رد: تموت عيونهم فيني وانا بك ميتة عيني
تموت عيونهم فيني وانا بك ميتة عيني
احمد:لا وراي شغل..
راكان:وش هو شغله العب على غيري (غمز له) عندك وحده تقابلها اليوم..
احمد:لا والله..
راكان بأستهزاء:هو الحلف عندك انت مثل شرب المويه..
احمد:وليه اخبي عنك اذا بقابل بنت وإلا لا يعني هاذي اول مره اقابل فيها..
سمعوا صوت شهقات لفوا راسهم وشافوا بنت حاطه طرحتها على راسها وسانده جسمها على الجدار وتبكي بصوت مسموع..
احمد تمغط وهو يبتسم بخبث:من حسن حظي اني لقيت لي شي استانس عليه اليوم..
رفعت راسها ولمح وجهها شك إذا كانت هي وإلا لا..دقق فيها وانصـــــــدم"هاذي وش جابها"..
احمد تقدم لها بس يد راكان سبقته:اقوووول خلك واقف مكانك..
احمد:خير ليه..
راكان مارد عليه ومشى لها وقرب منها وبنبرة عصبيه بس بهمس:جنــــــــــا..
ارتعش جسمها وشهقت لفت عليه:كنـ..كـ..
راكان من بين اسنانه وهو يناظرها بأحتقار:اظن اني حذرتك غبيــــــه انتي ماتفهمين وإلا عاجبك اللي جاك..
جنا شهقت وخافت بشكـــــــل فظيع يوم شافت احمد متوجه لهم وبصوت مرتجف:احـ..مد..
راكان لف وخباها وراه:انت للحين مارحت..
احمد ابتسم:من هاذي (بهمس) ريم..
راكان بدون نفس:ايه ممكن تقلب وجهك الحين..
احمد بخبث:خلنا نسلم عليها..
كانت متمسكه في ثوبه وترتجف وتبكي..
راكان عصب:احمــــــد اقلب وجهك..
احمد ببرود:اوكي اوكي بقلب وجهي بس اعصابك لاينط لك عرق..<<ومشى..
بعد ما تأكد ان احمد ركب سيارته وحركها لف عليها وبعصبيه:امشــــــــــي قدامي يله..
جنا وهي تبكي:آسفه بس كنت ابي ابارك لها واعتذر منها..
راكان صرخ بعصبيه:اقول يله قدامـــــــــي..<<ركب السياره وركبت معاه والخوف ياكل قلبها وش ممكن يسوي فيها..
"ياااارب ارحمني برحمتك يا ارحم الراحمين"..
××
على اصوات الطق انزف طــــــلال..
.,.طـــلال.,.
كنت امشي واحس اني مالك الدنيا ومافيها...كان ودي اخذها واطير معها لعالم ثاني بس قلت اثقل ياولد خاف تطيح من عينها خخخخخخخ..
مابقـــى بيني وبينها إلا خطوات ناظرت فيها سبحاااان من خلقها ايه من الجمال والنعومه..طلعت المنصه وقربت منها ودقااات قلبي سريعه..
رفعت راسها والتقت عيوني في عيونها المغرقه بالدموع..ابتسمت لها وهمست..
:حبيبتي ليه هالدموع..
مها ارتفعت حرارة جسمها من كلمــته"حبيبتي" اللي اثرت فيها كثـيـــر..
قرب منها وباس جبينها وهي شهقت وهي مغمضه عيونها..
بعد عنها وابتسم لها:مبروك علي انتي..
مها بصوت مبحوح:الله يبارك فيك..
ابتسم من قلـــــــب:لا والله مافيه مبروك علي انت..
ام فيصل اللي تبتسم بفرحه وعيونها مدمعه مدت له الشبكه:الف مبروووك..
طلال خذ الشبكه وهو يبتسم:الله يبارك فيك..<<مسك يدها المرتجفه البارده ولبسها الخاتم ورفع يدها وباسها..
حست ببروده في اطرافها وحراره في جسمها..رفعت الدبله بيدها المرتجفه ومسكت يده وهي منزله راسها حاولت تدخلها اصبعه لكن مادخلت لانها ترتجف والخاتم في يدها شوي وبيطيح..
بلعت غصتها ودخلته بسرعه وهي مغمضه عيونها..
فتحت عين وحده ويوم شافت الخاتم دخل فتحت عينها الثانيه وتنهدت براحه..
طلال ابتسم كأنها مسويه مجهود متعوب عليه وبعدها تحولت ابتسامته لضحكه وهي ضحكت معه..
تقدمـــوا قرايب طلال وسلموا عليه..
غاده وهي تبكي:تدري وشو الشي اللي عمري ماتوقعت اسويه في حياتي..
طلال ابتسم بدون نفس لانه حاااس انه بيتفشل اليوم و وجهه بيلقطه من سوالف غويد اللي مو في وقتها:وشو..
غاده:اني ابكي علشانك..
طلال التفت على مها اللي تضحك عليها وابتسم من قلب وهمس لها:عسانـــــي ما انحرم من هالضحكه..
مها حمر وجهها ونزلت راسها..
تقدمت له وهي خايفه من ردة فعله اول مايشوفها..وبصوت مبحوح:مبروك..
رفع راسه وابتسم بفرحه..في هاللحظه نسى انه زعلان منها:الله يبارك فيك..
ارتاحت وابتسمت تقدمت لمها وسلمت عليها:مبرووك..
مها تناظر في بحقد ماتدري ليه تكرهها مع ان مافيه دليل شافته او سمعته يثبت ان مشعل يحب في..تصنعت الابتسامه:الله يبارك فيك عقبالك..
حزنت وتغيرت ملامح وجهها:لا انا تو الناس علي..
طلال سحب في مع يدها وبعدها عن مها:ماكنك دقيتيها سوالف..
في:ابارك لها..
طلال وهو يبتسم لمها:باركوا لي انا فيها..
مها استحت وحست ان خدودها تحرقها من الحياااا..نزلت راسها وابتسمت ابتسامه خفيفه..الله عوضها عن مشعل باللي احســن منه..وحمدت ربها ان طلال كان من نصبيها..
رفعت راسها وشافته يناظرها..ابتسمت من قلب..وهي تحس انها بتطير من الفرحه..
.,.هيفــــــاء.,.
كنت حاطه الطرحه تحت خشمي واناظر في مها وطلال واتحســـــر على حظي..ليه ما طلب يشوفني ولا حتى لبسني دبلتي..ليـــــه يحرمني من هاللحظه..نزلت دموعي اللي حرقت خدي..
حسيت ان الناس يناظروني مستغربيـــــن..وفي عيونهم تساؤل ليه ما انزفت معه..؟؟؟
بعدت عيوني عنهم ونزلت راسي وقعدت العب بطرف طرحتي..
سمعت صوت الكرسي ينسحب رفعت راسي وشفت مشاعل مكشره:الاخ طالب يشوفك روحي له في المجلس..
احســـــــــاس غريب جااااني قبل شوي اتمنى اروح واجلس معه بس الحيـــن لا..كيف بحط عيني في عينه بعد ما شافني بذاك الشكل وخذ عني فكره غلط..خفت من ردة فعله اول مايشوفني..بلعت غصاتي وانفاسي صارت سريعه وقلبي احس انه بيطلع من بين ضلوعي..
مشاعل بدون نفس:وين رحتي..
وقفت وحطيت يدي على قلبي اهدي من نبضاته وقلت بصوت مبحوح:وين ماما ابيها تجي معي..
مشاعل وهي تشرب كاس عصير ناظرتها بنص عين:خطيب الغفله قال ابيها لحالها..
لفيت ومشيت للمجلس وانا ادعي في نفسي ان الله يعدي هالليله على خيـــــــر..
××
نزلت ورفعت راسها تشوف القصر والحراس الواقفين عنده..ابتسمت بأستهزاء وتقدمت لهم..
:احمد موجود..
الحارس:لا العم احمد مو موجود..
ناديه:طيب متى راح يشرف..
الحارس رفع حاجبه:وش قلتي..
وقفت سيارته وقبل مايدخل مع البوابه:خير فيه شي..
ناديه لفت وناظرته بكره وحقد تقدمت له:ابي احاكيك بشي مهم..
احمد ابتسم بخبث:ومن تكون الحلوه..
ناديه نزلت طرحتها:تتذكرني وإلا اذكرك فيني..
احمد ناظرها بأحتقار:وش تبين..
ناديه:ماينفع اكلمك في الشارع..
احمد آشر للحراس يفتحون البوابه دخل ودخلت وراه..
نزل ومشى وهو يولع سيجارته وينفخها في الهوا..مد لها سيجاره
:تبين..
ناديه بعدت يده بقوه وبأحتقار:خاف ولدك يتضرر..
احمد دخل القصر وهو يضحك بأستهزاء..
ناديه بقهر:اظن ماقلت شي يضحك..
احمد رمى نفسه على الكنبه:لاااا بالعكس حلوووه النكته..
ناديه بأحتقار:انا مو جايه امزح معك (تقدمت له وعطته كف قوووي من القهر وصرخت بصوت مرتجف) ياحقيــــــــــــــــر..
احمد وقف بسرعه وهو يتنفس بسرعه ومسك شعرها بعصبيه وقرب وجهه من اذنها وصرخ:شكل عاجبك اللي صار في اختك وتبين تجربينه..
ناديه ناظرتها بقهر و من بين اسنانها والدموع متجمعه في عيونها:اتركنـــــــــي ياسافل ياحقيـــــــر ياوا..؟؟
احمد رماها على الارض بقووووه وحط رجله على بطنها وببرود:الكف هذا راح تدفعين ثمنه غالي..<<وصار يضرب بطنها بقوه وبدون رحمه وهي تصرخ والدم بدى ينزف منها وصارت ترجع..
احمد صار يلهث وهو يناظرها والاحتقار في عيونه شافها تتلوى وهي ماسكه بطنها وتصرخ..
رفع جواله وانفاسه سريعه:تعال ومعاك اثنين..<<دخل البدي قارد ومعاه اثنين..
البدي قارد:سم طال عمرك..
احمد قرب منها ومسك شعرها بعصبيه:تفووو عليك وعلى اشكالك يالقذره (آشر للبدي قارد) شوفوا شغلكم..
××
كانت تمشي بخطوات ثقيله ومتردده..وصلت عند باب المجلس لكن مادخلت..سمت بالله وحطت يدها على قلبها..ودخلت..
.,.فيصــــــــــل.,.
رفعت راسي وانصدمت من هالملاك اللي واقف قدامي..وقفت بدون شعور وتقدمت لها لما صار مايفصل بينا إلا خطوتين..جمالها يخليك تسكــــــر وتنسى نفسك..
في لحظـــــه..
تذكر اللي صار معها وتذكر السبب اللي خلاه يتزوجها..
تراجع خطوات لورا وهو يناظرها بأحتقار واشمئزاز كان منقهـــــــر من نفسه وحمد ربه انه ماسوا حركه وبعدها يندم عليها..
.,.هيفـــــاء.,.
كانت نبضات قلبي في تساااارع وريحة عطره عالقه في خشمي..رفعت راسي بهدوووء وليتني مارفعته ليتنـــــي مت ولاشفته يناظرني كذا..كانت نظراته لي كلها احتقاااار وقرف..
رجعت الدموع تنزل ورجع الجرح ينزف من جديـــد..كان عندها امـــل ان الحواجز اللي بينهم تنهد..بس بعد ماشافت نظرته انقطع الأمــــــل..
فيصل بأستحقار:اجلسي ليه واقفه..
جلست وهي منزله راسها وتفرك يدينها بتوتر..
قرب منها وقلبه يضرب بقووه وقال بأستهزاء:لاااا تستحين مني اعتبريني واحد من ربعك..
رفعت راسها بصدمه وشافته يبتسم بأستهزاء..
قالت بصوت مرتجف:فيصل لو..
فيصل وهو يأشر على فمه:بــــــس ولاكلمه..
سكتت على امل ان قلبه عليها يليــــن..
فيصل وهو يناظرها من فوق لتحت..عرق وحرارة جسمه ارتفعت..هاذي الانسانه اللي جالسه قباله زوجته..بس مايقدر يقرب لمها ولايقدر حتى يلمس يدها..لانها بأختصار قــــــذره..
ماقدر يتحمل وشعر جسمه وقف..كان فيه شي يجذبه لها..وهالشي مايقدر يمنعه..
قرب منها اكثر..رفع راسها بأصبعه شاف الدموع متجمعه في عيونها..لان قلبه عليها ورحمها..كانت شفايفها التوت ترتجف و دقات قلبها وصلت مسامعه..حط يده على خدها ولمسه بحنيه..لما وصل شعرها وطاح الاكسسوار اللي شابكه فيه شعرها وتناثر على كتفها..
كانـــــت تبي تعيش هاللحظه وماتبي احد يصحيها كانت تحس انها بحلم مو حقيقه..سمعت صوته الهادي ونبرته المميزه..
:هيفاء..
دق قلبها بسرعه وبلعت ريقها:نعـ..عم..
فيصل:غمضي عيونك..
هيفاء تفاجأت من طلبه..غمضت عيونها وتأمل وجهها قرب منها اكثـــــــــر..وانفاسه الدافيه صارت على خدها..
انفتـح الباب وراتاعوووااا..
لمى بأرتباك وهي حاطه يدها ورا رقبتها:آآ..آآ انا يعني اسفه بس (بسرعه قالت) تبون عشاا وإلا اقول ماله داعي..<<طلعت بسرعه وسكرت الباب وهي مقهوره من نفسها و وجهها احمـــــر..
:الله يفشلنـــي..
فيصل كان ماسك ضحكته ناظر هيفاء وابتسم وهي ردت له الابتسامه..بعدها تحولت ابتسامته لضحك هستيري وهي ضحكت عليه وفي نفس الوقت دمعت عيونها كانت هاذي احلـــــى لحظه عاشتها بحياتها..
××
.,.تــــــــركـــي.,.
كنت احس ان الناس يناظروني بنظرات شفقه ورحمه..وهذا شي يضايقنـــــي لانه يحسسني اني انسان ناقص..
لفيت راسي لجهة الأخ المحنط اللي جالس جنبي:بندر..
بندر بدون مايناظره:هلا..
بضيق:ابي اطلع من هنا..
بندر حتى هو يحس نفسه مخنوووق ويبي يشم شوية هوا وقف:يله..<<دف كرسيه وطلعوا للحديقه و وقفوا قبال المسبح..
قلت وانا اناظر المسبح:ما تلاحظ ان الناس يناظروني بشفقه..
بندر بدون نفس:مالت عليك انت واحاسيسك بعد..
:اتكلم معك جد انت لو شفتهم بتحس بنفس الاحساس اللي حسيته (وبمزح) اتحداك تقولها خمس مرات..
ناظرني وهو ماسك ضحكته بعدها انفجر من الضحك وضحكت معه..
:ايه ياخـــــــي وسع صدرك وارمي همومك ورا ظهرك..
قال بحزن:ما اقدر (ناظرني ونزل لمستواي) ماكنت اتخيل انها بتتركني بهالسهوله..
حطيت يدي على كتفه:خلاص انسى انت ماسمعت المثل اللي يقول من باعك برخيص لاتلحسه كله..
بندر انفجـــــر من الضحك:لا انت اكيد شارب شي..<<وقف وكان بيحرك الكرسي للمجلس بس انا وقفته..
:لااا خلنا نطلع من هنا..
بندر:لو بتقعد على هالحاله تتهرب من الناس ماراح تعيش مرتاح..
قلت وانا مكشر:خلاص كلها ان شاء الله ثلاث ايام وبسافر..
بندر وهو يحرك الكرسي للسياره:وانا بعد بسافر معك..
بمزح:يا ذا النشبــــــــــه..
بندر بأنفعال:احمد ربك بعد بروح معك اونسك..
ضحكت:صدقت امزح (رفعت راسي وناظرته) بعد علشان تغير جوو وتنسى دانا..
حسيت انه تضايق وهالأحساس جا من دفه للكرسي بقوووه:اقول وين حاب نروح..
قلت وفي صوتي الضحكه:طيــــــــب طيب شوي شوي لا اصفط على خشتي..
××
كان يحرك رجلينه ومتكتف يناظر الرايح والجاي وعقله مو معه..
مشعل:ما كأن فيصل طول..<<ناظر نايف بنص عينه وعطاه كوع..
:نايف..
نايف انتبه:هاه..
مشعل:قل نعم نعامة ترفسك ان شاء الله وتسطحك بيت جيران خالة امك..
نايف:هههههههههه..
مشعل:المهم ترى عمي اللي هو ابوك يناظرك كل شوي ويأشر عليك براسه ويقول لي خله يطلع اسنانه الكريمه..
نايف:ليه..
مشعل:بنسوي دعاية معجون اسنان..
نايف ضحك بدون نفس:قسم بالله انك رايق..
مشعل عطاه كوع:قوم قوم الله يفشلنا ماسلمنا عليهم..
نايف:مين..
مشعل وقف:عبدالله الـ.. ومحمد ولده (لف عليه وابتسم) خطيب ريم..
.,.نايــــــــف.,.
حسيت ان الدم في عروقي نشف..وان خلايا جسمـــــــي تصرخ تبي تكذب كلمة مشعل..كانت دمعتي في طرف رمشي غمضت عيني وطاحت على خدي..مسحتها بسرعه و وقفت وان احاول اتمالك اعصابي..
قلت بصوت مبحوح:انا طالع اشم شوية هوا..<<طلعت بسرعه وركبت سيارتي فسخت شماغي وفتحت ازارير ثوبي حسيــت نفسي مخنوووق وفيه شي يضغط على صدري ويحبس انفاسي..
بلعت غصاتي ومررت يدي المرتجفه على شعري وشديته بقوووه..
انفاسي صارت سريعـــــه..ما ابي اصدق هالواقع ان ريم انخطبت وممكن تكون لغيري..
ضربت يدي على الدركسون وصرخت:مستحيــــــــــــــل..<< رفعت جوالي واتصلت عليها لكن ماوصلني رد..كررت الاتصال عليها اكثر من مره بس هي ماترد او تعطيني مشغول..
حطيت راسي على الدركسون وضغطت عليه بقهــــــــــر..
××
مشعل بعد ماراح سلم على محمد جلس جنبه:هلا وش اخبارك..
محمد:الحمد الله تمام اقول مشعل مين اللي تملك على بنت عمك وش اسمه..
مشعل:طلال الـ.....
محمد وهو يفكر بخبث:ايـه والنعم فيه (لف على مشعل وهو يبتسم بفرحه) وش اخبار ريم..
مشعل بعصبيه متصنعه:اقوووول اهجد..
محمد:ههههههههههههههههههههههههه هههههههه..
××
.,.ريــــــــــــم.,.
حاطه يدها على خدي واناظر مها وطــــــــلال اللي يضحكون بفرحه..كنت اتخيـــل نفسي مكانهم مع نايف..بس هذا الحلم مستحيــــل يتحقق..دمعت عيني وحاولت احبس دموعي لانه بأختصار مايستاهل..
انتشـــــر في الصاله الواسعه صوت اصاله الشجي..
"لاتخاف من الزمااااان الزمن ماله آمان..خف من اللي كل آمالك بيديه وتامنه..
لو حبيبك ماوفى لك..لو حبيبك فيك خااااان..
إيش ترجي من زمانك..النتيجه باينه.."..<<سالت دمعتي على خدي..
كانت هالأغنيه تعبـــر عن حالتي انا ونايف الحين وكأنها مكتوبه علشانا..مسحت دمعتي وصحاني من سرحاني صوت جوالي اللي رن بنغمة مسج رفعته..
"ريـــم اطلعي عند المدخل واذا ماطلعتي بيصير شي بتندمين عليه"..<<مسحت المسج ورميت الجوال على الطاوله..
صار يرن بألحاح..
هديل بضيق:ريم جوالك يرن..
رديت عليها بدون نفس:عارفه خليه يرن لما يقول بس..
هديل:طيب ردي..
:ماراح ارد..<<صار يرن ويــــــــرن وقفت بعصبيه ومشيت للمدخل رديت بنبره عصبيه..
:خيــــر..
نايف بصوت مهموم وتعبان:ماوصلك المسج..
ارتجفت ومسكت الجوال بقووووه خفت يطيح من يدي..كان صوته متغيـــر ومبين انه تعبان عضيت شفايفي ما ابي يزل لساني و اسأله وش فيك وبعدها اضعف وابكــي..
قال بنفس النبره:ريم انتي معي..
دق قلبي بقوه وانا اسمع اسمي من فمه كان يناديني بلهفه..قلت بجفاف عكس المشاعر اللي احسها
:ايه معك..
نزل من السياره وسند جسمه عليها:سألتك وصلك المسج..
مسكت طرف فستانـــــي ما ابي ابكي:ايه..
نايف:طيب ليه ماطلعتي..
غمضت عيوني ودست على قلبي:ومن انت علشان اسمع آوامرك..
نايف بحزن والم:انا نايف حبيبك وإلا نسيتي..
بكيت بدون صوت وقلت وانا متعمده اقسى عليه وانا مدري من وين جايبه هالقسوه:كنت (تنحنحت وانا امسح دموعي) احم احم سمعت كنت..
طعنته هالكلمــــه وبها حكمت على قلبه بالأعدام..وحكمت عليه انه يعيــــش جسد بلا روووح..
قال بنفس نبرته:قبل ما اسكر ابيك تعرفين اني احبك وحياتي من دونك ولاشي وبدون معنى..<<سكر السماعه ورمى جواله على الارض لما تكسر لقطع صغيـــــره..رفع راسه للسما وصدره يرتفع وينزل ودمعه خاينه نزلت على خده..
××
فرمـــــــــــل بقوووه و وقف سيارته..وهي شهقت وغمضت عيونها وحطت يدها على قلبها من الخوف..
كانت انفاسه سريعه وهو في قمة عصبيته..لف عليها وصرخ..
:انزلــــــــي..
جنا برجا:راكان انا كنت..
راكان صرخ بعصبيه:انزلــــــــــي..
جنا نزلت وسكرت الباب وراها..نزلت راسها وهي ضاغطه على شنطتها وتبكي..دخلت البيت بسرعه وركضت لداخل خبطت بالباب و ولعت الانوار..
شافتها متمدده على الارض وعبايتها متقطعه..وفستانها الابيض تحول لأحمر من كميااات الدم اللي نزفتها..
شهقت بصدمه وصرخت:ناديــــــــــــــــــه. .
××
(!@#$%^&*!@#$%^&*)
تمــوت عيونهم فيني..وانا بك ميته عيني..
..رومانسيه..خياليـــه..
(!@#$%^&*!@#$%^&*)
××
كانت متمدده وحاطه رجل على رجل وماسكه كتاب تقرى..وشعرها منثور حولها..اغراه شكلها وتقدم لها..
وقف يتألمها كانت احلــــــى بنات الجامعه..كانت المغروره اللي يحسدونها البنات على جمالها..
والقريبه لقلوب الشباب لانها تملكهم بنظره منها..
حست بحركه تركت الكتاب وقامت بسرعه:علي..
علي وهو يبلع ريقه وبأرتباك:انا جيت عشان ا..اممم..
نوف وقفت:تبي غداء..
علي وهو يحط يده ورا رقبته ويمسح عرقه:لا بس كنت ابي..
نوف تقدمت له وهي تبتسم:صاير تتكلم بالقطاره خلصني عندي شغل (غمزت له وبدلع) امزح ..
علي وبدون سابق انذار مسك يدينها..شهقت وبعدتها بسرعه..
وبصوت مرتجف:خيـــــر علي فيك شي شارب شي..
علي تقدم لها وهي ترجع خطوات لورا لما لصدقت بالجدار وبخوف:انت وش تبي..
علي سند يدينه على الجدار وقرب وجهه منها..بس جاه كف قوي وصرخت وهي تدفه بقوه..
:علـــــــــي اصحى انت متزوج و زوجتك حامل اصحـــــى..
علي يتقدم لها وهي تصرخ بهستيريا:علــــــي انت اكيد انجنيت علي انا مو رزان علي اصحــــــى..
سمعوا صوت الباب يتسكر و قالت بصوت عالي:ياربــــــــي جوعانه وينكم ياجماعة العرب..
كانت ترتجف وترتجف دفت علي وقبل ماتطلع جت رزان..
وبأستغراب وهي عاقده حواجبها:خير وش فيكم..
نوف ماردت عليها وناظرت علي بأستحقار..من يصدق علي اللي يعشق ويموووت على رزان يسوي كذا..
رزان زاد استغرابها:وش فيكم ماتردون علي..
علي كان مرتبك ومتوتر:حبيبي رحتي المستشفى..
رزان ابتسمت من قلب بفرحه وتقدمت له ولعبت بأزارير قميصه وهي منزله راسها:ايه حبيبي وعرفت جنس البيبي (رفعت راسها لعلي اللي يناظر نوف) بتجينا ملاك..
ناظرته بأحتقار..عمرها ماتوقعت ولاخطر في بالها ان علي يسوي هالحركات..طلعت بخطوات سريعه وهي تبكي خذت شنطتها وطلعت وسكرت الباب بقوووه..
رزان التفتت واستغربت:وش فيها نوف..
علي وهو منصدم من نفسه:هاه مدري (لف يدينه حول رقبتها وضغط على خشمها) قلتي لي جنس البيبي بنت هاه..
رزان وهي تبتسم بفرحه:ايه..
××
مشت وهي تبكي وترتجف..كل الرجـــــــال سوا..حتى لو كانوا من برا يبينون انهم طيبين ومافي مثلهم..جواهــم عايش شيطان..مايموت إلا لما يشبــع من المحرمــــــات..
هذا كان تفكيرها..
قطعت الشارع وهي ماسكه شنطتها وضاغطه عليها..ومنزله راسها..
تذكرت اللي صار مع علـــــــي..مستحـــيل يسوي كذا هذا مو في وعيه..قطع تفكيرها
صوت سياره سريعه متوجهه لها رفعت راسها وشهقت بخوووف وبصدمه..
:
:
:
|