رد: تموت عيونهم فيني وانا بك ميتة عيني
تموت عيونهم فيني وانا بك ميتة عيني
تابــع..<<
نزل لمحل حلويات يبي يحتفل برجعة راكان ونايف..ناظر الرفوف وهو محتار وش ياخذ..
::
كانت تتمشى و وقفت عند المحل..كانت دايماً تشتري من عنده شوكليت..
دخلت وناظرت في اللبناني اللي كانت خاااقه عليه.."اول طبعاً"..:صابر..
صابر رفع عيونه لها وناظرها من فوق لتحت وقال بأبتسامه بتشق حلقه:ست جنا..
جنا:ايوه..
صابر بفرحه تقدم لها:اهليــــــن وسهلين ست جنا من زمان ما اجيتي لعنا..
جنا تراجعت لورا..وماحبت تخليه ياخذ راحته ويحكي معها:طيب اظن تعرف طلبي..
صابر استغرب انها ماقعدت تسولف معاه..حتى استغرب من الغطا اللي حاطته على وجهها..كانت اول ماتحطه..
وهو ماعرفها إلا من صوتها..
قال وهو رافع حاجبه بأستغراب:ايه تكرم عينك..
لفت تناظر المحل..وطاحت عيونها عليه..ترددت تروح له وإلا لا..بس كانت لازم تعترف له بالحقيقه..وتمحي فكرته الغلط اللي خذها عن هيفاء..
تقدمت له وبأرتباك:فيصل..
فيصل بأستغراب:تكلميني..
جنا وهي منزله راسها وتفرك يدينها بتوتر:ايه ممكن اتكلم معاك شوي..
فيصل:خير من انتي..؟؟
جنا:انا جنا صديقة هيفاء تذكرتني..
فيصل ناظرها وهو عاقد حواجبه:انتي اللي شفتك في مقهى الـ..؟؟
جنا:ايوه انا فيصل ممكن اكلمك في موضوع هيفاء لانه ضروري ومضايقني..
فيصل ترك اللي في يده وقلبه مقبوض:خير وشو موضوعه..
جنا:طيب تعال نجلس في مكان غير هذا..
..طلعوا للمقهى وفيصل كان على اعصابه..
سحب كرسي وجلس وبتوتر:بسـرعه قولي اللي عندك..
جنا نزلت راسها وبأرتباك:فيصل هيفاء كانت معي ذاك اليوم اللي خطبتها فيه..
فيصل عدل جلسته ويحس ان قلبه بيطلع من مكانه..وكان يدعي في نفسه ان جنا ماتقول شي يخلي اللي بينه وبين هيفاء ينتهي وهو توه مبتدي..
:ايوه كملي..
جنا بلعت غصاتها ونزلت دموعها غصب عنها..مسحتها وبصوت مخنوق:هي ما كانت تدري ان في الاستراحه شباب ويوم قلت لها عصبت علي وحاولت تقنعني ارجعها البيت لكن انا بالغصب نزلتها معي للأستراحه..
فيصل عض شفايفه بقهر..ومسك نفسه لايقوم ويضربها..
كملت وهي تحس ان فيه شي يضغط على صدرها ويألمها:اول مادخلنا كانت خايفه ومتمسكه فيني لكني تركتها ويوم شافت الشباب والبنات يرقصون ويشربون بكت وصرخت وطلعت تركض (بكت من قلب) فيصل الله يخليك لاتترك هيفاء هي مالها ذنب انا السبب في كل اللي صار..
فيصل كان يناظرها بأحتقار وصدره يرتفع وينزل بسرعه..
جنا وهي تشهق:آسفه..<<انتظرته يرد..يصرخ..يعصب..ولو يقلب الطاوله هاذي على راسها ماراح تلومه..لكنه كان ساكت..
رفعت راسها وشافت عيونه حمــــــرا..ويده كانت على الطاوله وقابضها بقهر..رفع عينه لها وناظرها بأحتقار..
بلعت غصه ورا الثانيه ونزلت راسها وقلبها يرجف من الخوف..
وقف بسرعه وطاح الكرسي وراه..رمى الفلوس على الطاوله ومشى..
جنا تنهدت بضيق وهي مغمضه عيونها..وحطت يدها على قلبها تهدي نبضاته السريعه..
××
كانت جالسه لحالها في غرفتها المظلمه والبارده..والحزن مخيم عليها..
كانت تناظر كل اللي اذتهم يمرون قدامها مثل الشريط..فركت عيونها وهزت راسها تبي تبعد صورتهم عن بالها وتنسى..
مدت يدها لشنطتها تبي تطلع الحبوب..لكن انفتح الباب ارتبكت وشهقت وهي ترمي الشنطه..
فتح النور وهو عاقد حواجبه:خير مشاعل وش فيك..
مشاعل بلعت غصاتها وبأرتباك:مـ..مافيني شي..
راكان:ليه خايفه طيب..
مشاعل بعدت وجهها عنه ومسحت عرق رقبتها:مو خايفه..
تقدم لها وجلس جنبها وهي سحبت شنطتها وضمتها لصدرها وتراجعت لورا لما لصقت في حافة السرير..
لاحظ الهالآت السوداء..وآثار دموعها اللي جفت على خدها..وشعرها اللي على وجهها متناثر بطريقه غريبه وبأهمال..
قال بحنيه:تعبانه..
مشاعل شهقت وهي تهز راسها..
قرب منها وبعد شعرها عن وجهها وباس جبينها:وش تعبانه منه..
مشاعل وهي ترتجف:مـ..مـ..دري (تركت شنطتها و رمتها لى الارض وقربت منه) ماتدري وش صار لي بغيابك كنت بمووت..
راكان ابتسم بألم:بعد عمر طويل ان شاء الله..
مشاعل مسكت يده:راكان انت اخوي الوحيد لاتتركني هيفاء راحت مع فيصل وابوي..<<نزلت راسها وبكت من قلب..
راكان بلع غصاته..بيقتل نفسه لو توفى ابوه وما كان راضي عنه..قال بألم:ادعي له الله يقومه بالسلامه..<<كانت مشاعل تشهق وحطت يدينها على وجهها وبدى صوت بكاها يعلى..
راكان حظنها لصدره وباااس راسها:خلاص مشاعل لاتضيقين صدري (بعد عنها و رفع راسها ومسح دموعها) خلاص عاد..
مشاعل ابتسمت ومسحت دموعها..
راكان ابتسم و وقف ومد يده:يله تعالي..
مشاعل ناظرته بخوف:وين..
راكان:كلنا مجتمعين تحت لكن ناقصنا انتي..
مشاعل بألم:عن جد تتكلم..
راكان:ايه عن جد..
مشاعل وقفت ومسكت يده وضغطت عليها بقوووه..وهي تناظره بألم وحزن..
راكان:ليه تناظريني كذا..
مشاعل بصوت مبحوح:مشتاقة لك..
راكان حط يده حول رقبتها وابتسم وباسها:حتى انا مشتاااق لك..
مشاعل ابتسمت بألم ومشت معه لتحت..
::
لفت عليها وبصوت واطي:آآه بس الله يبلغني برجعة تركي..
مها بصوت عالي:إيــــش..
لمى تسد اذنها من صوت الاستيريو العالي:سلامة قلبك (قربت من اذنها) اسمعي قلتي لأمي انك حامل..
مها شهقت:وجعووووه اسكتي لا احد يسمعك..
لمى:وانا وش قلت تراه زوجك..
مها:داريه يا شيخه انه زوجي بس ما ابي احد يدري..
لمى:مصيرهم بيدرون من بطنك اللي بينتفخ بعد كم شهر المهم استعجلوا بزواجكم مع اني ما ابيك تروحين عني يامعفنه..
مها ابتسمت:انتي قريب وبتاخذين اللي في بالك..
لمى تنهدت بضيق:خليه يرجع اول..
جلست جنبهم وهي تناظر الفراغ قدامها والدموع مغطيه عيونها..
لمى تأففت..
مها:وش فيك..
لمى من بين اسنانها:شوفي اللي جنبي..
مها بحزن:بعد عمري والله تصدقين ضايق صدري عليها..
لمى بأنفعال:وليه ان شاء الله يضيق صدرك عليها من زينها مالت عليها..
مها:حرام شوفي حالتها وشلون..
لمى بحقد:احســـن..
مها:حرام عليك قولي الله يقوم ابوها بالسلامه..
لمى كشرت:افففف..<<وقفت و راحت تجلس جنب ريم..
:ناس تقهر بصراحه..
ريم ناظرتها بألم:منهم بعد..
لمى لفت عليها:وانتي وش فيك..
ريم بصوت مرتجف:ابد مافيني شي (ابتسمت بألم) مستانسه اني بتزوج اللي احبه بعد كم يوم وشوي واطير من فرحتي..
لمى بضيق:ريم اذا ماتبينه لاتوافقين..
ريم:على بالك يعني اني موافقه غصب عني بتزوجه..
..كان متوجه للحديقه من بعد ما انهى مكالمته مع مشاري وكان يضحك على هباله لكن لما سمع كلام ريم حس بغصه في حلقه..وشي يضغط على صدره ويألمه..
قرب منها وهمس:والله ماراح يصير الشي اللي ماتبينه..
ريم شهقت ولفت مرتاعه..شافته يلف ويبعد عنهم..
لمى لفت وبأستغراب:من هذا..
ريم وهي تحط يدها على قلبها تهدي من نبضاته:نايف..
لمى:وش يبي..
ريم:ولا شي جاي يسلم بس..
لمى:اهااا..
::
دخل وشماغه على كتفه وفاتح ازاريره..يحس ان فيه شي يخنقه..ويحبس انفاسه..
قال بصوت عالي وهو يأشر لفهد:فهـــــد..
فهد ركض لعنده:نعم..
فيصل بضيق:ناد لي هيفاء..
فهد قعد يرفع حواجبه بحركه سريعه:وش تبي فيها..
فيصل فتح عيونه على الاخر :وانت وش عليك رح نادها وانت ساكت..
فهد تأفف:طيب ياخي لاتدف..
فيصل كان ماسك نفسه لايضحك:يله رح بســـــرعه..
فهد لف وهو يتحلطم:طرااار ويتشرط..
فيصل رفع حاجبه وابتسم بدون نفس:وش تقول..
فهد مكشر:بعد حرام الواحد يكلم نفسه..
فيصل:اقول رح وبلا هذره زايده..
فهد راح للحديقه..وكانت هيفاء رابطه الطرحه على خصرها وترقص مع راكان وهي تضحك..وتهز كتوفها وخصرها و ودها تبكي من فرحتها..
والجالسين كانوا يصفقون لهم بحراره..
قالت بصوت عالي:فهووود تعال ارقص معي..
فهد تقدم لها:طيب ترى زوجك يبيك..
ابتسمت من قلب على كلمته"زوجك"..فكت الطرحه من على خصرها وربطتها على خصره:يله ارقص مع راكان..
فهد بدون نفس وهو يفك الطرحه ويرميها:وش شايفتني فيفي عبده..
هيفاء نزلت لمستواه:هههههههههههههههههههههه هههه لا وش جاب لجاب (شافته مكشر وكشرت معاه) الحين انت وش فيك زعلان..
فهد:ياختي زوجك رافع ضغطي..
هيفاء:طيب اوريه ولايهمك..
راكان:يله تعالي كملي..
هيفاء وقفت:بروح اشوف فيصل وش يبي..
راكان غمز لها وبخبث:طيب لاتطولين..
هيفاء حمرت خدودها ولفت عنه:مالت على تفكيرك الشين..
راكان:هههههههههههههههههههههههه ه..<<بعد ماراحت هيفاء..تقدم لمشاعل ومد يده..
:تعالي ارقصي معي..
مشاعل طاح قلبها و رفعت راسها بصدمه:نعم..
راكان سحبها مع يدها:تعــــالي..
مشاعل كانت واقفه تناظره بصدمه..وماصحاها من صدمتها إلا اصوات الجالسين يشجعونها ترقص..
:يلـــــــه شعوووله..
مشاعل ضحكت وعيونها متجمعه بدموعها..رفعت الطرحه و ربطتها على خصرها و رقصت وهي تضحك و راكان وقف يصفق لها..
::
؛؛..انسى كل الناس خليني احظنك..
غمض عيونك وانسى في حظني نفسك..؛؛
تقدمت له وهي تلم شعرها وتحطه على جنب وتبتسم له:نعم سم امر لبيه..
فيصل تقدم لها وعيونه تدمع..ابتسم لها وقرب منها وباس جبينها بوسه طويـــــــــله..
بلعت غصاتها وهي مو مصدقه اللي يسويه فيصل..بعد عنها وهي مصدووومه..
:فيصل وش فيك..
فيصل رفع يدها وضغط عليها وبألم:هيفاء انا آسف..
حست ان اللي بينها وبينه خلاص بينتهي..صارت يدينها ترتجف واطرافها بااارده..
"لاااا مستحيـــــــل تتركني مستحيل"..
قالت وهي ترتجف وتبكي وحطت يدها على شفايفه..
:الله يخليـــك لاتقولها (شهقت وهي تحط راسها على صدره وتشد ثوبه) مو انت وعدتني ماتتركني (قالت وهي تبكي بشكل يقطع القلب) فيصل انا ما اقدر اعيش بدونك سو فيني اللي تبي اقتلني بس لاتخليني (بعدت عنه وهزته بقوووه ودموعها على خدها) احبك يافيصل والله احبك الله يخليك لاتتركني..
شهق وحظنها ويدينه لمتها لصدره بقوووه:وانا امووت فيك..
كانت تحس بأحساس غريب وفي نفس الوقت حلو..وهي بين يديه ومافيه اي قوه بتبعدهم عن بعض..
قال بهمس:سامحيني..
بعدت عنه وهي ميته من الخوف:فيصل تكفى لاتتركني..
فيصل بعد شعرها عن وجهها ومسح دموعها وهو يبتسم:انا اترك روحي ولا اتركك..
هيفاء ضحكت وفي نفس الوقت تبكي من فرحتها..رمت نفسها عليه وبصوت عالي:احبـــــــك..
فيصل:ههههههههههههههههههههههههه اذني ابيها..
هيفاء بعدت عنه وهي ترتجف وابتسماتها على شفايفها..:ماني مصدقه يافيصل..
فيصل ابتسم من قلب:لا صدقي انتي روحي انتي هواي اللي اتنفسه..
هيفاء رمت نفسها عليه وهي تضحك وهو دار فيها والارض مو سايعتهم من فرحتهم..
××
,,..بعد يومين..,,
زواج..رياض&دانا..
طلعت الدرج وابتسامتها مرسومه على شفايفها..وقبل ماتدخل غرفتها ناداها..
:غـــــــاده..
غاده لفت:وش تبي يالمعرس..
رياض ابتسم من قلب:امشي ابي استشيرك في شي..
غاده تقدمت له:وشو..
رياض:وش رايك البس شماغ وإلا غتره بيضاء..
غاده رفعت كتوفها:عادي ماتفرق..
رياض دفها:اقوووول اطلعي اطلعي مالت علي يوم قلت ابستشيرك..
غاده بسرعه:لحظه لحظه..
رياض:خير..
غاده بأستهزاء:البس الغتره البيضاء علشان دانا تضيع تدور وجهك وينه..
رياض دفها وسكر الباب:اقووووووووول انقلعي..
غاده:ههههههههههههههههههههههههه هههه..
××
كانت جالسه على ركبتها في وسط سريرها وتبكي من قلب وهي تضم رسالة بندر وشهقاتها واصله سابع سما..
كانت صورته تمر قدامها مثل الشريط..ينعاد ويعذبها..ويطعنها ويقطع قلبها..
نزلت دموع حاآآره تحرق خدها..دموع قهر..دموع عذاب..دموع فرقا..دموع وداآآع..
بتودع فيها حياتها..وبندر للأبد..
صارت ترتجف بشكل مو طبيعي وتبوس رسالة بندر اللي اختلطت بدموعها وسال الحبر اللي فيه..
تمددت على سريرها وغمضت عيونها وهي تعض شفايفها المتقطعه..وتضم رسالة بندر لصدرها..
دقت الباب عليها:دااانووووه افتحي..
دانا:.............
ريناد:دانا الكوافيره تنتظرك من ساعه اطلعي..
دانا تكورت على نفسها وبكت من قلب ودموعها بللت وسادتها..
ريناد:بتفتحين وإلا وشلون..
عدلت جلستها وشعرها وناظرت رسالته للمره الاخيره..غمضت عيونها ونزلت دموعها وهي ترتجف..قطعتها وكأنها حكمت على قلبها بالإعدام..
وقفت وهي تترنح وقبل ماتفتح الباب مسحت دموعها..وفتحته..
ريناد شهقت:هذا شكل وحده زواجها اليوم..
دانا نزلت راسها وبكت:إلا قولي موتها اليوم..<<شهقت و رمت نفسها عليها..
:آآآآآه يابندر..
ريناد كانت شوي وبتبكي:خلاص دانا تكفيـــــن خلاص..
××
كانت نايمه وهو قاعد على راسها ويمرر اصابعه على وجهها ويبتسم..كانت لابسه قميص ابيض..وشعرها الاسود متناثر على المخده..شكلها كان مثل الملاك الطاهر اللي نزل نور حياته..وملك قلبه..
فتحت عيونها وابتسمت وبصوت كله نوم:صباح الخير..
فيصل:اي صباح قولي مساء الخير..
هيفاء عدلت جلستها وهي مرتاعه:ليه كم الساعه..
فيصل:اربع ونص العصر..
هيفاء شهقت و رفعت الغطا بسرعه:يااااااااااربي نسيت اليوم زواج دانا..<<نطت وخذت فوطتها وتوجهت للحمام ((الله يعزكم)) لكن وقفها صوت فيصل..
:تراني زعلان..
هيفاء لفت وهي حاطه يدها على خصرها وابتسمت:ومن اللي زعلك..
فيصل يأشر على خده:يعني مافيه حلاوه اليوم..
هيفاء توردت خدودها..تقدمت له وهي منزله راسها:آسفـــه نسيت..
فيصل مسكها ودفها على السرير وقرب منها:نسيتـــــي هاه طيب اوريك..
هيفاء لفت وجهها عنه وبخجل:لا فيصل مو وقتك متى يمديني اروح الكوافيره والبس..
فيصل بعد عنها:يعني زواج دانا اهم مني..
هيفاء عدلت جلستها وحظنته بأقوى ماعندها:عاااد انت صدقت انت اهم شي عندي الله لايحرمني منك..
فيصل ابتسم من قلب:و لامنك..
××
كانت جالسه وضامه رجلينها لصدرها وبصوت مرتجف وبقهر:اكيد وحده من هالألمانيات الخايسات عجبته..
ريم ابتسمت بألم:حرااام عليك انتي ماتدرين وش كثر تركي يحبك ودايماً يسأل عنك..
لمى:لو كان يحبني كان اتصل وطمني عليه اففففف ليه انا اشغل بالي فيه وهو ولا فكر فيني..
ريم وقفت:اقول انتي الحكي معك ضايع..
لمى تمددت على سريرها وحطت المخده على وجهها:اففففففففف..
ريم:ماراح تروحين الزواج..
لمى:مالي خلق..
ريم:ترى ام رياض بتزعل عليك..
لمى بأنفعال:غصـــــــــب يعني اروح مالي خلق..
ريم تنهدت بضيق:طيب على راحتك..
سمعت صوت الباب يتسكر..رفعت المخده عن وجهها و رمتها على الجدار وصرخت:افففففف..
الجده نوره كانت جالسه في الصاله اللي فوق وسمعتها:وجـــــــــــــــع..
ريم تتقدم لجدتها:ههههههههههههههههههههههه ..
الجده نوره بعصبيه:وش سالفتها ذي..
ريم خذت عبايتها وشنطتها:خبله ماينشره عليها المهم يمه تامرين على شي انا رايحه..
الجده نوره:وين..
ريم:بروح اتجهز لزواج دانا..
الجده نوره ابتسمت:الله يوفقها هالبنت تستاهل كل خير..
ريم:آمين..
الجده نوره:وانتي بعد جعلي اشوفك عروس قولي آمين..
حطت الملح عـ الجرح..بلعت غصاتها وتجمعت الدموع في عيونها..
قالت بعد ما باست راس جدتها:يله يمه اشوفك على خير مع السلامه..<<لفت ونزلت قبل ماتلاحظ دموعها وتفظحها..
الجده نوره بصوت عالي:انتبهي على نفسك يمه واقري المعوذات قبل ماتروحين..
ريم:ان شاء الله..<<لبست عبايتها وهي تعض على شفايفها بقهر..
"يعنـــي لازم تفتحون لي هالسيره وتنكدون علي كفايه اللي فيني"..<<تغطت وطلعت فتحت باب السياره لكن جا واحد وسكره..
كانت موصله معها وتبي تحط حرتها في اي واحد قدامها لفت وجهها وبعصبيه:هيــ..<<سكتت وهي تناظره بصدمه..
:انت وش جابك..
محمد رفع نظارته وابتسم وهو يمد يده ويسحب الغطا:مشتاق لك..
ريم ضربت يده وبقهر:وجــــــع انت وش تسوي..
محمد بوقاحه وهو يقرب منها وهي تراجعت لورا لما لصقت على السياره:زوجتي ابي اشوفها حرااام بعد..
ريم لفت وجهها عنه وصدرها يرتفع وينزل بخوف:محمد بعد إنا في الشارع..
محمد بخبث:عقبال ما اشوفك في..
ماكمل كلمته من صوت السياره اللي كانت مسرعه وطلع صوت الفرامل على الزفلت..نزل وهو معصب وثاااير الدم في راسه..
مسكه مع بلوزته وسنده على السياره وصرخ بعصبيه:ياولــــــد الـ..؟؟ وش جاي تسوي هنا هاه..
محمد دفه عنه وبأحتقار:جانا خويها الثاني..
ريم كانت ترتجف من الخوف..خوف في انه يسوي في نايف شي..مسكته:نايف..
نايف صرخ فيها:بعـــــدي انتي (ناظر محمد و رفع اصبعه المرتجف بتهديد) اسمع قســـــم بالله وهذاني حلفت ان شفتك مار بس من هالشارع وإلا ماشي في طريق ريم لا تلوم إلا نفسك..
محمد بعصبيه:يعنـــــــي وش بتسوي..
نايف يضغط على اسنانه والشرار يتطاير من عيونه..قرب منه وعطاه بوكس..حس محمد ان اسنانه تكسرت والدم بدى ينزف من فمه..
قال بأحتقار:تبــــي واحد ثاني ترى ماعندي مانع يدي تحكني تبي تعطي كفوف ومن حسن حظك جت فيك..
محمد حط يده على فمه وناظر الدم اللي لوث يده..رفع عينه وناظر نايف بأحتقار وحقد..
:قدها..
نايف بعصبيه:قدها ولو ماكنت قدها كان ماسويتها..
ريم لفت على نايف وصدرها يرتفع وينزل ودموعها على خدها وعيونها حمرا..قال بصوت مرتجف:انت وش تبي مني..
نايف ناظرها بأستغراب وقلبه يتقطع وهو يشوف دموعها:تسألين وش ابي يعني للحين ماتدرين..
محمد بوقاحه:الله بـدى المسلسل المكسيكي..
نايف عض شفايفه بقهر وتقدم له لكن ريم منعته:خلاص نايف..
نايف وقف بس علشانها..
محمد ناظرهم بأحتقار وضحك بأستهزاء:تهنوا في بعض بس الوعد يا ريم جاي في الطريق (ارسل لها بوسه) باااي ياحلووو..<<ركب سيارته وحركها وعيونه ماشالها من على ريم..
نايف قبض يدينه وهو يلعنه في نفسه مليوون مره..
ريم لفت على نايف ناظرت الدموع اللي في عيونه..تمنت انها ما انولدت ولا شافت دموعه..تمنت انها ماتت قبل ماتشوفه بهالشكل..قالت بصوت مرتجف
:ابفهم شي واحد بس انت ليه تحب تعذبني..
نايف ناظرها وبلع غصاته:انا يا ريم..
ريم ماقدرت تشوف الدموع اللي في عيونه..تجاوزته وفتحت باب السياره وبألم وهي تبكي من قلب:عمرك ماراح تفهم..<<ركبت وانحنت على نفسها وشهقت من البكي وهي ترتجف بشكل مو طبيعي..
نايف ناظر السياره وهي تتحرك وقلبه ينعصر من الالم عليها..رفع يده ومسح دموعه اللي نزلت غصب عنه..
لف ودخل بيت جدته..
مشى بخطوات ثقيله وكلمتها تتردد في اذنه"انت ليه تحب تعذبني"..
"بعد كل اللي سويته لك تقولين احب اعذبـك آآآه بس ليتك تحسين بنار القهر اللي تحرق صدري وتقطع قلبي"..
سمع صوت جدته:هـــــــــلا والله وغلا تو مانور المكان..
نايف ابتسم بألم وباس راسها..
××
وقفت و رفعت راسها..ودقااات قلبها كلها رعب وخوف..
كانت رايحه لمستشفـى الامل..تتعالج من السم اللي دمرها ودمر حياتها ومستقبلها..
نزلت راسها وحطت يدها على قلبها:ياااارب ساعدني..
××
قالت وهي توقف عند المرايه وترفع الغلوس:والله صار لي ساعه اتصل عليها ماترد..
ام راكان بخوف:ياااربي ذا البنت وين راحت..
هيفاء:ماما لاتخافين تلقينها في المستشفى عند ابوي..
ام راكان:والله إظاهر..
هيفاء:طيب هدي اعصابك وقولي لي وش رايك البس فستاني النيلي وإلا الاحمر..
ام راكان بأبتسامه:عندك فيصل اسأليه يله مع السلامه..<<وسكرت..
هيفاء ابتسمت وسكرت..
سمعت صوته يصفر:آآآآخ ياقلبي لاشوي شوي علي كثير علي كذا..
هيفاء توردت خدودها:عاد لاتبالغ..
فيصل وقف وراها بالضبط وقرب من اذنها وهمس:والله ما ابالغ لو قلت انك تسوين عمري وحياتي كلها ياحياتي..
انفتح الباب:هيـفـ..<<سكتت وبأرتباك..
:آسفـــــــه قاطعتكم..
هيفاء ابتسمت من قلب وبفرحه لان مها طلعتها من الوضع المحرج اللي كانت منه بتمووت من الحيا..
بعدت عن فيصل وتقدمت لها وهمست وهي تسحبها لبرا الغرفه:والله ماصدقتي يوم قلتي لي ان فيصل عنده الرومانسيه زيروو..
مها:اجل حتى انتي نفس حالتي..
هيفاء:ليه وش فيك..
مها:طلال معذبني في هالحياة احس اني في فرن من كلامه..
هيفاء:هههههههههههههههههههههه نفس الشعور..
ام فيصل ناظرتهم بأعجاب:ما شااااء الله تجننون بتغطون على العروس..
هيفاء ابتسمت:تسلميـــن..
فيصل طلع وغمز وهو يحط يده حول رقبتها:يعني على بالك بتنحاشين مني..
هيفاء ناظرته وبأرتباك وهمس:مو قدام خالتي..
فيصل طول صوته:عااادي وش فيها انتي زوجتي..
ارتفعت حرارة جسمها وبعدت يده عنها وناظرت مها:بالله عليــك هذا عنده الرومانسيه زيرو والله قيس ابن الملوح مايجي ربع رومانسيته..<<لفت ودخلت وسكرت الباب..
الكل:ههههههههههههههههههههههههه ههههههه..
××
جفف شعره ولف على راكان اللي متربع على السرير ويناظره..
مشعل:خيـر ان شاء الله..
راكان وقف وتقدم له:معجب..
مشعل:طس بس..
راكان:ههههههههههههههههههه يله انا ماشي..
مشعل:وين مو قلت بنروح الزواج سوا..
راكان يشد قميصه:بروح اتحمم وابدل ملابسي..
مشعل:تعال وش سالفة هالسلسال..
راكان:تبيه..
مشعل:لا وش ابي فيه بس اسأل وش معنى حرف الـr (غمز له) تحب..
راكان"ليت تدري اني ميت على اختك" ابتسم بألم:لا وش احب يله تامر على شي..
مشعل:سلامة قلبك..
راكان وهو يتوجه للباب:الله يسلمك مع السلامه..
مشعل لحقه..
راكان:وين وين..
مشعل:بوصلك عند الباب..
راكان دفه على السرير:اقول استريح ادله..
مشعل:طيب لاتدف..
راكان:تعورت ياقلبي..
مشعل رمى عليه المخده:لا شكل فيصـــــل وهيفاء خربوك..
راكان وهو يطلع:هههههههههههههههههههههه..< <نزل تحت وانفتح الباب دخلت وخبطت فيه بقوووه..
ارتاع و رفع راسه وشافها تبكي من قلب وتشهق..
دق قلبه بقووه وبخطوات سريعه تقدم لها:ريــم..
ريم رفعت راسها وعيونها حمرا..قالت بصوت مرتجف وهي تبعده عنها:بعد انت الثاني..<<وطلعت الدرج بسرعه وصوت بكاها يعلى..
راكان ناظرها بألم لما اختفت عنه..لف وطلع..
وقلبه يتقطع عليها..
××
نزل فنجاله وبضيق:لا صدقيني لاني متضايق ولاشي بس ما نمت امس زين..
الجده نوره ابتسمت:طيب قم نام قبل ماتروح الزواج..
نايف:اي زواج..
الجده نوره فتحت عيونها على اخر شي:لا انت مو بصاحي زواج بنت خالك مين بعد..
نايف بدون اهتمام:ايه صح نسيت..
الجده نوره:و وراك تقولها كذا لايكون للحين تحبها خلاص يايمه البنت خذت نصيبها وانت ان شاء الله بتاخذ نصيبك..
نايف بدون نفس:يمه من قال اني احبها..
الجده نوره:طيب ليه تضايقت يوم فتحت سيرة زواجها..
نايف تنهد بضيق"بلاك ماتدرين وش بيصير في اخوي لو درا ان زواجها اليوم":وش تبيني اسوي يعني اقوم ارقص..
الجده نوره بأنفعال:وش فيك الحين تكلمني كذا..
نايف نزل راسه وضغط على الفنجال بقهر:اسف يمه ما كان قصدي..
الجده نوره:لا انت وراك سالفه..
نايف رفع راسه وبلع غصاته والفنجال في يده شوي وينكسر:يمه بسألك متى ملكة ريم..
الجده نوره ابتسمت من قلب وبفرحه:ان شاء الله الاسبوع الجاي (حطت يدها على كتفه وابتسمت) عقبال ما اشوف زوجتك جنبك و اوعدك ارقص في عرسك حافيه بعد..
نايف ضحك بألم:مو خايفه يقولون لك انهبلت..
الجده نوره:يقولون اللي يقولونه بعد عرس ولدي مايبوني افرح..
نايف ابتسم بألم..و وقف:يله يمه انا ماشي تامرين على شي..
الجده نوره:وين تو الناس..
نايف بدون نفس:بروح اتجهز لزواج ذي والله لو مو خايف خالي يزعل علي كان مارحت..
الجده نوره:وليه ان شاء الله ماتروح..
نايف:كذا مالي خلق و راسي مصدع (باس راسها) يله مع السلامه..
الجده نوره:مع السلامه وسلم لي على ابوك وامك..
نايف وهو يتوجه للباب ويفتحه:يوصل..
بعد ماطلع نايف..نزلت وهي منزله راسها وتتأفف..
الجده نوره اشرت لها:تعالي تعالي..
لمى تقدمت لها وهي مكشره ومتكتفه:سمي..
الجده نوره:حتى انتي مالك خلق و راسك مصدع وما ودك تروحين الزواج..
لمى جلست جنبها:اصلاً ماراح اروح خلقه..
الجده نوره شهقت:تبيـــن ام رياض تزعل عليك..
لمى لفت عليها:تكفين وجودي وعدمه واحد..
الجده نوره:من قال..
لمى تربعت:انا اقول..
الجده نوره:انتو الحين وش سالفتكم ريم متضايقه ونايف وانتي خيـر وش فيكم..
لمى تجمعت الدموع في عيونها"وش كثـر مشتاقة له ليته يحس فيني"..<< حطت راسها على فخذ جدتها وغمضت عيونها..
:يمه متى اخر مره كلمتي فيها تركي..
الجده نوره:امس ليه تسألين..
لمى تنهدت بضيق"ومستخسر تدق دقه وحده على لمى ياتركي":لا بس لقافه..
الجده نوره:انتي لو تتركين اللقافه عنك كان إنا بخير (ضربت جبينها بخفه) بعدي عني عورتي رجولي..
لمى عدلت جلستها مرتاعه وفركت جبينها:آآآآآح يمه شوي شوي..
××
مسكت نفسها وحبست دموعها..خلاص ماتبي تبكي ولازم تعيش هالواقع وترضى فيه..
هذا نصيبها وانكتب لها..ومحد يقدر يغير المكتوب..
دخلت وعيونها غرقانه بدموع الفرح..حظنتها وقلبها بيطير من الفرحه:مبروووك يمه الله يتمم عليكم..
دانا بدون احساس وبصوت مبحوح:الله يبارك فيك..
ريناد كانت واقفه عند الباب وتمسح دموعها..كانت المفروض تكون فرحانه في هاليوم..لكن كانت حزينه لان اختها مو براضيه تنسى بندر ولا راضيه تفرح في هالليله اللي تتمناها اي بنت ولاتفرحها معها..
سمعت صوت احد وراها:عقبالك وانا ابوك..
لفت مرتاعه:يبه..
ابودانا:افاااا وش هالدموع..
ريناد نزلت راسها وشهقت من البكي:بفقدها..
ابودانا حظنها وهي كانت حاطه يدها على وجهها وتبكي من قلب..
:ادعي لها بالتوفيق..
ريناد بعدت عنه وابتسمت بألم وهي تمسح دموعها:اخاف املي ثوبك بدموعي عاد وش يفكني من (بصوت واطي) مرتك..
ام دانا بصوت عالي:رينادوه تراني اسمع مانيب صمخا..
ابودانا وريناد:ههههههههههههههههههههههه ههههه..
دانا كانت تناظر امها وابوها وريناد اللي دخلوا لغرفتها"ودي اضحك معكم ودي افرح بهاليله آآآه يابندر خذت مني كل شي و رحت فرحتي وكل حياتي اللي ما عرفتهم إلا منك انت"..
تذكرت الخاتم اللي اهدت له اياه..وصوته يوم كان يغني وهي سجلته بجوالها..ويوم رجعوا لبعض بعد ما تراجع نايف عن خطبتها..و رسالته وكل كلمه مكتوبه فيها..
تذكرت الليالي اللي كانوا فيها يكلمون بعض..والايام اللي جمعتهم سوا..
تذكرت ضحكته..وهمسته..وكلامه..وصوته.. وصورته المحفوره في قلبها..
كل هذا بتقـدر تنساه..مستحيـــــل..
مسحت دمعه خاينه نزلت من عيونها..و رفعت راسها على صوت ريناد اللي قالت بجفاف..
:يله تعالي علشان تحطين الميك آب..
دانا:وش فيك شكلك متضايقه..
ريناد شوي وبتبكي:انا وإلا انتي (شهقت وحطت يدها على فمها) خلاص عاد ابتسمي خلصت دموعك من كثر مابكيتي وفري لي شوي اذا تزوجت..
دانا ابتسمت بألم وحظنتها..
××
وقف سيارته ونزل..:احمد موجود..
الحارس:العم احمد ايوه موجود..
راكان بقهر:ياخـــــي اسمه احمد حاف تراك تقهرني اذا قلت عم ذاك يستاهل ينقاله عم بصراحه شكله ما يأهل..
الحارس ابتسم بدون نفس..
راكان كشر:شكل مو عاجبك كلامي..
الحارس:يعني ماشي حاله..
راكان رفع حاجبه:ماشي حاله هاه (دفه عنه) بعد بس بعد..<<دخل الاستراحه الواسعه وابتسم..
"اشتقت له واشتقت لأستراحته ذا المنتف (ابتسم بأستهزاء) اما عاد منتف كثر لي منها ياركين خخخخ"..<<دخل للصاله وشافه جالس مثل عادته..فاتح الاستيريو ويدخن..
تقدم له وقرب من اذنه وبصوت عالي:احمدووووه..
احمد ارتاع ونزل رجله..لف عليه وفتح فمه من صدمته..
راكان:هههههههههههههههههه وش فيك..
احمد وقف وحظنه بأقوى ماعنده:راكانوووه اشتقت لك يالدب..
راكان:وانا اكثــر..
احمد بعد عنه وطفى سيجارته وبفرحه:متى رجعت..
راكان:قبل يومين..
احمد:افااااا وما تقول لي..
راكان:انشغلت شوي مع اهلي..
احمد:ولو مو بناقصك شي لو رفعت السماعه وقلت لي تراني رجعت وانا مستعد اجي لك ترى هاذي ثاني مره تسويها..
راكان:عاد راحت عن بالي..
احمد عض شفايفه بقهر:جد انك دب..
راكان:ههههههههههههههههههههه كلامك المر عسل على قلبي..
نزلت وهي تشد شعرها وهي دايخه..اول ماسمعت صوته رفعت راسها وشهقت..
لف على مصدر الصوت وفتح عيونه على اخر شي وبنبرة عصبيه:هاذي وش جابها عندك..
ارتجفت وتراجعت لورا وتمسكت في الدرابزين..خافت انه درا بأنها هي السبب بموت ابوراكان..
يتبــــــــــــع..<<
|