 |
  |
|
|
|
|
#96 |
|
|
رد: روايهـ في غااية الرووعهـ(سما غابة الأوهام)
الفصل السابع عشر..
حاولت قد ماتقدر تخفي خوفها وتوترها وقالتها وهي تناظر بعماد الي كان جالس ومنزل راسه يوقع اوراق: سوري بس بدي صور هي الورئه رفع عينه وناظر بسما بعد ماسمع صوتها ... كانت خايفه وقلبها ينبض بقوه وبسرعه خصوصاًَ انها تسمع صوت خطواته .. اول ماصارت عينها عليها ولاحظت نظراته حست بخوف اكبر ..كان واقف قدام مكتبه و يناظرها بذهول وبكل تمعن ناظرها بشويش من اول خصله بشعرها الين رجلينها ومن رجلينها الين اول خصله بشعرها..كان يناظر طولها جسمها الرشيق وملامح وجهها الحلوه.. تبسم وقالها بهدوء: انتي الموظفه الجديده سما تبتسم وتحاول تكون هاديه: اي انا جديده هون والمدير هشام ألي اعملو هي الورئه بس المكنه هونيك عطلانه عماد : انتي لبنانيه سما : هيك شي عماد بعد ماسند جسمه: وشلون يعني ناظرت فيه ورغم كل شي صاير بدا خوفها يزول.. عماد كان رجال وسيم مره ملامح وجهه رجوليه لأبعد حد وخليجي بكل شي ..لون البشره الاسمر شعره الاسود ونظرته الجاده .. كان طويل وعضلاته بارزه لكنه كان عكس هشام الي عضلاته ماتدل الا على ضعفه وحقارته عماد عضلاته كانت توحي بالرجوله ومع نظرته الساحره كان بطل من ابطال السينما..كان ستايل بلبسه .. قميصه الأبيض ..والكرافت(ربطة عنق) الأسود معطيه اناقه .. بنطلون اسود وجزمه بيضاوانتم بكرامه .. سما بهدوء: ماما لبنانيه وبابا سعودي عماد بأهتمام: آها يعني تحكين سعودي؟ والا لا سما تهز راسها بالأيجاب: اي بحكي سعودي كتير منيح عماد: طيب سمعيني سما : وش تبيني اقول عادي يعني اتكلم سعودي مثلك ويمكن احسن عماد مندهش: ماشاء الله عايشه بالسعوديه يعني؟ سما: عشت بالسعوديه وبيروت عماد: وين احلى طيب سما تتبسم: مافيني ألك هون احلى من هون عماد : طيب بما ان اللهجه السعوديه مشتركه بيننا ليش ماحكيتي معي سعودي؟ سما مرتبكه: مابعرف ..فكرت وبسرعه تداركت الموضوع: انا هون بحكي لبناني مشان هيك حكيت معك متل ماحكيت معون بس هيك عماد يهز راسه بالأيجاب: اها بس اللهجه المصريه سهله كم يوم وبتلاقي نفسك تحكي مصري سما : بتمنى هالشي عماد يضحك: بس لاتجين بعدها وتحكي معي مصري سما تتبسم: متل مابدك عماد يناظرها وبكل هدوء: يعني عادي ودك تتكلمين معي سعودي براحتك بس لاتنسين اللهجه البنانيه احب اسمع هاللهجه سما : باين عليك بتحب لبنان ..انت زرتها؟ عماد: احبها ايه لكن مازرتها غير مرتين وكان لعمل وماطولت هناك ..سر حبي لبيروت اني مثلك ابوي سعودي وامي لبنانيه والوالده الله يطول بعمرها ماتكلم غير لبناني عجزت اعلمها سعودي سما تتبسم: الله يخليها لك عماد يسترسل: يمكن ماتصدقيني اوتقولين هذا يتحرش بس من حبي للوالده وعشاني خليط سعودي لبناني كان حلمي البنت الي اتزوجها تكون خليط لبناني سعودي سما: بس الحب مو بالكيف عماد يفكر: صح لكن الزواج بالكيف وانا لليوم ماحبيت وموناوي انتظر الحب عادي عندي اتزوج بقناعه وخلاص سما: بفهم من كلامك اني بلشت اعجبك ومن اول نظره عما يتسبم وياخذ الورقه منها: مو اعجاب بس الصراحه اول ماسمعت صوتك وشفت شكلك قلت واو وش هالبنت سما بهدوء : ميرسي ..مدت يدها واخذت الورقه الي طلعت من الطابعه ..وقالتها وهي تمشي: شكراً ألك بعد ماطلعت من مكتبه كانت بعالم غير هالعالم وهي تفكر هالبدايه ابد ماتبشر خير بدت تفكر وش لازم تسوي واضح ان عماد مو مهتم انه يحبها المهم تعجبه وكان واضح من كلامه انه يبي بنت مثلها ..نفس كلام هشام ..تنهدت وهي تفكر بهشام الي فعلاً جابها صح وراح يوصل للي به عن طريقها : : الشرقيه ..الساعه 3 الظهر.. استجمعت كل قوتها واخذت جوالها وحاولت قد ماتقدر تكون اقوى منه وماتضعف قدام تهديداته ضغطت الزر الاخضر وجاها صوته المخيف.. سعود بسرعه: الو نوف يالتعبانه مصوره اختي يالحقيره نوف بكل برود: اول شي كلمني عدل لاقفل بوجهك ثاني شي احترم نفسك ثالث شي وش تبي داق علي سعود بكل عصبيه: اختي وش دخلها هاه نوف بقهر: عشان تعرف ان اعراض الناس مو لعبه وان هالدنيا دواره سعود بصوت عالي: شوفي ياحقيره لاتقارنين نفسك بأختي وبعدين اي اعراض الي تتكلمين عليها الي يسمعك يقول كنتي صاينه عرضك نوف والي كانت تحاول تتمالك نفسها: شوف مابي اطول كلام معك انا الي عندي قلته لأختك سعود يضحك بسخريه: وش الي عندك تبيني اتزوجك؟ نجوم السما اقرب لك اتزوج عنز ازين الف مره منك نوف بقهر: ومين قالك انا بموت عليك بس هذا اخر كلام عندي والا راح انشر صور اختك بكل مكان وبفضحكم سعود يتنفس بعمق عشان مايغلط عليها ويخسر بالاخير: شوفي انا مانشرت اي شي لك بس كنت ابي احرق اعصابك واعيشك بعذاب يعني ماله داعي تنشرين صور اختي رجعي لي الصور وارجع لك كل شي عندي وتنتهي السالفه نوف والي تفاجأت من كلامه فكرت شوي وقالتها بسرعه: لا لا ماصدقك وقلت لك ماعندي كلام ثاني والمقاطع الي عندك بلهم واشرب مويتهم انا انفضحت خلاص يعني مايهموني سعود والي بدا يعصب قالها وهو يصارخ: ياحيوانه اقول لك مانشرت مقاطع لك يعني انتي مهبوله ماتلاحظين ان محد جاب سيرتك ولافيه من تعرف عليك غبيه انتي غبيه نوف تفكر: لا بس انا شفت المقطع سعود وهو معصب: انا الي راسلته لك ياغبيه نوف بأرتباك: ماصدقك ..حاولت تسترجع قوتها وقالتها بأصرار: معك 3 ايام اما تتقدم تخطبني رسمي من ابوي والا وقسم بالله بتلاقي صور اختك عند اخوياك.. خلصت جملتها وقفلت بوجهه .. سعود بالطرف الثاني صرخ بقوه: لالالالالالالالا ياحقيره انا بربيك ..رمى جواله ع الجدار وطلع من غرفته وهو معصب فتح باب غرفت اثير بقوه وراح لها وهي تناظره بخوف مسكها من شعرها وسحبها الى ان طاحت من سريرها وصار يهزها بعنف: انتي ياحيوانه كان لازم تروحين حفلات وغيره اثير وهي تبكي وتحاول تفك يده: وانا وش دراني ان عندي اعداء يبون ينتقمون منك سعود دفها بقوه وقالها بقهر: طيب حسابك معي بعدين ..خلص جملته وطلع من غرفتها وهو معصب اثير تناظره وهو يقفل الباب بقوه وتقولها وهي تبكي : انقلع انسان مريض تستاهل الي تسويه فيك نوف واكثر : : الشرقيه..الساعه 3:15 الظهر.. ابو خالد بعد ماشاف رقم خويه الي بمصر رد عليه بسرعه كان متأمل يكون عنده اخبار : الو صالح ازيك صالح: انا بخير عال العال ازيك انتا يابو خالد وازي العيال ابو خالد: كلهم بخير الحمد لله صالح: بأولك ايه يابو خالد بنتك سما جاتني اختارت سياره غاليه حبتين انت أولتلي اعمل لها الي هيا عوزاه ابعت السياره ؟ ابو خالد والي سكت شوي من الصدمه : انت متأكد انها سما بنتي صالح: ايوه شفت البسبور بتاعها ابو خالد يفكر: ليه تو هالحين تجي تطلب السياره صالح: دي ألت لي انها كانت عيانه وبالمستشفى مكنتش عارف؟ ابو خالد بسرعه: الا الا عارف بس ضيعت رقمها ومتوهق عندك الرقم صالح: ايوه دئيئه حدهولك ابو خالد بعد ماسجل الرقم:خلاص ابعت لها السياره بأسرع وقت وانا حبعت لك المبلغ : بالطرف الثاني ..بالقاهره تحديداً والساعه تشير لل 4:15بتوقي مصر.. كانت بسيارة التاكسي قريب توصل بيتهم بالوقت الي دق جوالها .. شافت الرقم واستغربت .. ردت بكل هدوء: الو ابو خالد بسرعه: الو سما بنتي اخبارك سما بفرح : بابا ..اخبارك انا مشتاقتلك ابو خالد مبسوط: انابعد مشتاق لك يابنيتي كلنا بخير اهم شي انتي طمنيني عنك وين كنتي سما وهي تبكي: انا شفت ايام صعبه صار علي حادث فقدت الذاكره من الصدمه وجلست فتره بالمستشفى الين الحمد لله رجعت لي صحتي وتقدرتسأل بعد عشان تصدقني ابو خالد بهدوء: انا مصدقك يابنيتي والحمد لله على سلامتك كيف امورك هالحين سما: الحمد لله اشتغلت بالشركه ورحت اخترت لي سياره وسكنت بالشقه الي اعطيتني عنوانها ابو خالد مبسوط: الحمد لله طمنتيني كانت الافكار توديني وتجيبني وانتي مادقيتي ليه سما : دقيت ع البيت بس انت ماكنت موجود ابو خالد: متى دقيتي ؟ سما والي ماكانت تبي تسوي مشاكل: اليوم ردت علي ام خالد وقالت لي انك مو موجود ابو خالد: اهم شي تطمنت عليك متى بتجي عندنا اشتقنالك سما: انا اليوم بديت شغل يعني يبي لي شوي لكن بجيكم اكيد لاني مشتاقتلك مره لو اجي بالويك اند وارجع المهم اجي ابو خالد: ايه لازم تجين ان ماجيتينا انا بجيك سما : ان شاء الله بعد ماقفلت مسحت دمعتها الي تسلت على خدها حاسه بشدة احتياجها لأبوها لكن اتصاله ريحها خصوصاً بعد الكلام القاسي الي سمعته من ام خالد لكنها ماستغربت قسوتها.. سواق التاكسي: مالك يابنتي بتعيطي ليه سما تتبسم: مفيش حاجه ياحج ..فتحت الباب ونزلت وهي تتبسم وتفكر:مثل عادتهم سواقين التاكسي بمصر اغلبهم طيبين وعلى نياتهم .. بعد مادخلت شقتها ..بدلت ملابسها ..لبست بيجامه ورديه مزينه برسومات غيوم بيضا صغيره كمومها طويله فيها جيبين عند البطن وحزام قطن مربوط تحت الصدر.. صلت صلاة العصر وبعد ماخلصت سمعت صوت جوالها ..اخذت الجوال وكان محمد المتصل .. سما بهدوء: الو محمد بحماس: هلا والله بحبيبتي وقلبي وعمري وحياتي كلها سما تضحك بهدوء: هلا بك محمد : ياربي ع البرود قولي لي كلمه حلوه سما بكل برود: كلمه حلوه محمد بقهر: تستهبلين سما تضحك: امر يابعد روحي ودنيتي محمد بعد ماتلعثم : ايه خلك سنعه ..اقول خلصتي دوامك صح سما: صح محمد : وش رايك امرك نطلع سوا سما: لا مابي محمد بسرعه: ليه؟ سما: مو حلوه على طول نروح ونجي مع بعض بابا واثق فيني مابي اخذله محمد يفكر: طيب بس انا بروح معك مكان عام بعدين الي يسمعك يقول انا الرجال الوحيد الي بشوفك سما : محمد تفرق انا وانت نحب بعض و.. محمد يقاطعها : سما لاتستلكعين قولي مابي اشوفك سما بهدوء: محمد ان .. سكت اول ماسمعت صوت طق الباب ..قالتها بسرعه: محمد فيه صوت طق ع الباب يمكن البواب جايب الاغراض بكلمك بعدين محمد: طيب بنتظرك لبست شبشبها الوردي وراحت عند الباب وقالتها بصوت مرتفع نوعاً ما: مين هشام : انا هشام افتحي سما فتحت الباب وبدون نفس: نعم وش تبي هشام دفها بقوه ودخل: اقول تكلمي زين لاقص لسانك سما بعد ماقفلت الباب : نعم امر هشام جلس وضبط جلسته: انا مبسوط منك مره عماد تكلم عنك اليوم وانا اتغدا معه قال شفت بنت حلوه وشدتني لها بكل شي فيها يعني بدايه موفقه سما والي ماعجبها الكلام تبسمت غصب عنها :طيب كويس وقف وقرب منها وبدا يمسح على شعرها: بس لاتنسين ياحلوه لو حاول يلمس يدك او اي شي لاتصدينه سما تبعد يده عن شعرها وهي حاسه بالقرف: لكن لازم اتمنع شوي عشان لايحس اني بنت سهله هشام يشد شعرها بقهر: شوفي ياحلوه مين قالك انا ادور لك على عريس والا ابيك تسوين علاقه ناجحه انا كل الي ابيه توصلين لأسراره لبيته ومايهمني تكونين بنت سهله والا رخيصه فهمتي سما تحاول تفك يده: خلاص فهمت بس شيل يدك هشام شال يده وقالها بهدوء: على فكره عماد يقولي هالشغلات فياويلك تخالفين تعليماتي بعد ماطلع من باب الشقه نزلت دموعها سريعه ..دموع الاحساس بالذل والمهانه .. سمعت صوت طق الباب مره ثانيه راحت للبا وهي مقهوره اكيد هشام رجع يبي شي ..فتحت الباب بسرعه وفتحت فمها تبي تتكلم وتفاجأت بمحمد قبالها .. ارتبكت وتوترت..حست بدوار غريب تخيلت لو ان محمد جا قبل دقيقه وشاف هشام طالع من شقتها وش يبي يفكر وش بيقول ..بدت انفاسها تسرع وضربات قلبها تزيد وبلا شعور طاحت مغمى عليها.. محمد جلس بسرعه ورفعها شوي : سما سما شفيك .. مالقى اي جواب منها ..شالها بسرعه وقفل الباب برجله ..سدحها ع الكنبه وراح للمطبخ يجيب مويه : : الشرقيه.. الساعه 3:30 الظهر.. دخل البيت وصرخ بصوت عالي: ام خالد ام خالد بعد ماجات عنده: امر يابو خالد ابو خالد يحاول يكون هادي: الغدا جاهز ام خالد: ايه جاهز دقايق ويكون ع الطاوله ابو خالد بهدوء: اقول ام خالد محد دق علي ام خالد بكل برود: لا محد دق عليك ابو خالد بقهر:وشلون وسما بنتي داقه علي ماكنتي ناويه تقولين لي صح ام خالد مستغربه : مين قالك ابو خالد: سما بنفسها كلمتني نوف والي كانت نازله الدرج وسمعت جزء من الحوار قالتها بعد تردد: بابا ..ماما ردت على سما بطريقه قاسيه وسمعتها كلام جارح وهدتني ماقولك ابو خالد ناظر ام خالد بحده وقالها بصوت عالي: انا الظاهر كنت غلطان بمعاملتي معك من البدايه سياستي كانت غلط وهي الي وصلتنا لهنا استهتار وكذب وعدم احساس بالمسؤوليه نوف تقرب من ابوها: بس بابا انا خلاص تعلمت وفهمت كيف لازم اكون وابي رقم سما لأني من اليوم ابيها بجد اخت لي ابو خالد والي انبسط من كلام نوف: خلاص الحين اعطيك الرقم : : القاهره الساعه 4:45العصر.. فتحت عينها بهدوء وبدت تناظر بمحمد.. محمد يتبسم: سلامتك قلبي شفيك سما بهدوء: مافيني شي شوية تعب محمد وهو يقرب المويه: سلامتك من التعب اشربي شوية مويه سما بعد ما جلست قالتها بنبره حزينه : مابي محمد يناظرها: ليه زعلانه سما ترفع كتوفها : مدري محمد : تغديتي؟ سما تحرك شفتينها للأما وتصدر صوت بمعنى(لا): جك محمد والي اعجبته الحركه ضحك وقالها بحماس: عيديها بشوف والله حلوه سما ترفع كتوفها بدلع: مابي محمد يناظرها : يالدلوعه .. تعمد يسأل اسأله اجاباتها لا يبيها تعيد نفس الحركه: تبين تطلعين معي سما برود: جك محمد وهو مبسوط: تبين تاكلين سما: جك محمد : ام زعلانه؟ سما: جك محمد يضحك: يالبيه بس اموت بالزعلانين انا شفيك قلبي سما تناظره وتقولها بكل هدوء: مافيني شي بس تعبانه وحاسه بضيقه محمد بحب: سلامتك من الضيقه ياقلبي ياليتها فيني ولافيك ناظرت بمحمد الي جالس يسارها على ركبتينه ويتأملها بحب حاسه انها تظلم حبيب قلبها معاها ..كان يناظرها بحب ويزيد احساس الألم بداخلها محمد طيب وقلبه كبير وماتبيه يتعذب معها وبنفس الوقت ماتقدر تعيش دقيقه من غيره يمكن تكون انانيه او انسانه حقيره تستغل حبه الكبير لها لكن الي هي متأكده منه انها تحبه موت وماودها تتركه ابد محمد يلوح بيده قدام عينها: وين وصلتي سما تناظره بحب وتقولها بنبرة ترجي: محمد الله يخليك لاتركني انا مقدر اعيش بدونك محمد يتبسم: وراك تكررين هالكلمه اقول لك مستحيل اترك والله العظيم مافيه امل اترك انا ابيك زوجه.. يالا انتي ماتغديتي قومي نروح نتغدا لاتعندين مطعم والعالم رايحه جايه ماراح انفرد فيك سما قامت بهدوء: طيب لما وصلت الغرفه لاحظت ان محمد وارها التفت بسرعه: وش تبي جاي هنا محمد يضحك: وراك خفتي لاتخافين ماجاني الشيطان للحين لو الشيطان معي ماقلت لك تعالي نطلع سما تدفه : روح محمد يناظرها: وين اترك واروح ماقدر سما تتخصر : طيب ليه لاحقني محمد بكل برود : ابد بشوف المنظر الحلو من دريشتك وانتي البسي بغرفة الملابس سما بهدوء: طيب اخذت ملابسها وراحت لغرفة الملابس..اما محمد راقب المشهد شوي وبعدها توجه لتسريحتها يناظر بأغراضها ..شاف دفتر ذكرياتها شاله وقالها بصوت مسموع: وش هالدفتر .. فتح اول صفحه ويادوب قرا اول كلمه وسحبت سما الدفتر بسرعه منه: وش تسوي محمد اخذ الدفتر بحركه سريعه: ابي اقرا سما تحاول تاخذ الدفتر لكن ماتقدر توصل له محمد رافع يده فوق والدفتر بعيد خصوصاًُ وان محمد طويل .. سما تناظره : يعني انا طويله ومو قادره اوصل للدفتر لو حبيت وحده قصيره وش تسوي معك محمد يتبسم: يعني من طولك هالحين سما تتخصر: اتحداك انا طويله محمد بنبرة تحدي: يالا خذي الدفتر بشوف سما تتحلطم: محمد هاته مابيك تقراه محمد بكل برود: اسف سما بقهر: طيب بخليك تقراه بس عطني بشيل اخر ورقه واقرا براحتك محمد: مستحيل اخر ورقه بالذات هي المهمه وهي الي ابي اقراها سما بدلع: انت ليه تسوي معي كذا محمد : كيفي دفتر حبيبتي وكيفي انتي ليه ملقوفه سما بنبرة ترجي: محمد الله يخليك عطني الدفتر محمد يهز راسه بالنفي: مالك امل واضح انه دفتر مذكرات او شي زي كذا وعندي فضول اقراه سما: بس انا مابيك تقراه محمد يفكر : طيب خلاص نتحدا بعض بالبلياردو والي يفوز ياخذ الدفتر وش رايك سما: بس انا ماعرف العب محمد: انا بعد مالي خبره فيها بعلمك وبعدها نلعب وانا وانتي مبتدأين يعني تبي تكون مسألة حظ وبعدين انا ابيك تطلعين من جو الضيقه الي انتي فيه سما تفكر: طيب موافقه يالا هات الدفتر محمد يتبسم بعنف: اسف ماضمنك الدفتر بخليه معي سما بعد ماخذت شنطتها: امري لله يالا مشينا : يتبع.., |
|
|
#97 |
|
|
رد: روايهـ في غااية الرووعهـ(سما غابة الأوهام)
بطرف ثاني بالقاهره وفي السوبر ماركت تحديداً ..
سعد وهو طالع شافها متجهه للسوبر ماركت .. التفت بسرعه وهو متوتر ناظر بالشوكلاته الي بجنب المحاسب وسوى فيها يختار شوكلاته جميله بحماس: استاز سعد ازيك سعد يتبسم برود: انا بخير انتي ازيك جميله: انا كويسه فينك اختفيت فجأه مشفتكش من يوميها سعد: ابد تركت الفندق وكذا يعني جميله: طيب ايه رأيك نتغدا سوى بكره سعد بسرعه: بكره مشغول ماقدر جميله: طيب بعد بكره سعد : بعد بكره برجع السعوديه يالا عن ازنك جميله: ربنا معاك بس حترجع مصر امتى سعد: مش راجع ابداً لأني حتزوج بالسعوديه جميله والي باين ماعجبها: ايوه اولتلي حتجوزطايب سعد بعد مامشى : ياليل النشبه مابقى الا ذي بعد : : الساعه 5 بتوقيت السعوديه ..10 بتوقيت بكين.. حاول ينام لكنه عجز ..طفش من جدران المستشفى ومن العلاج ماعاد يقدر يتحمل .. بعد تردد وتفكير دق عليها وجاه صوتها الي وضح عليه النوم خالد بأرتباك: انا اسف صحيتك اسيا بهدوء: لا أدي خالد: مادري ماتوقعتك تنامين بدري اسيا : الله سبحانه وتئالى قال ( وجعلنا اليل سباتا وجعلنا النهار معاشا ) اشان كذا ماحب اساهر اليل للنوم والنهار لباقي الشغلات خالد يتبسم: حلو والله انا صراحه قبل انواع السهر بس من جيت ع هالمستشفى ضبط نومي وماعاد اسهر اسيا: احسن خليك كذا خالد مبسوط: والله حلو ضبط معك حرف الخاء ..تصدقين اسيا للحين مستغرب منك احسك جوهره نادره وحظي حلو عشاني حبيتك اسيا: ليش يئني خالد: يعني بنت بظروفك وبيأتك سهل كانت تعيش بصوره مختلفه اسيا: الحمد لله الله يحبني ئشان كذا حط الأيمان بقلبي بس فيه شوية غلتات بحياتي لازمهم تصليح خالد بهدوء: ادري انا اول غلطه اسيا: لاتقول كذا خالد: الا ادري عنك ماتحبين هالمكالمات اسيا: لابس انا ماتئودت على كذا حتى بالمدرسه كانو معنا اولاد عمري ماحتكيت فيهم ولا كلمتهم خالد يفكر: وانا ..سكت شوي وكمل بعدها : اسيا انا غلطت كثير بحياتي ودمرت ناس من حولي اسيا: اتلب المغفره الله رحيم غفور خالد: الحمد لله توبتي نصوح وماراح ارجع لشي ولما عرفتك زاد اصراري ع الثبات وصدقيني نيتي معك صافيه وابيك بالحلال اسيا: وانا واثقه فيك مو أشاني احبك بس لأني احس براحه وانا اكلمك خالد مبسوط: الله لايحرمني منك يالا بخليك تنامين وبحاول انام اسيا: اوك تصبح على خير خالد: وانتي من اهله : : القاهره الساعه 6 المغرب.. بعد ماخلصو غداهم توجهو لصالة البلياردو .. عند باب الصاله وقفت وناظرت محمد وقالتها بهدوء: محمد مابي ادخل محمد مستغرب: ليه؟ سما: ماحب هالجو مايناسبني اكيد بالصاله كثير شباب انا ماحب هالأماكن حتى لما عشت بيروت عمري مارحت صالات بلاها محمد عادي نروح سينما لو تبي بس انا متأكده الجو هنا ماراح يعجبني محمد: انتي مادخلتي قبل ليه تحكمين سما : اشوفهم بالتلفزيون الاناره خافته والموسيقى صاخبه وانواع المسخره مابي ادخل محمد بأصرار: انا ابيك تدخلين يالا سما انا معك سما بهدوء: طيب اول مادخلت صالة البلياردو لاحظت ان الصاله فاضيه والميوزك الي بالصاله هاديه جداً ومافيه غير موظفين الصاله .. ناظرت بمحمد وقالتها بأستغراب: محمد غريبه الصاله مافيها احد غيرنا محمد يتبسم بعنف: ايه ادري انا حجزت الصاله كلها سما بسرعه: ليه محمد كم دفعت عشان تحجز الصاله محمد: مالك دخل بعدين لك كم يوم مو عاجبتني حاسك متضايقه قلت اعزمك على شي غير سما تناظره: يعني مخط لقصة البلياردو من زمان محمد يتبسم: يس وحجزتها عشاني مابيك تدخلين بالجو الي قلتي عليه لأني عارف تبي تكون مليانه شباب ومارضى حبيبتي تدخل بكذا جو حتى لو كانت فالتها سما تتخصر : انا مو فالتها محمد بأصرار: الا فالتها سما بقهر: مو فالتها محمد: لاحجاب ولاشي وش تطلعين فالتها ونص سما تلف وجهها عنه: المسأله مسألة قناعه محمد يناظرها: الشرع مافيه قناعه والا لا بس براحتك انا من الاول قلت لك مابي اجبرك على شي بس لما تصيرين زوجتي غصب عنك تتسنعي سما تناظره: اجل مو موافقه محمد بكل برود: مو كيفك غصب عنك توافقين سما تضحك: طيب مع محمد كانت تحس انها بعالم ثاني بعالم كله حب وامان يختلف عن العالم المخيف الي وصلها له هشام وامثاله.. بعد ماجهزو طاولةالبلياردو لهم وسلموهم العصي ..ناظرت بالعصا وقالتها بأستغراب: وشلون استخدمها ذي قرب منها وبدا يعلمها وشلون تمسك العصا وكيف تضرب وان المسأله سهله اهم شي تركز بالمسافه بين الكوره والحفره عشان تطيح الكوره داخلها وبكذا تصير لها نقطه كانت جنبه وتقلد طريقته بمسك العصا وضرب الكوره ..حاسه فيه قريب حاسه بأنفاسه وتشم ريحة عطره بوضوح .. سما بعد مالتفت له قالتها بكل هدوء: محمد احبك محمد والي ارتبك: هاه وش قلتي سما نزلت راسها: قلت احبك محمد يضحك: انا بعد احبك والله حسيت بالحر قويه تقولين لي احبك وانا بجنبك من وين جبتي هالجرأه سما ترفع كتوفها: مدري محمد: طيب قلبي نبتدي العبه؟ سما : يالا محمد يناظرها: يالا الضربه الاولى لك اضربي الكور الي بالوسط بقوه ومن اي زاويا تبين سما مسكت العصا وضربت الكور بقوه .. رفعت يدينها لما دخلت اول كورها وقالتها بحماس: يس ..ناظرت بالكوره الثانيه وهي تدخل وقالتها بحماس اكبر: صح علي محمد يضحك: لاتفرحين مره هالحين اكسر راسك سما بدلع: نشوف محمد فطس ضحك: ياويلي من صدفه كبر راسها هالبنت هين اوريك راح لكره كانت قرب الحفره بأخر الطاوله يمين وقف عند الزاويه وضرب الكوره بجدار الطاوله يسار بحيث رجعت لنفس الحفره لكنها قربت منها مره وماطاحت فيها ..لمس الكوره لمسه بيسطه بأصبعه الصغير وطاحت بالحفره سما بسرعه: شوف لاتصير غشاش وربي انك نصاب شفتك يالغشاش محمد يضحك: طيب طيب هدي اعصابك ..حط يده بالحفره مسك الكوره وحطها قريب من الحفره : هاه رضيتي سما تمسك العصا وتقرب من الكره : ايه..ضربتها ضربه خفيفه وطاحت بالحفره وقالتها بحماس : ياسلام هالعبه سهله محمد يناظرها: شكلك بتفوزين علي ضربت ضربتها الثانيه بس ماضبطت معاها محمد يضبط العصا: هاه مستعده للخساره سما تناظره: وش يعني محمد: هالحين اوريك..بدا يضرب الكور بمهاره وتطيح بالحفر وحده ورى الثانيه الى ان خلصت الكورالي ع الطاوله.. وقف العصايه وسند جسمه عليها: هاه وش رايك الدفتر من نصيبي سما تتخصر وتقولها بدلع: ماقبل تعرف تلعب وقلت لي مبتدأ مثلي محمد يضحك: والله كنت بلعب معك لعب مبتدأ بس شفت الحظ معك وانا صراحه ابي اقرا الدفتر سما تسوي فيها زعلانه: غشاش محمد يضحك: لاتزعلين..سكت لما سمع صوت جواله ..كان سعد المتصل محمد بحماس: هلا والله بسعد سعد: وراك متحمس محمد: ابد جالس مع احلى بنت بالعالم سعد يتحلطم: ايه انت مع احلى بنت وانا اقابل اشين بنت محمد فطس ضحك: مين اشين بنت سعد يقلد اللهجه المصريه: جميله هو فيه غيرها محمد يضحك: ربنا يصبرك سعد: مطول عندك ؟ محمد: لا شوي وراجع سعد: طيب انتظرك بعد ماخلص مكالمته ناظر بسما: يالا تعالي نشرب عصير وبعدها نمشي سما : طيب : : الشرقيه ..الساعه 7 المغرب.. كان جالس ع السرير ويهز رجله بقوه ويفكر بصوت عالي: ياربي شسوي وشلون اتصرف هالبنت حقيره مثل ماصورت اختي اكيد عادي عندها تنشرصورها .. وقف وقالها بصوت عالي : كذا طيب دام الحرب بدت انا اكيد الي بربح بالأخير مسك جواله ودق عليها .. نوف بهدوء: الو سعود والي كان مقهور مره: خلاص انا موافق بتقدم لك رسمي عطيني رقم ابوك بكلمه وبجيكم بالوقت الي يحده نوف : طيب سعود بعد ماسجل الرقم: طيب متى تعطيني كل الصور نوف بكل اصرار: بعد ماتنتهي حفلة زواجنا سعود بعصبيه: وش تقولين سلامات انتظر لين حفلة الزواج نوف بكل برود: عادي مستعجل ع الصور ليه ماراح تطير.. بعدين دامك مستعجل كذا شف لك سب تستعجل فيه الزواج سعود والي يبي يتاملك نفسه: طيب يالا انقلعي ضغط الزر الاخضر وهو حاس انه يحترق من القهر الي بداخله .. طلع من غرفته ونزل الدرج شاف امه واثير جالسين بالصاله قبال التلفزيون.. سعود بعد ماجلس قبالهم : ابي اتزوج ام سعود مستغربه: وش قلت سعود: قلت ابي اتزوج وبكلم ابو البنت بحد معه موعد قولي لأبوي ام سعود مستغربه: ابوك من زمان يقنعك بالزواج والحين فجأه تبي تتزوج سعود: ايه البنت بنت عالم وناس وابوها له مركزه اثير تعرفها وهي دلتني عليها وانا اقتنعت فيها ودي اناسبهم ام سعود : خلاص بقول لأبوك وانت لاتكلم ابوها عطني الرقم ابوك يكلمه احسن سعود والي ماكان وده يكلم ابو نوف: طيب بعطيك الرقم ام سعود : بنت مين هي سعود: متعب ال.......... ام سعود: بس انت ماتشتغل ياوليدي ماراح يوافقون عليك سعود: بقول لهم اني بروح ادرس برى عشان استعجل بالزواج ولما اتزوج بشتغل مع ابوي وانتي قولي له هالكلام ام سعود: الله يسعدك ياوليدي والله فرحتني بهالخبر اثير والي ماقدرت تخفي ابتسامتها: ماما لو تشوفين البنت حلوه مره سعود والي كان منقهر ماعلق ع الكلام وترك المكان وطلع من البيت : : الرياض الساعه 7:30 مساءً.. الهوشه كانت قويه مره ..جالسين ع الكنبه وكل واحد منهم مسك بالريموت بقوه ويسحبه.. شذا وهي تسحب الريموت: ابي اشوف المسلسل ياسر يسحبه بقوه اكبر: وانا ابي اشوف الفيلم شذا بقهر: انقلع عطني الريموت ازين لك ياسر: انتي انقلعي وبشوف الفيلم غصب عنك جود وصلت وهم يتهاوشون وفهمت من كلامهم ان التلفزيون سب الجدل ..قربت من التلفزيون وضغطت الزر بكل برود وطفته: خلاص لاتدعلون تفيته ياسر يناظرها: احلفي عاد جود تتحلطم: عولتو لاسي خلاص مو لازم تسوفون تلفديون شذا تصارخ: انقلعي شغليه ازين لك جود تناظرها: اوريك يالسينه راحت تركض لغرفة ابوها وهي تصارخ: بابا بابا بابا ابو محمد بعد ماطلع من الغرفه: وش تبين جود: سذا وياسر يتهاوسون ع التلفديون ابومحمد راح لهم وهو معصب : يالا انقلعو كل واحد غرفته وياويله الي يشغل التلفزيون شذا تقوم وهي تتحلطم بصوت واطي: اف بهالبيت محد يقدر يسوي شي جود انتظرتها تمر من جنبها وقالتها بصوت مسموع: احسن تستاهلين شذا تناظرها: هين اوريك بعدين : : القاهره.. الساعه 10 مساءً.. دخلت غرفة الملابس تبي تشوف وش تلبس بكره .. ناظرت بالملابس كلها قصيره او فاحشه او بدون كموم .. جلست ع الأرض وهي تبكي بحسره : يارب ماقدر البس هالملابس ولاقدر اسوي كذا ياربي ساعدني واستر علي .. بكت بألم اكبر : الي جاي ابلى من كذا يمكن يلمسني وقتها وش بسوي مجبوره اسكت مثل الذليله يارب مالي غيرك ساعدني يارب ارحمني .. كانت تمسح دموعها وهي تفكر: وش اسوي يارب عشان اتخلص من هالمشكله : بالطرف الثاني كان محمد يتعشى مع سعد بالشقه.. سعد بتردد: محمد بقولك شي بس لاتفهمني غلط او تعتبرها لقافه محمد: قول سعد: وشلون تحبها كل هالحب وماتغار عليها وهي ..يعني قصدي محمد يقاطعه : فاهم قصدك انا اغار عليها لدرجه ماتصورها بس هي تعودت على هالطريقه بالحياه وانا مابي اجبرها على شي او افرض راي عليها واخسرها لكن بيجي يوم تصير زوجتي وقتها راح افرض راي سعد: الله يوفقك ويسعدك محمد: يارب.. التفت بسرعه للجوال بعد ماسمع صوت النغمه وقالها بعجله: هذي سما المتصله وقف بسرعه وتوجه لغرفته.. سعد يصارخ: تعال والعشا محمد : خلاص شبعت دخل غرفته وانسدح على فراشه ..عطاها بزي ودق عليها سما : محمد ليه تعطيني بزي محمد: كذا كيفي من اليوم كل مكالماتنا علي انا سما : لا مابي مو على كيفك محمد يغير الموضوع: سما تصدقين اشتقت لك احس اني مفارقك من ايام سما بهدوء: انا بعد اشتقت لك محمد بحب: سما انا احبك وماقدر اعيش دقيقه بدونك سما: الله لايحرمني منك محمد: سما تحبيني سما بخجل: ايه محمد يستهبل: ايه وشو سما بهدوء: ايه احبك محمد: يالبى قلبك يابعد روحي سما: محمد تصدق ابي انام بس مو قادره محمد: احكيلك قصه وتنامين سما بحماس: ياسلام انام على صوتك محمد مبسوط: ايه يالا ضبطي وضعك سما انسدحت بفراشها وتلحفت .. نامت على جنبها اليمين وحطت الجوال بأذنها اليسار: يالا محمد اسمعك محمد: طيب يابعد روحي وقلبي ..يقولك كان ياماكان في سالف العصر والزمان كانت فيه حوريه عايشه بقاع البحر بنت ملك الحوريات كانت مدله مره وطول وقتها تسمع حكايات عن البشر وتمنى تكون منهم.. سما كانت تسمع صوت محمد الهادي والدافي وتحس بحنانه الكبير وحبه لها ..حست براحه غريبه وفعلاً نامت براحه .. محمد بهدوء: سما ..سما .. حبيبتي .. قلبي ..عمري.. نمتي جد .. حياتي؟ ..تبسم وقفل بعد ماتأكد انها نايمه من صوت انفاسها الدافيه .. حط الجوال بجنبه وكان يفكر وهو مبسوط وش كثر هالبنت غيرت حياته وملتها سعاد : : الشرقيه .. الساعه 7 الصبح .. وعلى وجبة الفطور تحديداَ.. ابو خالد يناظر نوف: نوف امس كملني مشاري ال.........يبون يتقدمون لك عشان ولدهم سعود نوف نزلت راسها وسكت ابو خالد يضحك: والله وكبرتي يانوف وصرتي عروسه نوف تناظر ابوها : بابا ابي اسافر ابو خالد: وين؟ نوف : ابي اروح اشوف خالد ابو خالد : والدراسه.؟ نوف: بروح الاربعا وبرجع الجمعه احجزلي تذكره ابو خالد: بس كذا بتعبين نوف بنبرة ترجي: معليه بابا ابي اروح الله يخليك ابو خالد : مقدر اخليك تروحين لحالك وانا عندي شغل ناظر بأم خالد : تروحين معها نوف بسرعه: لا ابي اروح لحالي فيه موضوع ابي اسولف فيه مع اخوي بابا عادي اختي سافرت لحالها وانا بجلس عند اخوي وبرجع بسرعه ابوخالد مبسوط عشانها قالت اختي: شوفي عشان هالكلمه بخليك تروحين بس شوفي بكلم مكتب يستقبلونك من المطار ياخذونك للمستشفى ومن المستشفى للسكن ومن السكن للمطار مره ثانيه نوف مبسوطه: طيب موافقه الله يخليك لي ياحلى بابا بالدنيا ابو خالد: كلمتي اختك؟ نوف: بكلمها باليل ابو خالد:خير ان شاء الله : : القاهره.. الساعه 2 الظهر.. سما : ياربي محمد ماقدر ماعندي حتى نص ساعه فاضيه فيها محمد: مالي شغل ابي اتغدا معك سما تحاول تقنعه: قلبي انا بالدوام شسوي خلاص تغدا مع سعد والعشا بتعشا معك محمد يسوي زعلان: طيب طيب خلاص سما بنبره حزينه: قلبي لاتزعل والله ماقدر محمد يضحك: مو زعلان كله ولابرطمك سما: يابعد روحي يالا انالحين لازم اقفل محمد: الله معك بعد ماقفلت ناظرت عماد الي كان يتقدم لها وهو يتأملها .كان ودها تحط يدينها عشان تستر نفسها مو حاسه براحه.. كانت لابسه بلوزه سودا بدون كموم تنوره قصيره كاروهات حمرا بحزام اسود عريض ..بوت اسود ..وكاب احمر ع جنب عماد بعد ماوصل عندها: كيفك سما : انا منيحه كيفك انتا عماد يقلدها: منيح ..وكمل بسرعه: ممكن تقبلين دعوتي ع الغدا ودي اتعرف عليك اكثر سما بأرتباك: بس الشغل عماد يتبسم: انا المدير هنا سما كان ودها ترفض بس حست بالخوف وهي تفكربكلام هشام ..وقالتها بكل هدوء: طيب ..اخذت جاكيتها الاسود من الطاوله وقالتها وهي تتبسم: بس سواني بدي البس عماد مسك الجاكيت: بعد اذنك سما سلمته الجاكيت كانت تلبسه بمساعدة عماد وهي حاسه بقرف ..بس كانت تحمد ربها ان الجو بارد وهالشي ساعدها تستر نفسها بالشارع خصوصاً وان الجاكيت طويل لتحت الركبه ..اخذت شنطتها السودا وطلعت معاه بعد ماوصلو المطعم وجلسو.. عماد: وش تاكلين سما: متل مابدك اطلب لي ع زوءك عماد :طيب بعد ماطلب ناظر فيها وقالها وهو يتبسم: الجو هنا زين ليه ماتفصخين الجاكيت سما: لامابدي حاسه برد شوي عماد: براحتك بهالوقت دخل محمد وسعد نفس المطعم .. محمد يكلم سعد: والله هالمطعم باين عليه روعه ..اول ماتقدم شوي شافها جالسه ع الطاوله مع عماد صارت عينها بعينه وبدا يتنفس بقوه .. ناظرت فيه وهي حاسه بخوف كبير نهاية الفصل ترقبو بالفصل القادم .. عادي شغلات مثل كذا تصير بالحياه هي صدفه حقيره وتقلب كل الموازين : : قالتها وهي تبكي: انا اسفه سامحيني تكفين والله لو ادري بيصير كذا : تحيتي وتقديري للجميع |
|
|
#98 |
|
|
رد: روايهـ في غااية الرووعهـ(سما غابة الأوهام)
ويسعدني اشوف تفاعلكم يالغاليات
|
|
|
#99 |
|
|
رد: روايه في غاية الروعه سما غابة الأوهام
وآآآآآآآآآآآآآآآآآآآآآآآآآآآآآ آآآآآآآآآآآو
نآآآآآآآآآآآآآآيس خقآآآآآآآآآآآآآآآآآآق مشكوره ياقلبي انتظر البارت الجاي على أحر من الجمر |
|
|
#100 |
|
|
رد: روايهـ في غااية الرووعهـ(سما غابة الأوهام)
طويله مره بس حلوه
|
