 |
  |
|
|
|
|
#211 |
|
|
رد: روايهـ في غااية الرووعهـ(سما غابة الأوهام)
مشكوره يا ريمه البراري على المفاجئه **وكليو بترا **ترا حنا راح نتظرج ومب مستعجلين وايد يعني خذي راحتج فديتج
|
|
|
#212 |
|
|
رد: روايهـ في غااية الرووعهـ(سما غابة الأوهام)
 |
|
|
#213 |
|
|
رد: روايهـ في غااية الرووعهـ(سما غابة الأوهام)
روعة حبيبتي الحقينا بالفصل الجديد في اقرب فرصة
|
|
|
#214 |
|
|
رد: روايهـ في غااية الرووعهـ(سما غابة الأوهام)
ده البارت الجديد
واعذريني كليوبترا وفي انتظار تكملة الرواية منك الشرقيه .. الساعه 12 بعد منتصف اليل حس بتعب والنعاس بدا يتملكه صار له اكثر من ساعتين وهو جالس بالسياره قبال العماره ينتظر اتصال نوف .. سعد بيأس: الظاهر هالتعبان ماراح يطلع من البيت بعد ماخلص جملته سمع صوت جواله جواله ..سعد بسرعه: الو نوف: طلع الحين من البيت سعد : طيب بعد ماقفل لبس فردت الشراب ونزل من سيارته بسرعه وهو مسك بعمود خشب وقف يسار الباب .. اول ماطلع سعود ضربه بقوه على راسه .. وبعد ماطاح بدا يفتش جيوبه ..طلع محفظته وفتحها بسرعه واخذ ال4000 الي فيها وقالها بقهر: فلوسي يالتعبان فتش باقي جيوبه وبعد مالقى المفاتيح بدا ينسخهم على قالب عنده .. بعد مانسخهم رجع المفاتيح بمخباة سعود وهرب بسرعه بعد حول نص ساعه صحى سعود وهو حاس بألم براسه حط يده على راسه وبعد ماشاف محفظته ع الأرض اخذها بسرعه وبدا يفتشها وشافها فاضيه ..قالها بقهر: ياربي حرامي سرقني الله ياخذه ياليتني مانزلت بالمبلغ كامل كان لازم اودعه بالبنك بهالساعه .. حط يده بمخباته طلع مفاتيحه ورجع على شقته : : الرياض.. الساعه 12:30 بعد منصف اليل.. دخل الغرفه وهو يسحب شنطة ملابسه فتح الدولاب وبعد مافتح الشنطه بدا يرتب اغراضه سما وقفت بسرعه : انا برتب اغراضك محمد محمد يتبسم: عادي متعود بمصر كنت ارتب اغراضي واغراض سعد لأنه فوضوي سما تضحك: بس هنا انا معك وانا برتب اغراضك محمد : طيب .. ناظر بالسرير الصغير الي نايمه فرح فيه وقالها بهدوء: من وين السرير سما تتبسم: ابوي شراه لبنتي من الشرقيه وبالوقت الي غبت فيه جلست وركبته محمد: اها ..تصدقين تعبان حيل سما : وانا مثلك محمد بعد مامسكها من يدها : تعالي ننام واتركي الاغراض لبكره سما : طيب بعد مانسدح بجنبها بدا يلعب بشعرها وقالها بحنان: تصدقين اني احبك موت سما بهدوء: وانا بعد احبك و.. قطع كلامها صوت فرح الي بدت تبكي محمد بهدوء: سكتي بنتك انا بنام سما بعد ماشالت بنتها: طيب : : الشرقيه ..الساعه 1 الفجر.. كتب رساله وارسلها لنوف : اسمعي نوف بكره اول مايطلع سعود تدقين علي : نوف والي كانت مسكه بالجوال تنتظر اي رساله ..فتحتها بسرعه وكتبت الرد : طيب بس انا خايفه : سعد استغرب لما شاف ردها السريع وكتب لها رد بسرعه : لا تخافين وبعدين خبي الجوال ونامي لا نكشف : نوف والي تبسمت بعد ماقرت كلامه ارسلت له ((طيب)) خبت الجوال بين اغراضها ونامت : : الرياض.. الساعه 3 الظهر .. كانت جالسه بالصاله تسولف مع حنان بالوقت الي سمعت صوت جوالها سما بهدوء: الو محمد: قلبي انا يبي لي 10 دقايق واوصل قومي البسي نبي نروح نتغدا بالمملكه سما: طيب بعد ماقفلت ناظرت بحنان: نبي نروح المملكه تعالي معنا حنان تتبسم: مشكوره نواف نايم ماقدر بعدين انبسطو انتو سما : طيب حنان بسرعه: سما فرح نايمه صح سما بهدوء: ايه حنان تتبسم: خلاص لاتاخذينها معك ماراح تتحمل الأزعاج انا لما تصحى راح اعطيها رضعتها سما تتبسم : طيب بدلت ملابسها بسرعه وبعد مالبست عبايتها دق عليها محمد .. طلعت بسرعه وبعد ماركبت السياره ناظر فيها: وين بنتك سما بهدوء: بنتي اسمها فرح بعدين نايمه واختك قالت لي لاتاخذينها معك ماتتحمل ازعاج وحنا ماراح نتأخر صح؟ محمد: صح بعد مامشى بدت تناظر بالشوارع والزحمه كل شي مختلف بالرياض ..جوها وزحمتها حتى مبانيها كانت تحس بأنها بمكان مو مكانها .. بعد ماعدو الكبري الثاني ناظرت بمحمد: كل مكان فيه كبري؟ محمد يضحك: ايه كل ماتمشين خطوه تلاقين كبري بعد ماوصلو المملكه دخلو من البوابه الي بالمواقف للمصعد .. سما وهي تناظره: المملكه فندق والا لا محمد: الا بس فيه قسم منه سوق سما : اها بعد مانفتح باب المصعد بدت تناظر بالمكان كان مثل المجمع الصغير او سوق حره بمطار .. راحو لقسم المطاعم الي كان ع اليمين .. محمد وهو يناظرها: وش تبين تاكلين سما: مادري اي شي محمد: طيب طلب لها وجبه رز مع كاري دجاج وطلب له نفس الوجبه .. بعد مامسك الصينيه : يالا نروح قسم العوايل .. جلسو بقسم العوايل الي كان هادىء نوعاً ما ومافيه زحمه .. سما بعد مابلعت القمه الي بفمها: محمد ماتخاف يشوفك احد من معارفك معي محمد يفكر: معارف مثل مين ابوي وامي مايجون هالأماكن ولا اخواني سما تهز راسها بالأيجاب: اها بعد ماخلصو غداهم توجهو للمصعد الي يوصلهم للجسر العالي بالمملكه سما وهي تناظر بالسكرتي الي طالع معاهم والمصعد الي تحسه ارتفع كثير بدت تخاف مسكت محمد وقالتها بخوف: انا خايفه محمد يضحك: لاتصيرين جبانه ابيك تشوفين الرياض كلها سما والي موقادره تخفي خوفها: طيب بعد مانفتح باب المصعد تقدم محمد وهو يسحبها من يدها كانت تمشي خطوه تجر الثانيه محمد يناظرها: قلبي شفيك سما بخوف: محمد بلاها انا اخاف من الأماكن المرتفعه محمد يسحبها : اقول تعالي لاتصيرين خوافه سما تقدمت معاه بهدوء كانو مصعدين مقابلين بعض يتجهو يمين عشان يمشون بالجسر الي كانت جدرانه اليمين واليسار من الزجاج ..الزجاج كان مقسم بفواصل ..ويحيطه سور من الحديد .. محمد تقدم للزجا وهو مسك يدها وبعد مامسك السور الحديد قالها بأبتسامه: يالا ناظري هالمشهد سما بعد مامسكت السور الحديد ناظر المباني الي باينه صغيره نوعاً ما من الأرتفاع حست بكل شي يدور وفقدت توازنها فجأه محمد لف يده ورى ظهرها بسرعه وقالها بخوف: سما شفيك سما وهي حاطه يدها على راسها: مادري حسيت بدوخه محمد : لا الظاهر انك بجد ماتقدرين ع الاماكن المرتفعه يالا نمشي سما وهي تمشي معه بهدوء: طيب : : الشرقيه ..الساعه 6 المغرب جاه اتصالها .. سعد بحماس: الو نوف: طلع من البيت سعد: طيب طيب حرك سيارته بسرعه وتوجه لشقة سعود ..جرب اول مفتاح .. وثاني مفتح وفتح الشقه ..توجه بسرعه لغرفة نوف وحط المفتاح الاول .. اول ماسمعت صوت المفتاح حست بخوف بعد مانفتح الباب وشافت سعد صارت تناظره بأستغراب سعد بسرعه: يالا قومي بسرعه وين عبايتك نوف تقوم بسرعه وهي مو مستعوبه الموضوع : عبايتي هنا .. لبست عبايتها بسرعه وطلعت مع سعد الي قفل الباب بسرعه ..ركض معها للسياره وبعد ماركبت بعد السياره مسافه بسيطه عن العماره .. سعد بهدوء: اسمعي انا راح انزل وانتي قفلي السياره ونزلي الكرسي وانتظريني الين ارجع طيب نوف بخوف: انا خايفه سعد : لاتخافين انا بعلمك فيه هالتعبان ..اخذ غرشه كبيره من سيارته وراح بسرعه لشقة سعود .. سحب شنطة نوف للصاله وبدا يرش المويه بكل غرفه وحتى بالمطبخ وترك الصاله الي توصله للشرفه .. اول ماسمع صوت المفتاح اخذ عصاه الخشبيه وقف ورى الباب اول مادخل سعود ضربه بقوه .. بعد ماطاح ناظر فيه بحقد: ياليتك تموت نزل لمستواه بسرعه شال التي شرت وشال بنطلونه ربط يدينه ورجلينه وسحبه للشرفه حطه عند السور وبدا يلف الحبل حول خصره والسور وبعدها رفعه للجه الخارجيه من السور وشد الحبل بقوه وربطه بأحكام بحيث يصير جسمه للخارج .. راح جاب كاس مويه وصفق المويه بقوه على وجه سعود .. صحى وبدا يصارخ من المنظر سعد يناظره: لاتصارخ وتلم الناس عليك خصوصاً وانك بدون ملابس سعود يناظر سعد وهو مذعور : مين انت وش تبي ليه مسوي فيني كذا سعود: ابد ابي اعلمك ان كشف عورات الناس ماهي شطاره وان الي يفضح شي الله ساتره يجي له يوم ينفضح عشان تبطل ياحيوان تعرض حرمتك للناس ياعديم الشرف رفع الغرشه ورش منها على الحبل سعود والي شم الريحه: وش هذا بنزين؟ سعد: الحين تعرف وش هذا .. انا راح احرق الغرفه الأولى وان شاء الله الحريق راح يوصلك وتموت متفحم وبدون ملابس سعود يصارخ: لا لا مابي اموت تكفى الله يخليك نزلني واسوي لك الي تبيه سعد : تطلقها سعود: بطلقها بطلقها سعد: والفيديو الي تهددها فيه تجيبه سعود وهو خايف من الارتفاع: ماعندي فيديو والله ماعندي اعطيتها كل شي انا كنت اهددها كذب وهي صدقتني سعد: يعني انت ماعندك شي سعود وهو مذعور: والله والله ماعندي سعد يضحك: طيب شف انا عشاني اخاف ربي ماراح احرق المكان لكن ماراح انزلك خلك كذا معلق واجلس صارخ الين يجي من يساعدك واكيد فيه ناس ملقوفه راح تصورك وتشوف المقاطع بعدين بالأنترنت عاد بعدها علمني وشلون احساسك وانت مفضوح بين الناس وعلى فكره انا اول واحد صورتك والمقطع جنان ..الطلاق يتم بأسرع وقت والا صدقني بسود عيشتك خلص كلامه ومشى سعود وهو يصارخ: لالالالالالالالا تعال نزلني حرام عليك سعد يتفل عليه: انت الي حرام فيك الرجوله ياتعبان نزل بسرعه وراح لنوف السياره بعد ماطق ع الدريشه حست بخوف ناظرته وفتحت الابواب بسرعه سعد بعد مافتح الباب الي ورى حط شنطتها .. ركب بمكانه وناظرها : خلاص بوديك بيت اهلك وهو بيطلقك بأقرب فرصه نوف مبسوطه: من جدك سعد: اي والله نوف: الله يسعدك دنيا واخرى ويوفقك سعد يناظرها بحب : الا ماقلتي لي وش اسمك نوف : اسمي نوف سعد: عاشت الاسامي وانا سعد نوف: ادري انت مخزن الرقم بأسمك سعد بعد تردد: نوف انا احبك يمكن تقولين وش هالمهبول المتسرع او تقولين ماصدق شاف بنت لا انا شفت بنات كثير فوق ماتصورين وبجد ودي اتزوج بس ماصار وحبيت وكنت دايم اقول ماراح اتزوج غير لما احب البنت الي احبها هي الي راح تصير زوجتي لما شفتك مادري وش صار فيني حسيت بمغص والم بصدري وحسيت قلبي ينبض بقوه بعدها فهمت انه حب انا بجد وبدون ماطول السوالف ابي اتزوجك نوف تناظره: تتزوج وحده مثلي انت ماتدري قبل وش صار لي سعد بسرعه: مايهمني وش صار لك انا من هالحظه ابتدا عمرك بالنسبه لي كل شي قبل مايهم يهمني الي جاي نوف انا حبيتك اقسم بالله ومابي اضيع هالحب من يدي انا كنت انتظرك من زمان نوف تفكر: لكن سعد: قدامنا فرصه تخلص عدتك بعد الطلاق بعدها تكونين اخذتي قرارك نوف : طيب بعد ماتحرك سعد بدت تتأمل الشوارع وهي تفكر مافيه فرق بين الأسمين غير حرف واحد لكن هالحرف خلق فارق كبير بالشخصيتين ماتدري ان كان سعد هو بدايه لحياه حلوه والا لا ماتقدر تفكر بأي خطوه ودها ترتاح لكن حاسه ان وجوده دليل على ان الحياه راح تضحك لها اخيراً مراسبوع سريع .. سعود طلق نوف وكان طول الوقت يسمع كلمات السخريه من الي حوله خصوصاً وان واحد من اخوياه هو الي انقذه بعد ما استعان بكم واحد السبب الي ساهم بنشر فضيحته .. : نوف كانت تطلب من سعد يصبر عليها شوي ويقدر انها للحين بصدمه لكنه ماكان عنده صبر كان يرسل باليوم اكثر من 10 رسايل ويدق عليها اكثر من 40 مره ومهما كانت تحاول تتهرب منه ماتقدر لأنه ناشب لها وبعنف : يوم الأربعاء .. الرياض الساعه 2 الظهر .. كانت بالمطبخ مع حنان الي جالسه تعلمها الطبخ.. سما تناظرها : تصدقين احس الهندسه اسهل بكثير من الطبخ حنان تضحك: لاشدعوه صدقيني فتره وتلاقين نفسك طباخه سما: ياليت والله .. محمد يحب الاكل حنان: خلاص انا بعلمك سما: احس مافيه امل اتعلم بهالوقت دخل محمد : وش تسون حنان: اعلم سما تطبخ محمد:اها طيب انا بدل ملابسي وبطلع معزوم ع الغدا عند واحد من الشباب سما ناظرته بعد مامشى وقالتها بسرعه : حنان دقايق وراجعه حنان : طيب راحت بسرعه للغرفه وبعد مادخلت قالتها بعد تردد: محمد متى راح ترجع محمد: مادري ليه؟ سما: مادري شفيك بارد معي ترجع من دوامك الساعه 4 تجلس ع التلفزيون والساعه 6 تنام وتصحى 6 الصبح تروح دوامك محمد برود: انتي عارفه اني انام كثير سما: ايه بس من عرفتك مانمت هالنوم كله محمد: شسوي تعبان وانتي مشغوله بنتك سما بقهر: لاتقول بنتك محمد: طيب فرح ولاتزعلين سما بحزن: محمد ليه تكلمني كذا ماتبيني محمد قرب منها وباس جبينها: الا ابيك وش هالكلام بس انا متوتر حبتين الوضع غريب علي سما: طيب قولي متى بترجع محمد: يعني حول 8 سما : طيب محمد: طيب ممكن تخليني شوي بدل ملابسي سما : طيب نزلت المطبخ لحنان وبعد تردد قالتها بخجل: حنان انا يعني اليوم حنان تناظرها وهي تضحك: وش فيك متوهقه سما وجهها احمر: يعني اليوم خلصت الأربعين الي بعد الولاده حنان تغمز لها: اها خلاص خلي فرح معي اليله سما: لا وش اليل بطوله يعني كم ساعه وبجي اخذها حنان: طيب من عيوني سما تبوسها على خدها بحماس: تسلم عيونك حنان تناظرها: تصدقين سما وربي اني حبيتك مليتي علي وحدتي سما: وانا بعد حبيتك بس شسوي راح نترك ونروح حنان: الله المعين : : الشرقيه .. الساعه 7 المغرب .. دخلت غرفتها وسمعت نغمة الجوال على اخرها ..قربت من الجوال وناظرت الشاشه 30 مكالمه لم يرد عليها .. نوف تتبسم: ياربي سعد معقوله لهالدرجه تحبني دق الجوال للمره 31 .. نوف بهدوء: الو سعد بسرعه: حرام عليك كم مره دقيت عليك نوف: وانا قلت لك لاتدق مابي اكلمك بالجوال سعد: ليه طيب وانتي راح تصيرين زوجتي قريب نوف: ومين قالك ابي اتزوجك سعد بحزن: ترفضيني يانوف وش فيني ماتبيني نوف بهدوء: ياسعد افهمني الله يخليك اتركني فتره افكر وارتاح واراجع حساباتي انا مو قادره افكر والسبب انت سعد : لاتفكرين وافقي وبس والله بخليك تنسين كل شي صار وبعيشك ملكه انتي البنت الي انا حبيتها تدرين هذا وش معناه نوف: سعد الحب مو كل شي بكره هالحب يزول وتبقى الذكريات السيئه سعد بقهر: ياليل اي ذكريات اقولك عمرك بالنسبه لي يوم الي عرفت اسمك تقولين ذكريات مامداني اجمع ذكريات معك اساساً نوف: سعد اذا تكمل على كذا برجع لرقمي القديم وانت ماتعرفه سعد: فصلوه انتي قلتي نوف تضحك: طيب بطلع رقم جديد سعد: بجيبه ان شاء الله اقول لأختي تزور اختك وتسرق جوالها المهم اجيبه نوف تتنهد: طيب والحل سعد: الحل تقولين لي ياسعد انا احبك وبتزوجك نوف: اكذب يعني ؟ سعد: طيب لاتحبيني تزوجيني زواج تقليدي نوف: وين التلقيدي وانت كل يوم تكلمني سعد: تبين تقليدي خلاص ماعاد ادق بس قولي بتزوجيني عطيني كلمه نوف بنبرة ترجي: سعد الله يخليك تكفى خليني اصحى من صدمتي وافكر زين سعد بتذمر: طيب خلاص بخليك لين بكره نوف: لا وش بكره ع الاقل اسبوع سعد : الاسبوع ذا بأحلامك ياحلوه نوف والي قربت تبكي: طيب ياسيد نشبه سعد: طيب ياحبيبتي ياحلى نوفه : : الرياض الساعه 8:15 مساءً.. لبست الحلق الفضي المدور .. اخذت عطرها وبدت ترشه بفستانها الاسود وبشعرها .. اخذت جوالها ودقت على محمد.. محمد بهدوء: الو سما: وينك محمد بعد مافتح باب الغرفه: انا ه.. سكت لما شافها وبدا يناظرها بذهول كانت حلوه لدرجه ماقدر يتكلم وحس بأنفاسه بدت تتقطع فستانها الاسود القصير الي بدون كموم شعرها المنساب مكياجها الناعم وريحة عطرها الي بكل مكان .. محمد والي حس انه راح ينهار: وش صاير سما: ابد خلصت الاربعين قلت اتزين لزوجي حبيبي محمد والي بدا يتلعثم بالكلام: هاه وش قلتي سما بعد ماقربت منه: محمد انا احبك محمد بعد مامر اصابعه بشعرها : انا بعد احبك ماقدر يسيطر على نفسه يحبها بجد من كل قلبه وكان ينتظر هالحظه من زمان تجاهل كل مشاعر الأنكسار الي بداخله وقرب لها وهو حاس بحبها الكبير بداخله حاس انه فقد كل تفكيره ومو حاس غير بوجودها جنبه : : بعد مرور اسبوعين .. الأحد..8\11\ 1431 للهجره.. الشرقيه .. الساعه 3:30 العصر.. سعد بقهر: شوفي تراك زودتيها من جد نوف: انا مادري انت ليه معصب العده باقي كثير وتنتهي وش تستفيد من الكلام سعد: مالك دخل وش استفيد جاوبيني وريحيني يابنت الناس انا احس بيجيني القلب نوف: بسم الله عليك سعد مبسوط: تخافين علي نوف:........ سعد مقهور: طيب لاتردين بس قولي بتزوجيني اجيب اهلي ؟ نوف: اي اهل والعده ياسعد سعد: طيب بصبر بس ابي جواب عشان احس صبري له داعي نوف: ايه سعد بحماس: ايه وشو نوف: موافقه سعد مبسوط: موافقه على وشو قوليها بصراحه نوف: موافقه اتزوجك سعد يصفق: ياسلام بتزوج عن حب اخيراُ نوف: هذا الي هامك بس ؟ خلاص مو موافقه سعد بسرعه: لالا وربي لا بس يعني متحمس اقول اي كلام : : الرياض ..الساعه 4 العصر.. دخل البيت وهو معصب ناظر بحنان الي جالسه بالصاله : سما وين حنان : بغرفتها طلع الغرفه بسرعه وبعد مافتح الباب ناظر فيها وقالها بكل عصبيه: كم مره دقيت عليك سما بهدوء: ماشفت الجوال محمد بصوت عالي: طبعاً مشغوله وماتقولين فيه حمار يمكن يدق علي سما : محمد وش هالكلام انا كنت اغير للبنت محمد بقهر: البنت البنت البنت صدعتي راسي بنتك سما بحزن : محمد ليه تكلمني كذا يعني لو كانت بنتي بجد بنتك كنت بتسوي كذا؟ محمد بقهر: مادري سما انا مو قادر اتحمل الوضع انا بنفجر صاير عصبي سما بهدوء: طيب وش اسوي محمد: لاتسوين شي انا خلاص ماعاد اتحمل حنا لازم نفصل انا بطلقك سما تناظره : وش قلت نهاية الفصل.. ترقبوا بالفصل القادم .. ياربي انا كم مره اشرح هالموضوع انت شكلك ماتفهم انت وياه : لا مستحيل شوفي لك شي ثاني تحيتي وتقديري للجميع |
|
|
#215 |
|
|
رد: روايهـ في غااية الرووعهـ(سما غابة الأوهام)
مشكوره
|
