رد: تموت عيونهم فيني وانا بك ميتة عيني
تموت عيونهم فيني وانا بك ميتة عيني
تابــــــــع..<<
غاده رفعت راسها وركضت عندها سحبت الالبوم وفتحته بكت وهي تحظن صورة امها وابوها..
في عورها قلبها:غدوو خلاص..
غاده بدت تقلب صفحات الالبوم شافت صوره جماعيه لها ولابوها وامها وطلال يوم كانوا في فرنسا وبرج ايفل وراهم..ناظرت الصوره اللي بعدها كان وجهها مغطيه الشوكلت ابتسمت وقلبها يتقطع من جوا..يا انها مشتااقه لهاذيك الايام..ودها ترجع الزمن لورا ويوقف الزمن وتبقى مع اهلها على طـــول..
مسحت دموعها وسكرت الالبوم:يله امشي نكمل ترتيب..
طلال راسه مع الباب:وحده منكم ياحلــــوين تجي تساعدني..
××
تجمعوا البنات عند الحريم اللي جالسين على الشاطئ وسمعوا صوت المسجل على اغنية قوم درجني اللي صوته مرفوع علــــــى اخر شي....
التفتوا على بعض بأستغراب..
جا مســـــــــرع:يله ريم مها تعالوا..<<وسحبهم يرقصون معه دبكه..
ريم:هههههههههههههههههههههههههه ههه وش فيك تركي انهبلت..
تركي مسك يدها:اقول ارقصي وانتي ساكته..
لمى تناظرهم وتحس انها انســـان مو مرغوب فيه ولفت بتدخل لكن وقفها صوت..
:لمووو تعالي..
لمى لفت عليها شافت ريم ماده يدها ابتسمت ومسكت يدها وهمست:اسفـــــه..
ريم:خلاص انسي آآآآآآي هههههههههههههههههههههههههههه تركي شوي شوي..
انضموا لهم مشعل وفيصل وبندر..
مشعل وهو يمسك يد مها اللي شهقت..
مشعل ابتسم:وش فيك..
مها بأرتباك ووجهها احمــــــــر:لا ولاشي..
الحريم بدوا يصفقون وعيون ام نايف مافارقت ريم لحظه واللي خلت ريم تموت من الاحراج..
مع حركه سووها التقت عيون لمى وتركي..تركي عطى لمى نظره احتقار وصد وابتسم لبندر يبي يقهرها ويبين انه مو مهتم..
ام راكان عطت هيفاء كوع:قومي ارقصي..
هيفاء:اففف وش ارقص انتي ماتشوفين من هنا مشعل ومن هناك فيصل تبيني امسك يد واحد منهم..
ام راكان:عادي عيال خوالك اعتبريهم مثل اخوانك..
هيفاء:طيب بعد واللي يطلع عليه عشره بمسك يده..
ام راكان دفتها:اقـــول قومي..
هيفاء ناظرت في فيصل اللي كشر في وجهها وانقهرت راحت ومسكت يده وضغطت عليها..ناظرها بأحتقار بس هي ما اهتمت ورقصت..
ريم ملت وتعبت تركتهم وراحت للشاليه..تمددت على السرير وهي تحس ان ظهرها بينكســـــر..حطت راسها على المخده والنوم غلبها ونامت..
××
..مر اليوم بطـئ وحزين لناس مثل ريم اللي تنتظـــــر الصدمه القويه وهو زواج نايف..
ولمى اللي هدمت حب تركي بيديها..
وراكان اللي ينتظـــر ريم تحس فيه..
ونايف اللي اكتشف في هاليوم انه مايحمل اي مشاعر ناحية دانا ومستثقل فاتن اللي لازقه فيه وترمي عليه كلام خلته يحتقرها وريــــــم وهي اللي تربعت في قلبه وده يلقى اي سبب علشان مايخطب دانا والكلام اللي قاله لمشعل آثـــر فيه وشلون يقول هالحكي ووشلون الحين بيحط عينه في عين مشعل..
وبندر ودانا القلبين اللي لازالوا متفرقيـــن..
ومفرح لناس..مثل مها اللي صدقت ان مشعل يحبها..
مشعل اللي بدا ينسى ملاك تدريجياً وبيفتك من هالعذاااب..
طلال اللي طايـــــر لعالم ثاني عالم مافيه إلا هو ومها واخيـــراً قدر يتكلم وبيخطبها وبتصير حلاله له هو وبس..
؛؛؛
..؛؛..لو جات من غيرك ترى كان هانت..اما تجي منك ياهي قويه..
كذبت فيك احساسي وناس قالت..ماكنت اصدق ان حبك خطيــــــه..؛؛..
تحركت في السرير بكسل وعدلت جلستها شافت الساعه..((1,30)) وقفت وفتحت البلكونه تمسكت في الدربزين ورفعت راسها وتنهدت بضيق..
سمعت صوت ضحكــــــته..ضحكته هو..ابتسمت ونزلت راسها تملي ((عيونها الميته فيه)) بشوفته..لكن اختفت ابتسامتها..
تمسكت في الدربزين بقوووه لاتطيح على الارض..نبضات قلبها زادت وكأن قلبها بيطلع من بين ضلوعها..
"مستحيـــــــل اصدق هذا مو نايف"..
ماقدرت تكتم شهقتها شهقت وحطت يدها المرتجفه على فمها ودموعها نزلت غصب عنها انهـــــار على خدها شي طعنها وطعن قلبها ومشاعرها واحاسيسها..
قولوا لي اللي قاعـــــد يصير كذب او كابـوس..
ندمت على كل لحظه اشغلت بالها بالتفكيــــر فيه وعلى كل دمعه نزلت عشانه..
دخلت وسكرت البلكونه ورمت نفسها على السرير دفنت راسها تحت المخده وبكت وكل خليه في جسمها ترتجف,,..
××
اشرت له وهي تبتسم:بااي..
نايف وعيونه تكبس قال وصوته كله نوم:باااي..<<توجه للشاليه وقبل مايدخل..
:هاه وش صار على موضوعك..
بندر تنهد بضيق:ماصار شي..
تركي:يعني بتطولون بندر خذ بنصيحتي واعترف لنايف انك تحبها قبل مايصير كل شي رسمي..
بندر:بأي طريقه تبيني اعترف له..
تركي:بسيطه انا احب دانا وهي تحبني وخلصت السالفه..
..فتح عيونه على اخـــــر شي من الصدمه "يحبها وتحبه هههههههههههههههههههههههههه صادقين ذولي وإلا يستهبلون"..
ابتسم ابتسامه وسيعه وتنهد بفرحه واخيــــــراً لقى سبب عشان مايخطب دانا ومايندم بعدين..<<دخل وهو يغني..
:هلــــــــي لاتحرموني منه (رفع يده) صباح الخير..
بندر ارتبك"يــــــارب ماسمع حكينا":صباح النور..
نايف ابتسم لبندر ابتسامه لها الف معنى ومعنى بس بندر مافهمها طلع الدرج وهو يلعب بالمفتاح:يله تصبحون على خيـــر..
بندر لف على تركي:خايف انه سمع حكينا..
تركي بدون نفس:ما اظن سمع ماتشوف ابتسامته شاقه حلقه..
دخل غرفته وسكر الباب ناظر في المرايه ولف راسه شاف البوسه اللي طبعتها فاتن على رقبته كشر:الله يقرفها..<<مشى لناحية الحمام ((الله يعزكم)) بس لفته الشال المرمي على سريره رفعه وحظنه..
:الله يجمعنـا تحت سقف واحد قولي آآآمين..
××
رتبت ملابسها في شنطتها:افف اشين سفره في حياتي..
مها:وانا عندي احلـــــى سفره..
لمى ناظرت مها وبلعت غصتها"انا وش سويت وشلــون اخليها تعيش في وهم ياااااربي ليه كل شي اسويه يطلع غلط"..<<رجعت ترتب ملابسها..
:وش ناويه تسوين مع عاشق..
مها ابتسمت بأستهزاء:قصدك طلال..
لمى:اللي هو..
مها:ناويه احطه بلوك وديليت..
لمى:ياسلاااام بهالبساطه..
مها:وش اسوي اصلاً كل ماتذكرت ان عاشق هو نفسه طلال ودي اذبح نفسـي..
لمى بأنفعال:عمـــى استغفري..
مها:استغفر الله عاد انتي لاتصدقين انا نفسي عزيزه علي..
لمى رمت التيشرتات على السرير:اففف تعالي رتبي معي..
مها بغرور:سوووري ميشو يقول لاتعبين نفسك هههههههههههههههههههههه..
××
(!@#$%^&*!@#$%^&*)
تمــوت عيونهم فيني..وانا بك ميته عيني..
..رومانسيه..خياليـــه..
(!@#$%^&*!@#$%^&*)
:قومي ردي على جوالك..
هديل متمدده على الكنبه وتلعبx box:والله مو فاظيـــه رد انت..
مشاري:وانا وش علي..
هديل:اجل خلك ساكت احسن..
مشاري يناظر المباراة وهو مقهـــور..رن جوال هديل بألحاح عصب:اوهووووو..<<رفع جوالها ورد بعصبيه..
:خيــــــــر..
راح صوتها:احم احم هذا جوال هديل..
مشاري:ايه جوالها من انتي..
:صديقة هديل..
مشاري انفجر من الضحك:هههههههههههههههههههههههه هههههههه ريري صح..
ريناد انصبغ وجهها بالاحمر:ايه ممكن تعطيني هديل..
مشاري:اوكي لحظه شوي (مد الجوال) ريري تبيك..
هديل وقفت ومشت وهي مندمجه مع اللعبه وصدمت في الجدار:آآآآآآآي..
مشاري:هههههههههههههههههههههههه ههه احسن..
هديل تفرك جبهتها سحبت الجوال وردت بعصبيه:كله منك يالدبا صدمت في الجدار..
ريناد:هههههههههههههههههههههههه ههه احسن..
هديل:وش فيك انتي ومشمش متفقين علي..
مشاري على صوته:متى شفتها عشان اتفق معها..
ريناد انحرجت:اقول هديلووه ممكن تطلعين من عند اخوك ما اسمعك زين..
هديل ناظرت مشاري بنص عين:شفت حتى ريري متضايقه منك..
مشاري بصوت عالي:عاد انا ماهمني غير ريري اي شي تبيه بسويه لها..
ريناد راحت فيها من الحيا"ياويــــل قلبي يمه":اقول باااي..<<سكرت..
هديل عصبت:شفت سكرت..
مشاري:تعلمي منها الحيا مغطيها من راسها لين رجولها مو مثلك انتي وبنت عمك وجيهكم مغسوله بمرق..
هديل تأشر على نفسها وهي تعض على شفايفها مقهـــوره:الحين انا كذا..
مشاري:لا جدتك ايه انتي..
هديل:اجـــل خذ..<<ورمت عليه وساده ورا الثانيه..
مشاري حاط يده على وجهه:هديلوووووه بس خلاص (رفع راسه) بس خلاااص..<<وجته وساده في وجهه..
:آآآآآآآخ..
هديل وهي تطلع الدرج:هههههههههههههههههههههههه هه..
مشاري لف على التلفزيون بس شاف جوال هديل يرن خذاه بسرعه ورد:هـــــــلا والله وغلا..
برجتها المعتاده:ارحبواااا هلا ولد عمي..
مشاري بعد اذنه عن السماعه وهو مكشر:اذني ابيها..
رهف:وين هديلووه..
مشاري بدون نفس:انتظري شوي (على صوته) هديــــــل خويك يبيك..
رهف:هههههههههههههاااااااااي حلوووه..
مشاري:يارب عافها ولاتبتلينا (بصرخه) هديــــــــــــلووه..
××
دخل وسكر الباب وهو مرهق وتعبـــان شافها متمدده في الصاله وحاطه يدها على خدها ونايمه..
ابتسم وقرب منها حط يده على خدها الناعم ولمسه بحنان:الله لايحرمني منك..<<وقف يجيب لها بطانيه..
فتحت عيونها المدمعه وهمست:و لامنك..<<وغمضت عيونها يوم سمعت خطوات سعد..
سعدغطاها وباسها..
خلود تحركت وفتحت عيونها:حبيبي انت جيت..
سعد ابتسم وبعد شعرها عن وجهها:لا مابعد جيت..
خلود ضحكت بتعب:هههههههههههه..
سعد:ليه نايمه هنا..
خلود:انتظرك..
سعد مسكها ووقفها:الكنب مو زين لك..
خلود:عاد وش اسوي راحت علي نومه..
سعد ضغط على خشمها وابتسم:طيب لاتعيدينها مره ثانيه..
خلود بخجل:طيب..
××
(!@#$%^&*!@#$%^&*)
تمــوت عيونهم فيني..وانا بك ميته عيني..
..رومانسيه..خياليـــه..
(!@#$%^&*!@#$%^&*)
سكرت السماعه ولفت وصرخت:يمـــــــــــــــه..<<شا فت كلب يطلع لسانه ومستعد يهجم عليها تراجعت لورا بخوف وقلبها طااااايح لفت يمين ويسار وين تروح منه المكان مظلم وماتدري وين هي فيه..
"كله منك يا احمد" صرخت يمكن احد يسمعها:الحقـــــــــوني..
سمع الصوت وراح يشوف مصدره:هيفــاء..
:
:
|