 |
  |
|
|
|
|
#121 |
|
|
رد: رواية خنقت الورد يا يمه وبيديني انكسر ذبلان
كل الكلام منك أفهمه إلا أحبك تقلب الدنيا تناحة
ركبت السيارة ساكته بسام مبسوط ع الآخر قدم لي كوب قهوة تشربي لتين ؟؟ هزيت راسي بلا رجعه وباستغراب لف عليّ فيك شي قولي وش صاير؟؟ قلت بشرود موضوع ما يتكلم فيه بالسيارة قربنا نوصل البيت اشغلتيني تنهدت والله الموضوع يستاهل إنك تشغل بالك فيه بجدية : جد والله وش صاير؟ زفرت هذا وصلنا نزلت جوليا ونزلت أنا سكر باب السيارة وأشر لي جنب الشجرة في الباركينق اجلسي هنا ماله داعي ندخل جلست ع كرسي خشبي وأنا احط شنطتي بحضني بضيق جلس قدامي وهو يمسح ع شعره اييه ؟؟؟ رفعت حاجب مين البنتين اللي دقوا عليك باب الفندق يوم كنت بجده؟؟ عقد حواجبه بنتين؟؟ أي بنتين ؟؟ قلت بغيض بسام إنت فاهم علي البنتين اللي طلعت لهم وإنت مو لابس وقلت آخر كلمة بشبه صراخ من جد مقهورة لما أتخيل شكله حيوانات!!!! صغر عيونه بتفكير وفجأة آهااا تكتف ذكرتيني إنتِ وش عرفك بهالسالفة؟؟ بحده تخالطها نعومة وتملك أنثوي مو مهم وش عرفني المهم إني أعرف هالسالفة الحين مد بوزه الله ياخذ ابليسك يا بندر ما في إلا هو حركت رجولي بعصبيه مد يده وثبتها ع ركبتي وبرقة : لتين.. هدي ما صار شي كلهم على بعضهم بنتين من الأشكال الماصخه قلعتهم بكلمة رصيت ع أسناني بكلمة وإلا بنظرة؟؟ ابتسم اللي تبينه بس يعني أنا مو عارف وش اللي فتح هالسالفة هو موقف وعدا بقهر إذا موقف وعدا ليه حكيت لبندر عليه معناها كنت تفكر فيه؟؟ تنهد لا والله إني ما كنت أفكر فيه بس هو حكالي موقف مماثل وقلت له هذي هي القصة زفرت بغيرة واضحه من عيونها بانت ابتسامة خفيفة ع شفاته قبل لا يقرب منها وبحب : افترضي حكيت هالموقف بس أنا هالبنتين ما أقدر أقولهم كلمة عقدت حواجبي بعدم فهم ؟؟ عض شفته بمعنى ما أقدر أقول أحبك إلا لإنسانة وحده ارتخت ملامحها ورمشت وخدودها توردت أحبك : إنتي أول إنسانة أهمس لها بهالكلمة بحياتي نزلت عيونها وما بان إلا هدب عينها وهو يرف كأنه طير رفع ذقنها ............................ وبعشق أنا مو بسام لما ترمشين.. لا تستنكرين مني أي تصرف! مسحت ع خدها بحيا بالغ واكتفت ...... تَدريْ يآ قلبْ ..! تَمنيتكَ :عَديمْ أحسآسَ ,، تَمنيتكَ قآسَيِ شَديدَ البآسْ مآ يَهمكَ جِرحَ أوَتفَكيرَ بالنآسَ .. كانت شقة صغيرة في عمارة متواضعة ما أخفي إنه الخوف تسلل لقلبي الصغير يمكن لأنه عبدالله متوتر دايما نستوحي القوة والأمان من أحبابنا فإذا كان هو متوتر أنا وش بيطلع مني رفع نظارته الشمسيه وهو يدق الجرس بعد ثالث مره فتحت خادمة فلبينيه الباب يس سير وش تبي؟؟ رفع حاجب من لكنتها واضح إنها متعوده ع أهل البلد : مدام سهى موجودة ايوا ماما سهى داخل وفتحت الباب تسمح لنا ندخل مسك كفي ودخلنا الشقة صغيرة مرتبة لكن على قد حالها دخلت قبلنا على وحده من الغرف ماما في رجال لفت عليها رجـ.... سكتت وسكت هو ! لحظة صمت مرت بين هالأم الجاحده وولدها الضايع بجحدها الخادمة تناظر بينهم هزت راسها بتعجب وراحت ضميت يديني لصدري نزلت راسي أخفي دموعي خاطري أضمه وأعلمه إني أمه وأخته وكل شي يتمناه لكن في أشخاص مهما كانوا ماحد يقدر يعوض مكانهم كانت جالسه ع كرسي متحرك هذا يعني إنها انشلت!! قرب منها بعتاب وعيون حرقها الدمع بصوت فيه بحة بكا ليه تركتيني يا يمه ليـــــــــــه ليه سويتِ كل اللي سويتيه خليتيني كل ما ناظرت بعين أختي أتذكر وجهك رسمتِ الألم بعينها طول العمر لييه فهميني يمه سبب واحد يخليك تسوين اللي سويتيه ليه تركتيني وحيد مالي لا قريب ولا صديق سكتته بحده إنت مين سمح لك تجي لهنا مين خبرك عن مكاني؟؟ فتحت عيوني بصدمة لا هذي مو بشر من وشو مخلوقة أنا بكيت ومو أنا اللي مأذيته عبدالله أرق من الندى ملامحه البريئة لحالها ما تخلي الواحد يقدر يلمس منه شعره شلون وهي جرحت فيه لين ما غار الجرح وما عاد يلتئم خلت منه إنسان تعيس مهما فرح تبقى فرحته ناقصة لأن الحزن وشم اعتلاها ما يزول نزل لرجولها وهي ع كرسيها لثم يدينها يمه أرجوووك يا يمــــــه ارحميني بعدت يدينها بقسوة طول ما إنت مع أختك أنا مو معك وكأنها انتبهت علي وهالحربا وش جابها هنا رص ع عيونه تاله زوجتي يمه تجهم وجهها وبصراخ اطلــــــــــــع اطلع من بيتي قربت منه ومسكت يده وقف بحرقه يمـــــــــــه قولي لي وشـ.... سكرت إذنها وهي تناظرني بكُره قلت لك اطلع والا والله إللي صار بأختك من سنين بيصير فيك ما فهمت عليها بالأول لكني استوعبت على طول لما شفت عبدالله مسك كفي وبالكف الثانيه مسح دمعه ظلم حرقته وطلعنا ((إِنَّ مَعَ الْعُسْرِ يُسْراً)) مرت ساعتين ما في أثقل منهم ماحد راضي يرجع ع البيت لين يتطمن ع لمار وولدها فتحت الممرضة الباب وبجنبها الدكتور وقف الكل رفع يده لوسمحتوا المقربين للمريضة بس حالتها ما تستحمل أي إزعاج فيصل ما انتظره يكمل أصلا بثواني كان عندها أما خواله الكبار وأبوه اجتمعوا بالدكتور الدكتور بابتسامة تطمن المريضة تعدت مرحلة الخطر الحمدلله لكن من الطبيعي الحين إنها تكون تحس بتعب إضافي يوسف بتفكير شلون وهي تعدت مرحلة الخطر الدكتور يا أخ يوسف الأخت لمار حملت شي فوق طاقتها من الطبيعي إنها تكون تعبانة الحين أبو فيصل بتعقيدة طيب والولد وهو يشرح لهم رفع التلفون وطلب ملف المريضه سكر التلفون مثل ما قلت الطفل لازم يبقى بالمستشفى ع الأقل أول اسبوعين وبعدها نشوف حالته تسمح له بالخروج أو لا إبراهيم بنرفزة ليه يبقى دامه طيب انحرج الدكتور المصيبة عليهم كبيرة ومو راضيين يستوعبون كلامه بهدوء الولد ما استجاب لكل الفحوصات والتحاليل اليوم بنرسلها ألمانيا توصل بكره حتى نتأكد بأقرب وقت من سلامته بس بشكل عام ما في شي يخوف إن شاء الله صافحه طلال وهو يقوم الله يعطيك العافيه يا دكتور أومأ بابتسامة يعافيك ربي واجبي دايما يواجه الحياة ومصايبها بصمود يدري زين لو ما أعطى فيصل الأمل بتنهيه الحياة قبل لا ينهيها...! نحاول الاحتفاظ بهم قدر استطاعتنا لكنهم يتسربون منها ويتساقطون كـ قطرات الماء .. كـ / حبات المطر نحاول جمعها .. ولا نستطيع نحاول التقاطها { ونفشل .. برا كانت الفرحه مو سايعتهم مجرد إنه لمار فتحت عينها وتكلمت سوت الكثير بنفوسهم جمانة تحضن سارا ببكى يا قلبي أخيرا بقدر أروح الحمام ضحكوا عليها لمى باستغراب تخالطه ضحكة ليه ؟؟ عدلت حجابها من أول ماسكه نفسي بس مو قادره أروح بهالأجواء ومسكت يد ربى ربرب تعالي معي ربى انتظري خلينا ندخل للمار سارا أشرت لها روحي ترا مطولين عندها جدتي وخالاتي قامت اوكيه شرفي ست جمون جمانة بفرحه والله مو مصدقه أخيرا كنت حاسه إنها بتقوم بالسلامة ربى وهي تمشي معها بممرات المستشفى الحمدلله إن شاء الله ما ينغص على فرحتهم شي كلـ### لا تخوفيني ابتسمت ربى وهي توقف قدام الحمامات وأنا وش قلت دعيت لها يللا ادخلي طيب تعالي معي أخاف أحد يخطفك ربى بنعس جموون مو رايقه ترا طنشتها اوكيه ما علي من عمي طلال لو صار فيك شي ضربتها ع كتفها بالشنطة ادخلي وانتي ساكته ضحكت وهي تدخل وعلى دخلتها اهتزت الشنطة بيدي رفعت التلفون ابتسمت ورديت بشوق : مرحبا مرحبتين بأغلى رب رب بالوجود ضحكت واضح بصوتها إنها مبسوطة ونفسيتها حلوه يا حياتي أنا والله وحشتيني لتين بحنين والله إنتي أكثر ربى تعالي تورينو بليييز حاولي بطلال ابتسمت بحب بحاول لكن مو الحين تدرين إنه لمار ولدت سكتت ثواني وبعدها قالت لمار اللي زوجها خوي عبدالله اسمه فيصل الظاهر صح؟؟ ربى عليييك نور اييه هو يا قلبي هذيك اللي تزوجها وهم ما يتوافقون اييه جابت ولد الحمدلله كل شي تمام مرا كنا خايفين عليها : الحمدلله يارب إلا تعالي بسألك ربى في وحده من أهل زوجك بيضه وشعرها أسود وووو......... ربى وهي تحاول تتذكر أشكالهم اييه هذي جمون جمانة الخبلة !! هههههههههههه اييه لا تسمعك بس لا لاتقولين متزوجة هذي صح؟ اييه وباستغراب ليه تسألين؟؟ تنهدت لتين بصراحة رب رب بندر أخوي لما جا الخبر راح بيت جدتك وقابل وحده من البنات بالغلط وعجبته بس ما ندري مين هي ربى بابتسامة تعالي أجل هذي مو جمانة جمانة لو صار لها كذا كان عرفت خليني أشوف وأكلمك اوكيه يسلمو رب رب ....اصبري لين سألتي بسام يمكن ما يبي ...إلورا أنا بشوفه الحين ورجعت للتلفون معليش ربى بس كنت بشوف بسام ابتسمت بحب لتين أمنية حياتي أشوفك إنتي وبسام سوا صوري لي مقطع وارسليه لتين بإحراج يا وقححححه مقطع وشووو؟؟؟ ضحكت ربى والله إنتي تفكيرك مدري وش يبي يعني وإنتو تتكملون أو أي شي أحس ما ينففع بسام الغثيث مع لتين لتين بتلقائية حرااام عليك عاد بسام مو غثيث اييه مين اللي كان يقول كذا؟؟ برقة هذا أول الحين لا اوكيه اسمعيني لتين عرفتِ وش سالفته ؟؟ هدأت فجأة لا طيب اعرفيها بأقرب وقت ابنهي الرواية تنهدت طيب بس أعرف لو فتحت هالموضوع بتبدأ المشاكل يا قلبي عليك سوي اللي يريحك اوكيه أكلمك بعدين ربى لا تنسي اللي قلت لك عليه اوكيه من عيوني طلعت جمانة وبتنهيدة عميقة الحمدلله راحة نفسية سكرت التلفون وأنا أحاول افكر باللي قالته لتين امشي يللا تأخرنا جمانة تطلع جوالها يا ويلييي خمس مكالمات من وافي ابتسمت يا ويلك منه دقت عليه وهي تعض شفاتها المشكلة ما يحب إني ما أرد عليه يللا شوفي الحين نقدر ندخل للمار كلميه وادخلي اوكيه آلوو .. * * * Try to end a quarrel. حاول ان تبعد عنك النكد والمنازعات نهاية الجزء السادس و الخمسون . |
|
|
#122 |
|
|
رد: رواية خنقت الورد يا يمه وبيديني انكسر ذبلان
مشاء الله تبارك الله ولا حول ولا قوة إلا بالله ولا تضره
بسم الله الرحمن الرحيم الجزء السابع والخمسون [ ما قبل الأخير ] أنت : بكُل قَصيدَة .. تُغنِي بإحياءِ الحَنين فِي كنزَة صُوفيَة ، تُرتلُ تحتَ الشَجرِ والزَيتُونِ بأن يُتلّى حُبنَا فِي الكُتبْ .. مَعزُوفَةً منْ مشمشَ ودُراقَ لا يَقتلها الإنتظَار / فتفسد هل لأصابعك أن تَفركَ الوجع القابع بصدرِي .. لتزيلَ البَردْ وأحجيّة الماضِي القَديمْ ! حاولت اتطقس وشكيت بسارا بنت خالتي أم خالد كثير نفس مواصفاتها مدري ليه شاكه فيها اتكيت ع طرف السرير طلال وهو يقلب بالجريدة هممم يجوز أصور سارا وأرسل صورتها للتين عشان أتأكد إذا هي وإلـ... وقبل ما أكمل جملتي شفته ترك الجريدة وعلامات التعجب بوجهه إنتي من جدك وإلا تمزحين ابتسمت بإحراج وشوو؟؟ لا طبعا ما يصير أصلا حتى لو شافتها ما بتعرف هي أو لا اممم اوكيه أجل بسأل لمار بقول لها تستفسر هي من سارا حط الجريدة ع الكمدينة وهو ينسدح ع السرير سوي اللي تشوفيه صح عن نفسي شفت بندر رجال ما ينعاب بس سارا بتوافق تعيش بإيطاليا طول عمرها؟؟ هزيت كتوفي وأنا آخذ جوالي مدري بطلع أكلمها تغطى سكري النور معك سكرت النور وطلعت للصالة دقيت ع لمار وبعد كم رنة جاني صوتها آلوو مرحبا لمووو كيفك اليوم ابتسمت الحمدلله أحسن كيف وليد يا قلبي عليه لمار بصوت واضح فيه الحب حياتي أنا قبل شوي رضعته وأخذوه بس والله شايله هم اليوم بتوصل تحاليله تعرفي تأخرت كم يوم ربى تطمنها لا تخافين لمار بما إنه طيب إن شاء الله بيكون كل شي تمام الله يسمع منك آميين إلا كنت بقولك لمار هذاك اليوم كلمتني صحبتي لتين وطلبت مني أسأل عن وحده بعيلتنا أخوها بندر شافها وبيخطبوها له لمار باهتمام اييه وسألتي عنها ربى بضحكة مو المصيبة إني ما أعرف مين هي ولا هي بعد بس شـ.... ههههه هذي سارا ربى بحماس اححححلفي والله كنت متوقعه لمار بضحكة يا فرحتك يا سارا من يوم شافته وهي عايشه بأحلام وردية ربى بابتسامة يا قلبي عليها بس مدري لتين قالت لي إنه ما يقدر يظل هنا يعني لو كلمتها اليوم بكره بيجوون يخطبوها وما يقدر يرجع مره ثانيه يعني سالفة معقدة الظاهر يبغا يتزوج على طول بس أختك توافق تعيش بإيطاليا طول عمرها؟ لمار باستفسار مدري يعني قصدك تتزوج بدون فرح ربى لاااا ما أتوقع أبد بالعكس أتوقع بيصير لها فرح كبير تعرفي شغله إنتي بس اللي أتوقعه إنه الفرح يصير بسرعه مدري والله لو نصيبها بتاخذه صادقه خليني أكلمها بوسي لي ولدك لموو إن شاء الله هذي الممرضة جايبته لأنه فيصل جاي الله يحفظه مع السلامة •°ـآٍحْتٍمَآلْ °• أن يغرس ـآحدهم شوكاً في جسدكـْ وأن يغرس ـأنيابه في قلبكـْ المؤُلم في الأمْر عندما يكُون مصْدر الألَم جُزء مِنك! وصلنا تورينو الصبح عبدالله تعبان درجة حرارته مرتفعه بس يكابر وأنا جالسه بالصالة بتفرج تلفزيونيّ سمعت شي رخيت مستوى الصوت وفعلا تأكدت إني سامعه شي تركت الريموت وقمت قربت من غرفة النوم فتحت الباب شفته مرتخي ع السرير بلاقوة عرق يتصبب من جبينه تالــــــ...ــه... رحت له بسرعة رجولي ما تحملني لمست جبينه حياتي عبدالله !! حار واضح إنه بدا يهذي من الحمى نزلت دموعي بضعف ما أعرف وش أسوي له قمت أخذت تلفوني بسرعه ودقيت ع البيت ما أدري مين اللي رد علي بس كل اللي أعرفه إني قلت لهم عبدالله مريض وما أعرف كيف أتصرف جلست جنبه وأنا أسمي عليه وأبكي ما كان يرد علي كأنه نايم وجهه أحمر ويرجف غطيته بالبطانية زين وفتحت الشبابيك الشمس تدخل دفا شوي قمت أفتح الباب اللي دق كان بابا ومعه بسام ولتين وماما أول وحده جرت عليه لتين قرب منه بدر حط يده ع جبينه وباستغراب حرارته مرا مرتفعه وش صار له تاله وهي تبكي بحضن أمها ما أدري من يوم كنا بالامارات وهو تعبان بسام يهديها لا تخافين بندر جاي ومعه الدكتور الحين لتين وهي تمسح ع وجهه يا حياتي يا عبدالله وبصوت متهدج كله منها الحيـ#### الله ياخذها تاله بانفعال ودموعها تنزل ما هي أم وربي نزل لرجولها يترجاها طردته بدون رحمة قام بدر وهو يربت عليها خلاص حبيبتي بيرجع معافى إن شاء الله قرب بسام ومسك لتين برقة بكتوفها تعالي حبيبتي جا الدكتور غرقت عيونها بالدمع ليه يصير كذا معه ليه هي أمه عبدالله ما يستاهل .... { لا تَحْتَارْ فِيْ وَاقِعَكـَ ـآلغَرِيبْ .! } قفل التلفون من جدته وهو يصرخ مؤيد بحزم رويد خلاص ستوب ترا اللي سواه بسام ما يجي قطره ببحر أفعالك صرخ بوجه أبوه وهو يكسر الأشياء نيسوون دريتوو " ليس من حقه " أجل من حقك إنك تقرب من مرته وتعتدي عليها و..... صرخ فيه بغيض ايوا نونا بوسي دا بارتيه "أنا لم أعتدي عليها" مؤيد بصدمة سكت إلورا ليه ما تكلمت من أول وقف قدامه بقهر بيركي سونو توا سوريللا ماليدتو يعرف كل شيء " لأن، ابن أختك الملعـ### " سكت مؤيد رويد ما يقدر يخرج من ألمانيا وهو بيظل معه أصلا هو ابعد ابنه عن بسام وزوجته من أول هنا لهم بيت بمساعدة الجدة رويدا! وعمل وحياة روتينيه مملة لرويد لدرجة إنه صار كثير يرجع لجيتاره... حاول مرات يخليه معه بمسجد المدينة لكنه رفض إنسان طول عمره عايشه المعازف معه تركها لدنيا يرجع لها لدنيا أكيد...! بندر وهو يحط الورقة بجيبه أنا بروح أشتري الأدوية انتبهي عليه يا تاله أشرت ع عيونها بعيوني سكر الباب بدر وهو يخرج مع بسام جلس ع الكرسي خلوه يرتاح ع الأقل نص ساعه وبعدها بيتحسن إن شاء الله يلدا يعني الدكتور ما قال فيه شي بسام يهز راسه وهو يحضن كف لتين حرارة وتزول إن شاء الله بس شكله حس بالتعب وطنش نفسه نجد بحنان الله يشفيه يارب بيصحى وبيتناسى بدر بنرفزة مين يقدر يتناسى أمه يا نجد هذي مو أم لتين وهي تشد ع كف بسام عمي اللي ما يعرف طعم الشي ما يشتهيه عبدالله عمره بحياته ما كان قريب من أبوه ولا أمه بينساها مثل ما نسى أبوه نجد كاسر خاطرها بقوم أسوي له شوربة تاله خليكي خالتي أنا أسويها وتورطت بعد ما قالت الكلمة ناظروها كلهم بدر إنتي!! ارتاحي حبيبتي ههههههههههههه تاله بدلع باباااا لا تحرجني ابتسمت لتين أنا أسويها معك بسام أجل أنا رايح مع أبوي طمنونا عليه إذا قام إن شاء الله لفت عليه لتين ابتسمت بحب الله معك لا تتأخر علي أومأ براسه لا تخافين لو أبي أتأخر ما أقدر أتأخر أصلا ضحكت اوكيه بعد نص ساعه تعال خذني لما خرج ناظرت ماما ماما كلمتني ربى تقول البنت اسمها سارا أبوها متوفي وأخوها يعرف عبدالله ابتسمت أنا ما أدري ليه مرتاحة لهالموضوع خليني أقول لبندر أجل يحجز لنا نروح بكرا يلدا بابتسامة أخيرا نويتي تزوجيه يا نجد ضحكت ماما والله حسيت إنه كبر بس هو ما قد طلب مني يتزوج تاله وقفت عندي توتا تعالي خلينا نسوي الشوربة قبل لا يصحى عبدالله ماما يا عيني يا عيني ع الحب ضحكت تاله فديته حبيبي تعبان لازم يكون الدلع إضافي ضحكت عليها ماما وخالتي بداخلي ابتسمت وأنا أقوم معها الحمدلله اللي عوضك يا عبدالله بوحده مثل تاله لو فيها عيوب الدنيا يغطي عليها قلبها الأبيض الصافي ... المرآجيح : كُنآ نرآهآ آلسبيل الوحيد لِ آلعبور لـِ الأعلىَ حيثُ المطَر , و قوس قزح , و آلغيوم .. و رُبما آلجنّه ♥ و لكن جميعُنآ كنّا نسقُط يومياً أكثر مِن مرّه ! أو ينقِطع أحد الحِبآل مرّه وآحده , فلآ نعود لهآ ثانيه .. بعض آلسقوط مؤلِم :( ! الجو كان حار بس فيه نسمة هوا ملطفة الجو حركت آيس كريم الفانيلا مع الفراولة عشان يذوب شوي أحب أشربه زي الحليب هههه عبدالرحمن منهمك بالتصوير يجي صورني عشرين صورة من أول الطلعة للحين بس بصراحة المكان يستحق التصوير وأكثر طبيعة روعة والشي الأحلى إنه يحب المغامرات يعني كبر سن ع الفاضي الله يحفظه ضحكت لف عليّ يارو !! تضحكين على ايش؟؟ هزيت راسي لا بس كنت أفكر بشي آهاا كلمك خالك اليوم..؟ لا أنا كلمت لمار الصبح وشلون ولدها ؟؟ الحمدلله كويس بس تخيل النتايج متعكسه مدري ليه ما وصلت للحين ابتسم وهو يحط الكاميرا بالشنطة الخاصة فيها لا تشيلون هم كل شي بيصير تمام إن شاء الله ما صار له يومين مولود الولد اليوم كمل ثلاث أيام ..... مسك يدي وقعدنا نتمشى ع طرف البحيرة تركت يده ورميت صحن الآيس كريم الصغير بالزبالة المنتصبة بطرف المنعطف عجبك؟؟ أومأت براسي اييه نكهته حاده شوي لما كنت بأميركا كنت ...حسيت فيه تورط وكأنه تكلم بعفويه وندم إنه تكلم بس كمل بثقة كنت آكل الأيس كريم وأنا صغير بس لما كبرت شوي صار شي عادي بالنسبة لي غير مفضل دايما لفيت عليه وبإصرار هالمره عبدالرحمن إنت ليه كنت بأميركا...؟ كمل مشيه معي وهو يناظر خطواته ع الطين الرطب اممم لأني كنت عايش هناك كنت عايش هناك اوكيه بس ليه..؟! ناظر بعيد وهو يتكلم باسترسال وكأنه يحكي ماضي انتهى يوم كنا صغار بعمر عشر سنين سافروا أهلي لأميركا سنة وكنا ندرس هناك وصدف إنه مره كنت مع توأمي عبدالإله .... مسح كفوفه الصغيرة ببعض عبادي اطلع يا ويلنا عبدالإله استنى استنى باقي آخر واحد تلفت يمين وشمال بالمدرسة فاضيه طلع وبإيده سنجاب صغير يووووه ما قدرت أجيب الثاني عبدالرحمن بحذر قوم أنت أنا أجيبه عبد الإله ابتسم بمشاكسة أتحداك عبد الرحمن ضحك بطفولة ههههههه لو جبته بتروح أنت تفتح الباب حق المدرسة ابتسم اوكيه يللا عبد الرحمن قبل لا ينزل طالع بعبد الإله وابتسم وقال جملتهم المعتادة اخوي عبد الإله بادله الإبتسامه لبيه عبد الرحمن اتفقنا عبد الإله مال براسه بابتسامة وعمرنا اختلفنا؟؟ عبد الرحمن قال بحزم لااا رفع يده وصفقوها ببعض يللا نزل بخفه ع الحفرة يجيب السنجاب هذي مدرستهم الابتدائية جنب بيتهم وكانوا رايحين ع السوبر ماركت ومروا بالمدرسة فيها سناجب دايما يحاولوا يصيدوها وهم راجعين شافوا باب المدرسة مفتوح فدخلوا ياخذوها يتسلوا معها دام توم المشاغب مو موجود عبد الإله صرخ بهمس عبداااااااان عبد الرحمن كان يحاول ياخذه ويفلت من إيده وما انتبه ع الحفرة اللي ملتويه على داخل بانحدار زلقت رجله صرخ بأعلى صوت عباااااااااااااااااااااااااااا ااااااادي عبد الإله حس بخوف عبد الرحمن ما يصرخ بهالطريقة عادي أكيد في شي ناداه صرخ بالحفرة ما سمع إلا صدى صراخه وتدريجيا اختفى الصوت [ نص مقتبس من رواية ما رجيت من الفرح إلا رضاك ] طبعا أهلي والشرطة جو دوروا كثير بس لقوا جثث لأطفال الظاهر إنه كان دايما يطيحوا فيها وظنوا إني ميت ورجعوا أهلي السعودية وما أدري كيف بعدها طلعوني وحطوني بدور الرعاية ربتني وحده وبعدها رجعت الدمام وأنا ظليت أكمل دراستي التقيت بمحمد الكابر ورحنا فلسطين سوا بس لما توفى اضطريت إني آخذ ولده الرضيع وأرجع كنت مصاب بكتفي وبالصدف عالجني ولد عمي عبدالعزيز وتعرفت على العائلة الكريمة وصار اسمي عبدالرحمن بعد ما كان بشار .. كنت اسمع بإنصات وأول ما انتهى حاولت أقرأ بملامحه أي معنى بس اللي وضح لي إنه كان يفتخر بماضيه سألت بتعجب يعني إنت كنت بعيد عن أهلك أومأ براسه اييه يعني ناقص حنان وفتح يده تعالي احضنيني وعوضيني وحضني بقوة باستهبال ضحكت وأنا لسى مو مستوعبة دقيقة عبدالرحمن يعني إنت رحت جاهدت ؟؟ هز راسه اييه حركت عيوني بتفكير والله قصة غريبة يا حياتي عليك ورجعت ضميته بعوضك الحنان كله ضحك وهو يحضني ياليتني حكيت لك القصة من زمان أجل ههههههه خلاص يكفيك من اليوم لآخر العمر إن شاء الله همس وهو يحضن كفوفي بحميميه ونكمل مشينا إن شاء الله يجب أن تكون أحلامنا نقيّة كـطبيعة الصباح بهيّة كـسعة السماء ، عميقة بلُغة العطاء أحلامنا لا تقف ..فلنسير بمحاذاتها كصديق يحب صديقه لا يـتركه ويفخر بملاقاته تلك هي الأحلام جنّة لمن أراد وبقى،، اليوم ماما رايحه للمار بس على أساس بكره بيجونا ضيوف ما قالت لي مين هم اللي عليّ إني أشرف على تنظيف غرف الضيوف والترتيب سكرت الدولاب وأنا أكتب باقي اللستة دخل عليّ خالد وجلس ع الكرسي ساكت وكأنه بيقول شي لفيت عليه خالد! سكر جواله نعم قول من الآخر وش عندك ابتسم بوجهي بكره بيجون ناس أنا بهدوء وطيب يعني ؟؟ ناس جايين بمهمة رسمية وضحك ضحكة قصيرة فهمت عليه ابتسمت بإحراج وإنت ليه متحمس تدرين مين هم؟؟ هزيت راسي بنفي لا ومو لازم أعرف خالد وهو يقوم نشوف بكره لما طلع حسيت بشي غريب بس تجاهلت كل شي وبحزن تملكني تذكرت بندر ضحكت بسخرية وأنا أتأكد من الأغراض مرا أحلامك سعيدة يا سارا ....... أابــي كـل دنيتي ج’ــنبك .. مسح فمه الحمدلله تاله تقرب الملعقة منه لسى حبيبي ما أكلت أشر بيده خلاص الحمدلله شبعت وبإصرار تو تو حياتي لازم تتغذا عبدالله بدى يتنرفز شبعت يعني غصب هزت راسها اييه غصب بتخلص الصحن كامل رفع حاجب تاله بعديه عن وجهي ماني ناقص حطت الصينية قدامه مافي خلصه أول رفع صوته تالـــــــــــه شلون يعني مو سامعتني وش أقولك؟؟؟ احتد صوتها لا مو سامعه بتاكل يعني بتاكل دخلت على أصواتهم يالهي حتى وهو مريض يتخانقون تاله وعبدالله سوا بتـ... ههههههه عبدالله يشتكي بتأكلني غصب تاله بحرارة وإنت مو راضي تاكل أنا ما أبيك تكون مريض لتين تضحك حرام عليك يا عبدالله مريض بشهر العسل اش العريس الفلة هذا ابتسم ابتسامة باهته بتحسن بس توقف عنادها تاله تمسح ع وجهه والله قلبو إنتا ارتاح حبيبي لتين تعض شفايفها بإحراج وعبدالله ضحك بروح اتحمم تعالي ساعديني تلوو تاله تضحك شوف لتين متزوجة وخدودها محمرة يا حياتي يا توتا لتين وخدودها متورده أنا طالعه بسام جا ضحك عبدالله ع الخفيف مهما شاف هالبنت غير شكل مع السلامة سلمي لي ع بسام واشكريه : إن شاء الله وأشرت لها تاله باي لفت عليه وهي تساعده يقوم عبدالله بوهن خلاص حبيبتي بس جهزي لي المويه إلورا من عيوني.. يعشقها..يعشق اهتمامها ومشاكستها اليوم حس فعلا إنه ما ندم لما فكر يترك بلده ويسكن الغربة عشان خاطر إنسانة هي وأهلها شالوه بكفوف الراحة... . يتبع |
|
|
#123 |
|
|
رد: رواية خنقت الورد يا يمه وبيديني انكسر ذبلان
بَائِعَـةُ الْـوَرْدِ تُـصَـبِّـحُــنِــى
......... بـِعَـبـِيــرٍ وَوِرُودِ حِـسَـــــانِ .. يا خَـدَ الْـوَرْدِ وحُـمْــرَتــــِــهِ ..... أيُّـكُــمَــا قـَـدْ بـَــاع الثَّانِ كانت لين مع بسام بالسيارة يا أهلا وسهلا بلين لين بابتسامة هاديه آهليين كيف عبدالله الحين اييه صح يسلم عليك بسام الحمدلله تحسن الحمدلله ههه أكيد تاله سوت الهوايل بسام بضحكة بكيت هذا شي طبيعي في تاله وأنا بعد ربي بلاني بناس دموعها على طول تنزل كنت مندمجة معه وفجأة استوعبت هااا؟؟!! ههههههههه توها تستوعب لين حاطه يدها ع خدها تتأمل بابتسامة ناعمه قرصته بخفه ع خده وشديت يدي يعني عندي قلب ولما شلتها كان محمر خده بشكل يضحك مسح عليه بخفه وأنا بعد عندي قلب هزيت كتوفي مدري ؟؟ لف علي وشو مدري إنتِ الداهية سويتي فيه الهوايل وتقولين مدري ضحكت ... ضحكت كثير مبسوطة منه يالله بسام هديه ما تتعوض من ربي لين بنعومة يا قلبي عليكم وربي يا لتين ما كنت أتخيل في يوم من الأيام بشوفك إنتي وبسام بهالصورة ومدت لي جوالها كانت صورتي وأنا ماسكه خده وعلى شفايفه ابتسامة ألم خفيفه ابتسمت وقلبي يدق ما انتبهت عليك وإنتِ تصورين وطلعت جوالي بالله أرسليها لي برسلها لربى بسام يكلم السواق جنبه ومو منتبه ع سوالفنا ربى صحبتي كتبت قصتي برواية قاعده تنتظر النهاية عشان تنشرها لأنها مكتوبة خلاص لين بابتسامة حلو .. طيب عطتها دور نشر أومأت براسي اييه أقولك بس باقي فصل النهاية ع قولتها عقدت حواجبها ع الخفيف نهاية ايش ؟؟ همست لها نهاية القصة بعرفها من بسام ليه كان يسوي اللي سواه أومأت براسها آهاا لف علينا بسام يللا انزلوا جيت بنزل انتبهت انه مو البيت نزل وفتح لنا الباب بما إنكم مو متغدين نتغدا نزلت بسعادة ونزلت معي لين Ristorante pizzeria لين بفرحه صحيح توتا سمعت إنكم خطبتوا لبندر أومأت براسي وحنا ندخل اييه أتوقع ماما كلمتهم بكره مسافره الخبر بعد لنا الجرسون الكراسي عدلت جلستي وأنا أكمل قالت بتروح هي وبندر وإذا صار كل شي اوكيه جينا نزلت عيونها لأني حاليا مو ناويه أنزل الخبر ! بسام تنهد وهو يغير الموضوع إلا لين شفتي مزرعة الورد الصغيرة اللي وريتك هي مره لين باهتمام اييه وجه نظره للتين بما إنك بائعة ورد يا نانا بديت بمشروع صغير عند الكشكات اللي تحت الجبل سألني بحماس تذكرتيها أومأت براسي أكيد ما أنسى شي كذا ابتسم هناك قلت أسوي لك كشك صغير ويصير ورد المزرعة يروح له للبيع طبعا يحتاج المشروع شهر ع الأقل اللين يصير التصميم وألاقي عامل مناسب ضميت كفوفي لصدري بحب يا حياتي يا بسام الله لا يحرمني منك بسام ابتسم ونزل عينه بنظرة لها معنى لين ضحكت كان تركتني ما جبتني معكم أحس إني مخربه الجو حضنتها وهي جنبي يا قلبي يا لين والله إني أحبببك بسام هااا بدينا أنا تعمدت ما أجيب راكان عشان ما ياكل الجو مسكتِ في لين أنا قدامك قولي اللي تبيه ههههههههههه جات تقوم لين أنا بروح أشوف الـ.. جلسها بسام وبجدية خليك وين قايمه بروح أشوف الشيف تصريفه مالأمها داعي بسام باستهبال عيني عينك رايحه للشيف استحي على وجهك يا بنت حمرت خدودها بسسسام ما قصدي ضحكت عليها براءة الدنيا نابعة منها سبحان الله عكس تاله تماما الحمدلله اللي ريحها من سطام مدري وش جاب طاريه الله ياخذه جا الطلب امممم البيتزا في تورينو لها طعم آخر : البيتزا اللي بالمطاعم بالسعودية ماهي بيتزا ايطاليه أغلبها مطاعم أميركية صادق هنا شي ثاني بغض النظر اش ألذ ح ـلوهـ نعيــش { الحـب } .. بقلـ♥ـوب .. الأطفــال .! وأحلـى لـو أن " العمــر كلــه { طفولــه } : حققققققي سحبته بقوة دلللللللللللوي عن السخافة هذي تجر من هنا والثانية تصارخ فتح الباب توه راجع من العمل ناظرهم باستغراب وش فيكم؟؟ جمانة بعصبية آخذه حقي داليا ونفسها يطلع وينزل من الصراخ والله حقي وافي دخل وسكر الباب رجعنا للطير ياللي جمانة بغيض أنا حطيته هنا اليوم بالفجر عشان لما أصحى أشربه داليا لا لا أنا قلت لسونيا تحطه لي وافي يناظرهم الحين من جدك إنتي وإياها قاعدين تتخانقون على علبة بيبسي جمانة وحست بالإهانة تخصرت لو سمحت وافي لا تحتقر رغباتنا نحب البيبسي مو حرام بس السرقة حرااام وناظرت داليا بنغزة داليا بصراخ أنا مو سرااااااقة حركت حاجبها ببرود سراقة سراقة ونص بعد مااااااانـ.... وافي ينهي الموضوع مخفي ضحكته ع كومة الطفولة اللي قدامه طيب شرايكم نروح السوبر ماركت داليا نسيت الموضوع باسته ع خده بقوة حبيبي وافي وراحت تلبس جمانة بعصبيه رافعه حاجب وش اسمي هذا ماخذني ع قد عقلي يعني ابتسم أقول جموون شرايك تتعوذي من الشيطان على فكرة هالبيبسي حقي أنا اللي حاطه فوق الثلاجة زمت شفايفها بإحراج يعني أنا كذابه !! والله العظيم إني حطيت واحد ع الدولاب : هههههه طيب وهذا كان فوق الثلاجة تكتفت ماني رايحه روح مع أختك وافي بخبث يحضنها من الخلف أجل الروحه ما لها طعم بدون حبيبتي اييه العب علي بكم كلمة كعادتك ههههههههههههههههه جمانة خلاص حبيبتي ! لفت عليه وبكيد عدلت ياقته طيب بشرط آمري يا عيون وافي ،، حركت عيونها فوق تحت بتفكير وبدلع بنام عند ماما يومين ارتخت ملامحه وأخفى ضيقه أفكر جمانة بحده طفوليه خزته خـــــــــلاص لا تفكر ماني رايحه يا ربييي وش خلاني أتزوج أنا ابتسم وركز عينه عليها نطت عليه وباسته حبيبي إنتا لا تزعل ترا أنا لما أعصب أقول كلام كثير ماله معنى ماله معنى هاا؟!! ضميته بحب من قلبي يا عمري يا وافي والله ما في مثلك في كل العالم رفع يده وحضني دخلت داليا وافي أنا خلصت جمووون وش قاعده تسوين قومي إلبسي همست حضر هادم اللذات وافي تركها يا لذات إنتي !! وغمز لها ضحكت وأنا أطلع أبدل ثيابي وافي وكل شي من ضمنه حتى أهله وداليا لهم مكانة خاصة بقلبي يمكن لو ما كانت داليا كان حسيت بالملل بعيشتي معهم دعيت بداخلي وأنا أدخل غرفتي يا رب لا توريني فيهم أي أذى... زهرة الجبل الأبيض Fiore Monte Bianco Flower White Mountain . للكاتبة [ بائعة الورد ] [[هذا الإسم هو الإسم الثاني لرواية خنقت الورد يا يمه وبيدي انكسر ذبلان!]] صبت الشاي خالتي ليلى قمت أخذته عنها وضيفتهم ماجد أخذه وهو يهمس لي سكر يا سكر أشرت ع عيوني كم وحده ابتسم وحده حطيت له السكر وحركته ربى وهي تقطع الكيك ماجد إنت مو ناوي تحدد عرسك حددته بعد ستة شهور إن شاء الله بس إنتي مو داريه عن شي مديت بوزي حرام عليك والله إذا تزوجت بتشوف إنك ما تفضى عمر اييه بنتي ما عندها إلا طلال ولتين ضحكت بحب حتى إنت عليّ يا بابا خالتي ليلى قولي لك كلمة خالتي ليلى بحنان أنا مع روبي حرام عليكم طلال وعارفين مزاجيته الظاهر حتى إنه ما يحب يشوفك تكلمين تلفون وهو جالس تنهدت اييه طلال من الرجال اللي ما يحب أنشغل عنه بأي شي حتى لتين ما أكلمها قدامه إلا إذا كنت مضطره وديم ايواا صح ربى انتهت روايتك ناظرتها بتفاجؤ إنتي وش دراك ودوم ماجد يكح ربى جيبي لي مويه ناظرته جيبي لي مويه هااا يالنصاب إنت اللي قايل لها ههههههههه ههههههههههه خالتي ليلى بانبهار ربى مشاء الله تكتبين رواية هزيت راسي وأنا أعطي آخر قطعة كيك لوديم وأجلس كتبت قصة لتين بكتاب راح ينشر قريب إن شاء الله بابا بفرحه وش سميتيها؟؟ ابتسمت بحب سميتها " زهرة الجبل الأبيض " طيب ليه بالذات الجبل الأبيض تنهدت بابتسامة لأنه هالمكان لتين وزوجها يحبوه وهو المكان الوحيد اللي ما لهم ذكريات سيئة فيه أثنوا ع الاسم بتعليقات متفرقة ماجد ما علق أي تعليق ابتسمت وديم الله يسعدها آمييين كنت بداخلي مبسوطه لأنه فعلا قصة لتين قصة لازم تنشر أقل شي لحقها أسويه حق العذاب اللي تعذبته على يد بسام لازم ينكشف ويروى على ألسنة الكتب... ربي يسعدها وين ما كانت ... •° دَآئِمـَــاً °• إذا كَانَ فِيْ حَيَاتِكـَ نَمُوذَجْ قَبِيحْ لِلِبَشَرْ حَاوِلْ هَجْرَ أَوكَارِ ـآلقُبْحْ وَـآبْحَثْ عَنْ ـآلجَمَآلْ ~ فـً مُجَرَدْ ـآلتَفْكِيرْ فِيمَا تَكْرَهـْ يُسَجِلْ لَكـَ ـآعْلَى مُعَدَلْ لِلِخَسَارَهـْ .. وَـآنْتَ ـآكْبَرْ مِنْ هَؤلاءِ ـآلصِغَارْ بـٍ عُقُولِهِمْ وَضِيقِ مَدَآرِكِهِمْ ~ وَقلْبُكـَ ـآلكَبِيرْ ـآكْبَرْ وَـآكْبَرْ وَتَذَكَرْ بـٍ ـآنَ رَبُكـَ سـً يَنْصُرُكـَ وَيَحمِيكـْ فَقَطْ/ ثِقْ بـٍ اللهِ تَعَآلىْ ..} مطار تورينو// 8:00 p.m. سلمت عليه وحضنته بحب معليش بندر تركتك تروح لحالك المفروض أكون معك بكره بس مـ.... قاطعني وهو يمسح ع راسي لا تفكري بهالطريقة أنا فاهم شعورك زين ولأني أخ حقيقي بتخيلك معي إنتي وعبدالله بالشوفة وفجأة استوعب بفجعة لف ع عبدالله إنت!! عشان أحش عيونك لو تفكر تشوفها تاله بغيرة مين هي؟؟!! عبدالله مو داري عن السالفة شد عليه جاكيته من غير شي يحس بإرهاق خفيف نهاية السخونة بس أصر إنه يجي يودعهم بالمطار ضحكت عبدالله بندر يقول ما يصير تدخل معه بالشوفة عبدالله أصلـ.. تاله تصغر عيونها عبدالله !! هز راسه ببراءة يتصنع الخوف والله مالي دخل دخلوني بالسالفة وأنا بريء بندر يضحك من قلب يا خوفي تكون سارا زيك يا تاله تاله تبتسم ياليت والله بس أنا أدري إنه ما في مني اثنين بندر يناظر عبدالله ونظراته بلع ريقه احمم عبدالله لا شرايك تعطيه كفك بعد تاله برعب هااا لا حبيبي أنا مو قصدي وقربت منه ..... قعدنا نضحك عليهم أنا وبندر ثنائي غريب هالاثنين قرب بسام ومعه راكان أعطاه التذكرة تفضل يا أخ بالتوفيق وترجع بالسلامة بندر يحضنه وهمس له المفروض تكون معي مثل ما كنت معك بسام ابتسم بعد شهر إن شاء الله باخذك أنا بنفسي بالرحلة صحيح بسام باقي له شهر ويتخرج ويصير الكابتن بسام ..! تذكرت زوج ربى تنهدت وأنا أروح لهم وأسلم على ماما يا رب يصير كل شي مضبوط ويتوفق بندر يستاهل كل خير... • عسى كل شي بـ دنيتي خيرهـ .. حضن ولده بحب ودفنه بصدره برقة صغير،، بشرته أنعم من القطن ملامحه دقيقه ويميل لأبوه أكثر من أمه لمار بشغف قربت منه ومسحت بحنان ع راسه يقولون إنه أول طفل إذا طلع يشبه أبوه معناها الأم أصيلة فيصل يبوسه وهو يمسح ع شعره سمعت بعد إنه معناها الأم تحب الأب أكثر وأنا ما أؤمن بهالسخافات لأني أحبك أكثر من حبك لي! مديت لساني بدلع مين قال؟! الله هو اللي يعرف اللي بالقلوب بس أنا أقول!! مسحت ع شعره متى أطلع من المستشفى بديت أزهق فيصل بابتسامة رجع وليد بسريره وباس يدي حياتي ما بقى كثر اللي راح الحمدلله اللي ربي قومك بالسلامة الحمدلله عقدت حواجبي ع الخفيف ما وصلت التحاليل للحين ابتسم اليوم إن شاء الله بس الدكتور طمني قال الفحوصات اللي هنا كلها سليمه أرخيت راسي ع صدره مستسلمه لقدر ربي هو أعلم بحالنا والله الدنيا غريبة كلمك بندر الصايغ؟؟ ابتسم فيصل وهو يضمني لصدره أكثر اييه كلمني قال إنهم جايين يخطبون سارا ابتسمت بحب اييه الله يسعدهم يا رب آمييين ●●●حنونه.. ناعمـه جـداً.. أنيقـه حتى الورد ياخـذ مـن شذاهـا..! رحنا نتعشى بعد ما ودعناهم في المطار على طاولة المطعم الكبيرة تجمعنا كلنا راكان كالعادة راسه براس تاله وعبدالله يتفرج باستمتاع الظاهر إنه ينبسط لما يشوف تاله معصبه " في أشخاص حلوه عليهم العصبيه هههه واحد من إخواني الله يحفظهم من هالنوع إذا عصب الكل يخاف منه عن نفسي أضحك عليه " عمي متحمس يشرح للين وخالتي يلدا عن نجاح المصنع الأخير بروما اتكيت ع الطاولة في شي بداخلي متألم مقهورة لأني ما قدرت أروح مع ماما ما قدرت أشوف الفرحه بعيونها لبندر بكرها مسح ع خدي برقة لتين ! ناظرته بكسل همم وش فيك حبيبتي؟؟ تنهدت متضايقه يمكن لو ما صار اللي صار كان قدرت أروح مع بندر وماما بندر ما قصر مع أي أحد فينا والحين راح لحاله ضميت جسمي وتقشعرت لما تذكرت اليوم اللي جاني فيه رويد غمضت عيوني بقوة وأنا أعض على شفايفي أمنع دموعي مو وقتها مو وقت النكد الكل مبسوط شديت ع أسناني وأنا افتح عيوني و ارسم ابتسامة مصطنعة وأردد بداخلي حصل خير حضني بسام وهو يشد علي معليش حبيبتي بالعرس إن شاء الله بلعت ريقي إن شاء الله أقـ... لفينا ع التصفيرة وبعد بسام عني لما لف ضحك راكان ورمى علي وردة قرنفل وحيدة نوي سيامو كويّ " نحن هنا " ابتسمت جيت باخذها كانت جنب صحني الفاضي ناظرت بسام حاط يده ع خده وساكت ضحكت بخفه مو عارفه وش أسوي عمي بدر الله يهديك يا راكان لا تحرجها راكان فاتح عيونه آفااا يا لابيللو أقدم لك وردة ولا تاخذيها يا ربي بين نارين الوردة وإلا بسام وبسام بهدوء يتأمل ينتظر وش بيطلع مني صار الكل يصفق ويهتف بسام أما عبدالله وراكان وتاله يهتفوا باسم راكان والوردة حاقدين ع بسام ليه ما أدري ههههه ملت بدلع حرااام عليكم حيرتوني خالتي يلدا تضحك يللا يا توتا نشوف مين أعز والله كلهم عزيزين بس !! قمت أخذت الوردة وقدمتها لخالتي يلدا وأنا أبوسها فرحت حضنتني تسلميين يا حبيبتي الله يسلمك والله كلكم غاليين والورد غالي بس مو بغلاة بسام ورجعت قربت منه بسته ع خده ما تزعل بسومي صرخ راكان بحماس وسط تصفيقهم توردت خدودي استحيت منهم بسام بابتسامة مسك يدي وسحبني له بعدت بسرعه لا تتهور بسام هههههههههههههههههه تفشلت للمره الثانية عمي بدر بضحكة الله لا يفرقكم قولوا آميين الكل آمييين وغمز له بسام قول لها إنك تركت الطيران لعيونها قـ... قاطعه بسام بميانة يبه أطلع منها دخيــــــــــلك ضحك عمي شايفه زوجك يا لتين.؟! عبدالله بابتسامة قول عمي ما عليك منه بسام يتحمحم لا والله جد خليها بينا يبه عبدالله شفيك عليّ اليوم وش مأكلتك تاله تاله بمشاكسه أكلته عسل مع حلاوتي ضربت معاه ضحكنا عليها جراءتها حلوه بس غريبة تُستهجن لو كانت بمجتمع عربي أنا ابتسمت ما يبي يقول على راحته أهم شي إني مبسوطه معاه وما ينغص على سعادتي شي لما جا الأكل أخذت ميرا من الخادمة خالتي يلدا توتا ما بتخليك تاكلين ابتسمت لها وأنا أبوسها خالتي خليني أنا انبسط أكثر معها وبستها برقة و عيوني ع بسام حياتي أنا فهمني ابتسم وهمس : خفي عليّ شوي أنا مو قدها اكتفيت بابتسامة وأنا أرخي هدب عيني بحيا أحب كل المشاعر اللي يخلفها فيني بسام!! * * * Dismiss suspicion, and replace it with trust. إصرف النظر عن الشك ، وضع مكانه الثقة نهاية الجزء السابع و الخمسون ..... استودعكم الله إلى أن ألقاكم بآخر بارت... مع خالص ودي بائعةالورد |
|
|
#124 |
|
|
رد: رواية خنقت الورد يا يمه وبيديني انكسر ذبلان
مشاء الله تبارك الله لا حول ولا قوة إلا بالله ولا تضره
بسم الله الرحمن الرحيم الجزء الثامن والخمسون [ الأخير ] خَنَقْتْ الْوَرْدْ يَا يُمَه وبِيَدِيّ اِنْكَسَرْ ذَبْلَانْ آحَسِبْ إِنْ الْزَمَنْ يِقْدَرْ يِعَدِلْ غَلْطَة سِنِيْنِيّ وآثَارِيْ الْوَرْدِ يَا يُمَه لَه إِحْسَاسْ وحِزْن وأَشْجَآن سِمِعْتَه بَآخِرْ أَنْفَاسَه يِنَادِيْ لَا تِخَلِيْنْيْ زهرة الجبل الأبيض أنا معجبة بهالبنت! تخيلي ما وافقت ع بندر إلا بشرطين ما يجبرها تكشف وجهها ولا يخليها تكشف ع أهله ابتسمت أصلا واضح من وصفها إنها حيويه ومؤدبه توسعت ابتسامتي بندر طاير فيها بس ما كأنه مستعجل شوي توه خاطبها قبل يومين وبعد شهر زواجه تنهدت تعرفي شغل بندر وعبدالله ما يقدر يمسك الشغل لحاله هذا غير لما بندر بيسافر تربعت قدامي ع الكنبة وهي تحضن المخدة ايواا حكيني من طأطأ للسلام عليكم ضحكت عليها أول شي وينه عبدالله عقدت حواجبها مو قال رايح مع بسام؟؟ آهاا صح اييه راحت ماما وبندر شافتها ماما وبندر ما طلب يشوفها خطبوها ووافقوا وبكره راجعين وهذا اللي صار بعد اسبوعين الملكة وبعدها باسبوعين بعد زواج السيد بندر الصايغ كملت بابتسامة يا قلبي عليه الله يسعدها سارا بندر رجل مثالي بصراحة عبدالله وهو أخوك من أول ما مدحتي فيه كل هالمدح يوم خطبني هههههههه حلوه أخوك من أول طلعت لين من المطبخ وبايدها صحن شيبس تغديتوا بناات لا بسام وعبدالله رايحيين يجيبون الغدا مشاء الله جايين بيتها جابيه لنا أكل من برا قومي ع المطبخ أشوف تاله تتأمل أظافرها أنااااا!! اييه إنتيييي لا حبيبتي أنا بعدني عروس ما كملت ثلاث أسابيع متزوجة مالت عليكم بدل لاتساعدوني هههههههه مصيرك بتطبخين يا تاله تاله بابتسامة خبث لا حبيبتي جاريه المحاولات قاعده أحاول أقنع عبدالله يجيب لي طباخة ناظرتها ما في تعليق على هالإنسانة تاله تميل بوزها اييه حبيبتي أنا الحين عندي إجازة من العمل بعدين لو بدأ عملي ما بقدر لا أطبخ ولا أسوي شي ثاني معك حق حاولي فيه بس مو حلو أحلى إنك تتعملي لحالك ابتسمت باستهبال يعني موافقه أجرب على أخوك ضحكت لااااا أخاف ما ينجو من تجاربك الجميلة ابتسمت وهي تاكل من الشيبس خلاص أجل تنهدت باقي شهر بالضبط على زواجهم تلاقين ماما محيوسه تاله بفرحه أول مره بحضر عرس بالسعودية حماااس هههههههههههههه اللي يسمع يقول شي جديد حنا نفسنا لاااا هناك عادات غير والناس أشكالهم غير حتى السيرفي غير "الخدم" ههههههههه اييه معك حق هناك فلبين وهنا ايطاليين ومغاربة بعد لين اسمعي بايش قاعدين يتكلمون بس هههههه حسيت فعلا بمدى تفاهة الموضوع وقفت تاله بروح أشيك ع المكان قبل لا يجون بسام وعبدالله أنتَ الشتاءْ .. والنُبوءَة التِي تسيرُ خلفَ قطراتِ المطرْ والشِتاءْ الذِي يَكبرُ فِي معطفِ أبي سكرت المويه وربطت روب الديشانبور ع خصري غطيت شعري بالمنشفة زين همست "غفرانك" وأنا أقفل باب الحمام وراي وقفت قدام المرايا تأملت وجهي خدودي توردت أول ما جات عيني ع صورة بندر المعلقة بزاوية التسريحة ع اليمين زفرت بحب ملامحه ما تخوف !! بس إن شاء الله تطلع أخلاقه حلوه مثل الصورة اللي راسمتها له بداخلي قعدت أتذكر شلون عرفت إنه بندر خطبني كان يوم سبيشل جات أم بندر أول ما شفتها عرفت إنها مو أي وحده مدري ستايلها وطريقة حكيها كل شي فيها مو اعتيادي يعني ما هي من الوجيه المألوفة هنا وهي جالسه تتكلم قالت بس إذا ما عندكم مانع سكن ولدي بإيطاليا مو هنا أنا كأنه أحد صفقني على وجهي حسيت بأشياء غلط بتصير حولي كملت و كانت راقيه بكلامها تحسب الكلمة قبل لا تقولها وبندر بصراحة اختار سارا لأنه لمس الحيا فيها هي قالت هالكلمة من هنا ناظرتني ماما ولمار بابتسامة بلمت وجهي لا يفسر لدرجة توقعت إنها ظنتني رافضه طلعت من المجلس من فجعتي قفلت ع نفسي قعدت أبكي ! مو مصدقه قد ايش ربي كريم .. يعني كانت مجرد أحلام وحققها لي .. صحيح كل شي بالدعا يتحقق ! توسعت ابتسامتي ماما لما عرفت إنه شايفني قبل كذا بالخطأ بالبداية عصبت بس بعدها تقبلت الأمر إنه خطأ مو أكثر من كذا واستلمتني تعليقات هي ولمار الحمدلله خالد ما عرف مهما كان أظل أخته ويظل هو رجل غيور.. الله يرحمك بابا .. هذي الأيام مرت وصرت عروس ولمار صار بحضنها طفل وخالد نصيبه جاي مع الأيام.. دهنت نفسي بلوشن لميت شعري واسترخيت ع السرير صار لي يومين متوتره وهالتوتر يزيد كل ما حسيت إنه ما بقى شي ع الملكة وبعدها الزواج الساعة اللي بفارق فيها أهلي وعلى طاري أهلي تذكرت وليد ولد لمار للحين ما وصلت النتايج من يوم انولد قالوا بكره وهذا بيكمل اسبوع وتوها توصل الرياض على اساس اليوم توصل بالليل بس نتايج الفحوصات المحلية ما تقول إنه في شي ما في شي يضمن هنا بصراحة في كثير أخطاء طبية الله يجيرنا الفرحه مو سايعتها هي وفيصل الله يتمم عليهم كل العائلة مبسوطه بهالوليد أخذت تلفوني أدق عليها يمكن أتناسى توتري شوي أخي [[ ما أجمل حياتي عندما تكون أنت جزء منها..]] [It's mine] رمى نفسه ع الكنبة وبعين شبه مفتوحة الغدا جاهز؟! اييه يمه قومي وديم حطي الغدا لأخوك خزيته وأنا أقوم والله أنا أشك إني خدامة سامر في هالبيت مافي إلا حطي الغدا لسامر وشيلي العشا لسامر تزوج وفكني ابتسم كلها كم شهر وتتزوجين وتقولين ياليت سامر هنا عشان أحط له الغدا ما أعتقد إنه هالكلام صحيح بصراحة ناظرتني ماما وديـــم قومي حطي الغدا وإنتي ساكته قمت طيب ضحك باستفزاز حميه زيين ضربت رجولي بالأرض بغيض ساااامر خليك عاقل عشان ما تطلع براسي إنت تعرفني زيين ههههه اوكيه بسرعه من جد جوعان عطيته ظهري وابتسمت من جد راح أفتقده إذا تزوجت أنت ماضِ و في يديك فؤادي رد قلبي و حيث ما شئت فامضِ صحيت من النوم تمددت بتعب جسمي متكسر ناظرت جنبي ما كان موجود بسام ناظرت الساعة انفجعت وأنا أشوفها 4:00 العصر المفروض إنه ما بقى شي و يوصلوا ماما وبندر قمت أخذت لي شور وطلعت شفته نازل من غرفة الملابس ابتسم : صباح الورد للورد رديت الإبتسامة صباح الفل توك تقوم هز راسه لا من ساعة قايم استغربت ليه ما قومني طنشت وأنا أطلع ألبس ثيابي لبست فستان ضيق لونه أخضر موجيّ وأنا أنشف شعري شفت بسام يفتح الدواليب ويسكرها شكله مشغول يدور شي كملت أعدل شكلي من غير لا أسأله وفجأة وقف لتين ترا بعد ساعة كلهم بيكونون هنا حتى جدتي وجيهان ليه وش عندهم؟؟ رجع فتح الدرج جمعة عادية تدرين من زمان ما انجمعنا كلنا صغرت عيوني فيه من غير لا أتكلم ورجعت لفيت للمرايا وبداخلي اييه ماشي اضحك عليّ يا بسام ... [[ربي امدد في عمري لأعيش أطول زمنا احتضنه بين أضلعي]] [ It's mine ] كانت ماما نايمه عندي وفيصل بدوامه ناظرت ولدي بسريره الصغير نايم بسلام بسته ع خده وقمت بخفه حتى ما أصحي ماما الله يخليها لي من يوم ما يخرج فيصل لدوامه تظل معي حتى لو غفلت وقام وليد تكون منتبهه الله يخلي كل الأمهات ويحفظهم طلعت للمطبخ تركت الرضاعة تغلي ع النار عشان تتطهر ورحت ع الغرفة الثانية أجهز لبس لوليد عشان لما يصحى احممه سمعت جوالي يدق تركت اللي بيدي ورحت أجيبه رديت بابتسامة مرحيا مرحبتين... شلونك حبيبتي ؟؟ الحمدلله تمام إنت شو عامل بالدوام ابتسم أنا جالس هنا وقلبي معكم شلونه وليد ابتسمت وكأنه قدامي بسابع نومه بس لما يصحى بحممه مع ماما فيصل بأبوة أجل انتظروني لما آجي بشهد الموقف هههههه اوكيه ننتظرك حبيبي بس لا تتأخر من عيوني يمين الله ما زاحم مكانك بالحشا مخلوق مااافي والله إنت غشاااش يا بسام ضحك بخفه عليها الله يسامحك قولي إنك خسرتي وخلاص تركت أوراق اللاسكوبا بابتسامة غيض ع الطاولة أنا ما ألعب مع الغشاشين هههههه إلورا خلـ.... قطع كلامه هذولا هم وصلوا أشرت له ع التلفزيون بسام مو كأنه رويد لف بتعقيدة فعلا كان رويد ع الشاشة مع خبر رجوعه للفن مره ثانية سكر التلفزيون بسام وهو يقوم كنت بستنى هاللحظة من أول لأني أدري فيه مو صادق سكت ايش أقول هالإنسان ما شفت منه إلا الشر ومالي دخل فيه رجع للفن وإلا ما رجع شي راجع له ويخصه ويوم دخلوا كلهم قمنا نسلم ناظرت بندر أهلا بالعريس أهلا بأخت العريس ضحكت عليه وين ماما كلهم برا بس جيت بنفسي أسلم عليك يا قلبي عليييك تسلم حبيبي نزل عيونه استحي ترا زوجك ولد خالتي يا مدام ناظرته يستهبل وكأنه من جد ضحكت وأنا أضربه بخفه ع كتفه أنا طالعه بروح أشوف ماما إذا تحتاج شي وأنا طالعه مريت من الغرفة الداخليه صغيرة وبآخر البيت تقريبا لفتني النور اللي فيها دايما مقفلة وتذكرت إنه مره تاله قالت لي بسام قبل ما نتزوج كان دايما يجلس فيها لحاله دخلت ما في أحد ! وأنا لافه بخرج انتبهت ع كتاب شايفته قبل كذا دخلت بتلقائية ناظرت ع الطاولة شهقت بخفه وأخذته على طول هذا آلبوم الصور اللي خالتي يلدا سحبته من راكان فضول يذبحني أبي أفتحه وبنفس الوقت مو حلو التجسس وبأثناء تفكيري دخل بسام ناظرني لمدة ونزل عيونه ع الآلبوم اللي بيديني ارتبكت سكر الباب وجلس بيده جريدة أشر لي إذا تبين تشوفيه شوفيه نقلت عيوني بينه وبين الآلبوم ....وجلست يآقلـ ب مـْہمآ تنطعن ، خلگِ گِبير .. دنيآ آلوفآ لٱ زـآل فيـْہآ رحآبـْہ بالجلسة الخارجية همس له عبدالله ما قلت لي وش صار معك عبدالله بحسرة وش أقولك يا بندر خالي عاطيها شقة وخدامة مسؤولة عنها وتاركها ت\بر أمورها وفوق هذا انشلت ! ضغط ع زنده لا تشيل هم عبدالله ربك كريم ابتسم بسخرية قد جربت إنك عايش وتحس إنه وراك شي ينتظرك بس مو قادر تشوف له أي حل بندر هذا أمي مهما سوت أخاف ربي يعاقبني فيها تنهد وهو يبتسم له بأخوة دامك رحت لها وطردتك بنفسها وش بتسوي أكثر من كذا بعدين إنت تدري يا عبدالله إنه أمك ما ينخاف عليها زفر بين فترة وفترة برجع أروح لها يمكن يحن قلبها عدل جلسته إن شاء الله إنت لا تشيل هم وتتعب نفسك بشير وهو يسحب كرسي ويجلس بينفونوتي أهلا وسهلا أخبارك يا خال ؟؟ بيني إنت شلونك وناظر عبدالله شلون تاله معك يا عريس "جيد" عبدالله يبتسم بحب دامك خالها أكيد بتكون عال العال بشير بضحكة سبحان الله هالبنت كنت شايل هم شلون بتتزوج إنسان يتفهم شخصيتها بس الظاهر إنكم لايقين لبعض عبدالله الحمدلله بندر بجد تدري عاد دايما لما يكون واحد شخصيته مشتعله ونشيطه وحركيه الأفضل إنه يتزوج إنسانه عكسه والعكس صحيح هذا علميا لازم يكون واحد موجب وواحد سالب يطلع مزيج يا حبيييييبي مثل عبدالله وتاله هههههههههههههههههه عبدالله يتكلم براحة وابتسامة والله بالنسبة للشخصية ما عندي مشكلة بالعكس تاله مكملتني بس اللي تحس فيه شوية صعوبة نفس التفكير يعني أنا رجل شرقي بحت وزوجتي تفكيرها غربي هالشي يخليك تعاني شوي يمكن تحس بالفرق لو تزوجت يا بندر أومأ براسه بشير صحيح كلامك مية بالمية طبعا هذا ما يمنع الحب عبدالله بنظرة أكيد الحب ما يعرف الفرق بهالأشياء . يتبع |
|
|
#125 |
|
|
رد: رواية خنقت الورد يا يمه وبيديني انكسر ذبلان
هل لأصابعك أن تَفركَ الوجع القابع بصدرِي .. لتزيلَ البَردْ
وأحجيّة الماضِي القَديمْ فتحت الآلبوم واجهتني صورة شاب يشبه راكان لدرجة فضيعة دققت في الصورة أكثر ورفعته بسام مين هذا؟؟ وهو يقرا الجريدة رفع عينه لي أنا.....! ما تفاجأت كثير لأنه قريبه الملامح منه تصفحت باقي الآلبوم في صور للبنت الصغيرة اللي بجوال بسام والبقية كلها صور أشخاص قديمه بس صورة لفتتني اثنين ميزتهم على طول بسام وبندر وقدامهم دفتر كبير حاولت أقرا الكلام بس ما كان واضح اللي قدرت ألقطه كلمة محكمة وقضاء وعدل ... زفرت وأنا أسكره وش الشي المهم اللي ما كانت تبيني أشوفه أمك كلها صور عاديه ! شفته مركز بالقراءة وشكله معصب حاولت أقرا وش اللي مندمج فيه بس ما مداني جالس ع الكنبة اللي قدامي وبيننا طاولة اللي ما كانت تعرفه لتين إنه بسام كان يقرا تقرير عن رويد اللي بدأ مشوراه الفني من جديد بمدينة برلين بألمانيا ومصرح بسؤال لأحد الصحفيين اللي سأله عن السبب اللي خلاه يترك إيطاليا بعبارة : " تركت إيطاليه من أجل حبيبتي العربية..! " سكر الجريدة بعصبية وناظرني نعم عبست بوجهه باستغراب وش فيك؟؟ بسام بعصبيه تجاهل سؤالي وش كنتي تقولين؟؟ انتقلت عصبيته لي قلت بنرفزة ليه تخبون عليّ أشياء سخيفة ما لها داعي تتخبى بسام بحده لتين مو وقت المشاكل الحين صرخت بغيض وقت المشاكل الحين.. قول لي وش سالفة هالآلبوم ومين اللي فيه ؟؟ رمى الجريدة ع الأرض وبصوت مرتفع لما تتكلمين معيّ توطين صوتك وبعدين هالآلبوم متعلق بالسالفة القديمة وشاله فتحه وحطه قدامها هذي إنتي !! والصورة اللي بجوالي مركبة لي معك وهالصورة لي أنا وبندر يوم توقيع عقد الزواج ارتحتي الحين!! مسحني بنظرة تفحص وهو يلف عني بهت بصدمة بندر! وعقد زواج!! وقفت قدامه كل الصروح والأوهام اللي كنت بانيتها بالشهور اللي فاتت رميتها بحجارة قلت بأقل طاقة عندي : بسام ريحني قـ... أشر بيده بهدوء خلاص لهنا وكفاية جا الوقت اللي لازم تعرفين فيه كل شي ضميت نفسي أهدأ القشعريرة اللي سرت بجسدي من صوته... ترآآك ملكي// علم هالبشر تستريح..! طلع راكان وبيده دفتر وقلم كان يذاكر :مام بسام ولتين بيتخانقون أول ما قال هالكلمة طلعت لين وجهها مصفر سكتوا كلهم الغرفة كانت قريبة من الجلسة الخارجية وصوت بسام واضح جيهان بتعقيدة اش صار لهم؟؟ عبدالله توتر يكره يشوف بسام ولتين يتخانقون مهما كانت مسويه يظل مع أخته أخته يتيمه وما تحتاج قسوة زيادة كفاية اللي عاشته ضغط ع كفه إللين ابيضت بندر يتنهد هدي أعصابك عبدالله يتخانقون ويرجعون يتصالحون إنت أدرى فيهم نجد وهي راجعة كانت تشوفهم من الشباك جلست بزفرة شكلها لتين عرفت السالفة ! آلبوم الصور معهم بدر يمسح ع شعره هذا اللي كان بيحصل الحين وإلا بعدين أحسن عشان يتحدد مصير علاقتهم رويدا يمكن تنتهي المشاكل إذا عرفت بشير بحده ليه ما شفتي الأخ بإيش مصرح قالك ترك إيطاليا عشان حبيبته الشقية الله يقلعه تاله بنغزة دام رويد رجع بتستمر المشاكل رويدا بصوت واحد : وأنا بينكم ما أبغا طاري رويد ينجاب لا بخير ولا بشر رفعت حاجب اعتراض يلدا وسكتت مرغمه مثل البقية مصيبة لا غديت بين [حلمك والصحو] لا واقعك يحتمل ولا حلمك مكتمل..! لمار يمه الحمام جاهز يللا جيبيه طيب دقايق ماما ناظرت فيصل بابتسامة فيصل تعال شوفه نايم الحين وشلون نروشه ضحك بحب وهو يقرب من سريره نايم براحة شكله المسالم يستخسر الواحد يصحيه شلته لازم يقوم ماما من أول تنتظر ظل نايم انتبهت ع فيصل عقد حواجبه ليه ما تحرك؟؟ ابتسمت طالع عليك يحب النوم ما رد عليّ وأخذه من يدي حركه .....ما تحرك جات ماما لمار ويـنك ما بعد يقوم؟؟؟ وجات حبيب جدته فديته أنا تسمرت بمكاني فيصل يحركه بين يدينه المرتجفة وماما بدت تخاف عليه أخذته وش فيه بسم الله عليه فيصل بخوف ناظرني بحده ليه ما يتحرك ؟؟ ليــــــــــــــــــــــــــــ ــــه؟؟! هزيت راسي برعب من الفكرة ودموعي تهل لااا وليد ماما وليد حبيبي.... ما كان يتحرك عيونه الصغار مغمضه بسلام للأبد...... [ هُــــدُوءْ ] أحتاج إلى الهـدوء جدا ففي داخلي ضجيج مدينة من الحنين وفي قلبي أشلاء حكاية ممزقه وفي عيني ملح بكاء ألف ليله و ليله قبل سنين كنا عايشين بالخبر ولما رجعت خالتي نجد لإيطاليا كنتِ إنتِ عند جدتك لما بدأتي تكبرين سنة ورا سنة كانت دايما توصيني عليك كنت دايما أتقصى تحركاتك من بعيد يوميا اللين ما جا الوقت اللي توفت فيه جدتك وأهلي راحوا إيطاليا وببديهية إنتي بتنتقلين عند عمك وأنا لازم أروح مع أهلي رفضت إني أروح كنت ببدأ دراسة القضاء أو الطيران لكن تركتها ودرست بالبترول عشان أظل بجنبك وحتى أقدر أكون بجنبك على طول لفيت على عمك وعرفت نواياه وأوهمته إني بشتغل معاه ضدك اللي ما كان يعرفه إني كنت متزوجك وبشتغل معاه لصالحك ناظرته باستنكار ركز عيونه عليّ إنتي ما تدرين فلوس عمك كانت كلها وهم كل حلالك محفوظ من يوم ما بدأت أشتغل معه استثمرتها لك في شركات ومصانع الكابر والسامي كشريكة لهم ومد لي كارد لمدير وحده من الفروع مكتوب بأعلاه شركات ومصانع حسام الكابر والسامي والخالد بلعت ريقي بخوف وبصوت طلع دقيق ومبحوح أنا أدري إني زوجتك من زمان لكن شلون تزوجتني وأنا ما أدري ومن متى؟؟ أخذ نفس قبل ست سنوات غير هالسنة اللي جيتي فيها على هنا كنتي تعتبرين جاهل والجاهل هي البنت اللي ما نضجت الجاهل يجوز تزويجها من قبل ولي أمرها بدون شورها وبندر يعتبر ولي أمرك لأنه أخ هو اللي وافق ع الزواج وتم صرخت فيه هذا زواج باطل شلون يزوجني بندر وعمي موجود إنت تعرف إنك سويت مصيبة كل هالسنين أنا مو زوجتك وإنت معتبرني زوجة لك بعدت شعري وأنا واصلة حدي بعصبيه لا تطاق وش نهاية هالسالفة اللي مو راضيه تنتهي بسام بغيض لتين هدي أعصابك عشان تقدرين تركزين خزيته بنرفزة أركز بايش بعد بعد هالقصة جلسني غصب عني افهمي قبل لا تتكلمي بكلام طالع نازل لما توفت جدتك انتقلت الولاية لأمك وبهذا يقدر بندر يزوجك قبل ما ياخذك عمك وبعدين العم إذا كان موجود أو الأب ورفض التزويج يجوز للأخ إنه يزوج وطبعا عمك رافض غمضت عيوني بقوة وأنا أحاول أتماسك ذكريات كثير هاجمتني أفقدتني تركيزي بلعت ريقي أجل وشـ...شلون كان أيام عمي بيزوجني ودخلني ع رجال وإنت موجود!! أومأ براسه وما تزوجتي ! كنت أكيد ما بخلي الزواج يتم بطريقتي لتين إنتي وش محسبه عمك؟؟ عمك أغبى إنسان شفته بحياتي قدامي كان يعطيني الورق كنت أوقع عليه بعكس ما يبي من غير لا يحس بأي شي الفلوس كانت عاميته كان مسلم أمره لي في كل الأمور لما جيتي لإيطاليا وهذي سالفة ثانية جبت الشيخ لمكتبه ووقع بالتنازل عن كل أمواله لك حق السرقة اللي سرقها قبل لا يسلمني أمورك أحمد لو كان يتمنى يقتل شخص كان قتلني وقتها مسحت دمعة طاحت من عيني بألم كمل لما عرفت إنه أخذك للنمسا ما بقى ذرة عقل براسي أنا اللي أرسلت لك اللي ساعدك بالمطار وكنت محدد معه موعد الرحلة واتجاهها بس إنتي بحكمة من ربي إخترتي ايطاليا هالصدفة خلتني أصر على هدفي زيادة ...كان الجزء الأصعب بين كل هالسنين مسك يدي وهمس بألم مرسوم بعيونه هو كيف أخليك تحبين إنسان ما كنتي تكرهين شي بالحياة أكثر منه كيف أخليك تحبيني لتين كل اللي كان بوكيهات الورد.. جريمة القتل وخروجك من السجن .. وأخيرا لما أخذتك لبيت أهلي كلها كانت محاولات حتى تتعلقي بشخص تحتاجيه وإنتي في غربة سحبت يدي وغطيت وجهي وانهرت أبكي صعب..صعب كل اللي صار كل الظلم .. كل الآلام كل المصاعب كل اللي صار في الماضي كل العذاب عشان ايش بالنهاية عشاني أنا... بعد يديني عن وجهي وهو يمسح دموعي بحنان لتين أنا حبيتك بيوم وبظل أحبك لين آخر يوم بعمري الرجل إذا عشق بإخلاص عشق ! تشبثت فيه وأنا ابكي بكيت من قلب رصيت عليه من بين دموعي اتركني ابكي هي ردة الفعل الوحيدة اللي تناسبني حضني بحنان وهو يمسح ع شعري كل اللي تسويه من حقك ..... هيّ كذا الأيّام \ تقتل كثير أحلام .. هيّ كذا الدنيا \ مبنيّة على الأوهام ! سبب الوفاة: نوبة قلبية ..!! نتايج الطفل تقول بإنه مصاب بداء فرط كولسترول الدم العائلي "مرض فرط كولسترول الدم العائلي، من الأمراض الوراثية المنتشرة حيث أن للجسم في الحالة الطبيعية قدرة كافية على إبقاء نسبة مادة الكوليسترول في الدم بشكل طبيعي، ويتم ذلك بواسطة مستقبلات البروتين الشحمي ذي الكثافة المنخفضة التي تحمل الكولسترول وتزيله من الدورة الدموية، وبذلك فإن عدم وجود هذه المستقبلات يعتبر مسؤولاً عن المرض الوراثي المسمى فرط كولسترول الدم. هذا المرض يؤدي إلى ارتفاع مستوى الكولسترول في الدم، ويسبب حدوث نوبات قلبية في سن صغيرة نسبياً. وقد توصل إلى أن هذا المرض ينتقل كصفة سائدة تحددها جينة واحدة. " هذا عمره وانتهى ! سكر الملف البقية بحياتكم هو طلع من هنا انهارت لمار صرخت فيه فيصل أبي ولـــــدي أبييييييه أمها تبكي وفيصل صايبته صدمة ساكت يتلقى صرخات أم طفله بقلب ينزف قلب يدمي دخل طلال وإخوانه متلقين الخبر بفجعة ناظرهم وهو ياخذ نفس فيصل وش صار؟؟ وليد فيه شي بكى لمار وأمها حالة الذهول اللي صايبته لفيصل فهمتهم على طول ناظره بهدوء ولدي مات يا طلال .. عقد حواجبه بصدمة شلون مات ما كان فيه شي...؟؟! بلع ريقه الناشف مع السكر مسح عيونه وبصبر إنا لله وإنا إليه لراجعون ربي أخذ ولدي لكن ترك لي لمار قام لها وحضن كفوفها وهو يربت عليها لا تبكين لمار ربي أخذه لكن تركك لي أنا من غيرك ما أعيش الأطفال بالآخرة نلقاهم إن شاء الله هزت راسها بصدمة ومنظر دموعها يقطع القلب أبيييي ولد يا فيصل أبييييه سحبته من ثوبه كذااابين ما ماااات روح شوفه صامد بجسده قدامها مسح دمعة تمردت من عينه طلال بسرعه وقرب منها وهو يتحمحم قل لن يصيبنا إلا ما كتب الله لنا لمار تعوذي من الشيطان اللي تسوينه حرام إبراهيم ما قدر يستحمل المنظر وطلع يمسح دموعه يوسف بصبر قولوا لا إله إلا الله يا جماعة أم خالد تمسح دموعها بصمت راح الغالي يا يوسف راح اللي الكل تعب عشانه وقف فيصل وطلع من الغرفة أحيانا الحياة تهبنا ضحكات وعشان ترسخها بقلوبنا تهبنا المزيد من الدموع حتى تظل هالضحكات مجرد حدث كان وانتهى ببديل أشد قسوة منه.......... كنتَ عيداً أخضر / زهريّ اللون ينتظرهُ طفلُ قلبِي كَثيراً ولَطالما انتشّى بك طرباً إلى أنَ قتلتهُ : بأعذراِ الإنتظار..! كان جالس وهي متكيه عليه ومسنده راسها ع صدره آثار الدموع واضحه بوجهها وشهقة ما بين ثانيه وثانيه تصدر منها شدها له : كفاية لتين لا تبكين قطعتي قلبي دفنت راسي بصدره بصوت طلع مغناج : إنت الوحيد اللي تخليني أبكي كثير وأضحك كثير وأبتسم كثير ما عندك حل وسط دايما تترك فيني مشاعر منفعلة ابتسم هذا تصريح بالحب غير مباشر ابتسمت ابتسامة باهته وأنا أسرح فيه :أنا مو قادره أصدق إنه بسام اللي بالخبر كان يحبني هزيت راسي بإنكار مستحيل رجعني له وهو يرفع راسه يناظر فوق قبل كذا قلت لك أحيانا الحياة تجبرنا نسوي أشياء ما نكون ودنا فيها دق الباب رفعت راسي عنه بسام وهو يقوم مين ؟؟ فتح الباب عمي بدر بذوق سكوزا الأمور بخير شفناكم هجدتوا مره وحده ابتسم بسام وقمت وقفت جنبه فجأة شفنا البقية طلعوا من ورا الباب بوجيه مستفسره و مترقبة بندر هااا انكشفت الحقائق ابتسمت إنت أول واحد تسكت بندر الكل هههههههههههههههههههههههه ناظرت ماما يعني ماما هي اللي خلت بسام يحبني بسبب إنها كانت توصيه عليّ رحت لها وبست راسها وبحب ضميتها أحبك ماما رفع كفه بسام بتحيه آبشركم معناها الأمور بخير على كذا تفاجأت بجيهان لما قالت الله يسعدكم إن شاء الله تبقوا سيمباتكو على طول "متفاهمين" ابتسمت لها آميين خالتي يلدا بحب لو تعرفي يالتين قدا ايش بسام تعذب وعذبنا معاه عشانك عبدالله وعذبها هي بعد معاه ضحك بسام عبدالله خاطري يوم واحد قبل ما أموت توقف بصفي مره وحده عبدالله بابتسامة أنا مع أختي دايما حضنته بحب يا قلبي يا عبووودي بندر وأنا أخ بعد راكان بنقزة وأنا وفتح يده على وسعها وهو يقرب مني مغمض عيونه فجأة ما ألاقي إلا بسام ساحبني وواقف بوجهه حضن بسام لا بيلـ...... فتح عيونه وهو يتلمس جسمه باستغراب انفجع وهو يرجع على ورى آوببس ديو ميو " يا إلهي " علت ضحكاتهم متفرقة كان موقف لا يحسد عليه : راكان زوجتي لا عاد تقرب منها دخيلك راكان برفعة حاجب سكوزا طلبك صعب : أقولك دخيلك ! أشر بيده من غير نقاش لا لا ما ينفع لا تترجاني ضربه ع راسه تعرف تقلب وجهك ههههههههههههههههههههههه . يتبع |
