 |
  |
|
|
|
|
#146 |
|
|
رد: روايهـ في غااية الرووعهـ(سما غابة الأوهام)
سوري اني نزلت البارت الي بعده بس انتي اتاخرتي ع الناس اوي
|
|
|
#147 |
|
|
رد: روايه في غاية الروعه سما غابة الأوهام
الفصل الواحد والعشرين..
طلعت من غرفتها ومشت بهدوء دخلت المكتب وهي تحس بنبضات قلبها السريعه جلست وبدت تفتح الدرج بالوقت الي جاها صوته القوي : وش تسوين؟ سمعت الصوت وبدا جسمها يرجف هذا عماد متأكده من صوته ..ماقدرت ترفع راسها من الخوف كانت تفكر وش راح يصير لها الحين معقوله حظها والا الدنيا الي تعاكسها او يمكن عماد ترك المفتاح متعمد ..بدت تتنفس بسرعه وقالتها بصوت اقرب للهمس: بدري تفكرين ياسما بعد ماصرتي بوجه المدفع .. عماد والي قالها بنبره قويه: انا اسألك وش تسوين سما رفعت راسها وقالتها بأرتباك : انا كنت عماد يقاطعها: سما لاتكذبين تكفين سما والي زاد توترها : كنت ابي اشوف.. عما يقاطعها ويقولها بعصبيه: اسكتي ماقلت لك لاتكذبين.. سند جسمه ع حافة الباب وقالها بنبره حزينه: انا ادري تبين اوراق هشام .. نزل راسه وتبسم ابتسامه مكسوره وكمل كلامه بهدوء: انا اول مره شفتك بالمكتب حسيت قلبي راح يوقف والدم ماعاد يمشي بشراييني ..قلت رب العالمين يحبني والا امي داعيتلي معقوله حلم سنين احلمه يصير حقيقه قدامي .. شعرك وطولك بياض بشرتك ابتسامتك لهجتك وحتى ريحة عطرك كلك على بعضك كنتي انسانه سكنت مخيلتي سنين انا ماكنت ادري هالحلوه الي بخيالي لو صار وشفتها بحبها او لا لكني اول ماشفتك شي تلخبط بداخلي .. انا انسان واقعي عشان كذا قلت يارجال لاتفرح وتاخذك الاحلام يمكن هشام ورى هالسالفه خصوصاً اني كنت مصدع راسه بهالبنت كنت اقول له انا احلم فيها لانمت ولما اصحى افكر فيها احس اني قابلتها وحبيتها تتخيلن سما لأي درجه انتي سكنتيني سنين سما والي صدمها كلامه قالتها بهدوء: انا .. عماد يقاطعها بحزن: تكفين ابي اكمل لاتقاطعيني بطلع كل الي بداخلي وبعدها تكلمي سما تناظره: طيب عماد: لما شفنا محمد بالمطعم ماكنت اعرف مين هالشخص بس قلت بس ياعماد فرصتك .. رحت عند هشام وبديت اسمعه كلام كنت عارف انه لو كان وراك ماراح يسكت قلت له حطيت عليها اكس لأنها مرتبطه وخلاص ما بدا معها اي علاقه .. وبعدها لحقته وشفته يدخل عمارتك واليوم الثاني جيتيني الشركه وكان وجهك متورم وقلتي زلقتي بالحمام وقتها عرفت ان هشام تهاوش معك وانه وراك قلت خلاص ياعماد خلها عنك وطلعها برا حياتك هي احلامك صح لكن الواقع اهم وفعلاً قرت اطلعك برا حياتي لكن غصب عني يوم بعد يوم بديت احبك واتعلق فيك صرت لما اشوفك احس بفرحه غريبه كل شي فيك سما شدني لك طيبتك حكمتك طريقة كلامك ..كنت اشوفك غير الاحظ ارتباك لما تلبسين شي ماهو ساتر طول الوقت يدك على جسمك وكل شوي تسحبين تنورتك غير الجاكيت الي ماترضين تفسخينه بالأماكن العامه كنت عارف انك مو بنت من اياهم وسألت نفسي من وين جابك هشام الزفت .. اليوم قلت كفايه ياعماد حط حد ولما سألتيني جاوبتك بالي تبين تسمعينه وتعمدت اترك المفتاح واعلمك المكان وكنت اتمنى يكون لي قدر عندك لو كأخ وتعلميني بالسالفه بدال لاتدخلين مكتبي مثل حراميه ..نزل راسه وكمل بهدوء: انا كنت عارف اني مستحيل اكون بالنسبه لك حبيب كنت اشوفك مع محمد اراقبك من بعيد حتى لما رحتو الأسكندريه لحقتكم ودايم لما تتعذرين مني كنت اوقف عند باب شقتك واشوفك تقابلينه حركاتك مختلفه تضحكين من قلب وتناظرينه بحب كنت احسده واحس اني احترق بس بنفس الوقت كنت احس اني متساوي معاه تدرين ليه لأنك رغم حبك له ماقلتي له بسالفتك معي ومع هشام واحتفظتي فيها لنفسك سما والي بدت تبكي قالتها بهدوء: اقدر اتكلم عماد : تفضلي سما بعد ماتنهدت قالتها بحزن: عماد لاتظن اني انسانه سيئه والا خبيثه لعبت فيك بأرادتي انا حتى محمد لما حبيته ماحبيته بتخطيط ولا كنت افكر احب انا ضحيه ياعماد ..كنت خايفه من هشام وتهديداته ..ماقلت لك لأني ماعرفك واحد يهد صديق طفولته بأوراق توديه بداهيه كيف تبيني اوثق فيه .. وماقلت لمحمد لأني خايفه عليه وخايفه اخسره عماد: انا بعد مثلك عمري ماكنت انسان سيء انا ماشي بما يرضي الله وعمري ماتجاوزت حدودي او سويت شغلات حرام هشام انا اهده لأنه انسان تعبان صح خوي من زمان لكن وش الفايده انسان تفكيره حقير حاولت اغيره ماقدرت وكان يبي يجرني لوساخته عشان كذا حطيت له جاسوس الى ان اخذت هالأوراق انتي على بالك اهده عشان اسجنه ..لا انا اهده عشان اضمن مايوسخني بوساخته وعشان كان عندي امل اصلحه سما تضحك بسخريه: تصلح مين هشام؟ هشام ابليس وابليس لايمكن ينصلح حاله عماد: سما هشام وش يهدك فيه سما نزلت راسها وبدت تمسح دموعها: قصتي مع هشام استحي حتى اقولها عماد يبتسم بهدوء: تعالي نجلس بالصاله واحكي لي هالقصه : : الشرقيه الساعه ..12 بعد منتصف اليل.. اسيا بعد مالتفت له وشافته منسدح بجنبها ويتأملها بتمعن.. قالتها بهدوء: خالد نام خلاص وش فيك تناظرني كذا خالد بحب: وشلون انام علميني مقدر انام وانا اشوفك قبالي وخلاص عارف انك لي ومحد راح ياخذك مني ..كل ماحس انك ملكي وافتح عيني والقاك نايمه بجنبي احس النوم يجفاني اسيا تتبسم: طيب ممكن تنام انت كذا توترني وماعاد اقدر انام خالد : طيب بنام بس انا بصراحه مقهور اسيا بعد ماجلست: وليه مقهور خالد: ليه ماوافقتي ع السفر كان ودي اخذك على سويسرا اسيا: الأيام جايه بس انا بجد حابه اقضي شهر الئسل هنا واشوف بيت الله خالد يتبسم: اهم شي راحتك ياقلبي : : بهالوقت وبزاويا مختلقه من الشرقيه .. كانت تبكي بألم كل ماناظرت جدران هالغرفه حست انها مخنوقه ..هي مثل طير جريح مايقدر يسوي شي ولا بيده شي .. وقفت وراحت للبا وبدت تضربه بقوه : افتح الباب ياحقير حرام عليك تعبت يدها من كثر ماتضرب ومافيه اي جواب تأكدت من هالهدوء ان سعود ماهو بالشقه جلست ع الأرض وبدت تبكي ..كلما نزلت دموعها حست بحراره اكبر بصدرها .. وبدون شعور وسط حزنها انسدحت ع الأرض ونامت : : القاهره .. الساعه 1 الفجر.. عماد بقهر: كل هذا سواه فيك هالحقير سما بهدوء: انت قلتها حقير ..هشام انسان ماعنده مشاعر ولا احساس واحد وسخ يبي يوصل لمراده بأي طريقه عماد : هالحيوان انا كان لازم ابلغ عنه من زمان سما قالتها بسرعه: لا عماد تكفى انت اذا بجد تحبني عطني هالأوراق وانا بتصرف عماد بتردد: سما انا مستعد اتزوجك واستر عليك انتي ضحيه سما بهدوء: عماد انا موقصدي اجرحك وانت بجد انسان مافيه مثلك بس انا ابي محمد احبه وماودي افارقه دقيقه عماد: والي بطنك كيف بتصرفين فيه سما : بكمل الحمل وبشوف له دبره عماد بتردد: بس محمد بعد مايتزوجك راح يكتشف انك مو بنت سما : انا شفت بنات بلبنان عملو عمليات انا بعد ماولد بروح لبنان وبعمل هالعمليه عماد : لو انك مجهضه الجنين احسن لك سما : الخوف والتوتر اربكني وماقدرت اتخذ القرار الصحيح والحين تأخر الوقت ع الاجهاض عماد بحزن : لهالدرجه تحبين محمد تتحملين كل الي صار لك ولا تقولين له وبتخلين عن طفلك عشانه سما : ايه احبه لدرجه ماتصورها بعدين ليه اقول له بالي صار حتى لو كان يحبني لدرجه يسامحني ويقول مظلومه ماراح نرتاح بحياتنا الي صار لي راح يكون مثل كابوس بالنسبه له انا عماد مظلومه ومو خاينه عشان كذا احسن شي اتمسك بحب حياتي واحاول المستحيل عشان اكمل حياتي معاه وما اسمح لهشام يخرب احلى شي بحياتي عماد : وهالطفل البريء وش ذنبه سما : ذنبه انه ولد حرام وانا مابيه عماد بهدوء: يمكن لما تشوفيه تغيرين رايك سما بأنفعال: مستحيل انا ابي محمد بتزوجه وبيكون عندنا عيال بالحلال عماد بهدوء: ماتوقعتك بهالقسوه ياسما سما بحزن : وانت تعتقد الي صار لي سهل انا انكسرت وتدمر كل شي حلو بداخلي عماد: طيب وش ناويه تسوين سما : انا ابي الأوراق وقتها بعطيها لهشام وبختفي الى ان اولد عماد بعصبيه: مهبوله انتي على بالك هشام انسان ثقه تعطينه الاوراق وقتها تجلسي تحت رحمته ويستغلك اكثر سما تفكر: طيب شسوي علمني عماد: انا بعطيك هالأوراق وقتها تهدينه فيها انه لو ضرك بأي طريقه راح تقدمينها للشرطه سما : يعني راح تعطيني هالأوراق عماد : وش رايك يعني اكيد بعطيك الاوراق والله يهني محمد ويصبرني الين انساك ..سما ليه مالقيتي فيني الي لقيتيه بمحمد سما تبتسم: محمد غير ماشفت مثله ولا راح اشوف .. اول شي انسان وسيم وانا متأكده الف بنت تتمناه ..واهم شي انه انسان طيب وع النيه وقلبه كبير ..بعدين احبه مو بيدي لما اشوفه ارتبك وانسى كل شي تضيع الحروف من راسي ويبدأ المغص بطني وتسارع نبضات قلبي عماد بحزن: لهالدرجه سما : انت لو حبيتني بجد راح تعرف لأي درجه عماد يهز راسه بالأيجاب : والله اني عارف بعد ماخذت الاوراق ..طلعت من بيت عماد وهي فرحانه وحاسه انها اول نقطه لنهاية هالمعاناه ..بعد ماركبت سيارتها دقت على محمد.. محمد بحماس: هلا يابعد عمري سما بحب: قلبي لاتنسى موعدنا بكره محمد: افا عليك مستحيل انسى انا مره مشتاق لك كان ودي اشوفك اليوم بس انتي دايم كذا شغلك اهم مني سما : لا ياقلبي والله مافيه اي شي اهم منك محمد مبسوط: يابعد روحي انا عاذرك بس عشاني مشتاق لك سما بفرح: خلاص نلتقي بكره : : الشرقيه ..الساعه 2 الفجر.. صار لها ساعه تتقلب بدون فايده مو جاي لها نوم كل ماتذكرت نوف تحس ان الدنيا ضايقه فيها ماتدري ظلمتها والا لا .. حبتها بجد وحست انها اخت .. لكن نوف استغفلتها وكذبت عليها .. استغلت سعود عشان يستر فضايحها .. اثير وهي تفكر: بس نوف قالت انها تغيرت وقالت لي انها غلطت قبل يمكن ماكان عندها جرئه تعترف لي ..بعدين سعود حقير يستاهل يتزوج هالزواجه لأنه ماقصر بالعالم .. ياربي معقوله اكون ظلمتها .. الظلم شين وانا بجد احب نوف وماودي اظلمها كان لازم اسمعها لكني طلعت وتركتها تحت رحمة سعود الحين مستحيل اوصل لها وسعود مستحيل يعطيني عنوان الشقه .. الله يعينك يانوف ياترى وش حالك الحين : : القاهره.. الساعه 7 المغرب.. وصل ع المطعم الي اعطته عنوانه وبعد مانزل ناظر الفرش الأحمر بأستغراب والجرسون الي كان يبتسم له بحماس .. وبعد مادخل المطعم كانت الأنوار خافته وصوت الموسيقى عالي بالمكان .. ماكان فيه بالمطعم غير طاوله وحيده بالوسط مفروشه بالون الأحمر وبوسطها 3 شموع حمر وحولها موظفين المطعم الي يبعد له الكرسي والي يقول له تفضل ..كان مستغرب الوضع .. بعد ماجلس اقبلت سما كانت لابسه قميص احمر للركبه يتوسطه حزام ابيض ..بنطلون ابيض وجزمه وانتم بكرامه حمرا بكعب عالي.. ومزينه شعرها بشريطه حمرا .. بعد ماجلست ناظرها محمد بحب: وش صاير لاتقولين عيد الحب سما تضحك: لا انا اليوم راح احتفل معك بمناسبه اهم محمد مستغرب: وش المناسبه سما : لاتستعجل على رزقك الحين تعرف اليوم راح تاكل على ذوقي محمد والفضول ذابحه : لاتقولين راح اصبر الين نخلص عشا سما بكل برود : يس محمد : الله يعين بعد ماتعشو بدقايق .. تقدم كبير الموظفين حامل كيكه وراه باقي الموظفين بيدهم شموع ويغنون بصوت عالي ومبسوطين : (Happy birthday to you) محمد قرب من سما : بس سما بحب: ادري عيد ميلادك يوم 26\2 بس انا كنت بالسعوديه ومستحيل اعدي هالمناسبه محمد يناظرها بفرح: وشلون عرفتي يوم ميلادي سما : شفته بجواز سفرك محمد مبسوط : تصدقين سما انا ماعترف بيوم ميلاد ولاشي لكن هالسنه اول مره افكر فيه لما قالي سعد كل سنه وانت سالم قلت ياترى لو سما عارفه هاليوم بتنساه والا لا وبجد تمنيتك تعرفين هالتاريخ وتدقين تسمعيني كلمتين بس ماتوقعت تسوين كل هذا لي سما تناظره بحب : انا مثلك محمد ماهتم لهالمناسبات وماحب نسمي هاليوم عيد ميلاد ..اسمه يوم ميلاد ولازم اقول لك كل سنه وانت سالم لانه زاد بعمرك سنه واهم شي انه مر بك العمر وانا معك محمد بحنان: احبك سما سما تتبسم: وانا بعد احبك.. محمد الحياه بدونك ماتسوى شي وكل يوم يعدي وانت تحبني احس عمري يزيد واخاف العمر يعدي وتبعدني الايام عنك محمد: مستحيل اترك بس ماقلتي لي انتي كم تاريخ ميلادك سما : انا يوم ميلادي اليوم الي عرفتك فيه وحبيتك هذا اول يوم بعمري خلصت جملتها وطلعت علبه فاخره واعطتها لمحمد.. محمد يناظرها : افتحها؟ سما تبتسم: براحتك بعد مافتحها كان فيها ساعه سودا راقيه مع محفظه ماركة Gucci.. محمد يناظرها ويناظر بالعلبه : سما كم قيمتها هالهديه سما تبتسم: مو مهم قيمتها المهم تعجبك محمد : حرام عليك واضح انها غاليه وغير حجزك للمطع كان يكفيني تذكريني بكلمه وخلاص .. سما بحب: محمد لاتخرب هاليله علي انا حبيت اسويلك شي مميز محمد: بس انا ماحب اقبل هدايا زي كذا سما تناظره: انا حبيبتك واقدر اهديك الي ابي محمد يضحك: يعني تسكتيني سما تهز راسها بالأيجاب : ايه.. سكت وكملت بتردد: محمد انا برجع السعوديه بكرا محمد مصدوم: وش قلتي بكرا؟ سما : ايه محمد مسح على شعره وقالها بقهر: ليه ماعطيتيني خبر انا مسكت مشروع ثاني ويبي لي ع الاقل سته شهور بمصر سما بهدوء: انا قلت لك برجع السعوديه ولما رحت هناك كلمت ابوي وشاف لي وظيفه وانا رجعت مصر عشان اخذ اغراضي واحتفل معك بيوم ميلادك واودعك محمد بحزن: تدرين قلبتي جوي كله.. الحين شسوي ماقدر اترك المشروع سما بهدوء: محمد انت فكر فيها انت حتى لو رجعت معي للسعوديه بتكون بالرياض وانا بالشرقيه يعني نفس الشي راح تكون علاقتنا تلفونات وبس وبنكون بعيدين عن بعض محمد : لكن الشرقيه غير مصر اقدر اروح لك كلها كم ساعه سما تبتسم: محمد حتى الشرقيه ومصر طيران كلها كم ساعه بعدين مين قالك انا لما اروح الشرقيه راح اقدر اقابلك مستحيل اكذب على ابوي واقول رايحه اقابل صديقتي وانا رايحه اقابلك .. محمد هالوقت فرصه لي ولك نتأكد من مشاعرنا واهم شي انا ترتاح نفسيتي وبعدها نرتبط رسمي وماعاد افارقك محمد بسرعه: بس انا احبك سما ومتأكد من مشاعري سما بهدوء: ياقلبي انا لازمني فترة راحه اريح فيها اعصابي تكفى محمد لاتزعل محمد بحب: مو زعلان والله يعيني ع الغربه بدونك راح اشتاق لك حبيبتي سما بحب: وانا بعد الله يعلم بفقدك وبتوحشني موت بعد ماودعت محمد وطلعت من المطعم دقت على عماد.. سما بهدوء: الو كيفك عماد عماد : انا بخير انتي كيفك سما : انا بخير بس ممكن اطلب منك طلب عماد: امري ياقلبي سما بهدوء: ممكن تشوف لي وظيفه بشركه ثانيه عماد : من عيوني اعتبري انك استلمتي وظيفتك من اليوم انا لي علاقاتي سما بفرح: مشكور عماد ماقصرت عماد: انا معك اي وقت تحتاجيني فيه لي سما : مشكور بجد مادري كيف اشكرك عماد : اهم شي تستقرين وينتهي كابوسك سما : ان شاء الله : : مكه المكرمه .. الساعه 7 الصبح .. اول ماوصلو راحو لبيت الله .. لما دخلت حست بجسمها يرجف وقلبها ينبض بقوه كانت متحمسه مره واول مادخلت من البوابه وشافت الناس تسعى حست بأنفعال وبسرعه بأنفاسها كانت تتقدم بخطوات كلها خشوع الى ان شافت الكعبه .. ماقدرت تمسك نفسها ابتسمت بفرح وبدت دموعها تنزل خالد يناظرها: وراك تبكين قلبي اسيا بفرح: من الفرح خالد دايم لما كنت اصلي كنت ادئي ربي اشوف الكئبه انا حاسه بأحساس غريب بيت الله حلو وكله ايمان خالد يتبسم: ياحلوك يا اسيا والله انك نعمه من رب العالمين ..يالا نروح نطوف؟ اسيا تتنفس بسرعه: واصير اقرب من الكعبه خالد: ايه ياقلبي اسيا بفرح: خالد هذا احلى يوم بعمري خالد : ياجعل كل ايامك حلوه قولي امين اسيا وهي تناظر الكعبه: امين : : الشرقيه.. الساعه 9 الصبح .. دخل الغرفه حط صينية الاكل ودفها برجله وقالها بقرف: شوفي ان ماكلتي بتموتين وهالشي مايهمني لأنك مثلك مثل الكلب عندي بقول لهم نفسيتها كانت تعبانه وماتاكل وقتها بكون خلصت البشريه من وساختك ..عاد خلك سنعه وكلي وتحمدي ربك اخدمك وين تلاقين خدمه خمس نجوم مثل هنا نوف رفعت راسها وتفلت بقوه : ياحقير ياحيوان سعود قرب منها وشدها من شعرها: شوفي تعيدين هالحركه اقسم بالله اضربك ضرب اخو الموت واخليك تكرهين حياتك تفهمين نوف وهي تبكي: ايه وقف وراح عند الباب سحب شنطتها ورماها داخل الغرفه واشر ع الباب الي بداخل الغرفه : طبعاً تدرين ان هذا حمام وسخ مثل وساختك لو تبين تتروشين انا ماعندي مانع .. خلص جملته وطلع وقفل الباب .. كانت منهاره من التعب ومو قادره تتحرك لها كم يوم ماتاكل .. ناظرت بالاكل وحست ان سعود بجد ماهمه مات والا لا .. لازم تحارب عشان تعيش واكيد الله راح يفرجها .. قربت من الصينيه وبدت تاكل وهي تبكي بألم .. : : القاهره الساعه 10 صباحاً .. المطار تحديداً.. محمد بحزن : سما من جدك بتركيني ماقدر اتحمل لحظه بدونك سما بحب: معليه قلبي كلها كم شهر واكون لك للأبد محمد يتنهد: انتي قلتيها كم شهر مو كم يوم انا وش يصبرني سما : معليه ياروحي انا بعد بشتاق لك لكن كل دقيقه بكلمك صدقني ماراح تحس بغيبتي محمد : ولما اشتاق اشوفك شسوي سما : تذكر انه بعد هالفتره راح نجتمع ونكون زوجين بأذن الله محمد بحزن: ان شاء الله .. سما احبك سما : وانا بعد احبك ودعته ومشت بسرعه وهي تبكي رغم انها ماراح تسافر الا انها راح تشتاق له وبعدها عنه راح يعذبها .. اختفت مع الزحام وتخبت زين وبدت تراقبه الى ان طلع من المطار وبعدها بعشر دقايق طلعت من المطار وتوجهت لشقتها الجديده بالقاهره.. اول ماوصلت شقتها الجديده .. والي ماكانت بفخامة شقتها القديمه لكنها كانت حلوه وهاديه .. دقت على هشام وهي حاسه بخوف مو طبيعي .. رغم ان الاوراق معها ورغم ان اسمها موجود بالرحله الي راح تسافر على بيروت الا انها خايفه هشام مو سهل .. هشام مبسوط: هلا والله اكيد لقيتي الاوراق سما تحاول تكون قويه: ايه لقيتهم وهم معي الحين لكني ماراح اسلمك هالأوراق هشام والي انقهر قالها بعصبيه: شوفي اقسم بالله العظيم تلعبين بذيلك اعطي ابوك كل شي عندي وهو يحد مصيرك سما والي بدت تطلع حقدها عليه: سوي الي تبيه بس على فكره لو سلمت ابوي الي عندك انا راح اسلم اوراقك للشرطه هشام بعصبيه: انتي مو قدي ياحيوانه سما : انا عندي اوراق توديك بداهيه عشان كذا خلك بحالك وانا بحالي طول مانت ماشي معي صح انا راح امشي معك صح واحتفظ بالأوراق لنفسي لكن لو صار وسلمت الفيديو الي عندك لأي شخص وقتها علي وعلى اعدائي هشام والي يحاول يهدا: خلاص سما عطيني هالاوراق واعطيك الي معي وتنتهي السالفه سما بأصرار: اسفه انا الي عندي قلته ويالا الحين طيارتي تبي تقلع وبقفل الجوال .. مع السلامه .. قفلت بوجهه وقفلت الجوال بسرعه شالت الشريحه وحطت شريحه جديده .. : الساعه 2:30 الظهر .. شقة محمد تحديداَ.. سعد يتحلطم : ياحبيبي حتى البنت الي جبتنا على مصر عشانها رجعت ديترها وتدبسنا حنا بمصر عسى مبسوط بس محمد: لا مو مبسوط بس شسوي نخلص هالمشروع ونرجع السعوديه سعد وهو يسوي فيها يبكي: يارجال حرام عليك انا ادري وش بيصير هالحين محمد يناظره: وش بيصير يافالح سعد: بتقضيها لي حب بالتلفونات 24 ساعه مقسمه ع النوم والتلفونات وانا اكل تبن محمد يضحك: طيب مالك الا جميله حبها وفكنا سعد يتخيل وجه جميله : مالك امل مابقى الا جميله احبها محمد: طيب انت جرب اسبوع كلمها يمكن تحبها بالأخير سعد : ياشيخ لو تقولي بعطيك مليون ماسويتها سلامات بعدين انا مو راعي حركات انا ماراح اسوي هالحركات الا لما اشوف بنت تخطف قلبي من اول نظره محمد: طيب وافرض مالقيتها سعد يفكر: الا مالقاها والله والله شفني حلفت ماتزوج الا عن حب يارجال يعني وش عندك زود عشان تحب وتنحب انا بعد ابي اجرب محمد يضحك: لعبة مبزره هي تبي تجربها سعد: سمها مثل ماتبي الزبده ابي اجرب محمد يرفع يدينه: يارب ياكريم تشوف جميله مره ثانيه وينبض قلبك لها ورغم قباحتها تحس انك تحبها سعد يطمر بسرعه على محمد ويبدا يضربه بالمخده : حرام عليك ليه تدعي علي انا وش مسويلك جزاتي متغرب معك عشان تحب حظرتك محمد وهو فاطس ضحك: لهالدرجه شينه هالجميله خلاص يارجال سحبت كلامي قم ذبحتني سعد بعد مابعد عنه: ايه ماتحس وانت تدعي علي مثل هالدعوه حاب لي بنت لبنانيه وين تحس محمد يناظره: اشوفك بديت تحسدني مالك شغل بحبيبتي لو سمحت ماحب احد يجيب سيرتها سعد: ياربي انا راضي بنت سعوديه ميه بالميه المهم احب ومو شرط بيضه والله ماعترض محمد يضحك: استغفر الله جن الولد كل هذا غيره وحسد عشاني حبيت سعد: مالت عليك وعلى وجهك بس انا منقهر انا الي من زمان ابي احب انت الي ماتفكر بالحب حبيت قبلي وش الحظ هذا محمد بعد ماسمع جواله ناظر بالشاشه: رقم غريب .. الو سما: هلا قلبي محمد بحماس: هلا ياروحي وصلتي سما : ايه وصلت الحمد لله محمد يأشر على سعد ويمشي: رقم مين هذا سعد رمى المخده عليه: مالت عليك وعلى وجهك سما: رقم رنا قالت لي بتروحين السعوديه عطيني رقمك عشانه مميز محمد: اها طيب ياقلبي ليه ماتطلعين لك شريحه سعوديه سما بهدوء: مابي بستخدم نفس الشريحه لما اكلمك المكالمات تطلع ارخص محمد : اها طيب كيفك بس انا لو مكانك بطلع شريحه سعوديه احسن سما : المهم قلبي انا بقفل باليل بكلمك محمد: طيب ياروحي لاتأخرين علي سما : ماراح اتأخرعليك ياقلبي .. مع السلامه محمد: مع الف سلامه خلص مكالمته وطلع الصاله وهو يغني : الحب جميل جميل الحب سعد بقهر: تبي تقهرني يعني محمد يضحك: صراحه ايه سعد: طيب شف الي يتغدا معك وحبيبة القلب ماهي موجوده محمد يناظره ويتمسكن : افا اهون عليك وانا اخوك وصديقك سعد: ايه تهون يالا انقلع محمد: خلاص كل يوم بدعيلك بقول يارب عطي سعد نصيبه سعد يفكر: طيب دعوه مش بطاله يالا نروح نتغدا محمد يضحك: مش بطاله هاه هذا عشانك جوعان وتبي تتغدا : مر اسبوع .. وسما كل يوم تكلم محمد اكثر من مره وماتنام الا على صوته وتعرف كل تفاصيل يومه .. استلمت شغلها الجديد وكان متع بالنسبه لها لأنها تروح على مواقع المشاريع وتشتغل بجد وزملائها بالعمل كانو طيبين لأبعد حد .. : الشرقيه .. الساعه .. 7 المغرب.. بيت ابو خالد تحديداً.. دخلت البيت مع خالد كان مسك بيدها وطاير فيها .. شاف امه بالصاله توجه لها وقالها بحماس: كيفك يالغاليه ام خالد بعد مافزت له قالتها بحب: هلا والله بولدي الغالي خالد بفرح: هلا بك كيفك ام خالد: انا بخير الحمد لله ع السلامه خالد: الله يسلمك اسيا: كيفك ماما ان شاء الله بخير ام خالد بدون نفس: ماما مين قولي لي خالتي اسيا وهي منحرجه: انا قلت يعني ام خالد مثل امي ام خالد: هالمره لاتقولين خالد يناظرها : وش فيك ع البنت .. ناظر بأسيا وقالها بشويش: معليه ياقلبي لاتزعلين بهالوقت دخل ابو خالد وتقدم لهم بحماس: هلا والله بولدي الغالي خالد بعد ماضم ابوه بحب: هلا بك كيف صحتك ابو خالد : انا بخير الحمد لله ع السلامه اسيا بهدوء: كيفك ..وبعد تردد : عمي ابو خالد: انا بخير وياليت تقولين لي بابا انا مثل ابوك واكثر زوجة خالد انا بحطها بعيوني اسيا مبسوطه : مشكور يابابا ام خالد والي ماعجبها قالتها بصوت واطي: ايه كل يوم تزيد عندنا بنت ابو خالد بصوت عالي: وش قلتي ام خالد ماسمعناك ام خالد : لا ولا شي خالد بعد مامسك عروسته: عن اذنكم بطلع فوق ابو خالد: خذو راحتكم خالد بعد ماوصل مع عروسته للجناح الي كان مكون من حمامين وغرفتين وصاله صغيره ومطبخ صغير .. مجهزين بفخامه والجناح مستقل باب لحالها .. ناظر بأسيا وقالها بحب: حبيبتي معليش امي مزاجها صعب حنا هنا لحالنا وهالجناح مملكتك الخاصه لاتطلعين منه ابد اذا ماقدرتي تتحملين امي ...بس وقت الاكل ابوي يحب نجتمع فيه فياليت تجين على نفسك وناكل معهم واذا ماتبين براحتك اسيا تتبسم: انا اسوي اي شي تبيه ياخالد خالد بحب: الله يخليك لي ياقلبي ولايحرمني قلبك الكبير : : الشرقيه .. الساعه 7:30 مساءً.. فتح باب الغرفه وقالها بعصبيه: قومي تروشي بنروح بيت ابوك نوف وقفت رغم تعبها وقالتها بحماس: والله بشوف ابوي سعود: ايه دق علي يبي يشوفك..قرب منها وقالها بنبرة تهديد: شوفي نروح ونجلس نص ساعه ماتفتحين فمك بكلمه وتقولين انك مبسوطه ومرتاحه والا وقسم بالله العظيم اعلمه بكل سوالفك واقول له اني مالمستك ومع هذا انتي مو بنت وراح اطلقك وافضحك قدام العالم ومافيها شي لو وريته كم مقطع لك مع السواق عشان يصدق نوف تضربه: ياحقيرياتعبان سعود يدفها ع الأرض بقوه: مو احقر منك يالا البسي خلصيني نوف قامت بحزن دخلت الحمام وانتم بكرامه ..خلاص ضاع كل املها سعود محتفظ بمقاطعها للحين ويهدها يعني خلاص هالسجن هو بيتها للأبد : : القاهره .. الساعه 10 مساءً.. كانت منسدحه ع السرير وتكلمه : تصدق محمد اشتقت لك موت محمد : والله موباين سما بدلع: حرام عليك ليه تقول مو باين محمد: لو اشتقتي لي بجد كنتي جيتي على مصر تشوفيني سما تضحك: ياكبرها حرام عليك تبيني اسافر على مصر بدون لا اقول لأبوي محمد يفكر: عادي وش فيها انتي هدفك نبيل سما فطست ضحك: ايه صح نبيل مره محمد مبسوط: يالبى هالضحكه والله العظيم فقدتك سما : مابقى شي وترجع ع السعوديه وبعدها ان شاء نرتبط ونقرب من بعض اكثر محمد : ياسلام والله انا احلم بهاليوم من زمان سما: وانا بعد يامحمد هاليوم حلمي محمد: الله يجمعنا على خير سما : يارب ..قلبي انا تعبانه بروح انام محمد: نوم العوافي ادق عليك اول ماصحى والا بتدقين انتي سما : لا انا بدق محمد: طيب ياروحي تصبحين على خير سما: وانت من اهله لاتنسى تشوفني بالحلم محمد: اكيد مايبيلها كلام بعد ماقفلت وقفت وراحت للمراي الطويله الي بالدولاب وبدت تتأمل بطنها وهي تمسح عليه للحين مابين حملها .. لكن الأيام تمر بسرعه .. وبعد مرور 5 شهور يوم الأثنين 12\9 \1431 للهجره كانت واقفه بنفس المكان تتحس بطنها الي كبر وبدا يبان .. كانت بالشهر السابع .. تلبس بلوزه ضيقه مره بحيث تسحب بطنها شوي وتلبس فوقها بلوزه واسعه بطنها ماكان كبير مره ..بالعكس كان صغير وهالشي ساعدها محد من الموظفين لاحظ الحمل عليها وكانت عايشه حياتها طبيعي ..لكنها قرت بعد هالشهر تاخذ اجازه شهرين حتى لو بدون راتب .. تنهدت وهي تتأمل بطنها بالمرايا وتحس بحركات البيبي الي كانت تضايقها فأغلب الأوقات: يارب تقبل صيامي : : الشرقيه .. الساعه 2 الظهر .. نزلت المطبخ وبدت تجهز السفره دايم كان لها لمستها الخاصه بتجهيز السفره.. ام خالد من الصاله : مزوجين ولدنا خدامه مو بنت عالم وناس اسيا كانت تتبسم وهي ساكته وتكمل ترتيب السفره .. من اول ماوصلت على هالبيت وام خالد مو تاركتها بحالها كل شوي تسمعها كلمه بس اسيا عقلها كبير عشان كذا كانت تسكت وماترد عليها ابد .. ابو خالد وخالد بعد مادخلو قالوها بصوت واحد: ياسلام ريحة الأكل تجنن اسيا مبسوطه: انا اليوم طبخت الغدا بنفسي خالد يناظرها بحب: حبيبتي طابخه لنا بنفسها وش المناسبه اسيا: مو لازم تكون فيه مناسبه ابو خالد بعد ماجلس ع السفره: ياسلام الاكل يفتح النفس والسفره مرتبه بطريقه حلوه وش كل هالأكل اكيد فيه شي لايكون عيد ميلادك ياخالد خالد بعد ماجلس : لاوالله بعد ماجلست ام خالد قالتها اسيا بهدوء: فيه مناسبه صراحه خالد مستغرب: وش المناسبه اسيا وهي مستحيه: انا حامل اليوم رحت للدكتوره وقالت اني حامل لي اكثر من شهر خالد والي بدا يضحك من الوناسه: والله حامل يعني بصير اب ابو خالد مبسوط: ياسلام بيكون لي حفيد والله خبر يفرح القلب ام خالد بقهر: وليه مستعجله ع الحمل ولدي للحين صغير ومايقدر يتحمل مسؤولية اطفال اسيا نزلت راسها بحزن وماردت خالد بقهر: وش هالكلام بدال ماتفرحين لي على فكره انا اتحمل مسؤولية 10 عيال والعبره مو بالعمر والحمد لله كثاربسني فاتحين بيوت ابو خالد: والله انه صادق والحمل رزق من رب العالمين الله يتم فرحتكم ياولدي ماعليك من امك : : الساعه 3 الظهر .. شقة سعود تحديداً .. دخل عليها الغرفه واعطاها الجوال: ابوك نوف اخذت الجوال وقالتها وهي تحاول تخفي حزنها: كيفك يابابا ابو خالد: انا بخير يابنيتي انتي كيف امورك نوف: كل اموري تمام وسعود مو مقصر علي بشي ابو خالد: الله يسعدك يابنتي انا حبيت ابشرك زوجة اخوك حامل نوف والي فرحها الخبر: والله بصير عمه الله يسعدهم يارب ويتم فرحتهم ابو خالد: يارب نوف: وينه بكلمه خالد بعد ماخذ السماعه : هلا والله بالقاطعه نوف: شسوي انا اجيكم كل اسبوع خالد: مايكفي لازم تجين كل يوم تجلسين مع اسيا وتونسون نوف: ماقدر تعرف سعود مايحب ياكل اكل المطاعم لازم من يدي خالد: الله المعين نوف بحماس: اخذتني بالكلام ونسيتني ابارك لك..الف مبروك ياخوي خالد: الله يبارك فيك عقبالك يارب نوف والي خنقتها العبره : ان شاء الله بعد ماقفلت اخذ سعود الجوال وقفل عليها الباب .. قربت اذنها للبا واول ماسمعت صوت باب الشقه يتقفل توجهة للدريشه وفتحتها وبدت تتأمل الناس .. تعودت على هالسجن كل يوم تسمع صوت الباب اول مايتقفل تجلس ع الدريشه تراقب العالم وبعد ماتسمع صوت باب الشقه ينفتح تقفلها وتجلس على سريرها .. تأقلمت مع هالوضع المحزن وكانت تنتظر يوم الخميس بفارغ الصبر عشان تروح وتجلس مع اسيا وتسولف معها وتنسى همها .. كانت باليل ماتقدر تنام تسمع صوت الرجال الي مع سعود ضحكاتهم المقرفه توصل عندها وسهراتهم دايم تطول للفجر : : القاهره ..الساعه 4 العصر .. بالسياره يسولفون .. نهى بحماس: دا اهم مشروع ..مشروع ضخم اوي احنا حنعمل التصميمات الخارجيه .. سما تتبسم: دنا نفسي اوي اشوفو نهى : خلاص وصلنا سما بعد ماوصلو ونزلت ناظرت بأرض المشروع فعلاً الارض كبيره مره واضح عليه مشروع ضخم .. مشت بالأرض مع نهى ومعاهم مهندس مصري .. وصلو لواحد من المهندسين الي كان معطيهم ظهره ويسمع شرح من زميله المهندس المصري بعد ماحط كتفه ع المهندس : دا المهندس محمد من السعوديه محمد التفت وهو مبتسم وبسرعه زالت ابتسامته لما شاف سما قباله هي بنفسها قدامه ماكان مصدق عينه ومن قوة الصدمه مانطق بكلمه بس حس بنبضه سريع ودمه بدا يفور سما نزلت راسها وهي حاسه بخوف ..توقعت كل شي الا ان الصدف تكون حقيره لهالدرجه وتجمعهم بمشروع مشترك ويكون هالمشروع هو نفسه الي مشرف عليه محمد .. المهندس: دي المهندسه سما وزميلتها المهندسه نهى محمد والي ماقدر يتمالك اعصابه مسكها من يده وبدا يسحبها بعيد ويصارخ : تعالي معي سما تحاول تفك يدها : محمد اوقف والله يدي وجعتني المهندس يناظر نهى مستغرب: في ايه نهى مستغربه : مش عارفه بالطرف الثاني كان محمد يناظر سما والشرار طالع من عيونه : قولي لي بسرعه وش السالفه سما وهي تبكي: محمد الله يخليك لاتفهم غلط محمد يصارخ بعصبيه: مابفهم تبن بس تكلمي من متى وانتي بمصر سما بخوف: انا مارحت ع السعوديه اصلاً محمد بقهر: لعبتي فيني وانا اقول وش سالفة الرقم المصري سما تبكي: محمد الله يخليك اسمعني بعدين احكم محمد : طيب يالا نطلع بسيارتي واشرحي لي سما : طيب ركبو سيارة محمد وبعد ماتحركو بدت تحكي له قصة هشام مع اختلاف بالقصه.. قالت له انها قدرت تمسك اوراق خطيره لمدير الشركه الي كانت تشتغل فيها وعشان كذا بدا يهدها .. وانها كانت خايفه عليه لأنه هدها يضره ..كان لازم تبعد وتختفي عشان مايلقونها ويقتلونها وهالشي اجبرها تغير شركتها .. وماقدرت تقول له لأنها خافت يضرونه وكان لازم توهمهم انها بجد تركته.. محمد يناظرها: وليه ماسافرتي السعوديه جد سما بخوف: مدير الشركه سعودي خفت اروح ع السعوديه يلقاني بسهوله خصوصاً ان ابوي معروف محمد بعصبيه: كل هالمده خادعتني والمفروض اصدقك سما وهي تبكي: والله العظيم محمد انا هربانه خوف منهم وان ماكنت مصدقني تعال البيت اوريك هالأوراق محمد يناظرها : دليني على شقتك الجديده .. اعطته الوصف وبعد ماوصلو الشقه جلس ع الكنبه وبدا يتصفح الأوراق.. محمد وهو يناظر بالاوراق: اي رجال هذا .. انا متأكد انه زعيم عصابه هذا مختلس ومزور وتاجر مخدرات هالأوراق تسجنه 20 سنه ع الأقل انتي ليه ماسلمتي هالأوراق للشرطه سما : انا كنت خايفه محمد محمد يناظرها: سما ليه تعيشين كل هالخوف لحالك سما : كنت خايفه عليك محمد يفكر: ياربي وشلون نطلعك من هالسالفه نسلم الاوراق للشرطه او نرجعهم له وينقلع بس حرام واحد زي كذا جزاه السجن سما ماعرفت وش تقول لمحمد خصوصاً وانها ماقالت له اهم جزء بالقصه .. محمد بعد ماسمع صوت الأذان : ياربي انا بموت جوع ..اروح اجيب شي ناكله وبعدها نفكر بهالسالفه سما : الي تبيه محمد يناظرها: لاتظنين حسابنا انتهى بطلعك من هالسالفه بالأول وبعدها لي حساب ثاني معك سما تتبسم : طيب نزل سيارته بالوقت الي كانو رجال هشام مراقبينه واعطو هشام خبر انه نزل من العماره .. محمد بعد ماتلفت حوله : ياربي نسيت مفتاح السياره كله منك ياسما لحستي مخي نزل من السياره وطلع على شقتها لكن رجال هشام ماخذو بالهم انه طلع الشقه مره ثانيه .. طق الباب وبعد مافتحت قالها بأبتسامه : نسيت مفتاحي مشت وراه للصاله وناظرت فيه: محمد تكفى لاتزعل وغلاتك عندي كل الي صار غصب عني انا والله احبك بس ماقدرت اقول لك محمد يناظرها: سما انا حبيبك كان لازم تحطيني بالصوره سما وهي تبكي : خفت عليك . محمد فتح فمه يبي يتكلم بالوقت الي سمعو صوت طق قوي ع الباب .. محمد يناظرها : منتظره احد سما تهز راسها بالنفي: لا راحت مع محمد عند الباب وقالتها بهدوء : مين هشام يصارخ: افتحي الباب ياحيوانه والا كسرته على بالك مابوصلك بس سيد محمد وصلنا لك انا اراقبه من زمان سما بدت ترجف وهي تأشر ع الباب وتسمع صوت الطق القوي وتقولها بهدوء: هو هو محمد يأشر لها دقيقه .. دخل المطبخ الي كان بابه بالمر ع اليسار بعد الباب الرئيسي وبدا يدور الى ان لقى لوح خشب .. قرب منها وقالها بصوت اقرب للهمس :دخليه وامشي لباب المطبخ طيب سما تبكي: اخاف محمد: انا معك حياتي لاتخافين فتحت الباب ورجعت على ورى بسرعه بالوقت الي تقدم هشام واول ماشافه محمد ضربه بكل قوته على راسه وطاح ع الأرض بسرعه .. مسك يدها وقالها بسرعه : يالا نمشي من هنا سما تترك يده: دقيقه باخذ الاوراق .. اخذت الاوراق وعدت هشام الي طايح ع الأرض وركضت مع محمد لسيارته ..رجال هشام شافوهم ولحقوهم بسرعه .. سما تناظر بالمرايا: محمد فيه سياره سودا تلحقنا محمد يدوس بنزين: ماقلت لك انهم عصابه كان يسوق بأقصى سرعته وبعد ماوصلو لشارع مظلم حوله اراضي زراعيه بدا طلق الرصاص سما خايفه: محمد مسلحين بنموت محمد يناظرها: تعالي سوقي انا بتصرف سما بخوف: وش بتسوي محمد يصارخ: يالا مافيه وقت مسك الدركسون وبعد جسمه بالوقت الي جلست سما مكانه وداست بنزين .. فتح درج السياره وطلع سلاح .. سما بخوف: محمد ليه السلاح محمد: لازم اضرب كفر السياره قبل لايضربون كفر سيارتنا ونروح فيها كلهم مسلحين سما بخوف: ياربي ياليتني ماشفتك شفت وش صار محمد فتح الدريشه وجلس ع الباب وبدا يطلق عليهم بالوقت الي حس فيه بالسياره تلف بسرعه .. صارخ بأعلى صوته :وقفي السياره سما .. بعد ماوقفت السياره صارخ بأعلى صوته انزلي واركضي يسارك سما يالا .. نزلت وبدت تركض وهو نزل وركض بسرعه وراها ..مسك يدها وبدا يسحبها عشان تركض بسرعه اكبر..كان يحس بضرب الرصاص والرجال الي تركض وراه ويزيد سرعته رغم تعبه .. كل شوي يغير اتجاهه بهالأراضي يبي يضيعهم .. سما حطت يدها اسفل بطنها وقالتها بتعب: محمد ماقدر اركض اكثر تعبت محمد يسحبها : سما وش تعبتي لو يمسكونا نموت على طول سما والي حاسه انها راح تنهار من التعب: والله مو قادره اركض محمد جلس وقالها بسرعه: اركبي على ظهري سما بتردد: لا سلامات محمد بعصبيه: يالا مافيها سلامات اركبي قبل يوصلون حملها على ظهره وبدا يركض بدون احساس يروح يمين ويسار يبي يضيعهم بأي طريقه وقف وجلس بعد ماحس بالتعب .. سما تناظره: ياربي محمد كله بسببي محمد وهو ينافخ : لاتقولين كذا .. حط يدينه على وجهها وركز نظرها عليه: شوفيني زين انا بحميك ان شاء الله اموت اهم شي انتي سما وهي تبكي: بسم الله عليك ماكان ودي ادخلك بهالسالفه اول ماسمع صوت طلق الرصاص قريب منهم مسكها وقالها بسرعه : اركضي .. كان يركض بسرعه وبدون هدا ولا يدري وين راح يوصل كل همه يكون هو وسما بأمان .. بدت تحس بمغص قوي والم مو طبيعي كل جسمها يوجعها وماعاد تقدر تركض اكثر .. محمد وهو يناظر كوخ خشب صغير باين عليه مهجور: تعالي نجلس هنا دخل معها الكوخ الي كان كله غبار وعلف بقر واضح انه محد يجيه .. جلس وبدا ينافخ : انا اتوقع ضيعناهم سما وهي مسكه بطنها: راح يدورونا ولما يشوفون هالمكان بيدخلون يدورونا فيه محمد: برتاح شوي ونمشي على طول سما والي زاد المها حطت يدها تحت بطنها وصرخت بكل قوتها : آآآآآآآآآه خلاص ماقدر اتحمل محمد وقف مفزوع وقرب منها : سما شفيك سما والي بدت تتعرق وتنافخ : بموت محمد مو قادره اتحمل محمد والي شاف الدم الي لون بنطلونها الابيض قالها بخوف: وش هالدم سما بتعب : ياربي محمد مو قادره .. انا حامل وشكلي اولد تكفى ساعدني |
|
|
#148 |
|
|
رد: روايهـ في غااية الرووعهـ(سما غابة الأوهام)
شكرا حبيبتي على البارت...... حلومره ارجو التكمله في اقرب وقت
|
|
|
#149 |
|
|
رد: روايهـ في غااية الرووعهـ(سما غابة الأوهام)
يوه........ يوه
يسلمو قلبي على التكمله نتظر البارت |
|
|
#150 |
|
|
رد: روايه في غاية الروعه سما غابة الأوهام
بارت في غاية الروعه مشكوره حبيبتي نتظر على أحر من الجمر في البارت القادم تقبلي مروري
|
