 |
  |
|
|
|
|
#41 |
|
|
رد: "قصة إنسان"
ثلـــــــــــــــــــــوج
فديت تشريفج وأوعدج بالفصول الجاية أحداث كثيرة راح تعجبج |
|
|
#42 |
|
|
رد: "قصة إنسان"
بانتظارك يالغلا
|
|
|
#43 |
|
|
رد: "قصة إنسان"
البارت الجاي
طويل شوي أتمنى يعجبكم |
|
|
#44 |
|
|
رد: "قصة إنسان"
__الفصل الخامس عشر__
مر ثلاث شهور على زواج خليفه _كانو الشباب مجتمعين بالشاليه _دخل عليهم بدر_ بدر: شباب أبشركم راكان: بشر عسى خير بدر: باركولي بتزوج طلال: منو تعيسة آآآقصد سعيدة الحظ بدر: شوق بنت أخو أنور راكان: بس شوق متزوجه وعندها بنتين بدر: تطلقت قبل 6شهور وخطبتها قبل أسبوع واليوم أنور بلغني أنها وافقت زياد: ألف ألف مبروك تستاهل كل خير يابدير الشباب: ألف مبروك بدر: الله يبارك فيكم _دخل أنور عليهم وقامله بدر_ أنور: بالمبارك إن شا الله بدر: الله يبارك فيك راكان: من قدك حبيب قلبك صار نسيبك أنور: لي الشرف والله بدر: تسلملي وآنا اللي لي الشرف والله_ دخل عبدالله وبسام_ عبدالسلام: يامرحبا يامرحبا سعيدان وعليان وصلو بسام: لو سمحت معاك عمامك الضباط عبود وبسوم عبدالسلام: عمت عين العدو الشباب: ههههه بسام: ماجد وين راكان: مادري عنا وبعدين ماجد وخليفه من تزوجو ماصرنا نشوفهم إلا نادر بدر: إي والله صارو مايبينون _لديك رساله جديده_ راكان: منو مرسلك زياد: ماأدري خلني أشوف _فتح زياد الرساله وكانت من نفس الرقم(كل همي ماابيگ عني تغيب@ كن شوفگ صار للخافق دوا% شف غلاك بالحناياشي عجيب@ وخاطري عطشان منگ ماارتوا% قلبي المجروح من بعدك عطيب@ ومن عقب فرقاك قلبي ماقوا% الجروح اليوم ماظني تطيب@ &غيرلاصرناانا وانت سوا&) راكان: منو زياد: هاه لا رقم غريب مأذيني راكان: طيب رد عليه زياد: تدري هذا من متى راكان: من متى زياد: من أيام الثانوي كان يرسلي على رقمي القديم وغيرته وماأدري من وين جابه راكان: يمكن يعرفك زياد: إلا أكيد راكان: طيب دق عليه زياد: خلني أرسله أحسن _أرسل زياد رساله( أنا مولج أنا ملك وحده غيرج افهمي ولاتحرقين أعصابي اللي فيني يكفي) _ردت عليه( زياد حرام عليك ليش سويت فيني جذي أنت تدري إني أحبك)_أرسلها_( أشواق أقدر أكلمج)_ردت_( أنتظر اتصالك)_ قام زياد وطلع عند المسبح_طوط طوط_ زياد: ألو أشواق بصوت يرجف: هلا والله زياد: أشواق شلونج أشواق: آنا بخير بس أشلون عرفت إني أشواق زياد: لأن باختصار مافي غيرج يقدر يجيب رقمي والشي الثاني جرأتج هي اللي خلتني أعرفج أشواق: زياد آنا أحبك زياد: اسمعي يابنت الناس آنا بإمكاني أفضحج أو أعطي رقمج لواحد من ربعي بس لامو زياد اللي يسويها أشواق آنا ريال متزوج خلاص وعرسي بعد ثلاث شهور وأعتقد إنتي عندج خبر بهالشي عشان جذي حبيت أقولج ابعدي عن طريجي وإذا تحبيني صج لاتسببيلي مشاكل وأتمنى إنج تنسين رقمي والله يوفقج مع اللي يستاهلج_ قامت تبجي _ أشواق: بس آنا أبيك أنتا وما أبي غيرك حس حرام عليك زياد: بس آنا ماأبيج تفهمين شنو ماأبيج أنتي إنسانه جريئه ولوكان غيري كنتي سويتي معاه نفس الشي أشواق: زياد ماعهدتك قاسي طيبتك هي اللي جذبتني لك زياد: اعتبريها طيش مراهقه وأنسي زياد وعيشي حياتج ياأشواق _زاد بجيها _ زياد: أشواق تكفين آنا ماأستاهل دموعج أشواق: انتا لوتبي عمري أرخصته لك زياد: أشواق عمرج يستاهله اللي يقدرج واللي بتكملين معاه حياتج أشواق: ماتخيل نفسي لغيرك أوهمتني بنظراتك وكلام عيونك وبالأخر أنصدم بخبر زواجك زياد: عيونج كانت تجذبني لكن تصرفاتج نفرتني منج آنا لايمكن أرضي لنفسي أكمل حياتي مع وحده تراسل ريال ماتعرفه وغير هذا من قلتلج بكلمج على طول رديتي أشواق أنتي ماتصلحيلي _سكر التلفون_ رفع راسه فوق وقعد يطالع السما _جاه راكان _ راكان: زيود شفيك ومنو كنت تكلم _انتبه زياد_ زياد: هاه لا محد _لحظة صمت_ زياد: راكان راكان: هلا زياد: شنو شعورك لما يكون في شخص يحبك ويغليك وأنت تجازيه بصد وكلام مثل السم راكان: وقتها راح أعرف إني إنسان بدون مشاعر ولااحساس بس زيود شتبي توصله زياد: لاماكو مجرد سؤل راكان: بمشيها لك ولو إني موقادر أبلعها بس ياالله قوم خلنا نروح للشباب لأن خليفه اتصل ويقول إنا ياي بالطريج_ راحو عند ربعهم وقعده وسوالف وضحك وبعدها جاهم ماجد وهو يرقص _ خليفه: بسم الله الرحمن الرحيم الولد من بعد هالعرس باقي العقل طار زياد: مجود ونسنا معاك ماجد: بصير أبو تفهمون شنو بصير أبو بندر ياي بالطريج خليفه: بالله ماجد ماجد: والله والله بصير أبو الشباب: ألف ألف مبروك_ قامو بسام وعبدالله وقعدو يرقصون معاه_ راكان: الحمدلله على نعمة العقل طيب مجود مستانس إنا بيصير أبو أنتو شكو ترقصون معاه بسام: مستانسين معاه _بعد الرقص قعدو يسولفون_ دق تلفون زياد _طالع المتصل كانت <أم مشعل>_ زياد: هلا والله هلا ومرحبا مضاوي: هلافيك ياالغالي بشرنا عنك زياد: والله الحمدلله بخير شخبار مشعل وترف مضاوي: بخير ومشتاقين لخالهم زياد: يابعد خالهم آنا بالليل برد مع راكان طلعيهم لي برا مضاوي: متى الساعه جم زياد: يعني عالساعه 2 وأنتي ليش ماتيينا صارلج مده ماييتي مضاوي: شسوي ماأقدر أخلي راشد بحاله زياد: سلامت قلبج أنتي وياه ليش ياهل تخافين عليه مضاوي: لاوالله زيود بس راشد تعبان ومحتاجني عندا زياد: تعبان بس راكان ماقالي إنا تعبان ليش شفيه مضاوي: يمكن نسى والله ماسكته الكحه والربو متعبه زياد: مايشوف شر إن شا الله أهو بالبيت الحين مضاوي: إيه كاهو قاعد يلعب توته زياد: عيل آنا يايكم مع ريكو الحين مضاوي: حياك الله _سكر زياد من مضاوي_ زياد: راكان _كان راكان يسولف مع أنور_ راكان: هلا بو صقر زياد: راشد تعبان وماتقولي راكان: إي والله تعبان متعبا الربو زياد: زين قوم خلنا نروحله راكان: زيود ودي أقعد مع الشباب زياد: براحتك آنا ماشي راكان: لايبه إذا بتروح خذني معاك زياد: عيل ياالله....شباب بالإذن آنا وراكان بنمشي خليفه: وين وين مامحد يمشي منكم زياد: ودي أقعد يابو حمدان بس راشد تعبان بروح أشوفه خليفه: ليه وش عنده راكان: والله الربو متعبه ودايم حاطيله الكمام خليفه: لا مايشوف شر إن شا الله سلمولي عليه زياد وراكان: يوصل_ طلعو زياد وراكان وراحو لبيت راكان وصعدو زياد وراكان لشقة راشد _ طق طق طق_ راشد: هلا والله يامرحبا_ زياد استغرب من شكل راشد عيونه حمر حيل_ زياد: هلابك أكثر _دخلو وقعدو وبعدها جتهم مضاوي_ مضاوي: هلا والله بالغالي ياحي الله زياد: هلا فيج شخبارج_سلم عليها وقعد_ مضاوي: بخير دامني شفتك يابعد أختك راشد: زياد ترا بديت أغار منك زياد ومضاوي: ههههه زياد: ياخوي لك محد ماخذها منك إلا وين مشعل وتوته مضاوي: راشد الله يهديه نوم مشعل غصبن عنا قعد يهز فيه لما نام وتوته نامت قبل شوي راشد: شفيكم صايرين عكس بعض راكان: لوك يديد زياد: والله صدفه_ (كان زياد لابس بلوزه سوده حفر وبرمودا بيضا وصاير مجسم وشعره كثير حيل ويوصل لأخر رقبته ومسويله عوارض)_(راكان لابس بلوزه بيضا حفر وبرمودا سودا ومجسم ومحلو شوي ومطول شعره ولحيته طالعه شوي أكثر من زياد)_ زياد: سلامات يابومشعل يقولون تعبان راشد: والله شسوي الربو متعبني وفي شي ثاني بعد زياد وراكان: ههههههههه _استحت مضاوي وقامت _قعدو شوي وبعدها راح زياد لعيال أخته وحاول يقعدهم وترف قعدت أمامشعل بسابع نومه ولعبها وبعدها طلع هو وراكان _ زياد: ريكو متى تحدد عرسك راكان: إن شا الله باجر أروح الفندق وأحدده زياد: أي فندق ناوي راكان: إن شا الله ريجنسي زياد: ليش تقلد راكان: فكل قرين بالمقارن يقتدي زياد وراكان:هههههههه زياد: أمس رحت واخترت الغرفه آنا وأم غلا وأم جاسم راكان: ماشا الله بسرعه زياد: أي بسرعه والعرس ماباقيله شي وبعدين الدوام مومخليلي وقت راكان: وأنت صاج الدوام متعبنا وهاد حيلنا زياد: شرايك نروح نتعشا بمغل محل راكان: والله يبتها آنا ميت يوع ومشتهي عيش هندي زياد: عيل توكلنا على الله _راحو وتعشو بالمطعم وردو بيوتهم _بعد شهر_ كان زياد قاعد ببيت أمه هو وسالم وناصر وخاله فواز _ سالم: هاه زياد مابقى شي عالعرس زياد: آآآآههه ياعمي ماهم إلا هم العرس فواز: عالأقل أنتا لقيتلك مره بس آنا أبي أتزوج زوجوني ياعالم الكل: ههههههه زياد: عندي لك مره شرايك أخطبها لك فواز: اخلص اشتنطر ناصر: زيود صاير خطابه زياد: خالك هو السبب ولا آنا اش لي بهالسوالف هنادي: منو هذي زيود زياد: يمه ريم أخت راكان رفيجي هنادي: والله ريم خوش بنت فواز: مو مهم المواصفات المهم مره ناصر: خالي اثقل اشفيك فواز: هنادي امسكي عيالج لامايحصلهم طيب _(طبعآ ناصر صار عمره 20سنة) سالم: عيالنا صاجين اثقل شوي خلاص ياأم زياد توكلي على الله واخطبي البنت لفواز وفكينا منا فواز: اللي بعمري صار عندهم أحفاد _طق الباب وكان اللي جايهم هاني وعياله يوسف عمره20 ويعقوب18_ سالم: ياهلا ومرحبا حياالله أبويوسف هاني: هلا فيك ياغالي والله يحييك _قامو سلمو عليه_ هاني: زياد شلونك زياد: والله بخير الحمدلله هاني: وينك ماتبين مانشوفك ناصر: موفاضي مشغول يجهز حق المعزبه زياد: ناصر ناصر: عيونه زياد: وجع ناصر: بعدوي هاني: هذا شفيه صاير ملقوف اعقل ياصبي سالم: سبحان اللي خلق وفرق بين ناصر وزياد ناصر: ليش يبه آنا شفيني سالم: أنتا أنتا عين السيح كامل والكامل الله هنادي: ناصر اترك عنك اللقافه ناصر: يايمه هنادي: هاه يايمه ناصر: هذي مو لقافه هنادي: عيل شيسمونها ناصر: هذي يسمونها حوار معاكس _سالم قعد يصفق_ الكل: ههههههه سالم: خوذو الحكمه من حلج ناصر ناصر: أشكرك يبه الكل: هههههه زياد: يعقوب شمسوي بالجامعه يعقوب: ندمان إني دخلت هالتخصص زياد: ليش الآداب حلوه يعقوب: أي حلوه بحول لعلوم سياسيه زياد: الله يخلف عالسياسه إذا أنتا وناصر ويعقوب فيها ناصر: احنا اللي راح ننشر السلام بالعالم فواز: واضح من عيونكم ناصر: احنا ننشر السلام وزياد يحل المشاكل هنادي: نصور ناصر: خلاص خلاص سالم: زياد إذا بيحل مشاكلكم بيتعب زياد: قرادتي ياعمي آخر عمري أقعد أحل مشاكل نصور ويوسف ويعقوب هاني: إلا صج زياد شمسوي بهالمحاماه زياد: والله الحمدلله ماشي تمام هاني: زين زيود في واحد من الربع بسوي قضيه وبقولا ييي عندك زياد: حياه الله ياخالي بس بخصوص شنو هاني: يقول ولدا ماسكينه بقضية مخدرات ويبي محامي يطلعه براءة زياد: بس خالي اهي له ولالغيرا هاني: أهي له ومعاه ربعه بس يبي أحد يطلعه من القضيه زياد: بس ياخالي هذا ظلم ماأقدر أمسك قضيه فيها ظلم فواز: ياي يازيود يعني مسوي فيها ضمير زياد: طبعآ ضمير يافواز ولاشلون خالي اسمحلي ماأقدر هاني: زياد حاول زياد: أسف خالي ماأقدر لوغيرها على عيني وراسي هاني: زين مني مناك لاتحرجني قدام الريال سالم: بويوسف قالك مايقدر خلاص لاتضغط على الولد _قعدو سوالف ونقاشات وبعدها نزلت ندى وفي واحد سرح بوجهها(كبرت ندى واحلوت زياده وكانت تشبه أمها حيل ونعومه وكانت لابسه بجامه وهالشي عصب بزياد بس كتم هالشي)_ ندى: السلام عليكم الكل: وعليكم السلام هاني: هلا هلا بندى يامرحبا حبيبت خالها تعالي عندي ندى: هلا فيك خالي شخبارك هاني: آنا بخير دامج بخير يابعد خالج ناصر: الله يخلف عليك ياناصر المدح لندى وأنت روحتك وقعدتك واحد_ يعقوب انتبه لأخوه وطقه بكوعه_ يعقوب: يوسف فضحتنا يوسف: هاه شفيه يعقوب: انتا اللي اشفيك كليتها بعيونك استح على وجهك أبوها وأخوانها قاعدين يوسف: من أشوفها مدري شاللي يصير فيني _سمع زياد أخر جمله _ زياد: يوسف بغيت شوي يوسف: هاه آنا زياد: إيه أنتا شفيك تعال بعطيك شي من السياره لأني بمشي _التفت لأمه _ زياد: يمه تآمريني على شي هنادي: أبي سلامتك يمه زياد: ترا باجر أمرج عشان تشوفين آثاث الشقه هنادي: إن شا الله حبيبي ناصر: الله يبلغج بناصر يارب هنادي: آمين يارب فواز: ملقوف طول عمرك ملقوف ناصر: الخال والد فواز: انطق أحسن لك زياد: فواز حدك عاد ترا مالي عزوه كثره ناصر: على راسي والله ياعزوتي أنت فديتك فواز: مااجتمعتو على خير ناصر: مخلين الخير لك _ طلع زياد والحقا يوسف وصعد زياد همره والباب مفتوح وجاه يوسف ووقف عند الباب _زياد قاعد يحوس بالسيارة_ زياد: يوسف ابعد عن ندى أحسن لك ونظراتك الخايسه هذي ماأبي أشوفها ولابتشوف شي عمرك ماشفته يوسف: بس زياد زياد: آنا حذرتك وإذا كررتها مره ثانيه بوريك الويه الثاني سمعت احترم نفسك وخلك ريال _سكر باب سيارته ومشا _ظل يوسف واقف مصدوم من كلام زياد أول مره يشوف زياد معصب _بعدها دخل البيت _أما زياد كان معصب طول الطريق _ زياد: أستاهل مثل ماسويت ببنت الناس هذي الحين ردتلي _طق السكان بإيدا حيل وطلع لساحة تراب قريبه منا وقعد يقحص فيها وهو معصب وبعدها وقف وحط راسه عالسكان _ زياد بصوت عالي: أستاهل آنا أستاهل كل اللي يصيرلي _ورفع راسه ورد جسمه ورا _ زياد: يارب لاتعذبني بهالذنب استغفر الله وأتوب إليه _بعدها شغل سيارته ومشا البيت _دخل وصعد لغرفته وتسبح وبدل ملابسه _فتح اللابتوب وشغل القرآن على صوت الشيخ توفيق الصايغ وعلا عليه _طاح على سريره وهو تعبان _ظل منسدح لما نام _ عند موضي وزوجها _ موضي: محمد اترك ايدي محمد: زين سمعيني موضي: ماأبي أسمعك تفهم اترك إيدي أحسن لك محمد: موضي حياتي افهمي موقفي وبعدين احكمي موضي: افهم شنو قولي افهم شنو أكثر من الخيانة يامحمد اش بتقول محمد: حياتي ليش تسمينها خيانه موضي: تكلم وحدا ماتعرفها وتقولي موخيانة أنتا موكفو قلب يحبك ويغليك أنتا واحد حقير ونذل ماقدرت تتحمل انشغالي مده شهرين وكلا علشان بناتك على طول رحت تغازل أنتا حقير حقير _ماحست إلا بذاك الكف على وجهها اللي طيحها بالقاعه _حطت إيدها على خدها وطالعته بنظرة تحدي _ موضي: اطقني يامحمد آنا موضي اطقني يامحمد بسيطه ظنك إنا ماوراي ظهر _قامت تركض وخذت سويج سيارتها والبست عبايتها وملفعها وطلعت _أما محمد ظل واقف ويطالع إيده _ بعصبيه طق إيده بالطاوله_ محمد: ياليتج انقطعتي قبل لاتنمدين على موضي_ طلعت موضي لبيت أبوها وطقت الباب وافتحتلها الخدامه _ موضي وهي تبجي: وين بابا الخدامه: موموجود موضي: زياد موجود الخدامه: فوك<فوق> _صعدت موضي لغرفة زياد وافتحت الباب ولقته نايم _طفت اللابتوب _ وقعدت عنده _حس فيها زياد وقعد_ زياد: أم جاسم موضي: آسفه زياد قعدتك من نومك زياد: لاعادي بس جم الساعة الحين موضي: الساعة 11 زياد: غريبا محمد مخليج عندنا لهالحزه _قامت تبجي موضي_ قاملها زياد_ زياد: أم جاسم ليش هالدموع محمد فيه شي جاسم وخواته فيهم شي موضي: جاسم طقني يازياد طقني طلع يغازل ويكلم من وراي يازياد زياد: ابن الذين يمد إيدي عليج بأي حق هالنذل ويخونج بعد _زاد بجي موضي_ زياد: مايدري إنا وراج ظهر امشي معاي موضي: وين زياد: امشي انتي _خذاها وراح لبيت موضي _ افتحت الباب وكان محمد قاعد بالصاله وحاط إيده على راسه _لما انفتح الباب رفع راسه_ محمد: موضي زياد: قالولك بنات الناس لعبه عندك _جاه زياد وحاول يطقه_ موضي: لا لا زياد محمد: طقني يازياد آنا استاهل الطق _التفتلها زياد_ زياد: خفتي عليه_كان محمد ضعيف حيل وشكله صغير جنب زياد _ نزلت موضي راسها _ موضي: لازياد لاتطقه بس حبيت أبينله إنا وراي ظهر زياد: شفت يامحمد هذي اللي ماقدرتها شهرين بس انجوم القايله أقربلك منها موضي اخذي عيالج وامشي معاي آنا أنطرج بالسياره موضي: إن شا الله _دخلت خذت عيالها وحطت ملابسها بجنطتها_ محمد: موضي موضي: بس ماأبي أسمع صوتك _جاها طاح على ركبته ومسك إيدها وباسها وطالعها بنظرت توسل_ محمد: توبه والله ماأعيدها _حط خده على كفها _مسكت تلفونها وأرسلت لزياد_(خلاص روح)_رد عليها_(الله يوفقكم)_ رد لبيتهم _ بعد شهرين وبالتحديد يوم عرس بطلنا كانو خواته مسوين العرس روعه_ كانت الكوشه فيها خيوط من فوق لي تحت وإضاءه صفر وورد منثور بشكل عشوائي عالكوشه والكرسي واحد والأستيج شفاف وتحته إضاءة صفرا ورد مجفف معبي الاستيج كله_ أما لبسهن _(نشميه لابسه ثوب بنفسجي غرمزي ناعم كت وضيق ولابسه سديري خامة مشبكه وشغله بالذهبي ومسويه تسريحه رافعه شعرها كله ) _ أما موضي(لابسه ثوب أبيض حفر ناعم وبس شغل خيوط بالظهر علامةx لونهم أحمر وكسره مخفيه من ورا بنهاية الخيوط وشغل خفيف عالصدر بالأحمر ومسوية تسريحه نازله عن جنب وحاطه فيونكات بشعرها)_ أما مضاوي (لابسه ثوب لونه بني ناعم ولابسه كم بيد وحده هدب<خيوط> شابكه باليد ونازله وأخرهم شوارفسكي لونهم بني بأفوايت ومسويه تسريحه رافعه شعرها ونازل خصله وحده عن جنب ومركبه شوارفسكي بشعرها) _ أما هنادي (كانت لابسه ثوب بيذنجاني ناعم وسديري شغله من ورا بشوارفسكي سلفر ومسويه شعرها تكسير ولامته عن جنب) _أما ندى ( كانت لابسه ثوب فوشي ناعم ومفتوح عن جنب للركبه وشغله خفيف من فوق وكعب ربط فضي ومنزله شعرها كيرلي وحاطه فيونكات بالشعر لأن شعرها لنص فخذها) _أما بطلنا كان بالبيت مع ربعه _ ماجد: كيليليليليليليلش زياد: هههههه يابعد عمري ياماجد والله إنك تونس راكان: زيود ياالله عمي دق يقول استعجلوا زياد: ريكو قلبي بدا يدق خليفه ماجد حسيتو باللي أحس فيه خليفه: لاتذكرني يازين ذاك اليوم ماجد: زيود عادي رهبه وبتروح زياد: الله يطمن قلوبكم _دخلو بسام ومشاري وأنور وعبدالله وعبدالسلام وبدر وقامو يرقصون عرضه _ الكل: نقول اليوم مبروك لعرس زياد هنوه وخذانا داعي اللي ومشرفنا محلي ماجد: العب العب _قام زياد يرقص بينهم_ خليفه: ياصبي اعقلي ياجماعه المعرس انهبل ماجد: مالوم اللي يلومه الكل: ههههههه مشاري: طلول وين زياد: عند الأهل عشان ييبهم الصاله الشباب :آييييي عبدالسلام: ياخطير ياالأهل أنور: عشنا وشفنا راكان: ليش مومالي عينكم ياالله انت وياه ترا تأخرنا بدر: اشتغلت الفزعه زياد: على راسي والله_ مشت الزفه لصالة الرجاجيل وكان أبوه وسالم وفواز وهاني وناصر ويعقوب باستقبالهم_ دخل زياد وسلم عالحضور وبدو الناس يجون ويهنون_ زياد: ياهلا ومرحبا بالشيخ الشيخ يوسف: بالمبارك إن شا الله زياد: الله يبارك بعمرك ياشيخ الشيخ: بارك الله لكما وبارك عليكما وجمع بينكما بخير زياد: آمين والله يجزاك الجنة ياشيخ الشيخ: أجمعين إن شا الله عندي لك مفاجأة زياد: خير إن شا الله _التفت الشيخ لورا_ الشيخ: تعال ياأستاذ فارس _انتبه زياد للشخص وبصوت عالي_ زياد: ياهلا وغلا ومرحبا هلا فيك ياأستاذ منور فارس: هلا فيك أكثر وألف مبروك ياالغالي تستاهل كل خير زياد: الله يبارك فيك ياي ياأستاذ من زمان عنك والله اشتقنالك فارس: ومنو سعيدة الحظ من قريب ولامن بعيد زياد: اخت رفيجنا طلال فارس: ماشا الله صرت نسيب طلال بالمبارك إن شا الله_ جو الشباب وسلمو على الشيخ والاستاذ_ خليفه: والله ياأستاذ اشتقنالك واشتقنا لنصايحك ماجد: يازين ذيج الأيام ياأستاذ فارس: أنتو المجموعه الوحيده اللي لايمكن أنساها إلا شخباركم شمسوين منو تزوج فيكم خليفه: والله الحمدلله بخير ونعمه وأبشرك أنا أعرست لي ست شهور وادعولي الله يرزقني بالذريه الصالحه فارس: آمين ياخليفه أنتا تستاهل كل خير وأنتا ياأنور ماتزوجت أنور: لاحقين عالمسؤوليه خلنا نستانس شوي فارس: ههههه والباجي ماجد: آنا الحمدلله تزوجت قبل خليفه وبصير أبو بعد 3شهور وراكان ناسب خليفه فارس: ماشا الله الله يصلحه إن شا الله وأنتا راكان مالقيت إلا خليفه تناسبه راكان: قراده ياأستاذ الكل: هههههه خليفه: راكان لاتخليني أهون ترا محد أقنع أبوي غير راكان: لا لا لا خلاص أحلى نسب والله _كان زياد مشغول بالسلام على الضيوف وحضرله شخصيات مهمه ومعروفه _ كانو الشباب قاعدين مع شيخهم وأستاذهم وضحك وسوالف _ زياد: راكان نادلي أبوي راكان: عمي راح عند الشيخ يوسف _ قعدوا شوي وبعدها قامو وتعشوا وردو _أماراكان ماترك زياد ولادقيقه _ الشيخ: ياالله زياد نستأذنك نبي نمشي والله يوفقك ويباركلك زياد: تسلم ياشيخ والله حضورك شرف لي فارس: بالمبارك يامحامينا ومنك المال ومنها العيال زياد: الله يبارك بعمرك ياأستاذ والله يكتب اللي فيه الخير _مشو الضيوف وراح زياد للبيت وبدل دشداشته وعدل شكله وقعد مع ربعه وناصر أخوه_ راكان: بوصقر تبخرت زياد: لاوالله حطلي خليفه البخور ونسيت لاتبخر_ جابله راكان البخور وقعد يبخره_ ماجد: ماشا الله يالك حضور موطبيعي خليفه: والله إنا جيت الأستاذ فارس ونستني زياد: وأنتا صاج ماتوقعتا يجي نهائي راكان: عمي صقر يقول إنا هو اللي داعيه زياد: أبوي بس وين حصله راكان: يقول لقاه عند الشيخ يوسف كانو قاعدين بالمسيد _جاء ناصر_ ناصر: زياد هاك أمي تبيك زياد: هلا يمه هنادي: هلا حبيبي زيود يمه ترا العروس الحين تدخل يعني امشو الحين زياد: إن شا الله يمه _سكر التلفون _ ناصر: هاه زياد شتبي أمي زياد: تقول تعالو الحين راكان: توكلنا على الله _بالصاله دخلت حنين على شعر كاتبه لها أخوها طلال _كانت روعه _(كانت لابسه ثوب أبيض ثلجي نافش كبير ومن فوق عند الصدر شريطه سلفر ومن ورا بنهاية الظهر فيونكا كبيره سلفر وكسره كبيره من ورا وداخلها شيفون مشكوك بسلفر ومن جدام منثور شوارفسكي سلفر بس تحت ومسويت شعرها كيرلي ولامته عن جنب وممسوك فيونكه سلفر ناعمه ومسكتها ورد ه شوارفسكي سلفر وحده وساق الورده قزاز وحاطه مكياج ناعم وكانت عيونها واسعه وخشمها صغير وحلجها صغير وملامحها طفوليه حيل)_< حنين توأم طلال وتشبهه حيل ودايم طلال يقولون عنا ربعه إنا بيبي فيس>_دخلت وقعدت وكانت خايفه والارتباك باين عليها وعيونها بالقاع مانزلتهم _قعدت شوي بعدها _ --: المعرس وصل _ لبست هنادي عبايتها الكتف ولفت ملفعها والبسو خواته عباياتهم _دخل زياد ودخلو معاه أبوه وناصر وفواز وهاني وسالم لأن صقر أصر عليه وعيال خاله _أول مادخل كانت أمه جدامه _حبها على راسها وكانت ترقص قدامه _وصل للكوشه وقعد جنب عروسته_ سلم صقر على العروس _قعدو يرقصون ناصر ويعقوب ويوسف _وبعدها سحبهم فواز برا وطلعهم _سلم زياد على خواته ولما جاء يبي يقعد التفت وشاف حنين وقعد يطالع فيها بس انغزته نشميه وانتبه وقعد_ --: بالمبارك يازياد_ رفع زياد راسه وشاف كل اللي حوله منصدمين من اللي واقفه_ زياد: الـ ـلـ ــه يـ ـبـ ـارك فـ ـيـ ـج أشواق: الله يهنيك مع اللي اخترها قلبك _وقفت تطالع فيه ولاحظ تغيرها ضعفانه حيل ووجهها متغير وباين الذبول فيه_ بعدها راحت ودموعها بعينها _ ظل زياد يطالعها لما اختفت عنه _تعوذ من ابليس وتذكر الملاك اللي قاعده جنبه _ اطلعو المعاريس وكان طلال ينطرهم عند السيارة _ طلال: ألف مبروك ياالنسيب زياد: الله يبارك فيك والله فقدناك اليوم _ركبو السياره وكان طلال يسوق ومعاه أخته حنان _ طلال : زياد ماأوصيك حيلك فيها زياد يطالعها بطرف عينه: أفا عليك لاتوصي حريص طلال: ترا راسها قوي وعوبه زياد: قتلك لاتوصي حريص _حنين بينها وبين نفسها: هذا من الحين جذي الله يعيني_ زياد: على فكرا طلول انسى إنا لك أخت سمعت _طلال حب يلعب على أخته لأنه يعرفها خوافه_ طلال: خلاص يازياد باجر بتمشي إن شا الله _زياد فهم قصد طلال وكمل اللعبه_ زياد: شسوي ياطلال أنا أخذت هالقرار ماأقدر أغيره طلال: بس يازياد مافكرت عدل الهجره موشي سهل والغربه صعبا اسأل مجرب آنا أربع سنوات ياالله صبرت أنتا باجي عمرك شلون بتصبر زياد: ربك كريم ياطلال ولاتنسى سلم على أختك قبل لاتمشي _ انصدمت حنين من اللي اسمعته ودمعت عيونها وكانت مغطيه وشاف زياد دمعتها طاحت على إيده لأنه ماسك إيدها_ زياد: حنين ليش تبجين _هالسؤال خلاها تبجي أكثر وصارت تشهق _ لو زياد ذراعه على رقبتها وسحبها له_ زياد: هههههه حنين ههههه طلال أختك مشت عليها اللعبه ههههه حنين ترا أضحك معاج والله طلال: حنون هههههه صدقتي ياالخبله ههههه _زاد بجيها وكان ودها تخنقهم اثنينهم _وصلو البيت ونزلو وساعدها طلال عشان ثوبها كبير لما دخلو البيت وصعد زياد لشقته وكان أبوه معطيه الدور الثالث كله له وكانت شقته غرفة نوم كبيره وداخلها غرفة ملابس وجنبها حمام والغرفه الثانيه غرفة مكتب له وصالة آثاثها موديرن ومطبخ وسط بس مفتوح عالصاله وغرفة فيها طاولة طعام جنب المطبخ وفيها بلكونه وتطل عالحديقه_ دخلو وقعدها بالصاله وجتهم المصوره بتصورهم_ زياد: لو سمحتي لاتصورين المصوره: ليه ياأستاز عشان الزكرى زياد: صورنا بالصاله وخلاص المصوره: بس ياأستاز طلال: خلاص صوري الشقه واطلعي _ طلعت المصوره _ زياد: وانتا بعد ياالله برا طلال: أفا تطردنا زياد: أخذنا حاجتنا منك برا طلال: بسيطه أردها لك _طلعو وقعد زياد جنب عروسته وكانت خايفه وترجف _ حط زياد إيده على راسها _ زياد: بارك الله لنا وبارك علينا وجمع بيننا بخير _ارتاحت شوي _ زياد: الله يسخرنا لبعض ياحنين _قعد شوي وبعدها قامت بدلت ثوبها وجت بتقعد_ زياد: لحظه حنين خلينا نصلي ركعتين عشان الله يباركلنا بحياتنا _حست إنه كبر بعينها_ قامت ولبست ملابس الصلاة وصفت وراه وصلو جماعه وبعدها صلو الوتر ودعو ربهم إنا يوفقهم بحياتهم ويسخرهم لبعض _ خلصو صلاة وقعدو بالصلاة_ زياد: حنين سمعيني في جم شغله بقولها لج حنين: -- زياد: أمي ثم أمي ثم أمي ياحنين أنتي تعرفين وضعي وأعتقد طلال كلمج عني هالله هالله بأمي ياحنين وأبوي ماأوصيج عليه تراه طيب وحبوب اعتبريه أبو لج وخواتي تراه أغلى ماعندي ماأبي بيوم أسمع شي يضايقني بينكم أما الطامه الكبرى مرة أبوي فعطيها أذن من طين وأذن من عيين وكبرى عقلج وماعليج منها حنين بصوت واطي: إن شاالله زياد: وقبل هالشي ياأخت الغالي آنا عندي لج هديه _راح وجاب كيس من الغرفه ورد _فتح الكيس وطلع منه صندوق كبير ومغلف بشكل حلو فتح التغليف وعطاه علبه صغيره وبعدها فتح العلبه الكبيره _طالعت حنين اللي بالعلبه وكانت مفاجأة لها _ زياد: هذي هديتي لج وأتمنى تقبلينها حنين: أبشر باللي يرضيك زياد: أبي اللي يرضي ربنا ياحنين بصراحه آنا أناني وماأبي أحد يشوف زوجتي غير محارمها _كانت الهديه عباية راس ونقاب واتسوس _(للمعلوم حنين كانت بس تلبس عباية كتف وملفع وكاشفه وجهها) _ زياد: ياالله ياالغاليه ماودج نروح لغرفتنا _مسك إيدها وراحو لغرفتهم _نخلي معاريسنا يرتاحون _ أما راكان كان قاعد بغرفته ودموعه بعينه _ راكان: آآآآهههه يازياد الليله يت من تشغلك عني حتى اتصالك قبل لاتنام فقدته اليوم ياغالي _مسح دموعه_ راكان: الله يوفقك يازياد ويرزقك على قد نيتك ويعوضك عن الضياع اللي عشته ياغالي _قام وتوضا وصلى القنوت وبعدها صلى الوتر وكان يدعي وهو يبجي _ راكان: يارب وفقه واسعده يارب يارب سخرلها له وسخره لها وجملهم بعيون بعض يارب وأكفيه شر مرة أبوه يارب ووفق خليفه وماجد يارب _وقعد يبجي وبعدها سلم وانسدح على سريره وفتح الكومودينو وطلع صندوق كبيره خذا وحطه عالسرير وفتحه كان كله صور له ولزياد ولربعه صورهم أيام الثانوي وأيام الدراسه بأمريكا وأيام طلعاتهم لشاليه وللبر وأيام العمره وكل صوره له كان هو وزياد مع بعض_ دق تلفون راكان وكانت نغمته الخاصه بربعه_(تذكر المسجد هذاك اللي يم بيوتنا بيت ثاني بيت دافي جنة بالنسبه لنا آه ياصوت المؤذن قبل ماينهي الأذان تذكر نسابق بعضنا منهو يحتل المكان)_<حبكمZحق>_يتصل بك_ راكان: ألو هلا زياد: تتوقع بنساك الليله راكان: آآآههه شعندك داق زياد: موزياد اللي يسويها حبيت أقولك إني بنام تآمرني على شي راكان: زياد زياد: تاج راسه راكان: أبي سلامتك ونوم العوافي ورؤا صالحه زياد: لاتنسى تقعدني لصلاة الفير راكان: أوامر ثانيه زياد: إذا لي خاطر عندك أمسح دموعك راكان: من قالك إني أبجي زياد: موعلى قلبي ياريكو راكان: أبشر ياغالي والله يوفقك زياد: ويوفقك يابعدهم أنتا راكان: وبعدها زياد: وبعدها ياغالي راكان: ههههه الحين تطمنت زياد: ارقد وآمن ههههه _سكر التلفون_ راكان: ياحبيبي يازياد مانسيت صاحبك حتى بهالليله فديتك ياغالي _ دق تلفونه نفس النغمه _<شيخKالشباب>_ راكان: ألو هلا خليفه: توقعتك مانمت شخبارك راكان: آآههه إذا داق تقلب مواجعي أقولك سكر أحسن خليفة: راكان لاتلومه بكره راح تصير مثله وراح يعذرك راكان: توني سكرت منه خليفه: دقيت عليه أنت خبل راكان: آنا مادقيت أهو اللي دق خليفه: ياعله ابعدك مانساك حتى بهالليله راكان: آنا راكان ياخليفه خليفه: وهو زياد ياراكان راكان: خليفه أحس الهم راكبني من راسي لرجولي خليفه: تبي شي يشيل هالهم عنك راكان: مافي غير العرس ياخليفه ياليتني تزوجت آنا وياه بليله وحده خليفه: وش رايك باللي يريحك راكان: قول خليفه: ودك تكلم حرمتك يمكن تخفف عنك شوي راكان استانس: من صجك ياخليفه تكفى والله ودي بهالشي خليفه: ياراكان هذي زوجتك حلالتك الحين أرسلك رقمها راكان: يابعد راسي ياخليفه أرسلي الرقم بس تكفى لاتغصبها إذا ماتبي خلاص خليفه: ههههه أبشر خايف عليها بس لاتجيب العيد وتقعد تخورها عند البنت راكان: أبشر ازهلها بس _سكر خليفه ونزل لخواته_ خليفه: السلام عليكم سهرانات خواته: وعليكم السلام عنود: قاعدين نسولف عن العرس خليفه: صدق وش أخبار العرس عنود: ماشا الله عليهم خوش عرس مومخلين موحاطين خلود: والنفوس خفيفه ماشا الله عليهم عنود: بس خويك ماكأنه شايف مزين خليفه: هههه ليش وش سوا خلود: فاتح حلقه عليها وماهمه أحد من الناس عنود: عاد ماألومه ماشا الله عليها حنين مزيونه محد يقدر يتكلم عن جمالها خليفه: هههه عز الله راح فيها خويي هههه أقول خلود تعالي أبيج شوي عنود: ماشا الله صاير بينكم أسرار خليفه: أقول انطقي أبركلج خلود تعالي _راحت خلود لخليفه _ خليفه: خلود أنتي الحين مرت راكان وحقه إنج تواسينه وتكونين معاه اليوم _نزلت خلود راسها_ خليفه: خلود راكان محتاج أحد يسمعه لأنه صار بروحه الحين لأنج تعرفين علاقت راكان بزياد وزياد الحين مشغول بعرسه وراكان ظل بحاله خلود: والمطلوب مني خليفه: أنا عطيت راكان رقمج وهاج رقمه خلود: بس ياخليفه خليفه: خلاص ياخلود لاتناقشين هذا زوجج ولو طلبج الحين محد يقدر يمنعه _ارسل خليفه رقم خلود لراكان وسجل رقمه بتلفونها _ خليفه: خلود ماأوصيج على راكان خلود: أبشر _طبعآ خلود كانت مستانسه ومستحيه بنفس الوقت _ قام خليفه بيروح ينام_ خليفه: ياالله أنا أبي أروح أنام تلقين بنت عمتج بسابع نومه الحين خلود: بحفظ الرحمن _ راح خليفه لغرفته _وراحت خلود لأختها عنود _ عنود: شعنده خليفه خلود: موضوع خاص أنتي وش دخلج _دخلت عليهن بدور_ خلود: هذي أختج وحبيبت قلبج اقعدت أنا بروح أنام بدور: تو الناس مستعجله على شنو خلود: النوم أبرك من مقابلكن عنود: خليها تنام وتعالي اقعدي أبيج بسالفه _راحت خلود لغرفته وأول ماحطت راسها عالمخده جتها رساله وكانت من راكان _< أخفي غلاكم و زود الشوق يغلبني حسبي عليها مشاعر كيف ماقواها!>_ابتسمت وسجلت لقبه <لقيت روحي>_ جاها مسج ثاني_<"خلك معي دايم وانا اكون مبسوط" "لاتغيب عني يوم ويضيق صدري"!>_ ارسلها_<ياأحلى نصيب محتاج أكلمج بس إذا هالشي يضايقج براحتج ههههه لاتصدقين بكلمج غصبن عنج عيل متزوجج عالفاضي هههه فديتج أدري إنج تضحكين وتقولين شهالخبل اللي بلشني فيه أخوي> _قعدت تضحك خلود_ خلود: فديته _دق تلفونها وبعد ثلاث دقات ردت_ راكان بعصبيه: لاوالله يعني ثلاث دقات ياالله تردين موعيب عليج امنقعه زوجج هاه بنات أخر زمن خلود:ههههه راكان: ياويل حالك ياراكان أقول يابنت أنتي ناويه علي أنتي وأخوج خلود:هههه راكان: أقول خلودتي فاضيه خلود بصوت واطي: إيه راكان: مستعده تسمعيني خلود لاشعوري: كلي لك راكان: خلاص نسيت الهم يابعد راسي يازوجتي _خلود بينها وبين نفسها هذا مومصدق_ راكان: أدري بتقولي شهالنشبه بس لاتلوميني ولد فقر مومصدق إني متزوج خلود صج ضحكها هالمره:هههههههه راكان: أقول لبسي عبايتج الحين يايج أنتي ناويه تييبين أجلي اليوم خلود: اسم الله عليك راكان: ياحظي تخافين علي ياي من قدي أول مره أحس إني مهم بهالدنيا_ طبعآ راكان ينكت عليها لأن ماعنده سالفه يسولفها وغير هذا وده يمونها عليه من أول _ خلود: هههههه راكان: أقول لاتضحكين خلود: ههههه راكان: يابنت قلتلج لاتضحكين خلود: هههه خلاص ماراح أضحك هههه راكان بجديه: خلود خلود: هلا راكان: محتاجج خلود: كلي لك ياراكان راكان: آآآهههه خلود محتاج أحد يسمعني خلود: قول اللي بخاطرك راكان: تعبان ياخلود تعبان حاس هالدنيا سجن سجن كبييير ماله باب خلود: تعوذ من ابليس ياراكان ليش هالاحساس فيك راكان: ياخلود آنا وزياد أكثر من أخوان وماتعودنا نفارق بعض بس هاليوم زياد فارقني وانشغل عني وتركني ياخلود ويمكن مع الأيام ينساني خلود: راكان لوكنت أنت بمكانه تتوقع زياد يقول اللي قلته راكان: هاه ماأدري خلود: بلى أنت تدري زياد لايمكن يقولها راكان باجر أنت بتتزوج وراح تنشغل عنه بس بسألك سؤال أنت تحب زياد راكان: أكيد وأموت فيه أقولج آنا وزياد أكثر من أخوان خلود: اللي يحب ياراكان يتمنى لصاحبه السعاده والراحه ويلتمسله العذر ومايخلي لابليس مدخل على قلبه _الله أكبر الله أكبر _ خلود: راكان أذن ياالله تعوذ من ابليس وقوم صل ولاتشيل بخاطرك على رفيجك واعذره الحين صار عنده مسوؤليه مومثل قبل راكان: آآآههه كلامج يريح الواحد ياخلود وياالله أستأذنج بروح الصلاة تآمرين على شي خلود: أبي سلامتك راكان: الله يسلمج ومره ثانيه لما أدق موتنقعيني خلود: هههه أبشر _سكر التلفون من خلود ودق على زياد ومن أول دقه رد_ زياد: هلا والله راكان: هلافيك قاعد زياد: هههه ليش توقعت إني أنام الليله راكان: هههه زين ياالله انطرك بالمسيد زياد: على خير إن شا الله _سكر التلفون من زياد وتوضا وراح للمسجد_ أما زياد سكر من راكان وكان قاعد مع زوجته _ زياد: ياحياتي ياريكو مانسى يدق علي للصلاة فديته والله ياحنين هالراكان لوفي منا اثنين بهالدنيا جان الدنيا بخير شوفي إذا حملتي توحمي فيه عشان يصير ولدي مثله _حنين استحت ونزلت راسها _ زياد: قولي إن شا الله حنين: إن شا الله _راح زياد وتوضا ولبس عشان يروح للصلاة وقبل لايطلع _ زياد: بروح أصلي وأرد صلي وانطريني بالصالة بس يمكن أتأخر شوي حنين: حافظك ربي زياد: فمان الله _طلع زياد للمسجد وصلى جنب راكان وبعد ماصلو السنة قعد يقول أذكاره وبعدها _ راكان: زياد شخبارك _التفتله زياد وشاف وجهه وعرف إنه باجي _ زياد: الحمدلله بأحسن حال والفال لك إن شا الله راكان: آمين يارب زياد: ريكو آنا بمر المطعم تروح معاي راكان: ماشي توكلنا على الله _حصل أبوه عند الباب_ صقر: هاه معرسنا شخبارك زياد: الحمدلله تمام التمام وعال العال صقر: وأنتا ماتستغني عن راكان حتى بمصباحيتك مجابله زياد: هذا حبيب قلبي يابوزياد راكان: عمي حرام عليك صقر: بسم الله كلتوني خلاص ماراح أتكلم زياد وراكان: ههههه صقر: ياالله مشينا البيت زياد: لايبا بتمشا للمطعم بآخذلي ريوق حقي آنا وحنين وبعدها أروح البيت صقر: براحتك بس لاتتأخر ترا منت عزوبي مثل أول زياد: ههههه أبشر ياغالي_ طلعو لبيت راكان لأنه أقرب للمسجد وركبو سيارته وكان زياد هواللي يسوق وراحو للمطعم وبالسيارة_ زياد: راكان راكان: هلا زياد: أسألك بالله شاللي مكدر خاطرك راكان: زياد ليش تسأل هالسؤال وأنتا عارف جوابه زياد: راكان ليش تحسسني إني أذنبت لماتزوجت راكان: زياد آنا زياد: أنتا شنو ياراكان قولي أنتا شنو راكان أنتا عارف أنك عندي أغلى من هالدنيا كلها والمره غيرها ألف ياراكان بس أنتا مافي غيرك راكان: زياد زياد: خلني أكمل لاتقاطعني راكان: تفضل زياد: راكان ليش صار بقلبك شك إني أتغير عليك بعد الزواج راكان: آنا ماشكيت زياد: والدموع هذي وين أصرفها راكان: زياد صدقني ماشكيت بس فعلن فقدتك أمس زياد: قولي شنو اللي تغير _وصلو المطعم_ زياد: بنزل المطعم وراجعلك _نزل المطعم وجاب ريوق له ولراكان _صعد السيارة_ زياد: امسك هذا كيسك وحط هذا ورا راكان: أبشر _حرك السيارة_ زياد: أقول ريكو متى ناوي تفصل غرفة النوم راكان: إن شا الله الأسبوع الياي زياد: على خير إن شا الله راكان: زيود تكفى لاتآخذ بخاطرك علي زياد: أفا ياراكان آنا عمري ماأخذ بخاطري عليك بس لاتكبر الموضوع لاتشوف شي عمرك ماشفته راكان: ليش شبتسوي زياد: تبي تعرف شسوي _طلع لساحة تراب وقام يقحص _ راكان: خللللللاص تكفى زياد خلاص زياد: قول توبه راكان: توبه والله توبه_ وقف زياد ورف السيارة عالشارع وكمل الطريق للبيت_ راكان: حرام عليك سيارتي يديده ماتهنيت فيها زياد: تستاهل الكل: ههههه _وصل زياد لبيتهم ونزل _ زياد: ياالله ريكو تآمرني على شي راكان: سلامت قلبك زياد: الله يسلمك _راح راكان لبيتهم أما زياد دخل البيت وراح شقته على طول دخل الشقة ولقا حنين قاعدة بالصالة تنطره _كان(لابسه بجامه ستان بني ولامه شعرها على طوله هالشي شد انتباهه وحاطه مكياج خفيف وناعم)_ زياد: السلام عليكم حنين بصوت واطي: وعليكم السلام _جاء وقعد جنبها وقط شماغه عالغنفه _ زياد: صباح الشوق من قلب تبسم يوم صبح بك صباح الجوري الناعس على روضة غلا حبك حنين: صباح النور زياد: حنونه آنا بروح أبدل وأنتي حطي الريوق ماشي حنين: إن شا الله _راحت حنين تحط الريوق أما زياد يبدل ملابسه _بدل ملابسه (لبس برمودا برتقاليه وفيها خط عالجنب أسود وبلوزه حفر سودا وسوا شعره بجل وتعطر )_وقبل لايطلع جته رساله فتحها وكانت من أشواق_<"أحبك لين خلق الله تمدالكف للغالين تعزيهم على موتي وتقول ربي يغفر له" >_ طالع الرساله وقال بيرسلها بس بعدها تراجع _خذا تلفونه وراح لغرفة الطعام وكانت حنين حاطه الريوق _جاء وقعد قبالها وبدا يآكل_ زياد: شرايج ندق على طلول تتوقعين قاعد هالحزه حنين بحيا: إيه قاعد _دق زياد على طلال وبعد دقتين رد_ زياد: ألووووو طلال: هلا والله حياالله معرسنا زياد: هلا فيك شخبارك ياالنسيب طلال: الحمدلله بخير شخبار عروستنا زياد: الحمدلله بخير وتسلم عليك شمقعدك الصبح طلال: توني ياي من المسيد زياد: قاعدين نتريق شرايك اتي تتريق معانا طلال: من صجك أنتا زياد: ليش خبل آنا أتكلم من صجي ههههه طلال: أوريك يصير خير إن شا الله عطني حنين أكلمها زياد: لحظه _يطالع حنين _ زياد: يبي يكلمج تبينا_ نزلت حنين راسها_ زياد: تقول ماتبي تكلمك هههه لاأضحك هاك كلمها _عطاها التلفون وبصوت واطي _ حنين: هلا طلال طلال: هلا حنين شلونج شخبارج حنين: الحمدلله طلال: شخبار زياد وياج عسى ماغثج ترا صاحبي وأعرفا حنين: لابالعكس الحمدلله بخير طلال: إذا غاثج ترا احسابه عندي حنين: طلال حرام عليك لاتقول جذي طلال: عشتو خايفه عليه أمدانا حبيناه حنين: ليش ماأخاف عليه طلال: أقول افتحي السبيكر بقولكم شي _فتحت السبيكر_ طلال: مالت عليكم اثنينكم وياالله اقلبو ويوهكم_وسكر التلفون_ حنين وزياد: هههههه زياد: دعله طول عمرا دعله حنين: هههه زياد: ياويل حالي آنا أقول حنونتي ليش ماتآكلين ولا الريوق موعاجبج_ بصوتها الواطي والمستحي_ حنين: لابالعكس زياد: عيل ليش ماتآكلين _يأخذ خبزه ويحطها عند حلقها_ زياد: ياالله اكلي علشان خاطري _بالغصب كلتها _قعدو يسولفون وعالساعة 8 ياالله نامو _ الساعة 11.30 _ تلفون زياد يدق _قام زياد متثاقل وبصوت كله نوم_ زياد: ألو راكان: صباح الخير نايم زياد: صباح النور إيه نايم راكان: زين قوم الصلاة ترا مايمديك تقعد وتتسبح وتلبس إلا مأذن زياد: ليش الساعة جم راكان: الساعة11.30 زياد: أوكي الحين أقوم راكان: قوم موترد تنام أنطرك بالمسيد زياد: إن شا الله _سكر زياد من راكان والتفت للجهة الثانية ومالقا حنين وقام من مكانه_ قام وتسبح وبدل ملابسه بس استغرب حنين وينها_طلع يدورها_ زياد: حنين حنين _طلعت حنين من غرفة التلفزيون وكانت (لابسه تنوره قصيرة بيضا وبلوزه حفر زرقا ولامه شعرها عن جنب وحاطه مكياج خفيف ولابسه كعب ناعم أبيض)_ حنين: هلا زياد_ جاها وباسها على خدها_ زياد: هلا فيج صباح الورد حنين: صباح النور زياد: آنا طالع للصلاة تآمرين على شي حنين: سلامتك _عطاه نظره_ زياد: الله يسلمج _راح الصلاة وصلى وقعد مع راكان شوي وبعدها رد البيت دخل الصالة وكانو خواته قاعدين_ موضي ومضاوي: للللللللللوووووش زياد: ههههه نشميه: صباحيه مباركه يامعرسنا زياد: الله يبارك فيج _نزل صقر بعد مابدل ملابسه_ صقر: هلا ومرحبا بمعرسنا_ راحله زياد وحبه على راسه_ زياد: هلافيك يا الغالي موضي: ياالله فوق فوق زياد: إن شا الله عمتي مضاوي: ماصدق بس زياد: ههههه نشميه: اليوم زياد مزين الضحكه زياد: ههههه أكيد أزينها حاسدتني نشميه: لا اسم الله عليك صقر: زيود تريقتو ولايصعدولكم ريوق زياد: لايبا متريقين _طق الباب وراح زياد يفتحه _كانت جدته شمسه _ زياد: هلا والله حياج يديده شمسه: هلا _دخلت ومالفت عليه _ صقر: هلا والله هلا يمه شمسمه: هلا فيك شخباركم صقر: والله بخير عساج بخير _جاهم زياد ووجهه معبس _ زياد: يبه آنا صاعد فوق _صقر شاف الضيق بوجه ولده وعارف السبب_ صقر: براحتك ياغالي _صعد زياد لشقته ودخل وقعد بالصالة وحط إيدينه على وجهه_جته حنين ووقفت جدامه واستغربت شكله بس من الحيا مااسألته _انتبه زياد إنها واقفه جدامه _رفع راسه_ زياد: آآآآهههه حنين تعالي يمي _جت وقعدت جنبه _قرب منها ولو ذراعه عليها وحط على كتفه _ دق تلفونه _ <أفديك بروحي> يتصل بك_ زياد: هلا يمه هنادي: هلا حبيبي شلونك صباحيه مباركه زياد: هلا والله آنا بخير يا الغاليه والله يبارك بعمرج هنادي: شخبار العروس زياد: الحمدلله بخير وتمام التمام نصور وندو شخبارهم هنادي: الحمدلله بخير ويسلمون عليك زياد: الله يسلمهم يمه تعالي اليوم تكفين هنادي: بس يايمه زياد: يمه الله يخليج تعالي والله أبيج ضروري هنادي: خلاص أبشر يابعد أمك العصر آنا عندك زياد: حياج الله ياالغاليه _سكر من أمه وقام _ زياد: حنين بروح أنام قعديني العصر عشان أمي بتي حنين: إن شا الله _راح لغرفته وبدل ملابسه وطاح عالسرير _ زياد: آآآآهههه حرام عليها ليش تسوي جذي متى بتنسى هالسالفه اللي عدت عليها سنين _دخلت حنين_ حنين: زياد عمي يبيك عند الباب زياد: إن شا الله بس ماقال اشيبي حنين: لاماقال _قام زياد ولبس بلوزته وطلع _ زياد: هلا يبه حياك تفضل صقر: الله يحييك _دخل وقعد بالصالة _طالع زياد حنين بنظره يعني خلينا بحالنا _راحت لغرفتها _ زياد: متى يديدا ناويه تنسا هالسالفه صقر: زياد لاتضايق حالك وبعدين أنتا ماتعودت زياد: بس يايبه آنا ييتها واعتذرتلها مليون مره ولاهي راضيه يعني قولي شسوي صقر: زين أنتا ليش مضايق نفسك زياد: يبه أنتا ماشفت نظرتها لي وتقولي ليش مضايق هذي اللي ربتني واهتمت فيني ليش تسوي فيني جذي ليش صقر: لاحول ولاقوة إلا بالله يعني شتبيني أسوي كلمتها وحاولت معاها بس يدتك راكبا راسها زياد: زين والحل صقر: أفففف الحل عند ربك نادلي حنين خلني أقعد معاها وأعطيها هديتها زياد: أبشر حنين ياحنين تعالي فديتج صقر: هههه اتفداها ماشا الله عليك_ جتهم حنين وهي منزله راسها_ حنين: هلا زياد: هلا فيج أبوي يبيج صقر: تعالي عندي _وأشر على المكان بينه وبين زياد _جتهم وقعدت بينهم_طلع صقر ورقه من الكيس اللي معاه_ صقر: هاج يابنتي هذي هديتج _وخذا الكيس وطلع علبه من داخله وفتحها وكانت الهديه طقم ألماس ناعم _ حنين: يعطيك العافيه ياعمي _وقامت حبته على راسه_ صقر: تستاهلين أكثر يامرة الغالي زياد: يعطيك العافيه يبه صقر: يا الله آنا أستأذنكم عاد بنزل تحت زياد: حياك الله يا الغالي _طلع مع أبوه عند الباب _ رد لحنين وقعد يسولف معاها وبعدها وداها الصالون _ عالساعة 5العصر جته أمه وأخته ندى وصعدو نشميه ومضاوي وموضي عند المعاريس_كانت حنين(لابسه ثوب أصفر ناعم ومن عند الركبه مشدود وعليه شريطه بنفسيه وبعدها نازل وفيه ورد صغير بنفسي وعليها سديري قصير لونه بنفسجي ومنزله شعرها كله ومسويه حركه خفيفه من فوق وشعرها واصل لنص ساقها وحاطه مكياج ناعم بس كثير شوي)_ وقاعدين كلهم بالصالة _ موضي: شوفي ويه زياد الضحكه شاقته بس هي اضروسك اطلعو علينا زياد: هههههه شتبين انتي حرام أستانس يعني هنادي: موضي شتبين فيه مالوم اللي يلومك يايمه الكل:ههههههه زياد: على راسي يا الغاليه _كان زياد (كاشخ بالدشداشه صفرا بزمه وضيقه وشماغ أحمر وساعة ماركة سلفر وحاط القلم وكاشخ أخر كشخه)_ مضاوي: حنين الله يعينج على هالمغرور _ابتسمت حنين _ موضي: مسكينه قرادتج يوم أخذتي هالمغرور هنادي: أقول عاد جنكم كليتو ولدي ترا من اليوم ساكتتلكم عاجبينكم رياجيلكم عاد موضي: وي فديتا حمودي مافي مثله مضاوي: ولارشود يابعد عمري هو زياد: الحمدلله على نعمة العقل مهبل الكل: هههههه نشميه: زياد خلك منهم هذول مهبل موضي: ليش ياعيوني شفينا مهبل زياد: أقول فشلتوني جدام المرة عيب اتكنن حنين بصوت واطي: هههه زياد: فديت هالضحكه تشوفين الفرق يمه هنادي: أقول زيود ابعدها عن هالثنتين لايعدونها مضاوي: يصير خير إذا ماينناها لك مانكون بنات صقر زياد: أقول بنت أبوها اللي تقرب لمرتي موضي: إي صار يدافع مرتي ومرتي بسيطه يصير خير يازياد _قعدو عنده للساعة 6 وبعدها مشوا ونزل زياد عشان أهلها جولها _صعد طلال لأخته وسلم عليها ونزل لقى راكان وزياد قاعدين بالديوانيه جاهم وقعد عندهم ودقو على خليفه وماجد وعبدالسلام وجولهم_ عبدالسلام: ياخوي وجهك وجهه معرس خليفه: لاياشيخ قول غيرها طلال: ههههه زين أنتا اشحارك خليفه: هاه لاماحرني شي بس طلال: بس شنو ولا غرت يعني خليفه: غرت لايابعدي أنت أنا عندي مهرت تسوى البنات ماجد: من قدها تسوى البنات وينها خل تسمعك خليفه: سامعتن أكثر من هالكلام الكل: ههههههه ماجد: إي معرسنا شخبار الزواج عسى اعجبك زياد بابتسامه: آآآآههه إلا عجبني ونص عبدالسلام: هل تنصحنا بالزواج ياهذا زياد: أنصحك وأنصح أبوك اللي يابك الكل: ههههه عبدالسلام: لايبن الحلال أبوي خلنا راكد بعد اشيبي ثلاث حريم مايكفنه هالشايب خليفه: وش اللي حارك خله يجدد شبابه مع رابعه عبدالسلام: لايابعدي هو موبكيفه ييب وحده على أمي خليفه: وأمك عادي جت على بنات خلق الله عبدالسلام: إي عادي بس مايي فوقها أحد ماجد: خليفه خله قام يفزع لأمه عبدالسلام: ياويل حالي أمي وماأبي شي يضايقها طلال: على راسي والله ياسلوم ماجد: إلا ريكو اشعندك ساكت راكان: هلا لاماكو شي بس ماحصل مناسبه طلال: صج متى حددت عرسك راكان: إن شا الله بعد أربع شهور طلال: الله يوفقك ويسرلك ياغالي راكان: تسلم ياغالي عبدالسلام: إلا ماجد متى تصير أبو إن شا الله ماجد: إن شا الله بعد ثلاث شهور عبدالسلام: إن شا الله إلا بوخلي وأنتا ماصار شي خليفه: لاوالله ياخوك بس ربك كريم عبدالسلام: آمين الله كريم وأنتا معرسنا زياد: وآنا شنو عبدالسلام: ماصار شي طلال: هييه مايمدي شتخربط أنتا زياد: هههه لاحقين إن شا الله ماجد: تصدقون شباب مشتاق لسوالف عبود وبسوم راكان: قصدك ملاغتهم ماجد: اللي هو خلنا ندق عليهم زياد: وآنا بدق على بدر وأنور عبدالسلام: وآنا بدق على مشاري _دقو عليهم وجو الشباب وقعدوا ضحك وسوالف وراحو صلاة العشا وردو وظلو قاعدين للساعة8_ خليفه: ياالله شباب مشينا زياد: وين توالناس ماجد: أي توالناس أنتا ناسي أنك معرس عبدالسلام: من اليوم قاعدين عندك مااستحينا زياد: لاأفا عليك طلال: أقول من اليوم مخلي اختي بروحها ياالله شباب مشينا _طلعو الشباب من عنده وصعد لشقته _ زياد: السلام عليكم حنين: وعليكم السلام زياد: مساء الورد مساء الجوري مساء الياسمين حنين: مساء النور _جاها وقعد جنبها وباسها على خدها_ زياد: آسف تأخرت عليج بس الشباب يوني ولهوني شوي حنين: لاعادي زياد: حبيبتي شرايج تقومين تبدلين عشان نطلع نتعشا برا بس بسرعة حنين: أبشر زياد: حياتي أنتي _قامت بدلت ملابسها (ولبست بنطلون جنز وبلوزه طويله لحد الركبه لونها بنفسجي وكمها ثلاث ترباع وفيها من الصدر كنها بلوزه ثانيه بيضا ولبست كعب أبيض مسكر من جدام وساعة بيضا وشنطه بنفسجيه صغيره كأنها بوك وعدلت مكياجها)_ جت بطلع عبايتها بس تذكر الهديه راحت طلعتها وخذتلها ملفع ناعم وخذت نقابها وتسوسها وحطت العباية والملفع على إيدها واطلعت للصالة _كان زياد يكلم بالتلفون وأول ماشافها_ زياد: راكان راكان: هلا زياد: أكلمك بعدين راكان: بس زياد زياد: قلتلك أكلمك بعدين _سكر من راكان وراح عندها وكانت واقفه عند المراية تلبس نقابها وملفعها_ زياد: اشهالزين اشهالحلاوه _استحت حنين _ زياد: فديت اللي يستحون أنا _خلصت لبس ولبست عبايتها وطلعو _بالسيارة _ زياد: حياتي طلال قالي إنج تحبين المغامرة حنين: أوريه طلال زياد: ههههه عشان جذي حجزت لنا تذاكر للشعب شرايج حنين: لاتكفى زياد: ياالخوافه خفتي حنين: آنا موخوافه بس لا زياد: والله كيفج آنا حجزت تذاكر والحين رايحيلها _وصلو الشعب وراحو عند الألعاب الخطره وكان زياد يتعمد يختارهم وهي قوية تلعب عادي لأنها متعوده عليهم _عالساعة 11 طلعو من الشعب وكان حاجز طاولة بميس الغانم _راحو وتعشو وبعدها طلعو للبحر ومر زياد خذالهم نفيش وذرة وعصير وراحو قعدو عالبحر _ زياد: عارفه ياحنين البحر يعني لي شي كبير _طالعها وكانت بطالع للبحر _ زياد: حنين قط نقابج مافي أحد _قطت نقابه _ زياد: حنين في شي حبيبي حنين: لاماكو شي زياد: ويهج يقول غير هالحجي حنين: لاصدقني ماكو شي بس أتأمر بالبحر زياد: وماودج تتأملين فيني حنين: ههههه _نزلت راسها _حط زياد إيده تحت ذقنها ولف وجهها عليه _ زياد: الحمدلله يارب اللي رزقني زوجه مزيونه مثلج _ نزلت حنين راسها _ زياد: حنونتي ترا باجر طيارتنا الساعة 12 الظهر إن شا الله _قعدو يسولفون للصلاة الفجر وبعدها ردوا البيت وحطو روسهم ونامو_أما خليفة بعد ماطلع من زياد راح للبيت_دخل شقته وقط شماغه عالكرسي وقعد وحط إيده على راسه وبراسه ألف سؤال وسؤال _طلعت شذى من المطبخ وكانت تشرب كابيتشينو _شافته بهالحالة وجت واقعدت جنبه _ شذى: حبيبي شفيك _رفع راسه وطالعها _وشافت الهم بعيونه_ شذى: خليفه شفيك حياتي طلعت مافيك شي في أحد مضايقك خليفة: شذى شذى: عيون شذى وحياتها _حط راسه على فخذها وقام يبجي _استغربت ورفعته وحطت راسه على صدرها_ شذى: حبيبي شفيك خليفة شفيك ياقلبي رد علي _رفعت راسه _ شذى: خليفة طالعني قول تحجى اشفيك _خليفه بصوته الثخين ومختلط بدموعه _ خليفه: أنا ماأستاهلج ياشذى ما أستاهلج شذى معصبه: من قال هالكلام _زاد بجي خليفه_ شذى: خليفة اسمعني أنا ماأسمحلك تقول هالحجي كل واحد فينا يستاهل الثاني خليفة: شذى أنتي ماتدرين وش السالفة شذى: فهمني قولي شالسالفه خليفه: شذى أنا _شذى تهزه من كتوفه _ شذى: أنتا شنو خليفه: أنا حرمتج من الشي اللي تتمناه كل بنت حرمتج من العيال ياشذى شذى منصدمه بس سوت نفسها عادي: هذا اللي مضايقك _ رفع راسه وطالعها مستغرب_ خليفة: أكيد ياشذى شذى: أنت متى سويت تحليل خليفة: قبل يومين وقبل شوي رحت وطلعته شذى: وشقالك الدكتور خليفه: قال إنا من الصعب إنا يجوني عيال يعني عقم ياشذى شذى بقوة: هو قالك عقم خليفه: لاماقال بس شذى : بس شنو أنت بكيفك تحلل الموضوع على مزاجك ربك كريم أنا ماتوقعتك ضعيف جذي اسمعني ماأبي هالموضوع يطلع برا هالباب خليفه: أصيله يابنت العمه وعد شذى: خليفه العيال موكل شي ياروحي ياما عيال معذبين أهلهم وربك له حكمته خليفه: ونعم بالله _ باسها على راسها وحضنها_ خليفه: أنا أشهد إنا قلبي عرف يختار _هذا حال خليفه أما ماجد_ رد البيت وراح لشقته وكانت أوراد منسدحه عالغنفه وتطالع التلفزيون _وقف يطالع فيها وسرح بجمالها الأجنبي _انتبهت لوجوده_ أوراد: وعليكم السلام ماجد: هاه هلا مساء الورد أوراد: مسائك جوري وعسل _جاء وقعد عالكرسي اللي جنبها _ أوراد: شخبار المعرس ماجد: الحمدلله تمام _وظل سرحان يطالعها_ أوراد: يمه نظراتك تخوف لاتطالعني جذي ماجد: ههههه خفتي يعني ماأظن أوراد: عيونك طلعو برا ماجد: حبج طلع قلبي ماتبينه يطلع عيوني أوراد: حرام عليك آنا مطلعا قلبك هذي أخرتها ماجد: إي طلعتي قلبي وأخذتيه عندج أوراد: ههههههه ماجد: أوراد حياتي ميت من اليوع في شي أكله أوراد: في شيات ياروحي الحين ربع ساعة ويكون عشاك جاهز _قامت أوراد تسويله عشا _ أما عند بدر فكان مصر إلا يسوي عرس وطقطقه لأن شوق بعرسها الأول عشان جذي حب يفرحها ومارضى إلا بعرس كبير مثلها مثل غيرها من البنات _كان قاعد بديوانية بيت أنور _ بدر: أنور ييبلي بنات الغالية أنور: أبشر _قام وجاب بنات شوق <ملك عمرها 5 ومناير عمرها3 وكانو يشبهون أمهم بحالها وسواد شعرها وعيونها الكبار اللي دايم يقول عنهم أنور كأنهم رسوم متحركه>_ دخلو الديوانيه وفزلهم بدر من مكانه_ بدر: هلا وغلا ومرحبا _جابهم وقعد ملك بجنبه ومناير بحضنه _ بدر: فديت الزين كله ماشا الله عليهم أنور: الحمدلله إنهن خذن زين أمهن وإن شا الله طبعها _ قعد بدر يسولف معاهن ويسأل ملك عن الروضه وهي مستانسه وتجاوبه ومناير تسولف معاهم كأنها فاهمه _ بدر: أنور ودي أطلب منك طلب أنور: آمرني يا الغالي بدر: ودي أشوفها أنور: ههههه بس هذا اللي تبيه بدر: يايبلها هديه معاي تكفى أنور أنور: خلاص خلني أشوفها وإذا وافقت خليتها تييك بدر: يابعد راسي ياأنور _راح أنور داخل ولقا شوق قاعده بالصالة_ أنور: شوق شوق: هلا أنور: بدر وده يشوفج شوق: من صجك عمي أنور: إي من صجي بدر يبي يشوفج ويقعد معاج شوي ولا النذل هذاك كان يشوفج عادي شوق: عمي لاتذكرني فيه خلاص ألبس عبايتي وأييلك_ راح شوق ولبست عبايتها الكتف ولفت ملفعها ونزلت _دخلو أنور وشوق على بدر وكان قاعد ومركب مناير على ظهره ويغنيلها وملك قاعده جنبه وتغني معاه _ماانتبه لدخولهم _ شوق دمعت عيونها لأن بناتها ماشافو هالحنان وهالحب واللعب من أبوهن_ أنور: أحم أحم _رفع بدر راسه وطاحت عينه بعين شوق _ فتح حلقه وظل يطالع فيها وهي منزله راسها_ أنور: نحن هنا ياهو ياعرب بدر: أنور اتركنا بحالنا أنور: شنو بدر: قلتلك خلنا بحالنا _ماحب أنور يناقشه وخذا بنات أخته وطلع _وقف بدر وقربلها _شاف الهم بوجهها _ بدر: شوق ماأبي نظرت هالحزن بعينج شوق: بدر ليش اخترتني أنا من بين هالبنات كلهم بدر: لأنج شيخة البنات ياأم ملك شوق: بدر ماتقدر تغير رايك وتخلي العرس عادي _حط إيده تحت ذقنها ورفع راسها_ بدر: لأن من حقي أستانس مثل ربعي والشي الثاني هذا فرح موحزن وأمي ودها تفرح فيني _ حست إنه كبر بعينها أكثر _مسكها مع إيدها وقعدو _ بدر: شوق تفضلي هديتج وأتمنى يعجبج ذوقي شوق: مشكور بس ليش كلفت على نفسك بدر: أنتي تستاهلين أكثر ياأم ملك _لحظة صمت_ بدر: شوق ترا شقتنا خلصت وإن شا الله تعجبج _ابتسمت شوق _دخل أنور فجأه_ أنور: لاياشيخ ماخلصت أنت وياها كل هذا موضوع اتناقشون فيه بدر: الله يصبرني عليك للعرس _قامت شوق وراحت داخل _ أنور: شخبارك بدر: ياليتني أقدر أشيل هالهم من قلبها أنور: إذا أنتا حطيت هالشي براسك راح تقدر بدر: آمييين يارب _قعدو مع بعض وتعشا بدر عند أنور ومامشا منه للساعة 12 _ عند راكان _رد البيت ولقا أهله مجتمعين بالصالة جاوقعد عندهم_ أبوراشد: راكان أنت تعرف فواز خال زياد راكان: إي يبه أعرفه عز المعرفه أبوراشد: شتعرف عنه راكان: والله يبا أعرف عنه أشيا كثيره ريال مصلي مسمي وأخلاق وموظف بالبترول وأهله خوش ناس بس ليش يبه_ أبوراشد: فواز خطب أختك ريم راكان: هذي الساعة المباركه يايبه وفواز نعم الريال وسمعته ماشا الله عليه واسأل عمي صقر عنه أبوراشد: أنا بكلم عمك صقر وأسأله عنه والله يكتب اللي فيه الخير راشد: وريم اشرايها أم راشد: ريم تقول اللي يشوفه أبوي أنا موافقه عليه راشد: بس لازم نعرف رايها بالضبط أبوراشد: أنا سألتها يابوك وهي قالت أنا نعرفه أكثر منها وإنا ماراح نضيعها راشد: والله هالبنت مافي مثلها مومثل بعض الناس رغد: اشقصدك راكان: الحجي لج ياجارة راشد: وأنا صاج عند ربي أنتي متي لو ماأخذتي ولد خالتي رغد: كيفي ولد خالتي خطبني وأنا أبيه فيها شي يعني راشد: بس كسرتي كلمت اخوانج وتزوجتيه رغد: والحمدلله هذا أنا مرتاحه معاه راكان: راشد خلاص عاد أنتا ورغد السالفة صارلها سنين وأنتو للحين تتناجرون عليها راشد: احمدي ربج أبوي وقف معاج ولاماكنتي أخذتيه رغد: فديته أبوي يقدر الحب والرومانسيه راشد: أقول ترا خرابيطج وايد لو تكرمينا بسكوتج أحسن راكان: توته ومشعل وينهم راشد: عند خوالهم من قبل العرس راكان: ومتى اتييبهم راشد: باجر إن شا الله أبوراشد: البيت من دونهم ماله طعم راكان: لو أدري جان يبت شعول معاي راشد: ليش أنتا كنت عند زياد راكان: إي كنت عندا وتوني راد منه راشد: شخباره اليوم راكان: الحمدلله بخير والضحكه شاقه حلجه راشد: الله يوفقه زياد يستاهل كل خير أم راشد: الفال لراكان إن شا الله راكان: آمين ياالغالية _تذكر خلود وأرسلها مسج<ماتطاوعني حروفي والقصايد ماتهاب،، الوله لوباح سره مايكفيه الورق% لك مكانٍ لوعرفته ماهنا نومك وطاب،، ولك حنينٍ في فؤادي من لهيبه أحترق%> _ارسلها رسالة ثانية<يسري بك الهاجس من الوجد مدفوع ^ ^ وترتاح بك نفسي وتنسى عناها ^ ^ واشرب حنانك من جفاالوقت ينبوع ^ ^ وتشتاق لك عين بشوفك هناها عين سقت ورد الهوى عشق ودموع ^ ^يوم المشاعر ينبت لك غلاها^ ^> _ بعدها استأذن أهله وصعد ينام _ بعد أسبوع من عرس زياد كان عشاهم عند أبوه وعزم أهل حنين وكان العشا كبير _بعد ثلاث شهور وبالتحديد يوم عرس راكان_ زياد: راكان تبخر ياغالي راكان: عطني دهن العود هذاك أنور: شباب ماجد تأخر غريبه مو من عوايده مشاري: خلني أدق عليه _دق مشاري على ماجد بس مارد_ مشاري: مايرد بدر: خلني أدق عليه يمكن يرد _دق بدر_ بدر: غريبه سكر جهازه زياد: الله يستر راكان: أكيد عندا شي ولا مايسكر جهازه _دق تلفون زياد وكان راشد المتصل_ راشد: ألو زياد زياد: هلا راشد راشد: ياالله متى بتيون زياد: إن شا الله يخلص راكان ونيي راشد: استعيلو زياد: إن شا الله _سكر من راشد _ لبس راكان بشته _لديك رسالة جديدة_ راكان: زيود شوف منو مرسلي_فتح زياد الرسالة وكانت من <أبوبندر>_ (راكان أعذرني ماأقدر أشاركك فرحتك أوراد تعبانه وبالمستشفى وبندر ياي بالطريج دعواتك) _ قرا زياد الرسالة عالشباب _ راكان: الله ييسرله رد عليه زيود _رد زياد على ماجد برسالة( لعيون بندر بسامحك والله يقوملك أمه بالسلامه) _ مشاري: يابعدي ياماجد الله ييسر أمره _دخل عليهم عبدالسلام_ عبدالسلام: يا الله شباب السيارة جاهزه زياد: شباب اسبقونا أبي راكان شوي _طلعو الشباب_ زياد: راكان تفضل _عطاه ظرف صغير_ راكان: زياد شنو هذا زياد: هديتك راكان: بس زياد زياد: بس خلاص لاتناقش يا الله مشينا _مشت الزفه للصالة _ دخل راكان وسلم عالحضور بعدها وقف عند الكوشه يستقبل المهنئين _كان راكان عكس ربعه بعروسهم كان متماسك وكأن الوضع طبيعي يضحك ويهلي ويسولف _ زياد: راكان أبوي وفواز وخالي هاني يو راكان: حياهم الله _سلم راكان عليه _ راكان: حيا الله النسيب فواز: الله يحييك يا النسيب راكان: عمي شخبارك صقر: بخير عساك بخير راكان: أبويوسف شخبارك بشرنا عنك هاني: بخير دامك بخير ياراكان _راحو وقعدو مع الحضور_ وبعدها جاء الشيخ يوسف والاستاذ فارس وجو جيرانهم وقرابته ومعارف أبوه وشخصيات معروفه _ تعشو الناس ومشو _طلع راكان مع ربعه وأبوه وأخوه وعيال عمه للبيت عشان يرتاح اشوي وبعدها يروح لصالة الحريم_ وقت دخول العرس _كانت خلود آيه بالجمال (كانت لابسه ثوب أفوايت وفيه شغل كثير من تحت بالذهبي ومن فوق خفيف بالذهبي ومسويه تسريحه ناعمه وحاطه طرحتها على راسها كله بس طالعه قذلتها وأطراف الطرحه ذهبي ومسكتها ورد أحمر وحاطه مكياج أوفر بس ناعم وحمرا حمرا وكانت تغلب على ملامحها الجمال الكشميري)_دخلت وقعدت شوي_وجوها خوات زياد وزوجته ورفيجاتها _ وبعدها جاء المعرس وطلعت عند الباب لأنه كان رافض يدخل ومتفق هو وياها من قبل _كان خليفه هو اللي يزفهم للشقه ومعاه زوجته_ خليفه: بردت دودتك أف مابغينا نرتاح منك راكان: وأخيرآ ياخليفه بأفتك من منتك وطلباتك اللي ماتخلص خليفه: عاد اسمع ماأوصيك على أختي حطها بعينك ولا أبطلك عيونك اثنينهم راكان: أخوج ناويها شر الله يستر _دق تلفون خليفه وكان <أبو بندر> _فتح خليفه السبيكر_ خليفه: ألو ماجد: خليفه باركلي باركلي ياخليفه خليفه: مبروك بس على شنو ماجد: ياني ولد ياخليفه بندر ياء خليفه: بالمبارك إن شا الله تستاهل يابوبندر تستاهل كل خير راكان: مبروك يابوبندر ألف مبروك ماجد: راكان الله يبارك بعمركم واعذرني ياغالي ماقدرت أحضر عرسك راكان: مسامح يا الغالي مسامح ولعيون بندر مسامحك خليفه: أمه شخبارها ماجد: الحمدلله بخير بس تعبها هالفلو على ماطلع خليفه: الحمدلله على سلامتها ماجد: الله يسلمك وعقبالكم أنتا وشذى _طالع خليفه شذى _ خليفه: آمين الله يسمع منك _سكر التلفون من ماجد وكمل طريقه وهو ساكت_ وصلو الشقه_دخلو المعاريس وجاء خليفه بيدخل_ راكان: وين وين برا يا الله برا خليفه: أفا ياذا العلم خليفه ينطرد راكان: أقول برا وخذ المصوره معاك بعد خليفه: هين هين ياراكان مردوده إن شا الله راكان: اللي نبيه صار عندنا الحين مالي فيك حاجه خليفه: أها هالشكل يعني وأنا أقول الدلع مولوجه الله طلعت تتمصلح راكان: عيل ميت عليك شبي فيك أنتا وخشتك فارجني يا الله _راح خليفه وهو يضحك _أما راكان _دخل وكانت خلود واقفه بالصاله _ راكان: ياهلا ومرحبا وغلا نورتي بيتج وفرحتي قلب زوجج بطلتج _قرب منها وباسها على خدها _ راكان: عساني ما أنحرم من هالوجه استريحي يابعد راكان _قعدت وجاها وقعد جنبها وحط إيده على راسها _ راكان: بارك الله لنا وبارك علينا وجمع بيننا بخير _ قعد يطالع فيها وحب يضحكها _ راكان: ياي ياحظي وناسه مرة ملك لي ومع بدأ التنفيذ _خلود استحت وحمر وجهها_ راكان: فديت الحيا واللي يستحون وناسه مستحيه مني خلود: هههههه راكان: فديت هالضحكه أنا _قعد يسولف على راسها وبعدها راح ينام ونسى لايتصل بزياد وزياد أرسله رساله_(ريكو الله يوفقك ويهنيك وترا بنام الحين تصبح على خير)_ راكان كان مسكر جهازه وماشاف الرساله _أذن الفجر _ طلع راكان للصلاة وصلى وطلع بسرعه _عند الباب كان يلبس نعاله _ رفع راسه وشاف زياد واقف يطالعه _ راكان: زياد زياد: إي زياد بشر شخبارك ياالغاليه راكان: أنا إي بخير الحمدلله زياد: شفت المسج اللي أرسلتا لك راكان: متى أنا مطفي جهازي زياد: أرسلتا لك أمس بالليل راكان: أرد البيت وأشوفها ياالله أستأذن _ وقف زياد يطالع فيه وهو رايح وبعدها قعد يضحك _طلع زياد ورد البيت _ بعد يومين راحو الشباب لماجد وباركوله عالمولود الجديد وجابه لهم _مسكه زياد_ زياد: بسم الله يحفظه ربي خليفه: ماجد يشبهك زياد: نسختك مجود حتى العيون نفس لون عيونك مشاري: خلوني أشوفه إي والله ماجد يشبهك حيل _قام يبجي بندر الصغير_ خذاه عبدالله_ عبدالله: خلاص ياقلبي ماتشبه أبوك تشبهني أنا _سكت بندر_ الشباب: هههههه مشاري: ماجد ولدك من الحين مايبيك ماجد: الشكوى لله كفوه خشت عبيد بسام: أصلآ يحمد ربه لوطلع يشبه عبيد _قعدو الشباب عند ماجد وبعدها راحو لبيوتهم_ مرت الأيام وبعد شهرين كان عرس بدر وشاركوه ربعه فرحته ومارضا يدخل الصالة لأنه مطوع بس شوق دخلت وكانت عكس الكل شايلا بقلبها هم الحياة الجديده _وبعد العرس بأسبوع راح بدر لبيت أهلها وجاب بناتها وكانت مفاجأه حلوه لها وكان حاطلهم غرفة بشقته وتلفزيون وفيديو وحاطلهم المجد وكانت أحلى غرفه بالبيت _يوم الأيام دخل بطلنا شقته ولقى أمه وأخته ندى عندهم _ زياد: ياهلا ومرحبا وأنا أقول الشقه ليش منوره اليوم هنادي: منورا بأهلها _سلم عليهم وقعد_ ندى: إيدك عالبشاره زياد: بشاره ليش حنين بدلع: أنا حامل زياد زياد :شنو ماسمعت عيدي حنين: أنا حامل حامل زياد: والله الحمدلله يارب _راح سجد سجدت شكر _ زياد: يمه راح أصير أبو أبو يايمه هنادي: بالمبارك يايمه والله كبرتني بصير يده زياد: الله يباركلي بعمرج ياالغاليه خليني أدق على أبوي_ دق على أبوه واستانسله أبوه حيل وكلم حنين وباركلها وقالها إنا هديتها بتوصلها اليوم_ أرسل زياد لخواته وبشرهم _بعدها قال بيرسل لراكان وتذكر صاحبه اللي قطع عنها وماصار يدق ولايرسل وإذا اتصل زياد فيه يحاول ينهي المكالمه بسرعه بس كان زياد دايم يلتمسله العذر وصار بعيد بعد ماسكن بشقه بعيده عن أهله بعد أسبوع من زواجه وصار بعيد عن ربعه وديوان الفريج_ أرسله زياد_(راكان أبشرك راح أصير أبو بعد 5شهور باركلي ياالغالي)_انتظره يرد بس مارد _انتهى هالفصل وتابعونا بالفصل الجاي وأحداث جديده وشخصيه جديده راح تنظم لقصتنا _      |
|
|
#45 |
|
|
رد: "قصة إنسان"
روووووووووووووووعه تسلم يدك يالغلا
|
