"قصة إنسان"

مشاءالله عليك ابداع روووووووووووعه باانتظارك البارت القادم

ثلـــــــــــــــوج

من ذوقج يا الغاليه

سيـــــــرة الحب

من ذوقج حبوبه

الحين بيجيكم البارت الجديد

___الفصل السادس عشر___
ويوم من الأيام كانو عبدالله وبسام ومعاهم الدوريات طالعين بمهمه القبض على عصابة مخدرات _ وصلو للموقع وكانت العصابه خطيره وصار ضرب النار بينهم وبين الشرطه _ فجأة جت رصاصه بكتف عبدالله وطاح عالأرض_
عبدالله: بسااااام آآآآآآههه الحق علي يابسام
بسام خايف: اهدا عبدالله بسم الله عليك تماسك _سحب بسام عبدالله لما وصلو للاسعاف وعلى طول للمستشفى_ دخلو عبدالله العمليات وكانت حالته خطرا _
أما بسام طاح عالأرض وكان منهار واللي حوله يهديه_
الشرطي: سيدي اهدا
بسام: هذا عبدالله تعرف شنو عبدالله_جاء الضابط وراحله الشرطي_
الضابط: اشصاير
الشرطي: ملازم أول عبدالله السلطان تصوب بمهمه كان طالع لها
الضابط: لاحول ولاقوة إلا بالله خليكم عند الملازم أول بسام لاتخلونه_ كان عبدالسلام ومشاري نازلين للعمليات وسألو عن الزحمه وقالهم الممرض إنا في شرطي متصوب جايبينه توهم _انتبه مشاري للشرطي اللي قاعد عالأرض وحاط إيده على وجهه_راحو له عشان يهدونه_
عبدالسلام: تعوذ من ابليس وادعي لصاحبك بدال ماتبجي والله كريم إن شا الله _رفع بسام راسه وتفاجأ مشاري وعبدالسلام إنه بسام _
مشاري: بسام اشصاير _طاح بسام بحضن عبدالسلام وزاد بجيه_
عبدالسلام: بسام انطق تحجا اشصاير
بسام: عبدالله عبدالله بين الحياة والموت_ رد يبجي حيل _
عبدالسلام: بسوم أهدا توكل على الله مشاري دق عالشباب شوف إذا مداومين خلهم ينزلون بسرعه _دق مشاري عالشباب<راكان وخليفه وأنور وبدر وطلال وماجد> وكانو كلهم مداومين _ نزلو على طول_
ماجد: شفيه شباب خرعتوني
مشاري يبجي: عبدالله بالعمليات_ قالهم بسام شصار _خذوه للاستراحه وقامو يصلون ويدعون _ هدت نفسية بسام شوي _
بسام: شباب طولو تكفون شوفو اشصاير
خليفه: أنا بروحلهم الحين
عبدالسلام: وأنا معاك _راحو خليفه وعبدالسلام للعمليات ودخلوهم _سأل خليفة الدكتور وقاله إنا حالته صعبه والإصابه من جهة الرئة _فجأة توقف النبض _
خليفه وعبدالسلام انصدمو_
خليفه: يارب رحمتك_ راح عبدالسلام يركض لعبدالله_
عبدالسلام يصرخ: عبدالله قوم قوم عبيد بسام مايعيش من دونك تكفى قوم لاتروح _طاح عالأرض وسجد وقعد يدعي_ جاه خليفه وحاول يهديه_ كانو الدكاتره بهالوقت يحاولون ينعشون القلب_
خليفه: عبدالسلام قوم_ مارد عليه بس يسمع بجيه ودعواته _سحبه وطلعو برا وخليفه يفكر ببسام شلون راح يتقبل هالخبر _أما عند الشباب فكانو يدعون ويستغفرون _اتصل زياد على ماجد_
زياد: ألووو مرحبا
ماجد بصوت مخنوق: هلا زياد
زياد استغرب: ماجد اشفيك
ماجد: زيود تعال لمستشفى--- الحين
زياد: عسى ماشر ماجد بندر فيه شي
ماجد: زياد لاتكثر حجي تعال وبس
زياد: طيب آنا يايك _سكر ماجد من زياد_ طلعو خليفه وعبدالسلام وشافو الشباب الجواب بعيونهم_
بسام: خليفه سلوم لاتقولون إنا عبدالله _نزلو روسهم_
بسام: اللهم اخلفني في مصيبتي _سجد لله ورفع _
بسام: الحمدلله على كل حال لله ماأخذ وله ماأعطى _جاهم صوت من وراهم_
--: دكتور خليفه أبشرك رد النبض للمريض _راح خليفه يركض _الشباب مابين الصدمه والفرح _حضن ماجد بسام وقعدو يبجون_
بسام: الحمدلله يارب الحمدلله
راكان: شباب سجدت شكر_سجدو الشباب سجدت شكر وحضنو بسام واللي يضحك واللي يبجي _ راح خليفه لغرفة العمليات ووقف عند سرير عبدالله وكان وجهه أبيض ومنور ولحيته طالعه من ورا الكمام وباسه على راسه وكان جسمه دافي _قاله الدكتور إنا راح يكون تحت الملاحظه خلال 24ساعة وبعدها راح ينقلونه للجناح _قرب خليفه من أذن عبدالله: بسام ينتظرك لاتطول عليه _طلع من الغرفه _تواجهه هو وزياد بالممر وكان زياد خايف ومستعجل_
زياد: خليفه اشفيكم اشصاير _ابتسم خليفه وقاله السالفه_
زياد: الحمدلله يارب زين الشباب وينهم
خليفه: امش معاي _راحو للشباب _سلم زياد عليهم ولما جاء عند آخر واحد وقف يطالع فيه _
زياد: جذي اتجازي أخوك ياراكان
راكان:--
زياد: أفا ماتوقعتك جذي
راكان: ظروف
زياد: والظروف تمنعك من أخوك تمنعك تدق ولاترسل أنتا حتى ماباركتلي بحمل زوجتي
راكان: زياد أعذرني
زياد: ماتخيلتك جذي ياراكان أعذرك على شنو _مشا عنه وماسلم عليه_ كانو الشباب كلهم يطالعون ومستغربين _راح زياد عند بسام وقعد يسولف معاه وراكان يطالع فيه _بعد ساعة
خليفه: شباب ترا قعدتنا مالها داعي
ماجد: خلونا نرد البيت وباجر من الصبح بنكون بالمستشفى
بسام: بس آنا بظل يم عبدالله
زياد: بسوم لازم تروح ترتاح عشان باجر لمايصحى عبيد تكون شبعان نوم وتقعد عنده_ردو الشباب لبيوتهم_ دخل زياد شقته وقعد بالصاله _قط شماغه عالكرسي وانسدح عالغنفه _ ظل يفكر باللي سواه وشلون قال لراكان هالكلام اللي يجرح معقوله هذا راكان حبيب قلبه يفشله جدام الشباب _جته رساله _وكانت من<واللهRغالي>_(صاحـــــــبي اللي يضيق إن ضقت وإن لمته بكاني،،
اللي لا "ضـاقت عيـونه" قبلها ضاقت عيوني*!!
صاحبي "لاشاف غلطه" احتواها واحتـوااني،،
اللي يحفظ لي غيابي كل ماالناس اذكــــــــــــــروني)_طالع زياد المسج وارسله_(معزتك ماغيرتها سواياك..@
رغم اعترافك بالخطا مانسيتك!!
جيتك أدوربسمة الحب وياك..@
لاتحسبني في غيابك نسيتك!!
لا تستبيح الدمع عند اللي اغلاك..@
لولا غلاتك ما عاتبت وشكيتك!!
@خـ لك وحدك ـاص@)_<واللهRغالي> يتصل بك _
زياد: ألو
راكان: السلام عليكم
زياد: وعليكم السلام
راكان: زياد شلونك
زياد: يهمك تعرف أخباري أنا طيب ومرتاح
راكان: الحمدلله دامك بخير هذا أهم شي
زياد: في شي ضروري ودك تقوله
راكان: زياد آنا
قاطعه: راكان أنا موفاضي الحين مخي مشوش
راكان: إذا فضيت بكلمك
زياد: شفت شلون يعور القلب هالحجي أنتا كنت تسمني فيه ياراكان وماكنت تهتم حس الحين حس شوي فيني تركتني وانشغلت حتى اتصالاتك انقطعت
راكان: زياد _قاطعه زياد وهو يصرخ وجت حنين على صوته
زياد: خلني أكمل لاتقاطعني قولي شنو اللي كان يمنعك إنك تباركلي شنو اللي كان يمنعك إنك ترسلي الزواج قول الزواج هذول الشباب تزوجو وهذا أنا تزوجت وأحب زوجتي بجنون وماأطيق فراقها بس ماانقطعت عن الشباب إنتا حتى ماجد ماييته وباركتله ببندر قول شنو عذرك ولاموشايف خير تكلم جذي تجازيني وأنا اللي حتى يوم عرسي مانسيتك واتصلت فيك وصليت الفجر وطلعت معاك وأنتا نسيت كل هذا
صرخ راكان: لاتتمنن علي
زياد: أنا ماأتمنن وأنتا أكثر واحد تعرفني لكن حبيت أذكرك يمكن تكون نسيت
راكان: والحل الحين
زياد: تسألني أنا شنو الحل
راكان يصرخ: اعتبرني غبي وماأفهم فهمني ياخي
زياد: حاشاك لاتقول جذي عن نفسك
راكان: زياد ودي أشوفك الحين
زياد: أنطرك بالبيت
راكان: أنا يايك _سكر زياد من راكان والتفت شاف حنين واقفه وتطالعه _ابتسم بوجهها وفتح ذراعه اليمين يعني تعالي_جت وقعدت جنبه _لوا ذراعه عليها _
حنين: حبيبي ليش معصب أول مره أشوفك معصب جذي _باسها على راسها وحط راسها على كتفه_
حنين: زياد اشودك تسمي البيبي
زياد: إذا ولد أنا أسميه وإذا بنت إنتي تسمينه شرايج
حنين: وإذا أثنين
زياد: كل واحد يسمي ههههه _بعد ربع ساعة _اتصل راكان بزياد _ نزله زياد
وكان راكان داخل الديوانيه _دخل زياد وأول ماشافه _وقفو يطالعون ببعض _
راكان: مشتاقلك _احضنو بعض وقامو يبجون _
زياد: ليش تحرمني منك ليش
_راكان كان يبجي ويضم زياد أكثر _
راكان: اعذرني يا الغالي
زياد: الله لولا غلاك ماعاتبتك لو واحد غيرك بالطقاق
راكان: تكفى آسف والله آسف
زياد: عاذرك ياغالي عاذرك _رفع زياد راس راكان _كانت دموعه ماليه لحيته _مسح زياد دموعه _
زياد: لحيتك كثرانه _ابتسم راكان_
زياد: تدري محليتك زياده _
بعدها قعدو مع بعض سوالف وضحك _وعند الباب_
زياد: أوعدني ماتعيدها
راكان: ليش آنا مينون عشان أعيدها
زياد وراكان: ههههه _راح لراكان لبيته _ثاني يوم العصر بعد مامشو أهل عبدالله باستثناء بسام كان عنده من الصبح_كانو الشباب كلهم عند عبدالله وبوكيهات الورد ماليه غرفته _كان نايم وموحاس فيهم _أما بسام فكان ماسك القرآن يقرا بصوة واطي _ قرب خليفه من أذن عبدالله_
خليفه: عبيد قوم بسام يحبك وقوم فرح قلبه _ كان بسام مواصل قراءته وماسك إيد عبدالله _ حس إيد عبدالله تضغط على إيده _رفع راسه وشافه يحاول يفتح عيونه بس موقادر_قرب منه بسام_
بسام: لاتعب نفسك ياغالي _نزلت دمعه على خده _
بسام: لاياغالي دموعك غاليه علي لاتنزلها _قربو الشباب منه وتحمدوله بالسلامه وكان يشد على إيد بسام _جاهم الدكتور_
الدكتور: دكاترنا تعرفون إنا المريض محتاج يرتاح
خليفه: وحنا مانبي غير راحته
الدكتور: تقدرون تتفضلون وتتركونه يرتاح وباجر إن شا الله تجون _طلعو الشباب ولما جاء بيطلع بسام _حاول يسحب إيده بس عبدالله شد على إيده يعني لاتروح _طالع بسام الدكتور وسواله حركة إنا مالي شغل _قرب الدكتور من عبدالله_
الدكتور: عبدالله لازم ترتاح _بس عبدالله زاد بضغطه على إيد بسام _
الدكتور: باجر راح يجيك واقعد معاه لماتشبع _نزلت دمعت عبدالله وحاول يتكلم بس ماقدر_
الدكتور: لاتجهد نفسك خلاص راح يظل عندك _طلع الدكتور _باس بسام عبدالله على راسه _
بسام: فديتك الله يجمعنا بالفردوس الأعلى أخوان على سرر متقابلين _سكت شوي _
بسام: عبيد شرايك تسمعلي سورة الأنفال وإذا غلطت إضغط على إيدي _ضغط عبدالله على إيده _بدا بسام يقرا بتلاوه وترتيل وكل ماغلط يضغط عبدالله على إيده وظل هذا حالهم إلى الليل _
بسام: عبيد فديتك تبيني أقعد عندك ولا أروح واجيك باجر _
ضغط عبدالله على إيد بسام وتغيرت ملامح وجهه وعصب_
بسام: خلاص خلاص يا الغالي راح أقعد عندك بس لاتعصب _أرخى عبدالله إيده وردت ملامحه طبيعيه ولف للجهه الثانيه _
بسام: عبيد ميت جوع بنزل الكافتيري آكلي شي _رد عبدالله يشد على إيد بسام_
بسام: خلاص ياغالي حتى الجوع لعيونك بتحمله _بس عبدالله زاد ضغطه وهالشي خوف بسام_
بسام: عبيد اشفيك ياغالي _زاد ضغطه _تحركت شفايفه وتمتمت بكلمات مومفهومه وحاول يرفع صوته بس ماقدر_بسام خاف عليه _
بسام: عبدالله لاتعب نفسك خلني آناديلك الدكتور _بس عبدالله تكلم بصوت متقطع _
عبدالله: بسام دير بالك على نفسك _دمعت عيون بسام _
بسام: عبود لاتعب روحك _ابتسم عبدالله: خايف علي ياالغالي الله يجمعنا بالجنة ياغالي وماأوصيك كمل حفظ القرآن ترا بقتلنا سورة الأنعام والنساء _بسام قام يبجي _فتح عبدالله عيونه وللحين مبتسم: (( قل ياعبادي الذين أسرفوا على أنفسهم لاتقنطوا من رحمة الله إن الله يغفر الذنوب جميعآ)) بسام لاتنسى هالأية _طاح راسه وارتخت إيده _قام بسام يصارخ ويهزه _
بسام: عبداااااااالله لاتروح وتخليني عبدالله قوم تكفى قوم _طلع يركض للدكتور وجاه الدكتور والممرضات يركضون _طلعو بسام _الدكتور مسك إيد عبدالله_
الدكتور: فيه نبض ودوه غرفت الإنعاش بسرعه _طلعو يركضون فيه وبسام وراهم _دخلوه الانعاش وبدو ينعشون قلبه _أما بسام فمايعلم بحاله إلا ربه _
بسام: يارب يارب قومه بالسلامه يارب رحمتك يارب أنت كريم يارب هذا أخوي وحبيب قلبي يارب خلنا نكمل حفظ القرآن مع بعض يارب _وزاد بجيه _طلع الدكتور من الغرفه وركضه بسام _
بسام: دكتور بشر
الدكتور: الحمدلله تداركناه بأخر لحظه _سجد بسام ورفع_
بسام: الحمدلله يارب الحمدلله الله يبشرك بالجنة يادكتور _مرت الأيام وتحسنت حالة عبدالله وجوه الضباط وشخصيات كبيره وتحمدوله بالسلامه وبعد أيام طلع للبيت _حط سريره بالديوانيه عشان بسام ينام عنده وكانو ربعه كل يوم يزورونه وصارت القعده ليليآ عنده _ يوم من الأيام كان زياد توه جاي من عبدالله وشاف أبوه قاعد بالصالة _
زياد: السلام عليكم _جاه وحبه على راسه_
صقر: وعليكم السلام هاه بشر شخبار عبدالله
زياد: الحمدلله بخير وحالته أحسن وأحسن الحين
صقر: الحمدلله زياد بغيتك بموضوع يابوك
زياد: آمرني ياغالي
صقر: بصراحه يازياد آنا تعبت من سلمى وهمها وماأقدر أطلقها عشان الوالده ماتزعل
زياد: شقصدك يبه
صقر: أنا خطبت وناوي أتزوج
زياد: تتزوج مبروك ياالغالي بس منو خطبت
صقر: جوري بنت رفيجي أبو جاسم
زياد: بنت أبوجاسم ألف مبروك ياغالي والله يسعدلك يايبه
صقر: الله يبارك بعمرك
زياد: ومتى العرس إن شا الله
صقر: الشهر الجاي إن شا الله
زياد: مستعجل ياغالي
صقر: شسوي
زياد: هههههه _ بلغ صقر بناته واعترضو بس ماخلالهم مجال يعترضون وقالهم إنا صابر على أمهم علشانهم وغصبن عنهن رضن بالأمر الواقع _مر الشهر وتزوج صقر من الجوري (جوري عمرها26يعني أصغر من بناته وأما شكلهاطويله وجسمها رشيق وشكرها لأخر ظهرها وكانت ملامحها باينه شخمها طويل وحلو وشفايفها وسط وعيونا وساع كانت حلو وجذابه) _كان صقر مستانس فيها حيل وقدرت بأسلوبها تجذبه لها لكن أبوزياد ماتأثر على شخصيته المره كان بكل قوته وشخصيته وهيبته بحضوره وبغيابه _ عند بدر كانت حياته مستقره ومستانس بزوجته وبناتها وكان لهم مثل الأبو _كانت شوق نايمه _راح بدر للبنات _فتح الباب ولقاهم قاعدات _
بدر: السلام عليكم
ملك ومناير: وعليكم السلام بابا_ جاهم وقعد عندهم_
بدر: ضايق خلقكم _سكتو البنات _
بدر: شرايكم نطلع لحولي بارك _ابتسمو مناير وملك _
بدر: عيل بسرعة أروح أبدل ملابسي وألقاكم لابسين _خذاهم وراحو لحولي بارك واستانسو _دقت شوق على بدر خايفه_
شوق: بدر وينك
بدر: طالع مع البنات
شوق: وليش ماقلتلي خوفتني قلت وين راحو بناتي
بدر: صار كل شي بسرعه يا الله حبيبي بركب منور اللعب مع السلامه _سكر على طول _ شوق حمدت ربها إنا الله عوضها وعوض بناتها ببدر
اللي صار لهن أحسن من أبوهن وكان بدر دايم يوقف معاهن ضدها ومخصصلهن وقت يقعد يحفظهن القرآن ودخل ملك مدرسه خاصه يقول علشان تتعلم أحسن وكانت شوق دايم تقوله أنت تستاهل اللحيه اللي عليك_ ببيت أبو زياد كان صقر وزياد وحنين وجوري قاعدين بالصالة _
صقر: هاه زياد ولي العهد متى ناوي يشرفنا
زياد: ههههه إن شا الله باجي شهرين ويشرف حضرت جنابه
جوري: زياد اشقررتو تسمونه
زياد: والله ياجوري ماقررنا للحين كل يوم لنا اسم
صقر: عاد ولد ولابنت
زياد: والله يايبه مفاجأه
جوري: يعني الدكتور ماقالكم
حنين: الدكتور لمادرا إنا بجر رفض يقولنا
صقر: زين يسوي فيكم لاتستعيلون
زياد: أنا عني مشتاقله أكثر من كل شي ودي ييي الحين قبل باجر _ابتسم صقر_
صقر: إي يازياد ذكرتني أيام ماكنت أنطرك وكنت دايم أقول ليدك لماييي ولدي راح أسويله وأسويله والحمدلله هذا أنتا جدامي وأنطر ولدك
زياد: الله يبلغك يايبه بعيالي وعيال عيالي
صقر: آمين يابعد أبوك
جوري: بوزياد ترا أبوي اليوم اتصل ويقول بيمرك بعد المغرب
صقر: حياه الله
زياد: يبه أستأذنك بطلع
صقر: وين بتروح هالحزه
زياد: بروح عند راكان اليوم عنده مراجعه لعيونه
صقر: زين قرر يسوي العملية أخيرآ
زياد: والله يايبه إني خايف عليه عملية الليزك موسهله
صقر: الله كريم إن شا الله ولاتحاتي ترا العمليه بسيطه ونسبة النجاح فيها كبيره
زياد: الله يسمع منك يايبه عاد الحين نرقده وباجر العملية إن شا الله
صقر: على خير إن شا الله
زياد: ياالله يبه تبي شي
صقر: أبي سلامتك ياغالي
زياد: حنين تبي شي قبل لاأطلع
حنين: أبيك سالم _
زياد: الله يسلمك _طلع زياد ومر راكان وراحو العياده ورقدوه _
زياد: ريكو بنزل اليمعيه وبمر الكافتيريا تبي شي
راكان: إي ييبلي عصير برتقال فريش وكرواسان وحلويات وكاكاويات وعصاير و
زياد: بس بس كل هذا تبي تآكله
راكان: يمكن أطول بالمستشفى أو أيوع ومحد عندي
زياد: ههههه تفكر ببطنك _راح زياد لجاب الأغراض ورد _دخل الغرفه وحط الأغراض عالطاوله وكان معاه كيس كبير طلع منه كرتون_
راكان: هههههههههههههه تذكر هههههههه
زياد: ههههههه رديتها لك _كان جايب له همر صغير لاسلكي _ قعد زياد عند راكان ورد البيت خذا ملابسه وخذاله فراش ورد عند راكان ورافق معاه وقضو الليل كله سهر وسوالف لأنهم من زمان ماقعدو هالقعده وسهروا مع بعض_اليوم الثاني دخلو راكان للعمليات وسوا عملية الليزك وعالظهر طلع من العمليه وودوه الجناح وكان مخدر ونايم وعيونه مغطينها _قعد زياد عند راسه يقرا وبعدها حط راسه ونام لأنه نعسان وسهران _ ماحس من التعب إلا بصوت راشد يقعده _
راشد: زياد زياد قوم للحينك نايم _فتح زياد عيونه_
زياد: الساعه جم
راشد: الساعة 3.30العصر
زياد: وليه ماحسيت حتى صلاة العصر ماوعيت فيها
راشد: صاحبك للحين نايم
زياد: مخدر وموحاس _قام زياد وتوضا وصلى وبعدها بدل بجامته ولبس دشداشته _
زياد: أهله أكيد بيونا بعد شوي
راشد: إي خلود بتي مع أمي وأبوي وخواتي
زياد: عيل آنا صار لازم أمشي وبعد العشا بكون عندا
راشد: الله وياك _طلع زياد وصادف بالممر أبوراشد_
زياد: هلا عمي شلونك شخبارك
أبوراشد: بخير ياولدي أنت بشرني عنك وماقصرت على قعدتك عند راكان طول الليل
زياد: أنا بخير وبعدين ياعمي راكان أخوي وحبيبي ولو أعطيه عمري شوي بحقه وأنت أدري بهالشي
أبوراشد: الله لايفرقكم ياولدي
زياد: آمين ويجمعنا على طاعته إن شا الله يا الله عمي عن إذنك
أبوراشد: حافظك ربي خنلحق خالتك سبقتني عند ولدها _ طلع زياد من المستشفى وهو بالسيارة _<خفيف دم1>_يتصل بك_
زياد: يامرحبا يامرحبا
عبدالله: ياهلا فيك ومرحبا شخبارك وشخبار راكان
زياد: والله أنا بخير وراكان بخير الحمدلله توني طالع منه وخليته نايم
عبدالله: الحمدلله على سلامته
زياد: الله يسلمك
عبدالله: زيود متى نقدر نزوره
زياد: بعد العشا إن شا الله علشان أهلها عندا الحين
عبدالله: على خير إن شا الله ياالله السلام عليكم
زياد: وعليكم السلام _سكر زياد من عبدالله وبعدها بدو الشباب يتصلون واحد ورا الثاني_ وصل زياد لبيت أمه وقعد عندها_ وكانت حنين جايه عندها _
هنادي: هاه يمه بشر راكان شخباره
زياد: الحمدلله يايمه
هنادي: أهو سوا العمليه
زياد: إي يمه سواها اليوم الصبح
حنين: زياد إنتا شلونك _قرب منها وهمس بإذنها: دامج يمي أكيد بكون بأحسن حال
حنين تهمس بإذنه: فديتك
زياد: فديتج
ندى: شوفي يمه ولدج ومرته يحشون فينا علنآ
هنادي: ماتبين حسنات زياده
زياد وحنين: هههههه _دخل ناصر وتغطت حنين_
ناصر: السلام عليكم
الكل: وعليكم السلام _جا وقعد وهو معصب وكان باين على وجهه _
زياد: نصور شلونك
ناصر: زفت بزفت
زياد: أفا نصور شفيك
ناصر: أنا طول عمري جذي مالي حظ بالدنيا
زياد: قوم قوم أبيك برا _قام ناصر مع زياد وراحو قعدو بالحديقه_
زياد: قولي شفيك _طالع ناصر السما وبعدها نزل راسه _
زياد: ناصر شغلت بالي شفيك
ناصر: راحت يازياد راحت خلاص ماعادت لي أمك وأبوي أهما السبب راحت خلاص
زياد: منو اللي راحت
ناصر: حبيبتي يازياد حبيبتي تزوجت خلاص كنت دايم أقول لأمي تخطبها لي وكانت تقولي اصبر اصبر لماراحت خلاص _قام يبجي _حضنه زياد ومسح على راسه_
زياد: اهدا ياناصر اهدا إذا لك نصيب معاها بتآخذه بس أنتا هديلي حالك
ناصر: شلون أهدا يازياد اشلون _رفع زياد راسه _
زياد: ناصر يمكن خيره لك ياالغالي وصدقني هذا المقدر والمكتوب ومانقدر نسوي شي
ناصر بعصبيه: أوريه والله ماأخيله يتهنا معاها هذي لي أنا أنا وبس أنا اللي أحبها ولازم تكون لي
زياد: ناصر إذا أنتا تحبها صج لاتعذب قلبها وتمنى لها الخير اللي يحب من قلب يتمنى لحبيبه السعاده حتى لومع غيره _هدا ناصر شوي _
ناصر: زياد ماأقدر أتخيلها لغيري ولاأتخيل غيرها لي
زياد: ناصر خلاص اللي صار صار ولاتعذب حالك بشي صار مستحيل اتركها تعيش حياتها وانسى أو تناسى وشوف حياتك _قام ناصر يبجي_
ناصر: وإذا شفت زفتها تطلع من بابهم وشفته شابك إيدا بيدها اشتتوقع بيكون شعوري
زياد: تعوذ من ابليس ولاتكدر خاطرك خلاص اللي فات مات
ناصر: تدري شنو المشكله إنا هالنذر يدري إني أحبها
زياد: ويدري إنها تحبك
ناصر: لامايدري والحمدلله إنا مايدري عشان مايعذبها ويذلها _هدا ناصر وخذاه زياد وراحو لصلاة المغرب وخلاه يقعد بعد الصلاة يقرا قرآن ويدعي ربه _(ناصر نسخت زياد بكل شي بالشكل وبالجسم بس الفرق إنا زياد طويل وناصر قصير وحتى العوارض نفس بعضهم كأنهم توأم حتى أصواتهم نسخت بعض)_(حبيبت ناصر هي بنت جيرانهم واللي تزوجها يصير رفيج ناصر وأكثر واحد معاه)_ ردو البيت وحاول ناصر إنا يبين نفسه إنه طبيعي ومافيه شي _جا زياد ونام على رجل أمه _
ندى: زياد اشناوي تسمي البيبي
زياد: ماقررنا للحين
ندى: ومتى تقررون إن شا الله
زياد: إن شا الله إذا قررنا نردلج خبر _نغمة رساله لناصر_ فتح الرساله وكانت من<الحب الأول والأخير>_(كل همي ماابيگ عني تغيب@
كن شوفگ صار للخافق دوا%
شف غلاك بالحناياشي عجيب@
وخاطري عطشان منگ ماارتوا%
قلبي المجروح من بعدك عطيب@
ومن عقب فرقاك قلبي ماقوا%
الجروح اليوم ماظني تطيب@
&غيرلاصرناانا وانت سوا&) _ردلها ناصر_(إن كان قلبك خالي الهم مرتاح
قلبي من الدنيا وأهلها بحيره !!!!
إما تعال وبدل أحزاني افراح
وإلا يواجه كل منا مصيره)_ ردت ارسلت_(•°•اشتقتـلك•°•
نبتة غلا تعشق السيل
•°•ويـ؟ـن أنت•°•
ياصوت وحشني سماعه)_ ارسلها_(ماأقدر أكلمك اعذريني يادانه الهم راكبني من راسي لأقصاي)_(ناصر أنا السبب صح بس والله موبكيفي تكفى سامحني ولاتضايق نفسك)_ (ياعيون ناصر الله يوفقج ويسعدج وحطي ببالج إني قلبي معاج طول العمر وإذا لنا نصيب ببعض صدقيني راح نآخذه)_(أحبك)_(أحبج)_كان زياد طول الوقت عينه على ناصر وكان حاس إنا فيه شي موطبيعي _ارسله رساله له_(تخيل ندى تراسل واحد وعذرها إنها تحبه اشراح تسوي)_ رفع ناصر عينه وطالع زياد وفهم قصده وظلو يخزون بعض _قطع هالموقف دق تلفون زياد_<أبومشعل> يتصل بك_
زياد: ألو هلا راشد
راكان بصوت تعبان: زياد هذا آنا
زياد: هلا ريكو هلا حبيبي شخبارك
راكان: زياد وينك متى اتي
زياد: إن شا الله أصلي العشا وأييك
راكان: أنطرك لاتتأخر
زياد: أبشر فديتك _سكر التلفون _ وطالع حنين_
زياد: حنين تبيني أوصلج البيت معاي
حنين: ماشي
هنادي: وين يايمه تو الناس مافي مشيه اقعدي
حنين: يمكن زياد يبي شي من البيت
هنادي: إذا يبي شي يطلعه هو بنفسه اقعدي
زياد: هاه اشصفيتو عليه
حنين: خلاص زياد انتا روح آنا بقعد عند خالتي
زياد: براحتج _طلع زياد ولماركب السياره جا ناصر_
ناصر: زياد راكان بأي مستشفى
زياد: بمستشفى--- متى بتيي
ناصر: الحين بلحقك
زياد: عيل خلنا نصلي بالمسيد ونطلع مع بعض
ناصر: صار الحقك للمسيد _راح زياد المسجد والحقه ناصر _صلو واطلعو مع بعض لراكان_بالسياره كان الصمت سيد الموقف _بس زياد قطع هذا الصمت_
زياد: فهمت قصدي من المسج_سكت ناصر_
زياد: خلاص ياناصر لازم تفكر بنفسك وتتناساها لأنها ماعادت لك
ناصر:--
زياد: أدري كلامي يجرحك وماتتحمله بس هذا الواقع ياناصر
ناصر: زياد أنتا جربت الحب _تنهد زياد بقوه _
ناصر: غير حنين يازياد
زياد: إيييه ياناصر غير حنين
ناصر: وليش ماخذيتها
زياد: لأني لو أخذتها راح أعيشها بشك موطبيعي
ناصر: بس ليش
زياد: حبها لي جرأها زياده عن اللازم وأنا لايمكن أتزوج وحده جريئه
ناصر: وإهي تدري انك تحبها
زياد: لا بس كانت حاسه بهالشي وكل حركاتي كانت تفضحني
ناصر: معقوله كل هذا يحصلك ولاندري
زياد: ناصر سكر هالموضوع الحين عندي اللي تسواها وتسوى بنات هالدنيا كلهم
ناصر: الله يهنيكم ببعض
زياد: حنين ياناصر قدرت تنسيني إياها
ناصر: اللي يشوف حبك لحنين يقول هذا عمرا ماحب أحد قبلها
زياد: قتلك حنين قدرت تنسيني أشواق
ناصر: اسمها أشواق
زياد: إي
ناصر: أنا اسمها دانه
زياد: نصور بمر شقتي أتسبح وأبدل وبعدها نروح المستشفى
ناصر: صار _وصل شقته ونزلو وقعد ناصر بالصاله أما زياد دخل يتسبح وبدل ملابسه _طلع لناصر بالصاله_
زياد: هاه نصور اشرايك بشقتي
ناصر: بصراحه زيود شي شهالحركات والاكسسوارات والبراويز والإضاءه بصراحه شقه رومانسيه
زياد: أفا عليك نعجبك
ناصر: والله شكلكم رومانسيه حيل
زياد: رومانسيتها ياناصر خلتني أنسى أشواق واللي خلفوها
ناصر: هههه والله طلعت مو سهله
زياد: هههههه فديتها ياالله ماتبينا نمشي
ناصر: بلى مشينا _راحو لراكان وكان ناصر طول الوقت بالسياره يفكر بحال أخوه وإنا كل هالهم كاتمه بصدره ومحد كان حاس فيه _وصلو لراكان ودخلو عنده وكان راشد قاعد عنده_
زياد: الحمدلله عالسلامه يابعدي _باس راكان على راسه وكانو للحين مغطين عيونه _
راكان: زياد ليش تأخرت
زياد: السموحه ياالغالي بس رحت البيت بدلت ملابسي وييتك
ناصر: الحمدلله عالسلامه راكان
راكان: هلا الله يسلمك منو
ناصر: ناصر السالم
راكان: هلا بأخو الغالي
ناصر: هلا فيك
زياد: راشد وكلوه
راشد: عيا لايآكل لما تيي
زياد: راكان ليش ماأكلت
راكان: أنتا أكلت شي
زياد: أنا لاوالله من أمس موماكل شي إلا موكا الصبح شربتها
راكان: توقعتك عشان جذي ماأكل أنطرك _حط زياد إيده على راس راكان _
زياد: فديتك تنطرني
راشد: أجلو غرامياتكم بعدين أكلو الحين لاتدوخون علينا
زياد وراكان: ههههه _قعد زياد يأكل ويوكل راكان ودخلو عليهم الشباب _
ماجد: سلامات سلامات أجر وعافيه وخطاك السو والحمدلله عالسلامه
الكل: ههههههههه
راكان: الله يسلم وخطاك اللاش
خليفه: الحمدلله عالسلامه ياالدب
راكان: الله يسلمك ياخوي الدب _سلمو الشباب وتحمدوله بالسلامه وقعدو_
أنور: شخبارك الحين
راكان: الحمدلله بخير
خليفه: أبكم استحو لاتخربونا أنت وياه
عبدالسلام: أنتا عاد كلش عقل وثقل
الشباب: هههههه
راكان: خايف تنحرف أنتا وشكلك
أنور: خليفه أنتا خربان وخالص من زمان
خليفه: ليه وش شايفيني
بدر: يعني تبي زياد يوكلك
زياد: مو محتاي عندا اللي يوكلونه
الكل: هههههههه
خليفه: أقول اهجدوا أبركلكم
مشاري: بسام وعبدالله مايوك
راكان: لاوالله للحين _دخلو عبدالله وبسام _
عبدالله وبسام: السلام عليكم
خليفه: تفضل وشطريت
ماجد: الله يهديك يامشاري لوطاريلك مليون جان جاك
الكل: هههههههه وعليكم السلام
بسام: عبيد حبيبي لاتلتفت لكلام العذال
ماجد: على شنو ياحسره
عبدالله: لاتقلق ماراح ألتفتلهم
عبدالسلام: أموت عالثقه أنا
بسام: راكان شلونك الحمدلله على سلامتك
راكان: هههه الله يسلمك ياغالي
عبدالله: أجر وعافيه _حط إيده على راس راكان_
عبدالله: أسأل الله العظيم رب العرش العظيم أن يشفيك _شال إيده_ قعدو ضحك وسوالف وراشد وناصر كانو يشاركونهم بسوالفهم _
راكان: شباب أبشركم راح أصير أبو
الكل: بالمبارك...ألف مبروك
_بعدها استأذنو وراحو وراح ناصر مع طلال _أما زياد نام عند راكان _وخلاه الدكتور لثاني يوم عشان أنه تعبان شوي_ ثاني يوم الصبح جا الدكتور وفتح الشاش عن عيون راكان وطلع من المستشفى وصار راكان يشوف عدل بس كان دايم لابس نظارات شمسيه _ بعد شهرين _كان زياد قاعد بالصاله س4 الفجر_ وفجأه سمع صوت حنين_
حنين: أأأأأأأهههههه زياد الحق علي أأأأأأههههه _ركضلها زياد وكانت قاعده عالسرير وحاطه إيدها ورا ظهرها_
زياد بخوف: حبيبتي شفيج
حنين: زياااااد بولد الحق علي أأأأأأهههههه الحق علي_ ركض جاب عبايتها ولبسها وشالها بين إيدينه وخذا سويجه وطلع يركض _بالسياره كان دايس 200 ومع كل صرخه لها يسرع _وصلو المستشفى وشالها وحطها عالساديه واسرع فيها _دخلوها الولاده وكان واقف ومتوتر _رايح راد _طلعت الممرضه_
الممرضه: مبروك زوجتك جابت توأم أولاد
زياد: أهي شلونها
الممرضه: الحمدلله بخير
زياد: الحمدلله _اتصل بأمه_
زياد: ألو يما
هنادي بصوت نايم: هلا يمه شفيك
زياد: حنين ولدت يمه
هنادي: صج يمه عالبركه ياغالي هاه بشر ولد ولابنت
زياد: ولدين يمه
هنادي: بالمبارك يايمه وأمهم شلونها
زياد: الحمدلله بخير يمه _سكر من أمه واتصل على أبوه وبشره واتصل على طلال وبشره_بعدها راح المسجد وتوضا وصلى الفجر _بعدها رد البيت وكانت جوري مجهزه أغراض حنين وأغراض العيال _دخل وغير ملابسه لأنه كان لابس بجامه برمودا وبلوزه حفر _بعدها راحلها _ كانت حنين نايمه والتعب باين على وجهها _دخل زياد الغرفه وشاف شكلها التعبان _باسها على راسها ومسك إيدها وقعد عندها _حست فيه وقعدت _
زياد: الحمدلله على سلامتج ومبروك علينا
حنين بصوت تعبان: الله يبارك بعمرك _بدلها ملابسها وعدل نومتها وجابولهم الولد الأول بعد مالبسوه_قامله زياد وخذاه من الممرضه_
زياد: هلا هلا بولد أمه وأبوه _خذاه وحطه على صدره وغمض عيونه وبعدها بعده ورفع راسه وأذن بأذنه _خذته حنين وحضنته وبعدها جابو الثاني_
حنين: فديتكم وأخيرآ ييتو ياالغالين زياد بلغت أمي
زياد: إيه بلغت طلال يبشرهم
حنين: زياد أنتا للحين ماقلتلي اشودك تسميهم
زياد: بسميهم عبدالرزاق وراكان
حنين: حلو بصراحه روعه
زياد: أهم شي اعجبج ياروحي
حنين: دامه ذوقك أكيد يعجبني _قعد يسولف معاها وبعد ساعه جتلها أمها وطلال _سلمو وقعدو_
طلال: إي من قدك صرت أبو والله دنيا زياد صار أبو
زياد: أقول ليش مومالي عينك آنا أبو وغصبن عن خشتك
طلال: ههههه بلغت الشباب
زياد: إي أرسلتلهم رسايل واتصلو فيني
طلال: زين اشسميتهم
زياد: عبدالرزاق وراكان
طلال: سويتها يازياد وسميت راكانوه
زياد: ليش مومالي عينك راكانوه
طلال: ههههه دخن كتفك
زياد: على فكره ترا ريكو مايدري إني سميته راكان
طلال: أتخيل شعوره راكان أقول حنين الله يعينج على شريجتج
حنين: آخ من هالشريجه مشاركتني بكل شي
طلال: حتى ولدج على اسمه
زياد: هيه هيه أنت وياها لو مااحترمتو انفوسكم مايحصل طيب
حنين: معصب عشان راكان
زياد: إي أعصب وبعدين لماتقولون راكان حطو إيدكم على روسكم
حنين: ياسلام
زياد: ياسلامين بعد
طلال: حنين خلاص ترا وصلت معاه _دق تلفون زياد_<واللهRغالي> يتصل بك _
زياد: ألو هلا والله ومرحبا ومسهلا _كان يطالع حنين وطلال نص عين_
راكان: هلا فيك يابعدي مبروك ألف مبروك يتربون بعزك إن شا الله
زياد: الله يباركلي بعمرك ياغالي
راكان: شفتهم
زياد: إي ياحياتي يابوهم قبل شوي
راكان: فديت قلبهم من يشبهون
زياد: والله مومبينه ملامحهم عدل
راكان: عاد اشسميتهم
زياد: حزر فزر
راكان: زيود اخلص علي
زياد: أنتا شتوقع
راكان: تكفى مالي خلق أفكر
زياد: عبدالرزاق وراكان
راكان:--
زياد: راكان
راكان:--
زياد: ريكو ياهو
راكان: صج زياد سميت راكان
زياد: والله سميته راكان
راكان: يابعد راسي يازياد
زياد: مو أنتا طلبت مني
راكان: إي بس ماتوقعتك تسميه كنت أضحك
زياد: ليش ماتوقعت اسميه وأسمي أبوه اللي يابه لوتبي بعد
راكان: يابعدي أنتا _سكر التلفون وبعدها جاه أبوه وجوري وخواته وبعدها جت أمه وأخوانه وخواله _ ثاني يوم طلعت حنين من المستشفى _بالشقه كانت هي والجوري يرتبون شنطتها عشان بتروح لأهلها _
زياد: حنين لازم تروحين يعني
حنين: هههه طبعآ لازم
زياد: زين قعدي وأنا أييبلج اللي تبيه
حنين: زياد والله ماأقدر أقعد أنا تعبانه ولازم أروح عند أمي عشان أرتاح
زياد: زين جم يوم وتردين
حنين بدلع: 40يوم حبيبي _طلعن عيونه وتنرفز_
زياد: 40يوم وايد وايد حيل جوري تكلمي قولي شي
جوري: زياد اسمعني بس لاتعصب
زياد بعصبيه: ماراح أعصب قولي_كان جوري خايفه من ردت فعله_
جوري: يعني هو بصراحه زياد لازم تروح لأهلها أنتا صحيح ماراح تقصر معاها بس النفاس تعب وأمها بتداريها وتقوم بحاجتها وإن شا الله الأيام بتعدي وباجر تصير ذكرى
زياد: بغيتج عون لي
حنين: زياد انتا راح اتييني كل يوم
زياد بترجي: يعني مافي أمل
خلاص بوديج وأمري لله _عالظهر راحت حنين وعيالها لأهلها _رد زياد للشقه_ لديك رساله جديده_ فتحها وكانت من أشواق_(ألف مبروك ويتربون بعزك إن شا الله)_تردد إنا يرد بس قال فشله_(الله يبارك فيج) _ رد زياد لحياة العزوبيه بس أمه لزمت عليه إلا يجي عندها _خذا ملابسه وراح عند أمه _كانت أشواق طول الأيام ترسله مسجات وكان مايرد عليها بس كان يشتاق لمسجاتها _ يوم من الأيام كان زياد قاعد مع أمه وناصر وسالم _
سالم: ناصر ماودك تتزوج وتفرح قلبي أنا وأمك
ناصر: لما كنت أقولكم بتزوج كنتو تقولون توك اصبر والحين لماتزوجت اللي كنت أبيها تقولولي تزوج
سالم: كنت تبينا نخطبك وأنتا حتى وظيفه ماتوظفة
ناصر: آنا قتلكم بس اخطبوها لي ولما نخلص دراستنا نتزوج
سالم: خيره وبعدين هذا النصيب
ناصر: حطيتو عذركم النصيب ولما كنت أترجاكم محد منكم اهتم الحين تبون تزوجوني عشان تفرحون
هنادي: احترم نفسك وكلم أبوك بأدب لاأعلمك الشغل
ناصر: اشبتسوين يعني أنتي لوصاجه جان خطبتيلي حبيبيتي بس أنتي قوتج علي _عصب زياد لماشاف ناصر يرفع صوته على أمه _
زياد: ناصر احترم نفسك هذي أمي
ناصر: خوفتني أنتا بأمك خير يعني مني أمك _زياد ماتحمل وعطاه كف على وجهه _عصب ناصر وحط إيده على خده وعطاه نظره_
ناصر: تطقني ياولد صقر اطلع برا اطلع برا بيتنا مابي أشوفك عندنا اطلع
سالم: جب ولاكلمه لمايصير بيتك ذاك الوقت تكلم
زياد: ماشي ياناصر تطرد أخوك _طلع زياد _حاولت تلحقه هنادي بس ماقدرت _ردت لناصر وعطته كف على وجهه_
ناصر: اطقيني عشانه يصير خير إن شا الله _طلع من البيت _طاحت هنادي عالأرض تبجي _
هنادي: راحو عيالي سالم راحو _نزلها سالم وحضنها_
سالم: هدي ياأم زياد ناصر راح يرد البيت إن شا الله وزياد مايزعل من أخوه أنا مستغرب شاللي غير الولد جذي لاحول ولاقوة إلا بالله _ زياد لماطلع راح لشقته وكان متضايق حيل _ أما ناصر طلع وراح لشاليه ربعه وكان الشاليه فاضي قعد يبجي وحس إنه إنهان حيل _قعد بالشاليه يومين مسكر جهازه وبعد يومين شغله ولقى أبوه داق عليه 50مره ولقى عنده رسايل وكانت من ربعه وأبوه _(ناصر طمني عليك)_(نصور إذا شفت رسالتي رد)_ دق على أبوه _
ناصر: ألو
سالم: هلا ناصر شلونك يابوي شخبارك
ناصر: بخير يبه
سالم: وينك
ناصر: بالشاليه
سالم: زين تعال البيت الحين
ناصر: بس يبا أخاف أمي
سالم: أنتا تعال ويصير خير _سكر من أبوه وراح البيت _دخل وكانت أمه قاعده بالصاله مع أبوه وندى ونوف _
سالم: هلا ومرحبا
ناصر: هلا فيك يبا_ سلم على أبوه وراح بيسلم على أمه بس هنادي صدت عنه_
ناصر: يمه أسف
هنادي: تطرد أخوك ياناصر تطرد اللي مايناديك إلا عزوتي جذي تسوي بزياد ياناصر زياد الطيب اللي يحبك أكثر من نفسه _قامت تبجي_
ناصر: يمه الله يخليج لاتبجين وبعدين يايمه زياد طقني تفهمين شنو طقني
هنادي: زياد طقك لأنه ماتحمل يشوفك تغلط على أمه اسمعني أنا ماراح أسامحك لما تروح وتراضي زياد
ناصر عصب: هذا اللي ماراح يصير _وصعد لغرفته _ أما زياد ماعلم أحد باللي صار_ كان دايم يروح لعياله _ومره كان قاعد عند عياله ويلعبهم ودخل طلال وعيونه حمرا ووجهه متغير_
زياد: طلال شفيك
طلال: عبدالسلام
زياد: اشفيه عبدالسلام _قامله ووقف قباله وكان طلال يبجي _
زياد يهزه: طلال تكلم عبدالسلام فيه شي
طلال: عبدالسلام مات مات يازياد _انصدم زياد _
زياد: اتجذب صح
طلال: زياد لاتعور قلبي زياده _حضنو بعض وقامو يبجون _قامتلهم حنين ودخلت أمها وأخوانها _حضن طلال أمه وهو يبجي _طاح زياد على صدر حنين يبجي _
حنين: زياد اطلبله الرحمه وهذا اللي كاتبه ربك _يزيد بجيه_
حنين: حبيبي خلاص هذا يومه
زياد: هذا سلوم ياحنين سلوم
حنين: ياروحي كلنا ماشين بهالطريج _بعدها طلع هو وطلال لبيت عبدالسلام وكانو ربعه وأخوانه موجودين _ دخلو طلال وزياد وعزو أبوه وأخوانه وبعدها قعدو عند ربعهم _كانت حالة ربعه مايعلم فيها إلا الله _مرت أيام العزا ثقيله _بعد اسبوعين كان زياد قاعد بشقته وزايرينه خليفه وماجد وراكان وبدر الساعه9 بالليل _
خليفه: زياد شخبار عياك
زياد: والله مدري عنهم من أسبوعين
خليفه: طيب ليه مارحتلهم
زياد: مالي خلق أطلع من البيت
خليفه: عيالك لهم حق عليك وعبدالسلام الله يرحمه إلى متى وأنت بتبقى هالشكل
زياد: الله يرحمه بس والله ياخليفه كل ماأروحلهم أتذكر إني سمعت خبر وفاته عندهم وأخذ فوق تحت وأرجع
ماجد: الله يرحمه عبدالسلام موته فقد كبير لنا كلنا
راكان: الله يرحمه ويغمد روحه الجنه _دق تلفون زياد_<حياتي أنتي وبس>_
زياد: ألو
حنين: السلام عليكم
زياد: وعليكم السلام
حنين: شلونك حبيبي
زياد: أنا بخير أنتي شلونج وشلون العيال
حنين: أنا والعيال مشتاقيلك _تنهد زياد _
زياد: وأنا أكثر
حنين بصوت طفولي: زوزو وريكو يقولون وين بابا ماشفناه من أسبوعين معقوله مااشتاقلنا
زياد: فديتهم هم وأمهم باجر إن شا الله بأمرهم
حنين: حبيبي كإنا عندك أحد
زياد: إي والله عندي الربع
حنين: أوكيك إذا فضيت كلمني ترا أنطرك
زياد: إن شا الله انطريني عالساعه 1راح أتصل فيج_وطا صوته وحط إيده على حلقه _
زياد: أحبج
حنين: أحبك _سكر التلفون
راكان: اعترف بسرعه اشقلتو
ماجد: أقول انطق اشدخلك انتا ريال وزوجته
زياد: تقول ريكو وزوزو يسلمون عليك ارتحت
خليفه: هاه بردت دودتك
راكان: إيه الحين بردت
ماجد: صج زياد ماشفنا عيالك _فتح زياد تلفونه وطلع صورهم _
خليفه: سبحان الله نسختك يازياد
ماجد: إي والله ماخلو منك شي
راكان: أي واحد عبدالرزاق وأي واحد راكان _أشر زياد عليهم _
راكان: فديته سميي ليش ماسميت الكبير راكان أحسن
زياد: مدري حبيت أكون أبوعبدالرزاق
خليفه: أقول احمد ربك سما عليك
ماجد: نشوف باجر تسمي ولدك زياد
زياد: لالا يبه ماأبيه يسميه زياد إذا صج بيسمي خيسميه عبدالسلام
راكان: إن شا الله بسميه عبدالسلام والثاني زياد
خليفه: شباب تذكرون قصيدة للطيب طيب وللمواقف رجاجيل
ماجد: ياالله هذي قديما اشيابها على بالك الحين
راكان: إذا ماخانتني الذاكره أنتا كتبتها بعبدالسلام الله يرحمه
خليفه: إيه أنا كتبتها فيه بس ماقلتكم وش السبب
زياد: صح أنتا ماقلتلنا شالسبب
خليفه: كان الله يرحمه مو راضي أقول اللي صار بيننا بحياته والحين الله أخذ أمانته وراح أقولكم السبب
ماجد: قول
خليفه: لما كنا بعاشر بداية السنة صارت بيني وبين أبوي مشكله وطردني أبوي من البيت وماكنت أدري وين أروح ورحت للمسجد أصلي العشا وبعد الصلاة قعدت أدعي وأقرا وماحسيت إلا باللي جاني وقعد جنبي التفت ولا عبدالسلام الله يرحمه وشاف دموعي بعيوني وابتسم وسألني وبعد تردد قلتله مسك إيدي وحلف علي إلا أروح معاه البيت رحت عنده وحطلي سرير أنا وياه بالسرداب عشان نأخذ راحتنا وراح لبيتنا وجاب كتبي وجنطتي وملابس المدرسه وحلف علي ماأعلم أحد
ماجد: كل هذا وأنا ماأدري
خليفه: قعدت عنده شهر ونص وبعدها رحت وراضيت أبوي ورديت البيت وهو مايدري ومادريت إلا وسلوم يدخل على أبوي بالديوان يبجي وطلب منه إني أرد معاه وأنا ماعرفت وش أقول حاول أبوي معاه بس كان ملزم وحب أبوي على راسه وإيده قدام اخواني وبعدها طالعني أبوي وقالي روح مع خويك وقعدت عنده نص شهر وكان أبوه وأخوانه وأمه أحسن لي حتى من أهلي وكتبت القصيده وأنا عنده وسمعها ولماقلتها عندكم حلف علي إني ماأقولكم السبب
راكان: يعني أنتا كنت تداوم المدرسه وأنتا عنده
خليفه: إيه
زياد: الله يرحمك ياسلوم
راكان: الحين عرفت ليش تأثر خليفه حيل بوفاته الله يرحمه
خليفه: لماجاني خبر موته حسيت إنا أخوي اللي مات لأنه هو أخوي وماعمري بجيت كثر بجي بوفاته الله يرحمه ويسكنه الفردوس الأعلى لماكنت عنده استغربت من محافظته على قيام الليل وبره بأمه وأبوه وكان يطلع للمسجد قبل الأذان
ماجد: الله يرحمه _ قعدو الشباب يسولفون وطلبلهم زياد مطعم تعشو وعالساعه12.30 راحو لبيوتهم_ قام زياد وتسبح ولبس بجامته وقعد بالصاله _اتصل على<حياتي أنتي وبس> _
زياد: ألو
حنين: هلا حبيبي شلونك
زياد: محتاجلج
حنين: أنا كلي لك
زياد: متى تردين البيت
حنين: هانت ياروحي الخميس الياي إن شا الله
زياد: آآآهههه متى ييي الخميس
حنين: إن شا الله بيي يابو عبدالرزاق
زياد: الله عيديها
حنين بدلع: أبو عبدالرزاق
زياد: فديته اشحلات اسمه بحلجج
حنين: ههههه
زياد: لاتضحكين
حنين: هههه ليش هههههه
زياد: بس لاتضحكين
حنين: هههههه
زياد: شقول أنا لاتضحكين
حنين: هههه زين ليش
زياد: بس جذي ماأبيج تضحكين زوجتي وكيفي
حنين: هههه أوكي ماراح أضحك
زياد: حياتي كتاكيتنا وينهم مالهم صوت
حنين: بالغرفه عند أمي وطلول
زياد: ليش أنتي وينج
حنين: بالصاله
زياد: حبيبي برد عليج
حنين: خايف علي
زياد: إذا ماأخاف عليج أخاف على منو
حنين: فديتك
زياد: فديتج حياتي باجر راح أيي الصبح بس لاتقولين لأحد ودي أقعد معاج بحالنا
حنين: أوكيك قلبي راح أنطرك متى ييي باجر
زياد: مشتاقتلي
حنين: أكثر من اللي تتخيله وأنتا مااشتقتلي
زياد:مالوم نفسي فيك لوهزها الشوق
من عاش طيبة قلبك أكيد لك يشتاق
حنين: ياروحي يازياد _ ظلو يسولفون للساعه 3 الفجر _ ثاني يوم الصبح عالساعه 9 قعد وتسبح وكشخ وطلع للمطعم خذا ريوق وراح لعياله _طق الباب وفتحتله الخدامه وكان البيت هدوء_
زياد: وين ماما حنين
الخدامه: داكل قرفه
زياد: عندها أحد
الخدامه: لاماكو أهد _دخل زياد وطق الباب وفتحه_
زياد: السلام عليكم _كانت حنين قاعده تلعب عيالها _قامتله_
حنين: وعليكم السلام _حضنته وسلمت عليه _
زياد: وحشتيني
حنين بدلع: وأنا أكثر حياتي _بعدت عنه لما سمعت راكان يبجي _
زياد: غار من أمه الخايس _راحله وقعد يلعبه _
حنين: مشتاق لأبوه
زياد: ياروح أبوه هو وزوزو ليش نايم
حنين: ياليته مثل زوزو هادي سمي خويك مزعج
زياد: فديته سمي الغالي خليه يدلع
حنين: من الحين بديت تفرق بين عيالك
زياد: لالالا حرام عليج أنا ماأفرق بينهم وإن شا الله ماأفرق بينهم أبد
حنين: إي جذي
زياد: زين حبيبي خلي الخدامه تحط الريوق ترا يبتلج ريوق معاي
حنين: يعطيك العافيه يابوعبدالرزاق الحين أخليها تحطه _قعد يلعب عياله ويبوس إيدينهم _حطت حنين الريوق تريقو وخلصو_عالساعه 11 طق الباب_
حنين: منو
طلال: طلال _طالعت زياد_
زياد: حياك طلول _دخل طلال_
طلال: السلام عليكم ياهلا ومرحبا بالنسيب _قامله زياد_
زياد: وعليكم السلام هلا فيك أكثر ياغالي_ سلمو على بعض_
طلال: من زمان عنك وينك لاتيي ولانشوفك اشدعوه يبه
زياد: شسوي ياخوي أنت عارف الحال
طلال: الله يرحمك ياسلوم موته أثرت بالشباب كلهم
زياد: الله يرحمه
طلال: صج بوعبدالرزاق خليفه شخباره من زمان عنه
زياد: والله خليفه كان عندي أمس أهو وماجد وراكان تعشو عندي وسهرنا مع بعض
طلال: ماشا الله عليكم شخبارهم
زياد: بخير الحمدلله وأنتا بشرني عنك شخبارك
طلال: آنا بخير الحمدلله _قعدو يسولفون وقعد زياد عند عياله للساعه12 وبعدها راح للصلاة ومن الصلاة راح البيت _دخل البيت وكانو خواته عندهم _سلم عليهن وقعد _
نشميه: غريبه من وين ياي وكل هالكشخه
زياد: والله كنت عند أم عبدالرزاق
موضي: ياحياتي هي شخبارها وشخبار كتاكيتك
زياد: هههه فديتهم بخير أهم وأمهم
نشميه: الأسبوع اللي طاف كنت عندهم اسم الله عليهم ونيسين من تشوفينهم تحبينهم
مضاوي: ياحياتي والله مشتاقتلهم
زياد: إن شا الله الخميس إيون
موضي: خلاص عيل اليمعه آنا عندكم
زياد: حياج الله ياأم جاسم إلا صج نشميه بوغلا شلونه والله من زمان عنه
نشميه: والله بخير الحمدلله
زياد: وخالتج وعمج شخبارهم
نشميه: الحمدلله بخير وبصحه وعافيه
زياد: الله يديمها عليهم
نشميه: آمين يارب
مضاوي: صج بوعبدالرزاق أمس يا خالك هاني عند أبوي
زياد: خالي هاني ياينا أمس محد قالي وأي حزه
مضاوي: بعد صلاة المغرب وأبوي قالي أبلغك إنا يسلم عليك
زياد: الله يسلمه
موضي: أبوي يقول إنا كان ياي يسلم عليك ويسأل عنك
زياد: الله يسلمه والله من زمان عنه
نشميه: إلا زيود أمك وأخوانك شلونهم شخبارهم_تلعثم زياد بالحجي وماعرف شيقول_
زياد: هاه أمي إي بخير بخير الحمدلله
موضي: زياد في شي
زياد: هاه لالا ماكو شي عن إذنكم بروح أبدل ملابسي عشان أبوي الحين إيي _قام زياد بسرعه وصعد شقته _دخل الشقه وقط غترته وبدل ملابسه وكان طول الوقت يفكر باللي صار وتذكر ناصر لماطرده من البيت وتذكر إنه من ذاك اليوم مااتصل بأمه ولايدري عنها _خذا تلفونه ودق عليها _كانت هنادي قاعده بالصاله مع عيالها _<فرحت سنيني> يتصل بك_ردت وفتحت السبيكر_
زياد: ألو
هنادي: هلا والله ومرحبا بالغالي شلونك يمه شخبارك _قامت تبجي_
زياد: هلافيج ياالغاليه يمه تكفين لاتبجين أنا بخير الحمدلله أنتي شخبارج وعمي شخباره عساكم بخير
هنادي: أنا وعمك بخير وناقصتني شوفتك يايمه_ كان ناصر قاعد لما سمع صوته وهي تكلمه قام بس أبوه خزه وخلاه يقعد_
زياد: ياحبيبتي يايمه
هنادي: شخبار عيال وأمهم ييتهم قبل أمس فديتهم
زياد: والله بخير أهم وأمهم وقالتلي حنين إنج ييتي إنتي وندى ونوف عاد اشرايج فيهم حلوين صح يمه
هنادي: يابعد يدتهم هم يهبول اسم الله عليهم نسخت أبوهم
زياد: يخسون يصيرون ابعدج عاد تصدقين يمه الكل يقول إنهم يشبهوني وايد
هنادي: إي والله يايمه يشبهونك وماخلو منك شي _سكت زياد شوي_
زياد: يمه
هنادي: هلا يمه
زياد: يمه ناصر شلونه _ناصر نزل راسه وكان وده الأرض تنشق وتبلعه معقوله يسأل عنه وهو طارده ومتهاوش معاه _طالعت هنادي ناصر_
هنادي: الحمدلله بخير
زياد: يمه أهو للحين زعلان مني يمه والله ماكان ودي أمد إيدي عليه بس يمه ماتحملت _قعد يبجي _قام ناصر وطلع برا البيت متنرفز _
هنادي: اللي ياله شوي يستاهل وانتا يايمه سامحه
زياد: يمه إذا أنتي سامحتيه أنا مسامحه يايمه_ بعدها سكر التلفون من أمه وقعد يبجي ماتخيل إنا بيوم من الأيام يصير معاه جذي _أرسل رساله لنشميه إنه مايبي غدا بينام _قعد بالصاله وفكره مشوش وموعارف شيسوي يروح يعتذر لأخوه مع أنه موغلطان ولايظل جذي قاعد يحاتي وتآخذه عزة النفس_ أما ناصر طلع من البيت وهو يفكر بأخوه ومنو اللي يحقله يزعل فيهم ومنو اللي لازم يعتذر وظل يفتر بالسياره ومايدري وين يروح ومارد البيت للساعه 10بالليل _يوم الخميس راح زياد وجاب عياله وزوجته _دخل البيت وكان أبوه قاعد بالصاله هو والجوري ينطرونه_قاملهم صقر_
صقر: هلا ومرحبا بالغالين هلا_سلم عليهم _
صقر: وين عبدالرزاق
زياد: هذا _خذا عبدالرزاق_وجوري خذت راكان _
صقر: يا الله فوق ياالله
جوري: أنسو عيالكم اليوم
زياد: هههههه _استحت حنين ونزلت راسها_
صقر: ماتسمعون شقول فوق يا الله
زياد: أبشر طال عمرك يا الله تفضلي جدامي جدامي أشوف _صعدو فوق وأول مافتحو الشقه وتفاجئو باللي شافوه_
حنين: اللــه
زياد: منو اللي مسوي كل هذا
حنين: زياد مو أنتا
زياد: لا والله آنا من الصبح طالع وتوني رديت
حنين: يعني من بيكون
زياد: لحظه أنا عرفت منو _نزل ووقف عالدرج _
زياد: جوري ياجوري _جتله جوري عند الدرج _
جوري: هلابوعبدالرزاق
زياد: يعطيج العافيه
جوري: الله يعافيك ماسويت شي أنا
زياد: كل هذا وماسويتي شي
جوري: تستاهلون أكثر
زياد: تسلمين _سمع صوت أبوه_
صقر: تسمعون شقول أنا
زياد: هههههه أبشر ياغالي _راح لشقته _ أما صقر كان قاعد بالصاله يلعب أحفاد عبدالرزاق وراكان _
جوري: ودي ييني توأم
صقر: إذا بييون مثل هذول آمين
جوري: سبحان الله نسخت أبوهم
صقر: ماخلو منا شي
جوري: بس صقر زياد مايشبهك أبدآ
صقر: زياد يشبه أمه وخواله حيل
جوري: آنا ماعمري شفتها أمه
صقر: إذا بتشوفين أم زياد شوفي زياد يشبه أمه ولوتشوفين أخوه ناصر نسخته كأنهم توأم
جوري: ماخذا منك شي
صقر: زياد خذا الطول مني
جوري: ليش أهله قصار
صقر: يوووو أمه وأخوانه وخواله قصار أهو عملاق عندهم _ نزل زياد لصلاة العشا ونزلت حنين معاه_كان مشبكين إيدينهم ببعض _
زياد: السلام عليكم
الكل: وعليكم السلام
زياد: عسى ماتعبوكم
صقر: أقول شخبارك بس
زياد: ههههه بخير هههههههه
صقر: أشوف اعيبتك السالفه
زياد:ههههههههههه _استحت حنين ووجهها صار أحمر_
صقر: أقول امش المسيد أحسن
زياد: هههههه إن شا الله _راحو للصلاة _
حنين: عسى ماتعبوج
جوري: ماشا الله عليهم هادين
حنين: جوري مشكوره على اللي تعديلج للشقه
جوري: أنا ماسويت شي وأنتي وزياد تستاهلون أكثر
حنين: الله يرزقج على قد نيتج ياجوري
جوري: تسلمين ياحنين _انفتح باب البيت وكانت سلمى توها جايه _مرت وطالعتهن بنظرة استحقار_
سلمى: بوزياد وينا
جوري: راح للصلاة
سلمى: إذا ياء قوليله إني أبيه فوق _مشت قبل ماترد جوري _طالعو جوري وحنين بعض_
الكل: هههههههه
جوري: الحمدلله والشكر
حنين: آنا مستغربه عمي شلون متحملها
جوري: تصدقين عمره مايابلي طاريها لابزين ولابشين
حنين: معقوله حتى زياد ماقالي عنها شي إلا يوم العرس قالي أتحاشاها لأنه مايبي مشاكل
جوري: أنا بوزياد قالي أنتي وياها بالبيت كل وحده لها نفس المكانه ونفس القدر
حنين: معقوله عمي للحين مسويها قدر ويحبها
جوري: آآآهههه عمج ماعمره حب كثر أم زياد
حنين: شنو ليش تقولين جذي عمي نساها
جوري: لاياحنين صقر للحين يحبها ولو تحصله مايقول لأ
حنين: معقوله ماأصدقج عمي يحبج أنتي ياجوري
جوري: أنا ماأنكر إنا صقر يحبني بس أهو يحبها أكثر وموقادر ينسى حبها
حنين: جوري لاتخلين إبليس يلعب براسج شنو دليلج إنا للحين يحبها
جوري: إنتي لوتشوفينا شلون يتكلم عنها ولما يسمع طاريها يفز من مكانه
حنين: بس ياجوري يمكن لأنها أم زياد
جوري: مره ياحنين كان زياد داش وهلا فيه
حنين: عادي موغريبه على عمي دايم يهلي بزياد
جوري: المشكله تدرين اشقاله
حنين: اشبيقول يعني
جوري: قاله هلاباللي محد يوصل غلاه وغلا أمه
حنين: معقوله
جوري: معقوله ونص ياحنين وأزيدج من الشعر بيت مره قاله هلا وغلا بالغالي ولد الغلا كله
حنين: عمي يقول هالحجي جدامج
جوري: لا ولو يقوله جدامي أرحم ألف مره إنا يقول من وراي
حنين: أهو ماقالج ليش طلقها إذا على قولتج للحين يحبها
جوري: لا ماقالي وأنتي زياد ماقالج
حنين: آنا طلال قالي
جوري: قوليلي
حنين: طلال يقول إنا طلقها لأن أمه احلف تتبرا منه وخيرته بينها وبين خالتي هنادي
جوري: شفتي يعني لوكيفه ماطلقها وللحين يحبها
حنين: بيدج ياجوري تنسينه حبها بس خليج شاطره وتعاليه بالطريقه اللي أهو يبيها واللي يحبها ترا عمي محتاي حق أحد يعوضه
جوري: آمين الله يسمعج منج ياحنين يا الله خلينا نقوم نصلي قبل لاييون _قامن يصلن وبعدها ردن قعدن بالصاله وجابت الخدامه القهوه والشاي والحلا _جا صقر وزياد من الصلاة _قعدو يتقهون ويلعبون العيال _
صقر: هلا هلابك ياولد لاياحليفي ياولد
زياد: هالله هالله كل هالقصيد لعبدالرزاق وراكان ماله رب
صقر: يستاهل راكان اللي يقصدله
زياد: سمعنا ياغالي
صقر: راكان قعد بين الرجاجيل والسيف يلمع في يمينه قام يتخطى جنه سهيل والسيف يلمع في يمينه
زياد: إيييي من قدك ياراكان يدك يقصد لك
جوري: إيه بس تعرف تقصد لأحفادك وأنا لي الله
صقر: تبشيرن ياجوري
زياد: اشتقلت الغيره
صقر: أنسى هموم الكون لاصرت وياك
وأفرح إذاشفت الفرح في عيونك
الكل: ههههههه
جوري: صح لسانك
صقر: صح بدنج _قعدو يسولفون لما جا وقت العشا وقامو تعشو وبعدها خذت حنين عيالها وصعدت ولحقها زياد _
جوري: صقر
صقر: هلا ياعيونه
جوري: أم نشميه تبيك
صقر: متى قالت إنها تبيني
جوري: لمارحتو صلاة العشا بس آنا نسيت أبلغك
صقر: أوكي أنتي روحي دارج الحين
جوري: وأنتا
صقر: أنا شوي وألحقج _راحت جوري لغرفتها_دق صقر على سلمى وقالها تنزل تحت _نزلت سلمى للصالة وكان صقر قاعد _من غير مايطالعها_
صقر: هاه اشقررتي
سلمى: صقر آنا
صقر: شوفي يا أم نشميه القرار لج الحين وفكري بنفسج آنا خيرتج بيني وبين قعدتج عند أمي وأبي أسمع رايج الحين
سلمى: اللي شفته عند أمك كافي إنا يخليك تعرف قراري وآنا موافقه على كل شروطك بس آنا عندي شرط يابوزياد_ قام ووقف جدامها
صقر: شنو شرطج
سلمى: أبي حقي ومثل ماجوري زوجتك أنا زوجتك بعد _مسكها من كتوفها _
صقر: أبشري ياسلمى _ابتسمت سلمى_
سلمى: تسمحلي
صقر: تفضلي _حطت راسها على صدره وحضنته_
سلمى: مشتاقتلك ياصقر _ابتسم وضما له _وبعدها صعد وراح لغرفتها ونام الليله عندها _وكانت الجوري تحس إنا نار مشتعله داخلها بس كانت تصبر نفسها بإن حقها وهم إهي زوجته بعد _ثاني يوم جو بنات صقر العصر_ كانو قاعدين بالصاله _
نشميه: يسلملي قلبو هالصبي فديتك أنت وأبوك
موضي: شوفي زوزو يضحك يازين هالضحكه
زياد: يوووه اخذينا ضحك وسوالف تهبل سوالفهم
نشميه: ياعذابك لويكبرون باجر وتفهم سوالفهم
زياد: وقتها كل اللي يبونا أييبه لهم
مضاوي: بتمل من كثر طلباتهم
موضي: ليش يمل هذا آنا مامليت من طلبات جسوم وخواته فديت قلوبهم
مضاوي: عاد أنتو حاله شاذه مدلعين بخبال آنا مشعل لوموعمه راكان واقفله جان عرفت شلون أتصرف معاه بس راكان يذبحنا لوقلناله شي
نشميه: والله ميشو يهبل بس أنتي مدري اشفيج عليه
زياد: بس عيالي محد مثلهم
موضي: لا والله
نشميه: صج حبيبتي عيال زياد محد مثلهم
مضاوي: إلا أبوي وينه
زياد: والله ماأدري
موضي: بس سياراته عند الباب
حنين: حتى جوري ماشفتها اليوم
زياد: بتصل فيه _دخل عليهم صقر ومعاه سلمى_
صقر: باتتصلون بمنو _وقفو البنات مستغربين لماشافو أبوهم وأمهم مع بعض_
زياد: يبه شالسالفه
صقر: لاسالفه ولاشي أنا وأم نشميه ردينا لبعض
نشميه: صج يبا
موضي: الحمدلله يارب وآخيرآ_ سلمو البنات على أبوهم وأمهم وقعدو_
زياد: يبه وين جوري
صقر: مادري يمكن بدارها
سلمى: روح شوفها وين إذا أنتا شايل همها
زياد: طبعآ أشيل همها
صقر: سلمممممى
سلمى: خلاص سكتنا
زياد: حنين روحي لجوري وينها
حنين: إن شا الله _راحت حنين لجوري _طقت الباب _افتحتها الجوري _كانت عيونها حمر وشكلها تعبانه حيل_
حنين: جوري اشفيج _حضنتها جوري وقامت تبجي_
حنين: جوري ليش تبجين_ زاد بجيها_
جوري: تعبانه ياحنين تعبانه
حنين: سلامتج شاللي متعبج_ ارفعت حنين راس جوري ومسحت دموعها _
حنين: سمي بالرحمن وتعوذي من ابليس
جوري: أعوذ بالله من الشيطان الرجيم
حنين: قوليلي شمضايقج
جوري: شفتيها معاه تحت
حنين: إي شفتها وهذا اللي مضايقج
جوري: حنين آنا أحبه وأبيه لي بروحي
حنين: بس ياجوري هذي زوجته ولها حقها
جوري: وتوها تتذكره وينها عنه كل هالمده وينها عنه قبل لايتزوجني وينها لماكان لهابروحها وجدام عينها الحين تذكرت إنا عندها ريل _انفتح الباب ودخل صقر _تفاجئو حنين وجوري _
صقر: حنين زياد يبيج تحت_ طلعت حنين وكانت جوري قاعده عالسرير ومنزله راسها وخايفه_
صقر: ليش زعلانه
جوري:--
صقر: علشان رديتها
جوري: صقر
صقر: اسمعي ياجوري أنا سمعت كلامج مع حنين ومعاج حق بك اللي قلتيه بس ياجوري هذي أم بناتي وكل اللي سويته علشانهم
جوري بعصبيه: وتنام عندها أمس وماتسأل عني بعد هذا عشان بناتك
صقر: ههههههه
جوري: أحر ماعندي أبرد ماعندك
صقر: حياتي أنتي ليش معصبه والله أنا لج والغلا لج بروحج
جوري: صقر بسألك سؤال واحد وأبيك تجاوب بكل صراحه
صقر: سألي ياعيون صقر
جوري: منو أغلى إنسانه بحياتك
صقر: جوري ممكن تعفيني من الإجابه
جوري: بس آنا أعرف الإجابه وحبيت أتأكد
صقر: تعرفين منو
جوري: هنادي أم زياد
صقر بعصبيه: جوري شتقولي أنتي
جوري: آنا أقول الصج صقر أنتا للحين مانسيت غلاها وتفز لما نسمع طاريها
صقر: جوري بس خلاص
جوري: ليش بس أنتا بالك مع غيري وكل اللي أسويه لك ماكنت معبره وآنا أقول معليش ياجوري اصبري هذي أم ولده وأحاول وأنتا ولاراعيت مشاعري تسولف عنها كأنها للحين زوجتك وحتى الحلم تتحلم فيها وتناديها حتى بفراشنا ياصقر مانسيتها والحين تقولي أنتي الغلا وين الغلا ياصقر قولي وين
صقر: دامج تعرفين كل هذا ليش صابره علي وشاللي مقعدج عندي للحين_ دمعت عيونها ووقفت قدامه_
جوري: لأني أحبك ياصقر
صقر: --
جوري: أنتا عوضتني عن حنان هالدنيا كلها
صقر: جوري أنا أسف
جوري: على شنو تتأسف ياعيون جوري
صقر: على كل شي تمنيتيه معاي ولاسويته لج
جوري: آنا أمنيتي أنك تحبني
صقر: والله أحبج ياجوري
جوري: ممكن سؤال بس لاتعصب
صقر: سألي
جوري: ليش طلقت أم زياد
صقر: جوري تكفين
جوري: بس هالطلب تكفى
صقر: قعدي وآنا أقولج _قالها صقر قصة حبه لهنادي وسبب طلاقه لها وشلون صبرت على أمه وسلمى والمواقف اللي صارت بينهم بعد الطلاق _
جوري: صقر آنا أسفه إذا ضيقت خلقك بس كان لازم أعرف علشان أرتاح
صقر: لاعادي مومشكله المهم إنج ارتحتي فديتج
جوري: فديت قلبك أحبك والله أحبك _ بعد يومين جو ربع زياد عنده عشان يشوفون عياله _
ماجد: ماشا الله تبارك الرحمن
مشاري: ماشا الله زياد يشبهون بعض
خليفه: لا جايب شي من عندك توأم أكيد يشبهون بعض
مشاري: ليش في توأم مايشبهون بعض
خليفه: عاد أهلك توأم طلال صح
زياد: إيه توأم طلال بس سبحان اللي خلق وفرق
طلال: طبعآ آنا أحسن منها بألف مره
زياد: والعكس صحيح
طلال: اشقصدك
زياد: هههههه أنتا فاهم قصدي
طلال: يصير خير حسابي معاك بعدين
بدر: أقول بوعبدالرزاق شخبار ناصر أخوك
زياد: هاه ناصر الحمدلله بخير
راكان: زياد دق عليه خليه ييي
زياد: ليش شتبي فيه _بان الارتباك على وجه زياد_
راكان: اشفيك بوعبدالرزاق آنا قلت شي غلط _تنرفز زياد_
زياد: لأ بس ناصر مشغول هالجم يوم
راكان: خلاص وقت ثان إن شا الله
خليفه: زياد وش فيك الشباب اسألوك عن أخوك وترا غلاه من غلاك يابو عبدالرزاق
زياد: آسف شباب تنرفزت بس ناصر مشغول وقت ثاني إن شا الله
خليفه: أنت بك بلا وجهك يقول إنك منت على بعضك بس احسابك معاي بعدين _بلع زياد ريجه _
أنور: أقول زياد أنت تفرق بين عيالك
زياد: أحيانآ إيه وأحيانآ لأ
عبدالله: شنو الفرق بينهم
زياد: شوف عبدالرزاق له غمازتين وراكان غمازه وحده إذا بأعرفهم أضحكهم
الكل: هههههه
ماجد: عاد أتخيلهم يتناحسون لك ومايضحكون هههه
زياد: جنك تدري مرات أترجاهم يضحكون ويعاندون فيني
بسام: عاد أكيد في واحد ضحوك ولعوب أكثر من الثاني
زياد: هذا راكان يضحك ويسولف أما عبدالرزاق هادي وزين يبتسم بعد
راكان: أكيد حبيب عمه طالع علي
زياد: ههههه تصدق راكان دايم يذكرني فيك يحب الضحك والازعاج ولوتهاوشه ضحك
راكان: فديت قلبه حبيب عمه هو
خليفه: عاد وش جبتله هديه عشان هالاسم
زياد: يابلي تمايمه ماقصر
خليفه: لازين منك رجا
راكان: لي شقالولك
خليفه: راكان
راكان: هاهاهاهاي ضحكتني
بدر: ماجد شخبار بندر من زمان عنه
ماجد: ياحياتي هو بخير الحمدلله مثل أبوه طول الوقت نايم
بدر: يحليله الله يخليه لك
عبدالله: صج شباب شرايكم نروح الشاليه هالأسبوع
بسام: إي والله شباب اشرايكم
خليفه: والله جت بوقتها طلعت الشاليه
ماجد: تدرون شباب اشتقت لأيام العزوبيه
زياد: آنا لايمكن أردلها يوم واحد بس إذا لقعداتنا وطلعاتنا مشتاق للعزوبيه حيل
بدر: يازين ذيج الأيام سهر وطلعات للشاليه وللبر
راكان: والسفر مع بعضنا نروح ونرد ومحد يحاسبك ياحلوها من آيام
مشاري: أتحداكم تقولون هالحجي جدام حريمكم
الكل: ههههههه
ماجد: عشان مايبقالي أثر على هالدنيا هههههه
راكان: قصدك نروح بخبر كان هههههه
خليفه: وأنت صاذق كان وأخواتها بعد ههههه
الكل: هههههه
بسام: ها شباب اشرايكم
خليفه: آنا ماعندي مانع
زياد: دام خليفه بيروح آكيد الشباب كلهم بيروحون
راكان: آنا عني إذا أنتا بتروح آنا بروح
أنور: اتفقنا عيل طلعت الشاليه الخميس واليمعه والسبت
ماجد: صار إن شا الله
_قعدوا الشباب عند زياد للساعه 11 وبعدها راحو لبيوتهم_ دخل زياد البيت ومالقى أحد بالصاله وصعد لشقته _
زياد: حنين وينج _طلعت من غرفتها_
حنين: كاني حبيبي يايتك _جت وقعدت جنبه_
زياد: نامو الشله
حنين: إي الحمدلله بس ريكو أذاني لمانام
زياد: ههههه الله يعينج عليه
حنين: ياحياتي والله هو يبي يضحك ويسولف وآنا مالي خلقه
زياد: فديته خليه يسولف أحنا ماصدقنا شفناهم
حنين: الله يحفظهم ويصلحهم لنا قول آمين
زياد: آمييييين
حنين: صج زياد بغيت أسألك خليفه ماصار عندا شي
زياد: لا والله ماصار عندا شي الله كريم إن شا الله
حنين: حياتي طلال ماقالك
زياد: على شنو
حنين: أبوي خطبله بنت عمي
زياد: ماشا الله لاماقالي آنا أوريج فيه بس منو من عمامج
حنين: بشرى بنت عمي خالد
زياد: بالمبارك إن شا الله طلول يستاهل كل خير
حنين: الله يباركلي بعمرك ياقلبي _اسمعو صوت راكان يبجي_
حنين: أف ياربي قعد مايمديه توه نام
زياد: قومي ياالله _راحت لولدها ولحقها زياد وقعد يلعب ولده _خذا زياد إيدين ولده وحطهم على وجهه _
زياد: فديت هالإيدين وراعيها قول بابا
حنين: هههه حياتي تو الناس مايمديه يقول بابا
زياد: متى يقول بابا والله مشتاق أسمع هالكلمه منهم
حنين: إن شا الله بتسمعهم يقولولك بابا ياالله حياتي خلني أنومه لأني تعبانه وبنام
زياد: حتى آنا تعبان بنام خلي ريكو ينام بحضني
حنين: خلاص خلني أنومه وبعدين أخذا عندك_ خذته ونومته _وبعدها خذا ولده وحطه على إيده وحضنه ونام _ آما خليفه دخل شقته وكانت شذى قاعده وتنطره بالصاله _لماشافته قامتله_
شذى: هلا وغلا ومرحبا بالغالي نورت بيتك
خليفه ابتسم: هلا فيج أكثر والله محد مهون علي الدنيا غيرج يابعد طوايفي أنتي _قربت منه ولوت إيدينها على رقبته _حط إيدينه بخصرها_
شذى: اشفيه حبيبي عيونه فيها كلام كثير _لماشافها مستانسه ماحب يكدر خاطرها_
خليفه: عيوني فيها حبج وغلاج
شذى: فديت هالعيون وراعيها
خليفه: شذى
شذى: ياروح شذى وقلبها أنتا
خليفه: أنتي مرتاحه معاي
شذى: الحمدلله ياروحي _دق تلفونه_<أبوبندر> يتصل بك_
شذى: منو حياتي
خليفه: ماجد توني كنت وياه أكيد يبي شي
شذى: رد عليه شوف اشعنده
خليفه: ألو هلاماجد
ماجد: وصلت البيت
خليفه: إيه توني واصل ليه
ماجد: هاه لابس كنت أبيك بموضوع أقول خلاص خلاص وقت ثاني إن شا الله
خليفه: ماجد قول فيك شي لاتشغلي بالي ترا بحالي بالي مشغول
ماجد: خليفه تقدر تطلع الحين
خليفه: أنت وينك شغلت بالي عليك
ماجد: آنا بالسياره
خليفه: مرني الحين أنطرك لاتأخر
ماجد: خليفه لاتشغل بالك خلاص
خليفه بعصبيه: أقول مرني أبركلك وبعدين وشهو اللي خلاص تعال تعال
ماجد: أوكي الحين أمرك _ سكر خليفه_كانت شذى تطالعه وبعيونها ألف سؤال _
شذى: حياتي اشفيك عصبت
خليفه: ماجد يبيني ضروري وصوته مايطمن
شذى: هدي نفسك وتعوذ من ابليس الحين يمرك وتعرف كل شي
خليفه: أفففف أعوذ بالله من الشيطان الرجيم _ باسته على خده _
خليفه بعصبيه: بعد وحده ثانيه_ باسته على خده الثاني_
خليفه: بعد وحده _قامت تبوسه من خدوده بسرعه_
خليفه: خلاص هديت
شذى: ههههه حياتي قبل لاتطلع شوف وجهك بالمرايه
خليفه: ليه
شذى: بس جذي _دق تلفونه_
خليفه: هلا ماجد الحين أنزلك _سكر _خذا شماغه وراح عند المرايه يعدله_تفاجأ من وجهه_
خليفه: شذى وش هذا
شذى: هههههههه ههههههههه
خليفه: تضحكين هاه أوريج احسابج معاي بعدين _راح الحمام وغسل وجهه وراح أثر الحمره بس بقى لون خفيف بس كان باين شوي وما انتبهله_ لبس شماغه وطلع _صعد السياره وأول ماشافه ماجد مع أنه متضايق_
ماجد: ههههه ياخي قول إنا عندك شغل مهم
خليفه: وش قصدك
ماجد: هههه لاماقصدت شي بس شكلي قطعت عليك قعدتك هههههه
خليفه: ماجد وش قاعد تخربط
ماجد: ههههههههه لاماكو بس تلقى الكلينكس المعقم بالدرج امسح وجهك فيه _حمر وجه خليفه وطلع الكلينكس_
خليفه: وأنت ماتعرف تسكت لازم تحرج الواحد
ماجد: هههههه وجهك يضحك
خليفه: أقول انطق يعني بريئين ماتسوون هالشكل
ماجد: ههههه نسوي اللي أكثر منه بس مانطلع برا
خليفه: طيب انطق لاتشوف شي عمرك ماشفته
ماجد: ههههه تدري خليفه نسيتي همي ههههههههه
خليفه: احلف أجل ردني البيت
ماجد: عشان تكمل هههههههههه _طقه خليفه ببطل الماي _
خليفه: أنا الخبل اللي طالع معاك ولا في أحد يخلي الزين كله ويقابل وجهك اخلصني وش عندك
ماجد: ههههههه لأنك خبل ههههه_
عصب خليفه: أقول انطق أبركلك
ماجد: أبشر طال عمرك راح أنطق عشان ماأنذبح _سكتو شوي_
خليفه: أبوبندر ماقلتلي وش فيك شغلتلي بالي
ماجد: آآآهههه ياخليفه أنا تعبان ومحتاج من يسمعني
خليفه: ماجد ادخل يمين
ماجد: ليش
خليفه: بس ادخل يمين خلنا نقعد بالخلا شوي ونسولف على راحتنا
ماجد: أبشر_ دخل ماجد البر بس مابعد حيل _نزلو من السياره وقعدو عالسياره من جدام _
خليفه: ماجد قولي وش اللي متعبك
ماجد: أوراد ياخليفه أوراد من جابت بندر ماصارت تهتم فيني مثل أول ودايم مشغوله معاه ودايم تهتم فيه بروحه ولاتدري عني
خليفه: ماجد أنت إنسان آناني وماتحب إلا نفسك
ماجد: بس ياخليفه
خليفه: خلني أكمل واسمعني للآخر
ماجد: تفضل
خليفه: ماجد كنت واحد عند أم بندر تهتم فيك وتدلعك وتقدر ظروفك ولما جاكم بندر صرتو اثنين تهتم بمن ولابمن فيكم باللي فاهم ولا اللي موفاهم أكيد فيكم اثنينكم بس اللي فاهم لازم يقدر ويساعدها وهي تظن إنك مقدر الوضع اللي هي فيه هذا بدال ماتساعدها تقعد تزعل وتتضايق هذا جزاها وهي تربي ولدك وبعدين أنت شايف بندر دايم تعبان وأكيد بتتعب معاه ولازم تداريه بكل وقت بدال ماتكون معاها وتساعدها تجي وتزيد همها ياماجد هي محتاجتك بهالوقت أكثر من أي وقت وترا مايقصرك شي لو ساعدتها
ماجد: خليفه صدقني أنا مقدرها بس هي صاير اهتمامها كله بولدها وبس
خليفه: وتقول إنك مقدر ماجد أنا مره شفت بندر لماتعب وجبته للمستشفى أنت أبوه وشلون كان حالك أجل هي اللي دايم يتعب عليها وش تقول ولاتنسى يابوبندر إنا حرمتك صغيره ولا أم ولا أبو يدرون عنها ومثل ماتقول أنت ماكانت تعرف تشتغل ومدلله وفجأه حياة جديده ومسؤوليه وزواج وحمل وولاده وولد دايم مريض وفوق هذا زوج أناني مايفكر إلا بنفسه وحقه وش تبيها تسوي _نزل ماجد راسه ونزلت دمعته _
خليفه: لهالدرجه ياماجد تغار عليها حتى من ولدها ماجد صدقني لماتوقف معاها راح ترد حبيبتك اللي أنت تعرفها
ماجد: ياحياتي ياأم بندر وأنت صاج ياخليفه أنا أناني ومافكرت إلابنفسي مافكرت بحال هالمسكينه
خليفه: اسمعني ياماجد خذها وطلعو مع بعض استانسو ولا خذلها هديه تفرح قلبها ترا المره أي هديه تطيب خاطرها المهم تشوف حبك لها وتقديرك وصدقني هالشي راح يخفف عنها حيل وينسيها همها
ماجد: يابعد راسي ياخليفه الله يرزقك بالذريه الصالحه ويسعدك بحياتك وبعد مماتك خليفه: أجمعين إن شا الله يا الله قوم خلنا نرد البيت
ماجد: عشان تكمل ههههههه هههههههههه _الحقه خليفه وخذا صخره وطقه فيها بس ماحاشته_
خليفه: اذلف الله يآخذ عدوك ويخزيه _ ردو البيت _دخل ماجد البيت ولقى أوراد نايم بغرفتها وشكلها تعبانه ويكسر الخاطر شكلها ماحست بنفسها ونامت من التعب ولقى بندر قاعد يلعب بسريره _جاله وشاله _
بصوت واطي: هلا بحبيب بابا شكلك فاضي وشبعان نوم _خذاه وراح عند السرير _
ماجد: ماما شكلها تعبانه يعلها بعدك متعبها ياالخايسه _باسها على راسها_
ماجد: اشرايك نروح برا بالصاله ونلعب _خذاه بالصاله وقعد يلعب لما نام _خذاه وحطه بسريره _بدل ماجد ملابسه وكان تعبان وعلى طول نام_ مرت الأيام والشهور وبيوم من الأيام كان راكان قاعد مع خلود يسولفون_
راكان: خلود حياتي اشفيج ويهج أصفر
خلود: مادري بس من اليوم ذبحتني بطني تعورني
راكان: زين قومي أوديج المستشفى
خلود: هاه لالا ماله داعي إذا حسيت إنا الولاده جتني بروح أخاف أروح الحين ويولدوني بعمليه
راكان: براحتج آنا بطلع الحين بروح لطلال اليوم عرسه ولازم نكون عنده
خلود: الله وياك والله ودي أروح بس أحس إني تعبانه وفشله أم عبدالرزاق عازمتني
راكان: دقي عليها واعتذري منها
خلود: أكيد بدق بعد شوي _قام راكان وتسبح ولبس وكشخ وطلع لبيت طلال_ عند زياد_ كانت حنين قاعده تلبس اكسسواراتها وهو قاعد يلعب عياله _لابس وكاشخ بس باقيله الغتره_
زياد: فديت الأزرق أنا أروحه فدوه_ ابتسمت حنين _دق تلفون زياد_<واللهRغالي> يتصل بك_
زياد: ألو
راكان: السلام عليكم
زياد: هلا والله وعليكم السلام
راكان: وينك في
زياد: بالبيت ليش
راكان: متى تيي عند طلال
زياد: أودي الأهل للفندق وبعدها أيكم
راكان: لاتتأخر
زياد: حاضر عمي
راكان: هههههه ياالله السلام عليكم
زياد: وعليكم السلام _سكر من راكان_
زياد: حياتي مطوله
حنين: لا بس شوي بلشني هالكعب موراضي يسكر أفففف
زياد: هدي أعصابج خليني أشوفه ليش موراضي يسكر _نزل عند رجلها وسكرلها كعبها وقام _ظلت قاعده وتطالع فيه _وقف عند المرايه ولبس غترته وانتبه لنظراتها_
زياد بابتسامه: حياتي اشفيج
حنين: مشكور حبيبي الله لايهينك
زياد: هههه العفو ياروحي _قامت ولبست عبايتها وجت بتآخذ عيالها _
زياد: خليهم عنج أنا بنزلهم أنتي انزلي السيارة وآنا ألحقج _نزلت وخذا عياله وسكر الشقه ونزل _ ركبهم السياره وحطهم بالكشن اللي ورا وكان مركبلهم كراسي صغار على قدهم وربط الحزام عشان مايطيحون _وصعد جدام_
زياد: فديت العقال آنا شوفي أشكالهم _لفت ورا_
حنين: ياروحي شوف أشكالهم تضحك ههههههه
زياد: هههههه إي والله أشكالهم تضحك عاد ماوصيج عليهم موتنشغلين وتنسينهم _مشا بالسياره_
حنين: تطمن ياقلبي راح يكونون جدام عيني
زياد: لاحنين لاتيبينهم عند الحريم بالصاله
حنين: بس زياد عادي
زياد: لا حبيبتي الناس ماتعطي خير وآنا خايف على عيالي ترا مايو بسهوله
حنين: حاضر يابوعبدالرزاق تأمر أمر _دق تلفون حنين _
حنين: هلا يمه
أمهابعصبيه: وينج تأخرتي الناس يو
حنين: كاني ياييه بالسياره
أمها: بسرعه ياالله _سكرت حنين _
حنين: أففففف دايم معصبه
زياد: هدي أعصابج أنتي ماتعرفين عمتي يعني تشيل هم كل شي
حنين: تشيل هم وتعطي الشي أكبر من حجمه
زياد: عاد أمج لوتذبحج أمج حياتي ماتلاحظين إنا ربعنا مالهم صوت _لفت ورا_
حنين: هههههه ياحياتي شوف أشكالهم شلون نايمين
زياد: ياروح أبوهم نامو خليهم أحسن لج _وصلو للصاله ونزلت حنين بس سحبها زياد وباس إيدها _
زياد: اقري على نفسج قبل لاتدشين
حنين: حاضر ياقلبي
زياد: الله يحفظج لي _نزلت ونزل معاها عشان ينزل عيالها _
زياد: أنتي روحي داخل وخلي الخدامه تيي تآخذهم
حنين: Ok‏_راحت داخل وبعدها جته الخدامه خذت عبدالرزاق وأهو خذا راكان وراح عند باب الصاله _
أم طلال: هلا والله ومرحبا شلونك يمه
زياد: بخير الحمدلله أنتي شخبارج ياعمتي
أم طلال: بخير يايمه هات الراكان منك _عطاها إيها_
أم طلال: هاه يمه أمك تجي إن شا الله
زياد: إن شا الله ياالله عمتي أنا ماشي تبين شي
أم طلال: سلامتك يمه_ طلع زياد وأول مافتح باب سيارته انتبه للسيارة اللي وراه _وقف يطالع وحس هالدنيا كلها تدور فيه _ نزلت هنادي وندى بس ماانتبهو لزياد ودخلو على طول أما ناصر ظل واقف يطالع وحس إنا السيارة تدور فيه _قال بداخل: ياالله شكثر مشتاقلك يازياد _وزياد كان واقف ويطالع وده يروح ويسلم على أخوه وده يضمه لصدره لأنه مشتاقله _داس ناصر على مشاعره _رجع لورا ومشا وكان هالشي بسرعه وطلع صوت عالي للسياره_ ظل زياد واقف ويقول بداخله: ليش ياناصر أنا أخوك ليش تسوي جذي _ركب سيارته وظل يفكر ونزلت دموعه وكان يحس بضيق داخله وجرح بقلبه ينزف _وصل لصالة الرجاجيل _وقف بسيارته وشاف سيارته ناصر توه يوصل _مسح دموعه ونزل _ ناصر ماانتبه لزياد_دخلو مع بعض وولا منتبه للثاني وكل واحد تفكيره مع الثاني _
ماجد: هلا هلا ومرحبا بالغالي وأخو الغالي _التفتو لبعض _ظلو يطالعون ببعض _استغرب ماجد منهم_
ماجد: شفيكم كأنكم من زمان مو شايفين بعض _زياد بداخله: آآآههه لوتدري ياماجد_ أما ناصر قال بداخله: وحشني هالوجه وراعيه الله يآخذ هالكرامه اللي تفرق بين الأخوان _
ناصر: جنك تدري ياماجد زياد واحشني حيل عياله اشغلوه عن أخوه بس صدقني ياماجد لو يتبرا مني يظل هو غزوتي _زياد ماتحمل وكان صج مشتاقله _فتح ذراعه _
زياد: تعال يابعد زياد وعياله _حضن زياد ناصر وصارو يبجون _ماجد كان منصدم من اللي يشوفه _جاهم راكان وخليفه ومشاري_
خليفه: وش فيهم هذول أول مره يشوفون بعض _تذكر راكان الموقف اللي صار لما اسألو الشباب عن ناصر شلون تنرفز _
ماجد: والله مادري فجأه احضنو بعض وقامو يبجون _بعد زياد عن ناصر وحط إيده تحت ذقنه ورفع راسه_
زياد: تكفى ناصر أوعدني الأيام اللي طافت ماتنعاد
ناصر: يرحم أمك مجنون أنا عشان أعيدها
مشاري: ممكن أفهم شالسالفه
زياد: أبدآ كنا مشتاقين لبعض ناصر كان مشغول الفتره اللي فاتت ومن زمان ماشفنا بعض
خليفه: عسى الله لايفرقكم _ابتسمو زياد وناصر: آمين
زياد: نسيتوني طلول بروح أسلم عليه تلقاه الحين معصب
راكان: من اليوم يتحلف فيك
زياد: ههههههه _راح زياد وناصر لطلال وسلمو عليه_ طلال معصب: تو الناس جان تأخرت بعد ليش ياي مبجر
زياد: شسوي حدي حدي توني وديت أم عبدالرزاق الصاله وييتك على طول
طلال: هذي ليش متأخره بعد عرس أخوها ويايه مع الضيوف
زياد: ههههههه زين ليش معصب
طلال: لأنكم عايله دعله وماعليك شرهه
زياد: الدعله أنت وأشكالك وإذا أنا وعايلتي دعله على قولتك فمارحنا بعيد طالعين عليك
ناصر: هههه طلال سامحهم عشان خاطري
طلال: أخخخخ بس أخخخخ يا الله عشانك بسامحهم هالمره ناس ماتستاهل
زياد: أقول طلول جني عطيتك ويه ازياده طبيت فيني وبزوجتي
طلال: أختي وكيفي
زياد: لاياروح أمك أنتا أختك بكيفي أنا فاهم _راح زياد عنه لراكان_
طلال: أوريك يازياد شفت ياناصر أحر ماعندي أبرد ماعنده
ناصر: ههههه هدي أعصابك أنتا معرس اليوم لاتخلي زياد وأهله يعكرون مزاجك
طلال: أستغفر الله ياربي أخوك يرفع الضغط آنا مستغرب أنتا شلون متحمله قثيث ودلوع ودمه ثقيل و
ناصر: بس بس بس ماتلاحظ أنك أخذت راحتك زياده هذا عزوتي وماأسمح لأحد يتكلم عليه وبعدين شنو دلوعه الدلوعه أنت وأشكالك أقول اعرس اعرس بس _راح عنه _ندم طلال عاللي قاله بس هو عارف إنا الشباب كلهم عاذرين وكان التوتر باين على وجهه _ جاله حضور كثير وشخصيات معروفه _وقف زياد مع راكان يسولفون _دق تلفون راكان_
راكان: هلا...ألو...الحين ياي الحين _سكرتلفونه وطلع يركض حاول يلحقه زياد بس ماقدر_
خليفه: وش فيه راكان
زياد: مادري ياله اتصال وطلع
خليفه: الله يستر خير إن شا الله خير _زفو طلال لبيتهم وقعدو شوي عشان يرتاح ويبدل ملابسه _أما عند الحريم _كانو خوات زياد وأمه وجوري حاضري وأهل ربعه كلهم وزوجاتهم إلا خلود_ دخلت حنين الصاله بعد ماتطمنت على عيالها وراحت تسلم على الحضور اللي تعرفهم _
هنادي: بسم الله عليج الله يحفظج يايمه
حنين: تسلمين خالتي هلا ندى شلونج
ندى: بخير ياأم زوزو أنتي شخبارج
حنين: آنا بخير الحمدلله _راحت تسلم على جوري وخوات زياد وأهل ربع طلال <جيرانهم>_
حنين: ياحياتي ياخلود الله يسهل عليها ويخفف عنها
بدور: لوتشوفينها بطنها واصله لخشمها وهي تتألم وراكان معاها
حنين: الله لايفرقهم والله حاسه فيها الحمل موسهل شذى شخبارج وينج من زمان عنج ماتبينين
شذى: والله الحمدلله بخير شنسوي هذي الدنيا دايم مشاغل
بدور: خليفه بحاله مشاغل
شذى: إي حبيبتي خليفه هو مشاغل بهالدنيا فديته
حنين: ههههه شذى ماعليج منها من الحره لاتستعيلين على رزقج
الكل: هههههه _راحت حنين لريم ورغد _
ريم: ياعيني عالأزرق ماشا الله حنون طاعه شي اليوم
حنين: تسلمين ياقلبي عيونج الحلوه
ريم: اشلون خلاج زياد تيين اليوم
حنين بدلع: مثل ماخلاج فواز تيين
رغد: عن جد حنين شكلج روعه ماشا الله عليج
حنين: تسلمين ياقلبي هذا من ذوقج
رغد: شخبار كتاكيتج مايبتيهم
حنين: بلى يبتهم بس نايمين
ريم: فواز ذابحني فيهم بس يسولف عنهم
حنين: فواز كل مايانا يقول لزياد ترا لولاهم ماعتبت باب شقتك ولاطقيت خط وتعنيت
ريم: يقولي ييبيلي يهال مثلهم قتله أييب أحلى منهم قالي ماراح يصيرون مثل عيال زياد
حنين: هههههه مادام أبوهم مافي أغلى منا عند خواله أكيد عياله بيصيرون غالين
رغد: عيل مالوم راكان ابغلاته لأبو عبدالرزاق
حنين: فديته بوعبدالرزاق مافي منه اثنين بهالدنيا بس عاد أخوج شريجتي دايم أرفع ضغط زياد لما أقوله راكان شريجتي
رغد: أهم من غلاهم لبعض ريلج سما ولده راكان
ريم: الله لايفرقهم زياد وراكان ربع من يوم هم صغار
حنين: تدرين أحسه أحيانآ أغلى مني عند زياد بس معليش بنصبر آنا وخلود على هالشرايج ههههه ياالله ياقلبي أستأذنكم
ريم ورغد: أذنج معاج _راحت حنين لأمها _ وصلت الطقاقه وبدو يرقصون _بعدها جت دخلت العروس _دخلت بشرى وكانت لابسه( ثوب أفوايت كت وعاري حيل من جهة الصدر ومفتوح نص الصدر وكله شوارفسكي وكان شفاف من عند بطنها وعليها شغل ناعم بشوارفسكي ومن تحت نافش كبير ورافعه شعرها تسريحه ناعمه ومركبه اكسسوار ناعم بشعرها وطرحتها نازله من كتفها وحاطه مكياج أخضرتفاحي بوردي فاتح ومسكتها سله صغيره بيضا شوارفسكي)_ الكل انصدم من لبسها لأنها تدري إنا طلال ملتزم وأكيد ماراح يرضى بهالشي _قعد عالكوشه وكانت تبتسم بشكل جريء _بعدها جت دخلت طلال ورفض يدخل وأصر عليه أمه بس رفض _طلعتله بشرى برا وراحو الشقه _أول مادخلو الشقه وقطو شاله الكبير _وقف طلال وانصدم من لبسها وطالعها من فوق لتحت وعطا أمها نظره وبعدها راح للغرفه _طلعو أهلها بعد ماقعدوها بالصاله _بدل طلال ملابسه وطلع للصاله جاها وقعد جنبها وهو موطايق يشوفها _
طلال: بشرى قبل لانبدا حياتنا وقبل لايكون بينا أي شي وبعدها نندم ونتحسف _سكت شوي_
طلال: لبسج هذا مابي أشوفه مره ثانيه هاللبس تلبسينه لي وبس أنا ماأحب زوجتي تطلع للناس بهاللبس واللي مخليني أستغرب أكثر شلون أمج رضت
بشرى:--------
طلال: آنا اللي بعرفه أنتي اشخليتي لي وماطلعتيه للناس
بشرى:------
طلال: ياالله قومي عشان تبدلين ثوبج لأني موطايق أشوفه ولاأشوفج فيه _قامت وهي معصبه بداخلها نار تغلي راحت الغرفه وسكرت الباب حيل _طلال حط وجهه بين أيدينه_
طلال: استغفر الله ياربي اللهم أجرني في مصيبتي يارب سخرها لي يارب وعيني عليها _قعد فوق النص ساعه بالصاله ينطرها بس ماطلعت _راح وطق الباب
بشرى: تعال طلول _فتح الباب ولقاها قاعده عالكرسي وحاطه رجل على رجل _احتقرها طلال حيل كانت لابسه(ثوب حرير أفوايت حفر وفيه ورد أحمر من فوق ومن تحت وفتحه لنص فخذها وشفاف من جهة بطنها)_وحتى روب مولابسه_طالعها طلال من فوق لتحت وقال بداخله: هذي ماتستحي من أول يوم جذي لبسها _راح للسرير وحط راسه عالمخده يبي ينام يحس مخه مشوش من الأفكار غطا راسه وسكر عيونه_ حس في أحد جا وقعد عنده _ارتفع الغطا _فتح عيونه وشافها قاعده جدامه _استغرب لهالدرجه جريئة _
بشرى بابتسامه: طلولتي بتنام_فتح طلال عيونه تمون الأخت_
بشرى: أفا طلولتي بتنام وتخليني بأول ليله من زواجنا _طلال موقادر يمسك نفسه عنها وده يذبحها هذي مومتربيه_حطت إيدها على راسه وقعدت تمسح على شعره _قربت وجهها من وجهه وباسته_سحبها طلال يمه وصار اللي ماكان يبيه _قام يصارخ: لالالا يابنت الذين قومي قومي _طالعته بشرى بنص عين _
بشرى: ليش معصب طلولتي عادي احنا متزوجين _قام طلال من سريره وجرها من شعرها _
طلال: قومي ياالحقيره قومي
بشرى: طلولتي خلك ريلاكس محد راح يسمعك _قطها عالسرير وخذاله بجامه وخذا تلفونه وسويجه وطلع برا البيت _صار يفتر بالشوارع وألف فكره وفكره براسه _
طلال: ليش تخدعني ياعمي أنا من أروحله من أشكيله _حول طريقه للبر وقف سيارته ونزل منها _كان يبجي ويحس كل هموم الدنيا فوق راسه _موعارف شيسوي _
طلال: أنا ليش تزوجت من الأول ليش كنت اشحلاتي عزوبي ولا أفكر بأي هم أعوذ بالله من الشيطان الرجيم _ركب سيارته وأخذ قراره وماراح يتراجع عنه _وصل البيت ودخل الغرفه لقاها تكلم التلفون وأول ماشافته طالعته بنص عينها_
بشرى: أوكي نكلمكم بعدين راح نشتاقلكم باي _سكرت التلفون وحطت رجل على رجل _
بشرى: هلا طلولي وين كنت _طالعها بنظره خلاها تسكت غصبن عنها _دخل الحمام وتسبح ولبس روبه وطلع _لقاها نايمه عالسرير وتطالعه_
بشرى: نعيما حياتي _وده يمسكها ويذبحها _لبس ملابسه وجاه عند السرير_
طلال: قومي
بشرى: ليش
طلال: قومي أحسنلج _قامت وقربت منه سحبها من شعرها_
بشرى: ههههههههه _عصب طلال زياده _خذاها وحذفها برا الغرفه وسكر الباب _قعد يصلي قيام الليل ويدعي ربه ويبجي وظل هذا حاله لصلاة الفجر_أماراكان من طلع من الصاله وراح لشقته ولقى خلود تصيح _
خلود: رااااكاااااان الحق علي بولد أأأأأهههههه
راكان: أهدي حياتي _راح وجاب عبايتها وشالها بين إيدينه وراح المستشفى _ظل ينتظر رايح راد رايح راد _دق تلفونه وكان زياد اللي يتصل مارد عليه_طولت خلود بغرفته الولاده ونقلوها للعمليات لأنه تعبانه _بعد ساعة طلعت الدكتوره_
راكان: هاه دكتوره بشري خلود شخبارها
الدكتوره: مبروك زوجتك جابت بنت والحمدلله البنت وأمها بخير _راحت الدكتوره_سجد راكان سجدت شكر لربه _دق على زياد_
زياد: ألو ريكو وينك خوفتني عليك
راكان: زوزو صرت أبو صرت أبو يازوزو
زياد: صج ألف ألف مبروك هاه بشر
راكان: بنت يازيود والحمدلله أهي وأمها بخير
زياد: الحمدلله ياريكو
راكان: بوعبدالرزاق ترا أنتا اللي راح تسميها
زياد: لاياراكان هذي بنتك
راكان: بس أنتا اللي راح تسميها وهذا أمر موطلب
زياد: ههههه خلاص ياغالي اشرايك بأسم نرجس
راكان: نرجس نرجس اش ورانا _سكر زياد من راكان_دق راكان على أمه وخواته وخليفه وأرسل رسايل لربعه بس طلال قال الفجر أرسله_طلع طلال لصلاة الفجر ولقاها قاعده بالصاله عالتلفزيون وحاطه رجولها فوق بعض وتطالع _راح الصلاة ورد _دخل البيت ولقى للحين ماقامت_
طلال: هي أنتي صليت الفجر ولا لا
بشرى بدلع: لا
طلال: زين قومي صلي
بشرى: مابي مالك شغل _دخل غرفته وسكر الباب وهو معصب_
طلال: وبعد ماتصلي طبعآ لونها تصلي ماكان هذي عمايلها وحركاتها _حط راسه ونام غصب _عالساعه 10قعد لأنه سمع صوت برا _دخل الحمام وغسل وجهه وطلع _لقى أمها وخواتها عندها _
أمها: صباحيه مباركه ياطلال _طالعها طلال باحتقار _
طلال: أقول أنتي طالعه خوذي بنتج معاج لأنها طالق وربيها عدل أحسن
أمها انصدمت: ليش اشايفها
طلال: بنتج اللي أنتي معصبا عشانها _علا صوته_
طلال: مو عذرا اسأليها منو اللي يايها قبل ومنو كانت تكلم أمس بالليل وبعدين اطلعو برا عن بيتي واحمدي ربج إني مايبتها لج من أمس بس ماحبيت ألوث سيارتي بهذي وأشكالها
أمها عصبت: احترم نفسك بنتي أشرف منك
طلال: هههه الله لايبلانا يارب ياالله اخذيها واطلعي برا ياالله _سكر باب الغرفه وسحب شنطتها وحط ملابسها فيها _فتح الباب وحذف الشنطه عند الباب _
طلال: أنتو للحين أهني ماتفهمون شنو برا _راح لبشرى وسحبها من شعرها وحذفها برا_
طلال: يا الله الحقي بنتج ياالله _طلعو برا _صعدت أمه على صوة صراخه_وشافت بشرى برا هي وأمها وخواتها_
أم طلال: طلال يمه شفيكم وأنتي بشرى ليش طالعه جذي
طلال: اذلفو يا الله اذلفو _نزلت بشرى وأهلها وراحو _طاح طلال على أمه وقام يبجي _أمه خافت عليه أكيد فيه شي كبير_دخلته الشقه وقعدت معاه وكان يبجي حيل_
أم طلال: يمه حبيبي أشفيك قولي خوفتي عليك_طلال بداخله :شقولج يايمه أقولج إنا بنت عمي مو عذرا ولاأقولج إني طلقتها ولاأتم ساكت وأموت غيض من داخلي _قال طلال لأمه وهي عصبت_
أم طلال: بنات الذين أنا من شفت لبسهن أمس بالعرس وأنا كارهتهن أنا أعرفهن عدل هذول بس ماتوقعتهن لهدرجه بس أبوك الله يهداه إلا من بنات أخوه هدي يايمه هذي ماتستاهل تضايق نفسك عشانها _قعدت حنين من النوم هذا إذا كانت نامت أصلن لها كانت تحس بضيق بصدرها طول الليل وأول من طرا على بالها توأمها أكيد طلال فيه شي لأنها تعرف بنات عمها عوب وروسهن قويه _طالعها زياد وحس إنا فيها شي_حط إيده على خصرها وقربها منها_
زياد: حنونتي اشفيج شكلج وعلى بعضج
حنين: لاحبيبي ماكو بس تعرف تعب العرس شوي
زياد: حياتي أنتي أمس مانمتي طول اللي تتقلبين معقوله كل هذا تعب العرس
حنين: أأأأأأأههههه زياد آنا دايم أحس بطلال إذا كان تعبان أو متضايق حتى لماكان بأمريكا كنت أحس فيه وهالشي فينا يا التوأم
زياد: سبحان الله تحسون ببعض
حنين: زياد أحس إنا طلال تعبان أنا طول الليل ماقدرت أنام
زياد: تعوذي من ابليس أكيد هذا وسواس ابليس وطلال الحين تلاقينا الحين مستانس وأنتي متضايقه هني
حنين: أعوذ بالله من الشيطان الرجيم _ظل راكان عند خلود وبعد ماطلعوها للجناح أخذلها غرفه خاصه وقعد عندها _كانت مخدره وموحاسه باللي حولها _طق الباب_
راكان: ادخل _دخل خليفه وأمه وأخواته عنود وبدور وشذى زوجته_
خليفه: السلام عليكم
راكان: هلا والله وعليكم السلام
خليفه: بالمبارك إن شا الله
راكان: الله يبارك بعمرك_راح لأم خليفه وحبها على راسها_
أم خليفه: بالمبارك يايمه الله يصلحها لك
راكان: آمين يارب
خليفه: هاه راكان وش سميتها
راكان: زياد سماها نرجس
خليفه: ياسلام زياد سماه نرجس وأنتا اشغلتك الظاهر إنا خلود ماعندها خبر
راكان: إذا صحت أبلغها
خليفه: وإذا اعترضت
راكان: تعرض ومصيرها بترضا
أم خليفه: عاد أبوها وكيفه أنت وش عليك
خليفه: يمه حارقن دمي ياليته هو اللي سماها خلا زياد يسميها يمه نسيبج يحر القلب
أم خليفه: وأنت وش عليك بنت وبكيفه لووش يسميها ناس ماتحشر حالها بأشياءن ماتعنيها
راكان: على راسي والله ياعمتي _ طلع راكان وخليفه وراحو برا يتمشون_ أرسل راكان لطلال مسج يبشره ببنته _كان طلال قاعد مع أمه وأبوه وحاط راسه على رجل ونفسيته تعبانه _جاه جلال أخوه _قعد عالأرض على ركبه_وقام يلعب بشعر طلال الكثير والناعم _
جلال: طلال خلاص ياغالي هالحقيره ماتستاهل دموعك خلها تولي والله يعوضك بأحسن منها
طلال بصوت مبحوح: تتوقع بيكون لي خاطر بالحريم بعد اللي صار
جلال: طلول أصابعك ماهي سوا ولاتخلي هاللي صار يأثر عليك أنتا ريار ملتزم وتعرف ربك والمسلم معرض للابتلاء إن صبر كان خير له وإن جزع كان شر له
طلال: جلال آنا موجازع والحمدلله على كل حال
جلال: يبه قول شي
طلال: شيقول وأهو اللي يابها لي وأمي حذرته منهم بس مارد عليها
جلال: طلال هذا اللي كاتبه ربك
أبوه:طلال ياولدي أنا اشعرفني أنهم جذي وبعدين قلت تآخذها وتعقلها _قام طلال يبجي وامتلت لحيته بالدموع _
طلال: فكرت ببنت أخوك ومافكرت بولدك يايبه
أبوه: طلال تعال عندي وأنا أبوك _ماقدر طلال يعترض على شي _قام وقعد جنب أبوه _حط أبوه راس طلال على كتفه ولو ذراعه عليه _
أبوه: أسمع وأنا أبوك أنا من اليوم ورايح ماراح أتدخل بأي شي بحياتكم لأني جربت مره وفشلت
طلال: بس يبه لاتقول جذي عن نفسك
أبوه: أنتا قبل لاتآخذ بشرى قلتلي أنك تبي أخت رفيجك ماجد وأنا أعترضت بس الحين أنا اللي بكلم ماجد وأخطبها لك _ابتسم طلال من كل قلبه _
طلال: صج يبا يابعد راسي أنتا
جلال: يبا وآنا مواتفقنا تزوجني بعد طلال
طلال: اعقل ياصبي توك عالزواج
جلال: يبا أخاف البنت تروح مني
طلال: هذا مخطط
أبوه: هههههه جلال مخطط على فرح بنت عمتك
طلال: ليش فرح بالذات يعني
جلال: ماأدري بس فرح عاجبتني وودي آخذها وبعدين أنا أخاف البنت تعنس
طلال: هههههههه يعني إذا أنتا ماأخذتها بتعنس _لديك رساله جديده_ فتح طلال الرساله<أبشرك صرت أبو جتني بنت وزياد سماها نرجس>_
طلال: ماشا الله جلال راكان جته بنت
جلال: ماشا الله راكان صار أبو الله يصلحها له إن شا الله ماقالك اشسماها
طلال: يقول إن زياد سماها نرجس
جلال: ماشا الله الله لايفرقهم
طلال: آمين _أرسله طلال رساله<ألف مبروك وتتربا بعزك إن شا الله >_رد راكان<الله يبارك فيك والفال لك إن شا الله>_أما عند راكان وخليفه_
خليفه: منو اللي مرسلك
راكان: هذا معرسنا
خليفه: الله يوفقه ويسعده
راكان: آمين
خليفه: مابقى أحد من الشباب ماأعرس إلا مشاري وعبيد وبسيم وأنور
راكان: صج بوخلي بدر ماولدت زوجته
خليفه: أمس يقول عالشهر الجاي إن شا الله
راكان: إن شا الله
خليفه: ياخوك بدر هذا غير تذكره قبل لما كان مغرور وبس ينافخ بعمره
راكان: إي والله سبحان اللي غيره والحين ماشا الله أهو اللي مربي بنات زوجته
خليفه: ونعم والله أنور يقولي أنه لهن أحسن حتى من أبوهن
راكان: الله يرزقه على قد نيته كان زياد دايم يقولي إننا مانفهم ومانعرف معدنه الطيب وكنت أضحك عليه وأقوله يازيود أنتا طيب وتظن الكل مثل بس الحين عرفت اشكان يقصد زياد
خليفه: سبحان الله صج بدر اللي مايعرفه مايثمنه _دق تلفون خليفه<قلبك> يتصل بك_
خليفه: هلا وغلا
شذى: حبيبي خلود قعدت وتبيك أنتا وراكان
خليفه: طياره وأنا عندج
شذى: هههههه
خليفه: أقول اشرايج نرد البيت
شذى: هههه خليفه خلاص
خليفه: يعني نرد
شذى بعصبيه: خليفه
خليفه: خلاص درينا الحين جايينكم _سكر التلفون_
راكان: أقول وأنت ماتستحي اتغزل بزوجتك جدامي
خليفه: ياخوك إذا سمعت صوتها مدري وش يجيني
راكان: بسم الله عليك مجنون
خليفه: مجنون أنا وزادتني بحبها جنون وأكبر جنوني يوم إني عرفتها
راكان: ياعيني ياعيني كل هذا حب الله لايغير عليكم
خليفه: أجمعين إن شا الله أقول ترا خلود قعدت وتبيك تجي _راح راكان بسرعه _
خليفه: ههههههه علم نفسك بالأول
راكان: لماتتعلم أنتا آنا أتعلم _راحو لخلود _
راكان: هلا بالمبارك ياخلود
خلود بصوت تعبان: الله يبارك فيك
خليفه: بالمبارك ياخلود
خلود: هلا خليفه الله يبارك فيك ويرزقك يارب
خليفه: آمين
خلود: راكان اشودك تسميها
راكان: عمها زياد سماها نرجس
خلود: شنو نرجس بس أنا قايلتلك أبيها مرام
راكان: بس أنا وعدته إنا هو اللي يسميها
خلود: راكان مرام يعني مرام
أمها: خلود أبوها وكيفه لاتعاندين رجلج عشان اسم
خلود: بس أنا قايلتله أبيها مرام
خليفه: طيب خلاص سماها نرجس ليش معترضه
خلود: راكان بنتي ماأسميها إلا مرام فاهم
راكان: شكل البنج للحين ماراح أثره عنج لما تصحين انتفاهم
خلود عصبت: أنا أصحا منك وبنتي أسمها مرام فاهم شنو مرام
راكان: أقول ارتاحي أبركلج أنتي تعبانه الحين
خلود: أنا مافيني شي _طلع راكان من الغرفه وهو معصب الحقه خليفه _
خليفه: راكان راكان اسمعني ماعليك منها هذي بنتك مثل ماهي بنتها ولاترد عليها
راكان: خليفه والله احترمتها عشانك وعشان عمتي أنا مستغرب من وين جتها هالقوه وترفع صوتها علي
خليفه: ماعليك منها سم بنتك نرجس ولاتزعل زياد علشانها صدق إنها اختي بس أنت أغلى منها عندي وكلنا نعرف غلات زياد عندك والحق ماينزعل منه
راكان: يابعد راسي ياخليفه _راح راكان وطلع بسيارته ورد البيت _رد خليفه لها وهو معصب_
خليفه: أنتي ماتستحين على وجهج في وحده تكلم رجلها هالشكل أنتي يبيلج تربيه جديده
خلود: كيفي بنتي وكيفي حلوا هذي زياد يسمي بنتي
خليفه: قطع لسالج إن شا الله_طقها على راسها بطرف أصابعه حيل_
خليفه: هيييه أصحي هذا راكان فاهمه شنو راكان قسم بالله أجيب أجلج لعيونه وبعدين وش فيج كلمه والثانيه بنتي بنتي كنج نسيتي إنها بنته بعد هذا جزاه اللي يحبج بس أنتي بنت فقر منتي كفو هالغلا اللي معطيج إياه راكان_قامت تبجي_
خلود: أنت مالك شغل
خليفه: خلود احترمي روحج لاأجيب أجلج والله لولا غلات راكان وأعرف إنه مايرضا عليج كان عرفت وش أسوي فيج _مسكته شذى من ذراعه_
شذى: خليفه اهدى عشان خاطري وقبلها عشان خالتي احشمها عالأقل _هدى خليفه_
خليفه: السموحه يمه بس بنتج حرقت قلبي
أمه: هذي يبيلها تربيه سنعه ياالله ياخليفه مشينا أنا بنتي ماترفع صوتها على رجلها وأخوها
خلود تبجي: يمه
أمها: ولمه ومغمه لاتقولين يمه _طلعو _شذى مسكت خليفه_
شذى: خليفه عشان خاطري خلني أقعد عندها
خليفه: شذى يابعدي احنا نبيها تعرف إنا مالها غير رجلها
شذى: تكفى حبيبي هي مسويه عمليه وأكيد الحين تعبانه ومحتاجه أحد يمها عشان خاطري ياخليفه _باسته على راسه_
خليفه باستسلام: عشانج بس ولا هذي _حطت إيدها على حلقه_
شذى: هذي أختك يا الله حافظك ربي _باسها على راسها_
خليفه: فمان الكريم _راحو ودخلت شذى عند خلود _جتها وقعدت عندها _طاحت خلود على كتف شذى وقامت تبجي _
شذى: بس ياخلود أنتي تعبانه الحين لازم ترتاحين
خلود: شذى والله أحبه بس هو كل كلمه والثانيه زياد وزياد أنا خلاص ماعدت أتحمل هالزياد أحسه شريجتي
شذى: هذا رفيجه ياخلود شوفي أنا خليفه دايم عند ماجد وأحيانآ يطلع بالليل عشان ماجد تعبان ولاعنده مشكله وبالعكس أساعده على حل مشاكل ماجد وماأمانع أو أعترض إذا طلع لأنه مرده لي وبعدين زياد طيب وخليفه دايم يمدحه وشوفي حنين ماأعترضت لمازياد سما ولده راكان وبالعكس شفتي لماسألناها قالت مادام الاسم عاجب زياد أكيد بيعجني
خلود: أنا موعارفه ليش زعلته هذا حبيبي بس والله دايم أحس إنا راكان يحب زياد أكثر مني
شذى: مستحيل كل واحد فيكم له مكان بقلب راكان ومحد أغلى من الثاني
خلود بعناد: بس مايخلي زياد يسمي بنتي وكيفه ياأنا يازياد
شذى: خلود تعوذي من ابليس اشقاعده تقولين ترا كله أسم
خلود: حتى لو زياد مايسمي بنتي
شذى: الله يهديج ياخلود أقول ارتاحي وخليني أحطلج شوربه قبل لاتبرد _عند راكان رد البيت ودخل عند أهله ولاكأنه صاير شي _
راشد: بالمبارك إن شا الله الله يصلحها لك
راكان: الله يبارك بعمرك يا بومشعل
أمه: مبروك يايمه
راكان: الله يبطولنا بعمرج يارب
مضاوي: مبروك راكان تتربا بعزك إن شا الله
راكان: الله يبارك فيج ياأم مشعل ويخليكم مشعل وأخته
راشد: هاه اشسميت المزيونه
راكان: عمها زياد سماها نرجس
راشد: ماشا الله خوش اسم والله يابونرجس
راكان: أكيد دامه ذوق زيود أكيد بيكون حلو فديته اشكثر غلاته عندي
راشد: أحب أقولك إنا زياد موهنيه وفر غرامياتك لماتشوفه
راكان: أنا أبي أفهم أنتا اشحارق خبزتك
راشد: ههههههه دخن كتفك
راكان: عيل اشحسبالك _ عند زياد_ كان قاعد العصر مع عياله وأبوه وجوري وحنين_دق تلفون حنين_
حنين: هلا
جلال: وعليكم السلام
حنين: ههههه بخير الله يسلمك
جلال: هههههه أبشرج الأمور تمام التمام
حنين: هههههه جلال اخلص اشعندك داق علي
جلال: بأمرج الحين أنا وطولاليط
حنين: ليش اشتبون
جلال: نبيج بموضوع أبيج تزوجيني
حنين: جلالوه اخلص علي
جلال: هذي اللي مومصدقتني أقول هاج طلاطل هو يقولج
طلال: السلام عليكم
حنين: هلا طلال وعليكم السلام شخبار بشرني عنك
طلال: بخير عساج بخير أقول حنون بمرج آنا وجلال نبيج بموضوع
حنين: ماشي بقول لزياد
طلال: سمعي لاتيبين عيالج لأنا بنطلع برا
حنين: طلال في شي
طلال: لاتخافين ماكو شي بس شغله بيننا وبينج وبين أمي
حنين: ماشي حياكم الله _سكر التلفون وأرسلت لزياد رساله_<حبيبي طلال وجلال بيمروني عشان أروح معاهم أروح ولالا>_<براحتج بس العيال>_<بخليهم عند جوري والخدامه>_<إذا عند جوري مومشكله>_<مشكور حبيبي>_<العفو ياروحي>_
صقر: زياد شخبار راكان اليوم ماشفته بالمسجد
زياد: صج يبا نسيت أقولك راكان يته بنت
صقر: ماشا الله بالمبارك إن شا الله
زياد: الله يبارك فيك
جوري: عاد اشسماها
حنين: زياد سماها نرجس
جوري: ماشا الله زياد أنتا اللي سميتها
زياد بابتسامه: والله قالي سمها وقتله نرجس
صقر: خوش اسم والله _راحت حنين المطبخ ونادت جوري وقالتلها بتخلي عيالها عندها وعلى طول وافقت جوري _راحت حنين فوق ولبست ونزلت_دق طلال عليها_
حنين: هلا طلال
طلال: ياالله اطلعي
حنين: إنزل إنت وجلال سلمو على عمي صقر
طلال: سويلنا درب _دخلو طلال وجلال وسلمو على صقر وزياد _
صقر: شخبار معرسنا
طلال بجديه: عمي آنا طلقت
صقر متفاجأ: هاه أمس وأنت معرس
طلال: نصيب ياعمي
حنين: طلال أنتا طلقت بشرى ليش ومتى _زياد يعرف طلال عدل مايحب أحد يتدخل بخصوصياته أو ينتقده على أي قرار اتخذه_
طلال: ماحصل نصيب
زياد: الزواج قسمه ونصيب وهالأشياء أسرار زوجيه _قامت تبجي حنين _
حنين: أنا موقلتلك طلال فيه شي أنا أحس فيه بس أنتا ماصدقتني _قاملها طلال وحضنها _
حنين: والله كنت حاسه فيك أمس طول الليل مانمت
طلال: خلاص ياحنين لاتزيدين همي
جلال: على فكره ترا أبوي قرر يزوجني
حنين: أنتا اسكت فاضي تتزوج وطلول اليوم مطلق
طلال: ههههههه وأهو اشعليه مني _صقر استأذن وقام _
زياد: حنونتي خلاص عاد لاتزيدين الطين بله كاهو طلول جدامج وبعدين الزواج والطلاق من ربج
جلال: صح وبعدين الحمدلله إنا ماصار بينهم عيال ترا مايضيع فيها إلا هم _نزل زياد راسه _
زياد: حنين أخليج تآخذين راحتج مع أخوانج أستأذن بروح فوق أجيب سويجي وعشان بروح لأمي
حنين: حافظك ربي _راح زياد_
طلال: وأنتا ماتعرف تثمن كلمتك ياخي إذا ماتعرف تتحجا اسكت أبرك
جلال: ليش آنا اشقلت
طلال: قلت كلام يسم القلب
حنين: جلال أتمنى تسكت أحسن لأني لوقمت تصرفت معاك تصرف ثاني
جلال: فهموني شاللي قلته عشان تعصبون جذي
طلال: يعني ماتدري إنا زياد أمه مطلقه _كان زياد توه نازل من الدرج وكانت كلمة طلال ترن بأذنه _طلع بسرعه ومحد حس فيه _
جلال: صدقني نسيت
حنين: مره ثانيه لاتنسى صج طلول أمي وينها قلتلي إنها بتجي
طلال: جاها خالي عبدالله وقعدت
حنين: خالي عبدالله والله من زمان عنه
طلال: حنون يا الله مشينا
حنين: ماشي أسبقوني بسوي شغله وأييكم _طلعوا برا وركبو السياره _راحت حنين لجوري وبلغتها إنها بتطلع _أما زياد طلع وهو متضايق ويحس مخه مشوش "أنتا ماتدري إنا زياد أمه مطلقه" "الحمدلله إنا ماصار بينهم عيال ترا مايضيع فيها إلا هم"_حط زياد إيدينه على راسه _
زياد: ليش ليش أنا ضايع أنا ضايع أنا أمي مطلقه أنا مومثل باجي ربعي أنا أمي مطلقه الله يسامحج يايديده _راح لبيت جدته _نزل وطق الجرس _فتحتله الخدامه_
زياد: وين ماما
الخدامه: داكل اتفزل_دخل زياد وشاف جدته قاعده بالصاله وماعندها أحد _حقد من كل قلبه عليها هذي السبب باللي هو فيه _
الخدامه: ماما هازا في رزال يزي_ التفتت شمسه _
شمسه متفاجأه: زياد اشبغيت أنا موقايلتلك مابي أشوف ويهك حسبالك إني خرفت ولانسيت _طالعها زياد بنظرة حقد وتكلم من بين سنون_
زياد: أبي أفهم شنو اللي استفدتيه من طلاق أبوي لأمي
شمسه باستهزاء: وهذا اللي يايني عشانه
زياد: ردي شاستفدتي
شمسه: أحرق قلب أمك وأبوها مثل ماخذت أبوك غصبن عني زياد: ومافكرتي فيني اشراح يكون حالي اشلون بعيش بين أم وأبو مطلقين
شمسه: كان أهم شي عندي أشوف ويه أمك وأبوك يطلقها ماتتخيل فرحتي وقتها وأنتا ولدها وماتستاهل تربيتي لك وحتى لو رد الزمن ورا ماراح أندم عاللي سويته
زياد: لأن قلبج حجر قاسي الله لايسامحج
شمسه: اطلع برا ومابي أشوف ويهك
زياد يبجي: الله ينتقملي منج حسبي الله ونعم الوكيل على كل ظالم _طلع زياد_
شمسه: برا اطلع برا الله لايبارج فيك ولابأمك _ركب زياد سيارته وحط راسه عالسكان وقعد يبجي_
زياد:حسبي الله ونعم الوكيل على كل ظالم _دق تلفونه _<عزوتيN> يتصل بك_ مسح زياد دموعه_
زياد: هلا ناصر
ناصر: هلا زياد وينك في مريتك البيت قالو موموجود
زياد: إي طالع آمرني بغيت شي ياغالي
ناصر: سلامتك بس ماودك نروح نبشر أمي إنا الحطب طاح
زياد: ههههه أكيد ودي أنتا وينك
ناصر: آنا راد البيت
زياد: ماشي انطرني عند الباب مسافة السكه وأكون عندك إن شا الله _راح زياد بيت أمه ولقى ناصر واقف عند الباب ينطره_استغرب ناصر من عيون زياد الحمر _
زياد: السلام عليكم
ناصر: وعليكم السلام هلا ومرحبا
زياد: هلا فيك أكثر ياعزوتي
ناصر: زيود ليش عيون حمر
زياد: هاه لاماكو بس رمش طار بعيني _ولو إن ناصر ماأقتنع بس مشا السالفه_ دخلو البيت وكانو ماسكين إيدين بعض_ كانت هنادي قاعده مع سالم ونوف وندى بالصاله _
زياد بابتسامه: السلام عليكم _تفاجئو _
هنادي: وعليكم السلام
زياد: يمه شلونج
هنادي دمعت عيونها: دامني أشوفكم مع بعض أكيد بكون بألف خير _جوها وباسوها على راسها _سلم زياد على سالم وندى ونوف _وجا وقعد عند أمه_
سالم: قتلج ياأم زياد هذول تربيتج وراح يدون مثل قبل
ناصر: الله ياخذ بليس والله كنت عايش بهم مايعلم فيه إلا الله
زياد: فديتك ياغالي _جته رساله_<حبيبي لايضايقك كلام جلال تراه أهبل ومايدري شيقول>_
سالم: شخبار العيال
زياد: والله بخير ياعمي
هنادي: يمه مشتاقتلهم من زمان عنهم ييبهم لي
زياد: ناصر
ناصر: سم
زياد: سرينا
ناصر: سرينا _قام وطلعو_
هنادي: تعالو وين رايحين
زياد: نص ساعه ورادين _راح زياد وناصر للبيت وجابو عبدالرزاق وراكان وردو _دخلو على أمهم _
ناصر: اس اس السلام عليكو _قامت هنادي_
هنادي: هلا ومرحبا وغلا فديتهم _خذت عبدالرزاق _
نوف: ناصر عطني راكان
ناصر: خليه شوي بلعبه
ندى: ناصر أنتا أول مره تشوفهم صح
ناصر: إي فديت قلبه
هنادي: شوف سالم راكان بدا يتعبر _بجا راكان _وخذاه زياد وحطه على صدره_
زياد: بس بابا بس حياتي أنتا خلاص
ندى: لما شاف ناصر بجا
ناصر: لاحبيبتي آنا أشبه أبوه ماراح يبجي معاي _سكت راكان _
هنادي: فديته زوزو مومثل ولدك بس يبجي
زياد: يمه حرام عليج والله ريكو حليل بس مستغرب من نوف وبعدين زوزو هادي مايستغرب أحد
ناصر: عطني راكان بلعبه
زياد: هاك اخذه _خذا ناصر راكان وقعد يلعبه وراكان سكت مع ناصر على باله أبوه _
هنادي: صج زياد أنا بخطب لناصر من خوات أم عبدالرزاق_ زياد طالع ناصر _
ناصر: أفا ماودك أصير عديلك
زياد: هاه يعني أنتا راضي
ناصر: بعد إذنك طبعآ
زياد: بالمبارك إن شا الله عاد والله ونعم البنات
ندى: أمي ودها تخطبله شيماء زياد: بس يمه شيماء صغيره وقبلها شيخه ودلال
ناصر: يعني جم عمرها
زياد: شيماء عمرها 16سنة
ناصر: عادي شالمشكله
زياد: لاماكو مشكله وبالعكس
ندى: أمي ماتت عليها بنفاس حنين وأمس لماشافتها قالت والله مافوتها
ناصر: يمه حلوه
ندى: ملاك يمشي عالأرض
هنادي: ندى استحي على وجهك
ناصر: يمه قاعد أسألها عن زوجتي
زياد: ههههههه
هنادي: للحين ماصارت زوجتك زياد أنا دقيت على حنين وقلتلها باجر بنزورهم
زياد: ماشا الله متى دقيتي عليها
هنادي: قبل لاتيي
ناصر: يافرحت قلبك ياناصر بتتزوج بتصير معرس _سالم كان يلعب عبدالرزاق_
سالم: ناصر اعقل لاحق عالعرس خلنا نشوف الناس بالأول
ندى: عاد يحصلهم نصور يخطب بنتهم وقبله زياد نسيبهم
زياد: أنا أموت وأعرف شاللي بينكم
ندى: أصلنآ نصور أخوي وتاج راسي
زياد: لاالسالفه جايده
ناصر: لأنها تبيني أوديها لعرس أخو رفيجتها عشان جذي تدلعني
ندى: يابعد عمري يانصور محد فاهمني كثرك
زياد: هههههه فاهمين بعض
هنادي بصوت واطي: زياد شوف زوزو
زياد: ياحيات أبوه هو _كان عبدالرزاق نايم بحضن سالم _
سالم: صوتكم لايقعد
هنادي: خلونا نقوم للصاله الثانية بوناصر عطني زوزو أنومه
سالم: لاخليه أنتو روحو للصاله وأنا بنام عنده
زياد: عمي لايتعبك
سالم: عيال ولدي تعبهم راحه
زياد: تسلم ياعمي الله يطولنا بعمرك _راحو الصاله الثانيه _أما سالم حط عبدالرزاق بحضنه ونام _جابتلهم ندى بطانيه وغطتهم وطفت الليت عليهم_
هنادي: شخبارهم
ندى: راحو بسابع نومه
هنادي: زوزو عاقل وهادي ماشا الله عليه
ندى: مومثل ولد زياد
زياد: أنا بعرف انتي اشبينج وبين ولدي حرام عليج والله سوالفه تهبل
ندى: ولدك بس يبجي
زياد: ولدي ريال مايعطي ويه لأي أحد
هنادي: أنا مستغربه يلعب مع ناصر
ناصر: لأني شبيه أبوه
زياد: هههههه غبي على باله أنك أنا
ناصر: الغباء نعمه أحيانآ هههههه
هنادي: أقول جني عطيتكم ويه تتطنزون على حفيدي _عالساعة 7بالليل_
زياد: نصور غرفتك معدله
ناصر: هههه شكلك نعست إي روحلها معدله _صعد زياد وحط راسه ونام _أما راكان فكان مضايق من اللي صار وراح للمستشفى وشاف بنته ورد البيت بس محد درا باللي صار بينهم _كان قاعد بغرفته ويطالع صور بنته بتلفونه _كان خليفه اللي يتصل _
راكان: ألو
خليفه: وعليكم السلام ورحمة الله وبركاته
راكان: هههههه
خليفه: إيه اضحك خلني أتطمن عليك
راكان: يابعد راسي ياخليفه الله يرزقك على قد نيتك
خليفه: آمين المهم طمني عنك
راكان: الحمدلله على كل حال
خليفه: شفت مزيونتك
راكان: فديتها إي شفتها والله أحس قلبي فزلها ياليتك تجرب هالشعور شي ماينوصف
خليفه: الله يسمع منك إلا صاحبك وينه من زمان عنه
راكان: أمس وأنتا شايفه بعرس طلال
خليفه: ياخوك هالرجال أشتاقله بسرعه الواحد مايمل منه
راكان: فديته هذا بوعبدالرزاق موحي الله
خليفه: دقيت عليه منساع مارد علي
راكان: تلاقيه نايم الحين لأنه صاير يقعد من الصبح عشان عنده قضيه هالأيام ودايم بالمحكمه
خليفه: على طاري الدوام متى تروح المستشفى
راكان: عالساعه 1 آنا الحين بنام وأنتا
خليفه: وآنابعد عالساعه 1 أروح للمستشفى عاد بكره عندي عمليه
راكان: ربك يسهلها إن شا الله
خليفه: يا الله يابونرجس أخليك تنام الحين السلام عليكم
راكان: حافظك ربي وعليكم السلام _سكر راكان من خليفه وراح بسابع نومه _عند عبدالله وبسام كانو يفترون بالدوريه _
بسام: أقول عبيد ماودك تعرس
عبدالله: والله على إيدك ماعندي مانع
بسام: أبشر بس أنتا قول إي وأنا أخطبلك
عبدالله: بسوم عندك لي مره بصراحه أنا ودي أتزوج وأكمل نص ديني
بسام: عبدالله عندي لك مره وأنتا كيفك ياتقول إي ياتقول لا وأنا مستعد أسمع رايك بصدر رحب
عبدالله: أنقذني إذا عندك مره لي قول أخلص علي
بسام: عبدالله أنا ودي أزوجك أختي تهاني بصراحه ماراح ألقى أحسن منك لها
عبدالله: بسام أخاف أبوك يردني أنت عارف أنه مايطيقني
بسام: لاتخاف راح أقنعه بس خلني أشوف رايها بالأول وأبوي موضوعه سهل صج إنا مايحب المطاوعه بس دايم يقول لأمي أنا ماراح أزوج بناتي إلا الريال المصلي المسمي
عبدالله: الله كريم إنتا شوف راي تهاني بالأول وبعدها يصير خير
بسام: أبشر ياغالي وأهي الخسرانه لو ماوافقت عليك
عبدالله: بسوم لاتغصبها على شي أهي ماتبيه أبيها توافق عن قناعه فيني مو علشانك
بسام: ههههه أشوفك شايل همها وأنتا ماأخذتها عيل باجر لوتاخذها اشراح تسوي
عبدالله: أنساك ههههههه
بسام: عيل مالك عندي مره
عبدالله: لالالا بسوم واللي يرحم والديك آنا كنت أضحك بس دعابه ماتعرف الدعابه
بسام: ههههه حلوه دعابه هذي من وين حافظها
عبدالله: ههههههه مادري يت على لساني وقلتها
بسام: هههههه بس حلوه خلنا نلعب عالشباب فيها
عبدالله: اتفقنا إلا صج بشرني عن حفظك وين وصلت
بسام: إن شا الله نهاية الأسبوع أختم
عبدالله: آنا بعد باجر أختم يعني راح أسبقك
بسام: تدري منو شفت بالمسيد يسمع عند الشيخ
عبدالله: منو
بسام: بوعبدالرزاق وأبونرجس وأبوبندر وبدر وأنور ومشاري كلهم قاعدين عند الشيخ وكانو يسمعون سورة البقرة
عبدالله: ماشا الله الله ييسرلهم حفظه ويثبته بقلوبهم
بسام: آمين تدري اشقالي الشيخ
عبدالله: اشقالك
بسام: يقول إنا زياد وراكان مابقالهم شي ويختمون باقيلهم أقل من جزء
عبدالله: ماشا الله عليهم الله يوفقهم اسبقوني آنا وياك
بسام: والله هالدوام مايخلي الواحد حتى يتفرق لنفسه خلها على ربك
عبدالله: صج ترا الريال اليوم اتصل فيني وبلغني بقرار نقلنا نداوم بالمخافر
بسام: الله يبشرك بالخير بس بأي مخفر
عبدالله: والله مادري قالي راجعو الوزارة وشوفو
بسام: الله يجزاه الجنة
عبدالله: آمين بس خوفك ننقط بعيد
بسام: عالأقل أرحم من الفراره بهالشوارع
عبدالله: إي والله أرحم _مر شهر على هالأحداث اللي صارت _راح راكان وسما بنته نرجس _وهنادي راحت لأهل حنين وخطبت شيماء ووافقو وأصر ناصر إلا يشوفها وحددو يوم الملجه _
حنين: اشعليج من قدج اليوم بتشوفين حبيب القلب
شيماء: حنين والله إني خايفه
حنين: لاتخافين ترا بس بيشوفج ويمشي _دق تلفون حنين _
حنين: هلا حياتي
زياد: حبيبي ترا خلصنا الملجه
حنين: الحمدلله ألف مبروك إن شا الله
زياد: الله يبارك فيج وباركيلها بالنيابه عني
حنين: يوصل إن شا الله_ سكرت حنين:
حنين: مبروك ياشوشو صرتي حرم ناصر السالم من قدج وترا زياد يباركلج
شيماء ابتسمت: الله يبارك فيكم _ادخلت حنان_
حنان: يا الله شوشو أمي تقولج انزلي عشان تسلمين على خالتج
شيماء: لالا مابي خلاص هونت مابي أتزوج
حنين: لي ياحبيبتي بكيفج هو يا الله انزلي _نزلت شيماء وحنين وحنان أما شيخه ودلال كانو قاعدين مع ندى بالصاله الثانيه_ دخلت شيماء وراسها منزلته وخايفه ومستحيه _سلمت على هنادي وقعدت جنبها _بعد نص ساعه دق زياد _
حنين: هلا زياد
زياد: حبيبي ناصر بيشوف زوجته
حنين: خلاص خل طلال يينا
زياد: هذا طلول الحين رايحلكم وخلي أمي تطلع عشان عمي يبيها
حنين: إن شا الله _سكرت من زياد_
حنين: شيماء تعالي طلال يبيج خالتي عمي سالم يبيج برا
هنادي: أكيد بيمشي حنين شوفيلي ندى
أم طلال: وين ياأم زياد تو الناس
هنادي: اليايات أكثر إن شا الله _راحت شيماء لطلال _
طلال: بالمبارك ياشوشو والله وصرتي عروس والله عشنا وشفنا اليهال يتزوجون
شيماء: طلال عن الملاغه ترا مالي خلقك اللي فيني كافيني
طلال: المشكله ماأقدر أكلمج الحين لأني موعايف عمري احسابج معاي بعدين إذا مامصخرتج _جاهم جلال_
جلال: طلال اكرمها بسكوتك أحسن يعني ماتشوف الحاله اللي هي فيها ماعليج منا ياشوشو هذا يتفلسف بس أدري إنج خايفه وقلبج طايح ببطنج وريولج ترجف ووو إلخ
طلال: يعني بتكحلها عميتها
شيماء: أقول مالت عليكم أثنينكم _دخلت شيماء الصاله الداخليه للرجاجيل وكانت فاضيه _راح طلال عند الباب_
طلال: ادخل ماقدامك أحد _دخل طلال وناصر وكان جلال قاعد جنبها وهي منزله راسها_
جلال بصوت واطي: ياويلج دخل شوفيه دخل هو وطلال _ارتبكت وقامت ترجف _
ناصر: جلال اشقلتلها
جلال: لا ماقلتلها شي بس قلتلها ياويلج دخل بس
ناصر: لاواالله قوم قوم أحسلك _التفت لطلال_
ناصر: وأنتا بعد لي متى بتم واقف يا الله اخذ أخوك واطلعو خلوننا نقعد مع بعض شوي_
جلال بصوت واطي بس مسموع: هذا من أولها يطردنا من الديوانيه عيل بعد العرس راح يحتل البيت بكبره
طلال: خلها على الله وأنا أخوك أخذو خواتنا وموبعيده باجر يآخذون بيتنا آنا ماأستغرب عليهم شي
ناصر يصرخ: برااا _طلعو _قرب ناصر من شيماء وسحب الطاوله وقعد قبالها _وقعد يطالع فيها وسرح بجمالها _
ناصر: أنا ويني عنج كل هالمده مالوم زياد لوصار يمشي ويهذي بزوجته وشكلي بصير مثله أمشي وأهذي فيج _ابتسمت_حط إيده تحت ذقنها ورفع راسها_
ناصر: يازين ضحكتج والله صاجه ندو يوم قالت إنج ملاك الحمدلله يارب اللي رزقني بوحده مزيونه مثلج ماشا الله تبارك الرحمن زينج ماشفت منه _دق تلفونه_رد وهو يلعب بخصلات شعرها_
ناصر: هلا زيود
زياد: صار اللي تبيه
ناصر: يعطيك العافيه يابو عبدالرزاق
زياد: الله يعافيك ترا آنا ماشي تآمر على شي
ناصر: سلامت قلبك
زياد: الله يسلمك _سكر من زياد ورد يطالع فيها _كانت لابسه(ثوب أسود طويل وفيه شريطه حمره من فوق ومربوطه فيونكه ولابس قميص كمه ثلاث ترباع أحمر وقصير ووسيع ومنزله شعرها الأسود الطويل اللي يوصل لركبتها ولابسه ربطه حمره على شعرها ولابسه ساعه أحمر بسلفر وسلسله ناعمه برقبتها وحاطه مكياج ناعم مبين ملامحه) _
ناصر: شيماء طالعيني أنا زوجج تأملي فيني يمكن ماأعجبج _رفع راسها وخطفت نظره سريعه له وردت نزلت عينها وتقول بداخلها: يازينه ياحلوه_
ناصر: هاه عجبتج _ابتسمت _
ناصر: يافرحت قلبك ياناصر عجبت زوجتك _باسها على خدها _استحت وحمر وجهها _
ناصر: شيماء هذا رقمي وأبي أكلمج إذا ماعندج مانع _حط الكرت بيدها _طق الباب _
طلال: ناصر ترا طولتو
جلال: بشر اشصار عندكم
ناصر: شكل هالدعوله بيخربون علينا قعدتنا بس وعد بعد العرس شهر مايشوفونج
جلال: ناصر خلاص خلص الوقت المسموح فيه اظهر وبان عليك الأمان
ناصر: آنا بفهم شلون متحملتهم الله يعينج ادخل جلال _ قام وقعد جنبها _دخلو جلال وطلال_
طلال: اعترفو اشكنتو اتسوون
ناصر: لاسلامتك ياأخ طلال بس جربتو اللي يشتغل عليكم بالعقال الحين _تنحنح أبوهم ودخل_
أبوطلال: السلام عليكم
ناصر بصوت واطي: اكملت القعده _علا صوته_
ناصر: هلاعمي
أبوطلال: بشر اعجبتك البنت
جلال: أكيد اعجبته
ناصر: جاوب المتحدث الرسمي _قام ناصر وطلع _راحت شيماء داخل وراحت تركض لغرفتها_ فتحت الباب وتفاجأت من اللي شافته _كان فيه قفص كبيرأحمر وماسكه دب كبير وداخله طيور الحب وكرت كبير وجنبه علبه حمره ومغلفه بشريطه ذهبيه ومكتوب عالشريطه ألف مبروك وبوكيه ورد جوري _قعد عالسرير وفتحت الكرت اللي عالقفص مكتوب فيها_<قد تعجز الكلمات عن وصف مشاعرنا ولكن لايعجز القلب عن الاحتفاظ بها ...زوجج وشريك حياتج ناصر السالم> _استانست وابتسمت فتحت الكرت اللي عالورد_<لايستحق أن يهدى الورد إلا لأصحابه وأنت الوحيد التي تستحقين أن تلقبي بصاحبت الورد...زوج صاحبت الورد ناصر السالم>_ فتحت العلبه وكان فيها شرايط مقطعه أحمر وذهبي وفيها عبلة تلفون وشريحه وعلبه ثانيه صغيره فتح العلبه وكانت فيها ساعه ألماس _وفيها كرت كبير فتحته مكتوب فيه_<لاأستطيع أن أصف شعوري وشوقي للقائك ولكن الجواب ستعرفينه في عيني إذا التقينا ....انتظر اتصالك...زوجج ناصر> _حضنت الكرت وباسته_ طلعت الجهاز وركبت الشريحه وشغلته وأول مااشتغل لقته حاط صورته على الشاشه _جتها رساله وتفاجأت منو مرسلها بس توقعت إنه ناصر_<يصعب علي وصف مشاعري عندما عانقت عينان وجهك حقا أنتي من تستحق أن تلقب بملكة جمال الكون>_
شيماء: فديتك يانصور _انفتح الباب ودخلو خواتها _
شيخه: الله الله شكل زوجج رومنسي
دلال: يارب زوجني واحد مثله يارب
شيماء: اذكرو الله حرام عليكم
شيخه ودلال: ماشا الله
دلال: شوفي شيوخ يايبلها تلفون وطيور
شيخه: وبعد ساعة ألماس وورد
دلال: شيوم شفتي شكله
شيماء: تبون تشوفونه
شيخه: عندج صورته _افتحت الاستيديو بتوريهم صورته وتفاجأت لماشافت إنا في أكثر من صورة بالتلفون _
شيماء: تعالو شوفو _ورتهم صوره_
دلال: ماشا الله مزيون
شيخه: نسخك بوعبدالرزاق
شيماء: قالتلي حنين إنا نسخت زياد بس نصوري أقصر من زياد
دلال: حلوه هذي نصوري تبيني أقوم أعلمها منو نصورها
شيماء: كيفي نصوري نصوري نصوري إذا موعاجبج بعد _دخل جلال ودست شيماء التلفون _
جلال: جني أسمع أحد يسب نسيبنا اليديد
شيخه: شيوم شكل ناصر موصي جلال عليج أشوفه يدافع
دلال: قصدج امبغششه ولامسطره عشان جذي يدافع
جلال: أقول جب ولاكلمه آنا ماكلم عزابيه
دلال: عدال اللي يسمعك يقول متزوج عشر حريم وعيالك مالين البيت
جلال: أعوذ بالله عشره مره وحده أنا وحده ومو محصلها
شيماء: بلى محصلها وخالص بس تروح اتخطبها وتراها تنطرك بعد وراده كل اللي يخطبونها عشانك
جلال: كلام جرايد
شيخه: يعني أقولها إنك ماتبيها
جلال: عشان أقطع راسج أحدطه بين إيدينج
الكل: ههههههه
شيماء: عيل حنين وينها
جلال: ههههاي ضحكتيني ههاي حنين راحت مع زياد من قبل لايمشي بعلج
شيماء بصوت واطي: فديته
جلال: شنو ماعندنا بنات يتفدون بأزواجهم _أما ناصر من طلع من شيماء وصورتها مافارقت باله_
ناصر: يارب وفقنا وباركلنا وسخرنا لبعض يارب _أرسلها رساله_<ماهو سحرك أخبريني الذي جعلني أرى خيالك أمامي عن يميني وعن شمالي سحر لم أستطع أن أحدد مدى تأثيره فقد بنى أسواره ونصب شباكه حول قلبي أخبريني من ألهمك هذا السحر حبيبتي>_
ناصر: آآآآآهههه معقوله ياولد سالم قدرت عليك هالياهل قدرت على قلبك بس كلي فداها عاد ياليت طبعج مثل أختج والله لأسويلج اللي تبينه _دق تلفونه _<عزوتي>_يتصل بك_
ناصر: هلا بوعبدالرزاق هلا والله
زياد: هلا فيك يامعرسنا هاه بشر إن شان الله اعجبتك البنت
ناصر: زياد هي زوجتك مزيونه لدرجة لماتشوفها تنسى اللي حولك
زياد: ههههههههه عيل خلاص فهمت قصدك الله يوفقك ياعزوتي ويبارك لكم ويسخركم لبعض
ناصر: زياد الخواطر صار مالها تالي
زياد: ههههههه هههههه هذا الحب ياناصر الحب اللي حطه ربك بين الزوجين
ناصر: زياد تكفى قول لأمي أبي العرس الشهر الياي
زياد: شكلك مستعيل أبشر راح أكلمها وأقنعها تبجر بالعرس بس موشهر عاد مايمدي البنت تجهز
ناصر: يعني أربع شهور تكفيها
زياد: أنتا متى بتسافر أمريكا
ناصر: أخر الشهر الياي وأرد بعد ثلاث شهور تقريبآ
زياد: عيل نحدد العرس بعد ماترد بشهر اشرايك
ناصر: ماشي أمري لله بصبر عمري لما أرد من السفر
زياد: الله ييسر إن شا الله يا الله أخليك الحين ولاتنسى تمر المسيد اليوم بعد العشا عشان بنراجع حفظنا ونختم آنا والشباب
ناصر: إن شا الله آنا الحين يايكم _سكر ناصر من زياد وراح البيت وأخذ أبوه وراحو لزياد المسجد وكان المسجد مليان بالأهل الفريج وكانو الشباب متفقين مايلبسون عقال_كلهم كانت لحاياهم كثيره بس زياد كانت له بس عوارض_بدو الشباب يسمعون راكان وبعده عبدالله وبعده بدر وبعده زياد وبعده بسام وبعده أنور وبعده ماجد وبعده مشاري _بقالهم تسميع سورة الإخلاص والفلق والناس _
الشيخ: ياالله ياعبدالله سمع
عبدالله: شيخ ودنا نسمع مع بعض
الشيخ: توكلو على الله _بدو الشباب يسمعون وكانت دقات قلوبهم سريعه ودموعهم على خدهم وعبراتهم تسبق كلماتهم_
الكل:<قل أعوذ برب الناس، ملك الناس إله الناس، من شر الوسواس الخناس ،الذي يوسوس في صدور الناس، من الجنة والناس>_سجدو سجدة شكر وطولو بسجدتهم وكان لصدورهم أصوات من البجي _تخيلو معاي الموفف وهالمشهد تخيلو نفسياتهم ومشاعرهم شعور عجيب مايدركه إلا اللي جربه وعاش لحظاته_رفعوا وحضنو شيخهم وحضنو بعضهم _التفت زياد لأبوها وكان ناصر وعمه سالم وأبوه وخواله هاني وفواز وأحلى مفاجأة له لماشاف عياله بيديهم _راح لأبوه وحبه على راسه وحب إيده وهم يبجون وبعدها حضن ناصر وقاموا يبجون_
ناصر: الله يثبته بقلبك ياغالي
زياد: آمين _بعدها حضن عمه سالم وخواله _
صقر: ماودك تسلم عالشباب _راح زياد وحضن عياله ثنينهم وزاد بجيه_بعدها حس في أحد يطق على كتفه_التفت_
خليفه: الله يثبتك ويثبته بقلبك يابوعبدالرزاق _حضن خليفه وقام يبجي معاه وبعدها_
خليفه: ياالخونه سبقتوني وأنا مابقالي إلا جزئين بس أوريكم إن شا الله ألحقكم
زياد: آمين يابوخلي _طلع زياد مع أهله وعند الباب_
زياد: يبه بروح لأمي
صقر: ماأقدر أمنعك يابوعبدالرزاق _خذا زياد عياله وراح لأمه_دخل زياد على أمه وكانت حاطه بالصاله كيكه كبيره وحلويات_
هنادي: بالمبارك يايمه والله يوفقكم يارب ولايحرمني منكم _جوها ناصر وزياد وحضنوها وقامت تبجي_(منو مثلج اليوم ياأم زياد اليوم ختم ولدج زياد حفظ القرآن وملجت ولدج ناصر على اللي تمنيتيها له الله لايغير عليج)_ هاني: الله يباركلج فيهم ياأم زياد ونعم التربيه
هنادي بصوب مبحوح: الله يحفظهم لي يارب_حب فواز يغير الجو_
فواز: متى إن شا الله بتخلصون لمالنا نصيب بأختنا حتى السلام ماتخلونا نسلم عليها _بعدو زياد وناصر عن أمهم وهم يبتسمون _سلم فواز على هنادي _قعدو يسولفون ويآكلون الكيك والحلا _دق تلفون زياد_قام وطلع برا_
زياد: هلا والله
حنين: السلام عليكم
زياد: وعليكم السلام ورحمة الله وبركاته هلا والله حياتي
حنين: بالمبارك ياقلبي الله يثبته بقلبك ويعلي قدرك
زياد: الله يباركلي فيج ويحفظج لي ياأم زوزو
حنين: حياتي عسى العيال ماأذوك
زياد: والله مادري عنهم واحد عند أمي وواحد عند ندو
حنين: زياد
زياد: هلا
حنين: متى ترد البيت
زياد: اشتقتيلي
حنين:---
زياد: يعني مشتاقتلي
حنين:---
زياد: تبيني أيي
حنين: أتحداك
زياد: لاتتحدين
حنين: أتحداك
زياد: مسافة السكه وأنا عندج
حنين: هههههه زياد
زياد: ياالله السلام عليكم
حنين: وعليكم السلام _دخل زياد ووقف عند الباب _
زياد: يمه عن أذنج ياالغاليه برد البيت
هنادي: توالناس يمه انطر تعشا وبعدها روح _غمز لأمه_
زياد: معليش يمه لازم أرد البيت
هنادي: حافظك ربي يمه _خذا زياد عياله ورد البيت _دخل شقته وكانو عياله نايمين _
زياد: حنين حنين _طلع حنين من غرفتها وكانت كاشخه _
حنين: ههههه سويتها
زياد: أنا قلتلج لاتتحديني _خذت عبدالرزاق منه وراح وجاب راكان من الخدامه وبعدها رد شقته_ أما باقي الشباب فالكل ماكانت تقل فرحت أهلهم عن أهل زياد والكل احتفل بعياله _بعد أسبوع _كان أنور نايم_دق تلفونه _قام متثاقل_
أنور بصوت نايم: ألو
بدر: نايم قوم بسرعه
أنور: بدر اخلص اشتبي تراني موفاضيلك
بدر: شوق ولدت وأنتا نايم _فز أنور من مكانه _
أنور: بدور لاتجذب علي ترا مالي خلق
بدر: كيفك لاتصدق بس اسمع أبيك تروح البيت تآخذ البنات تركناهم نايمات وأخاف يقعدون مايلاقون أحد وينخرعون
أنور: ليش الخدامه موعندهم
بدر: بلاعندهم بس هذي ماتدري وين قاطها ربها
أنور: الحين أروحلهم بس صج شوق شخبارها
بدر: الحمدلله بخير والبنت بخير
أنور: ماشا الله يتك بنت بالمبارك إن شا الله
بدر: الله يبارك فيك
أنور: اشسميتها
بدر: سميتها أطياف
أنور: ماشا الله الله يصلحها لك يارب
بدر: آمين _سكر التلفون _مرت الأيام _وانتقلو عبدالله وبسام للدوام بمخفر حدود منطقه بريه_ كان المكان بعيد بس أريح من دوام الدوريات ووافقت تهاني على عبدالله وبسام أقنع أبوه ووافق_ أما راكان فانحلت مشكلته مع خلود بفضل الله ثم بفضل خليفه _وردت خلود لبيتها بعد ماطلع من الأربعين_ أما ماجد احملت أوراد مره ثانيه وبندر صار يمشي ويسولف _عيال بطلنا بدو يتكلمون ونطقو كلمة بابا اللي كان زياد يحلم فيها طول عمره _وندى أخته خطبها يوسف ولد خالها وتحدد العرس والملجه _أماناصر سافر لأمريكا برحلة عمل _يمكن تظنون إنا القصة انتهت لكن أنا أقولك هالفصل انتهى وانتظرونا بالفصل الجاي أنا وأبطال قصتي وأتمنى تكون الفصول اللي طافت عجبتكم وماحسيتو بالملل منها _

الله يعطيكي الف عافية عنجد زوء وبتعئد..بانتظار البارت الجديد ياعسل

هالبارت

تعمدت أنزله طووووووووويل

أتمنى يعجبكم

أبي ردود عليه عشان أكمل

	#47
غسق الكويت@	رد: "قصة إنسان" "قصة إنسان" ثلـــــــــــــــوج من ذوقج يا الغاليه سيـــــــرة الحب من ذوقج حبوبه الحين بيجيكم البارت الجديد

	#49
نوار الياسمين	رد: "قصة إنسان" "قصة إنسان" الله يعطيكي الف عافية عنجد زوء وبتعئد..بانتظار البارت الجديد ياعسل

	#50
غسق الكويت@	رد: "قصة إنسان" "قصة إنسان" هالبارت تعمدت أنزله طووووووووويل أتمنى يعجبكم أبي ردود عليه عشان أكمل