 |
  |
|
|
|
|
#141 |
|
|
رد: روايهـ في غااية الرووعهـ(سما غابة الأوهام)
مشكورة يا حياتي على هذا البارت روعه وامانه نزلي البارت بسرعه لاني مافيني صبر
|
|
|
#142 |
|
|
رد: روايهـ في غااية الرووعهـ(سما غابة الأوهام)
نتظر ..!!
|
|
|
#143 |
|
|
رد: روايهـ في غااية الرووعهـ(سما غابة الأوهام)
الفصل العشرين..
دخلت الحمام وانتم بكرامه وهي حاسه بجسمها كله يرجف وبعد ماملت القطعه المستطيله البلاستك ...راقبت المؤشر وهي تعض اصبعها من الخوف الخط الأحمر الأول ماكان يعني شي ..كانت مركزه بصرها وحاسه بخوف الدنيا كله تجمع بصدرها نزلت دمعتها مع الخط الثاني وصرخت بأعلى صوتها :لالالالالالالالا ..جلست ع الأرض وهي تبكي بعنف : ياربي لا كله الا ذا شسوي الحين بهالمصيبه اكيد فيه غلط مستحيل اكون حامل ..كانت تهز راسها بالنفي وهي في حاله هستيريه غريبه ...طلعت من الحمام بسرعه اخذت شنطتها ومفتاح سيارتها ونزلت بسرعه..شغلت سيارتها وتحركت بأقصى سرعه على اقرب مستشفى اول ماوصلت مسحت دموعها بسرعه ..ودخلت ع الرسبشن وقالتها بهدوء: لو سمحتي عاوزه اعمل تحليل حمل موظفة الرسبشن بأبتسامه: اسجل بياناتك الأول بعد ماسجلت بياناتها راحت غرفة المختبر كانت تتنفس بقوه تبي تكتم خوفها وتوترها المرضه: دا الحمل الأول.؟ اصلي بحسك متوتره سما: لا بس انا وجوزي منفصلين المرضه بحزن: آه انا متأسفه كانت النص ساعه الي راح تظهر فيها نتيجة التحليل وكأنها نص عمرها الي راح كانت متوتره وكل شوي تناظر بالساعه ..واخيراً صوت المرضه: سما متعب تقدمت للمرضه بسرعه ونبضات قلبها تزيد : ايوه المرضه مبسوطه: مبروك يامدام انتي حامل ماقدرت تكتم انفعالها وقالتها بصوت عالي: لالالالالا مستحيل ..اخذت النتيجه وطلعت من المستشفى وهي تبكي.. كانت تسوق سيارتها وهي حاسه بضياع ماتدري وين تروح ومين تلجأ له .. جوالها ماكان يسكت محمد كل دقيقه يتصل ..كل مازادت مكالماته زاد بكاها ترد عليه وش تقول له اخر شي كانت تتوقعه انها توصل لهنا فيه فبطنها طفل حرام وماتدري مين ابوه.. لفت بالسياره كثير كانت دموعها تنزل على خدها بدون توقف ..حست هالدنيا كبيره وماهي قادره تجاريها وين لازم تروح ولمين تلجأ..ماعندها احد ممكن يفهم وضعها او يساعدها .. فكرت بهشام هو السبب وهو الي وصلها لهنا لكنه قرب يوصل لمبتغاه ومستحيل يتراجع او يسمح لحملها يوقف بطريقه واقرب سبيل هو التخلص من هالجنين وبأبشع الطرق ..تخيلته يضربها بعنف المهم يتخلص من حملها حست بالخوف يسيطر عليها صح تبي تخلص من هالسالفه لكن مو بطرق هشام البشعه.. بعد ماحست بالظلام يملا المكان قرت ترجع شقتها.. فتحت الباب ورمت شنطتها ع الكنبه..وبعد تفكير وحزن قرت انها لازم تتخلص من هالحمل بنفسها..راحت غرفتها وركبت ع السرير ونقزت من فوقه ع الأرض ..كررت الحركه مره ومرتين وبالمره الثالثه طاحت ع الأرض حست بألم فضيع وارهاق شديد .. حست انها تعبانه لدرجة الموت ..زحفة للصاله الى ان وصلت لشنطتها بصعوبه ..سحبتها وطلعت الجوال ..وبوسط تعبها وبعد تفكير بسيط مالقت غير رنا تلجأ لها ..دقت عليها وبعد ماجاها صوتها الهادىء قالتها بتعب: رنا انا تعبانه اوي رنا مستغربه: فينك يابنتي من زمان سما بتعب: رنا اكتبي العنوان وتعالي انا حاسه اني بموت رنا بسرعه: هاتي بسرعه : : القاهره الساعه 8مساءً.. محمد بعد مارمى جواله ع الكنبه قالها بقهر: ياربي ليه ماترد سعد بتذمر: ياليل وانت كل مره ماراح ترد عليك فيها بتسويلي قلق محمد يناظره: سعد قالت لي بتخلص شغله وبتدق علي سعد: طيب يمكن ماخلصت شغلتها للحين محمد: هالكلام الساعه 4 شف الساعه كم هالحين سعد: معليه الغايب عذره معه محمد بعد ماجلس وبدا يهز برجله : انا بنتظر ساعه ان ماردت علي بروح لها سعد: طيب يابتاع الحب ..قوم نروح ناكل انا جوعان مره محمد بعد ماخذ جواله وبدا يدق عليها: مالي نفس مابي اكل غير لما ترد علي سعد: ياليل ابو لمبى الله يعيني انت تحب وانا اتوهق واموت جوع : : الساعه 8:15 شقة سما تحديداً.. طقت الجرس وقالتها بصوت عالي : سما انا رنا افتحي حاولت توقف لكنها ماقدرت حاسه انها تعبانه ومرهقه ومو قادره تشيل نفسها زحفة بصعوبه الى ان وصلت للبا رفعت يدها على اقصاها وفتحته .. رنا اول مادخلت وشافتها ع الأرض نزلت لمستواها وحطتها بحضنها : مالك ايه الي حصل لك سما بتعب: تعبانه رنا حاولت ترفعها حطت يدها ورى كتوفها وبعد مالفت يدها الثانيه ورى ظهرسما ..سندتها ومشت معها بشويش للغرفه ..سدحتها ع الفراش ولحفتها .. رنا وهي تنافخ: بصي انا عندي واحد ئريبي دكتور حجيبو وحرجع لك متخفيش مش حتأخر سما بتعب: طيب : بعدها بدقايق ..وبشقة محمد تحديداً .. ناظر بساعته وكانت 8:30 وقالها بخوف: انا خلاص ماعاد اتحمل بروح اشوفها سعد: انت قلت بعد ساعه وهالحين مامرت غير نص ساعه محمد بعد ماخذ مفاتيحه ..قالها وهو يمشي بسرعه: ماقدر اصبر دقيقه زياده سعد قالها بسرعه: لكن يا .. سكت لما شاف الباب يتقفل ..وقالها بهدوء وهو يتنهد : معقوله حالتك ذي يامحمد انا اول مره اشوف احد يحب كذا انت مهوس بالبنت هذا اكثر من مجرد حب ..الله يستر لو صار وتركتك هالبنت او كانت تلعب والله ان تروح فيها : بهالوقت وبشقة سما .. بعد مافحصها الدكتور..وهو يحط اغراضه بالشنطه قالها لرنا بهدوء: الحمد لله الجنين بخير رنا تناظر سما وهي مستغربه: جنين؟ سما والي كانت جالسه ع السرير نزلت راسها بتعب ومانطقت بكلمه الدكتور: ايوه زميلتك حامل وبتهيألي انها اجهدت نفسها زياده عن الزوم مش عاوزين حركه زياده وعاوزك بال 3 ايام الي جايه ترتاحي راحه تامه عشانك وعشان الجنين الي بطنك سما والحزن يملاها قالتها بهدوء: طيب الدكتور: انا حكتبلك على شوية حجات تبأي تخديها بأنتظام والف سلامه عليك مشت رنا مع الدكتور واول مافتحت باب الشقه كان محمد بوجهها ..ناظر بالدكتور بأستغراب ..وناظر برنا وتذكرها تبسم وقالها بهدوء: سما موجوده رنا تناظره : نأولها مين محمد: قولي لها محمد رنا: طيب اتفضل ناظرت بالدكتور وقالتها بهدوء: متشكره اوي ياعاطف عشانك جيت معايا الدكتور: مفيش داعي للشكر يارنا بعد ماطلع وقفلت الباب راحت لغرفة سما وقالتها بهدوء: سما فيه واحد اسمو محمد عاوز يشوفك سما والي ارتبكت: خليه يجي بس متأولي لوش ع الحمل اتفئنا رنا تهز راسها بالأيجاب: اتفئنا ..طلعت الصاله وقالتها بهدوء: اتفضل على أوضتها اصلها تعبانه ومتأدرش تجيلك محمد وقف وهو حاس بقلبه ينبض مشى بسرعه لغرفتها واول ماشافها تتبسم له واضح عليها التعب قالها بحنان: وش فيك ياقلبي سما: مادري تعبت فجأه محمد بحب: سلامتك ياروحي ياليته فيني ولافيك سما : بسم الله عليك محمد: طيب ليه مادقيتي علي؟ سما بتعب: مادري كنت تعبانه مره ولادري وشلون دقيت على رنا وماقصرت جابت لي دكتور ..اكيد شفته وهو طالع محمد يناظرها بحب يملاه الخوف: ايه شفته ..سما خفت عليك مره قلت اكيد صاير لها شي.. وش قال الدكتور سما: قال شوية ارهاق ولازم ارتاح 3 ايام ع الأقل محمد: ليه تتعبين نفسك وماتهتمين بصحتك رنا تقاطعهم وهي تطق الباب وتقولها بأبتسامه : انا اسفه .. ناظرت بسما وقالتها بهدوء: سما انا ماشيه اصلي سبت المطعم وأولتلو مش حتأخر سما بهدوء: طيب بعد ماطلعت رنا ناظر فيها كانت تعبانه مره والنعس باين عليها ..جلس على السرير عند رجولها تبسم وقالها بحب وهو يناظرها : سما نامي ياقلبي سما بحزن: مابي انام انا ابي اموت محمد بسرعه: استغفر الله وش هالكلام ياقلبي سما بيأس: تعبت يامحمد ماتحمل هالحياه احس كل شي فيها ضدي محمد: معليه ياقلبي كلها فتره وتعدي بعدين لاتيأسين عند اول تعب بسيط و.. سكت لما سمع صوت جوالها ..وقف وقالها بهدوء: دقيقه بروح اجيبه لك..راح الصاله تبع صوته وشافه ع الأرض شاله .. وهو يمشي للغرفه ناظر بالشاشه (عماد يتصل بك) وصل وقف عند راسها وماقدر يخفي قهره وعصبيته لف الجوال لها عشان تشوف الشاشه.. سما بهدوء: هذا عماد مدير الشركه محمد بعصبيه: وليه يدق عليك بهالوقت سما :مادري محمد وهو مو قادر يخف انفعاله: لا وحافظتلي رقمه بأسمه سما بخوف: اجل احفظه بأي اسم محمد بعد مارمى الجوال ع الأرض: احفظيه بتبن والا لاتحفظينه مادري ليه رقم المدير معك ورقمك معه سما وهي تبكي: محمد انا تعبانه محمد مسح على شعره بقوه وحاول يهدا وبعد ماتنفس بعمق قالها بهدوء:انا اسف ياقلبي مادري وش فيني صايرغيور لدرجة الموت لاتزعلين ادري تعبانه ومو ناقصه .. قرب منها وقالها بهدوء: بساعدك تنسدحين طيب سما والي كانت تعبانه: طيب حط يده ورى ظهرها ومسك يدها بيده الثانيه كان يحس بقربها ريحتها الحلوه واكثر شي كان يحس فيه قلبه الي ينبض بعنف من قوة حبه لها..بعد مانسدحت لحفها زين ..جلس جنبها وبعد تردد بدا يمسح على شعرها : تصدقين سما انا كنت انسان غير واحد مطنش كل شي وماهمه شي ونص وقتي مقضيه بالنوم وباقي الوقت بالدوام يعني يادوام يانوم .. ضحك وكمل بهدوء: او اكل ..بس لما عرفتك تغيرت اشياء كثيره بحياتي ماراح اقول لك ماعاد انام لا انا ابو النوم كله .. لكني صرت افكر بطريقه مختلفه فيه انسان احس اني عايش عشانه وافكر فيه واهتم له ..احس اني طول الوقت خايف عليك وخايف اخسرك وشاغلني حبك .. سكت وتبأسم اول ماشافها نايمه ..وقف وهو يفكر : يمكن يطلع من هنا وتعب زياده او تصحى الصبح تعبانه ومافيه احد حولها عشان كذا قريجلس بشقتها عشان لو صار واحتاجت له..طفى انوار غرفتها وقفل الباب وراح للصاله وبعدا مانسدح ع الكنبه دق على سعد.. سعد: هلا والله محمد: هلا بك .. اقول سعد سعد بسرعه: ماراح تجي ادري محمد يضحك: ايه وش دراك سعد: معروفه كل مره تروح لها ماترجع هنا محمد: اقول بلا كلام فاضي اطلب لك اكل تعشا ونام سعد بتذمر: يعني باكل لحالي؟ انا مادري انت ليه جايبني معك على مصر عشان انا اجلس لحالي وانت تجلس تحب انا اعترض صراحه محمد يضحك: روح اكل ونام ازين لك من هالكلام الفاضي سعد: كلام فاضي هاه..شف انا ياحب والا ارجع السعوديه جلستي هنا مالها لزمه محمد: خلاص روح حب جميله سعد بسرعه: نعم جميله خلها لك قال جميله قال محمد وهو يضحك: وش فيها جميله بنت الف واحد يتمناها سعد: ايه بس انا مو معهم انا ابد ماتمناها هالحين اصوم اصوم اخرها افطر على بصله لا والبصله ازين بعد : : الساعه 8 الصبح .. فتحت عيونها بهدوء..وحست بدفى يده الحنونه على شعرها .. ناظرته بحب: محمد انت للحين هنا محمد يناظرها وبكل هدوء: سما انا ابيك سما تتبسم وهي تضبط جلستها : وانا بعد ابيك محمد بحب وعيونه مليانه حنان: سما كم تبين مهرك سما بحب: انت اغلى مهر يامحمد انا مابي شي غيرك ولاشي بعدك انت مهري وبيتي وسندي محمد مبسوط: قلبي اكيد جوعانه بقوم اضبط لنا فطور سما وهي تتبسم: الله لايحرمني منك يامحمد محمد: ولا يحرمني منك ياسما عمري بعد ماطلع من الغرفه قامت من فراشها وهي حاسه بتعب وشوية دوخه ..دخلت الحمام وانتم بكرامه وقبل ماتفرش اسنانها ناظرت بنفسها بالمرايا وغصب عنها بدت تبكي : وش راح تسوين ياسما وانتي حامل ياربي انا لازم انزل هالجنين بأي طريقه .. مسحت دموعها بسرعه اخذت نفس غسلت وجهها وتوضت وبعد ماصلت سمعت صوت جوالها ..مشت بطىء وبعد ماشافت عماد المتصل اخذت الجوال ودخلت الحمام وانتم بكرامه وقالتها بصوت واطي: الو عماد مبسوط: هلا ياروحي وش رايك امرك نروح نفطر سما : لا ماراح اقدر وابيك تعطيني اجازه 3ايام عماد مستغرب: ليه؟ سما : عشاني تعبانه مره والدكتور قال لازم ارتاح 3 ايام عماد بنبره ملاها الخوف: بسم الله عليك كيف تعبتي فجأه امس شايفك مابك شي سما بهدوء: مادري الدكتور يقول ارهاق عماد بسرعه: انا لازم اجيك الحين سما بسرعه: لالا لاتجي عماد مستغرب : ليه سما بتوتر: اخوي هنا معي كان جاي مصريزورني نتمشى وكذا ..وبدال لاتمشى معاه سويته مرض لي عماد: طيب كويس انه جا عشان لاتكونين لحالك ..انتبهي لنفسك ماوصيك سما: ان شاء الله ..يالا انا لازم اقفل عماد: الله معاك حبيبتي جلست ع السرير وبعد تفكر دقت على رنا واول ماجاها صوتها قالتها بسرعه وهي تناظربالباب:رنا ساعديني عاوزه حل للمصيبه رنا بهدوء: مين ابو الطفل دا ياسما سما وهي تبكي: معرفوش ساعديني يارنا رنا : عاوزه تنزليه؟ سما بسرعه: ايوه رنا : انا بعرف عياده حكلمهم واجيلك ماشي؟ سما : ماشي بعد ماقفلت شافت محمد يدخل بصينية الأكل وهو مبسوط حط الصينيه على حظنها وقالها بحنان: بالعافيه ياقلبي سما تناظره: مابتاكل معاي محمد: تصدقين احس اني شبعان شوفتك شبعتني مابي اكل سما ترفع كتوفها: خلاص ماتبي تاكل انا بعد مابي اكل محمد بسرعه: لا كله ولا ذا جلس بجنبها وبدا ياكل وهو يتأملها وشلون تاكل بهدوء سما بعد مابلعت القمه:من وين هالفطور حركات محمد: جايبه من برا مخصوص عشانك ياحلوه سما تضحك: طيب مشكور ياحلو محمد يتأملها بحب: فديت هالضحكه.. سكت شوي وكمل بهدوء: سما انا خلاص ماقدر اصبر اكثرالمبلغ الي عندي زين بتقدم لك رسمي نتملك الحين وموشرط نتزوج على طول .. بكمل بالمشروع الي بمصر وبكذا بيوفرون لي انا وزوجتي سكن يعني ماراح نطول عشان نتزوج سما قالتها وهي ترجف: لا هالشي محتاج تهيئه نفسيه وانا مو مستعده بعدين السالفه مو سالفة سكن ..سكت وهي حاسه بخوف اخر شي كانت تتوقعه ان محمد يطلب هالطلب وبهالوقت محمد يناظرها مستغرب: اجل وش السالفه ؟ سما ماتبين الي بيننا يكون علاقه رسميه شرعيه ؟ ماتبين اكون زوجك المس يدك اضمك اشمك حلالي ومافيه قيود بعلاقتنا سما والي مازالت ترجف: ابي لكن هذا زواج مو لعب وانت تعرف صدمتي والي صار لي محمد ماتحمل الرجفه القويه الي بيدينها مسك يدينها بقوه: قلبي وش فيك ترجفين؟ صدمه انتهت وخلاص فقدتي ذاكرتك والحمد لله رجعت لك وانتهت القصه سما بنبرة ترجي: محمد الله يخليك انا ادري انك تحبني وتبي قربي وانا بعد احبك وابيك بس والله حالياً مو مستعده نفسياً لعلاقه رسميه يعني بيت وزواج واطفال محمد بنبرة حزن: طيب براحتك انا كنت احسبك بتفرحين بهالطلب لأنك تتمني هاليوم اكثر مني سما بحب: والله اتمناه وابيه بس نفسيتي مو مستقره الي شفته وانا فاقده الذاكره مو قليل محمد عطيني فرصه وانا الي بقولك ان الوقت حان تكفى محمد بأبتسامه هادئه : طيب ياقلبي اهم شي راحتك سما تتبسم: الله لايحرمني منك بعدين لاتفكرابد بالأستقرار بمصر يعني لازم نخط لزاوجنا زين انت من ناحيتك تقدر ترجع ع السعوديه وعادي لكن انا محمد بكل برود: مو لازم تشتغلين بعد زواجنا سما بهدوء: لامحمد انا مستحيل اجلس بالبيت بدون شغل..سكت وكملت بكل حب : لكن ماعندي مانع اتنازل عن كل طموحاتي عشانك بس ابيك تنتظر الوقت المناسب وتصبر علي محمد يتبسم :خذي وقتك اهم شي عندي انك بجنبي وقريبه مني واي شي ثاني مايهمني اهم شي انك عرفتي نيتي صافيه وبجد احبك وابيك زوجه : : الشرقيه .. الساعه 10 صباحاً.. الجامعه تحديداً.. جالسين بالكفتيريا ..يشربون كابتشينو.. اثير بهدوء: وافرضي قالك يالا هاتي الصور نوف : مو صعبه الحين اصورك اثير: ياغبيه حنا قلنا له كنا بحفله نوف تفكر: طيب عادي تعالي بيتنا واخذ لك كم صوره وخلاص هو وش دراه اثير مو مقتنعه: لا لا مابي سلامات تصوريني بجوالك افرضي من هنا لزواجك انسرق الجوال والا شي .. لا ياشيخه اخاف هذي صور مو لعب نوف: طيب شسوي ..خلاص اصورك بعد الزواج هو ماراح يسأل عليهم على طول اثير: الا اول شي راح يسأل عليه الصور ومن اول مايشوف وجهك نوف: عادي اثوره لاتخافين بقوله بعدين ومو معي بيت ابوي الين اصورك اثير بخوف: تصوريني وبعدها تخلينه يكسر المومري قدامك نوف تضحك: ماعندك ثقه فيه يامهبوله هذا مهما كان اخوك بعدين لو ماكان خايف عليك ماتزوجني لو الموت اثير بهدوء: لهالدرجه؟ نوف وهي تفكر: واكثر : : الساعه 10:30 صباحاً بتوقيت السعوديه..3:30 الظهر بتوقيت بكين.. كانو بمطعم بايكويلاوهاو احد المطاعم الأسلاميه في بكين.. طلبو لهم لحم غنم مشوي وهي الأكله الي يشتهر فيها المطعم .. وبالوقت الي كانو جالسين ع الطاوله يتنتظرون الاكل مد يده وحطها فوق يدها الناعمه .. اسيا سحبت يدها بسرعه وبان عليها التوتر والخجل خالد وهو يضحك: يابنت انتي بالأوراق الرسميه زوجتي يعني مافيها شي لو لمست يدك اسيا تهز راسها بالنفي خالد بنبرة تحايل: طيب المس اصبعك بس اسيا تهز راسها بالنفي للمره الثانيه خالد يناظرها: ياشين دلعكم يالبنات كل الي باقي الفستان الأبيض قومي هالحين اشتري لك فستان ونسوي حفله عائليه وبلاها كل هالقصه اسيا بدلع: لا والله ..ابي اتزوج بالسعودي احس حركات خالد يضحك: وش الحركات وش الجديد اصلأ ..لوماكنت بتزوجك انتي بالذات ماكنت حسيت انه راح يكون يوم مميز بحياتي وانتي كنك تبين تتزوجين المملكه مهوب انا اسيا بهدوء: زعلت؟ خالد يبرطم ويهز راسها بالأيجاب اسيا: لا خلود امانه لاتزئل خالد: اسمها تزعل بعدين زعلان راضيني اسيا: وكيف اراضيك؟ خالد: بوسي خدي اسيا والي حمرت خدودها : مستحيل خالد بنبره جاده: طيب اجل ماراح اتغدا وبجلس بالجوع اسيا مستغربه: من جدك خالد: ايه كلها بوسه ع الخد وحلال ليه مستكثرتها علي اسيا والي حست انه بجد زعلان قربت منه وباست خده وهي منحرجه مره خالد مبسوط: آح وناسه بس تصدقين ماكنت زعلان كنت امزح مادريت بتضبط اسيا بقهر: خالد ماحبك خالد يضحك: وانا اموت فيك : يتبع.., |
|
|
#144 |
|
|
رد: روايهـ في غااية الرووعهـ(سما غابة الأوهام)
القاهره الساعه 2 الظهر..
دخلت الحمام وانتم بكرامه ودقت على رنا .. اول ماسمعت صوتها قالتها بسرعه: الو رنا فينك اولتي لي حتيجي دنا بستناك رنا: مأدرتش بس كلمتهم بالعياده حيعملهالك بكره لكن دا طالب مبلغ جامد سما: حديلو الي هو عاوزو بس محمد هنا اعمل ايه مش راضي يسبني رنا: خلاص انا حاجي ابات عندك اليله وابئي اوليلو يروح سما : طيب اتفئنا بعد ماقفلت طلعت تمشي للصاله بهدوء.. محمد الي كان نايم ع الكنبه صحى على صوت خطواتها الهادئه وفز من مكانه بسرعه : ليه تقومين من فراشك سما تناظره: لهالدرجه نومك خفيف محمد يتبسم: لا بس نايم وانا قلبي عندك وكل شوي اصحى سما بخجل: تعبتك معي محمد : لاتعب ولاشي عيوني لك ولاتغيرين الموضوع ليه تقومين من فراشك سما: زهقت محمد ابي اشوف الشارع محمد يفكر: طيب نطلع بس ماتنزلين من السياره نلف بالسياره وبس سما مبسوطه : اتفقنا بعد ماطلعو كانت تراقب الشوارع وبداخلها حزن كبير ماتدري يمكن بكره تموت وهي تسوي عملية الأجهاض ويمكن بأي لحظه تخسر محمد .. بوسط صمتهم وبكل هدوء وحنان بدت تغني بصوتها الحلو: حبيبي انا قبل ماشوفك والقى اماني واحبك وانسى احزاني .. كان الحب في حياتي ياحياتي خوف والم خوف والم محمد يناظرها وهو مبسوط وداخل جو مع صوتها الهادىء.. سما تغني بحب وهي تناظره: لكن انت ياعمري غير طبعاً ياحبيبي غير ..احساسك خلا الدنيا وشكل الدنيا بعيني غير..هيهات انا اهوى ياعمري واعشق غيرك هيهات ..هيهات اعشق هيهات او افكر ابعد عنك هيهات .. ناظرت فيه وقالتها بحب: احبك محمد محمد مبسوط: وانا بعد احبك ماتصورين لأي درجه سما تضبط جلستها وتناظره وتغني بحب: خذني لدنيا اجمل دنيا وحدك فيها ومافي سواك وردها حبك عطرها قربك شمسها انت وضلها هواك .. اثبت للناس الغير انك ياحبيبي غير احساسك خلا الدنيا وشكل الدنيا بعيني غير.... اغنية طبعاً غير(نبيل شعيل) محمد يناظرها بحب: سما صوتك مره حلوه سما تضحك: لاعاد مو لدرجة حلو محمد: اقسم بالله شي رهيب سما: عشانك تحبني اكيد راح تسمع صوتي حلو محمد يناظرها: تقولين مالك بالأغاني اشوفك تغنين ازين من اصاله نصري وش السالفه سما بهدوء: كنت اسمع قبل تعرف مراهقه وحركات لكن اول مابديت احفظ القرآن بطلت الاغاني نهائياً .. عرفت انها تافهه جداً وفوق ذا كله حرام .. تصدق كل ماكنت احفظ سوره زياده من سور القرآن احس براحه غريبه واستغرب وشلون فيه ناس بقلبهم ايمان لما تضيق فيهم الدنيا يسمعون اغاني .. كلام الله سبحانه وتعالى موجود ويريح القلب ويدخل له الطمأنينه محمد يتبسم: والله انك صادقه انا عاد مو من الي يسمعون الاغاني ادمان يعني لا بس مرات يعني حسب مزاجي سما: طيب كويس اهم شي انك مو مدمن محمد : هالحين انتي حافظه القرآن؟ سما تتبسم: ايه الحمد لله .. محمد يهز راسه بالأيجاب: ماشاء الله .. الله يكملك بالهدايه سما تناظره بنص عين: احسك تقصد الحجاب محمد: انا مادري ليه فالتها كذا وعادي سما بحب: اوعدك اتحجب وبأقرب وقت ان شاء الله محمد: اتمنى هالشي .. بعد مارجعو البيت اقنعت محمد يرجع شقته وقالت له ان رنا بتجي تنام عندها.. ماجاها نوم طول اليل تتقلب وخايفه ماتدري وش بيواجهها بكره .. الساعه 8 الصبح كانت لابسه وجاهزه وتستعجل رنا: يالا يارنا بسرعه انا على اعصابي مانمتش كويس رنا تضبط شعرها: يالا بينا سما تناظرها: انا مش أدره اسوء رنا تاخذ المفتاح :طيب يالا اول ماوصلو للعياده بدا يزيد توترها المكان كان مخيف وقديم .. كل الوجيه الي كانت تناظرها كانت تزيد خوفها وارتباكها .. المرض يناظرها: مين حظرتك رنا بسرعه: احنا عندنا معاد دي سما المرض : ايوه اتفضلو اول مادخلت على الغرفه الصغيره والغير مجهزه كان باين عليها قديمه ناظرت بالمقصات والملاقط وقالتها بخوف: هنا بسوي العمليه الدكتور والي كان ضخم وشكله مايطمن: ايوه ياحبيبتي سما ركض برى الغرفه بخوف وقالتها بصوت عالي: يالا يارنا انا مش حعمل العمليه ركبو السياره و كانت سما تبكي منهاره وتسوق السياره بسرعه: مأدرتش الدكتورشكلو بيخوف والمكان مريب دنا لو عملتها هناك حموت رنا تناظر بالشارع: طيب حنروح على فين سما وهي منهاره : حشوف محمد يارب اوصلو أبل مايروح شغلو انا محتجالو .. وقفت سيارتها عند العماره الي فيها شقة محمد وقالتها وهي تنزل: روحي انتي حجيلك المطعم اخد العربيه رنا وهي تشوف سما المنهاره: حتأدري تطلعي لو حدك سما وهي تبكي: ايوه حأدر دخلت العماره ..طلعت بالمصعد وهي تبكي بألم ماتدري وش تسوي تترك محمد او وش تسوي بهالمصيبه .. اول ماوصلت لشقته طقت الباب كانت تبكي وهي حاسه بحرقه بداخلها اول مافتح الباب وشافته ماقدرت تتمالك نفسها نزلت على رجله وهي تبكي بحسره: تكفى الله يخليك محمد لاتركني انا مالي غيرك ومحتاجتك انا انانيه ادري بس احبك محمد نزل لمستواها بعد شعرها عن عينها مسح دموعها وهو مستغرب: وش فيك قلبي ..كان يناظرها وهي منهاره مسكها من يدها وساعدها توقف وقالها بحنان: تعالي داخل بعد ماجلسو ع الكنب ناظرها بخوف: سما وش فيك سما وهي تبكي : تعبانه محمد مادري شسوي محمد: علميني وش متعبك انا بساعدك بعدين ليه تطلعين من البيت وانتي تعبانه سما وهي تبكي : فقدتك حسيت اني محتاجتلك محمد يناظرها : سما علميني وش مضايقك لهالدرجه سما وهي تبكي: انا عندي مشكله ماقد اقول لك عليها هالحين عندي اسبابي محمد: بس انا لازم اعرف حبيبتي وش فيها سما: بقولك بالوقت المناسب ..سكت وقالتها بحزن: محمد لاتركني محمد بحب: ماراح اترك حبيبتي مهما كان ومهما صار سما والي حست بتعب: محمد انا تعبانه وسيارتي عند رنا محمد : خلاص قلبي دقيقه ابدل ملابسي واجي اوصلك وماراح اترك شوفي تركتك وش صار لك بالسياره وهم بطريقهم للبيت كانت تناظره وتحس قلبها بيطلع من صدرها وبيروح عنده تحبه لدرجه ماتقدر تتركه ومستحيل تسمح لأي شي مهما كان يفرقهم ..لازم تجيب هالأوراق من عماد مهما كان وبعدها تشوف حل لحملها سما بهدوء: محمد بقدم على اجازه وبرجع السعوديه محمد يناظرها: اجازه كم يعني سما تتبسم: انا محتاجه ارتاح وزواج اختي قرب بحظر الزواج وبرجع محمد: انا قرب يخلص شغلي بمصر وقتها راح ارجع ع السعوديه سما بعد تفكير: تصدق انا تعبت من الغربه وافكر ارجع محمد : بس كذا بشتاق لك ماراح اقدر اشوفك سما بدت تفكر انها لازم تتصرف بحكمه اول شي تتخلص من قصة هشام وبعدها تقول لمحمد انها رايحه السعوديه وبكذا مايقدر يشوفها ..تخبى بأي مكان الى ان تولد وبعدها تتخلص من الطفل .. : : يوم الخميس 4\3\1431 للهجره .. القاعه كانت مزينه بشكل حلو وكأنها احد اجمل غابات العالم .. الموجودات بالقاعه كانوحاسين انهم ركبو على اول طياره وصلو فعلاَ على اجمل غابات العالم .. ابتدائاَ من بوابة القاعه الى الكوشه وطاولات الضيوف كل شي كان مزين بطريقه حلوه حتى جدران القاعه ..الغريب ان القاعه كان فيها مرين للعروس يفصل بين المرين منظر طبيعي مصمم بشكل ساحر.. الضيوف اول مايوصلون القاعه فيه مضيفه تستقبلهم بأبتسامه وتسلمهم هديه مغلفه باوراق الشجر بطريقه رائعه ..وكل ضيفه وحظها الهدايا كانت ساعات ونظرات وعطورات .. وقبل مايوصلون لمدخل القاعه الرئيسي الي راح يكون فيها الحفل فيه مضيفه ثانيه تنتظرهم بجنبها شلال من الشوكلاته وصينيه كبيره من الفراوله .. كل حبة فراوله كانت مثبته بعود خشب والي حابه تغمس الفرواله بشلال الشوكلاته بالشوكلاته .. اثناء تواجد الضيوف بالقاعه تقدم لهم احد المضيفات مشروبات من الفواكه الطبيعيه مقدمه بطريقه استوائيه روعه .. الفكره كان مصممها المصمم بالخارج على احد الحدائق وعملها بالقاعه بطلب من نوف الي اختارتها بعد ماشافت كل تصميماته وعجبتها لأنها فريده من نوعها.. بهالوقت والساعه تشير لل10:3 . كانت سما فوق بجناح العروس مع العروستين ..ناظرت اسيا وقالتها بأبتسامه: هاه اسيا جاهزه اسيا بأرتباك : مادري سما استحي سما : لاتستحين وخلك واثقه بنفسك انتي مثل القمر التفت لنوف وقالتها بحب: هاه نوفتي الحلوه جاهزه نوف تتبسم: ايه جاهزه ومتحمسه بعد سما تضحك: سبحان الله الي يشوفك مايشوف اسيا طلعت من الجناح ونزلت الدرج وبلغتهم ان الزفه راح تبدا .. بعد ماطفت الأنوار وبعد ماعلا صوت الميوزك .. طلعو من بوابة جناح العروس 6بنات ..الدرج كان متشعب ومتصل بقاعده وحده 3 بنات نزلو من الدرج الي ع اليمين و3 نزلو من الدرج الي ع اليسار..كانو لابسين لبس هاواي وكل وحده مسكه بسله كبيره بيدها اول ماوصلو لنهاية الدرج بدو يلفون ع المعازيم ويوزعون عليهم نوع فاخر من الشوكلاته متوسط الحجم بداخل سله حلوه ومكتوب على كل سله اسماء المعاريس.. بهالوقت علا صوت الشعر الي كان يحمل اسم نوف .. اقبلت على الناس بأبتسامه كانت حلوه مره والكل راقبها بأعجاب ..وقفت عند اول درجه بالدرج الي ع اليمين .. بدأ الشعر الي يحمل اسم اسيا بالوقت الي اقبلت على الناس بنظره خجوله كانت ناعمه وجميله ..وقفت عند اول درجه بالدرج الي ع اليسار.. وبعد مابدت زفة راشد الماجد الي مصممه خصيصاً لهم ..بدو العروستين ينزلون الدرج بكل رقه ونعومه ..بعد مانزلو الدرج مشت كل عروس للمر الخاص فيها وهنا بدت زفة الجسمي الي مشو عليها بكل نعومه لأخر المر .. الكل كان منبهر ويناظر بتركيز كانت طريقه حلوه وجديده لزفة عروستين بوقت واحد.. بعد ماجلسو ع الكوشه اشتغلت انوار القاعه وعلا صوت المطربه احلام الي كانت تغني بحماس.. بهالوقت تقدمت مي بسرعه لسما وضمتها بحب : ياربي وحشتيني قسم بالله سما تصارخ : انتي اكثر والله فقدتك ياروحي مي تناظرها ومو مصدقه: ياعمري بس تصدقين سمنانه شوي سما مسحت على بطنها وقالتها بأرتباك: هناك بمصر طول الوقت اكل شسوي مي تسحبها من يدها : طيب تعالي نرقص كانت ترقص وهي تراقب نوف واسيا تتبسم لهم بحب ...تمنالهم السعاده وبنفس الوقت تتمنى لو انها مكانهم بفستانها الأبيض تنتظر عريسها محمد لكن بوضعها هذا بدري على تحقيق الأحلام : : الساعه 1 صباحاً .. وبأحد افخم فنادق الخبر .. جلس بجنبها وناظرها وهي مستحيه ومنزله راسها وقالها بكل حب: تصدقين انا فرحان مره اول مره احس بهالسعاده انا بجد محظوظ بوجودك معي.. خالد يراقبها : يعني ماراح تنطقين بكلمه اسيا بخجل: وش اقول خالد يفكر: قولي احبك قول انك فرحانه مثلي قولي اي شي اسيا : انت تدري اني احبك خالد كان مبسوط يراقب المكان هالغرفه الي تقفلت عليهم وجودهم لحالهم الوضع كان غريب بالنسبه له وهالحظه مختلفه طول عمره تتقفل عليه غرف مع بنات البعض برضاهم والبعض مغصوبين .. لكن هالمره غير كل شي حلال ومافيه شي غلط ..هالبنت له ملكه حلاله وبدون مايرتكب اي اغلاط.. حس بجد ان هالحظه لها طعم ثاني وكل الي كان يسويه ماله اي طعم : بالغرفه المقابله .. بعد مابدلت ملابسها جلست ع السرير وهي تراقبه بخوف ..كان هادي وساكت ..هدوئه زاد خوفها وحسها ان العاصفه راح تكون قويه سعود بدون لايناظرها وبنبره جاده: وين صور اختي نوف بأرتباك : بالبيت ماجبتهم سعود : هالحين تبين تقنعيني انك جايبه كل شي الا هالصور نوف : ايه المومري اعطيتها امي خفت ع الصور الي فيها سعود بأستخفاف: لا بنت سنعه صراحه ..وقف وقالها بكل عصبيه: بكره قبل موعد الطياره تروحين بيتكم وتجيبين هالمومري مفهوم نوف بهدوء: مفهوم بدل ملابسه تلحف ونام ..كانت تراقبه كل شوي الى ان تأكدت انه فعلاً نام راحت للحما وانتم بكرامه ودقت على اثير اثير بحماس: هلا بالعروس نوف: اي عروس اي زفت اخوك يبي الصور اثير: قلت لك يبي يطلبهم نوف: المهم اسمعي يبيني اروح بكره قبل موعد الطياره اجيب المومري الي فيها الصور انتي تعالي على اساس تودعيني وراح اصورك اثير: اعترفي له انه مافيه صور وانك هدتيني كذب نوف بسرعه: مهبوله انتي تبينه يذبحني سوي الي قلت لك عليه اثير : طيب : : الساعه 1:30 صباحاً ..بيت ابو خالد.. منسدحه على فراشها وتضحك: لا والله هو قالك كذا محمد: اي والله بعدين ماتلاحظين شي سما: وشو محمد: ماقلتي لي اشتقت لك او احبك او اي شي سما : احبك واشتقت لك وانت تدري من غير ماقول محمد: ايه ادري بس حتى ولو تعرفين واحد مشتاق لحبيبته محتاج يسمع هالكلام سما : طيب خلاص اسمعك من هالكلام كثير محمد: اقول عن البربره وارجعي مصر والله اشتقت لك سما : طيارتي بكره محمد بعد ماجلس: احلفي سما تضحك: والله محمد : اي ساعه ليه ماقلتي لي سما : كنت بسويها مفاجأه محمد بسرعه: قولي يالا اي ساعه بجيك المطار سما: نو محمد: يالا سما سما : مستحيل ماراح اقول لك غير لما اوصل محمد: مهوب على كيفك سما: طيب نشوف على كيف مين محمد: ازعل؟ سما: لاعاد كله ولازعلك طيارتي الصبح الساعه 8 محمد : شفتي انه مهوب على كيفك سما بقهر: مالت عليك بعدين انت عندك دوام ورنا بتجي تاخذني محمد: طيب وانا سما : نتغدا سوا وش رايك محمد مبسوط: موافق : : الشرقيه ..الساعه 11 الظهر.. اول ماوصلت بيت ابو خالد شافت سعود واقف مسند جسمه على سيارته.. اثير بأرتباك: نوف قالت لي انها هنا قلت اودعها سعود: من زينها تودعينها ..بعد مامشى قالها برود: مصدقين بسافر مع هالحقيره .. بعد مادخلت البيت قالتها بخوف: ياربي كنت بموت من الخوف لما شفته نوف: شايفه وتقولين لي اعترفي له اثير: يالا بسرعه راحت معها للمجلس وصورتها 3 صور شالت المومري من الجهاز وبعد مالبسو عباياتهم طلعو لسعود الي واقف برى .. سعود يناظر اثير: تعالي انا بوصلك اثير : طيب سعود يناظر نوف: انتي انقلعي ورى واثير تجلس بجنبي نوف بهدوء:طيب بعد ماحرك السياره قالها بهدوء : حطي المومري بشوف الصور نوف: طيب اثير تناظر بالطريق: سعود وين ماخذني البيت مو من هنا سعود بعصبيه: تعالي سوقي بدالي احسن اثير بهدوء: اسفه وقف السياره عند عماره وقالها بعد ماطفى السياره : انزلو نزلو معاه كانو يمشون وراه واهم مستغربين فتح باب الشقه الي كانت فخمه نوعاً ما .. وبعد ماقفل الباب قالها بنبره مخيفه: وين الصور ماشفت شي نوف تعطيه الجوال : هذي الصور ناظر بالشاشه وبعد ماشاف الثلاث صور راح لتفاصيل الصور وقالها بنبرة سخريه: سبحان الله تاريخ انشاء الصوره اليوم تصدقون نوف واثير وضح عليهم الأرتباك .. سعود يصارخ: اثير افتحي عبايتك اثير بخوف: ليه سعود يصارخ: افتحيها اثير فتحت عبايتها ..قرب منها وشدها بقوه من شعرها وقالها بعصبيه: تلعبين فيني نفس الملابس مصورين الصوره اليوم ؟ اثير: لا نفس الملابس سعود يصارخ: انطمي ولاتكذبين اكثر انا سمعت هالحقيره تكلمك البارح ..تستغفليني ياثير ليه لهالدرجه حاقده علي.. رماها ع الأرض وقالها بصوت عالي : انتي تدرين وش سويتي فيني دمرتيني ع الاخر مشكوره ياختي ..انا هالحيوانه على وصاختها مانشرت صورها وانتي بكل سهوله اجبرتيني اتزوجها ..تدرين وشو هالحقيره وحده تافهه مريضه مافيه رجال مالمسها .. تدرين وش الصور الي كانت معي مقاطع وصخه لها مع سواقهم شايفه وش زوجتيني ماقصرتي صراحه نوف كانت منزله راسها وتبكي..يدينها ترجف وحاسه انها مو قادره تتنفس قرب منها وضربه بقوه على وجهها وقالها بعصبيه: لاتبكين ياحيوانه حتى دموع التماسيح ماتناسبك .. سحبها بقوه ورماها بغرفه فاضيه مافيها غير سرير حديدي : خليك هنا زي الكلبه تبين تتزوجين خلاص هذا مكانك عندي ..حط جوالها ع الأرض وداس عليه اكثرمن مره الى ان تكسر وبعدها شاله ورماه برى الغرفه وقالها بقهر: من اليوم جوال مافيه وبكلم اهلك وبقول لهم اننا سافرنا وكل شي تمام نوف وهي تبكي : حرام عليك خلاص طلقني وتنتهي السالفه سعود يضحك بهستيريا: هذا الي تبين توصلين له بس نجوم السما اقرب لك اثير دخلت الغرفه وهي تبكي: سعود لو سمحت ابي دقيقه لحالنا بكلمها سعود: عندك دقيقه بس اثير بعد ماقفلت الباب ناظرتها بحزن: انا حبيتك وصدقت انك انسانه غير وكنت ابي اساعدك بس انتي ضحكتي علي واستغفلتيني بكل سهوله سلمتك اخوي عشان يغطي عارك وساختك ..انا بجد حسيت اني غبيه ومغفله ..كنت ابي انتقم من سعود الي كان مسبب لي رعب بالبيت من ورى طيشه دايم كان يرجع سكران ويجيني غرفتي يتحرش فيني وهو بدون وعي الين خلاني اكرهه رغم انه مالمسني بس تصدقين سعود على حركاته مايطلع ربع وساختك نوف وهي تبكي : اثير الله يخليك اسمعيني لاتسمحين له يحبسني اثير: انتي الي جبتيه لنفسك فتحت الباب وطلعت بالوقت الي جا سعود وقفل باب الغرفه كانت تسمع صراخ نوف الي تبيهم يفتحون الباب وتحس بحزن كبير ماتوقعت نوف حقيره واستغلاليه كانت تحبها بجد : : القاهره الساعه 12 الظهر وبعد مادخلو شقتها .. سما بعد ماجلست : رنا عاوزاك تشوفيلي حته استخبى فيها لغاية ماولد رنا تناظرها : وحتعملي ايه بعدها سما : حرمي الطفل بأي حته رنا مستغربه: حتعملي كدا ازاي دا ابنك حرام عليك سما بحزن : دا مش ابني دا ابن حرام رنا: طيب أولي للي عمل العمله يمكن يعترف بالطفل سما : مش لما اعرف مين يكون اب الطفل دا رنا مستغربه: ازاي متعرفيش سما بحزن: انا تعرضت لأغتصاب 4 رجاله بنفس اليوم ازاي حعرف انهو واحد فيهم اب للطفل دا والا عوزاني ارفع ئضيه واعمل تحليل دي ان ايه بعدين انا مش فاكره وشوشهم يعني كوني اعرف اب الطفل دا شيء مستحيل رنا والي ماعرفت وش تقول من الصدمه : انا حلئيلك مكان تستخبي فيه سما: متشكره اوي بعد ماطلعت رنا دقت على عماد .. عماد: هلا ياروحي سما : كيفك عماد عماد: انا بخير بس مشتاق لك سما : وانا بعد مشتاقتلك وش رايك نلتقي اليله عماد: خلاص بفلتي انتظرك سما : اوك قفلت وهي تفكر: انا لازم اليله انهي هالموضوع : : الساعه 7 المغرب.. كانت تحس بتعب ..عطشانه وجوعانه ..ومافيها قوه تسوي اي شي .. طقت الباب بيدينها : سعود افتح الباب بعد ماسمعت صوت المفتاح حست بفرح .. فتح الباب وحط صينية الأكل ع الارض وقالها بقرف: اطفحي نوف تبكي: مابي اكل ابي اروح بيتنا سعود يضحك: تحلمين طبعاً طلع وقفل الباب بدون لايسمعها .. حست انها انهارت رمت الصينيه بالي فيها وقالتها بصوت عالي وهي تبكي: حرام عليك ماكفاك الي سويته فيني ..ناظرت لفوق وقالتها بحزن: يارب انت عالم ان توبتي توبه نصوحه واني تغيرت يارب ارحمني برحمتك ماقدر اتحمل الي يسويه سعود فيني : : الساعه 10 مساءً.. كانت جالسه مع عماد بالفيلا حقته .. عماد وهو يتأملها : تدرين سما انا لما اشوفك مادري وش يصير فيني اتحول من انسان قوي الى انسان ضعيف من اسد الى حمل انا ماكنت اتوقع ان البنت الي رسمتها بخيالي راح تقلب كياني لما اشوفها سما تتبسم: انت انسان مختلف ياعماد عماد يتبسم: دايم كلامك محدود معي وكأنك خايفه من شي سما بأرتباك: وش بخاف منه بس هالكلام يربكني خل نسولف بشي ثاني عماد: مثل وشو؟ سما تفكر: سولف عن نفسك عاداتك وشلون تتعامل مع اشيائك الخاصه وش تسوي لما يكون عندك شي مهم عماد بأبتسامه: انتي عارفه عاداتي يعني من الدوام للبيت ومن البيت للدوام اجتماعات عمل ولقائات وغيره ..اشيائي الخاصه مافهمت قصدك بس انا كل شي خاص فيني احب احتفظ فيه لنفسي ولما يكون عندي شي مهم احطه بدرج صغير داخل احد دروجي بالمكتب وهذا مفتاحه مع مفتاح سيارتي مايفارقني دقيقه شايفه الاختراع سما مستغربه: وشلون يعني درج داخل درج عماد يسحبها : تعالي بوريك دخل معها لمكتبه ومسك واحد من الادراج الي ع اليمين نزله ع تحت وحط المفتاح بدرج صغير بداخله وفتحه سما تتبسم: والله اختراع حطت يدها على راسها وقالتها بتعب: تصدق تعبانه وماودي اروح البيت عماد: الفيلا كبيره اعطيك غرفه بحمامها ومفتاحها واعتبري نفسك بفندق والصبح روحي بيتك سما تتبسم: خلاص موافقه ..كانت مبسوطه انه اقترح هالأقتراح عشان تقدر تاخذ الاوراق.. ناظرت بالمفتاح الي تركه مكانه بالدرج حست انها راح توصل لهالاوراق.. بعد مادلها ع الغرفه انسدحت وبدت تراقب الساعه ولما صارت الساعه 12 قالتها بحزم: اكيد نام بروح اخذ هالأوراق وبطلع من هالفيلا.. طلعت من غرفتها ومشت بهدوء دخلت المكتب وهي تحس بنبضات قلبها السريعه جلست وبدت تفتح الدرج بالوقت الي جاها صوته القوي : وش تسوين؟ نهاية الفصل ترقبو بالفصل القادم الحياه بدونك ماتسوى شي وكل يوم يعدي وانت تحبني احس عمري يزيد : قالها بعصبيه: شوفي اقسم بالله العظيم تلعبين بذيلك اعطي ابوك كل شي عندي وهو يحد مصيرك : سعد : ياشيخ لو تقولي بعطيك مليون ماسويتها |
|
|
#145 |
|
|
رد: روايهـ في غااية الرووعهـ(سما غابة الأوهام)
واو
روعه حماس نتظر البارت ياقلبي |
