 |
  |
|
|
|
|
#81 |
|
|
رد: روايهـ في غااية الرووعهـ(سما غابة الأوهام)
معذوره يا قلبي وش ورانا نتظر
|
|
|
#82 |
|
|
رد: روايهـ في غااية الرووعهـ(سما غابة الأوهام)
الفصل السادس عشر..
اول ماطلعو من المحل دق جوالها وكان الرقم غريب.. سما ردت بهدوء: الو محمد بسرعه: الو سما تكفين لاتقفلين انا لازم اشوفك انتي وين سما تناظر هشام وبكل تردد: انا بمجمع ستارز سنتر محمد : خلاص اوقفي عند بوابه 2 انا جايك بعد ماقفلت ناظرت بهشام وقالتها بتوتر:انا بروح صديقتي تبي تجيني هشام يناظرها: بس حنا للحين ماخلصنا تسوق سما بسخريه: والي يسمعك يقول تشتري ع ذوقي هشام بطفش : طيب عندك بشقتك غرفه فاضيه؟ سما بهدوء: عندي ليه؟ هشام يمد يده: هاتي المفتاح وروحي انا اعرف مقاسك بكمل شرا وبجهز لك الغرفه بخلي كل شي منظم مع بعضه عشان بعدها ماتلبسين غير من هالغرفه سما فتحت شنطتها واعطته المفتاح وراحت بسرعه لبوابه رقم 2ماكانت تبي تناقشه لأنها تبي تخلص منه ..ولابيدها حيله وتدري مافيه فايده من كلامها : كان متوتر مره وهو متجه للمجع مايدري كيف راح تكون هالمواجه وبنفس الوقت كان فرحان انه اخيراً راح يشوفها.. وصل على بوابة المجمع وشافه يمسكها من يدها وماقدر يتمالك نفس: شيل يدك بسرعه قالها بكل تمرد: وانت مالك بتزعأ ليه محمد يصارخ بأعلى صوته: لأنك تافه وحقيرياجزمه شيل يدك لا العن خيرك الرجال بكل برود: كنت عاوز اوصلها شفتها وائفه هنا لحالها ولو على ايدها الي مزعلاك منا سبتها خلاص محمد قرب منه بقهر وشده من ملابسه:انت غبي والا وش قصتك سما والي كانت ماتبي مشاكل زياده مسكت محمد وحاولت تشده:محمد خليه ماعليك منه عشان خاطري محمد دفه بقوه : انقلع عن وجهي بعد ماركبو السياره عم الهدوء المكان.. محمد كان يفكر بالكلام الي يبي يقوله لها وكيف راح يشرح لها الي صار وسما كانت تفكر ترجع له والا تبعد عنه وش لازم تسوي محمد ماله ذنب وحرام تظلمه معاها اخيراً وصلو لمكان يشبه التل بعيد عن زحمة الناس ومافيه احد كان مرتفع نوعاً ما يقدرون من مكانهم يشوفون جزء من القاهره .. ناظر فيها وقالها بعد تردد: ممكن تنزلين انا حاس اني مخنوق بالسياره ومو قادر اتكلم فتحت الباب ونزلت وهي حاسه بحرقه بداخلها دمعه بأي لحظه ممكن تنزل من عينها شوقها الكبير لمحمد كان يحركها وكل جوارحها تصرخ انا محتاجتلك ليه رحت وتركتني ..اول ماوقفت قباله وسط مشهد غروب الشمس فتح فمه وقالها بتردد : سما انا .. قاطعته وهي ترمي نفسها بحضنه وتبكي بحرقه .. تبكي بألم مثل الي فاقد عزيز تبكي بدمعه مكسوره واضح انها انسانه تعاني وبقوه .. توتر وغصب عنه احمر وجهه وبعد تردد كبير مسح على شعرها الناعم وهو يقولها بحنان: سما وش فيك سما وهي تبكي بحرقه: انا محتاجتلك انا هنا مالي احد ليه رحت وتركتني اواجه كل هالأيام لحالي محمد انا رجعت لي ذاكرتي تخيل امي مات من زمان وماراح القاها ابد محمد انا ابي اموت تعبانه تجاهل ضميره المؤمن الي كان يقول له انت رجال مسلم وهذي مو حلالك وشلون تلمسها ..تجاهل كل الكلمات النابعه من ايمانه بدينه ولف يدينه حولها وضمها بقوه وقالها بحزن : سما تكفين لاتبكين بهالطريقه ..ماقدر اشوفك تبكين والله بعدت يدينه عنها ورجعت خطوتين لورى ومسحت دموعها بسرعه وقالتها وهي منزله راسها: انا اسفه مادري كيف سويت كذا لكني تعبانه محمد.. خلصت كلمتها وجلست ع الأرض وهي تبكي جلس بجنبها وقالها بخوف يملى قلبه عليها: حبيبتي وش متعبك انا ماخنتك سما سما من وسط دموعها : ادري يابعد عمري البنت جات وقالت لي الحقيقه محمد رغم صعوبة الموقف تبسم وقالها براحه: الحمد لله انا احبك وعمري ماراح اخونك سما كلمته كانت مثل السكين بصدرها وزادت دموعها على خدها ولاقدرت تنطق بكلمه محمد بعد ماجلس قبالها قالها بسرعه: سما علميني وش فيك ليه تبكين سما بعد مامسحت دموعها: ابكي عشاني احبك واشتقت لك اتعبتني غيبتك عني محمد يتبسم: اوعدك ياسما ماعاد اترك خلاص دام رجعت لك ذاكرتك لازم تحكي لي كل شي عنك وماراح ارجع السعوديه الا معك انا احبك بجد ومالعب فيك وابيك زوجه لي وام لعيالي اول ماسمعت كلامه حست بالعبره تخنقها والضيقه بصدرها تزيد حست انها مو قادره تتنفس وبدت تاخذ انفاسها بصعوبه كبيره محمد والي تخرع : سما وش فيك سما تتبسم وهي تتنفس بصعوبه: مافيني شي بس من الفرحه مادري وش صار فيني .. خلصت كلمتها ومسحت دمعه نزلت غصب عنها على خدها رغم ابتسامتها الا انها موقادره توقف دموعها محمد يحبها بصدق ويبيها زوجه وهي ماتستاهله ولاتستاهل يحبها كل هالحب .. ماتدري وش لازم تسوي لكنها قرت تتركها للظروف والأيام تحلها محمد يتبسم: يالا ابيك تحكي لي كل شي عنك .. اسمك عنوانك عمرك مهنتك كل شي يالا سما تناظره بحب : طيب انا اسمي سما مهندسه محمد مبسوط: ياسلام علي ذكي من يومي سما تضحك: طيب ياذكي .. امي لبنانيه وابوي سعودي ..... : : الشرقيه .. الساعه 6المغرب.. كانت جالسه على فراشها بالوقت الي سمعت صوت نغمة جوالها ..اول ماشافت رقم اثير ردت بسرعه: هلا اثوره اثير تبكي : نوف الحقيني نوف بسرعه: وش فيك اثير اثير وهي تبكي : نوف صورتني وتهدني بالصور سعود شسوي نوف سكت شوي وبعدها قالتها بقهر: مالت عليك خرعتيني اثير تضحك: يابنت اسوي تدريبات لبكره نوف بخوف: الله يستر بس ..يابنت وش رايك بلاها اخوك لو كشف السالفه يبي يلعن خيري وخيرك اثير بحماس: هالحين ابي اسألك هالموضوع مايستاهل المغامره نوف تفكر: والله مادري ..وبعد تردد: اثير انا فكرت بكلامك اثير مستغربه: اي كلام نوف بتردد اكبر: اخوك مثل مافضحني لازم يستر علي اثير بخبث: اعترفي انك تحبينه نوف بسرعه: مالت عليك من زينه اخوك وش احب فيه العمى ازين منه اثير فطست ضحك: وش فيك عصبتي والله امزح معك اهم شي نشرط عليه السكن يكون بنفس البيت ..كملت بسرعه وبحماس: ياسلام بعد الزواج نشتري لنا سي ديات ونجلس طول الي نشوف افلام نوف تهز راسها: الحمد لله والشكر مهوب تهديد الي نبي نشرط زواج وسكن يابنت لاتخورينها بعدين افلام وشو ورانا دراسه اثير : طيب طيب نشوف بكره وش يصير نوف: انا احس تبي تصير كارثه اثير تضحك: والله ان صارت كارثه ماراح تطيح غيرفوق راسي نوف بعد ماتنهدت: الله يستر.. بعد ماخلصت كلامها سمعت صوت طق ع الباب ..قالتها بسرعه: اثير اكلمك بعدين الظاهر امي تطق الباب .. اثير: طيب باي نوف بسرعه: بايات .. اول ماقفلت قالتها بصوت عالي: ادخلي فتح الباب ودخل ماصدقت عينها لما شافته وبدت تبكي بفرح قربت منه وضمته بقوه .. باست جبينه وناظرت بوجهه الحنون وقالتها بفرح: الحمد لله ع السلامه بابا ..ليه ماقلت لنا تبي ترجع ابو خالد يتبسم: كنت بسويها لكم مفاجأه نوف بفرح: احلى مفاجأه ياحلى بابا بالدنيا ابو خالد يضمها لصدره: اشتقت لك يابنتي الحلوه نوف وهي تحس بحنانه وبدفى قربه: انا بعد اشتقت لك لاعاد تروح وتخليني بابا والله فقدتك ابو خالد وهو يتبسم: الا امك وين ماشفتها نوف تضحك بأستخفاف: امي للحين ماخلص دوامها ابو خالد مستغرب: اي دوام؟ نوف بأبتسامه ملاها الحزن: زوارات وخرابيط ابو خالد بقهر: للحين نوف تهز راسها بالأيجاب: للحين ابو خالد : نوف مادقت سما ع البيت نوف تهز راسها بالنفي: لا ابو خالد يتنهد : الله يستر مايكون صار لها شي والا يمكن يكون كلام امك صحيح انها ماتبينا وانحاشت نوف بسرعه: لو ماتبينا ماجات عندنا اكيد صار لها شي ياليتنا عاملناها زين سما ماكانت من النوع الي ممكن تفكر بهالطريقه وتنحاش ابو خالد مبسوط: والله وتغيرتي يانوف نوف بهدوء: الحمد لله : : القاهره .. الساعه 7 المغرب .. محمد بعد ماحرك السياره: يالا علميني وين شقتك سما فتحت شنطتها وطلعت ورقه مكتوب فيها العنوان واعطتها لمحمد: هنا مكتوب العنوان محمد يضحك: يعني للحين ماتدلين سما بهدوء: مادري ماتعودت محمد : طيب ابي اشوف شقتك سما حست بنبضاتها تسرع من خوفها ممكن هشام يكون للحين بالشقه ..قالتها وهي تتبسم ابتسامه فاتره: مادري محمد يناظرها: ماتثقين فيني بس بشوفها ماراح اجلس سما : طيب عادي .. سكت شوي وقالتها بتردد: محمد جوعانه محمد بسرعه: امري ياقلبي من وين تبين تاكلين سما : اي مطعم بس ابيه سفري مابي انزل محمد : طيب انا بشتري لك ع مزاجي بعد ماوقف عند المطعم ونزل ..دقت بسرعه لهشام وهي تحس انها حقيره وخاينه وكذابه .. هشام بهدوء: الو سما بسرعه: هشام انت وين بشقتي؟ هشام: ايه سما بسرعه: اطلع ابي اجي مع صديقتي ومابيها تشوفك هشام برود: 10 دقايق وبطلع لأن قربنا نخلص سما : طيب اترك المفتاح عند البواب هشام: طيب طيب يالا انقلعي بعد ماقفلت تنهدت وهي تناظر محمد داخل المطعم هالأنسان تحبه من كل قلبها وماتبي تظلمه معها رجعت دموعها تتسل لخدها وهي تفكر بحقارتها مع محمد كانت دقايق ورجع السياره بعد ماركب حط الكيس بالمقعد الخلفي وضبط جلسته: جبت لك احلى ساندوتشات سما تتبسم: مشكور محمد يناظرها ويقولها بهدوء: شفيك قلبي ليه تبكين سما بعد مانزلت راسها: احس اني ماستاهلك محمد محمد بحب: ليه تقولين هالكلام سما بحزن: ظلمتك وصدقت خيانتك لي محمد يتبسم: لاعاد تبكين خلاص الي راح راح اهم شي انا معاك سما : طيب ..مسحت دموعها بسرعه: خلاص ماعاد ابكي بعد ماوصلو للعماره طفى سيارته وشال الكيس .. اول ماوصلت للبوا قالتها بسرعه: فين المفتاح البواب: اتفضلي ياست هانم محمد يناظرها: ليه تتركين المفتاح مع البواب سما بهدوء: لا ماتركه معه بس اليوم كنت ابيه يطلع اغراض لي ونسيت المفتاح عنده محمد بسرعه: لاعاد تسوينها محد يضمن شي ..طيب؟ سما تتبسم: طيب اول مافتحت باب الشقه دخل بعدها و انبهر بالشقه وبدا يتفرج عليها بأعجاب سما تناظره: حلوه محمد: والله حلوه سما بحماس:تعال بوريك شي مره حلو راحت معاه لغرفتها وفتحت الستاره.. ناظر بالمشهد الي كان ابداع الدريشه الكبيره وأنوار الشارع والزحمه والمباني الي واضحه : وش هالحركات سما تضحك: تخيل من غرفه بالسطح لشقه 5 نجوم محمد برود: عشان تفرقين بين الفقر والغنا سما تتخصر: لا والله محمد : ايه والله طلع من الغرفه وناظر بالغرفه الي قبالها : وش هالغرفه ماشفتها سما بتوتر: شوفها فتح الباب وناظر بعلاقات الملابس الحديد الي ملاينه ملابس بكل جدار من جدران الغرفه واحد مليان ملابس غير الجزم الي مصفوفه تحت العلاقات بعنايه وبالزاويه رفوف تحمل مجموعه من الكماليات والأحزمه والشرايط وغيره .. محمد ناظرها: كل ذي ملابس سما تتبسم ابتسامه فاتره: ايه احب البس انا محمد مستغرب: وشلون جات كل هالملابس وانتي قلتي لي السياره احترقت واغراضك فيها بس جواز سفرك الي طلعتي فيه ؟ سما فهمت محمد بكل شي صار لكنها قالت له ان جواز سفرها كان معها بالشنطه الصغيره لما رمت حالها من السياره بعد الحادث و الشرطه اخذت الشنطه واول مارجعت لها ذاكرتها راحت لقسم الشرطه تسوي بلاغ وبعد سين وجيم سلموها الشنطه بالي فيها سما تتبسم: شسوي ماصدقت تطلع عندي فلوس رحت شريت ملابس وبعدين حتى بالفتره الي راحت كنت اصرف راتبي كله بالملابس محمد يتبسم: والله انتو يالحريم مشكله المهم انا بخليك انتي بعد ماتاكلين دقي علي سما : طيب : : الشرقيه .. الساعه 9 مساءًَ.. دخلت البيت وهي مبسوطه اول ماشافت ابو خالد قالتها بحماس:الحمد لله ع السلامه ليه ماقلت لنا نستقبلك بالمطار ابو خالد بقهر: ليه حظرتك فاضيه.؟ ام خالد بكل برود: شسوي اضيع وقت ابو خالد معصب: تضيعين وقت وتاركه بيتك وبنتك ام خالد: بنتي موصغيره ابو خالد: انا ماقلت اسلوب الحياه القديم تغير انا ماعاد ابيك تطلعين من البيت وتأخرين ابيك تحسين بمسؤولية بيتك ام خالد بعدم اهتمام: طيب وين ولدك ابو خالد: ولدي للحين ماخلص علاج انا رجعت لشغلي ام خالد : طيب تبي شي بروح انام صاحيه من الصبح ابو خالد والي انقهر من اسلوبها: كذا تستقبلين زوجك الي غايب فتره ..صحيح اعذرك من الصبح وانتي تلفين من بيت لبيت .. رفع اصبعه وقالها بحزم: لكن من اليوم ابو خالد الأولي ابيك تنسينه ..اي ام انتي انا وشلون وثقت فيك تربين عيالي معي بنتك لو صار لها شي وهي بالبيت لحالها انا وشلون كنت بسامحك علميني ام خالد : لكنه ماصار شي ليه تكبر الموضوع ابو خالد يناظرها بحده: انا قلت لك تجلسين بيتك مثل اي حرمه سنعه وان ماكان عاجبك تقدرين تتركين هالبيت للأبد ام خالد بسرعه: لاعاجبني وش دعوه ..ماتبي عشى يالغالي ابو خالد بعصبيه: لا مابي .. تركها وراح لغرفته وهو مقهور : : القاهره .. الساعه 10 باليل .. محمد راح غرفته بسرعه اول ماشاف رقمها .. انسدح ع السرير ورد عليها : قولي قسم سما تضحك: وليه عاد محمد: سلامات قلت لاخلصتي اكل دقي كلها ساندوتشات مو جايب لك خروف انا سما تضحك: شسوي محمد بقهر: يابرودك انا جالس انتظر وانتي تاكلين اكل عصافير سما : صراحه اكلت وتروشت بعدين دقيت محمد يسوي زعلان: ايه اخر شي انا سما : وش دعوه قلبي محمد: يالا صالحيني سما تسوي فيها تفكر: ام وشلون اصالحك محمد: قولي احبك سما والي استحت : مابي محمد: طيب زعلان لاتكلميني سما بحب: طيب احبك محمد مبسوط: ياويل حالي انا اموت فيك يابعد روحي ودنيتي كلها.. سكت وكمل بهدوء: سما مو مصدق انك رجعتي لي سما : اجي اصفقك عشان تصدق محمد يضحك: خير تصفقين مين انا حبيبك اهون عليك سما : لاماتهون علي ..سكت وكملت بتردد: محمد ممكن اسألك سؤال محمد: اسألي سما بهدوء: محمد مستحيل تتركني ؟ محمد بسرعه: مستحيل سما : احلف محمد: والله العظيم مستحيل اترك سما : مهما كانت الاسباب محمد مستغرب: وش فيه ؟ سما بهدوء: مافيه شي جاوبني ماراح تتركني مهما كانت الاسباب محمد بحب: ماراح اترك لو الموت انا احبك ومالي غيرك سما والي حست بغصه: الله يخليك لي ولايحرمني منك : : يوم السبت ..الساعه 6 صباحاً .. صحت على صوت الجوال .. اخذته بكسل من الطاوله وقالتها برود: الو هشام: يالا قومي البسي واجهزي بيمرك سواق هالحين سما بعد ماجلست : كيف والدوام الساعه 8:30 هشام: ايه يبي ياخذك للكوافير بيغيرون قصة شعرك وبيحطون لك مكياج خفيف لازم يشوفك باحلى صوره سما بتردد: بس انا مابي احط مكياج ولابي اغير قصة شعري هشام يضحك: ومين قالك انا اخذ رايك وعلى فكره ابيك تروحين للكوفيره مره ثانيه عشان تعلمك لمسات حلوه للمكياج وبعدها تحطين انتي لحالك سما انا معك بالشركه ومابيك يوم تجين مبهذله سما بهدوء: طيب هشام: لاتنسين تحطين من العطر الي شريناه ريحته حلوه سما بقهر: طيب قامت من فراشه وبعد ماغسلت وتوضت وصلت راحت لغرفة الملابس كانت كل الملابس فاحشه وماتناسبها هي ماتبي تلبس كذا معقوله تعيش كذا تحت رحمت هشام.. حاولت تلقى شي مختلف شي يناسبها وهذا كان الوحيد المقبول بكل شي موجود كانت قميص ابيض بكموم طويله عليه جرافت ( ربطة عنق) صفرا وتحته بنطلون اسود وحزام اصفر عريض وبالأرض تحت البس مباشره كان فيه جزمه صفرا وانتم بكرامه كعبها عالي .. ناظرت بالملابس الي كانت كلها مرتبه يعني مايحتاج تنسق البس لأن هشام جاب له من يتكفل بهالموضوع ورتب لها الملابس كلها .. تنهدت واخذت ملابسها وراحت لغرفتها دورت بملابسها قميص اسود للركبه واخذته ..بعد مالبست ملابسها لبست القميص الأسود فوقهم بحيث تغطي الي هي لابسته ناظرت نفسها بالمرايا وتأكدت انه مافيه شي باين منها وراحت لنفس الغرفه واخذت شنطه صفرا صغيره حطت جوالها ومحفظتها وطلعت .. بعد ماوصلت للكوفير وجلست ع الكرسي ناظرت بالكوافيره : انا مابي اقصر شعري الكوافيره تتبسم: استاز هشام ألي نعمل لك ايه سما بحزن: اها طيب .. لفت للمراي وهي تناظر الكوافيره الي بدت تقص شعرها وماقدرت تمنع دموعها الي بدت تنزل على عينها : : يتبع.., |
|
|
#83 |
|
|
رد: روايهـ في غااية الرووعهـ(سما غابة الأوهام)
تابع الفصل السادس عشر
الساعه 7 الصبح بتوقيت السعوديه 12 الظهر بتوقيت بكين.. كان يمشي بمر المستشفى وهو يضغط على رجله التعبانه ويحاول قد مايقدر يمشي بدون عكازه ..وقف فجأه وهو ينافخ وحاس بتعب ... اسيا والي قربت منه : ليش تتعب حالك خالد رفع راسه وناظرها وهو ينافخ: اسيا كيف حالك اسيا تتبسم: انا بخير كنت قريبه قلت اجي اتمن عليك بس الي شفته ماعجبني ليه ترهق نفسك خالد بقهر:ابي اطلع من هنا خلاص تعبت من العلاج الطبيعي والأبر الين متى اسيا: انا اشوفك تحسنت كثير وراح الكثير مابقى الا القليل تسبر خالد : انا صابر بس تعبت ابي اطلع عشانك ابيك تشوفيني اقوى مابي اكون الضعيف بعيونك اسيا : ومين قالك انك ضئيف انا اشوفك انسان قوي يكفي انك تحاول خالد يناظرها بحب: اسيا انتي رجعتيني للحياه انا صح رجعت لعقلي لكني كنت فاقد احساسي بالحياه وأملي فيها ضعيف لكن لما عرفتك وحبيتك حسيت اني اقوى واني متمسك بهالحياه بقوه اسيا نزلت راسها: وش هالكلام الكبير خالد يناظرها وبكل حب: اسيا انا احب وانا عمري ماحبيت قبلك وتعبت خلاص من اهمالي وعدم مسؤليتي ولاعاد ابي اي علاقات طايشه لأني جاد معك وابي اتزوجك لكن ماعتقد ابوي يبي يوافق اقل شي اثبت نفسي بدراستي اسيا:..................... خالد يكمل: اسيا تصبرين علي شوي اوقف على رجلي واخطفك من الصين للسعوديه اسيا وهي مستحيه: مادري خالد بهدوء: انا عمري ماشفت مثلك انسانه عاشت بظروفك ومع كل ظروفها ملتزمه وتخاف ربها انا بجد حبيت كل شي فيك اسيا مابيك تقولين موافقه بس ابي اعرف تحبيني لدرجه تصدقين وعدي البسيط وتنتظريني اسيا : ايه لهالدرجه واكثر..خلصت كلمتها ومشت من جنبه بسرعه خالد يصارخ: دقيقه اسيا مافهمت جوابك ..وش يعني تحبيني والا لا ..؟سكت لمالاحظ ان فيه كم عين موجهه صوبه التفت وناظر بالمرضين الي كانو يناظرونه وكأنهم يقولون وش فيك تصارخ .. تبسم لهم ومشى لغرفته بهدوء كان مبسوط لأنه فهم من ورى رد اسيا انها ماعندها مشكله تنتظره وانها اكيد تحبه : : القاهره الساعه 7 الصبح.. بعد ماخلصت قص شعر ومكياج ناظرت نفسها بالمرايا ..شعرها كان غريب بالنسبه لها ..نشرت لها خصلات من الشعر على الجبهه وباقي الشعر كان 3 طبقات قصيره والطبقه الرابعه طويله الى نص ظهرها .. المكياج كان ناعم مره مكياج نهاري خفيف عيونها مرسومه بالكحله شوية مسكره .بلاشر خفيف ع الخدود وروج فاتح جداً ..صح كانت حلوه مره لكنها كانت تحس نفسها غريبه بنت حقيره مزينه بطريقه بشعه لهدف ابشع ..تنهدت وطلعت من الكوافير وهي حاسه بحزن يملاها ناظرت بزحمة الشوارع وفكرت وين لازم تروح باقي ساعه ع الدوام التافه الي رغم حبها للهندسه ماهي متحمسه له ابد لأنها تدري انه ماراح يكون لتحقيق طموحاتها لكنه بيكون لتحقيق اهداف حقيره هي بعيده عنها .. وقفت تاكسي ..وبعد ماركبت دقت رقم الرجال الي راح يوفر لها سياره .. سواق التاكسي : عاوزه تروحي فين سما: سانيه واحده..الو .ايوه انا عاوزه اعرف عنوان اجنص العربيات ..ايوه اتفضل ادي العنوان للسواء بعد ماوصلت نزلت وناظرت بمعرض السيارات الفخم .. دخلت وبعد ماسلمت طلبت مقابلة المدير .. المدير: ايوه يافندم أئدر اخدمك ازاي سما : انا بابا كان متأجر لي سياره من هنا ودفع أجرتها بس انا ماستلمتهاش المدير مستغرب: انتي مين سما بعد ماعطته بسبورها: انا سما بنت متعب المدير بسرعه: دا صاحبي وحبيبي ..ازايك يابنتي اتفضلي ..تشربي ايه؟ سما تتبسم: انا مستعجله عندي شغل امتى حتوفر السياره لي المدير بعد ماناظر بالجواز رجعه لها : باباك موصيني تختاري السياره الي بتعجبك ولو كنت مبأجرهاش حيبعتلي تمنها يعني انا حلها معاه بس دا مكلمني من زمان مجيتيش وأتها ليه سما بهدوء: كنت بالمستشفى المدير: الف سلامه عليك طيب اختاري السياره الي تعجبك راحت سما للمعرض وبدت تناظر بالسيارات وتجرب الجلسه بالسياره وبعد نص ساعه اختارت السياره الي تبيها .. المدير: يومين بالكتير وحتبأه عندك اديني عنوانك ونمرت تلفونك سما : طيب ..بعد ماعطته عنوانها ورقم تلفونها اخذت تاكسي واعطته عنوان الشركه ..اول ماوصلت وبعد مانزلت من التاكسي حاولت تكون قويه وفسخت القميص الأسود وحطته بيدها كانت تمشي وهي متوتره البنطلون مخصر مره والقميص لاصق بجسمها وقصير لدرجه كانت تحس بطنها وظهرها يبانون مع اتفه حركه حست انها مخنوقه وان كل العيون عليها كانت مثل اي بنت تافهه مالها اي قيمه كان ودها تجلس ع الأرض وتبكي بصوت عالي وتصرخ: انا غير واللهي غير : : الرياض ..الساعه 7 الصبح.. جود تصارخ: ابي الوح معاهم المدلسه ام محمد: معليه السنه ذي بوديك حضانه جود تبكي بقوه: مابي مابي ابي اليوم الوح المدلسه ام محمد: وشلون اوديك يابنيتي لاتصدعين راسي جود تصارخ: ابي ال وح المدلسه ام محمد تحاول تغريها : تبين تاكلين جود ترافس بالأرض: لا لا ابي الوح المدلسه ام محمد كانت تبي تتكلم بس سكت اول ماسمعت صوت الجوال وردت بسرعه: هلا بولدي الغالي محمد مبسوط: هلا بأحلى ام بالدنيا وشلونك ام محمد: انا بخير الحمد لله انت وش اخبارك طمني محمد: الحمد لله اموري كلها طيبه ..سمع صوت صراخ جود وقالها وهو يضحك: وراها تبكي دعانه؟ ام محمد: لا والله تبي تروح المدرسه محمد يضحك: اخيراً لقت لها شي ثاني غير الأكل طيب عطيني بكلمها جود اخذت الجوال وقالتها بسرعه: الو متى تاخذني للمدلسه ابي الوح محمد بهدوء: شوفي حبيبتي انا قلت لهم بجيب جود لكم قالو لي سمعنا صوت صراخها ومانبيها لازم تصيرين بنت حلوه وشطوره وماعاد تصارخين عشان تروحين المدرسه جود بهدوء: خلاص ماعاد اصارخ محمد: شطوره وين الماما ام محمد: وش قلت لها عشان تسكت محمد : ولاشي المهم انا بخليكم هالحين وراي شغل خلي بالك من نفسك ام محمد: ان شاء الله ربي يحفظك ياولدي بعد ماخلص مكالمته دق على سما للمره الرابعه ونفس الشي ماترد عليه محمد يكلم نفسه بصوت مسموع : وش فيها هالبنت ماترد علي : : القاهره ..الساعه 10 الصبح.. طفشت وهي جالسه على مكتبها ماتسوي شي ماكانت تدري وش مهنتها الأساسيه ولافيه من قالها وش لازم تشتغل ..كانت بغرفه فيها 3 مكاتب واحد لها واثنين لزملائها ..واحد منهم شاب اسمه عدنان والثانيه بنت اسمها تهاني..محد منهم وجه لها كلمه كل الي كانو يتبادلونه شوية ابتسامات .. وقفت بعد ماحست ان مالها داعي هنا وراحت لمكتب هشام .. السكرتيره: استني حديلو خبر سما بعد ماوقفت: طيب السكرتيره طلعت من المكتب : اتفضلي اول مادخلت المكتب تأملته كان راقي جداً ..الجدران كلها كانت بالون الرمادي وجدار واحد بس بالون الأحمر .. على يسارها كان فيه طاوله صغيره سوادا حولها ثلاث كنبات صغار ثنتين حمر وحده سودا وقبالهم مكتبه سودا مليانه كتب ومستندات ... قبالها كان مكتب هشام بالون الاسود وكرسيه كان جلد احمر .. قبال المكتب كان فيه طاوله حمرا صغيره وكنبتين جلد بالون الأسود .. حتى اطار الصوره الي كان على مكتبه كان بالون الاحمر.. سما تناظره بعد ماقفلت الباب : والله ستايل المكتب هشام بعصبيه: انا قلت لك هنا تكلمي لبناني سما : طيب بس انا طفشت وش شغلتي بشركتكم لازم اشتغل هشام: مافيه شي حالياً لكن قريب بخليك ترسمين لنا تصميمات بس من غير ماتطلعين سما بقهر: وش استفيد انا ابي اطلع اشوف المواقع هندسه ميدانيه يعني ابي اشرف ع العمال واكون موجوده معاهم هشام يناظرها: مو وقته لو طلعتي من المكتب كثير ماراح تقابلين عماد وانا ابي علاقتكم تتطور بسرعه سما تتنهد: يارب صبرني طيب متى بشوف سيد عماد هذا يمكن اشوفه وماعجبه وقتها ارتاح من هالسالفه هشام:هالحين هو مو بالمكتب طالع اول مايجي بدق على جوالك وروحي ومعك هالورقه وقولي له ان مكينة التصوير الي عندكم عطلانه وتبين تصورين هالورقه عنده سما بعد ماخذت الورقه: طيب بس انا ابي رقم بابا ورقم البيت هشام : طيب دقيقه بس نفس ماتفقنا سما: مانسيت الاتفاق اخذت الورقه الي فيها الارقام وطلعت من مكتبه وهي تدعي من كل قلبها: يارب يارب انت عالم بالي بقلبي خلي عماد يكرهني ومايحب اي شي فيني يارب ابي ارتاح تعبت وماعاد اتحمل اخسراكثر راحت للحما وانتم بكرامه عشان لاحد يسمعها تتكلم سعودي..دقت ع جوال ابوها لقت الجوال مقفل ..دقت ع رقم البيت وردت عليها ام خالد سما بسرعه: الو ام خالد انا سما بابا هنا ابي اكلمه ام خالد بكل عصبيه: وش الي بابا هنا.. حنا مانعرفك ولانبي نعرفك ولانتشرف بمعرفتك وابوك متبري منك ليوم الدين تنحاشين ولاتعطينه خبر اساساً هو قال انا هالبنت ماعرفتها وبركه الي راحت سما قالتها من وسط دموعها: طيب سلمي عليه وقولي له سما اتصلت ام خالد بقهر: اقول انقلعي مانبي منك سلام نوف والي سمعت كل كلام امها نزلت الدرج وشافت امها تقفل السماعه وقالتها بعصبيه: ليه ماما حرام عليك البنت وش سوت لك خليها تعيش موحرام ماعندها ام تبين تحرمينها ابوها ام خالد: انتي اسكتي موفاهمه شي نوف: انا الي موفاهمته حقدك على هالبنت وهي ماضرتك بشي ياماما انا كنت عميه مثلك بس هالحين فتحت وصرت اشوف كل شي بشكل واضح انا بقول لبابا ان سما اتصلت ام خالد بنبرة تهديد: لا ماتقولين له وياويلك لو تقولين له ماعاد اكلمك ولاني امك ولاعرفك نوف بقهر: ويعني انا اشوفك والا اجلس معك ام خالد: انتي لو قلتي لأبوك تبين تسبين لي مشاكل كبيره معه مالك دخل خلي هالسالفه علي ولاتدخلين نفسك بالطرف الثاني .. جلست على ارض الحمام وانتم بكرامه وهي تبكي بحسره حاسه انها محتاجه مره تسمع صوت ابوها الي ماكتفت منه ابد وماتبيه يكرهها وهي حبته من كل قلبها وحست فيه كأب .. من وسط دموعها مالقت لها ملجأ غير محمد ودقت عليه .. محمد بسرعه: الو هلا حبيبتي وينك من اليوم سما والي واضح على صوتها انها تبكي: موجوده بس تعرف اول يوم دوام محمد متخرع: حبيبتي شفيك سما ليه تبكين سما والي ماقدرت تمسك نفسها بكت بقوه وقالتها بصوت متقطع: م ت ضايقه يامحمد محمد بخوف: عطيني عنوان الشركه هالحين بجيك سما: لاوين تجي ماخلص دوامي محمد بسرعه: مالي شغل الحين بجيك وتطلعين لي مستحيل اترك وانتي بهالحاله سما بعد ماعطته عنوان الشركه راحت لهشام واستأذنت نص ساعه .. لبست القميص الاسود وقفلت كل زرايره ونزلت تحت عند بوابة الشركه تنتظر محمد وهي تبكي .. كلها دقايق وصل محمد ركبت السياره وهي تبكي مو قادره تتمالك نفسها محمد بعد ماتحرك: وش فيك قلبي علميني والله ماحب اشوف دموعك سما وهي تبكي: تعبت محمد خلاص مو قادره اتحمل كل يوم عندي مصيبه محمد: الله يبعد عنك المصايب يابعد روحي علميني وش مضايقك سما وهي تبكي : بابا يامحمد مايبي يكلمني فاهم غيبتي غلط على باله انا مابي اكلمهم ولابيهم يعرفون مكاني مادري شسوي محمد بعد ماوقف السياره التفت لها: قلبي بعد روحي انتي مابيك تبكين ابوك كلميه مره ثانيه وثالثه الين يفهم انتي بنته ولو علمتيه بجد وش صار لك ماراح يقسى عليك ويكذبك خصوصاً انك قلتي لي ابوك انسان مثقف ومتفهم سما وهي تبكي: ايه بابا احسه غير صح ماعرفته فتره طويله بس مابي اخسره محمد يتبسم: طيب يابعد روحي قلت لك لازم تكلمينه مره ثانيه ويالا امسحي دموعك ولاعاد تبكين سما تبكي ومو قادره توقف بكا .. محمد يناظرها بحب: طيب وعشان خاطر محمد حبيبك سما مسحت دموعها وسكت بسرعه محمد يضحك : يالا خذي نفس عميق واهدي سما تنفست بهدوء : طيب ناظر فيها وقالها بفرح وهو فاتح يدينه: تصدقين عاد انا حاس اني ملكت الكون كله ومو مصدق انك رجعتي لي وتكفين دمعتك ماعاد ابي اشوفها سما والي رجعت تبكي: انا الي ملكت الكون كله وصدقني انا ماستاهلك محمد يسوي معصب: وش قلنا حنا بلا هالكلام ودموع مانبي سما تتبسم وبكل هدوء: طيب .. يالا لازم ارجع استأذنت نص ساعه بس محمد: طيب ..التفت عشان يسوق وفجأه وقف عن الحركه وهو مركز نظره عليها .. سما مستغربه :شفيك؟ محمد يفرد شعرها بيده ويناظرها واضح عليه مقهور: قصيتي شعرك ؟ سما مرتبكه: ماقصيته بس غيرت ستايله محمد والي مازال منقهر: وش ستايله انا على بالي بس قاصه الشويتين الي ع جبهتك لكنك قاصته كله وش الفايده من الشوي ذي الي واصله لين ظهرك سما ليه تلعبين بشعرك شعرك حلو سما بعد مانزلت راسها: مادري قلت تغير محمد بضيقه: قلبي مابي ازعل عليك اواضايقك عشانك اساساً متضايقه بس مره ثانيه لاتلمسين شعرك طيب؟ سما بهدوء: طيب قلبي لاتزعل : : الشرقيه.. الساعه 12:30 الظهر.. اول مارجعت من الجامعه راحت بسرعه لغرفتها ودقت على سعود وهي تتصنع البكا: الو سعود انت وينك سعود بمل واضح عليه صاحي من النوم: انا بغرفتي وش تبين اثير قفلت بوجهه وحاولت قد ماتقدر تتصنع البكا وراحت غرفته وبعد مافتحت الباب قالتها من وسط دموعها وهي حاطه يدها على وجهها : سعود الحقني مادري شسوي سعود: الحقك ليه وش صاير اثير وهي تسوي فيها منهاره: مصيبه ياسعود مصيبه سعود وقف وقالها بكل عصبيه: قولي وش فيك خرعتيني مع هالظهريه نوف وهي تتصنع البكا اكثر: فيه بنت بالجامعه اسمها نوف متعب ..صورتني وجالسه تهدني تحط صوري بالأنترنت سعود مسكها من يدها وشدها وقالها بصوت عالي : نوف هالحيوانه كيف صورتك .. هزها بقوه وهو يصارخ : تكلمي اثير وهي تبكي: كنت بحفلة صديقتي والظاهر هي متفقه معها وصورتني كم صوره وتهدني فيهم وتقول راح تكتب اسمي بالكامل عليهم مادري شسوي دف اخته بقوه وضرب الجدار بيده بقهر: هالحقيره سوتها فيني ياربي شسوي وشلون اجيب الصور طيب تهدك بوشو اثير: تقول انت عندك صورها سعود بسرعه: خلاص قولي لها نرجع لها كل شي يخصها وخلاص تنتهي السالفه اثير : بس هي تقول خلي اخوك مثل مافضحني يتزوجني سعود بصوت عالي وبكل عصبيه: اتزوج مين؟ اتزوج الخدامه اهون الف مره من هالحقيره بعدين انا لافضحتها ولاشي هي شافت احد يتكلم عليها انا كنت العب فيها بس مانشرت صورها هالتعبانه وانتي ياغبيه ليه تروحين اي مكان اثير بخوف: وانا وش دراني سعود بعصبيه: انقلعي انقلعي عن وجهي انا بتفاهم مع هالحقيره .. اخذ جواله بعد ماطلعت اثير ودق على نوف .. لكنها ماردت عليه دق مره ثانيه وثالثه ونفس الشي ماردت عليه .. رمى الجوال ع فراشه وصار يتحرك بالغرفه بسرعه وهو يفكر وش لازم يسوي : : الساعه 12:45 بتوقيت السعوديه 5:45 بتوقيت بكين .. كان جالس على فراشه ويفكر بأسيا الي اخذت عقله لدرجه حاس انه بجد مو قادر يعيش لحظه من غيرها .. وشلون يتزوجها وهو بأول السلم وش لازم يسوي كيف يقول لأبوه فجأه ابي اتزوج وهو للحين ماخلص علاجه .. بعد تفكير مطول تبسم وهو يفكر بحل مناسب.. ضبط جلسته وقالها بصوت مسموع: خلاص لقيتها راح اقول له بدرس بالصين وبعد فتره بقول له اني حاس بالوحده وفي بنت سعوديه تدرس معي وخاطري اتزوجها تونسني بسنين دراستي وقتها ماراح يرفض ..سكت شوي وفكر:لكن ماعمري سمعت عن واحد جا درس بالصين .. اخذ جواله ورسل مسج لأسيا : اسيا ابي اسألك فيه عرب يدرسون هنا بجامعاتكم : شوي وجاه الرد : ايه فيه ليه؟ : كتب الرد بسرعه وارسله : افكر ادرس هنا : اسيا.. : من جدك؟ : خالد.. : ايه من جدي وابي اسألك سؤال ثاني تحبيني.؟ : اسيا.. : ايه : خالد والي ماعجبه الجواب ارسل لها : لا ابي جواب واضح وصريح : اسيا.. : ايه احبك : خالد انبسط اول ماقرا الجواب وحس انه يطير بعالم ثاني : : القاهره ..الساعه 2 الظهر .. صوت جوالها حسها بنبضات قلبها الي بدت تتسارع من الخوف اول ماشافت رقم هشام.. سما بهدوء: الو هشام: يالا روحي مكتبه المكتب الي قبالي على طول سما : طيب اخذت الورقه وتوجهت لمكتبه وهي تحس انها خلاص انتهت .. وبينها وبين الموت شعره ومعجزه مستحيله هي بس الي راح تنقذها من دمار اكيد.. وصلت عند مكتبه وقالت للسكرتيه: بدي فوت لجوا فيك تأوليلو للمدير انو انا هون السكرتيره: طيب ..دخلت المكتب وبعد ثواني طلعت اتفضلي دخلت المكتب وهي متوتره مره وقلبها ينبض .. المكتب كان نفس ستايل مكتب هشام بس الألوان اسود وابيض .. حاولت قد ماتقدر تخفي خوفها وتوترها وقالتها وهي تناظر بعماد الي كان جالس ومنزل راسه يوقع اوراق: سوري بس بدي صور هي الورئه رفع عينه وناظر بسما بعد ماسمع صوتها ... نهاية الفصل ترقبوا بالفصل القادم .. شوف لاتصغير غشاش وربي انك نصاب شفتك يالغشاش : : كذا طيب دام الحرب بدت انا اكيد الي بربح بالأخير تحيتي وتقديري لكم جميع واشكركم ع المتابعه الحلوه |
|
|
#84 |
|
|
رد: روايه في غاية الروعه سما غابة الأوهام
الله أيخليك يالغالية كملي القصه في أقرب وقت والله ملينا من الأنتظار وزدنا أشوقنا للنهاية تقبلي مروري أختي كيلو بترا
|
|
|
#85 |
|
|
رد: روايهـ في غااية الرووعهـ(سما غابة الأوهام)
روايه رو و و و و وعه
بليز كمليها لأني متحمسه وا ا ا ا ايد واتمنى ان عماد يساعدها وتفتك من هشام مشكورة ياكليوبترا |
