 |
  |
|
|
|
10-21-2009, 02:17 PM
|
#116 |
|
|
رد: تموت عيونهم فيني وانا بك ميتة عيني
تابـــــــــــع..<<
دانا ابتسمت بألم وهي منهاره وقلبها ميت رفعت يدها وعطته كف بقهـــر وبكت من قلب.. بندر كان جااامد وماتحرك له طرف.. دانا مسكته مع ثوبه وهزته وهي تصرخ:قل لي انا وش سويــــت علشان تسوي فيني كذا (نزلت راسها بضعف وبصوت مبحوح) حرام عليك.. بندر مسكها مع كتفها ورفع راسها بأصبعه وبحنيه:طيب ممكن اعرف انا وش سويت.. دانا عضت شفايفها المرتجفه وهي في حالة انهياااار طلعت الظرف من جيبها ورمته عليه وهي تتراجع خطوات لورا:انساني وانسى اني حبيتك.. بندر ما اهتم لظرف تقدم لها ومسكها وبخوف:وش انساك دانا انتي عارفه وش تقولين.. دانا تمسح دموعها:وش شايف يعني قاعده امزح معك.. بندر بعصبيه وهو يهزها ودانا تبكي وهي منزله راسها:مجنونه انتــــــي.. دانا صرخت وهي ترفع راسها:ايه مجنونه واكبر غبيه يوم حبيتك.. بندر شافها منهاره وحس انها مو في وعيها:طيب بتركك الحين تهدين بعدين اعرف منك السالفه..<<لف عنها بس وقفه صوتها.. :خذ هاذي.. بندر لف وناظر في الظرف:وش هذا.. دانا بألم:افتحه وبتعرف وش فيه.. بندر خذه منها بدون اهتمام وفتحه ناظر في الصور بصدمـــــــه.. دانا ارتجفت:وش رايك فيها حلوه صح.. بندر بلع غصته وبصدمه:وانتي صدقتي.. دانا غمضت عيونها بقووووه ونزلت دموعها وشهقاااتها واصله سابع سما.. بندر صرخ في وجهها:صدقتــــــــي.. دانا بكت من قلب ودفته ودخلت سكرت الباب وطاحت على الارض منهاره.. بندر علقت عيونه على باب المدخل بصدمه..ما كان يتوقع انها بتصدق بهالسهوله كان يظن انها واثقه فيه ومستحيـــــل يجي في بالها انه ممكن يخونها.. طلع والدموع متجمعه في عيونه يحس بأنواع احاسيس الالم بأنسان فقد اغلى مايملك بمجروح مو لاقي اللي يداويه بمسجون حكموا عليه بالإعدام..ركب سيارته وتنهد بضيق وحط راسه على الدركسون وضغطه بقهــــــر.. ×× نزل من الدرج وهو ماله خلق ونفسه في خشمه كان لابس برمودا اسود وتيشيرت كت اسود وشعره معفوس.. ولع انوار الصاله وبصوت عالي:سيتـــــــــي.. سيتي:يس.. مشعل بدون نفس:وين ماما.. سيتي:روح ماما كبير.. تذكر ان فيه جمعه اليوم عند جدته وهو مافكر يروح تأفف:اكيد زعلت مني الحين.. سيتي بأستغراب:ايس.. مشعل بدون نفس:اقول روحي كملي شغلك.. ..((رن الجــــــــــرس)).. :افففففففف..<<طلع فتح الباب ودفه بقوه ومسك بلوزته وصرخ فيه بعصبيه.. :ويــــــــــن بنتي يالكـ..؟؟ مشعل ارتاع:عمي هد نفسك شوي.. ابوفي في قمة عصبيته هزه بقوه:اقولــــــــك وين في طلعها.. مشعل بهدوء وبضيق:في عند امها.. ابوفي انصـــــــدم ماقدر ينطق حرف حس ان لسانه ثقيل.. مشعل بعد عنه وعدل بلوزته وحط يده على كتفه:عمي ادخل ارتاح.. ابوفي تكلم بعد ماصحى من صدمته:انت وش تقول.. مشعل تنهد بضيق:عمي تعال جوا وافهمك كل شي..<<دخلوا للمجلس ومشعل راح يجيب له مويه.. :تفضــــل.. ابوفي ناظره والدمعه نزلت على خده مسحها بشماغه وخذ المويه وشرب شوي.. مشعل جلس جنبه وبلع غصته ونزل راسه وفرك يدينه بتوتر.. ابوفي حط يده على وجهه من قوة الصدمه ماعرف وش يقول.. ..((رن الجــــــــــــرس)).. مشعل وقف:عن اذنك..<<طلع وفتح الباب.. :هلا رائد.. رائد سكر الباب وراه:وش فيك شكلك مو عاجبني.. مشعل:ادخل بعدين اقولك..<<دخلوا المجلس.. رائد بهمس:من هذا.. ابوفي رفع راسه وانصدموااا.. مشعل بأستغراب:انتو تعرفون بعض.. ابوفي بعصبيه وقف وصرخ:وين فـــــــي.. رائد ابتسم بأستهزاء:وش يعرفني بنتك وإلا بنتي.. مشعل:خير رائد وش السالفه.. ابوفي بعصبيه:قسـم بالله لو ما علمتني وين في مايصير لك خير.. مشعل بعصبيه لف على رائد:انـــــت من وين تعرف في.. رائد:تطلع بنت خالتي.. مشعل انصدم:إيـــــــــش.. ابوفي:بتعلمني وين مكانها وإلا وشلون.. رائد بأستهزاء:وش بتسوي يعني.. مشعل بعصبيه:رائـــــد احترم نفسك تراه بحسبة ابوك.. رائد:ما اتشـــــرف ابوي يطلع مثل هذا.. ابوفي ضاق نفسه وطاح على الكنب.. مشعل بسرعه:عمــــــــي.. رائد خاف يصير له شي فتح ازارير ثوبه والشباك.. مشعل يضرب خده بخفه:عمي عمي تسمعني.. ابوفي فتح عيونه بصعوبه وبصوت مبحوح وضعيف:في.. رائد بسرعه:مستعد اوديك لها الحين.. ابوفي وقف وداخ وبسرعه مسكه مشعل.. مشعل:عمي ارتاح شوي.. ابوفي بتعب:برتاح اذا شفت في.. ×× ؛؛..جيت مع قلبي يبي قلبك بشي..بينهم ميعاد ماهانوا علي.. صد عنهم خلهم لاتراقب نبضهم..الزعل بيني وبينك وإلا هم وش ذنبهم..؛؛ طلعت من المطبخ وشافته واقف وشهقت..تجمعت الدموع في عيونها وبعدتها عنه ومشت بس هو مسكها:ريم اسمعيني شوي.. ريم سحبت يدها وبصوت مرتجف:اظن ماعاد فيه شي نتكلم فيه.. نايف بحزن:لا فيه ابيك تعرفين ان عمري مافكرت اخونك.. ريم ضحكت بألم:واللي شفته وشو.. نايف بلع غصته:انتي فاهمه غلط.. ريم بكت من قلب:لاااا هي في حظنك وتبتسم وانت واقف وعادي عندك وتقول فاهمه غلط..<<رفعت يدها المرتجفه تمسح دموعها ولفت عنه بس هو لفها عليه وضغط على كتفها.. :احلف لك اني.. ريم قاطعته وهي تبعد عنه:قالوا للحرامي احلف قال جاك الفرج نايف خلاص انساني وانسى اني حبيتك..<<لفت عنه ومشت بخطوات سريعه وهي حاطه يدها على فمها وتشهق من البكي.. سند جسمه على الجدار وهو يبلع غصه ورا الثانيه عارف انها مو ممكن تسمعه لان كل شي شافته بعيونها ومستحيل تكذب اللي شافته..مشى وركب سيارته وسند جسمه على الكرسي وهو مغمض عيونه وانفاسه سريعه ودمعته في طرف رمشه.. حبيبتي لأجل أنسى جرحك واستريح.. بأبكي وبعد البكى بأبكي واكيد في لحظة بتجي وبيجف دمعي..وعندها صورتك اللي في عيوني بتعاف برواز الضمى..بتصير صحرا وهو سما بتمرني الدمعة الأخيرة..تاخذ معاها صورتك وتطيح وكني بهالدمعة سكين جرحها وجهي..وكني بالمسافة تطول ما بين عيني ودمعتي وخدي وكني بقلب الحاير المسكين نبضه يقول..لا تودع الفرقا..الدمع ما يرقى وعندها لا نزلت الدمعة من الجرح الأخير..وفارقت وجهي أنا بغمض عيوني وأكسر البرواز..واكيد ابنسى نزلت دمعته على خده وهو يعض على شفايفه بقـهـــــــــر..سمع صوت الشباك يندق وفتح عيونه ومسح دموعه بسرعه..فتح الشباك وطل براسه.. فيصل:لي ساعه ادورك وانت منثبر هنا وش تسوي.. نايف بضيق:فيصل الله يخليك اتركني لحالي.. فيصل:افاا وش فيك.. نايف شغل سيارته:انا ماشي واذا قالوا لك وينه قل لهم تعبان مات اي شي..<<وحرك سيارته بسرعه.. فيصل تخصر ومليون علامة استفهام تطلع من راسه"وش فيه ذا".. :: كانت جالسه على الكنب وتناظرهم وعقلها مو معها.. لمى تسكر عبايتها:ريم تجين معنا.. ريم بصوت مبحوح:وين.. لمى:للسوق.. مها جت وبدون نفس:يله.. ريم وقفت ولبست عبايتها وطلعوا.. لمى:يله فيصل.. فيصل لف وطاحت عيونه على ريم..حس بأحساس غريب اول ماشافها دق قلبه بسرعه وحرارة جسمه ارتفعت ومانزل عيونه عنها لحظه.. رفعت راسها وابتسمت بألم:مبروك الخطبه.. فيصل بلع ريقه وبأرتباك:الله يبارك فيك..<<حط يده على رقبته بأرتباك وفتح باب السياره.. :يله اركبوا.. ×× (!@#$%^&*!@#$%^&*) تمــوت عيونهم فيني..وانا بك ميته عيني.. ..رومانسيه..خياليـــه.. (!@#$%^&*!@#$%^&*) ×× كانت تكنس الصاله ومر علي من قدامها وهو ماسك كتاب ويقرى ابتسمت بخبث ودخلت المكنسه مابين رجوله وبصوت عالي:افففف علي بعد شوي.. علي بدون مايناظرها بعد وهي جت قدامه تكنس رمى الكتاب على الكنب ومسك رقبتها بخفه وهو عاض على شفايفه وبمزح:اذبـحـــــك.. رزان:ههههههههههههههههههههههه.. علي قرب منها:عساها دوم هالضحكه.. طلعت وبأرتباك:احم..احم.. علي بعد عنها:عليك اوقات ياشيخه.. نوف:تبيني اروح عادي.. علي:هههههههههههههههههههههههه لا لاتعالي.. نوف شهقت وسحبت المكنسه:مجنونه انتـــــي تراك حامل ليه تتعبين نفسك.. رزان بطفش:افف جتنا علي نبر تو.. نوف بسرعه:لو انا حملت مو..<<سكتت وهي تسترجع اللي قالته بلعت غصتها ودمعت عيونها وبصوت مبحوح.. :رزان ارتاحي هلي الشغل علي انا.. رزان وعلي يناظرونها بأستغراب ولاحظوا يدها اللي رفعتها لخدها ومسحت فيها دمعه خانتها.. رزان:نوف تبكيــن.. نوف تصنعت الابتسامه:لا شكل آثار الحمل بدت ههههههههههههههههههههههه.. علي:انا شفتك تبكين.. نوف بأبتسامه:وانت بعد انتقل لك الآثر..<<نزلت راسها وبدت تكنس وتحس ان هموم الدنيا كلها على قلبها.. ×× (!@#$%^&*!@#$%^&*) تمــوت عيونهم فيني..وانا بك ميته عيني.. ..رومانسيه..خياليـــه.. (!@#$%^&*!@#$%^&*) ×× كانت تبكي بهستيريا اول ماسمعت بخبر موت امها الى الحين.. راكان حاط يده على خده ويتأفف:خلصتي.. جنا صرخت وهي تبكي:انت ماعنـــــدك قلب هاذي امي ماتبيني بعد ابكي على امي.. راكان وهو متعمد يقسى عليها:طيب ليه تركتيها ورحتي وخليتها لحالها.. جنا بقهر:لعب علي الحمار الحقيــــــــــر.. راكان ابتسم بأستهزاء:مو عذر.. جنا نزلت راسها وبضيق:انت ماجربت العيشه اللي عايشتها انت عندك ابو وفلوس واهل اما انا لا.. راكان ابتسم بألم"والله مستعد ابيع فلوسي وآملاكي كلها بس علشان اعيش وسط ام وابو يحبوني ويخافون علي".. كملت بصوت مرتجف:قد مره جربت تنام على الارض في البرد بدون شي تتدفى فيه وإلا تجلس ايام ماتاكل ولاتشرب وإلا تمر بين الناس وكلهم يتشمتون فيك.. راكان بلع غصته وتجمعت الدموع في عيونه.. جنا لفت عليه ونزلت دموعها على خدها:قل لي قد جربت..<<بكت وحظنته وهي ترتجف.. مرت قشعريره على كل جسمه وحس بالقرف وبعد عنها:جنا مايصير تقعدين هنا لحالك.. جنا وقفت ونفظت عبايتها:طيب وين اروح.. راكان:مو قلتي لي ان عندك اخت.. جنا هزت راسها:ايه.. راكان:طيب تعرفين وين ساكنه.. جنا مسحت دموعها:ايه.. راكان:طيب يله.. جنا تغطت وطلعت وهي تناظر الاولاد والبنات الصغار يمشون حافين في الشارع ويركضون ولبسهم مقطع.. "يااارب ماتكون نهايتكم مثل نهايتي".. ×× نزلت من الدرج بسرعه اول ماسمعت بحس ابوها..رمت نفسها عليه وبكت بقووووه:يبــــــــه.. : : : |
|
10-21-2009, 02:19 PM
|
#117 |
|
|
رد: تموت عيونهم فيني وانا بك ميتة عيني
..الجـــــــ السابع والثلاثون ــــــزء..
وقف سيارته عند بيتها وقبل ماتنزل لفت عليه:مشكور والله ما انساها لك.. راكان بدون مايناظرها نزل ورن الجرس.. جنا تبكي:انت ليه سويت معي كذا.. راكان دخل يدينه في جيوبه هو حتى مايدري ليه.. جنا:راكان تسمعني.. راكان طنشها وعلق على الجرس.. جنا ناظرته بأستغراب:راكان ليه ماترد علي.. راكان لف عليها:من اليوم ورايح ابيك تنسين هيفاء وتقطعين علاقتك في احمد حتى لو هو اتصل عليك لاتردين قولي لي هو يعرف بيت اختك.. جنا بصوت مبحوح:قد مره جابني هنا.. راكان:طيب اذا قرب منك وإلا اتصل عليك وهددك علميني (طلع كرت ومده لها) هذا رقمي.. جنا تناظر الكرت وطاحت عليه دمعه رفعت راسها:ابفهم شي واحد انت ليه تسوي معاي كذا.. راكان رفع كتوفه:لاتسأليني حتى انا مدري (تراجع خطوات لورا ورفع راسه) الحين انتي متأكده ان اختك هنا.. جنا:ايه.. راكان رن الجرس وهو يتأفف.. ..انفتح الباب..وطلت براسها وصرخت:جنــــــــــا.. جنا بكت من قلب وحظنتها وهي تبكي:وحشتيـــني.. راكان ابتسم بألم ولف عنهم لكن وقفه صوت جنا:راكان.. راكان لف عليها:نعم.. جنا وهي تشهق:عن جد ما ادري وشلون اشكرك على اللي سويتاه لي.. راكان:ماسويت شي..<<لف عنها وداااخ حط يده على السياره وبسرعه جنا ركضت له ومسكته وبخوف.. :راكان فيك شي.. راكان بتعب:جيبي لي كاس مويه.. جنا:طيب تعال ادخل ارتاح شوي..<<مسكته ودخلته معها وناديه تمشي وراهم وماتدري وش السالفه.. دخلوا للصاله وشرب مويه وتمدد على الكنبه.. جنا بخوف:يعورك شي.. راكان حط ذراعه على عيونه:لا بس ابي انام.. جنا وقفت وطلعت فوق هي وناديه.. جنا فسخت عبايتها وشهقت ناديه.. :وش هـــــذا.. جنا ناظرت جسمها وبألم:سالفه طويله..<<فتحت الكبت وطلعت لها لبس.. ناديه:إلا قولي لي من هذا زوجك.. جنا ابتسمت وهي تلف عليها:تخيلي عاد.. ناديه:ليه اتخيل.. جنا بلعت غصتها وبحزن:ومن يبي مستعمله.. ناديه نزلت راسها:مو انتي بس.. جنا شهقت بصدمه:انتــــــــي.. ناديه رفعت راسها وحطت يدها على بطنها وبصوت مرتجف:وحامل بعد.. جنا طاحت على السرير وهي مصدومه وكلمة ناديه ترن في اذنها ناظرتها والدموع متجمعه في عيونها:حمد الله ان امي ماتت قبل ما اشوفها منزله راسها من فضايحنا.. ناديه شهقت بصدمه:امي ماتت.. جنا بكت من قلب وهي تخبي وجهها بيدينها.. ناديه كانت مو مستوعبه تراجعت لورا وصدمت في الجدار وطاحت على الارض.. تذكرت شريط حياتها مع امها كانت دايماً منكده عليها عيشتها مع انها ماقصرت معهم في شي.. كانت طالعه لسهره مع صديقتها ولابسه تنوره لنص الفخذ وسيور مفتوح لأخر الظهر.. ام ناديه تناظرها من فوق لتحت:يمه وش هالبس اللي لابسته خافي ربك.. ناديه ناظرتها بأستحقار:انتي هيــــه مالك دخل فيني (حطت اصبعها على راسها) كيفــــي البس اللي ابيه مو كفايه اني جالسه في ذا البيت اللي يفشل.. ام ناديه:احمدي ربك على العيشه اللي عايشتها غيرك مايلقون شي ياكلونه.. ناديه بأستهزاء:تكفيــــــن منهم اللي مايلقون شي ياكلونه غيرنا إنا.. ام ناديه نزلت راسها وبقلة حيله:الله يهديك ويستر عليك.. ناديه دفتها عنها بقرف:اوووه بعدي بس آخرتيني.. غمضت عيونها بقوه وبكت دم بدال الدموع ارتجفت وضمت رجلينها لصدرها بقوووه..كان بطنها يألمها بس مافيه اكبر من الم وفاة امها.. صرخت وهي توقف:لاتكذبيــــن علي..<<مسكت جنا وضربتها بقوه وجنا تبكي.. :امــــــــي ما ماتت تفهميــــــن ما ماتت..<<جنا طاحت على الارض وهي تبكي وطاحت ناديه جنبها.. :كله منــــــي..<<شهقت وحطت راسها على كتف جنا وبكت بحرقه.. ×× كانت حاظنه ابوها بأقوى ماعندها وتبكي..ومشعل واقف ويناظرها ورائد جنبه.. همس له:مبين انك تحبها.. مشعل لف عليه وبدون نفس:اقول اسكت قبل ما اتوطى في بطنك.. ابوفي بعد عنها:خلاص وانا ابوك امسحي دموعك.. في مسحت دموعها وابتسمت.. ابوفي:يله روحي جهزي شنطتك.. في انصدمت:ليه.. ابوفي:علشان نرجع البيت.. في وقفت وتكتفت:انا ابي اجلس عند امي.. ابوفي مايبي يجبرها تروح معه وتعند اكثر:خلاص اجلسي عند امك.. في بفرحه:عن جد يبه.. ابوفي ابتسم:ايه.. في رمت نفسها على ابوها وهي تضحك.. مشعل ناظرها بدون نفس وهي انتبهت لهالنظره بعدت عن ابوها وهو بسرعه قال.. :يله مع السلامه..<<طلع بسرعه قبل مايسمع رد.. لحقته بسرعه ومسكته:مشعل.. مشعل بدون مايناظرها:خير.. في بصوت مبحوح:زعلان مني.. مشعل بأستهزاء:لا من قال.. في تقدمت له ومتجمعه الدموع في عيونها:مشعل آسفه والله ماكان قصدي بس هاذي امي.. مشعل ناظرها من فوق لتحت وهو مكشر ولف عنها وطلع.. في نزلت دموعها وهي تناظر الباب وصرخت:احســــن عمرك مارضيت..<<دخلت وخبطت بالباب وارتاعوا الجالسين.. ابوفي وقف:خير في وش فيك.. في وهي تطلع الدرج بسرعه وتشهق من البكي:مافيني شي..<<سكرت باب غرفتها بقوه ورمت نفسها على سريرها وضمت الوساده لصدرها وهي تشهق.. دقت الباب وبحنيه:حبيبتي في وش فيك.. في نزلت دموعها اكثر وحطت يدها على فمها تمنع شهقاتها:يمه مافيني شي.. ام في:طيب افتحي الباب ابي اتطمن عليك.. في وقفت ومسحت دموعها فتحت الباب وهي منزله راسها:هاه تأكدتي ان مافيني شي.. ام في رفعت راسها بيدها ونزلت دموع في غصب عنها.. حظنت امها بأقوى ماعندها وهي تبكي وتشهق:يمــــه.. ×× نزلت شافت البيت ظلام فتحت الستاره ودخل منها اشعة الشمس لفت وابتسمت بألم على شكل راكان اللي كان متمدد ونايم كانت طايحه رجله من على الكنبه والوساده مايله..رحمته وعورها قلبها عليه.. تقدمت له وعدلت الوساده..بس هو صحى مفزوع.. جنا ارتاعت:اووه اسفه صحيتك.. راكان يعدل جلسته ومرر اصابع يده على شعره:زين انك صحيتيني (وقف) وين الحمام.. جنا تأشر على مكان الحمام ((الله يعزكم)):من هنا.. راكان راح يغسل وجهه وجنا كانت واقفه جنبه وماسكه فوطه.. راكان رفع راسه وناظرها بنص عين وابتسم بأستهزاء"تبي تعيش دور الزوجه"..<<خذ الفوطه منها وجفف وجهه.. :مشكوره على استقبالك لي.. جنا ابتسمت:لا ماله داعي تشكرني البيت بيتك وتعال له في اي وقت.. راكان رفع حاجبه:وشو.. جنا بأرتباك:لا ولاشي.. راكان مشى وهي سندت جسمها على الجدار والفوطه ضامتها لصدرها والدموع متجمعه في عيونها"على بالك يعني بيرحمك ويتزوجك ويستر عليك وانتي ماتعنين له ولاشي لا انتي خته ولا انتي وحده من قرايبه علشان يخاف على سمعتك وكرامتك وسمعة عايلتك انســــــي ياجنا انســـــي".. صحت من سرحانها على صوته:جنـــا.. جنا نزلت راسها ومسحت دموعها وراحت له:نعم.. راكان وهو يلبس نظارته الشمسيه:هاه مثل ماوصيتك انسي هيفاء ولاتقربين لمها واذا سمعت انك بس ماره من عند بيتنا لاتلومين إلا نفسك.. جنا بألم:لهالدرجه انا خربانه.. راكان ناظرها بألم وشال مفتاحه وطلع.. جنا انهارت على الكنبه تبكـــــي صح اللي سوته غلط واكبر غلط بس هي مو معصومه من الخطا.. ×× طلع فيصل من المحل وشاف ريم جالسه تناظر الرايح والجاي..بلع ريقه وتقدم لها وجلس.. ريم ناظرته و وقفت.. فيصل:ليه وقفتي.. ريم بصوت مبحوح:بروح للبنات.. فيصل:طيب اجي معاك.. ريم:لا مشكور..<<لفت لكن حست بأنفاس وراها لفت.. :فيصل.. فيصل بأرتباك:ممكن اجلس معاك شوي.. ريم رفعت حاجبها:إيــش.. فيصل بتوتر:ابي اقولك شي.. ريم:عن مين.. فيصل:عني.. ريم بأستغراب"وش معنى انا":اظن ان المكان مو مناسب.. :وش فيكم واقفين هنا.. ريم وفيصل لفوا.. ريم ناظرت فيصل تبيه يرد لكن هو يناظرها وسرحان زاد استغرابها.. لمى:ردوا علي.. فيصل بدون نفس:وين مها.. لمى:تحاسب.. مها طلعت وهي تدخل بوكها في شنطتها والدموع متجمعه في عيونها رفعت يدها ونزلت الطرحه وغطت عيونها ومشت لعندهم بدون ولاكلمه.. فيصل:هاه خلصتي.. مها بصوت مبحوح:ايه.. فيصل:يله طيب.. مشوا وكل واحد يفكر بهمه.. لفت عليه وبدون نفس:إلا انت بعد ماودك تحظر نفسك.. فيصل بأستغراب:احظر نفسي لأيش.. لمى:لملكتك على ذيك الخايسه.. فيصل من بين اسنانه:لمى احترمي نفسك.. لمى ببرود:والله ماقلت شي غلط.. ريم مسكت لمى وهمست:لمى خلاص.. مها بضيق:خلاص انتو مو وقتكم اذا رحنا البيت تهاشوا على كيف كيفكم.. فيصل ناظر مها واستغرب من حالتها..المفروض الحين تكون في قمة سعادتها بتدخــل حياة جديده وبتعيش مع انسان مبين انه يحبها ويموووت فيها وهي لو كانت ماتبيه ماوافقت عليه..تقدم لها ومسك يدها.. :حبيبتي وش فيك.. مها نزلت دموعها:مافيني شي بس خايفه.. فيصل ابتسم وبخبث:لاتخافين تراه بعد الملكه ماراح يطلب منك شي كبير.. مها حمر وجهها:وش قصدك.. فيصل غمز لها:انتي عارفه وش اقصد.. ارتفعت حرارة جسمها وحست ان الاكسجين من حولها نفذ..تركت يده وتقدمت عنهم وهي تهف على نفسها..وفيصل وراها يضحك عليها.. ×× دخل الملحق و ولع النور.. بندر بضيق:سكر النور.. تقدم له بكرسيه:ابوزياد وش مقعدك هنا.. بندر رفع راسه ومر قدام عيونه..ذكرى حلووه بينه وبين دانا.. كانت واقفه ومتكتفه تناظر الصغار وهم يلعبون في الحديقه.. جا و وقف وراها بالضبط وهمس:احبك.. دانا تنهدت ولفت وهي مبتسه حطت عيونها في عيونه.. بندر بأبتسامه:وش فيك.. دانا رجعت تناظر الصغار:مدري.. بندر وقف جنبها:ماكنه برد وإلا عندي.. دانا:يعني.. بندر:طيب ادخلي.. دانا:لا ابي اشوف الصغار.. بندر:عقبال ما نشوف عيالنا يلعبون حولنا يا ام زياد.. دانا حمر وجهها وضحكت.. بندر:وش فيك تضحكين.. دانا:زياد.. بندر:ايه ليه ماعجبك الاسم.. دانا بسرعه:اصلاً كل شي يجي منك عاجبني..<<مشت بخطوات سريعه وبغت تطيح بس هو جا ومسكها.. :شوي شوي اهم شي عندنا سلامتك يا ام زياد.. دانا رفعت راسها وابتسمت من قلب.. تنرفز وهو يلوح له بيده:ياهوووووووو قاعد اكلم الجدار انا.. بندر نزل راسه وبصوت مهموم:تركي قد خبرتني اكلم وإلا اطلع مع بنات.. تركي بأبتسامه:علشان دانا تذبحك.. اول ماسمع بأسمها حس بسكاكين تطعن قلبه تذكرها وهي تبكي وعوره قلبه وتنهد بضيق.. تركي اختفت ابتسامته:سلامتك وش فيك.. بندر طلع الظرف من جيبه ورماه عليه.. تركي استغرب وفتح الظرف وانصــــــدم:وش ذا.. بندر ابتسم بألم:بالله عليك انا اسوي كذا.. تركي رفع راسه:وصلت الصور لدانا.. بندر بضيق:اصلاً هي اللي معطيتني اياها.. تركي:وصدقت.. بندر:لو كانت مو مصدقه كان ماصار حالي كذا.. تركي خذ جوال بندر بسرعه.. بندر:وش تسوي.. تركي:بتصل عليها بفهمها ان الصور مفبركه وبعدين وين ثقتها فيك.. بندر سحب جواله:شفت شلون هاذي نهاية حبي لها تشك فيني وتشك في حبي لها.. تركي:طيب وش ناوي تسوي.. بندر:بثبت لها ان مو بندر اللي ينزل نفسه ويسوي ذا التفاهات وبعدها بيكون كل شي انتهى بيني وبينها.. تركي:صادق انت.. بندر بألم:ايه صادق وش انتظر منها اذا كانت ثقتها فيني معدومه.. تركي سكت لما شاف دموع بندر تنزل على خده بلع غصته وعوره قلبه عليه.. بندر مسح دموعه ورع راسه ناظر السقف ماتخيل ابداً انه علاقته تنتهي كذا وهالحب كله يموت بعد مابناه هو وياها سنين..تمدد على الكنبه وغمض عيونه بقوووه يبي ينام بس شكل النوم بيجافيه لفتره طويله.. تركي حرك كرسيه وطلع وقلبه ينعصر من الالم على بندر.. ×× مسكت يدينها وضغطت عليها:حبيبتي انتي غلطتي.. في قاطعتها بأنفعال:ماغلطت هو اللي قاعد يصارخ عليك ويسمعك كلام مثل السم تبيني اسكت له.. ام في:انتي ماخليتيني اكمل كلامي.. في:طيب كملي.. ام في:هو بعد غلط بس كان خايف عليك ساعتها تذكرين اول ماشفتيني كنتي مو مصدقه اني امك وسمعتيني كلام بس انا مازعلت منك ولاتضايقت لان من حقك تقولين هالحكي وهو بعد مثلك كان خايف عليك وسوا مثل موقفك.. في:بس هو وش دخله.. ام في:وشلون وش دخله مو هو يحبك وانتي تحبينه.. في حمر وجهها ونزلت راسها:ايه.. ام في ابتسمت:ياحلووو اللي يستحون.. في رفعت راسها وغيرت الموضوع:يمه ملكة طلال الخميس هذا ولازم تكونين موجوده.. ام في:لو بيعزمني بروح.. انفتح الباب ودخلت وهي تسبها:يالدبـــــــــــا يالخايسه يالبقره كذا تسوين فيني.. في:هههههههههههههههههههههههه ليه وش سويت لك.. غاده حظنتها بقووووه وضربت ظهرها بخفه:ماعرفت ارد على عمي يوم سألني عنك (بعدت عنها وراحت تبوس راس ام في) كيفك خالتي.. ام في ابتسمت:الحمد الله وش اخبارك انتي وطلال.. غاده فسخت عبايتها:حمد الله بخير.. في:من اللي جابك.. غاده:من غيره طليل الخايس بطلعة الروح جابني.. ام في وقفت:انا رايحه اجيب لكم شي تشربونه.. غاده:لا تعبين نفسك.. ام في:ولو تعبك راحه..<<وطلعت.. في وهي متوجهه لناحية الباب:بروح اسلم على طلال.. غاده بسرعه:لا هو راح لشغله.. في تذكرت اللي صار وطاحت على السرير:حتى هو مايبي يشوفني.. غاده:لا بس عنده شغل ضروري.. في تجمعت الدموع في عيونها:ماراح يتعطل شغله اذا شافني بس خمس دقايق.. غاده بضيق:لا هو.. في قاطعتها:لاتبررين له داريه انه مايبي يشوفني.. غاده:في لاتزعلين بس طلال متضايق علشانك طلعتي من البيت بدون ماتخبرينا بصراحه يعني خوفتينا عليك.. في:وين بكون فيه يعني مع امي.. غاده:تصدقين عاد انا شكيت ان خالتي ماتطلع امك.. في لفت عليها وبعصبيه:إيـــــــش.. غاده خافت:لالا انا بس ساعتها كنت متأثره في فيلم وقلت يمكن تكون خاطفتها عاد طليل قام يضحك علي (وضحكت من الخوف) مو حلوه صح.. في بدون نفس:صح.. غاده نزلت راسها ولعبت في شرايط بلوزتها:عارفه.. في لفت عليها:يالسخيفه امزح هههههههههههههههههههههههههههه.. ×× نزلت وسكرت الباب:مشكور على التوصيله.. فيصل ابتسم:لا ماله داعي تشكريني.. ريم آشرت للبنات:يله بااااااي..<<دخلت وشافت مشعل جالس على المرجيحه ويهزها وهو رافع راسه.. تقدمت له وجلست جنبه:كيفك.. مشعل نزل راسه:تمام (ناظر الاكياس) وش هاذي.. ريم وقفت ورفعتها:هاذي علشان ملكة مها.. مشعل بلع غصته وبعد عيونه عن ريم.. ريم بأستغراب:فيك شي.. مشعل:لا سلامتك.. ريم:بس شكلك متضايق.. مشعل بألم:لا متضايق ولاشي بالعكس فرحان لان مها بتتزوج.. ريم ابتسمت:الله يتمم عليهم..<<لفت ومشت وطلعت غرفتها بسرعه دخلت ورمت الاكياس على سريرها لفت وطاحت عيونها على الميداليه اللي على الطاوله..بلعت غصتها وتجمعت الدموع في عيونها..رفعتها وحظنتها وهي تشهق من البكي وهمست.. :احبــــــك.. ×× كان يلعب تنس ويضرب الكوره بقوووه..والعرق ينزل من راسه.. المدرب:نايف هد حالك.. نايف طنشه وضرب الكوره بقوه..بدى يحس ان يده آلمته وان عضلاته ارتخت..صار يلهث وانفاسه سريعه..طاح المضرب من يده وطاح هو على ركبته.. المدرب ركض له ونزل لمستواه:فيك شي.. نايف رفع راسه وهو يلهث:لا تطمن مافيني شي.. المدرب:شو اللي بتعملوه ابل شوي تنس وإلا مصارعه.. نايف ناظره وابتسم بأستهزاء"بعد تنكت انت و وجهك"..<<وقف ومشى رفع فوطته ومسح وجهه.. :لا كرة قدم.. المدرب بعصبيه:انا عم بحكي معك عن جد.. نايف:آسف اخلاقي زفت اليوم لاني متضايق شوي اعذرني..<<رفع روبه ومشى للحمام ((الله يعزكم))..خذ شاور سريع وطلع وهو حاط فوطته على كتفه..سكر شنطته ولبس نظارته وطلع.. قابل مشاري في وجهه:انت نايف وإلا انا اتخيل.. نايف بدون نفس:جانا الثاني.. مشاري تقدم له:وش فيك النفس موصله.. نايف:تعبان شوي.. مشاري:سلامتك.. نايف:الله يسلمك.. مشاري:هاه للحين معزم نروح لكندا بعد ملكة بنت عمك.. نايف:اذا ماعندك مانع واذا عندك مانع انا بروح لحالي.. مشاري:طيب ياشيــــــخ اعصابك ماقلت شي.. نايف تنهد بضيق:يله سلام..<<ركب سيارته وسكر الباب بقوه تذكر اللي صار بينه وبين ريم..عض شفايفه بقوووه وهو يدعي على مشاعل في نفسه..ضرب الدركسون بعصبيه.. :الله لايوفقك يالزفتــــــه.. ×× كانت لافه للجهه الثانيه وتشهق من البكي..وجنا متمدده جنبها وتناظر السقف.. جنا:اقول ندوو من وين لك هالبيت.. ابتسمت من قلب..وش كثر مشتاقه تسمع ندوو من فم جنا..لفت عليها وبصوت مبحوح:بالله عليك عيديها مره مشتاقة لها ومن زمان ماسمعتها منك.. جنا بأستغراب:مره مشتاقة لها ومن زمان ايـــــش.. ناديه:هههههههههههههههههههههههه ههههه لا مو تعيدين الحكي ابيك تعيدين ندوو.. جنا ابتسمت:ندوو.. ناديه تنهدت:ياربـــــي وش كثر مشتاقه اسمعها من فمك.. جنا رجعت تناظر السقف:اقول ندوو ماجاوبتيني على سؤالي.. يتبــــــــع..<< |
|
10-21-2009, 02:19 PM
|
#118 |
|
|
رد: تموت عيونهم فيني وانا بك ميتة عيني
تابــــــــــع..<<
ناديه بضيق:البيت بيت ابوك.. جنا شهقت:ابوووي.. ناديه:ايه رحت له الشركه وطلبت اسكن معه بس هو تبرع لي ببيت من بيوته مقابل اني ما اشوفه مره ثانيه.. جنا بقهر:عن جد انه.. ناديه قاطعتها:لاتنسين انه ابوك.. جنا بعصبيه:ذا ابووو هذا حرام ينقال له ابو.. ناديه:على طاري الابو اذا ولدت جنو اسجلها بأسم مين.. جنا عدلت جلستها وبعصبيه:ومختاره اسم بعد.. ناديه:ايه وش فيك عصبتي.. جنا:مجنونه انتي وإلا شاربه شي لازم تنزلينه.. ناديه بعصبيه:مستحيـــــــــل.. جنا وقفت:انتي بتجيبين ولد حرام وبعدين وش تبين يقولون عنك الناس مسويه الفاحـ..؟؟ وحامل بعد ولاتنسين لو جبتيه بتنزلين اسم ابوك في التراب.. ناديه ابتسمت بخبث:مو بس ابوي بينزل راسه في التراب حتى احمد بن راشد ولد الوزير.. جنا ارتجفت:وش دخــــــل احمد.. ناديه بألم وهي حاطه يدها على بطنها:ابو البيبي.. جنا شهقت بصدمه وحطت يدها على فمها.. ناديه بصوت مرتجف:كذا حذت حقي من احمد وحق امي من ابوي.. جنا نزلت دموعها:ما اظن ياناديه بتاخذين حقك.. ناديه:ليه.. جنا:احمد ولد وزير وانتي بنت فقيره كل الناس بيعتقدون انك تبين تشوهين سمعته.. ناديه ارتجفت:انا باخذ حقي من المحكمه و اللي في بطني هو الدليل.. جنا:وشلون بتثبتين لهم ان اللي في بطنك من احمد.. ناديه:تحليل الـDna.. جنا:صدقيني حتى لو سوا تحليل بيطلع منها مثل الشعره من العجين انتي ماتعرفين احمد مثلي.. ناديه:انتي وش فيك خايفه هالكثر.. جنا تبكي:وشلون ماتبيني اخاف وهو مصور كل ليله انا معه فيها واذا حاولت اسوي اي حركه تضره بينشر الفيديو.. ناديه حطت راسها على الوساده وتجمعت الدموع في عيونها..ماتقدر الحين تسوي اي شي لانها بتضر اختها واختها مالها دخل في موضوعها..يعني مافيه حل إلا انها تنزل اللي في بطنها وبعدها راح تخسر كل شي.. جنا تمددت جنبها وغطت وجهها بالبطانيه"والله لأخذ حقي وحقك منه وماراح يهنى لي بال ولا راح ارتاح إلا لما اشوفه مذلول تحت رجلينك..والله لأخذ ثمن كل دمعه نزلها من عيونك بس كل شي في وقته حلوو".. ×× دخل البيت وشاف عمه جالس وحاط يده على وجهه تقدم له وباس راسه.. :شخبارك عمي.. ابوفي رفع راسه:هلا طلال.. طلال جلس:عمي ناوي تترك في عند امها.. ابوفي:ايه بخليها تجلس كم يوم.. طلال:بس ياعمي.. ابوفي قاطعه:لابس ولاشي هاذي امها بتخاف على في مثل ما انا اخاف عليها وبعدين انا افكر ارجع ام في لذمتي.. طلال انصدم:إيـــــــــــــش.. ×× ..بعد مرور يوميـــــــن.. ..يوم الخميــــــس.. يوم ملكة طلال&مها.. وفيصل&هيفاء.. كانت واقفه عند المدخل وهي متكتفه وتهز رجلينها بعصبيه.. منال ببرود:اعصابك.. مشاعل بقهر:ذا الاثنين يبي لهم شنق.. منال:مين.. مشاعل:فصيييل وهيفاء.. منال تشرب عصير وناظرتها بنص عين:وين اللي طايحه على ولد وزير وصاجتنا فيه معقوله باعته علشان عيون فيصل.. مشاعل:انا ادري عنها ذا الغبيه اصلاً انا اذا جبت طاريه عصبت مدري ليه.. منال بخبث:اقول صح ماتبين الملكه تتم بينهم.. مشاعل بدون نفس:وش رايك انتي.. منال:احمدي ربك عندي لك حل.. مشاعل بحماس:والله وشووو.. منال تذكرت اللي صار في نوف صديقة عمرها واللي سواه فيها احمد ابتسمت بخبث جا الوقت اللي تنتقم فيه من احمد اللي ضيع منها اعز صديقاتها :روحي جيبي جوال اختك اول.. مشاعل:وش تبين فيه.. منال:روحي جيبيه وخلاص.. مشاعل تركت كاسها على الطاوله وطلعت فوق بسرعه..تبي تنهي هالزواج بأي طريقه مو غيره من اختها بس لانها عارفه ان هيفاء تموت على احمد ومستحيل تفرط فيه..وانها وافقت على فيصل غصب عنها واكيد اللي غاصبها امها لانها تحب فيصل اكثــــر من راكان حتى وامنيتها ان واحد من عيال اخوها يتزوج وحده من بناتها..وياما قالت هالشي لمشاعل وهيفاء.. دخلت الغرفه وشافت هيفاء جالسه ومنزله راسها وتشهق.. الكوافيره:حطيت إلها ميك اب مرتين بس بيخرب لانو هيي عم تبكي.. مشاعل نزلت لمستواها:عارفه انك ماتبينه بس ليه وافقتي عليه.. هيفاء تمسح دموعها:لا انا ابيه بس خايفه.. مشاعل ابتسمت بأستهزاء"العبي على غيري وهذا وجهي اذا تم زواجك على هالقروي"..<<وقفت ولفت شافت الجوال على الطاوله..مدت يدها بهدوء وخذته وطلعت.. نزلت بخطوات سريعه وراحت لمنال ومدته لها.. :هاه خذي.. منال تدور اسمه:إلا هي وش حاطته.. مشاعل:اظن فدا روحي.. منال لقت الاسم ونقلت الرقم لجوالها ومدته لها:خلاص روحي وديه.. مشاعل بأستهزاء:اهااا ناويه تعلقين الولد فيك.. منال ابتسمت بخبث:ناويه اعرف كانه يحب اختك عن جد وإلا يلعب الحين بقول له ان هيفاء بتتزوج وبنشوف ردة فعله.. ×× قال بأرتباك وهو يفرك يدينه بتوتر:والله مالي داعي.. راكان:وش اللي مالك داعي ملكة اختي اعتبرها ملكة اختك (لف عليه) وش رايك فيني اجنن صح.. رن جواله ورفعه ناظر الرقم بأستغراب.. راكان:ليه ماترد.. احمد:رقم غريب.. راكان:يمكن وحده من اللي رميت عليهم الرقم امس.. احمد:لا امس مارميت رقمي على احد.. راكان:طيب يمكن بضاعة قبل امس.. احمد:لا قبل امس رميته على وحده بس وذا الوحده مسجل رقمها عندي.. راكان:طيب رد.. احمد رد:هلا.. منال مسكت قلبها:هلا فيك.. راكان:هاه من طلعت.. احمد رفع كتوفه بأستغراب.. راكان بهمس:من كثر البنات اللي عندك ماتقدر تتذكر اصواتهم.. احمد:يمكن (على صوته) هلا من بغيتي.. منال بدلع:انت احمد.. احمد ابتسم بخبث:ايه انا احمد ياعيون احمد.. راكان ناظره بأستحقار:اذا خلصت نادني.. احمد آشر له بدون اهتمام ومشى يكلمها.. ×× نزلت من الدرج بسرعه وهي رافعه فستانها..شافت امها وابوها واقفين جنب بعض ويسولفون..ابتسمت بفرحه وتقدمت لهم :يله انا جاهزه.. ام في ابتسم:ماشاء الله يمه طالعه قمـــــــر.. في استحت وحمر وجهها.. ابوفي:طالعه على امها..<<وغمزت لأم في.. في تقدمت عنهم:مو وقتكم ياطيور الحب يله نمشي.. الكل:ههههههههههههههههههههههههه ههههههههههههههه.. ×× كانت واقفه عند المرايه وتلبس حلقها.. دخلت وهي ماسكه ظهرها:اوووه وش هالكشخه هاذي على وين.. جنا ابتسمت:قلبي هيوفه بتتملك اليوم.. ناديه بأستغراب:مو قلتي ان فيه مشكله بينك وبينها.. جنا ابتسمت بألم:بس لازم اروح ابارك لها مهما كان هاذي صديقتي واقرب لي من اختي.. ناديه كشرت:قصدك اقرب لك مني.. جنا حظنتها:لا والله مو قصدي كذا (بعدت عنها وابتسمت) اقول وش رايك تروحين معاي.. ناديه:لا ما اقدر.. جنا اختفت ابتسامتها:ليه.. ناديه:تعبانه شوي.. جنا:خلاص بجلس عندك.. ناديه:لا روحي.. جنا:بس انتـ.. ناديه قاطعتها:انا بتصل على ساره تجي تجلس معي (باستها) يله بااااي.. جنا تخصرت:يعني طرده.. ناديه:هههههههههههههههههههههههه هههه اعتبريها مثل ماتبين.. جنا:هههههههههههههههههههههههههه ه (آرسلت لها بوسه) باااي.. ×× وقفت قدام المرايه وصدرها يرتفع وينزل بسرعه والدموع متجمعه في عيونها.. رفعت راسها وناظرت في وجهها اللي مبين عليه الضيق..تنهدت وحاولت ترسم بسمه على شفتها لكن ماقدرت.. حطت يدها على صدرها وخذت نفس طووويل وهي مغمضه عيونها:ياربــــــي ساعدني.. انفتح الباب وناظرتها بأنبهار:مهيــــوه.. مها لفت عليها وهي تبتسم بألم:وش رايك.. لمى بحماس:تكفين خذي لفه علشاني.. مها:رايقه انتي.. لمى:وووواااااااااي ياختي تهبلين تجنين ياحظ طلال فيك.. مها ارتجفت:ومشعل.. لمى اختفت ابتسامتها:وش فيه مشعل.. مها بلعت غصتها:احبه.. لمى بأنفعال:مها خلاص انسي الحين انتي بتصيرين زوجة طلال وحرام تفكيرين في انسان غيره.. مها نزلت راسها وصارت ترتجف من البكي.. لمى:مها تكفين امسحي دموعك قبل ما احد يجي ويشوفك بهالحاله.. مها جلست ومسحت دموعها ورفعت راسها:المكياج خرب صح.. لمى:لا بس زودي الغلوس.. مها حطت غلوس:وكذا.. لمى:تجنيـــــــــن (تنهدت) عقبالي.. مها ابتسمت بألم:آمين.. ×× ناظرتها وبقهر:ليه ماقلتي له.. منال بدون اهتمام:وش اقول له.. مشاعل تخصرت:لاااا والله وهيفاء.. منال:هيفاء رزقها الله.. مشاعل وقفت وبقهر:عن جد انك حماره..<<ومشت بخطوات سريعه.. منال ابتسمت بخبث وبهمس:وانا وش علي في اختك انا المهم عندي اخذ حق نوف.. طلعت الدرج بسرعه وفتحت الباب شافت راكان حاظن هيفاء وهي تبكي.. انقهرت وسكرت الباب بقوووه.. راكان ارتاع:بسم الله.. مشاعل ناظرت هيفاء وبدون نفس:ترى ملت الكوافيره.. راكان:وانتي وش عليك (همس لها) والله الغيره عامله عمايلها.. مشاعل بعصبيه:وش اغار عليه على حظها الخايـــــس.. هيفاء لفت على المرايه تضبط شعرها:خلاص مشاعل مو وقت مشاكلك الحين.. مشاعل بعصبيه:الحين انا صرت مسببة المشاكل.. راكان ناوي يرفع ضغطها:آه ياحبك للمشاكل آه ياحبك للزعل.. هيفاء ناظرته وضحكت.. مشاعل انقهرت وطلعت وسكرت الباب بقوووه:لا ابوكم لا ابو اللي جابوكم يالخايسين افففففف.. ام راكان:مشاعل انجنيتي.. مشاعل بقهر:ايه انجنيت عندك مانع..<<ومشت عنها بسرعه وهي تتحلطم.. ×× كانوا جالسيين حول الطاوله ويشربون عصير.. ام نايف:إلا ماقلتي لي ماكلمتي ريم بالموضوع.. ام مشعل:اي موضوع.. ام نايف:موضوع خطبتها.. ام مشعل:لا.. ام نايف:ليه امس ام محمد متصله علي وتلمح تحاول تعرف اذا ريم موافقه وإلا لا علشان يجون يخطبونها رسمي.. ام مشعل:احس انها صغيره.. ام نايف ابتسمت:كل ام تشوف بنتها صغيره حتى لو وصلت عمرها اربعين.. ام مشعل:وش بتطلع ذا الام ديناصور.. ام نايف:ههههههههههههههههههههههههه هه.. جت وهي تمشي بغنج ودلع ابتسمت بألم:هلا خالتي كيفك.. ام نايف تناظر ريم بأنبهار:ماشاء الله وش هالحلاوه ياحظ اللي بيتزوجك.. ريم بلعت غصتها وابتسمت غصب عنها.. ام مشعل:يمه اجلسي ليه واقفه.. ريم جلست وقلبها ينعصر من الالم..والدموع متجمعه في عيونها..مسحتها بسرعه قبل ماتنزل على خدها.. ام نايف:عاد شدي حيلك السبت دراسه.. ريم كشرت:تكفيـــــن لاتذكريني.. ام نايف ابتسمت:ليه.. ريم:احد يحب الدراسه وإلا يحب طاريها.. ام نايف:عاد لازم ترضين بالأمر الواقع.. ام مشعل:إلا على طاري الدراسه يقول مشعل ان نايف بيسافر يكمل دراسته يوم الاثنين.. ام نايف بضيق:ايه.. ريم ارتجفت وعضت شفايفها بقووووه تحاول تكتم شهقاتها.. ام مشعل:بس باقي له اسبوع ليه مستعجل.. ام نايف:مدري عنه حتى حاله هالأيام مو عاجبني.. ريم وقفت فجأه وصدرها يرتفع وينزل بسرعه.. ام نايف:حبيبتي وين رايحه.. ريم بصوت مرتجف:رايحه اشوف مها عن اذنكم..<<لفت ومشت بسرعه وهي منزله راسها وتبكـــــــي.. دخلت الحمام ((الله يعزكم)) وتسندت عليه وهي تبكي من قلب وترتجف..فتحت المويه وناظرت نفسها في المرايه وهي ترتجف.. رفعت زجاجة عطر ورمتها على المرايه وصرخت:ليــــــــــــــــه يانايف..<<رجعت لورا وتسندت على الجدار وهي تتنفس بسرعه وتبكي وترتجف.. مر قدام عيونها كل شي صار بينها وبينه اول لقا بينهم واول مانبض قلبها له..ويوم تركب معاه في السياره..ونظرات الحب اللي تبادلوها في الشرقيه.. ويوم القارب..ويوم اعترف لها انه يحبها..ويومه مع فاتن ومشاعل..واخر شي اللي صار بينهم قبل يومين.. شهقت بقوووه وحطت يدها على فمها.. ؛؛..تدري عيونك في غيابك ماهي مرتاحه..تبكي على فراق طيفك وانت ذابحني.. ياللي جرحني غلا شكراً على رماحه..اللي طعني بها ومايوم ريحني..؛؛ ×× كان واقف يضبط الشماغ ونايف واقف جنبه.. مشعل لف عليه:كذا حلووو وإلا لا.. نايف فتح الشماغ وضبطه له:كذا احلى.. مشعل:الحين انت ليه ماحلقت دقنك والله كنك واحد توه طالع من السجن.. نايف"سجن حب اختك ما اظن اطلع منه ولا ابي اطلع منه":ماعندي وقت.. مشعل:لا عاد احلف يارجل الاعمال.. نايف بدون نفس:مشعلوه اسكت ترى ابد مالي خلقك.. مشعل:ليه وش فيك.. نايف:سلامتك.. جا من وراهم:سلام عليكم.. لفوا عليه وابتسموا:وعليكم السلام.. مشعل ناظر في بضيق ولف على عمه:عمي وش اخبارك.. : : |
|
10-21-2009, 02:25 PM
|
#119 |
|
|
رد: تموت عيونهم فيني وانا بك ميتة عيني
..تكملة الجزء السابع والثلاثون..
دخلت وهي ماسكه يدين امها وتبتسم..لكنها حاسه بضيــق فظيع من نظرات مشعل لها.. هي ماسوت شي غلط..هي دافعت عن امها..يمكن انها رمت عليه كلمه ضايقته بس اعتذرت منه و.. بعدت هالأفكار عن راسها مو وقته الحين تفكر في الموضوع.. سلمت على ام مشعل وعلى ريم اللي كانت جنبها.. في بأبتسامه ناعمه:هاذي خالتي اماني (بهمس) ام مشعل.. ام مشعل ابتسمت:هـــــــلا والله تو مانور المكان.. ام في:منور بوجودك..<<شافت ريم وانبهرت بجمالها.. في سلمت على ريم.. ريم تصنعت الابتسامه:اهليـــــن قلبي كيفك.. في ابتسمت:تمااام الحمد الله (آشرت على امها) امي.. ريم ابتسمت وتقدمت لها وسلمت عليها:هلا خالتي وش اخبارك.. ام في ابتسمت من قلب على هالأنسانه الواقفه قدامها اللي كانت ايه من الجمال:الحمد الله بخير.. ام مشعل تأشر على مكان جنبها:تفضــلي.. ام في جلست وجلست في جنبها.. ام في بهمس:وانا اقول ذا المشعل ماخذ هالجمال من وين.. في ضحكت على على امها:توك مابعد شفتي شي.. ؛؛..الطيف اللي اعزه نظر لي وابتعد..غاب عني وابتعد.. والاكيــــد انه رحل.. افترقنا للأبد..وانتهينا للأبد..؛؛ كانت جالسه في وسط سريرها وضامه رجلينها لصدرها وتناظر الفراغ قدامها.. ريناد دخلت عليها وشهقت:انتي لسه ماتجهزتي.. دانا بصوت مبحوح:اصلاً من قالك اني بروح.. ريناد جلست جنبها:انتي لمتى بتمين على هالحاله (حطت يدها على يد دانا وضغطت عليها) دانا تكفين قومي البسي.. دانا بأنفعال:قلتلك ما ابي اروح.. ريناد:ليه تحبسين نفسك علشانه الله واكبر عاد هو الحين يفكر فيك وإلا سائل عنك.. دانا خنقتها العبره:ريناد تكفين لاتذكريني فيه.. ريناد:يعني تبين تفهميني انك نسيتيه.. دانا بكت:خلاص عاد..<<خبت راسها بين رجولها وبكت.. ريناد بلعت غصتها:دنو آسفه بس انتي تضيعين عمرك في التفكير فيه وهو ماهمه حتى ما اتصل عليك ولا.. دانا قاطعتها بصرخه:خـــــــــلاص انطمي..<<دخلت ام دانا على صوت الصرخه.. :خير وش فيكم.. دانا بعدت وجهها عن امها ومسحت دموعها.. ريناد وهي تناظر دانا:لا ابد مافينا شي بس شوفي بنتك ماتبي تحظر الملكه.. ام دانا:قبل شوي متصله علي عمتكم وقالت لازم يجون.. دانا بتعب:ماما مالها داعي روحتي.. ام دانا:وش اللي مالها داعي عمتك قبل شوي متصله وام فيصل بعد قالت لازم يجون بناتك.. دانا تمددت على السرير:ماما انا تعبانه ومالي خلق (ناظرتها وقالت برجا) تكفين ما ابي اروح.. ام دانا:خلاص براحتك يله ريناد.. ريناد وقفت وبدون نفس:طيب يله باااي..<<طلعت وسكرت الباب وراها.. اما دانا غرقت في همومها ودموعها اللي ماجفت..لفت للجهه الثانيه وفتحت الدرج..طلعت رسالته وقرتها.. تذكرت اليوم اللي عطاها اياه كانت في قمة سعادتها..باستها وحظنتها بقوووه وهي تتنهد بضيق.. |
|
10-21-2009, 02:27 PM
|
#120 |
|
|
رد: تموت عيونهم فيني وانا بك ميتة عيني
.
:حي الـ... ××..الجــــ الثامن والثلاثون ـــــــزء.. تقدمت لها ومسكت يدها وهي خايفه وترتجف ودقااااات قلبها سريعه.. "ياااارب سهل علي".. مها لفت عليها:وش تحسين فيه.. هيفاء بخوف:خايفه بشكل ماتتصورينه.. مها ابتسمت:لا تخافين اخوي مايخوف لهالدرجه وترى الرومانسيه عنده زيروو يعني انسي يقول لك كلمه حلوه وهذا احسن شي فيه علشان مايحرجك اليوم (لفت عليها) الله يعيني انا.. هيفاء ابتسمت بألم:شكل طلال عنده الرومانسيه توب.. مها مدت بوزها:ايه الله يصبرني عليه قيس السعوديه.. هيفاء:هههههههههههههههههههههههه هه.. شافوا الجده نوره متوجهه لهم..ركضت لها وحظنتها:يمه ادعي لي.. الجده نوره مسحت دمعتها وبفرحه:الله يوفقك يايمه ويجمع بينكم بخير (ناظرت هيفاء اللي منزله راسها وتفرك يدينها) هيفاء.. هيفاء رفعت راسها وتقدمت لها:يمه انا..<<وسكتت.. الجده نوره فتحت يدينها:تعالي يمه.. هيفاء بكت وحظنتها بقوووه وشهقاتها واصله سابع سماآآ.. الجده نوره بعدت عنها:ش فيك يمه.. هيفاء وهي تبتسم وتمسح دموعها:فرحانه.. الجده نوره ابتسمت من قلب:الله يتمم عليكم.. ..شافوا لمى متوجه لهم:مها انزلي علشان توقعين.. **الحين راح اخلي الشخصيات يعبرون عن مشاعرهم بنفسهم** .,.مــهـــا.,. ..ماكنت اتخيل في يوم اني اتزوج واحد غير مشعل..اللي حبيته من يومني صغيره وكبرت وكبر هالحب معاي..ما ابالغ لو اقول انه هدم آحلام طفولتي ومراهقتي وحطم حياتي يوم سمعته يبارك لي بخطبتي من طلال..الانسان اللي اكرهه واللي بيرتبط اسمي بأسمه اليوم.. احس ان لحظة نهاية حياتي قربت وانا اتقدم لأبوي اللي واقف ويبتسم لي بفرحه ودمعته بوسط عينه..ابتسمت بألم وخذيت القلم بيدين مرتجفه.. نزلت راسي للدفتر وغمضـــت عيوني وانا ادعي في نفسي ان كل هذا يصيــــر حلم.. بس اللي صحاني على هالواقع صوت ابوي.. :حبيبتي يله سمي و وقعي.. سميت بالله و وقعت ورميت القلم..ورميت نفسي في حظن ابوي بقوووه وبكيت.. حاول يهديني بس مافيه فايده كنت ابكي بصوت مسموع وارتجف بشكل مو طبيعي.. بعد عني ونزلت دموعها..قرب مني وطبع بوسه على جبيني:مبروك الله يوفقك ويسعدك دنيا وآخره.. هزيت راسي ولفيت عنه..طلعت الدرج بسرعه وانا ابكي بحرقه والم.. تقدمت لي لمى وهي تمسح دموعها:مبروووك.. رميت نفسي في حظنها وانا ابكي واصرخ في نفسي.. "احبــــــك يامشعل".. ×× .,.طــــــــــلال.,. ناظرت الدفتــر اكثر من مره مو مصدق ان مها صارت زوجتـــــــي وحلالي..هلت التبريكات والتهاني علي من كل جهه..وانا للحين مو مستوعــب..لفيت وجهي شفت واحد يناظرني بحقــد وكره وكأن وده يقتلني..استغربت من هذا..دقتت فيه هذا الوجه شفته من قبل بس ويـــن ما ادري..صحاني صوت رياض وهو يعطيني كوع.. :طليــــــــل.. لفيت عليه وانا اعض شفايفي بقهر:خير.. رياض:افاااا من اولها كذا.. قلت وانا مكشر:وش اللي من اولها.. رياض:نفسك خايسه علي هذا وانت توك مابعد شفتها.. تنهدت:تصدق اذا شفتها مدري وش اقول لها كل الكلام اللي كنت حافظه نسيته يوم شفت توقيعها اجل لو شفتها هي وش بسوي.. رياض بأستهزاء:تكفى اسكت يانزار قباني.. انقهــــــرت ومن بين اسناني:الوعد في البيت.. رياض ببرود:يصير خير ان شاء الله.. ×× .,.هــيفـــاء.,. ..ارتفعت حرارة جسمي واطراف يديني صارت بارده وعرقت وانا اشوف خالي ماسك الدفتر ويبتسم لي بحنان.. ماتقدمت له كنت خايـــفه ومتوتره وارتجف..غرقت عيوني بدموعي وانا اناظر الدفتر اللي بيربطني انا وفيصل وبصير زوجته على الورق بس..لانه يعتقد اني بنت مو شريفه وان فيه احد لامسني..لعنت نفسي مليووون مره ولعنت جنا والزفت احمد واليوم اللي تعرفت عليه فيه.. صحاني من سرحاني صوته:حبيبتي وش فيك واقفه.. تقدمت له بدون احساس مسكت القلم وناظرت توقيع فيصل اللي عباره عند خط وعليه حرفه..خذت نفس طووويل توقيعه ابد مايطمن..<<خخخخخخ.. وقعت بيدين مرتجفه ودمعه في طرف رمشي عيت تطيح..قرب خالي مني وطبع بوسه على جبيني وحظني.. بكيـــت من قلب..وشديت عليه بقوووه وملت دموعي ثوبه.. كنت اتمنــــى ان اللي حاظني ابوي..يمكن يهون عليه الشعور الصعب اللي احسه الحين.. بعدت عنه وناظرت فيه..وانا احســـد مها اللي عطاها الله زوج يحبها وابو يخاف عليها وام تحن عليها..مو مثلي انا..بعيش مع زوج شاك فيني..وابو عمري ماحسيت بحنانه..وام عمرها ماخذتني في حظنها.. طبع بوسه ثانيه على جبيني وابتسم:الله الله في ولدي عاد.. حمر وجهي وارتفعت حرارة جسمي..طلعت الدرج بسرعه وانا ابكي..استقبلتني مشاعل في احظانها وبدال ماتهديني بكت معاي.. ×× .,.فيصــــــــــل.,. كنت جالس بلا شعور بلا احساس بلا نبض..رفعت عيني المغرقه لأبوي اللي داخل بالدفتر ويبتسم..ميلت فمي وانا مكشر هذا منعناتها انها وقعت كنت اتمنى انها تتراجع وماتوقع وهي اللي تنهي كل شي وتفكني من الموقف الشجاع اقصد الغبي اللي حطيت نفسي فيه عن جد حسيت نفسي رامبوو يوم قلت بتزوجها.. سمعت الشيخ وهو يسكر الدفتر:بارك الله لهما وبارك عليهما وجمع بينهما بخيــر بالرفاه والبنين.. كشرت"اجتمعنا بشـــــر وعن سالفة البنين اغسل يدك مستحيـــل اقرب لمها".. تقدموا لي مشعل ونايف وهم يبتسمون.. مشعل بفرحه:والله لو اعرف ازغرط كان زغرطت.. رديت عليه بدون نفس:مو وقت ثقالة دمك.. سمعت طلال يبارك لي وهو متشقق من الفرحه:مبروووك يالنسيب.. ابتسمت بألم:الله يبارك فيك.. ×× .,.هديـــــــــــل.,. كنت جالسه اشرب عصيري اللي ماحسيت بطعمه..رفعت الكاس وقربته لفمي لكن سمعت صوت ضحكه.. :ههههههههههههههه الكاس فاظي.. نزلت الكاس:تصدقين ماحسيت بنفسي ولا بطعم العصير حتى.. ريناد:ايه كنتي سرحانه وانا جالسه ساعه احاكيك وكأني احاكي جدار.. بحزن:افكر في خالد.. ريناد:ليه فيه شي.. قلت بأنفعال:لا ان شاء الله وجــــع فال الله ولافالك.. ريناد خافت:ماقلت شي انا.. سندت ظهري على الكرسي وعيوني مدمعه:له اربع ايام ما اتصل ولا رسل مسج.. ريناد:طيب وين رهف ما اشوفها.. كشرت:راحت لمزرعة جدي هي وياه.. ريناد:طيب ماسألتيها عنه.. عصبت:لا ماسألت ولا ابي اسأل اللي مايبيني انا ما ابيه.. ريناد بحزن:تدرين وش صار في دانا.. تذكرت اني ماسألت عنها الله يفشلني:ايه صح وينها ما اشوفها.. ريناد:في البيت ماجت.. :ليه.. ريناد:وصلت لها صور عن بندر وهو مع.. انصدمت:لاتقـوليـــــــــن.. ريناد نزلت راسها:ايه.. حزنت عليها:طيب يمكن الصور مفبركه.. ريناد بضيق:لو كانت مفبركه كان ماتركها.. شهقت بقوووه:تركها.. ريناد:ايه ولا اظن بيرجعون لبعض.. سندت جسمي على الكرسي وعيوني مدمعه ماتوقعت نهاية بندر ودانا كذا:وكيف حال دانا الحين.. ريناد بلعت غصتها وبصوت مرتجف:بتموت من كثر ماتبكي.. :الله يكون في عونها.. ×× ناظرت جوالها وهي محتاره تتصل وإلا لا..دقت وهي مرتبكه وخايفه.. شهد:وش فيك.. ساره شوي وبتبكي:ياختي صعب اقول لها هالحكي ردت ردت (تنحنحت وبلعت غصتها) الوو.. ناديه:الوو.. ساره:عرفتيني.. ناديه بفرحه:اهليــــن سوسو قلبي كيفك.. ساره نزلت دموعها وبصوت مرتجف:ندو اسمعيني امي درت انك حامل.. ناديه انصدمت:وهي وش دراها.. ساره:سمعتني يوم اكلمك قبل امس و..<<سكتت.. ناديه:و ايش.. ساره:وقالت اقطعي علاقتك فيها.. ناديه بلعت غصتها وغمضت عيونها وتنهدت بضيق:ايوه كملي.. ساره بكت:ندوو اعذريني على الكلام اللي قلته بس امي منعتني من الطلعه ومنعتني من التليفون حتى الجامعه بتمنعني منها وبعد (شهقت بقوووه) شكت اني..<<سكتت وبكت بحرقه.. ناديه تسمعها وهي مصدومه..هي انضرت واللي حولها انضروا بسببها.. كملت وهي تشهق:خايفه بعد تقول لناصر واتطلق منه ناديه سامحيني بس.. ناديه قاطعتها بصوت مرتجف:انتبهي على نفسك اوكي قلبي يله باااي..<<سكرت وصارت تبكي من القهر.. الحين خسرت كل شي امها وابوها وصديقاتها اللي تخلوا عنها في اصعب وقت..وهي كانت تعتقد ان ساره هي الوحيده اللي ماراح تتخلى عنها بس خاب ظنها.. مسحت دموعها وقلبها مشتعل من ناااار القهر..خسرت كل شي والسبب احمد.. وقفت بعصبيه وخذت عبايتها وبصوت مرتجف:والله لأوريـــــــــك يالكـ..؟؟..<<نزلت بخطوات سريعه والم بطنها يزيـــد.. عضت شفايفها بقووووه وضغطت على بطنها:مو وقتك الحين..<<لبست عبايتها وتغطت وطلعت.. مشت لأخر الشارع وكل خطوه تمشيها تحس انها امياااال..كانت تتعثر والعرق ينزل من راسها..ضغطت على عبايتها وانفاسها صارت سريعه.. :ياااارب ياااارب ساعدني..<<آشرت لتاكسي وركبت. طلعت فوق وآشرت لها:مهيووووه يله.. مها ارتجفت:وشوو.. لمى سحبتها:وشو اللي وشوو يله جا وقت الزفه.. مها لفت على هيفاء:تعالي معاي.. لمى بدون نفس:هاذي بعدك بيجي دورها يله امشي.. انطفت الانوار و وقفت في اعلى الدرج وغمضت عيونها تحبس دموعها..نزلت على انغام اغنية محمد عبده مذهلـــــه.. ..مذهلــــه..ماهي بس قصة حسن..رغم ان الحسن فيها بحد ذات المشكله.. مذهلـــــه..كل شي فيها طبيعي ومو طبيعي اجمل من الأخيله.. .,.مهـــــــا.,. ..نزلت بفستاني الذهبي اللي منسدل على جسمي بنعومه..وشعري اللي كنت ملفلته كله وحاطه بوف من قدام وتاج صغير بكرستالات تلمع..كنت حاطه ميك اب ناعم وخفيف لاني ما احتاج لمكياج ثقيل.. مشيت بدون احساس وبدون ما ارسم نص ابتسامه على شفاتي كنت ابلع غصه ورا الثانيه والدموع متجمعه في عيوني..احس اني امشي لقبري برجليني..وبندفن في احظان انسان عمري ماحسيت بمشاعر حب ناحيته بالعكس كنت اكرهه ونظراتي له كلها احتقاااار وقرف.. ..على طاوله قدام المنصه.. لمى بضيق وهي تعض على شفايفها وبهمس:الحين الكل بيظن انها موافقه غصب عنها شفتي شكلها..<<ماسمعت رد.. لفت عليها:ريم احاكيك.. ريم انتبهت وبصوت مبحوح:هاه ايه صح.. لمى:وشو اللي صح ريم انتي معاي.. ريم جلست:لا كنت سرحانه شوي وش كنتي تقولين.. لمى كشرت وجلست جنبها:اففففف ولاشي.. .,.هيفـــــــاء.,. جا دوري وبديت ارتجف بشكل مو طبيعي..حطيت يدي على الدرابزين وقريت المعوذات..نزلت على انغام اغنية عبدالمجيد عبدالله تلفت الناس.. ..تلفت الناس لامريت..اتكسر رقاب خلق الله.. الزين خذته ولاخليت..حرام لاتاخذه كلـــه.. رفعت فستاني الاحمـــــــر اللي لاف على جسمي برقه ونعومه..شعري المموج كنت مجمعته كله وحاطته على جنب وشابكته بأكسسوار حمراء..مكياجي تقريباً مثل مها خفيف وناعم.. مشيت بخطوات ثقيله وانا في قمة خوفي وتوتري..لفيت راسي وشفت مشاعل واقفه وتبتسم لي ورسلت لي بوسه..ابتسمت بألم..وكملت طريقي اللي احسه امياااال.. جلست جنب مها اللي حالها مو احسن من حالي..شفتها تمسح دموعها وشكلها متضايقــــه..لدرجة اني حسيت انها موافقه على طلال غصب عنها.. .,.مهـــــــــا.,. مسحت دموعي ورفعت راسي وابتسمت بألم لصديقاتي اللي يرسلون لي بوسات..وبعضهم واقفين على المنصه ويرقصون ويسحبوني من يدي يبوني ارقص معهم.. اماني صديقتي وتؤام روحي كانت واقفه قدامي و تحرك خصرها:يله ميمي.. حمر وجهي:خير وش تبين يقولون خلق الله انهبلت.. اماني سحبتني مع يدي:بكيفهم يقولون اللي يقولون (هزت كتوفها) انا بحبك متيم.. ضحكت من قلب:هههههههههههههههههههههههههه ه..<<بديت ارقص والكل يشوفني ويصفقون لي ويذكرون اسم الله علي.. اشرت لهيفاء:هيوفه يله تعالي.. هيفاء ابتسمت:لا مالي خلق.. سحبتها:يله عاد (همست لها وغمزت) يامرة اخوي.. .,.هيفــــــــاء.,. رقصت ولفيت بنعومه..اختفت ابتسامتي وشهقت..وانا اشوف البنت اللي دمرت حياتي واقفه قدامي..نزلت من المنصه وانا في قمة عصبيتي..تقدمت لها وحاولت امسك اعصابي علشان ما اخرب فرحة مها..سحبتها مع يدها بقوووه.. ناظرتني وعيونها تدمع:هيفاء هدي اعصابك شوي.. مارديت عليها وسحبتها للمدخل..دفيتها على الجدار بقوووه وبعصبيه.. :ايا الحقيره يالوقحه ولك عين بعد تجين بعد اللي سويتيه..<<وعطيتها كف قوووي شهقت منه.. جنا وهي تبكي:هيفاء انا.. قاطعتها وانا اعطيها كف ثاني:انتـــــي ايش انتي وحده حثاله حقيره سافله ليه سويتــــي فيني كذا وش سويت لك انا.. جنا وهي تشهق:هيفاء سامحيني.. قلت بأستهزاء:بهالسهوله تبيني اسامحك انتي عارفه وش سويتي كنتي بتضيعين شرفي وبتخلين سمعتي وسمعة اهلي تحت التراب.. جنا تبكي بحرقه:صدقيني ماكنت ادري انه بيسوي كذا.. تكتفت وناظرتها وانا رافعه حاجبي:لاااا وش كنتي متوقعه يسوي حظرتك.. جنا نزلت راسها:هيفاء الله يخليك سامحيني انا خذت جزاي والدليل هذا الضرب اللي تشوفينه على جسمي وكله من احمد.. قلت بأستهزاء:ياحياتي انتي رحمتك (آشرت على الباب وصرخت بقهر) اطلعــــــــــي برا.. جنا برجا:تكـ.. دفيتها على الباب:اطلعــــــي برا برا.. جنا بلعت غصتها وخذت عبايتها وهي تبكي:هيـ.. قاطعتها وانا اصرخ:بـــــــــــرا.. جنا لبست عبايتها وهي تبكي بحرقه وطلعت.. حطيت يدي على جبيني وفركته بتوتر ويدي الثانيه ضاغطه عليها بقهر..كنت اتمنى انتقم منها على اللي سوته فيني بس الوقت والمكان مايسمح..لفيت ودخلت ومسكت يدي ام فيصل اللي كانت في قمة عصبيتها.. :ادخلـــــي وإلا ناويه ترزين خشتك قدام الرجاجيل.. كلامها طعني في الصميم:لا بس كنت.. قاطعتني وهي تناظرني بكره وحقد واشمئزاز:اقول ادخلي وبلا كثرة حكي.. ×× وقف وضبط بشته وهو متشقق من الفرحه:هاه وش رايك في شكلي.. رياض:يعني يمشي الحال.. طلال كشر:وشلون يعني يمشي الحال.. رياض:يعني الله يصبر مها على ما ابتلاها.. طلال انقهر:انت وش سالفتك اليوم.. رياض:هههههههههههه وش فيك عصبت بس قلت اطلع ريحتك قبل ما تروح لها.. ابوفيصل تقدم له:ناوي تجلس.. طلال بدفاشه:لاااا مجنون انا يله يله.. ابوفيصل:هههههههههههههههههههههه هههه ميت على العرس اجل.. طلال ابتسم من الفشيله..ولف وجهه على رياض اللي يرفع حواجبه بحركه سريعه..كان وده يقوم ويخنقه.. مشى ابوفيصل ومشى وراه طلال اللي لف على رياض واشر على رقبته وبدون صوت:انت مقتول مقتول.. رياض:ههههههههههههههه.. ×× كان واقف هو واحمد برا.. احمد:يله انا ماشي.. راكان:وين تمشي تو الناس.. يتبع ....... |
