 |
  |
|
|
|
|
#151 | |
|
|
اقتباس:
ومشكوره يالغلا والبارت نزلته الروائيه امس وكان عندي اختبار امس واليوم وتوني داخله اليوم فاعذروني والله مو بيدي وانشالله البارت القادم راح انزله ع التايم |
|
|
|
#152 |
|
|
رد: روايهـ في غااية الرووعهـ(سما غابة الأوهام)
بعد أدنك اختي الغالية كيلو بترا .....عرفت انك مشغوله بالامتحانات
وانا عارفه ان الناس على نار تنتظر البارت فانزلتا عنك ............................ القاهره .. الساعه 7 المغرب.. اول ماشاف السرير الي طالع من الغرفه ..فز من مكانه ومسك السرير وبدا يناظرها .. كانت تناظره والتعب باين عليها ..رغم كل شي تبسم بوجهها كان وده يحسها بالأمان حتى لو كان داخله مكسور.. بعد ماوصلت لغرفتها قرب كرسي وجلس بجنبها .. سما وهي تتكلم بصعوبه: أن ا م ا خ ن ت ك محمد بهدوء: اش انتي للحين تعبانه لاتكلمين سما والي كانت بجد مافيها حيل تتكلم .. حطت يدها على بطنها وهي تناظره بحزن محمد يتبسم مخفي بهالأبتسامه كل الحزن الي بداخله: ايه ولدتي وجبتي بنت زي القمر والحمد لله هي بخير ناظر فيها وشاف دموعها الي بدت تنزل على خدها ..قرب الكرسي اكثر ومسح دموعها بعد تردد وقالها بهدوء: قلبي لاتبكين تكفين انتي تعبانه ..عشان خاطري لاتبكين .. انا صح مو فاهم شي بس انا معاك لاتخافين تبسمت بهدوء وغمضت عينها بتعب.. كان يراقب حب حياته ..سما عمره وهي نايمه ..كانت شاحبه مره ولون بشرتها اصفر ..كانت مثل الي طلع من الموت قرب يده وحطها على يدها وقالها بحزن: انا مادري وش صار لك لكني حاس انه شي ماهو هين الله يعطيني قوه وصبر عشان اتحمل اكثر : : الشرقيه.. الساعه 6: 30مساءً.. بعد ماطلعت الدكتوره ..راح لها بسرعه: طمنيني يادكتوره الدكتوره: اغماء عادي لاتخاف .. لاتنسى انها حامل ويمكن تعرضت لضغط او صدمه لكنها بخير خالد بخوف: والجنين الدكتوره: الجنين بخير وكل اموها تمام انا عطيتها شوية فيتامينات وان شاء الله راح تكون بخير خالد: طيب والوالد الدكتوره: الحين يطلع الدكتور ويطمنك عليه كان متردد مره يتقدم خطوه ويرجع خطوتين ..اخيراً تجرأ وتقدم للغرفه بسرعه .. اسيا بعد ماشافته قالتها بعصبيه: اتلع برا خالد بتوتر: بس اسيا تقاطعه بكل عصبيه: قلت لك اتلع برا مابي اشوفك خالد والي ماكان يبي يضغط عليها او يتعبها : طيب طلع من الغرفه وهو حاس ان الدنيا اسودت بوجهه والحزن تملكه ومو عارف وش يسوي ..يتحمل اي شي بس مايخسر اسيا .. وقف عند غرفة العمليات وبعد حول ساعه طلع الدكتور.. خالد بأنفعال: طمني دكتور الدكتور: ازمه قلبي خالد بخوف: وش تقول الوالد ماعمره شكى من قلبه الدكتور: اكيد كانت تجيله اعراض بسيطه ويتجاهلها واليوم جاته صدمه هي الي سببت الازمه المفاجأه خالد: وكيفه الحين ؟ الدكتور: حالته مستقره احنا عملنا الي علينا والباقي على ربك خالد ماقدر يتحمل كل هالضغط جلس ع الأرض وهو حاس بالعبره تخنقه : : القاهره.. الساعه 10 مساءً.. فتحت عينها وشافته نايم ع الكرسي بجنبها.. حست بجد وش كثر هالأنسان عظيم ويحبها رغم كل شي صار الا انه لهالحظه ماتخلى عنها ولاتركها تواجه مصيرها لحالها .. محمد والي كان مسند راسه على يده ..بعد ماتعمق بالنوم افلت يده وفتح عينه ناظر فيها وقالها بهدوء: صاحيه سما بتعب: لازم نتكلم محمد: مو وقته انتي لازم ترتاحين سما وهي تضغط زر السرير وترفعه شوي : ماراح ارتاح غير لما اتكلم محمد ناظرها وهي تعبانه وتكلم بصعوبه ورغم فضوله: قلبي انتي تعبانه سما بهدوء: خبيت قصة الاوراق خايفه عليك وقصة الحمل مالي عين وخفت اخسرك ..انا مو خاينه محمد انا ضحيه ..حطت يدها على بطنها بتعب وكملت بهدوء: انا بعلمك كل شي وبالتفصيل بس ابي منك شي واحد محمد : وشو سما : لاتكرهني وحط بالك اني مظلومه محمد بعد ماخذ نفس: مستحيل اكرهك قولي رغم تعبها والمها الا انها بدت تحكي له القصه وبالتفصيل .. من قبل لاتجي لمصر ومن بداية تخطيطات هشام الين فقدانها للذاكره وصوله لها واغتصابها وتهديده لها .وبوسط دموعها قالت له عن عماد وكيف اخذت الأوراق لانها ماكانت تبي تخبي شي محمد والي كان يحاول قد مايقدر يتمالك اعصابه: ليه ماقلتي لي كنت بساعدك سما وهي تبكي : اقول لك بعد وشو ..بعد مافقدت شرفي لما خسرت نفسي ماكنت ابي اخسرك انت بعد.. انت شفتهم عصابه وهدوني فيك خفت عليك والله محمد يناظرها وهي تتنفس بصعوبه ..قرب منها ورغم النار الي بداخله مسح على شعرها: اهدي طيب انتي تعبانه سما بتعب: انا هالبنت مابيها برميها بأي مكان محمد: لاتقولين كذا هذي طفله بريئه مالها اي ذنب هذي قطعه منك انا متأكد لما تشوفينها بتغيرين رايك البنت زي القمر سما بحزن : مابيها محمد محمد يتبسم: شوفيها بالاول بعدين قولي مابيها ..وعلى فكره انا مسامحك مثل ما هالبنت مالها ذنب انتي بعد ضحيه ومالك ذنب سما وهي تبكي: جد يامحمد مسامحني محمد والي حس بالغبنه بصدره مسح دموعها بحنان وقالها بحب: انا ماقلت لك لاتبكين ماقواها دموعك ..سما انا احبك وبحبك لأخر يوم بعمري ..سكت شوي وكملها بهدوء: بروح اكل ميت جوع تسمحين لي سما تتبسم: الله معاك وبالعافيه طلع من غرفتها وبدون شعور بدا يركض لسيارته ركب شغلها وحركها بأقصى سرعه ..حط سيجارته بفمه وبدا يدخن بشراهه ويدينه ترجف .. ضرب الدركسون بقوه وهو يصارخ: ياربي ليه .. ليه حبيبتي انا.. وصل شقته وطلع بسرعه ..دخل وتوجه لغرفته .. بالوقت الي وقف سعد يناظره مستغرب دخلته بهالطريقه .. بدون احساس بدا يرمي كل شي ع الارض ويكسر كل شي يلقاه حوله .. سعد جا يركض ومسكه : يارجال وش فيك محمد يصارخ وهو يحاول يفلت يدينه من سعد : وخر سعد مالك شغل فيني سعد وهو مسكه بكل قوته : ماراح اوخر ..مسكه بقوه اكبر وهو يصارخ: وش فيك لاتسوي بنفسك كذا محمد جلس ع الارض وهو يائس: ماقدر اتحمل يا سعد .. ضرب صدره بقوه: ولازم اتصبر واكون قوي سعد والي مو فاهم شي: وش صاير محمد قولي محمد والحزن يتملكه: انا تعبان سعد ..تعبان لدرجه احس اني ابي ابكي سعد والي عوره قلبه وهو يشوف خويه بهالحاله: قولي وش فيك محمد بعد ماوقف: انا بروح سعد يمسكه : وين بتروح ماراح اترك تطلع وانت بهالحاله محمد يضحك بأستخفاف: لاتخاف ماراح يصير فيني شي بس لازم اروح : : الشرقيه .. الساعه 10:30 مساءً.. صعد وراها بسرعه وهو يصارخ: اسيا دقيقه لازم نتكلم دخلت الغرفه بسرعه سحبت شنطتها وبعد ماحطتها فوق السرير بدت تحط اغراضها وهي معصبه خالد يناظرها : اسيا وش تسوين اسيا بقهر: بسافر بكين بروح عند امي خالد وهو يشيل الملابس من الشنطه بحزن: اسيا تكفين انا ماقدر اعيش بدونك اسيا بقهر: وانا ماقدر اعيش مع انسان ظالم مثلك خالد بقهر: وانا كنت قايل لك اني ملاك انا قلت لك اني كنت واحد تافه وحقير اسيا بحزن: ماتوقعت ان هذي كانت افعالك اسفه انا ماقدر اكمل حياتي معك خالد بحزن: اسيا حرام عليك انتي حامل وشلون بتخليني اسيا: تصدق ياخالد عمري ماتمنيت ابو ولدي يكون شخص مثلك خالد: لا اسيا لاتظلميني انا اخطيت صح لكني تبت لله توبه نصوحه اسيا: وش الفايده وفيه ناس للحين مكسوره والسبب ظلمك انا ابيك تطلقني خالد بسرعه: لا اسيا تكفين الا الطلاق ..الله يخليك سامحيني الله يغفر ويسامحه انتي ماتقدرين تغفرين لي اسيا بحزن : سبحانه وتعالى قادر على كل شي لكن حنا بشر اوقات مانقدر نسامح .. خالد والي بدا يتنفس بسرعه: لكن اسيا فيه طفل جاي لنا بالطريق اسيا: وانت تبيه وراح تحافظ عليه؟ خالد : ايه اسيا : متأكد؟ ماظنتي وانت وقبل لايجي كنت السبب بالدعاء عليه بالسوء ..خالد انا فرحت بالحمل كثير وماودي تدور الايام ويصير لبنتي او ولدي شي خالد بحزن: انا مثلك اسيا ..سامحيني انا انسان وكنت غلطان شسوي والماضي يلاحقني اسيا تناظره وبنبره جاده: تبيني اسامحك خالد بحماس: ايه اسيا بهدوء: تتزوج البنت الي كانت هنا وتستر عليها خالد والي مو مستوعب الكلام : اكيد منتي صاحيه فيه حرمه عاقله تقدم زوجها لوحده ثانيه اسيا: انا ..خالد انا احبك صح ..لكني عشت طول عمري ابي رضا رب العالمين والستر ومابي لما قربت اصير ام تجيني لعنه ودعاوي من شخص مظلوم ..انا ابي الستر لي ولعيالي انا خايفه ياخالد وخوفي مايقل عن صدمتي فيك خالد بعد ماتنهد: اسيا انا ماراح اقدر اتزوج هالبنت اسيا تناظره: وليه؟ خالد: ماقدر اسيا ..سلامات اتزوجها اسيا: خلاص اجل ياخالد انا ماقدر اكمل معاك ..طلقني خالد بقهر: تخيلي ياسيا اجلس اصلح بغلطاتي لو كل واحد سوا كذا بتلاقين العالم بس تتزوج وتطلق اسيا: هذي من حقها عليك تتزوجها وانت لازم تتحمل غلطتك مو ترمي بنت الناس كذا بدون رحمه خالد والي مو مصدق الي قاعد يصير: انا وين القاها انا حتى ماعرف اسمها اسيا : ماشاء الله لهالدرجه الشغله سهله عندك خالد: اسيا هالسوالف قبل لاشوفك اسيا: طيب هالبنت اكيد بترجع ماجات هنا وجلست تصارخ وتدعي الا عشانها تبي حل لمشكلتها خالد: وان مارجعت اسيا: تصرف انت لازم تستر على هالبنت خالد يناظرها بحزن : تصدقين ياسيا الظاهر انك ماحبيتيني كفايه اسيا بقهر: الا حبيتك فوق ماتصور وانت ماتدري بالنار الي بداخلي بس عطني حل ثاني خالد يفكر: الا مانلقى لها حل بس ماتزوجها : : الشرقيه .. الساعه 2 الفجر.. شقة سعود تحديداً.. اول ماسمعت صوت المفتاح زادت ضربات قلبها وبدا الخوف يتملكها .. فتح الباب وكان معه رجال غريب تبسم وقالها بخبث: ضيفك الجديد صرخت بكل قوتها وهي بحاله هستيريا : لالالالالالالالالالالالالالالا لالالالالا مابي حرام عليك ..قربت منه ونزلت على رجله وهي تبكي: ابوس رجلك ياسعود الله يخليك لاتخليه يلمسني سعود يدفها برجله: كلي تبن وانقلع قفل الباب وبعد ماناظرت الرجال الي كان بالنسبه لها مثل الشيطان الرجيم .. بدت تهز راسها مثل المجنونه وتصارخ: لا لا لا لاتقرب مني وخر عني كلكم وسخين روح عني ياحيوان .. بدت تضربه وهي تبكي : وخر وخر مابيك تلمسني الرجال والي كان بدون رحمه دفها ع الجدار وقالها بقرف: والله وتخربشين ياقطوة الشوارع : : الشرقيه.. الساعه 7 الصبح .. المستشفى تحديداً .. بعد مالبس الزي الأخضر دخل غرفة العنايه .. ناظر بأبوه الي فاقد الوعي والأجهزه حوله .. يمكن لو كان خالد الأولي ماكان هزه هالمشهد .. لكنه انسان مختلف غيرته الأيام .. وماكان يتمنى يشوف ابوه بهالوضع .. قرب من ابوه حط يده على يده وقالها بحزن : تكفى يالغالي سامحني يمكن ماكون الولد الي تمنيته ..انا ادري خيبت ضنك كان ودك تشوفني رجال ناجح تعتمد عليه يشرفك وترفع راسك فيه بين الناس ..لكن انا خذلتك ضيعت تربيت سنين بطيش وتهور .. الله يخليك يالغالي سامحني انا والله تغيرت انسان انولد من جديد ..انا والله كل يوم كان يمر علي كنت ادعي فيه ربي يوفقني واسعدك وتكون فخور فيني ..انا ماكنت اتمنى ابد انك تسمع هالكلام ويخيب املك فيني .. حس بحركه بسيطه بيد ابوه ..وبعد مارفع عينه شاف ابتسامه خفيفه تزين وجهه .. خالد بفرح: صحيت الحمد لله الف الحمد لله .. معناها راضي علي ومسامحني .. تكفى قولها ابي ارتاح تراني تعبت .. خالد يناظر ابوه : طيب اذا مسامحني غمض عينك ابو خالد غمض عينه بهدوء.. خالد مبسوط: الحمد لله انا وش ابي بهالدنيا غير رضاك .. بروح اقول للدكتور انك صحيت واكيد هالشي يطمن : : القاهره ..الساعه 9 صباحاً.. صحت من نومها وشافته جالس بنفس المكان وشارد .. سما بهدوء: محمد محمد يناظرها: امري سما بتردد: ابي اشوف البنت محمد : ماتقدرين تقومين سما : الا احس اني احسن ابي اروح ساعدني محمد ساعدها توقف وبعد ماوقفت حست بدوخه وحطت يدها ع السرير بسرعه محمد مسكها بسرعه: سما ماتقدرين بجيب لك كرسي سما بهدوء: لا ابي امشي.. مشت معه بشويش وهي حاطه يدها على بطنها ..وبعد ماوصلت الحظانه ناظرت بالقزاز الي مكشوف وناظرت بالأطفال.. التفت لمحمد تناظره .. محمد يتبسم ويأشر ع البنت: الحلوه الي هناك سما تناظرها وهي تحس بأحاسيس غريبه : محمد حلوه مره محمد وهو يخفي الانكسار الي بداخله: طالعه عليك المرضه بعد ماطلعت من باب الحظانه : عاوزه تمسكي ايدها؟ سما : اقدر؟ الستر: ايوه .. لبستها البس الأخضر والقبعه ودخلتها للحظانه ..قربت من بنتها وبدت تتأملها وهي حاسه بحب غريب تملكها ..حاسه انها ودها تشيلها وتحطها على صدرها ماكانت عارفه ان مشاعر الامومه اقوى من كل شي .. المرضه بعد مافتحت جزء من القزاز الي محوط الطفله : المسيها من هنا معليش منأدرش نطلعها لك سما مدت يدها وبدت تمسح على يد بنتها وهي حاسه بنعومتها ..ناظرت بالمرضه وقالتها وبعينها دمعه: يدها ناعمه مره ..ياربي صغيره المرضه تبتسم: معليش حتكبر المهم انها بخير كان يناظرها من ورى القزاز ويحس بألم بداخله خناجر تقطعه ورغم كل احساسه بالألم الا انه كان هادي ومتمالك اعصابه بعد ماطلعت من الحضانه سندت جسمها ع الباب وقالتها بحزن: محمد انا ماقدر ارميها هذي بنتي ..بدون احساس بدت تبكي : بس شسوي ياربي بهالمصيبه ..حست انها مو قادره تتنفسها ..وبدت تتنفس بصعوبه وهي تقولها بتعب: محمد انا حا ..ماكملت جملتها وطاحت ع الأرض محمد مسكها بسرعه وبدا يصارخ: ستر ..ياستر شالوها بسرعه ع الغرفه ..كان واقف برى الغرفه ومتوتر .. اول ماطلع الدكتور راح له بسرعه: وش فيها يادكتور الدكتور: شوية خوف واجهاد متخفش دي كويسه دخل الغرفه وبدا يناظرها بأبتسامه وبعد ماقرب منها قالها بهدوء: سما ليه تسوين بنفسك كذا سما تتبسم: خفت علي؟ محمد: طبعاً خفت عليك ان ماكنت بخاف عليك اجل مين عليه بخاف سما بعد مانزلت دموعها: للحين تحبني محمد محمد بسرعه: سما وش قلنا لاتبكين عشاني طيب سما تمسح دموعها: طيب محمد يتبسم: طبعاً احبك انتي روحي وقلبي ومستحيل يتغير حبي لك سما بحزن : بتركني محمد محمد بهدوء: ماراح اترك سما انا احبك وانتي مالك ذنب وهالتعبان الي سوى فيك كذا لازم يتعفن باقي عمره بالسجن سما : والصور الي عنده ؟ محمد : انا بعلمه السنع اساساً مايقدر يظهرهم لأي احد وقتها نرفع عليه قضية اغتصاب وياخذ فيها اعدام بدال السجن سما بخوف: لا محمد مستحيل اشتكي عليه وافضح نفسي محمد يتبسم: ومين قالك راح نشتكي حنا بس نبي نهده وهو مو غبي عشان يودي نفسه بداهيه سما : محمد لاتخاطر محمد: سما لازم نخاطر عشان نحط له حد ويدخل السجن انا لازم اوصل للي اسمه عماد اكيد عنده طريقه يساعدنا فيها سما بهدوء: عادي عندك تقابله؟ محمد: انا مجبور على كذا بعدين انتي قلتي انه انسان طيب يكفي انه مالمسك ولاضرك مع انك كنتي فريسه سهله له سما بعد مانزلت راسها: الي تشوفه صح سويه انا خلاص ماعاد اسوي شي محمد حط يده تحت ذقنها ورفع راسها: سما انا ابيك دوم مرفوعة الراس ولاعمرك توطين راسك لأي سبب فاهمه سما بحزن: والي مثلي من وين تجيها الجرأه ترفع راسها محمد بقهر: لاتقولين الي مثلي انتي اشرف من كل الناس وهالحقير اوعدك وغلاتك عندي يدفع الثمن سما بتردد: محمد الحين لاجيت اطلع من هنا يعطوني بنتي عادي محمد يفكر: مادري كيف نظامهم بس اتوقع عادي سما تفكر وتقولها بحزن: احس اني لما اطلع من هنا بواجه العاصفه احسن شي اعيش باقي عمري بمصر واربي بنتي وخلاص محمد وهو يناظرها وبنبره جاده: سما سما تناظره: امر محمد : سما انا بتزوجك |
|
|
#153 |
|
|
رد: روايهـ في غااية الرووعهـ(سما غابة الأوهام)
مشكورة يا حياتي
|
|
|
#154 |
|
|
رد: روايه في غاية الروعه سما غابة الأوهام
مشكوره اخت ريمه لكن ياقلبو البارت الي نزلتيه اهو الجزء الثاني لهذا البارت
وهذه اهي البدايه وهذه تكمله البارت الي نزلته الأخت القلب الكبير الفصل الثاني والعشرين.. محمد والي شاف الدم الي لون بنطلونها الابيض قالها بخوف: وش هالدم سما بتعب : ياربي محمد مو قادره .. انا حامل وشكلي اولد تكفى ساعدني محمد وقف يناظرها بعد ماشلته الصدمه وقالها بذهول : حامل كيف يعني سما مسكت الجدار وهي تتنفس بصعوبه وجبينها يتصب عرق وقالتها بتعب وهي حاسه انها راح تفقد الوعي : محمد خلاص مو قادره اتحمل قرب منها وهو مرتبك موعارف يمسكها والا وش يسوي وقالها بتوتر: سما وش اسوي لاتخافين بنروح المستشفى ..ناظر بنطلونها وقالها بخوف : ياربي انتي تنزفين بقوه ماخبري بالي تولد تنزف كذا ..حس انه خايف عليها وماعاد يهمه يفهم شي المهم ياخذها على اقرب مستشفى.. فتح ازرار قميصه اخذ الاوراق من يدها ودخلهم داخل قميصه وقفل ازراره حط يده ورى ظهرها ويده الثانيه تحت رجلينها وشالها ..رفس باب الكوخ برجله وطلع بسرعه وبدا يركض ..كان خايف يواجه رجال هشام ..وخوفه الأكبر كان انها تموت بين يدينه خصوصاً وانه حاس بدمها يبل يده ..كان يركض بكل قوته يبي يوصل لأي بيت اي شارع اي شي ينقذه.. اخيراً سمع صوت سيارات .. ركض بكل قوته الى ان وصل للشارع ..ماكان يدري هو وين لكنه فرح لأنه لقى بصيص امل اخيراً .. حطها بطرف الشارع وقف بوسطه ورفع يدينه وبدا يأشر ويصارخ .. اخيراً وقف له واحد عنده سيارة نقل من النوع المتوسط ... الرجال يناظره: فيه ايه محمد وهو ينافخ: مراتي بتولد مش عارف انا فين وعربيتي عطلانه الرجال بسرعه: اركب بسرعه حنخدها ع المستشفى محمد : متشكر اولي شالها بسرعه وبعد مافتح له الرجال الباب ركب بصعوبه وخلاها بحظنه بما ان مافيه مكان ..الرجال كان يسوق بسرعه ومحمد يناظرها بتوتر كانت تنافخ وتلوى من الألم ..سحب كم قميصه ومسح العرق الي بجبينها كان حاس انه وده يبكي وهو يشوفها بحظنه وبهالحاله .. اول ماوصلو المستشفى نزل بسرعه شايلها وهو يصارخ : ولاده ولاده دي تعبانه اوي .. دخل المستشفى بالوقت الي جابو اثنين من المرضات سريرابيض حطها ع السرير وبدا يركض معاهم الى ان دخلوها غرفة العمليات.. جلس ع الارض قبال باب غرفة العمليات ..ناظر بملابسه ويدينه الي مصبوغين بدمها ..حس بغبنه تكتم انفاسه كان فاتح يدينه ويتأمل الدم ..قالها بصوت مسموع وبحزن متناسي حملها ومتذكر حبه الكبير لها: ياربي سما مابي اخسرك ..يارب احفظها كان متوتر خايف ويائس بالوقت الي طلع فيه الدكتور .. وقف بسرعه وقالها بأنفعال: طمني دكتور الدكتور: انت والد الطفل محمد بتردد: ايه انا الدكتور بهدوء : انا متأسف بس حخيرك بين الطفل والأم محمد بسرعه: الأم طبعاً دكتور تكفى لايصير لها شي الدكتور بأسف: احنا حنحاول على أد مانأدر بس دي حالتها صعبه والنزيف شديد ..مش حضمن لك انها تعيش محمد مسح شعره بيدينه وقالها بتوتر وهو يتنفس بسرعه : لادكتور لاتقولها هي لازم تعيش الله يخليك الدكتور : امر الله يابني انت لازم تكون ائوى من كدا محمد بأنفعال : امر الله؟ وشلون يعني بتموت ؟ ..قالها وهو يصارخ : جاوبني يادكتور بتموت؟ الدكتور بهدوء: احنا حنعمل كل الي نأدر عليه ..ادعيلها انت بس جلس ع الأرض وبدا يبكي غصب عنه : ياربي وش هالكابوس معقوله اخسرها .. حط يدينه على وجهه وحاول يتمالك نفسه وقالها بصوت مسموع: ياربي يامحمد خلك اقوى من كذا .. حس بوجع بصدره مو قادر يتحمل مكتوم لدرجه حاس ان قلبه بيوقف تنهد وقالها بحزن: ياربي انت اعلم سما وش تعني لي ماقدر اخسرها او افقدها ماقدر اكمل حياتي وهي مو موجوده بهالحياه .. مشى للحما وانتم بكرامه وهو منهار تماماَ .. فتح الصنبور وبعد ماحط صابون بيده بدا يغسل يدينه وهو يتأمل الدم الي يملا المغسله .. غسل وجهه ورجع عند باب الغرفه جلس بحزن وهو يدعي من كل قلبه الله يسلمها ويحفظها له.. بهالوقت جاته وحده من المرضات : انا اسفه ياستاز عارفه مش وئتو بس انت لازم تفتح حساب بأسم المريضه دلوأتي محمد بهدوء والحزن يملاه: طيب : : الشرقيه .. الساعه 9 مساءً .. كان جالس معها قبال التلفزيون .. خالد يناظرها بحب: تصدقين ياسيا عمري ماكنت اتصور ان الحياه حلوه لهالدرجه وبسهوله تصير حلوه انا كان تفكيري محدود وكنت اعتقد اني لازم اخربها عشان انبسط ..حط يده على بطنها وقالها بفرح: الله يرزقنا اطفال صالحين اسيا انتي خليتيني طاير فوق السحاب اسيا تبوس يده : خالد انت .. فتحت فمها وقالتها بصعوبه : عيشتني احلى حياه انا مره فرحانه خالد مبسوط : اموت فيها انا الي صارت سعوديه اصليه اسيا تضحك : انا خلاص كل الحروف انتقها زين بس ص.. ع .. به بالنسبه لي خالد: تتعودين ياقلبي بس باقي حرف الطاء لاتقولينه تاء اسيا وهي تطلع شفايفها لبرى وتقولها بقوه: تاء خالد يرفع لسانه ويفتح فمه بوضوح: طاء اسيا بعد ماعقدت حواجبها : مابي اقوله ص..عب خالد يضحك: يابعد عمري : : : القاهره .. بالمستشفى وبعد مامرت 5 ساعات.. كان جالس على اعصابه وخايف مو قادر يصبر اكثر.. بهالوقت طلع الدكتور .. محمد راح له بسرعه: بشر يادكتور الدكتور مبسوط: مبروك جاتلك بنت ئمر محمد والي زاد توتره: سما الام كيفها الدكتور : الحمد لله ئدرنا نقزها وحالتها مستقره دلوأتي محمد جلس على الأرض وهو حاس براحه : الحمد لله الحمد لله شكراً لك يارب الدكتور: الف حمد الله ع السلامه ..بس البنت حتبأه بالحضانه عشانها جات بالسابع محمد بهدوء: طيب اقدر اشوفها الدكتور: الام حنسبها بالعنايه الكم ساعه الي جايه والبنت تأدر تشوفها من الأزاز بقسم الحضانه محمد بحزن : طيب راح للحضانه رجل تجر الثانيه ..قالها بهدوء للمرضه : انا عاوز اشوف بيبي سما المرضه بعد مافتحت الستاره الي ورى القزاز اشرت على طفله صغيره ناظر فيها وهي داخل بيت صغير من زجاج كانت حلوه مره وبشرتها بيضا اصغر طفله شافها بحياته كان يتأملها وهو يفكر بحزن: هذي بنتك ياسما كيف صار هالشي ..كيف صرتي ام من اب ثاني غيري الله يصبرني الين اعرف السالفه : : الشرقيه ..الساعه 12 بعد منتصف اليل.. شقة سعود تحديداً.. كان جالس بالصاله مثل عوايده .. الي يدخن والي يشرب وكل واحد وجوه .. منيف وهو يشرب من كاسه: اقول انت كل يوم تجيبنا هنا حرمتك ماتسأل عنك سعود بعد مانفث الهوا من صدره : هي بيت اهلي ولما ارجع اقول لها كنت مشغول منيف يضحك: احلى شغل والله سعود: اسكت مفلس صار لي فتره ماروح الشركه وابوي مو راضي يعطيني فلوس يقول تحمل المسؤوليه منيف وهو يتمايل : وانا صار لي فتره ماكيفت سعود يناظر منيف والي كان مليان فلوس وبعد تفكير: تبي تكيف منيف بخبث: ياليت والله سعود: كم تدفع منيف بحماس: كم تبي سعود بعد تفكير: 4000 وش قلت؟ منيف يفكر: حلوه البنت سعود يتبسم بخبث : صاروخ وموجوده هنا منيف فتح محفظته : لك 5000 بس ابيها الحين سعود مبسوط: اصبر شوي قام من مكانه وراح الغرفه وبعد مافتح الباب شافها نايمه ..راح لها وبدا يرفسها برجله : قومي يالا نوف جلست وهي متخرعه : وش صاير سعود بدون نفس: قومي غسلي وجهك بيجيك ضيف نوف مستغربه: مين هالضيف سعود يتبسم: الحين تشوفين ..قرب منها وشدها من شعرها : لكن شوفي تقولين انك زوجتي بذبحك وبرميك للكلاب والله ان تندمين لو فتحتي فمك نوف بخوف : وش تقول مافهمت سعود يصارخ : منيف تفضل نوف تمسك ملابسها بخوف : مين منيف سعود يناظر منيف الي دخل الغرفه : هذا الي يبي يبسطك نوف تبكي وهي تصارخ : حرام عليك انا كل يوم اموت الف مره اتركني بحالي سعود يضحك: موتي الفين مره بس كلي تبن واسكتي بعدين هذا جوك لاتنسين..طلع وقفل الباب بدون لايسمع منها كلمه نوف لصقة بالجدار وهي تبكي: الله يخليك لاتلمسني منيف يقرب منها : تعالي لاتخافين مافيه شي يخوف قرب منها واول ماحط يده عليها بدت تبكي بقوه وهي تصارخ: لالالالالالالالا وخر عني حرام عليك انت ماعندك خوات .. دارت فيها الدنيا وتذكرت كيف كانت وسخه لدرجه تسوي هالشي برضاها متجاهله ان رب العالمين يشوفها وان الجزاء من جنس العمل ..بكت بحسره وهي حاسه بقباحة هالشي الي كانت تسويه بكل جرئه بعيد عن الدين والمبادىء والخوف من الله سبحانه وتعالى ..كانت تبكي شرفها وهي حاسه بجد بخوفها على نفسها الي فرطت فيها بحقاره قبل هاليوم حست بحقارتها وساختها وتأكدت ان تماديها الغير مبرهو الي وصلها لهنا : : القاهره..الساعه 1:30 الفجر.. كان جالس قبال غرفة العنايه المركزه.. ضام رجلينه ومسند رجله ع الجدار.. الدكتور والي كان جاي لغرفة سما .. ناظر محمد وقرب منه: انت لسه هنا مشتش ليه يابني محمد بحزن: ماراح اروح مكان الدكتور بعد ماحط يده على كف محمد: احمد ربنا انها بخير وجودك هنا ملوش معنا انا مضمنش انها تصحى اليوم او بكره دي تساهيل من ربنا محمد: ويمكن تصحى وانا مو موجود الدكتور : حتى لو صحيت دلوأتي مش حخليك تشوفها روح بيتك يابني استحمى وغير هدومك وكول لك لوأمه دا بكره صيام محمد يناظر بالغرفه: بس انا خاطري اشوفها فيه كلام بخاطري ابي اقوله لها الدكتور بأبتسامه كلها طيبه: انت لازم تستريح يابني والا انت عاوز ترأد كمان بالمستشفى ..ايه رأيك تديني رقمك واول ماتسمح حالتها تشوفها حكلمك محمد بهدوء: موافق بس امانه تكلمني الدكتور: دا وعد روح واستريح وانا حكلمك بعد ماعطى الدكتور رقمه ..طلع من المستشفى اخذ تاكسي وراح على شقته .. كان يصعد الدرج برود حاس انه بعالم غير هالعالم لاقادر يفكر ولاقادر يركزوبنفس الوقت كان خايف عليها .. اول مافتح باب الشقه جاله سعد بسرعه: يارجال وينك وليه ماتدق على جوالك ..ناظر فيه وقالها بخوف: وش هالدم الي بملابسك محمد بهدوء: كنت بالمستشفى سعد مستغرب: ليه وش صار محمد بنبره حزينه: سعد بروح انام مابي اتكلم عن هالموضوع الحين تكفى خلني براحتي سعد يناظره: محمد شكلك مايطمن علمني وش فيك محمد يحاول يبتسم: لاتخاف مافيني شي بس مو حاب اتكلم الحين سعد والي ماكان مرتاح قالها بهدوء: طيب براحتك بعد ماتروش ولبس ملابسه انسدح على فراشه وغطى وجهه بالحاف ..كان حاس بضيقه شي ثقيل على صدره يكتم انفاسه .. بدا يفكر بحزن وهو مو قادر يستوعب الي صار: وش يعني حامل تزوجت بالوقت الي اختفت فيه.؟ .. لا مايمديها تتزوج وتحمل ..كانت تعرف واحد وهي معي لا لا سما ماتسويها ..بس هي كانت حامل والحين عندها بنت ..حس بحرارتها على خده دمعه من حرارتها رجف كل جسمه ..مسح دمعته بسرعه وقالها بصوت واطي: منت برجال يامحمد تبكي عشان بنت وين قوتك تصبر بكره كل شي يتوضح ..اخذ نفس وحاول ينام ولأول مره يجفاه النوم ..تقلب كثير واخيراَ نام بعمق.. : : الشرقيه ..الساعه 2 الفجر.. شقة سعود تحديداً .. فتح الباب لمنيف عشان يطلع .. بالوقت الي تقدمت نوف وهي ساتره نفسها بعبايتها وحالتها صعبه ..بدت تضربه بقوه وهي تبكي بحسره وقالتها بصوت عالي: انت واحد حقير مريض انا ابي اصوم ومابي اسوي شي غلط حرام عليك تسوي فيني كذا بشهر الله ماتخاف ربك انت سعود يدفها بقوه: لا ماخاف ويالا انقلعي ياحقيره ومن اليوم مافيه تروحين على بيت ابوك مابيك تخورينها .. ناظر فيها وقالها بخبث: انتي طلعتي منجم ذهب جلست على الأرض وقالتها وهي تبكي: حرام عليك انا وش سويت لك خاف الله فيني سعود بلا مبالاة اقول انقلعي بس مو فاضي لك طلع وقفل الباب بدون اي احساس وكأنه تارك حشره وراه مالها اي قيمه بكت بحسره وخوف ماتدري وش تسوي حاسه بالضياع ..راحت للحما وانتم بكرامه وبدت تغسل وجهها بسرعه وتفركه بقوه وهي تقولها من داخله: استغفر الله ..استغفر الله .. يارب ارحمني وفكني من سعود هالحقير .. فقدت كل امل لها بالحياه .. الموت ارحم الف مره ماتبي تعيش هالحياه الوسخه مع سعود ..طلعت بسرعه من الحمام وهي في حاله هستيريه فتحت شنطتها بسرعه تدور على شي حاد مالقت غير عطرها ..اخذته وضربته بالجدار بقوه وبعد ماتكسر اخذت قطعه من القزاز وقربتها لمعصمها بيأس ..بالوقت الي فتح سعود الباب بعد ماسمع صوت القزاز يتكسر..شافها وهي تبي تنتحر قرب منها وبعد القزاز وشدها من شعرها : تبين تموتين ياحقيره وتبلشيني بدمك ..شوفي ان ماتسنعتي والله لأوريك شي ماشفتيه..دفها بقوه وبدا يشيل كل شي حاد بالغرفه وطلع وقفل الباب عليها ..سندت راسها ع الجدار وبدت تبكي من كل قلبها وهي حاسه باليأس يتملكها : : القاهره الساعه 9 الصبح.. دخل المستشفى وتوجه بسرعه للعنايه. الدكتور يناظره: يابني انا مش ألتلك روح بيتكم محمد بهدوء: ايه رحت بيتنا نمت وصحيت وجيت الدكتور: بس هي مصحيتش بس اطمنك حالتها كويسه ومستقره واول ماتصحى حنألها لغرفه عاديه محمد يتبسم: طيب كويس اهم شي تحطونها بغرفه خاصه الدكتور يأشر ع الأستقبال: تأدر تدفع التكاليف من هنا محمد يهز راسه بالأيجاب: طيب بس متى اقدر اشوفها الدكتور: لما نألها لأوضتها ان شاء الله محمد بهدوء: طيب : : الشرقيه .. الساعه 5:30 المغرب.. كانو جالسين على طاولة الفطوربالوقت الي دفت الخدامه بسرعه ودخلت عليهم.. الخدامه تناظرهم : هي تجي سورعه انا يقول دقيقه مايسمع البنت وهي تناظرهم بحقد وتقولها بأنفعال: استاذ خالد ماشاء الله جالس وتفطر بجو اسري هادي .. وتارك الناس تموت وراك ..تزوج وتكون اسره وغيرك يحط راسه بالتراب مثل النعام والسبب انت خالد بعد ماوقف قالها بقهر: وش تقولين انتي البنت بقهر: متزوج ومستانس وانا اكثر من عريس رفضتهم والسبب انسان حقير مثلك ماعنده ذمه ولاضمير انا وحده من ضحاياك ياستاذ شهوروشهور وانا ادور ع الحقير الي سلبني اغلى شي املكه ولما وصلت لك وعرفت اي تافه من الناس انت طلعت متزوج ومرتاح ولاهمك وش صار بالناس خالد والي بدا يرتبك: اقول انقلعي برا..كان متوتر وهو يلاحظ نظرات ابوه وامه له .. واسيا الي كانت مصدومه .. اسيا وقفت واشرت له يسكت تبي تسمع وش راح تقول هالبنت الي اقتحمت عليهم البيت .. اكيد ماجات من عبث البنت بصوت عالي: انقلعي .؟ هذا الي قدرت عليه ..انقلع وين اروح وانا بعيش بيت ابوي طول عمري والسبب انت ..انسان مريض ماعنده مبادىء ولادين يستغل بنات الناس وضعفهم .. وبكل حقاره يدنس شرفهم ..مبسوط بحرمتك ولاهمك واكيد بكره بتجيب عيال يحملون اسمك وبتكون حياتك سعيده وغيرك حياتهم تعيسه ودايم موطين روسهم..كملت بأنفعال اكبر : انا وش سويت لك علمني وش سويت لك عشان تضرني..بس انت واحد حقير حسبي الله ونعم الوكيل فيك ياخالد ويارب الي مايرد دعاء مظلوم كل الي سويته فيني يطلع بنتك وتدور الدنيا فيك ويغتصبها واحد مريض مثلك نفس ماسويت فيني اسيا والي ماتحملت هالكلمه اغمى عليها وطاحت ع الأرض .. خالد جلس ع الأرض بسرعه وبدا يحاول يصحيها وهو حاس بخوف بداخله: اسيا اسيا لاتسوين فيني كذا تكفين انا قلت لك اني كنت حقير قبل انا احبك والله .. رفع راسه بعد ماسمع صرخة امه القويه: خالد تعال شوف ابوك مدري وش فيه .. ماعرف وش يسوي زاد توتره وهو يناظر ابوه الي كان متعرق وفاقد للوعي واسيا الي مغمى عليها بحظنه .. ناظر بالبنت الي كانت واقفه وتفرج وصرخ بقوه: انقلعي برا للحين واقف وش تبين راضيه بالي صار البنت بحقد: ايه راضيه وهذي البدايه ياخالد.. طلع جواله من مخباته وطلب سيارة اسعاف ..وبعد ماحط جواله بمخباته صارخ ع الخدامه : بسرعه جيبي عبايه .. بعد مارجعت الخدامه حط العبايه على اسيا وشالها بسرعه وحطها بالسياره .. دخل البيت بسرعه وصرخ على امه البسي عبايتك بسرعه الحين تجي سيارة الأسعاف .. حاول يشيل ابوه وبصعوبه قدر يرفعه مشى فيه بشويش الى ان وصل للبا بالوقت الي وصلت فيه سيارة الأسعاف .. دخلت السياره بسرعه للحديقه ونزلو اثنين من المسعفين ومعهم سرير ابيض حطو ابوخالد بالسرير وبعد ماركبو له جهاز تنفس طلعوه بالسياره بسرعه.. ركب سيارته ولحق سيارة الأسعاف وهو يتلفت كل شوي يشوف اسيا الي مغمى عليها .. ام خالد والي كانت جالسه جنبه: وانت ماهمك غيرحرمتك ماشفت وش صار بأبوك خالد بعصبيه: الله يخليك اسكتي انا مو ناقص .. حس انه مخنوق مره عارف انه غلط والي سواه مو قليل لكن معقوله يخسر ابوه واسيا بنفس اليوم معقوله هذا جزاه : : يتبع.., طبعا اخت ريمه كملت الجزء الثاني وهو في الرد الأخير لها وميرسي لك يأخت ريمه |
|
|
#155 |
|
|
رد: روايهـ في غااية الرووعهـ(سما غابة الأوهام)
روعة حبيبتي و الك احلى تقييم
|
رد: روايه في غاية الروعه سما غابة الأوهام
