر اتأخر اكثر من كذا.. مشعل:بصراحه مدري وش مستعجل عليه (ناظره بنص عين وبخبث) لايكون.. قاطعه وهو يرفع كوبه:لا بسم الله علي..<<شرب شوي ونزل كوبه وناظره وتنهد بضيق.. "ليتك تدري اني ميت على اختك ومستحيل احب غيرها".. صاه من سرحانه صوت مشعل العالي:هـــــــــــلا والله.. فيصل سلم عليه:هلا فيك.. مشعل:وينك ماعاد نشوفك وإلا هيفاء خذتك منا.. تقرف اول ماسمع بأسمها..قال بدون نفس وهو يجلس:لا ماعاش من ياخذني منكم (لف على نايف) هلا وش اخبارك.. نايف بألم:عايش.. فيصل وهو مكشر:حبيت اقولكم ترى بسافر للشرقيه (بأستهزاء) شهر العسل.. مشعل بعصبيه:خيـــــــــــر.. فيصل ارتاع:وش فيك.. مشعل:خير انت وياه بتسافرون كلكم والله انكم سحبه.. فيصل:تروح بدالي ترى ماعندي مانع وهي اظن ماعندها مانع متعوده.. مشعل بأستغراب:من هي ذي.. فيصل تورط وبأرتباك:بنت جيرانا (لف على نايف اللي كان سرحان ويحرك الكوب..مد يده ولمس لحيته) وانت ماودك تحلق دقنك.. نايف ابتسم بدون نفس:حتى انت متعقد من دقني.. فيصل:بصراحه شكلك غلط.. نايف:طيب ترى محد خذ رايك.. فيصل ضربه مع فخذه بخفه:احلف ياشيخ.. نايف:ههههههههههههههههه.. ×× دخل البيت وطاحت عيونه عليها..حرارة جسمه ارتفعت اول ماشافها..ماحس بنفسه إلا قدامها.. رفعت راسها وعيونها كانت حمرا من البكي..قالت بصوت مبحوح:خالد.. جلس على ركبته وبضيق:ياعيون خالد (مسك يدها وضغط عليها) ادعي لها بالرحمه.. هديل نزلت راسها وبكت:مافيه شي الحين يستاهل اعيش عشانه (شهقت) خلاص خلود راحت.. خالد:افاا وانا ما استاهل.. رفعت راسها ودموعها على خدها..سكتت لانها ماتدري وش ترد عليه.. خالد مسح دموعها وهي ترتجف وتشهق من البكي:اوعديني ما اشوف هالدموع مره ثانيه.. شهقت بقوه وبكت من قلب.. عوره قلبه عليها..و وقف وجلس جنبها:كذا بتزعليني منك..<<حط يده ورا رقبتها وقربها منه..لما صار راسها على صدره.. وهمس لها:احبك.. حمر وجهها وارتفعت حرارة جسمها..وقفت وركضت لداخل بسرعه..سكرت الباب وتسندت عليه وحطت يدها على قلبها اللي نبضاته رجعت من جديد.. ابتسمت من قلب وعيونها دمعت بفرحه.. نزلت وتوجهت لها:خير هديل وش فيك.. هديل تنهدت ورمت نفسها عليها وهي تضحك:ولا شي.. رهف بعدت عنها:انجنيتي.. هديل:ههههههههههههههههههههههههه هههه تقدرين تقولين كذا..<<سحبتها مع يدها وفتحت الباب.. تركتها وارسلت لها بوسه:بسرعه روحي لاتتأخرين على خلودي.. رهف:خويلد متى جا.. :من سنة رجل خالة امك عفنت وانا جالس انتظرك.. رهف لفت عليه:بسم الله وش جابك.. خالد:ابوي قال جبها.. رهف وهي تلعب بخصلات شعرها:بس مشاري يقول اقعدي مع هديل.. هديل وهي تبتسم لخالد:لا كذابه متى قاله.. رهف شهقت:يالدبا اليوم قال لي اقعدي معها لاتسوي بنفسها شي يقول ذي خبله يمكن ترمي نفسها من السطح و.. خالد قاطعها:برمي نفسي وراها.. هديل ابتسمت من قلـب وهي طايره من الفرحه.. رهف بأستغراب:خير وش السالفه.. خالد كشر:روحــــــي البسي عبايتك وبلا كثرة حكي.. رهف وهي تدخل:طيب اعصابك افففف..<<وطلعت الدرج بسرعه.. لفت بس قبل ماتدخل ناداها:هديل.. لفت عليه وخدودها محمره:نعم.. خالد:احبك.. دخلت وسكرت الباب وهي تبتسم ودقات قلبها سريعه..وحرارة جسمها مرتفعه..رمت نفسها على الكنبه وضحكت بفرحه.. ×× ؛؛..في غيابك حزن هالعالم سكني..وانكسر قلبي وضاعت امنياته..؛؛ تقلب في سريره اكثر من مره..صرختها ترن في اذنه..وكان يتخيلها في كل الزوايا.. عدل جلسته ومرر يده على شعره..ومسح وجهه المعرق بيده.. وقف ولبس ثوبه وخذ شماغه وطلع.. سمع بكا ولده من الصاله..شافه على السرير ويحرك رجلينه ويدينه ويبكي..عوره قلبه عليه..تقدم خطوه متردده له..لكن تراجع ولف ونزل تحت بخطوات سريعه.. تقدمت له امه وهي معصبه:مو سامع صوت ولدك.. سعد بضيق:يمه ترى مالي خلق.. ام سعد:انت اصلاً متى لك خلق من يوم ماتوفت خلود و.. قاطعها وهو يصرخ بعصبيه..مايبي يصحى على هالواقع ولايبي يصدقه:خــــــــــلاص عاد فكيني..<<وطلع وخبط بالباب.. ×× مشوا في الشارع المظلم اللي ورا المطعم.. قرب منها ومسك يدها.. ارتبكت وسحبت يدها بهدوء و وجهها احمر وقالت وهي منزله راسها:يا الله مشوار بينا وبين السياره.. طلال:احسن علشان يطول الوقت وانا معك.. مها:حرام عليك والله تعبت وانا امشي.. طلال بخبث:اشيلك.. مها شهقت بقووه وهي تحس ان حرارة جسمها بتحرقها:طلال.. طلال:ههههههههههههههههههه خلاص حفظت الموال.. شافوا سياره سريعه كتوجهه لهم.. بخوف سحب مها لحظنه وبعدها عن السياره وصرخ بعصبيه:يا ابن الكـ..؟؟ ماتشوف.. وقفت السياره..وضربها برجله بعصبيه:انت اعمـى ماتشوف كنا بنموت بسببك.. نزلوا من السياره اربع اشخاص وتوجهوا له..وبدوا يضربونه بقوه.. مها صرخت وهي تبكي:طـــلال.. ×× رن جواله بألحاح..رفعه وناظر رقم غريب.. مشعل:مين.. فيصل:مدري والله..<<رد.. :نعم.. وصله صوت مبحوح:انت فيصل.. فيصل عقد حواجبه:ايه مين معي.. قالت بضيق:اذا تبي تعرف مين وصل هيفاء لهالحاله تعال لمقهى الـ...<<وسكرت السماعه.. شبت نار في صدره..اول ماسمع سيرة هيفاء..قال بعصبيه.. :الوو الوو..<<سكر السماعه و وقف بعصبيه لدرجة ان الكرسي طاح على الارض..مشى بخطوات سريعه..و ركب سيارته.. مشعل بأستغراب:وش فيه هذا.. ×× ؛؛..وفيت لقلبك بعمري ولك ضحيت بأيامي..لقيتك للأسف كذبه اعيش بها مع احلامي..؛؛ كان لاف وجهه على الشباك ودموعه على خده..ماغاب عن باله اللي شافه بين دانا ورياض..وكان يمر قدام عينه بأستمرار وكأنه متعمد يعذبه ويقطع قلبه.. ما كان يتخيل دانا تسوي كذا..تخدعه وتلعب بقلبه طول هالسنين.. ذاق مرارة الخيانه وحس بعذاب مشعل يوم قعد اكثر من سنه يتعذب بسبب خيانة ملاك له.. مسح دموعه اللي حس انها حرام تنزل لوحده خانته وباعته برخيص.. وقف وناظر تركي اللي كان نايم من ركبوا الطياره..ابتسم بضيق وتوجه للحمام ((الله يعزكم)).. دخل وناظر شكله في المرايه..ضيع شبابه وعمره بسبب وحدة ما كان يتوقع تخونه.. حس انه غبي وساذج..يوم سلمها كل شي قلبه وعمره وحياته اللي ضاعوا وتدمروا يوم شافها مع واحد غيره.. رفع يده وناظر الخاتم اللي بأصبعه..وابتسم بألم على هالذكرى اللي طعنت قلبه.. كان عمره 19 سنه وهي 17 سنه..تقدمت له وهي تمشي بدلع.. قالت وهي تبتسم:غمض عيونك.. بندر:حبيبي غمض عيونك بقولك شي.. قاطعته وهي مكشر:لا بندر اتكلم جد انا.. بندر ابتسم على دلعها:ليه طيب.. دانا:بس كذا ابيك تغمضها.. بندر:من عيوني..<<وغمض عيونه.. مسكت يده ولبسته الخاتم:يله فتح.. بندر فتح وناظر الخاتم وابتسم من قلب:مستعجله على الزواج اجل.. حمر وجهها:لابس هاذي هديه تخرجك قبل الزحمه وقبل ماخلق الله يهدونك هدايا قبلي.. بندر بخبث:طيب وش معنى خاتم.. دانا عصبت:اذا ماتبيه افسخه.. بندر:ههههههههههههههههههههههههه ه لامجنونه انتي مايطاوعني قلبي ياقلبي ومشكوره على هالديه العسل مثلك.. دانا حمرت خدودها ونزلت راسها:تسلم.. غسل وجهه اكثر من مره..يبي يمحي صورتها من باله..رفع يده وناظر الخاتم للمره الاخيـره.. فسخه وناظره حس بسكاكين تطعن قلبه وتقطعه..غمض عيونه ورماه في الكبانيه..و رش عليه المويه..وطلع.. خـلاص كل شي راح وانتهى وايامهم كلها كانت خدعه وكذب.. جلس في كرسيه واسترخى.. تحرك في مكانه وتمغط.. بندر ابتسم بألم:صباح الخير.. تركي فتح نص عينه وبصوت كله نوم:وصلنا.. بندر:لا تو الناس كمل نومك بس.. تركي عدل جلسته:أأخ ياخي والله تعبت.. بندر:لا والله احلف وشلون تعبت وانت من ركبنا الطياره تشاخر وشخارك واصل للكابتن.. تركي:كابتن ماجد.. بندر رمى عليه الوساده:اقووول نم بس.. ×× ؛؛..لو تغيب الدنيا عمرك ماتغيب..شوف حالي آآه من تطري علي..؛؛ مسح دموعه بشماغه وجلس على ركبته..حط يده على قبرها وضغط على التراب بقوه.. "آآه ياخلود لو كان الانتحار حلال كان قتلت نفسي و وصيتهم يحفرون قبري جنب قبرك".. نزلت دموعه غصب عنه وغطى وجهه بشماغه وبكى.. ×× شهقت من البكي اللي يقطع القلب..كانت طرحتها طايحه على الارض وشعرها على وجهها الاحمر..ويدها متلوثه بالدم اللي نزف من طلال.. حظنته بقوه لصدرها وشهقت وصرخت بصوت مرتجف:الله ياخذكم ياكــــــلاب.. ابتسم بخبث وهو يناظر صديقه..مد يده وقبص خدها:افااا ليه هالدموع ياحلو.. بعدت يده بقووه و وقفت ضربت صدره بقوه وهي تصرخ بهستيريا:بعـــــد عني ياحقيــر ياسافل يا.. قاطعها وهو يدفها بقرف:اووووه.. طاحت على ظهرها وصرخت:آآآآآآآآه..<<حطت يدها على ظهرها وناظرته بأحتقار وقرف وهو توجه للسياره مع الثلاثه اللي معه..وحركوها.. عضت شفايفها بقهر وهي ترتجف..ناظرت طلال اللي متمدد جنبها ومو داري عن اللي حوله.. حظنته بأقوى ماعندها وبصوت مرتجف:طـــــــلال حبيبي تسمعني اصحــى الله يخليك اصحـى علشاني طــــلال..<<ناظرت الشارع المظلم لو تصرخ محد راح يسمعها.. مدت يدها المرتجفه وطلعت جوالها.. ×× اشرت له من بعيد وراح لها بسرعه:انتي وش عرفك بهيفاء.. :طيب اجلس وبقولك على كل شي.. سحب كرسي وجلس:انتي مين.. نزلت راسها وفركت يدينها بتوتر:انا جنا صديقة هيفاء.. فيصل:طيب وش عندك.. جنا بأرتباك وخوف:انا.. قاطعهم صوت جوال فيصل رفعه:عن اذنك شوي..<<رد.. :هلا مها.. مها تبكي من قلب:فيـ..صل.. يتبـــــــع..<< |
|
10-22-2009, 02:18 PM
|
#132 |
|
|
رد: تموت عيونهم فيني وانا بك ميتة عيني
..تكملة الفصل الثالث..
دخلت البيت وعلامات خيبة الامل على وجهها..رفعت جوالها ودقت عليه..لكن ماوصلها رد.. نزلته وبدون نفس همست:ياخي حرام عليك اللي قاعد تسويه فيني اففف.. وصلها صوت من الحديقه:وش فيك قاعده تكلمين نفسك انجنيتي.. لفت وجهها عليها وتصنعت الابتسامه وتقدمت لها:مساء الخير.. ام فيصل بدون نفس:وين فيصل.. هيفاء رفعت كتوفها:مدري.. ام فيصل بأنفعال وعصبيه:وشلون ماتدرين هذا وانتو توكم في شهر العسل.. قاطعتها هيفاء بألم:اي شهر عسل ياحظي.. ام فيصل طلعت عيونها:تكلمـــــــي معي زين يابنت مو بزر عندك تتكلمين معي بهالطريقه.. هيفاء تحاول تمسك نفسها بالقوه:طيب آسفه.. ام فيصل:وبكل برود تقولينها بعد.. هيفاء تكتفت:وبأي طريقه تبيني اقولها.. ام فيصل بعصبي:احترمي نفسك والزمي حدودك ياقليلة الادب انا مدري وشلون فيصل طاوعه قلبه وتزوجك.. هيفاء ماقدرت تمسك نفسها كذا..بعصبيه صرخت:ترى تعبت منك ومن ولدك ومن عيشتكم هاذي اذا ماتبيني اقنعي ولدك يطلقني تراني مو ميته عليه واعرفي اني اذا طلعت من هالبيت بيكون اسعد يوم في حياتي.. :: ..في غرفة لمى.. ناظرت ساعتها:صح مها تأخرت.. لمى وهي ترفع حواجبها بسرعه:مع حبيب القلب عقبالي ياااارب.. ريم رمت الوساده عليها:استحـــــي على وجهك وجع.. لمى تتصنع الغرور:ياحبيبتي وش هالغيره دوري لك على واحد تحبينه.. ريم بلعت غصتها ونزلت راسها و وقفت:يله انا بروح.. لمى مسكتها:وين تو الناس.. ريم بصوت مبحوح:بكره بروح المدرسه بتروحين انتي.. لمى:مدري افكر.. ريم خذت شنطتها:طيب يله باي وسلمي لي على مها.. لمى:طيب اقعدي شوي.. ريم:فيني النوم ودايخه يله اشوفك بكره اذا بتجين باي..<<ونزلت.. سمعت صوت صراخ:ياربي وش فيه..<<مشت بخطوات سريعه وطلعت.. ركضت لهم وبأستغراب:خير وش صاير.. هيفاء موصله معها:ريم انتي لاتتدخلين.. ريم:وشلون ما اتدخل اصواتكم واصله للشارع وش صاير (ناظرت ام فيصل المعصبه) خالتي فيك شي.. ام فيصل تناظر هيفاء بحقد وقهر:شوفي الناس المتربيه مو مثلك.. كان هيفاء بترد عليها..لكن ريم تكلمت:خالتي هدي نفسك شوي مايصير تعصبين بعدين يرتفع ضغطك.. هيفاء ناظرتهم بأحتقار ولفت ومشت بخطوات سريعه وصدرها يرتفع وينزل..وشوي وبتبكي.. طلعت فوق ودخلت غرفتها..وخبطت الباب بقوووه.. جلست على سريرها..وهي تلهث..مررت يدها على شعرها وشدته.. :جعلـــــــك الموت ياعجوز النار الله ياخذكم وياخذ الساعه اللي شفتكم فيها..<<اندق الباب.. لفت بأستغراب:مين.. فتحت الباب:ممكن دقيقه.. هيفاء وقفت والدموع متجمعه في عيونها:تفضلي.. دخلت وسكرت الباب اللي وراها..وتقدمت لها:هيفاء لاتزعلين نفسك خالتي ماتقصد.. هيفاء بألم:عادي خلاص تعودت.. ريم:انا اول مره اشوف خالتي تحكي بهالطريقه.. هيفاء ابتسمت بألم:ايه معاي انا بس تحكي كذا.. ريم:ممكن اعرف ليه.. هيفاء:لانها ماتبيني لفيصل (تنهدت بضيق) حتى فيصل مايبيني.. ريم انصدمت:ليه.. هيفاء جلست على السرير وضغطت شفايفها بقهر:سالفه طويله.. ريم تصنعت الابتسامه..حست انها احرجتها:اها طيب انا تأخرت اشوفك على خير.. هيفاء حظنتها بقوووه:سامحيني ريوم على اسلوبي الزفت.. ريم ابتسمت من قلب:هههههه لا عادي إنا خوات ومابينا شي تمونين.. هيفاء بعدت عنها وابتسمت:يابعد قلبي انتي.. ريم:يله باااي.. هيفاء:باي.. ×× (!@#$%^&*!@#$%^&*) تمــوت عيونهم فيني..وانا بك ميته عيني.. ..رومانسيه..خياليـــه.. (!@#$%^&*!@#$%^&*) ×× شربته العصير وهو شربها..و رزان وعلي صفقوا لهم بحراره.. رزان بفرحه وهي تحظن نوف:مبروووووووك منه المال ومنك العيال.. نوف بكت.. رزان بعدت عنها وكشرت:افاا ليه تبكين.. نوف شهقت:تمنيت امي معي في هاللحظه.. رزان:ادعي لها بالرحمه ومو وقت البكي اذا شافك ماجد بيزعل.. نوف ابتسمت من قلب وهي تشوف ماجد يبوس دبلته..مسحت دموعها وحست بفرحه مو طبيعيه تغمرها.. تقدم لها بشوقه ولهفته..قرب منها وطبع بوسه على جبينها.. رزان بصوت عالي وهي ماسكه الكاميرا:لحظه لحظه.. ماجد ونوف ارتاعوا.. علي:بدت آثار الحمل ههههههههههه.. رزان ناظرته بنص عين:علي.. علي:ماقلت شي.. رزان لفت على ماجد ونوف وصرخت:وش فيكم بعدتوا خلكم بصوركم.. ماجد:وانتي خليتي لنا فرصه..<<قرب منها وطبع بوسه على جبينها وهي تبتسم.. رزان:تشييييييييز..<<صورتهم وعطت علي الكاميرا.. :يله صورنا..<<بسرعه راحت لهم وبعدت ماجد عن نوف و وقفت في النص.. :خلاص عاد بعدوا بتشبعون من بعض يله علاوي صور..<<حطت يدها على خصرها ومالت بجسمها وماجد ونوف يناظرونها بنص عين.. رزان ناظرتهم وبصوت عالي وهي تتقدم لعلي:يممممممممممممه بياكلوني.. علي مسكها:شوي شوي على ملاك (قربها منه وهمس) نسيتي انك حامل .. رزان حمرت خدودها:خلاص علي.. ×× (!@#$%^&*!@#$%^&*) تمــوت عيونهم فيني..وانا بك ميته عيني.. ..رومانسيه..خياليـــه.. (!@#$%^&*!@#$%^&*) ×× كان ترتجف بشكل مو طبيعي..حظنته لصدرها وصرخت:فيصــــــل الله يخليك بسرعه.. فيصل بخوف:طيب طيب.. فتح عيونه بصعوبه وحس ان الدنيا تدور فيه..قال بصوت ضعيف:آآآه.. مها شهقت وابتسمت من بين دموعها:طـــــــلال.. فيصل لف عليهم وهو يسوق:صحـــى.. مها هزت راسها:طلال تسمعني.. طلال بتعب:وين انا فيه.. مها بصوت مرتجف:بناخذك الحين المستشفى.. طلال:لا ماله داعي.. مها:وش اللي ماله داعي حرام عليك شوف الدم ينزف.. طلال:ودوني البيت.. مها ناظرت فيصل:فيصل ودنا البيت.. فيصل بعصبيه:وش اوديه البيت انتي الثانيه.. مها:وانا وش دخلني.. طلال بتعب:فيصل الله يخليك ودني البيت.. فيصل تأفف:طيب.. ×× دخلت البيت وحطت طرحتها على كتفها استغربت يوم سمعت اصوات جايه من الملحق.. بس سمعت صوته هو..دق قلبها بقووووه و وصلت دقاته لمسامعها.. طلع وشافها قدامه تناظره..بلع غصاته ومر من جنبها..همس لها قبل مايطلع.. :احبك.. قبل مايطلع ردت عليه بألم وبصوت مرتجف.. :حرام اللي مثلك ينطق حروف هالكلمه.. نايف كمل وقلبه ينزف جروح:ولو تقولين لي امش للموت بمشي.. ريم بلعت غصاتها:استغفر ربك مايجوز تقول هالحكي.. نايف بألم:وانتي استفري ربك لانك ظالمتني.. ريم حطت عينها في عينه وبصوت مرتجف:ماظلمتك انا كل شي شفته بعيني.. نايف بحزن:وش تبيني اسوي علشان تصدقيني.. ريم ارتجفت وصار قلبها يضرب بقوووه واطراف يدينها بردت..بعدت وجهها عنها ونزلت دموعها.. :ابيك تبعد عني وتنساني.. نايف ناظرها بحزن والدموع متجمعه في عيونه:طيب اببعد دام هذا بيرضيك (قرب منها وباس جبينها بوسه طويله وهي شهقت من البكي) انتبهي على نفسك ياقلبي..<<لف عنها ومشى بخطوات ثقيله وهو منزل راسه كأنه مسجون وحكموا عليه بالاعدام.. وقفت مصدومه..جامده في مكانها وماتحرك لها طرف..صارت انسانه او شبه انسانه..مالها قلب ولا روح ولا نبض ولا احساس..لانهم راحوا معاه.. شهقت بقوووه وحطت يدها على فمها وبكت من قلب..مررت يدها المرتجفه على شعرها ورفعت راسها وناظرته لأخر مره..وتراجعت لورا لما صدمت في الجدار.. "ليييييييه ياربي ليه يصير معاي كذا".. مسحت دموعها بسرعه اول ماسمعت صوت مشعل يناديها:ريم.. ريم لفت وجهها عليه:هلا.. مشعل:من وين جايه.. تقدمت له وهي منزله راسها وبأرتباك:كنت في بيت عمي محمد يله تصبح على خير..<<تجاوزته ومشت بخطوات سريعه..تخفي عنه دموعها اللي نزلت على خدها.. ×× دخلت البيت ورمت نفسها على الكنبه وتأففت:قهـــر يعني مادق جواله إلا الحين كنت بقوله كل شي وشلون بقول له الحين اف.. طلعت من المطبخ:جنا انتي جيتي حرام عليك ليه ماقلتي لي انك بتطلعين خوفتيني عليك.. جنا وقفت وخذت شنطتها وطرحتها اللي تسحب على الارض:اسفه نسيت.. ناديه بعصبيه:مره ثانيه قولي لي وإلا مافيه طلعه من هنا فاهمه وإلا لا.. جنا بأستغراب:ناديه وش فيك عادي انا متعوده اطلع وارجع في هالوقت ولا اقول لأحد.. ناديه:هذاك اول بس الحين كل شي تغير.. جنا:وش اللي تغير.. ناديه بصوت مرتجف:يعني عاجبك اللي صار لك واللي صاير لي.. جنا نزلت راسها:لا.. ناديه بأنفعال:اكيد لا ياماما وإلا فيه وحده بالله بيعجبها اللي صار لنا.. جنا تقدمت لها وباستها:خـلاص اسفه والله ماعاد اكررها مره ثانيه.. ناديه:طيب خلاص روحي نامي بكره وراك مدرسه.. جنا حطت يدها على بطنها:طيب جوعانه ماكلت شي.. ناديه:روحي شوفي اكل في الثلاجه سخنيه وكليه.. جنا:خلاص ما ابي مو مشتهيه.. ناديه:احلفـي عاد جنا ترى والله مو رايقه لأستهبالك هذا.. جنا:والله ما استهبل بس انتي شكل ماعندك نيه.. ناديه:في ايش.. جنا:تتعشين معي.. ناديه ابتسمت من قلب:ههههههههه وقاطعه مشوار علشان تقولين هالكلمتين ترى باكل معك رضيتي وإلا مارضيتي.. جنا:غصب يعني.. ناديه:اقول روحي بطني بدى يصفر.. جنا وهي تتوجه للمطبخ:ههههههههههههههههههههههه هههههههههه.. ×× مددته على السرير وجلست جنبه..:حبيبي انت بخير.. طلال ابتسم بتعب:قوليها مره ثانيه.. حمرت خدودها:طلال.. طلال:ياعيووون طلال.. تذكرت كل اللي صار ولفت عليه:طلال منهم ذولي.. طلال:مدري.. مها:انت عندك مشاكل مع احد.. طلال:لا.. مها بقهر:طيـــــــب منهم ذولي جعلهم السم الله ياخذهم واحد ورا الثاني جعلهم مايتهنون بعيشتهم.. طلال ابتسم ومسك يدها:تخافين علي.. مها:اذا ماخفتك عليك اخاف على مين.. طلال:آآآآآآخ.. مها بخوف:وش فيك يعورك شي.. طلال:قلبي يعورني.. مها ابتسمت ونزلت راسها.. ×× دخل الصاله وشماغه على كتفه وفيه النوم.. صحاه صوت امه العالي:رح شف مرتك ترفع صوتها علي وتقل ادبها تحسبني اصغر عيالها و.. قاطعها وصوته كله نوم:يمه حتى انتي تأثرتي بالمسلسلات (باس راسها) يله تصبحين على خير.. ام فيصل:استنى وين رايح.. فيصل وهو يتثاوب:بروح انام.. ام فيصل:هاذي المفروض ماتقعد ولادقيقه في بيتي.. فيصل:خلاص بكره ان شاء الله بنشيل قشنا ونذلف لشقه المهم انتي تكونين مرتاحه.. ام فيصل:انت لاتذلف هي اللي تذلف.. فيصل ابتسم بدون نفس:تذلف وين تروح.. ام فيصل:تذلف بيت اهلها اللي ماربوها.. فيصل:طيب هي وش سوت.. ام فيصل بقهر:قليلة ادب تحاكيني وكأني بزر عند ابوها ولولا الله ثم ريم كان قتلتها.. قال وعيونه تلمع:ريم.. ام فيصل:ايه ريم لو انك متزوجها بدال ذا البقره كان إنا الحين بخير.. تنهد"ياليييييييييت":إلا وش اخبارها.. ام فيصل انقلب حالها وابتسمت بفرحه:حمد الله بخير وابشرك بعد انخطبت بس لاتقول لأحد لان مابعد صار شي رسمي.. حــس ان فيه احد كب عليه مويه باااارده وصحاه من هالحلم اللي عايشه..قال بصدمه:انخطبت.. ام فيصل:ايه ولد ما شاء الله عليه اخلاق ماينعاب الله يوفقهم ويكتب لهم اللي فيه الخير.. نزل شماغه من على كتفه وبلع غصته:طيب تصبحين على خير..<<لف عنها وطلع الدرج بسرعه وكلمة امه ترن في اذنه.. "وابشرك بعد انخطبت".. فتح الباب بقوووووه و وقف مذهوووول من اللي يشوفه.. ارتاعت ولفت وهي ترتجف بخوف وصدرها يرتفع وينزل..كانت لافه الفوطه حول جسمها وشعرها مبلول.. حس بحرارة في جسمه..نسى كل اللي سمعه من امه..و ماهمه الحين إلا الملاك اللي واقف قدامه.. ارتفعت حرارة جسمها وعرقت..مع انها توها متحممه..ضمت يدينها لصدرها ولفت وهي تنتفض.. حس على نفسه وسكر الباب..مرر يده على شعره وفرك جبينه وصورتها مو راضيه تفارق باله.. :: بعد ماسمعت صوت الباب يتسكر..تنهدت بأرتياح وحطت يدها على قلبها..جلست على السرير وهي ترتجف.. ياااارب وش صار.. رفعت راسها ودقااات قلبها مو راضيه تهدى.. بعد مالبست تمددت على السرير اللي اول مره تتمدد عليه..ارتاحت ومدت يدينها وغمضت عيونها.. وابتسمت:جعل كل يوم يصير معي هالموقف عشان يطلع ويتركني انام على السرير خخخخ.. خذت البطانيه وغطت بها نفسها..بس فجأه.. اختفت ابتسامتها..:لاحرام اتركه برا..<<رفعت الغطا وطلعت..شافته متمدد على الكنبه ونايم.. تقدمت له وقربت منه..وبأرتباك هزته:فيـ..صل فيصل.. فتح نص عيونه:همممم.. هيفاء:تعال نام في غرفتك.. وقف وهو دااايخ..مشى وهو شوي وبيطيح..مسكته وحطت يده حول رقبتها..وبلعت ريقها.. دخلت الغرفه ومددته على السرير وغطته..وهو على طول نااام ومو حاس بأي شي.. رحمت حاله.."بعد قلبي شكله تعبان عشان كذا مارحنا الشرقيه اليوم".. همست:تصبح على خير..<<وراحت تنام على الكنبه.. ×× ؛؛..الـــــيوم الثاني..؛؛ كانت الحصه الثامنه والاخيره وكان عليهم فراغ بس استاذة الرياضيات..تبي تعوض حصة امس لانها غايبه.. والطبلــــــــون عند البنات موصل للأخير..ماصدقوا تجي عندهم حصة فراغ وذي خذتها.. رفعت راسها من على الطاوله:لمى كم باقي وتصفر.. لمى تناظر ساعتها:خمس دقايق.. ريم صرخت بطفش:افففففففففففففف.. الاستاذه:انتي بتعملي كدا ليه.. ريم مكشره وبملل:استاذه ماتحسين ان الحصه طولت.. لمى عطتها كوع.. الاستاذه عصبت:اولتـــــــــــي ايه.. ريم ابتسمت بدون نفس:سلامتك.. الاستاذه:دنتـــــــي بنت مؤدبه ومتلك ماشوفتش بس الايام دي حالك مش عاقبني.. ريم بلعت غصتها وتجمعت الدموع في عيونها"كله منك يانايف" وبصوت مبحوح:طيب آسفه.. الاستاذه:ماتعتزيش ياحبيبتي كولنا نمر بزروف و.. قاطعتها وحده من البنات:استاذه كملــــــي باقي شوي وتصفر.. الاستاذه ناظرت ساعتها:طيب ((لفت على السبوره)) نلاحز هنا.. لمى بهمس:والله مافهمت إلا هالكلمه نلاحز هنا.. ريم ضحكت بصوت واطي.. ((واخيـــــــــــــراً رن الجرس)).. ريم سكرت دفترها ورفعت شنطتها على الطاوله:ياكثر بربرتها بعد اففف.. هديل طلت مع الباب:شكل عاجبتكم الجلسه هنا.. ريم شالت شنطتها ومشت:ايه مره.. هديل لفت يدها حول رقبتها:وش فيك نفسك موصله.. ريم بطفش:ياختــــــي الله ياخذ بليسها يعني مالقت إلا هالحصه تاخذها لا وبعد رياضيات الناس تبي ختامها مسك وذي تبي تسد انفسنا من اول حصه لأخرها افففف.. هديل وفي صوتها الضحكه:طيب اعصابك.. ريم دفتها ومشت بخطوات سريعه:رايقتلك انتي الثانيه.. هديل:هههههههههههههههههههههه وش فيها.. لمى:اسكتي قبل شوي سوت لها ابله هبه محاظره.. هديل بحماس:والله وش قالت.. ×× صحت وهي مرتاعه..كانت لابسه العبايه ومتمدده على السرير..لفت وجهها وماشافته.. عدلت جلستها ولمت شعرها:ياااااربي وش السالفه وش نومني انا هنا اففف.. دخل وهو يبتسم:مساااء الخير.. مها:طلال.. طلال جلس جنبها:لبيه.. مها:كيفك الحين.. طلال غمز لها:نايمه عندي وما اكون بخيــــر وشلون تجي.. حمرت خدودها و وقفت:انا بروح للمحاظره.. طلال:نسيتي ماراح تداومين اليوم يعني اليوم انا نشبه ماراح افكك..<<سحبها وجلسها.. مها برجا:طلال الله يخليك بروح اخاف ابوي يعصب علي.. طلال:لا تطمني انا قلت لخالي انك نايمه عندي.. مها حمرت خدودها وشهقت:قلت له.. طلال:ايه وش فيك خلاص تراك زوجتي رسمياً.. مها شهقت:طـلال.. طلال:ههههههههههههههههههههههههه ههههههههه.. ×× ؛؛..في المانيا..؛؛ صحى ولف على الجهه الثانيه وابتسم:صباح الخير.. تركي:هلا صباح النور.. بندر عدل جلسته:اااخ والله فيني النوم راسي مصدع مررره.. تركي:نم احد ماسكك.. بندر:نسيت لازم نروح الحين للمستشفى.. تركي:ماله داعي.. بندر تأفف:من اولها كذا لا ياشيخ عجل علينا نبي نخلص بسرعه.. تركي:ليه وش وراك.. بندر لف وراه:المخده.. تركي رفع مخدته ورماها عليه:خفيف دم.. بندر:الله يسلمك ان شاء الله.. تركي:لحظه كأن ناقصك شي.. بندر:لا الحمد لله انا كامل والكامل رب العالمين.. تركي ناظر يد بندر اليسار:وين خاتمك.. بندر بحزن:رميته.. تركي بأنفعال:ليــــــه.. بندر:خلاص مافيه شي بيني وبينها.. تركي رمى نفسه على السرير:اقول انت الحكي معك ضايع.. بندر تقدم له ورفع الغطا:اقول انت يله نمشي على بالك يعني بتنسيني ان ورانا مستشفى بحركتك ذي.. تركي عدل جلسته:الحين من اللي بيتعالج انا وإلا انت.. بندر:جدتك اقوووول يله قم.. ×× دخلت وحطت الطرحه على كتفها صرخت وهي تهف على نفسها:اففففف حــــــــــر.. راكان تغير مزاجه وابتسم من قلب هاذي الانسانه هي اللي مهونه عليه هموم الدنيا وهي السبب الوحيد اللي عايش علشانه.. لفت وشهقت وحمر وجهها من الفشيله نزلت راسها وتقدمت لهم:سلام عليكم.. الجده نوره تراقب راكان:وعليكم السلام.. راكان وعيونه تلمع بفرحه:اهليـــــن يابعد هالدنيا.. ريم دق قلبها بسرعه وارتفعت حرارة جسمها وبأرتباك:يمه وش اخبارك.. الجده نوره:حمد الله بخير.. راكان:افااا وإنا مالنا رب.. ريم:عن اذنكم.. لفت ومشت وكل كلمه قالها ترن في اذنها دخلت الفيلا وطلعت فوق بسرعه وقلبها دقاته سريعه دخلت غرفتها وسكرت الباب ورمت الشنطه على السرير وتنهدت بضيق.. حطت يدها على راسها وشدت على شعرها..اندق الباب ارتاعت وشهقت وبخوف :ميـ..ن.. :انا ميري.. حقدت عليها حقد وعصبت فتحت الباب وبعصبيه:نعم خير.. ميري خافت:ماما تبي غدا.. ريم وهي تسكر الباب: وماما بعد لا شكـــــراً (صرخت وهي تنط على السرير) اففففففف.. :: بعد ماذاكرت ونامت شوي..صحت على صوت الباب اللي انفتح..ودخل وهو لابس قميص فاتحه للأخير و سلساله اللي مايفارقه وبنطلون جينز"طيحني".. ارتاعت وعدلت جلستها بسرعه وحطت شعرها على جنب..فتحت الابجوره لان الغرفه كانت مظلمه.. :مين.. تقدم لها و.. : : |
|
10-22-2009, 02:20 PM
|
#133 |
|
|
رد: تموت عيونهم فيني وانا بك ميتة عيني
..الجـــــ الاخـــــيـــــر ــــــزء..
& ,,..الفصل الاخيـــــــــر..,, بعد ماذاكرت ونامت شوي..صحت على صوت الباب اللي انفتح..ودخل وهو لابس قميص فاتحه للأخير و سلساله اللي مايفارقه وبنطلون جينز"طيحني".. ارتاعت وعدلت جلستها بسرعه وحطت شعرها على جنب..فتحت الابجوره لان الغرفه كانت مظلمه.. :مين.. تقدم لها وقرب منها..شافته وشهقت بصدمه وتراجعت لورا لما طاحت من على السرير.. ناظرته وعيونها كلها خوف ورجا..وبصوت مرتجف:راكـ..ان وش تبـ..ي.. راكان ابتسم وقرب منها:ابيك.. ريم ضمت يدينها لصدرها اللي يرتفع وينزل بسرعه وبصوت مرتجف:راكـ..ان الله يخلـ..يك بعد عني اللـ..ـه يخليك.. راكان نزل لمستواها ولمس خدها وبحنيه وعيونه تلمع:لهالدرجه تخافين مني انا ماراح المسك ولا اجيك.. ريم بكت من قلب ولصقت في الجدار وهي ضامه رجلينها لصدرها:تكفـــى بعد عني.. راكان قرب منها وهي صارت ترتجف وتبكي بهستيريا.. راكان جلس على ركبته وفتح لها يدينه:تعالــــــي.. تكورت على نفسها وشدت على ملابسها بقوووه:الله يخليك والله يخلي لك كل غالي.. قاطعها:ماعندي غالي إلا انتي.. ريم لفت عليه ومسحت دموعها وهي ترتجف:طيـب علشاني وعلشان غلاتي بعد تكفــــى بعد.. راكان مسكها مع كتفها وضغط عليه:انا ماصدقت نبقى لحالنا وانتي تقولين بعد.. ريم بكت من قلب:الله يخليك راكان تكفــــــــى ابوس رجلينك بعد عني.. راكان حظنها لصدره بقوه وبكى.. حاولت تبعد بس هو حاظنها بأقوى ماعنده..شهقت وصارت ترتجف.. راكان بعد عنها ومسح دموعها:دمي ياقلبي ولا اشوف هالدموع.. صارت ترتجف ودفته عنها و وقفت..وقف معها بسرعه وسحبها مع يدها.. ريم ضربت صدره وحطت عينها الحمرا في عينه:راكـــــان اتركني.. راكان ضغط على كتفها:واذا ماتركتك وش بتسوين.. ريم بلعت غصتها ونزلت دموعها غصب:راكان تكفى.. راكان بألم:بتركك بس قبل ما اتركك بقول لك شي مع اني داري انه مايهمك.. ريم نزلت يده عنها وتراجعت لورا:طيب خلنا نطلع من هنا.. راكان:يله..<<طلعوا من غرفتها..وبسرعه ريم نزلت من الدرج تبي تهرب منه.. راكان نزل وراها ومسكها:يعني ماعندك ثقه فيني.. ريم تحاول تسحب يدها:راكان فكني.. راكان:قلت لك بتركك بس اسمعيني شوي.. ريم:وش تبي.. راكان:ابيك تعرفين الشي اللي حرمني منك ومن حياتي كلها.. ريم:وشو.. راكان بلع غصته..وعيونه غرقت بدموعه..وضغط على يده بقووه لما صارت حمرا:يعني (فرك جبينه ومرر اصابعه على شعره بتوتر وجسمـــه حاااار) وشلون اقولك..<<رفع راسه وغمض عيونه وصدره يرتفع وينزل بسرعه.. :كلـــــه منهم.. ريم:منهم ذولي.. راكان نزل راسه وناظرها بألم وبكى.. خافت من قوة بكاه..حست ان فيه شي كبيــــــر صاير له..:راكان وش فيك.. مر من قدام عيونه اللي صار له..اللي حطم حياته..ودمر عمره..وقتل البرائه اللي فيه.. ..كان عمره 8 سنوات..توه صغير مافتحت عينه على الدنيا.. كان ماشي في الشارع راجع من المدرسه..وسمع صوت رجولي وراه.. :ياحلووو.. لف عليه:تكلمني.. ابتسم بخبث:ايه وين رايح.. راكان ببرائه:للبيت.. :بس مو كأن البيت بعيد.. راكان:لا باقي شوي واوصل.. :طيب خلني اوصلك.. راكان بخوف:لا ما ابي.. قرب منه ورفع عنه شنطته:وش فيك خايف بوصلك البيت وفي طريقنا بنمر على السوبر ماركت وتشتري كل اللي تبيه..<<مد يده ومسك يد راكان الصغيره..وركبه السياره.. مرت ساعات طويله وهو مو حاس بشي..ومايدري وش صار له.. فتح عيونه ولقى نفسه في الشارع..يده مايقدر يحركها..وجروح عميقه على وجهه..والدم ينزف منه..ناظر جسمه المضروب بوحشيه..وبكـــــى من قلب وهو يصرخ ينادي امه.. تذكر ان شلة شباب فعلوا فيه..ورموه في الشارع بعد ماخلصوا منه..بس في وقتها ما كان يدري عن هالأشياء.. بعد ماقال لريم كل شي..بكـــــى من قلب وشهق بقوووه وغطى وجهه بيدينه.. كانت حاطه يدها على فمها من قوة الصدمه..وتتنفس بسرعه واطراف يدينها بااارده.. من إيـش مخلوقين ذولي..؟؟ ماعندهم ذرة احسـاس ولاضمير.. قربت منه وضغطت على يده وهي تبكي بحرقه والم.. راكان تنهد بضيق وضغط على يدها:ماسألتي نفسك ليه قلت لك هالسالفه انتي بالذات.. ريم هزت راسها بالنفي وهي تشهق.. راكان بألم:لاني احبـــــك.. شهقت بقوووه..كانــــــوا كل الناس ظالمينه..واولهم هي..غمضت عيونها..ونزلت دموع حاره تحرق خدها.. ×× تنهدت بفرحه:والله ماصدقت متى قال هالكلمه آآآآآه ياقلبي.. ريناد بدون نفس:تكفين فكينا مايجي من الحب غير البلاوي.. هديل:انتي ابد ماعندك ذرة رومانسيه.. ريناد:تركت الرومانسيه لك (لفت عليها) اسمعي انا اتزوج راجو المعفن ولايصير عندي ذرة رومانسيه.. راجو طير عيونه.. هديل:هههههههههههههههههههه صدق الاخ.. ريناد:هيه تراني امزح لاتصدق نفسك عاد.. هديل:والله لايقين على بعض.. ريناد ضربتها مع فخذها:وجــــــع.. هديل وهي تتحسس فخذها:آآآي حاره.. ريناد نطت قدام وشغلت"بلا حب".. ؛؛..بلا حب بلا وجع قلب وش جانا من ورا هالحب غير الالم غير التعب وش جانا..؛؛ هديل سحبتها:تعالــــــــي فشلتينا عند خلق الله.. ريناد:آآخ اسمعي بس اسمعي هاذي الناس الفاهمه مو مثلك يالدلخه.. هديل:انتي ماجربتيه علشان تحكمين.. ريناد:جعلي ما اجربه مع ان جتني هفه واعجبت في مشية رياض خطيب الغفله.. هديل شهقت:خطبـــك وماتقولين لي يالدبا.. ريناد بصوت عالي:بسم الله علي الله لايقوله لاهو ان شاء الله ولاغيره.. هديل:وجع كلتيني اجل من خطب.. ريناد بحزن:دانا.. هديل انصدمت:اقول العبي على غيري.. ريناد:بكيفك عمرك ماصدقتي.. هديل:وهي وافقت.. ريناد شوي وبتبكي:مدري عنها الله ياخذ من كان السبب وجعن يوجعه اقول غيري هالسيره ترى شوي وببكي.. هديل:لا تكفيــــن امسكي نفسك لاتبكين عاد متى بتسكتين.. ريناد:طيب خلاص ابعدي عن الشر وغنيلوه.. هديل مسكت راسها:ياربيــــــــــــه افففففففففف.. ريناد:هههههههههههههههههههههااا ي.. ×× ؛؛..يادهري لاتحملني البلاوي..انا المجروح ما الاقي اللي يداوي.. تراني عالسفر ماكنت ناوي..حكم..حكم القدر غصبن عليا..؛؛ كانت اكواب الكوفي على الطاوله جنبه مشروب نصها..وملابسه مرميه على الارض..وبعضها على سريره.. كان نايم على بطنه وفاتح ازارير قميصه..والبطانيه على رجله.. صحى وتنهد بضيــــــق..عدل جلسته ومسح عرق وجهه مع ان المكيف مفتوح..بس مايدري ليه حرارة جسمه مرتفعه والعرق ينزل منه..وحاس بشـي يضغط على صدره.. ناظر الشال اللي كان حاظنه..ابتسم بألم و رفعه..وشمه.. :احبـك..<<حط يده على قلبه اللي يألمه بشكل فظيـــــع..وحاس ان فيه شي يخنقه ويضغط على انفاسه.. مافكـــــر إلا فيها هي..ومامر في باله إلا هي..مد يده ورفع جواله..تذكر انه واعدها يبعد عنها بس مايقدر يمنع نفسه مايتطمن عليها.. طلع اسمها اللي مسجله بأسم"نور عيني"..ودق عليها.. ×× ؛؛..امنتك الله ياحبيبي ابرحــل..يمكن غيابي يعرف الشوق قلبك.. مع مرور الوقت ارجوك اسأل..خل الوصل لو يوم من بعض طبعك..؛؛ ..كانوا جالسين على الدرج لفت عليه وقالت بصوت مبحوح:راكان.. راكان:عيونه.. ريم بألم:انت مالك ذنب باللي صار لك.. راكان ابتسم بألم:ذنبي وإلا مو ذنبي مايهم.. ابتسمت بألم:بس..<<رن جوالها برنه حاطتها له مخصوص.. ؛؛..الف مره خنتني..ودعتني خاب ظن الشوق بك صابه قهـــر..الف مره ارجع الدرب اللي جيته والمسافه ضعت بين الخطوه والخطوه سفر..؛؛ عضت شفايفها بألم"حرااام عليك ابعد عني خلني انساك".. راكان:جوالك.. ريم رفعت جوالها وسكرت في وجهه وهي تبلع غصتها:ماعلينا منه.. راكان وقف:انا رايح.. ريم وقفت معه:لحظه قبل ماتروح بسألك عن شي.. راكان:قولي.. ريم بأرتباك وهي تفرك يدينها بتوتر:ا..اممم يعني انت (نزلت راسها وهي ماتدري كيف بتقول له هالحكي..قالت بسرعه) انت ليه سويت كذا بمشعل وملاك.. راكان ابتسم بضيق:ما كان قصدي من حركتي هاذي آذي مشعل.. ريم بأستغراب:اجل وش كان قصدك.. راكان:كنت ابي يعرف حقيقتها قبل مايرتبط مع وحده خانته مع مليون واحد قبله.. ريم انصدمت:انت وش قاعد تقول.. راكان:ملاك هاذي كانت تخون مشعل مع صديقي.. ريم شهقت بصدمه:إيــــــــــــش.. راكان:و انا مثلت عليها اني احبها و رحت لبيتها بحط كاميرا علشان اصورها واعطي الشريط لمشعل ما ابيه ينخدع فيها ويتزوجها.. ريم ناظرته وهي مصدوووومه من اللي تسمعه..معقوله كانوا ظالمين راكان لهالدرجه.. راكان:حبيبتي تبين شي قبل ما اروح.. ريم كانت تحت تأثير الصدمه..ماعرفت تنطق ولاحرف.. راكان لوح لها بيده وهو يبتسم:ياقلبــــــــي.. ريم انتهبت:نعم.. راكان ابتسم:الله ينعم عليك.. ريم عقدت حواجبها:وش كنت تقول.. راكان:تبين شي قبل ما اروح.. ريم:وين.. راكان فرح لانها مهتمه:بسافر.. ريم:تسافــــــر لوين.. راكان:للحين ماقررت بس ما احس ان لي داعي اقعد هنا (ابتسم بألم) ماعندي لا ام ولا ابو ولا خوات والاهم ماعندي انتي.. دمعت عيونها:انا عندك ومعك.. راكان بضيق:انتي محفوره في قلبي ولا انسانه تقدر تمحيك ولاتنسيني اياك.. نزلت راسها وبلعت غصاتها.."آسفــه يا راكان قلبي مو راضي يحبك لان نايف عايش فيني"..<<سمعت صوته المهموم.. :انتبهي على نفسك..احبك..<<وطلع.. رن جوالها بألحاح رفعته وردت بصوت مبحوح:الوو.. :ريم انتي بخيـر.. ريم وهي تمسح دموعها:ايه بخير.. نايف:بس مو مبين صوتك متغير حبيبتي انتي تعبانه.. ريم غمضت عيونها بقوووه وقلبها دقاته سريعه:لاتقول حبيبتي.. نايف بقهر:طيب آسف..<<وسكر السماعه.. ×× دخلت وحطت طرحتها على كتفها..كان اليوم احلـــــــى يوم في حياتها لانها معاه..نست مشعل وحبه كان سراب.. ابتسمت من قلب وبفرحه وهي تدخل الصاله:مسـاء الخير.. لمى تركت كتابها ونطت:يالدبــــــــا وين كنتي من امس.. مها غمزت لها وهي تضحك بفرحه:مع ماي هازبند.. لمى شهقت:كـــــــــــــذابه.. مها وهي تتوجه للدرج:بكيفك لاتصدقين.. لمى مسكتها:يالمجنووونه من وين جتك الجرأه ونمتي عنده.. مها:يووه سالفه طويله خليني اتحمم بعدين بجي واقولك على كل شي.. لمى:طيب لاتتأخرين.. طلعت الدرج ودخلت غرفتها..رمت شنطتها على السرير وضحكت بفرحه..فتحت الادراج وطلعت دفترها..اللي كانت تكتب فيه مشاعرها عن مشعل.. شقته نصين و رمته:باااااااااي هههههههههههههههههههههه.. :: جلست على الكنبه وسرحت لبعيــد..فقدته وفقدت صوته..كانت مقهوووره منه لانه للحين ما اتصل عليها.. سندت جسمها على الكنبه ورفعت راسها وتنهدت بضيق"وينـك ياتركي"..<<شافت هيفاء متوجهه لها وجلست على الكنبه اللي قبالها..ابتسمت لها بدون نفس وهي ردت لها الابتسامه.. لمى مكشره:ليه مارحتي معي المدرسه اليوم.. هيفاء:فيصل مايبيني اروح.. لمى تمثل الزعل:افااا ليه.. هيفاء:مدري اسأليه.. لمى بأستهزاء:تصدقين عاد المدرسه بدونك مظلمه.. هيفاء حست ان نبرتها نبرة استهزاء..قالت بدون نفس:ادري ومن يقدر يستغني عني.. لمى بثقه:فيصــل.. هيفاء طلعت عيونها:إيــــــــــش.. لمى وقفت..وناظرتها بأحتقار:على بالك يعني اخوي بيكمل معك يا ماما لاتفرحين كثيـر ترى كلها كم يوم وبتكونين انتي واغراضك في الشارع..<<لفت وطلعت الدرج بسرعه.. بلعت غصاتها وتجمعت الدموع في عيونها..وقلبها ولع من القهـــــر..ماتقدر تتحمل هالعيشه خلاص ملت.. زوجها واهله مايبونها..واذا رجعت لبيت اهلها بترجع بأسم مطلقه..والكل بيحط العيب فيها اهي.. فركت يدها لما صارت حمرا..تحاول تمسك نفسها لاتبكي.. دخل وعطته نظره وصدت عنه..توجه لها و رمى شماغه جنبها.. وبجفاف:مستخسره تقولين اصحى يافيصل وراك جامعه اليوم مارحت بسببك يالفالحه.. هيفاء ناظرته وبألم:شفتك نايم وماحبيت اصحيك وبعدين انت ناسي إنا تونا متزوجين.. فيصل تمدد على الكنبه وحط ذراعه على عيونه:الله ياخـذ الزواج وياخذ الساعه اللي فكرت فيها اتزوج وبعدين حتى لو شفتيني غرقان في النوم صحيني ترى مو مكلفتك كلمتين.. نزلت دموعها غصب عنها..مسحتها بسرعه و وقفت:تبي احط لك اكل.. فيصل ضحك بأستهزاء ورفع ذراعه عن عيونه:مين انتي تحطين لي اكل.. هيفاء انقهرت:لا خيالي.. فيصل:تنكتين حظرتك.. هيفاء وهي تطلع الدرج:احاول.. فيصل ناظرها من فوق لتحت لما اختفت عنه..ابتسم من قلب..يحبها لو عصبت ويتلذذ لو شاف دموعها.. قال بصوت عالي:اكرهها واشتهي وصالها واحب كرهي لها.. قبل ماتدخل الغرفه سمعته وكلامه طعن قلبها..عرفت انه يقصدها..مرت من جنبها لمى وابتسمت بأستهزاء.. ناظرتها بأحتقار ودخلت غرفتها.. رفعت حاجبها:امووت على هالنظره انا بس انتبهي لاتطلع عيونك من مكانها..<<فتحت غرفة مها ودخلت.. :والله مدري وشلون فصيييل طاوعه قلبه وناظر في خشتها اكيد ساحرته.. مها وهي تجفف شعرها:حرااام عليك انتي وامي تراكم ظالمين البنت.. لمى جلست جنبها وقعدت تلعب بشعر مها:تصدقين من يوم تملكتي على طليل وانا شاكه في اخلاقك.. مها دفتها عنها:اقووووول بعدي وبعدين احترمي نفسك ترى اسمه طلال مو طليل.. لمى:احلفـي عاد توني ادري ان اسمه طلال (وبحماس) اييييييه باللـــــــــــه عليك وش سويتوا.. مها حمر وجهها ورمت عليها المخده:اقلبـــــــي وجهك.. لمى:على اي صفحه هههههههههههههههاااااي.. مها:على فكره تراك بايخه.. لمى ابتسمت ابتسامه غبيه:الله يسلمك ياقلبي.. مها:هههههههههههههههههه حمد الله والشكر بس.. ×× قالت بصوت عالي:بناااااااات يله خلصونا تأخرنا.. ..فوق في غرفة دانا.. دانا وهي تضغط على طرحتها:ما ابي اروح.. ريناد بدون نفس:لحوووووول (سحبتها) اقول يله..<<نزلوا من الدرج ودانا تمشي بخطوات ثقيله خايفه تشوف شي يخص بندر وهاذي شي بيقتلها مليوون مره.. ام دانا وهي تتغطى:ساعه وش قاعدين تسوون.. ريناد وهي تسكر عبايتها:والله اسألي بنتك البطه الله يعين بنـ..<<عضت شفايفها وسكتت.. دانا ناظرتها بألم والدموع متجمعه في عيونها..قالت بصوت مبحوح:احم احم يله تأخرنا..<<تغطت وطلعت قبلهم.. ام دانا:وش فيها اختك صار لها فتره مو طبيعيه.. ريناد بضيق:مدري عنها.. ×× نزلت وهي لابسه عبايتها وفاتحتها..كانت لابسه تنوره قصيره وسيور وشعرها متناثر على كتفها.. ناظرها من فوق لتحت بخبث:آآآآآخ ياقلبي.. فاتن ناظرته بأحتقار ومرت من جنبه:استح على وجهك تراك خاطب.. محمد مسكها وقربها منه:بس لاتنسين اني خاطبك قبل واحلف بربي انك للحين متربعه هنا..<<وآشر على قلبه.. فاتن شهقت وبعدت عنه:اوه ماي قاد انت وش تسوي ترى بقول لدادي.. محمد:ليــه تقولين لداديك انا وش سويت ترى هاذي حركه بسيطه.. فاتن بعصبيه:محمد تراك تعديت حدودك.. محمد:ترى مابين ولد العم وبنت عمه شي وبعدين انتي طول عمرك عايشه في كندا يعني عندك هالآشياء عادي.. فاتن بأحتقار:يس عادي بس معاك انت نو وي.. محمد:وش معنى انا.. فاتن حطت اصبعها على راسها:كيفـــــــــــي (اشرت عليه من فوق لتحت) وبعدين انت مو من مستواي ومو عاجبني..<<شافت ابوها متوجه لها.. قربت منه وحظنته بهدوء:هااااااااااي دادي.. ابواحمد ابتسم:انتي متى بتبطلين دلع.. فاتن:لما انت تبطل حلاوووه.. ابواحمد ناظر محمد:وين ابوك مايدري ان بنت اخوه بتسافر اليوم.. محمد:مدري عنه اسأله.. كانت علاقة ابواحمد بأبو محمد متوتره ويكرهون بعض..ابومحمد مخلص في شغله ومربي عياله احسن تربيه بس محمد احتك بأحمد وتأثر فيه..اما ابواحمد فلوسه حراااام ومربي عياله غلط وخذوا عاداتهم وتقاليدهم من الغرب وخاصه فاتن اللي عاشت وتربت في كندا.. محمد:ايه صح عمي نسيت اقولك خطبت..<<وناظر فاتن اللي كشرت ولفت عنه.. ابواحمد من ورا قلبه:مبروك ومن هي بنته.. محمد:بنت فهد الـ..... فاتن شهقت:احلــــــــــف.. محمد:ليه.. فاتن لفت على ابوها:دادي هاذي عايلة نايف اللي يدرس معاي.. ابواحمد:والله يمكن يعرفها.. فاتن:مدري بسأله اقول وين الاخ احمد ماوده يودعني.. ابواحمد:والله مدري وين ذلف ذا الزفت.. ×× كانت تبكي وهي ضامه البطانيه لصدرها.. احمد:حبيبتي ليه تبكين.. نجود وهي ترتجف وبصوت مبحوح:خايفه.. احمد ناظرها بخبث وهو رافع حاجبه:خايفه من إيش.. نجود لفت عليه وهي تبكي بحرقه:خايفه اهلي يدرون عني وقتها بيقتلوني (نزلت راسها وشهقت بقوووه) وامـ..ي مدري وش بيصير فيها لو درت.. احمد:وشلون بيدرون.. نجود:ما ادري (رفعت راسها وبنظرات خوف ورجا) صح يا احمد ماراح تتركني.. احمد ابتسم بخبث وقربها لصدره:مستحيــل اتركك ياعمري.. ابتسمت من قلب وبفرحـــه..وشدت على ملابسه وفجأه شهقت.. احمد:وش فيك.. نجود رفعت الغطا وبسرعه:خايفه اتأخر على اختك بعدين تسوي لي سالفه.. احمد:ليه وين رايحين.. نجود طلعت عيونها:ماتدري اليوم بنسافر لكندا.. احمد كشر:ايه تروحون وترجعون بالسلامه.. نجود:طيب ماودك تجي تودع اختك.. احمد بعصبيه:نجود لا اسمع مره ثانيه تقولين اختك فاهمه هاذي مو اختي.. نجود انصدمت:وشلون يعني مو اختك.. احمد:انا متبري منها.. نجود بأستغراب:ليه.. احمد تمدد على السرير:روحي بس لاتتأخرين وبلا كثرة اسئله.. نجود حست انه زعل منها..تقدمت له وجلست جنبه:حبيبي زعلت.. احمد:وانا اقدر ازعل منك ياحياتــــــي.. نجود ابتسمت من قلب وباسته بقوووه.. ×× ؛؛..اببتعد واتعبتني خطوتي ترتعد..من شعوري بـ غلطتي.. الألم والأسى من خفايا رحلتي..توني دريت ان حبك غلطتي..؛؛ قال بضيق:الحين انا في الطريق.. مشاري:طيب انتظرك لاتتأخر.. نايف:اوكي..<<سكر السماعه و وقف وهو يتنهد بضيق..رفع شنطته وطلع.. نزل تحت وعينه على الارض وصورة ريم مافارقت باله.. بعد ماودع امه وابوه وخاله ابودانا..طلع وهو يسمع دعاوي امه.. مشى بس قبل مايطلع من البيت سمع صوت جاي من الحديقه..تقدم وتخبى ورا الجدار.. شافها تبكي وترتجف وهي قاعده تكلم:اقولك يادلال خاني..صوره وكلام البنت اللي جتني تثبت هالشي..ايه انا موافقه على رياض..(قالت بصوت مرتجف) خلاص دلال اكلمك بعدين..<<نزلت جوالها وهي تشهق بقوووه وتعض شفايفها بقهر.. مسحت دموعها ولفت..شافت ظل واقف وشهقت.. يتبــــــــع..<< |
|
10-22-2009, 02:21 PM
|
#134 |
|
|
رد: تموت عيونهم فيني وانا بك ميتة عيني
تابـــــــــع..<<
قال بصوت مهموم:دانــــــا.. دانا رفعت راسها:نايف.. نايف وهو عاقد حواجبه:وش ذا الكلام اللي سمعته اي صور ومين رياض.. دانا:شي بيني وبين صديقتي.. نايف:بس انا حسيت ان بندر له علاقه دانا انتي انخطبتي.. دانا بلعت غصتها:ايه وانا موافقه.. نايف انصدم:وبندر.. دانا نزلت دموعها وبصوت مرتجف:الله يوفقه مع وحده غيري.. نايف طلعت عيونه:انتي من جدك تتكلمين.. دانا مسحت دموعها:وهالمواضيع فيها مزح.. نايف بنبرة عصبيه ومن بين اسنانه:لا انتي انجنيتي.. دانا:نايف احترم نفسك.. نايف ناظرها بأحتقار:انا محترم نفسي قبل ما اشوف هالخشه حسافه بس حب بندر لك..<<لف وفتح باب السياره ورمى شنطته..وركب وحرك سيارته بسرعه.. دانا ارتجفت وبكت من قلب.. كل شي صار ضدها..واغلى شخصين في حياتها فقدتهم.. سمعت صوت باب المدخل ينفتح مسحت دموعها بسرعه..وشافت ريناد متوجهه لها.. :انتي هنا عمتي تسأل عنك.. دانا بعدت عيونها عن ريناد:يله جايه.. ×× كانت متربعه على السرير وضامه المخده لصدرها:اقولك اللي شفته في الشرقيه يبكي احلى من هذا اللي شفته في المكتبه وملكة طلال بس مدري ليه اللي شفته في المكتبه وملكة طلال جذبني اكثر.. في:ياااااااااااااااربيه الحين انتي وش فيك قاطعه مشوار وتقولين اللي شفته في المكتبه وملكة طلال.. غاده:وش اسوي ما اعرف وش اسمه.. في نطت:ايييييييييه تذكرت.. غاده:إيــش.. في:اظن ان اسمه فراس او فارس شي مثل كذا.. غاده:وش دراك.. في:مشعل قال لي ان هذا خاله واظن انه يشتغل في جده.. غاده:ابي شـــــي اكيد ما ابي اظن واظن.. في:لحظه انتي ليه مهتمه هالكثر.. غاده:مدري.. في:تحبينه.. غاده حمرت خدودها:والله مدري بس يمكن.. في ابتسمت من قلب:حركاااااااات يابت.. غاده بخجل:اقوول ظفي وجهك بس.. رن جوال في وكان المتصل مشعل..ردت وقلبها طاير من الفرحه :الووو.. مشعل:هلا بهالصوت وحشتيني ياقلبي.. ×× كان نايــــم..ولف للجهه الثانيه مد يده بيضم المخده..لكنه ضم شي غريب..فتح عيونه بصعوبه.. واول ماشافه فتحها بسرعه وهو مصدووووم.. شاف فيصل يتحرك ببرائه وطفوله..عدل جلسته وكان بينادي امه..لكن انربط لسانه اول ماشاف الشبـه الكبيـــر بين فيصل وخلود.. قرب منه ومسك يده الصغيره الدافيه..دمعت عيونه وعض شفايفه بقهــر.. هذا ولـــــدي.. هذا اللي بين يدينــــــي الحين..ولدي.. هذا اللي بقى لي من ريحــة خلووود.. حظنه لصدره وباسـه بقوووه..وهو يشهق من البكي.. ×× :: ..بعد مرور ثلاث شهور.. كانت صعبــه وثقيله على نايف..اللي نزل مستواه وايام كثيــره مايروح للجامعه..حالته تدهورت صار ماينام إلا قليل..وماصار يتواصل مع اهله إلا عن طريق مشاري.. كان يلعب بالقلم ومنزل راسه وسرحااان.. مشاري بهمس:من دخلنا المحاظره وانت سرحان وش تفكر فيه.. نايف انتبه:ايش.. مشاري لف عنه وبطفش:ولا شي.. نايف حط يده على خده وسرح لبعيـــــــد.. "ياربي وش كثر مشتاق لها".. مشاري تنرفز:ياخــــــــي قل لي وش فيك تراك رافع ضغطي.. ..اعلن الدكتور عن انتهاء المحاظره.. نايف وقف بدون نفس:اقول يله نمشي.. مشاري وقف وخذ الملازم:لا انت وراك سالفه.. نايف تأفف ولف وجهه شاف فاتن ونجود متوجهين لهم وتنهد:ياليــــــــــــل ابو لمبه.. مشاري:هههههههههههههههههههههههه ههههه.. نايف عض على شفايفه وبرجا:تكفـــــى طلبتك صرفهم مالي خلقهم.. مشاري:انت اللي جبتهم لنفسك.. فاتن ونجود:هااااااي.. مشاري يناظر نايف وفي صوته الضحكه:اهلين تصدقون ان نايف مره مشتاق لكم.. نايف فتح عيونه على اخر شي:مشــــــاري.. فاتن بدلع وهي تلعب بخصلات شعرها:تشتاق لك العافيه ياقلبي.. نايف لف وجهه عنهم وطلع لسانه"وع".. مشاري شافه وانفجر من الضحك.. نجود بأستغراب:وش فيكم.. مشاري:لا ولاشي يله اترككم مع نايف.. نايف مسكه:خير خير وين.. مشاري بأبتسامه:بروح البيت.. نايف من بين اسنانه وبقهر:ناوي تتركني معاهم لحالي يالزفت.. مشاري:ماراح ياكلونك (مشى وآشر لهم) سلااااام..<<لف وانفجر من الضحك على شكل نايف.. نايف تورط ويتوعد مشاري في نفسه"هيـــــــــن ياحمار القايله".. فاتن بمياعه مسكت يده:حبيبي شكلك متضايق وش فيك.. نايف سحب يده وتثاوب:تصدقين امس مانمت زين بروح انام.. فاتن:يابعـــــــد قلبي انت.. نجود قاطعتها وعلى وجهها ابتسامة استهزاء:انا عندي محاظره ثانيه عن اذنكم..<<ومشت.. فاتن لفت عليه:اوكي حبيبي طريقي نفس طريقك نروح سوا.. نايف عض على شفايفه بقهر"والله النشبه"ابتسم بدون نفس:اوكي يله.. فاتن ابتسمت بفرحه وشبكت ذراعها في ذراعه والارض مو ساعيتها من فرحتها.. نايف وصلت معه سحب يده وبدون نفس:فاتن ترى ما احب هالحركات.. فاتن حمر وجهها وتفشلت:طيب على راحتك..<<لفت عنه ورفعت حاجبها وبخبث.. "ان ماعلقتك فيني وخليتك تموت على تراب رجليني ما اكون فاتن بنت راشد".. ×× ريــم..حالتها كانت مو احسن من نايف..خسرت إثنين يحبونها..وغير كذا ابوها غاصبها توافق على محمد.. مسكت يدين امها وبرجا:تكفيــــــن الله يخليك اقنعيه ما ابي اتزوج محمد ولاغير محمد تكفيييييين.. ام مشعل بعيون مدمعه:ليه يمه.. ريم وهي تشهق من البكي:ما ابيه وبس ماما انا بنتكم الوحيده لاتجبروني على شي انا ما ابيه تكفين حاولي مع ابوي.. ام مشعل بقلة حيله:ما اظن يوافق ابوك عاجبه الولد.. ريم:ليه إنتو سألتوا عنه.. ام مشعل:لا هذا ابوه صديق ابوك من زمان و.. ريم قاطعتها وهي توقف:ماما انا مو بضاعه و مستحيــل اوافق عليه ولو كان فيها موتي..<<لفت وطلعت الدرج بسرعه وهي تشهق من البكي.. ×× تركي..نجحت عمليته وبدى العلاج الطبيعي.. :آآآآآخ ياخي يده يد صعيدي.. بندر:ههههههههههههههههههههههه والله لو كان يعرف عربي كان وراك شغلك اقول من متى ما اتصلت على لمى.. تركي ابتسم من طاريها:من يوم ماجينا على المانيا.. طلعت عيونه:ياشيــــــخ حرام عليك.. تركي:خلها ابيها تشتاق لي.. بندر :يعني الحين هي مو مشتاقة لك ترييييكوه حرام عليك اتصل عليها تلقاها الحين متعذبه.. تركي:وانا يعني مو متعذب.. بندر:وش متعذب منه.. تركي تنرفز:من يــــد ذا الفيل هيييه شوي شوي.. بندر:ههههههههههههههههههههههههه .. ×× دانا ورياض..تمت ملكتهم.. دانا بدون نفس:الله معك.. رياض:افااا بس كذا.. دانا:وش تبيني اقولك يعني.. رياض:مافيه احبــك.. دانا بألم"ماراح انطق هالكلمه لغيرك يابندر" سوت نفسها منحرجه:ريـــاض.. رياض:امووووووووت على اللي يستحون.. دانا عضت شفايفها بقهر..ودموعها نزلت غصب عنها:طيب تامر على شي.. رياض:سلامة قلبك ياحياتي.. دانا:الله يسلمك يله باااي..<<سكرت بسرعه بدون ماتسمع رد منه..رمت نفسها على سريرها وخبت راسها تحت المخده وبكت بحرقه.. ×× فارس ومنى..عايشيـــــن احلى عيشه بس ناقصهم شي..اهل فارس اللي مايدرون عن زواجهم.. فارس وهو يمرر يده على شعره بتوتر:لمتى يعني بنتم على هالحاله.. منى مسكت يده وضغطت عليها:حبيبي لاتضايق نفسك اكيد فيه حل.. فارس:الحل قلته لتركيوووه اللي سحب علي وسافر.. منى بحماس لفت عليه:حبيبي مو قلت لي ان علاقتك بريم قويه.. فارس:ايه.. منى:خلاص قل لها كل شي واكيد بتساعدنا.. فارس:الحين يا الله طلع مني الحكي يوم اقوله لتركي وشلون بقدر اقوله مره ثانيه صعبه.. منى:اذا قلته لها الحين بترتاح واحسن بعد اذا اهلك دروا منك انت مو من غيرك.. فارس ابتسم:خـلاص علشان عيونك بخلي الحكي يطلع غصب عنه.. ×× لمــى..كانت متضااايقه لان تركي ما اتصل عليها ولاسأل عنها..اما مها كانت عايــشه احلى ايام حياتها مع طلال.. لمى بقهر:صار له شهرين ما اتصل ولاسأل عني.. مها:اكيـد عنده ظروف منعته.. لمى بصوت مرتجف وشوي وبتبكي:اي ظروف ترى مو بضارته عشر دقايق يتصل ويتطمن على الاقل يدق دقه وحده بس تطمني عليه.. مها:ماسألتي ريم عنه.. لمى وقفت وبعصبيه:كل يوم اسأل بس هو مايستاهل مالت علييييييييه ذا الدب..<<لفت وفتحت الكبت ودموعها نزلت على خدها.. مها:وين رايحه.. لمى بصوت مرتجف:رايحه اشم شوية هوا انخنقت من الجلسه هنا.. رن جوال مها..ناظرت الاسم وعضت طرف شفايفها وردت بهمس:هلا.. طلال بلهفه:آآآآآخ ياقليبي.. مها ابتسمت وحمر وجهها وقفت ومشت وبصوت واطي:حبيبي انتظر شوي.. ×× كان اغلب الوقت مع ولده..ولايفارقه إلا وقت الشغل.. رفعه وباااسه بقوووه.. ام سعد:بـــــس ياسعد قطعت الولد.. سعد:وش اسوي طالـع على امه يجنن.. ام سعد بضيق:يمه ماودك تتزوج.. سعد:يمه ما سكرنا هالموضوع قلت زواج بعد خلود ماراح اتزوج وخلاص.. ام سعد:بس مين بيربي هالولد.. سعد:انا وانتي.. ام سعد:انا مو دايمة لك.. سعد بضيق باس يد امه:يمه الله يخليك ويطول بعمرك لاتقولين هالحكي (وقف وخذ شماغه) يله انا رايح تامرين بشي.. ام سعد:سلامتك.. ×× كانت حالتهم تزيد سوء..هيفاء كرهها يزداد لفيصل وامه..وفيصل عاجبه الوضع ومستانس عليه.. دخل بعد ما كان رايح للبر وقعد فيه يومين:جهزي لي الحمام بسرعه.. هيفاء بعصبيه:ياهلا والله وغلا لا كان ماجيت احسن.. فيصل مرووووق..رمى نفسه على سريره ومدد يدينه:هلا بك.. هيفاء ناظرته بأحتقار:ممكن تقول لي وين رايح له من قبل امس.. فيصل لف عليها:وهالشي يهمك.. هيفاء تموت وتعرف وين كان بس ماتبي تقول "ايه"..ويصدق نفسه:لا مايهمني.. فيصل:خلاص اجل لاتسألين.. هيفاء تجمعت الدموع في عيونها وبصوت مرتجف:فيصل طلقني.. فيصل رفع حاجبه:إيش ماسمعت وش قلتي حظرتك.. هيفاء جلست ونزلت راسها وفركت يدينها بتوتر:خلاص انت سويت اللي عليك تزوجتني وسترت علي.. فيصل عدل جلسته وناظرها بأحتقار:يعني معترفه ان احد لامسك.. هيفاء قالت هالكلمه على امل انه يطلقها:ايه.. فيصل بصدمه:وش قلتـــــــي.. هيفاء ناظرته وخافت..بدى قلبها يضرب بقووه..ويدينها ترتجف.. فيصل مد يده وعطاها كف:ايا الحقيـــــــره يالسافله..<<شد شعرها وسندها على الجدار وهي ترتجف.. قال من بين اسنانه:والله موتك على يدي..<<عطاها كف قوووي شهقت منه وطاحت على الارض.. :فيـ..صـ..ل كنـ..ت.. فيصل ضرب بطنها برجله وبوحشيه:والله ما اخلي فيك عرق ينبض.. هيفاء تبكي بشكل يقطع القلب..وهي ماسكه على بطنها:فيـ..صل الله يخليك.. فيصل تركها وصدره يرتفع وينزل بسرعه..نزل لمستواها وحظنها وهو يبكي:ليـــه سويتي كذا.. هيفاء حظنته بقوووه وبكت من قلب وهي ترتجف.. ×× ..راكان..سافر للندن وناوي يعيش فيها.. ناظر صورتها وابتسم بألم:وحشتيني..<<باس الصوره ودخلها جيبه.. رن جواله و رد:هلا احمد.. احمد:راكان وينك طولت.. راكان:خلاص انا بعيش هنا.. احمد:والله ترى مو رايق لأستهبالك ذا.. راكان:والله من جد اتكلم.. احمد:واهلك بتتركهم.. راكان:تركت روحي وبيهون علي اترك اهلي.. احمد:لا انت اكيد شارب شي.. راكان:خير تحسبني مثلك لا انا صاحي واتكلم جد.. احمد:طيب وش يقعدك هناك.. راكان:بس كذا.. احمد:لاتكون متزوج.. راكان ضحك بألم:حط هذا الشي في راسك انا اخر واحد في هالدنيا يفكر يتزوج.. احمد:و ريم.. راكان بحزن:وش فيها.. احمد:خطبها ولد عمي.. راكان خانته دموعه:الله يوفقهم يله تامر على شي.. احمد بعصبيه:اقولك انخطبت تقول لي الله يوفقهم.. راكان:وش تبيني اقول يعني.. احمد:بصراحه اشك انك صاحي خلاص اكلمك بعدين..<<وسكر السماعه.. راكان نزل جواله ودخل يدينه في جاكيته ومشى للمستشفى..اللي يتعالج فيه نفسياً.. ×× حطت يدها على يد ابوها وهي تبكي:يبه تسمعني.. جنا بصوت مرتجف:جنا اتركيه هذا مايستاهل حتى نناظر فيه.. توها ناديه بتفتح فمها ترد عليها..لكن انفتح الباب بقوووه ودخلت..ناظرتهم بصدمه ودموعها على خدها..ناظرت ابوها المتمدد على السرير وركضت له وهي تبكي بحرقه.. :يبــــــــــه.. جنا وناديه ناظروا بعض بصدمه.. جنا وهي تحت تأثير الصدمه:نوف هذا ابوك.. نوف لفت عليهم وبعصبيه:إنتو وش جابكم هنا.. ناديه:جايين نشوف ابوي.. نوف وقفت:انتي شكلك شاربه شي وش ابوك هذا ابوي انا.. ناديه بصوت مرتجف:يعني انتي اختي.. نوف بعصبيه:وش اختك شكلك خرفتـــــــي انتي.. اندق الباب ودخل الدكتور.. نوف توجهت له وهي تبكي بحرقه:تكفى يادكتور طمني.. الدكتور:إحنا لازم نعمل له عميله في اسرع وقت.. نوف بصدمه:ليـــــه.. ناديه تبكي بشكل يقطع القلب:ابوي فيه سرطان.. نوف تراجعت لورا لما صدمت في الجدار وبصدمه وهي ترتجف:سرطـــــان.. ×× كانوا جالسين في ستار بوكس.. لمى:اخوك حرام عليه ليه يسوي فيني كذا.. ماسمعت رد.. عطتها كوع:ريــم احاكيك.. كانت تفكر بالمصيبه اللي ابوها حطها فيها..لفت عليها وبصوت مبحوح:تكلميني.. لمى:لا الجدار ريموه انا اتصلت عليك وقلت لك تجين علشان توسعين صدري مو علشان تنكدين علي (وبألم) ما شاء الله عليه اخوك في النكد كفى و وفى.. ريم بحزن:انا ابي الحين احد يونسني.. لمى:ليه عسى ماشر وش فيك.. ريم تجمعت الدموع في عيونها:ماتدرين ابوي غصبني اتزوج محمد.. لمى شهقت بصدمه:إيــــــش.. ريم نزلت راسها وفركت يدينها بقهر:مثل ماسمعتي الحين مدري وش اسوي.. لمى:ليه عمي يسوي كذا.. ريم بصوت مرتجف:مدري عنه..<<رن جوالها ورفعته وردت.. :هلا خالي.. فارس:وينك مريت بيتكم ومالقيتك.. ريم:انا في السوق.. فارس:طيب خلصتي وإلا لسه.. ريم:لا انا رايحه بس اتمشى خير خالي تبي شي.. فارس:ابي اكلمك في موضوع مهم.. ريم ارتاعت:فيك شي.. فارس:لا تطمني انا بخير اسمعي بجيك الحين واخذك اوكي.. ريم:اوكي باي..<<سكرت و وقفت.. لمى رفعت راسها:وين.. ريم:خالي فارس يبيني في موضوع مدري وشو.. لمى:الحين.. ريم:ايه.. لمى حركت الملعقه في الكابتشينو بملل:ما شاء الله عليك نكدتي علي وضيقتي صدري ورحتي.. ريم لفت وجهها تناظر المحلات:عاد اسفـ..<<سكتت وهي تناظره بصدمه.. لمى:خير وش فيك سكتي كملي جملتك.. ريم بسرعه:انا لازم اطلع من هنا بسرعه.. لمى وقفت معها:خير وش فيك.. ريم مشت بخطوات سريعه ولمى مشت رمت الحساب على الطاوله ومشت وراها:ريـــم استني شوي.. سمعهم وابتسم:فديت هالاسم والله.. ريم مسكتها وسحبتها وبهمس:يالدبـــــا ليه قلتي اسمي.. لمى:وش فيها عادي.. ريم:لا مو عادي..<<شافته يتوجه لهم ونزلت راسها وضغطت على يد لمى.. محمد وهو عاقد حواجبه ويناظر ريم:انا قد شفت هالعيون بس وين ما ادري.. لمى بعصبيه:اقول ورا ماتظف وجهك وبلا قلة ادب.. محمد:اول شي انا ماكلمتك اكلم هالقمر.. لمى:قمــــر هاه متى شفتها حظرتك.. ريم رفعت راسها وبصوت مرتجف:محمد ابعد إنا في مكان عام.. محمد:ريــــــم هلا والله وغلا.. لمى:ريم من هذا.. ريم بهمس:هذا خطيب الغفله.. لمى:هههااااااااااااااي.. رن جوال ريم و ردت:هلا خالي.. وهو يمشي في السوق:وينك انتي.. ريم:انا في ستار بوكس.. فارس:طيب باي.. نزلت جوالها:عن اذنك.. محمد مسكها:على وين ياحلووو.. ريم سحبت يدها:مو من حقك تمسكني تفهم وإلا لا.. محمد:اظن انك خطيبتي.. ريم ماتدري من وين جتها هالجرأه:واحد مثلك يجي بكل وقاحه ويكلم بنات وهو مايدري كانه يعرفهم وإلا لا مستحيل اقبل اتزوجه.. محمد انصدم:وش قلتي.. ريم:مثل ماسمعت ولو سمحت بعد عن طريقي.. فارس ناظرهم من بعيد وتقدم لهم بخطوات سريعه:ريــم.. محمد:ماشاء الله وهذا من يكون خويك.. ثار الدم في راسه ومسكه مع بلوزته ومن بين اسنانه:ثمـــــن كلامك وإلا قسم بالله بتشوف شي ماقد شفته في حياتك.. ..الناس بدت تتلفت وتشوفهم.. محمد نزل يده بقوه:يعني وش بتسوي.. فارس عض شفايقه بقهر ورفع يده..بس ريم مسكتها:خالي هد اعصابك هذا مايستاهل توسخ يدك عشانه.. فارس عطى محمد نظرة احتقار:يله ريم..<<مشوا وهم يسمعون سب وتهديدات من محمد.. لمى كانت واقفه مصدومه من اللي صاير.. ريم لفت:لمى.. لمى صحت من صدمتها:هاه..<<ناظرت محمد يناظرها من فوق لتحت بوقاحه.. خافت ومشت بسرعه:يمممممممممممممه.. ×× كانت تكتب خواطرها في دفترها..وحرفه بعد ماعرفت اسمه من ريم.. انفتح الباب بقوووه وارتاعت وخبت الدفتر تحت مخدتها:بســــم الله فيه شي اسمه لو سمحتي ممكن ادخل.. في نطت على سريرها وبفرحه:مو وقت هالكلام الحين (وبأبتسامه وسيعه) اقولك بكره مشعل بيجي وبيخطبني رسمي.. غاده طلعت عيونها:احلفـــــــــــــي.. في رمت نفسها عليها وهي تضحك:والله هههههههههههههه.. غاده بفرحه:مبروووك مقدماً.. في بحماس:وش البس بكره فستاني الاخضر وإلا النيلي.. غاده:ليه تلبسين الوان غامقه مو حلوه عليك البسي هذاك البينك.. في:اي واحد.. غاده:هذاك اللي شريناه من بريطانيا.. في:لالا وش رايك بالرمادي.. غاده:انتي مصره على هالألوان ياختي اختاري شي فاتح.. في:على امرك عمتي.. ×× ام راكان..خسرت زوجها وعيالها وفضى عليها البيت.. دخلت بعد ما نامت عن منال اسبوع..:حبيبي مابخبي عليك.. ام راكان قاطعتها:وينـك من اسبوع اتصل عليك ماتردين خوفتيني عليك.. مشاعل رمت نفسها على الكنبه وتنهدت:من انتي عشان تخافين علي.. ام راكان بعصبيه:مشاعل احترمي نفسك وتكلمي معاي زين انا امك.. مشاعل ناظرتها بألم"كيف اقولك امي وانتي ماولدتيني ولارضعتيني ولاربيتيني حتى"..<<وقفت.. :يامامي (وشددت على هالكلمه) الساعه 11 صحيني عندي سهره مع منال.. ام راكان وقفت وبعصبيه:اسم هالبنت ما ابيك تنطقينه على لسانك فاهمه.. مشاعل:حتى هاذي تبين تحرميني منها.. ام راكان:وانا وش حرمتك منه.. مشاعل لفت وطلعت الدرج:من راكان اخوي اللي مصبرني على هالعيشه..<<دخلت غرفتها وخبطت بالباب.. :الله ياخذك عكرتي مزاجي..<<طلعت حبوب من شنطتها وكلتها.. ×× دخل البيت وخبط الباب بقوووه وهو ماسك ريم.. فارس ناظر مشعل:وين ابوك.. مشعل وقف:خير خالي وش فيك معصب.. نزل ابومشعل مرتاع:وش فيكم.. فارس:ريــم ماراح تتزوج محمد ولو فيها موتي تفهم.. : : |
|
10-22-2009, 02:23 PM
|
#135 |
|
|
رد: تموت عيونهم فيني وانا بك ميتة عيني
..تكملــــة الفصل الاخيـــر..
دخل البيت وخبط الباب بقوووه وهو ماسك ريم.. فارس ناظر مشعل:وين ابوك.. مشعل وقف:خير خالي وش فيك معصب.. نزل ابومشعل مرتاع:وش فيكم.. فارس بعصبيه:ريــم ماراح تتزوج محمد ولو فيها موتي تفهم.. ابومشعل عقد حواجبه بأستغراب:فارس وش هالحكي انا اكثر واحد يعرف مصلحة ريم.. فارس في قمة عصبيته:مصلحتها انها ماتتزوج هالحقير محمد.. ام مشعل دخلت البيت وهي مرتاعه:وش فيكم اصواتكم واصله للشارع.. ابومشعل بعصبيه:فــــــارس لاتتدخل هذا شي بيني وين بنتي وانا اللي اقرر كانها تتزوج محمد وإلا لا مو انت.. ريم تناظرهم بألم..قاعدين يحددون حياتها على كيفها وهي واقفه وساكته.. ام مشعل مسكت ابومشعل:فهد هد اعصابك انت فيك السكر.. ابومشعل بصراخ وهو يبعد يدها بقووه:وذا خلى فيني اعصاب.. فارس يناظره بأحتقااار:انت كيف بتزوج بنتك واحد مثل هذا.. ابومشعل:ليه وش سوا.. فارس:ريم بتقول لك وش سوا.. ابومشعل ناظر ريم اللي دموعها نزلت على خدها..ينتظر منها جواب.. ريم وهي متكتفه وبصوت مرتجف:خلصتوا وإلا باقي (وبأستهزاء) لا حالفه كل واحد يعطي الثاني كفين.. ابومشعل بعصبيه:ريـــــــم بلاقلة ادب تكلمي معاي زين.. ريم تبكي بحرقه وبهستيريا:انتو خليتو فيها حكي كل واحد منكم يحدد حياتي على كيفه كأني بضاعه وإلا كأنكم جايبيني من الشارع محد اهتم وجا ياخذ رايي (وبصوت مرتجف وهي تشهق) شكلكم مليتوا مني وتبون الفكه.. كلهم واقفين مصدوميــن من شكلها ومن اللي تقوله.. كملت وشفايفها ترتجف:يبه اذا كانت موافقتي على محمد بترضيك خلاص انا موافقه..<<لفت وطلعت الدرج بسرعه ودموعها على خدها..فتحت غرفتها وخبطت بالباب.. ورمت نفسها على سريرها وبكت بألم وحرقه..خلاص بتخسر نايف للأبد.. :: مشعل بضيق:يبه ليه سويت كذا.. ابومشعل تنهد بأرتياح:اقول انت لاتتدخل..<<لف ودخل مكتبه.. مشعل رمى نفسه على الكنبه وهو يتأفف وناظر امه:شكل رجلك بدى يخرف.. ام مشعل بعصبيه:احترم نفسك هذا ابوك.. مشعل تنرفز:يمه انتي سمعتيه وش يقول.. ام مشعل:ابوك اكثر واحد يعرف مصلحة ريم.. فارس يناظر ام مشعل بقهر واحتقار:طيب وانا اكثر واحد يعرف مصلحة نفسي.. ام مشعل:ايه اكيد انت تعرف مصلحة نفسك انا قلت لا.. فارس:اجل ابشرك تراني متزوج بنت ولد ابوبدر الـ..؟؟..<<لف وطلع وتركها مصدووووومه.. مشعل وقف وطلع ورا فارس:لحظـــــه.. فارس فتح باب سيارته:نعم وش تبي.. مشعل:صدق اللي قلته.. فارس بدون نفس:رايق انا امزح.. مشعل:طيب من هو ذا ابوبدر.. فارس ركب سيارته:اركب وبقولك كل شي.. ×× كانوا جالسين في الحديقه..ضحك وسوالف تهز المكان..وهي جالسه لحالها حاطه يدها على خدها وتفكر بهمها.. رن التليفون وصحاها.. ام نايف من داخل المطبخ:حبيبتي دانا ردي واذا احد يبيني قولي مشغوله.. دانا رفعت السماعه وبصوت مبحوح:الو.. دق قلبه بســـــرعه..وارتفعت حرارة جسمه.. دانا:الوو.. مشتاق لها ومشتاق لصوتها بس مايقدر يذل نفسه لها بعد ماخانته..قال بجفاف بعكس مشاعره العطشانه لها.. :دانا وين امي.. ارتجفت وتجمعت الدموع في عيونها..ودها تصرخ"احبك"بس انربط لسانها.. قالت بصوت مرتجف والسماعه شوي وبتطيح من يدها:انتظر شوي.. بندر بسرعه:دانا.. دانا"لبيــــه":نعم.. بندر بألم وحزن..كان اخر شي يتوقعه يبارك لها على زواجها..قال بصوت مرتجف وبأرتباك:سمعت انك يعني (مرر يده المرتجفه على شعره وشده بقوووه وعض على شفايفه بقهر) مبروك سمعت انك تملكتي الله يتمم عليكم.. شهقت بقوووه ورمت السماعه..خبت وجهها بيدينها وبكت بقوووه وبصوت مسموع.. عوره قلبه عليها وهو يسمع صوت بكيها..قال بصوت عالي:دانا دانا.. دانا رفعت راسها وصارت تشهق وترتجف..وتبكي بشكل هستيري.. بند\ر وقف مرتاع وبخوف:حبيبتـــــــي تكفين ردي علي.. تركي جا من الصاله وهو خايف:خير بندر وش فيك.. بندر وهو يمرر يده على شعره بتوتر وخوف:دانا تسمعيني.. دانا وقفت ومسحت دموعها وراحت للمطبخ..ماشافت عمتها..وطلعت للحديقه.. وبصوت مبحوح وعيونها حمرا:عمتي بندر على التليفون.. ام نايف وقفت بسرعه..ودخلت رفعت السماعه اللي كانت مرميه على الارض استغربت..وبلهفه وهي تبتسم من قلب وبفرحه.. :هــــلا يمه.. بندر جلس وبضيق وهو يضغط يدينه بقهر:هلا.. :: جلست وهي تبعد عيونها عنهم..وتفرك يدينها وتضغطها..تحاول تمسك نفسها لاتبكي لان دمعتها قريبه.. ريناد رفعت عينها لدانا وشافت دموعها متجمعه في عيونها.. قالت بهمس وبضيق:وش قال لك.. دانا بألم:ماقال شي.. ريناد:بس مو مبين عليك اكيد قال شي.. دانا تنرفزت:خلاص ريناد فكيني.. ابودانا:خير وش فيكم.. ريناد وهي تناظر دانا بنص عين:ابد سلامتك.. ×× كانت تناظر جوالها وفجأه جاها مسج.."وحشتينـــي".. استغربت وعقدت حواجبها..كان الرقم غريب و دولي بعد.. ردت عليه"بلا وقاحه عاد"..<<انتظرت ولما ماوصلها رد..تمددت على سريرها ولفت للجهه الثانيه.. انتشر صوت نغمة اغنيه كان يحبها مشاري ويغنيها دايماً"حبنا يانور عيني لايضيــــع..احفظه حتى يلم بنا اجتماع..اشتري حبك ولكن ماتبيع..كيف تنهي عشرة العمر بضياع".. نطت ومسكت جوالها وردت بسرعه:الوووو.. قال بلهفه وبحب:حبنا يانور عيني لايضيع.. ابتسمت من قلب:وش جاب رقمي عندك.. مشاري ميل فمه وكشر:رهيف من اولها كذا.. رهف:اول شي اسمي رهف تفهم وإلا لا بعدين وش هالمسج اللي يسد النفس.. مشاري:طيب اسف بااااي.. رهف بسرعه:لالالا امزح والله ما كان قصدي.. مشاري ابتسم من قلب:لاخلاص زعلت.. رهف بعفويه:طق راسك في الجدار.. مشاري مسك ضحكته:وشووو.. رهف:لا ولاشي (تنهدت من قلب) كيفك.. مشاري:بخيـــــــر دامك مو بخير.. رهف كشرت:افااا.. مشاري:هههههههههههههههههههههههه هههه لاتزعلين امزح.. رهف ابتسمت من قلب:عارفه.. مشاري:الله على الثقه اللي عندك.. رهف:اففف ياربييييييه ياكرهي لك.. مشاري:متأكده.. رهف:من وشو.. مشاري ابتسم بخبث:انك تكرهيني.. رهف بأرتباك و وجهها صار احمــر:ايه لالالا يعني مدري.. مشاري:ههههههههههههههههههههههه حددي.. رهف بسرعه:مدري يله باي..<<وسكرت السماعه.. مشاري وهو يناظر جواله ويبتسم بخبث:اجيبك يعني اجيبك غصبن ورا خشمك.. دخل وهو جايب العشا..حطه على الطاوله ورمى نفسه على الكرسي.. مشاري:كل ذا الوقت معها.. نايف رافع راسه ومغمض عيونه وبدون نفس:نشبت فيني شف انا يا اذبحها يا اقتلها يا اشنقها مافيه حل رابع.. مشاري:ههههههههههههههههههه اتخيل شكلك معها.. نايف نزل راسه وهو مكشر:ياخذ ام الرواقه اللي فيك اقول تراها عازمتنا انا وانت بكره في شاليه (وبعصبيه وهو رافع اصبعه قدام عيون مشاري) لو تروح قسم بالله احش رجولك تفهم.. مشاري تنرفز:طيب انا قلت شــــــي وجع.. نايف ابتسم بدون نفس:اعصابك طيب يله قم تعشى.. مشاري يناظر الاكياس اللي على الطاوله:كل هذا لي انا وانت.. نايف:لا لك انت بس انا مو مشتهي.. مشاري بضيق:نايف انت شايف جسمك و وجهك طالع هيكل عظمي حتى الجامعه ماتروح لها إلا يومين في الاسبوع ياخي وش فيك.. نايف وقف وهموم الدنيا كلها على قلبه:يله تصبح على خير..<<دخل غرفته ورمى نفسه على سريره وناظر السقف بضيق.. "ليتك تدري اني ماجيت لهنا إلا علشان افكها مني".. ×× مالت بجسمها قدام المرايه بدلع.."آآآآآآه اموووت فيك من قبل ما اشوفك" .. مشاعل:خير وين بتروحين.. منال بفرحه:طالعه مع واحد.. مشاعل انصدمت:إيـــــش.. منال جلست جنبها وبدلع:ومو اي واحد.. مشاعل بصدمه:انتي مجنونه وإلا شاربه شي.. منال وقفت وناظرتها بأحتقار:لا ياقلبي انا بكامل قواي العقليه وصاحيه وعارفه وش قاعده اسوي مو مثلك.. مشاعل:بس اللي قاعده تسوينه حرام.. منال انفجرت من الضحك:هههههههههههههههههههههههه ههههه بالله واللي قاعده تاكلينه ليل ونهار مو حرام واللي كنتي تسوينه قبل لراكان مو حرام واللي سويتيه بدانا وبندر وريم ونايف مو حرام (آشرت عليها من فوق لتحت بأحتقار) اصلاً انتي كلك على بعضك حرام.. مشاعل ماقدرت تتحمل وقفت بسرعه وعطتها كف قوي وهي تبكي:انطمــــــــــــــي خلاص.. منال حطت يدها على مكان الكف..والدم في راسها يفوووور:انتي تمدين يدك علي انا.. مشاعل بخوف:انـ.. قاطعتها وهي تدفها على الجدار وصرخت بعصبيه:مو انتي اللي تمدين يدك علي يا القيطه يابنت الحرام شغلك معاي بعدين..<<خذت عبايتها وقبل ماتطلع لفت عليها:تفوووو عليك وعلى اشكالك..<<وطلعت.. مشاعل كانت طايحه على الارض وماسكه ظهرها اللي تحس انه انكسر من قوة الضربه على الجدار..سحبت شنطتها ورمت اغراضها على الارض تدور الحبوب فجأه شافت صورة راكان..رفعتها وبكت بحرقه وهي تضمها لصدرها.. "وينك مشتاقة لك يا اخوي".. ×× وقف وضرب الطاوله بعصبيه:بسببكم ياكلاب خسرنا اهم صفقـــه.. قال وهو منزل راسه:طال عمرك.. ابوراكان قاطعه بعصبيه وهو يضرب على الطاوله:بـــــــــس اسكت ولاكلمه الحين انا صرت على الحديده ويمكن ادخل السجن بسبب غبائكم.. بلع غصاته وعض على شفايفه بقهر.. ابوراكان صرخ وهو يأشر على الباب:انقلـــــــــــــع انت وياه.. لفوا وطلعوا..وهو رمى نفسه على كرسيه وحط يدينه على راسه من المصايب اللي تجيه..خسر ولده و زوجته وبناته..وتزوج وحده لعبت عليه وخدعته..والديون صارت تنزل على راسه مثل المطر ومايدري من وين يسددها..شغله اللي بناه من سنين وعطاه كل وقته بيخســره ويمكن يدخل السجن وسمعته راح تصير تحت التراب.. الحين مابقى له ولاشي وخسر كل شي.. ×× جنا رفعت راسها ودموعها على خدها"لو انك معي الحين يا راكان كان هونت علي هالمصيبه".. شافته و ركضت له وحظنته بأقوى ماعندها وهي تبكي بحرقه:ماجـ..د ابوي بيمــ..وت.. ناديه ناظرته بصدمه:ماجـــد.. ماجد بعد نوف عنه وناظر ناديه بصدمه..هاذي حبيبته اللي عطاها كل عمره..هاذي دمه اللي يمشي في عروقه..واقفه قدامه وهي بقايا انسانه.. نزلت عينها وبلعت غصاتها"لو اني زوجتك الحين كان ماصار فيني كذا".. نوف هزت ماجد:ماجـــد ابوي بيعيش صح.. ماجد حظنها لصدره وبعد عيونه عن ناديه:حبيبتي ادعي له يطلع بالسلامه.. جنا:ماجد انت وش جابك.. ماجد:انتي وش اللي جابك.. جنا:جايه عند ابوي.. ماجد بصدمه:عمـــي.. نوف بعدت عنه وابتسمت بألم:طلعت ولد عمي وانا ما ادري.. ماجد:يعني انت اخت.. نوف قاطعته:ايه.. ماجد حس انه فقد عقله..مو قادر يفهم شي..يعني شلون زوجته وحبيبته طلعوا خوات وهو مايدري.. ابتسم ابتسامه غبيه وهو يحك راسه:والله مو فاهم شي.. نوف بألم:خلاص انا بعدين اقولك كل شي بس الحين لازم نسفر ابوي للخارج علشان يسوي العمليه.. ماجد:عملية وشو.. نوف بكت من قلب:ابوي فيه سرطان يا ماجد.. ×× قال بضيق:كان بين ابوبدر وجدي صداقه قويه بس بسبب واحد نذل حط ملفات مهمه في مكتب جدي و ورطه.. مشعل:ايه وبعدين.. فارس:وبعدين جدي دخل السجن وبس.. مشعل:وعرفتوا من اللي حط الملفات.. فارس:ايه وبعد ما عرف ابوبدر بالحقيقه راح يعتذر من جدي بس جدي مارضى.. مشعل:طيب انت وشلون تزوجت منى.. فارس ابتسم:كنت اروح مع جدي لبيت ابوبدر واشوفها هناك بس بعد ماصارت المشكله انتقلوا لجده.. مشعل:علشان كذا طسيت انت لجده واشتغلت هناك.. فارس:اقول احترمني تراني خالك.. مشعل:تراك صجيتنا كأن مافيه خال إلا انت.. فارس:شكلك تبيني اطلع ريحتك وانتف شورابك مثل اخوك.. مشعل:لاياشيخ انا وراي زواج ما ابي البنت تنحاش من اولها.. فارس:ههههههههههههههههههههههه.. ×× قال وهو يمسك يدها ويبتسم بخبث:اخيـــــراً ياقلبي شفتك.. منال بدلع:احمد.. احمد:عيون وروح وقلب احمد.. منال ناظرته وهي تبتسم بخبث:احبــــــك.. احمد:وانا امووووت فيك (وقف) حبيبتي تعالي معي.. منال وقفت ومشت معه بغنج ودلع.. ×× ,,..اليــــوم الثاني..,, صحى وهو مرتاع لف وجهه وناظرها نايمه جنبه وملامحها هاديه..صدره صار يرتفع وينزل وحرارة جسمه مرتفعه..كيف سوا كذا.. وشلون قرب منها.. واللي تفاجأ وانصدم منه انها "بكـــــــر"..فرك جبينه بتوتر وعصبيه وهو يلعن نفسه مليون مره.. تحركت وفتحت عيونها بصعوبه وبأبتسامه وصوتها كله نوم:صباح الخيرات.. فيصل بعصبيه:ليـــه كذبتي علي.. حست بضيق وكشرت"من اولها كذا اففف الله يعدي هاليوم على خير"..عدلت جلستها وحطت شعرها على جنب ونزلت راسها.. :فيصل عجزت افهمك لو قلتلك اني شريفه طلعتني كذابه واذا قلت ان احد لامسني بعد قلت اني كذابه (لفت وجهها عليه ودموعها متجمعه في عيونها) الله يخليك طلقني علشان ترتاح وانا ارتاح واهلك بعد يرتاحون.. فيصل رفع الغطا و وقف:شوفي لما تطق في راسي اطلقك طلقتك بكيفــي مو بكيفك.. هيفاء صرخت وهي تبكي:ومتى بتطق ان شاء الله خـــلاص فيصل طلقني تراني تعبت منك.. فيصل خذ روبه ودخل الحمام ((الله يعزكم)) وطنشها.. هيفاء تغطت وهي متنرفزه ومعصبه:افففففففف.. ×× كانت تاكل اظافرها من الخوف ومن الورطه اللي حطت نفسها فيها:يااااربيه اماني وش اسوي.. اماني:وش تسوين يعني لازم تقولين له كل شي وإلا قولي لامك.. مها بخوف:والله لو اموت ما اقول لأمي مجنونه انا.. اماني:ايه مجنونه يوم طلعتي معه.. مها:تراه زوجي.. اماني:خلاص مدامه زوجك ليه خايفه.. مها شوي وبتبكي:امانــي وش رايك تنطمين.. اماني لفت وجهها على الشباك وتكتفت:ان شاء الله عمتي.. مها عضت شفايفها بقهر وبلعت غصاتها:ياااااااااربي وش اسوي.. ×× ؛؛..هلي ما اريد انا غيــره..ولايغني احد عنه..؛؛ كانت ضامه رجلينها لصدرها وجالسه وسط سريرها وتبكي وهي تهز جسمها.. رن جوالها وطنشته..صار يرن بألحاااح..مسحت دموعها وتنحنحت..رفعت جوالها وردت بصوت مبحوح.. :نعم.. هديل:الله ينعم عليك كيفك.. ريم بحزن:زفت.. هديل عقدت حواجبها بأستغراب من صوتها:ريم فيك شي.. ريم ماقدرت تمسك نفسها وبكت بقووووووه.. هديل ارتاعت وبخوف:خيـــــــر ريم فيك شي خالتي فيها شي.. ريم ترتجف والجوال في يدها بيطيح:هديـ..ل الحقيني بمـ..موت..<<طاح الجوال من يدها وطاحت هي على السرير تبكـــي بحرقه وبهستيريا.. هديل حطت يدها المرتجفه على قلبها:ياووويلي يمه وش فيها..<<وقفت بسرعه وخذت عبايتها ونزلت بخطوات سريعه.. ام مشاري:هديلوه شوي شوي لاتخبطين على خشتك.. هديل تغطت وبسرعه:يله باااي..<<وطلعت.. ×× رن جوالها..وردت بدون ماتناظر الرقم وبدون نفس:هلا.. :اهليــــــن.. هيفاء عدلت جلستها وبفرحه:راكـــــــــان كيفك وينك والله مشتاقة لك.. راكان:هههههههههههههه طيب شوي شوي كلتيني.. هيفاء دمعت عيونها:وينك حرام عليك خوفتنا عليك.. راكان رفع حاجبه وبأستهزاء:من ان شاء الله اللي خاف علي.. هيفاء:انا وامي.. راكان بقهر:تكذبين ذي لو يصير فيني انفلونزا تبرت مني اتركينا منها الحين وقولي لي وش اخبارك واخبار مشاعل.. هيفاء بضيق:والله لو تشوفها تقول ذي ام اربعين سنه.. راكان:ليه وش فيها.. هيفاء:مدري.. راكان:طيب انتي اخبارك مع فيصل.. هيفاء بقهـــر:زفت راكان خلاص ما اقدر اتحمله ولا اتحمل عجوز النار امه طلبت الطلاق منه بس قال اذا طقت في راسي اطلقك طلقتك جعل راسه يطق في جدار ويقفد ذاكرته.. راكان انصدم:انتي انهبلتي.. هيفاء:ليه انا وش قلت.. راكان بعصبيه:وش تطلبين الطلاق خيــــر وش تحسين به انتي.. هيفاء نزلت دموعها على خدها وبصوت مرتجف:بلاك ماتدري وش يسوي فيني تخيل اربع شهور متزوجين ولاناظرني نص نظره تفتح النفس.. راكان:انا سألتك قبل قلتلك مرتاحه قلتي ايه.. هيفاء:على بالي كل شي بيصير احسن بس طلع العكس اففف والله مليت من هالعيشه لدرجة اني اتمنى الموت حرمني من دراستي ومن الطلعه مع صديقاتي (قالت بصوت مرتجف) تصدق هالأشياء ماتهمني اللي يهمني انه يكون مرتاح وهو الحين معاي مو مرتاح علشان كذا طلبت الطلاق والله مستعده اخسر حياتي بس علشان اشوفه فرحان وابتسامته على وجهه.. قبل مايدخل الغرفه سمعها تقول هالحكي..بلع غصاته وحرارة جسمه ارتفعت..لهالدرجه هو ظالمها..ولهالدرجه تحبه بعد كل اللي سواه فيها.. نزل راسه وفتح الباب ودخل.. ارتاعت وبخوف:والله اكلم راكان اخوي (مدت له الجوال) خذ اذا تبي تتأكد.. فيصل ناظرها ودموعه متجمعه في عيونه:سلميني عليه.. هيفاء رفعت الجوال لأذنها:يسلم عليك فيصل.. راكان ابتسم بخبث:الله هالكثر تحبينه.. هيفاء ابتسمت وهي تناظر فيصل:مو بس احبك اموووت فيك.. راكان فهم قصدها:هههههههههههههههههههههه استحي على وجهك يابنت تراني مراهق بسهوله انحرف.. هيفاء:هههههههههههههههههههههههه ه طيب يله تامر على شي.. راكان:سلامة قلبك.. هيفاء:الله يسلمك.. سكرت والابتسامه اللي كانت على شفايفها اختفت..ونظرات الفرح اللي في عيونها تحولت لنظرات حزن.. كان فيصل يناظرها وقلبه يعوره عليها..تقدم لها وجلس جنبها وبأرتباك وهو منزل راسه ويفرك يدينه بتوتر.. :هيفاء انا.. انفتح الباب بقووه:تعال تغدى وإلا الاخت بعد ماتبيك تتغدى معنا.. هيفاء عضت شفايفها بقهر..شوي وبتقوم تذبحها..اول شي دخلت الغرفه بدون ماتستأذن..وثاني شي خربت الجو الرومانسي اللي بينها وبين فيصل.. فيصل بضيق:يمه اتركينا شوي.. ام فيصل:تطردنـــــــي يافيصل.. هيفاء ضغطت البطانيه..وناظرت فيصل اللي ميل فمه بتكشيره.. فيصل:يمه ما عاش اللي يطردك بس ممكن يعني ابي اقول لهيفاء شي.. ام فيصل دمعت عيونها:هاذي اخرة تربيتي يافيصــــل تطردني حسبي الله على اللي غيرك علي..<<ناظرت هيفاء بأحتقار وطلعت وخبطت بالباب.. فيصل تأفف بملل:بدينا الفيلم الهندي.. هيفاء كشرت:ماعليه هاذي مهما كان امك رح راضيها وبعدين نكمل حكينا.. فيصل وقف وطلع وهو يعض شفايفه بقهــــر.. هيفاء سندت جسمها على حافة السرير وتكتفت وهي تتأفف:يا اللـــــــــه صبرني.. ×× مسكت يدها وضغطت على يدها:وش سوا خالي فارس.. ريم بصوت مبحوح وهي منزله راسها ودموعها على خدها:الله يخليه ماقصر بس ابوي.. هديل بقهر:ابوك ذا.. ريم قاطعتها بعصبيه:هديـــــل لو سمحتي احترمي نفسك هذا ابوي.. هديل بلعت غصاتها:طيب اسفه (وقفت وخذت عبايتها) يله بااي..<<باستها وطلعت وهي متضايقه.. ريم رفعت راسها وبكت من قلب وهي تمرر يدها على شعرها"حسبي الله عليــــك يامشاعل كل اللي صار لي بسببك الله لايوفقك الله يحرق قلبك مثل ماحرقتي قلبي".. ×× دخل البيت وهو حاط شماغه على كتفه وكان متضايق.. منى طلعت من المطبخ:وينك ليه ما اتصلت علي خوفتني عليك.. فارس رمى نفسه على الكنبه وبضيق:اهلي كلهم دروا بالسالفه.. منى جلست جنبه مصدومه:وشلون.. فارس:سالفه طويله.. منى:طيب وش قالوا.. فارس بأنفعال:ماقالوا شي ومايهمني اللي يقولونه.. منى:ليه وش صاير.. فارس:ماصار شي بس اقولك رضوا فيك وإلا مارضوا بالطقاق وخلاص لاتشغلين بالك بهالسالفه.. منى بضيق:اكيد قلت لهم انا من بنته وصارت مشكله.. فارس وقف:وش قلت انا سكري على الموضوع خلاص انسي..<<دخل غرفته وخبط بالباب.. منى صارت تهز رجلينها بقهر وضيق على فارس..يعني وش يبي من وحده كارهينها اهله..وماتجيب عيال بعد.. مسحت دموعها و وقفت ودخل الغرفه..شافت فارس متمدد على السرير وحاط يده ورا راسه ويناظر السقف.. جلست جنبه وبصوت مبحوح:فارس.. فارس:لبيه.. منى بلعت غصاتها:فارس انا ما ابي اكون انانيه.. فارس قاطعها ولف عليها:كم مره تكلمنا عن هالموضوع.. منى:خلني اكمل كلامي.. فارس سكت لما شاف الدمعه تلمع بعيونها.. كملت:فارس انا ما ابيك تخسر اهلك علشاني (نزلت راسها وبصوت مرتجف) كفايه اني ما اجيب عيال و.. قاطعها وهو يقرب منها ويحظنها لصدره:بس لاتكملين اسمعي وحطي هالكلام قاعده في راسك انا مستعد اخسر روحي والدنيا علشانك وعن العيال انا راضي باللي كاتبه الله لي وبعدين انتي تكفيني وتسوين كنوز الدنيا ومافيها.. منى ابتسمت من قلب وفرحه وغمضت عيونها وهي تحظنه بأقوى ماعندها.. ×× سندت جسمها على السرير وتكتفت والدموع متجمعه في عيونها"يااااربي ارحمني ياارب وش اسوي بهالمصيبه".. دخلت عليها وهي ماسكه كتاب الكيمياء:فاظيه.. مها بدون ماتناظرها:ايه تعالي.. تقدمت لها وجلست جنبها بدون ولاكلمه.. مها لفت عليها وشافتها منزله راسها ودموعها على خدها.. سحبت الكتاب منها وفتحته.. ×× أفتقدتك فناجيتك عبر الليل الطويل.. عبر مسافات الصمت.. والأمنيات البعيده.. أسكب دموعي على أجنحة الظلام.. والبكاء في داخلي يبكي.. فلا اسمع في الاصداء الا صوت بكائي الحزين.. وغيوم الاحزان تغطي سمائي.. في تلك الليله.. قادني الحنين إليك.. وجرني طيفك الى حيث تسكن هناك.. قادني صوتك في اعماقي.. وكنت اسمعك بوضوح.. أتخيلك في وجوه الناس ! وأسمع صوتك فيهم ! أشتقت إليك ! .. أشتقت لهمسك ! .. أشتقت لنظرة عينيك التي لاتفارقني ! .. أشتقت للمسة يديك التي لازال عطرها الباكي بكفي ! .. أشتقت لضحكاتك التي لازال صداها يداعب مسمعي ! .. أشتقت للجلوس معك .. وبك .. وإليك ! .. تعال يافرحة ايامي..لا اقوى بعادك.. أمطار البكاء بللت ثيابي .. وأصبحت حياتي كقطعة عذاب على بحر من الدموع عم الصمت أرجائي وتلاشى طيفك في وسط الظلام آه ياوجعي كم طالت مسافاتي .. وكم سيطول بكائي علمني أيها الحزن ضحكة الكون الوليدة وسط أنهار الدموع ! .. أكتبني فوق وجه الارض قصيده .. أجعل من معاناتي حكاية ألف ليلة وليله ! وأخبرهم متى يبكي الحزن ! متى يسكن الناي ليلا دون أن يبكي القمر .. أخبرني أيها الحزن !! كيف أبني من دموع العمر جسرا يعبر الليل الكئيب .. ؟! تعبت أيها الحزن واتعبني النحيب !! .. كنت أناديك .. في تلك الليله .. وكنت أصرخ بلهيب قلبي المفجوع .. كنت أبوح بوجد دمعي وأنين قدري .. كنت هناك أجتر معك الاحزان .. والايام وبواقي صمت حزين.. تأملتك هنا لأشاهد دموعك فيض حنون..بحريق محموم.. اراك تحمل نعشي قريباً مع انفاسك..تقبر كل اشلائي خلال صمتك والحنين.. جائتني لفحة نسيم بارده..حلقت على جسدي.. تاهت خطوتي اليك..لتحلق بركبك الحزين..كفكفت دمعي وتواريت مع همسي..لملمت اوراقي.. لتتلاشى مع غبار الحنين.. شاهدتك هناك..صامت تتأمل الرحيل.. انغرست احشائي..بثرى الارض..وسقم الايام..وحزن الاحلام..وترادف الونين.. رأيت قفى ظهرك يبعد راحلاً..مخلفاً آهات الرحيل..وتراب النوى.. يحرقني بزمن رهيب..ونور الشمس يدميني..مع عروق زهر الياسمين.. زهره انحل جسدها..عند تلاقي عمرها..برحيل قلبها..مع دمع السنين.. ها أنا اشكيك حالي..وارثيك حالي..ها أنا ابدو غريباً..من طوع ناري.. ها أنا اجرجر قلبي الى كوامن حبي..وعشقي..لتتلاشى انوار وبعثرة اوراق..واندثار الحنين.. ها أنا افتقدت الكثير..و زرت زمن الرحيل..لينتهي كل شيء.. ببقاء كل شيء.. :: نزلت دمعتها غصب عنها..ومسحتها بسرعه:الحين هاذي تسمينها مذاكره.. لمى بكت من قلب وحظنتها:وش اسوي مشتاقة له (بعدت عنها وبصوت مرتجف) قولي لي انا وش سويت علشان يسوي فيني كذا.. مها بضيق:يمكن مايقدر يتصل او.. لمى قاطعتها:تلعبين علي وشلون مايقدر وهو كل يوم يتصل على خالتي اماني.. مها بأبتسامه:طيب يمكن يبيك تشتاقين له يالشينه.. لمى بألم:يعني الحين انا مو مشتاقة له.. مها:وهو يعني مو مشتاق لك.. لمى:مدري عنه.. مها:لا انتي اكثر وحده تدرين.. لمى:لا مدري.. مها:لاتدرين.. لمى:غصب يعني لا مدري.. مها مدت يدها:تراهنين.. لمى بعدت يد مها وهي تضحك:ههههههههههههههه اقول انقلعي بس انتي انهبلتي من تزوجتي طليل.. مها بأرتباك:ايه على طاري طلال بقولك شي عنا.. لمى بحماس:قررتوا تسوون العرس.. مها تنهدت بضيق:ياليــــــت.. لمى:وجع تراني توني عزوبيه.. مها نزلت راسها وقعدت تلعب بأصابعها تشبكهم وتفكهم بتوتر:بلاك ماتدرين وش صار.. لمى بخوف:وش صار لايكون بتتطلقون.. مها رفعت راسها وبصعبيه:وجـــــع فال الله ولافالك.. لمى تنرفزت:طيب وش صاير ترى طيحتي قلبي.. مها نزلت راسها وبلعت غصاتها وبصعوبه نطقت:انا حامل.. لمى بصدمه:من مين.. مها شوي وبتذبحها:يعني من مين وإنا مين قاعدين نتكلم عنه من الصبح.. لمى:مها انتي من جدك تتكلمين.. مها تجمعت الدموع في عيونها:ايه لمى والله اني خايفه.. لمى:يالغبيــــه وشلون صار كذا.. مها بألم:لاتسأليني شلون انا بسألك الحين وش اسوي.. لمى:اتصلي عليه وقولي له.. مها شوي وبتبكي:ما اقدر.. لمى:اجل هاتي جوالك انا بقوله.. مها عضت شفايفها بقهر:لا خلاص انا بقوله.. لمى وقفت وخذت كتابها:طيب اتركك تكلمينه الحين واذا خلصتي ناديني..<<وطلعت وسكرت الباب وراها.. مها سندت جسمها على حافة السرير ومسكت جوالها بيدين مرتجفه:ياااربي ساعدني.. ×× كان عايش في دوامة تفكير..يبغى يعرف من هم اللي ضربوه و وش يبون منه..وكان يحاول يتذكر اشكالهم بس مايقدر.. جلس على الطاوله وفتح اللاب..دخل الماسن صار له زمان مادخله.. شاف ايميل بنت كان يرتاح لما يكلمها..بس كانت حاطته بلوك من بعد ما ارسل لها صورته.. :اكيد جتها سكته قلبيه من بعد ماشافت جمالي الخارق خخخخخخ.. رن جواله..رفعه واول ماشاف اسمها ابتسم من قلب..ورد.. :مرحبا يامغلط في تليفوني.. يتبــــــع..<< |
