 |
  |
|
|
|
|
#116 |
|
|
رد: روايهـ في غااية الرووعهـ(سما غابة الأوهام)
كملي حبيبتي والله روعة
|
|
|
#117 |
|
|
رد: روايهـ في غااية الرووعهـ(سما غابة الأوهام)
وين بارت يوم الاربعاء ....ابليز
|
|
|
#118 |
|
|
رد: روايهـ في غااية الرووعهـ(سما غابة الأوهام)
مشكورات ياأغلى متابعات
ع المتابعه والتفاعل المميز والله نورت صفحتي بمروكم العطر يالغاليات... وهذا نصف بارت واول ماتنزل الروائيه التكمله اكيد راح اكلها لكم.. |
|
|
#119 |
|
|
رد: روايهـ في غااية الرووعهـ(سما غابة الأوهام)
الفصل التاسع عشر..
حط الجاكيت وراح جهت اليسار صعد الثلاث درجات الى ان وصل للمطبخ طلع زجاجه فخمه وصب منها شوي بكاسين وبعد ماحط الثلج تقدم لسما واعطاها الكاس سما تناظر الكاس بخوف: خمرا؟ عماد يتبسم وهو يناظر بالكاس: لا هذا خليط من فواكه استوائيه بس غازي شي يشبه الكاديه بس فاخر سما والي ماقتعت: ليه تصبه بالكاسه بهالطريقه؟ عما يضحك: شوفي خايفه تشربيه ماجبرك لكنه ثقيل ومانصحك تكثرين منه عشان كذا اصبه بهالطريقه لكني اقسم لك انه عصير تبيني اشرب اوريك ؟ بشرب 10 كاسات وان حسيتيني بديت اسكر اطلعي ولاعاد تكلميني سما مدت يدها واخذت الكاس: خلاص صدقتك عماد بعد ماجلس ع الكنبه ..ضرب ضربتين بيده ع المكان الي بجنبه: اجلسي سما جلست وشربت شوي من العصيروقالتها وهي تستِطعمه: اول مره اشرب شي كذا طعمه رهيب عماد يتبسم: قلت لك خليط فواكه من نوع فاخر انا اجيبه بخلطه مخصوص من برا وماقدمه لأي ضيف ..شوفي سما انا يمكن اغلط لأني انسان ومو معصوم من الغلط لكن الحرام عمري ماقربته .. انا عشت بمصر عمر وكنت مرات اقابل رجال اعمال بأماكن المشروب فيها اساسي ومع هذا عمري ماشربت سما والي بدت تتحمس لكلامه: ليش مافكرت تجربه عماد بعد ماحط الكاس ع الطاوله: عشانه حرام وانا انسان عمري ماتركت فرض صلاتي اهم شي عندي ومو ناوي اخسر قربي من رب العالمين عشان كاس خمرا ماراح استفيد شي لما اشربه سما والي ماتوقعت تسمع هالكلام قالتها بعفويه: صراحه من طريقتك بالتعامل معي ماتوقعتك كذا عماد بهدوء: شوفي سما انا واحد كانت لي علاقات كثيره والتعامل مع الحريم بالنسبه لي شي عادي .. لكني مستحيل انام مع بنت لو الموت لأن عندي قناعه اني لو سويت هالشي بالحرام ماراح احس بحلاوته بالحلال ولاراح احس بفرق لما اتزوج انا ابي اول بنت المسها تكون زوجتي على سنة الله ورسوله ارتاح وانا نايم معها يمكن تقولين يبالغ بس انا تقريباَ كل يوم اتعرف على بنت .. ضحك وكمل : يعني بالسنه اتعرف على 360 بنت ومع هذا مافيه بنت دخلت قلبي وانا مابي اتزوج بنت ماتدخل قلبي ولما احب بصدق بتزوج البنت الي احبها وبدون تفكير اهم شي تكون تبادلني هالحب طبعاً سما والي اعجبها كلامه ..حست براحه غريبه وحست رغم هالغموض الي ورى شخصيته الا انه شخص عنده روح الانسانيه يكفي انه قريب من ربه وهالشي طمنها.. عماد يناظرها: وش فيك تتبسمين وماعلقتي سما بهدوء: مستغربه جرأتك يعني دخلت على طول بموضوع الحريم ومادري ايش عماد يتبسم: شوفي سما انا انسان واضح وصريح اي شي فيه لف ودوران ماحبه احب اكون على طبيعتي ..البدايات الغبيه الي بكل علاقه انا ماحبها اكره هالديباجه اول يوم نستحي وثاني يوم نبدا نتكلم كلام بسيط بعدها نتعرف وبعدها يمكن نتمادى ..انا احب من بداية العلاقه نكون واضحين وصريحين وبلاه التمادي اصلاً سما تتبسم: طيب شي حلو انا برضو احب الصراحه بس فيه مواقف الصراحه ماتنفع فيها عماد: انا عن نفسي مندفع مره وياما خسرت بسبب صراحتي..لاحظ نظراتها الي بدا يبان فيها الاعجاب وقالها وهو يتبسم: شوفي لاتضنيني بعد هالكلام وعشاني ماقرب لأي بنت اني ملاك لانا كل شي ابي اسويه اسويه وماحب شي يوقف بطريقه عنيد وقاسي وقت الي يحتاج الموقف وديع ومسالم وقت الي تهدا العواصف .. انا عايش حياتي مثل مانا ابي ومانكر فيها اغلاط كثير راح اصلحها مع الزمن يعني سهر ورقص وخرابيط لكني احيان انجبر عليها كنوع من المجامله .. سما تفكر : كثير شغلات ينجبر عليها الأنسان ويلقى نفسه غصب عنه يعملها عماد : سما وش جابك لمصر؟ سما: انا جيت احق حلمي ابي اصير مهندسه معروفه ولي اسمي عماد يفكر: انا مثلك لما جيت على مصر كنت ابي احق حلمي ابي يكون لي اسمي .. ابي اصير صاحب نفوذ ..سلطه ومال وفعلاَ حقت الي ابيه فيل وعمارات وشركه وكل شي والحين اخط ابني سلسلة فنادق .. بس احس فلوسي مالها معنى لأنها كثيره ع الفاضي ماعندي احد يفرح بهالفلوس .. ابوي الله يطول بعمره غني ومو محتاج لي وفلوسي كلها لي سما تناظره: انت كم عمرك عماد: عمري 27 سما : طيب ليه ماتزوج وتصير فلوسك لك ولعيالك وزوجتك عما يتبسم: قلت لك البنت الي بتزوجها لازم اكون احبها ..لو ابي زواج تقليدي ممل وبنت على ذوق الوالده كنت تزوجت من زمان سما : طيب ليه ماترجع السعوديه عماد : تصدقين انا احب مصر ومافكر ارجع حالياً .. انا بالنسبه لي مصر فيها سحر غريب شدتني لها بشكل ماتصورين .. احب كل شي فيها .. احب الطيبه والبساطه بمعظم ناسها .. احب اسلوب الحياه فيها .. اقدر اتمادى وقت الي ابي وامسك نفسي وقت الي ابي .. هنا فيه مكان لأي شي وبأي وقت الي يبي الخراب له مكانه والي يبي يلتزم له مكانه.. والي مثلي له مكانه اسلوب الحياه عاجبني سما: بس تبقى السعوديه ديرتك وتنتمي لها عما يفكر: بيني وبينك ماحس بأنتماء لمكان .. ابوي وبحكم شغله كنا كل صيف نسافر لبلد ونستقر فيها الاجازه كلها يعني حول 3 شهور .. وبعد ماتعود ع البيت والمكان نتركه بكل بساطه .. تدرين لما كنت صغير كنت اول مانسافر ابكي مابي اسافر وبعد شهر من السفر برضو ابكي ابي ارجع لديرتي ..ولما يقرب موعد ابكي مره ثالثه لأني خلاص تعودت ع المكان ومابي اتركه ..تخيلي سما كل سنه تت<noSymbl%DF1> عليك هالمشاهد؟ بتحسين بالأنتماء؟.. لما كبرت بديت اتحلطم واعترض واول ماخلصت الثانويه قرت ادرس واخترت مصر لأني كنت موجود فيها بالصيف الي قبل تخرجي .. تصدقين ماكذب عليك لما اقول لك ماحسيت بالأستقرار غير لما عشت هنا كانت تناظره وتستمع لكلامه وتحس ان ورى هالشخص انسان عظيم ورجل يمكن يكون نادر الوجود .. خصوصاً لشخص عاش بظروف عماد .. كان ودها بشخص تلجأ له لكن عقلها كان يقول لها هالشخص مو عماد لأنها ماتضمنه ويمكن يقول لهشام .. وان ماقاله يمكن يطلع خبيث ويستغل حاجتها للأوراق مستحيل يسلمها اوراق محتفظ فيهم سنين وهي بعد كل الي صار لها ماتضمن احد : : القاهره.. الساعه 9:30.. اخيراً وصل للصفحه الي كان متحمس لها ..من اول ماقرا الدفتروهو يبي يعرف وش مكتوب فيها ..لكنه حب يقرا الدفتر من الأول ..هالدفتر كان متع مره بالنسبه له لأنه دفتر حبيبته سما .. عرف اشياء كثير عنها ..فهم سر خوفها من الخيول .. وليه ماتحب اكواز الذره .. وضحك لما قرا كلامها عن ( الحمد لله والشكر) .. وتأثر معها لما توفت امها .. كان كل يوم يبدا قرائه يمسك الدفتر بيدينه ..اليد اليمين تتصفح الدفتر واليد اليسار تمسك الدفتر واحد من اصابعه اليسار حاطه بالدفتر كمأشر للصفحه الي يبي يقراها.. كان جالس على فراشه .. قلب الصفحه وهو متحمس وبدا يقراها بأهتمام .. عنوان الصفحه كان .. محمد معزوفة حياتي الجميله .. انه ليس كل النغمات ولا يشبه اياً من الألحان فهو معزوفتي الجميله التي لم يعزفها اي فنان .. قادته الحياه لأحظاني ليتربع وسط جسدي ويحل مكان قلبي .. وها أنا اسمع صوت نبضاتي تختلف فبدلاَ من صوت النبض المعروف ..اسمعها تت<noSymbl%D1CF> في اصداء جسدي .. احبك احبك احبك احبك احبك .. نبضات منتظمه لاتخل بأتزان جسدي لكن الدم وبلا شعوراً مني يتدفق سريعاً فهو الحب رغماَ عني يسري في شراييني ويبدأ بعكس الدورة الدمويه في جسدي فالدماء المتدفقه الى رأسي تعود ادراجها الى قدمي .. هنا فقط اتساءل كيف لمعزوفه بسيطه ان تقلب كل كياني .. محمد ياحلمي البريء وياطيري الوديع ياملي بغداَ جميل .. للأسف ضاع الأمل وتلاشت الأحلام وستطير ياطيري بعيداً بلا رجوع .. هل استحق هذا ام هي الأيام ودون ان تطلب رأي كتبت لي نهايتي .. فرح بالبدايه اول ماقرا الكلام ..حس بقلبه ينبض مع كل كلمه لكنه مافهم اخر الكلام ولا فهم ليه سما كاتبه كذا واي نهايه الي تتكلم عنها.. ماقدر يتحمل هالأسئله الي تدور براسه اخذ جواله ودق عليها اكثر من مره لكنها ماردت عليه : : القاهره..الساعه 10 مساءً..على طاولة الطعام.. كانت تناظر بالطاوله المزينه بالشموع .. الصحن المستطيل الي يصغر بنهاياته .. عماد يتبسم: اتمنى يعجبك الأكل انا احب اكل الستيك مع فواكه استوائيه سما تضحك: وش قصتك مع الفواكه الاستوائيه عماد: اعشقها بساطه لأنها بنظري افضل انواع الفاكه بعدين تحمدي ربك انا ماحطيت لك نوع غريب حطيت لك اناناس يالا جربيه ناظرت بالستيك الي فوقه صلصه بنيه وشريحة الأناناس الي فوقها صلصه بيضا الصحن كان مزين بطريقه حلوه وبأعشاب صغيره ريحتها زكيه لكن كل ماشافت الأناناس ماتشجعت تاكل .. عماد بأبتسامه: يالا جربيه وعطيني رايك سما حطت السكين ع قطعة الستيك الي كانت طريه مره وبعد ماخذتها وذابة بفمها قالتها وهي مستمتعه بالطعم: والله رهيبه وش هالصوص الي فوقها عماد بأبتسامه عريضه: يالا جربي الأناناس سما تناظر الأناناس وبكل تردد: بلاها ماودي اجربها صراحه عماد: لا انا مصر يالا جربي سما بعد ماقطعة قطعه صغيره قربت الشوكه لفمها بتردد وبعد ماصارت القطعه بفمها تبسمت : والله طعمها خيال وش هالصوص الي فوقها عماد يبتسم: سر المهنه سما مستغربه: كيف يعني عماد: يعني انا الي مسوي العشا سما تهز راسها بالأيجاب: ماشاء الله عليك فنان عماد: هوايه عندي وقت الفراغ احب امارسها.. الطبخ اساساً فن ومو اي شخص يقدر يبدع فيه سما وهي تكمل اكلها بهدوء : صح كلامك عماد بعد ماضحك: تصدقين لما كنت صغيريعني بالأبتدائيه كنت دايم ادخل المطبخ واكثر شي يستهويني الطحين كنت اخلطه مع كل شي وتجي امي الله يحفظها وتعصب علي .. حتى اذكر بعيد ميلادي وانا بثاني ابتدائي اشترت لي مطبخ لعبه هديه ..ضحك وكمل : العبه للبنات كان مرسوم على كرتونتها بنت سما تضحك: وكبرت معك هالهوايه عماد: ايه وماراح تصدقين لو قلت لك اني رحت لشيف هنا بمصر وجلست 3 شهور معه اتعلم منه بجد موضوع الطبخ يستهويني وانا لي لمستي الخاصه بالأكل سما: صراحه هالشي واضح بعد ماخلصو اكل وصلها ع البيت اول ماوقفت السياره قالتها بهدوء: تصبح على خير عماد: بوصلك للبا سما بأرتباك: لا مايحتاج عماد طفى السياره وقالها بأصرار: والله بوصلك للبا سما والي استسلمت للأمر الواقع: طيب كانت مرتبكه وهي واقفه تنتظر المصعد وبعد تردد قالتها بهدوء: خلاص وصلتني لباب المصعد عماد يتبسم: لا انا كنت اقصد باب شقتك سما : طيب.. كانت حاسه بخوف بس بينها وبين نفسها كانت تفكر: عماد لو يبي شي انا كنت بيته بعدين كلامه كان مريح لما وصلو لشقتها وبعد مافتحت الباب قالتها بهدوء: تصبح على خير عماد: ماراح تعزميني اشرب شي؟ سما والي ارتبكت: هاه عماد يضحك: امزح معك تصبحين على خير بعد مادخلت شقتها وقبل لاتقفل الباب قالها بسرعه: سما سما بهدوء: نعم دخل شقتها وقرب منها لدرجه صار لصقها حط يدينه عند رقبتها وغلغل اصابعه بشعرها وبعد ماقرب وجهه لوجهها قالها بكل هدوء: سما انا بديت احبك سما غصب عنها ماقدرت تتمالك نفسها وبدت تتنفس بقوه والخوف يملاها ..عماد تبسم وباسها على جبينها وقالها بهدوء: يالا مع السلامه بعد ماطلع وقفل الباب جلست ع الأرض تبكي بصمت وهي حاطه يدينها على فمها .. ماهي مصدقه الي صار من لمسه خفيفه حست انها راح تموت وشلون لو تجرأ عماد وسوى اكثر من كذا .. راحت غرفتها بدلت ملابسها ومسحت المكياج الخفيف الي بوجهها .. كانت تبكي بحسره ماتدري كيف تتصرف وهي بورطه ..جلست ع الأرض بغرفتها وبدت تبكي بقوه خلاص الضيقه ملت صدرها وقالتها وهي تبكي وتضرب بنفسها: علميني ياسما وش بتخسرين اكثر من الي خسرتيه ..خسرتي شرفك وكرامتك وش بتخسرين اكثر ..مو قادره تتحمل حاسه بقرف كل ماتذكرت يدينه الي لمستها ..مسحت شعرها اكثر من مره وهي تبكي ياربي وش اسوي ساعدني..ناظرت بالجوال الي يرن محمد يتصل من زمان وماتبي ترد عليه الوقت تأخر وهي وعدته ماتأخر مالها عين تكلمه حاسه انها خاينه وحقيره ..قالتها بأصرار: لازم اترك يامحمد وبأقرب فرصه مستحيل اخدعك اكثر من كذا ماقدر اقول لك اغتصبوني ولاقدر اطلب مساعدتك مابي ادخلك بهالسالفه واضرك ياربي انا احبه وماقدر اتركه.. بالطرف الثاني .. محمد بشقته.. ناظر ساعته كانت الساعه 12..كان يمشي بالصاله بتوتر واضح سعد يناظره : وش فيك تقل وحده تبي تولد محمد بقهر: سعد اتركني بحالي سعد : وش فيك علمني محمد مقهور: سعد ماكلمتني مادري وش فيها مو مرتاح ولاراح ارتاح غير لما اكلمها ماتعودت انام بدون لاسمع صوتها سعد: ياعيني ع الحب طيب يمكن البنت نامت محمد: كل يوم تكلمني مانام غير على صوتها اليوم ليه مادقت سعد يفكر: مادري محمد بعد ماخذ مفاتيحه : انا طالع حاس اني مخنوق طلع من شقته وبدا يلف الشوارع وكل دقيقه يدق عليها ..متوتر ومو قادر يهدا كل يوم لازم تكلمه قبل تنام اليوم ليه مادقت عليه .. بدون شعور لقى نفسه واقف عند العماره .. ناظر فوق لدريشتها وبدون تفكير نزل بسرعه من السياره : انا لازم اشوف وش فيها .. : بشقتها كانت مستمره بكائها .. ولما سمعت صوت الجرس استغربت مين معقول يجيها بمثل هالوقت ..مشت بهدوء ..وقالتها من خلف الباب: مين محمد بسرعه: انا محمد سما افتحي مسحت دموعها بسرعه وفتحت الباب : محمد وش جايبك هالوقت ناظر فيها وتأمل عيونها الذبلانه من كثر البكا وجهها الأحمر وقالها وهو كله خوف عليها : حبيبتي وش فيك سما والي غصب عنها دخلت بنوبة بكاء قويه: مافيني شي محمد والي استغرب: سما وش صاير علميني سما وهي تمسح دموعها: حاسه بضيقه يامحمد .. اختي ملكتها الاسبوع الجاي وماراح اقدر اروح .. حاسه اني وحيده وبعيده عن الكل محمد بحنان: انا معك ياقلبي وماراح اترك..بعدين انتي ماكنتي بعشا وش ضيق صدرك كذا سما بحزن : ماعجبني العشا والبنات مايناسبوني افكارهم تختلف عن افكاري رجعت البيت وانا حاسه بوحده وضيقه غريبه محمد : طيب ليه مادقيتي علي ياقلبي انا ما اقدر افك ضيقتك سما وهي تبكي : الابس ماكنت ابي اضايقك معي محمد قرب يده وقبل يلمس خدها بعد يده بسرعه وقالها بهدوء: امسحي دموعك ولاعاد تبكين.. تدرين ودي امسح دموعك لكن لا مابي احط يدي عليك غير لما تصيرين حلالي انا خلاص بديت اجمع مهرك وقريب باخذ قرض وبتقدم لك رسمي ابي كل شي اقدمه لك اكون جايبه من تعبي ..وقتها بس ماراح اترك دقيقه يابعد عمري كلام محمد كان مثل الخناجر الي تطعنها بقسوه ..بينها وبين نفسها كانت تفكر وش كثر هالأنسان عظيم وبكل حزن قالتها وهي تفكر : ياربي يامحمد لو تدري اني كنت لغيرك قبل لاكون لك.. انا حقيره ماستاهل حبك محمد يحرك يده قدام عينها: وين وصلتي قلبي سما بهدوء: ابد ماوصلت لمكان محمد يفكر: ام انتي اجازتك بكره صح.؟ سما: صح محمد: يالا بدلي ملابسك وجيبي معك الي يكفيك لرحله مدتها يوم وهاتي جوازك بعد سما مستغربه: ليه محمد: باخذك لمكان تفكي فيه ضيقتك سما بتردد: بس محمد محمد بسرعه: لابس ولاشي يالا سما بهدوء: طيب بعد ماركبو السياره وتحركو من المكان ناظرت فيه وقالتها بحب: محمد تدري الله يحبني عشانه حطك بطريقي محمد يتبسم: والله انا الي الله يحبني ..وبعد تفكير قالها بهدوء: سما انا قريت دفتر ذكرياتك سما بأرتباك: قريته كله محمد: ايه خاصتاً الصفحه الأخيره بس مافهمت وش قصدك بأخر سطرين سما بحزن: انا حاسه ان نهايتنا قريبه بصراحه واننا راح نفترق محمد بسرعه: الله لايقولها انا ماقدر اعيش بدونك مستحيل اترك لو الموت سما تتبسم: الله لايفرقنا محمد: ان شاء الله ماراح نفترق تدرين لونفترق اتوقع اموت سما بسرعه : بعيد الشر عنك محمد بحب: سما انا احبك سما : وانا بعد احبك وماتخيل حياتي بدونك محمد يضحك: تدرين سعد خوي معطيني اغنيه من زمان يقولي سمعها حبيبتك صدقني تدخل جو بس انا ماشغلتها لك احسها مو جوي سما: طيب شغلها ابي اسمع محمد حط السي دي بالسياره وشغلها.. وبثواني جا صوت يوسف العماني : والله احبك احبك ..ويشهد الله علي ..لما أشوفك ابتسم..صدقني ما هو بدي ..لا حاسد يقدر يبعدنا ..انا وانت لو شوي ..يالله احفظ حبي لك ..يالله ربي يا قوي ..ما في غيره سكن روحي ..حبيبي وانا احبه ..لو قالو تمنى ..اتمنى عمري قربه.. محمد يناظرها بطرف عين: غبيه الأغنيه صح سما تضحك: لا والله حلوه كلماتها عجبتني بس انا مو صحبه مع الأغاني ماحب اسمع محمد مبسوط: انا بعد ماسمع الا نادر هو جد كلماتها حلوه بس المغني صوته مدري وشلون جاي سما تضحك: كيف يعني محمد مبسوط: ياجعلني فدا ضحكتك سما والي استحت: محمد محمد يقلدها: محمد والله ان ضحكتك مافيه مثلها حلوه مره سما وهي منحرجه : طيب شكراً محمد يضحك: وش رايك بسعد تحسين الولد يفهم بالرومنسيه سما تضحك: ايه كثير محمد: وده يحب بس مو لاقي الي تناسبه سما : لايحب احسن له الحب عذاب محمد بسرعه: ياسلام وش عذبتك فيه عشان تقولين الحب عذاب سما بدلع: تركتني ورجعت السعوديه محمد: كنت مجبور بعدين انتي صدقتي اني خاين سما بقهر: يعني بشوفك بسرير مع وحده وش تتوقع محمد يضحك: جاي افك ضيقتك والا نتهاوش مع بعض سما : مدري عنك .. ناظرت فيه وهو مركز بالطريق فعلاًِِِِ محمد بدقيقه خلاها تنسى الهم والضيقه .. لما تكون بعيده تفكر انها لازم تتركه وماتظلمه ولما تكون قريبه تفكر انها راح تترك كل شي ورى ظهرها وماراح تفكر غير بحبها له وجوده قربها..وسط سلسلة افكارها وغصب عنها غطت بنوم عميق.. محمد بعد مالتفت وشافها نايمه تبسم ..وقف السياره على جنب ونزل.. دق على سعد .. سعد بسرعه: الو وينك يارجال محمد: انا برجع بكره باليل سعد : قل قسم انت من تروح لهالبنت ماترجع محمد: اقول لاتصير افكارك شينه ابي منك خدمه سعد: امر محمد:مايامر عليك ظالم.. ابيك تدور لي فندق بالأسكندريه يكون فخم وع البحر احجز لي فيه غرفتين لليله ابي اول ماأوصل يكون الحجز موجود سعد مستغرب: وش ماخذك ع الأسكندريه محمد: بلا كثر اسأله وقلي بتحجز لي والا لا سعد: افا عليك من عيوني محمد مبسوط: تسلم عيونك خلاص اول ماتحجز ارسلي اسم الفندق وعنوانه سعد: خلاص تم : : يتبع.., |
|
|
#120 |
|
|
رد: روايهـ في غااية الرووعهـ(سما غابة الأوهام)
مرآآآآآآآآآآآآآآآآآآآآ جونآآآآآآآآآآآآآن
يسلمو ياقلبي نتظر البارت .... |
